BTV NEWS

សម្តេចតេជោ ហ៊ុន សែន ចែករំលែកអត្ថបទវិភាគរបស់អ្នកជំនាញផ្នែកទំនាក់ទំនងអន្តរជាតិ និងសន្តិសុខរបស់ប្រទេសថៃ ដែលមានចំណងជើងថា «ស្វាដោះសំណាញ់!»

សម្តេចធិបតី៖កម្ពុជាគាំទ្រពេញទំហឹង និងបន្តប្តេជ្ញាចិត្តធ្វើការយ៉ាងជិតស្និទ្ធជាមួយរដ្ឋសមាជិកអាស៊ាន ប្រទេសបូកបី និងដៃគូសន្ទនាដើម្បីបំប្លែងឯកសារទៅជាសកម្មភាពជាក់ស្តែង

សម្តេចធិបតី ហ៊ុន ម៉ាណែត៖នៅទូទាំងពិភពលោកនិន្នាការផ្លាស់ប្តូរចំនួនបីកំពុងរៀបចំរដ្ឋបាលសាធារណៈឡើងវិញទោះបីជាក្នុងកម្រិត និងល្បឿនខុសៗគ្នាក៏ដោយ

កិច្ចប្រជុំ ACCSM និង ACCSM+3 ជំរុញនវានុវត្តន៍ការផ្ដល់សេវាសាធារណៈកាន់តែប្រសើរនៅក្នុងតំបន់

ព័ត៌មានសំខាន់ៗ

ប្រធានាធិបតីអាមេរិក និងចិនមិនចុះសម្រុងគ្នាជុំវិញបញ្ហាកោះតៃវ៉ាន់

ឥណ្ឌូនេស៊ី៖ ប្រធានាធិបតីសហរដ្ឋអាមេរិកលោក Joe Biden និងប្រធានាធិបតីចិនលោក Xi Jinping បានចូលរួមកិច្ចពិភាក្សាដោយត្រង់ៗជុំវិញបញ្ហាកោះតៃវ៉ាន់ និងប្រទេសកូរ៉េខាងជើងកាលពីថ្ងៃចន្ទ ក្នុងកិច្ចប្រជុំរយៈពេល ៣ម៉ោងក្នុងគោលបំណងការពារទំនាក់ទំនងរវាងអាមេរិក និងចិនដែលកំពុងជួបភាពតានតឹងមិនឲ្យធ្លាក់ចូលទៅក្នុងសង្គ្រាមត្រជាក់ថ្មី។ ក្នុងពេលមានការខ្វែងគំនិតគ្នាលើបញ្ហាសិទ្ធិមនុស្ស ការវាយលុករបស់រុស្ស៊ីលើអ៊ុយក្រែន និងការគាំទ្រឧស្សាហកម្មក្នុងស្រុក មេដឹកនាំទាំងពីរបានសន្យាឲ្យមានទំនាក់ទំនងប្រសើរជាងមុន។ លោក Biden បាននិយាយបន្ទាប់ពីកិច្ចពិភាក្សារបស់លោកជាមួយលោក Xi Jinping នៅខាងក្រៅកិច្ចប្រជុំកំពូល G20 នៅប្រទេសឥណ្ឌូនេស៊ីថា យើងនឹងប្រកួតប្រជែងយ៉ាងខ្លាំងក្លា។ ប៉ុន្តែលោកមិនស្វែងរកជម្លោះនោះទេ លោកកំពុងស្វែងរកការគ្រប់គ្រងការប្រកួតប្រជែងនេះដោយការទទួលខុសត្រូវ។ ទីក្រុងប៉េកាំងបាននិយាយជាយូរមកហើយថា ខ្លួននឹងនាំយកកោះស្វ័យគ្រប់គ្រងមួយនេះ ដែលខ្លួនបានចាត់ទុកថា ជាផ្នែកមួយមិនអាចកាត់ផ្តាច់បានពីប្រទេសចិនឲ្យមកនៅក្រោមការគ្រប់គ្រងរបស់ខ្លួន ហើយមិនបានបដិសេធចំពោះការប្រើប្រាស់កម្លាំងដើម្បីយកមកវិញនោះទេ។ ចិនបានចោទប្រកាន់អាមេរិកជាញឹកញាប់ក្នុងរយៈពេលប៉ុន្មានឆ្នាំចុងក្រោយនេះថា បានជំរុញទឹកចិត្តកោះតៃវ៉ាន់ចំពោះឯករាជ្យភាព។ប្រព័ន្ធផ្សព្វផ្សាយរដ្ឋចិនបាននិយាយថា នៅក្នុងសេចក្តីថ្លែងការណ៍មួយបន្ទាប់ពីកិច្ចប្រជុំរបស់មេដឹកនាំទាំងពីរ លោក Xi បានចាត់ទុកកោះតៃវ៉ាន់ថា ជាបន្ទាត់ក្រហមដំបូងដែលមិនត្រូវបានឲ្យឆ្លងកាត់ក្នុងទំនាក់ទំនងរវាងសហរដ្ឋអាមេរិក និងចិននោះទេ។ ស្តីពីប្រទេសកូរ៉េខាងជើង លោក Biden និយាយថា វាពិបាកក្នុងការដឹងថា តើទីក្រុងប៉េកាំងមានឥទ្ធិពលលើការសាកល្បងអាវុធរបស់ទីក្រុងព្យុងយ៉ាងដែរ ឬទេ។ វាពិបាកនឹងនិយាយថា លោកប្រាកដថាចិនអាចគ្រប់គ្រងកូរ៉េខាងជើងបាន។ លោកបានប្រាប់លោក Xi ថា សហរដ្ឋអាមេរិកនឹងធ្វើអ្វីដែលខ្លួនត្រូវធ្វើដើម្បីការពារខ្លួន និងសម្ព័ន្ធមិត្តកូរ៉េខាងត្បូង និងជប៉ុន៕អត្ថបទ៖ ប៊ុនថន

