BTV NEWS

សម្តេចតេជោ ហ៊ុន សែន ចែករំលែកអត្ថបទវិភាគរបស់អ្នកជំនាញផ្នែកទំនាក់ទំនងអន្តរជាតិ និងសន្តិសុខរបស់ប្រទេសថៃ ដែលមានចំណងជើងថា «ស្វាដោះសំណាញ់!»

សម្តេចធិបតី៖កម្ពុជាគាំទ្រពេញទំហឹង និងបន្តប្តេជ្ញាចិត្តធ្វើការយ៉ាងជិតស្និទ្ធជាមួយរដ្ឋសមាជិកអាស៊ាន ប្រទេសបូកបី និងដៃគូសន្ទនាដើម្បីបំប្លែងឯកសារទៅជាសកម្មភាពជាក់ស្តែង

សម្តេចធិបតី ហ៊ុន ម៉ាណែត៖នៅទូទាំងពិភពលោកនិន្នាការផ្លាស់ប្តូរចំនួនបីកំពុងរៀបចំរដ្ឋបាលសាធារណៈឡើងវិញទោះបីជាក្នុងកម្រិត និងល្បឿនខុសៗគ្នាក៏ដោយ

កិច្ចប្រជុំ ACCSM និង ACCSM+3 ជំរុញនវានុវត្តន៍ការផ្ដល់សេវាសាធារណៈកាន់តែប្រសើរនៅក្នុងតំបន់

ព័ត៌មានសំខាន់ៗ

ក្រុមមេដឹកនាំ G20 កំពុងពិភាក្សាលម្អិតនូវសេចក្ដីប្រកាសរួមជំនួបកំពូល

ឥណ្ឌូនេស៊ី៖ ក្រុមមេដឹកនាំមានសេដ្ឋកិច្ចឈានមុខទាំង២០ ឬ G20 ដែលកំពុងជួបប្រជុំនៅកោះបាលី ប្រទេសឥណ្ឌូនេស៊ី កំពុងពិភាក្សាពីសេចក្ដីប្រកាសរួមកិច្ចប្រជុំកំពូលនេះ ស្របពេលមានការខ្វែងគំនិតគ្នាជុំវិញការវាយលុករបស់រុស្ស៊ីនៅអ៊ុយក្រែននៅតែបន្ត។ លោកនាយករដ្ឋមន្ត្រីជប៉ុន Kishida Fumio, លោកប្រធានាធិបតីអាមេរិក Joe Biden និងលោកប្រធានាធិបតីចិន Xi Jinping ស្ថិតក្នុងចំណោមមេដឹកនាំទាំងនោះ ដែលបានចូលរួមកិច្ចប្រជុំកំពូលរយៈពេល ២ថ្ងៃដែលនឹងបញ្ចប់ទៅនៅថ្ងៃពុធនេះ។ បណ្ដាប្រទេសលោកខាងលិច និងរុស្ស៊ីកាលពីថ្ងៃអង្គារបានចោទប្រកាន់ដាក់គ្នាទៅវិញទៅមក ជុំវិញដើមចមបង្កឲ្យតម្លៃថាមពល និងស្បៀងអាហារហក់ឡើងខ្ពស់។ពង្រាងនៃសេចក្ដីសម្រេចរួមរបស់ក្រុមមេដឹកនាំដែលទីភ្នាក់ងារសារព័ត៌មាន NHK ទទួលបានភាគច្រើននៃសមាជិកទាំងអស់ បានថ្កោលទោសយ៉ាងដាច់អហង្ការចំពោះសង្គ្រាមនៅក្នុងប្រទេសអ៊ុយក្រែន។ ប៉ុន្តែពង្រាងនេះក៏បានបង្ហាញផងដែរនូវកិច្ចខិតខំប្រឹងប្រែង ដើម្បីឆ្លុះបញ្ចាំងពីទស្សនៈរបស់ប្រទេសជាច្រើនដែលមិនចូលរួម ក្នុងការដាក់ទណ្ឌកម្មសេដ្ឋកិច្ចប្រឆាំងនឹងរុស្ស៊ី។ ប្រភពការទូតរបស់សហភាពអឺរ៉ុបកាលពីថ្ងៃអង្គារបាននិយាយថា ក្រុមមេដឹកនាំទំនងជានឹងឈានដល់កិច្ចព្រមព្រៀងលើសេចក្ដីសម្រេចរួមគ្នានោះ៕អត្ថបទ៖ សុខមាន

លោក Biden បើកកិច្ចប្រជុំបន្ទាន់ជាមួយមេដឹកនាំពិភពលោកលើការផ្ទុះនៅប៉ូឡូញ

ឥណ្ឌូនេស៊ី៖ មេដឹកនាំពិភពលោកដែលបានជួបប្រជុំគ្នាសម្រាប់កិច្ចប្រជុំ G20 នៅកោះបាលី ប្រទេសឥណ្ឌូនេស៊ី បាននឹងកំពុងបើកកិច្ចប្រជុំបន្ទាន់មួយនៅថ្ងៃពុធនេះ បន្ទាប់ពីមានការផ្ទុះដ៏ខ្លាំងនៅក្នុងប្រទេសប៉ូឡូញ ដែលអាជ្ញាធរអ៊ុយក្រែន និងប៉ូឡូញបាននិយាយថា បណ្តាលមកពីមីស៊ីលផលិតដោយរុស្ស៊ី។ សេតវិមានបាននិយាយថា កិច្ចប្រជុំនេះត្រូវបានកោះប្រជុំដោយប្រធានាធិបតីសហរដ្ឋអាមេរិកលោក Joe Biden បន្ទាប់ពីមនុស្សពីរនាក់បានស្លាប់នៅក្នុងការផ្ទុះនៅភូមិ Przewodow ជាភូមិមួយនៅភាគខាងកើតប្រទេសប៉ូឡូញក្បែរព្រំដែនជាមួយប្រទេសអ៊ុយក្រែន។ មេដឹកនាំមកពីសហរដ្ឋអាមេរិក អាល្លឺម៉ង់ កាណាដា ហូឡង់ ជប៉ុន អេស្ប៉ាញ អ៊ីតាលី បារាំង និងចក្រភពអង់គ្លេសបានចូលរួមក្នុងកិច្ចប្រជុំបន្ទាន់នេះ។ មេដឹកនាំអស់គឺសុទ្ធតែជាសមាជិកសម្ព័ន្ធយោធាណាតូលើកលែងតែប្រទេសជប៉ុន។ ការប្តេជ្ញាចិត្តដែលទីក្រុងមូស្គូត្រូវដាក់កំហុសចំពោះការផ្ទុះនេះ អាចបង្កឱ្យមានគោលការណ៍ការពាររួមរបស់អង្គការណាតូ ដែលត្រូវបានគេដឹងក្នុងមាត្រាទី៥ ដែលការវាយប្រហារលើសមាជិកមួយក្នុងចំណោមសមាជិកនៃសម្ព័ន្ធមិត្តលោកខាងលិច ត្រូវបានចាត់ទុកថាជាការវាយប្រហារលើសមាជិកទាំងអស់ ដោយចាប់ផ្តើមការពិចារណាលើការឆ្លើយតបខាងយោធាដ៏មានសក្តានុពល។មេដឹកនាំត្រូវបានគេមើលឃើញភ្លាមៗរួមគ្នា ជុំវិញតុប្រជុំមួយនៅពេលចាប់ផ្តើមកិច្ចប្រជុំបន្ទាន់។ លោក Biden និយាយថា «ទេ» នៅពេលអ្នកសារព័ត៌មានសួរលោកថា តើលោកអាចចែករំលែកអ្វីដែលដឹងអំពីការផ្ទុះនេះដែរ ឬទេ។ លោកមិនបានធ្វើអត្ថាធិប្បាយនោះទេ នៅពេលសួរអំពីការជាប់ពាក់ព័ន្ធរបស់រុស្ស៊ី។ ប៉ូឡូញបានកោះហៅឯកអគ្គរដ្ឋទូតរុស្ស៊ីប្រចាំក្រុងវ៉ាសាវី (Warsaw) សម្រាប់ការពន្យល់ បន្ទាប់ពីក្រុងមូស្គូបដិសេធថា ខ្លួនមិនទទួលខុសត្រូវ។ ប្រធានាធិបតីអាមេរិកលោក Joe Biden និយាយថា សហរដ្ឋអាមេរិក និងសម្ព័ន្ធមិត្តណាតូកំពុងស៊ើបអង្កេតការបំផ្ទុះ ដែលបានសម្លាប់មនុស្សពីរនាក់នៅក្នុងប្រទេសប៉ូឡូញ ប៉ុន្តែព័ត៌មានដំបូងបង្ហាញថា វាប្រហែលជាមិនមែនបណ្តាលមកពីមីស៊ីលដែលបាញ់ចេញពីប្រទេសរុស្ស៊ីនោះទេ៕អត្ថបទ៖ ប៊ុនថន

