BTV NEWS

សម្ដេចតេជោ ហ៊ុន សែន ចែករំលែកអត្ថបទអ្នកស្រាវជ្រាវថៃ ក្រោមចំណងជើងថា «មនុស្សធម៌ខ្វះការអាណិតអាសូរ»

ឯកឧត្តម ឌី វិជ្ជា និងលោកជំទាវ ហ៊ុន ម៉ាណា អញ្ជើញប្រគេនទៀនព្រះវស្សា និងនាំយកទេយ្យវត្ថុ ប្រគេនវត្តចំនួន១២វត្ត និងចែកអំណោយដល់យាយជីតាជី នៅស្រុកក្រគរ និងស្រុកភ្នំក្រវាញ ខេត្តពោធិ៍សាត់

គណៈប្រតិភូធុរកិច្ចមកពីហុងកុង ក្វាងទុង និងម៉ាកាវ បង្ហាញចំណាប់អារម្មណ៍ក្នុងការស្វែងរកឱកាសវិនិយោគលើវិស័យសក្តានុពលនៅកម្ពុជា

សម្តេចតេជោ ហ៊ុន សែន ចែករំលែកអត្ថបទវិភាគរបស់អ្នកជំនាញផ្នែកទំនាក់ទំនងអន្តរជាតិ និងសន្តិសុខរបស់ប្រទេសថៃ ដែលមានចំណងជើងថា «ស្វាដោះសំណាញ់!»

ព័ត៌មានសំខាន់ៗ

សម្តេចតេជោ ហ៊ុន សែន កំពុងមានប្រសាសន៍ក្នុងឱកាសនៃការប្រារព្ធទិវាចងចាំដំណើរឆ្ពោះទៅការផ្ដួលរំលំរបបប្រល័យពូជសាសន៍ប៉ុលពត

ភ្នំពេញ៖ នៅព្រឹកថ្ងៃទី២០មិថុនានេះ សម្តេចតេជោ ហ៊ុន សែន នាយករដ្ឋមន្ត្រីបានអញ្ជើញថ្លែងសំណេះសំណាលក្នុងឱកាស នៃការប្រារព្ធទិវាចងចាំដំណើរឆ្ពោះទៅការផ្ដួលរំលំ របបប្រល័យពូជសាសន៍ប៉ុល ពត។សម្ដេចតេជោ ហ៊ុន សែន មានប្រសាសន៍ថា រយៈពេល៤៥ឆ្នាំ បានកន្លងផុត ជាមួយនឹងកិច្ចការជាច្រើនបានវិវឌ្ឍន៍រវាងប្រទេសទាំងពីរ ដោយចំណងមិត្តភាពកាន់តែស៊ីជម្រៅ និងបានធ្វើកិច្ចការជាច្រើនដែលជាផលប្រយោជន៍កម្ពុជា-វៀតណាម។ សូមទស្សនាប្រសាសន៍ទាំងស្រុងសម្តេចតេជោ ហ៊ុន សែន ដូចតទៅ៖

មនុស្សជាង ៦០នាក់ស្លាប់ និងរាប់លាននាក់ជាប់ខ្លួន ខណៈទឹកជំនន់រដូវមូសុងបំផ្លិចបំផ្លាញនៅឥណ្ឌា និងបង់ក្លាដែស

ឥណ្ឌា៖ ក្រុមមន្ត្រីបាននិយាយកាលពីថ្ងៃអាទិត្យថា ទឹកជំនន់ និងបំណាក់ដីដ៏ធំនៅក្នុងរដ្ឋ Assam ភាគឦសានរបស់ឥណ្ឌាបានឆក់យកជីវិតមនុស្ស ៨នាក់បន្ថែមទៀត ដែលនាំឲ្យអ្នកស្លាប់សរុបកើនឡើងដល់ ៦២នាក់ដោយសារភ្លៀងធ្លាក់ខ្លាំងជាច្រើនសប្ដាហ៍មកនេះ ដែលបានបង្កឲ្យទឹកទន្លេមួយក្នុងចំណោមទន្លេធំបំផុតជាច្រើន របស់អាស៊ីហក់ឡើងខ្ពស់ប្រៀបច្រាំង។ ទីភ្នាក់ងារគ្រប់គ្រងគ្រោះមហន្តរាយរដ្ឋ Assam បាននិយាយថា ស្រុកចំនួន ៣២ ក្នុងចំណោមស្រុកទាំង ៣៥ របស់រដ្ឋនេះត្រូវបានលិចលង់ ខណៈទឹកទន្លេ Brahmaputra ហក់ឡើងខ្លាំងពេញប្រៀបច្រាំងបង្ខំឲ្យប្រជាពលរដ្ឋជាង ៣លាននាក់ជម្លៀសចេញពីលំនៅឋាន។ កាលពីថ្ងៃអាទិត្យ មនុស្ស ៤នាក់បាត់ខ្លួននៅពេលទូកមួយគ្រឿងកំពុងដឹកមនុស្ស ៩នាក់បានក្រឡាប់លិចនៅក្នុងភាគខាងកើតស្រុក Dibrugarh របស់រដ្ឋ Assam ដែលស្ថិតនៅចម្ងាយ ៥០០គីឡូម៉ែត្រភាគខាងកើតទីក្រុង Gauhati របស់រដ្ឋនេះ។នគរបាលបាននិយាយថា ប្រតិបត្តិការស្វែងរកនៅកំពុងបន្ត ប៉ុន្តែត្រូវបានរំខានដោយសាររលកខ្លាំង។ ភ្លៀងរដូវមូសុងប្រចាំឆ្នាំតែងប៉ះពាល់ដល់តំបន់នេះក្នុងចន្លោះខែមិនាដល់ខែកញ្ញា។ ទឹកភ្លៀងមានសារៈសំខាន់ណាស់សម្រាប់ដំណាំទូទៅអំឡុងរដូវដាំដុះ តែជារឿយៗបណ្ដាលឲ្យមានការបំផ្លិចបំផ្លាញធ្ងន់ធ្ងរ៕ អត្ថបទ៖ សុខមាន