សម្តេចតេជោ ហ៊ុន សែន ត្រៀមចាកចេញពីឥណ្ឌូនេស៊ី ត្រឡប់មកកម្ពុជាវិញនៅរសៀលនេះ

ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រី បានប្រកាសមុននេះបន្តិចថា សម្តេចត្រៀមចាកចេញពីឥណ្ឌូនេសុី ត្រឡប់ទៅកម្ពុជាវិញ បន្ទាប់ពីអង្គុយរង់ចាំការអនុញ្ញាតពីប្រទេស ដែលត្រូវហោះហើរឆ្លងកាត់។សម្តេចតេជោ ហ៊ុន សែន សូមអរគុណដល់មិត្តឥណ្ឌូនេសុី ដែលបានយកចិត្តទុកដាក់ទទួលប្រតិភូរបស់កម្ពុជា និងសូមអធ្យាស្រ័យដែលកម្ពុជាមិនអាចចូលប្រជុំ-G20 បាន។ សម្តេចតេជោ ក៏សូមអរគុណបងប្អូនជនរួមជាតិដែលព្រួយបារម្មណ៍ពីសុខភាពរបស់សម្តេច។ ការហោះរយៈពេល ៣ម៉ោង៣០នាទី ដែលសម្តេចនឹងមកដល់កម្ពុជានៅក្បាលព្រលប់ល្ងាចនេះ៕

ម្ចាស់ផ្ទះកិច្ចប្រជុំ G20 និយាយថា ពិភពលោកមិនអាចដើរទៅមុខបានទេ បើសង្គ្រាមមិនបញ្ចប់

ឥណ្ឌូនេស៊ី៖ លោកប្រធានាធិបតីឥណ្ឌូនេស៊ី Joko Widodo ដែលជាប្រធានកិច្ចប្រជុំ G20 នៅថ្ងៃអង្គារនេះបានអំពាវនាវឲ្យមានការឯកភាពគ្នានៅឯកិច្ចប្រជុំកំពូលឆ្នាំ២០២២ របស់ប្លុកនេះ និងនិយាយថា ក្រុមប្រទេសទាំងនេះមិនត្រូវបណ្ដោយឲ្យពិភពលោក ធ្លាក់ចូលក្នុងសង្គ្រាមត្រជាក់ថ្មីមួយទៀតឡើយ ហើយថាជម្លោះត្រូវតែបញ្ចប់។ លោកបាននិយាយថា បើសង្គ្រាមមិនបញ្ចប់ទេ វានឹងលំបាកសម្រាប់ឲ្យពិភពលោកបោះជំហានទៅមុខ ដោយលោកពុំបានសំដៅដោយផ្ទាល់ដល់សង្គ្រាមនៅក្នុងប្រទេសអ៊ុយក្រែនទេ ក្នុងពេលថ្លែងសុន្ទរកថាបើកនៅកិច្ចប្រជុំកំពូលនោះ។ ឥណ្ឌូនេស៊ីដែលធ្វើជាម្ចាស់ផ្ទះនៃជំនួបសម្រាប់ប្លុកនេះសង្ឃឹមថា ក្រុមមេដឹកនាំមានសេដ្ឋកិច្ចលូតលាស់ខ្លាំងទាំង២០ អាចផ្ដោតលើសកម្មភាពដើម្បីជួយស្រោចស្រង់សេដ្ឋកិច្ច ទោះបីជាភាពប្រេះឆាមានកាន់តែខ្លាំងដោយសារតែសង្គ្រាមនៅក្នុងប្រទេសអ៊ុយក្រែនក៏ដោយ។លោកខាងលិចបានចោទរុស្ស៊ីពីបទបង្កើតសេចក្ដីថ្លែងការណ៍ដោយគ្មានទំនួលខុស ត្រូវលើលទ្ធភាពនៃការប្រើប្រាស់អាវុធនុយក្លេអ៊ែរចាប់តាំងពីការវាយលុករបស់ខ្លួនលើអ៊ុយក្រែន។ រុស្ស៊ីបានចោទប្រកាន់បកទៅលោកខាងលិចវិញ ពីបទប្រើប្រាស់វោហារសាស្ត្រនុយក្លេអ៊ែរបង្ករឿង។ យោងតាមសេចក្ដីពង្រាងបឋមនៃសេចក្ដីថ្លែងការណ៍របស់ក្រុមប្រទេស G20 ទទួលបានដោយទូរទស្សន៍ Reuters ក្រុមមេដឹកនាំប្រទេស G20 នឹងស្ដីបន្ទោសការប្រើប្រាស់ ឬគំរាមការប្រើប្រាស់អាវុធនុយក្លេអ៊ែរ៕អត្ថបទ៖ សុខមាន

