BTV NEWS

សម្ដេចធិបតី៖ មន្ត្រីជាអ្នកបម្រើរាស្ត្រ មិនមែនជាចៅហ្វាយរាស្ត្រទេ

សម្ដេចតេជោ ហ៊ុន សែន ចែករំលែកអត្ថបទអ្នកស្រាវជ្រាវថៃ ក្រោមចំណងជើងថា «មនុស្សធម៌ខ្វះការអាណិតអាសូរ»

ឯកឧត្តម ឌី វិជ្ជា និងលោកជំទាវ ហ៊ុន ម៉ាណា អញ្ជើញប្រគេនទៀនព្រះវស្សា និងនាំយកទេយ្យវត្ថុ ប្រគេនវត្តចំនួន១២វត្ត និងចែកអំណោយដល់យាយជីតាជី នៅស្រុកក្រគរ និងស្រុកភ្នំក្រវាញ ខេត្តពោធិ៍សាត់

គណៈប្រតិភូធុរកិច្ចមកពីហុងកុង ក្វាងទុង និងម៉ាកាវ បង្ហាញចំណាប់អារម្មណ៍ក្នុងការស្វែងរកឱកាសវិនិយោគលើវិស័យសក្តានុពលនៅកម្ពុជា

ព័ត៌មានសំខាន់ៗ

មនុស្ស ៣៦នាក់ស្លាប់ និងជាង ៥០នាក់រងរបួសក្នុងគ្រោះថ្នាក់រថភ្លើងបុកគ្នានៅប៉ាគីស្ថាន

ប៉ាគីស្ថាន៖ សារព័ត៌មានក្នុងស្រុកបានរាយការណ៍ថា គ្រោះថ្នាក់រថភ្លើងបុកគ្នាបានបណ្ដាលឲ្យមនុស្សយ៉ាងហោចណាស់ ៣៦នាក់ស្លាប់ និងជាង ៥០នាក់ផ្សេងទៀតរងរបួសនៅព្រឹកថ្ងៃចន្ទនេះ ក្នុងខេត្តស៊ីនភាគខាងត្បូងរបស់ប្រទេសប៉ាគីស្ថាន។យោងតាមសេចក្ដីរាយការណ៍នានា ឧបទ្ទវហេតុនេះបានកើតឡើងនៅក្នុងតំបន់រវាងស្ថានីយរថភ្លើង Raiti និងស្ថានីយរថភ្លើង Obaro ក្នុងស្រុក Ghotki នៃខេត្តស៊ីន។ ក្រោយការបុកគ្នាទូរថភ្លើងមួយចំនួននៃរថភ្លើងទាំង ២ខ្សែនោះបានធ្លាក់ចេញពីផ្លូវ និងក្រឡាប់ផ្ងារជើង។ ក្រុមអ្នកសង្គ្រោះបានប្រញាប់ប្រញាល់ទៅកាន់កន្លែងកើតហេតុ និងដឹកជញ្ជូនសាកសព និងអ្នករបួសទៅកាន់មន្ទីរពេទ្យក្បែរនោះ។ ឧបទ្ទវហេតុនេះបានកើតឡើងរវាងរថភ្លើងដឹកអ្នកដំណើរ Millat Express ដែលកំពុងធ្វើដំណើរទៅកាន់ភាគខាងកើតទីក្រុង Sargodha ពីខាងត្បូងទីក្រុងកំពង់ផែ Karachi និងរថភ្លើងដឹកអ្នកដំណើរ Sir Syed Express ដែលធ្វើដំណើរទៅកាន់ទីក្រុង Karachi មកពីទីក្រុង Rawalpindi៕អត្ថបទ៖ សុខមាន

ចំនួនអ្នកស្លាប់ដោយសារទឹកជំនន់ និងបំណាក់ដីនៅស្រីលង្កាកើនឡើងដល់ ១៤នាក់

ស្រីលង្កា៖ ក្រុមមន្ត្រីបាននិយាយកាលពីថ្ងៃអាទិត្យថា ចំនួនអ្នកស្លាប់ដោយសារទឹកជំនន់ និងបំណាក់ដី បន្ទាប់ពីភ្លៀងធ្លាក់ខ្លាំងនៅប្រទេសស្រីលង្កា បានកើនឡើងដល់ ១៤នាក់ និង ២នាក់នៅបាត់ខ្លួននៅឡើយ។ស្រុកនានានៅលើកោះមហាសមុទ្រឥណ្ឌា រងការប៉ះពាល់ដោយសារភ្លៀងធ្លាក់ខ្លាំងកាលពីថ្ងៃព្រហស្បតិ៍ រួមទាំងរដ្ឋធានីកូឡុំបូ និងទីជនបទមួយចំនួន ជាទីដែលលំនៅឋាន ស្រែចម្ការ និងផ្លូវថ្នល់ត្រូវបានលិចលង់។ មនុស្ស ១០នាក់បានស្លាប់នៅក្នុងទឹកជំនន់ និង ៤នាក់ផ្សេងទៀតស្លាប់ដោយសារបំណាក់ដី នេះបើយោងតាមមជ្ឈមណ្ឌលគ្រប់គ្រង គ្រោះមហន្តរាយរបស់រដ្ឋាភិបាល។ ក្នុងចំណោមពួកគេគឺមានគ្រួសារមួយមានសមាជិក ៤នាក់ដែលបានស្លាប់ នៅពេលផ្ទាំងបំណាក់ដីបានបាក់សង្កត់ផ្ទះរបស់ពួកគេនៅក្នុងស្រុក Kegalle ស្ថិតនៅចម្ងាយប្រហែល ៨៥គីឡូម៉ែត្រភាគខាងកើតរដ្ឋធានីកូឡុំបូ។កងទ័ពជើងទឹកស្រីលង្កានិយាយថា អង្គភាពរបស់ខ្លួនបានបញ្ជូនក្រុមសង្គ្រោះចំនួន ៣៣ក្រុមទៅកាន់តំបន់រងគ្រោះដោយទឹកជំនន់ ក្នុងនោះក្រុមនេះបានជួយសង្គ្រោះមនុស្ស ៦៦នាក់ដែលបានជាប់នៅក្នុងទឹកជំនន់។ មជ្ឈមណ្ឌលគ្រប់គ្រងគ្រោះមហន្តរាយបានឲ្យដឹងថា អាកាសធាតុអាប់អួខ្លាំងបានប៉ះពាល់ដល់មនុស្សប្រមាណ ២៤៥,០០០នាក់ និងមនុស្សជាង ៤,៣០០នាក់នៅតែភៀសខ្លួន និងស្នាក់នៅក្នុងជម្រកបណ្ដោះអាសន្ន។ លំនៅឋានជាង ៨០០ខ្នងត្រូវបានខូចខាត៕អត្ថបទ៖ សុខមាន

