BTV NEWS

សម្ដេចតេជោ ហ៊ុន សែន ចែករំលែកអត្ថបទអ្នកស្រាវជ្រាវថៃ ក្រោមចំណងជើងថា «មនុស្សធម៌ខ្វះការអាណិតអាសូរ»

ឯកឧត្តម ឌី វិជ្ជា និងលោកជំទាវ ហ៊ុន ម៉ាណា អញ្ជើញប្រគេនទៀនព្រះវស្សា និងនាំយកទេយ្យវត្ថុ ប្រគេនវត្តចំនួន១២វត្ត និងចែកអំណោយដល់យាយជីតាជី នៅស្រុកក្រគរ និងស្រុកភ្នំក្រវាញ ខេត្តពោធិ៍សាត់

គណៈប្រតិភូធុរកិច្ចមកពីហុងកុង ក្វាងទុង និងម៉ាកាវ បង្ហាញចំណាប់អារម្មណ៍ក្នុងការស្វែងរកឱកាសវិនិយោគលើវិស័យសក្តានុពលនៅកម្ពុជា

សម្តេចតេជោ ហ៊ុន សែន ចែករំលែកអត្ថបទវិភាគរបស់អ្នកជំនាញផ្នែកទំនាក់ទំនងអន្តរជាតិ និងសន្តិសុខរបស់ប្រទេសថៃ ដែលមានចំណងជើងថា «ស្វាដោះសំណាញ់!»

ព័ត៌មានសំខាន់ៗ

លោក Zelenskyy ទាមទារកញ្ចប់ថវិកា ៥ពាន់លានដុល្លារក្នុងមួយខែពីសម្ព័ន្ធណាតូ

អ៊ុយក្រែន៖ លោកប្រធានាធិបតីអ៊ុយក្រែន Volodymyr Zelensky បានជំរុញឱ្យប្លុកសម្ព័ន្ធណាតូដឹកនាំដោយសហរដ្ឋអាមេរិក បង្កើនការគាំទ្រដល់ប្រទេសរបស់លោក ស្របពេលមានជម្លោះដែលនៅតែបន្តជាមួយរុស្ស៊ីដោយអះអាងថា ការបរាជ័យរបស់ទីក្រុង Kiev នឹងបណ្តាលឱ្យសង្គ្រាមនេះ "អូសពេល" រវាងទីក្រុង Moscow និងប្រទេសលោកខាងលិចទាំងមូល។ លោក Zelensky បានធ្វើអត្ថាធិប្បាយបែបនេះ ខណៈថ្លែងទៅកាន់កិច្ចប្រជុំកំពូល NATO នៅទីក្រុង Madrid តាមវីដេអូកាលពីថ្ងៃពុធ។ លោក Zelensky បានប្រាប់មេដឹកនាំណាតូថា វាក៏ជាជំនួយបន្ទាន់ផងដែរ ដើម្បីឲ្យអ៊ុយក្រែនមានលទ្ធភាពគ្រប់គ្រាន់ក្នុងការដណ្ដើមជ័យជម្នះ បើពុំនោះទេនឹងក្លាយជាសង្គ្រាមអូសបន្លាយពេលរវាងរុស្ស៊ី និងអ្នកទាំងអស់គ្នា។ លោក Zelensky បាននិយាយថា ប្រទេសនេះត្រូវការទាំងជំនួយផ្នែកយោធា និងហិរញ្ញវត្ថុដោយផ្ទាល់ ដោយបន្ថែមថា កញ្ចប់ថវិកាចំនួន ៥ពាន់លានដុល្លារក្នុងមួយខែគឺជារឿងចាំបាច់ណាស់ ដើម្បីទប់ទល់ឱនភាពថវិការបស់ខ្លួន។ ក្រុមមន្ត្រីជាន់ខ្ពស់អ៊ុយក្រែនបានអំពាវនាវម្តងហើយម្តងទៀត ទៅកាន់លោកខាងលិចឱ្យផ្តល់ការគាំទ្រផ្នែកហិរញ្ញវត្ថុ។លោក Zelensky បាននិយាយថា ជំនួយហិរញ្ញវត្ថុ និងការបញ្ជូនអាវុធមកឲ្យអ៊ុយក្រែនសុទ្ធតែមានសារៈសំខាន់ដូចគ្នា។ យើងត្រូវការប្រាក់ចំនួន ៥ពាន់លានដុល្លារជារៀងរាល់ខែដូចដែលអ្នកដឹងស្រាប់ហើយ។ ហើយនេះជាបញ្ហាដ៏ចម្បងដែលត្រូវការសម្រាប់ការការពារ និងផ្នែកការពារជាតិ៕អត្ថបទ៖ សុខមាន

អាមេរិកនឹងបង្កើនវត្តមានយោធានៅអឺរ៉ុប ខណៈណាតូពង្រឹងកម្លាំងនៅតំបន់ភាគខាងកើតរបស់ខ្លួន