សម្តេចតេជោ ៖ បាយមួយពេលដែលប្រជាជនវៀតណាមផ្តល់ជូនសម្តេចកាលពី ៤៥ឆ្នាំមុន ប្រៀបបានដូចជាអង្កររាប់លានតោននាពេលសព្វថ្ងៃនេះ

ត្បូងឃ្មុំ៖ សម្តេចតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា បានថ្លែងថា បាយមួយពេលដែលប្រជាជនវៀតណាមបានផ្តល់ជូនសម្តេច និងសមមិត្តដ៏ស្មោះស្ម័គ្រចំនួន ៤រូបផ្សេងទៀតកាលពី ៤៥ឆ្នាំមុន ប្រៀបបានដូចជាអង្កររាប់លានតោននាពេលសព្វថ្ងៃនេះ ខណៈបាយមួយពេលនោះពិតជាមានគុណបំណាច់ដ៏ធំធេងដល់សម្តេចក៏ដូចជាប្រជាជនកម្ពុជាទាំងមូលផងដែរ។ថ្លែងនៅក្នុងកិច្ចជំនួបជាមួយ ឯកឧត្តម Pham Minh Chinh នាយករដ្ឋមន្ត្រីវៀតណាម នៅព្រឹកថ្ងៃទី២០ ខែមិថុនា ឆ្នាំ២០២២នេះ មុននឹងចាប់ផ្តើមប្រារព្ធខួប៤៥ឆ្នាំ នៃដំណើរតស៊ូរំដោះជាតិ នៅព្រំដែនកម្ពុជា-វៀតណាម ក្នុងខេត្តត្បូងឃ្មុំសម្តេចតេជោ ហ៊ុន សែន បានបញ្ជាក់ថាក្នុងដំណើរឆ្ពោះទៅកាន់ការផ្តួល រំលំរបបប្រល័យពូជសាសន៍របស់សម្តេច និងយុទ្ធមិត្តចំនួនបួនរូបទៀត នាពេលនោះគឺពិតជាមានការប្រថុយប្រថាន និងសង្ឃឹមមានជីវិតតិចតួចណាស់ ខណៈដំណើរដ៏គ្រោះថ្នាក់នោះ គឺមានគោលបំណងចង់បានកម្លាំងរបស់ប្រទេសវៀតណាម មកសង្រ្គោះកម្ពុជាឲ្យរួចផុតពីកណ្តាប់ដៃពិឃាតដ៏ឃោឃៅរបស់ ប៉ុល ពតនោះ។សម្តេចតេជោ ហ៊ុន សែន នាយករដ្ឋមន្រ្តីក៏បានបញ្ជាក់បន្ថែមទៀតថា បច្ចុប្បន្នទីតាំងកោះថ្ម «X16» ឃុំទន្លូង ស្រុកមេមត់ ខេត្តត្បូងឃ្មុំនេះ គឺជាកន្លែងប្រវត្តិសាស្រ្តដ៏ជួរចត់បំផុត ហើយតំបន់នេះបានសាងសង់នូវសំណង់មួយចំនួនរួចរាល់ហើយដូចជា សាលាដំណាក់, វេទិកាប្រារព្ធពិធី, ស្រះទឹក, បន្ទប់អនាម័យ, ទីលានបាល់ទាត់, ប្រព័ន្ធរំដោះទឹក ចាក់ដីបំពេញ, បំពាក់អំពូលអគ្គិសនីបំភ្លឺជាដើម ខណៈនាពេលខាងមុខតំបន់នេះនឹងបើកច្រកអន្តរជាតិធំ រួមទាំងបង្កើតឲ្យមានតំបន់សេដ្ឋកិច្ចពិសេសផងដែរ ដើម្បីបង្កើនការងារជូនប្រជាពលរដ្ឋឲ្យបានកាន់តែច្រើននោះ៕ អត្ថបទ៖ បាន ចក់

ការប្រយុទ្ធគ្នានៅក្នុងប្រទេសអ៊ុយក្រែននៅតែបន្ត ខណៈសម្ព័ន្ធយោធាណាតូព្រមានថា សង្គ្រាមនេះនឹងអូសបន្លាយ

