BTV NEWS

សម្តេចតេជោ ហ៊ុន សែន ចែករំលែកអត្ថបទវិភាគរបស់អ្នកជំនាញផ្នែកទំនាក់ទំនងអន្តរជាតិ និងសន្តិសុខរបស់ប្រទេសថៃ ដែលមានចំណងជើងថា «ស្វាដោះសំណាញ់!»

សម្តេចធិបតី៖កម្ពុជាគាំទ្រពេញទំហឹង និងបន្តប្តេជ្ញាចិត្តធ្វើការយ៉ាងជិតស្និទ្ធជាមួយរដ្ឋសមាជិកអាស៊ាន ប្រទេសបូកបី និងដៃគូសន្ទនាដើម្បីបំប្លែងឯកសារទៅជាសកម្មភាពជាក់ស្តែង

សម្តេចធិបតី ហ៊ុន ម៉ាណែត៖នៅទូទាំងពិភពលោកនិន្នាការផ្លាស់ប្តូរចំនួនបីកំពុងរៀបចំរដ្ឋបាលសាធារណៈឡើងវិញទោះបីជាក្នុងកម្រិត និងល្បឿនខុសៗគ្នាក៏ដោយ

កិច្ចប្រជុំ ACCSM និង ACCSM+3 ជំរុញនវានុវត្តន៍ការផ្ដល់សេវាសាធារណៈកាន់តែប្រសើរនៅក្នុងតំបន់

ព័ត៌មានសំខាន់ៗ

ប្រធានរដ្ឋសភាវៀតណាម នឹងអញ្ជើញមកបំពេញទស្សនកិច្ចផ្លូវការ និងមិត្តភាព រយៈពេល៥ថ្ងៃ នៅកម្ពុជា

តបតាមការអញ្ជើញរបស់សម្ដេចអគ្គមហាពញាចក្រី ហេង សំរិន ប្រធានរដ្ឋសភាព នៃព្រះរាជាណាចក្រកម្ពុជា ឯកឧត្ដម វឿង ឌីញ ហ្វេ ( H.E.Mr Vuong Dinh Hue) ប្រធានរដ្ឋសភា នៃសាធារណរដ្ឋសង្គមនិយមវៀតណាម នឹងអញ្ជើញដឹកនាំគណៈប្រតិភូជាន់ខ្ពស់ មកបំពេញទស្សនកិច្ចផ្លូវការ និងមិត្តភាព រយៈពេល ៥ថ្ងៃ នៅព្រះរាជាណាចក្រកម្ពុជា គឺចាប់ពីថ្ងៃទី១៩ ដល់២៣ ខែវិច្ឆិកា ឆ្នាំ២០២២ ។ នេះបើយោងតាមសេចក្ដីជូនដំណឹងរបស់អគ្គលេខាធិការដ្ឋាន រដ្ឋសភា ។ក្នុងអំឡុងពេលទស្សនកិច្ច ឯកឧត្ដម វឿង ឌីញ ហ្វេ នឹងចូលក្រាបបង្គំគាល់ ព្រះករុណា ព្រះបាទសម្ដេចព្រះបរមនាថ នរោត្ដម សីហមុនី ព្រះមហាក្សត្រ នៃព្រះរាជាណាចក្រកម្ពុជា។ ឯកឧត្ដមក៏នឹងចូលជួបសម្ដែងការគួរសមជាមួយ សម្ដេចវិបុលសេនាភក្ដី សាយ ឈុំ ប្រធានព្រឹទ្ធសភា និងសម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ផងដែរ។

លីទុយអានីអំពាវនាវឲ្យមានការការពារដែនអាកាសបន្ថែមទៀតតាមបណ្តោយព្រំដែនភាគខាងកើតរបស់ NATO

លីទុយអានី៖ ប្រធានាធិបតីលីទុយអានីលោក Gitanas Nauseda បាននិយាយកាលពីថ្ងៃពុធ បន្ទាប់ពីការវាយប្រហារដោយមីស៊ីលកាលពីថ្ងៃអង្គារបណ្តាលឲ្យមនុស្ស ២នាក់ស្លាប់ក្នុងប្រទេសប៉ូឡូញថា NATO គួរតែដាក់ពង្រាយប្រព័ន្ធការពារដែនអាកាសឱ្យបានឆាប់រហ័សនៅតាមព្រំដែនប្រទេសប៉ូឡូញ-អ៊ុយក្រែន និងតំបន់ផ្សេងទៀតនៅភាគខាងកើតរបស់សម្ព័ន្ធមិត្ត។ លោក Nauseda បានប្រាប់អ្នកសារព័ត៌មានថា លីទុយអានីនឹងគាំទ្រយ៉ាងសកម្មក្នុងការដាក់ពង្រាយប្រព័ន្ធការពារដែនអាកាសរបស់ណាតូ នៅតាមព្រំដែនប្រទេសប៉ូឡូញ-អ៊ុយក្រែន ដែលនេះក៏អនុវត្តចំពោះតំបន់ផ្សេងទៀតនៃតំបន់ភាគខាងកើតផងដែរ។ លោក Nauseda លោកសង្ឃឹមថា នៅកិច្ចប្រជុំកំពូលរបស់អង្គការណាតូនៅឆ្នាំក្រោយនៅទីក្រុង Vilnius យើងនឹងអាចដំណើរការឈានទៅមុខបាន ខណៈស្ថានភាពនេះបញ្ជាក់ថា វាគឺជាការសម្រេចចិត្តដ៏ត្រឹមត្រូវ ហើយត្រូវការការអនុវត្តយ៉ាងឆាប់រហ័ស។ លោក Nauseda បាននិយាយថា ការផ្ទុះនេះមិនបានបង្កើនកម្រិតនៃការគំរាមកំហែងផ្នែកយោធានោះទេ ហើយឧប្បត្តិហេតុចៃដន្យនៃការបង្វែរទិសដៅអាចកើតមាន ដោយមីស៊ីលនៅពេលអនាគត៕អត្ថបទ៖ ប៊ុនថន