សហរដ្ឋអាមេរិក៖ លោកប្រធានាធិបតី Joe Biden បាននិយាយកាលពីថ្ងៃពុធថា សហរដ្ឋអាមេរិកនឹងពង្រីកវត្តមានយោធារបស់ខ្លួនយ៉ាងសំខាន់នៅក្នុងទ្វីបអឺរ៉ុប ដែលជាឧទាហរណ៍ចុងក្រោយបង្អស់អំពីរបៀបដែលរុស្ស៊ីវាយប្រហារអ៊ុយក្រែន បានកែប្រែផែនការសម្រាប់សន្តិសុខរបស់ទ្វីបនេះ និងជំរុញឱ្យមានការបង្កើនការចំណាយជាថ្មីនៅក្នុងអង្គការណាតូ។ ក្នុងចំណោមការផ្លាស់ប្តូរទាំងឡាយនឹងមានយោធភូមិអចិន្ត្រៃយ៍ របស់សហរដ្ឋអាមេរិកនៅក្នុងប្រទេសប៉ូឡូញជាលើកដំបូង ដែលបង្កើតឲ្យមានមូលដ្ឋានឈរជើងរឹងមាំរបស់អាមេរិក នៅស្លាបខាងកើតរបស់សម្ព័ន្ធយោធានេះ។ លោក Biden ក៏បាននិយាយផងដែរថា សហរដ្ឋអាមេរិកនឹងបញ្ជូនយន្តហោះចម្បាំង F-35 ចំនួនពីរគ្រឿងបន្ថែមទៀតទៅកាន់ចក្រភពអង់គ្លេស និងការការពារដែនអាកាស និងសមត្ថភាពផ្សេងទៀតទៅកាន់ប្រទេសអាល្លឺម៉ង់ និងអ៊ីតាលី។លោកបាននិយាយក្នុងអំឡុងកិច្ចប្រជុំជាមួយអគ្គលេខាធិការអង្គការណាតូលោក Jens Stoltenberg ក្នុងកិច្ចប្រជុំកំពូលប្រចាំឆ្នាំរបស់សម្ព័ន្ធភាពនេះនៅទីក្រុង Madrid ប្រទេសអេស្ប៉ាញថា សហរដ្ឋអាមេរិកនឹងពង្រឹងឥរិយាបថកម្លាំងរបស់យើងនៅក្នុងទ្វីបអឺរ៉ុប និងឆ្លើយតបទៅនឹងការផ្លាស់ប្តូរបរិយាកាសសន្តិសុខ ព្រមទាំងការពង្រឹងសន្តិសុខរួមរបស់យើង។ ការនិយាយភាសាយ៉ាងសោះកក្រោះគ្មានការទាក់ទាញនេះ ធ្វើឲ្យមានការយល់ច្រឡំពីការផ្លាស់ប្តូរយ៉ាងខ្លាំងដែលកំពុងដើរទៅមុខ ស្របពេលសហរដ្ឋអាមេរិករៀបចំរក្សាកងទ័ព ១០ម៉ឺននាក់នៅក្នុងទ្វីបអឺរ៉ុបក្នុងពេលដ៏ខ្លីខាងមុខ កើនពី ៨ម៉ឺននាក់មុនពេលសង្គ្រាមនៅអ៊ុយក្រែនចាប់ផ្ដើម៕អត្ថបទ៖ សុខមាន

លោក Putin ថ្កោលទោសមហិច្ឆតាចក្រពត្តិរបស់សម្ព័ន្ធណាតូ ខណៈព្រមានហ្វាំងឡង់ និងស៊ុយអែត

រុស្ស៊ី៖ ប្រធានាធិបតីរុស្ស៊ីលោក Vladimir Putin បានថ្កោលទោសមហិច្ឆតាចក្រពត្តិរបស់សម្ព័ន្ធយោធាណាតូ ដោយចោទប្រកាន់សម្ព័ន្ធយោធានេះថា កំពុងព្យាយាមបង្ហាញឧត្ដមភាពរបស់ខ្លួនតាមរយៈជម្លោះក្នុងប្រទេសអ៊ុយក្រែន។ មេដឹកនាំរុស្ស៊ីរូបនេះក៏បាននិយាយផងដែរកាលពីថ្ងៃពុធថា លោកនឹងឆ្លើយតប បើសម្ព័ន្ធណាតូពង្រាយកងទ័ព និងហេដ្ឋារចនាសម្ព័ន្ធយោធានៅក្នុងប្រទេសហ្វាំងឡង់ និងស៊ុយអែត បន្ទាប់ពីប្រទេសនៅអឺរ៉ុបខាងជើងទាំង២ បានចូលជាសមាជិកសម្ព័ន្ធយោធាមួយនេះ។ លោក Putin បានធ្វើសេចក្ដីអត្ថាធិប្បាយបែបនេះ មួយថ្ងៃបន្ទាប់ពីប្រទេសទួរគីដែលជាសមាជិកសម្ព័ន្ធយោធាបានដកសិទ្ធិវ៉េតូ (veto) របស់ខ្លួន ជាការបើកភ្លើងខៀវឲ្យហ្វាំងឡង់ និងស៊ុយអែតចូលជាសមាជិកសម្ព័ន្ធយោធាមួយនេះ នៅពេលប្រទេសទាំង៣ បានព្រមព្រៀងការពារសន្តិសុខឲ្យគ្នាទៅវិញទៅមក។ លោក Putin បានប្រាប់ទូរទស្សន៍រដ្ឋរុស្ស៊ី បន្ទាប់ពីការពិភាក្សាជាមួយបណ្ដាមេដឹកនាំក្នុងតំបន់នៅក្នុងប្រទេសតួកមិននីស្ថាន ដែលជារដ្ឋអតីតសហភាពសូវៀតនៅអាស៊ីកណ្ដាលថា ទោះហ្វាំងឡង់ និងស៊ុយអែតចូលជាសមាជិកសម្ព័ន្ធណាតូក៏ដោយ ក៏មិនប៉ះពាល់ដល់ជម្លោះនៅអ៊ុយក្រែនដែរ បើពួកគេចង់ចូលណាតូក៏ចូលចុះ។ លោកថា ប៉ុន្តែពួកគេត្រូវតែយល់ថា គ្មានការគំរាមកំហែងពីមុន ហើយឥឡូវប្រសិនកងទ័ពស្រួច និងហេដ្ឋារចនាសម្ព័ន្ធយោធាត្រូវបានដាក់ពង្រាយនៅទីនោះ យើងនឹងត្រូវឆ្លើយតប និងបង្កើតការគំរាមកំហែងដូចគ្នាសម្រាប់ដែនដីនានា ដែលរងការគំរាមកំហែងចំពោះយើង៕អត្ថបទ៖ សុខមាន

