BTV NEWS

ឆមាសទី១ឆ្នាំ២០២៦ កម្ពុជានាំចេញគ្រាប់ស្វាយចន្ទី មានទឹកប្រាក់ជាង ១,១ ពាន់លានដុល្លារអាមេរិក

មូលនិធិអភិវឌ្ឍន៍ EDFមើលឃើញថា ធុរកិច្ចបណ្តុះបណ្ដាលថ្មី និងSME ជាក្បាលម៉ាស៊ីនជំរុញកំណើនសេដ្ឋកិច្ចកម្ពុជា

លំហូរទឹកប្រាក់វិនិយោគចូលកម្ពុជានៅឆមាសទី១ ឆ្នាំ២០២៦ មាន ៤.៣ ប៊ីលានដុល្លារ កើនឡើង ៧ដង

កម្ពុជាមានរោងចក្រ-សហគ្រាសក្នុងវិស័យកម្មន្តសាលកំពុងដំណើរការ បានកើនដល់ ៤៧,៧ ពាន់

សេដ្ឋកិច្ច និង កសិកម្ម

កម្ពុជាជំរុញលើកកម្ពស់ផលិតកម្ម និងសុខភាពសត្វចិញ្ចឹមក្នុងស្រុក

ភ្នំពេញ ៖ ក្រសួងកសិកម្ម រុក្ខាប្រមាញ់ និងនេសាទ គ្រោងនឹងផលិតវ៉ាក់សាំងសម្រាប់សត្វពាហនៈនៅក្នុងប្រទេស នៅក្រោមជំនួញរបស់ប្រទេសចិន។ ការផលិតវ៉ាក់សាំងសម្រាប់សត្វពាហនៈនេះ នឹងឆ្លើយតបទៅនឹងកំណើននៃការចិញ្ចឹមសត្វសម្រាប់សាច់នៅកម្ពុជា។ឯកឧត្តម វេង សាខុន រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ បានលើកឡើងថា ភាគីចិនបានគាំទ្រលើសំណើរបស់កម្ពុជា ដែលមានឆន្ទៈចង់ផលិតវ៉ាក់សាំងដោយខ្លួនឯង ក្រោមជំនួយឧបត្ថម្ភបច្ចេកទេសពីភាគីចិន។ករណីនេះ ភាគីចិននឹងចុះមកសិក្សាផ្ទាល់ក្រោយស្ថានភាពកូវីដ-១៩ បានល្អប្រសើរ ។ឯកឧត្តម វេង សាខន បានបញ្ជាក់ថា ផលិតកម្មចិញ្ចឹមសត្វ បាននិងកំពុងដើរតួនាទីយ៉ាងសំខាន់ក្នុងសេដ្ឋកិច្ចគ្រួសារ និងសេដ្ឋកិច្ចជាតិ តាមរយៈការផ្តល់ចំណូលឲ្យគ្រួសារ (លក់សត្វរស់ លក់ពូជ លក់ស៊ុត និងលាមក) និងបង្កើតការងារនៅក្នុងមូលដ្ឋានផ្ទាល់ ។ មិនតែប៉ុណ្ណោះ វិស័យផលិតកម្មចិញ្ចឹមសត្វបានចូលរួមប្រើប្រាស់ វត្ថុធាតុដើមផលិតក្នុងស្រុកមាន ៖ ស្រូវ ពោត ដំឡូងមី សណ្តែកសៀង កន្ទក់ ចុងអង្ករ ម្សៅត្រី និងកាកស្រាបៀ។ កត្តាទាំងអស់នេះ វាបានបំពេញតួនាទីឲ្យគ្នាទៅវិញទៅមករវាងផលិតកម្មចិញ្ចឹមសត្វ និងផលិតកម្មដំណាំ។ដើម្បីទទួលបានជោគជ័យក្នុងផលិតកម្មចិញ្ចឹមសត្វ មួយក្នុងចំណោមកត្តាសំខាន់ៗដែលអ្នកចិញ្ចឹមតោងគិតគូរពិចារណាគឺ វិធានការការពារជំងឺឆ្លងសត្វ។ ចំពោះផលិតកម្មចិញ្ចឹមគោ-ក្របី តែងជួបប្រទះជំងឺឆ្លងសំខាន់ពីរគឺជំងឺសារទឹក និងជំងឺអុតក្តាម ដែលបានបំផ្លាញទាំងសេដ្ឋកិច្ចគ្រួសារ និងសេដ្ឋកិច្ចជាតិ។ឯកឧត្តម វេង សាខុន បន្តថា យល់ច្បាស់ពីបញ្ហានេះ ក្រសួងកសិកម្ម រុក្ខាប្រមាញ់ និងនេសាទ ដែលមានអគ្គនាយកដ្ឋានសុខភាពសត្វ និងផលិតកម្មសត្វ បានរិះរកគ្រប់មធ្យោបាយ និងដាក់ចេញ វិធានការសំខាន់ៗដើម្បីទប់ស្កាត់ការរាលឆ្លងជំងឺតាមរយៈការចាក់ថ្នាំការពារ ការព្យាបាលសត្វឈឺតាមលទ្ធភាព វិធានការចត្តាឡីស័ក និងវិធានការជីវសុវត្ថិភាព។សម្រាប់ លោក ស្រ៊ុន ពៅ ប្រធានសមាគមអ្នកចិញ្ចឹមសត្វនៅកម្ពុជា សាទរចំពោះគម្រោងរបស់រាជរដ្ឋាភិបាល។ ការផលិតវ៉ាក់សាំងសម្រាប់ប្រើលើសត្វ ពាហនៈ និងសត្វចិញ្ចឹមផ្សេងទៀត នឹងកាត់បន្ថយការនាំចូលពីក្រៅប្រទេស កាត់បន្ថយថ្លៃដើមផលិត។បន្ថែមពីលើនេះ លោក ស្រ៊ុន ពៅ ក៏បានអំពាវនាវឱ្យមានការវិនិយោគបង្កើតរោងចក្រផលិតចំណីសត្វបន្ថែមទៀត ក្នុងប្រទេស ដែលនឹងចូលរួមកាត់បន្ថយថ្លៃដើមផលិតនៃការចិញ្ចឹមសត្វក្នុងស្រុក ជាពិសេសលើកកម្ពស់ការប្រកួតប្រជែងតម្លៃក្នុងទីផ្សារ ជាមួយនឹងសាច់សត្វនាំចូល៕អត្ថបទ ៖ វណ្ណៈ

សេដ្ឋកិច្ចកម្ពុជាឆ្នាំ២០២១ នឹងមានកំណើនវិជ្ជមាន ដោយមានការគាំទ្រនៃវិស័យជាចន្ទល់មួយចំនួន

