BTV NEWS

សម្តេចតេជោ ហ៊ុន សែន ចែករំលែកអត្ថបទវិភាគរបស់អ្នកជំនាញផ្នែកទំនាក់ទំនងអន្តរជាតិ និងសន្តិសុខរបស់ប្រទេសថៃ ដែលមានចំណងជើងថា «ស្វាដោះសំណាញ់!»

សម្តេចធិបតី៖កម្ពុជាគាំទ្រពេញទំហឹង និងបន្តប្តេជ្ញាចិត្តធ្វើការយ៉ាងជិតស្និទ្ធជាមួយរដ្ឋសមាជិកអាស៊ាន ប្រទេសបូកបី និងដៃគូសន្ទនាដើម្បីបំប្លែងឯកសារទៅជាសកម្មភាពជាក់ស្តែង

សម្តេចធិបតី ហ៊ុន ម៉ាណែត៖នៅទូទាំងពិភពលោកនិន្នាការផ្លាស់ប្តូរចំនួនបីកំពុងរៀបចំរដ្ឋបាលសាធារណៈឡើងវិញទោះបីជាក្នុងកម្រិត និងល្បឿនខុសៗគ្នាក៏ដោយ

កិច្ចប្រជុំ ACCSM និង ACCSM+3 ជំរុញនវានុវត្តន៍ការផ្ដល់សេវាសាធារណៈកាន់តែប្រសើរនៅក្នុងតំបន់

ព័ត៌មានសំខាន់ៗ

លោក គីម ជុងអ៊ុន បង្ហាញមុខកូនស្រីក្នុងពេលការសាកល្បងមីស៊ីលបាលីស្ទីក

កូរ៉េខាងជើង៖ មេដឹកនាំកូរ៉េខាងជើងលោក គីម ជុងអ៊ុន បានបង្ហាញកូនស្រីរបស់លោកទៅកាន់ពិភពលោកជាលើកដំបូងនៅក្នុងរូបថតដ៏គួរឱ្យចាប់អារម្មណ៍ ក្នុងពេលពិនិត្យមើលការបាញ់បង្ហោះមីស៊ីលបាលីស្ទីកធំបំផុត របស់ប្រទេសនេះកាលពីមួយថ្ងៃមុន។ ទីភ្នាក់ងារសារព័ត៌មានរដ្ឋ KCNA បានរាយការណ៍នៅថ្ងៃសៅរ៍នេះថា ប្រទេសកូរ៉េខាងជើងបានបាញ់សាកល្បងមីស៊ីលបាលីស្ទីកអន្តរទ្វីប Hwasong-17 (ICBM) កាលពីថ្ងៃសុក្រម្សិលមិញ។ ទោះជាយ៉ាងណាអ្វីដែលគួរឲ្យភ្ញាក់ផ្អើលបំផុតនោះគឺវត្តមានរបស់កូនស្រីលោក គីម ដែលវត្តមានកូនស្រីរបស់លោកមិនដែលត្រូវបានបង្ហាញជាសាធារណៈនោះទេកាលពីមុនមក។ សារព័ត៌មាន KCNA មិនបានបង្ហាញឈ្មោះក្មេងស្រី ដែលគេបានឃើញក្នុងរូបថតកាន់ដៃឪពុករបស់នាង ខណៈសម្លឹងមើលមីស៊ីលដ៏ធំ។លោក Michael Madden អ្នកជំនាញដឹកនាំប្រទេសកូរ៉េខាងជើងនៅមជ្ឈមណ្ឌល Stimson មានមូលដ្ឋាននៅសហរដ្ឋអាមេរិកនិយាយថា នេះគឺជាលើកដំបូងដែលយើងបានឃើញកូនស្រីលោក គីម ជុងអ៊ុន នៅក្នុងព្រឹត្តិការណ៍សាធារណៈ។ អ្នកជំនាញនិយាយថា លោក គីម ត្រូវបានគេដឹងថាមានកូន ៣នាក់ ស្រី ២នាក់ និងប្រុសម្នាក់៕អត្ថបទ៖ ប៊ុនថន