អតីតមេដឹកនាំពិភពលោករាប់រយនាក់ជំរុញក្រុមប្រទេស G7 ឲ្យចាក់វ៉ាក់សាំងបង្ការវីរុស COVID-19 ដល់ពលរដ្ឋក្រីក្រ

ពិភពលោក៖ អតីតប្រធានាធិបតី នាយករដ្ឋមន្ត្រី និងរដ្ឋមន្ត្រីការបរទេស ១០០រូបបានជំរុញដល់ក្រុមប្រទេសមានឧស្សាហកម្មលូតលាស់ទាំង៧ ឬក្រុមប្រទេស G7 ជួយចេញថ្លៃចំណាយវ៉ាក់សាំងបង្ការវីរុសកូរ៉ូណា ដើម្បីជួយបញ្ឈប់ការវិវឌ្ឍន៍ខ្លួននៃជំងឺនេះ និងការវិលត្រឡប់មកវិញជាការគំរាមកំហែងទូទាំងពិភពលោក។បណ្ដាមេដឹកនាំទាំងនោះបានអំពាវនាវនៅមុនជំនួបកំពូល G7 នៅក្នុងចក្រភពអង់គ្លេសដែលនឹងចាប់ផ្ដើមនៅថ្ងៃសុក្រសប្ដាហ៍នេះ នៅពេលដែលប្រធានាធិបតីសហរដ្ឋអាមេរិក លោក Joe Biden នឹងជួបប្រជុំជាមួយមេដឹកនាំចក្រភពអង់គ្លេស បារាំង អាល្លឺម៉ង់ អ៊ីតាលី កាណាដា និងជប៉ុន។ នៅក្នុងលិខិតរបស់មេដឹកនាំទាំងនោះផ្ញើទៅកាន់ជំនួបកំពូល G7 បណ្ដាអតីតមេដឹកនាំពិភពលោកបាននិយាយថា សហប្រតិបត្តិការសកលបានបរាជ័យកាលពីឆ្នាំ២០២០ ប៉ុន្តែនៅឆ្នាំ២០២១ នេះអាចឃើញផ្លែផ្លាក្នុងយុគសម័យថ្មី។លិខិតនោះបាននិយាយថា “ការគាំទ្រពី G7 និង G20 ដែលធ្វើឱ្យវ៉ាក់សាំងអាចចូលទៅដល់បណ្ដាប្រទេសមានប្រាក់ចំណូលទាប និងមធ្យមមិនមែនជាសកម្មភាពសប្បុរសធម៌ទេ ប៉ុន្តែផ្ទុយទៅវិញគឺសម្រាប់ផលប្រយោជន៍ ជាយុទ្ធសាស្ត្ររបស់ប្រទេសនីមួយៗ”។ ក្នុងចំណោមប្រទេសហត្ថលេខី រួមមានអតីតនាយករដ្ឋមន្ត្រីអង់គ្លេស លោក Gordon Brown និងលោក Tony Blair, អតីតអគ្គលេខាធិការអង្គការសហប្រជាជាតិ លោក Ban-Ki Moon និងអតីតមេដឹកនាំអាហ្វ្រិកចំនួន ១៥រូបទៀត៕អត្ថបទ៖ សុខមាន

សម្តេចតេជោ ហ៊ុន សែន ចាត់តំណាងចុះពិនិត្យការសាងសង់ផ្ទះជូនអតីតយុទ្ធជននៅខេត្តពោធិ៍សាត់

