នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
ក្រុមហ៊ុន TH Automotive Manufacturing Co., Ltd​ នឹង​សម្ពោធជាផ្លូវការ​ រោងចក្រផ្គុំ និងដំឡើងរថយន្តរបស់ខ្លួន​នៅកម្ពុជា​ ក្នុងឆ្នាំ២០២៦នេះ
ប្រធានគណៈកម្មាធិការគណបក្សខេត្តតាកែវ ណែនាំសមាជិកមូលដ្ឋានឱ្យយកចិត្ត​ទុកដាក់​បម្រើ​ពលរដ្ឋ
សម្ដេចតេជោ ណែនាំឱ្យដាក់បេក្ខភាពស្រ្ដីជាប់ឆ្នោតយ៉ាងតិចមួយឃុំមួយរូប និងមានស្ត្រីធ្វើស្មៀនឃុំ
សម្ដេចតេជោស្នើស្ថាប័នពាក់ព័ន្ធចាត់វិធានការភ្លាមៗចំពោះអ្នកប្រព្រឹត្តទង្វើអសីលធម៌លើបណ្ដាញសង្គម

នយោបាយ​ និង ការអភិវឌ្ឍន៍

ឯកឧត្តម ហ៊ុន ម៉ានី៖ យើងទាំងអស់គ្នាម្នាក់ៗ គឺជាតំណាងជូនគណបក្សប្រជាជនកម្ពុជា

2022/06/03 07:13:30 pm        508
Facebook Telegram Linkin
កំពង់ស្ពឺ៖ ថ្លែងក្នុងពិធីបិទយុទ្ធនាការឃោសនាបោះឆ្នោតជ្រើសរើសក្រុមប្រឹក្សាឃុំសង្កាត់ ឆ្នាំ​២០២២ នៅក្រុងច្បារមក ខេត្តកំពង់ស្ពឺ នាព្រឹកថ្ងៃទី០៣ ខែមិថុនា ឆ្នាំ២០២២ ឯកឧត្តម ហ៊ុន ម៉ានី អនុប្រធានទី១ ក្រុមការងារចុះជួយខេត្តកំពង់ស្ពឺ បានមានប្រសាសន៍ជូនសមាជិក សមាជិកាបក្សថា “វត្តមានយើងទាំងអស់គ្នាម្នាក់ៗនៅទីនេះ គឺជាតំណាង​ជូន​គណបក្ស​ប្រជាជន​កម្ពុជា។” ការថ្លែងបែបនេះ គឺជាបន្ថែមទំនុកចិត្តក្នុងការ​នាំយកជ័យ​ជម្នះជូន​គណបក្ស​ប្រជាជន​កម្ពុជា​កាន់តែខ្ពស់ និងពង្រឹងស្មារតី​នៃក្រុមគ្រួសារ​គណបក្សប្រជាជន​កម្ពុជា​ឲ្យ​កាន់​តែ​ក្លៀវក្លា​បន្ថែម​ទៀត មុនពេលចាប់ផ្តើមក្បួនដង្ហែឃោសនាសម្រាប់ថ្ងៃចុងក្រោយ។ ឯកឧត្តម​តំណាងរាស្ត្រខេត្តកំពង់ស្ពឺរូបនេះ បានបន្ថែមទៀតថា “ថ្នាក់ដឹកនាំទាំង​អស់របស់​គណបក្ស​ប្រជាជនកម្ពុជា គ្រប់ជាន់ថ្នាក់បានជ្រាប និងដឹងច្បាស់ពីការ​ខិតខំ​ប្រឹងប្រែង​យ៉ាង​សស្រាក់​សស្រាំជាមួយការលះបង់ដ៏ធំធេងរបស់សមាជិក សមាជិកាបក្សយើងគ្រប់ៗគ្នា។ ដ្បិតថា ថ្ងៃនេះមិនមានវត្តមានថ្នាក់ដឹកនាំគ្រប់ៗគ្នានៅជាមួយគ្នាកន្លែងតែមួយ តែយើងទាំងអស់គ្នា មានបេះដូងតែមួយដូចគ្នា មានគោលដៅរួមគ្នា ហើយយើងម្នាក់ៗ ដែលមានវត្តមាននៅទីនេះ គឺជាតំណាងជូនគណបក្សប្រជាជនកម្ពុជា ដែលបាននាំមកនូវសុខសន្តិភាព នាំមកនូវការអភិវឌ្ឍ នាំមកនូវឱកាសការងារ នាំមកនូវបរិយាកាសអប់រំ រៀនសូត្រឆ្ពោះទៅរក​ភាព​ជោគ​ជ័យ​រៀង​ៗ​ខ្លួន​។”រយៈពេល១៤ថ្ងៃ នៃយុទ្ធនាការបោះឆ្នោតជ្រើសរើសក្រុមប្រឹក្សាឃុំសង្កាត់ កន្លងមកនេះ ឯកឧត្តម​តំណាង​រាស្ត្របានចុះ ជួបជាមួយក្រុមគ្រួសារគណបក្សប្រជាជនកម្ពុជា នៅទូទាំង៨ ក្រុង ស្រុក នៃ​ខេត្តកំពង់ស្ពឺ ដោយបាននាំយកការសួរសុខទុក្ខរបស់សម្តេចប្រធានបក្ស និងថ្នាក់​ដឹកនាំ​គ្រប់​ជាន់ថ្នាក់​ជូន​ប្រជាពលរដ្ឋ និងសមាជិកបក្ស រួមជាមួយការបង្ហាញ​នូវយន្ត​ការ​នានា​ឆ្ពោះ​ទៅកាន់​ការ​បោះឆ្នោត​នាពេលខាងមុខនេះ។ ការបោះឆ្នោតជ្រើសរើសក្រុមប្រឹក្សាឃុំ សង្កាត់ ឆ្នាំ២០២២ នឹងត្រូវបានប្រព្រឹត្តទៅនៅថ្ងៃទី០៥ ខែមិថុនា ឆ្នាំ២០២២ ចាប់ពីម៉ោង៧ព្រឹក ដល់ម៉ោង ៣រសៀល។ ជាមួយគ្នានេះ គណៈកម្មាធិការ​ជាតិ​រៀបចំការបោះឆ្នោត (គ.ជ.ប) ក៏បានអំពាវនាវ​សូមឲ្យប្រជាពលរដ្ឋ​អញ្ជើញទៅបោះឆ្នោត​ជ្រើសរើស​បេក្ខភាពថ្នាក់ដឹកនាំឃុំ សង្កាត់រៀងៗខ្លួនឲ្យបានគ្រប់ៗគ្នា ដើម្បីបំពេញភារកិច្ច និង​ទំនួល​ខុសត្រូវជាពលរដ្ឋល្អ៕