ភ្នំពេញ ៖ សេដ្ឋកិច្ចកម្ពុជា ក្នុងឆ្នាំ២០២១ នេះ នឹងមានកំណើនវិជ្ជមាន ខណៈការនាំចេញវិស័យកសិកម្ម, អនុវិស័យកាត់ដេរ វិស័យអចលនទ្រព្យ និងអនុវិស័យដឹកជញ្ជូន និងគមនាគមន៍ជាដើម ដែលជាចន្ទល់សេដ្ឋកិច្ច បានកំពុងងើបឡើងវិញជាបណ្តើរៗ ។លោក ច្រឹក សុខនីម ប្រធានសមាគមអ្នកវាយតម្លៃ និងភ្នាក់ងារអចលនវត្ថុកម្ពុជា បានថ្លែងប្រាប់ភ្នាក់ងារអ្នកយកព័ត៌មាន BTV នៅថ្ងៃទី ២៤ ខែ មិថុនា ឆ្នាំ ២០២១ នេះថា បញ្ហាប្រឈមនៅក្នុងវិបត្តិកូវីដ-១៩ គឺបានធ្វើឲ្យប៉ះពាល់ដល់សេដ្ឋកិច្ចជាតិ ក្នុងនោះ ចំពោះវិស័យអចលនទ្រព្យក៏រងប៉ះពាល់ដោយសារវិបត្តិជំងឺនេះផងដែរ ដែលជាការរាំងស្ទះដល់ការអភិវឌ្ឍន៍វិស័យនេះ និងការបាត់បង់អ្នកវិនិយោគទុន ជាពិសេសអ្នកវិនិយោគទុនបរទេស។សម្រាប់ឆ្នាំ២០២១ លោក បន្តថា ការអភិវឌ្ឍន៍វិស័យអចលនទ្រព្យ បានកំពុងដំណើរជាធម្មតា ប៉ុន្តែស្ថិតនៅក្នុងល្បឿនយឺត។ តែទោះបីជាយ៉ាងចំពោះការអភិវឌ្ឍន៍វិស័យសំណង់រួមមាន ៖ គម្រោងសាងសង់លំនៅឋាន កំពុងត្រូវបានលេចធ្លោ រួមជាមួយការអភិវឌ្ឍន៍ទីក្រុងថ្មីៗ និងផ្នែកគម្រោងខុនដូ និងវិស័យដីធ្លី ។សម្រាប់វិស័យឧស្សាហកម្មកាត់ដេរវិញ, លោក កាំង ម៉ូនីការ អគ្គលេខាធិការរង សមាគមរោងចក្រកាត់ដេរនៅកម្ពុជា លើកឡើងថា បន្ទាប់ជួបបញ្ហាខ្លះៗនៅក្នុងការប្រកួតប្រជែង ដោយសារការរីករាលដាលជំងឺកូវីដ-១៩ ជាពិសេសព្រឹត្តិការណ៍ ២០ កុម្ភៈ ធ្វើអោយមានការបិទរោងចក្រ ការនាំចេញផលិតផលធ្វើដំណើរកំពុងមានការកើនឡើង ដោយកម្ពុជាទទួលបានការនាំចេញរួចពន្ធទៅកាន់សហរដ្ឋអាមេរិក ដោយយើងរំពឹងទុកថា នឹងបន្តមានកំណើនក្នុងពេលខាងមុខទៀត ។ជុំវិញការងើបឡើងវិញនៃសេដ្ឋកិច្ច, ឯកឧត្តម មាស សុខសេនសាន្ត អ្នកនាំពាក្យនិងជាអនុរដ្ឋលេខាធិការក្រសួងសេដ្ឋកិច្ច និងហិរញ្ញវត្ថុ ថ្លែងថា តាមការព្យាករណ៍របស់រាជរដ្ឋាភិបាល សេដ្ឋកិច្ចកម្ពុជា ត្រូវបានព្យាករថា នឹងងើបឡើងវិញក្នុងកំណើនរង្វង់ ៣,៥ ភាគរយ ទៅ ៤ ភាគរយ ដោយទ្រទ្រង់វិស័យ និងអនុវិស័យសំខាន់ៗមួយចំនួនដូចជា ៖ វិស័យកសិកម្ម, អនុវិស័យកម្មន្តសាល, អនុវិស័យដឹកជញ្ជូន និងគមនាគមន៍ ដែលបានបង្ហាញនូវក្នុងអត្រាវិជ្ជមាន ។ធនាគារពិភពលោក ព្យាករណ៍ថា សេដ្ឋកិច្ចកម្ពុជា នឹងទទួលបានកំណើនជិត ៤ ភាគរយ ក្នុងឆ្នាំ ២០២១ ដោយសារការរំពឹងទុកនៃការងើបឡើងវិញបន្តិចម្តងៗនៃសេដ្ឋកិច្ច, ខណៈវិស័យមួយចំនួនមានការរីកចម្រើន ផ្នែកដទៃផ្សេងទៀតនៅគាំងទ្រឹង ដោយសារតែការរាតត្បាតនៃជំងឺ ក្នុងនោះវិស័យកសិកម្ម នៅរក្សាភាពធន់ ដោយសារមានតម្រូវការខ្លាំង ជាពិសេសកម្ពុជាបាននាំចេញក្រោមកិច្ចព្រមព្រៀងពាណិជ្ជកម្មសេរីរវាងកម្ពុជា-ចិន ។ ចំណែកផ្នែកឧស្សាហកម្មផលិតវិញ, បានងើបឡើងវិញជាបណ្តើរៗផងដែរ ដោយត្រូវសម្របខ្លួនទៅតាមលក្ខខណ្ឌប្រែប្រួលនៅខាងក្រៅ ។ ចំពោះអាជីវកម្មបោះដុំនិងលក់រាយ បានកំពុងប្រឹងងើបឡើងវិញក្នុងល្បឿនយឺត ខណៈសកម្មភាពសេដ្ឋកិច្ចក្នុងស្រុក ងើបឡើងវិញបន្តិចម្តងៗ ៕អត្ថបទ ៖ សុន រ៉ាឌី