ប្រធានាធិបតីអ៊ុយក្រែននិយាយថា មីស៊ីលរុស្ស៊ីវាយប្រហារប្រទេសប៉ូឡូញជាការបង្កើនជម្លោះ

អ៊ុយក្រែន៖ ប្រធានាធិបតីអ៊ុយក្រែនលោក Volodymyr Zelenskiy បាននិយាយកាលពីថ្ងៃអង្គារថា មីស៊ីលរបស់រុស្ស៊ីបានវាយប្រហារលើប្រទេសប៉ូឡូញ ជាប្រទេសសមាជិករបស់អង្គការ NATO ក្នុងអ្វីដែលលោកបាននិយាយថា គឺជាការបង្កើនជម្លោះកាន់តែខ្លាំងឡើង។លោក Zelenskyy និយាយថា នៅពេលដែលរុស្ស៊ីគិតថា និទ្ទណ្ឌភាពកាន់តែយូរ ការគំរាមកំហែងកាន់តែច្រើននឹងកើតមានចំពោះប្រទេសណាមួយដែលមីស៊ីលរបស់រុស្ស៊ីបាញ់ដល់។ សហរដ្ឋអាមេរិក និងសម្ព័ន្ធមិត្តលោកខាងលិចបាននិយាយថា ពួកគេកំពុងស៊ើបអង្កេត ប៉ុន្តែមិនអាចបញ្ជាក់ពីរបាយការណ៍ដែលថា ការផ្ទុះនៅប្រទេសប៉ូឡូញជាសមាជិកណាតូបណ្តាលមកពីមីស៊ីលរបស់រុស្ស៊ីនោះទេ ខណៈក្រសួងការពារជាតិរុស្ស៊ីបានបដិសេធ។ ក្រុមអ្នកពន្លត់អគ្គីភ័យបាននិយាយថា មនុស្សពីរនាក់បានស្លាប់នៅក្នុងការផ្ទុះនៅក្នុងភូមិ Przewodow ជាភូមិមួយនៅភាគខាងកើតប្រទេសប៉ូឡូញមានចម្ងាយប្រហែល ១២គីឡូម៉ែត្រពីព្រំដែនជាមួយប្រទេសអ៊ុយក្រែន។ សមាជិកនៃអង្គការសន្ធិសញ្ញាអាត្លង់ទិកខាងជើង (NATO) បានប្តេជ្ញាការពាររួមគ្នា ដូច្នេះការវាយប្រហាររបស់រុស្ស៊ីលើប្រទេសប៉ូឡូញអាចប្រឈមនឹងការបន្ថែមជម្លោះរវាងរុស្ស៊ី និងអ៊ុយក្រែន។នៅទីក្រុងវ៉ាស៊ីនតោន មន្ទីរបញ្ចកោណ សេតវិមាន និងក្រសួងការបរទេសសហរដ្ឋអាមេរិកបាននិយាយថា ពួកគេមិនអាចបញ្ជាក់របាយការណ៍នេះបានទេ ហើយកំពុងធ្វើការជាមួយរដ្ឋាភិបាលប៉ូឡូញដើម្បីប្រមូលព័ត៌មានបន្ថែម។ ក្រសួងការបរទេសនិយាយថា របាយការណ៍នេះមានការពាក់ព័ន្ធមិនគួរឱ្យជឿ។ ប្រទេសអាល្លឺម៉ង់ និងកាណាដាបាននិយាយថា ពួកគេកំពុងតាមដានស្ថានការណ៍ ហើយប្រទេសន័រវែសបាននិយាយថា ខ្លួនកំពុងស្វែងរកព័ត៌មានលម្អិត។ ក្រសួងការពារជាតិរុស្ស៊ីបានបដិសេធថា មិនមែនជាមីស៊ីលរុស្ស៊ីដែលបានវាយប្រហារលើទឹកដីប៉ូឡូញ ដោយចាត់ទុករបាយការណ៍ថាជាការបង្កហេតុដោយចេតនា ក្នុងគោលបំណងធ្វើឱ្យស្ថានការណ៍កាន់តែមានភាពតានតឹង៕អត្ថបទ៖ ប៊ុនថន

អតីតប្រធានាធិបតី Donald Trump ប្រកាសឈរឈ្មោះជាបេក្ខជនប្រធានាធិបតីក្នុងការបោះឆ្នោតឆ្នាំ២០២៤

