BTV NEWS

សម្ដេចធិបតី៖ មន្ត្រីជាអ្នកបម្រើរាស្ត្រ មិនមែនជាចៅហ្វាយរាស្ត្រទេ

សម្ដេចតេជោ ហ៊ុន សែន ចែករំលែកអត្ថបទអ្នកស្រាវជ្រាវថៃ ក្រោមចំណងជើងថា «មនុស្សធម៌ខ្វះការអាណិតអាសូរ»

ឯកឧត្តម ឌី វិជ្ជា និងលោកជំទាវ ហ៊ុន ម៉ាណា អញ្ជើញប្រគេនទៀនព្រះវស្សា និងនាំយកទេយ្យវត្ថុ ប្រគេនវត្តចំនួន១២វត្ត និងចែកអំណោយដល់យាយជីតាជី នៅស្រុកក្រគរ និងស្រុកភ្នំក្រវាញ ខេត្តពោធិ៍សាត់

គណៈប្រតិភូធុរកិច្ចមកពីហុងកុង ក្វាងទុង និងម៉ាកាវ បង្ហាញចំណាប់អារម្មណ៍ក្នុងការស្វែងរកឱកាសវិនិយោគលើវិស័យសក្តានុពលនៅកម្ពុជា

ព័ត៌មានសំខាន់ៗ

មនុស្ស ៤៤នាក់ស្លាប់ និងជាង ១០០នាក់របួសក្នុងហេតុការណ៍រត់ជាន់គ្នាក្នុងពិធីសាសនានៅអ៊ីស្រាអែល

អ៊ីស្រាអែល៖ មនុស្សរាប់សិបនាក់បានស្លាប់ក្នុងហេតុការណ៍រត់ជាន់គ្នា នៅឯពិធីសាសនាមួយនៅភាគឦសានរបស់ប្រទេសអ៊ីស្រាអែល។ អង្គភាពសង្គ្រោះបន្ទាន់ជាតិរបស់អ៊ីស្រាអែល (MDA) បានបញ្ជាក់ពីការស្លាប់ដោយមិនបានប្រាប់ពីចំនួនពិតប្រាកដ ហើយបាននិយាយថា មនុស្សរាប់សិបនាក់ទៀតបានរងរបួស។កាសែត Haaretz រាយការណ៍ថា យ៉ាងហោចណាស់មនុស្ស ៤៤នាក់បានស្លាប់។ អង្គភាពសង្គ្រោះបន្ទាន់កំពុងជម្លៀសអ្នករងរបួស។ ក្រុមសង្គ្រោះដ៏សំខាន់របស់អ៊ីស្រាអែល បាននិយាយនៅព្រឹកថ្ងៃសុក្រនេះថា មនុស្សជាង ១០០នាក់បានរងរបួស ក្នុងនោះមានរាប់សិបនាក់រងរបួសធ្ងន់នៅក្នុងហេតុការណ៍រត់ជាន់គ្នា នៅឯពិធីជួបជុំសាសនាជ្វីហ្វដ៏ពេញនិយមនៅភាគឦសានអ៊ីស្រាអែល ដែលចូលរួមដោយមនុស្សរាប់ម៉ឺននាក់។ លោកនាយករដ្ឋមន្ត្រី បេនចាមីន ណេតាន់យ៉ាហ៊ូ បានហៅឧបទ្ទវហេតុនោះថា ជាគ្រោះមហន្តរាយដ៏ធ្ងន់ធ្ងរ ហើយបាននិយាយថា លោកកំពុងបួងសួងសម្រាប់អ្នកស្លាប់ និងរបួសទាំងនោះ។សេចក្ដីរាយការណ៍បឋមបានលើកឡើងថា សំណង់មួយកន្លែងបានបាក់រលំ ប៉ុន្តែក្រុមមន្ត្រីអង្គភាពសង្គ្រោះបន្ទាន់ជាតិរបស់អ៊ីស្រាអែលបាននិយាយថា ដំណឹងនោះគឺជាដើមចមនាំឲ្យមានការប្រជ្រៀតគ្នា និងរត់ជាន់គ្នា៕អត្ថបទ៖ សុខមាន

ផ្ទះថ្មីមួយខ្នងរបស់សម្ដេចកិត្តិព្រឹទ្ធបណ្ឌិត ត្រូវបានប្រគល់ជូនស្ត្រីមេម៉ាយក្រខ្សត់នៅបាត់ដំបង