សម្ដេចតេជោ៖ កម្ពុជាសម្រេចបានជោគជ័យលើការប្រយុទ្ធប្រឆាំងកូវីដ-១៩ គឺអនុវត្តអភិក្រមផ្ការីក

ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រីកម្ពុជា បានថ្លែងប្រាប់តំណាងអង្គការសុខាភាពពិភពលោក (WHO)ថា ការដែលកម្ពុជាសម្រេចបានជោគជ័យលើការប្រយុទ្ធប្រឆាំងនឹងជំងឺកូវីដ-១៩ គឺអនុវត្តអភិ ក្រមផ្ការីក។ក្នុងពេលអនុញ្ញាតឱ្យឯកឧត្ដមបណ្ឌិត តាកេស៊ី កាសៃ (Takeshi kasai) នាយកប្រចាំតំបន់អាស៊ីប៉ាស៊ី ហ្វិក នៃអង្គការសុខភាពពិភព (WHO) ចូលជួបសំដែងការគួរសម និងពិភាក្សាការងារ នាព្រឹកថ្ងៃ ទី៣០ ខែមិថុនានេះ តបនឹងការវាយតម្លៃរបស់ឯកឧត្ដម Takeshi kasai ចំពោះជោគជ័យស្ទើរគ្រប់វិស័យរបស់កម្ពុជាជាពិសេសការទប់ស្កាត់ជំងឺកូវីដ-១៩ សម្ដេចតេជោ បានចែករំលែកបទពិសោធន៍ អំពីការចាក់វ៉ាក់សាំងជូនប្រជាពលរដ្ឋ តាមរយៈអភិក្រមផ្ការីក ហើយនៅពេលនេះ កម្ពុជា កំពុងលើកទឹកចិត្តឱ្យប្រជាពល រដ្ឋបន្តចាក់ដូសជំរុញ ព្រោះថាការចាក់ត្រឹមតែដូសមូលដ្ឋាន គឺមិនទាន់គ្រប់គ្រាន់ទេ សម្រាប់ការទប់ស្កាត់ ជំងឺកូវីដ-១៩ ។ នេះបើតាមការឱ្យដឹងពីឯកឧត្តម អ៊ាង សុផល្លែត ជំនួយការផ្ទាល់សម្តេចតេជោ។សម្ដេចតេជោ បានរំលឹកចំពោះករណីចុះចតកប៉ាល់ westerdam ប្រសិនបើកម្ពុជា មិនឱ្យចូលចត ទេ នោះប្រជាជននៅលើនាវា នឹងអាចស្លាប់ដោយសារអស់ទឹក អស់ស្បៀង នៅពេលដែលអ្នកនៅលើ កប៉ាល់នោះ មិនមានជំងឺកូវីដ១៩។ ការអនុញ្ញាតឱ្យកប៉ាល់ western dam ចូលចតជាទឹកចិត្តមនុស្សធម៌ របស់កម្ពុជា ដែលមិនអាចរារែក ទោះមានហានិភ័យយ៉ាងណាក៏ដោយ។នៅក្នុងជំនួបនេះ ឯកឧត្ដម Takeshi បានគោរពជម្រាបជូនសម្ដេចតេជោថា ឯកឧត្តមសូម សម្ដែងនូវការគោរពទទួលស្គាល់ចំពោះវីរភាពដឹកនាំរបស់សម្ដេចតេជោ ក្នុងការប្រយុទ្ធប្រឆាំងជំងឺកូវីដ-១៩ ជាមួយនឹងកិច្ចប្រឹងប្រែងយ៉ាងយកចិត្តទុកដាក់ និងយ៉ាងសកម្ម របស់រដ្ឋមន្ត្រីក្រសួងសុខាភិបាល មន្ត្រីសុខាភិបាល យុវជនស្ម័គ្រចិត្ត និងប្រជាជនកម្ពុជា។ឯកឧត្តម បានបន្ថែមថា ឯកឧត្តមសូមគោរពសម្ដែងការអបអរសាទរជូនចំពោះសម្ដេចតេជោ និង រាជរដ្ឋាភិបាលកម្ពុជា ដែលទទួលបានជោគជ័យក្នុងការទប់ស្កាត់ការរីករាលដាលជំងឺកូវីដ-១៩ មានចំណុចបី ដែលអាចឯកឧត្តមធ្វើការកត់សម្គាល់៖ ១. កម្ពុជាដើរតួជាគំរូនៅក្នុងក្របខ័ណ្ឌតំបន់ និងពិភព លោក ក្នុងការចាក់វ៉ាក់សាំងជូនប្រជាជន។ ២. កម្ពុជា ជាប្រទេសគំរូ ក្នុងការតាមដាន និងឆ្លើយតបយ៉ាង ទាន់ពេលវេលាទៅនឹងការវិវត្តរបស់ជំងឺកូវីដ-១៩។ មិនតែប៉ុណ្ណោះ បានចែករំលែកបទពិសោធន៍ដល់ ប្រទេសដទៃផង និង៣. មានសេចក្តីរីករាយ និងថ្លែងអំណរគុណជាទីបំផុត ដែលបានទទួលកប៉ាល់ westerdam ឱ្យចូលចត៕ អត្ថបទ៖ មុត សុទ្ធ

