BTV NEWS

សម្ដេចតេជោ ហ៊ុន សែន ចែករំលែកអត្ថបទអ្នកស្រាវជ្រាវថៃ ក្រោមចំណងជើងថា «មនុស្សធម៌ខ្វះការអាណិតអាសូរ»

ឯកឧត្តម ឌី វិជ្ជា និងលោកជំទាវ ហ៊ុន ម៉ាណា អញ្ជើញប្រគេនទៀនព្រះវស្សា និងនាំយកទេយ្យវត្ថុ ប្រគេនវត្តចំនួន១២វត្ត និងចែកអំណោយដល់យាយជីតាជី នៅស្រុកក្រគរ និងស្រុកភ្នំក្រវាញ ខេត្តពោធិ៍សាត់

គណៈប្រតិភូធុរកិច្ចមកពីហុងកុង ក្វាងទុង និងម៉ាកាវ បង្ហាញចំណាប់អារម្មណ៍ក្នុងការស្វែងរកឱកាសវិនិយោគលើវិស័យសក្តានុពលនៅកម្ពុជា

សម្តេចតេជោ ហ៊ុន សែន ចែករំលែកអត្ថបទវិភាគរបស់អ្នកជំនាញផ្នែកទំនាក់ទំនងអន្តរជាតិ និងសន្តិសុខរបស់ប្រទេសថៃ ដែលមានចំណងជើងថា «ស្វាដោះសំណាញ់!»

ព័ត៌មានសំខាន់ៗ

ប្រេសិតពិសេសរបស់ប្រធានអាស៊ានស្តីពីមីយ៉ាន់ម៉ា ចាប់ផ្តើមបំពេញទស្សនកិច្ចការងារជាលើកទីពីរទៅកាន់មីយ៉ាន់ម៉ា

ភ្នំពេញ៖ នៅព្រឹកថ្ងៃទី២៩ ខែមិថុនា ឆ្នាំ២០២២នេះ ឯកឧត្តមឧបនាយករដ្ឋមន្ត្រី ប្រាក់ សុខុន ប្រមុខការទូតកម្ពុជា និងជាប្រេសិតពិសេសរបស់ប្រធានអាស៊ានស្តីពីមីយ៉ាន់ម៉ា បានដឹកនាំប្រតិភូអញ្ជើញបំពេញទស្សនកិច្ចការងារលើកទីពីរ នៅសាធារណរដ្ឋសហភាពមីយ៉ាន់ម៉ា ពីថ្ងៃទី២៩ ខែមិថុនា ដល់ថ្ងៃទី០៣ ខែកក្កដា ឆ្នាំ២០២២។ដំណើរទស្សនកិច្ចនេះ មានការចូលពីឯកឧត្តម ឯកផាប់ ផាន់ថាវង់ អគ្គលេខាធិការរងអាស៊ានទទួលបន្ទុកសហគមន៍សង្គមវប្បធម៌អាស៊ាន និងមន្ត្រីជាន់ខ្ពស់ របស់រាជរដ្ឋាភិបាលមួយចំនួន ព្រមទាំងបុគ្គលិករបស់លេខាធិការដ្ឋានអាស៊ានផងដែរ ។គួរបញ្ជាក់ថា ដំណើរទស្សនកិច្ចលើកទីពីររបស់ប្រេសិតពិសេសទៅកាន់មីយ៉ាន់ម៉ា មានគោលបំណង តាមដានវឌ្ឍនភាពនៃការអនុវត្តការព្រមព្រៀងជាឯកច្ឆន្ទ៥ចំណុច និងលទ្ធផលនៃកិច្ចប្រជុំពិគ្រោះ យោបល់ស្តីពីជំនួយមនុស្សធម៌របស់អាស៊ានសម្រាប់មីយ៉ាន់ម៉ា ដែលបានប្រព្រឹត្តិទៅកាលពីថ្ងៃទី៦ ខែឧសភា ឆ្នាំ២០២២ នៅរាជធានីភ្នំពេញ និងដើម្បីរួមចំណែកដល់ការបង្កើតបរិយាកាសអំណោយ ផលសម្រាប់ដំណើរការសន្ទនានយោបាយប្រកបដោយបរិយាប័ន្ន តាមរយៈការជួបពិភាក្សាជាមួយ គ្រប់ភាគីពាក់ព័ន្ធ។រយៈពេល២ថ្ងៃមុនការបំពេញទស្សនកិច្ចការងារលើកទី២នៅមីយ៉ាន់ម៉ានាពេលនេះ ឯកឧត្តម ប្រាក់ សុខុន ឧបនាយករដ្ឋមន្ត្រី រដ្ឋមន្ត្រីការបរទេស និងសហប្រតិបត្តិការអន្តរជាតិ និងជាប្រេសិតពិសេសរបស់ប្រធានអាស៊ានស្ដីពីមីយ៉ាន់ម៉ា បានផ្ញើលិខិតទៅកាន់ក្រសួងការបរទេសមីយ៉ាន់ម៉ា ដោយបានទទូចឱ្យក្រុមប្រឹក្សារដ្ឋបាលរដ្ឋមីយ៉ាន់ម៉ា បញ្ជូនលោកស្រី អោងសាន ស៊ូជី ត្រឡប់ទៅកាន់លំនៅដ្ឋានវិញ ខណៈបច្ចុប្បន្នលោកស្រីត្រូវបានស្ថិតនៅក្នុងពន្ធនាគារទីក្រុងណៃពិដោ ប្រទេសមីយ៉ាន់ម៉ា៕(ដោយ៖ សេក ឧត្តម )