អ៊ុយក្រែន៖ រុស្ស៊ីបាននិយាយកាលពីថ្ងៃអាទិត្យថា ខ្លួនដណ្ដើមបានភូមិមួយជិតទីក្រុងឧស្សាហកម្ម Sievierodonetsk របស់អ៊ុយក្រែន ជាគោលដៅសំខាន់ក្នុងយុទ្ធនាការរបស់ក្រុង Moscow ដើម្បីគ្រប់គ្រងភាគខាងកើតរបស់ប្រទេសនេះ ខណៈប្រមុខអង្គការណាតូបានព្រមានថា សង្គ្រាមនេះអាចអូសបន្លាយរយៈពេលជាច្រើនឆ្នាំទៀត។ ក្រសួងការពារជាតិរុស្ស៊ីបាននិយាយថា ខ្លួនបានវាយយកភូមិ Metyolkine ដែលជាទីជម្រកសម្រាប់ប្រជាពលរដ្ឋជិត ៨០០នាក់មុនសង្គ្រាមចាប់ផ្ដើម។ សារព័ត៌មានរដ្ឋ TASS របស់រុស្ស៊ីបានរាយការណ៍ថា ក្រុមអ្នកប្រយុទ្ធអ៊ុយក្រែនជាច្រើនបានទម្លាក់អាវុធចុះចាញ់នៅទីនោះ។ យោធាអ៊ុយក្រែននិយាយថា រុស្ស៊ីបានទទួលជោគជ័យដោយផ្នែកនៅក្នុងតំបន់នេះដែលស្ថិតនៅចម្ងាយប្រមាណ ៦គីឡូម៉ែត្រភាគអាគ្នេយ៍នៃទីក្រុង Sievierdonetsk។ សារព័ត៌មាន Bild am Sonntag របស់អាល្លឺម៉ង់បានរាយការណ៍ថា ប្រមុខអង្គការណាតូលោក Jens Stoltenberg បាននិយាយថា ការផ្គត់ផ្គង់អាវុធទំនើបទៅឲ្យទាហានអ៊ុយក្រែន នឹងបង្កើនឱកាសរំដោះតំបន់ភាគខាងកើត Donbas ពីការគ្រប់គ្រងរបស់រុស្ស៊ី។ រុស្ស៊ីនិយាយថា ការវាយប្រហារនៅភាគខាងកើតកំពុងដំណើរការដោយរលូន ដោយមានការវាយប្រហារដោយមីស៊ីលទៅលើកងកម្លាំងអ៊ុយក្រែន៕ អត្ថបទ៖ សុខមាន

សម្តេចតេជោ ហ៊ុន សែន អញ្ជើញប្រារព្ធខួប៤៥ឆ្នាំ នៃដំណើរតស៊ូរំដោះជាតិ នៅព្រំដែនកម្ពុជា-វៀតណាម