កិច្ចប្រជុំ G20 បានចាប់ផ្ដើមនៅឥណ្ឌូនេស៊ី ខណៈសង្គ្រាមអ៊ុយក្រែន និងអតិផរណាជារបៀបវារៈកំពូល

ឥណ្ឌូនេស៊ី៖ ក្រុមមេដឹកនាំប្រទេសមានឧស្សាហ៍កម្មលូតលាស់ទាំង២០ ឬ G20 បានបើកការពិភាក្សានៅថ្ងៃអង្គារនេះនៅលើកោះបាលី បន្ទាប់ពីព្រឹត្តិការណ៍ចុងក្រោយដោយម្ចាស់ផ្ទះឥណ្ឌូនេស៊ី សម្រាប់ប្លុកនេះផ្ដោតលើសកម្មភាពដើម្បីជួយស្រោចស្រង់វិបត្តិសេដ្ឋកិច្ចសកល ទោះបីជាមានការប្រេះឆាកាន់តែខ្លាំងដោយសារសង្គ្រាមក្នុងប្រទេសអ៊ុយក្រែន។ កិច្ចប្រជុំ G20 ដែលរាប់បញ្ចូលទាំងប្រទេសចាប់ពីប្រេស៊ីលរហូតដល់ឥណ្ឌា អារ៉ាប៊ីសាអ៊ូឌីត និងអាល្លឺម៉ង់មានច្រើនជាង 80% នៃផលិតផលក្នុងស្រុកសរុបរបស់ពិភពលោក 75% នៃពាណិជ្ជកម្មអន្តរជាតិ និង 60% នៃចំនួនប្រជាជនរបស់ខ្លួន។ សញ្ញាវិជ្ជមានមុនកិច្ចប្រជុំនេះគឺជាជំនួបទ្វេភាគីរយៈពេល ៣ម៉ោងរវាងលោកប្រធានាធិបតីអាមេរិក Joe Biden និងប្រធានាធិបតីចិន Xi Jinping ដែលមេដឹកនាំទាំង២ បានសន្យាបង្កើនទំនាក់ទំនងកាន់តែល្អប្រសើរថែមទៀត ទោះបីមានការខ្វែងគំនិតគ្នាជាច្រើនក៏ដោយ។ស្របពេលដែលសង្គ្រាមអ៊ុយក្រែន និងការហក់ឡើងខ្ពស់នៃអតិផរណាសកល ក្លាយជារបៀបវារៈដ៏សំខាន់ក្នុងជំនួបកំពូលនេះ ប្រធានាធិបតីឥណ្ឌូនេស៊ីបានអំពាវនាវជាថ្មីទៀត ដល់បណ្ដាមេដឹកនាំរបស់ប្រទេសមានទ្រព្យសម្បត្តិស្ដុកស្ដម្ភបំផុតរបស់ពិភពលោក រួបរួមគ្នាដោះស្រាយបញ្ហាសេដ្ឋកិច្ច៕អត្ថបទ៖ សុខមាន

មហាសន្និបាតអង្គការសហប្រជាជាតិអំពាវនាវឲ្យរុស្ស៊ីចេញសំណងការខូចខាតដល់អ៊ុយក្រែន

UN៖ មហាសន្និបាតអង្គការសហប្រជាជាតិបានអនុម័តសេចក្ដីសម្រេចមួយ អំពាវនាវឲ្យរុស្ស៊ីទទួលខុសត្រូវចំពោះការបំពានច្បាប់អន្តរជាតិ ដោយសារតែការវាយលុកចូលអ៊ុយក្រែន។ ផលវិបាកជាច្រើនដែលត្រូវបានលើកឡើង រួមមានការចេញសំណងសម្រាប់ការខូចខាត និងការបាត់បង់អាយុជីវិតមនុស្សជាច្រើនអំឡុងសង្គ្រាម។ សេចក្ដីសម្រេចនេះបានអនុម័តកាលពីថ្ងៃចន្ទដោយមានសំឡេងគាំទ្រ ៩៤ នៃសមាជិក ១៩៣ របស់អង្គមហាសន្និបាត។ មហាសន្និបាតអង្គការសហប្រជាជាតិបាននិយាយថា រុស្ស៊ីដែលបានវាយលុកប្រទេសជិតខាងរបស់ខ្លួនកាលពីខែកុម្ភៈ ត្រូវតែទទួលយករាល់ផលវិបាកស្របច្បាប់ទាំងអស់នៃទង្វើខុសច្បាប់អន្តរជាតិរបស់ខ្លួន រួមទាំងការចេញសំណងសម្រាប់អ្នករងរបួស រួមទាំងការខូចខាតទាំងឡាយបណ្ដាលមកពីការប្រព្រឹត្តទាំងនោះ។ប្រទេសចំនួន ១៤ បានបោះឆ្នោតប្រឆាំងនឹងសេចក្ដីសម្រេចនោះរួមទាំងរុស្ស៊ី ចិន និងអ៊ីរ៉ង់ ចំណែក ប្រទេសចំនួន ៧៣ទៀតអនុបវាទរួមទាំងប្រេស៊ីល ឥណ្ឌា និងអាហ្វ្រិកខាងត្បូង។ មិនមែនរដ្ឋជាសមាជិកទាំងអស់សុទ្ធតែបានបោះឆ្នោតនោះទេ។ នេះគឺជាការគាំទ្រកម្រិតទាបបំផុតនៃសេចក្ដីសម្រេចចំនួន ៥ ពាក់ព័ន្ធនឹងអ៊ុយក្រែនដែលត្រូវបានបង្កើតឡើងដោយមហាសន្និបាតអង្គការសហប្រជាជាតិ ចាប់តាំងពីរុស្ស៊ីវាយប្រហារចូលអ៊ុយក្រែនកាលពីថ្ងៃទី២៤ ខែកុម្ភៈ៕អត្ថបទ៖ សុខមាន