អាមេរិក៖ អតីតប្រធានាធិបតីលោក Donald Trump ដែលមានបំណងក្លាយជាអគ្គមេបញ្ជាការលើកទី២ តែម្នាក់គត់ដែលមិនត្រូវបានជាប់ឆ្នោត ២អាណត្តិជាប់គ្នាបានប្រកាសកាលពីយប់ថ្ងៃអង្គារថា រូបលោកនឹងឈរឈ្មោះជាបេក្ខជនតំណែងប្រធានាធិបតីមកពីគណបក្សសាធារណរដ្ឋនៅឆ្នាំ២០២៤។ លោក Trump បាននិយាយថា ដើម្បីធ្វើឲ្យអាមេរិកអស្ចារ្យ និងរុងរឿងជាថ្មី នៅយប់នេះ ខ្ញុំកំពុងប្រកាសពីបេក្ខភាពរបស់ខ្ញុំជាប្រជាធិបតីសម្រាប់សហរដ្ឋអាមេរិក។ យុទ្ធនាការដែលគេរង់ចាំជាយូរមកហើយរបស់លោក Trump បានកើតឡើង ស្របពេលអតីតប្រធានាធិបតីរូបនេះព្យាយាមទាក់ទាញការចាប់អារម្មណ៍ ក្រោយការបោះឆ្នោតពាក់កណ្ដាលអាណត្តិ មិនសូវទទួលបានជោគជ័យ រួមទាំងការចាញ់របស់បេក្ខភាពមួយចំនួនគាំទ្រដោយលោក Trump និងការស្ដីបន្ទោសជាបន្តបន្ទាប់ដែលកើតមានឡើងចាប់តាំងពីថ្ងៃបោះឆ្នោតមក។គណបក្សសាធារណរដ្ឋបានបរាជ័យក្នុងការទទួលបានសំឡេងភាគច្រើននៅព្រឹទ្ធសភា ទោះមានការខិតខំប្រឹងប្រែងរបស់ពួកគេដើម្បីបំពេញអាសនៈទូទាំងរដ្ឋជាច្រើនក៏ដោយ ហើយមកទល់នឹងពេលនេះនៅមិនទាន់ទទួលបានសំឡេងភាគច្រើនក្នុងសភានៅឡើយ ដោយមានតែ ២១៧អាសនៈប៉ុណ្ណោះក្នុងការប្រកួតប្រជែង ដែលត្រូវការអាសនៈរហូតដល់ ២១៨ ដើម្បីឈ្នះដំណើរវិវឌ្ឍន៍ទាំងនេះ បានបង្ខំឲ្យលោក Trump និងមេដឹកនាំគណបក្សដទៃទៀតធ្លាក់ចូលទៅក្នុងស្ថានភាពព្យាយាមការពារខ្លួន ខណៈពួកគេប្រឈមនឹងការរិះគន់ខ្លាំងពីមន្ត្រីថ្នាក់ខ្ពស់នៅក្នុងបក្សរបស់ខ្លួន៕អត្ថបទ៖ សុខមាន

លោក Lavrov៖ លោកខាងលិចព្យាយាមយកពង្រាងសេចក្ដីសម្រេចរបស់មេដឹកនាំ G20 ជាលេសនយោបាយ

រុស្ស៊ី៖ រដ្ឋមន្ត្រីការបរទេសរុស្ស៊ីលោក Sergey Lavrov បានចោទប្រកាន់ប្រទេសលោកខាងលិចពីបទព្យាយាមយកពង្រាងសេចក្ដីសម្រេច របស់មេដឹកនាំក្រុមប្រទេសមានសេដ្ឋកិច្ចឈានមុខទាំង២០ ឬ G20 ដើម្បីថ្កោលទោសទីក្រុង Moscow។ លោកបានថ្លែងប្រាប់ក្រុមអ្នកសារព័ត៌មានកាលពីថ្ងៃអង្គារនៅកោះបាលី ប្រទេសឥណ្ឌូនេស៊ី ជាទីដែលលោកកំពុងចូលរួមជំនួបកំពូល G20។ លោក Lavrov បាននិយាយថា វិធានការថាមពលដែលបង្កើតឡើងដោយសហរដ្ឋអាមេរិក និងបណ្ដាប្រទេសលោកខាងលិច បានបង្កឲ្យស្ថានភាពកាន់តែដុនដាបនៅក្នុងបណ្ដាប្រទេសកំពុងអភិវឌ្ឍន៍។ លោកថា រុស្ស៊ីបានអំពាវនាវដល់ប្រទេសលោកខាងលិចកុំឲ្យប្រើបញ្ហានេះជាហេតុផលនយោបាយ។ កាលពីថ្ងអង្គារលោក Lavrov ក៏បានជួបរដ្ឋមន្ត្រីការបរទេសចិនលោក Wang Yi ផងដែរដែលកំពុងបំពេញទស្សនកិច្ចទៅកោះបាលីសម្រាប់ជំនួប G20។លោក Lavrov បានបញ្ជាក់ពីជំនឿជឿជាក់ថា រុស្ស៊ី និងចិននឹងនៅតែរក្សាបានភាពជាដៃគូគ្រប់ជ្រុងជ្រោយ និងកិច្ចសហប្រតិបត្តិការជាយុទ្ធសាស្ត្រ។ លោក Lavrov ក៏បានប្រាប់ក្រុមអ្នកសារព័ត៌មានផងដែរថា លោកបានមានការសន្ទនាខ្លីមួយជាមួយប្រធានាធិបតីបារាំងលោក Emmanuel Macron និងអធិការបតីអាល្លឺម៉ង់លោក Olaf Scholz នៅជំនួប G20។ លោក Lavrov បានប្រាប់មេដឹកនាំទាំង២ ថា អ៊ុយក្រែនកំពុងរារាំងដំណើរការចរចាជាមួយរុស្ស៊ី៕អត្ថបទ៖ សុខមាន