បាត់ដំបង ៖ គ្រួសារស្រ្តីមេម៉ាយ ចិញ្ចឹមកូន៣នាក់ គ្មានផ្ទះសំបែងរស់នៅអាស្រ័យជាមួយឪពុកម្តាយក្មេកវ័យចាស់ ជរា ព្រមទាំងមានជីវភាពខ្វះខាតផង រស់នៅភូមិអ្នកតាទ្វា ឃុំឬស្សីក្រាំង ស្រុកមោងឬស្សី ខេត្តបាត់ ដំបង ទទួលបានផ្ទះថ្មថ្មី ១ខ្នង ជាអំណោយដ៏ថ្លៃថ្លារបស់សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា តាមរយៈសាខាកាកបាទក្រហមខេត្តបាត់ដំបង។ការផ្តល់នូវអំណោយផ្ទះថ្មីដល់ស្ត្រីក្រីក្រវ័យ៤៥ឆ្នាំរូបនេះ គឺបន្ទាប់ពីសម្តេចកិត្តិព្រឹទ្ធបណ្ឌិត ទទួល បាននូវព័ត៌មានអំពីការលំបាកខ្វះខាតក្នុងជីវភាពជាស្ត្រីមេម៉ាយគ្មានមុខរបរជាទីពឹង និងរស់នៅអា ស្រ័យ លើឪពុកម្តាយក្មេកដែលចាស់ជរា ព្រមទាំងមានស្ថានភាពជីវភាពក្រីក្រលំបាកខ្លាំងដែរនោះ។ ក្រុមការងារដឹកនាំដោយឯកឧត្តម អ៊ុយ រី អនុប្រធានកិត្តិយសសាខា ឯកឧត្តម ប៊ុត គឹមស៊ាន ប្រធាន គណៈកម្មាធិការសាខាកាកបាទក្រហមកម្ពុជាខេត្ត។ ក្នុងឱកាសនៃពិធីប្រគល់-ទទួលផ្ទះនាព្រឹកថ្ងៃទី ២៩ មេសា ឆ្នាំ២០២១ ក្រុមការងារក៏បាននាំនូវប្រសាសន៍ផ្ដាំផ្ញើសួរសុខទុក្ខ និងក្តីអាណិតស្រឡាញ់ ដ៏ជ្រាលជ្រៅពីសំណាក់សម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ជូនចំពោះគ្រួសារលោកស្រី ព្រួញ វ៉ិត ដែលចិញ្ចឹមកូន៣នាក់ មុខរបរជាកម្មករសំណង់។ជាមួយនឹងការអបអរសាទរជាមួយគ្រួសារនឹងការទទួលបាននូវជម្រកស្នាក់នៅដ៏សមរម្យនេះ ក្រុមការ ងារកាកបាទក្រហម ក៏បានណែនាំឲ្យគិតគូរពីសុខភាព និងជីវភាព រស់នៅប្រចាំថ្ងៃ និង សូមបន្តថែទាំ កូនៗនិងជំរុញអោយបានខិតខំសិក្សារៀនសូត្រ និងប្រឹងប្រែងប្រកបមុខរបរកស៊ី ដើម្បីជីវភាពរស់នៅ បន្តទៀត ជាពិសេសត្រូវថែទាំសុខភាពឱ្យបានល្អ រស់នៅមានអនាម័យ និងអនុវត្តឱ្យបានខ្ជាប់ខ្ជួន នូវវិធានការរបស់ក្រសួងសុខាភិបាល ដើម្បីទប់ស្កាត់ការរីករាលដាលជំងឺកូវីដ-១៩។សូមបញ្ជាក់ថាផ្ទះថ្មីនេះមានទំហំ(៥ម៉ែត្រx៧ម៉ែត្រ)តសំយាបក្រោយទំហំ(១.៨០ម៉ែត្រx៧ម៉ែត្រ) ធ្វើអំពី ដែក សរសរបេតុង ប្រក់ស័ង្កសី និងជញ្ជាំងស្មាតបត សាងសង់ដោយក្រុមការងារនៃសមាគមអតីត យុទ្ធជនកម្ពុជា ខេត្តបាត់ដំបង ។ដើម្បីជួយសម្រាលដល់ជីវភាពរស់នៅ សាខាកាកបាទក្រហមកម្ពុជាខេត្តបាត់ដំបងបានផ្តល់ជូនអំ ណោយសម្រាប់សង្កត់ផ្ទះរួមមាន ៖ អង្ករ ១០០ គីឡូក្រាម,.ទឹកសុទ្ធីវីឃែរ ១០ កេស ឃីត១កញ្ចប់ (មុង ភួយ សារុង ក្រមា អាយឺត) .សាប៊ូ ៨ ដុំ ម៉ាស់ ២ប្រអប់,ប៉ាវអ៊ី ១ ទឹកត្រី ទឹកស៊ីអ៊ីវ ២យួរ ត្រខ ២០កំប៉ុង សម្ភារផ្ទះបាយមួយចំនួន និងថវិកាចំនួន ២០ម៉ឺនរៀល ក្នុងនោះឯកឧត្តម អ៊ុយ រី បានឧបត្ថម្ភថវិកា បន្ថែមចំនួន ៣០ម៉ឺនរៀលជូនលោកយាយ លោកតា ត្រូវជាម្តាយក្មេកលោកស្រី ព្រួញ វ៉ីត ផងដែរ ៕ អត្ថបទ ៖ ឧត្ដម