ពោធិ៍សាត៉ ៖ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា និងជាប្រធានអតីតយុទ្ធជន និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជានៅថ្ងៃទី៥ ខែ មិថុនាឆ្នាំ២០២១នេះ បានចាត់តាំង ឯកឧត្តមទេសរដ្ឋមន្ត្រី គន់ គីម អគ្គលេខាធិកាសមាគមអតីតយុទ្ធជនកម្ពុជា និងឯកឧត្តម ម៉ៅ ធនិន អភិបាលខេត្តពោធិ៍សាត់ ចុះត្រួតពិនិត្យ នៃការសាងសង់ ហេដ្ឋារចនាសម្ព័ន្ធ ផ្លូវថ្នល់ សាងសង់ផ្ទះ សង់បង្គន់អនាម័យ ខួងអណ្តូងទឹក បំពាក់ប្រព័ន្ធសូឡា ឱ្យបានឆាប់រហ័ស ក្នុងការផ្តល់ជូនគ្រួសារអតីតយុទ្ធជនជាង៦០០គ្រូសារ ដើម្បីធ្វើយ៉ាងណាឲ្យពួកគាត់បង្ករបង្កើនផលឲ្យបានឆាប់រហ័ស ខណៈ រដូវវស្សា បានខិតជិតមកដល់ហើយនោះ។ឆ្លៀតឱកាសចុះត្រួតពិនិត្យ និងពន្លឿននៃការសាងសង់ននេះដែរ ឯកឧត្តមទេសរដ្ឋមន្រ្តីគន់ គីម ក៏បានជួបសំណេះសំណាលជាមួយកងកម្លាំង និងក្រុមជាងសាងសង់ផ្ទះ និងសួរសុខទុក្ខគ្រួសារអតីតយុទ្ធជនក្រីក្រ និងមានពិការភាព ដែលបានចូលមករស់នៅក្នុងផ្ទះសាងសង់រួចជាបណ្តើរៗនេះផងដែរ ដោយការសាងសង់នេះបានរួចជាជំហានដំបូងចំនួន៨០ខ្នងហើយក្នុងចំណោមជាង៦០០ខ្នងនោះ។ គួរបញ្ជាក់ថា កាកបាទក្រហមកម្ពុជា និងសមាគមអតីតយុទ្ធជន រួមជាមួយគណៈបញ្ជាការឯកភាពខេត្តពោធិ៍សាត់ និងមន្ត្រីពាក់ព័ន្ធទាំងអស់ បានប្រើប្រាស់កម្លាំងសរុប មធ្យោបាយសរុប ដើម្បីពន្លឿនដំណើរការរៀបចំហេដ្ឋារចនាសម្ព័ន្ធ ផ្លូវថ្នល់ សាងសង់ផ្ទះចំនួន៦២៨ខ្នង សង់បង្គន់អនាម័យ ខួងអណ្តូងទឹក មន្ទីរពេទ្យ សាលារៀន កន្លែងស្នាក់នៅរបស់លោកគ្រូ អ្នកគ្រូ បំពាក់ប្រព័ន្ធសូឡា ឱ្យបានឆាប់រហ័ស ដើម្បីផ្តល់ជូនគ្រួសារអតីតយុទ្ធជនទាន់រដូវវស្សា ដែលជារដូវបង្កបង្កើនផល។ ជាមួយគ្នានេះ កាកបាទក្រហមកម្ពុជា នឹងធ្វើពិធីប្រគល់-ទទួលផ្ទះចំនួន៥០ខ្នង នៅសប្តាហ៍ទី២ ខែមិថុនាខាងមុខ និងប្រគល់ជូនទៅតាមកាលបរិច្ឆេទបន្តបន្ទាប់ទៀត។ ក្នុងឱកាសនោះ ក្រុមការងារកាកបាទក្រហមកម្ពុជា ក៏បាននាំយកនូវស្បៀងអាហារមួយចំនួនប្រគល់ជូនដល់កងកម្លាំង និងក្រុមជាងសាងសង់ផ្ទះផងដែរ។ ក្រោយទទួលបានផ្ទះ និងដីសម្រាប់បង្ករបង្កើនផលនោះ បងប្អូនអតីតយុទ្ធជន ដែលភាគច្រើនជាអតីតយោធា និងនគរបាល បានសម្តែងនូវសេចក្តីត្រេកអរយ៉ាងខ្លាំង និងអគុណយ៉ាងក្រៃលែងចំពោះ សម្តេចតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា និងសម្តេចកិត្តិព្រឹទ្ធបណ្ឌិតប៊ុន រ៉ានី ហ៊ុន សែន ប្រធានកាកបាទក្រហមកម្ពុជា ដោយពួកគាត់បានលើកឡើងថា អំណោយរបស់សម្តេចទាំងពីរ នេះគឺប្រៀបបានដូចស្រង់ជីវិតរបស់ពួកគាត់ឲ្យរស់យ៉ាងសុខស្រួលម្តងទៀតនោះ៕អត្ថបទ៖ បាន ចក់

ប្រទេសចិនអនុម័តវ៉ាក់សាំង Sinovac សំរាប់កុមារ

ចិន៖ ប្រទេសចិនបានអនុម័តការប្រើប្រាស់បន្ទាន់វ៉ាក់សាំង COVID-19 របស់ក្រុមហ៊ុន Sinovac Biotech ប្រើប្រាស់សំរាប់មនុស្សដែលមានវ័យចន្លោះពី ៣ឆ្នាំទៅ ១៧ឆ្នាំ។ ប្រធានក្រុមហ៊ុន លោក Yin Weidong បានបង្ហាញការអនុម័តនេះនៅលើទូរទស្សន៍រដ្ឋ។ការជំរុញការចាក់វ៉ាក់សាំងទ្រង់ទ្រាយធំរបស់ប្រទេសចិនបច្ចុប្បន្ន បើកសំរាប់តែប្រជាជនមានវ័យ ១៨ឆ្នាំ និងលើសពីនេះ។ ការជំរុញការចាក់វ៉ាក់សាំងទ្រង់ទ្រាយធំចិនបានផ្តល់ដូសវ៉ាក់សាំងចំនួន ៧២៣.៥លានដូសនៅថ្ងៃទី៣ ខែមិថុនា ដែលប្រើប្រាស់សំរាប់អ្នកមានអាយុ ១៨ឆ្នាំឡើងទៅ។ លោក Yin Weidong និយាយថា នៅពេលវ៉ាក់សាំងក្រុមហ៊ុន Sinovac នឹងត្រូវបានផ្តល់ឲ្យដល់ក្រុមមនុស្សវ័យក្មេង វាអាស្រ័យលើអាជ្ញាធរសុខភាពដែលរៀបចំជាក់លាក់ នូវយុទ្ធសាស្ត្រការចាក់វ៉ាក់សាំងរបស់ប្រទេសចិន។ លោក Yin និយាយថា អនីតិជនមានអាទិភាពទាបក្នុងការចាក់វ៉ាក់សាំងប្រឆាំងនឹងមេរោគឆ្លងកូរ៉ូណា បើធៀបនឹងមនុស្សវ័យចំណាស់ដែលប្រឈមនឹងហានិភ័យខ្ពស់ នៃរោគសញ្ញាធ្ងន់ធ្ងរបន្ទាប់ពីឆ្លង។លទ្ធផលបឋមនៃការសាកល្បងនៅគ្លីនិកដំណាក់កាលទី១ និងទី២ បានបង្ហាញថា វ៉ាក់សាំងនេះអាចធ្វើឱ្យមានការឆ្លើយតបនៃប្រព័ន្ធភាពស៊ាំ ចំពោះអ្នកដែលបានចាក់វ៉ាក់សាំងនេះអាយុពី ៣ ទៅ ១៧ឆ្នាំ ហើយប្រតិកម្មភាគច្រើនស្រាល។ ក្រុមហ៊ុនផលិតឱសថដែលគាំទ្រដោយរដ្ឋ Sinopharm ដែលវ៉ាក់សាំងត្រូវចាក់ ២ដងដោយប្រើបច្ចេកវិទ្យាស្រដៀងគ្នា ទៅនឹងផលិតផលរបស់ក្រុមហ៊ុន Sinovac ក៏កំពុងបញ្ជូនទិន្នន័យសម្រាប់នៅក្នុងក្រុមក្មេងៗផងដែរ។ ជាមួយគ្នានេះវ៉ាក់សាំងពីក្រុមហ៊ុន CanSino Biologic ដែលកំពុងអនុម័តបច្ចេកទេសខុសគ្នា បានចូលដល់ដំណាក់កាលសាកល្បងទី២ ពាក់ព័ន្ធនឹងអ្នកដែលមានអាយុចន្លោះពី ៦ ទៅ ១៧ឆ្នាំ៕អត្ថបទ៖ ប៊ុនថន