ត្បូងឃ្មុំ៖ សម្តេចតេជោ ហ៊ុន សែន នាយករដ្ឋមន្ត្រី និង ឯកឧត្តម Pham Minh Chinh នាយករដ្ឋមន្ត្រីវៀតណាម នោព្រឹកថ្ងៃទី២០ ខែមិថុនា ឆ្នាំ២០២២នេះ បានអញ្ជើញប្រារព្ធខួប៤៥ឆ្នាំ នៃដំណើរតស៊ូរំដោះជាតិ នៅព្រំដែនកម្ពុជា-វៀតណាម ក្នុងខេត្តត្បូងឃ្មុំ។គួររំលឹកថា នៅថ្ងៃទី២០ ខែមិថុនា ឆ្នាំ២០២២ នេះគឺជាខួបគម្រប់ ៤៥ឆ្នាំ នៃដំណើរតស៊ូឆ្ពោះទៅរកការរំដោះជាតិរបស់សម្តេចតេជោ ហ៊ុន សែន និងយុទ្ធមិត្ត ដើម្បីរំដោះជាតិ និងប្រជាជនកម្ពុជាចេញពីការកាប់សម្លាប់របស់ខ្មែរក្រហម។ ថ្ងៃទី២០ ខែមិថុនា ឆ្នាំ១៩៧៧ ជាពេលដែលសមមិត្ត ហ៊ុន សែន ក្នុងវ័យ ២៥ឆ្នាំ រួមនឹងយុទ្ធមិត្តដ៏ស្ម័គ្រស្មោះ ៤រូបផ្សេងទៀត បានសម្រេចចិត្តក្នុងស្ថានភាពដ៏តាន់តឹងបំផុតលាចាកទឹកដី លាចាកឧត្តមភរិយា និងកូនក្នុងផ្ទៃជាទីស្រឡាញ់ធ្វើដំណើរជ្រែកស្បៃរាត្រីឆ្លងកាត់ព្រំដែនទាំងគ្រោះថ្នាក់បំផុត ឆ្ពោះទៅកាន់ប្រទេសវៀតណាម ដើម្បីស្វែងរកគាំទ្រក្នុងការរំដោះជាតិ និងប្រជាជនកម្ពុជា ចេញពីក្រញាំបិសាចដ៏សែនឃោរឃៅ ប៉ុលពត។ផ្តេីមចេញពីដំណើរតស៊ូជាមួយទឹកចិត្តដ៏មុះមុតនោះហើយ ទើបនាំឱ្យមានការរំដោះប្រទេសជាតិ និងប្រជាជនកម្ពុជា ចេញពីរបបវាលពីឃាត ប៉ុល ពត នៅថ្ងៃទី០៧ ខែមករា ឆ្នាំ១៩៧៩ ហើយឈានឆ្ពោះទៅរកការបិទបញ្ចប់ភ្លើងសង្គ្រាម បិទបញ្ចប់ការបែកបាក់ជាតិ នាំមកនូវការបង្រួបបង្រួមជាតិ ឯកភាពជាតិ និងការកសាងអភិវឌ្ឍប្រទេសឱ្យរីកចម្រើនដូចពេលបច្ចុប្បន្ន។ដើម្បីរំលឹកដល់ស្លាកស្នាមប្រវត្តិសាស្ត្រដ៏មានគុណតម្លៃសម្រាប់ជាតិ និងប្រជាជន និងដើម្បីគាសរំលើងឱ្យឃើញនូវវីរភាពរបស់កុលបុត្រខ្មែរក្នុងការតស៊ូដើម្បីជាតិ និងប្រជាជនសម្រាប់កុលបុត្រខ្មែរជំនាន់ក្រោយនោះ នៅឆ្នាំ២០១៧ ដែលជាខួប ៤០ឆ្នាំនៃការចេញតស៊ូនេះ សម្តេចតេជោ ហ៊ុន សែន រួមនឹងយុទ្ធមិត្តដែលនៅមានជីវិត បានធ្វើដំណើររួមគ្នាទៅកាន់គ្រប់ចំណុចក្នុងដំណាក់កាលតស៊ូនោះ។ ចាប់តាំងពីឆ្នាំ២០១៧នោះមក ក្រសួងការពារជាតិ ក៏បានទទួលភារកិច្ចរៀបចំប្រារព្ធពិធីមួយនេះជារៀងរាល់ឆ្នាំ។ បន្ថែមពីលើនោះ ក៏មានការរៀបចំសាងសង់នូវសំណង់នានា នៅលើតំបន់ប្រវត្តិសាស្ត្រមួយនេះផងដែរ ដើម្បីតម្កល់ទុកជាមរតកដល់មនុស្សជំនាន់ក្រោយ។បច្ចុប្បន្ននេះ នៅតំបន់ស្លាកស្នាមប្រវត្តិសាស្ត្រមួយនេះ ក៏មានការសាងសង់នូវសំណង់មួយចំនួនរួចរាល់ហើយដូចជា សាលាដំណាក់, វេទិកាប្រារព្ធពិធី, ស្រះទឹក, បន្ទប់អនាម័យ, ទីលានបាល់ទាត់, ប្រព័ន្ធរំដោះទឹក ចាក់ដីបំពេញ, បំពាក់អំពូលអគ្គិសនីបំភ្លឺជាដើម ហើយលទ្ធផលទាំងអស់នេះត្រូវសម្ពោធដាក់ឲ្យប្រើប្រាស់ជាផ្លូវការនាថ្ងៃនេះផងដែរ៕

សមិទ្ធផលសំខាន់ៗក្នុង «តំបន់ប្រវត្តិសាស្ត្រយោធាតេជោ កោះថ្ម X16 »

ត្បូងឃ្មុំ ៖ «តំបន់ប្រវត្តិសាស្ត្រយោធាតេជោ កោះថ្ម X16 » គឺជាចំណុចចាប់ផ្ដើមនៃដំណើរឆ្ពោះទៅរកការផ្ដួលរំលំរបបប្រល័យពូជសាសន៍ ប៉ុល ពត ២០ មិថុនា ១៩៧៧។ «តំបន់ប្រវត្តិសាស្ត្រយោធាតេជោ កោះថ្ម X16 » មានទីតាំងស្ថិតនៅក្នុង ភូមិកោះថ្ម ឃុំទន្លូង ស្រុកមេមត់ ខេត្តត្បូងឃ្មុំ ដែលស្ថិតនៅជាប់នឹងព្រំប្រទល់ប្រទេសកម្ពុជា-វៀតណាម។ នៅលើទីតាំងប្រវត្តិសាស្រ្តនេះ រាជរដ្ឋាភិបាលកម្ពុជា បានកសាងសមិទ្ធផលមួយចំនួន ដើម្បីចារឹកជាប្រវត្តិសាស្រ្តនូវវីរៈភាពរបស់ថ្នាក់ដឹកនាំកម្ពុជា គឺសម្ដេចតេជោ ហ៊ុន សែន ដែលសម្ដេចបានយកជីវិតធ្វើជាដើមទុនក្នុងការរំដោះប្រទេសពីរបបប្រល័យពូជសាសន៍ ប៉ុល ពត នាំយកសន្តិភាពជូនប្រជាជាតិខ្មែរទាំងមូល។ សមិទ្ធផលសំខាន់ៗជាច្រើននៅក្នុង «តំបន់ប្រវត្តិសាស្ត្រយោធាតេជោ កោះថ្ម X16 » នេះ នឹងត្រូវសម្ពោធជាផ្លូវការនាថ្ងៃទី២០ ខែមិថុនា ឆ្នាំ២០២២ ខាងមុខ ក្រោមអធិបតីភាពសម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា។ សូមទស្សនាកម្រងរូបភាពសមិទ្ធផលសំខាន់ៗនានា នៅក្នុង«តំបន់ប្រវត្តិសាស្ត្រយោធាតេជោ កោះថ្ម X16 » ដែលភ្ជាប់មកខាងក្រោមនេះ៖