ការបាញ់ស្រោចមីស៊ីលរបស់រុស្ស៊ីបណ្ដាលឲ្យដាច់ចរន្តអគ្គិសនីទូទាំងប្រទេសអ៊ុយក្រែន

រុស្ស៊ី៖ ប្រទេសរុស្ស៊ីបានបាញ់ស្រោចមីស៊ីលដ៏ច្រើនបំផុត លើទីតាំងថាមពលនានារបស់អ៊ុយក្រែន ប៉ុន្តែបានវាយប្រហារដាក់គោលដៅចេញពីភាគខាងកើតទៅខាងលិច និងបណ្ដាលឲ្យដាច់ចរន្តអគ្គិសនីនៅទូទាំងអ៊ុយក្រែន។ លោកប្រធានាធិបតី Volodymr Zelenskyy បាននិយាយថា រុស្ស៊ីបានបាញ់មីស៊ីលយ៉ាងហោចណាស់ ៨៥គ្រាប់កាលពីថ្ងៃអង្គារ ភាគច្រើននៃមីស៊ីលទាំងនោះបានត្រូវចំហេដ្ឋារចនាសម្ព័ន្ធថាមពល និងបានបិទរោងចក្រថាមពលនៅក្នុងទីក្រុងជាច្រើន។ លោកប្រធានាធិបតីរូបនេះបាននិយាយថា យើងកំពុងធ្វើការដើម្បីស្ដារឡើងវិញនូវអ្វីៗគ្រប់បែបយ៉ាង។ យើងនឹងស្រោចស្រង់គ្រប់យ៉ាង។ រដ្ឋមន្ត្រីថាមពលរបស់លោកបាននិយាយថា នេះគឺជាការទម្លាក់គ្រាប់បែកដ៏ច្រើនបំផុតមកលើទីតាំងថាមពលនានា ក្នុងការវាយលុករបស់រុស្ស៊ីដែលមានរយៈពេលជិត ៩ខែមកនេះ។ ការវាយប្រហារដ៏សន្ធាប់នេះបានកើតមានឡើង ខណៈក្រុមមេដឹកនាំប្រទេសមានឧស្សាហ៍កម្មឈានមុខទាំង២០ ឬ G20 បានជួបគ្នានៅកោះបាលីសម្រាប់ជំនួបកំពូលមួយ ដែលត្រូវបានគ្របដណ្ដប់ដោយសង្គ្រាមរបស់រុស្ស៊ីនៅអ៊ុយក្រែន។ ការវាយប្រហារនេះក៏បានកើតឡើងផងដែរ ក្រោយភាពរីករាយសម្រាប់អ៊ុយក្រែន បន្ទាប់ពីទទួលបានជ័យជម្នះខាងយោធាដ៏ធំបំផុតក្នុងការវាយលុករបស់រុស្ស៊ីជិត ៩ខែមកនេះគឺការដណ្ដើមបានទីក្រុង Kherson ភាគខាងត្បូងមកវិញកាលពីសប្ដាហ៍មុន។ ខណៈការបរាជ័យនៅសមរភូមិរបស់ខ្លួនកើនឡើងជាបន្តបន្ទាប់ រុស្ស៊ីបានងាកទៅបង្កើនការដាក់គោលដៅលើហេដ្ឋារចនាសម្ព័ន្ធរបស់អ៊ុយក្រែនក្នុងពេលប៉ុន្មានខែមកនេះ ដោយធ្វើឲ្យកាត់ផ្ដាច់ចរន្តអគ្គិសនីនៅតាមតំបន់ជាច្រើន។ រុស្ស៊ីបានបាញ់ស្រោចមីស៊ីលពាសពេញអ៊ុយក្រែន ខណៈមានការបង្ហាញពីសញ្ញាជាច្រើននៃការដកថយបន្ថែមទៀត៕អត្ថបទ៖ សុខមាន

សម្តេចតេជោ ហ៊ុន សែន ៖ តើហ៊ានទេកូនអាក្បត់ជាតិ៣ជំនាន់?ពូជខូចវាខូច និងវានៅតែខូច..!

ភ្នំពេញ៖ សម្តចេតេជោ ហ៊ុន សែន នាយករដ្ឋមន្ត្រី បានបញ្ជាក់ថា «តើហ៊ានទេកូនអាក្បត់ជាតិ៣ជំនាន់?ពូជខូចវាខូច និងវានៅតែខូច។សំណេររបស់សម្តេចតេជោ ហ៊ុន សែន បានធ្វើឡើងបន្ទាប់លោក ហ៊ុន សែន បបួលបុគ្គលទណ្ឌិត សម រង្ស៊ី ភ្នាល់ដាក់ជីវិតនយោបាយ ក្រោមពេលបុគ្គលទណ្ឌិតសម រង្ស៊ី នៅតែចិញ្ចឹមចិត្តខាំលោក ហ៊ុន ម៉ាណែតពីក្រោយ និងចោទប្រកាន់គ្រប់បែបយ៉ាង លើសពីសេចក្តីថ្លៃថ្នូររបស់មនុស្ស។សម្តេចតេជោ ហ៊ុន សែន បញ្ជាក់ថា «បុរសម្នាក់នេះឈ្លោះមិនរើសមុខទាំងព្រះមហាក្សត្រ រហូតជាមួយយុវជនជំនាន់ក្រោយតើមានហត់ដែរទេ?