ប្រធានរដ្ឋសភា នៃសាធារណរដ្ឋសង្គនិយមវៀតណាម បានមកដល់កកម្ពុជាហើយ

ភ្នំពេញ៖ ឯកឧត្ដម វឿង ឌីញហ្វេ ប្រធានរដ្ឋសភា នៃសាធារណរដ្ឋសង្គនិយមវៀតណាម បានមកដល់ព្រះរាជាណាចក្រកកម្ពុជាហើយ នៅព្រឹកថ្ងៃទី១៩ ខែ វិច្ឆិកា ឆ្នាំ២០២២នេះ ដើម្បីចូលរួមមហាសន្និបាតអន្តរសភាអាស៊ាន AIPA លើកទី៤៣ ដែលកម្ពុជាធ្វើជាម្ចាស់ផ្ទះចាប់ពីថ្ងៃទី២០ ដល់ថ្ងៃទី២៥ ខែវិច្ឆិកា ឆ្នាំ២០២២នេះ ក្រោមមូលបទ««បោះជំហានជាមួយគ្នា ដើម្បីនិរន្តរភាព បរិយាប័ន្ន និងភាពធន់របស់អាស៊ាន»។ តបតាមការ អញ្ជើញរបស់ សម្តេចអគ្គមហាពញាចក្រី ហេង សំរិន ប្រធានរដ្ឋសភា នៃព្រះរាជាណាចក្រកម្ពុជា ឯកឧត្តម វឿង ឌីញ ហ្វេ ប្រធានរដ្ឋសភា នៃសាធារណរដ្ឋសង្គមនិយមវៀតណាម បានដឹកនាំគណៈប្រតិភូជាន់ខ្ពស់រដ្ឋសភាវៀតណាម មកបំពេញទស្សនកិច្ចជាផ្លូវការ និងមិត្តភាព នៅព្រះរាជាណាចក្រកម្ពុជា ពីថ្ងៃទី១៩ ដល់ថ្ងៃទី២៣ ខែវិច្ឆិកា ឆ្នាំ២០២២។ នេះបើយោងតាមសេចក្តីជូនដំណឹងរបស់អគ្គលេខាធិការដ្ឋានរដ្ឋឋសភានៅថ្ងៃទី១៨ ខែវិច្ឆិកា ឆ្នាំ២០២២។ អគ្គលេខាធិការដ្ឋានរដ្ឋសភាបានបន្តថា នៅក្នុងកំឡុងពេលទស្សនកិច្ចនេះ ឯកឧត្ដម វឿង ឌីញ ហ្វេ នឹងចូលក្រាបបង្គំគាល់ព្រះករុណាព្រះបាទសម្តេចព្រះបរមនាថ នរោត្ដម សីហមុនី ព្រះមហាក្សត្រ នៃព្រះរាជាណាចក្រកម្ពុជា។ ឯកឧត្តម វឿង ឌីញ ហ្វេ ក៏នឹងចូលជួបសម្ដែងការគួរសមជាមួយសម្តេចវិបុលសេនាភក្តី សាយ ឈុំ ប្រធានព្រឹទ្ធសភា និង សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី ផងដែរ។ឯកឧត្តម វឿង ឌីញ ហ្វេ នឹងជួបសវនាការ និងពិភាក្សាការងារទ្វេភាគីជាមួយ សម្តេចអគ្គមហាពញាចក្រី ហេង សំរិន ប្រធានរដ្ឋសភា រកម្ពុជា ដើម្បីពង្រឹងពង្រីកចំណងមិត្តភាពនិងកិច្ចសហប្រតិបត្តិការរវាងស្ថាប័ននីតិប្បញ្ញត្តិ នៃប្រទេស ទាំងពីរ និងដើម្បីប្រារព្ធខួបអនុស្សាវរីយ៍ លើកទី៥៥ នៃការបង្កើតទំនាក់ទំនងការទូតរវាងប្រទេសទាំងពីរ ដែលត្រូវបានកំណត់ជា “ឆ្នាំមិត្តភាពកម្ពុជា-វៀតណាម”។ នៅក្រោយជំនួប ភាគីទាំងពីរ នឹងអញ្ជើញចុះ ហត្ថលេខាលើអនុស្សរណៈយោគយល់គ្នា រវាងរដ្ឋសភាទាំងពីរ កម្ពុជា-វៀតណាម និងរវាងអគ្គលេខាធិការដ្ឋាន រដ្ឋសភាកម្ពុជា និងខុទ្ទកាល័យរដ្ឋសភាវៀតណាម។នៅក្នុងដំណើរទស្សនកិច្ចនេះដែរ គណៈប្រតិភូជាន់ខ្ពស់រដ្ឋសភាវៀតណាម នឹងអញ្ជើញដាក់កម្រង ផ្កាគោរពវិញ្ញាណក្ខន្ធ នៅវិមានឯករាជ្យ មណ្ឌបព្រះបរមរូប ព្រះករុណា ព្រះបាទសម្តេចព្រះនរោត្តម សីហនុ “ព្រះបរមរតនកោដ្ឋ” អតីតព្រះមហាក្សត្រនៃព្រះរាជាណាចក្រកម្ពុជា និងវិមានមិត្តភាពកម្ពុជា-វៀតណាម៕

មនុស្ស ៦នាក់ស្លាប់ និង ៣០នាក់រងរបួសក្នុងការផ្ទុះធុងឧស្ម័ននៅភាគខាងជើងប្រទេសអ៊ីរ៉ាក់

អ៊ីរ៉ាក់៖ នគរបាល និងមន្ត្រីសុខាភិបាលបាននិយាយថា មនុស្ស ៦នាក់ស្លាប់ និង ៣០នាក់បានរងរបួសកាលពីថ្ងៃព្រហស្បតិ៍ ខណៈធុងឧស្ម័នដ៏ធំមួយបានផ្ទុះនៅក្នុងតំបន់លំនៅឋានមួយកន្លែងក្នុងទីក្រុង Sulaimaniya ភាគខាងជើងប្រទេសអ៊ីរ៉ាក់។ ក្រុមអ្នកពន្លត់អគ្គិភ័យបាននឹងកំពុងបន្តស្វែងរកមនុស្សបាត់ខ្លួនពីលំនៅឋានដែលបាក់រលំ ហើយមន្ត្រីសុខាភិបាលបាននិយាយថា ចំនួនអ្នកស្លាប់អាចនឹងកើនឡើង។ នគរបាលនិយាយថា ក្រុមអ្នកពន្លត់អគ្គិភ័យការពារជនស៊ីវិល បានគ្រប់គ្រងអគ្គិភ័យដែលបានបំផ្លាញលំនៅឋានជាច្រើនខ្នង និងបំផ្លាញរថយន្តយ៉ាងហោចណាស់ប្រាំគ្រឿង។ មន្ត្រីនគរបាលនិយាយថា យ៉ាងហោចណាស់លំនៅឋាន ៣ខ្នងត្រូវបានបំផ្លាញទាំងស្រុងដោយការផ្ទុះធុងហ្គាសចម្អិនអាហារ៕អត្ថបទ៖ ប៊ុនថន

