នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
ក្រុមហ៊ុន TH Automotive Manufacturing Co., Ltd​ នឹង​សម្ពោធជាផ្លូវការ​ រោងចក្រផ្គុំ និងដំឡើងរថយន្តរបស់ខ្លួន​នៅកម្ពុជា​ ក្នុងឆ្នាំ២០២៦នេះ
ប្រធានគណៈកម្មាធិការគណបក្សខេត្តតាកែវ ណែនាំសមាជិកមូលដ្ឋានឱ្យយកចិត្ត​ទុកដាក់​បម្រើ​ពលរដ្ឋ
សម្ដេចតេជោ ណែនាំឱ្យដាក់បេក្ខភាពស្រ្ដីជាប់ឆ្នោតយ៉ាងតិចមួយឃុំមួយរូប និងមានស្ត្រីធ្វើស្មៀនឃុំ
សម្ដេចតេជោស្នើស្ថាប័នពាក់ព័ន្ធចាត់វិធានការភ្លាមៗចំពោះអ្នកប្រព្រឹត្តទង្វើអសីលធម៌លើបណ្ដាញសង្គម

នយោបាយ​ និង ការអភិវឌ្ឍន៍

គណៈកម្មការបោះឆោ្នតខេត្តកណ្តាល ស្នើពលរដ្ឋរួសរាន់ធ្វើប័ណ្ណឯ.អ ខណៈការធ្វើនឹងបិទបញ្ចប់ល្ងាចសែ្អកនេះ

2022/06/02 10:23:21 pm        865
Facebook Telegram Linkin
កណ្ដាល៖ គណៈកម្មការរៀបចំការបោះឆ្នោតខេត្តកណ្តាល បានអំពាវនាវទៅ​ដល់​បណ្តា​ប្រជាពលរដ្ឋ​បានបាត់ ,គ្មាន ឬមានអត្តសញ្ញាណប័ណ្ណសញ្ជាតិខ្មែរហួសសុពលការប្រើប្រាស់ សូម​អញ្ជើញ​រូតរះទៅទៅធ្វើឯកសារបញ្ជាក់អត្តសញ្ញាណបំរើឲ្យការបោះឆ្នោត នៅ​តាម​គណៈកម្មការ​រៀបចំការបោះឆ្នោតឃុំសង្កាត់ និងតាមសាលាឃុំសង្កាត់ ខណៈការធ្វើ ឯ.អ នេះ នឹងបិទបញ្ចប់​ឈប់​ធ្វើ នៅល្ងាចវេលាម៉ោង៥ ថ្ងៃទី៣ ខែមិថុនាស្អែកនេះ។លោក ផាន់ រិទ្ធិពល ប្រធាន លេខាធិការដ្ឋានគណៈកម្មការរៀបចំការបោះឆ្នោតខេត្តកណ្តាល បាន​ថ្លែង​ប្រាប់BTV នៅថ្ងៃទី២ ខែមិថុនានេះថា ប្រជាពលរដ្ឋគ្រប់រូបមាន​សិទ្ធទៅចូលរួមការ​បោះឆ្នោត​លុះត្រាពលរដ្ឋនៅមានឈ្មោះនៅបញ្ជីឈ្មោះបោះឆ្នោតឆ្នាំ២០២១ ហើយនៅពេលបោះឆ្នោតពលរដ្ឋ ត្រូវយកអត្តសញ្ញាណសញ្ជាតិខ្មែរដែលមិនទាន់សុពលភាពការប្រើប្រាស់ទៅអោយមន្ត្រីការិយាល័យបោះឆ្នោតផ្ទៀងផ្ទាត់ឈ្មោះចូលបោះឆ្នោត ប៉ុន្តែសម្រាប់ពលរដ្ឋដែលបានបាត់​អត្តសញ្ញាណ ឬ​មាន​អត្តសញ្ញាណ​ប័ណ្ណ​ហួសសុពលភាព​ការប្រើប្រាស់​ ត្រូវមាន​ប័ណ្ណ ​ឯកសារបញ្ជាក់​អត្តសញ្ញាណ​បំរើអោយការ​បោះឆ្នោត ​ឬហៅប័ណ្ណ ឯ.អ ទៅ​ឲ្យមន្ត្រីការិយាល័យបោះឆ្នោត​ដើម្បី​ផ្ទៀងផ្ទាត់​ឈ្មោះ​ចូលបោះឆ្នោត។នៅក្នុងដំណើរការបោះឆ្នោតនេះ លោក ផាន់ រិទ្ធិពល​ ក៏បានអំពាវនាវ​អោយពលរដ្ឋដែល​បានបាត់​អត្តសញ្ញាណ ឬមាន​អត្តសញ្ញាប័ណ្ណ​ហួសសុពលភាពការប្រើប្រាស់​ហើយមិនទាន់ទៅធ្វើប័ណ្ណ ឯ.អ នេះសូមរូតរះទៅធ្វើប័ណ្ណ ឯ.អ ខណៈការធ្វើប័ណ្ណ ឯ. អ ដើម្បី​ទទួលបានសិទ្ធបោះឆ្នោតនេះ នឹង​ត្រូវបិទបញ្ចប់ឈប់ធ្វើនៅល្ងាចស្អែកនេះ។លោក ផាន់ រិទ្ធិពល បាន​ប៉ាន់ប្រមាណ​ថា ​នៅទូទាំងខេត្តកណ្តាល​ មានពលរដ្ឋត្រូវធ្វើប័ណ្ណ ឯ.អ ប្រមាណ ២ម៉ឺន៨៤៤៨នាក់ ​ហើយចាប់ពីថ្ងៃទី៥ ​ខែឧសភា រហូតមកដល់ថ្ងៃទី២ ​ខែមិថុនានេះ មានពលរដ្ឋបានទៅធ្វើប័ណ្ណ ឯ.អ មានប្រមាណជាង ១ម៉ឺន៦០០០នាក់ ដែលស្មើ ជាង ៦០%​នៃចំនួនអ្នកធ្វើសរុប ខណៈ នៅទូទាំងខេត្តកណ្តាល​ មានពលរដ្ឋដែលមានឈ្មោះនៅក្នុងបញ្ជីឈ្មោះ​បោះឆ្នោត​ចំនួន​សរុប ៧៧ម៉ឺន៥៨០៤នាក់៕ អត្ថបទ៖ ស៊ុម សុខជា 