ជំនួបកំពូលណាតូចាប់ផ្ដើម ខណៈព្រមានពីគ្រោះថ្នាក់កាន់តែខ្លាំងថែមទៀតដល់ពិភពលោក

អេស្ប៉ាញ៖ នៅថ្ងៃបើកកិច្ចប្រជុំកំពូលប្រចាំឆ្នាំរបស់អង្គការណាតូ ប្រមុខនៃសម្ព័ន្ធការពារលោកខាងលិចមួយនេះបានអំពាវនាវ ឱ្យរដ្ឋជាសមាជិកបង្កើនការចំណាយផ្នែកយោធារបស់ពួកគេនៅក្នុងពិភពលោក ដែលមិនអាចប៉ាន់ប្រមាណទុកមុនបាន និងប្រកបដោយគ្រោះថ្នាក់កាន់តែខ្លាំងឡើង។ ប្រមុខអង្គការណាតូបាននិយាយថា ការវាយប្រហាររបស់រុស្ស៊ីលើអ៊ុយក្រែនបានបង្កឱ្យមានការផ្លាស់ប្តូរជាមូលដ្ឋាន នៅក្នុងវិធីសាស្ត្ររបស់ណាតូចំពោះការការពារ។ ស្របពេលការត្រៀមរៀបចំសម្រាប់កិច្ចពិភាក្សាកំពូលបានចាប់ផ្តើមកាលពីថ្ងៃអង្គារ ការផ្លាស់ប្តូរនោះត្រូវបានគូសបញ្ជាក់នៅពេលដែលសម្ព័ន្ធភាពយោធាបានប្រកាសថា ខ្លួននឹងត្រូវទទួលសមាជិកថ្មី ២ គឺហ្វាំងឡង់ និងស៊ុយអែត។ ស្របពេលនឹងការស្វាគមន៍សមាជិកថ្មី សម្ព័ន្ធណាតូក៏នឹងព្រមព្រៀងផងដែរនៅជំនួបកំពូលនោះ ដើម្បីបង្កើនកម្លាំងប្រតិកម្មរហ័សជិត ៨ដងដែលមានកងទ័ពចន្លោះពី ៤ម៉ឺននាក់ទៅ ៣០ម៉ឺននាក់។កងកម្លាំងថ្មីនឹងមានមូលដ្ឋាននៅក្នុងប្រទេសកំណើតរបស់ពួកគេ ប៉ុន្តែនឹងត្រូវបញ្ជូនយ៉ាងឆាប់រហ័សទៅកាន់ប្រទេសជាក់លាក់ នៅផ្នែកខាងកើតរបស់អង្គការណាតូជាប់ជាមួយប្រទេសរុស្ស៊ី ជាកន្លែងដែលសម្ព័ន្ធមិត្តគ្រោងនឹងបង្កើតឃ្លាំងស្តុកសម្ភារ និងគ្រាប់រំសេវផងដែរ។ អគ្គលេខាធិការអង្គការណាតូលោក Jens Stoltenberg បាននិយាយថា កិច្ចប្រជុំកំពូលនៅថ្ងៃពុធ និងថ្ងៃព្រហស្បតិ៍នឹងរៀបចំផែនការ សម្រាប់សម្ព័ន្ធភាពនៅក្នុងពិភពលោកដ៏គ្រោះថ្នាក់ និងមិនអាចប៉ាន់ប្រមាណទុកមុនបាន។ លោក Stoltenberg បាននិយាយថា អ៊ុយក្រែនឥឡូវនេះប្រឈមមុខនឹងភាពឃោរឃៅ ដែលយើងមិនដែលបានឃើញនៅក្នុងទ្វីបអឺរ៉ុបចាប់តាំងពីសង្គ្រាមលោកលើកទី២ មក៕អត្ថបទ៖ សុខមាន

ឯកឧត្តម ជិន ម៉ាលីន៖ សិទ្ធិមនុស្សនៅកម្ពុជាមិនល្អឥតខ្ចោះនោះទេ ប៉ុន្តែមានវឌ្ឍនភាពជាវិជ្ជមានជាបន្តបន្ទាប់

