នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
សម្ដេច​តេជោ ហ៊ុន សែន ចែករំលែក​អត្ថបទ​អ្នកស្រាវជ្រាវថៃ ក្រោមចំណងជើងថា «មនុស្សធម៌ខ្វះការអាណិតអាសូរ»
ឯកឧត្តម ឌី វិជ្ជា និងលោកជំទាវ ហ៊ុន ម៉ាណា អញ្ជើញប្រគេនទៀនព្រះវស្សា និងនាំយកទេយ្យវត្ថុ ប្រគេនវត្តចំនួន១២វត្ត និងចែកអំណោយដល់យាយជីតាជី នៅស្រុកក្រគរ និងស្រុកភ្នំក្រវាញ ខេត្តពោធិ៍សាត់
គណៈប្រតិភូធុរកិច្ចមកពីហុងកុង ក្វាងទុង និងម៉ាកាវ បង្ហាញចំណាប់អារម្មណ៍ក្នុងការស្វែងរកឱកាសវិនិយោគលើវិស័យសក្តានុពលនៅកម្ពុជា
សម្តេចតេជោ ហ៊ុន សែន ចែករំលែកអត្ថបទវិភាគរបស់អ្នកជំនាញផ្នែកទំនាក់ទំនងអន្តរជាតិ និងសន្តិសុខរបស់ប្រទេសថៃ ដែលមានចំណងជើង​ថា «ស្វាដោះសំណាញ់!»

ព័ត៌មានសំខាន់ៗ

ឥណ្ឌាជួយបោសសម្អាតមីនភូមិចំនួន០៤ ក្នុងខេត្តកោះកុង ដើម្បីឲ្យក្លាយជាភូមិអស់មីន និងបង្កើតតំបន់ផ្តល់នូវអវយវៈសិប្បនិម្មិតចំនួន០២នៅកម្ពុជា សម្រាប់ជួយដល់ជនរងគ្រោះដោយសារមីន

2022/06/22 02:14:54 pm        647
Facebook Telegram Linkin
ភ្នំពេញ៖ ឯកឧត្តម ទេសរដ្ឋមន្ត្រី លី ធុជ អនុប្រធានទី១ អាជ្ញាធរមីន និង ឯកឧត្តមបណ្ឌិត Rajkumar Ranja Singh, Minister of State of External Affairs នៃសាធារណរដ្ឋឥណ្ឌា បានអញ្ជើញជាអធិបតីក្នុងពិធីចុះហត្ថលេខាលើអនុស្សារណៈយោគយល់គ្នា ស្តីពីគម្រោងភូមិអស់មីននៅក្នុងខេត្តកោះកុង ក្រោមការអនុវត្ត “គម្រោងផ្តល់ផលរហ័ស” របស់រដ្ឋាភិបាលនៃសាធារណរដ្ឋឥណ្ឌា និងកិច្ចសហប្រតិបត្តិការជាមួយអាជ្ញាធរមីន​ នៅថ្ងៃទី២១ ខែមិថុនា ឆ្នាំ២០២២។ពិធីចុះហត្ថលេខានេះ បានធ្វើឡើងនៅសណ្ឋាគារ Hyatt Regency រវាងឯកឧត្តម ស៊ុយ ជីហ៊ាង អគ្គលេខាធិការស្តីទីនៃអាជ្ញាធរមីន និងលោកជំទាវ Devyani Khobragade ឯកអគ្គរដ្ឋទូតឥណ្ឌាប្រចាំកម្ពុជា។ឯកឧត្តម ទេសរដ្ឋមន្រ្តី លី ធុជ បានមានប្រសាសន៍ថា ពិធីចុះហត្ថលេខាអនុវត្ត "គម្រោងផ្តល់ផលរហ័ស - ភូមិអស់មីនក្នុងខេត្តកោះកុង" នាថ្ងៃនេះ គឺជាជំហានដ៏រឹងមាំ ដើម្បីចូលរួមនាំឲ្យកម្ពុជាខិតទៅជិតគោលដៅនៃការក្លាយជាប្រទេសគ្មានមីននៅឆ្នាំ ២០២៥ ក៏ដូចជាការបង្ហាញមួយទៀត នៃចំណងមិត្តភាពជាប្រវត្តិសាស្រ្ត និងប្រពៃណីដ៏យូរអង្វែងរវាងសាធារណរដ្ឋឥណ្ឌា និងព្រះរាជាណាចក្រកម្ពុជា ដែលមានអាយុកាលជិត ២៥០០ឆ្នាំ និងចំណងទំនាក់ទំនងការទូតផ្លូវការរវាងប្រទេសទាំងពីរ រយៈពេល ៧០ឆ្នាំ។ក្នុងនាមរាជរដ្ឋាភិបាលកម្ពុជា ឯកឧត្តមទេសរដ្ឋមន្រ្តី បានថ្លែងអំណរគុណយ៉ាងជ្រាលជ្រៅជូនចំពោះរដ្ឋាភិបាល និងប្រជាជនឥណ្ឌា ដែលបានចូលរួមដល់ការងារសកម្មភាពមីនមនុស្សធម៌នៅកម្ពុជា ក្នុងនោះបានផ្តល់នូវអវយវៈសិប្បនិមិត្តដល់ជនមានពិការភាព ការអភិវឌ្ឍសមត្ថភាពមន្រ្តីអាជ្ញាធរមីន និងការចូលរួមឲ្យកម្ពុជាក្លាយជាប្រទេសគ្មានមីនឆ្នាំ២០២៥។ ឯកឧត្តម បានបន្តទៀតថា អាជ្ញាធរមីន បាននឹងកំពុងដំណើរការយន្តការភូមិអស់មីន និងកំពុងលុបបំបាត់ការគំរាមកំហែងទាំងអស់នៅក្នុងភូមិជាក់លាក់ ដែលនឹងមិនត្រឹមតែជួយសង្គ្រោះអាយុជីវិតរបស់អ្នកទទួលផលផ្ទាល់ប៉ុណ្ណោះទេ វានឹងធ្វើឱ្យជីវភាពភូមិ និងការអភិវឌ្ឍសេដ្ឋកិច្ចសង្គមកាន់តែប្រសើរឡើង ដែលថ្ងៃនេះ សាធារណរដ្ឋឥណ្ឌា នឹងជួយប្រែក្លាយភូមិចំនួន ០៤ ស្ថិតក្នុងខេត្តកោះកុង ទៅជាភូមិអស់មីន ក្នុងចំណោមភូមិចំនួន ២៨ ដែលកំពុងរងការគម្រាមកំហែងដោយសារមីន និងសំណល់ជាតិផ្ទុះពីសង្រ្គាម។ក្នុងឱកាសនោះ ឯកឧត្តម ទេសរដ្ឋមន្រ្តី បានបញ្ជាក់បន្ថែមទៀតថា រយៈពេល ៣០ឆ្នាំ ដោយមានការគាំទ្រពីម្ចាស់ជំនួយ និងប្រតិបត្តិករបោសសម្អាតមីនជាតិ-អន្តរជាតិ ផ្ទៃដីប្រមាណ ២.៣៧៩ គីឡូម៉ែត្រក្រឡា ត្រូវបានបោសសម្អាត និងផ្តល់ផលប្រយោជន៍ជូនដល់ប្រជាជនប្រមាណ ៧.៥ លាននាក់ ព្រមទាំងបានចូលរួមកាត់បន្ថយអត្រាគ្រោះថ្នាក់ពី ៤.៣២០ នាក់ ក្នុងឆ្នាំ ១៩៩៦ មក ៤៤ នាក់ ក្នុងឆ្នាំ ២០២១។ ទោះបីមានកិច្ចខិតខំប្រឹងប្រែងបែបនេះ ប្រជាជនកម្ពុជា ប្រមាណជាង ១ លាននាក់ កំពុងរស់នៅ និងប្រកបមុខរបរលើតំបន់រងផលប៉ះពាល់ដោយសារមីន និងសំណល់ជាតិផ្ទុះពីសង្រ្គាម លើផ្ទៃដី ១.៩៩១ គីឡូម៉ែត្រក្រឡា ក្នុងនោះផ្ទៃដីមានមីន ៧៣៦ គីឡូម៉ែត្រក្រឡា ដែលនឹងត្រូវបោសសម្អាតឲ្យអស់ត្រឹមឆ្នាំ២០២៥ ដើម្បីឆ្លើយតបនឹងកាតព្វកិច្ចកម្ពុជាជារដ្ឋភាគី នៃអនុសញ្ញាអន្តរជាតិស្តីពីការហាមការប្រើប្រាស់ ការរក្សាទុក ការផលិត និងការផ្ទេរគ្រាប់មីនប្រឆាំងមនុស្ស និងការបំផ្លាញគ្រាប់មីន (អនុសញ្ញាអូតាវ៉ា)ឯកឧត្តម ទេសរដ្ឋមន្រ្តី បានបន្ថែមទៀតថា ឆ្នាំ ២០២៥ គឺជាគោលដៅដែលអាចសម្រេចបាន ប្រសិនបើរាជរដ្ឋាភិបាល សហគមន៍ម្ចាស់ជំនួយ ដៃគូអភិវឌ្ឍន៍ វិស័យឯកជន និងសប្បុរសជននានា ធ្វើការរួមគ្នា និងពន្លឿនការគាំទ្រការងារបោសសម្អាតមីន។ឯកឧត្តមបណ្ឌិត Rajkumar Ranja Singh បានមានប្រសាសន៍ថា ឯកឧត្តម មានសេចក្តីសប្បាយរីករាយដែលបានចូលរួមជាមួយរាជរដ្ឋាភិបាលកម្ពុជា តាមរយៈអាជ្ញាធរមីន លើគម្រោងធ្វើឲ្យភូមិចំនួន ០៤ ក្នុងខេត្តកោះកុង ជាភូមិអស់មីន ដោយនឹងផ្តល់អត្ថប្រយោជន៍ដោយផ្ទាល់ដល់ប្រជាពលរដ្ឋជិត ៨.000 នាក់ ដែលកំពុងរស់នៅក្នុងភូមិទាំងនេះ តាមរយៈគម្រោងផ្តល់ផលរហ័សរបស់រដ្ឋាភិបាលឥណ្ឌា ដែលគម្រោងនេះគឺជាផ្នែកមួយនៃទំនាក់ទំនងឥណ្ឌា-កម្ពុជា ក្រោមក្របខណ្ឌកិច្ចសហប្រតិបត្តិការមេគង្គ-គង្គា។ឯកឧត្តមបណ្ឌិត Rajkumar Ranja Singh បានកោតសរសើរចំពោះអាជ្ញាធរមីន ក្នុងការដោះស្រាយបញ្ហាមីន ដើម្បីធ្វើឱ្យកម្ពុជាគ្មានមីននៅឆ្នាំ២០២៥។ ឯកឧត្តមបណ្ឌិត បានបញ្ជាក់បន្ថែមទៀតថា ឥណ្ឌាកំពុងធ្វើការជាមួយអាជ្ញាធរមីន ដើម្បីកំណត់តំបន់បន្ថែមទៀតនៃកិច្ចសហប្រតិបត្តិការសកម្មភាពមីន និងរួមចំណែកដល់កិច្ចខិតខំរបស់កម្ពុជាឲ្យសម្រេចតាមគោលដៅ ហើយរដ្ឋាភិបាលឥណ្ឌា បានត្រៀមខ្លួនរួចជាស្រេច ក្នុងការជួយដល់ការងារសកម្មភាពមីនកម្ពុជា នៅគ្រប់កម្រិត និងគ្រប់ពេលវេលា៕