ឯកឧត្តម ថោង ខុន៖ បោះឆ្នោតជូនគណបក្សប្រជាជនកម្ពុជា គឺបោះឆ្នោតដើម្បីអភិវឌ្ឍន៍មូលដ្ឋាន

2022/06/02 10:10:25 pm        623
Facebook Telegram Linkin
កំពង់ធំ៖ ថ្លែងទៅកាន់សមាជិកគណបក្ស និងអ្នកគាំទ្រជាង៤០០នាក់ ក្នុងភូមិស្វាយម្សៅ ឃុំទ្រៀល ស្រុកតាំងគោក ខេត្តកំពង់ធំ នៅថ្ងៃទី២ ខែមិថុនានេះ ឯកឧត្តម ថោង ខុន ប្រធានក្រុមការងារចុះមូលដ្ឋានស្រុកបារាយណ៍ និងតាំងគោក ថ្លែងថា ការបោះឆ្នោតជូនគណបក្សប្រជាជនកម្ពុជា គឺជាការបោះឆ្នោតអោយមូលដ្ឋានខ្លួនបន្តការអភិវឌ្ឍ រីកចំរើន ។ឯកឧត្តម ថោង ខុន ថ្លែងថា ជានិច្ចកាលសម្តេចតេជោ ហ៊ុន សែន នាយករដ្ឋមន្ត្រីកម្ពុជា និង​ក្នុងនាម​ជាប្រធានគណបក្សប្រជាជនកម្ពុជា ​ដែលបានជាប់ឆ្នោតពីមួយ​អាណត្តិ​ទៅមួយអាណត្តិ គឺបានគិតគូខ្លាំងការរៀបចំផ្ទេរធនធាន និងថវិកាពីរដ្ឋបាលថ្នាក់ជាតិទៅឲ្យថ្នាក់រដ្ឋបាលឃុំសង្កាត់ ដើម្បីជម្រុញអោយឃុំសង្កាត់ធ្វើការអភិវឌ្ឍ ស្ថាបនាសាងសង់សំណង់ហេដ្ឋារចនាសម្ព័ន្ធ ផ្លូវថ្នល់ សាលារៀន មន្ទីរពេទ្យ និងការផ្តល់សេវាល្អ ជម្រុញជីវភាពពលរដ្ឋមានការរីកចំរើន។ឯកឧត្តម បន្តថា ក្រៅពីការងារជម្រុញឃុំសង្កាត់មានការអភិវឌ្ឍនេះ សម្តេចតេជោក៏បានផ្តោត​យកចិត្ត​ទុកដាក់ខ្លាំងណាស់ចំពោះសុខទុក្ខរបស់ប្រជាពលរដ្ឋក្នុងទូទាំងប្រទេស ក្នុងនោះសម្រាប់​ខេត្តកំពង់ធំ ​ក៏ដូចខេត្តផ្សេងៗ​ទៀតជុំវិញបឹងទន្លេសាប ទទួល​ទទួលការ​គិតគូរ​ជាខ្លាំង ការ​សម្រេច​កាត់​ឆ្វៀល​ដីតំបន់ទន្លេសាប ដើម្បីជូនប្រជាពលរដ្ឋអាស្រ័យផល ទៅតាមតម្រូវការ ​និងសំណូមពរ ចាំបាច់ក្នុងជីវភាពរស់នៅប្រចាំថ្ងៃ ដល់ប្រជាពលរដ្ឋមូលដ្ឋានដាច់ស្រយាល។ឯកឧត្តម បន្តថា ការបោះឆ្នោតគាំទ្រគណបក្សប្រជាជនកម្ពុជាជា​បន្តបន្ទាប់មកនេះគឺជាការបង្ហាញ​នូវ​សិទ្ធិរបស់ប្រជាពលរដ្ឋក្នុង​ប្រទេស​ដែល​មាន​លទ្ធិប្រជាធិបតេយ្យ​ពិតប្រាកដ ហើយគ្មាន​ការ​បង្ខិតបង្ខំ​នោះទ្បើយ​ តែជាឆន្ទៈរបស់ប្រជាពលរដ្ឋពិតៗ ហើយការបោះឆ្នោតជូនគណបក្ស​ប្រជាជន​កម្ពុជា​គឺបោះឆ្នោតឲ្យខ្លួនឯង ​បោះឆ្នោតដើម្បីទទួលបាន​សន្តិភាព និងការអភិវឌ្ឍ៕ អត្ថបទ ស៊ុម សុខជា

ឯកឧត្តមទេសរដ្ឋមន្រ្តី លី ធុជ ទទួលជួបជាមួយប្រធានសភាពាណិជ្ជកម្មអន្តរជាតិនៃកម្ពុជា លើការគាំទ្រវិស័យសកម្មភាពមីននៅកម្ពុជា