ប្រធានាធិបតីចិនបន្ទោសនាយករដ្ឋមន្ត្រីកាណាដាយ៉ាងខ្លាំងជុំវិញទង្វើមិនសមរម្យ

ចិន៖ ប្រធានាធិបតីចិនលោក Xi Jinping ដែលខឹងសម្បាបានស្តីបន្ទោសលោក Justin Trudeau នាយករដ្ឋមន្ត្រីកាណាដានៅក្នុងកិច្ចប្រជុំ G20 សម្រាប់ការចោទប្រកាន់ថា បានបែកធ្លាយកិច្ចសន្ទនារបស់មេដឹកនាំទាំង២ ទៅដល់អ្នកសារព័ត៌មាន។មេដឹកនាំទាំងពីរត្រូវបានគេថតបានដោយកាម៉េរា កំពុងពិភាក្សាគ្នាយ៉ាងក្តៅគគុកតាមរយៈអ្នកបកប្រែម្នាក់ នៅកិច្ចប្រជុំកំពូលក្នុងប្រទេសឥណ្ឌូនេស៊ី។ លោក Xi ហាក់ដូចជាមានការខកចិត្ត ខណៈលោកបាននិយាយទម្លាយទៅកាន់នាយករដ្ឋមន្ត្រីកាណាដា អំពីរបៀបនៃព័ត៌មានលម្អិតនៃជំនួបរវាងមេដឹកនាំទាំងពីរកាលពីថ្ងៃអង្គារ ដែលត្រូវបានបែកធ្លាយដល់សារព័ត៌មានដោយប្រភពរដ្ឋាភិបាលកាណាដា។ លោក Xi បានប្រាប់លោក Trudeau តាមរយៈអ្នកបកប្រែដោយញញឹមថា អ្វីគ្រប់យ៉ាងដែលយើងបានពិភាក្សាត្រូវបានបែកធ្លាយលើសារព័ត៌មាន វាមិនសមរម្យនោះទេ។ប្រសិនបើមានភាពស្មោះត្រង់ យើងអាចប្រាស្រ័យទាក់ទងគ្នាបានយ៉ាងល្អដោយការគោរពគ្នាទៅវិញទៅមក បើមិនដូច្នេះទេលទ្ធផលនឹងពិបាកនិយាយ។ លោក Trudeau បាននិយាយកាត់មេដឹកនាំចិន ហើយបានដើរទៅរកមេដឹកនាំរូបនេះ។ លោក Trudeau បាននិយាយថា នៅក្នុងប្រទេសកាណាដា យើងជឿជាក់លើកិច្ចសន្ទនាដោយសេរី និងបើកចំហ និងស្មោះត្រង់ ហើយនោះជាអ្វីដែលយើងនឹងបន្តឲ្យមាន ហើយយើងនឹងបន្តស្វែងរកការងាររួមគ្នាប្រកបដោយការស្ថាបនា។ លោក Xi បានងាកចេញនៅពេលដែលលោក Trudeau ឆ្លើយតប៕អត្ថបទ៖ ប៊ុនថន

លោកខាងលិចរិះគន់រុស្ស៊ីនៅអង្គការសហប្រជាជាតិចំពោះសង្គ្រាមអ៊ុយក្រែន បន្ទាប់ពីមីស៊ីលធ្លាក់នៅប៉ូឡូញ