ប្រមុខការពារជាតិឡាវគាំទ្រ និងសាទរចំពោះភាពជាម្ចាស់ផ្ទះកិច្ចប្រជុំរដ្ឋមន្ត្រីការពារជាតិនៅកម្ពុជា

2022/06/22 02:08:42 am        190
Facebook Telegram Linkin
ភ្នំពេញ៖ រដ្ឋមន្រ្តីក្រសួងការពារជាតិឡាវ សូមសម្តែងការគាំទ្រនិងអបអរសាទរចំពោះភាពជាម្ចាស់ផ្ទះកិច្ចប្រជុំរដ្ឋមន្ត្រីការពារជាតិ នៅកម្ពុជា។ការគាំទ្រនេះ បានធ្វើឡើងនៅក្នុងជំនួបពិភាក្សាការងារជាមួយសម្តេចពិជ័យសេនា ទៀ បាញ់ ឧបបនាយករដ្ឋមន្ត្រី រដ្ឋមន្ត្រីក្រសួងការពារជាតិ នៃព្រះរាជាណាចក្រកម្ពុជា នៅថ្ងៃទី២១ ខែមិថុនា ឆ្នាំ២០២២ នៅទីស្តីការក្រសួងការពារជាតិ។នៅក្នុងជំនួបពិភាក្សានេះ រដ្ឋមន្ត្រីក្រសួងការពារជាតិកម្ពុជា និងឡាវ បានសម្តែងការវាយតម្លៃខ្ពស់ និងការពេញចិត្តចំពោះវឌ្ឍភាពកិច្ចសហប្រតិបត្តិការទ្វេភាគី ទទួលបានល្អប្រសើរ ទោះបីស្ថិតក្នុងបរិបទកូវីដ-១៩។សូមជម្រាបថា កម្ពុជាបានទទួលរៀបចំធ្វើម្ចាស់ផ្ទះ នៃកិច្ចប្រជុំរដ្ឋមន្ត្រីការពារជាតិអាស៊ាន កិច្ចប្រជុំពាក់ព័ន្ធឆ្នាំ២០២២ កិច្ចប្រជុំរដ្ឋមន្ត្រីការពារជាតិអាស៊ាន លើកទី១៦ (16th ADMM) ចាប់ពីថ្ងៃទី២១ ដល់ថ្ងៃទី២២ ខែមិថុនា ឆ្នាំ២០២២ នៅរាជធានីភ្នំពេញ នៃព្រះរាជាណាចក្រកម្ពុជា៕

លោក Zelenskyy ​និយាយថា រុស្ស៊ី​ព្យាយាម​បន្ត​ការវាយលុក​ទីក្រុង Kharkiv និង​បន្ទោស​រុស្ស៊ី​ចំពោះវិបត្តិ​ស្បៀងអាហារ​

