BTV NEWS

សម្ដេចតេជោ ហ៊ុន សែន ចែករំលែកអត្ថបទអ្នកស្រាវជ្រាវថៃ ក្រោមចំណងជើងថា «មនុស្សធម៌ខ្វះការអាណិតអាសូរ»

ឯកឧត្តម ឌី វិជ្ជា និងលោកជំទាវ ហ៊ុន ម៉ាណា អញ្ជើញប្រគេនទៀនព្រះវស្សា និងនាំយកទេយ្យវត្ថុ ប្រគេនវត្តចំនួន១២វត្ត និងចែកអំណោយដល់យាយជីតាជី នៅស្រុកក្រគរ និងស្រុកភ្នំក្រវាញ ខេត្តពោធិ៍សាត់

គណៈប្រតិភូធុរកិច្ចមកពីហុងកុង ក្វាងទុង និងម៉ាកាវ បង្ហាញចំណាប់អារម្មណ៍ក្នុងការស្វែងរកឱកាសវិនិយោគលើវិស័យសក្តានុពលនៅកម្ពុជា

សម្តេចតេជោ ហ៊ុន សែន ចែករំលែកអត្ថបទវិភាគរបស់អ្នកជំនាញផ្នែកទំនាក់ទំនងអន្តរជាតិ និងសន្តិសុខរបស់ប្រទេសថៃ ដែលមានចំណងជើងថា «ស្វាដោះសំណាញ់!»

ព័ត៌មានសំខាន់ៗ

ទីក្រុង Lysychansk ប្រឈមការវាយប្រហារខ្លាំង ខណៈរុស្ស៊ីគ្រប់គ្រងខេត្ត Luhansk បាន ៩៥%

អ៊ុយក្រែន៖ កាលពីថ្ងៃព្រហស្បតិ៍កងទ័ពរុស្ស៊ីបានប្រយុទ្ធ ដើម្បីឡោមព័ទ្ធបន្ទាយចុងក្រោយរបស់ក្រុមអ្នកតស៊ូអ៊ុយក្រែន នៅក្នុងភាគខាងកើតប្រទេសអ៊ុយក្រែន។ ការរុញទៅមុខរបស់ក្រុង Moscow ដើម្បីគ្រប់គ្រងតំបន់ Donbas ទាំងមូលពីអ៊ុយក្រែនត្រូវបានផ្ដោតលើទីក្រុង Lysychansk ដែលជាមូលដ្ឋានរឹងមាំនៅសេសសល់ចុងក្រោយរបស់អ៊ុយក្រែននៅក្នុងខេត្ត Luhansk។ កងទ័ពរុស្ស៊ី និងក្រុមបំបែកខ្លួនសម្ព័ន្ធមិត្តរបស់ពួកគេបានគ្រប់គ្រងខេត្ត Luhansk 95% និងប្រមាណពាក់កណ្ដាលនៃខេត្ត Donetsk ជាខេត្ត២ បង្កើតបានជាតំបន់ Donbas មានប្រជាជនភាគច្រើននិយាយភាសារុស្ស៊ី។ វីដេអូពីទូរទស្សន៍ Sky News កាលពីថ្ងៃពុធបានបង្ហាញពីកងកម្លាំងរុស្ស៊ី កំពុងបាញ់ផ្លោងគ្រាប់កាំភ្លើងទៅលើទីក្រុង Lysychansk និងប៉ះទង្គិចជាមួយកងកម្លាំងការពារអ៊ុយក្រន នៅជុំវិញរោងចក្រចម្រាញ់ប្រេងនៅជាយទីក្រុងនេះ។ ទាហានអ៊ុយក្រែននៅទីនោះបានទទួលបញ្ជាឲ្យទៅកាន់ទីតាំងនោះ ប៉ុន្តែពួកគេកំពុងត្រៀមទប់ទល់សមរភូមិថ្មីប្រឆាំងនឹងកងទ័ពរុស្ស៊ី។អភិបាលខេត្ត Luhansk លោក Serhiy Haidai បាននិយាយថា កងកម្លាំងរុស្ស៊ីកំពុងព្យាយាមបិទផ្លូវហាយវ៉េមួយខ្សែដែលត្រូវបានប្រើ ដើម្បីដឹកជញ្ជូនសម្ភារៈផ្គត់ផ្គង់ និងឡោមព័ទ្ធទីក្រុងនេះទាំងមូល។ លោក Serhiy Hayday បាននិយាយកាលពីយប់ថ្ងៃព្រហស្បតិ៍ថា ទីក្រុង Lysychansk ស្ថិតក្នុងស្ថានភាពយ៉ាប់យ៉ឺនខ្លាំងណាស់៕អត្ថបទ៖ សុខមាន