ឯកឧត្តម ជិន ម៉ាលីន ៖ ឲ្យតែឃាត់ខ្លួនសកម្មជន តែងថាជារឿងនយោបាយ តែមិនលើកច្បាប់មកនិយាយ

ភ្នំពេញ៖ ឯកឧត្តម ជិន ម៉ាលីន រដ្ឋលេខាធិការ និងជាអ្នកនាំពាក្យក្រសួងយុត្តិធម៌ លើកឡើងថា ឲ្យតែមានការឃាត់ខ្លួន ឬឃុំខ្លួនសកម្មជន (គណបក្សប្រឆាំង) អង្គការសង្គមស៊ីវិល និងមេធាវីរបស់ពួកគេ តែងភ្ជាប់ទៅនឹងរឿងនយោបាយ ប៉ុន្តែមិនលើកយកសក្ខីកម្មផ្លូវច្បាប់មកនិយាយ ។ក្នុងវេទិកាពិភាក្សាស្តីពី វឌ្ឍនភាពនៃវិស័យសិទ្ធិមនុស្ស និងយុត្តិធម៌នៅកម្ពុជា នាទីស្ដីការគណៈរដ្ឋមន្ត្រី នៅថ្ងៃទី២៩ ខែមិថុនា ឆ្នាំ២០២២ ឯកឧត្តម ជិន ម៉ាលីន មានប្រសាសន៍ថា អង្គការសង្គមស៊ីវិល កុំភ្ជាប់បញ្ហាសិទ្ធិមនុស្ស និងរឿងនយោបាយ ក្នុងការធ្វើសកម្មភាពរបស់ខ្លួន ដោយរឿងសិទ្ធិមនុស្ស ជាបច្ចេកទេសគិតទៅលើទិដ្ឋភាពសិទ្ធិមនុស្ស ហើយការអនុវត្តច្បាប់ ជារឿងបច្ចេកទេសច្បាប់ ត្រូវគិតផ្ដោតយកចិត្តទុកដាក់លើទិដ្ឋភាពច្បាប់ អង្គហេតុ និងអង្គច្បាប់ ហើយរឿងនយោបាយ គឺជារឿងផ្សេង កុំព្យាយាមយកមកភ្ជាប់គ្នា ។ ឯកឧត្តមបន្តថា នៅពេលសកម្មជនមួយប្រព្រឹត្តិល្មើសច្បាប់ ត្រូវបានផ្ដន្ទាទោសតាមនីតិវិធីតុលាការ ដោយមានមូលដ្ឋានផ្លូវច្បាប់ ផ្អែកលើអង្គហេតុ អង្គច្បាប់ បែរជាអង្គការសង្គមស៊ីវិល រួមទាំងមេធាវី មិននាំគ្នាទៅការពារតាមផ្លូវច្បាប់ ផ្ដល់អំណះអំណាងជាសក្ខីកម្ម ដើម្បីដោះបន្ទុកទេ តែចោទថាជារឿងនយោបាយ ត្រូវដោះនយោបាយសិនបានជួយបាន ។នៅក្នុងវេទិកានេះដែរ អ្នកនាំពាក្យក្រសួងយុត្តិធម៌ ក៏បានបង្ហាញ ពីការបន្តជួបជាមួយក្រុមអង្គការសង្គមស៊ីវិល ដើម្បីពិភាក្សា និងដើម្បីយល់ចិត្តគ្នាកាន់តែច្រើនពាក់ព័ន្ធនឹងការចេញរបាយការណ៍ណាមួយ រួមទាំងពិភាក្សាលើសេចក្តីព្រាងច្បាប់ផ្សេងៗ ខណៈក្នុងវេទិកានេះ ក៏មានការចូលរួមពីមន្ត្រីអង្គការលីកាដូ សមាគមអាដហុក អង្គការខុមហ្វ្រែល និងអង្គការតម្លាភាព ជជែកពិភាក្សាគ្នា ក្នុងបញ្ហាសិទ្ធិមនុស្ស តុលាការ រួមទាំងការអនុវត្តច្បាប់ជាដើម ៕(ដោយ៖ បាន សុខរិទ្ធិ)