មនុស្ស ២១នាក់ស្លាប់ និងច្រើននាក់រងរបួសនៅពេលអគ្គិភ័យបានឆេះអគារក្នុងតំបន់ Gaza

ហ្កាហ្សា៖ មន្ត្រីសុខាភិបាល និងគ្រាអាសន្នស៊ីវិលបាននិយាយកាលពីថ្ងៃព្រហស្បតិ៍ថា យ៉ាងហោចណាស់មនុស្ស ២១នាក់ស្លាប់ និងជាច្រើននាក់ផ្សេងទៀតបានរងរបួស ខណៈអគ្គិភ័យបានឆាបឆេះអគារមួយកន្លែង ដែលប្រជាជនបានមកចូលរួមពិធីជប់លៀងមួយនៅតំបន់ Gaza។ វាបានប្រើពេលជាងមួយម៉ោងដើម្បីគ្រប់គ្រងអណ្តាតភ្លើងដ៏ធំ ដែលបានឆាបឆេះនៅជាន់ខាងលើអគារលំនៅឋានកម្ពស់ ៤ជាន់នៅក្នុងជំរំជនភៀសខ្លួន Jabalia ដែលមានប្រជាជនរស់នៅច្រើននៅភាគខាងជើងតំបន់ Gaza។ រថយន្តសង្គ្រោះបន្ទាន់បានប្រញាប់ប្រញាល់បញ្ជូនអ្នករបួសជាច្រើននាក់ ទៅកាន់មន្ទីរពេទ្យក្នុងតំបន់។ ក្រសួងមហាផ្ទៃតំបន់ Gaza និយាយថា ការស៊ើបអង្កេតបឋមបានបង្ហាញថា ប្រេងសាំងដ៏ច្រើនសន្ធឹកសន្ធាប់ត្រូវបានគេរក្សាទុកនៅកន្លែងនោះ ដែលបង្កជាអគ្គិភ័យដែលបានឆាបឆេះអគារយ៉ាងរហ័ស។ សាក្សីនិយាយថា ពួកគេបានឮសំឡេងស្រែក ប៉ុន្តែពួកគេមិនអាចជួយអ្នកដែលនៅខាងក្នុងបាន ដោយសារតែអណ្តាតភ្លើងឆេះខ្លាំង។ ប្រធានាធិបតីប៉ាឡេស្ទីនលោក Mahmoud Abbas បានចាត់ទុកឧប្បត្តិហេតុនេះថា ជាសោកនាដកម្មរបស់ប្រទេស។លោក Hussein Al-Sheikh អគ្គលេខាធិការនៃគណៈកម្មាធិការប្រតិបត្តិអង្គការរំដោះប៉ាឡេស្ទីន (PLO) បាននិយាយនៅក្នុងសេចក្តីថ្លែងការណ៍ថា អាជ្ញាធរប៉ាឡេស្ទីនបានជំរុញឱ្យអ៊ីស្រាអែលបើកច្រក Erez ជាមួយតំបន់ Gaza ដើម្បីដឹកជញ្ជូនក្នុងករណីធ្ងន់ធ្ងរដើម្បីព្យាបាលអ្នករបួសប្រសិនបើចាំបាច់។ ជំរំ Jabalia គឺជាជំរំជនភៀសខ្លួនមួយក្នុងចំណោមជំរំចំនួនប្រាំបីនៅក្នុងតំបន់ Gaza ដែលមានប្រជាជនចំនួន ២.៣លាននាក់ និងជាជំរំមួយក្នុងចំណោមជំរំដែលមានប្រជាជនរស់នៅច្រើនបំផុតនៅលើពិភពលោក៕អត្ថបទ៖ ប៊ុនថន

កូរ៉េខាងជើងសាកល្បងអាវុធដែលគេសង្ស័យថា ជាមីស៊ីលអន្តរទ្វីបបាលីស្ទីក ICBM នៅថ្ងៃសុក្រនេះ