UN៖ សហរដ្ឋអាមេរិក និងសម្ព័ន្ធមិត្តរបស់ខ្លួនកាលពីថ្ងៃពុធបានរិះគន់រុស្ស៊ី នៅក្នុងក្រុមប្រឹក្សាសន្តិសុខអង្គការសហប្រជាជាតិ ជុំវិញការវាយប្រហារដោយមីស៊ីលលើប្រទេសអ៊ុយក្រែនក្នុងកិច្ចប្រជុំ មួយថ្ងៃបន្ទាប់ពីមីស៊ីលដែលអង្គការណាតូបាននិយាយថា ជាការបាញ់តាមស្ទាក់ចាប់ដោយប្រព័ន្ធការពារដែនអាកាសរបស់អ៊ុយក្រែន បានធ្លាក់នៅក្នុងប្រទេសប៉ូឡូញ។ សម្ព័ន្ធយោធា NATO និងសមាជិកប៉ូឡូញនិយាយថា មីស៊ីលនេះគឺជាការបាញ់តាមស្ទាក់ចាប់ដោយប្រព័ន្ធការពារដែនអាកាសរបស់អ៊ុយក្រែន ហើយមិនមែនជាការវាយប្រហាររបស់រុស្ស៊ីនោះទេ ដែលជាការបន្ធូរបន្ថយការព្រួយបារម្ភរបស់អន្តរជាតិថា សង្គ្រាមអាចរីកកាន់តែធំឡើង។ ប្រធានាធិបតីអ៊ុយក្រែនលោក Volodymyr Zelenskiy បានបដិសេធដោយនិយាយថា គ្មានការសង្ស័យទាល់តែសោះថា មីស៊ីលនោះពុំមែនជាមីស៊ីលរបស់អ៊ុយក្រែនទេ។ ឯកអគ្គរដ្ឋទូតរបស់ទីក្រុងវ៉ាស៊ីនតោនប្រចាំអង្គការសហប្រជាជាតិ លោកស្រី Linda Thomas-Greenfield បានថ្លែងទៅកាន់ក្រុមប្រឹក្សាសន្តិសុខថា សោកនាដកម្មនេះមិនដែលកើតឡើងនោះទេ បើពុំមានការឈ្លានពានមិនចាំបាច់របស់រុស្ស៊ីមកលើអ៊ុយក្រែន និងការវាយលុកដោយមីស៊ីលនាពេលថ្មីៗនេះ លើហេដ្ឋារចនាសម្ព័ន្ធស៊ីវិលរបស់អ៊ុយក្រែន។លោកស្រី Thomas-Greenfield និយាយថា អ៊ុយក្រែនមានសិទ្ធិការពារខ្លួនដោយការបាញ់ស្ទាក់ចាប់។ ឯកអគ្គរដ្ឋទូតប៉ូឡូញប្រចាំអង្គការសហប្រជាជាតិបានគាំទ្រសេចក្តីថ្លែងការណ៍ថា ការឈ្លានពានរបស់រុស្ស៊ីនៅទីបំផុតត្រូវបានដាក់កំហុសចំពោះការផ្ទុះនៅប្រទេសប៉ូឡូញ។ សមាជិកក្រុមប្រឹក្សាសន្តិសុខនៅក្នុងកិច្ចប្រជុំ បានអំពាវនាវឱ្យរុស្ស៊ីបន្តកិច្ចព្រមព្រៀងគ្រាប់ធញ្ញជាតិនៅសមុទ្រខ្មៅ ដែលគ្រោងនឹងចាប់ផ្តើមនៅថ្ងៃសៅរ៍ខាងមុខនេះ៕អត្ថបទ៖ ប៊ុនថន

លោក Zelenskiy និយាយថា អ៊ុយក្រែននឹងបង្កើតព័ត៌មានលម្អិតទាំងអស់ស្តីពីមីស៊ីលធ្លាក់នៅប៉ូឡូញ

អ៊ុយក្រែន៖ ប្រធានាធិបតីអ៊ុយក្រែនលោក Volodymyr Zelenskiy បាននិយាយកាលពីថ្ងៃពុធថា ព័ត៌មានត្រូវបានបង្កើតឡើងសម្រាប់ដំណើរការស៊ើបអង្កេត លើករណីមីស៊ីលដែលបានធ្លាក់នៅក្នុងប្រទេសប៉ូឡូញ។ យើងខិតខំបង្កើតព័ត៌មានលម្អិតរាល់ការពិត។ លោក Zelenskyy បាននិយាយក្នុងអំឡុងសុន្ទរកថារបស់លោកថា យើងបានផ្តល់ព័ត៌មានទៅដល់ដៃគូរបស់យើងតាំងពីពេលយប់ ចាប់តាំងពីម៉ោងដំបូង នៅពេលដែលពិភពលោកចាប់ផ្តើមស៊ើបអង្កេតនូវអ្វីដែលបានកើតឡើង។ ប៉ូឡូញ និងសម្ព័ន្ធយោធាណាតូបាននិយាយកាលពីថ្ងៃពុធថា មីស៊ីលនេះត្រូវបានបាញ់តាមស្ទាក់ចាប់ដោយប្រព័ន្ធការពារដែនអាកាសរបស់អ៊ុយក្រែន ហើយពុំមែនជាការវាយប្រហាររបស់រុស្ស៊ីនោះទេ ដែលនេះបានបន្ធូរបន្ថយការព្រួយបារម្ភជាអន្តរជាតិថា សង្គ្រាមអាចរាលដាលនៅទូទាំងព្រំដែន។ ឧបទ្ទវហេតុនេះបានកើតឡើងកាលថ្ងៃអង្គារ ខណៈរុស្ស៊ីកំពុងបាញ់មីស៊ីលជាច្រើនគ្រាប់ទៅលើទីក្រុងនានានៅទូទាំងប្រទេសអ៊ុយក្រែន ដោយកំណត់គោលដៅបណ្តាញថាមពល និងធ្វើឱ្យដាច់ចរន្តអគ្គិសនីសម្រាប់ប្រជាជនរាប់លាននាក់ ជាអ្វីដែលទីក្រុង Kyiv និយាយថា គឺជាការវាយប្រហារដ៏ខ្លាំងក្លាបំផុតក្នុងសង្គ្រាមរយៈពេល ៩ខែមកនេះ។ប្រធានាធិបតីអ៊ុយក្រែនលោក Volodymyr Zelenskiy និយាយថា លោកគ្មានមន្ទិលសង្ស័យទាល់តែសោះថា ការផ្ទុះដែលបានបណ្តាលឲ្យមនុស្សពីរនាក់ស្លាប់នៅប្រទេសប៉ូឡូញ ពុំមែនបង្កឡើងដោយមីស៊ីលរបស់អ៊ុយក្រែនទេ។ លោកបានប្រាប់ប្រព័ន្ធផ្សព្វផ្សាយអ៊ុយក្រែនក្នុងសន្និសីទសារព័ត៌មានក្នុងទីក្រុង Kyiv ថា លោកគ្មានការសង្ស័យនោះទេថា វាមិនមែនជាមីស៊ីលរបស់យើង។ នៅពេលសួរអំពីលទ្ធភាពនៃការចរចាជាមួយរុស្ស៊ី លោក Zelenskiy បាននិយាយថា រុស្ស៊ីមិនបានផ្តល់ការចរចាសន្តិភាពណាមួយដល់ទីក្រុង Kyiv ឡើយ។ លោកនិយាយថា ពួកគេមិនបានទាក់ទងជាមួយយើងទេ៕អត្ថបទ៖ ប៊ុនថន