ហើយបើមិនបានលួចវាយគេតើរន្ទះបាញ់ឬអី? អស់ពីប្រឌិតរឿងមួយ ចូលដល់រឿងមួយទៀតមិនចេះចប់។ សួរថាអត់ចេះហត់ទេអីលោក សម រង្សីអ្នកនយោបាយចាស់វស្សាអើយ? »។លើកមុនលោក សម រង្សី វាយប្រហារថាសញ្ញាបត្រខ្ញុំពីសាលាបណ្ឌិតសភាយោធាសហរដ្ឋអាមេរិក West Point ជាសញ្ញាបត្រកម្រឹតពីរ ក្នុងគោលបំណងវាយប្រហារលើសមត្ថភាពរបស់ខ្ញុំ។ ដល់ពេលខ្ញុំបបួលភ្នាល់ដាក់ជីវិតនយោបាយ គាត់បែរជាមិនហ៊ានអើតក្បាលមកតទល់ទេ ព្រោះដឹងថាគាត់នឹងចាញ់។ ជាទូទៅមនុស្សខូចហ៊ានត្រឹមតែលួចវាយគេពីក្រោយខ្នងទេ ដល់គេបបួលប្រកួតគ្នាទល់មុខ មិនដែលហ៊ានទេ។ក្រោយពីបិទមាត់មិនហ៊ានភ្នាល់មួយរយៈករណីរឿងសញ្ញាបត្រកម្រឹតពីរនោះមក ស្រាប់តែកាលពីម្សិលមិញ (ថ្ងៃ១៥ វិច្ឆិកា ២០២២) គាត់ចេញមកប្រឌិតរឿងទៀតមកចោទខ្ញុំថា÷ "កាលពីឆ្នាំ ២០១៦ លោក ហ៊ុន ម៉ាណែត បានបន្លំយកលុយ ៥ លានដុល្លារសហរដ្ឋអាមេរិក ចូលមកប្រទេសបារាំង ដើម្បីទិញទឹកចិត្តជនជាតិខ្មែរ ដែលរស់នៅប្រទេសបារាំង និងទ្វីបអឺរ៉ុប ឲ្យចុះចូលគណបក្សប្រជាជនកម្ពុជា។ តែនគរបាលបារាំង បានចាប់ ហើយស្កាត់ទុកលុយ ៥ លានដុល្លារនោះ ដល់សព្វថ្ងៃ ពីព្រោះវាជាការប៉ុនប៉ងខុសច្បាប់ ពីសំណាក់លោក ហ៊ុន ម៉ាណែត ដែលចង់នាំលុយដ៏សន្ធឹកសន្ធាប់នេះ ចូលមកស្រុកគេ ដោយលួចលាក់ក្នុងវ៉ាលីសការទូត (valises diplomatiques)...។"សុំសួរសារជាថ្មីថា អ្នកនយោបាយចាស់វស្សាដែលលបតែវាយប្រហារគេពីក្រោយខ្នង ហ៊ានភ្នាល់ទេលើកនេះ។ យើងភ្នាល់ដាក់ជីវិតនយោបាយដដែល៖ បើរឿងនេះជារឿងពិត ខ្ញុំនឹងដកខ្លួនពីឆាកនយោបាយមួយជីវិត។ ប៉ុន្តែបើរឿងនេះមិនមែនជាការពិត សូមលោក សម រង្សី ឈប់ធ្វើសកម្មភាពនយោបាយមួយជីវិតដែរទៅ។ តើហ៊ានទេលោក អ្នកនយោបាយចាស់វស្សា ដែលហ៊ានវាយក្មេងតែពីក្រោយខ្នង?លោក សម រង្សី បានចំណាយពេលរាប់ទសវត្សរ៍ ដើម្បីព្យាយាមបំផ្លាញជីវិតនយោបាយរបស់ឪពុកខ្ញុំ តែបានត្រឹមបរាជ័យ។ ឥឡូវលោក សម រង្សី និងដៃជើងរបស់គាត់ក៏ព្យាយាមឥតឈប់ឈរ រិះរកគ្រប់មធ្យោបាយដើម្បីសម្លាប់ជីវិតនយោបាយរបស់ខ្ញុំ។ ឥឡូវខ្ញុំផ្តល់ឱកាសមាសអោយលោក សម រង្សី ហើយ មិនគួរលោកបោះបង់ឱកាសនេះទេ។ បើសិនជាលោកមានភស្តុតាងច្បាស់លាស់ថារឿងនេះជារឿងពិត លោកគួរតែហ៊ានភ្នាល់ជាមួយខ្ញុំ ដើម្បីបញ្ចប់ជីវិតនយោបាយរបស់ខ្ញុំតែម្តងទៅ ហើយលោកក៏អាចរក្សាភាពថ្លៃថ្នូរផ្ទាល់ខ្លួនរបស់លោកផង កុំអោយមហាជនរិះគន់ថា សម រង្សី ជាអ្នកនយោបាយចាស់វស្សាម្នាក់ដែរប៉ុន្តែអន់ចរឹតបំផុត ព្រោះចេះតែលួចវាយគេពីក្រោយខ្នងតែប៉ុណ្ណោះ។ ជាពិសេសហេតុតែចង់បំផ្លាញជីវិតនយោបាយរបស់ក្មេងម្នាក់(អាយុប្រហាក់ប្រហែលនឹងកូនគាត់) សូម្បីតែរឿងភូតកុហកក៏ សម រង្សី ហ៊ានប្រឌិតឡើងដើម្បីវាយប្រហារក្មេងនោះដោយឥតអៀនខ្មាស់ដែរ ។សូមបញ្ជាក់ជូនមហាជនថា÷ ករណីនេះមិនពិបាកបញ្ជាក់ទេ ព្រោះបើថានគរបាលបារាំងពិតជាបានចាប់ឃាត់លុយនោះមែន ប្រាកដជាមានកំណត់ហេតុច្បាស់លាស់ហើយ។ ហើយបើលុយនោះ នៅរក្សាជាមួយប៉ូលីសបារាំង ជាវត្ថុតាងដល់បច្ចុប្បននោះ គឺប្រាកដជានគរបាលបារាំងមិនលួចបិទករណីនេះ ឬយកលុយទៅណាទេ។ តោះលោក សម រង្សី យើងភ្នាល់គ្នាតែម្តង ដើម្បីឆាប់ចប់និងឆាប់ដឹងសខ្មៅ កុំអោយមហាជនធុញថា លោកជាមនុស្សចាស់រកតែរឿងចោទក្មេងម្តងហើយម្តងទៀតមិនចេះហត់"