លោក Biden និយាយថា ចិនត្រូវតែព្យាយាមទប់ស្កាត់កូរ៉េខាងជើងកុំឲ្យសាកល្បងនុយក្លេអ៊ែរ

ឥណ្ឌូនេស៊ី៖ ប្រធានាធិបតីសហរដ្ឋអាមេរិកលោក Joe Biden បាននិយាយកាលពីថ្ងៃចន្ទថា លោកបានប្រាប់ប្រធានាធិបតីចិនលោក Xi Jinping រួចហើយថា ទីក្រុងប៉េកាំងមានកាតព្វកិច្ចព្យាយាមនិយាយជាមួយកូរ៉េខាងជើង កុំឲ្យបន្តការសាកល្បងអាវុធនុយក្លេអ៊ែរ ទោះបីជាគេមិនច្បាស់ថា តើចិនអាចគ្រប់គ្រងទីក្រុងព្យុងយ៉ាងបាន ឬអត់ក៏ដោយ។ លោក Biden បានជួបជាមួយលោក Xi ជាង ៣ម៉ោងមុនជំនួបកំពូល G20 នៅកោះបាលី ដែលជាជំនួបទល់មុខគ្នាលើកដំបូងចាប់តាំងពីលោក Biden កាន់តំណែងជាប្រធានាធិបតីអាមេរិកកាលពីឆ្នាំមុនមក។ លោកបានប្រាប់សន្និសីទសារព័ត៌មាន បន្ទាប់ពីលោកបានព្រមានលោក Xi ថា សហរដ្ឋអាមេរិកនឹងធ្វើអ្វីមួយក្នុងករណីចាំបាច់ដើម្បីការពារខ្លួន និងសម្ព័ន្ធមិត្តកូរ៉េខាងត្បូង និងជប៉ុន ប្រសិនបើកូរ៉េខាងជើងបន្តការសាកល្បងអាវុធនុយក្លេអ៊ែរ ជាសកម្មភាពមួយដែលទីក្រុងព្យុងយ៉ាងមិនបានធ្វើចាប់តាំងពីឆ្នាំ២០១៧ មក។ លោក Biden បាននិយាយថា ការឆ្លើយតបរបស់សហរដ្ឋអាមេរិកអាចប្រឈមនឹងចិនកាន់តែខ្លាំងឡើង បើទោះបីជាមិនដៅចំពោះចិនដោយផ្ទាល់ក៏ដោយ៕ អត្ថបទ៖ សុខមាន

លោក Biden សន្យាមិនឲ្យផ្ទុះសង្គ្រាមត្រជាក់ថ្មីជាមួយចិនក្នុងជំនួបជាមួយលោក Xi នៅ G20