អំណោយលោកជំទាវ ហ៊ុន ម៉ាណា និងឯកឧត្តម ឌី វិជ្ជា ផ្តល់ជូនដល់បញ្ជាការដ្ឋានកងរាជអាវុធហត្ថរាជធានីភ្នំពេញ

ភ្នំពេញ៖ អំណោយរបស់លោកជំទាវ ហ៊ុន ម៉ាណា និងឯកឧត្តម ឧត្ដមសេនីយ៍ឯក ឌី វិជ្ជា មានគ្រឿងឧបភោគបរិភោគ និងថ្នាំពេទ្យ និងសម្ភារវេជ្ជសាស្រ្តផ្សេងទៀត ត្រូវបានផ្តល់ជូនដល់បញ្ជាការដ្ឋានកងរាជអាវុធហត្ថរាជធានីភ្នំពេញ សម្រាប់ផ្គត់ផ្គង់ដល់តម្រូវការប្រើប្រាស់ក្នុងពេលដែលភូមិសាស្ត្រនានារបស់រាជធានីភ្នំពេញត្រូវបានបិទខ្ទប់។ក្រុមការងាររួមមាន ឯកឧត្តម វ៉ាន់ ឆារស៍ ឯកឧត្តម សៅ ភិរុណ និងលោក ជិន ប៊ុនធឿន បាននាំយកទៅប្រគល់ដោយ ផ្ទាល់ជូនដល់ឯកឧត្តម ឧត្តមសេនីយ៍ឯក រ័ត្ន ស្រ៊ាង មេបញ្ជាការរងកងរាជអាវុធហត្ថលើផ្ទៃប្រទេស និងជាមេបញ្ជាការ នៃបញ្ជាការដ្ឋាន កងរាជអាវុធហត្ថរាជធានីភ្នំពេញ នៅទីបញ្ជាការដ្ឋាន នារសៀលថ្ងៃទី២៩ មេសានេះ។ក្នុងនាមលោកជំទាវ ហ៊ុន ម៉ាណា ឯកឧត្តម វ៉ាន់ ឆារស៍ បានពាំនាំនូវការកោតសរសើរ និងលើកទឹកចិត្តចំពោះកិច្ចខិតខំ ប្រឹងប្រែងរបស់កងកម្លាំងទាំងអស់ដែលបានបំពេញភារកិច្ចការងាររបស់ខ្លួនប្រកបដោយស្មារតីទទួលខុសត្រូវខ្ពស់ ទោះ ស្ថិតក្នុងកាលៈទេសៈលំបាក ខណៈដែលជំងឺកូវីដកំពុងរីករាលដាល ហើយទោះស្ថិតក្រោមអាកាសធាតុក្តៅ ភ្លៀង ខ្យល់យ៉ាងណាក៏ដោយ។ដោយមើលឃើញពីតម្រូវការចាំបាច់ក្នុងការផ្គត់ផ្គង់ចំពោះកងកម្លាំង ដែលកំពុងបំពេញការងារយ៉ាងសកម្មឆ្លើយតបចំពោះ ចំណាត់ការរបស់រាជរដ្ឋាភិបាលសំដៅការពារសុខមាលភាពប្រជាពលរដ្ឋក្នុងពេលដែលរាជធានីភ្នំពេញកំពុងបិទខ្ទប់នេះ លោកជំទាវ ហ៊ុន ម៉ាណា និងឯកឧត្តម ឧត្តមសេនីយ៍ឯក ឌី វិជ្ជា បានចាត់ចែងរៀបចំអំណោយទាំងអស់នេះភ្លាមៗ ដើម្បីចូលរួមចំណែក ជួយសម្រាលការលំបាកក្នុងគ្រាដែលយើងទាំងអស់គ្នាកំពុងជួបប្រទះដោយជំងឺកូវវីដ១៩។ឯកឧត្តម ឧត្តមសេនីយ៍ឯក រ័ត្ន ស្រ៊ាង បានកោតសរសើរចំពោះទឹកចិត្តរបស់លោកជំទាវ ហ៊ុន ម៉ាណា និងឯកឧត្តម ឧត្តមសេនីយ៍ឯក ឌី វិជ្ជា ដោយឯកឧត្តម មានប្រសាសន៍ថា អំណោយជាគ្រឿងឧបភោគបរិភោបចំនួនដ៏ច្រើននេះ ពិតជាបានឆ្លើយតប យ៉ាងទាន់ពេលវេលានូវអ្វី ដែលជាតម្រូវការ និងជាការលើកទឹកចិត្តដ៏សំខាន់ដល់កងកម្លាំងទាំងអស់។ជាមួយនេះ ក្រៅពីការចាត់ចែងចំពោះកងម្លាំងអាវុធហត្ថតាមគោលដៅ ឯកឧត្តមមេបញ្ជាការក៏នឹងចាត់ចែងជួយបន្តទៅដល់ការខ្វះខាតជាក់ស្តែង របស់ប្រជាពលរដ្ឋនៅតាមមូលដ្ឋានផងដែរនូវគ្រឿងឧបភោគបរិភោគទាំងនេះ។អំណោយដែលប្រគល់ជូននាពេលនេះរួមមាន៖អង្ករ ២០តោន , ត្រីខ ១០០០យួរ , មី ៥០កេសធំ , ភេសជ្ជៈប៉ូវកម្លាំង ខារ៉ាបាវ ចំនួន ៥០០កេស , ប៊ីចេង ៧៥គ.កអំបិល ៧៥គ.ក , ទឹកត្រី ទឹកស៊ីអ៊ីវ សរុប៦០យួរ , ទឹកបរិសុទ្ធ ARUNA ចំនួន ៥០០កេស , ម៉ាស ចំនួន ៥កេសធំរបាំងមុខ (Face Shield) ចំនួន ២០០ , ថ្នាំពេទ្យ ចំនួន ៥កេសធំ ៕អត្ថបទ ៖ សុធី