លោក Biden ព្រួយបារម្ភអំពីកញ្ចប់ជំនួយអ៊ុយក្រែន ប្រសិនបើគណបក្សសាធារណរដ្ឋគ្រប់គ្រងសភា

អាមេរិក៖ លោកប្រធានាធិបតី Joe Biden បានបង្ហាញក្ដីបារម្ភនៅថ្ងៃព្រហស្បតិ៍នេះ អំពីការរំពឹងទុកសម្រាប់កញ្ចប់ជំនួយនាពេលអនាគតរបស់អាមេរិកដល់អ៊ុយក្រែន ប្រសិនបើគណបក្សសាធារណរដ្ឋគ្រប់គ្រងសភាមួយក្នុងចំណោមសភាទាំង២ របស់សហរដ្ឋអាមេរិក ក្នុងការបោះឆ្នោតពាក់កណ្ដាលអាណត្តិកាលពីថ្ងៃអង្គារ ទី៨ ខែវិច្ឆិកាសប្ដាហ៍មុន។ លោក Biden បានប្រាប់ក្រុមអ្នកសារព័ត៌មាននៅកន្លែងឈប់សំចត ក្នុងហាងសាំងវិចមួយកន្លែងក្នុងទីក្រុង Pittsburgh នៃរដ្ឋ Pennsylvania ថា លោកមានការព្រួយបារម្ភណាស់ នៅពេលត្រូវបានសួរអំពីផលប៉ះពាល់លើកញ្ចប់ជំនួយដល់អ៊ុយក្រែន ប្រសិនបើគណបក្សសាធារណរដ្ឋឈ្នះ។ លោក Biden បានស្ថិតក្នុងយុទ្ធនាការនៅទីក្រុង Pittsburgh ដើម្បីជួយដល់លោក John Fetterman មកពីគណបក្សប្រជាធិបតេយ្យរបស់លោក ដែលប្រកួតប្រជែងអាសនៈព្រឹទ្ធសភាជាមួយលោក Mehmet Oz មកពីគណបក្សសាធារណរដ្ឋ ដែលនឹងជួយកំណត់ថា តើគណបក្សប្រជាធិបតេយ្យនឹងនៅតែរក្សាបានការគ្រប់គ្រងព្រឹទ្ធសភា ឬយ៉ាងណា។ក្នុងពេលប៉ុន្មានថ្ងៃថ្មីៗនេះ មេដឹកនាំគណបក្សសាធារណរដ្ឋក្នុងសភាគឺលោក Kevin McCarthy បាននិយាយថា លោកនឹងពុំមានបំណងចំណាយច្រើនតាមការចង់បានសម្រាប់ជំនួយអ៊ុយក្រែនទេ ប្រសិនបើគណបក្សសាធារណរដ្ឋគ្រប់គ្រងសភា យកបានពីគណបក្សប្រជាធិបតេយ្យក្នុងការបោះឆ្នោតពាក់កណ្ដាលអាណត្តិ។ គណបក្សសាធារណរដ្ឋត្រូវបានខ្វែងគំនិត រវាងអ្នកដែលមើលឃើញពីតម្រូវការក្នុងការគ្រប់គ្រងប្រទេសរុស្ស៊ី និងអ្នកផ្សេងទៀតដែលចូលចិត្តនយោបាយការបរទេសឯកោជាង។ សហរដ្ឋអាមេរិកបានផ្តល់ជំនួយសន្តិសុខជាង ១៧.៥ពាន់លានដុល្លារអាមេរិកដល់អ៊ុយក្រែន ចាប់តាំងពីរុស្ស៊ីបានវាយលុកកាលពីថ្ងៃទី២៤ ខែកុម្ភៈមក៕អត្ថបទ៖ សុខមាន