ការនាំចេញទំនិញកម្ពុជាទៅកាន់ទីផ្សារអង់គ្លេស រំពឹងថា មានកំណើនល្អប្រសើរ

ភ្នំពេញ ៖ កម្ពុជារំពឹងថា ការនាំចេញផលិតផលទៅកាន់ទីផ្សារអង់គ្លេស នឹងមានកំណើនល្អប្រសើរ ដោយសារប្រទេសទាំងពីរមានទំនាក់ទំនងល្អ និងទទួលបានការគាំទ្រពីអង់គ្លេស លើការទទួលបានភាពអនុគ្រោះនៃការនាំចេញរបស់ទីផ្សារកម្ពុជា និងបច្ចុប្បន្នប្រទេសទាំងពីរបានខិតកាន់តែជិតគ្នា បន្ទាប់ពីចក្រភពអង់គ្លេសចាកចេញពីសហគមន៍អឺរ៉ុប ។ឯកឧត្តម ប៉ែន សុវិជាតិ អ្នកនាំពាក្យ និងជាអនុរដ្ឋលេខាធិការក្រសួងពាណិជ្ជកម្ម បានថ្លែងប្រាប់ភ្នាក់ងារអ្នកយកព័ត៌មានBTVនៅថ្ងៃទី២៣ ខែមិថុនានេះថា ចំពោះទំនាក់ទំនងនៅក្នុងពាណិជ្ជកម្មកម្ពុជា-អង់គ្លេស មានសភាពល្អប្រសើរនៅគ្រប់ប្រតិបត្តិការ គឺចាប់តាំងតែពីមុនចក្រភពអង់គ្លេសចាកចេញពីសហភាពអឺរ៉ុបមកម្ល៉េះ ក្នុងនោះ បន្ទាប់ការចាកចេញរបស់អង់គ្លេស រដ្ឋាភិបាលតាមរយៈស្ថានទូតអង់គ្លេសប្រចាំកម្ពុជា បានបញ្ជាក់ថា អង់គ្លេសនៅតែបន្តភាពអនុគ្រោះសម្រាប់ការនាំចេញរបស់កម្ពុជាទៅកាន់ទីផ្សាររបស់ខ្លួន ។ឯកឧត្តម បន្តថា ចំពោះការនាំចេញនាំចូលរវាងកម្ពុជា-អង់គ្លេសវិញ គឺប្រព្រឹត្តទៅជាធម្មតា ដូចកាលចក្រប្រភពអង់គ្លេសនៅក្រោមសហគមន៍អឺរ៉ុប ដែលជាចំណុចល្អប្រសើរមួយ ដោយសង្កេតឃើញថា ទំនាក់ទំនងពាណិជ្ជកម្មរវាងប្រទេសទាំងពីរ គឺប្រព្រឹត្តិទៅដោយរលូន និងមានការយោគយល់គ្នា ជាពិសេសប្រទេសអង់គ្លេស និងកម្ពុជា បានកំពុងខិតជិតគ្នា បន្ទាប់ពីចក្រភពអង់គ្លេសចេញពីសហគមន៍អឺរ៉ុប, ជាក់ស្តែងដំណើរទស្សនកិច្ចរបស់ឯកឧត្តម ដូមីនិក រ៉ាអាប់ (Dominic Raab) រដ្ឋមន្ត្រីការបរទេស និងអភិវឌ្ឍន៍នៃចក្រភពអង់គ្លេស គឺសម្តែងនូវការងាកមកខិតជិតផ្ទាល់ ដោយយើងរំពឹងថា ទំនាក់ទំនងជិតស្និតរបៀបនេះ គឺជាការជំរុញបំពេញបំណងរបស់កម្ពុជា ដើម្បីទៅចរាចរចុះកិច្ចព្រមព្រៀងពាណិជកម្មសេរីរវាងប្រទេសទាំងពីរ។ចំពោះការនាំចេញសំលៀកបំពាក់វិញ, លោក កាំង ម៉ូនីការ អគ្គលេខាធិការរង សមាគមរោងចក្រកាត់ដេរនៅកម្ពុជា លើកឡើងថា ពាក់ព័ន្ធការនាំចេញវិស័យកាត់ដេរ និងសំលៀកបំពាក់ នៅក្នុងរយៈពេល៣ខែដើមឆ្នាំ ២០២១ នេះ មានការស្រុតចុះបន្តិចបន្តួច ខណៈនៅក្នុងខែមេសា បានងើបឡើងវិញខ្លះៗ បើធៀបទៅរយៈពេលដូចគ្នាឆ្នាំ២០២០ ។ដោយឡែកចំពោះទីផ្សារនាំចេញទៅប្រទេសអង់គ្លេសវិញ លោកសង្ឃឹមថា ទៅថ្ងៃខាងមុខ ទីផ្សារនេះ នៅតែល្អសម្រាប់កម្ពុជា ដោយសារប្រទេសយើងទទួលបាន GSP បន្តការរួចពន្ធសម្រាប់ការនាំចេញប្រទេសនោះ។ការដោះដូរពាណិជ្ជកម្មទ្វេភាគី កម្ពុជា និងអង់គ្លេស មានតម្លៃសរុបស ២៥៨លានដុល្លារ ក្នុងរយៈពេល៥ខែ ឆ្នាំ២០២១ ថយចុះ ១៧,៧ ភាគរយ ធៀបនឹងរយៈពេលដូចគ្នាឆ្នាំ២០២០។ ក្នុងនោះ កម្ពុជានាំចេញទំនិញមានទឹកប្រាក់សរុប ២៣៩ លានដុល្លារ ទៅកាន់ទីផ្សារអង់គ្លេស ថយចុះ ១៧ ភាគរយ ខណៈនាំចូលទំនិញពីអង់គ្លេស មានតម្លៃ១៨លានដុល្លារ ថយចុះ ១៧ភាគរយ។យោងតាមក្រសួងពាណិជ្ជកម្ម ភាគច្រើនទំនិញរបស់កម្ពុជានាំចេញទៅប្រទេសអង់គ្លេស មានដូចជា សំលៀកបំពាក់ ស្បែកជើង កង់ អង្ករ និងផលិតកសិកម្មដទៃទៀត ខណៈនាំចូលពីអង់គ្លេស មានដូចជា រថយន្ត គ្រឿងចក្រ ភេសជ្ជៈ ឧបករណ៍ទូរគមនាគមន៍ និងថ្នាំពេទ្យ។ កាលពីឆ្នាំ២០២០ ទំហំពាណិជ្ជកម្មរវាងប្រទេសទាំងពីរ សម្រេចបាន ៨៧៨ លានដុល្លារ ថយចុះ២៧ភាគរយធៀបនឹងឆ្នាំ២០១៩៕អត្ថបទ៖ សុន រ៉ាឌី

ពាណិជ្ជកម្មទ្វេភាគីកម្ពុជា-កូរ៉េខាងត្បូង មានទំហំទឹកប្រាក់ជាង៣៧៧លានដុល្លារ ក្នុងរយៈពេលប្រាំខែ

ភ្នំពេញ ៖ ការដោះដូរពាណិជ្ជកម្មទ្វេភាគីរវាងប្រទេសកម្ពុជា និងកូរ៉េខាងត្បូងមានទំហំទឹកប្រាក់សរុប ៣៧៧ លានដុល្លារ ក្នុងរយៈពេលប្រាំខែឆ្នាំ២០២០ កើនឡើង៦,១ភាគរយធៀបនឹងរយៈពេលដូចគ្នាកាលពីឆ្នាំ២០២០។យោងតាមរបាយការណ៍ពីសហគមន៍ពាណិជ្ជកម្មអន្តរជាតិកូរ៉េ ចាប់ពីខែមករា ដល់ខែឧសភា ការនាំចេញទំនិញរបស់ប្រទេសកម្ពុជាទៅទីផ្សារកូរ៉េខាងត្បូង មានទំហំទឹកប្រាក់ ប្រមាណ ១៣៩ លានដុល្លារ ថយចុះ ០,៤ភាគរយ ធៀបនឹងរយៈពេលប្រាំខែឆ្នាំមុន។ ដោយឡែក កម្ពុជានាំចូលទំនិញពីកូរ៉េខាងត្បូង មានទំហំទឹកប្រាក់សរុប ២៣៧ លានដុល្លារ កើនឡើង ១០,២ ភាគរយ។យោងតាមរបាយការណ៍ពីក្រសួងពាណិជ្ជកម្មទំនិញដែលកម្ពុជា នាំចេញទៅទីផ្សារកូរ៉េខាងត្បូង មានដូចជា សំលៀកបំពាក់ ផលិតផលស្បែកជើង ផលិតធ្វើដំណើរ គ្រឿងបង្គំអគ្គិសនី និងផលិតផលកសិកម្ម។ ចំណែកផលិតផលដែលកូរ៉េខាងត្បូងនាំចូលមកកម្ពុជាវិញ មានដូចជា រថយន្ត ឧបករណ៍អេឡិចត្រូនិក ភេសជ្ជៈ ថ្នាំពេទ្យ និងផលិតផលបា្លស្ទិក។គួរបញ្ជាក់ថា ប្រទេសកម្ពុជា និងកូរ៉េខាងត្បូង រំពឹងថានឹងកើនឡើងបន្ថែមទៀត បន្ទាប់ពីកិច្ចព្រមព្រៀងពាណិជ្ជកម្មសេរីទ្វេភាគី រវាងប្រទេសទាំងពីរ ចូលជាធរមាន។ កិច្ចព្រមព្រៀងពាណិជ្ជកម្មទ្វេភាគីនេះ គ្រោងនឹងប្រកាសដាក់ឱ្យអនុវត្តនៅក្នុងឆ្នាំ២០២១នេះ។ក្នុងឆ្នាំ២០២០កន្លងទៅ ទំហំពាណិជ្ជកម្មទ្វេភាគីរវាងប្រទេសទាំងពីរ កម្ពុជា កូរ៉េខាងត្បូង ធ្លាក់ចុះ ១៤ភាគរយ មកត្រឹម ៨៨៤លានដុល្លារ ដោយសារការរីករាលដាលជំងឺកូវីដ-១៩។ ក្នុងនោះ កម្ពុជា នាំចេញទៅកូរ៉េខាងត្បូង មានទឹកប្រាក់សរុប ៣១៧ លានដុល្លារ ធ្លាក់ចុះ១៨ភាគរយ៕ អត្ថបទ៖ វណ្ណៈ