រលកថ្មីនៃជំងឺ COVID-19 ធ្វើឲ្យចំនួនអ្នកស្លាប់នៅឥណ្ឌាកើនឡើងជាង ២០ម៉ឺននាក់

ឥណ្ឌា៖ ចំនួនអ្នកស្លាប់សរុបដោយសារជំងឺ COVID-19 នៅក្នុងប្រទេសឥណ្ឌាបានកើនឡើងជាង ២០ម៉ឺននាក់គិតត្រឹមថ្ងៃពុធម្សិលមិញ ស្របពេលដែលរលកថ្មីនៃករណីឆ្លងឥតឈប់ឈរ ធ្វើឲ្យមន្ទីរពេទ្យផ្ទុកអ្នកជំងឺលើសចំណុះ ហើយក្រុមគ្រួសារអ្នកជំងឺចេញក្រៅតាមផ្លូវនៅក្នុងរដ្ឋធានី ដើម្បីស្វែងរកការផ្គត់ផ្គង់អុកស៊ីសែន និងឱសថ។ប្រទេសនៅក្នុងតំបន់អាស៊ីខាងត្បូងមានប្រជាពលរដ្ឋជាង ១.៣ពាន់លាននាក់មួយនេះកំពុងទប់ទល់ករណីឆ្លងថ្មី ៣៦ម៉ឺននាក់ ដែលជាចំនួនឆ្លងច្រើនបំផុតប្រចាំថ្ងៃនៅលើពិភពលោក និងរាយការណ៍ករណីស្លាប់ថ្មីជាង ៣ពាន់នាក់កាលពីថ្ងៃពុធ។ ជាមួយនឹងការផ្តល់ក្តីសង្ឃឹមតិចតួច ស្ថាបនិកបង្កើតក្រុមហ៊ុន BioNTech ដែលបានផលិតវ៉ាក់សាំងបង្ការជំងឺ COVID-19 ជាមួយក្រុមហ៊ុន Pfizer បាននិយាយថា លោកនៅតែមានជំនឿចិត្តចំពោះការចាក់វ៉ាក់សាំង ប្រឆាំងនឹងវីរុសបម្លែងខ្លួនថ្មីដែលកំពុងញាំញីប្រទេសឥណ្ឌា។ នៅក្នុងរដ្ឋញូវដែល្លី ចំណតរថយន្តបានប្រែក្លាយទៅជាឈាបនដ្ឋានបូជាសាកសព ហើយចំនួនសាកសពដ៏ច្រើនបានធ្វើឲ្យខ្វះខាតអូសសម្រាប់បូជាផងដែរ។ ដោយឡែកសាច់ញាតិអ្នកជំងឺបានជួបជុំគ្នានៅក្រៅមន្ទីរពេទ្យ និងឱសថស្ថានដើម្បីស្វែងរកការព្យាបាល និងថ្នាំពេទ្យ៕អត្ថបទ៖ សារ៉ាត់