កម្ពុជារកឃើញពលរដ្ឋ៥៣៨នាក់ទៀតឆ្លងកូវីដ-១៩ ខណៈអ្នកជំងឺ៥៣៤នាក់បន្ថែមទៀតបានជាសះស្បើយឡើងវិញ

ភ្នំពេញ៖ ក្រសួងសុខាភិបាលបានប្រកាសនៅថ្ងៃនេះថា មនុស្ស ៥៣៨នាក់ទៀតត្រូវបានរកឃើញឆ្លងមេរោគកូវីដ-១៩ ដែលភាគច្រើនលើសលប់សុទ្ធតែជាប់ពាក់ព័ន្ធទៅនឹងព្រឹត្តិការណ៍សហគមន៍ ២០កុម្ភៈ។ក្នុងសេចក្ដីប្រកាសព័ត៌មាននៅថ្ងៃនេះ ក្រសួងសុខាភិបាលបញ្ជាក់ថា ករណីឆ្លងថ្មីទាំងអស់នេះ ត្រូវបានរកឃើញលើប្រជាពលរដ្ឋ ៥០៩នាក់ដែលបានពាក់ព័ន្ធនឹងព្រឹត្តិការណ៍សហគមន៍ ២០កុម្ភៈ ខណៈករណីឆ្លងថ្មីចំនួន ២៩នាក់ទៀត គឺជាករណីនាំចូលពីក្រៅប្រទេស។ក្រសួងសុខាភិបាលក៏បានប្រកាសឱ្យដឹងផងដែរថា អ្នកជំងឺកូវីដ-១៩ចំនួន ១០នាក់ទៀត បានស្លាប់បាត់បង់ជីវិតដោយសារតែជំងឺនេះ ដែលនាំឱ្យតួលេខអ្នកស្លាប់សរុបកើនដល់ ២៥២នាក់ហើយ។គិតត្រឹមថ្ងៃនេះ កម្ពុជារកឃើញមនុស្សសរុបដល់ទៅ ៣៣ ៦១៣នាក់ហើយ បានឆ្លងមេរោគកូវីដ-១៩នៅទូទាំងប្រទេសចាប់តាំងពីកម្ពុជារកឃើញករណីឆ្លងដំបូងកាលពីចុងខែមករាឆ្នាំ២០២០កន្លងមក។ប៉ុន្តែ ក្រសួងសុខាភិបាលបញ្ជាក់ថា អ្នកជំងឺកូវីដ-១៩សរុប ២៦ ០៧៨នាក់ហើយ ត្រូវបានព្យាបាលជាសះស្បើយឡើងវិញ ក្នុងនោះមានទាំងអ្នកជាសះស្បើយថ្មី ៥៣៤នាក់ ដែលក្រសួងទើបប្រកាសនៅថ្ងៃនេះផងដែរ៕