ឥណ្ឌូនេស៊ី៖ លោកប្រធានាធិបតីអាមេរិក Joe Biden បានសន្យាថានឹងមិនឲ្យផ្ទុះសង្គ្រាមត្រជាក់ថ្មីជាមួយចិន ក្រោយជំនួបផ្សះផ្សាជាមួយប្រធានាធិបតីចិនលោក Xi Jinping។ លោកក៏បាននិយាយផងដែរថា លោកមិនជឿថា ចិននឹងវាយលុកក្រសោបយកកោះតៃវ៉ាន់នោះទេ។ នេះជាជំនួបទល់មុខគ្នាលើកដំបូងរវាងមេដឹកនាំមហាអំណាចទាំង២ ចាប់តាំងពីលោក Biden ឡើងកាន់តំណែងជាប្រធានាធិបតីអាមេរិក។ មេដឹកនាំទាំង២ បានពិភាក្សាផងដែរពីបញ្ហាកូរ៉េខាងជើង និងការវាយលុករបស់រុស្ស៊ីចូលអ៊ុយក្រែននៅឯជំនួបនៅកោះបាលី (Bali) មួយថ្ងៃមុនជំនួបកំពូលនៃបណ្ដាប្រទេសមានឧស្សាហ៍កម្មលូតលាស់ទាំង ២០ ឬ G20 នៅលើកោះរបស់ប្រទេសឥណ្ឌូនេស៊ី។ ក្នុងជំនួបរយៈពេល ៣ម៉ោងដែលបានធ្វើឡើងភ្លាមៗនៅសណ្ឋាគារប្រណីតមួយ ក្រោយការមកដល់របស់លោក Xi មេដឹកនាំទាំង២ បានពិភាក្សាពីប្រធានបទសំខាន់ៗជាច្រើនរួមទាំងកោះតៃវ៉ាន់ផងដែរ។ត្រូវបានអះអាងសិទ្ធិគ្រប់គ្រងដោយទីក្រុងប៉េកាំង កោះស្វ័យគ្រប់គ្រងមួយនេះយកអាមេរិកធ្វើជាសម្ព័ន្ធមិត្ត ហើយតែងតែជាបញ្ហាដ៏ចម្រូងចម្រាសក្នុងទំនាក់ទំនងរវាងអាមេរិក-ចិន។ ភាពតានតឹងបានបានឡើងកម្ដៅកាលពីខែសីហា នៅពេលដែលប្រធានសភាអាមេរិកលោកស្រី Nancy Pelosi បានទៅទស្សនកិច្ចកោះតៃវ៉ាន់។ ប្រទេសចិនបានឆ្លើយតបដោយសមយុទ្ធយោធាទ្រង់ទ្រាយធំនៅជុំវិញកោះមួយនេះ ដែលជំរុញឲ្យមានក្ដីបារម្ភថាជម្លោះអាចផ្ទុះឡើងរវាងអាមេរិក និងចិន៕អត្ថបទ៖ សុខមាន

សម្តេចអគ្គមហាពញាចក្រី ហេង សំរិន ដឹកនាំកិច្ចប្រជុំគណៈកម្មាធិការអចិន្រ្តៃយ៍រដ្ឋសភា

ភ្នំពេញ៖ សម្តេចអគ្គមហាពញាចក្រី ហេង សំរិន ប្រធានរដ្ឋសភា នៅព្រឹកថ្ងៃអង្គារទី១៥ ខែវិច្ឆិកា ឆ្នាំ២០២២នេះ បានអញ្ជើញដឹកនាំកិច្ចប្រជុំគណៈកម្មាធិការអចិន្រ្តៃយ៍រដ្ឋសភា នៅវិមានរដ្ឋសភា។កិច្ចប្រជុំគណៈកម្មាធិការអចិន្រ្តៃយ៍រដ្ឋសភា បានអនុម័តកំណត់កាលបរិច្ឆេទបន្តសម័យប្រជុំលើកទី៨ នីតិកាលទី៦ នៅព្រឹកថ្ងៃទី២៩ ខែវិច្ឆិកា ឆ្នាំ២០២២ ដោយមានរបៀបវារៈ ចំនួនបួនមាន៖១. ការពិភាក្សា និងអនុម័តសេចក្តីស្នើ វិសោធនកម្មប្រការ ២ថ្មី (ពីរ) ប្រការ ៥ថ្មី (ពីរ) ប្រការ ១០ថ្មី (បី) ប្រការ ១៦ និងប្រការ ៣៥ថ្មី នៃបទបញ្ជាផ្ទៃក្នុងនៃរដ្ឋសភា នៃព្រះរាជាណាចក្រកម្ពុជា។២. ការពិភាក្សា និងអនុម័តសេចក្តីព្រាងច្បាប់ ស្តីពីការទូទាត់ថវិកាទូទៅរបស់រដ្ឋសម្រាប់ការគ្រប់គ្រងឆ្នាំ២០២១។៣. ការពិភាក្សា និងអនុម័តសេចក្តីព្រាងច្បាប់ ស្តីពីហិរញ្ញវត្ថុសម្រាប់ការគ្រប់គ្រងឆ្នាំ២០២៣។៤. ការពិភាក្សា និងអនុម័តសេចក្តីព្រាងច្បាប់ ស្តីពីការអនុម័តយល់ព្រមលើ៖- ពិធីសារទាក់ទងនឹងការធ្វើវិសោធនកម្មអនុសញ្ញា ស្តីពីអាកាសចរណ៍ស៊ីវិលអន្តរជាតិដោយបន្ថែមមាត្រា៣ស្ទួន - ពិធីសារទាក់ទងនឹងការធ្វើវិសោធនកម្មមាត្រា៥០(ក) នៃអនុសញ្ញាស្តីពីអាកាសចរណ៍ស៊ីវិលអន្តរជាតិ - ពិធីសារទាក់ទងនឹងការធ្វើវិសោធនកម្មមាត្រា៥៦ នៃអនុសញ្ញាស្តីពីអាកាសចរណ៍ស៊ីវិលអន្តរជាតិ។

សម្តេចតេជោ ហ៊ុន សែន តេស្តឃើញវិជ្ជមានកូវីដ-១៩ និងសម្រេចអោយប្រតិភូកម្ពុជាត្រលប់មកស្រុកវិញ