កូរ៉េខាងត្បូង៖ កូរ៉េខាងត្បូងនិយាយនៅថ្ងៃសុក្រនេះថា កូរ៉េខាងជើងបានបាញ់នូវអ្វីដែលទីក្រុងសេអ៊ូលបាននិយាយថា ជាមីស៊ីលអន្តរទ្វីបបាលីស្ទីក ICBM មួយថ្ងៃបន្ទាប់ពីការបាញ់មីស៊ីលខ្នាតតូចជាងនេះមួយគ្រាប់ និងព្រមានការឆ្លើយតបយ៉ាងខ្លាំងក្លាខាងយោធាទៅកាន់សហរដ្ឋអាមេរិក ចំពោះការបង្កើនវត្តមានសន្តិសុខរបស់ខ្លួននៅក្នុងតំបន់។ អង្គភាពឆ្មាំសមុទ្រជប៉ុនក៏បានរាយការណ៍ផងដែរពីការបាញ់នេះដោយនិយាយថា អាវុធនេះត្រូវគេរំពឹងថានឹងធ្លាក់ចូលក្នុងសមុទ្រភាគនិរតីនៃភាគខាងជើងកោះហុកកៃកូ (Hokkaido) របស់ជប៉ុន។ ក្រសួងការពារជាតិកូរ៉េខាងត្បូង បាននិយាយថា មីស៊ីលនេះអាចជាមីស៊ីលអន្តរទ្វីបបាលីស្ទីក ICBM ជាអាវុធរយៈចម្ងាយឆ្ងាយជាងគេបំផុតរបស់កូរ៉េខាងជើង ដែលត្រូវបានផលិតឡើងដើម្បីបំពាក់ក្បាលគ្រាប់នុយក្លេអ៊ែរ។ សូមរម្លឹកថា កាលពីថ្ងៃព្រហស្បតិ៍ ទី១៧ ខែវិច្ឆិកា កូរ៉េខាងជើងបានបាញ់មីស៊ីលបាលីស្ទីករយៈចម្ងាយខ្លីមួយគ្រាប់ ខណៈរដ្ឋមន្ត្រីការបរទេសរបស់ខ្លួនគឺលោកស្រី Choe Son Hui បានព្រមានពីការឆ្លើយតបដ៏ខ្លាំងក្លាខាងយោធាទៅកាន់សហរដ្ឋអាមេរិក ចំពោះការបង្កើនវត្តមានយោធារបស់ខ្លួននៅក្នុងតំបន់ ដោយនិយាយថា ទីក្រុង Washington កំពុងលេងល្បែងដែលនឹងធ្វើឲ្យខ្លួនឯងស្ដាយក្រោយ។សេចក្ដីថ្លែងការណ៍របស់លោកស្រី Choe គឺជាការឆ្លើយតបជាផ្លូវការលើកដំបូងរបស់កូរ៉េខាងជើង ចំពោះជំនួបកំពូលត្រីភាគីរបស់លោកប្រធានាធិបតីអាមេរិក Joe Biden ជាមួយសមាភាគីរបស់លោកគឺកូរ៉េខាងត្បូង និងជប៉ុននៅក្នុងជំនួប ASEAN កាលពីថ្ងៃអាទិត្យសប្ដាហ៍មុន ដោយរិះគន់ការសាកល្បងអាវុធរបស់ទីក្រុងព្យុងយ៉ាង។ កូរ៉េខាងជើងបានសាកល្បងមីស៊ីលបាលីស្ទីកដ៏ច្រើនមិនធ្លាប់មាន ដែលស្ថិតក្រោមបម្រាមនៃសេចក្ដីសម្រេចរបស់អង្គការសហប្រជជាតិ ដែលបានដាក់ជុំវិញការសាកល្បងមីស៊ីល និងកម្មវិធីនុយក្លេអ៊ែររបស់ទីក្រុងព្យុងយ៉ាង និងមានក្ដីបារម្ភថា លោក Kim នឹងបន្តការសាកល្បងនុយក្លេអ៊ែរដំបូងរបស់ខ្លួនចាប់តាំងពីឆ្នាំ២០១៧ មក៕អត្ថបទ៖ សុខមាន

សម្ព័ន្ធយោធាណាតូជួបបញ្ហាប្រឈមថ្មី ខណៈសង្គ្រាមអ៊ុយក្រែនហៀរចូលទឹកដីប៉ូឡូញ

អ៊ុយក្រែន៖ សង្គ្រាមរុស្ស៊ីនៅក្នុងប្រទេសអ៊ុយក្រែន បានធ្វើឲ្យសម្ព័ន្ធយោធាណាតូរំជើបរំជួលនៅសប្ដាហ៍នេះ នៅពេលមីស៊ីលមួយគ្រាប់បានផ្ទុះនៅក្នុងភូមិមួយរបស់ប្រទេសប៉ូឡូញ ជិតព្រំដែនអ៊ុយក្រែនសម្លាប់មនុស្ស ២នាក់។ ភ្លាមៗក្រោយការផ្ទុះកាលពីថ្ងៃអង្គារ ប្រធានាធិបតីប៉ូឡូញលោក Andrzej Duda បាននិយាយថា ការផ្ទុះដែលបានត្រូវចំភូមិ Przewodow ជាភូមិមួយមានប្រជាពលរដ្ឋរស់នៅរាប់រយនាក់ ភាគច្រើនទំនងជាមីស៊ីលផលិតដោយរុស្ស៊ី ខណៈការស៊ើបអង្កេតនៅតែបន្ត។ សេចក្ដីថ្លែងការណ៍របស់លោកបានបង្កឲ្យមានភាពច្របូកច្របល់ទូទាំងពិភពលោក ខណៈក្រុមមេដឹកនាំសម្ព័ន្ធណាតូបានបង្ហាញឆន្ទៈរបស់ខ្លួន ក្នុងការការពារទឹកដីមិនឲ្យបាត់បង់សូម្បីតែមួយសង់ទីម៉ែត្រ នៅក្នុងបណ្ដាប្រទេសជាសមាជិកសម្ព័ន្ធយោធាធំបំផុតរបស់ពិភពលោក ដែលប៉ូឡូញជាសមាជិកផងដែរនោះ។ក្រុមអ្នកវិភាគខាងយោធាបានសរសេរបង្ហោះតាមបណ្ដាញសង្គម ដោយលើកឡើងថានេះអាចជាពេលវេលាមួយ នៅពេលសម្ព័ន្ធយោធានេះនឹងត្រូវប្រើមាត្រាទី៤ ជាការប្រឹក្សាយោបល់រវាងក្រុមប្រទេសសមាជិកណាតូ នៅពេលមានសមាជិកណាមួយគិតថា ខ្លួនត្រូវបានរងការគំរាម ឬប្រើមាត្រាទី៥ នៅពេលការវាយប្រហារមួយត្រូវបានចាត់ទុកជាអំពើហិង្សាប្រឆាំងនឹងសម្ព័ន្ធយោធានេះទាំងមូល ដែលនឹងអនុញ្ញាតឲ្យអង្គការណាតូសម្រេចចិត្តលើវិធានការ ដែលខ្លួនមើលឃើញថា សមហេតុផលក្នុងការការពារក្រុមសមាជិករបស់ខ្លួន។ នៅថ្ងៃជាមួយគ្នានោះដែរ ទាហានរុស្ស៊ីបានបាញ់សន្ធាប់លើហេដ្ឋារចនាសម្ព័ន្ធរបស់អ៊ុយក្រែន ជារលកនៃការវាយប្រហារដោយមីស៊ីល។ ចំណែកប្រធានាធិបតីអ៊ុយក្រែនលោក Volodymyr Zelenskyy បានហៅការផ្ទុះនៅក្នុងប្រទេសប៉ូឡូញថា ជាការរីកសង្គ្រាមដ៏ធំ ហើយថាយើងត្រូវតែចាត់វិធានការ៕អត្ថបទ៖ សុខមាន