មនុស្ស ២នាក់ស្លាប់ និង ៤នាក់របួសក្នុងហេតុការណ៍បាក់រលំអគារកម្ពស់ ៤ជាន់នៅប្រេស៊ីល

ប្រេស៊ីល៖ ការិយាល័យពន្លត់អគ្គិភ័យទីក្រុងបាននិយាយថា អគារកម្ពស់ ៤ជាន់បានបាក់រលំនៅភាគខាងលិចទីក្រុង Rio de Janeiro បណ្ដាលឲ្យមនុស្សពេញវ័យម្នាក់ និងកុមារម្នាក់បានបាត់បង់ជីវិត និងបានបំផ្លាញលំនៅឋាននៅក្បែរនោះ។ជនរងគ្រោះជាឪពុកអាយុ ៣០ឆ្នាំ និងកូនស្រីអាយុ ៣ឆ្នាំ។ ការិយាល័យពន្លត់អគ្គិភ័យក្នុងស្រុកបានបញ្ជាក់ថា មានអ្នកស្រុកដែលរងរបួសចំនួន ៤នាក់ត្រូវបានគេជួយសង្គ្រោះពីគំនរបាក់បែក ហើយការងារជួយសង្គ្រោះកំពុងបន្តធ្វើ។ យោងតាមអ្នករស់នៅអគារជិតខាងបានអោយដឹងថា សំឡេងបានផ្ទុះឡើងដោយសារការបាក់រលំអគារភ្លាមៗ និងមានអគ្គិភ័យឆាបឆេះយ៉ាងសន្ធោសន្ធៅ។ បច្ចុប្បន្នអគ្គិភ័យត្រូវបានពន្លត់ ហើយអ្នកស្រុកបានជម្លៀសទៅកន្លែងមានសុវត្ថិភាព ប៉ុន្តែចំនួនអ្នកស្លាប់ និងរបួសមិនទាន់អាចសន្និដ្ឋានបាននៅឡើយ។ទោះបីមូលហេតុនៃគ្រោះថ្នាក់ កំពុងស្ថិតក្រោមការស៊ើបអង្កេតក៏ដោយ វាមិនមែនជាលើកទី១ នោះទេដែលគ្រោះថ្នាក់បាក់អគារបានកើតឡើង។ នៅឆ្នាំ២០១៩ មនុស្ស ២៤នាក់បានស្លាប់ ខណៈអគារដែលគ្មានការអនុញ្ញាត ២កន្លែងបានបាក់រលំ។ ក្រោយមកមករដ្ឋាភិបាលក្រុងបានចាប់ផ្ដើម កម្ទេចសំណង់អគារខុសច្បាប់នៅភាគខាងលិចនៃទីក្រុង ហើយ ៧៥% នៃសំណង់អគារទាំងនោះត្រូវបានកម្ទេចចោលតាំងពីឆ្នាំ២០១៩ ដល់ឆ្នាំ២០២០៕អត្ថបទ៖ ប៊ុនថន

ក្រសួងសុខាភិបាលជំរុញឱ្យបង្កើនការប្រុងប្រយ័ត្នចំពោះការរីករាលដាលនៃវីរុសបម្លែងថ្មី ក្រោយរកឃើញមនុស្ស៣នាក់ឆ្លងវីរុសនេះ

ភ្នំពេញ៖ ក្រសួងសុខាភិបាលកម្ពុជា បានបង្ហាញក្ដីបារម្ភរបស់ខ្លួន និងជំរុញឱ្យបង្កើនការប្រុងប្រយ័ត្នចំពោះការឆ្លងរីករាលដាលនៃវីរុសបម្លែងថ្មី បន្ទាប់ពីបានរកឃើញវីរុសប្រភេទថ្មីនេះនៅថ្ងៃនេះ។ក្នុងសេចក្ដីប្រកាសព័ត៌មាននៅថ្ងៃនេះ ក្រសួងសុខាភិបាលបានបញ្ជាក់ថា វីរុសកូរ៉ូណាបម្លែងថ្មីប្រភេទ B.1.617 ត្រូវបានរកឃើញលើស្ត្រី ២នាក់ និងបុរស ១នាក់ ដែលជាពលករទើបវិលត្រឡប់មកពីប្រទេសថៃនាពេលថ្មីៗនេះ។បើតាមក្រសួងសុខាភិបាល វីរុសបម្លែងថ្មីប្រភេទនេះ ត្រូវបានរកឃើញលើស្ត្រី ២នាក់ ម្នាក់អាយុ ២៧ឆ្នាំ និងម្នាក់ទៀតអាយុ ៤៣ឆ្នាំ និងបុរសម្នាក់អាយុ ៤៦ឆ្នាំ។ក្រសួងសុខាភិបាលបានឱ្យដឹងបន្ថែមថា ស្ត្រីវ័យ ២៧ឆ្នាំ ត្រូវបានដាក់ឱ្យសម្រាកព្យាបាលនៅឯមន្ទីរពេទ្យខេត្តឧត្ដរមានជ័យ ហើយស្ត្រីម្នាក់ទៀតអាយុ ៤៣ឆ្នាំ ត្រូវបានដាក់ឱ្យសម្រាកព្យាបាលនៅមន្ទីរពេទ្យមោងឫស្សី ក្នុងខេត្តបាត់ដំបង ខណៈដែលបុរសអាយុ ៤៦ឆ្នាំវិញ កំពុងស្ថិតក្រោមការព្យាបាលនៅឯមន្ទីរពេទ្យឯកភ្នំ ក្នុងខេត្តបាត់ដំបងផងដែរ។ក្រសួងសុខភិបាលបញ្ជាក់បែបនេះ បន្ទាប់ពីលទ្ធផលនៃការធ្វើតេស្តសំណាកលើមនុស្សទាំង ៣នាក់នេះ ចេញដោយវិទ្យាស្ថានប៉ាស្ទ័រកម្ពុជា។បើតាមក្រសួងសុខាភិបាល ពិភពលោកកំពុងតែព្រួយបារម្ភចំពោះការឆ្លងរីករាលដាលនៃវីរុសបម្លែងថ្មីនេះ ដែលត្រូវបានរកឃើញនៅក្នុងប្រទេសចំនួន៧ហើយនៅតំបន់អាស៊ីអាគ្នេយ៍ មានឥណ្ឌូនេស៊ី ម៉ាឡេស៊ី ហ្វីលីពីន សិង្ហបុរី ថៃ វៀតណាម និងកម្ពុជា។ ក្រសួងអះអាងថា បានណែនាំទៅមន្ទីរសុខាភិបាលខេត្តទាំងអស់ ឱ្យបង្កើនការយកចិត្តទុកដាក់ ដើម្បីទប់ស្កាត់ការឆ្លងរីករាលដាលនៃវីរុសបម្លែងថ្មីនេះ៕អត្ថបទ ៖ សុធី

ជប៉ុន ប្រគល់អំណោយរថយន្តគិលានសង្រ្គោះចំនួន៣០បន្ថែមទៀត ជូនកម្ពុជា ដើម្បីឆ្លើយតបការរាតត្បាតជំងឺកូវីដ-១៩