សម្ដេចតេជោ ហ៊ុន សែន ប្រកាសពីការចាប់ខ្លួនបុរសម្នាក់មានTikTok ឈ្មោះ «ហ៊ៅ អ៊ូខុង» ដែលផ្សព្វផ្សាយបំពុលព័ត៌មាន

បន្ទាយមានជ័យ៖ សម្តេចតេជោ ហ៊ុន សែន នាយករដ្ឋមន្ត្រី បានប្រកាសពីការចាប់ខ្លួនបុរសម្នាក់មានអាខោនតិកតុក(TikTok) ឈ្មោះ «ហ៊ៅ អ៊ូខុង» ដែលបានផ្សព្វផ្សាយបំពុលថា មានករណីស្លាប់ដោយជំងឺកូវីដ-១៩ នៅខេត្តកោះកុង។ សម្តេចតេជោ ហ៊ុន សែន ព្រមានថា «ចេញផ្សាយបំផុលមួយ ចាប់ខ្លួនមួយ ដោយគ្មានការលើកលែងឡើយ ....! នរណាក៏ដោយដែលយកបញ្ហាកូវីដ-១៩មកលេងសើច នឹងត្រូវចាប់ខ្លួន»។សម្ដេចតេជោបានមានប្រសាសន៍យ៉ាងដូច្នេះក្នុងឱកាសដែលសម្ដេចអញ្ជើញជាអធិបតីក្នុងពិធីអបអរសាទរទិវាមច្ឆជាតិ១កក្កដា ឆ្នាំ២០២២ ដែលប្រារព្ធឡើងនៅទីតាំងអាងទឹក ត្រពាំងថ្ម ភូមិត្រពាំងថ្ម ឃុំប៉ោយចារ ស្រុកភ្នំស្រុក ខេត្តបន្ទាយមានជ័យ នៅព្រឹកថ្ងៃទី០១ ខែកក្កដា ឆ្នាំ២០២២។ជាមួយគ្នានេះដែរ សម្តេចតេជោ ហ៊ុន សែន បានប្រកាសដល់ជនទាំងឡាយ រួមទាំងអង្គការសង្គមស៊ីវិលនានាផងដែរ ដែលរិះគន់ និងចោទប្រកាន់ពីការចាប់ខ្លួនបុរសម្នាក់ ដែលបំផុសព័ត៌មានបំពុលតាមបណ្តាញសង្គមរឿងបញ្ហាកូវីដ-១៩នោះ សូមមកជួបសម្តេច ដោយសម្តេចនឹងពន្យល់ពីករណីនេះ។

សម្ដេចតេជោ ហ៊ុន សែន ៖ “បោះឆ្នោតជូនគណបក្សប្រជាជនកម្ពុជា គឺបោះឆ្នោតជូនខ្លួនឯង”