2022/06/02 09:40:33 pm        993
Facebook Telegram Linkin
ភ្នំពេញ៖ ឯកឧត្តមទេសរដ្ធមន្ត្រី លី ធុជ អនុប្រធានទី១ អាជ្ញាធរមីន បានទទួលជួបពិភាក្សាការងារជាមួយ លោក Paul Clements ប្រធានសភាពាណិជ្ជកម្មអន្តរជាតិនៃកម្ពុជា ដើម្បីសិក្សាស្វែងយល់អំពីវឌ្ឍនាភាពនៃវិស័យសកម្មភាពមីននៅកម្ពុជា នៅថ្ងៃទី០២ ខែមិថុនា ឆ្នាំ២០២២ នៅទីស្នាក់ការអាជ្ញាធរមីន។ឯកឧត្តម លី ធុជ បានថ្លែងអំណរគុណជូនចំពោះ លោក Paul Clements ដែលបានបង្ហាញពីបំណង និងចំណាប់អារម្មណ៍ក្នុងការស្វែងយល់ និងគាំទ្រដល់កិច្ចខិតខំប្រឹងប្រែងរបស់រាជរដ្ឋាភិបាលកម្ពុជា ក្នុងការងារសកម្មភាពមីនមនុស្សធម៌ ដើម្បីឲ្យកម្ពុជាសម្រេចបាននូវគោលដៅគ្មានមីនឆ្នាំ២០២៥។ ក្នុងឱកាសនោះ ឯកឧត្តមទេសរដ្ឋមន្ត្រី បានលើកឡើងអំពីសមិទ្ធផល និងការសម្រេចបានជាប្រវិត្តសាស្ត្ររយៈពេល៣០ ឆ្នាំ នៃការងារសកម្មភាពមីននៅកម្ពុជា ក្រោមការយកចិត្តទុកដាក់របស់ពីរាជរដ្ឋាភិបាល និងមានការចូលរួមពីប្រទេសជាមិត្ត ដៃគូរអភិវឌ្ឍន៍ ប្រតិបត្តិករជាតិ-អន្តរជាតិ និងគ្រប់ភាគីពាក់ព័ន្ធដទៃទៀត។ ឯកឧត្តមទេសរដ្ឋមន្រ្តី បានបញ្ជាក់បន្ថែមទៀតថា សមិទ្ធផលទាំងនេះសម្រេចបានដោយសារកម្ពុជា មានរចនាសម្ព័ន្ធគ្រប់គ្រងវិស័យសកម្មភាពមីនច្បាស់លាស់ ចាប់ពីថ្នាក់ជាតិរហូតដល់ថ្នាក់ក្រោមជាតិ ក្រោមការដឹកនាំអាជ្ញាធរមីន ដែលជាសេនាធិការឲ្យរាជរដ្ឋាភិបាល និងជាស្ថាប័នសាធារណៈរបស់រដ្ឋ ក្នុងការគ្រប់គ្រង ត្រួតពិនិត្យ ដឹកនាំ និងសម្របសម្រួលវិស័យសកម្មភាពទូទាំងប្រទេស។ឯកឧត្តមបានបន្តទៀតថា បច្ចុប្បន្ននេះ ក្រៅពីការគាំទ្រពីប្រទេសម្ចាស់ជំនួយ និងដៃគូអភិវឌ្ឍន៍ វិស័យសកម្មភាពមីន ចាប់ផ្តើមមានការយកចិត្តទុកដាក់ និងជួយគាំទ្រពីវិស័យឯកជន និងសប្បុរសជននានា ដែលកំពុងរកស៊ីទទួលទាន និងបំពេញការងារនៅក្នុងប្រទេសកម្ពុជា ក្នុងការចូលរួមដល់ការអនុវត្តយន្តការភូមិអស់មីនរបស់អាជ្ញាធរមីនតាមធនធានរបស់ខ្លួន។លោក Paul Clements បានមានប្រសាសន៍ថា លោកបានមករស់នៅប្រទេសកម្ពុជាចាប់តាំងពីឆ្នាំ២០០៨ ហើយរយៈពេល ១៤ឆ្នាំ នេះ លោកមានការពេញចិត្ត និងកោតសរសើរចំពោះការដឹកនាំរបស់រាជរដ្ឋាភិបាលកម្ពុជា ក្នុងការធានាឲ្យបាននូវសុខសន្តិភាព និងស្ថេរភាពនយោបាយ ដោយបានផ្តល់នូវឱកាសនិងអំណោយផលយ៉ាងច្រើនដល់អ្នកវិនិយោគទុន ជាពិសេសការគោរពស្រឡាញ់វប្បធម៌ ប្រពៃណី និងភាពរួសរាយរាក់ទាក់របស់ប្រជាជនកម្ពុជា។ជាមួយគ្នានេះ លោកប្រធានសភាពាណិជ្ជកម្មអន្តរជាតិនៃកម្ពុជា បានកោតសរសើរ និងវាយតម្លៃខ្ពស់ចំពោះសមិទ្ធផលសម្រេចបានយ៉ាងធំធេង ក្នុងការងារបោសសម្អាតមីន/គ្រាប់ ដើម្បីជួយសង្រ្គោះអាយុជីវិត និងលើកកម្ពស់ជីវភាពរស់នៅរបស់ប្រជាពលរដ្ឋនៅទីជនបទ។ក្នុងឱកាសនោះ លោក Paul Clements បានបង្ហាញពីបំណងកៀរគរធនធានពីវិស័យឯកជននានា គាំទ្រដល់ការងារបោសសម្អាតមីន កិច្ចសង្រ្គោះជនពិការ និងការងារយេនឌ័រសកម្មភាពមីននៅកម្ពុជា ជាពិសេសចូលរួមផ្តល់ឱកាសការងារជាអាទិភាព និងលើកកម្ពស់ដល់ជនមានពិការភាព និងក្រុមគ្រួសារ ដែលបានរងគ្រោះដោយសារគ្រាប់មីន និងសំណល់ជាតិផ្ទុះពីសង្រ្គាម។លោកនឹងជម្រុញ និងពិភាក្សាការងារបន្ថែមជាមួយសមាជិកសភាពាណិជ្ជកម្មអន្តរជាតិនៃកម្ពុជា សភាពាណិជ្ជកម្មដទៃទៀត វិស័យឯកជនទាំងក្នុងនិងក្រៅប្រទេស និងមូលនិធិនៅក្រៅប្រទេស ដើម្បីឲ្យចូលរួមជាមួយរាជរដ្ឋាភិបាលកម្ពុជា តាមរយៈអាជ្ញាធរមីន ក្នុងការងារបោសសម្អាតមីន និងសង្រ្គោះជនពិការដោយសារមីននៅកម្ពុជាផងដែរ៕