2022/06/21 09:32:40 pm        785
Facebook Telegram Linkin
​អ៊ុយ​ក្រែ​ន៖ ប្រធានាធិបតី​អ៊ុយ​ក្រែ​ន​លោក Volodymyr Zelenskyy បាន​និយាយ​កាលពី​ថ្ងៃ​ចន្ទ​ថា ​រុស្ស៊ី​កំពុងព្យាយាមបន្ត​ការវាយលុក​លើ​ទីក្រុង Kharkiv ជាទី​ក្រុង​ធំ​ទី​ពីរ​របស់​ប្រទេស​។ ​នៅក្នុង​សុន្ទរកថា​តាម​វីដេអូ​ទៅកាន់​វេទិកា​មួយ​ក្នុង​ទីក្រុង Milan ប្រទេស​អ៊ីតាលី លោក​បាន​និយាយ​ថា ប្រទេស​រុស្ស៊ី​កំពុង​ព្យាយាម​បំផ្លាញ និង​ដណ្តើមយក​ទីក្រុង Mykolaiv និង Sloviansk។ លោក Zelenskyy បាន​អង្វរ​ជាថ្មី​ម្តងទៀត​សុំ​អាវុធ​ពី​ប្រទេស​លោកខាងលិចបន្ថែមទៀត ​ដើម្បីការពារ​ការវាយលុករបស់​រុស្ស៊ី​។​ ​លោក​បាន​និយាយថា យើង​ត្រូវការ​ការគាំទ្រ​ពី​អ្នក យើង​ត្រូវការ​អាវុធ អាវុធ​ដែល​នឹងមាន​សមត្ថភាពប្រសើរ​ជាង​អាវុធ​រុស្ស៊ី​។ នៅពេលដែល​លោក​ត្រូវបាន​គេ​សួរ ​អំពី​ទស្សនវិស័យ​របស់​អ៊ុយ​ក្រែ​ន​សម្រាប់​សមាជិកភាពស​ហ​ភាពអឺរ៉ុប លោក Zelenskyy បាន​និយាយថា អត្ថប្រយោជន៍​ចម្បង​ក្នុងការទទួល​បានជា​បេក្ខភាព គឺជាការលើកទឹកចិត្ត​សម្រាប់​ប្រជាជន​អ៊ុយ​ក្រែ​ន​។​ ​កាលពី​ថ្ងៃ​ចន្ទ​ម្សិលមិញ​នេះដែរ ប្រធានាធិបតី​អ៊ុយ​ក្រែ​ន​លោក Volodymyr Zelenskyy បាន​ថ្លែងទៅកាន់​សហភាព​អាហ្វ្រិក (AU) ដោយបាន​ដាក់​កំហុស​ប្រទេស​រុស្ស៊ី​ ចំពោះ​មហន្តរាយ​សម្រាប់ការកើនឡើង​តម្លៃ​ស្បៀងអាហារ​។​​លោក Zelenskyy បាន​និយាយ​តាមរយៈ​បណ្តាញ​វីដេអូ​ថា ប្រសិនបើ​វា​មិនមែនជា​សង្គ្រាមរុស្ស៊ីទេនោះ ប្រជាជន​នៅ​ទ្វីបអាហ្វ្រិក ប្រជាជន​នៅ​អាស៊ី និង​កន្លែង​ផ្សេងទៀត​លើ​ពិភពលោក នឹងមិនទទួលរង​ពី​ការកើនឡើង​ដ៏​មហន្តរាយ​នៃ​តម្លៃ​អាហារ​នោះដែរ​។ លោកបាន​ថ្កោលទោស​ការបិទច្រករបស់​រុស្ស៊ី​នៅ​កំពង់ផែ​អ៊ុយ​ក្រែ​ន ខណៈដែល​ការចរចា​ជាច្រើន​សប្តាហ៍​លើ​ច្រករបៀង​សុវត្ថិភាព ​ដើម្បីនាំចេញ​គ្រាប់​ធញ្ញជាតិ​មានការ​រីកចម្រើន​តិចតួច ហើយ​រដូវ​កាល​ប្រមូល​ផល​រដូវក្តៅ​ក៏បាន​មកដល់៕អត្ថបទ៖ ប៊ុនថន

រុស្ស៊ី​ចោទ​ក្រុម​សមាជិក G20 ពី​បទ​យក​កិច្ចពិភាក្សា​ពី​បញ្ហា​សុខភាព​ធ្វើជា​រឿង​នយោបាយ​ ក្រោយ​រិះគន់​លើ​សង្គ្រាម​អ៊ុយ​ក្រែ​ន

2022/06/21 07:24:19 pm        455
Facebook Telegram Linkin
​រុស្ស៊ី៖ កាលពី​ថ្ងៃ​ចន្ទ ប្រទេស​រុស្ស៊ី​បាន​ចោទ​ប្រទេស​ជា​សមាជិក​មួយ​ចំនួន​ នៃ​ក្រុម​ប្រទេស​ឧស្សាហកម្ម​លូតលាស់​ទាំង​២០ ឬ​ G20 ពី​បទ​យក​កិច្ចប្រជុំ​ស្ដីពី​សុខភាព​សកល​មក​ធ្វើជា​រឿង​នយោ​បាយ ខណៈ​ខ្លួន​ប្រឈម​ការរិះគន់​ជុំវិញ​ការវាយប្រហារ​របស់​ខ្លួន​នៅ​ក្នុង​ប្រទេស​អ៊ុយ​ក្រែ​ន​កាលពី​ថ្ងៃ​ទី​២៤ ​ខែ​កុម្ភៈ ​ជាដើម​ចម​ធ្វើ​ឲ្យ​ប្រព័ន្ធ​ថែទាំ​សុខភាព​របស់​ខ្លួន​ធ្លាក់​ក្នុង​ភាព​ចលាចល​។ ​សង្គ្រាម​ក្នុង​ប្រទេស​អ៊ុយ​ក្រែ​ន​បាន​គ្របដណ្ដប់​កិច្ចប្រជុំ G20 នៅ​ឆ្នាំនេះ ដែល​បច្ចុប្បន្ន​ម្ចាស់ផ្ទះ​ឥណ្ឌូនេស៊ី​ព្យាយាម​បង្រួបបង្រួម​ក្រុម​ប្រទេស​នេះ និង​ទប់ទល់​សម្ពាធ​ពី​សមាជិក​លោក​ខាង​លិច​ ឲ្យ​ដក​ប្រទេស​រុស្ស៊ី​ចេញពី​កិច្ចប្រជុំ​នេះ​។​ ​មន្ត្រី​ក្រសួងសុខាភិបាល​រុស្ស៊ី​លោក Oleg Salagay បាន​ប្រាប់​ជំនួប​ថ្នាក់​រដ្ឋមន្ត្រី​សុខាភិបាល G20 នៅ​ក្នុង​ទីក្រុង Yogyakarta ​របស់​ប្រទេស​ឥណ្ឌូនេស៊ី​ថា យើង​កំពុង​ស្នើ​ឲ្យ​មិត្ត​រួមការ​ងារ​របស់​យើង ​កុំ​យក​វេទិកា​ស្ដីពី​សុខភាព​របស់​ប្រទេស G20 ធ្វើជា​បញ្ហា​នយោបាយ និង​បន្ត​នៅ​ជាមួយគ្នា និង​ពិភាក្សា​ការថែទាំ​សុខភាព​ជាមួយគ្នា។ ​ក្រុម​តំណាង​មកពីសហរដ្ឋអាមេរិក ចក្រភព​អង់គ្លេស អូស្ត្រាលី និង​កាណាដាបាន​ជំរុញ​ឲ្យ​រុស្ស៊ី​បញ្ចប់​ការ​វាយ​លុក​របស់​ខ្លួន​៕អត្ថបទ៖ សុខមាន