ខេត្តកោះកុង បិទយុទ្ធនាការឃោសនារកសំឡេងឆ្នោតជ្រើសរើសក្រុមប្រឹក្សាឃុំសង្កាត់ទ្រង់ទ្រាយធំ

2022/06/03 07:11:51 pm        674
Facebook Telegram Linkin
កោះកុង៖ នៅតាមបណ្តាស្រុកនីមួយៗខេត្តកោះកុង ព្រឹកថ្ងៃទី៣ ខែមិថុនា មានប្រមូលផ្តុំគ្នា ដង្ហែរក្បួនបិទបញ្ចប់ការឃោសនារកសំឡេងឆ្នោតជ្រើសរើសក្រុមប្រឹក្សាឃុំសង្កាត់ អាណត្តិ៥ លុះដល់ពេលរសៀល នឹងមានឃោសនាទ្រង់ទ្រាយធំនៅទីរួមខេត្ត។ដោយឡែកនៅមូលដ្ឋានឃុំភ្ញីមាស ស្រុកគិរីសាគរ ឯណោះវិញ ឯកឧត្តម ដុំ យុហៀន អនុប្រធាន ក្រុមការងារគណបក្សថ្នាក់កណ្តាលចុះមូលដ្ឋានខេត្តកោះកុង ​អញ្ជើញ​បិទយុទ្ធនាការ​ឃោសនា​រកសំឡេង ក្នុងឃុំចំនួន៣ គឺឃុំភ្ញីមាស ឃុំកោះស្តេច និងឃុំព្រែកខ្សាច់។ឯកឧត្តម ដុំ យុហៀន បានក្រើនរម្លឹកដល់សមាជិកសមាជិកា​គណបក្សប្រជាជនកម្ពុជា​ស្រុក​គិរីសាគរ ​ចាំបាច់ថែរក្សាសុខភាព​ឱ្យបានល្អ ​ខណៈដំណើរការបោះឆ្នោត នៅថ្ងៃទី៥ ខែមិថុនា ខិតជិត​មក​ដល់ទៅហើយ។ ​សូមពិនិត្យមើលអត្តសញ្ញាណប័ណ្ណ និងឯកសារបញ្ជាក់ផ្សេងៗ បម្រើការ​បោះឆ្នោតឱ្យបានត្រឹមត្រូវ ​ចៀសវាង​ខកខាន​ពុំបាន​ទៅ​បំពេញកាតព្វកិច្ចរបស់ខ្លួន ចំពោះការបោះឆ្នោត។ឯកឧត្តម បានសង្កត់ធ្ងន់ដែរថា ការអភិវឌ្ឍរីកចម្រើនរុងរឿងស្ទើរតែគ្រប់វិស័យដូចពេលបច្ចុប្បន្ន នេះ គឺដោយសារតែប្រទេសជាតិមាន​សុខសន្តិភាពពេញលេញ​ក្រោមការដឹកនាំរបស់សម្តេចតេជោ ហ៊ុន សែន មគ្គុទ្ទេសក៍​ឯក​ដ៏ឆ្នើម។ឯកឧត្តម បាន​អំពាវនាវ​ដល់​សមាជិកសមាជិក ​និងប្រជាពលរដ្ឋ ​មេត្តាបន្តបោះឆ្នោត​ជ្រើសរើស ក្រុម​ប្រឹក្សាឃុំសង្កាត់ អាណត្តិទី៥នេះ ​ដែល​មកពីគណបក្សប្រជាជនកម្ពុជា​ជាប់ឆ្នោត ​ច្បាស់ជាមិនខក បំណង​នោះឡើយ​សម្រាប់អភិវឌ្ឍន៍​មូលដ្ឋានឥតឈប់ឈរ។តំណាងសមាជិកសមាជិកាគាំទ្រស្រឡាញ់គណបក្សប្រជាជនកម្ពុជា ​បានលើកឡើងថា ការដែល​ពួកគេមក​ចូលរួមឃោសនារកសំឡេងឆ្នោត ព្រោះតែក្តីស្រឡាញ់ពេញចិត្តចំពោះការដឹកនាំ​របស់​មេឃុំ ​មកពីគណបក្សប្រជាជនកម្ពុជា ​ដែលធ្វើឱ្យមានមូលដ្ឋានមានផ្លូវបេតុង ​អណ្តូងទឹក សាលារៀន មណ្ឌល សុខភាព ស្ថិរភាពនយោបាយ និងសន្តិសុខ​សណ្តាប់ធ្នាប់ល្អ។នៅថ្ងៃទី៥ ខែមិថុនា នេះ ពួកគេនឹងទៅចូលរួមបោះឆ្នោត​ បន្តគាំទ្រឱ្យបក្សប្រជាជនកម្ពុជា​ដឹកនាំ​អភិវឌ្ឍន៍​ទៅ​មុខថែមទៀត៕ អត្ថបទ៖ ឈឹម មករា

ឯកឧត្តម វេង សាខុន ដឹកនាំសមាជិកជាង ២ពាន់នាក់ ធ្វើយុទ្ធនាការបោះឆ្នោតឃុំសង្កាត់ នៅស្រុកតំបែរ