កូរ៉េខាងជើងបាញ់មីស៊ីលបាលីស្ទីក ខណៈប្ដេជ្ញាឆ្លើយតបខាងយោធាកាន់តែខ្លាំងក្លាលើអាមេរិក និងសម្ព័ន្ធមិត្ត

កូរ៉េខាងត្បូង៖ កូរ៉េខាងត្បូងនិយាយថា កូរ៉េខាងជើងបានបាញ់មីស៊ីលបាលីស្ទីក ១គ្រាប់ចូលទៅកាន់ដែនទឹកភាគខាងកើតរបស់ខ្លួននៅថ្ងៃព្រហស្បតិ៍នេះ ប៉ុន្មានម៉ោងបន្ទាប់ពីកូរ៉េខាងជើងគំរាមឆ្លើយតបខាងយោធាកាន់តែខ្លាំងក្លាចំពោះសហរដ្ឋអាមេរិក ដែលកំពុងបង្កើនការប្ដេជ្ញាចិត្តផ្នែកសន្តិសុខរបស់ខ្លួនដល់សម្ព័ន្ធមិត្តរបស់ខ្លួនគឺកូរ៉េខាងត្បូង និងជប៉ុន។នាយសេនាធិការចម្រុះកូរ៉េខាងត្បូងបាននិយាយនៅក្នុងសេចក្ដីថ្លែងការណ៍ខ្លីមួយថា ខ្លួនបានតាមដានការបាញ់ចេញពីកូរ៉េខាងជើង ប៉ុន្តែពុំបានផ្ដល់ព័ត៌មានលម្អិតបន្ថែមទេ ដូចជាថាតើអាវុធនោះហោះបានចម្ងាយប៉ុណ្ណា និងបានធ្លាក់នៅកន្លែងណានោះទេ។ នៅព្រឹកថ្ងៃព្រហស្បតិ៍នេះ រដ្ឋមន្ត្រីកូរ៉េខាងជើងលោកស្រី Choe Son Hue បានព្រមានថា កិច្ចព្រមព្រៀងជំនួបកំពូលរវាងអាមេរិក កូរ៉េខាងត្បូង និងជប៉ុន ស្ដីពីកូរ៉េខាងជើងនឹងធ្វើឲ្យភាពតានតឹងនៅឧបទ្វីបកូរ៉េកាន់តែឡើងកំដៅខ្លាំងមិនអាចព្យាករណ៍បាន។សេចក្ដីថ្លែងការណ៍របស់លោកស្រី Choe គឺជាការឆ្លើយតបជាផ្លូវការលើកដំបូងរបស់កូរ៉េខាងជើង ចំពោះជំនួបកំពូលត្រីភាគីរបស់លោកប្រធានាធិបតីអាមេរិក Joe Biden ជាមួយសមាភាគីរបស់លោកគឺកូរ៉េខាងត្បូង និងជប៉ុននៅក្នុងព្រះរាជាណាចក្រកម្ពុជាកាលពីថ្ងៃអាទិត្យសប្ដាហ៍មុន។ ក្នុងសេចក្ដីថ្លែងការណ៍រួមនោះ មេដឹកនាំទាំង៣ បានថ្កោលទោសយ៉ាងដាច់អហង្ការចំពោះការបាញ់សាកល្បងមីស៊ីលថ្មីៗរបស់កូរ៉េខាងជើង និងបានព្រមព្រៀងធ្វើការរួមគ្នាដើម្បីរារាំងកូរ៉េខាងជើង ខណៈលោក Biden បានបញ្ជាក់ជាថ្មីពីការប្ដេជ្ញាចិត្តរបស់សហរដ្ឋអាមេរិកក្នុងការការពារកូរ៉េខាងត្បូង និងជប៉ុនប្រកបដោយសមត្ថភាពពេញលេញ រួមទាំងអាវុធនុយក្លេអ៊ែររបស់ខ្លួន៕អត្ថបទ៖ សុខមាន

គណបក្សសាធារណរដ្ឋបានគ្រប់គ្រងសភាក្នុងសំឡេងតិចតួចស្ដួចស្ដើងក្នុងការបោះឆ្នោតពាក់កណ្ដាលអាណត្តិ