ភ្នំពេញ៖ ក្នុងឱកាសអបអរសាទរទិវាមច្ឆជាតិ១កក្កដា ឆ្នាំ២០២២ សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា បានមានប្រសាសន៍ថ្លែងអំណរគុណដល់ប្រជាពលរដ្ឋដែលបានបោះឆ្នោតជូនគណបក្សប្រជាជនកម្ពុជា ដោយសម្ដេចបានគូសបញ្ជាក់ថា “បោះឆ្នោតជូនគណបក្សប្រជាជនកម្ពុជា គឺបោះឆ្នោតជូនខ្លួនឯង”។សម្តេចតេជោ ហ៊ុន សែន បានប្រកាសថ្លែងអំណរគុណដល់ប្រជាពលរដ្ឋ ដែលបាននាំគ្នាអញ្ជើញទៅបោះឆ្នោតជ្រើសរើសក្រុមប្រឹក្សាឃុំ-សង្កាត់ អាណត្តិទី៥ ឆ្នាំ២០២២ ដែលបានកន្លងទៅថ្មីៗនេះ ទោះជាបោះឱ្យគណបក្សនយោបាយណាក៏ដោយ ដែលនេះជាទម្រង់ នៃលទ្ធផលប្រជាធិបតេយ្យ សេរី ពហុបក្សនៅកម្ពុជា។ជាមួយគ្នានេះដែរ សម្តេចតេជោ ហ៊ុន សែន ប្រកាសថ្លែងអំណរគុណ និងអំពាវនាវ ដល់ពលរដ្ឋឱ្យបន្តបោះឆ្នោត គាំទ្រគណបក្សប្រជាជនកម្ពុជានៅឆ្នាំ២០២៣ខាងមុខបន្តទៀត ដែលជាសក្ខីភាពបង្ហាញពីភាពជឿជាក់ទុកចិត្ត លើការដឹកនាំរបស់គណបក្សប្រជាជនកម្ពុជា។ក្នុងឱកាសនោះដែរ សម្តេចតេជោ ហ៊ុន សែន នាយករដ្ឋមន្រ្តីក៏បានលើកឡើងផងដែរ អំពីគុណតម្លៃនៃសុខសន្តិភាព ដែលប្រទេសកម្ពុជាកំពុងមាននាពេលបច្ចុប្បន្ន ដោយសម្តេចបានបញ្ជាក់ថា តម្លៃសន្តិភាពនេះគឺពិតជាមិនអាចខ្វះបាននោះឡើយ ខណៈសន្តិភាពនេះបានធ្វើឲ្យប្រទេសកម្ពុជាមានការអភិវឌ្ឍរីកចំរើនស្ទើគ្រប់វិស័យនោះ៕

សម្ដេចតេជោ ហ៊ុន សែន រំលឹកពីគ្រាដែលឯកជនកាន់កាប់ឡូតិ៍នេសាទ ដោយបង្កការលំបាកបំផុតដល់ពលរដ្ឋ និងប្រជានេសាទ

បន្ទាយមានជ័យ៖ សម្ដេចតេជោ ហ៊ុន សែន នាយករដ្ឋមន្ត្រី បានប្រកាសរំលឹកពីគ្រាដែលឯកជនកាន់កាប់ឡូតិ៍នេសាទ ដោយបង្កការលំបាកលំបិតបំផុតដល់ប្រជាពលរដ្ឋ និងប្រជានេសាទ រហូតដល់មានអំពើហិង្សាក្នុងទម្រង់ធ្ងន់ធ្ងរ និងជម្រោះរ៉ាំរ៉ៃផ្សេងៗរាប់មិនអស់។សម្ដេចតេជោបានប្រកាសយ៉ាងដូច្នេះក្នុងឱកាសដែលសម្ដេចអញ្ជើញជាអធិបតីក្នុងពិធីអបអរសាទរទិវាមច្ឆជាតិ១កក្កដា ឆ្នាំ២០២២ ដែលប្រារព្ធឡើងនៅទីតាំងអាងទឹក ត្រពាំងថ្ម ភូមិត្រពាំងថ្ម ឃុំប៉ោយចារ ស្រុកភ្នំស្រុក ខេត្តបន្ទាយមានជ័យ នៅព្រឹកថ្ងៃទី០១ ខែកក្កដា ឆ្នាំ២០២២។ជាមួយគ្នានេះដែរ សម្តេចតេជោ ហ៊ុន សែន ក៏បានប្រកាសជំរុញចរន្ត នៃការចិញ្ចឹមត្រី ដើម្បីធានាការផ្គត់ផ្គង់ដល់តម្រូវការប្រជាពលរដ្ឋ។ សម្តេចបន្តថា ពេលនេះ តម្លៃត្រីមានកើនឡើង ខណៈសាច់មាន់ សាច់ជ្រូក និងសាច់ផ្សេងៗ បែរជាមានការធ្លាក់ខ្លះទៅវិញ ដែលនេះផ្អែកលើតម្រូវការជាក់ស្តែងរបស់អ្នកទទួលទានប៉ុណ្ណោះ។