ក្រុមគ្រួសារជនរងគ្រោះធ្លាក់យន្តហោះ MH17 បានធូរស្រាលចិត្ត ក្រោយដឹងការពិត

អ៊ុយក្រែន៖ ក្រុមគ្រួសារជនរងគ្រោះក្នុងយន្តហោះ MH17 របស់ក្រុមហ៊ុនអាកាសចរណ៍ Malaysia Airlines ដែលត្រូវបានបាញ់ទម្លាក់កាលពីឆ្នាំ២០១៤ បានបង្ហាញអារម្មណ៍ធូរស្រាលកាលពីថ្ងៃព្រហស្បតិ៍ម្សិលមិញ បន្ទាប់ពីតុលាការហូឡង់បានកាត់ទោសកំបាំងមុខលើបុរសជនជាតិរុស្ស៊ី ២នាក់ និងបុរសអ៊ុយក្រែនម្នាក់ពីបទឃាតកម្ម និងកាត់ទោសពួកគេឲ្យជាប់ពន្ធនាគារអស់មួយជីវិត។ អ្នកស្រី Meryn O'Brien ដែលបានបាត់បង់កូនប្រុសរបស់គាត់ឈ្មោះ Jack វ័យ ២៥ឆ្នាំក្នុងឧបទ្ទវហេតុធ្លាក់យន្តហោះនោះបាននិយាយថា ខ្ញុំមានអារម្មណ៍ធូរស្រាលហើយ។ ខ្ញុំមានអារម្មណ៍ថា ដំណើរការនេះបានឈានដល់ទីបញ្ចប់ ហើយវាយុត្តិធម៌ខ្លាំងណាស់។ ខ្ញុំក៏មានអារម្មណ៍ ដូចជាអ្នកផ្សេងទៀតដែលចង់លឺការពិតក្នុងតុលាការនោះអញ្ចឹងដែរ។ ប្ដីរបស់អ្នកស្រីគឺលោក Jon បានបន្ថែមថា នេះជាការឈ្លានពានរបស់រុស្ស៊ីនៅអ៊ុយក្រែនដែលបានសម្លាប់មនុស្ស ២៩៨នាក់នៅលើយន្តហោះ MH17 ហើយយើងចង់ឃើញការបញ្ចប់ការឈ្លានពានរបស់ពួកគេ និងការបញ្ចប់សង្គ្រាមនោះ។ ក្រុមគ្រួសារជនរងគ្រោះជាច្រើនបានអង្គុយជូតទឹកភ្នែកក្នុងបន្ទប់តុលាការ ខណៈប្រធានចៅក្រុម Presiding Judge Hendrik Steenhuis បានសាលក្រម។ទីក្រុង Moscow បានច្រានការជាប់ពាក់ព័ន្ធ ឬការទទួលខុសត្រូវសម្រាប់ការធ្លាក់យន្តហោះ MH17 កាលពីឆ្នាំ២០១៤ ក៏រុស្ស៊ីបានច្រានចោលពីវត្តមានណាមួយក្នុងប្រទេសអ៊ុយក្រែនដែរ។ ក្រសួងការបរទេសរុស្ស៊ីបាននិយាយកាលពីថ្ងៃព្រហស្បតិ៍ថា ខ្លួននឹងពិនិត្យទស្សនរបស់តុលាការហូឡង់ដែលនិយាយថា ក្រុមហ៊ុនអាកាសចរណ៍ Malaysian airline ត្រូវបានបាញ់ទម្លាក់កាលពីឆ្នាំ២០១៤ ដោយមីស៊ីល BUK ផលិតដោយរុស្ស៊ី៕អត្ថបទ៖ សុខមាន

នាយករដ្ឋមន្ត្រីអូស្ត្រាលី ថ្លែងអំណរគុណអាស៊ាន ពិសេសសម្ដេចតេជោ ក្រោយមីយ៉ាន់ម៉ា ដោះលែង សាស្ត្រាចារ្យ Turnell