ភ្នំពេញ៖ សម្តេចតេជោ ហ៊ុន សែន ប្រកាសថា មុនចេញពីកម្ពុជាបានធ្វើតេស្តរាល់ថ្ងៃពិសេសមុនពេលចេញដំណើរសម្តេចបានធ្វើតេស្តរហ័សមុនឡើងយន្តហោះតែពុំមានឃើញអ្វីនោះឡើយ។សម្តេចថា «ខ្ញុំមិនច្បាស់ថាមេរោគនេះមកនៅជាមួយខ្លួនខ្ញុំចាប់ពីពេលណាមកនោះឡើយតែអ្វីដែលច្បាស់ពេលមកដល់ពេទ្យឥណ្ឌូនេសុី យកសំណាកពេលល្ងាចលុះព្រឹកឡើងបញ្ជាក់ថា វិជ្ជមានកូវីដ-១៩ ដែលយើងត្រូវតែទទួលស្គាល់បើទោះជាក្នុងខ្លួនយើងមិនមានអាការៈចម្លែកក៏ដោយ។សម្តេច បន្តថា ជាសំណាងមួយដែលយប់មុិញដោយសារមកដល់យឺត សម្តេចមិនបានទៅចូលរួមបាយល្ងាចជាមួយប្រមុខរដ្ឋ ប្រមុខរដ្ឋាភិបាលមួយចំនួន ដែលរៀបចំដោយប្រធានាធិបតីបារាំងទេ។សម្តេច បន្តថា ដើម្បីសុវត្តិភាពសម្រាប់ប្រតិភូដែលចូលរួមប្រជុំ សម្តេចសម្រេចឲ្យប្រតិភូកម្ពុជាវិលត្រឡប់ទៅកម្ពុជាវិញទាំងអស់។ ឯតំណាងប្រទេសអាស៊ានយើង កំពុងចរចាប្រគល់ជូនឥណ្ឌូនេសុី ជាតំណាងតែម្តង។សម្តេច បន្តថា អ្វីដែលអាក់ខានគឺជំនួបបានគ្រោងទុកជាមួយប្រធានាធិបតីចិន និងប្រធានាធិបតីបារាំងដែលគ្រោងជួបគ្នានៅបាងកកប្រទេសថៃ នាពេលប្រជុំAPEC។«ខ្ញុំគ្រោងត្រឡប់ទៅដល់កម្ពុជាវិញនៅល្ងាចថ្ងៃនេះជាមួយអាការៈធម្មតាដែលខ្ញុំនឹងបន្តធ្វើការធម្មតាលើកលែងតែការទទួលភ្ញៀវ»៕

ជប៉ុន អាមេរិក និងកូរ៉េខាងត្បូងនឹងឆ្លើយតបយ៉ាងម៉ឺងម៉ាត់ចំពោះការសាកល្បងនុយក្លេអ៊ែររបស់កូរ៉េខាងជើង

ជប៉ុន៖ មេដឹកនាំជប៉ុន សហរដ្ឋអាមេរិក និងកូរ៉េខាងត្បូងបាននិយាយថា ប្រទេសទាំងបីថ្កោលទោសយ៉ាងខ្លាំងចំពោះការបាញ់មីស៊ីលបាលីស្ទីករបស់កូរ៉េខាងជើង ហើយនឹងឆ្លើយតបយ៉ាងម៉ឺងម៉ាត់ ប្រសិនបើទីក្រុងព្យុងយ៉ាងសាកល្បងនុយក្លេអ៊ែរ។ នាយករដ្ឋមន្ត្រីជប៉ុនលោក Kishida Fumio, ប្រធានាធិបតីអាមេរិកលោក Joe Biden និងប្រធានាធិបតីកូរ៉េខាងត្បូងលោក Yoon Suk-yeol បានចេញសេចក្តីថ្លែងការណ៍រួមមួយ បន្ទាប់ពីជំនួបនៅខាងក្រៅកិច្ចប្រជុំកំពូលអាស៊ានកាលពីថ្ងៃអាទិត្យ។ សេចក្តីថ្លែងការណ៍និយាយថា ការបាញ់មីស៊ីលបាលីស្ទីកក្នុងចំនួនដ៏ច្រើនដែលមិនធ្លាប់មានពីមុនមករបស់កូរ៉េខាងជើងក្នុងឆ្នាំនេះ បង្កការគំរាមកំហែងធ្ងន់ធ្ងរដល់សន្តិភាព និងសន្តិសុខនៅលើឧបទ្វីបកូរ៉េ និងលើសពីនេះទៅទៀត។ សេចក្តីថ្លែងការណ៍បន្ថែមថា មេដឹកនាំប្រទេសទាំងបីជំរុញឱ្យប្រទេសកូរ៉េខាងជើង អនុវត្តតាមសេចក្តីសម្រេចរបស់ក្រុមប្រឹក្សាសន្តិសុខអង្គការសហប្រជាជាតិ។ ការសាកល្បងនុយក្លេអ៊ែររបស់ទីក្រុងព្យុងយ៉ាងនឹងត្រូវបានឆ្លើយតបជាក់ស្តែង និងម៉ឺងម៉ាត់ពីសហគមន៍អន្តរជាតិ។ សេចក្តីថ្លែងការណ៍និយាយថា ជប៉ុន សហរដ្ឋអាមេរិក និងកូរ៉េខាងត្បូងនឹងសម្របសម្រួលក្នុងការធានាបានថា ទណ្ឌកម្មដែលពាក់ព័ន្ធទាំងអស់ត្រូវបានអនុវត្តយ៉ាងពេញលេញ។ការប្តេជ្ញាចិត្តរបស់សហរដ្ឋអាមេរិកក្នុងការពង្រឹងការការពារបន្ថែមចំពោះប្រទេសជប៉ុន និងកូរ៉េខាងត្បូងត្រូវបានគាំទ្រដោយសមត្ថភាពពេញលេញរួមទាំងនុយក្លេអ៊ែរ។ មេដឹកនាំទាំងបីមានបំណងចែករំលែកទិន្នន័យព្រមានពីមីស៊ីលរបស់កូរ៉េខាងជើងក្នុងពេលវេលាជាក់ស្តែង ដើម្បីបង្កើនសមត្ថភាពរបស់ប្រទេសនីមួយៗក្នុងការរកឃើញ និងវាយតម្លៃការគំរាមកំហែងដែលបង្កឡើងដោយមីស៊ីល ជាជំហានដ៏សំខាន់សម្រាប់ការការពារ សន្តិភាព និងស្ថិរភាព។ បន្ថែមលើនេះ មេដឹកនាំទាំងបីបានអំពាវនាវឱ្យប្រទេសកូរ៉េខាងជើងត្រលប់មករកការចរចាវិញ ដោយនិយាយថា ផ្លូវមកកាន់ការសន្ទនានៅតែបើកចំហឆ្ពោះទៅរកដំណោះស្រាយដោយសន្តិវិធី និងផ្នែកការទូត៕អត្ថបទ៖ ប៊ុនថន