សម្ដេចតេជោ ហ៊ុន សែន ប្រកាសឲ្យបន្តសកម្មភាពកាត់ឆ្វៀលដីតំបន់បឹងទន្លេសាប តែត្រូវមានការសិក្សាស្រាវជ្រាវឲ្យបានដិតដល់

បន្ទាយមានជ័យ៖ នៅព្រឹកថ្ងៃទី១ ខែកក្កដា ឆ្នាំ២០២២ នេះ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានអញ្ជើញជាអធិបតីក្នុងពិធីអបអរសាទរទិវាមច្ឆជាតិ១កក្កដា ឆ្នាំ២០២២ ដែលប្រារព្ធឡើងនៅទីតាំងអាងទឹក ត្រពាំងថ្ម ភូមិត្រពាំងថ្ម ឃុំ ប៉ោយចារ ស្រុកភ្នំស្រុក ខេត្តបន្ទាយមានជ័យ។ ក្នុងឱកាសនេះសម្តេចតេជោ ហ៊ុន សែន បានប្រកាសឲ្យមានសកម្មភាពកាត់ឆ្វៀលដីនៅតំបន់បឹងទន្លេសាប ក្នុងនោះមានតម្រូវការកាត់ចេញទៅតំបន់៣ ទៅតំបន់២ និងពីតំបន់២ ទៅតំបន់១ តែការកាត់នោះ ត្រូវមានការសិក្សាស្រាវជ្រាវឲ្យបានដិតដល់ និងសម្រេចកាត់តាមអ្វីដែលជាយន្តការដាក់ចេញមកស្រាប់។

សម្តេចតេជោ ហ៊ុន សែន អញ្ជើញជាអធិបតីអបអរសាទរទិវាមច្ឆជាតិ១កក្កដា ឆ្នាំ២០២២ ដែលប្រារព្ធឡើងនៅទីតាំងអាងទឹក ត្រពាំងថ្ម ខេត្តបន្ទាយមានជ័យ

ភ្នំពេញ៖ នៅព្រឹកថ្ងៃទី១ ខែកក្កដា ឆ្នាំ២០២២ នេះ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានអញ្ជើញជាអធិបតីក្នុងពិធីអបអរសាទរទិវាមច្ឆជាតិ១កក្កដា ឆ្នាំ២០២២ ដែលប្រារព្ធឡើងនៅទីតាំងអាងទឹក ត្រពាំងថ្ម ភូមិ ត្រពាំងថ្ម ឃុំ ប៉ោយចារ ស្រុក ភ្នំស្រុក ខេត្តបន្ទាយមានជ័យ។ជារៀងរាល់ឆ្នាំ ថ្ងៃទី ១ ខែកក្កដា គឺជា ទិវា ដែល ក្រសួងកសិកម្ម រុក្ខាប្រមាញ់ និង នេសាទ តែងតែ ប្រារព្ធទិវា មច្ឆជាតិ ដែល រៀបចំឡើង ក្នុង ស្មារតី ចូលរួម ផ្សព្វផ្សាយ គ្រប់គ្រង ការពារ និងអភិរក្ស ធនធានធម្មជាតិអោយបានគង់វង្ស។ ទិវាមច្ឆជាតិ១កក្កដា បង្កើតឡើងក៏ដើម្បីបំផុសចលនាប្រជាពលរដ្ឋចូលរួមក្នុងការថែរក្សាពូជត្រីឱ្យមានក្នុងដែនទឹកធម្មជាតិបង្កើនផលត្រី នៅតំបន់ឆ្ងាយពីដែននេសាទផងជាពិសេសតាម តំបន់សមស្រប នៃវាលទំនាប និងវាលស្រែក្នុងទូទាំងប្រទេស ៕

មនុស្សរាប់ពាន់នាក់ប្រមូលផ្ដុំក្នុងទីក្រុង Madrid ជំរុញឲ្យសម្ព័ន្ធណាតូជួយបញ្ឈប់សង្គ្រាមនៅអ៊ុយក្រែន