រុស្ស៊ី​បង្កើន​ការវាយប្រហារ​លើ​ទីក្រុង​សំខាន់ៗ​នៅ​អ៊ុយ​ក្រែ​នភា​គ​ខាងកើត

2022/06/21 05:40:30 pm        1388
Facebook Telegram Linkin
​រុស្ស៊ី៖ កងកម្លាំង​រុស្ស៊ី​បាន​ដណ្តើម​យក​ដែនដី​តាម​ដង​ទន្លេ​ សមរភូមិ​ជួរមុខ​មួយ​នៅ​ភាគ​ខាងកើត​អ៊ុយ​ក្រែ​ន និង​បាន​បង្កើន​សម្ពាធ​លើ​ទីក្រុង​សំខាន់ៗ​ចំនួន​ពីរ​កាលពី​ថ្ងៃ​ចន្ទ បន្ទាប់ពី​ប្រធានាធិបតី​អ៊ុយ​ក្រែ​ន​លោក Volodymyr Zelenskiy បាន​ព្យាករណ៍​ថា​ ទីក្រុង​ Moscow នឹង​បង្កើន​ការវាយប្រហារ​នៅមុន​កិច្ចប្រជុំ​កំពូល​សហភាព​អឺរ៉ុប​ ដែល​រំពឹងថា​នឹង​ស្វាគមន៍​ការចូល​ជា​សមាជិក​របស់​ទីក្រុង Kyiv ក្នុង​ប្លុក​នេះ​។ ​អភិបាល​តំបន់ Luhansk របស់​អ៊ុយ​ក្រែ​នជា​តំបន់​មួយ ​ក្នុងចំណោម​តំបន់​រង​ការវាយប្រហារ​ខ្លាំងក្លា​បំផុត​របស់​រុស្ស៊ី ក្នុង​ពេល​ប៉ុន្មាន​សប្ដាហ៍​ថ្មីៗ​នេះ​បាន​និយាយ​ថា ស្ថានភាព​ពិតជា​យ៉ាប់យ៉ឺន​ខ្លាំង​ណាស់​នៅ​តាម​សមរភូមិ​ជួរមុខ ​ទាំងអស់​គិត​ត្រឹម​ល្ងាច​ថ្ងៃ​ចន្ទ​។ អភិបាល​តំបន់​នេះ​លោក Serhiy Gaidai បាន​និយាយ​នៅ​លើ​កញ្ចក់​ទូរទស្សន៍​អ៊ុយ​ក្រែ​ន​ថា កងទ័ព​រុស្ស៊ី​បាន​ប្រមូល​កម្លាំង​បម្រុង​គ្រប់​គ្រាន់ ដើម្បី​ចាប់ផ្តើម​ការ​វាយ​លុក​ទ្រង់ទ្រាយ​ធំ។​​លោក​ថា កងកម្លាំង​រុស្ស៊ី​គ្រប់គ្រង​ភាគច្រើន​នៃ​ទីក្រុង Sievierodonetsk ក្រៅពី​រោងចក្រ​គីមី Azot ជាទី​ដែល​ជន​ស៊ីវិល​រាប់​រយ​នាក់​កំពុង​ជ្រកកោន​អស់​រយៈពេល​ជាច្រើន​សប្ដាហ៍ ចំណែក​ផ្លូវ​ត​ភ្ជាប់​ទៅ​កាន់​ទីក្រុង Sievierodonetsk ​និង​ទីក្រុង​ធំ​ទី​២ Lysychansk ទៅកាន់​ទីក្រុង Bakhmut ស្ថិត​ក្រោម​ការ​បាញ់​ផ្លោង​ឥត​ឈប់​៕អត្ថបទ៖ សុខមាន

រុស្ស៊ី​ក្លាយ​ជា​អ្នកផ្គត់ផ្គង់​ប្រេងឥន្ធនៈ​ធំ​បំផុត​របស់​ចិន ​ស្រប​ពេល​រង​ទណ្ឌកម្ម​ព្រោះ​សង្គ្រាម​អ៊ុយ​ក្រែ​ន​

2022/06/21 05:21:27 pm        1141
Facebook Telegram Linkin
​រុស្ស៊ី៖ រុស្ស៊ី​ក្លាយជា​ដៃគូ​ផ្គត់ផ្គង់​ប្រេងឥន្ធនៈ​ធំ​បំផុត​របស់​ប្រទេស​ចិន ខណៈ​ប្រទេស​នេះ​បាន​លក់​ប្រេង​ឆៅ​បញ្ចុះតម្លៃ​ទៅ​ឲ្យ​ទីក្រុង​ប៉េកាំង ស្រប​ពេល​រង​ទណ្ឌកម្ម​ព្រោះ​សង្គ្រាម​អ៊ុយ​ក្រែ​ន​។​ ​ការនាំចេញ​ប្រេង​របស់​រុស្ស៊ី​បាន​ហក់​ឡើង​ដល់ ​55% ខ្ពស់​ជាង​កាល​ពី​មួយ​ឆ្នាំមុន​រហូតដល់​កម្រិត​ខ្ពស់​បំផុត​កាលពី​ខែ​ឧសភា ជំនួស​ឲ្យ​ប្រទេស​អារ៉ាប៊ីសាអ៊ូឌីត​ដែល​ជា​អ្នកផ្គត់ផ្គង់​ធំ​បំផុត​របស់​ចិន​។ ប្រទេស​ចិន​បាន​បង្កើន​ការទិញ​ប្រេង​ពី​រុស្ស៊ី ​ទោះបីជា​ជាប់ដៃ​ក្នុងការ​ទប់ស្កាត់​ការ​ឆ្លង​រាលដាល​វីរុស​ COVID-19 និង​កំណើន​សេដ្ឋកិច្ច​យឺត​ក៏ដោយ​។ កាលពី​ខែ​កុម្ភៈ ប្រទេស​ចិន និង​រុស្ស៊ី​បាន​ប្រកាស​ពី​សម្ព័ន្ធ​ភាព​គ្មាន​ព្រំដែន​។​ហើយ​ក្រុមហ៊ុន​នានា​របស់​ចិន​ រួម​ទាំង​ក្រុមហ៊ុន​ចម្រាញ់​ប្រេង​រដ្ឋ​ខ្នាត​យក្ស Sinopec និង​ Zhenhua បាន​បង្កើន​ការ​ទិញ​ប្រេង​ឆៅ​របស់​រុស្ស៊ី​ក្នុង​ពេល​ប៉ុន្មាន​ខែ​ថ្មីៗ​នេះ បន្ទាប់ពី​ទទួល​បាន​ការ​បញ្ចុះ​តម្លៃ​យ៉ាង​ច្រើន ខណៈ​ដែល​អតិថិជន​នៅ​ក្នុង​សហភាព​អឺរ៉ុប ​និង​សហរដ្ឋអាមេរិក​ឈប់​ទិញ​ថាមពល​របស់​រុស្ស៊ី អនុវត្ត​តាម​ទណ្ឌកម្ម​ជុំវិញ​សង្គ្រាម​របស់​ខ្លួន​ក្នុង​ប្រទេស​អ៊ុយ​ក្រែ​ន​៕អត្ថបទ៖ សុខមាន

លោក Zelenskyy និយាយ​ថា ​សប្ដាហ៍​ប្រវត្តិសាស្ត្រ​ចាប់ផ្ដើម​សម្រាប់​អ៊ុយ​ក្រែ​ន និង​ប្ដេជ្ញា​ការពារ​ភាគខាងត្បូង​