ភ្នំពេញ៖ ឯកឧត្តម Anthony Albanese នាយករដ្ឋមន្រ្តីនៃប្រទេសអូស្រ្តាលី សូមថ្លែងអំណរគុណចំពោះមិត្តអាស៊ានរបស់យើងជាពិសេសសម្តេច ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ដែលបានធ្វើជាប្រធានអាស៊ាន និងទប់ទល់បាននូវសម្ពាធផ្សេងៗ ប៉ុន្តែមិត្តផ្សេងទៀតនៅក្នុងអាស៊ាន តែងតែប្រកាន់ខ្ជាប់នូវតម្រូវការលើការដោះលែងលោកសាស្រ្តាចារ្យ Turnell”។

តុលាការហូឡង់កាត់ទោសជនសង្ស័យ ៣នាក់ឲ្យជាប់ពន្ធនាគារអស់មួយជីវិតពាក់ព័ន្ធករណីបាញ់ទម្លាក់យន្តហោះ MH17

ហូឡង់៖ តុលាការរបស់ប្រទេសហូឡង់បានកាត់ទោសបុរសដែលជាប់ពាក់ព័ន្ធនឹងរុស្ស៊ីចំនួន ៣នាក់ តែបានលើកលែងទោសម្នាក់ពីបទតួនាទីរបស់ពួកគេក្នុងការបាញ់ទម្លាក់យន្តហោះម៉ាឡេស៊ី MH17។ បុរសទាំងនោះដែល ២នាក់ជាជនជាតិរុស្ស៊ី និងម្នាក់ជាជនជាតិអ៊ុយក្រែនត្រូវបានរកឃើញថា មានទោសពីបទឃាតកម្ម និងធ្វើឲ្យយន្តហោះធ្លាក់ដោយចេតនា ដោយតុលាការក្រុងឡាអេបានអង្គុយនៅក្នុងបន្ទប់កាត់ក្ដី ដែលមានការការពារសន្តិសុខយ៉ាងតឹងរ៉ឹងនៅអាកាសយានដ្ឋានរបស់ប្រទេសហូឡង់កាលពីថ្ងៃព្រហស្បតិ៍។ បុរសទាំង ៣នាក់ដែលជាអតីតទីភ្នាក់ងារចារកម្មរុស្ស៊ីគឺលោក Igor Girkin និងលោក Sergey Dubinsky និងជនជាតិអ៊ុយក្រែនលោក Leonid Kharchenko ដែលជាមេដឹកនាំក្រុមបំបែកខ្លួនម្នាក់ ត្រូវបានកាត់ទោសកំបាំងមុខឲ្យជាប់ពន្ធនាគារអស់មួយជីវិត។ ជនសង្ស័យទី៤ ជាជនជាតិរុស្ស៊ីលោក Oleg Pulatov ត្រូវបានរួចទោស។ ប្រធានចៅក្រមលោក Hendrik Steenhuis បាននិយាយថា មានតែការកាត់ទោសឲ្យបានធ្ងន់ធ្ងរបំផុតទេ ទើបសមនឹងទង្វើដែលជនសង្ស័យទាំងនោះបានប្រព្រឹត្តិ ដែលបានសម្លាប់អាយុជីវិតជនរងគ្រោះជាច្រើន និងបង្កការឈឺចាប់យ៉ាងខ្លាំងដល់ក្រុមសាច់ញ្ញាតិជាច្រើនដែលនៅមានជីវិត។ជនសង្ស័យទាំងនោះទំនងជានឹងមិនទទួលការកាត់ទោសឆាប់ៗខាងមុខនោះទេ ព្រោះពួកគេនៅតែស្ថិតក្រៅច្បាប់នៅឡើយ។ ក្រុមរដ្ឋអាជ្ញា និងជនសង្ស័យមានពេលវេលា ២សប្ដាហ៍ក្នុងការប្ដឹងទៅឧទ្ធរណ៍។ សាលក្រមនេះធ្វើឡើង រយៈពេល ៨ឆ្នាំក្រោយយន្តហោះ Boeing 777 ហោះចេញពីទីក្រុង Amsterdam ទៅកាន់ទីក្រុង Kuala Lumpur ត្រូវបានធ្លាក់ពេលកំពុងហោះហើរនៅវាលស្រែតំបន់ Donetsk ភាគខាងកើតរបស់ប្រទេសអ៊ុយក្រែនកាលពីថ្ងៃទី១៧ ខែកក្កដា ឆ្នាំ២០១៤ សម្លាប់អ្នកដំណើរទាំងអស់ ២៩៨នាក់ និងក្រុមសមាជិកយានិក ១៥នាក់នៅលើយន្តហោះ៕អត្ថបទ៖ សុខមាន

លោកស្រី Nancy Pelosi លាលែងពីតំណែងប្រធានសភា ក្រោយបក្សសាធារណរដ្ឋឈ្នះការបោះឆ្នោតពាក់កណ្ដាលអាណត្តិ