សារមន្ទីរកោះថ្មសាងសង់រួចរាល់ជាស្ថាពរត្រៀមសម្ពោធជាផ្លូវការនាថ្ងៃទី២០ មិថុនា ខាងមុខនេះ

ត្បូងឃ្មុំ ៖ សារមន្ទីរកោះថ្ម ស្ថិតនៅក្នុង ភូមិកោះថ្ម ឃុំទន្លូង ស្រុកមេមត់ ខេត្តត្បូងឃ្មុំ ត្រូវបានស្ថាបនារួចរាល់ជាស្ថាពរត្រៀមសម្ពោធជាផ្លូវការនាថ្ងៃទី ២០ ខែមិថុនា ឆ្នាំ២០២២ ខាងមុខនេះ ចំថ្ងៃប្រារព្ធខួបទី ៤៥ ទិវាចងចាំនៃដំណើរឆ្ពោះទៅផ្ដួលរំលំរបបប្រល័យពូជសាសន៍ ប៉ុល ពត ។ សារមន្ទីរកោះថ្ម គឺជាសមិទ្ធផលថ្មីមួយទៀត ដែលកសាងឡើងដើម្បីតម្កល់ឯកសារ ស្ដីពីព្រឹត្តិការណ៍ប្រវត្តិសាស្រ្ត កាលពីថ្ងៃទី ២០ មិថុនា ១៩៧៧ ដោយក្នុងនោះមានតាំងបង្ហាញនូវរូបភាពឯកសារ និងសម្ភារៈ មួយចំនួន នៃដំណើរតស៊ូដ៏គ្រោះថ្នាក់របស់សម្តេចតេជោនាយករដ្ឋមន្ត្រី ហ៊ុន សែន ដែលបានយកជីវិតធ្វើជាដើមទុន ដើម្បីឆ្ពោះទៅកាន់ប្រទេសវៀតណាម ក្នុងគោលបំណងប្រមូលកម្លាំងអ្នកស្នេហាជាតិ ដើម្បីវាយរំលំរបបប្រល័យពូជសាសន៍ ប៉ុល ពត។ សារមន្ទីរកោះថ្ម ហើយត្រូវបានបញ្ចុះបឋមសិលាសាងសង់កាលពីថ្ងៃទី ២០ មិថុនា ឆ្នាំ ២០២១ កន្លងទៅក្រោមអធិបតីភាព ឯកឧត្តមឧបនាយករដ្ឋមន្រ្តី ជា សុផារ៉ា រដ្ឋមន្រ្តីក្រសួងរៀបចំដែនដី នគរូបនីយកម្ម និងសំណង់។ ប្លង់ស្ថាបត្យកម្មនៃសារមន្ទីរកោះថ្មនេះត្រូវបានរៀបចំដោយ ឯកឧត្តមបណ្ឌិត លី រស្មី រដ្ឋលេខាធិការក្រសួងរៀបចំដែនដី នគរូបនីយកម្ម និងសំណង់៕ អត្ថបទ ៖ សុជាតា