ប្រធានាធិបតីម៉ិកស៊ិក៖ អាមេរិកមិនអាចគ្រប់គ្រងព្រំដែនរបស់ខ្លួនបាន ក្រោយជនអន្តោប្រវេសន៍ជាង ៥០នាក់ស្លាប់

ម៉ិកស៊ិក៖ លោកប្រធានាធិបតីម៉ិកស៊ិក Andres Manuel Lopez Obrador បាននិយាយថា រដ្ឋាភិបាលសហរដ្ឋអាមេរិកកំពុងព្យាយាមគ្រប់គ្រងនៅតាមព្រំដែនភាគខាងត្បូងរបស់ខ្លួន ដោយស្ដីបន្ទោសថាខ្វះការគ្រប់គ្រង បន្ទាប់ពីមានជនអន្តោប្រវេសន៍ជាង ៥០នាក់ស្លាប់ ខណៈកំពុងត្រូវបានរត់ពន្ធចូលទៅក្នុងទឹកដីសហរដ្ឋអាមេរិក ដែលជាករណីរត់ពន្ធមនុស្សដ៏ធ្ងន់ធ្ងរបំផុតក្នុងប្រវត្តិសាស្ត្រសម័យទំនើប របស់សហរដ្ឋអាមេរិក។ ថ្លែងអំឡុងសន្និសីទសារព័ត៌មានកាលពីថ្ងៃអង្គារ មួយថ្ងៃបន្ទាប់ពីជនអន្តោប្រវេសន៍រាប់សិបនាក់ត្រូវបានរកឃើញស្លាប់ នៅក្នុងរថយន្តដឹកទំនិញបិទជិតមួយគ្រឿងក្បែរទីក្រុង San Antonio រដ្ឋ Texas លោក Obrador និយាយថា ការស្លាប់ទាំងនោះគឺជាសោកនាដកម្មដ៏ធំបំផុត ដោយបន្ថែមថា ឧបទ្ទវហេតុបែបនេះកើតឡើងដោយសារភាពក្រីក្រ និងការអស់សង្ឃឹម ព្រមទាំងភាពចលាចលនៅតាមព្រំដែន។ លោកប្រធានាធិបតីនិយាយថា ឧបទ្ទវហេតុនេះកើតឡើងដោយសារមានចលនារត់ពន្ធមនុស្ស និងខ្វះការគ្រប់គ្រង ជាក់ស្ដែងដូចជាករណីនៅព្រំដែនម៉ិកស៊ិក-សហរដ្ឋអាមេរិក ប៉ុន្តែក៏មាននៅក្នុងទឹកដីអាមេរិកផងដែរ។ ក្រុមមន្ត្រីអនុវត្តន៍ច្បាប់អាមេរិកបានប្រាប់សារព័ត៌មាន CBS ថា ឧបទ្ទវហេតុនេះទំនងជាករណីរត់ពន្ធមនុស្សដ៏ធំបំផុតក្នុងប្រវត្តិសាស្ត្រសម័យទំនើបរបស់អាមេរិក បន្ទាប់ពីក្រុមអាជ្ញាធរក្នុងតំបន់នៅរដ្ឋ Texas បានបង្កើនតួលេខចំនួនអ្នកស្លាប់ដល់ ៥១នាក់កាលពីរសៀលថ្ងៃអង្គារ។គេមិនច្បាស់ទេថា តើក្រុមជនរងគ្រោះទាំងនោះនៅក្នុងរថយន្តនោះយូរប៉ុណ្ណា តែនគរបាលនិយាយថា ពុំមានឃើញទឹក ឬបើកម៉ាស៊ីនត្រជាក់នៅក្នុងរថយន្តនោះទេ ទោះបីជាសីតុណ្ហភាពរដូវក្ដៅឡើងខ្ពស់ក៏ដោយ។ ទោះជាជនរងគ្រោះទាំងអស់នោះនៅមិនទាន់អាចបញ្ជាក់អត្តសញ្ញាណបាន តែបុរសចំនួន ៣៩នាក់ និងស្ត្រី ១២នាក់ស្ថិតក្នុងចំណោមអ្នកស្លាប់ទាំងនោះ រួមទាំងជនអន្តោប្រវេសន៍មកពីម៉ិកស៊ិក ហុងឌូរ៉ាស់ និងហ្គាតេម៉ាឡា។ ចំណែកមនុស្សពេញវ័យ ១២នាក់ និងកុមារ ៤នាក់ត្រូវបានបញ្ជូនទៅព្យាបាលនៅមន្ទីរពេទ្យដោយសារតែរងកំដៅយូរពេក។ យោងតាមអ្នកនាំពាក្យអង្គភាពអនុវត្តន៍ច្បាប់គយ និងការធ្វើអន្តោប្រវេសន៍ ជនសង្ស័យ ៣នាក់ត្រូវបានឃុំខ្លួនពីបទជាប់ពាក់ព័ន្ធនឹងករណីស្លាប់នេះ ដែលត្រូវគេជឿថាបានរួមចំណែកក្នុងប្រតិបត្តិការរត់ពន្ធមនុស្ស ដែលបានដឹកជញ្ជូនជនរងគ្រោះទាំងនោះចូលទៅក្នុងទឹកដីសហរដ្ឋអាមេរិក៕អត្ថបទ៖ សុខមាន