គ.ជ.ប បើកសវនាការជាសាធារណៈដើម្បីជំនុំជម្រះលើបណ្ដឹង/សំណុំរឿងចំនួនពីរ

2022/06/02 09:34:49 pm        842
Facebook Telegram Linkin
ភ្នំពេញ៖ គណៈកម្មាធិការជាតិរៀបចំការបោះឆ្នោត (គ.ជ.ប) នៅរសៀលថ្ងៃទី២ខែមិថុនា នេះ បានបើកសវនាការជាសាធារណៈ ដើម្បីជំនុំជម្រះលើបណ្ដឹង/សំណុំរឿង ចំនួន២ មានលេខ ១៤៨ និងលេខ ១៤៩ ចុះថ្ងៃទី៣០ ខែឧសភា ឆ្នាំ២០២២។សមាសភាពក្រុមប្រឹក្សាជំនុំជម្រះរួមមាន៖ ឯកឧត្ដម ប្រាជ្ញ ចន្ទ ប្រធាន គ.ជ.ប ជាប្រធាន ,ឯកឧត្ដម នុត សុខុម អនុប្រធាន គ.ជ.ប និងសមាជិក គ.ជ.ប ចំនួន ៧ រូបទៀត ជាសមាជិកក្រុមប្រឹក្សាជំនុំជម្រះ។គ.ជ.ប បានបញ្ជាក់ថា ពាក្យបណ្ដឹងទាំង ២ខាងលើនេះ មានកម្មវត្ថុប្ដឹងតវ៉ា និងប្ដឹងជំទាស់​នឹង​សេចក្ដី​សម្រេចរបស់គណៈកម្មការរៀបចំការ​បោះឆ្នោតខេត្តកំពង់ចាម ពាក់ព័ន្ធនឹងសកម្មភាព​របស់​បេក្ខជន​នៃគណបក្ស ភ្លើងទៀន ក្នុងអំឡុងពេលនៃការឃោសនាបោះឆ្នោតជ្រើសរើសក្រុមប្រឹក្សាឃុំ សង្កាត់ អាណត្តិទី៥ ឆ្នាំ២០២២ នៅស្រុកកងមាស ខេត្តកំពង់ចាម។សំណុំរឿងចំនួន ២ ដែលគ.ជ.ប យកមកជំនុំជម្រះនេះ គឺពាក់ព័ន្ធបណ្តឹងរបស់មេធាវី គា អ៊ាវ តំណាង​ដោយ​អាណត្តិឲ្យឈ្មោះ ជិន ដាវី សកម្មជនគណបក្សប្រជាជនកម្ពុជា ប្តឹងតវ៉ា​នឹង​សេចក្តី​សម្រេចលេខ ០០៦ ចុះថ្ងៃទី២៨ ​ខែឧសភា ឆ្នាំ២០២២​ របស់គណៈកម្មាការរៀបចំការ​បោះឆ្នោត​ខេត្តកំពង់ចាម ដែលមិនបានលុបឈ្មោះបេក្ខជនទាំង ​១៥នាក់​ ចេញពីបញ្ជីបេក្ខជន​គណបក្ស​ភ្លើងទៀន ​និងមិនបានដកសិទ្ធិបោះឆ្នោតចេញពីស្រុកកងមាស ព្រមទាំងមិនបានផាកពិន័យ​លើ​គណបក្សភ្លើងទៀន៕

គ.ជ.ប ណែនាំគណបក្សនយោបាយមិនត្រូវធ្វើសកម្មភាពប្រមូលកម្លាំងពីរាជធានី-ខេត្តណាមួយ ទៅធ្វើសកម្មភាពនៅរាជធានី ឬខេត្តផ្សេង មានចេតនាបង្កចលាចល អសន្តិសុខសង្គមឡើយ

2022/06/02 05:57:24 pm        630
Facebook Telegram Linkin
ភ្នំពេញ៖ គណៈកម្មាធិការជាតិរៀបចំការបោះឆ្នោត (គ.ជ.ប) បានណែនាំគណបក្សនយោបាយ ឬ/និងបេក្ខជន មិនត្រូវធ្វើសកម្មភាព កៀរគរ ប្រមូលកម្លាំងពី រាជធានី-ខេត្តណាមួយ ទៅធ្វើសកម្មភាពនៅរាជធានី ឬខេត្តផ្សេង ក្នុងចេតនាបង្កចលាចល អសន្តិសុខសង្គម ដើម្បីបំផ្លាញយុទ្ធនាការឃោសនាបោះឆ្នោត និងការបោះឆ្នោតនោះឡើយ។ទន្ទឹមនឹងនោះគ.ជ.ប អំពាវនាវឱ្យចូលរួមក្នុងកិច្ចការពារ ថែរក្សា បរិយាកាសសន្តិសុខសម្រាប់យុទ្ធនាការឃោសនាបោះឆ្នោត និងការបោះឆ្នោតឱ្យបានល្អប្រសើរ ដោយមិនត្រូវធ្វើសកម្មភាពណាមួយ ដែលផ្ទុយពីគោលការណ៍នៃច្បាប់បោះឆ្នោត បទបញ្ជ និងនីតិវិធីនៃការបោះឆ្នោត ក្រមសីលធម៌សម្រាប់គណបក្សនយោបាយ និងបេក្ខជនក្នុង ដំណើរការបោះឆ្នោត និងលិខិតបទដ្ឋានគតិយុត្តពាក់ព័ន្ធផ្សេងៗជាធរមាន៕

មន្ត្រីបដិសេធការចោទប្រកាន់ពីបក្សនយោបាយខ្លះថា អាជ្ញាធរដកប័ណ្ណក្រីក្រពីពលរដ្ឋដែលមិនគាំទ្របក្សប្រជាជន

2022/06/02 04:38:13 pm        846
Facebook Telegram Linkin
ភ្នំពេញ៖ មន្រ្តីជាន់ខ្ពស់ក្រសួងសង្គមកិច្ច អតីតយុទ្ធជន និងយុវនីតិសម្បទា បានបដិសេធដាច់អហង្ការចំពោះគណបក្សនយោបាយមួយចំនួនបានចោទប្រកាន់អាជ្ញាធរថា បានដកប័ណ្ណក្រីក្រពីប្រជាពលនៅតាមមូលដ្ឋាន ដែលមិនបានគាំទ្រដល់គណបក្សប្រជាជនកម្ពុជា ខណៈការចោទប្រកាន់នេះគឺជាករណីប្រជាភិថុតដើម្បីកេងចំណេញការឃោសនានយោបាយរបស់ពួកគេតែប៉ុណ្ណោះ។ ប្រតិភូរាជរដ្ឋាភិបាលទទួលបន្ទុកជាអគ្គនាយក នៃមូលនិធិជាតិជំនួយសង្គម នៃក្រសួងសង្គមកិច្ច ឯកឧត្តម ឈួរ សុបញ្ញា បានថ្លែងតាមរយៈតេលេក្រាមនាព្រឹកថ្ងៃទី២ ខែមិថុនា ឆ្នាំ២០២២នេះថា កាលពីប៉ុន្មានថ្ងៃកន្លងទៅថ្មីៗនេះ មានគណបក្សនយោបាយ និងសារព័ត៌មានមួយក្តាប់តូច ដែលមាននិន្នាការប្រឆាំង និងរាជរដ្ឋាភិបាលបានផ្សព្វផ្សាយ និងឃោសនាអកុសលថា អាជ្ញាធរ ឬក៏មន្រ្តីរាជរដ្ឋាភិបាលបានដកប័ណ្ណក្រីក្រ និងស្ត្រីមានផ្ទៃពោះចេញពីពួកគេ ដោយសារតែពួកគាត់មិនបានគាំទ្រដល់គណបក្សប្រជាជនកម្ពុជានោះ។តាមរយៈសារសំឡេងនេះដែរ ឯកឧត្តម ឈួរ សុបញ្ញា ក៏បានអំពាវនាវដល់បងប្អូនប្រជាពលរដ្ឋ ទាំងអស់កុំចាញ់បោកការឃោសនាអកុសលរបស់ក្រុមប្រឆាំង និងប្រព័ន្ធផ្សព្វផ្សាយអគតិទាំងនោះឲ្យសោះ ខណៈមូលនិធិជាតិជំនួយសង្គមសម្រាប់ជូយដល់បងប្អូនក្រីក្រ នៅបន្តដោយគ្មានគិតអំពីសាសនា និន្នាការនយោបាយនោះទេ ហើយការឃោសនារបស់ពួកអគតិទាំងនេះទៀតសោធ ក៏ដើម្បីធ្វើជានយោបាយប្រជាភិថុត ក្នុងគោលបំណងលុបបំបាត់ប្រជាប្រិយភាព និងសមិទ្ធផលរបស់រាជរដ្ឋាភិបាលតែប៉ុណ្ណោះ។ សូមបញ្ជាក់ថា រាជរដ្ឋាភិបាលកម្ពុជាដែលមានក្រសួងសង្គមកិច្ច អតីតយុទ្ធជន និងយុវនីតិសម្បទា ជាសេនាធិការ បានអនុវត្តកម្មវិធីឧបត្ថម្ភសាច់ប្រាក់ ជូនគ្រួសារក្រីក្រ និងងាយរងគ្រោះក្នុងអំឡុងពេលប្រយុទ្ធនឹងកូវីដ-១៩ ចាប់តាំងពីឆ្នាំ២០២០រហូតដល់ខែឧសភា ឆ្នាំ២០២២នេះ គឺបានចំណាយថវិកាជិត៧០០លានដុល្លារអាមេរិក ដោយប្រជាពលរដ្ឋក្រីក្រប្រមាណ៣លាននាក់ទទួលបានអត្ថប្រយោជន៍ ឧបត្ថម្ភសាច់ប្រាក់ប្រចាំខែនេះ៕(អត្ថបទ៖ បាន ចក់)