ក្រសួងកសិកម្ម ជំរុញលើកកម្ពស់ផលិតភាព គុណភាព និងទីផ្សារ សម្រាប់ផលិតផលកសិកម្ម

ភ្នំពេញ ៖ ក្រសួងកសិកម្ម រុក្ខាប្រមាញ់ និងនេសាទ ជំរុញលើកកម្ពស់ផលិតភាព គុណភាព និងទីផ្សារ សម្រាប់ផលិតផលកសិកម្ម តាមរយៈការផ្តល់ជំនួញបច្ចេកទេស និងគ្រឿងបរិក្ខារ ដើម្បីចូលរួមចំណែកលើកកម្ពស់ខ្សែច្រវ៉ាក់ផលិតកម្ម។មានប្រសាសន៍ក្នុងពិធីប្រគល់ និងទទួល កាលពីថ្ងៃទី២១ មិថុនា ឆ្នាំ២០២១ របស់អង្គការហេហ្វឺអន្តរជាតិកម្ពុជា ឯកឧត្តម វេង សាខុន រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ បានសម្តែងការអរគុណ និងវាយតម្លៃខ្ពស់ចំពោះអង្គការ ដែលបានចូលរួមលើកកម្ពស់ខ្សែ ច្រវាក់ផលិតកម្មបន្លែ និងមាន់ស្រែខ្មែរ របស់សហគមន៍កសិកម្មធានាបានផលិតភាព គុណភាព សុវត្ថិភាព និងទីផ្សារ បង្កើតឱកាសការងារ និងប្រាក់ ចំណូលក្នុងបរិបទនៃការរីករាលដាលជំងឺឆ្លងកូវីដ-១៩។ឯកឧត្តមសង្ឃឹម និងជឿជាក់ថា អង្គការនឹងបន្តពិនិត្យលទ្ធភាពជួយឧបត្ថម្ភ ដល់សហគមន៍កសិកម្មឲ្យបានកាន់តែច្រើនថែមទៀត ឆ្លើយតបតាមតម្រូវការជាក់ស្តែងនៃការប្រើប្រាស់មធ្យោបាយដឹកជញ្ជូនបន្លែ ផ្លែឈើ ត្រី សាច់មកកាន់ទីផ្សារ ដើម្បីរក្សាបាននូវគុណភាពស្រស់ ចំណេញពេលកាត់បន្ថយការបាត់បង់ចំនួន ឬ បរិមាណផលិតផល ដែលបណ្តាលមកពីមធ្យោបាយដឹកជញ្ជូន និងទូត្រជាក់សម្រាប់រក្សាទុកដាក់ផលិតផល។ល។ឆ្លៀតក្នុងឱកាសនោះ ឯកឧត្តមរដ្ឋមន្ត្រី បានស្នើសុំឲ្យអង្គការបន្តជួយគាំទ្រដល់សហគមន៍ កសិកម្មផ្សេងៗទៀត ដើម្បីចូលរួមចំណែកក្នុងការដោះស្រាយបញ្ហាប្រឈមលើផលិតភាព គុណភាព សុវត្ថិភាព និងបញ្ហាទីផ្សាររ។ គួរជួយពង្រឹងសមត្ថភាពលើការដឹកនាំ គ្រប់គ្រង បច្ចេកទេសកែច្នៃកសិផល និងការងារទីផ្សារដើម្បីប្រែក្លាយទៅជាសហគមន៍កសិកម្មគំរូ និងសហគ្រិនខ្នាតតូច-មធ្យមនៅជនបទ។គម្រោងរបស់អង្គការហេហ្វឺអន្តរជាតិ គឺស្តីពី “ការលើកកម្ពស់ផលិតផល មាន់ស្រែខ្មែរសម្រាប់មោទនភាពជាតិខ្មែរ” គឺជាគម្រោងមួយសមស្រប និងមាន លក្ខណៈជោគជ័យខ្ពស់ ដោយសារផលិតផលមាន់ស្រែមានតម្រូវការខ្ពស់ នៅលើទីផ្សារ និងកសិករចិញ្ចឹមមាន់មានជំនាញ បច្ចេកទេសខ្លះរួចមកហើយ និងផ្តល់ទុនវិនិយោគដោយបានការបណ្តុះបណ្តាលពីមន្ត្រីកសិកម្ម និងមន្ត្រីរបស់ អង្គការមិនមែនរដ្ឋាភិបាលនាពេលកន្លងមក៕អត្ថបទ ៖ ឈិត បូរ៉ាវី

រោងចក្រចម្រាញ់រ៉ែមាសលក្ខណៈឧស្សាហកម្មលើកដំបូងនៅកម្ពុជា បើកដំណើរការនៅនេះ

មណ្ឌលគិរី ៖ ឯកឧត្តម ស៊ុយ សែម រដ្ឋមន្ត្រីក្រសួងរ៉ែ និងថាមពល តំណាងដ៏ខ្ពង់ខ្ពស់សម្តេចតេជោ ហ៊ុន សែន នាយករដ្ឋមន្ត្រី នៅថ្ងៃទី២១ ខែមិថុនា ឆ្នាំ២០២១នេះ បានអញ្ជើញជាអធិបតីភាពបើកឱ្យដំណើរការសកម្មភាពចម្រាញ់រ៉ែមាសលើកដំបូង របស់ក្រុមហ៊ុន រ៉េណេសសង់ មីនីរ៉ល ខេមបូឌា លីមីតធីត ( Renaissance Mineral Cambodia Limited,.) និងរោងចក្រចម្រាញ់រ៉ែមាសលក្ខណៈឧស្សាហកម្មនៅកម្ពុជា ស្ថិតនៅតំបន់អូរខ្វាវ ស្រុកកែវសីមា ខេត្តមណ្ឌលគិរី។យោងតាមសារលិខិត សម្តេចតេជោ ហ៊ុន សែន ចេញផ្សាយកាលពីថ្ងៃទី១០ ខែមិថុនា បញ្ជាក់ថា ក្រោយពីបានសិក្សាស្រាវជ្រាវស្វែងរុករកអស់រយៈពេលប្រមាណ១៤ ឆ្នាំ ក្រុមហ៊ុន រ៉ឺនសង់ មីនីរ៉ល ខេមបូឌាលីមីតធីត ជាក្រុមហ៊ុនអូស្ត្រាលីទី១ ដែលចាប់ផ្តើមធ្វើអាជីវកម្មរ៉ែមាសជាលក្ខណៈឧស្សាហកម្មតាមស្តង់ដារអន្តរជាតិ ដោយបានផលិតចេញ នៅថ្ងៃនេះជាមាសដុំពាក់កណ្ដាលសម្រេច ដែលមានអត្រាមាស៩០% ។ តាមរបាយការណ៍សមិទ្ធ លទ្ធភាពដែលបានផ្ដល់ក្រុមហ៊ុន រ៉ឺនសង់ មីនីរ៉ល ខេមបូឌាលីមីតធីតអាចផលិតមាសសុទ្ធបានប្រមាណ៣ (បី)តោន ក្នុងមួយឆ្នាំសម្រាប់រយៈពេល៨ឆ្នាំដំបូង។ ក្រុមហ៊ុនរំពឹងថា នឹងអាចពង្រីកលទ្ធភាពអាជីវកម្មបន្ថែមទៀតក្រោយរយៈពេលដំបូងនេះ៕