ភ្នំពេញ ៖ ឯកឧត្តម សាស្រ្តាចារ្យ ម៉ម ប៊ុនហេង រដ្ឋមន្រី្តក្រសួងសុខាភិបាល រួមជាមួយឯកឧត្តម Mikami Masahiro ឯកអគ្គរដ្ឋទូតវិសាមញ្ញ និងពេញសមត្ថភាព នៃប្រទេសជប៉ុន ប្រចាំព្រះរាជាណាចក្រកម្ពុជា បានអញ្ជើញធ្វើពិធីប្រគល់-ទទួល រថយន្តគិលានសង្រ្គោះចំនួន៣០គ្រឿង បន្ថែមទៀត ជាជំនួយរបស់រដ្ឋាភិបាល និងប្រជាជនជប៉ុន ក្រោមគម្រោងកម្មវិធីអភិវឌ្ឍសេដ្ឋកិច្ច និងសង្គមរបស់ប្រទេសជប៉ុន ជូនរាជរដ្ឋាភិបាល និងប្រជាជន នៃព្រះរាជាណាចក្រកម្ពុជា។ឯកឧត្តម សាស្រ្តាចារ្យ ម៉ម ប៊ុនហេង បានថ្លែងថា ជប៉ុន គឺជាប្រទេសមួយដែលបានផ្តល់ជំនួយច្រើនជាងគេក្នុងចំណោមដៃគូទាំងអស់ ទាំងជំនួយបច្ចេកទេស ទាំងថវិកា ក្នុងការអភិវឌ្ឍន៍ហេដ្ឋារចនាសម្ព័ន្ធសុខាភិបាល និងធនធានមនុស្ស។ ជាពិសេសចាប់តាំងពីការរាតត្បាតនៃជំងឺកូវីដ-១៩ ប្រទេសជប៉ុន បាននិងកំពុងផ្តល់ជំនួយជាច្រើនរួមមាន៖ ជំនួយបឋមនាខែកុម្ភះ ឆ្នាំ២០២០ រួមមាន៖ កញ្ចប់តេស្តរហ័សចំនួន១០០០, សម្លៀកបំពាក់សុវតិ្ថភាពសម្រាប់មន្រី្តសុខាភិបាល ចំនួន១០០០០កំផ្លេ និងកញ្ចប់ឧបករណ៍ពិសោធន៍ចំនួន១០០០កញ្ចប់ និងម៉ាស់។ តាមរយៈកម្មវិធីអភិវឌ្ឍន៍សេដ្ឋកិច្ច និងសង្គម រដ្ឋាភិបាលជប៉ុន បានផ្តល់ជំនួយឥតសំណងជូនដល់រាជរដ្ឋាភិបាលកម្ពុជា សរុបជាថវិកាចំនួន២០០០លានយេន (ប្រមាណជា១៨.៥លានដុល្លារអាមេរិក) ដែលអនុវត្តដោយ Japan International Cooperation System រួមមាន៖ រថយន្តគិលានសង្រ្គោះចំនួន១០០គ្រឿង, Ultrasound Scanner ចំនួន១គ្រឿង, Thermographic Camera ចំនួន១០គ្រឿង, Portable X-Ray ចំនួន១០គ្រឿង, Mobile Ultrasound Scanner ចំនួន២៥គ្រឿង, Oxygen Concentrator ចំនួន១០០គ្រឿង, ឧបករណ៍វាស់សម្ពាធឈាម ចំនួន១០០គ្រឿង, ម៉ាស៊ីនភ្លើងចំនួន១០០គ្រឿង, គ្រែសម្រាប់ផ្នែក ICU ចំនួន១០០គ្រែ និងការពង្រីកផ្នែកសង្រ្គោះបន្ទាន់សម្រាប់ជំងឺកូវីដ-១៩ រួមទាំងការបំពាក់ឧបករណ៍វេជ្ជសាស្រ្តទៅក្នុងគម្រោងធ្វើឲ្យប្រសើរឡើងមនី្ទរពេទ្យបង្អែកខេត្តសៀមរាប។ ទន្ទឹមនឹងនោះរដ្ឋាភិបាលជប៉ុន ផ្តល់ជំនួយឥតសំណងជូនដល់រាជរដ្ឋាភិបាលកម្ពុជា តាមរយៈកម្មវីធីជំនួយបន្ទាន់នូវថវិកាចំនួន៦.៣លានដុល្លារអាមេរិក ដែលនឹងអនុវត្តដោយ UNOPS ដែលបាននឹងកំពុងរៀបចំគម្រោងអនុវត្ត។ឯកឧត្តម រដ្ឋមន្រី្ត បានបញ្ជាក់ទៀតថា ថ្ងៃនេះក្រសួងសុខាភិបាល បានទទួលរថយន្តគិលានសង្រ្គោះចំនួន៣០គ្រឿង (សរុប៧០គ្រឿង) នៃរថយន្តគិលានសង្រ្គោះទាំងអស់ចំនួន១០០គ្រឿង ដែលភាគីជប៉ុនគ្រោងនឹងផ្តល់ឲ្យ ហើយរថយន្តគិលានសង្រ្គោះទាំង៣០គ្រឿង បានបែងចែកទៅឲ្យអង្គភាពប្រតិបតិ្តនៅ ថ្នាក់កណ្តាល និងមនី្ទរសុខាភិបាលដែលមានហានិភ័យខ្ពស់នៃការរាតត្បាតជំងឺកូវីដ-១៩។ ចំណែករថយន្តគិលានសង្រ្គោះ ដែលនៅសល់៣០គ្រឿងទៀត នឹងមកដល់នៅពេលឆាប់ៗខាងមុខ ហើយក្រសួងនឹងបែងចែកទៅឲ្យអង្គភាពប្រតិបតិ្ត និងមនី្ទរសុខាភិបាលជាបន្តទៀត។ឆ្លៀតក្នុងឱកាសនោះ ឯកឧត្តម សាស្រ្តាចារ្យ ម៉ម ប៊ុនហេង បានសម្តែងអំណរគុណយ៉ាងជ្រាលជ្រៅជូនចំពោះរដ្ឋាភិបាល និងប្រជាជនជប៉ុន ជាពិសេស ឯកឧត្តម Mikami Masahiro ឯកអគ្គរដ្ឋទូតវិសាមញ្ញ និងពេញសមត្ថភាព នៃប្រទេសជប៉ុន ប្រចាំព្រះរាជាណាចក្រកម្ពុជា តែងតែសម្របសម្រួលក្នុងការផ្តល់ជំនួយជូនរាជរដ្ឋាភិបាលកម្ពុជា ជាពិសេសវិស័យសុខាភិបាល ហើយសង្ឃឹមថា នឹងមានគម្រោងថ្មីៗបន្តទៀត៕អត្ថបទ ៖ រដ្ឋា