លោក ហ៊ុន ម៉ាណែត អញ្ជើញសំណេះសំណាលជាមួយក្រុមការងារយុវជនគណបក្សខេត្ត ក្រុង-ស្រុក និងក្រុមសកម្មជនយុវជនគណបក្សឃុំ-សង្កាត់ សាខាមន្ទីរ-អង្គភាព វិទ្យាល័យ អនុវិទ្យាល័យ និងសកម្មជនយុវជនភូមិ នៅទូទាំងខេត្តត្បូងឃ្មុំ

2022/06/01 09:32:21 pm        575
Facebook Telegram Linkin
ត្បូងឃ្មុំ៖ លោក ហ៊ុន ម៉ាណែត សមាជិកគណៈអចិន្រ្តៃយ៍ នៃគណៈកម្មាធិការកណ្តាល គណបក្សប្រជាជនកម្ពុជា និងជាប្រធានយុវជនគណបក្សប្រជាជនកម្ពុជាថ្នាក់កណ្តាល បានអញ្ជើញសំណេះសំណាលជាមួយក្រុមការងារយុវជនគណបក្សខេត្ត ក្រុង-ស្រុក និងក្រុមសកម្មជនយុវជនគណបក្សឃុំ-សង្កាត់ សាខាមន្ទីរ-អង្គភាព វិទ្យាល័យ អនុវិទ្យាល័យ និងសកម្មជនយុវជនភូមិ នៅទូទាំងខេត្តត្បូងឃ្មុំ​ នៅថ្ងៃទី០១ ខែមិថុនា ឆ្នាំ២០២២។លោក ហ៊ុន ម៉ាណែត បានមានប្រសាសន៍ថា ការចូលរួមរបស់ថ្នាក់ដឹកនាំ សមាជិក សមាជិកា នៃក្រុមការងារយុវជន និងសកម្មជនយុវជនយ៉ាងច្រើនកុះករជាង ២,០០០ នាក់ ដែលសុទ្ធសឹងជាក្បាលម៉ាស៊ីននៃយន្តការយុវជនរបស់គណបក្សខេត្ត នាឱកាសនេះ គឺជាការបង្ហាញនូវកិត្យានុភាព ជំនឿជឿជាក់ និងកម្លាំងដ៏ស្វាហាប់របស់មហាគ្រួសារគណបក្សប្រជាជនកម្ពុជានៅក្នុងខេត្តត្បូងឃ្មុំ ស្របពេលដែលថ្ងៃនេះ គឺជាថ្ងៃទី១២ នៃយុទ្ធនាការឃោសនាបោះឆ្នោតជ្រើសរើសក្រុមប្រឹក្សាឃុំ-សង្កាត់ អាណត្តិទី៥ ដែលត្រូវបិទបញ្ចប់នៅថ្ងៃទី៣ ខែមិថុនា ខាងមុខនេះ។លោក ហ៊ុន ម៉ាណែត សូមសម្តែងនូវការកោតសរសើរ និងវាយតម្លៃខ្ពស់ចំពោះកិច្ចខិតខំប្រឹងប្រែងប្រកបឆន្ទៈលះបង់ និងស្មារតីទទួលខុសត្រូវខ្ពស់របស់ក្រុមការងារយុវជន និងសកម្មជនគណបក្សខេត្តត្បូងឃ្មុំ នៅក្នុងការបំពេញតួនាទី និងភារកិច្ច រហូតសម្រេចបាននូវសមិទ្ធផល និងស្នាដៃការងារជាច្រើនគួរទីមោទនៈ ជាអាទិ៍ ការពង្រឹងរចនាសម្ព័ន្ធ-អង្គការចាត់តាំង ស្របទៅនឹងសំណូមពរភារកិច្ចចំពោះមុខរបស់យុវជនគណបក្ស ក្នុងបរិបទបច្ចុប្បន្ននៃវឌ្ឍនភាពទៅមុខរបស់កម្ពុជាទាំងផ្នែកសង្គម និងនយោបាយ, ការងារកសាងកម្លាំងសមាជិកបក្ស ក្នុងនាមជាសេនាធិការឱ្យគណៈកម្មាធិការបក្សខេត្ត និងការចូលរួមបំពេញការងារមនុស្សធម៌ និងការចិញ្ចឹមចលនាសមាជិកនៅមូលដ្ឋាន ជាពិសេសការជំរុញឱ្យសមាជិកបក្ស និងប្រជាពលរដ្ឋ ទៅទទួលការចាក់វ៉ាក់សាំងបង្ការជំងឺកូវីដ-១៩ បានយ៉ាងលើសលប់ រហូតធ្វើឱ្យខេត្តត្បូងឃ្មុំ ក៏ដូចជាប្រទេសកម្ពុជាទាំងមូលសម្រេចបាននូវភាពស៊ាំក្នុងសហគមន៍ ដែលនាំមកដល់ការបើកដំណើរប្រទេសឡើងវិញលើគ្រប់វិស័យ ដូចពេលបច្ចុប្បន្ននេះ។ លោកបញ្ជាក់ថា ជាលទ្ធផលនៃការបោះឆ្នោតនីមួយៗ គឺជាការបញ្ជាក់អំពីឥទ្ធិពលរបស់គណបក្ស និងការគោរពស្រឡាញ់ពិតប្រាកដរបស់ប្រជារាស្ត្រមកលើគណបក្សនយោបាយ ដោយហេតុថា ការបោះឆ្នោតដាច់ខាតត្រូវធ្វើឡើងដោយសម្ងាត់ សេរី ត្រឹមត្រូវ និងយុត្តិធម៌ ដែលពិតជាការឆ្លុះបញ្ចាំងនូវឆន្ទៈពិតប្រាកដរបស់ប្រជាពលរដ្ឋ។ លោកបានបញ្ជាក់បន្ថែមថា សេចក្តីសុខរបស់ប្រជាពលរដ្ឋ គឺជាសេចក្តីសុខរបស់គណបក្សប្រជាជនកម្ពុជា។ ក្នុងន័យនេះ មន្ត្រីបក្ស និងអ្នកគាំទ្រគណបក្សប្រជាជនកម្ពុជា តែងបានខិតខំប្រែងបម្រើប្រជាពលរដ្ឋទូទៅដោយស្មោះត្រង់ និងដោយគ្មានការរើសអើងបែងចែក ព្រមទាំងបានបើកទូលាយឱ្យមានការចូលរួមពីអង្គការ-សមាគមគ្រប់មជ្ឈដ្ឋាន គ្រប់និន្នាការ ក្នុងនាមជាកម្លាំងសរុបរបស់ជាតិ សំដៅធ្វើយ៉ាងឱ្យប្រជាពលរដ្ឋបានរស់នៅដោយសុខសាន្ត និងមានជីវភាពសម្បូរសប្បាយរុងរឿង។ សមាសភាពជាសមាជិកបក្ស ជាអ្នកគាំទ្រ ឬជាប្រជាលពលរដ្ឋទូទៅ មិនមានអ្វីសំខាន់ឡើយ ពីព្រោះអ្វីសំខាន់ គឺការគាំទ្រ និងចូលរួមក្នុងបុព្វហេតុដឹកនាំដ៏ត្រឹមត្រូវ គឺការបម្រើ និងតម្កល់ផលប្រយោជន៍ជាតិ និងប្រជាជនជាធំ ក្រោមធ្លុងមហាសាមគ្គីភាពជាតិ និងដំបូលនៃសុខសន្តិភាព៕