ភ្នំពេញ៖ ឯកឧត្តម ជិន ម៉ាលីន អ្នកនាំពាក្យក្រសួងយុត្តិធម៌ បានថ្លែងថា បញ្ហាសិទ្ធិមនុស្សនៅកម្ពុជាមិនល្អឥតខ្ចោះនោះទេ ប៉ុន្តែមានវឌ្ឍនភាពជាវិជ្ជមានជាបន្តបន្ទាប់ ព្រោះបានប្រែក្លាយពីប្រទេសធ្លាប់ច្បាំងគ្នា មកជាប្រទេសមានការបោះឆ្នោត ពហុបក្ស មានអង្គការសិទ្ធិមនុស្សជាដើម ។ការលើកឡើងនេះ នៅក្នុងវេទិកាពិភាក្សា ស្ដីពី “វឌ្ឍនភាពនៃវិស័យសិទ្ធិមនុស្ស និងយុតិ្តធម៌នៅកម្ពុជា” នៅថ្ងៃទី២៩ ខែមិថុនា ឆ្នាំ២០២២ ដែលរៀបចំដោយអង្គភាពអ្នកនាំពាក្យរាជរដ្ឋាភិបាល នាទីស្ដីការគណៈរដ្ឋមន្ត្រី ៕

ទួរគីដកសិទ្ធិវ៉េតូលើហ្វាំងឡង់ និងស៊ុយអែតក្នុងការចូលជាសមាជិកសម្ព័ន្ធយោធាណាតូ ជាការបើកផ្លូវសម្រាប់ការពង្រីកខ្លួន

ទួរគី៖ សមាជិកសម្ព័ន្ធណាតូគឺប្រទេសទួរគីបានដកសិទ្ធិក្នុងការជំទាស់ ឬវ៉េតូ (veto) ជុំវិញការចូលជាសមាជិកសម្ព័ន្ធយោធាលោកខាងលិចរបស់ប្រទេសហ្វាំងឡង់ និងស៊ុយអែត បន្ទាប់ពីប្រទេសទាំង៣ បានព្រមព្រៀងការពារសន្តិសុខឲ្យគ្នាទៅវិញទៅមក ជាការបញ្ចប់ភាពតានតឹងរយៈពេលជាច្រើនសប្ដាហ៍ ដែលបានសាកល្បងការរួបរួមរបស់សម្ព័ន្ធមិត្តប្រឆាំងការវាយលុករបស់រុស្ស៊ីលើប្រទេសអ៊ុយក្រែន។ ដំណើរវិវឌ្ឍន៍ថ្មីនេះបានកើនឡើងកាលពីថ្ងៃអង្គារ បន្ទាប់ពីការពិភាក្សារយៈពេល ៤ម៉ោងមុនជំនួបកំពូលសម្ព័ន្ធណាតូបានចាប់ផ្ដើមនៅក្នុងទីក្រុង Madrid ប្រទេសអេស្ប៉ាញ ជាការទម្លាយភាពជាប់គាំងដ៏អាម៉ាស់នៅឯជំនួបមេដឹកនាំទាំង ៣០ប្រទេសដែលមានបំណងបង្ហាញដំណោះស្រាយប្រឆាំងនឹងរុស្ស៊ី។ ការដកសិទ្ធិវ៉េតូនេះមានន័យថា ទីក្រុង Helsinki និងទីក្រុង Stockholm អាចបោះជំហានជាមួយពាក្យស្នើសុំចូលរួមជាមួយសម្ព័ន្ធយោធានេះ ជាការព្រមព្រៀងនូវអ្វីដែលនឹងក្លាយជាការផ្លាស់ប្ដូរដ៏ធំបំផុតនៅក្នុងសន្តិសុខរបស់អឺរ៉ុប ក្នុងរយៈពេលជាច្រើនទសវត្សរ៍មកនេះ ខណៈប្រទេសទាំង២ ដែលជាប្រទេសប្រកាន់គោលជំហរអព្យាក្រឹត្យជាយូរមកហើយក្នុងតំបន់អឺរ៉ុបខាងជើង ស្វែងរកការការពារពីសម្ព័ន្ធយោធាណាតូដឹកនាំដោយសហរដ្ឋអាមេរិក។អគ្គលេខាធិការអង្គការណាតូលោក Jens Stoltenberg និងប្រធានាធិបតីទួរគីបានបញ្ជាក់ពីកិច្ចព្រមព្រៀងនេះ នៅក្នុងសេចក្តីថ្លែងការណ៍ដាច់ដោយឡែកបន្ទាប់ពីកិច្ចពិភាក្សារវាងប្រមុខអង្គការណាតូ, ប្រធានាធិបតីទួរគីលោក Recep Tayyip Erdogan, នាយករដ្ឋមន្ត្រីស៊ុយអែតលោកស្រី Magdalena Andersson និងប្រធានាធិបតីហ្វាំងឡង់លោក Sauli Niinisto។ លោក Stoltenberg ក៏បាននិយាយផងដែរថា ប្រទេសស៊ុយអែត និងហ្វាំងឡង់នឹងដកការរឹតត្បិតរបស់ពួកគេលើការលក់អាវុធទៅឱ្យប្រទេសទួរគី៕អត្ថបទ៖ សុខមាន