លោក ហ៊ុន ម៉ាណែត បបួលទណ្ឌិតសម រង្ស៊ី ភ្នាល់ដាក់ជីវិតនយោបាយ ដើម្បីឲ្យឆាប់ដឹងសដឹងខ្មៅ

ភ្នំពេញ៖ លោក ហ៊ុន ម៉ាណែត បានបបួលទណ្ឌិតសម រង្ស៊ី ភ្នាល់ដាក់ជីវិតនយោបាយ ដើម្បីឲ្យឆាប់ដឹងសដឹងខ្មៅ កុំឲ្យមហាជនធុញថា លោក(សម រង្ស៊ី) ជាមនុស្សចាស់រកតែរឿងចោទក្មេងម្តងហើយម្តងទៀតមិនចេះហត់។យោងតាមសំណេរ លោក ហ៊ុន ម៉ាណែត បានបញ្ជាក់ថា អស់ពីប្រឌិតរឿងមួយ ចូលដល់រឿងមួយទៀតមិនចេះចប់។ “សួរថាអត់ចេះហត់ទេអីលោក សម រង្សីអ្នកនយោបាយចាស់វស្សាអើយ? “ “អស់ពីប្រឌិតរឿងមួយ ចូលដល់រឿងមួយទៀតមិនចេះចប់។ សួរថាអត់ចេះហត់ទេអីលោក សម រង្សីអ្នកនយោបាយចាស់វស្សាអើយ? លើកមុនលោក សម រង្សី វាយប្រហារថាសញ្ញាបត្រខ្ញុំពីសាលាបណ្ឌិតសភាយោធាសហរដ្ឋអាមេរិក West Point ជាសញ្ញាបត្រកម្រឹតពីរ ក្នុងគោលបំណងវាយប្រហារលើសមត្ថភាពរបស់ខ្ញុំ។ ដល់ពេលខ្ញុំបបួលភ្នាល់ដាក់ជីវិតនយោបាយ គាត់បែរជាមិនហ៊ានអើតក្បាលមកតទល់ទេ ព្រោះដឹងថាគាត់នឹងចាញ់។ ជាទូទៅមនុស្សខូចហ៊ានត្រឹមតែលួចវាយគេពីក្រោយខ្នងទេ ដល់គេបបួលប្រកួតគ្នាទល់មុខ មិនដែលហ៊ានទេ។ ក្រោយពីបិទមាត់មិនហ៊ានភ្នាល់មួយរយៈករណីរឿងសញ្ញាបត្រកម្រឹតពីរនោះមក ស្រាប់តែកាលពីម្សិលមិញ (ថ្ងៃ១៥ វិច្ឆិកា ២០២២) គាត់ចេញមកប្រឌិតរឿងទៀតមកចោទខ្ញុំថា÷ "កាលពីឆ្នាំ ២០១៦ លោក ហ៊ុន ម៉ាណែត បានបន្លំយកលុយ ៥ លានដុល្លារសហរដ្ឋអាមេរិក ចូលមកប្រទេសបារាំង ដើម្បីទិញទឹកចិត្តជនជាតិខ្មែរ ដែលរស់នៅប្រទេសបារាំង និងទ្វីបអឺរ៉ុប ឲ្យចុះចូលគណបក្សប្រជាជនកម្ពុជា។ តែនគរបាលបារាំង បានចាប់ ហើយស្កាត់ទុកលុយ ៥ លានដុល្លារនោះ ដល់សព្វថ្ងៃ ពីព្រោះវាជាការប៉ុនប៉ងខុសច្បាប់ ពីសំណាក់លោក ហ៊ុន ម៉ាណែត ដែលចង់នាំលុយដ៏សន្ធឹកសន្ធាប់នេះ ចូលមកស្រុកគេ ដោយលួចលាក់ក្នុងវ៉ាលីសការទូត (valises diplomatiques)...។" សុំសួរសារជាថ្មីថា អ្នកនយោបាយចាស់វស្សាដែលលបតែវាយប្រហារគេពីក្រោយខ្នង ហ៊ានភ្នាល់ទេលើកនេះ។ យើងភ្នាល់ដាក់ជីវិតនយោបាយដដែល៖ បើរឿងនេះជារឿងពិត ខ្ញុំនឹងដកខ្លួនពីឆាកនយោបាយមួយជីវិត។ ប៉ុន្តែបើរឿងនេះមិនមែនជាការពិត សូមលោក សម រង្សី ឈប់ធ្វើសកម្មភាពនយោបាយមួយជីវិតដែរទៅ។ តើហ៊ានទេលោក អ្នកនយោបាយចាស់វស្សា ដែលហ៊ានវាយក្មេងតែពីក្រោយខ្នង? លោក សម រង្សី បានចំណាយពេលរាប់ទសវត្សរ៍ ដើម្បីព្យាយាមបំផ្លាញជីវិតនយោបាយរបស់ឪពុកខ្ញុំ តែបានត្រឹមបរាជ័យ។ ឥឡូវលោក សម រង្សី និងដៃជើងរបស់គាត់ក៏ព្យាយាមឥតឈប់ឈរ រិះរកគ្រប់មធ្យោបាយដើម្បីសម្លាប់ជីវិតនយោបាយរបស់ខ្ញុំ។ ឥឡូវខ្ញុំផ្តល់ឱកាសមាសអោយលោក សម រង្សី ហើយ មិនគួរលោកបោះបង់ឱកាសនេះទេ។ បើសិនជាលោកមានភស្តុតាងច្បាស់លាស់ថារឿងនេះជារឿងពិត លោកគួរតែហ៊ានភ្នាល់ជាមួយខ្ញុំ ដើម្បីបញ្ចប់ជីវិតនយោបាយរបស់ខ្ញុំតែម្តងទៅ ហើយលោកក៏អាចរក្សាភាពថ្លៃថ្នូរផ្ទាល់ខ្លួនរបស់លោកផង កុំអោយមហាជនរិះគន់ថា សម រង្សី ជាអ្នកនយោបាយចាស់វស្សាម្នាក់ដែរប៉ុន្តែអន់ចរឹតបំផុត ព្រោះចេះតែលួចវាយគេពីក្រោយខ្នងតែប៉ុណ្ណោះ។ ជាពិសេសហេតុតែចង់បំផ្លាញជីវិតនយោបាយរបស់ក្មេងម្នាក់(អាយុប្រហាក់ប្រហែលនឹងកូនគាត់) សូម្បីតែរឿងភូតកុហកក៏ សម រង្សី ហ៊ានប្រឌិតឡើងដើម្បីវាយប្រហារក្មេងនោះដោយឥតអៀនខ្មាស់ដែរ ។ សូមបញ្ជាក់ជូនមហាជនថា÷ ករណីនេះមិនពិបាកបញ្ជាក់ទេ ព្រោះបើថានគរបាលបារាំងពិតជាបានចាប់ឃាត់លុយនោះមែន ប្រាកដជាមានកំណត់ហេតុច្បាស់លាស់ហើយ។ ហើយបើលុយនោះ នៅរក្សាជាមួយប៉ូលីសបារាំង ជាវត្ថុតាងដល់បច្ចុប្បននោះ គឺប្រាកដជានគរបាលបារាំងមិនលួចបិទករណីនេះ ឬយកលុយទៅណាទេ។ តោះលោក សម រង្សី យើងភ្នាល់គ្នាតែម្តង ដើម្បីឆាប់ចប់និងឆាប់ដឹងសខ្មៅ កុំអោយមហាជនធុញថា លោកជាមនុស្សចាស់រកតែរឿងចោទក្មេងម្តងហើយម្តងទៀតមិនចេះហត់”

សម្តេចតេជោ ហ៊ុន សែន ដឹកនាំគណៈប្រតិភូត្រលប់ពីឥណ្ឌូនេស៊ី មកដល់កម្ពុជាហើយ

ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រី នៃកម្ពុជា បានដឹកនាំគណៈប្រតិភូឥណ្ឌូនេស៊ី មកដល់កម្ពុជាហើយ នៅល្ងាចថ្ងៃទី១៥ ខែវិច្ឆិកា ឆ្នាំ២០២២នេះ។សម្តេចតេជោ ហ៊ុន សែន តាមរយៈទំព័រFacebook ផ្លូវការបានអរគុណដល់មិត្តឥណ្ឌូនេសុី ដែលបានយកចិត្តទុកដាក់ ទទួលប្រតិភូរបស់ កម្ពុជា និងសូមអធ្យាស្រ័យដែលកម្ពុជាមិនអាចចូលប្រជុំ-G20។សម្តេចតេជោ ក៏សូមអរគុណបងប្អូនជនរួមជាតិដែលព្រួយបារម្មណ៍ពីសុខភាពរបស់សម្តេច។គួរបញ្ជាក់ថា សម្តេចបានតេស្តរកឃើញវិជ្ជមានកូវីដ-១៩ ពេលដែលសម្តេចទៅដល់ឥណ្ឌូនេស៊ី ដើម្បីចូលប្រជុំ-G20។សម្តេចបញ្ជាក់ថា «ខ្ញុំមិនច្បាស់ថាមេរោគនេះ មកនៅជាមួយខ្លួនខ្ញុំ ចាប់ពីពេលណាមកនោះឡើយ តែអ្វីដែលច្បាស់ ពេលមកដល់ពេទ្យឥណ្ឌូនេស៊ី យកសំណាកពេលល្ងាច លុះព្រឹកឡើងបញ្ជាក់ថា វិជ្ជមានកូវីដ-១៩ ដែលយើងត្រូវតែទទួលស្គាល់ បើទោះជាក្នុងខ្លួនយើងមិនមានអាការៈចម្លែកក៏ដោយ។សម្តេចបន្តថា ជាសំណាងមួយ ដែលយប់មុិញ ដោយសារមកដល់យឺត សម្តេចមិនបានទៅចូលរួមបាយល្ងាចជាមួយប្រមុខរដ្ឋ ប្រមុខរដ្ឋាភិបាលមួយចំនួន ដែលរៀបចំដោយប្រធានាធិបតីបារាំងទេ។សម្តេចបន្តថា ដើម្បីសុវត្តិភាពសម្រាប់ប្រតិភូដែលចូលរួមប្រជុំ សម្តេចសម្រេចឲ្យប្រតិភូកម្ពុជាវិលត្រឡប់ទៅកម្ពុជាវិញទាំងអស់។ ឯតំណាងប្រទេសអាស៊ានយើង កំពុងចរចាប្រគល់ជូនឥណ្ឌូនេសុី ជាតំណាងតែម្តង៕