លោក Putin នឹងទទួលយកជម្រើសប្រជាជននៅតំបន់ផ្តាច់ខ្លួន

រុស្ស៊ី៖ ប្រធានាធិបតីលោក Vladimir Putin បាននិយាយកាលពីថ្ងៃសុក្រថា រុស្ស៊ីនឹងទទួលយកជម្រើសណាមួយដែលសាធារណរដ្ឋប្រជាមានិត Donetsk និង Luhansk នៅក្នុងតំបន់ Donbas ភាគខាងកើតអ៊ុយក្រែនបង្កើតឡើងចំពោះអនាគតរបស់ពួកគេ។ លោកបានសន្យាក្នុងអំឡុងពេលកិច្ចពិភាក្សាមួយនៅក្នុងវេទិកាសេដ្ឋកិច្ចអន្តរជាតិទីក្រុង St. Petersburg ដែលជាការជួបប្រជុំការវិនិយោគរបស់ប្រទេសរុស្ស៊ី។ មានការរំពឹងទុកថា ដែនដីផ្តាច់ខ្លួនមួយនេះនឹងបោះឆ្នោតលើការចូលជាមួយប្រទេសរុស្ស៊ី ដូចគ្នាទៅនឹងនៅពេលដែលរុស្ស៊ីដាក់បញ្ចូលឧបសម្ព័ន្ធឧបទ្វីបគ្រីមៀក្នុងឆ្នាំ២០១៤។ មេដឹកនាំផ្តាច់ខ្លួនតំបន់ទាំងពីរបានបង្ហាញការចង់បានប្រជាមតិបែបនេះ។ លោក Putin បានច្រានចោលការអះអាងដែលថា រុស្ស៊ីបានគំរាមកំហែងអាវុធនុយក្លេអ៊ែរដោយបាននិយាយថា រុស្ស៊ីផ្អែកលើការប្រើប្រាស់អាវុធនេះដើម្បីការពារអធិបតេយ្យភាពរបស់ខ្លួនប៉ុណ្ណោះ។កាលពីថ្ងៃសុក្រតំបន់ Donetsk ដែលគ្រប់គ្រងដោយក្រុមឧទ្ទាមនៅភាគខាងកើតអ៊ុយក្រែន ត្រូវបានវាយប្រហារដោយការបាញ់ផ្លោងបន្ថែមទៀត។ យោងតាមប្រព័ន្ធផ្សព្វផ្សាយក្នុងតំបន់បានឱ្យដឹងថា អគារលំនៅឋាន រថយន្ត និងចំណតរថយន្តត្រូវបានបំផ្លាញ។ ក្រុមផ្តាច់ខ្លួនគាំទ្រដោយរុស្ស៊ីបានរាយការណ៍ថា មានមនុស្ស ១០នាក់បានរងរបួសក្នុងការបាញ់ផ្លោងនេះ។ កងកម្លាំងរុស្ស៊ីក្នុងរយៈពេលប៉ុន្មានសប្ដាហ៍ចុងក្រោយនេះ បានប្រឹងប្រែងយ៉ាងខ្លាំងដើម្បីដណ្ដើមយកតំបន់ Donbas ភាគខាងកើតប្រទេសអ៊ុយក្រែនដែលមានព្រំដែនជាប់ជាមួយប្រទេសរុស្ស៊ី ជាបេះដូងឧស្សាហកម្មរបស់ប្រទេសអ៊ុយក្រែន៕អត្ថបទ៖ ប៊ុនថន

ប្រធានាធិបតីអ៊ុយក្រែនសាទរចំពោះចំណាត់ការសហភាពអឺរ៉ុបលើសមាជិកភាព

អ៊ុយក្រែន៖ ប្រធានាធិបតីអ៊ុយក្រែនលោក Volodymyr Zelenskyy កាលពីថ្ងៃសុក្របានសាទរចំណាត់ការរបស់សហភាពអឺរ៉ុប ក្នុងការដាក់ប្រទេសរបស់លោកនៅលើមធ្យោបាយឈ្ពោះ ទៅរកការចូលជាសមាជិកភាពរបស់សហភាពអឺរ៉ុប។ ក្រុមប្រឹក្សាប្រតិបត្តិរបស់សហភាពអឺរ៉ុបបានថ្លែងកាលពីថ្ងៃសុក្រ ជាការជំរុញនូវសញ្ញាសម្រាប់ប្រទេសអ៊ុយក្រែន ក្នុងការទប់ទល់ទៅនឹងការវាយលុករបស់រុស្ស៊ីដែលកំពុងសម្លាប់ជនស៊ីវិល ធ្វើឱ្យទីក្រុងរងការបំផ្លាញ និងគំរាមកំហែងដល់ការរស់រានមានជីវិតរបស់ប្រជាជន។ លោក Zelenskyy បាននិយាយថា លោកបាននិយាយទៅកាន់ប្រធានគណៈកម្មការអឺរ៉ុបលោកស្រី Ursula von Der Leyen និងប្រធានក្រុមប្រឹក្សាអឺរ៉ុបលោក Charles Michel កាលពីថ្ងៃមុនដើម្បីសម្របសម្រួលជំហានបន្ទាប់។ ជាមួយគ្នានេះលោក Zelenskyy បាននិយាយអំពីដំណើរទស្សនកិច្ចដ៏គួរឱ្យភ្ញាក់ផ្អើលរបស់នាយករដ្ឋមន្ត្រីអង់គ្លេសលោក Boris Johnson កាលពីថ្ងៃសុក្រ និងបានថ្លែងអំណរគុណដល់លោកសម្រាប់ការគាំទ្រអ៊ុយក្រែន និងការយល់ពីតម្រូវការសន្តិសុខរបស់ប្រទេស។ភាពជិតស្និតរបស់សម្ព័ន្ធមិត្តអឺរ៉ុបចំពោះអ៊ុយក្រែន បានបង្ហាញពីភាពលំបាកមួយទៀតសម្រាប់ប្រធានាធិបតីរុស្ស៊ីលោក Vladimir Putin ដែលបានចាប់ផ្តើមសង្គ្រាមរបស់លោករយៈពេលជិត 4ខែមកនេះ ដោយសង្ឃឹមថានឹងទាញអតីតប្រទេសសហភាពសូវៀតដែលនៅជិតខាងមួយនេះចេញពីប្រទេសលោកខាងលិច ហើយត្រលប់មកក្នុងផ្នែកនៃឥទ្ធិពលរបស់រុស្ស៊ីវិញ៕អត្ថបទ៖ ប៊ុនថន