2022/06/20 09:29:08 pm        1011
Facebook Telegram Linkin
​អ៊ុយក្រែន៖ ប្រធានាធិបតី​អ៊ុយ​ក្រែ​ន​លោក Volodymyr Zelenskyy កាលពី​ថ្ងៃអាទិត្យ​បាន​ចាត់​ទុក​សប្តាហ៍​នៅ​ពេល​ខាងមុខនេះ​ថា ​ជា​ប្រវត្តិសាស្ត្រ ដោយ​ការ​ថ្លែង​របស់​គណៈកម្មការ​អឺរ៉ុប​ថា អ៊ុយ​ក្រែ​ន​ក្លាយ​ជា​បេក្ខជន​សម្រាប់​សមា​ជិក​ភាព​ដែល​ត្រូវ​បាន​ពិភាក្សា​ដោយ​មេដឹកនាំ​នៃ​ប្លុក​ទាំង 27​ប្រទេស​។ លោក Zelenskyy បាន​និយាយ​ថា វា​នឹង​ស្ថិត​ក្នុងចំណោម​ការសម្រេច​លើ​ជោគវាសនា សំខាន់​បំផុត​ក្នុង​ប្រវត្តិសាស្ត្រ​អ៊ុយ​ក្រែ​ន​។ សង្គ្រាម​បាន​បង្កើន​សម្ពាធ​លើ​រដ្ឋាភិបាល​សហភាព​អឺរ៉ុប ដើម្បី​ដាក់​បេក្ខភាព​របស់​អ៊ុយ​ក្រែ​ន​ឲ្យ​បាន​ឆាប់រហ័ស ប៉ុន្តែ​ដំណើរការ​នេះ​ត្រូវបាន​គេ​រំពឹងថា​នឹងចំណាយ​ពេល​ច្រើន​ឆ្នាំ។​ ខណៈ​លោក​ធ្វើដំណើរ​ត្រឡប់​ពី​ការចុះពិនិត្យ​ទៅកាន់​ទីក្រុង Mykolaiv និង Odesa តាម​បណ្តោយ​សមុទ្រ​ខ្មៅ ប្រធានាធិបតី​អ៊ុយ​ក្រែ​ន​លោក Volodymyr Zelenskyy បាន​ប្តេជ្ញា​ការពារ​តំបន់​ភាគ​ខាង​ត្បូង​របស់​ប្រទេស​ នៅក្នុង​សុន្ទរកថា​របស់លោក​។ ថ្លែង​នៅ​លើ​រថភ្លើង​លោក Zelenskyy បាន​និយាយ​ថា យើង​នឹងមិន​ប្រគល់​តំបន់​ភាគខាងត្បូង​ឲ្យ​ទៅ​នរណាម្នាក់​នោះទេ យើង​នឹង​យក​ត្រលប់​មកវិញ​អ្វីៗ​ទាំងអស់​ដែលជា​របស់​យើង ហើយ​សមុទ្រ​នឹង​ជា​របស់​អ៊ុយ​ក្រែ​ន និង​មាន​សុវត្ថិភាព​។លោក Zelenskyy និយាយថា យើង​ពិតជា​នឹង​ស្ដារឡើងវិញ​នូវ​អ្វី​គ្រប់យ៉ាង​ដែល​ត្រូវ​បាន​បំផ្លាញ រុស្ស៊ី​គ្មាន​មី​ស៊ី​ល​ច្រើន​ដូច​ប្រជាជន​របស់​យើង​មានបំណង​ប្រាថ្នា​ចង់​រស់នៅ​នោះ​ទេ​។ សមាជិកសភា​អ៊ុយ​ក្រែ​ន​ម្នាក់​កាលពី​ថ្ងៃអាទិត្យបាន​និយាយ​ថា ​នៅក្នុង​តំបន់​មួយចំនួន​របស់​ប្រទេស​លោកស្រី អាវុធ​រុស្ស៊ី​មាន​ចំនួន​ច្រើនជាង​អ៊ុយ​ក្រែ​ន​ ១០​ទល់នឹង​១​។ លោកស្រី Ivanna Klympush-Tsintsadze បាន​ថ្លែង​ទៅកាន់​ទូរទស្សន៍​អង់គ្លេស​ Sky News ដោយ​បន្ត​ការអំពាវ​នាវ​សុំ​អាវុធធុន​ធ្ងន់​បន្ថែមទៀត​ពី​ប្រទេស​លោកខាងលិច​។ ការគាំទ្រ​ផ្នែក​យោធា​ពី​បណ្តា​ប្រទេស​លោកខាងលិច គឺជា​គន្លឹះ​នៃ​ភាព​ជោគជ័យ​គួរឱ្យភ្ញាក់ផ្អើល​របស់​អ៊ុយ​ក្រែ​ន ​ទប់ទល់​កងកម្លាំង​រុស្ស៊ី​ដែលមាន​ចំនួន​ច្រើនជាង​ និង​មាន​អាវុធ​ល្អ​ជាង៕អត្ថបទ៖ ប៊ុនថន

កូរ៉េខាងជើង​រាយការណ៍​ករណី​គ្រុនក្ដៅ​ជិត​ ២​ម៉ឺន​នាក់​បន្ថែម​ទៀត ស្រប​ពេល​ផ្ទុះ​វីរុស COVID-19

2022/06/20 07:21:42 pm        438
Facebook Telegram Linkin
​កូរ៉េខាងជើង​៖ សារព័ត៌មាន​រដ្ឋ​កូរ៉េខាងជើង​បាន​និយាយ​នៅ​ថ្ងៃ​ចន្ទ​នេះ​ថា ប្រទេស​នេះ​បាន​កត់ត្រា​ករណី​គ្រុនក្ដៅ​ជាង ១៨​,៨២០​នាក់​បន្ថែម​ទៀត និង​គ្មាន​ករណី​ស្លាប់​ថ្មី ស្រប​ពេល​ការទទួលស្គាល់​ការផ្ទុះ​រាលដាល​វីរុស COVID-19 លើកដំបូង​របស់ខ្លួន។ ​ប្រទេស​នេះ​បាន​រាយការណ៍​ករណី​ជំងឺ​គ្រុនក្ដៅ​ជាង ៤​.៦​លាន​នាក់​អំឡុង​ការ​ផ្ទុះ​រាលដាល​ជា​លើក​ដំបូង ប៉ុន្តែ​ក្រុម​អាជ្ញាធរ​ពុំបាន​បង្ហាញ​ថា ​តើ​មាន​អ្នកជំងឺ​ប៉ុន្មាន​នាក់​ដែល​បាន​ធ្វើ​តេស្ត​វិជ្ជមាន​វីរុស​កូ​រ៉ូ​ណា។ កាលពី​ថ្ងៃ​សុក្រ​សប្ដាហ៍​មុន ក្រុម​អាជ្ញាធរ​បាន​រាយការណ៍​ករណី​ជំងឺ​គ្រុនក្ដៅ​ជាង ២៣,១០០​នាក់​រយៈពេល​ ៣​ថ្ងៃ​ជាប់​គ្នា​ដែល​បាន​រាយការណ៍​ការ​ឆ្លង​នៅ​តែ​មាន​ចំនួន​ក្រោម ៣០,០០០​នាក់​។​ ​របប​ឯកា​ដែល​ត្រូវ​បាន​ដឹកនាំ​ដោយ​មេដឹកនាំ​ជំនាន់ទី​៣ ​លោក Kim Jong Un មិន​ព្រម​ទទួលយក​ជំនួយ​ពី​ប្រទេស​ខាងក្រៅ​ទេ​រួម​ទាំង​វ៉ាក់សាំង ទោះបីជា​វិបត្តិ​កង្វះ​អាហារូបត្ថម្ភ​កាន់តែ​ធ្ងន់ធ្ងរ និង​ប្រព័ន្ធ​ថែទាំ​សុខភាព​ទន់ខ្សោយ​ក៏ដោយ​។​​អង្គការ​សុខភាព​ពិភពលោក​បាន​សម្តែង​ការ​មន្ទិល​សង្ស័យ ​ចំពោះ​ការ​អះអាង​របស់​ប្រទេស​កូរ៉េខាងជើង​ដែល​ថា ​ការ​ផ្ទុះ​ឡើង​នៃ​ជំងឺ​នេះ​កំពុង​ថយ​ចុះដោយ​ព្រមាន​ថា ​ករណី​ឆ្លង​ត្រូវ​បាន​រាយ​ការណ៍​តិចតួច ហើយ​ស្ថានភាព​អាច​នឹង​កាន់​តែ​យ៉ាប់យ៉ឺន​។​ ប្រទេស​នេះ​បាន​រាយការណ៍​ថា ​មាន​អ្នក​ស្លាប់​ត្រឹមតែ ៧៣​នាក់​ប៉ុណ្ណោះ​មក​ទល់​ពេល​នេះ​ គឺ​ទាប​ជាង​អ្វី​ដែល​ត្រូវ​បាន​រំពឹង​ទុក​សម្រាប់​ការ​ផ្ទុះ​ពាក់ព័ន្ធ​នឹង​ការ​ឆ្លង​រាប់​លាន​នាក់​៕អត្ថបទ៖ សុខមាន