ផលិតកម្មរ៉ែមាសលើកដំបូងនៅកម្ពុជា បើកដំណើរការចម្រាញ់នៅថ្ងៃចន្ទនេះ

មណ្ឌលគិរី ៖ ក្រុមហ៊ុន Renaissance Minerals (Cambodia) ចាប់ផ្តើមផលិតកម្មចម្រាញ់រ៉ែមាសនៅតំបន់អូរខ្វាង ខេត្តមណ្ឌលគិរី ខេត្តរតនគីរី នៅថ្ងៃច័ន្ទ។ នេះជាការចម្រាញ់រ៉ែមាសលក្ខណៈឧស្សាហកម្មលើកដំបូងនៅកម្ពុជា។ក្រុមហ៊ុន រ៉ឺនេសង់ មីនើរ៉ល (ខេមបូឌា) លីមីតធីត (Renaissance Minerals (Cambodia) Limited) នឹងបើកដំណើរការចម្រាញ់មាសលើកដំបូងនេះ ប្រព្រឹត្តទៅក្រោមអធិបតីភាព ឯកឧត្តម ស៊ុយ សែម រដ្ឋមន្ត្រីក្រសួងរ៉ែ និងថាមពល។ការចាប់ដំណើរការចម្រាញ់មាសជាលក្ខណៈឧស្សាហកម្មរបស់ក្រុមហ៊ុន Renaissance Minerals Cambodia ជាក្រុមហ៊ុនបុត្រសម្ព័ន្ធ Emerald Renaissance ចុះបញ្ជីផ្សារមូលបត្រនៅប្រទេសអូស្ត្រាលី គឺក្រោយពេលក្រុមហ៊ុនវិនិយោគមួយនេះ បានចំណាយពេល១៤ឆ្នាំដើម្បីសិក្សា និងស្វែងរករ៉ែមាសនៅដែនអាជ្ញាប័ណ្ណរបស់នៅកម្ពុជា។ប្រមុខរាជរដ្ឋាភិបាលកម្ពុជា សម្តេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា តាមរយៈសារលិខិតផ្ញើជូនជនរួមជាតិ កាលពីថ្ងៃទី១០ ខែមិថុនា ឆ្នាំ២០២១ កន្លងមកនេះ សម្តេចតេជោ បានប្រកាសពីភាពជោគជ័យលើអាជីវកម្មរ៉ែមាសលើកដំបូងរបស់កម្ពុជា ដែលអាចផលិតមាសសុទ្ធ បានចំនួន៣តោនក្នុងមួយឆ្នាំសម្រាប់រយៈពេល៨ ឆ្នាំដំបូង។យោងតាមក្រសួងរ៉ែ និងថាមពល កម្ពុជាមិនទាន់មានរោងចក្របន្សុទ្ធមាសនៅឡើយទេ។ រ៉ែមាសដែលចម្រាញ់ដោយក្រុមហ៊ុន Renaissance Minerals (Cambodia) Limited គឺនឹងត្រូវនាំចេញទៅបន្សុទ្ធនៅក្រៅប្រទេស ដូចជាប្រទេសសិង្ហបុរី និងអូស្ត្រាលី។ក្រុមហ៊ុនរំពឹងថា នឹងទទួលបានចំណូលដុលសរុបប្រមាណ១៨៥លានដុល្លារ ពីផលិតកម្មចម្រាញ់រ៉ែមាសនេះ។ ក្នុងនោះ ចំណូលសួយសារអាករ និងពន្ធ គឺមានប្រមាណ៤០លានដុល្លារ នឹងក្លាយជាចំណូលចូលថវិកាជាតិ សម្រាប់ប្រើប្រាស់ទៅលើការអភិវឌ្ឍន៍សេដ្ឋកិច្ចសង្គម។ដំណើរការចម្រាញ់រ៉ែមាស លក្ខណៈឧស្សាហកម្មនេះ គឺជាឧស្សាហកម្មនិស្សារណកម្ម ឬអាជីវកម្ម ទាញយករ៉ែទីពីររបស់កម្ពុជា បន្ទាប់ពីឧស្សាហកម្ម បូម ប្រេង ឆៅ ក្នុងដែនសមុទ្រខ្មែរ ដោយក្រុមហ៊ុន KrishEnergy៕អត្ថបទ ៖ វណ្ណៈ