ក្រសួងពាណិជ្ជកម្មបេីកសិក្ខាសាលាថ្នាក់ជាតិមួយស្តីពីការយល់ដឹងអំពីកិច្ចព្រមព្រៀង អាសិប(RCEP)

ភ្នំពេញ៖ នាព្រឹកថ្ងៃទី២៩ ខែមិថុនានេះក្រសួងពាណិជ្ជកម្មបានបើកសិក្ខាសាលាថ្នាក់ជាតិជាស៊េរីលើកទីមួយស្តីពី “ការយល់ដឹងអំពីកិច្ចព្រមព្រៀងអាសិប និងនីតិវិធីសម្រាប់ការស្នើសុំវិញ្ញាបនបត្របញ្ជាក់ដើមកំណើតទំនិញ តាមរយៈប្រព័ន្ធស្វ័យប្រវត្តិកម្ម” ក្រោមអធិបតីភាព ឯកឧត្តម ប៉ាន សូរស័ក្តិ រដ្ឋមន្ត្រីក្រសួងពាណិជ្ជកម្ម និងមានការចូលរួមពីវិស័យឯកជនតាមវិស័យ ដែលពាក់ព័ន្ធ។ សិក្ខាសាលានេះមានគោលបំណងលើកកម្ពស់ការយល់ដឹង និងផ្សព្វផ្សាយអំពីនីតិវិធីនៃការនាំចេញដល់វិស័យឯកជន ដើម្បីជំរុញការនាំចេញ និងបញ្ជ្រាបការយល់ដឹងអំពីនីតិវិធីនៃការស្នើសុំវិញ្ញាបនបត្រដើមកំណើតទំនិញ តាមរយៈប្រព័ន្ធស្វ័យប្រវត្តិកម្ម ព្រមទាំងនីតិវិធីប្រតិបត្តិនៃការបញ្ជាក់ដើមកំណើតទំនិញ (Operational Certification Procedures។ សូមបញ្ជាក់ថា ក្រោយការចរចាអស់រយៈពេល១០ឆ្នាំ កិច្ចព្រមព្រៀង អាសិប បានចូលជាធរមាននៅថ្ងៃទី០១ ខែមករា ឆ្នាំ២០២២ ដែលគ្របដណ្ដប់លើ ២០ជំពូក រួមមាន៖ពាណិជ្ជកម្មទំនិញ វិធានដើមកំណើតទំនិញ ពាណិជ្ជកម្មសេវា វិធានអនាម័យនិងភូត្តគាមអនាម័យ ស្តង់ដារ បទប្បញ្ញត្តិបច្ចេកទេស និងនីតិវិធីវាយតម្លៃអនុលោមភាព (STRACAP) ពាណិជ្ជកម្មអេឡិចត្រូនិកជាដើម។កិច្ចព្រមព្រៀងអាសិបនេះ មានសមាជិកចំនួន១៥ប្រទេសរួមមាន ប្រទេសទាំង១០ដែលជាសមាជិកអាស៊ាន បូករួម ជាមួយប្រទេសសេដ្ឋកិច្ចជឿនលឿនចំនួន៥ប្រទេសគឺ អូស្ត្រាលី ចិន ជប៉ុន កូរ៉េខាងត្បូង និង នូវែលហ្សេឡង់ ដែលតំណាងឱ្យ ៣០% នៃផលិតផលក្នុងស្រុកសរុបពិភពលោក និង ២៨% នៃពាណិជ្ជកម្មពិភពលោក (គិតត្រឹមឆ្នាំ២០១៩)៕

សម្តេចតេជោ ហ៊ុន សែន ប្រកាសពីការផ្ទុះឡើងវិញជំងឺកូវីដ-១៩ បន្ទាប់ពីអត្រាឆ្លងកម្រិតសូន្យជាង៥០ថ្ងៃមកនេះ