វ៉ាក់សាំងជាង ២ពាន់លានដូសត្រូវបានចាក់ជូនប្រជាពលរដ្ឋទូទាំងពិភពលោក

ពិភពលោក៖ យោងតាមសារព័ត៌មាន AFP កាលពីថ្ងៃព្រហស្បតិ៍ទទួលបានប្រភពផ្លូវការនានា វ៉ាក់សាំងបង្ការជំងឺ COVID-19 ជាង ២ពាន់លានដូសត្រូវបានចាក់ជូនប្រជាពលរដ្ឋរបស់ប្រទេសនីមួយៗនៅទូទាំងពិភពលោក។ ចំនួនដ៏ច្រើននេះមានក្នុងរយៈពេល ៦ខែបន្ទាប់ពីយុទ្ធនាការចាក់វ៉ាក់សាំងដំបូងប្រឆាំងជំងឺ COVID-19 បានចាប់ផ្ដើម។យោងតាមចំនួនទទួលបានពីសារព័ត៌មាន AFP ដែលបានចេញផ្សាយនៅម៉ោង ៩:១៥នាទីព្រឹកម៉ោងសកលកាលពីថ្ងៃព្រហស្បតិ៍ វ៉ាក់សាំងយ៉ាងហោចណាស់ ២,១០៩,៦៩៦,០២២ដូសត្រូវបានចាក់ដល់ពលរដ្ឋនៅក្នុងប្រទេស និងដែនដីចំនួន ២១៥។ អ៊ីស្រាអែលដែលបានដឹកនាំការប្រណាំងប្រជែងតាំងពីដំបូងមក នៅតែមិនទាន់បញ្ចប់នៅឡើយដោយមានមនុស្សត្រឹមតែ ៦នាក់ក្នុងចំណោម ១០នាក់ទទួលបានការចាក់វ៉ាក់សាំងគ្រប់ដូស។ ប្រទេសនេះត្រូវបានឈរនៅបន្ទាប់ពីប្រទេសកាណាដា ដែលមានប្រជាជនចំនួន ៥៩% ទទួលបានវ៉ាក់សាំងយ៉ាងហោចណាស់ ១ដូស, ចក្រភពអង់គ្លេសមានចំនួនពលរដ្ឋទទួលបានវ៉ាក់សាំងចំនួន ៥៨.៣%, ឈីលីមាន ៥៦.៦% និងសហរដ្ឋអាមេរិកមាន ៥១%។ការចាក់ដល់មនុស្សចំនួន ៦នាក់ក្នុងចំណោម ១០នាក់នៅក្នុងប្រទេសដែលមានប្រជាជនច្រើនជាងគេបំផុតចំនួន ៣ គឺប្រទេសចិនមានចំនួន ៧០៤.៨លានដូស, សហរដ្ឋអាមេរិកមាន ២៩៦.៩លានដូស និងឥណ្ឌាមានចំនួន ២២១លានដូស។ ខណៈមនុស្ស ៤នាក់ក្នុងចំណោម ១០នាក់នៅសហភាពអឺរ៉ុបទទួលបានវ៉ាក់សាំងយ៉ាងហោចណាស់ ១ដូស ប្រទេសអាល្លឺម៉ង់បាននាំមុខចំនួន ៤៣.៦% បន្ទាប់មកអ៊ីតាលីមាន ៤០%, បារាំង និងអេស្ប៉ាញចំនួន ៣៩.៤%។ មានតែប្រទេសចំនួន ៦ប៉ុណ្ណោះដែលមិនទាន់ចាប់ផ្ដើមយុទ្ធនាការចាក់វ៉ាក់សាំង ដូចជាកូរ៉េខាងជើង, ហៃទី, តង់ហ្សានី, ឆាត, ប្រ៊ុយណេ និងអេរីទ្រី៕អត្ថបទ៖ សុខមាន

បណ្ដាញសង្គម

ព័ត៌មានថ្មីៗ

មនុស្ស ២នាក់ស្លាប់ និង ១៥នាក់របួស អំឡុងការវាយប្រហារដោយយានដ្រូនរបស់ក្រុមហ៊ូទី នៅភាគខាងកើតយេម៉ែន

ការផ្ទុះគ្រាប់បែក សម្លាប់មន្ត្រីយោធារុស្ស៊ី នៅតំបន់ Crimea ខណៈរបាយការណ៍ហៅរូបលោកថា ជាជនរត់ពីអ៊ុយក្រែន

បំណាក់ដីសម្លាប់មនុស្សយ៉ាងហោចណាស់ ៥នាក់ នៅឯអណ្តូងរ៉ែមាសខុសច្បាប់ នៅឥណ្ឌូនេស៊ី

បង់ក្លាដែសកម្រិតការប្រើប្រាស់ថាមពល ខណៈកង្វះខាតឧស្ម័នកាន់តែអាក្រក់ទៅៗ

ជប៉ុនកោះអញ្ជើញបេសកជនរុស្ស៊ី ជុំវិញដំណើររបស់លោក Putin ទៅកាន់កោះមានជម្លោះ

ក្រុមហ៊ុនពាណិជ្ជកម្មរុស្ស៊ីដ៏ធំមួយមានបំណងវិនិយោគនៅកម្ពុជាក្នុងការផលិតរថយន្ត និងគ្រឿងបន្លាស