ដៃគូផ្សាយ BBC នៅសហរដ្ឋអាមេរិក គឺប្រព័ន្ធផ្សព្វផ្សាយ CBS News បានព្យាករណ៍ថា គណបក្សសាធារណរដ្ឋដណ្ដើមបាន ២១៨អាសនៈ ដើម្បីយកឈ្នះសំឡេងភាគច្រើនដាច់ខាត នៅក្នុងសភាជាន់ទាប នៃសភាអាមេរិក។ សំឡេងភាគច្រើនរបស់គណបក្សនេះនៅក្នុងសភា គឺតិចតួចស្ដួចស្ដើង ប៉ុន្តែវាគ្រប់គ្រាន់ល្មមរារាំងរបៀបវារៈរបស់លោកប្រធានាធិបតី Joe Biden សម្រាប់រយៈពេល ២ឆ្នាំខាងមុខ។ លទ្ធផលនេះ ធ្វើឲ្យមានការខ្វែងគំនិតគ្នាក្នុងរដ្ឋាភិបាលស្របពេលដែលគណបក្សប្រជាធិបតេយ្យនៅតែរក្សាបានការគ្រប់គ្រងព្រឹទ្ធសភា។ ទន្ទឹមនឹងនេះដែរ អតីតប្រធានាធិបតីលោក Donald Trump បានប្រកាសថា លោកនឹងឈរឈ្មោះជាបេក្ខភាពប្រធានាធិបតីជាថ្មីនៅឆ្នាំ ២០២៤។

សម្តេចតេជោ ហ៊ុន សែន ៖ស្ថានភាពសុខភាពខ្ញុំមកទល់ពេលនេះ មានស្ថានភាពធម្មតា ទាំងការសម្រាកសម្រាន្ត និងទទួលទានអាហារ

ភ្នំពេញ៖ សម្តេចតេជោ ហ៊ុន សែន បានបញ្ជាក់ថា ស្ថានភាពសុខភាពសម្តេចមកទល់ពេលនេះ គឺមានស្ថានភាពធម្មតា ។ ក្នុងនោះការទទួលអាហារ និងការសម្រាន្ត ក៏មានសភាពធម្មតាផងដែរ។យោងតាមសារពិសេសសម្តេចតេជោ ហ៊ុន សែន នៅរាត្រីថ្ងៃទី១៦ ខែវិច្ឆិកានេះ សម្តេចតេជោ ហ៊ុន សែន ប្រកាសថា អ្វីដែលសម្តេចមានភាពសប្បាយរីករាយបំផុតនោះ គឺគ្មានមេដឹកនាំណាម្នាក់ រួមទាំងអគ្គលេខាធិការUN ដែលមកប្រជុំកំពូលអាស៊ាន និងកិច្ចប្រជុំកំពូលពាក់នានានៅកម្ពុជា មានវិជ្ជមានកូវីដ-១៩នោះទេ។សម្តេចតេជោ ហ៊ុន សែន ពន្យល់ថា ពេលដែលសម្តេចរកឃើញវិជ្ជមានកូវីដ-១៩តែម្នាក់ឯង បែរជាមិនចាត់តំណាងឲ្យបន្តចូលរួមកិច្ចប្រជុំG-20 នៅឥណ្ឌូនេស៊ី និងAPEC នៅប្រទេសថៃ គឺដោយសារតែកម្ពុជាមិនមែនជាសមាជិកG-20 និងAPEC នោះទេ ដូច្នេះយើងមិនមានសិទ្ធិចាត់តំណាង ឬតែងតាំងតំណាង ដើម្បីឲ្យបន្តចូលរួមបានឡើយ៕