ភ្នំពេញ៖ សម្តេចតេជោ ហ៊ុន សែន ផ្ញើសារជូនរួមជាតិពីករណីឆ្លងរីករាលដាលជំងឺជំងឺកូវីដ-១៩ឡើងវិញ ដែលជាករណីឆ្លងក្នុងសហគមន៍ និងត្រូវបានរកឃើញដោយម៉ាស៊ីនPCR រួមមាន៖ អ្នកធ្វើតេស្តពេលចេញទៅក្រៅប្រទេស និងអ្នកចូលមកក្នុងប្រទេសវិញ។យោងតាមសារបន្ទាន់របស់សម្តេចតេជោ ហ៊ុន សែន នៅរាត្រីថ្ងៃទី២៨ ខែមិថុនានេះ សម្តេចតេជោបានប្រកាសថា ការធ្វើតេស្តរហ័សតាមទីកន្លែងនានារួមមាន៖ អង្គភាពអាជីវកម្ម ក្រសួងស្ថាប័ននានា ក៏រកឃើញមានករណីវិជ្ជមានកូវីដ-១៩ខ្លះផងដែរ ដែលនេះយើងអាចសន្មត់ថា ជំងឺកូវីដ-១៩ ចាប់ផ្តើមឆ្លងឡើងវិញ ទោះវាស្ថិតនៅក្នុងចំនួនតិចក៏ដោយចុះ និងធ្លាក់ដល់កម្រិតធ្វើឲ្យអ្នកជំងឺធ្ងន់ធ្ងរក៏ដោយ។សម្តេចតេជោ ហ៊ុន សែន បានប្រកាអំពាវនាវដល់បងប្អូនប្រជាពលរដ្ឋឲ្យមានការប្រុងប្រយ័ត្នខ្ពស់ជាប់ជានិច្ច ទៅលើការការពារខ្លួនពីការឆ្លងរីករាលដាលជំងឺកូវីដ-១៩ជាថ្មីនេះ តាមរយៈវិធានការ ៣កុំ និង៣ការពារ ហើយមន្ត្រីសុខាភិបាល អាជ្ញាធរគ្រប់លំដាប់ថ្នាក់ ក៏ត្រូវយកចិត្តទុកដាក់ខ្ពស់ចំពោះករណីនេះផងដែរ។សម្តេចតេជោ ហ៊ុន សែន បន្តប្រកាសអំពាវនាវដល់បងប្អូនប្រជាពលរដ្ឋ ដែលមិនទាន់ទទួលបានវ៉ាក់សាំងកូវីដ-១៩ សូមអញ្ជើញទៅទទួលយកការចាក់វ៉ាក់សាំងនេះដោយមិនគិតថ្លៃ ទាំងដូសមូលដ្ឋាន និងដូសជំរុញ តាមការកំណត់របស់សុខាភិបាល៕

ក្រុមប្រទេស G7 បានសន្យាគាំទ្រអ៊ុយក្រែនដោយឥតងាករេ ខណៈមីស៊ីលជាច្រើនគ្រាប់វាយប្រហារលើផ្សារទំនើបរបស់អ៊ុយក្រែន

អាល្លឺម៉ង់៖ បណ្ដាមេដឹកនាំនៃក្រុមប្រទេសប្រជាធិបតេយ្យធំៗទាំង៧ ដែលកំពុងជួបប្រជុំនៅប្រទេសអាល្លឺម៉ង់បាននិយាយថា ពួកគេនឹងរក្សាការដាក់ទណ្ឌកម្មលើរុស្ស៊ីឱ្យបានយូរតាមតែភាពចាំបាច់ និងបង្កើនសម្ពាធអន្តរជាតិលើរដ្ឋាភិបាលរបស់លោកប្រធានាធិបតី Vladimir Putin និងសម្ព័ន្ធមិត្តរបស់ខ្លួនគឺបេឡារុស។ លោកប្រធានាធិបតី Volodymyr Zelenskiy បាននិយាយថា មីស៊ីលរុស្ស៊ីបានវាយប្រហារផ្សារទំនើបមួយកន្លែង នៅកណ្ដាលប្រទេសអ៊ុយក្រែនកាលពីថ្ងៃចន្ទ ខណៈទីក្រុង Moscow បានប្រយុទ្ធដើម្បីគ្រប់គ្រងទីក្រុងដ៏សំខាន់មួយនៅភាគខាងកើត ហើយមេដឹកនាំលោកខាងលិចបានសន្យាថានឹងគាំទ្រទីក្រុង Kyiv ក្នុងសង្គ្រាមនេះឲ្យតែអ៊ុយក្រែនត្រូវការ។ លោក Zelenskyy បានសរសេរនៅលើបណ្ដាញសង្គម Telegram ថា មនុស្សជាង ១,០០០នាក់បាននៅខាងក្នុង នៅពេលមីស៊ីលរុស្ស៊ីចំនួន ២គ្រាប់បានវាយប្រហារទៅលើផ្សារទំនើបក្នុងទីក្រុង Kremenchuk ភាគអាគ្នេយ៍នៃរដ្ឋធានី Kyiv។ ក្រុមមន្ត្រីអ៊ុយក្រែនបាននិយាយថា មនុស្សយ៉ាងហោចណាស់ ១៣នាក់បានស្លាប់ និង ៥០នាក់បានរងរបួស។រុស្ស៊ីពុំបានធ្វើអត្ថាធិប្បាយលើការវាយប្រហារ ដែលត្រូវបានថ្កោលទោសដោយអង្គការសហប្រជាជាតិ និងសម្ព័ន្ធមិត្តលោកខាងលិចរបស់អ៊ុយក្រែននោះទេ។ ប៉ុន្តែឯកអគ្គរដ្ឋទូតរងរបស់ខ្លួនប្រចាំអង្គការសហប្រជាជាតិលោក Dmitry Polyanskiy បានចោទប្រកាន់អ៊ុយក្រែនថា បានប្រើឧបទ្ទវហេតុនេះដើម្បីទទួលបានការអាណិតអាសូរ មុនកិច្ចប្រជុំកំពូលសម្ព័ន្ធមិត្តយោធាណាតូនៅថ្ងៃទី២៨ ដល់ ៣០ ខែមិថុនានេះ៕អត្ថបទ៖ សុខមាន