ឯកឧត្តម យឿន យឿត អំពាវនាវដល់បងប្អូនពលរដ្ឋខ្មែរទាំងអស់កុំភ្លេច«ដើមឈើសន្តិភាព»

2022/06/01 08:10:55 pm        46
Facebook Telegram Linkin
កំពង់ស្ពឺ៖ ឯកឧត្តម យឿន យឿត អនុប្រធានក្រុមការងារគណបក្សប្រជាជនកម្ពុជាចុះមូលដ្ឋានស្រុកឱរ៉ាល់ និងជាប្រធានក្រុមការងារចុះជួយឃុំតាសាល ស្រុកឱរ៉ាល់ ខេត្តកំពង់ស្ពឺ បានអំពាវនាវដល់បងប្អូនប្រជាពលរដ្ឋខ្មែរទាំងអស់ជាពិសេសបងប្អូននៅស្រុកឱរ៉ាល់កុំភ្លេច «ដើមឈើសន្តិ ភាព» ហើយត្រូវថែរក្សាដើមឈើនេះឲ្យបានគង់វង្សជាអមតៈ ដើម្បីភាពរីកចម្រើនរបស់ប្រទេសជាតិឲ្យកាន់ តែខ្លាំងក្លាបន្ថែមទៀតនោះ។នៅក្នុងយុទ្ធនាការឃោសនាបោះឆ្នោត នៅឃុំតាសាល ស្រុកឱរ៉ាល់ នៅថ្ងៃទី៣១ ខែឧសភា ឆ្នាំ២០២២ ឯកឧត្តម យឿន យឿត បានលើកឡើងថា គណបក្សប្រជាជនកម្ពុជាប្រៀបបានដូចជាដើមឈើសន្តិភាព ហើយដើម្បីថែរក្សាដើមឈើសន្តិភាពនេះឲ្យបានគង់វង្សជានិរន្ត បងប្អូនទាំងអស់គប្បីទៅបោះឆ្នោតជូនគណបក្សប្រជាជនកម្ពុជាឲ្យបានគ្រប់ៗគ្នា ខណៈការបោះឆ្នោតជ្រើសរើសក្រុមប្រឹក្សាឃុំ-សង្កាត់អាណត្តិទី៥ ឆ្នាំ២០២២នេះកាន់តែខិតជិតមកដល់ហើយនោះ។ឯកឧត្តមបានបន្តថា គណបក្សប្រជាជនកម្ពុជា ត្រូវបានបងប្អូនពលរដ្ឋខ្មែរស្ទើរតែទាំងអស់បានផ្តល់សេចក្តីជឿទុកចិត្ត និងប្រគល់សំឡេងឆ្នោតឲ្យដឹកនាំប្រទេសជាតិជាង៣០ឆ្នាំកន្លងមកហើយ ហើយក្នុងរយៈពេលជិត៤០ឆ្នាំនេះ បានធ្វើឲ្យប្រទេសជាតិមានសុខសន្តិភាព មានការអភិវឌ្ឍស្ទើគ្រប់វិស័យ ហើយជីវភាពរបស់នៅរបស់បងប្អូនប្រជាពលរដ្ឋខ្មែរកាន់តែរីចំរើនពីមួយឆ្នាំទៅមួយឆ្នាំនោះ។ជាមួយគ្នានោះឯកឧត្តមក៏បានក្រើនរំលឹកអំពីគុណបំណាចរបស់សម្តេចតេជោ ហ៊ុន សែន ប្រធាន គណបក្សប្រជាជនកម្ពុជា គឺជាមគ្គុទេសឯកដឹកនាំប្រទេសបានដាំដើមឈើសន្តិភាពនេះ សម្រាប់បងប្អូនជនរួមជាតិទាំងអស់សម្រាប់ជ្រកកោនរហូតដល់សព្វថ្ងៃនេះ។ ដើមឈើសន្តិភាពនេះ និងមិនរំលាយ សាបសូន្យនោះឡើយ ហើយវានឹងធ្វើជាម្លប់សម្រាប់បងប្អូនគ្រប់ៗរូបជារៀងរហូតទៅយូរអង្វែង៕