ប្រសាសន៍សំខាន់ៗរបស់សម្ដេចតេជោ ហ៊ុន​ សែន​ ក្នុងពិធីខួប ៤៥ឆ្នាំ​ នៃដំណើរតស៊ូរំដោះជាតិ នៅព្រំដែនកម្ពុជា-វៀតណាម

2022/06/20 06:29:57 pm        882
Facebook Telegram Linkin
ត្បូងឃ្មុំ៖ នៅព្រឹកថ្ងៃទី២០ ខែមិថុនា ឆ្នាំ២០២២នេះ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា និងឯកឧត្តម Pham Minh Chinh នាយករដ្ឋមន្ត្រី​វៀតណាម បានអញ្ជើញប្រារព្ធខួប៤៥ឆ្នាំ នៃដំណើរតស៊ូរំដោះជាតិ នៅ​ព្រំដែន​កម្ពុជា-វៀតណាម ក្នុងខេត្តត្បូងឃ្មុំ។ខាងក្រោមនេះជាប្រសាសន៍សំខាន់ៗរបស់សម្ដេចតេជោ ហ៊ុន​ សែន​៖- សម្តេចតេជោ ហ៊ុន សែន បានបញ្ជាក់ឡើងវិញពីប្រវត្តិ នៃដំណើរតស៊ូរបស់សម្តេច និងយុទ្ធមិត្ត កាលពីរយៈពេល ៤៥ឆ្នាំមុន នៃដំណើរតស៊ូរំដោះជាតិ នៅព្រំដែនកម្ពុជា-វៀតណាម ក្នុងខេត្តត្បូងឃ្មុំ។- សម្តេចតេជោ ហ៊ុន សែន បានបញ្ជាក់ថា ដំណើរ៤៥ឆ្នាំមុន គឺលទ្ធផលនៅថ្ងៃនេះ ដែលជាការតស៊ូរំដោះជាតិ នាំឱ្យកម្ពុជាមានសុខសន្តិភាព និងការអភិវឌ្ឍដូចពេលបច្ចុប្បន្ននេះ ខណៈដែលកម្ពុជាបានបន្តនូវសុខសន្តិភាព និងការរីកចម្រើនជាលំដាប់។- សម្តេចតេជោ ហ៊ុន សែន បានបញ្ជាក់ថា ប្រវត្តិសាស្ត្រ នៃកម្ពុជា គឺភស្តុងតាង​បញ្ជាក់ពីដំណើរតស៊ូ ប្តូរផ្តាច់ ដើម្បីជាតិ មាតុភូមិ ទឹកដី និងប្រជាជនកម្ពុជា។ ប្រវត្តិសាស្ត្រនេះ សម្តេចមិនចង់លើកឡើងឡើយ ព្រោះវាជារឿងឈឺចាប់បំផុត ដែលមនុស្សអាចទ្រាំបាន តែបើមិនលើកក៏មិនកើតដែរ ដើម្បីឱ្យប្រជាពលរដ្ឋកាន់ជ្រួតជ្រាប។- សម្តេចតេជោ ហ៊ុន សែន បានបញ្ជាក់ថា កាលពីរយៈពេល ៤៥ឆ្នាំមុន នៃដំណើរតស៊ូរំដោះជាតិ មានជំរើសមួយចំនួន ដែលសម្តេចត្រូវសម្រេចជ្រើសរើស តែអ្វីដែលសម្តេចបានជ្រើសរើសនាពេលនោះ គឺត្រូវឆ្លងដែនចូលទៅកាន់ប្រទេសវៀតណាម​ដោយខុសច្បាប់ ដើម្បីសុំអន្តរាគមន៍ជំនួយគាំទ្រផ្នែកប្រដាប់អាវុធ ដើម្បីរំដោះប្រជាជនកម្ពុជា​ពីរបបអាវខ្មៅ ឃោរឃៅ យង់ឃ្នង។- សម្តេចតេជោ ហ៊ុន សែន បានបញ្ជាក់ថា កាលពីអំឡុង ៤៥ឆ្នាំមុននោះ គឺជាការសម្រេចចិត្តស្លាប់-រស់ ដែលយើងមិនមានជម្រើសល្អជាងនោះឡើយ។ សម្តេចតេជោ ហ៊ុ ន សែន បញ្ជាក់ថា «អ្វីៗត្រូវចាប់ផ្តើមនៅទីនេះ គឺតំបន់កោះថ្ម-X-16»។- សម្តេចតេជោ ហ៊ុន សែន បានបញ្ជាក់ថា ពេលដែលសម្តេចចូលអុជធូបនៅតំបន់កោះថ្ម-X16 សម្តេចបានស្រក់ទឹកភ្នែក ស្រណោះអាល័យ ពន់ពេក ដែលក្នុងនាមយុវជនម្នាក់ បែរជាត្រូវទទួល​អំរែកដ៏ធ្ងន់ ដែលជាអំរែក ត្រូវតស៊ូដើម្បីជាតិ មាតុភូមិ និងប្រជាពលរដ្ឋកម្ពុជា ដែលកំពុងរង​ការកាប់សម្លាប់ដ៏ព្រៃផ្សៃបំផុត។- សម្តេចតេជោ ហ៊ុន សែន បានបញ្ជាក់ថា ខ្សែភាគយន្តខ្នាតធំរៀបរាប់ពីដំណើរចេញ​តស៊ូរំដោះជាតិកម្ពុជារបស់សម្តេចតេជោ ហ៊ុន សែន នាយករដ្ឋមន្ត្រី កាលពី៤៥ឆ្នាំមុន កំពុងដំណើរការថត និងផលិត ហើយនឹងត្រូវចាក់បញ្ចាំងនៅអំឡុងឆ្នាំ២០២៣ខាងមុខនេះ។- សម្តេចតេជោ ហ៊ុន សែន បានបញ្ជាក់ថា វៀតណាមជួយកម្ពុជា ហើយកម្ពុជា ក៏បានជួយវៀតណាមដូចគ្នាផងដែរ នៃដំណាក់កាលដ៏លំបាក រវាងប្រទេសទាំងពីរ ដែលបានញាំញីដោយសង្គ្រាមនៅវៀតណាម(វៀតណាមខាងជើង និងខាងត្បូង) និងអំពើប្រល័យពូជសាសន៍(នៅកម្ពុជា នៃរបបកម្ពុជាប្រជាធិបតេយ្យ)។- សម្តេចតេជោ ហ៊ុន សែន បានបញ្ជាក់ដោយសង្កត់ធ្ងន់ថា សម្តេចគឺជាអ្នកបង្កើតទ័ព និងដឹកនាំកងទ័ព ដើម្បីវាយផ្តួលរំលំរបបប្រល័យពូជសាសន៍ប៉ុលពត និងប្រឹងប្រែងទប់ទល់​មិនឱ្យ​របបដ៏ខ្មៅងងឹតនោះ កើតឡើងវិញលើទឹកដីដ៏កំសត់របស់យើងជាថ្មីម្តងទៀតឡើយ។- សម្តេចតេជោ ហ៊ុន សែន បានបញ្ជាក់ដោយចោទជាសំនួរថា តើការអន្តរាគមន៍របស់កងទ័ព​វៀតណាម​ចូលមកជួយរំដោះប្រជាជនកម្ពុជាត្រូវ ឬខុស? ចម្លើយ គឺតាមរយៈតុលាការកូនកាត់ កម្ពុជា-អង្គការសហប្រជាជាតិ ដែលកាត់ទោសមេដឹកនាំខ្មែរក្រហម