អាមេរិករកឃើញសាកសពជាង ៤០នាក់ក្នុងរថយន្តដែលត្រូវគេទុកចោលក្នុងរដ្ឋ Texas

សហរដ្ឋអាមេរិក៖ មនុស្សយ៉ាងហោចណាស់ ៤៦នាក់ដែលត្រូវគេជឿថាជាជនអន្តោប្រវេសន៍ ត្រូវបានរកឃើញស្លាប់នៅក្នុងរថយន្តដែលត្រូវគេទុកចោលនៅតំបន់ដាច់ស្រយាលនៃទីក្រុង San Antonio រដ្ឋ Texas សហរដ្ឋអាមេរិក។ មន្ត្រីផ្នែកពន្លត់អគ្គិភ័យម្នាក់បាននិយាយថា មនុស្សចំនួន ១៦នាក់រួមទាំងកុមារ ៤នាក់ក៏ត្រូវបានបញ្ជូនទៅកាន់មន្ទីរពេទ្យដែរ។ អ្នកនៅរស់រានមានជីវិតមានអាការៈក្ដៅខ្លួនខ្លាំង សន្លប់ និងខ្សោះខ្លួន។ ទីក្រុង San Antonio ដែលស្ថិតនៅចម្ងាយ ២៥០គីឡូម៉ែត្រពីព្រំដែនអាមេរិក-ម៉ិកស៊ិកគឺជាផ្លូវឆ្លងកាត់ដ៏សំខាន់សម្រាប់អ្នករត់ពន្ធមនុស្ស។ ក្រុមអ្នករត់ពន្ធមនុស្សជារឿយៗប្រើរថយន្តដឹកទំនិញ ដើម្បីដឹកជញ្ជូនក្រុមជនអន្តោប្រវេសន៍គ្មានឯកសារត្រឹមត្រូវ បន្ទាប់ពីជួបពួកគេនៅតំបន់ដាច់ស្រយាលនានា នៅពេលពួកគេព្យាយាមឆ្លងចូលទឹកដីសហរដ្ឋអាមេរិក៕អត្ថបទ៖ សុខមាន

សម្ព័ន្ធ NATO បង្កើនកម្លាំងត្រៀមពី ៤ម៉ឺនទៅជាង ៣០ម៉ឺននាក់ ស្របពេលមានការគំរាមពីរុស្ស៊ី

អឺរ៉ុប៖ សម្ព័ន្ធយោធា NATO នឹងបង្កើនចំនួនកងកម្លាំងរបស់ខ្លួនក្នុងការត្រៀមលក្ខណៈខ្ពស់ចន្លោះពី ៤ម៉ឺនដល់ជាង ៣០ម៉ឺននាក់ ស្របពេលមានការវាយលុករបស់រុស្ស៊ីលើអ៊ុយក្រែន។ ការបង្កើនកងកម្លាំងទ័ពដល់ទៅ ៧ដងត្រូវបានប្រកាសដោយអគ្គលេខាធិការសម្ព័ន្ធយោធាលោក Jens Stoltenberg មុនកិច្ចប្រជុំកំពូលក្នុងសប្ដាហ៍នេះនៅទីក្រុង Madrid ប្រទេសអេស្ប៉ាញ។ លោកថា នេះគឺជារួមចំណែកដ៏ធំបំផុតនៃការការពាររួមគ្នាចាប់តាំងពីសង្គ្រាមត្រជាក់មក។ យើងនឹងកែសម្រួលកងកម្លាំងឆ្លើយតបរបស់សម្ព័ន្ធ NATO និងបង្កើនចំនួនកងកម្លាំងត្រៀមក្នុងកម្រិតខ្ពស់របស់យើងរហូតដល់ជាង ៣០ម៉ឺននាក់។ លោក Stoltenberg ក៏បានបញ្ជាក់ផងដែរថា សម្ព័ន្ធ NATO នឹងពង្រីកការដាក់ពង្រាយកងទ័ពនៅក្នុងប្រទេសនានា ជាសមាជិករបស់សហភាពអឺរ៉ុបដែលនៅជិតប្រទេសរុស្ស៊ីបំផុត។ លោកថា សម្ព័ន្ធមិត្តលោកខាងលិចក៏នឹងពង្រឹងផ្នែកការពារដែនអាកាស និងបង្កើនការផ្គត់ផ្គង់យោធារបស់ខ្លួនផងដែរ៕អត្ថបទ៖ សុខមាន