បណ្ដាញសង្គម

ព័ត៌មានថ្មីៗ

សាលាដែលមានសិស្សជាប់និទ្ទេសAច្រើន និងអត្រាសិស្សជាប់បាក់ឌុបខ្ពស់ នឹងចាត់ជាសាលាគំរូ

កម្ពុជាបោះជំហានឆ្ពោះទៅជាមជ្ឈមណ្ឌលដឹកជញ្ជូនតាមផ្លូវអាកាសក្នុងតំបន់ ខណៈទំនិញដឹកតាមផ្លូវអាកាសកើន ២១%

រដ្ឋមន្រ្ដីក្រសួងព័ត៌មាន៖«សំឡេងនៃភស្តុតាង ឮខ្លាំងជាងសំឡេងនៃការកុហក និងការបដិសេធ»

កីឡាករ កីឡាការិនីហាប់គីដូកម្ពុជាទៅចូលរួមការប្រកួតនៅហុងកុងភាគច្រើនត្រូវចំណាយថវិការផ្ទាល់ខ្លួន

ប្រមុខUN ថ្កោលទោសការវាយប្រហាររវាងរុស្ស៊ី និងអ៊ុយក្រែន និងអំពាវនាវឱ្យមានបទឈប់បាញ់ជាបន្ទាន់

អ្នកវិភាគ៖ លោក Trump នឹងមិនទទួលយកការគ្រប់គ្រងរួមគ្នារវាងប្រទេសអ៊ីរ៉ង់ និងអូម៉ង់ឡើយ

សហភាពអឺរ៉ុបគួរតែប្រើប្រាស់ឥទ្ធិពលជាមួយម៉ារ៉ុកបន្ទាប់ពីលំហូរជនអន្តោប្រវេសន៍ចូលតំបន់ Ceuta របស់អេស្ប៉ាញ

ពិភពលោកកំពុងមើល៖ ហេតុអ្វីពលរដ្ឋកម្ពុជានៅតែមិនអាចវិលត្រឡប់ទៅផ្ទះ? កុមារ ៦,០០០ នាក់កំពុងរង់ចាំថ្ងៃត្រឡប់ទៅសាលារៀន!

ការវាយឆ្មក់របស់អ៊ីស្រាអែលនៅជំរំ Qalandiya តំបន់West Bank បណ្តាលឱ្យពលរដ្ឋប៉ាឡេស្ទីនជាង៥០នាក់របួស

ប្រជាជនលីបង់ខាងត្បូង មានកំហឹងយ៉ាងខ្លាំង ខណៈអ៊ីស្រាអែលបន្តវាយប្រហារ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

ប្រធានាធិបតីអាមេរិក និងចិនមិនចុះសម្រុងគ្នាជុំវិញបញ្ហាកោះតៃវ៉ាន់

សម្តេចតេជោ ហ៊ុន សែន ត្រៀមចាកចេញពីឥណ្ឌូនេស៊ី ត្រឡប់មកកម្ពុជាវិញនៅរសៀលនេះ

ម្ចាស់ផ្ទះកិច្ចប្រជុំ G20 និយាយថា ពិភពលោកមិនអាចដើរទៅមុខបានទេ បើសង្គ្រាមមិនបញ្ចប់

កិច្ចប្រជុំ G20 បានចាប់ផ្ដើមនៅឥណ្ឌូនេស៊ី ខណៈសង្គ្រាមអ៊ុយក្រែន និងអតិផរណាជារបៀបវារៈកំពូល