ពលរដ្ឋបង់ក្លាដែសជាង ៧លាននាក់នៅតែត្រូវការជំនួយចាំបាច់ ក្រោយទឹកជំនន់ឆក់យកជីវិតមនុស្ស ១០០នាក់

បង់ក្លាដែស៖ កាកបាទក្រហមបាននិយាយកាលពីថ្ងៃអង្គារថា ប្រជាពលរដ្ឋបង់ក្លាដែសជាង ៧លាននាក់នៅតែត្រូវការទីជម្រក និងជំនួយបន្ទាប់ពីទឹកជំនន់ដ៏ធ្ងន់ធ្ងរកាលពីដើមខែនេះ។ មនុស្សយ៉ាងហោចណាស់ ១០១នាក់បានស្លាប់នៅក្នុងភាគភាគឦសានរបស់ប្រទេសនេះ នៅពេលទឹកទន្លេពេញប្រៀបច្រាំងដល់កម្រិតខ្ពស់បំផុត និងជន់លិចភូមិជាច្រើននៅតំបន់ដាច់ស្រយាល បន្ទាប់ពីមានភ្លៀងធ្លាក់ធ្ងន់ធ្ងរបំផុតក្នុងរយៈពេលមួយសតវត្សរ៍។ លោក Sanjeev Kafley ប្រធានសហព័ន្ធអន្តរជាតិនៃកាកបាទក្រហម និងអឌ្ឍចន្ទក្រហម (IFRC) បាននិយាយថា ទំហំនៃការបំផ្លិចបំផ្លាញនាពេលនេះគឺច្រើនជាងទឹកជំនន់កាលពីលើកមុនៗ។កាកបាទក្រហម និងអឌ្ឍចន្ទក្រហមបាននិយាយនៅក្នុងសេចក្ដីថ្លែងការណ៍ថា ពលរដ្ឋប្រមាណ ៧.២លាននាក់កំពុងត្រូវការជាចាំបាច់នូវទីជម្រក និងជំនួយសង្គ្រោះបន្ទាន់នៅក្នុងតំបន់ដែលរងគ្រោះធ្ងន់ធ្ងរជាងគេបំផុត។ ប្រធានអាជ្ញាធរគ្រប់គ្រងគ្រោះមហន្តរាយបង់ក្លាដែសលោក Nitai Dey Sarker បាននិយាយថា រដ្ឋាភិបាលបានបញ្ជូនចំណីអាហារសំបូរដោយអាហារូបត្ថម្ភ និងជំនួយមនុស្សធម៌សង្គ្រោះបន្ទាន់ ទៅដល់តំបន់ទាំងឡាយដែលរងគ្រោះដោយទឹកជំនន់៕អត្ថបទ៖ សុខមាន

សម្តេចតេជោ ហ៊ុន សែន ប្រមុខរាជរដ្ឋាភិបាលចេញសេចក្តីសម្រេចកំណត់យកថ្ងៃទី២៣ ខែកក្កដា ឆ្នាំ២០២៣ ជាកាលបរិច្ឆេទ នៃការបោះឆ្នោតជ្រើសតាំងតំណាងរាស្ត្រ នីតិកាលទី៧ នៃរដ្ឋសភា

ភ្នំពេញ៖ សម្តេចតេជោ ហ៊ុន សែន ប្រមុខ នៃរាជរដ្ឋាភិបាលកម្ពុជា ចេញសេចក្តីសម្រេចកំណត់យកថ្ងៃទី២៣ ខែកក្កដា ឆ្នាំ២០២៣ ជាកាលបរិច្ឆេទ នៃការបោះឆ្នោតជ្រើសតាំងតំណាងរាស្ត្រ នីតិកាលទី៧ នៃរដ្ឋសភា។នេះបើ យោងតាមសេចក្តី សម្រេចចុះថ្ងៃទី២៩ ខែ មិថុនា ឆ្នាំ២០២២ ដែលចុះហត្ថលេខាដោយសម្តេចតេជោ ហ៊ុន សែន នាយករដ្ឋមន្ត្រី។

ថ្ងៃនេះ កម្ពុជារកឃើញករណីឆ្លងថ្មីជំងឺកូវីដ-១៩ ចំនួន១០នាក់ (៨នាក់ឆ្លងក្នុងសហគមន៍)

ភ្នំពេញ៖ ក្រសួងសុខាភិបាលប្រកាសពីការរកឃើញករណីឆ្លងថ្មីជំងឺកូវីដ-១៩ ចំនួន១០នាក់(៨នាក់ឆ្លងក្នុងសហគមន៍) និងគ្មានអ្នកជាសះស្បើយថ្មី និងករណីស្លាប់ថ្មីទេ នៅថ្ងៃទី២៩ ខែមិថុនា ឆ្នាំ២០២២នេះ។គួរបញ្ជាក់ថា មកទល់ពេលនេះ កម្ពុជាមានករណីឆ្លងថ្មីសរុបចំនួន ១៣៦.២៧២នាក់, ករណីជាសះស្បើយចំនួន ១៣៣.២០៦ និងករណីស្លាប់សរុបចំនួន ៣.០៥៦នាក់។