លេចធ្លាយឧស្ម័នក្លសម្លាប់មនុស្ស ១២នាក់ និងជាង ២០០នាក់របួសនៅកំពង់ផែហ្សកដានី

ហ្សកដានី៖ ក្រុមមន្ត្រី និងសារព័ត៌មានរដ្ឋបានរាយការណ៍កាលពីថ្ងៃចន្ទថា មនុស្សយ៉ាងហោចណាស់ ១២នាក់បានស្លាប់ និង ២៥១នាក់រងរបួសក្នុងហេតុការណ៍លេចធ្លាយឧស្ម័នក្លចេញពីស៊ីទែនស្តុកមួយនៅកំពង់ផែ Aqaba របស់ប្រទេសហ្សកដានី។ក្រុមមន្ត្រីបាននិយាយថា ការធ្លាយនេះមានឡើង បន្ទាប់ពីស៊ីទែនស្តុកឧស្ម័នក្លចំណុះ ២៥តោនដែលត្រូវបាននាំចេញទៅកាន់ប្រទេសជីប៊ូទី (Djibouti) បានធ្លាក់ពេលកំពុងដឹកជញ្ជូន។ ឧស្ម័នក្លគឺជាថ្នាំសម្លាប់មេរោគ និងជាភ្នាក់ងារបន្សុទ្ធទឹកដែលត្រូវបានប្រើប្រាស់យ៉ាងទូលំទូលាយ ប៉ុន្តែប្រសិនបើស្រូបចូល ឧស្ម័នប្រែទៅជាអាស៊ីតហាយដ្រូក្ល (hydrochloric) ដែលអាចនាំឱ្យឆេះផ្នែកខាងក្នុង និងលេចជ្រាបតាមរយៈការបញ្ចេញប្រតិកម្មទឹកនៅក្នុងសួត៕អត្ថបទ៖ សុខមាន

បណ្ដាញសង្គម

ព័ត៌មានថ្មីៗ

ស្នងការរាជធានី បន្តផ្តល់ម៉ូតូ០៥គ្រឿង ស្បៀងអាហារ និងសម្ភារមួយចំនួន ជួយគាំទ្រដល់ជួរមុខ ទិសភូមិភាគ៥ជាប់ព្រំដែន

តំបន់ភាគខាងលិចអឺរ៉ុបជួបខែមិថុនា និងខែកក្កដា ក្តៅបំផុតជាប់កំណត់ត្រា

រដ្ឋមន្ត្រីការបរទេសម៉ាឡេស៊ី៖ មីយ៉ាន់ម៉ា មានឆន្ទៈទទួលយកវិញនូវជនភៀសខ្លួន ៥.០០០នាក់

ប្រព័ន្ធផ្សព្វផ្សាយអ៊ីរ៉ង់៖ កិច្ចប្រជុំ ៧ម៉ោង រវាងមេដឹកនាំកំពូល និងប្រធានាធិបតី ពិភាក្សាពីបញ្ហាប្រឈមនានា

រញ្ជួយដី នៅឆ្នេរសមុទ្រប៉ាស៊ីហ្វិក ធ្វើឱ្យរដ្ឋធានីរបស់កូឡុំប៊ីមានរំញ័រ

ខ្លែងចម្រុះពណ៌បានហោះពេញមេឃ អំឡុងពិធីបុណ្យខ្លែងអន្តរជាតិនៅទីក្រុង Colombo ប្រទេសស្រីលង្កា

ក្រសួងមហាផ្ទៃស្នើទៅអភិបាលខេត្តកោះកុង ចាត់វិធានការចំពោះសកម្មភាពឈូសឆាយដីព្រៃក្នុងតំបន់ការពារធម្មជាតិ

ការព្រមាន អំពីកម្ដៅ ត្រូវបានដំឡើងទូទាំងអង់គ្លេស ខណៈសីតុណ្ហភាពនឹងឡើងដល់ ៣៦អង្សាសេ

ប៉ូឡូញ និងប្រទេសបាល់ទិកការពារហេដ្ឋារចនាសម្ព័ន្ធ ដោយបារម្ភពីវាយប្រហារក្លែងបន្លំរបស់រុស្ស៊ី