2022/06/03 06:42:08 pm        657
Facebook Telegram Linkin
ត្បូងឃ្មុំ៖ ឯកឧត្តម វេង សាខុន ប្រធានក្រុមការងារចុះមូលដ្ឋានស្រុកកំពង់សៀម និងស្រុកជើងព្រៃ ខេត្តកំពង់ចាម និងស្រុកតំបែរ ខេត្តត្បូងឃ្មុំ និងលោកជំទាវ ម៉ក់ ស៊ីថា បានដឹកនាំសមាជិកបក្សជាង២ពាន់នាក់ ធ្វើយុទ្ធនាការឃោសនារកសំឡេងឆ្នោត ក្នុងថ្ងៃបិទបញ្ចប់ នៅថ្ងៃទី៣ ខែមិថុនា ឆ្នាំ២០២២ សម្រាប់ការបោះឆ្នោតជ្រើសរើសក្រុមប្រឹក្សាឃុំសង្កាត់ អាណត្តិទី៥ នៅក្នុងស្រុកតំបែរ ។ក្នុងពិធីជួបជុំសមាជិកសមាជិកា ទូទាំងស្រុកតំបែរ ឯកឧត្តមប្រធានក្រុមការងារ មានប្រសាសន៍ថា ប្រជាពលរដ្ឋត្រូវបន្តអនុវត្តឲ្យបាន​ខ្ជាប់ខ្ជួន​ នូវច្បាប់បោះឆ្នោត ព្រមជាមួយ​គោលការណ៍​ណែ​នាំ​នានារបស់គណៈកម្មាធិការជាតិរៀបចំការបោះឆ្នោត (គ.ជ.ប), មិនត្រូវពិសារគ្រឿងស្រវឹងនៅថ្ងៃទី៤ និងទី៥ ខែមិថុនា ជាដាច់ខាត, ត្រូវត្រៀម​ឯកសារទាក់ទងការបោះឆ្នោត​ឲ្យបាន​គ្រប់គ្រាន់​មុនទៅ​បោះឆ្នោត, ត្រូវរក្សា​សណ្តាប់ធ្នាប់​សាធារណៈ ធ្វើចរាចរឲ្យបានល្អ ​រក្សាភាពថ្លៃថ្នូរ ​មានវិន័យ និង​សីលធម៌ ក្នងអំឡុងពេលដង្ហែរក្បួន និង​បោះឆ្នោត និងសូមនាំគ្នាទៅ​បោះឆ្នោត​ជូនគណបក្ស​ប្រជាជន​កម្ពុជា ​ដើម្បីសន្តិភាព និងការអភិវឌ្ឍ ។ឯកឧត្តម បានលើកទឹកចិត្ត ​និងជូនពរឲ្យសមាជិកបក្សគ្រប់ៗរូប ​ទទួលបានសុខសុវត្ថិភាព និង​ដណ្តើម​បានជ័យជំនះមកជូនគណបក្សប្រជាជនកម្ពុជា ​ដែលជាគណបក្សដ៏ធំ ដែលនៅរួមសុខ​រួមទុក្ខជាមួយប្រជាពលរដ្ឋ ​យកប្រជាពលរដ្ឋជាធំ ​បម្រើប្រជាពលរដ្ឋ ។ជាមួយគ្នានេះ ឯកឧត្តម វេង សាខុន បានកោតសរសើរ​ និងវាយតម្លៃខ្ពស់ចំពោះកិច្ចខិតខំប្រឹងប្រែង និង​ការលះបង់គ្រប់បែបយ៉ាងក្រុមការងារ ​សមាជិក ​សមាជិកាគណបក្សទាំងថ្នាក់ជាតិ និងថ្នាក់​មូលដ្ឋាន ក្នុងការចូលរួមយុទ្ធនាការឃោសនារកសំឡេងឆ្នោត ​កន្លងមកទទួលបានជោគជ័យ និង​ថ្លែងអំណរ​គុណជូនដល់អាជ្ញាធរខេត្ត​ ស្រុក ឃុំ ភូមិ​ កងកម្លាំងគ្រប់លំដាប់ថ្នាក់ដែលបានយក​ចិត្តទុក​ដាក់​បង្ក​លក្ខណងាយស្រួលដល់យុទ្ធនាការនេះ ៕

សមាជិកបក្សប្រជាជនកម្ពុជាខេត្តបាត់ដំបង ច្រើនកុះករនាំគ្នាដង្ហែរក្បួនឃោសនាថ្ងៃចុងក្រោយ

2022/06/03 06:30:53 pm        448
Facebook Telegram Linkin
បាត់ដំបង៖ នាថ្ងៃទី៣ ខែមិថុនានេះ ដែលជាថ្ងៃបិទបញ្ចប់យុទ្ធនាការឃោសនាបោះឆ្នោតជ្រើសរើសក្រុមប្រឹក្សា ឃុំ-សង្កាត់ សមាជិកសមាជិកាគណបក្សប្រជាជនកម្ពុជាច្រើនកុះករ បាននាំគ្នាដង្ហែរក្បួនឃោសនារកសំឡេងឆ្នោត។ក្នុងពិធីបិទយុទ្ធនាការឃោសនាបោះឆ្នោតនេះ ក្រោមការដឹកនាំឯកឧត្តម ស សុខា សមាជិក​គណៈកម្មាធិការ​កណ្ដាល​និងជាអនុប្រធានក្រុមការងារគណបក្សប្រជាជនកម្ពុជា​ចុះមូលដ្ឋាន​ខេត្តបាត់ដំបង ​បានលើកឡើងថា យុទ្ធនាការឃោសនាបោះឆ្នោតជ្រើសរើសក្រុមប្រឹក្សាឃុំ-សង្កាត់អាណត្តិទី៥នេះ ប្រព្រឹត្តទៅក្នុងបរិយាកាសប្រទេស មានសុខសន្តិភាព ​ស្ថិរភាពនយោបាយ សន្តិសុខ សណ្ដាប់ធ្នាប់សាធារណៈ ​និងសុវត្ថិភាព​សង្គមយ៉ាងល្អប្រសើរ ​បរិយាកាស​សង្គម​ប្រជាធិបតេយ្យ សេរីពហុបក្សដ៏ជាក់ស្ដែងពិតប្រាកដ ​និងរស់រវើកនៅកម្ពុជា ក្រោមគោល​នយោបាយ ​និងការដឹកនាំរបស់គណបក្សប្រជាជនកម្ពុជា។ស្ថានភាពសង្គមដ៏ពិតប្រាកដនេះ ​កើតមានឡើងអាស្រ័យដោយការខិតខំប្រឹងប្រែង និងការ​ប្ដេជ្ញាចិត្ត​របស់គណបក្សប្រជាជនកម្ពុជា ដែលបាននឹងកំពុងដឹកនាំគ្រប់គ្រងប្រទេសជាតិ។ឯកឧត្តម បានសង្កត់ធ្ងន់ថា​ មានតែគណបក្សប្រជាជនកម្ពុជាតែប៉ុណ្ណោះ ដែលមានលទ្ធភាព សមត្ថភាព ​បទពិសោធន៍ ​និងភាពចាស់ទុំខាងនយោបាយក្នុងការបន្តដឹកនាំអភិវឌ្ឍន៍ឃុំ-សង្កាត់ និងបន្ត ដឹកនាំអភិវឌ្ឍប្រទេសជាតិឱ្យឆ្ពោះទៅកាន់ភាព​សម្បូរសប្បាយ​រុងរឿង​ដ៏ពិតប្រាកដ ស្របតាមបំណង ប្រាថ្នារបស់ប្រជាជនកម្ពុជាគ្រប់រូប។ឯកឧត្តម បានបញ្ជាក់បន្ថែមថា គណបក្សប្រជាជនកម្ពុជា ​ប្ដេជ្ញាបន្តពង្រឹងសន្តិភាព​ ស្ថិរភាពនយោបាយ ការឯកភាពជាតិ និងឯកភាពទឹកដី​ ដែលជា​សមិទ្ធផល​ប្រវត្តិសាស្រ្តជូនជាតិ មាតុភូមិ កើតចេញពី ​ស្នាដៃខិតខំប្រឹងប្រែងរបស់គណបក្សប្រជាជនកម្ពុជា។គណបក្សប្រជាជនកម្ពុជា​ប្រកាន់ខ្ជាប់​ឥតប្រួលប្រែ ​នូវគោលបំណង​ និងឧត្តមគតិរបស់ខ្លួន គឺឈរនៅ​ខាងប្រជាជន​ រួមសុខរួមទុក្ខជាមួយប្រជាជននៅគ្រប់ ​កាលៈទេសៈ ពុះពារជម្នះ​គ្រប់​ឧបសគ្គ ហ៊ានធ្វើពលីកម្មឥតរុញរា ​ដើម្បីប្រទេសកម្ពុជាមួយ​ឯករាជ្យ ​សន្តិភាព​ សេរីភាព ប្រជាធិបតេយ្យ អព្យាក្រឹត្យ​ និង​វឌ្ឍនភាពសង្គម។សម្រាប់ខេត្តបាត់ដំបង មានគណបក្សនយោបាយចំនួន១០ ​បានចុះឈ្មោះប្រកួតប្រជែងក្នុងការ បោះឆ្នោត​ជ្រើសរើសក្រុមប្រឹក្សាឃុំ-សង្កាត់ អាណត្តិទី៥ នេះ។ ​ការិយាល័យបោះឆ្នោត មានចំនួន ១៦៨៥ លើ១០៣ឃុំ-សង្កាត់។ ប្រជាពលរដ្ឋមានអាយុចាប់ពី១៨ឆ្នាំឡើង ​ដែលមានឈ្មោះក្នុង​បញ្ជី​បោះឆ្នោតផ្លូវការ មានចំនួនជាង ៦៣ម៉ឺននាក់៕ អត្ថបទ៖ នឿត សុភក្ត្រ