មនុស្ស ១៩នាក់ស្លាប់បន្ទាប់ពីអគារមួយខ្នងបានដួលរលំក្នុងពេលភ្លៀងរដូវមូសុង

ឥណ្ឌា៖ ក្រុមអាជ្ញាធរបាននិយាយកាលពីថ្ងៃអង្គារថា មនុស្សយ៉ាងហោចណាស់ ១៩នាក់ស្លាប់នៅពេលភ្លៀងរដូវមូសុងបានបណ្ដាលឲ្យអគារកម្ពស់ ៤ជាន់មួយខ្នងដួលរលំនៅក្នុងទីក្រុងសេដ្ឋកិច្ច Mumbai ប្រទេសឥណ្ឌា។យោងតាមក្រុមមន្ត្រីមូលដ្ឋានសំណង់ដែលស្ថិតនៅក្បែរសំណង់មិនរៀបរយ ក្នុងស្រុកមួយនៅកណ្ដាលទីក្រុងនេះបានដួលរលំ ប៉ុន្មានម៉ោងប៉ុណ្ណោះមុនយប់រំលងអាធ្រាត្រកាលពីថ្ងៃចន្ទ។ មនុស្ស ១៤នាក់ត្រូវបានជួយសង្គ្រោះកាលពីល្ងាចថ្ងៃអង្គារ ប៉ុន្តែក្រុមអ្នកសង្គ្រោះបន្ទាន់បានទាញយកសាកសពចំនួន ១៩នាក់ពីគំនរកម្ទេចថ្ម។ អ្នកនាំពាក្យកងកម្លាំងឆ្លើយតបគ្រោះមហន្តរាយបន្ទាន់ជាតិបានប្រាប់សារព័ត៌មាន AFP ថា ប្រតិបត្តិការស្វែងរក និងសង្គ្រោះកំពុងបន្ត។ក្រុមអាជ្ញាធរក្នុងទីក្រុងនេះបាននិយាយថា មនុស្សយ៉ាងហោចណាស់ ៦នាក់ក្នុងចំណោមអ្នកស្លាប់មានអាយុចន្លោះពី ១៧ឆ្នាំ និង ២១ឆ្នាំ។ ភ្លៀងធ្លាក់ខ្លាំងបានកំពុងរំខានដល់ប្រតិបត្តិការ ខណៈក្រុមអ្នកសង្គ្រោះជីកកកាយរកអ្នកនៅមានជីវិតក្នុងគំនរកម្ទេចថ្ម។ ការបាក់រលំអគារតែងកើតមានធម្មតាអំឡុងពេលវេលានេះ ដោយសារតែសំណង់អគារចាស់ៗ និងទ្រុឌទ្រោមក្នុងពេលមានភ្លៀងមិនឈប់ប៉ុន្មានថ្ងៃនេះ៕អត្ថបទ៖ សុខមាន

បណ្ដាញសង្គម

ព័ត៌មានថ្មីៗ

ស្នងការរាជធានី បន្តផ្តល់ម៉ូតូ០៥គ្រឿង ស្បៀងអាហារ និងសម្ភារមួយចំនួន ជួយគាំទ្រដល់ជួរមុខ ទិសភូមិភាគ៥ជាប់ព្រំដែន

តំបន់ភាគខាងលិចអឺរ៉ុបជួបខែមិថុនា និងខែកក្កដា ក្តៅបំផុតជាប់កំណត់ត្រា

រដ្ឋមន្ត្រីការបរទេសម៉ាឡេស៊ី៖ មីយ៉ាន់ម៉ា មានឆន្ទៈទទួលយកវិញនូវជនភៀសខ្លួន ៥.០០០នាក់

ប្រព័ន្ធផ្សព្វផ្សាយអ៊ីរ៉ង់៖ កិច្ចប្រជុំ ៧ម៉ោង រវាងមេដឹកនាំកំពូល និងប្រធានាធិបតី ពិភាក្សាពីបញ្ហាប្រឈមនានា

រញ្ជួយដី នៅឆ្នេរសមុទ្រប៉ាស៊ីហ្វិក ធ្វើឱ្យរដ្ឋធានីរបស់កូឡុំប៊ីមានរំញ័រ

ខ្លែងចម្រុះពណ៌បានហោះពេញមេឃ អំឡុងពិធីបុណ្យខ្លែងអន្តរជាតិនៅទីក្រុង Colombo ប្រទេសស្រីលង្កា

ក្រសួងមហាផ្ទៃស្នើទៅអភិបាលខេត្តកោះកុង ចាត់វិធានការចំពោះសកម្មភាពឈូសឆាយដីព្រៃក្នុងតំបន់ការពារធម្មជាតិ

ការព្រមាន អំពីកម្ដៅ ត្រូវបានដំឡើងទូទាំងអង់គ្លេស ខណៈសីតុណ្ហភាពនឹងឡើងដល់ ៣៦អង្សាសេ

ប៉ូឡូញ និងប្រទេសបាល់ទិកការពារហេដ្ឋារចនាសម្ព័ន្ធ ដោយបារម្ភពីវាយប្រហារក្លែងបន្លំរបស់រុស្ស៊ី