លោក Zelenskiy ប្តេជ្ញាបណ្តេញរុស្ស៊ីចេញពីទឹកដីអ៊ុយក្រែនទាំងអស់

អ៊ុយក្រែន៖ ប្រធានាធិបតីអ៊ុយក្រែនលោក Volodymyr Zelenskiy បានមកដល់ទីក្រុង Kherson កាលពីថ្ងៃចន្ទ ដោយស្វាគមន៍នូវភាពរីករាយក្នុងទីក្រុងទើបរំដោះបាននាពេលថ្មីៗនេះ ខណៈប្រជាជនក្នុងតំបន់បានប្រមូលផ្តុំគ្នាលើកទង់ជាតិអ៊ុយក្រែន។ ទីក្រុង Kherson គឺជារបស់អ៊ុយក្រែនជារៀងរហូត វាជាទឹកដីរបស់អ៊ុយក្រែនគ្រប់ពេលវេលា។ ការរំដោះបានមកវិញទីក្រុង Kherson គឺជាជ័យជម្នះដ៏ធំបំផុតដែលកងទ័ពអ៊ុយក្រែនបានទទួលរហូតមកដល់ពេលនេះ ហើយលោក Zelenskiy បានប្តេជ្ញាបណ្តេញរុស្ស៊ីចេញពីទឹកដីដែលត្រូវបានចូលមកកាន់កាប់ទាំងអស់។ យើងត្រៀមខ្លួនរួចជាស្រេចសម្រាប់សន្តិភាព ហើយយើងគោរពច្បាប់ និងគោរពអធិបតេយ្យភាពរបស់ប្រទេសទាំងអស់ ប៉ុន្តែបច្ចុប្បន្ននេះយើងកំពុងនិយាយអំពីប្រទេសរបស់យើង ដែលយើងកំពុងប្រយុទ្ធប្រឆាំងការឈ្លានពានរបស់រុស្ស៊ី។ អមដោយអង្គរក្សប្រដាប់អាវុធ លោក Zelenskiy បាននិយាយទៅកាន់ក្រុមទាហានថា ពួកគេបានបង្ហាញថា វាមិនអាចទៅរួចទេក្នុងការធ្វើឲ្យអ៊ុយក្រែនស្លាប់ មុនពេលមានការគោរពយ៉ាងស្ងៀមស្ងាត់ដល់កងទ័ពដែលបានស្លាប់ ក្នុងអំឡុងពេលប្រយុទ្ធ។ទាហានរុស្ស៊ីបានបន្សល់ទុកក្នុងទីក្រុងមួយនេះនូវគំនរបាក់បែកអគារ និងហេដ្ឋារចនាសម្ព័ន្ធដែលត្រូវបានបំផ្លាញ ហើយផ្លូវនានាពេញដោយគ្រាប់មីន។ យោងតាមមន្ត្រីអ៊ុយក្រែនក្នុងតំបន់កាន់កាប់ដោយប្រទេសរុស្ស៊ីនិយាយថា ស្ពានតែមួយគត់ដែលតភ្ជាប់ទីក្រុង Kherson ទៅកាន់ទឹកដីដែលគ្រប់គ្រងដោយរុស្ស៊ីត្រូវបានបំផ្លាញ។ លោក Zelenskiy និយាយថា មុននេះអ៊ុយក្រែនបានប្រមូលភស្តុតាងនៃឧក្រិដ្ឋកម្មសង្គ្រាមយ៉ាងហោចណាស់ ៤០០ករណីដែលត្រូវបានប្រព្រឹត្តដោយទាហានរុស្ស៊ី ក្នុងអំឡុងពេលចូលកាន់កាប់តំបន់របស់ពួកគេ រួមទាំងការសម្លាប់ និងការចាប់ពង្រត់៕អត្ថបទ៖ ប៊ុនថន

បណ្ដាញសង្គម

ព័ត៌មានថ្មីៗ

ប្រមុខការទូតកម្ពុជា បន្តអំពាវនាវឲ្យថៃអនុវត្តឲ្យបានពេញលេញ និងមានប្រសិទ្ធភាពចំពោះសេចក្តីប្រកាសរួមរវាងកម្ពុជា-ថៃកាលពីថ្ងៃទី២៧ ខែធ្នូ ឆ្នាំ២០២៥

សម្ដេចធិបតី ទទួលជួបសម្ដែងការគួរសម និងពិភាក្សាការងារជាមួយរដ្ឋមន្ត្រីក្រសួងការពារជាតិម៉ាឡេស៊ី

លោក Trump បង្ហាញចំណាត់ការពាណិជ្ជកម្មដើម្បីប្រកួតប្រជែងជាមួយចិនលើថាមពលព្រះអាទិត្យ និងបន្ទះឈីប

[UPDATE] ក្រុមមន្ត្រីថៃនិយាយថា គ្រូម្នាក់និងខ្មាន់កាំភ្លើងម្នាក់បានស្លាប់ក្នុងការបាញ់ប្រហារនៅសាលារៀនមួយក្នុងប្រទេសថៃ

Real Madrid សម្រេចការផ្ទេរ Yan Diomande ក្នុងតម្លៃអាចកើនដល់ ១២០ លានផោន បំបែកកំណត់ត្រាកីឡាករអាហ្វ្រិកថ្លៃបំផុត

«គម្រោងមេគង្គរីកចម្រើន» ពង្រឹងភាពធន់នឹងការប្រែប្រួលអាកាសធាតុ និងលើកកម្ពស់ជីវភាពសហគមន៍ជនជាតិភាគតិច នៅខេត្តរតនគិរី និងមណ្ឌលគិរី

វេទិការាជរដ្ឋាភិបាល-ផ្នែកឯកជន បានកំពុងជំរុញដល់បរិយាកាសធុរកិច្ចផ្នែកកម្មន្តសាល SME និងសេវា

ស.ស.យ.ក អលស្ដារ នឹងប្រកួតសប្បុរសធម៌ចំនួន២ ដើម្បីភ្ជាប់ក្ដីនឹករលឹក និងកៀរគរជំនួយជូនពលរដ្ឋនៅភូមិរង់ចាំ