ហើយតុលាការ​នោះមានឈ្មោះជាផ្លូវការថា អង្គជំនុំជម្រះវិសាម័ញ្ញក្នុងតុលាការកម្ពុជា ។- សម្តេចតេជោ ហ៊ុន សែន បានបញ្ជាក់ថា កងទ័ពរំដោះប្រជាជនវៀតណាម ដែលបានចូលមក​អន្តរាគមន៍ជួយវាយរំដោះប្រជាជនកម្ពុជាពីរបបប្រល័យពូជសាសន៍ប៉ុលពត បានដកចេញទៅវិញ នៅថ្ងៃទី៣០ ខែកញ្ញា ឆ្នាំ១៩៨៩ គឺមុនរយៈពេល២ឆ្នាំ នៃកិច្ចព្រមព្រៀងសន្តិភាពទី​ក្រុងបាវីស​ទៅទៀត ខណៈដែលក្រុមជំនាញការវៀតណាម បានដកចេញនៅថ្ងៃទី២ ខែមិថុនា ឆ្នាំ១៩៨៨ (មុន១ឆ្នាំ ដែលកងទ័ពវៀតណាមដកចេញ)។- សម្តេចតេជោ ហ៊ុន សែន បានបញ្ជាក់ថា សន្តិភាព បានកើតឡើងរយៈពេលជាង ៤៣ឆ្នាំមកហើយ ក្រោមការដឹកនាំរបស់គណបក្សប្រជាជនកម្ពុជា។ រយៈពេល ៤៣ឆ្នាំមកនេះ កម្ពុជាបានធ្វើកិច្ចការជាច្រើនជាមួយវៀតណាម ក្នុងនោះសម្រេចការបោះបង្គោលព្រំដែន ៨៤ភាគរយ ខណៈដែលចំណុចសេសសល់ ១៦ភាគរយទៀត កំពុងដំណើរការជាបន្តបន្ទាប់ ដោយឈរលើទស្សនវិស័យព្រំដែនសន្តិភាព មិត្តភាព និងកិច្ចសហប្រតិបត្តិការ​ជាមួយប្រទេសជិតខាង។- សម្តេចតេជោ ហ៊ុន សែន បានប្រកាសបញ្ជាក់ថា «កម្ពុជាមិនអាចឱ្យបាត់បង់ទឹកដីចូលទៅកាន់​ប្រទេសវៀតណាម ហើយវៀតណាម ក៏មិនចង់បានទឹកដីកម្ពុជាដូចគ្នាផងដែរ»។ សម្តេចបញ្ជាក់ថា កម្ពុជារក្សាឱ្យបានទឹកដី ដែលបន្សល់ទុកដោយអាណានិគមន៍និយមបារាំង។- សម្តេចតេជោ ហ៊ុន សែន បានប្រកាសថា មិនមែនតែបូរណភាពទឹកដីកម្ពុជា ជាមួយ​ប្រទេសវៀតណាម​នោះទេ ជាមួយប្រទេសក្បែរខាងផ្សេងទៀត ក៏មិនឱ្យមាន​ការបាត់បង់​ទឹកដីដូចគ្នា សូមប្រជាពលរដ្ឋស្ងប់ចិត្ត និងទុកចិត្តលើការដឹកនាំរបស់សម្តេច និងគណបក្សប្រជាជនកម្ពុជា។- សម្តេចតេជោ ហ៊ុន សែន បានប្រកាសថា នាពេលអនាគតតំបន់កោះថ្ម X-16 នឹងក្លាយ​តំបន់អភិវឌ្ឍន៍ ខណៈដែលច្រកទ្វារអន្តរជាតិព្រំដែនរវាងកម្ពុជា-វៀតណាម នៅតំបន់នោះ នឹងត្រូវបង្កើតឡើង ហើយការដោះដូរទំនិញ និងផលប្រយោជន៍​រវាងប្រទេសទាំង​ពីរក៏មានភាពមមារញឹកផងដែរ។- សម្តេចតេជោ ហ៊ុន សែន ជំរុញដល់ឯកឧត្តម ឧបនាយករដ្ឋមន្ត្រី ជា សុផារ៉ា រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់, នាយឧត្តមសេនីយ៍ សៅ សុខា និងអាជ្ញាធរមូលដ្ឋាន ត្រូវរក្សាទុកដីបម្រុងទុករបស់រដ្ឋនៅតំបន់កោះថ្ម X-16 ជាង១.០០០ហិកតា(មួយពាន់ហិកតា)ឱ្យបាន ដើម្បីទុកវិនិយោគមន៍តាមតម្រូវការ នៃការរីកចម្រើននៅតំបន់នោះ។- សម្តេចតេជោ ហ៊ុន សែន បានបញ្ជាក់ថា បាយមួយពេលរបស់ប្រជាជនវៀតណាម ដែលផ្តល់​ជូនសម្តេច និងយុទ្ធមិត្តកាលពី៤៥ឆ្នាំមុន គឺជាអាហារ ដ៏មានគុណតម្លៃមិន​អាចប្រៀបធៀប​បានឡើយ។ សម្តេចតេជោ ហ៊ុន សែន បញ្ជាក់ថា «ព្រោះតែអាហារមួយពេលនោះ នាំឱ្យកម្ពុជា​សល់ស្រូវ-អង្ករ​រាប់លានតោននាពេលនេះ»។បងរឹម, [6/20/2022 11:23 AM]- សម្តេចតេជោ ហ៊ុន សែន បានប្រកាសថា កម្ពុជាមិនត្រូវឱ្យមានឱនភាពសេដ្ឋកិច្ចដោយសារវិបត្តិ នៃជំងឺកូវីដ-១៩នោះឡើយ ខណៈដែលកម្ពុជានៅមានការវាយតម្លៃកម្រិតខ្ពស់ នៃកំណើនសេដ្ឋកិច្ចប្រចាំឆ្នាំដោយអង្គភាពសេដ្ឋកិច្ចធំៗ ដើម្បីសម្រេចគោលដៅចក្ខុវិស័យកម្ពុជា ២០៣០ ជាប្រទេសមានចំណូលមធ្យមកម្រិតខ្ពស់ និងជាប្រទេសមានមានចំណូលខ្ពស់ នៅឆ្នាំ២០៥០។- សម្តេចតេជោ ហ៊ុន សែន ប្រកាសអំពាវនាវដល់ប្រជាពលរដ្ឋ​ឱ្យបន្តប្រុងប្រយ័ត្ន​ពីការឆ្លង​រីករាលដាលជំងឺកូវីដ-១៩ និងនាំគ្នាទៅទទួលយកវ៉ាក់សាំងបង្ការជំងឺកូវីដ-១៩ ទាំងដូសមូលដ្ឋាន និងដូសជំរុញ។- សម្តេចតេជោ ហ៊ុន សែន បានបញ្ជាក់ថា ដំណើរការវ៉ាក់សាំងកូវីដ-១៩ នៅតែបន្តចាក់​ជូន​ប្រជាពលរដ្ឋ​ដោយមិនគិតថ្លៃ ទោះជាតម្រូវការចាក់វ៉ាក់សាំងបង្ការជំងឺកូវីដ-១៩ ទាំងនោះ​អូសបន្លាយ​ដល់ដូសទី២០ក៏ដោយ។សង្កថាសម្តេចតេជោ ហ៊ុន សែន នាយករដ្ឋមន្ត្រី ចប់នៅវេលាម៉ោង១១ និង២២នាទី