កិច្ចប្រជុំបូកសរុបលទ្ធិផលការងារឃោសនាបោះឆ្នោះឃុំសង្កាត់​អាណត្តិ​ទី៥ឃុំចំណោមស្រុកមង្គលបូរី

2022/06/01 07:52:13 pm        633
Facebook Telegram Linkin
បន្ទាយមានជ័យ៖ ឯកឧត្តម បោន ប៊ិន អនុប្រធានក្រុមការងារចុះពង្រឹងមូលដា្ឋនស្រុកមង្គលបូរី និងជាប្រធានក្រុមការងារចុះជួយឃុំចំណោម ស្រុកមង្គលបូរី នៅថ្ងៃទី០១ ខែមិថុនានេះ បានបើកកិច្ចប្រជុំបូកសរុបលើការវាយតម្លៃលទ្ធផលការងារក្នុងការចុះយុទ្ធនាការឃោសនាបោះឆ្នោត ឃុំ សង្កាត់ អាណត្តិទី៥ ឆ្នាំ២០២២ ។ក្នុងឱកាសនោះដែរឯកឧត្តម បោន ប៊ិន ក៏បានថ្លែងនូវ​កោតសរសើរ​ខ្ពស់ចំពោះក្រុមការងារ សមាជិក​សមាជិកា ​គណបក្សប្រជាជនកម្ពុជានៅមូលដ្ឋានឃុំចំណោម ទាំងអស់ដែលបាន​ខិតខំ​យ៉ាង​សស្រាក់សស្រាំក្នុងការចុះជាប់ជាប្រចាំជាមួយបងប្អូនប្រជាពលរដ្ឋនៅតាមមូលដ្ឋាន ដោយមិនខ្លាចនឿយហត់។ឯកឧត្តម បានបន្តថា គណបក្សប្រជាជនកម្ពុជា ដែលមានសម្ដេចតេជោ ហ៊ុន សែន ជា​ប្រធាន​គណបក្ស​ប្រជាជនកម្ពុជា​ អស់រយៈពេលជាង៤០ឆ្នាំកន្លងមកនេះ ដោយសារតែមានការជឿទុកចិត្ត និងការគាំទ្រពីប្រជាជនកម្ពុជាទូទាំងប្រទេស ហើយបានបោះឆ្នោតជូនគណបក្សប្រជាជនកម្ពុជា រហូតដល់ពេលបច្ចុប្បន្ននេះ ​ធ្វើឱ្យប្រទេសជាតិមានការរីកចម្រើនបានយ៉ាងលឿនលើគ្រប់វិស័យ ។ ឯកឧត្តម បានបញ្ជាក់ទៀតថា ​គណបក្សប្រជាជនកម្ពុជា​នៅតែបន្តពង្រឹងការប្តេជ្ញា​ចំពោះមុខ​ប្រជាជនថា ​នឹងបន្តអនុវត្តគោលនយោបាយរបស់ខ្លួនឱ្យបានជោគជ័យសំរាប់អាណត្តិទី៥បន្តទៀត ដើម្បីរក្សា សន្តិភាព ស្ថេរភាព សន្តិសុខ សណ្តាប់ធ្នាប់ ​សុវត្ថិភាព​សង្គម ឱ្យបានរឹងមាំ និង​លើកកម្ពស់ការផ្តល់សេវាសាធារណៈ​ បង្កើនកិច្ចគាំពារសង្គមជួយដល់ជនក្រីក្រ ​និងអភិវឌ្ឍន៍​ឃុំ សង្កាត់​លើគ្រប់វិស័យឱ្យកាន់តែមានការរីកចម្រើនបន្ថែមទៀត​ ដែលជាការឆ្លើយតបទៅនឹងបំណង​ប្រាថ្នា និងផលប្រយោជន៍រួមរបស់ប្រជាជនគ្រប់ៗរូប​នៅគ្រប់មូលដ្ឋានសំរាប់ការ​បោះឆ្នោះ​ជ្រើសរើស​ឃុំសង្កាត់អាណត្តិទី៥ថ្មីនេះ៕

អ្នកនាំពាក្យ គ.ជ.ប៖ អ្នកសង្កេតការណ៍ជាតិបោះឆ្នោតមានជិត ៧ម៉ឺននាក់ ខណៈ៥ពាន់នាក់ទៀតបន្តស្នើ