លោក Zelenskyy និយាយថា មានតែការរួបរួមប៉ុណ្ណោះដែលអាចបញ្ឈប់ការវាយលុករបស់រុស្ស៊ី

អ៊ុយក្រែន៖ នៅក្នុងសុន្ទរកថាទៅកាន់ប្រជាជនអ៊ុយក្រែន ប្រធានាធិបតីលោក Volodymyr Zelenskyy បានថ្លែងអំពីជំនួបសំខាន់ជាមួយមេដឹកនាំប្រទេសបារាំង អាល្លឺម៉ង់ អ៊ីតាលី និងរូម៉ានី ជាកន្លែងដែលមេដឹកនាំទាំងបួនបានបង្ហាញការគាំទ្រ ចំពោះការចូលជាសមាជិកសហភាពអឺរ៉ុបរបស់ប្រទេសអ៊ុយក្រែន។ លោកនិយាយថា មេដឹកនាំបានព្រមព្រៀងគ្នាថា សង្គ្រាមជាមួយរុស្ស៊ីត្រូវតែបញ្ចប់ដោយលក្ខខណ្ឌរបស់អ៊ុយក្រែន ហើយបានយល់ថា ហេតុអ្វីបានជាការចរចារកសន្តិភាពបច្ចុប្បន្នមិនដំណើរការ។ លោក Zelenskyy និយាយថា ការកាត់បន្ថយការផ្គត់ផ្គង់ឧស្ម័នរបស់ក្រុមហ៊ុន Gazprom ទៅកាន់អឺរ៉ុបគឺជាផ្នែកមួយនៃយុទ្ធសាស្ត្រដាក់សម្ពាធរបស់ទីក្រុងម៉ូស្គូ និងជាភស្តុតាងបន្ថែមទៀត ដែលបណ្តាប្រទេសនៅអឺរ៉ុបត្រូវតែផ្តាច់ខ្លួនពីធនធានថាមពលរបស់រុស្ស៊ី។ លោក Zelenskyy បានប្រាប់មេដឹកនាំអឺរ៉ុបថា មានតែកិច្ចខិតខំបង្រួបបង្រួមប៉ុណ្ណោះដែលអាចបង្ខំរុស្ស៊ីឱ្យបញ្ឈប់ សង្គ្រាមបាន។ លោកបានថ្លែងនៅក្នុងសន្និសីទសារព័ត៌មានរួមនៅទីក្រុង Kyiv ថា មានតែការរួបរួមគ្នាមួយប៉ុណ្ណោះដែលអាចបង្ខំប្រធានាធិបតី Vladimir Putin ឱ្យបញ្ចប់ប្រតិបត្តិការសឹក។ មនុស្សជាច្រើនក្នុងប្រទេសអ៊ុយក្រែនសង្ឃឹមថា ដំណើរទស្សនកិច្ចរបស់មេដឹកនាំទាំង៤ អាចបង្ហាញពីចំណុចរបត់មួយដោយបើកច្រកទៅរកការផ្គត់ផ្គង់អាវុធថ្មីសំខាន់ៗ។ទស្សនកិច្ចនេះធ្វើឡើងផងដែរ នៅពេលដែលមេដឹកនាំសហភាពអឺរ៉ុបរៀបចំការសម្រេចនៅសប្តាហ៍ក្រោយ លើសំណើសុំរបស់អ៊ុយក្រែន ដើម្បីក្លាយជាបេក្ខជនសម្រាប់សមាជិកភាពនៅក្នុងប្លុក។ មេដឹកនាំប្រទេសទាំង៤ របស់សហភាពអឺរ៉ុបបានប្តេជ្ញាគាំទ្របំណងរបស់អ៊ុយក្រែន ដើម្បីក្លាយជាបេក្ខជនផ្លូវការចូលរួមក្នុងប្លុកនេះ នៅក្នុងការបង្ហាញការគាំទ្រខ្ពស់សម្រាប់ប្រទេសនេះ។ នៅចុងបញ្ចប់នៃដំណើរទស្សនកិច្ចទៅកាន់ប្រទេសដែលមានជម្លោះមួយនេះ ប្រធានាធិបតីបារាំងលោក Emmanuel Macron បានសន្យាជាមួយអ៊ុយក្រែនផ្តល់កាំភ្លើងធំបំពាក់លើរថយន្តដ៏មានឥទ្ធិពលចំនួន ៦គ្រឿងបន្ថែមទៀត៕អត្ថបទ៖ ប៊ុនថន

បណ្ដាញសង្គម

ព័ត៌មានថ្មីៗ

ស្នងការរាជធានី បន្តផ្តល់ម៉ូតូ០៥គ្រឿង ស្បៀងអាហារ និងសម្ភារមួយចំនួន ជួយគាំទ្រដល់ជួរមុខ ទិសភូមិភាគ៥ជាប់ព្រំដែន

តំបន់ភាគខាងលិចអឺរ៉ុបជួបខែមិថុនា និងខែកក្កដា ក្តៅបំផុតជាប់កំណត់ត្រា

រដ្ឋមន្ត្រីការបរទេសម៉ាឡេស៊ី៖ មីយ៉ាន់ម៉ា មានឆន្ទៈទទួលយកវិញនូវជនភៀសខ្លួន ៥.០០០នាក់

ប្រព័ន្ធផ្សព្វផ្សាយអ៊ីរ៉ង់៖ កិច្ចប្រជុំ ៧ម៉ោង រវាងមេដឹកនាំកំពូល និងប្រធានាធិបតី ពិភាក្សាពីបញ្ហាប្រឈមនានា