ក្រុមប្រឹក្សាសន្តិភាព រៀបចំមូលដ្ឋានសម្រាប់កងកម្លាំង ISF នៅហ្កាហ្សា បើទោះបីជាមានការបដិសេធន៍ពីអ៊ីស្រាអែលក៏ដោយ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

ជំនួបកំពូលណាតូចាប់ផ្ដើម ខណៈព្រមានពីគ្រោះថ្នាក់កាន់តែខ្លាំងថែមទៀតដល់ពិភពលោក

ឯកឧត្តម ជិន ម៉ាលីន៖ សិទ្ធិមនុស្សនៅកម្ពុជាមិនល្អឥតខ្ចោះនោះទេ ប៉ុន្តែមានវឌ្ឍនភាពជាវិជ្ជមានជាបន្តបន្ទាប់

ក្រសួងពាណិជ្ជកម្មបេីកសិក្ខាសាលាថ្នាក់ជាតិមួយស្តីពីការយល់ដឹងអំពីកិច្ចព្រមព្រៀង អាសិប(RCEP)

សម្តេចតេជោ ហ៊ុន សែន ប្រកាសពីការផ្ទុះឡើងវិញជំងឺកូវីដ-១៩ បន្ទាប់ពីអត្រាឆ្លងកម្រិតសូន្យជាង៥០ថ្ងៃមកនេះ

អាមេរិករកឃើញសាកសពជាង ៤០នាក់ក្នុងរថយន្តដែលត្រូវគេទុកចោលក្នុងរដ្ឋ Texas

សម្ព័ន្ធ NATO បង្កើនកម្លាំងត្រៀមពី ៤ម៉ឺនទៅជាង ៣០ម៉ឺននាក់ ស្របពេលមានការគំរាមពីរុស្ស៊ី

លេចធ្លាយឧស្ម័នក្លសម្លាប់មនុស្ស ១២នាក់ និងជាង ២០០នាក់របួសនៅកំពង់ផែហ្សកដានី

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

ជំនួប​កំពូល​ណា​តូ​ចាប់ផ្ដើម ខណៈ​ព្រមាន​ពី​គ្រោះថ្នាក់​កាន់​តែ​ខ្លាំង​ថែមទៀត​ដល់​ពិភពលោក​

ឯកឧត្តម ជិន ម៉ាលីន៖ សិទ្ធិមនុស្សនៅកម្ពុជាមិនល្អឥតខ្ចោះនោះទេ ប៉ុន្តែមានវឌ្ឍនភាពជាវិជ្ជមានជាបន្តបន្ទាប់

ក្រសួងពាណិជ្ជកម្មបេីកសិក្ខាសាលាថ្នាក់ជាតិមួយស្តីពីការយល់ដឹងអំពីកិច្ចព្រមព្រៀង អាសិប(RCEP)

សម្តេចតេជោ ហ៊ុន សែន ប្រកាសពីការផ្ទុះឡើងវិញជំងឺកូវីដ-១៩ បន្ទាប់ពីអត្រាឆ្លងកម្រិតសូន្យជាង៥០ថ្ងៃមកនេះ

អាមេរិក​រក​ឃើញ​សាកសព​ជាង​ ៤០​នាក់​ក្នុង​រថយន្ត​ដែល​ត្រូវ​គេ​ទុកចោល​ក្នុង​រដ្ឋ Texas

សម្ព័ន្ធ ​NATO បង្កើន​កម្លាំង​ត្រៀម​ពី​ ៤​ម៉ឺន​ទៅ​ជាង ​៣០​ម៉ឺន​នាក់ ស្រប​ពេល​មានការ​គំរាម​ពី​រុស្ស៊ី​

លេច​ធ្លាយ​ឧស្ម័ន​ក្ល​សម្លាប់​មនុស្ស​ ១២​នាក់ និង​ជាង​ ២០០​នាក់​របួស​នៅ​កំពង់ផែ​ហ្សកដានី

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ជំនួបកំពូលណាតូចាប់ផ្ដើម ខណៈព្រមានពីគ្រោះថ្នាក់កាន់តែខ្លាំងថែមទៀតដល់ពិភពលោក

អាមេរិករកឃើញសាកសពជាង ៤០នាក់ក្នុងរថយន្តដែលត្រូវគេទុកចោលក្នុងរដ្ឋ Texas

សម្ព័ន្ធ NATO បង្កើនកម្លាំងត្រៀមពី ៤ម៉ឺនទៅជាង ៣០ម៉ឺននាក់ ស្របពេលមានការគំរាមពីរុស្ស៊ី

លេចធ្លាយឧស្ម័នក្លសម្លាប់មនុស្ស ១២នាក់ និងជាង ២០០នាក់របួសនៅកំពង់ផែហ្សកដានី