ក្រុមប្រឹក្សាសន្តិភាព រៀបចំមូលដ្ឋានសម្រាប់កងកម្លាំង ISF នៅហ្កាហ្សា បើទោះបីជាមានការបដិសេធន៍ពីអ៊ីស្រាអែលក៏ដោយ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

លោក Zelenskyy ទាមទារកញ្ចប់ថវិកា ៥ពាន់លានដុល្លារក្នុងមួយខែពីសម្ព័ន្ធណាតូ

អាមេរិកនឹងបង្កើនវត្តមានយោធានៅអឺរ៉ុប ខណៈណាតូពង្រឹងកម្លាំងនៅតំបន់ភាគខាងកើតរបស់ខ្លួន

លោក Putin ថ្កោលទោសមហិច្ឆតាចក្រពត្តិរបស់សម្ព័ន្ធណាតូ ខណៈព្រមានហ្វាំងឡង់ និងស៊ុយអែត

សម្ដេចតេជោ៖ កម្ពុជាសម្រេចបានជោគជ័យលើការប្រយុទ្ធប្រឆាំងកូវីដ-១៩ គឺអនុវត្តអភិក្រមផ្ការីក

ឯកឧត្តម ជិន ម៉ាលីន ៖ ឲ្យតែឃាត់ខ្លួនសកម្មជន តែងថាជារឿងនយោបាយ តែមិនលើកច្បាប់មកនិយាយ

ប្រធានាធិបតីម៉ិកស៊ិក៖ អាមេរិកមិនអាចគ្រប់គ្រងព្រំដែនរបស់ខ្លួនបាន ក្រោយជនអន្តោប្រវេសន៍ជាង ៥០នាក់ស្លាប់

ពលរដ្ឋបង់ក្លាដែសជាង ៧លាននាក់នៅតែត្រូវការជំនួយចាំបាច់ ក្រោយទឹកជំនន់ឆក់យកជីវិតមនុស្ស ១០០នាក់

ថ្ងៃនេះ កម្ពុជារកឃើញករណីឆ្លងថ្មីជំងឺកូវីដ-១៩ ចំនួន១០នាក់ (៨នាក់ឆ្លងក្នុងសហគមន៍)

មនុស្ស ១៩នាក់ស្លាប់បន្ទាប់ពីអគារមួយខ្នងបានដួលរលំក្នុងពេលភ្លៀងរដូវមូសុង

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

លោក Zelenskyy ទាមទារ​កញ្ចប់​ថវិកា​ ៥​ពាន់​លាន​ដុល្លារ​ក្នុង​មួយ​ខែ​ពី​សម្ព័ន្ធ​ណា​តូ​

អាមេរិក​នឹង​បង្កើន​វត្តមាន​យោធា​នៅ​អឺរ៉ុប ខណៈ​ណា​តូ​ពង្រឹងកម្លាំង​នៅ​តំបន់​ភាគ​ខាងកើត​របស់​ខ្លួន

លោក Putin ថ្កោលទោស​មហិច្ឆតា​ចក្រពត្តិ​របស់​សម្ព័ន្ធ​ណា​តូ ខណៈ​ព្រមាន​ហ្វាំ​ង​ឡង់​ និង​ស៊ុយអែត​

សម្ដេចតេជោ៖ កម្ពុជាសម្រេចបានជោគជ័យលើការប្រយុទ្ធប្រឆាំងកូវីដ-១៩ គឺអនុវត្តអភិក្រមផ្ការីក

ឯកឧត្តម ជិន ម៉ាលីន ៖ ឲ្យតែឃាត់ខ្លួនសកម្មជន តែងថាជារឿងនយោបាយ តែមិនលើកច្បាប់មកនិយាយ

ថ្ងៃនេះ កម្ពុជារកឃើញករណីឆ្លងថ្មីជំងឺកូវីដ-១៩ ចំនួន១០នាក់ (៨នាក់ឆ្លងក្នុងសហគមន៍)

មនុស្ស​ ១៩​នាក់​ស្លាប់​បន្ទាប់ពី​អគារ​មួយ​ខ្នង​បាន​ដួល​រលំ​ក្នុង​ពេល​ភ្លៀង​រដូវ​មូសុង​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

លោក Zelenskyy ទាមទារកញ្ចប់ថវិកា ៥ពាន់លានដុល្លារក្នុងមួយខែពីសម្ព័ន្ធណាតូ

អាមេរិកនឹងបង្កើនវត្តមានយោធានៅអឺរ៉ុប ខណៈណាតូពង្រឹងកម្លាំងនៅតំបន់ភាគខាងកើតរបស់ខ្លួន

លោក Putin ថ្កោលទោសមហិច្ឆតាចក្រពត្តិរបស់សម្ព័ន្ធណាតូ ខណៈព្រមានហ្វាំងឡង់ និងស៊ុយអែត

មនុស្ស ១៩នាក់ស្លាប់បន្ទាប់ពីអគារមួយខ្នងបានដួលរលំក្នុងពេលភ្លៀងរដូវមូសុង