រញ្ជួយដី នៅឆ្នេរសមុទ្រប៉ាស៊ីហ្វិក ធ្វើឱ្យរដ្ឋធានីរបស់កូឡុំប៊ីមានរំញ័រ

ខ្លែងចម្រុះពណ៌បានហោះពេញមេឃ អំឡុងពិធីបុណ្យខ្លែងអន្តរជាតិនៅទីក្រុង Colombo ប្រទេសស្រីលង្កា

ក្រសួងមហាផ្ទៃស្នើទៅអភិបាលខេត្តកោះកុង ចាត់វិធានការចំពោះសកម្មភាពឈូសឆាយដីព្រៃក្នុងតំបន់ការពារធម្មជាតិ

ការព្រមាន អំពីកម្ដៅ ត្រូវបានដំឡើងទូទាំងអង់គ្លេស ខណៈសីតុណ្ហភាពនឹងឡើងដល់ ៣៦អង្សាសេ

ប៉ូឡូញ និងប្រទេសបាល់ទិកការពារហេដ្ឋារចនាសម្ព័ន្ធ ដោយបារម្ភពីវាយប្រហារក្លែងបន្លំរបស់រុស្ស៊ី

ក្រុមប្រឹក្សាសន្តិភាព រៀបចំមូលដ្ឋានសម្រាប់កងកម្លាំង ISF នៅហ្កាហ្សា បើទោះបីជាមានការបដិសេធន៍ពីអ៊ីស្រាអែលក៏ដោយ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

មនុស្សជាង ៦០នាក់ស្លាប់ និងរាប់លាននាក់ជាប់ខ្លួន ខណៈទឹកជំនន់រដូវមូសុងបំផ្លិចបំផ្លាញនៅឥណ្ឌា និងបង់ក្លាដែស

ការប្រយុទ្ធគ្នានៅក្នុងប្រទេសអ៊ុយក្រែននៅតែបន្ត ខណៈសម្ព័ន្ធយោធាណាតូព្រមានថា សង្គ្រាមនេះនឹងអូសបន្លាយ

សម្តេចតេជោ ហ៊ុន សែន អញ្ជើញប្រារព្ធខួប៤៥ឆ្នាំ នៃដំណើរតស៊ូរំដោះជាតិ នៅព្រំដែនកម្ពុជា-វៀតណាម

សមិទ្ធផលសំខាន់ៗក្នុង «តំបន់ប្រវត្តិសាស្ត្រយោធាតេជោ កោះថ្ម X16 »

សារមន្ទីរកោះថ្មសាងសង់រួចរាល់ជាស្ថាពរត្រៀមសម្ពោធជាផ្លូវការនាថ្ងៃទី២០ មិថុនា ខាងមុខនេះ

លោក Putin នឹងទទួលយកជម្រើសប្រជាជននៅតំបន់ផ្តាច់ខ្លួន

ប្រធានាធិបតីអ៊ុយក្រែនសាទរចំពោះចំណាត់ការសហភាពអឺរ៉ុបលើសមាជិកភាព

លោក Zelenskyy និយាយថា មានតែការរួបរួមប៉ុណ្ណោះដែលអាចបញ្ឈប់ការវាយលុករបស់រុស្ស៊ី

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

សម្តេចតេជោ ហ៊ុន សែន អញ្ជើញប្រារព្ធខួប៤៥ឆ្នាំ នៃដំណើរតស៊ូរំដោះជាតិ នៅព្រំដែនកម្ពុជា-វៀតណាម

សមិទ្ធផលសំខាន់ៗក្នុង «តំបន់ប្រវត្តិសាស្ត្រយោធាតេជោ កោះថ្ម X16 »

សារមន្ទីរកោះថ្មសាងសង់រួចរាល់ជាស្ថាពរត្រៀមសម្ពោធជាផ្លូវការនាថ្ងៃទី២០ មិថុនា ខាងមុខនេះ

លោក​ Putin នឹង​ទទួលយក​ជម្រើស​ប្រជាជន​នៅ​តំបន់​ផ្តាច់ខ្លួន​

ប្រធានាធិបតី​អ៊ុយ​ក្រែ​ន​សាទរ​ចំពោះ​ចំណាត់​ការ​សហភាព​អឺរ៉ុប​លើ​សមាជិកភាព

លោក Zelenskyy ​និយាយថា មានតែ​ការរួបរួម​ប៉ុណ្ណោះ​ដែល​អាច​បញ្ឈប់​ការ​វាយ​លុក​របស់​រុស្ស៊ី

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

លោក Putin នឹងទទួលយកជម្រើសប្រជាជននៅតំបន់ផ្តាច់ខ្លួន

ប្រធានាធិបតីអ៊ុយក្រែនសាទរចំពោះចំណាត់ការសហភាពអឺរ៉ុបលើសមាជិកភាព

លោក Zelenskyy និយាយថា មានតែការរួបរួមប៉ុណ្ណោះដែលអាចបញ្ឈប់ការវាយលុករបស់រុស្ស៊ី