អង្គការសហប្រជាជាតិកំណត់ចំនួនប្រជាជនពិភពលោកកើនលើសពី ៨ពាន់លាននាក់

UN៖ អង្គការសហប្រជាជាតិបានកំណត់ពិភពលោកថា មានចំនួនមនុស្សលើសពី ៨ពាន់លាននាក់កាលពីថ្ងៃអង្គារ។ ជាសកលការកំណត់ដ៏សំខាន់នៃចំនួនប្រជាជន ៨ពាន់លាននាក់បានបង្ហាញថា ១ពាន់លាននាក់ត្រូវបានបន្ថែមនៅលើភពផែនដីក្នុងរយៈពេលត្រឹមតែ ១១ឆ្នាំចុងក្រោយនេះ។ កំណើនដែលមិនធ្លាប់មានពីមុនមកនៃចំនួនប្រជាជនពិភពលោក គឺបណ្តាលមកពីនិន្នាការស្របគ្នាចំនួនពីរ។ ម្យ៉ាងវិញទៀត ការកើនឡើងបន្តិចម្តងៗនៃអាយុវែងជាមធ្យមរបស់មនុស្ស ដោយសារតែភាពរីកចំរើនយ៉ាងទូលំទូលាយនៃសុខភាពសាធារណៈ និងអាហារូបត្ថម្ភ អនាម័យផ្ទាល់ខ្លួន និងឱសថ។ លោកស្រី Maria Spatolisano ជំនួយការអគ្គលេខាធិការអង្គការសហប្រជាជាតិ ទទួលបន្ទុកកិច្ចការសម្របសម្រួលគោលនយោបាយនិយាយថា មានកម្រិតខ្ពស់នៃការបន្តឲ្យមានកូននៅក្នុងប្រទេសជាច្រើន។ អ្នកជំនាញនិយាយថា សម្ពាធធនធាននឹងធ្វើឲ្យមានការទទួលបន្ទុកដ៏ធ្ងន់ ជាពិសេសនៅក្នុងបណ្តាប្រទេសតំបន់អាហ្វ្រិក ដែលចំនួនប្រជាជនត្រូវបានគេរំពឹងថានឹងកើនឡើងខ្ពស់។ ទាំងនេះក៏ស្ថិតក្នុងចំណោមប្រទេសដែលងាយរងគ្រោះបំផុតពីផលប៉ះពាល់អាកាសធាតុ ហើយភាគច្រើនត្រូវការហិរញ្ញប្បទានអាកាសធាតុ។យោងតាមវិទ្យាស្ថានសេដ្ឋកិច្ច និងសន្តិភាពបានឲ្យដឹងថា នៅអនុតំបន់សាហារ៉ាអាហ្វ្រិក ជាកន្លែងដែលមនុស្សប្រមាណ ៧៣៨លាននាក់រស់នៅដោយពុំមានការផ្គត់ផ្គង់អាហារគ្រប់គ្រាន់ ដែលចំនួនប្រជាជនត្រូវបានគេព្យាករណ៍ថានឹងកើនឡើង ៩៥% នៅពាក់កណ្តាលសតវត្សរ៍។ លោកស្រីនិយាយថា កំណើនប្រជាជនពិភពលោកភាគច្រើននឹងកើនឡើងកាន់តែច្រើន ក្នុងចំណោមប្រទេសក្រីក្របំផុតរបស់ពិភពលោក។ ប្រទេសមានចំណូលមធ្យមភាគច្រើននៅអាស៊ីមានចំនួនភាគច្រើននៃកំណើននេះ ដោយទទួលបានប្រជាជនប្រហែល ៧០០លាននាក់ចាប់តាំងពីឆ្នាំ២០១១។ ឥណ្ឌាបានបន្ថែមប្រជាជនប្រហែល ១៨០លាននាក់ ហើយនឹងកើនលើសប្រទេសចិន ជាប្រទេសដែលមានប្រជាជនច្រើនជាងគេលើពិភពលោកនៅឆ្នាំក្រោយ។ ទោះជាយ៉ាងណាកំណើតបានធ្លាក់ចុះជាលំដាប់នៅសហរដ្ឋអាមេរិក អឺរ៉ុប និងជប៉ុន។ ចិនក៏បានព្យាយាមដោយមានកម្មវិធីគោលនយោបាយកូនតែមួយរបស់ខ្លួន ហើយកាលពីឆ្នាំមុនបានជំរុញឱ្យគ្រួសារមានកូនទីពីរ និងទីបី ខណៈបានដាក់កំហិតផងដែរនៃលទ្ធភាពនៃការរំលូតកូន ដោយមិនប្រើប្រាស់ក្បួនវេជ្ជសាស្ត្រ៕អត្ថបទ៖ ប៊ុនថន

បណ្ដាញសង្គម

ព័ត៌មានថ្មីៗ

វេទិការាជរដ្ឋាភិបាល-ផ្នែកឯកជន បានកំពុងជំរុញដល់បរិយាកាសធុរកិច្ចផ្នែកកម្មន្តសាល SME និងសេវា

ស.ស.យ.ក អលស្ដារ នឹងប្រកួតសប្បុរសធម៌ចំនួន២ ដើម្បីភ្ជាប់ក្ដីនឹករលឹក និងកៀរគរជំនួយជូនពលរដ្ឋនៅភូមិរង់ចាំ

អាហ្សង់ទីនកំណត់ថ្ងៃទី ១៥ កក្កដាជា «ទិវាក្រុមបាល់ទាត់ជម្រើសជាតិ» រំលឹកជ័យជម្នះលើអង់គ្លេសនៅ World Cup 2026

អង្គការ UNICEF៖ កុមារម្នាក់ត្រូវបានសម្លាប់ក្នុងមួយថ្ងៃនៅតំបន់ហ្កាហ្សាចាប់តាំងពីបទឈប់បាញ់

ការវាយប្រហារដោយមីស៊ីលរបស់ក្រុមហ៊ូទី បានសម្លាប់កងកម្លាំងរដ្ឋាភិបាលយេម៉ែនរាប់សិបនាក់

កូរ៉េខាងជើងបាញ់មីស៊ីលផ្លោងរយៈចម្ងាយខ្លីរំលងសមុទ្រជប៉ុន មួយថ្ងៃក្រោយរិះគន់ការបង្កើនសមត្ថភាពយោធារបស់ជប៉ុន

សហព័ន្ធខ្មែរកីឡាហែលទឹកប្រកាសជាផ្លូវការពីការផ្លាស់ប្តូរឈ្មោះមកជាសហព័ន្ធកីឡាក្នុងទឹកកម្ពុជាវិញ

តម្លៃប្រេងកើនឡើងជុំវិញការព្រួយបារម្ភអំពីផែនការបើកច្រកសមុទ្រ Hormuz ឡើងវិញ

អ៊ីរ៉ង់ និងអូម៉ង់ ឈានដល់ការយោគយល់គ្នាលើកិច្ចព្រមព្រៀងបើកច្រកសមុទ្រ Hormuz ឡើងវិញ

អ៊ីរ៉ង់ព្យាយាមហាមប្រាមនាវាអាមេរិក ខណៈកិច្ចព្រមព្រៀងបើកច្រកសមុទ្រ Hormuz ជាមួយអូម៉ង់រីកចម្រើន