ឯកឧត្តម ជាម យៀប ប្រកាសបិទយុទ្ធនាការឃោសនាបោះឆ្នោតឃុំ-សង្កាត់ អាណត្តិទី៥ ចំនួន៤ឃុំ នៅស្រុកពាមរក៍

2022/06/03 06:12:22 pm        511
Facebook Telegram Linkin
ព្រៃវែង៖ នៅព្រឹកថ្ងៃទី៣ ខែមិថុនា ឆ្នាំ២០២២ គណបក្សប្រជាជនកម្ពុជាស្រុកពាមរក៍​ខេត្ត​ព្រៃវែង បានប្រកាសបិទយុទ្ធនាការឃោសនាបោះឆ្នោតជ្រើសរើសក្រុមប្រឹក្សាឃុំ-សង្កាត់ អាណត្តិ​ទី៥ ក្រោមអធិបតីភាព ឯកឧត្តម កិត្តិសេដ្ឋាបណ្ឌិត ជាម យៀប អនុប្រធានទី១រដ្ឋសភា និង​ជា​សមាជិក​អចិន្ត្រៃយ៍គណកម្មាធិការកណ្តាល គណបក្សប្រជាជនកម្ពុជា អនុប្រធាន ក្រុមការងារ ចុះមូលដ្ឋានខេត្តព្រៃវែង នៅបរិវេណសួនច្បារអតីតកំពង់ចម្លងអ្នកលឿងត្រើយខាងកើត។ក្នុងពិធីនោះក៏មានការចូលរួមពីឯកឧត្តម លោកជំទាវ លោកឧកញ៉ា អស់លោក លោកស្រី ជាសមាជិក សមាជិកា ក្រុមការងារគណៈកម្មាធិការកណ្តាល សមាជិកគណៈកម្មាធិការ​គណបក្ស​ខេត្ត ក្រុង ស្រុក ចូលរួមយ៉ាងច្រើនកុះករ។ឯកឧត្តមកិត្តិសេដ្ឋាបណ្ឌិត ជាម យៀប បានមានប្រសាសន៍ថា ក្រោមកិច្ចដឹកនាំ​ប្រកប​ដោយ​គតិប​​ណ្ឌិតដ៏ខ្ពង់ខ្ពស់របស់សម្តេចអគ្គមហាសេនាបតីតេជោ ហ៊ុន សែន ប្រធាន​គណបក្ស​ប្រជាជន​កម្ពុជា និងជានាយករដ្ឋមន្រ្តីនៃព្រះរាជាណាចក្រកម្ពុជា បានសម្រេច​ជោគជ័យ​ដ៏​ធំធេង​លើ​គ្រប់​វិស័យនាពេលនេះ គឺដោយសារគណបក្ស ប្រជាជនកម្ពុជា មានគោលដៅ​ចម្បង​ក្នុង​ការ​បន្ត​ពង្រឹងសន្តិភាពស្ថិរភាព សន្តិសុខ និងសណ្តាប់ធ្នាប់សង្គម ឲ្យបានរឹងមាំ និងជំរុញ​ការកសាង អភិវឌ្ឍន៍ប្រទេសលើគ្រប់វិស័យប្រកបដោយនិរន្តរភាព ដើមី្បថែ​រក្សា​ការពារ​រាល់​សមិទ្ធផលនៃសង្គមជាតិឲ្យបានគង់វង្ស។ឯកឧត្តមកិត្តិសេដ្ឋាបណ្ឌិត ជាម យៀប បានអំពាវនាវអោយ សមាជិកសមាជិកា គណបក្ស​ប្រជាជន និងប្រជាពលរដ្ឋខេត្តព្រៃវែង ដែលមានឈ្មោះបោះឆ្នោត សូមអញ្ជើញ​ទៅបោះឆ្នោត​គាំទ្រ​គណបក្ស​ប្រជាជនកម្ពុជា ដែលមានសញ្ញារូបទេវតាបាចផ្កា ទៅតាមលំដាប់​លេខរៀង​នៃ​ឃុំសង្កាត់​របស់ខ្លួន ដើមី្បគាំទ្របេក្ខភាពមេឃុំចៅសង្កាត់ក្នុងកិច្ចអភិវឌ្ឍបន្តបន្ទាប់ទៀត។ឯកឧត្តមកិត្តិសេដ្ឋាបណ្ឌិត ជាម យៀប ក៏បានថ្លែងអំណរគុណផងដែរ ជូនចំពោះ​សម្តេច​ក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ និងជាប្រធាន​ក្រុមការងារ​ចុះ​ជួយ​ខេត្តបាត់ដំបង និងខេត្តព្រៃវែង ដែលតែងតែជួយអភិវឌ្ឍបណ្តាភូមិ ឃុំ ខេត្តទាំងពីរ​មាន​ការ​អភិវឌ្ឍ​រីក​ចម្រើនជារៀងរាល់ថ្ងៃ។សូមបញ្ជាក់ផងដែរថា ក្នុងពិធីបិទយុទ្ធនាការបោះឆ្នោត​ក៏​មានការ​ហែ​ក្បួន​យុទ្ធនាការ​ឃោសនា​បោះឆ្នោត​ជ្រើសរើសក្រុមប្រឹក្សា ឃុំ-សង្កាត់ អាណត្តិទី៥នេះ បានប្រព្រឹត្តទៅនៅតាមដែន​រដ្ឋបាល​ឃុំ សង្កាត់របស់ខ្លួនយ៉ាងអធឹកអធម តាមរថយន្តតូច ធំ ម៉ូតូ និងម៉ូតូរ៉ឺម៉ក់ ជាច្រើនគ្រឿង ដោយមាន​ការ​លាយឡំទៅនឹងសំឡេងឧឃោសនស័ព្ទ និងសម្រែក​ជ័យឃោស​ប្រកប​ទៅ​ដោយ​ខ្លឹមសារ​អត្ថន័យនៃគោលនយោបាយរបស់គណបក្ស៕