កំណើនទិន្នផលវារីវប្បកម្មកើនជិត២០០ភាគរយ ក្នុងរយៈពេល៥ឆ្នាំចុងក្រោយ

ភ្នំពេញ ៖ កំណើនទិន្នផលវារីវប្បកម្មនៅកម្ពុជា បានកើន១៩៧ភាគរយ ក្នុងរយៈពេល៥ឆ្នាំចុងក្រោយនេះ គឺចាប់ពីឆ្នាំ២០១៥ ដល់ឆ្នាំ២០២០។ ការកើនឡើងនៃទិន្នផលវារីវប្បកម្ម ឬត្រីចិញ្ចឹមនេះ គឺដោយសារ ការជួយឧបត្ថម្ភគាំទ្រពីសំណាក់រាជរដ្ឋាភិបាលកម្ពុជាទាំងបច្ចេកទេស។ឯកឧត្តម វេង សាខុន រដ្ឋមន្ត្រីក្រសួងកសិកម្មរុក្ខាប្រមាញ់ និងនេសាទ មានប្រសាសន៍ថា កំណើនឡើងជាលំដាប់នៃទិន្នផលវារីវប្បកម្មនេះ ដោយសារតែមានការចាប់អារម្មណ៍ និងចូលរួមយ៉ាងសកម្មពីសំណាក់ក្រសួងពាក់ព័ន្ធ និងបងប្អូនវារីវប្បករកម្ពុជាយើង គួបផ្សំនឹងការជួយឧបត្ថម្ភគាំទ្រពីសំណាក់រាជរដ្ឋាភិបាលកម្ពុជា ទាំងបច្ចេកទេស និងទុនជាប្រាក់កម្ចី និងថវិកាពីដៃគូអភិវឌ្ឍន៍អន្តរជាតិនានាផងដែរ ចំពោះសកម្មភាពអភិវឌ្ឍន៍វារីវប្បកម្មនៅកម្ពុជា។បើទោះបីកម្ពុជាជួបបញ្ហាប្រឈមមួយចំនួនដែលនៅសេសសល់ទាក់ទងទៅនឹងការធ្វើវារីវប្បកម្ម និងបញ្ហាទីផ្សារយ៉ាងណាក៏ដោយ ក៏ការធ្វើវារីវប្បកម្មនៅកម្ពុជាក្នុងរយៈពេល៥ឆ្នាំចុងក្រោយនេះ (២០១៥-២០២០) បានប្រព្រឹត្តទៅ ទទួលបានវឌ្ឍនភាព ដោយមានសន្ទុះគួរឱ្យកត់សំគាល់ ដែលទិន្នផលវារីវប្បកម្មប្រមូលប្រចាំឆ្នាំ៖ ឆ្នាំ២០១៥ ទទួលបាន ១៤៣ ១៤១ តោន ឆ្នាំ២០១៦ ទទួលបាន ១៧២ ៥០០ តោន ,២០១៧ ទទួលបាន ២០៧ ៤៤៣ តោន ,២០១៨ ទទួលបាន ២៥៤ ០៤៨ តោន ,២០១៩ ទទួលបាន ៣០៧ ៤០៨ តោន មានកំណើនទិន្នផលវារីវប្បកម្មប្រចាំឆ្នាំជាមធ្យម ២០,៦% ចាប់ពីឆ្នាំ២០១៥-២០១៩ និង នៅឆ្នាំ២០២០ កើនឡើងដល់ ៤០០ ៤០០ តោន មានកំណើន ៣០% ធៀបទៅនឹងឆ្នាំ២០១៩។ឯកឧត្តម វេង សាខុន បញ្ជាក់ថា ការធ្វើវារីវប្បកម្មនាពេលបច្ចុប្បន្នគឺស្ថិតនៅរាយប៉ាយ ខ្វះទុន ខ្វះប្រភពទឹកការចិញ្ចឹមមិនបានដាក់ចេញនូវការចិញ្ចឹមជាលក្ខណៈបណ្តាក់តគ្នាបានល្អនោះទេ ហើយការប្រមូលផលជួបការលំបាក ត្រូវប្រើពេលយូរចេញពីខេត្តមួយទៅខេត្តមួយ ដែលត្រូវការពេលវេលាច្រើន ដើម្បីប្រមូលធ្វើការផ្គត់ផ្គង់ទីផ្សារ និងការដឹកជញ្ជូនមកកាន់ទីផ្សារចែកចាយ។ នៅមានបញ្ហាប្រឈមជាច្រើនទៀតដែលបាននិងកំពុងពិនិត្យ និងដោះស្រាយជាលក្ខណៈអន្តរក្រសួងជាបណ្តើរៗ ក្នុងនេះមានក្រសួង និងស្ថាប័ន។ទោះយ៉ាងណា ក្រសួងកសិកម្ម រុក្ខាប្រមាញ់ និងនេសាទ បានរៀបចំនូវវិធានការគោលនយោបាយជំរុញវារីវប្បកម្មឆ្នាំ២០២១-២០២៣ ក្នុងគោលបំណងបង្កើនផលិតភាពវារីវប្បកម្មឱ្យមានការប្រកួតប្រជែង បរិយាប័ន្ន និងនិរន្តរភាព៕អត្ថបទ៖ វណ្ណៈ

CamGAP បានកំពុងចូលរួមលើកកម្ពស់កសិផល សម្រាប់បម្រើទីផ្សារនាំចេញ

ភ្នំពេញ ៖ ការអនុវត្តកសិកម្មល្អកម្ពុជា CamGAP បានកំពុងចូលរួមលើកកម្ពស់គុណភាព និងសុវត្ថិភាពចំណីអាហារនៅក្នុងស្រុក ថែមទាំងបានកំពុងចូលរួមយ៉ាងសកម្មក្នុងការលើកកម្ពស់ការនាំចេញកសិផលទៅកាន់ទីផ្សារអន្តរជាតិ ក្នុងនោះការចុះបញ្ជី CamGAP បានក្លាយជាយន្តការបច្ចេកទេសដ៏សំខាន់ ដើម្បីធានានូវការគោរពប្រតិបត្តិបានយ៉ាងខ្ជាប់ខ្ជួន ត្រឹមត្រូវច្បាស់លាស់ តាមនិយាមសុវត្ថិភាពចំណីអាហារ ។ឯកឧត្តម វេង សាខុន រដ្ឋមន្ត្រីក្រសួងកសិកម្មរុក្ខាប្រមាញ់ និងនេសាទ បានលើកឡើងលើផេកហ្វេសប៊ុកជាផ្លូវការរបស់ឯកឧត្តម ស្តីពីប្រព័ន្ធ QR Code ភ្ជាប់ជាមួយស្លាកសញ្ញាសម្គាល់ការអនុវត្តកសិកម្មល្អកម្ពុជា (CamGAP) នៅថ្ងៃទី ២១ ខែមិថុនា ឆ្នាំ២០២១ នេះថា ដោយសារប្រទេសជាតិមានសុខសន្តិភាព កំណើនប្រជាជន ព្រមគ្នានឹងកំណើនសេដ្ឋកិច្ចក្នុងរយៈពេលកន្លងមក ធ្វើឲ្យកម្រិតជីវភាពរបស់ប្រជាពលរដ្ឋកាន់តែល្អប្រសើរ ដែលជាហេតុឈានទៅធ្វើការកែប្រែទម្លាប់នៃការបរិភោគបន្លែ ផ្លែឈើ ត្រី សាច់ ដោយផ្តោតភ្ជង់ជាសំខាន់លើគុណភាព និងសុវត្ថិភាពជាចម្បង ស្របពេលដែលប្រមុខរាជរដ្ឋាភិបាលបានអំពាវនាវ ឱ្យប្រជាពលរដ្ឋខិតខំធ្វើការដាំដុះ ជំរុញការផលិតរួមមានការចិញ្ចឹមជ្រូក មាន់ ទា ត្រី និងដាំបន្លែ ដើម្បីផ្គត់ផ្គង់ឲ្យតម្រូវការក្នុងស្រុក ។ពាក់ព័ន្ធ CamGAP ត្រូវបានក្រុមការងារជំនាញអាស៊ានវាយតម្លៃថា បានអនុលោមពេញលេញតាមវិធាននៃការអនុវត្តកសិកម្មល្អអាស៊ាន ដែលជាស្តង់ដារស្ម័គ្រចិត្តមួយ ត្រូវបានសហគមន៍សេដ្ឋកិច្ចអាស៊ាន អនុម័តឱ្យប្រើប្រាស់ដើម្បីលើកកម្ពស់គុណភាព សុវត្ថិភាព និងភាពប្រកួតប្រជែងនៃផលិតផលកសិកម្ម។ បច្ចុប្បន្ននេះ ការជំរុញការអនុវត្ត CamGAP មិនត្រឹមតែបាននិងកំពុងចូលរួមលើកកម្ពស់គុណភាព និងសុវត្ថិភាពចំណីអាហារ នៅក្នុងស្រុកប៉ុណ្ណោះទេ គឺថែមទាំងបាននិងកំពុងចូលរួមយ៉ាងសកម្ម ក្នុងការលើកកម្ពស់ការនាំចេញកសិផលទៅកាន់ទីផ្សារអន្តរជាតិផងដែរ។ ដោយឡែកការចុះបញ្ជីវិញ, ការចុះបញ្ជីកសិដ្ឋានអនុវត្តតាម CamGAP បានក្លាយជាយន្តការបច្ចេកទេសដ៏សំខាន់មួយដើម្បីធានាឲ្យបាននូវការគោរពប្រតិបត្តិបានយ៉ាងខ្ជាប់ខ្ជួន ត្រឹមត្រូវ ច្បាស់លាស់ តាមនិយាមសុវត្ថិភាពចំណីអាហារ ចំពោះប្រទេសនាំចូលកសិផលសំខាន់ៗរបស់កម្ពុជា។ ជាក់ស្តែងសម្រាប់ផលិតកម្មស្វាយ និងចេកអំបូងលឿង ការជំរុញ និងលើកទឹកចិត្តឲ្យក្រុមហ៊ុនឯកជន សហគមន៍ និងម្ចាស់ចម្ការ ចុះបញ្ជីកសិដ្ឋានអនុវត្តតាម CamGAP សំខាន់គឺជួយឲ្យការចរចាររវាងក្រសួងកសិកម្ម រុក្ខាប្រមាញ់និងនេសាទជាមួយភាគីចិន និងភាគីកូរ៉េ អំពីលក្ខខណ្ឌតម្រូវភូតគាមអនាម័យ។ ចំណែកការប្រើប្រាស់ប្រព័ន្ធ QR Code នឹងអាចជួយធ្វើឲ្យអ្នកប្រើប្រាស់កំណត់បាននូវផលិតផល ដែលទទួលបានការពិនិត្យ និងបញ្ជាក់ត្រឹមត្រូវ ការក្លែងបន្លំរូបសញ្ញា ព្រមទាំងផ្តល់នូវសុក្រឹតភាព តម្លាភាព និងបង្កើនភាពជឿជាក់លើផលិតផល ដែលមានបិទរូបសញ្ញាជាតិ CamGAP ។ម្យ៉ាងវិញទៀត តាមរយៈប្រព័ន្ធ QR Code នេះអ្នកបរិភោគ អាចដឹងពីប្រភពកសិផលច្បាស់លាស់ កសិករដាំដុះ និងទីតាំងចម្ការជាដើម។សូមបញ្ជាក់បន្ថែមថា កសិផលចេញពីចំការ ឬពីកសិដ្ឋានដែលទទួលបានការចុះបញ្ជីជាចំការ ឬកសិដ្ឋានការអនុវត្តតាម CamGAP គឺមានស្លាកសញ្ញា CamGAP និង QR code បិទលើផលិតផលនោះ៕អត្ថបទ៖ សុន រ៉ាឌី