អេស្ប៉ាញ៖ ខណៈកំពុងកាន់ផ្ទាំងបដាជាច្រើនដែលមានន័យថា ណាតូត្រូវបញ្ឈប់អំពើប្រល័យពូជសាសន៍របស់រុស្ស៊ីនៅអ៊ុយក្រែន និងណាតូត្រូវក្លាហានដូចអ៊ុយក្រែន ក្រុមអ្នកតវ៉ាបានប្រមូលផ្ដុំគ្នាជិតទីលានសាធារណៈក្នុងប្រទេសអេស្ប៉ាញ ដើម្បីទាមទារសុំឲ្យផ្ដល់អាវុធបន្ថែមទៀត ប្រយុទ្ធប្រឆាំងនឹងបិទដែនអាកាសជុំវិញប្រទេសដែលកំពុងជួបស្ថានភាពយ៉ាប់យ៉ឺនខ្លាំងមួយនេះ។ ក្រុមមនុស្សគាំទ្រសម្ព័ន្ធណាតូដ៏ធំបានប្រមូលផ្ដុំគ្នាក្នុងទីក្រុង Madrid កាលពីថ្ងៃពុធ ដើម្បីថ្លែងអំណរគុណដល់ក្រុមប្រទេសសម្ព័ន្ធយោធាទាំងឡាយ សម្រាប់ការគាំទ្រដល់អ៊ុយក្រែនក្នុងជម្លោះជាមួយរុស្ស៊ី។ ការតវ៉ានេះបានកើតមានឡើង បន្ទាប់ពីលោកប្រធានាធិបតីអ៊ុយក្រែន Volodymyr Zelenskiy បានប្រាប់ក្រុមមេដឹកនាំសម្ព័ន្ធណាតូថា ប្រទេសរបស់លោកត្រូវការអាវុធទំនើប និងថវិកាបន្ថែមទៀតដើម្បីការពារខ្លួនទប់ទល់នឹងរុស្ស៊ី ដោយព្រមានថា មហិច្ឆតារបស់ក្រុង Moscow មិនបានបញ្ចប់ត្រឹមប្រទេសអ៊ុយក្រែននោះទេ។លោក Yuriy Chopyk ប្រធានសហគមន៍ជនជាតិអ៊ុយក្រែននៅក្នុងប្រទេសអេស្ប៉ាញ បានថ្លែងអំណរគុណដល់សម្ព័ន្ធយោធាណាតូ ប៉ុន្តែបាននិយាយថា លោកកំពុងអំពាវនាវយ៉ាងដាច់ណាត់សុំជំនួយបន្ថែមទៀត ទប់ទល់នឹងការវាយប្រហាររបស់រុស្ស៊ី ដែលលោកថា រុស្ស៊ីកំពុងកម្ទេចអ៊ុយក្រែនចោល។ កាលពីថ្ងៃអង្គារមុនជំនួបកំពូលសម្ព័ន្ធណាតូចាប់ផ្ដើម ក្នុងរដ្ឋធានីនេះក្រុមប្រឆាំងយោធា និងក្រុមបរិស្ថានក៏បានចេញតវ៉ានៅខាងមុខមហាវិទ្យាល័យយោធាក្នុងទីក្រុង Madrid ផងដែរ។ ក្រុមបាតុករដែលបានស្លៀកសម្លៀកបំពាក់ជាសិស្សបានអំពាវនាវសុំសន្តិភាព និងបានបង្ហាញការប្រឆាំងទៅនឹងសង្គ្រាមក្នុងប្រទេសអ៊ុយក្រែន៕អត្ថបទ៖ សុខមាន

ថ្ងៃនេះ កម្ពុជារកឃើញករណីឆ្លងថ្មីជំងឺកូវីដ-១៩ ចំនួន៧នាក់ សុទ្ធតែជាករណីឆ្លងក្នុងសហគមន៍