អាមេរិក៖ លោកស្រី Nancy Pelosi ដែលបានដឹកនាំបក្សប្រជាធិបតេយ្យក្នុងសភាអាមេរិកជិត ២០ឆ្នាំបានប្រកាសថា លោកស្រីនឹងចុះចេញពីតួនាទី។ លោកស្រីវ័យ ៨២ឆ្នាំរូបនេះគឺជាសមាជិកមកពីគណបក្សប្រជាធិបតេយ្យដ៏មានអំណាចបំផុតក្នុងសភា និងជាស្ត្រីដំបូងដែលកាន់តំណែងជាប្រធានសភា។ លោកស្រីនឹងបន្តតំណាងឲ្យរដ្ឋ California ក្នុងសភាជាន់ទាបរបស់លោកស្រី។ ការប្រកាសរបស់លោកស្រីមានឡើង ខណៈគណបក្សសាធារណរដ្ឋត្រូវបានព្យាករណ៍ថានឹងដណ្ដើមបានសភាមកវិញ ក្រោយការបោះឆ្នោតពាក់កណ្ដាលអាណត្តិ។ លោក Kevin McCarthy មកពីគណបក្សសាធារណរដ្ឋបានឈ្នះការតែងតាំងរបស់បក្សជាប្រធានសភាក្នុងសភាថ្មី និងទំនងជាបន្តវេនពីលោកស្រី Pelosi។ លោកស្រី Pelosi បាននិយាយនៅក្នុងសេចក្ដីថ្លែងការណ៍មួយក្នុងសភាកាលពីថ្ងៃព្រហស្បតិ៍ថា ខ្ញុំនឹងមិនស្វែងរកការជាប់ឆ្នោតជាថ្មី ជាមេដឹកនាំបក្សប្រជាធិបតេយ្យនៅក្នុងសភា បន្ទាប់ទៀតនោះទេ ។ ពេលវេលាបានមកដល់ហើយសម្រាប់មនុស្សជំនាន់ក្រោយ ក្នុងការដឹងកនាំការប្រជុំរបស់គណបក្សប្រជាធិបតេយ្យ។ សូមបញ្ជាក់ថា លោកស្រី Pelosi នឹងកាន់តំណែងជាប្រធានសភារហូតដល់ខែមករា នៅពេលអ្នកគ្រប់គ្រងសភាថ្មីចូលកាន់តំណែង។ ហើយលោកស្រីនឹងនៅតែមានអាសនៈដែលលោកស្រីដណ្ដើមបានដំបូងក្នុងឆ្នាំ១៩៨៧ រហូតដល់ខែមករា ឆ្នាំ២០២៥៕អត្ថបទ៖ សុខមាន

បណ្ដាញសង្គម

ព័ត៌មានថ្មីៗ

អាហ្សង់ទីនកំណត់ថ្ងៃទី ១៥ កក្កដាជា «ទិវាក្រុមបាល់ទាត់ជម្រើសជាតិ» រំលឹកជ័យជម្នះលើអង់គ្លេសនៅ World Cup 2026

អង្គការ UNICEF៖ កុមារម្នាក់ត្រូវបានសម្លាប់ក្នុងមួយថ្ងៃនៅតំបន់ហ្កាហ្សាចាប់តាំងពីបទឈប់បាញ់

ការវាយប្រហារដោយមីស៊ីលរបស់ក្រុមហ៊ូទី បានសម្លាប់កងកម្លាំងរដ្ឋាភិបាលយេម៉ែនរាប់សិបនាក់

កូរ៉េខាងជើងបាញ់មីស៊ីលផ្លោងរយៈចម្ងាយខ្លីរំលងសមុទ្រជប៉ុន មួយថ្ងៃក្រោយរិះគន់ការបង្កើនសមត្ថភាពយោធារបស់ជប៉ុន

សហព័ន្ធខ្មែរកីឡាហែលទឹកប្រកាសជាផ្លូវការពីការផ្លាស់ប្តូរឈ្មោះមកជាសហព័ន្ធកីឡាក្នុងទឹកកម្ពុជាវិញ

តម្លៃប្រេងកើនឡើងជុំវិញការព្រួយបារម្ភអំពីផែនការបើកច្រកសមុទ្រ Hormuz ឡើងវិញ

អ៊ីរ៉ង់ និងអូម៉ង់ ឈានដល់ការយោគយល់គ្នាលើកិច្ចព្រមព្រៀងបើកច្រកសមុទ្រ Hormuz ឡើងវិញ

អ៊ីរ៉ង់ព្យាយាមហាមប្រាមនាវាអាមេរិក ខណៈកិច្ចព្រមព្រៀងបើកច្រកសមុទ្រ Hormuz ជាមួយអូម៉ង់រីកចម្រើន

TOP STORY | អ្នករាយការណ៍ពិសេសសិទ្ធិមនុស្សនៅកម្ពុជានឹងដាក់របាយការណ៍ទៅកាន់ក្រុមប្រឹក្សាសិទ្ធិមនុស្សអង្គការសហប្រជាជាតិស្តីពីស្ថានភាពសិទ្ធិមនុស្សនៅកម្ពុជានៅខែក្រោយ

ស្រែអំបិលឥណ្ឌូនេស៊ី រីកដុះដាលខ្លាំង ដោយសារគ្រោះរាំងស្ងួតបង្កឡើងពីបាតុភូតអែល នីញ៉ូ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

លោក គីម ជុងអ៊ុន បង្ហាញមុខកូនស្រីក្នុងពេលការសាកល្បងមីស៊ីលបាលីស្ទីក

ប្រធានរដ្ឋសភា នៃសាធារណរដ្ឋសង្គនិយមវៀតណាម បានមកដល់កកម្ពុជាហើយ

មនុស្ស ៦នាក់ស្លាប់ និង ៣០នាក់រងរបួសក្នុងការផ្ទុះធុងឧស្ម័ននៅភាគខាងជើងប្រទេសអ៊ីរ៉ាក់