ឯកឧត្តម គន់ គីម អំពាវនាវពលរដ្ឋបោះឆ្នោតជូនបក្សប្រជាជនកម្ពុជា ដើម្បីការអភិវឌ្ឍ និងជីវភាពកាន់តែប្រសើរ

2022/06/03 06:08:24 pm        590
Facebook Telegram Linkin
ឧត្តរមានជ័យ៖ ឯកឧត្តម គន់ គីម សមាជិកអចិន្ត្រៃយ៍នៃគណៈកម្មាធិការកណ្តាលគណបក្ស ប្រជាជនកម្ពុជា និងជាប្រធានក្រុមការងារចុះមូលដ្ឋានខេត្តឧត្តរមានជ័យ បានអំពាវនាវទៅប្រជាពលរដ្ឋ ដែលមានឈ្មោះក្នុងបញ្ជីឈ្មោះបោះឆ្នោត បោះឆ្នោតជូនគណបក្សប្រជាជនកម្ពុជា ដើម្បីការអភិវឌ្ឍ និងធ្វើឲ្យជីវភាពកាន់តែល្អប្រសើរ។ក្នុងឱកាសអញ្ជើញបិទយុទ្ធនាការឃោសនារកសំឡេង សម្រាប់ការបោះឆ្នោតជ្រើសរើស​ក្រុម​ប្រឹក្សាឃុំ​សង្កាត់ អាណត្តិទី៥ នៅថ្ងៃទី៣ ខែមិថុនា ឆ្នាំ២០២២ ក្នុងខេត្តឧត្តរមានជ័យ ឯកឧត្តម គន់ គីម បានថ្លែងអំណរគុណដល់សមាជិកសមាជិកា កម្លាំងយុវជន និងសកម្មជនទាំងអស់នៅក្នុង​ខេត្តឧត្តរមានជ័យ ​ដែលបានធ្វើសកម្មភាពឃោសនា និងចុះជួបប្រជាពលរដ្ឋដោយផ្ទាល់នៅ​តាម​ខ្នងផ្ទះ​បង្រៀនពលរដ្ឋពីរបៀបគូសសន្លឹកឆ្នោត ព្រមទាំងបង្ហាញនូវគុណតម្លៃ និង​កិច្ចប្រឹងប្រែង​កសាងអភិវឌ្ឍន៍ជាតិ ​និងលើកកម្ពស់ជីវភាពប្រជាពលរដ្ឋ ​របស់គណបក្សប្រជាជនកម្ពុជា។ឯកឧត្តម បន្តថា បើទោះបីខេត្តឧត្តរមានជ័យ ​ជាទឹកដីទទួលបានសុខសន្តិភាពក្រោយគេ ទឹកដី​ទទួលបានកិច្ចអភិវឌ្ឍន៍ ក្រោយគេយ៉ាងណាក្តី តែក្រោមគោលនយោបាយប្រែក្លាយ​ទឹកដីអតីត​សមរភូមិសង្គ្រាមទៅជាតំបន់អភិវឌ្ឍន៍​ និងតំបន់ពាណិជ្ជកម្ម របស់សម្តេចតេជោ ហ៊ុន សែន ប្រធាន​គណបក្សប្រជាជនកម្ពុជា បានធ្វើឱ្យខេត្តនេះ ​មានការរីកចម្រើនលូតលាស់លើគ្រប់វិស័យ ។ឯកឧត្តម គន់ គីម សង្កត់ធ្ងន់ថា ទឹកដីឧត្តរមានជ័យ មិនខុសពីខេត្តដទៃនៅទូទាំងប្រទេស​កម្ពុជា​នោះឡើយ ទោះបីខេត្តបិទបញ្ចប់ភ្លើងសង្គ្រាមក្រោយគេក្តី ដោយហេដ្ឋារចនាសម្ព័ន្ធ ដូចជា ផ្លូវ ស្ពាន សាលារៀន ការសិក្សាអប់រំ សុខភាពសាធារណៈ ប្រព័ន្ធទឹកស្អាត អគ្គិសនី ​ការធ្វើកសិកម្មជាដើម បាន​រីកចម្រើន និងផុសឡើងជាបន្តបន្ទាប់ ​ដើម្បីបម្រើផលប្រយោជន៍​របស់ប្រជាពលរដ្ឋ ។ជាមួយគ្នានេះ ឯកឧត្តម ប្រធានក្រុមការងារ ​បានអំពាវនាវប្រជាពលរដ្ឋទៅបោះឆ្នោតឱ្យបាន​គ្រប់គ្នា​នៅថ្ងៃអាទិត្យ ទី៥ ខែមិថុនា ឆ្នាំ២០២២ ដោយបោះជូនគណបក្សប្រជាជនកម្ពុជា​មានរូប​សញ្ញា​ទេវតា​បាចផ្កា ​ដើម្បីផ្តល់ឱកាសឱ្យមេឃុំ/ចៅសង្កាត់ ​របស់គណបក្សប្រជាជនកម្ពុជា បាន​បម្រើ​ប្រជាពលរដ្ឋ ​កសាងអភិវឌ្ឍន៍ ឃុំ/សង្កាត់ឱ្យកាន់តែរីកចម្រើន និងធ្វើឱ្យជីវភាព​កាន់​តែ​ល្អប្រសើរ ៕