ភ្នំពេញ៖ ក្រសួងសុខាភិបាលប្រកាសពីការរកឃើញករណីឆ្លងថ្មីជំងឺកូវីដ-១៩ ចំនួន៧នាក់ ដែលសុទ្ធតែជាករណីឆ្លងក្នុងសហគមន៍ និងគ្មានអ្នកជាសះស្បើយថ្មី និងករណីស្លាប់ថ្មីទេ នៅថ្ងៃទី៣០ ខែមិថុនា ឆ្នាំ២០២២នេះ។គួរបញ្ជាក់ថា មកទល់ពេលនេះ កម្ពុជាមានករណីឆ្លងថ្មីសរុបចំនួន ១៣៦.២៧៩នាក់, ករណីជាសះស្បើយចំនួន ១៣៣.២០៦ និងករណីស្លាប់សរុបចំនួន ៣.០៥៦នាក់។

អាជីវកម្មលក់បន្លែសុវត្ថិភាពកើនឡើង ខណៈការផ្គត់ផ្គង់ពីកសិករមិនគ្រប់គ្រាន់

ភ្នំពេញ៖ ក្រុមអាជីវករ បានលើកឡើងថា ការបើកអាជីវកម្មលក់បន្លែសុវត្ថិភាព ដែលដាំនៅក្នុងរោងសំណាញ់ ជាពិសេសនៅក្នុងរាជធានីភ្នំពេញ មានការកើនឡើង នារយៈពេលប៉ុន្មានឆ្នាំចុងក្រោយនេះ ប៉ុន្តែកសិករមិនទាន់មានផលិតផលផ្គត់ផ្គង់គ្រប់គ្រាន់នៅឡើយទេ ខណៈការគាំទ្រពីសំណាក់ប្រជាពលរដ្ឋកំពុងមានសន្ទុះ។លោក ម៉េង សុងហោរ ម្ចាស់ផ្សារខ្មែរបន្លែធម្មជាតិ នៅសំណង់១២ បានលើកឡើងថា កាលពី៥ឆ្នាំមុន ការលក់បន្លែសុវត្ថិភាពមានមិនដល់១០ប្រេននោះទេ ប៉ុន្តែរយៈពេលចុងក្រោយនេះបានកើនឡើងជាច្រើនទៀត ហើយតម្លៃបន្លែក៏មិនខ្ពស់ប៉ុន្មាន ពីបន្លែដាំនៅតាមទីវាល និងមានការគាំទ្រច្រើន ព្រោះមានប្រភពច្បាស់លាស់ ការវេចខ្ចប់ក៏ល្អ រួមទាំងផ្ដល់អត្ថប្រយោជន៍ច្រើនទៀត ។ លោកបន្តថា បន្លែសុវត្ថិភាពដែលលក់នេះ ត្រូវបាននាំមកពីសហភាពសហគមន៍កសិកម្ម បន្លែសុវត្ថិភាពកម្ពុជា ជាទីតាំងប្រមូលផ្ដុំបន្លែដាំក្នុងរោងសំណាញ់ និងតំបន់មួយចំនួនទៀត ប៉ុន្តែមិនទាន់ឆ្លើយតបនឹងតម្រូវការទីផ្សារបច្ចុប្បន្ន។ ចំណែកលោក សាន ស អ្នកគ្រប់គ្រងហាងសួនធម្មជាតិ នៅខណ្ឌសែនសុខ ដែលនាំយកបន្លែសុវត្ថិភាពីសហភាពសហគមន៍បន្លែសុវត្ថិភាពដែរនោះបានឲ្យដឹងថា កសិករយល់ដឹងច្រើនពីការដាំដុះបន្លែសុវត្ថិភាព ការដឹកជញ្ជូន ការវេចខ្ចប់បានល្អនៅស្រស់ និងសូមឲ្យពួកគាត់បន្តដាំបន្លែប្រភេទនេះឲ្យមាននិរន្តរភាព និងស្វែងរកប្រភេទដំណាំថ្មីៗមកធ្វើការដាំដុះ ។ បើតាមលោក ជួ មករា ប្រធានសហភាពសហគមន៍ បន្លែសុវត្ថិភាពកម្ពុជា បានលើកឡើងថា រហូតមកដល់ពេលនេះ មានទីតាំងធ្វើអាជីវកម្មលក់បន្លែសុវត្ថិភាព ចំនួនប្រមាណ ៣០កន្លែងហើយ នាំយកបន្លែពីសភាពរបស់លោក ទៅចែកចាយបន្ត ។ លោកបញ្ជាក់ថា ចំពោះសន្ទុះនៃការគាំទ្របន្លែសុវត្ថិភាព ដែលដាំក្នុងរោងសំណាញ់កំពុងគាំទ្របន្ថែមពីពលរដ្ឋ ព្រោះបានយល់ដឹងពីអត្ថប្រយោជន៍របស់បន្លែសុវត្ថិភាព ខណៈសហភាពនេះ ក៏ជួយបង្រៀនពីបច្ចេកទេស ការផ្គត់ផ្គង់សម្ភារធ្វើរោងផ្ទះសំណាញ់ និងរកទីផ្សារជូនកសិករ ដែលមានបំណងដំបន្លែប្រភេទនេះផងដែរ ៕