មហាសន្និបាតអង្គការសហប្រជាជាតិអំពាវនាវឲ្យរុស្ស៊ីចេញសំណងការខូចខាតដល់អ៊ុយក្រែន

លោក Biden និយាយថា ចិនត្រូវតែព្យាយាមទប់ស្កាត់កូរ៉េខាងជើងកុំឲ្យសាកល្បងនុយក្លេអ៊ែរ

លោក Biden សន្យាមិនឲ្យផ្ទុះសង្គ្រាមត្រជាក់ថ្មីជាមួយចិនក្នុងជំនួបជាមួយលោក Xi នៅ G20

សម្តេចអគ្គមហាពញាចក្រី ហេង សំរិន ដឹកនាំកិច្ចប្រជុំគណៈកម្មាធិការអចិន្រ្តៃយ៍រដ្ឋសភា

សម្តេចតេជោ ហ៊ុន សែន តេស្តឃើញវិជ្ជមានកូវីដ-១៩ និងសម្រេចអោយប្រតិភូកម្ពុជាត្រលប់មកស្រុកវិញ

ជប៉ុន អាមេរិក និងកូរ៉េខាងត្បូងនឹងឆ្លើយតបយ៉ាងម៉ឺងម៉ាត់ចំពោះការសាកល្បងនុយក្លេអ៊ែររបស់កូរ៉េខាងជើង

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

ប្រធានាធិបតី​អាមេរិក ​និង​ចិន​មិន​ចុះសម្រុង​គ្នា​ជុំវិញ​បញ្ហា​កោះ​តៃវ៉ាន់​

សម្តេចតេជោ ហ៊ុន សែន ត្រៀមចាកចេញពីឥណ្ឌូនេស៊ី ត្រឡប់មកកម្ពុជាវិញនៅរសៀលនេះ

ម្ចាស់ផ្ទះ​កិច្ចប្រជុំ G20 និយាយថា ​ពិភពលោក​មិនអាច​ដើរទៅ​មុខ​បានទេ បើ​សង្គ្រាម​មិន​បញ្ចប់​

កិច្ចប្រជុំ​ G20 បាន​ចាប់ផ្ដើម​នៅ​ឥណ្ឌូនេស៊ី ខណៈ​សង្គ្រាម​អ៊ុយ​ក្រែ​ន និង​អតិផរណា​ជា​របៀបវារៈ​កំពូល

មហាសន្និបាត​អង្គការសហប្រជាជាតិ​អំពាវនាវ​ឲ្យ​រុស្ស៊ី​ចេញ​សំណង​ការ​ខូចខាត​ដល់​អ៊ុយ​ក្រែ​ន​

លោក Biden និយាយថា ចិន​ត្រូវតែ​ព្យាយាម​ទប់ស្កាត់​កូរ៉េខាងជើង​កុំ​ឲ្យ​សាកល្បង​នុយក្លេអ៊ែរ​

លោក Biden សន្យា​មិន​ឲ្យ​ផ្ទុះ​សង្គ្រាមត្រជាក់​ថ្មី​ជាមួយ​ចិន​ក្នុងជំនួប​ជាមួយ​លោក Xi នៅ G20

សម្តេចអគ្គមហាពញាចក្រី ហេង សំរិន ដឹកនាំកិច្ចប្រជុំគណៈកម្មាធិការអចិន្រ្តៃយ៍រដ្ឋសភា

សម្តេចតេជោ ហ៊ុន សែន តេស្តឃើញវិជ្ជមានកូវីដ-១៩ និងសម្រេចអោយប្រតិភូកម្ពុជាត្រលប់មកស្រុកវិញ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ប្រធានាធិបតីអាមេរិក និងចិនមិនចុះសម្រុងគ្នាជុំវិញបញ្ហាកោះតៃវ៉ាន់

ម្ចាស់ផ្ទះកិច្ចប្រជុំ G20 និយាយថា ពិភពលោកមិនអាចដើរទៅមុខបានទេ បើសង្គ្រាមមិនបញ្ចប់

កិច្ចប្រជុំ G20 បានចាប់ផ្ដើមនៅឥណ្ឌូនេស៊ី ខណៈសង្គ្រាមអ៊ុយក្រែន និងអតិផរណាជារបៀបវារៈកំពូល

មហាសន្និបាតអង្គការសហប្រជាជាតិអំពាវនាវឲ្យរុស្ស៊ីចេញសំណងការខូចខាតដល់អ៊ុយក្រែន

លោក Biden និយាយថា ចិនត្រូវតែព្យាយាមទប់ស្កាត់កូរ៉េខាងជើងកុំឲ្យសាកល្បងនុយក្លេអ៊ែរ

លោក Biden សន្យាមិនឲ្យផ្ទុះសង្គ្រាមត្រជាក់ថ្មីជាមួយចិនក្នុងជំនួបជាមួយលោក Xi នៅ G20