កូកា-កូឡា «ចូលរួមបែងចែកសំរាមទាំងអស់គ្នា ដោយការចាប់ផ្តើមពីអ្នក»

កំពត ៖ ក្រុមហ៊ុនភេសជ្ជៈកម្ពុជា កូកា-កូឡា ប្រគល់ធុងបែងចែកសំរាមប្លាស្ទិកដល់រដ្ឋបាលខេត្តកំពត និងខេត្តកែប តាមរយៈក្រសួងបរិស្ថាន ដើម្បីគាំទ្រ និងបំផុសសកម្មភាពគ្រប់គ្រងសំរាមប្លាស្ទិក។ពិធីប្រគល់-ទទួល បានធ្វើឡើងក្រោមវត្តមានឯកឧត្តម នេត្រ ភក្ត្រា រដ្ឋលេខាធិការក្រសួងបរិស្ថាន ឯកឧត្តម ជាវ តាយ អភិបាលខេត្តកំពត និងលោក អូត ចាន់ឌី នាយកផ្នែកធនធានមនុស្សប្រចាំប្រទេសរបស់ក្រុមហ៊ុនភេសជ្ជៈកម្ពុជា កូកា-កូឡា កាលពីរសៀលថ្ងៃទី១៧ ខែមិថុនា ឆ្នាំ២០២១។ គម្រោង «រួមគ្នាដើម្បីបរិស្ថានស្អាត» នេះផ្តោតសំខាន់ទៅលើការអប់រំ ការបំផុសស្មារតី និងការអនុវត្តការគ្រប់គ្រង់សំរាមប្លាស្ទិក ដោយចាប់ផ្តើមពីការបញ្ជ្រាបចំណេះដឹងស្តីពីការគ្រប់គ្រងសំរាម រហូតដល់ការដាក់ធុងសំរាមតាមទីសាធារណៈចំនួន១៦ កន្លែង នៅក្នុងខេត្តកំពត និងខេត្តកែប។ក្នុងនាមក្រសួងបរិស្ថានឯកឧត្តម នេត្រ ភក្ត្រាសូមថ្លែងអំណរគុណដល់ក្រុមហ៊ុនកូកា-កូឡាដែលតែងតែចូលរួមជាមួយក្រសួងបរិស្ថាននិងអាជ្ញាធរដែនដីក្នុងការសម្អាតអនាម័យបរិស្ថានតាមរយៈការផ្តល់ធុងសំរាម និងសកម្មភាពផ្សេងទៀតដែលមានមេត្រីភាពបរិស្ថាន។ នេះគឺជាការចូលរួមទទួលខុសត្រូវរបស់ក្រុមហ៊ុនកូកា-កូឡាលើវិស័យ បរិស្ថាន។ ឯកឧត្តមរដ្ឋលេខាធិការបានចាត់ទុកទ្រុងដាក់សំរាមដែលផ្ដល់ដោយក្រុមហ៊ុននាពេលនេះគឺជាដៃគូសហការមួយយ៉ាងសំខាន់ជាមួយរដ្ឋបាលខេត្តកំពត ក្នុងការប្រមូល និងគ្រប់គ្រងសំរាមសំណល់រឹងក្នុងទីក្រុងកំពតឲ្យបានកាន់តែល្អប្រសើរឡើងថែមទៀត។ជាមួយគ្នានោះដែរ លោក អូត ចាន់ឌី បានលើកឡើងថា ការនាំយកធុងបែងចែកសំរាមជូនដល់រដ្ឋបាលខេត្តកំពត និងខេត្តកែបនាថ្ងៃនេះ គឺជាផ្នែកមួយនៃគំនិតផ្តួចផ្តើមជាសាកលដែលក្រុមហ៊ុន កូកា-កូឡាបាននិងកំពុងអនុវត្ត។ ប្រសិនបើគ្មានការចូលរួមអនុវត្តពីប្រជាពលរដ្ឋ ការផ្តល់ធុងតែមួយមុខមិនគ្រប់គ្រាន់ទេ ក្នុងការសម្រេចឱ្យបាននូវការបែងចែកសំរាមប្រកបដោយប្រសិទ្ធភាព។ ដូចនេះក្រុមហ៊ុនសូមលើកទឹកចិត្តឱ្យបងប្អូនទាំងអស់ ចូលរួមបែងចែកសំរាមទាំងអស់គ្នា ដោយការចាប់ផ្តើមពី អ្នក! »៕ អត្ថបទ៖ រដ្ឋា

បណ្ដាញសង្គម

ព័ត៌មានថ្មីៗ

សមត្ថកិច្ចបង្ក្រាបទីតាំងសង្ស័យលួចលាក់ប្រព្រឹត្តបទល្មើស Online Scams នៅនៅក្នុងក្រុងបាវិតឃាត់ខ្លួនមនុដ្ស៣៨នាក់