គណបក្សប្រជាជនខេត្តឧត្ដរមានជ័យ បិទបញ្ចប់យុទ្ធនាការបោះឆ្នោតថ្ងៃចុងក្រោយ

2022/06/03 05:55:34 pm        530
Facebook Telegram Linkin
ឧត្តរមានជ័យ៖ នៅថ្ងៃនេះ គណបក្សប្រជាជនកម្ពុជាខេត្តឧត្តរមានជ័យ បានដឹកនាំសមាជិកសមាជិកាបក្ស ដង្ហែរក្បួនយ៉ាងច្រើនកុះករ នៅថ្ងៃបិទបញ្ចប់យុទ្ធនាការឃោសនាបោះឆ្នោត ជ្រើសរើសក្រុមប្រឹក្សាឃុំ-សង្កាត់ សំរាប់អាណត្តិទី៥ ដែលនឹងប្រព្រឹត្តទៅ នាថ្ងៃទី៥ខែមិថុនា ឆ្នាំ២០២២ខាងមុខនេះ។ក្នុងឱកាសបិទយុទ្ធនាការឃោសនានាពេលនោះដែរ ឯកឧត្តម ប៉ែន កុសល្យ ប្រធានគណបក្ស​ប្រជាជនកម្ពុជា​ខេត្តឧត្តរមានជ័យ បានលើកឡើងថា គណបក្សប្រជាជនកម្ពុជា ដែលមាន​សម្ដេចតេជោ ហ៊ុន សែន ជាប្រធាន​គណបក្សប្រជាជនកម្ពុជា​បានគ្រប់គ្រង​អស់រយៈពេលជាង ៤០ឆ្នាំកន្លងមកនេះ គឺដោយសារតែ​មាន​ការ​ជឿទុកចិត្ត និងការ​គាំទ្រ​ខ្ពស់​ពីសំណាក់​ប្រជាជនកម្ពុជា​ទូទាំង​ប្រទេស បោះឆ្នោតជូនគណបក្សប្រជាជនកម្ពុជា រហូតដល់ពេលបច្ចុប្បន្ននេះ​ ធ្វើឱ្យ​ប្រទេស​ជាតិ​មាន​ការរីកចម្រើនបានយ៉ាងឆាប់រហ័ស ​និង​មាន​ការអភិវឌ្ឃលើគ្រប់វិស័យ។ ក្នុងឱកាសនោះដែរឯកឧត្តម ប្រធានគណបក្សប្រជាជនខេត្ត​ បានធ្វើការអំពាវនាវ​ដល់បងប្អូន​ប្រជាពលរដ្ឋទាំងអស់​ត្រូវមាន​ឆន្ទៈ​ នឹង​មាន​ការជឿជាក់មកលើ ​គណបក្សប្រជាជនកម្ពុជា​ដើម្បី​យើងទាំងអស់គ្នា​បន្តធ្វើការ​អភិវឌ្ឍ​នៅតាមមូលដ្ឋាន​របស់បងប្អូន ​នៅអាណត្តិទី៥ថ្មីនេះ​ឲ្យមានការរីកចំរើនបន្តទៅមុខទៀត៕អត្ថបទ៖ ឃិន សារិទ្ធ

គណបក្សប្រជាជនកម្ពុជាខេត្តកំពង់ធំ ធ្វើការឃោសនាទ្រង់ទ្រាយធំនៅថ្ងៃចុងក្រោយ

2022/06/03 05:35:28 pm        719
Facebook Telegram Linkin
កំពង់ធំ៖ នៅថ្ងៃចុងក្រោយ នៃយុទ្ធនាការឃោសនារកសំឡេងឆ្នោត គណបក្សប្រជាជនកម្ពុជាខេត្តកំពង់ធំ បានធ្វើការដង្ហែរក្បួនឃោសនាទ្រង់ទ្រាយធំ ដែលមានសមាជិកចូលជិត១ម៉ឺននាក់។ឯកឧត្តមបណ្ឌិត ជា ចាន់តូ សមាជិកគណៈអចិន្ត្រៃយ៍គណៈកម្មាធិការកណ្តាលគណបក្សប្រជាជនកម្ពុជា និងជាប្រធានក្រុមការងារគណបក្សចុះមូលដ្ឋានខេត្តកំពង់ធំ បានធ្វើជាអធិបតីដឹកនាំក្បួន ឃោសនារកសំឡេងឆ្នោតនាថ្ងៃចុងក្រោយនេះ។តាមការឱ្យដឹង ក្បួនដង្ហែរឃោសនារបស់បក្សប្រជាជនកម្ពុជា គឺធ្វើឡើងនៅគ្រប់ឃុំ-សង្កាត់ទាំង ៨១ ទូទាំងខេត្ត ដោយចេញដំណើរពីទីរួមខេត្តកំពង់ធំ ឆ្ពោះទៅកាន់ទីតាំងផ្សេងៗ។ឯកឧត្តម ជា ចាន់តូ បានមានប្រសាសន៍ថា គណបក្សប្រជាជនកម្ពុជា ជាគណបក្ស នយោបាយធំ ជាងនៅកម្ពុជា ដែលនៅរួមសុខរួមទុក្ខជាមួយប្រជាពលរដ្ឋគ្រប់ស្រទាប់វណ្ណៈ មិនរើសអើង​ពូជសាសន៍ មិនរើសអើងសិទ្ធិជ្រើសរើសនយោបាយរបស់ប្រជាពលរដ្ឋ។ គណបក្សប្រជាជន ត្រូវបាន​ប្រជាពលរដ្ឋផ្តល់ សេចក្តីជឿទុកចិត្តឲ្យដឹកនាំប្រទេសជាតិ តាមរយៈការបោះឆ្នោត​ដោយ​សេរី អព្យាក្រឹត្យ​ និងយុត្តិធម៌ អស់រយៈពេលជាង៣០ឆ្នាំកន្លងមកហើយ។ដំណើរការដឹកនាំប្រទេសជាតិច្រើនឆ្នាំកន្លងមកនេះ រាជរដ្ឋាភិបាលរបស់គណបក្សប្រជាជនកម្ពុជា បានដាក់ចេញនូវគោលនយោបាយ ​ធ្វើឲ្យប្រទេសជាតិរក្សាបានសុខ សន្តិភាព និងស្ថិរភាព​នយោបាយ​ធ្វើឱ្យមានការអភិវឌ្ឍទាំងផ្នែកហេដ្ឋារចនាសម្ព័ន្ធរូបវន្ត ​និងធនធានមនុស្ស។ឯកឧត្តម បានបញ្ជាក់ថា ប្រជាពលរដ្ឋគ្រប់រូប មានសិទ្ធិជ្រើសរើសគណបក្សនយោបាយដែលខ្លួន ស្រឡាញ់ ប៉ុន្តែអ្វីដែលសំខាន់នោះ គឺការជ្រើសរើសថ្នាក់ដឹកនាំមូលដ្ឋាន ដែលយល់ និងដឹងពីសុខ​ទុក្ខរបស់ខ្លួនបម្រើសេវាសាធារណៈ ទាំងសេវាចាំបាច់ និងសេវាតម្រូវការ បានទាន់ពេលវេលា។ ដូច្នេះនៅថ្ងៃទី៥ ខែមិថុនានេះ គឺជាថ្ងៃដែលប្រជាពលរដ្ឋទាំងអស់ នឹងត្រូវបំពេញកាតព្វកិច្ច​ជា​ពលរដ្ឋល្អ ទៅបោះឆ្នោតឲ្យបានគ្រប់គ្នា និងបានអំពាវនាវឱ្យប្រជាពលរដ្ឋ បោះឆ្នោតជូនគណបក្ស​ជនកម្ពុជា មានរូបសញ្ញាទេវតាបាចផ្កា ដើម្បីប្រជាជន និងការអភិវឌ្ឍជារៀងរហូត។គណៈកម្មការរៀបចំការបោះឆ្នោតខេត្តកំពង់ធំ បានឱ្យដឹងថា សម្រាប់ខេត្តនេះ មានគណបក្ស នយោបាយ​សរុបចំនួន១៣ ​ក្នុងចំណោមគណបក្សនយោបាយចំនួន១៧ បានដាក់បេក្ខជនចូលរួម​ប្រកួតប្រជែងក្នុងការបោះឆ្នោត​ ដែលបេក្ខជនពេញសិទ្ធិ ​មានចំនួនជាសង៦ពាន់នាក់ ស្រីជាង២ពាន់នាក់។ ចំនួនការិយាល័យបោះឆ្នោតអាណត្តិទី៥ ក្នុងខេត្តកំពង់ធំ មានសរុប១,១៤១។ ប្រជាពលរដ្ឋគ្រប់អាយុ១៨ ឆ្នាំឡើង​ មានឈ្មោះក្នុងបញ្ជីឈ្មោះបោះឆ្នោត សរុបចំនួនជាង ៤៨ម៉ឺននាក់៕ អត្ថបទ៖ លី សាងស៊ីន