សម្ដេចតេជោ ហ៊ុន សែន អនុញ្ញាតឲ្យអតីតអគ្គរាជទូតជប៉ុនប្រចាំនៅកម្ពុជា ចូលជួបសម្ដែងការគួរសម

ភ្នំពេញ៖ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានអនុញ្ញាតឲ្យឯកឧត្តម Ogawa Gotaro អតីតអគ្គរាជទូតជប៉ុនប្រចាំនៅកម្ពុជា (២០០០-២០០៣) ចូលជួបសម្ដែងការគួរសមនៅវិមានសន្តិភាព នាព្រឹកថ្ងៃទី៣០ ខែមិថុនា ឆ្នាំ២០២២នេះ។

បណ្ដាញសង្គម

ព័ត៌មានថ្មីៗ

ស្នងការរាជធានី បន្តផ្តល់ម៉ូតូ០៥គ្រឿង ស្បៀងអាហារ និងសម្ភារមួយចំនួន ជួយគាំទ្រដល់ជួរមុខ ទិសភូមិភាគ៥ជាប់ព្រំដែន

តំបន់ភាគខាងលិចអឺរ៉ុបជួបខែមិថុនា និងខែកក្កដា ក្តៅបំផុតជាប់កំណត់ត្រា

រដ្ឋមន្ត្រីការបរទេសម៉ាឡេស៊ី៖ មីយ៉ាន់ម៉ា មានឆន្ទៈទទួលយកវិញនូវជនភៀសខ្លួន ៥.០០០នាក់

ប្រព័ន្ធផ្សព្វផ្សាយអ៊ីរ៉ង់៖ កិច្ចប្រជុំ ៧ម៉ោង រវាងមេដឹកនាំកំពូល និងប្រធានាធិបតី ពិភាក្សាពីបញ្ហាប្រឈមនានា

រញ្ជួយដី នៅឆ្នេរសមុទ្រប៉ាស៊ីហ្វិក ធ្វើឱ្យរដ្ឋធានីរបស់កូឡុំប៊ីមានរំញ័រ

ខ្លែងចម្រុះពណ៌បានហោះពេញមេឃ អំឡុងពិធីបុណ្យខ្លែងអន្តរជាតិនៅទីក្រុង Colombo ប្រទេសស្រីលង្កា

ក្រសួងមហាផ្ទៃស្នើទៅអភិបាលខេត្តកោះកុង ចាត់វិធានការចំពោះសកម្មភាពឈូសឆាយដីព្រៃក្នុងតំបន់ការពារធម្មជាតិ

ការព្រមាន អំពីកម្ដៅ ត្រូវបានដំឡើងទូទាំងអង់គ្លេស ខណៈសីតុណ្ហភាពនឹងឡើងដល់ ៣៦អង្សាសេ

ប៉ូឡូញ និងប្រទេសបាល់ទិកការពារហេដ្ឋារចនាសម្ព័ន្ធ ដោយបារម្ភពីវាយប្រហារក្លែងបន្លំរបស់រុស្ស៊ី

ក្រុមប្រឹក្សាសន្តិភាព រៀបចំមូលដ្ឋានសម្រាប់កងកម្លាំង ISF នៅហ្កាហ្សា បើទោះបីជាមានការបដិសេធន៍ពីអ៊ីស្រាអែលក៏ដោយ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