ប្រធានក្រុមការងាររាជរដ្ឋាភិបាលចុះមូលដ្ឋានស្រុករមាសហែក នាំយកទៀនចំណាំព្រះវស្សា ទេយ្យទាន និងបច្ច័យប្រគេនព្រះសង្ឃគង់ចាំព្រះវស្សានៅវត្តទាំង៥៣ ក្នុងស្រុករមាសហែក ខេត្តស្វាយរៀង

ក្រសួងកសិកម្ម និងក្រសួងទេសចរណ៍សហការគ្នាជំរុញខ្សែក្រវាត់បៃតងនៅតាមតំបន់ទេសចរណ៍កាន់តែប្រសើរ

ក្រុមហ៊ូទីអះអាងថា ខ្លួនបានបង្ខំឲ្យនាវាដឹកប្រេងអារ៉ាប៊ីសាអ៊ូឌីត ៨គ្រឿង បង្វែរទិសដៅ ដោយសារការបិទខ្ទប់ផ្លូវសមុទ្រ

ការចំណាយសរុបរបស់អ៊ុយក្រែនក្នុងឆ្នាំ ២០២៦ នឹងមានចំនួន ១៧៦,៨ ពាន់លានដុល្លារ

សហភាពអឺរ៉ុប នឹងពង្រីកការអនុវត្តច្បាប់ស្តីពីបញ្ញាសិប្បនិម្មិត (AI) ចាប់ពីថ្ងៃទី២ ខែសីហា

រដ្ឋាភិបាលឥណ្ឌា៖ ពលរដ្ឋឥណ្ឌា ១៦នាក់ ស្លាប់និង ៧៥នាក់ រងរបួស ចាប់តាំងពីជម្លោះនៅមជ្ឈិមបូព៌ាផ្ទុះឡើង ក្នុងឆ្នាំនេះ

អគារស្នាក់ការគណបក្សប្រជាជនកម្ពុជាឃុំត្រប់ ស្រុកបាធាយ ត្រូវបានសម្ពោធដាក់ឲ្យប្រើប្រាស់ជាផ្លូវការ

នាយករដ្ឋមន្ត្រីកាតា និងមេដឹកនាំក្រុមហាម៉ាស ពិភាក្សាតាមទូរស័ព្ទអំពីការអនុវត្តបទឈប់បាញ់នៅតំបន់ហ្កាហ្សា

កូរ៉េខាងជើងថា ផែនការផ្គត់ផ្គង់ប្រេងឥន្ធនៈរបស់ NATO បង្ហាញថា សម្ព័ន្ធយោធានេះកំពុងត្រៀមរៀបចំធ្វើសង្គ្រាម

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

សេដ្ឋកិច្ច និង កសិកម្ម

កម្ពុជាជំរុញលើកកម្ពស់ផលិតកម្ម និងសុខភាពសត្វចិញ្ចឹមក្នុងស្រុក

សេដ្ឋកិច្ចកម្ពុជាឆ្នាំ២០២១ នឹងមានកំណើនវិជ្ជមាន ដោយមានការគាំទ្រនៃវិស័យជាចន្ទល់មួយចំនួន

ការនាំចេញទំនិញកម្ពុជាទៅកាន់ទីផ្សារអង់គ្លេស រំពឹងថា មានកំណើនល្អប្រសើរ

ពាណិជ្ជកម្មទ្វេភាគីកម្ពុជា-កូរ៉េខាងត្បូង មានទំហំទឹកប្រាក់ជាង៣៧៧លានដុល្លារ ក្នុងរយៈពេលប្រាំខែ

ក្រសួងកសិកម្ម ជំរុញលើកកម្ពស់ផលិតភាព គុណភាព និងទីផ្សារ សម្រាប់ផលិតផលកសិកម្ម

រោងចក្រចម្រាញ់រ៉ែមាសលក្ខណៈឧស្សាហកម្មលើកដំបូងនៅកម្ពុជា បើកដំណើរការនៅនេះ

ផលិតកម្មរ៉ែមាសលើកដំបូងនៅកម្ពុជា បើកដំណើរការចម្រាញ់នៅថ្ងៃចន្ទនេះ

កំណើនទិន្នផលវារីវប្បកម្មកើនជិត២០០ភាគរយ ក្នុងរយៈពេល៥ឆ្នាំចុងក្រោយ

CamGAP បានកំពុងចូលរួមលើកកម្ពស់កសិផល សម្រាប់បម្រើទីផ្សារនាំចេញ

កូកា-កូឡា «ចូលរួមបែងចែកសំរាមទាំងអស់គ្នា ដោយការចាប់ផ្តើមពីអ្នក»

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

សេដ្ឋកិច្ច និង កសិកម្ម

កម្ពុជា​ជំរុញ​លើកកម្ពស់​ផលិតកម្ម និង​សុខភាព​សត្វ​ចិញ្ចឹម​ក្នុងស្រុក

ការនាំចេញ​ទំនិញ​កម្ពុជា​ទៅកាន់​ទីផ្សារ​អង់គ្លេស​ រំពឹងថា​ មាន​កំណើន​ល្អប្រសើរ

ក្រសួងកសិកម្ម ជំរុញ​លើកកម្ពស់​ផលិតភាព គុណភាព និង​ទីផ្សារ សម្រាប់​ផលិតផល​កសិកម្ម​

រោងចក្រ​ចម្រាញ់​រ៉ែ​មាស​លក្ខណៈ​ឧស្សាហកម្ម​លើកដំបូង​នៅ​កម្ពុជា​ បើក​ដំណើរការ​​នៅ​​នេះ

ផលិតកម្ម​រ៉ែ​មាស​លើកដំបូង​នៅ​កម្ពុជា បើក​ដំណើរការ​ចម្រាញ់​នៅ​ថ្ងៃ​ចន្ទ​នេះ

កំណើន​ទិន្នផល​វារីវប្បកម្មកើន​ជិត​២០០​ភាគរយ ក្នុង​រយៈពេល​៥​ឆ្នាំ​ចុងក្រោយ

CamGAP បាន​កំពុង​ចូលរួម​លើកកម្ពស់​កសិផល សម្រាប់​បម្រើ​ទីផ្សារ​នាំចេញ

កូកា-កូឡា «ចូលរួមបែងចែកសំរាមទាំងអស់គ្នា ដោយការចាប់ផ្តើមពីអ្នក»

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

កម្ពុជាជំរុញលើកកម្ពស់ផលិតកម្ម និងសុខភាពសត្វចិញ្ចឹមក្នុងស្រុក

ការនាំចេញទំនិញកម្ពុជាទៅកាន់ទីផ្សារអង់គ្លេស រំពឹងថា មានកំណើនល្អប្រសើរ

ក្រសួងកសិកម្ម ជំរុញលើកកម្ពស់ផលិតភាព គុណភាព និងទីផ្សារ សម្រាប់ផលិតផលកសិកម្ម

រោងចក្រចម្រាញ់រ៉ែមាសលក្ខណៈឧស្សាហកម្មលើកដំបូងនៅកម្ពុជា បើកដំណើរការនៅនេះ

ផលិតកម្មរ៉ែមាសលើកដំបូងនៅកម្ពុជា បើកដំណើរការចម្រាញ់នៅថ្ងៃចន្ទនេះ

កំណើនទិន្នផលវារីវប្បកម្មកើនជិត២០០ភាគរយ ក្នុងរយៈពេល៥ឆ្នាំចុងក្រោយ

CamGAP បានកំពុងចូលរួមលើកកម្ពស់កសិផល សម្រាប់បម្រើទីផ្សារនាំចេញ