អាហ្សង់ទីនកំណត់ថ្ងៃទី ១៥ កក្កដាជា «ទិវាក្រុមបាល់ទាត់ជម្រើសជាតិ» រំលឹកជ័យជម្នះលើអង់គ្លេសនៅ World Cup 2026

អង្គការ UNICEF៖ កុមារម្នាក់ត្រូវបានសម្លាប់ក្នុងមួយថ្ងៃនៅតំបន់ហ្កាហ្សាចាប់តាំងពីបទឈប់បាញ់

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

ក្រុមមេដឹកនាំ G20 កំពុងពិភាក្សាលម្អិតនូវសេចក្ដីប្រកាសរួមជំនួបកំពូល

លោក Biden បើកកិច្ចប្រជុំបន្ទាន់ជាមួយមេដឹកនាំពិភពលោកលើការផ្ទុះនៅប៉ូឡូញ

ប្រធានាធិបតីអ៊ុយក្រែននិយាយថា មីស៊ីលរុស្ស៊ីវាយប្រហារប្រទេសប៉ូឡូញជាការបង្កើនជម្លោះ

អតីតប្រធានាធិបតី Donald Trump ប្រកាសឈរឈ្មោះជាបេក្ខជនប្រធានាធិបតីក្នុងការបោះឆ្នោតឆ្នាំ២០២៤

លោក Lavrov៖ លោកខាងលិចព្យាយាមយកពង្រាងសេចក្ដីសម្រេចរបស់មេដឹកនាំ G20 ជាលេសនយោបាយ

ការបាញ់ស្រោចមីស៊ីលរបស់រុស្ស៊ីបណ្ដាលឲ្យដាច់ចរន្តអគ្គិសនីទូទាំងប្រទេសអ៊ុយក្រែន

សម្តេចតេជោ ហ៊ុន សែន ៖ តើហ៊ានទេកូនអាក្បត់ជាតិ៣ជំនាន់?ពូជខូចវាខូច និងវានៅតែខូច..!

លោក ហ៊ុន ម៉ាណែត បបួលទណ្ឌិតសម រង្ស៊ី ភ្នាល់ដាក់ជីវិតនយោបាយ ដើម្បីឲ្យឆាប់ដឹងសដឹងខ្មៅ

សម្តេចតេជោ ហ៊ុន សែន ដឹកនាំគណៈប្រតិភូត្រលប់ពីឥណ្ឌូនេស៊ី មកដល់កម្ពុជាហើយ

លោក Zelenskiy ប្តេជ្ញាបណ្តេញរុស្ស៊ីចេញពីទឹកដីអ៊ុយក្រែនទាំងអស់

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

ក្រុម​មេដឹកនាំ G20 កំពុង​ពិភាក្សា​លម្អិត​នូវ​សេចក្ដីប្រកាស​រួម​ជំនួប​កំពូល​

លោក Biden បើក​កិច្ចប្រជុំ​បន្ទាន់​ជាមួយ​មេដឹកនាំ​ពិភពលោក​លើ​ការផ្ទុះ​នៅ​ប៉ូឡូញ​

ប្រធានាធិបតី​អ៊ុយ​ក្រែ​ន​និយាយថា មី​ស៊ី​ល​រុស្ស៊ី​វាយប្រហារ​ប្រទេស​ប៉ូឡូញ​ជាការ​បង្កើន​ជម្លោះ​

អតីត​ប្រធានាធិបតី​ Donald Trump ប្រកាស​​​ឈរ​ឈ្មោះ​ជា​បេក្ខជន​ប្រធានាធិបតី​ក្នុងការ​បោះឆ្នោត​ឆ្នាំ​២០២៤

លោក ​Lavrov៖​ លោកខាងលិច​ព្យាយាម​យក​ពង្រាង​សេចក្ដីសម្រេច​របស់​មេដឹកនាំ​ G20​ ជា​លេស​នយោបាយ

ការបាញ់​ស្រោច​មី​ស៊ី​ល​របស់​រុស្ស៊ី​បណ្ដាល​ឲ្យ​ដាច់​ចរន្តអគ្គិសនីទូទាំងប្រទេស​អ៊ុយ​ក្រែ​ន​

សម្តេចតេជោ ហ៊ុន សែន ​៖ តើហ៊ានទេកូនអាក្បត់ជាតិ៣ជំនាន់?ពូជខូចវាខូច និងវានៅតែខូច..!

លោក ហ៊ុន ម៉ាណែត បបួលទណ្ឌិតសម រង្ស៊ី ភ្នាល់ដាក់ជីវិតនយោបាយ ដើម្បីឲ្យ​ឆាប់​​ដឹង​ស​ដឹងខ្មៅ

សម្តេចតេជោ ហ៊ុន សែន ដឹកនាំគណៈប្រតិភូត្រលប់ពីឥណ្ឌូនេស៊ី មកដល់កម្ពុជាហើយ

លោក Zelenskiy ប្តេជ្ញា​បណ្តេញ​រុស្ស៊ី​ចេញពី​ទឹកដី​អ៊ុយ​ក្រែ​ន​ទាំងអស់​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ក្រុមមេដឹកនាំ G20 កំពុងពិភាក្សាលម្អិតនូវសេចក្ដីប្រកាសរួមជំនួបកំពូល

លោក Biden បើកកិច្ចប្រជុំបន្ទាន់ជាមួយមេដឹកនាំពិភពលោកលើការផ្ទុះនៅប៉ូឡូញ

ប្រធានាធិបតីអ៊ុយក្រែននិយាយថា មីស៊ីលរុស្ស៊ីវាយប្រហារប្រទេសប៉ូឡូញជាការបង្កើនជម្លោះ

អតីតប្រធានាធិបតី Donald Trump ប្រកាសឈរឈ្មោះជាបេក្ខជនប្រធានាធិបតីក្នុងការបោះឆ្នោតឆ្នាំ២០២៤

លោក Lavrov៖ លោកខាងលិចព្យាយាមយកពង្រាងសេចក្ដីសម្រេចរបស់មេដឹកនាំ G20 ជាលេសនយោបាយ

ការបាញ់ស្រោចមីស៊ីលរបស់រុស្ស៊ីបណ្ដាលឲ្យដាច់ចរន្តអគ្គិសនីទូទាំងប្រទេសអ៊ុយក្រែន

សម្តេចតេជោ ហ៊ុន សែន ៖ តើហ៊ានទេកូនអាក្បត់ជាតិ៣ជំនាន់?ពូជខូចវាខូច និងវានៅតែខូច..!

លោក ហ៊ុន ម៉ាណែត បបួលទណ្ឌិតសម រង្ស៊ី ភ្នាល់ដាក់ជីវិតនយោបាយ ដើម្បីឲ្យឆាប់ដឹងសដឹងខ្មៅ

លោក Zelenskiy ប្តេជ្ញាបណ្តេញរុស្ស៊ីចេញពីទឹកដីអ៊ុយក្រែនទាំងអស់