រុស្ស៊ី និងអ៊ុយក្រែន ប្រគល់សាកសពទាហានទៅវិញទៅមក ជាការដោះដូរចុងក្រោយបង្អស់

UN៖ ការស្លាប់ជនស៊ីវិលក្នុងខែកក្កដា នៅអ៊ុយក្រែន ឈានដល់កម្រិតខ្ពស់បំផុត ចាប់តាំងពីខែឧសភា ឆ្នាំ២០២២

ប្រជាជនវ៉េណេស៊ុយអេឡាកំពុងជួបការលំបាក ត្រៀមជួបនឹងការដាច់ចរន្តអគ្គិសនី និងទឹកកាន់តែខ្លាំង

ក្រសួងការពារជាតិ៖ កតិកាសញ្ញាការពារជាតិទួរគី-ប៉ាគីស្ថាន-អារ៉ាប៊ីសាអ៊ូឌីត ចង់ជំរុញសមត្ថភាពយោធារួម

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

មនុស្ស ៣៦នាក់ស្លាប់ និងជាង ៥០នាក់រងរបួសក្នុងគ្រោះថ្នាក់រថភ្លើងបុកគ្នានៅប៉ាគីស្ថាន

ចំនួនអ្នកស្លាប់ដោយសារទឹកជំនន់ និងបំណាក់ដីនៅស្រីលង្កាកើនឡើងដល់ ១៤នាក់

អតីតមេដឹកនាំពិភពលោករាប់រយនាក់ជំរុញក្រុមប្រទេស G7 ឲ្យចាក់វ៉ាក់សាំងបង្ការវីរុស COVID-19 ដល់ពលរដ្ឋក្រីក្រ

សម្តេចតេជោ ហ៊ុន សែន ចាត់តំណាងចុះពិនិត្យការសាងសង់ផ្ទះជូនអតីតយុទ្ធជននៅខេត្តពោធិ៍សាត់

ប្រទេសចិនអនុម័តវ៉ាក់សាំង Sinovac សំរាប់កុមារ

កម្ពុជារកឃើញពលរដ្ឋ៥៣៨នាក់ទៀតឆ្លងកូវីដ-១៩ ខណៈអ្នកជំងឺ៥៣៤នាក់បន្ថែមទៀតបានជាសះស្បើយឡើងវិញ

មនុស្ស ២នាក់ស្លាប់ និង ៤នាក់របួសក្នុងហេតុការណ៍បាក់រលំអគារកម្ពស់ ៤ជាន់នៅប្រេស៊ីល

ជប៉ុន ប្រគល់អំណោយរថយន្តគិលានសង្រ្គោះចំនួន៣០បន្ថែមទៀត ជូនកម្ពុជា ដើម្បីឆ្លើយតបការរាតត្បាតជំងឺកូវីដ-១៩

វ៉ាក់សាំងជាង ២ពាន់លានដូសត្រូវបានចាក់ជូនប្រជាពលរដ្ឋទូទាំងពិភពលោក

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

​មនុស្ស​ ​៣៦​នាក់​ស្លាប់ និង​ជាង ​៥០​នាក់​រង​របួស​ក្នុង​គ្រោះថ្នាក់​រថភ្លើង​បុក​គ្នា​នៅ​ប៉ា​គី​ស្ថាន​

ចំនួន​អ្នក​ស្លាប់​ដោយសារ​ទឹកជំនន់ ​និង​បំណាក់​ដី​នៅ​ស្រីលង្កា​កើន​ឡើង​ដល់ ​១៤​នាក់​

សម្តេចតេជោ ហ៊ុន សែន ចាត់តំណាងចុះពិនិត្យការសាងសង់ផ្ទះជូនអតីតយុទ្ធជននៅខេត្តពោធិ៍សាត់

ប្រទេស​ចិន​អនុម័ត​វ៉ាក់សាំង Sinovac សំរាប់​កុមារ​

មនុស្ស ២នាក់​ស្លាប់ និង ៤នាក់​របួស​ក្នុង​ហេតុការណ៍​បាក់​រលំ​អគារ​កម្ពស់ ​៤​ជាន់​នៅ​ប្រេ​ស៊ី​ល

ជប៉ុន ប្រគល់អំណោយរថយន្តគិលានសង្រ្គោះចំនួន៣០បន្ថែមទៀត ជូនកម្ពុជា ដើម្បីឆ្លើយតបការរាតត្បាតជំងឺកូវីដ-១៩

វ៉ាក់សាំង​ជាង ​២​ពាន់​លាន​ដូ​សត្រូវ​បាន​ចាក់​ជូន​ប្រជា​ពលរដ្ឋ​ទូទាំង​ពិភពលោក​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

មនុស្ស ៣៦នាក់ស្លាប់ និងជាង ៥០នាក់រងរបួសក្នុងគ្រោះថ្នាក់រថភ្លើងបុកគ្នានៅប៉ាគីស្ថាន

ចំនួនអ្នកស្លាប់ដោយសារទឹកជំនន់ និងបំណាក់ដីនៅស្រីលង្កាកើនឡើងដល់ ១៤នាក់

ប្រទេសចិនអនុម័តវ៉ាក់សាំង Sinovac សំរាប់កុមារ

មនុស្ស ២នាក់ស្លាប់ និង ៤នាក់របួសក្នុងហេតុការណ៍បាក់រលំអគារកម្ពស់ ៤ជាន់នៅប្រេស៊ីល

វ៉ាក់សាំងជាង ២ពាន់លានដូសត្រូវបានចាក់ជូនប្រជាពលរដ្ឋទូទាំងពិភពលោក