ទីក្រុង Lysychansk ប្រឈមការវាយប្រហារខ្លាំង ខណៈរុស្ស៊ីគ្រប់គ្រងខេត្ត Luhansk បាន ៩៥%

សម្ដេចតេជោ ហ៊ុន សែន ប្រកាសពីការចាប់ខ្លួនបុរសម្នាក់មានTikTok ឈ្មោះ «ហ៊ៅ អ៊ូខុង» ដែលផ្សព្វផ្សាយបំពុលព័ត៌មាន

សម្ដេចតេជោ ហ៊ុន សែន ៖ “បោះឆ្នោតជូនគណបក្សប្រជាជនកម្ពុជា គឺបោះឆ្នោតជូនខ្លួនឯង”

សម្ដេចតេជោ ហ៊ុន សែន រំលឹកពីគ្រាដែលឯកជនកាន់កាប់ឡូតិ៍នេសាទ ដោយបង្កការលំបាកបំផុតដល់ពលរដ្ឋ និងប្រជានេសាទ

មនុស្សរាប់ពាន់នាក់ប្រមូលផ្ដុំក្នុងទីក្រុង Madrid ជំរុញឲ្យសម្ព័ន្ធណាតូជួយបញ្ឈប់សង្គ្រាមនៅអ៊ុយក្រែន

ថ្ងៃនេះ កម្ពុជារកឃើញករណីឆ្លងថ្មីជំងឺកូវីដ-១៩ ចំនួន៧នាក់ សុទ្ធតែជាករណីឆ្លងក្នុងសហគមន៍

អាជីវកម្មលក់បន្លែសុវត្ថិភាពកើនឡើង ខណៈការផ្គត់ផ្គង់ពីកសិករមិនគ្រប់គ្រាន់

សម្ដេចតេជោ ហ៊ុន សែន អនុញ្ញាតឲ្យអតីតអគ្គរាជទូតជប៉ុនប្រចាំនៅកម្ពុជា ចូលជួបសម្ដែងការគួរសម

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

ទីក្រុង Lysychansk ប្រឈម​ការវាយប្រហារ​ខ្លាំង ខណៈ​រុស្ស៊ី​គ្រប់គ្រង​ខេត្ត Luhansk បាន ៩៥%

សម្ដេចតេជោ ហ៊ុន សែន​ ប្រកាសពីការចាប់ខ្លួនបុរសម្នាក់មានTikTok ឈ្មោះ «ហ៊ៅ អ៊ូខុង» ដែលផ្សព្វផ្សាយបំពុលព័ត៌មាន

សម្ដេចតេជោ ហ៊ុន សែន ៖ “បោះឆ្នោតជូនគណបក្សប្រជាជនកម្ពុជា គឺបោះឆ្នោតជូនខ្លួនឯង”

ថ្ងៃនេះ កម្ពុជារកឃើញករណីឆ្លងថ្មីជំងឺកូវីដ-១៩ ចំនួន៧នាក់ សុទ្ធតែជាករណីឆ្លងក្នុងសហគមន៍

អាជីវកម្មលក់បន្លែសុវត្ថិភាពកើនឡើង ខណៈការផ្គត់ផ្គង់ពីកសិករមិនគ្រប់គ្រាន់

សម្ដេចតេជោ​ ហ៊ុន​ សែន អនុញ្ញាតឲ្យអតីតអគ្គរាជទូតជប៉ុនប្រចាំនៅកម្ពុជា ចូលជួប​សម្ដែងការគួរសម

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ទីក្រុង Lysychansk ប្រឈមការវាយប្រហារខ្លាំង ខណៈរុស្ស៊ីគ្រប់គ្រងខេត្ត Luhansk បាន ៩៥%

សម្ដេចតេជោ ហ៊ុន សែន ប្រកាសពីការចាប់ខ្លួនបុរសម្នាក់មានTikTok ឈ្មោះ «ហ៊ៅ អ៊ូខុង» ដែលផ្សព្វផ្សាយបំពុលព័ត៌មាន

សម្ដេចតេជោ ហ៊ុន សែន អនុញ្ញាតឲ្យអតីតអគ្គរាជទូតជប៉ុនប្រចាំនៅកម្ពុជា ចូលជួបសម្ដែងការគួរសម