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

ប្រធានរដ្ឋសភាវៀតណាម នឹងអញ្ជើញមកបំពេញទស្សនកិច្ចផ្លូវការ និងមិត្តភាព រយៈពេល៥ថ្ងៃ នៅកម្ពុជា

លីទុយអានីអំពាវនាវឲ្យមានការការពារដែនអាកាសបន្ថែមទៀតតាមបណ្តោយព្រំដែនភាគខាងកើតរបស់ NATO

ប្រធានាធិបតីចិនបន្ទោសនាយករដ្ឋមន្ត្រីកាណាដាយ៉ាងខ្លាំងជុំវិញទង្វើមិនសមរម្យ

លោកខាងលិចរិះគន់រុស្ស៊ីនៅអង្គការសហប្រជាជាតិចំពោះសង្គ្រាមអ៊ុយក្រែន បន្ទាប់ពីមីស៊ីលធ្លាក់នៅប៉ូឡូញ

លោក Zelenskiy និយាយថា អ៊ុយក្រែននឹងបង្កើតព័ត៌មានលម្អិតទាំងអស់ស្តីពីមីស៊ីលធ្លាក់នៅប៉ូឡូញ

លោក Biden ព្រួយបារម្ភអំពីកញ្ចប់ជំនួយអ៊ុយក្រែន ប្រសិនបើគណបក្សសាធារណរដ្ឋគ្រប់គ្រងសភា

កូរ៉េខាងជើងបាញ់មីស៊ីលបាលីស្ទីក ខណៈប្ដេជ្ញាឆ្លើយតបខាងយោធាកាន់តែខ្លាំងក្លាលើអាមេរិក និងសម្ព័ន្ធមិត្ត

គណបក្សសាធារណរដ្ឋបានគ្រប់គ្រងសភាក្នុងសំឡេងតិចតួចស្ដួចស្ដើងក្នុងការបោះឆ្នោតពាក់កណ្ដាលអាណត្តិ

អង្គការសហប្រជាជាតិកំណត់ចំនួនប្រជាជនពិភពលោកកើនលើសពី ៨ពាន់លាននាក់

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

ប្រធានរដ្ឋសភាវៀតណាម នឹងអញ្ជើញមកបំពេញទស្សនកិច្ចផ្លូវការ និងមិត្តភាព រយៈពេល៥ថ្ងៃ នៅកម្ពុជា

លី​ទុយ​អា​នី​អំពាវនាវ​ឲ្យ​មាន​ការការពារ​ដែន​អាកាស​បន្ថែមទៀត​តាម​បណ្តោយ​ព្រំដែន​ភាគ​ខាងកើត​របស់​ NATO

ប្រធានាធិបតី​ចិន​បន្ទោស​នាយករដ្ឋមន្ត្រី​កាណាដា​យ៉ាងខ្លាំង​ជុំវិញ​ទង្វើ​មិន​សមរម្យ

លោក Zelenskiy និយាយថា ​អ៊ុយ​ក្រែ​ន​នឹង​បង្កើត​ព័ត៌មាន​លម្អិត​ទាំងអស់​ស្តីពី​មី​ស៊ី​ល​ធ្លាក់​នៅ​ប៉ូឡូញ​

លោក Biden ព្រួយបារម្ភ​អំពី​កញ្ចប់​ជំនួយ​អ៊ុយ​ក្រែ​ន ប្រសិនបើ​គណបក្ស​សាធារណរដ្ឋ​គ្រប់គ្រង​សភា

គណបក្សសាធារណរដ្ឋបានគ្រប់គ្រងសភាក្នុងសំឡេងតិចតួចស្ដួចស្ដើងក្នុងការបោះឆ្នោតពាក់កណ្ដាលអាណត្តិ

អង្គការសហប្រជាជាតិ​កំណត់​ចំនួន​ប្រជាជន​ពិភពលោក​កើន​លើស​ពី ៨​ពាន់​លាន​នាក់

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

លីទុយអានីអំពាវនាវឲ្យមានការការពារដែនអាកាសបន្ថែមទៀតតាមបណ្តោយព្រំដែនភាគខាងកើតរបស់ NATO

ប្រធានាធិបតីចិនបន្ទោសនាយករដ្ឋមន្ត្រីកាណាដាយ៉ាងខ្លាំងជុំវិញទង្វើមិនសមរម្យ

លោក Zelenskiy និយាយថា អ៊ុយក្រែននឹងបង្កើតព័ត៌មានលម្អិតទាំងអស់ស្តីពីមីស៊ីលធ្លាក់នៅប៉ូឡូញ

លោក Biden ព្រួយបារម្ភអំពីកញ្ចប់ជំនួយអ៊ុយក្រែន ប្រសិនបើគណបក្សសាធារណរដ្ឋគ្រប់គ្រងសភា

អង្គការសហប្រជាជាតិកំណត់ចំនួនប្រជាជនពិភពលោកកើនលើសពី ៨ពាន់លាននាក់