សមាជិកសមាជិកាគណបក្សប្រជាជនខេត្តកំពង់ឆ្នាំងជាង ៥ម៉ឺននាក់ ចូលរួមដង្ហែក្បួនឃោសនាបោះឆ្នោតនៅថ្ងៃបញ្ចប់

2022/06/03 05:17:55 pm        707
Facebook Telegram Linkin
កំពង់ឆ្នាំង៖ នៅព្រឹកថ្ងៃទី០៣ ខែមិថុនា ឆ្នាំ២០២២ គណបក្សប្រជាជនកម្ពុជាខេត្តកំពង់ឆ្នាំង បានបន្តយុទ្ធនាការឃោសនារកសំឡេងឆ្នោតទ្រង់ទ្រាយធំនៅថ្ងៃបិទបញ្ចប់នេះ សម្រាប់ការបោះឆ្នោតជ្រើសរើសក្រុមប្រឹក្សាឃុំសង្កាត់អាណត្តិទី៥ ដោយមានសមាជិកសមាជិកាចូលរួមដង្ហែក្បួនជាង ៥ម៉ឺននាក់។លោក ស៊ុន សុវណ្ណារិទ្ធិ ប្រធានគណៈកម្មាធិការគណបក្សប្រជាជនកម្ពុជា​ខេត្តកំពង់ឆ្នាំង បានឱ្យដឹងថា គណបក្សប្រជាជនកម្ពុជាខេត្តកំពង់ឆ្នាំង បានរៀបចំពិធីដង្ហែក្បួនបិទយុទ្ធនាការ​ឃោសនា​បោះឆ្នោតសម្រាប់ការបោះឆ្នោតជ្រើសរើសក្រុមប្រឹក្សាឃុំសង្កាត់អាណត្តិទី៥ នៅថ្ងៃទី០៣ ខែមិថុនា ឆ្នាំ២០២២នេះ ក្រោមអធិបតីភាពដ៏ខ្ពង់ខ្ពស់សម្ដេចចៅហ្វាវាំងវរវៀងជ័យអធិបតីស្រឹង្គារ គង់ សំអុល សមាជិកគណៈអចិន្ត្រៃយ៍នៃគណៈកម្មាធិការកណ្តាល និងជាប្រធានក្រុមការងារ​គណបក្ស​ចុះមូលដ្ឋានខេត្ត​ រួមជាមួយក្រុមការងារចុះមូលដ្ឋានខេត្តក្រុងស្រុក ព្រមទាំងមាន​សមាជិក​គណបក្សមកពីតាឃុំសង្កាត់មួយចំនួនទៀតប្រមាណ ៥ម៉ឺននាក់ រថយន្ត៤៤៨គ្រឿង, គោយន្ត៩២គ្រឿង, ម៉ូតូ៩២៤២គ្រឿង, ម៉ូតូកង់បីចំនួន៧០គ្រឿង។សម្តេចចៅហ្វាវាំង គង់ សំអុល មានប្រសាសន៍ថា ក្រោមការដឹកនាំរបស់សម្ដេចតេជោ ហ៊ុន សែន ជាប្រធានគណបក្សប្រជាជនកម្ពុជា បានរំដោះប្រទេសជាតិចេញពីរបបប្រល័យពូជសាសន៍ ប៉ុល ពត និងបាននាំមកនូវសុខសន្តិភាពពេញលេញ ការអភិវឌ្ឍរីកចម្រើនលើគ្រប់វិស័យ។ នៅតាមមូលដ្ឋានឃុំសង្កាត់សុទ្ធតែមានការប្រែមុខមាត់ថ្មីពីមួយឆ្នាំទៅមួយឆ្នាំ ពីមួយ​អាណត្តិ​ទៅ​មួយអាណត្តិ ​ដែលមិនមានគណបក្សណាអាចធ្វើបាននោះឡើយ ក្រៅពីគណបក្ស​ប្រជាជន​ដែលជា​គណបក្សចាស់ទុំ និងមានបទពិសោធន៍ច្បាស់លាស់ក្នុងការដឹកនាំប្រទេស។ ក៏ប៉ុន្តែ បើក្រឡេក​មើល​ទៅអតីតកាលពីជាង៤០ឆ្នាំមុន ​ដែលយើងទាំងអស់គ្នានៅតែចងចាំជានិច្ចនោះ គឺភាពឈឺចាប់​ខ្លោចផ្សាមិនអាចបំភ្លេចបាន​ ដែលសង្គមជាតិទទួលរងវិនាសកម្មដោយសារសង្គ្រាម និងការកាប់​សម្លាប់​ប្រជាជន​ឯងអស់ជាងបីលាននាក់ បំផ្លាញហេដ្ឋារចនាសម្ព័ន្ធ​ខ្ទេចខ្ទី​គ្មានសល់ពីពួកបន​ប្រល័យ​ពូជសាសន៍ ប៉ុល ពត។សម្តេច បានអំពាវនាវដល់សមាជិកសមាជិកាគណបក្សប្រជាជនកម្ពុជា ​សូមកៀរគរបងប្អូនមិត្តភ័ក្រ ឪពុកម្ដាយទៅចូលរួមបោះឆ្នោតនៅថ្ងៃទី០៥​ ខែមិថុនា ឆ្នាំ២០២២ ទាំងអស់គ្នា ដើម្បីគាំទ្របេក្ខជន​ក្រុមប្រឹក្សាឃុំ សង្កាត់កូតាគណបក្សប្រជាជនកម្ពុជាឲ្យបានគ្រប់ៗគ្នា ដើម្បីបន្តការអភិវឌ្ឍមូលដ្ឋាន​ឲ្យកាន់​តែរីកចម្រើនថែមទៀត។ក្នុងយុទ្ធនាការឃោសនារកសំឡេងឆ្នោតជ្រើសរើសក្រុមប្រឹក្សាឃុំសង្កាត់អាណត្តិទី៥ ត្រូវបានចាប់ផ្តើមនៅថ្ងៃសៅរ៍ទី២១ ខែឧសភា រហូតដល់ថ្ងៃទី០៣ ខែមិថុនា ឆ្នាំ២០២២។ ការ​ឃោសនាបោះឆ្នោតក្រុមប្រឹក្សាឃុំ សង្កាត់ មានបំណងឲ្យគណបក្សនយោបាយ​ដែល​បានអនុញ្ញាតឲ្យចុះបញ្ជីបេក្ខជន ​ធ្វើការផ្សព្វផ្សាយអំពីគោលនយោបាយ និងកម្មវិធីនយោបាយ​របស់ខ្លួន ក្នុងការអភិវឌ្ឍឃុំ សង្កាត់ ដល់អ្នកបោះឆ្នោតផងដែរ៕ ហុង វាស្នា