2022/06/01 07:36:20 pm        752
Facebook Telegram Linkin
ភ្នំពេញ៖ ឯកឧត្តម ហង្ស ពុទ្ធា អ្នកនាំពាក្យគណ:កម្មាធិការជាតិរៀបចំការបោះឆ្នោត (គ.ជ.ប )ឲ្យដឹងថា ក្នុងដំណើរការបោះឆ្នោតជ្រើសរើសក្រុមប្រឹក្សាឃុំ-សង្កាត់ ខាងមុខនេះ មានអ្នកសង្កេតការណ៍ជាតិចូលរួមតាមដានការបោះឆ្នោត មានចំនួនជិត ៧ម៉ឺននាក់ ខណៈ ៥ពាន់នាក់ទៀតបន្តស្នើ។ថ្លែងប្រាប់ BTV News ឯកឧត្តម ហង្ស ពុទ្ធា បានឲ្យដឹងនៅថ្ងៃទី១ ខែមិថុនា ឆ្នាំ២០២២ បន្ទាប់​ពីដំណើរការស្នើចុះឈ្មោះអ្នកសង្កេតការណ៍បានបញ្ចប់កាលពីចុងសប្តាហ៍កន្លងទៅ គ.ជ.ប បាន​ទទួល​ការស្នើពីសមាគម​ និងអង្គការ​មិនមែនរដ្ឋាភិបាលចំនួនជិត ៨០ស្ថាប័ន និងមានអ្នក​សង្កេតការណ៍​ចំនួនជាង ៧ម៉ឺននាក់ ស្នើចូលរួមតាមដានការបោះឆ្នោតឃុំ-សង្កាត់ ដែលនឹងប្រព្រឹត្ត​ទៅ​នៅថ្ងៃទី៥ ខែមិថុនាខាងមុខ។ ឯកឧត្តម បន្តថា មកទល់ពេលនេះ គ.ជ.ប អនុញ្ញាតឲ្យសមាគមចំនួនជាង ៤០ស្ថាប័ន ស្នើនឹង​ចំនួន​អ្នកសង្កេតការណ៍ជិត ៧ម៉ឺននាក់បានចូលរួមតាមដានការបោះឆ្នោត ដើម្បី​ជា​កញ្ចក់​ឆ្លុះបញ្ចាំង​ទាំងដំណើរការបោះឆ្នោត ​និងរាប់សន្លឹកឆ្នោត។លោក ជឹម ភ័ក្រ្តា អនុប្រធានសមាគមបញ្ញាវ័ន្ត និងយុវជនស្ម័គ្រចិត្ត ឲ្យដឹងថា សមាគម​របស់​លោកបានដាក់អ្នកសង្កេតការណ៍តាមបណ្តាខេត្តមួយចំនួន ​ខណៈលោកអះអាងថា​ គ.ជ.ប បាន​ផ្តល់កិច្ចសហការបានយ៉ាងល្អទៅលើការបណ្តុះបណ្តាលអ្នកសង្កេតការណ៍របស់ខ្លួន។ចំពោះតួនាទី ​និងកាតព្វកិច្ចរបស់អ្នកសង្កេតការណ៍ ​ឯកឧត្តម ហង្ស ពុទ្ធា ​លើកឡើងថា អ្នក​សង្កេតការណ៍​ត្រូវបានកំណត់ឲ្យមានចំនួនត្រឹម៤នាក់តែប៉ុណ្ណោះ ក្នុងការិយាល័យបោះឆ្នោតនីមួយៗ ​ជាពិសេសប្រកាន់ខ្ជាប់ដោយអនុវត្តត្រឹមត្រូវតាម​នីតិវិធីរបស់ គ.ជ.ប ​និងមិនត្រូវ​ជ្រៀតជ្រែក​កិច្ចការផ្ទៃក្នុងរបស់មន្រ្តីការិយាល័យបោះឆ្នោតឡើយ៕ អត្ថបទ៖ សេក ឧត្តម

បណ្ដាញសង្គម

ព័ត៌មានថ្មីៗ

ប្រេងធ្លាក់ថ្លៃ ខណៈលោក Trump សន្យាធ្វើសង្គ្រាមសេដ្ឋកិច្ចលើអ៊ីរ៉ង់
08/24/2026 12:08 PM
Facebook Telegram Linkin
កងឆ្មាំបដិវត្តន៍អ៊ិស្លាមអ៊ីរ៉ង់ ត្រៀមសេណារីយ៉ូសម្រាប់សកម្មភាពអរិភាពរបស់អាមេរិកប្រឆាំងអ៊ីរ៉ង់
08/24/2026 12:08 PM
Facebook Telegram Linkin
អឺរ៉ុប ជំរុញឱ្យអ៊ីស្រាអែលបញ្ឈប់ផែនការតាំងលំនៅឋាននៅតំបន់ West Bank ដែលនឹងប៉ះពាល់ដល់ដំណោះស្រាយរដ្ឋពីរ
08/24/2026 12:08 PM
Facebook Telegram Linkin
អ៊ីរ៉ាក់ ស្នើសុំការអនុញ្ញាតពីអ៊ីរ៉ង់សម្រាប់នាវាដឹកប្រេងរបស់ខ្លួនឆ្លងកាត់ច្រកសមុទ្រ Hormuz
08/24/2026 12:08 PM
Facebook Telegram Linkin
លោក Zelenskyy និយាយថា អ៊ុយក្រែននឹងមិនស្វែងរកជម្រើសផ្សេងក្រៅពីសមាជិកភាពភាពណាតូទេ
08/24/2026 12:08 PM
Facebook Telegram Linkin
អ្នកនាំពាក្យរាជរដ្ឋាភិបាល៖ ក្រុម AOT បន្តចុះសង្កេតការណ៍អំពីការដាក់ពង្រាយទូកុងតឺន័ររបស់យោធាថៃខុសច្បាប់លើដីកម្ពុជា គូស​បញ្ជាក់ពីភាពចាំបាច់ជាដាច់ខាតក្នុងការចាប់ផ្តើមកិច្ចការវាស់វែងខណ្ឌសីមាព្រំដែនគោកកម្ពុជា-ថៃ ឱ្យបានឆាប់បំផុត
08/24/2026 12:08 PM
Facebook Telegram Linkin
អ្នកនាំពាក្យរាជរដ្ឋាភិបាល៖ គ្រួសារវីរយុទ្ធជនពលី និង​កងកម្លាំង​ជួរ​មុខ​ទទួល​បាន​ការ​យក​ចិត្ត​ទុក​ដាក់​ខ្ពស់​ពី​សំណាក់​ថ្នាក់​ដឹកនាំកម្ពុជា
08/24/2026 12:08 PM
Facebook Telegram Linkin
រដ្ឋមន្ត្រីក្រសួងរតនាគារ៖ អាមេរិកមានបំណងកាត់ផ្តាច់ការសង្គ្រោះសេដ្ឋកិច្ចទាំងអស់ដែលជួយដល់អ៊ីរ៉ង់
08/24/2026 11:08 AM
Facebook Telegram Linkin
មនុស្ស៦នាក់របួស និងជាង៤ម៉ឺននាក់ ជម្លៀសចេញពីផ្ទះសម្បែង ខណៈភ្លើងឆេះព្រៃជិតព្រំដែនរដ្ឋណេវ៉ាដា-រដ្ឋកាលីហ្វ័រនីញ៉ា
08/24/2026 11:08 AM
Facebook Telegram Linkin
សហរដ្ឋអាមេរិក កំពុងពឹងផ្អែកលើសម្ព័ន្ធមិត្តសម្រាប់ភាពជោគជ័យនៃទណ្ឌកម្មថ្មីលើអ៊ីរ៉ង់
08/24/2026 11:08 AM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.