កូនស្រី​អតីត​ប្រធានាធិបតី​ហ្វីលីពីន​លោកស្រី Sara Duterte ស្បថចូល​កាន់​តំណែង​ជា​អនុ​ប្រធានាធិបតី

2022/06/20 06:17:22 pm        617
Facebook Telegram Linkin
​ហ្វីលីពីន៖ លោកស្រី Sara Duterte ដែល​ជា​កូនស្រី​ច្បង​របស់​ប្រធានាធិបតី​ហ្វីលីពីន​ជិត​ផុត​អាណត្តិលោក Rodrigo Duterte ត្រូវ​បាន​ស្បថ​ចូលកាន់​តំណែង​ជា​អនុ​ប្រធានាធិបតី​ទី​១៥ ​របស់​ប្រទេស​នេះក្នុង​ទីក្រុង Davao កាលពី​ថ្ងៃអាទិត្យ ​ដោយ​អំពាវនាវ​ឲ្យ​មានការ​បង្រួបបង្រួម​ជាតិ ​ក្រោយ​យុទ្ធនា​ការ​បោះឆ្នោត​ដ៏​ចម្រូងចម្រាស​។ ​ស្ត្រី​វ័យ ​៤៤​ឆ្នាំ​រូប​នេះ​បាន​ទទួល​តំណែង​ បន្ទាប់ពីឪពុករបស់​លោកស្រីក្នុងនាម​ជា​អភិបាលក្រុង Davao កាលពី​ជាង​មួយ​ទសវត្សរ៍​មុន មុន​ពេល​ព្យាយាម​បោះជំហាន​ទៅ​រក​អាជីព​នៅ​ក្នុង​នយោបាយ​ថ្នាក់​ជាតិ​។ ​ការ​ចូល​កាន់​តំណែង​អាណត្តិ​រយៈពេល ​៦​ឆ្នាំ​របស់​លោកស្រី ស្រប​ជាមួយគ្នា​នឹង​លោក Marcos Junior ដែល​នឹង​ចាប់ផ្ដើម​ជា​ផ្លូវការ​នៅ​ថ្ងៃ​ទី​៣០ ​ខែ​មិថុនា​។ សូម​បញ្ជាក់​ថា លោក​ប្រធានាធិបតី​ជាប់​ឆ្នោត Ferdinand Marcos Jr ដែល​ជា​អ្នក​ស្នង​តំណែង​ពី​លោក Duterte នឹង​ស្បថ​ចូលកាន់​តំណែង​នៅ​ថ្ងៃ​ទី​៣០ ​ខែ​មិថុនា​នៅ​ក្នុង​ទីក្រុង​ម៉ានីល​៕អត្ថបទ៖ សុខមាន

បណ្ដាញសង្គម

ព័ត៌មានថ្មីៗ

ស្នងការរាជធានី បន្តផ្តល់ម៉ូតូ០៥គ្រឿង ស្បៀងអាហារ និងសម្ភារមួយចំនួន ជួយគាំទ្រដល់ជួរមុខ ទិសភូមិភាគ៥ជាប់ព្រំដែន
08/10/2026 09:08 PM
Facebook Telegram Linkin
តំបន់ភាគខាងលិចអឺរ៉ុបជួបខែមិថុនា និងខែកក្កដា ក្តៅបំផុតជាប់កំណត់ត្រា
08/10/2026 08:08 PM
Facebook Telegram Linkin
រដ្ឋមន្ត្រីការបរទេសម៉ាឡេស៊ី៖ មីយ៉ាន់ម៉ា មានឆន្ទៈទទួលយកវិញ​នូវ​ជនភៀសខ្លួន ៥.០០០នាក់
08/10/2026 08:08 PM
Facebook Telegram Linkin
ប្រព័ន្ធផ្សព្វផ្សាយអ៊ីរ៉ង់៖ កិច្ចប្រជុំ ៧ម៉ោង រវាងមេដឹកនាំកំពូល និងប្រធានាធិបតី ពិភាក្សាពី​​បញ្ហាប្រឈមនានា
08/10/2026 08:08 PM
Facebook Telegram Linkin
រញ្ជួយដី នៅឆ្នេរសមុទ្រប៉ាស៊ីហ្វិក ធ្វើ​ឱ្យ​រដ្ឋធានីរបស់​កូឡុំប៊ីមាន​រំញ័រ
08/10/2026 08:08 PM
Facebook Telegram Linkin
ខ្លែងចម្រុះពណ៌បានហោះពេញមេឃ អំឡុងពិធីបុណ្យខ្លែងអន្តរជាតិនៅទីក្រុង Colombo ប្រទេសស្រីលង្កា
08/10/2026 08:08 PM
Facebook Telegram Linkin
ក្រសួងមហាផ្ទៃស្នើទៅអភិបាលខេត្តកោះកុង ចាត់វិធានការចំពោះសកម្មភាពឈូសឆាយដីព្រៃក្នុងតំបន់ការពារធម្មជាតិ
08/10/2026 08:08 PM
Facebook Telegram Linkin
ការព្រមាន​ អំពីកម្ដៅ ត្រូវបានដំឡើងទូទាំងអង់គ្លេស ខណៈសីតុណ្ហភាពនឹងឡើងដល់ ៣៦អង្សាសេ
08/10/2026 08:08 PM
Facebook Telegram Linkin
ប៉ូឡូញ និងប្រទេសបាល់ទិកការពារហេដ្ឋារចនាសម្ព័ន្ធ ដោយបារម្ភពី​វាយប្រហារក្លែង​បន្លំរបស់​​រុស្ស៊ី
08/10/2026 08:08 PM
Facebook Telegram Linkin
ក្រុមប្រឹក្សាសន្តិភាព រៀបចំមូលដ្ឋានសម្រាប់កងកម្លាំង ISF នៅហ្កាហ្សា បើទោះបីជាមានការបដិសេធន៍ពីអ៊ីស្រាអែលក៏ដោយ
08/10/2026 08:08 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.