ទិដ្ឋភាពទូទៅថ្ងៃបញ្ចប់យុទ្ធនាការឃោសនាបោះឆ្នោតជ្រើសរើសក្រុមប្រឹក្សាឃុំ-សង្កាត់ របស់គណបក្សប្រជាជនកម្ពុជា

2022/06/03 04:29:58 pm        721
Facebook Telegram Linkin
ភ្នំពេញ៖ ទិដ្ឋភាពទូទៅថ្ងៃបញ្ចប់ ការធ្វើយុទ្ធនាការឃោសនារកសំឡេងឆ្នោត នៃការបោះឆ្នោតជ្រើសរើសក្រុមប្រឹក្សាឃុំ-សង្កាត់ អាណត្តិទី៥ ឆ្នាំ២០២២ ត្រូវនឹងថ្ងៃទី៣ ខែមិថុនា ឆ្នាំ២០២២របស់គណបក្សប្រជាជនកម្ពុជា នៅទូទាំងប្រទេស ។

បណ្ដាញសង្គម

ព័ត៌មានថ្មីៗ

គ្រូបង្វឹកព្រះខ័នរាជ រំពឹងកូនក្រុមរួចរាល់សម្រាប់រដូវកាលថ្មី ដែលចាប់ផ្ដើមពីចុងសប្ដាហ៍នេះ ក្រោយតេស្ដ ៣ប្រកួតក្នុងពាន Pre-Season Cup
08/24/2026 11:08 AM
Facebook Telegram Linkin
វិទ្យាស្ថាន NPIC ពង្រីកជំនាញ IT ទៅ AI និងជំនាញផ្សេងៗទៀត ដើម្បីឆ្លើយតបទីផ្សារ
08/24/2026 11:08 AM
Facebook Telegram Linkin
មេដឹកនាំអ៊ុយក្រែន និយាយថា ការបោះឆ្នោតសម័យសង្គ្រាមនឹងបំផ្លាញប្រទេស
08/24/2026 11:08 AM
Facebook Telegram Linkin
Premier League រដូវកាលថ្មី Arsenal ចាប់ផ្តើមបានល្អ ខណៈ Man United និង Spurs រងបរាជ័យ
08/24/2026 11:08 AM
Facebook Telegram Linkin
អ៊ីរ៉ង់៖ ទណ្ឌកម្មថ្មីដែលត្រូវបានគំរាមកំហែងដោយសហរដ្ឋអាមេរិកដែលអស់សង្ឃឹម នឹងបរាជ័យ
08/24/2026 11:08 AM
Facebook Telegram Linkin
សហព័ន្ធកីឡាបាល់ទាត់កម្ពុជា ប្រកាសលក់សំបុត្រ​សម្រាប់​ការ​ប្រកួត​ជម្រុះ​ពាន​រង្វាន់​បាល់​ទាត់​អាស៊ី​យុវជន​អាយុ​ក្រោម​២០ឆ្នាំ
08/24/2026 10:08 AM
Facebook Telegram Linkin
ម្ចាស់ផ្ទះកម្ពុជា បន្ដគ្រងជើងឯកពានបាល់ទះសម្ដេចធិបតី រដូវកាលទី២ ឆ្នាំ២០២៦
08/24/2026 10:08 AM
Facebook Telegram Linkin
ធនាគារជាតិតម្រូវឱ្យអនុវត្តប្រតិបត្តិការប្រាក់បញ្ញើអន្តរធនាគារតាមថ្នាល NBCP គ្រប់​គ្រឹះស្ថាន​ធនាគារ
08/24/2026 10:08 AM
Facebook Telegram Linkin
សាលាអន្តរជាតិ ចាន់ យុន គ្រោងបញ្ចូលកម្មវីធីប្រឡងគណិតវិទ្យាអន្តរជាតិទៅឆ្នាំសិក្សាថ្មី ដើម្បីពង្រឹងសមត្ថភាពសិស្ស
08/24/2026 10:08 AM
Facebook Telegram Linkin
លោក Trump៖ កាណាដាចង់បានអត្ថប្រយោជន៍ដូចជារដ្ឋមួយ ដែលខ្លួនឯងមិនមែនជារដ្ឋពេញលេញក្រោយការចរចាពាណិជ្ជកម្មដួលរលំ
08/24/2026 10:08 AM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.