មនុស្ស ២១នាក់ស្លាប់ និងច្រើននាក់រងរបួសនៅពេលអគ្គិភ័យបានឆេះអគារក្នុងតំបន់ Gaza

កូរ៉េខាងជើងសាកល្បងអាវុធដែលគេសង្ស័យថា ជាមីស៊ីលអន្តរទ្វីបបាលីស្ទីក ICBM នៅថ្ងៃសុក្រនេះ

សម្ព័ន្ធយោធាណាតូជួបបញ្ហាប្រឈមថ្មី ខណៈសង្គ្រាមអ៊ុយក្រែនហៀរចូលទឹកដីប៉ូឡូញ

ក្រុមគ្រួសារជនរងគ្រោះធ្លាក់យន្តហោះ MH17 បានធូរស្រាលចិត្ត ក្រោយដឹងការពិត

នាយករដ្ឋមន្ត្រីអូស្ត្រាលី ថ្លែងអំណរគុណអាស៊ាន ពិសេសសម្ដេចតេជោ ក្រោយមីយ៉ាន់ម៉ា ដោះលែង សាស្ត្រាចារ្យ Turnell

តុលាការហូឡង់កាត់ទោសជនសង្ស័យ ៣នាក់ឲ្យជាប់ពន្ធនាគារអស់មួយជីវិតពាក់ព័ន្ធករណីបាញ់ទម្លាក់យន្តហោះ MH17

លោកស្រី Nancy Pelosi លាលែងពីតំណែងប្រធានសភា ក្រោយបក្សសាធារណរដ្ឋឈ្នះការបោះឆ្នោតពាក់កណ្ដាលអាណត្តិ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

លោក​ គីម ជុង​អ៊ុន បង្ហាញមុខ​កូនស្រីក្នុងពេល​ការសាកល្បង​មី​ស៊ី​ល​បាលី​ស្ទីក

ប្រធានរដ្ឋសភា នៃសាធារណរដ្ឋសង្គនិយមវៀតណាម បានមកដល់កកម្ពុជាហើយ

មនុស្ស​ ៦នាក់ស្លាប់ និង ​៣០​នាក់​រង​របួស​ក្នុង​ការ​ផ្ទុះ​ធុង​ឧស្ម័ន​នៅ​ភាគ​ខាងជើង​ប្រទេស​អ៊ីរ៉ាក់​

មនុស្ស ២១​នាក់​ស្លាប់ និង​ច្រើន​នាក់​រង​របួស​នៅ​ពេល​អគ្គិភ័យ​បាន​ឆេះ​អគារ​ក្នុង​តំបន់ ​Gaza

កូរ៉េខាងជើង​សាកល្បង​អាវុធ​ដែល​គេ​សង្ស័យ​ថា ​ជា​មី​ស៊ី​ល​អន្តរទ្វីប​បាលី​ស្ទីក ICBM នៅ​ថ្ងៃ​សុក្រ​នេះ​

សម្ព័ន្ធ​យោធា​ណា​តូ​ជួប​បញ្ហា​ប្រឈម​ថ្មី ខណៈ​សង្គ្រាម​អ៊ុយ​ក្រែ​ន​ហៀរ​ចូល​ទឹកដី​ប៉ូឡូញ​

ក្រុមគ្រួសារ​ជនរងគ្រោះ​ធ្លាក់​យន្តហោះ MH17 បាន​ធូរស្រាល​ចិត្ត ក្រោយ​ដឹង​ការពិត

នាយករដ្ឋមន្ត្រីអូស្ត្រាលី ថ្លែងអំណរគុណអាស៊ាន ពិសេសសម្ដេចតេជោ ក្រោយមីយ៉ាន់ម៉ា ដោះលែង សាស្ត្រាចារ្យ Turnell

លោកស្រី Nancy Pelosi​ លាលែង​ពី​តំណែង​ប្រធានសភា ក្រោយ​បក្ស​សាធារណរដ្ឋ​ឈ្នះ​ការបោះឆ្នោត​ពាក់កណ្ដាល​អាណ​ត្តិ​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

លោក គីម ជុងអ៊ុន បង្ហាញមុខកូនស្រីក្នុងពេលការសាកល្បងមីស៊ីលបាលីស្ទីក

មនុស្ស ៦នាក់ស្លាប់ និង ៣០នាក់រងរបួសក្នុងការផ្ទុះធុងឧស្ម័ននៅភាគខាងជើងប្រទេសអ៊ីរ៉ាក់

មនុស្ស ២១នាក់ស្លាប់ និងច្រើននាក់រងរបួសនៅពេលអគ្គិភ័យបានឆេះអគារក្នុងតំបន់ Gaza

កូរ៉េខាងជើងសាកល្បងអាវុធដែលគេសង្ស័យថា ជាមីស៊ីលអន្តរទ្វីបបាលីស្ទីក ICBM នៅថ្ងៃសុក្រនេះ

សម្ព័ន្ធយោធាណាតូជួបបញ្ហាប្រឈមថ្មី ខណៈសង្គ្រាមអ៊ុយក្រែនហៀរចូលទឹកដីប៉ូឡូញ

ក្រុមគ្រួសារជនរងគ្រោះធ្លាក់យន្តហោះ MH17 បានធូរស្រាលចិត្ត ក្រោយដឹងការពិត

លោកស្រី Nancy Pelosi លាលែងពីតំណែងប្រធានសភា ក្រោយបក្សសាធារណរដ្ឋឈ្នះការបោះឆ្នោតពាក់កណ្ដាលអាណត្តិ