ប្រជាជនឥណ្ឌាប្រញាប់ប្រញាល់ចាក់វ៉ាក់សាំងបង្ការជំងឺ COVID-19 ខណៈចំនួនអ្នកស្លាប់កើនឡើងជាង ២០ម៉ឺននាក់

ឥណ្ឌា៖ ប្រជាជនឥណ្ឌាបានព្យាយាមចុះឈ្មោះតាមអ៊ីនធឺណិត សម្រាប់ការចាក់វ៉ាក់សាំងបង្ការវីរុសកូរ៉ូណាដ៏ច្រើន ដែលនឹងចាប់ផ្ដើមនៅចុងសប្តាហ៍នេះ ខណៈចំនួនអ្នកស្លាប់ដោយសារវីរុសកូរ៉ូណាបានកើនឡើងដល់ជាង ២០ម៉ឺននាក់កាលពីថ្ងៃពុធ ដែលកាន់តែធ្ងន់ធ្ងរទៅដោយសារកង្វះគ្រែពេទ្យ និងអុកស៊ីសែនវេជ្ជសាស្ត្រ។រលកទី២ នៃការឆ្លងបានមើលឃើញមនុស្សយ៉ាងហោចណាស់ ៣០ម៉ឺននាក់ធ្វើតេស្តវិជ្ជមានក្នុងមួយថ្ងៃៗសម្រាប់សប្តាហ៍កន្លងមកនេះ ដែលមណ្ឌលសុខភាពផ្ទុកពេញដោយអ្នកជំងឺ ហើយកន្លែងបូជាសពពេញណែនដោយសាកសព និងជំរុញឱ្យមានការឆ្លើយតបជាបន្ទាន់កាន់តែខ្លាំងឡើង ដោយបញ្ជូនសម្ភារៈជំនួយសង្គ្រោះពីសំណាក់សម្ព័ន្ធមិត្តបរទេស។ ក្នុងរយៈពេល ២៤ម៉ោងចុងក្រោយនេះ បាននាំឲ្យមានករណីឆ្លងថ្មីចំនួន ៣៦០.៩៦០នាក់ក្នុងរយៈពេលតែមួយថ្ងៃ ជាការឆ្លងសរុបខ្ពស់បំផុតនៅលើពិភពលោក ដែលធ្វើឲ្យករណីឆ្លងសរុបនៅប្រទេសឥណ្ឌាកើនឡើងដល់ ១៨,៣៦៨,០៩៦នាក់។វាក៏ជាថ្ងៃអាក្រក់បំផុតផងដែររហូតមកដល់ពេលនេះ ដោយមានអ្នកស្លាប់ថ្មីចំនួន ៣,៦៤៧នាក់ ដែលបានធ្វើឱ្យចំនួនអ្នកស្លាប់សរុបទូទាំងប្រទេសកើនដល់ ២០៤,៨១២នាក់។ រដ្ឋដេលីកំពុងរាយការណ៍ពីមនុស្សស្លាប់ម្នាក់ពីជំងឺ COVID-19 រៀងរាល់ ៤នាទី ហើយរថយន្តសង្គ្រោះបន្ទាន់បានដឹកសាកសពជនរងគ្រោះ ទៅកាន់ឈាបនដ្ឋានបណ្ដោះអាសន្ន ក្នុងឧទ្យាន និងចំណតរថយន្តនានា ជាទីដែលសាកសពត្រូវបានបូជានៅតាមជួរ ដែលរៀបចំជាគំនរអូសដើម្បីបូជាសព៕ អត្ថបទ៖ សុខមាន

ក្រសួងសុខាភិបាលប្រកាសថា ពលរដ្ឋខ្មែរ ០៦នាក់ទៀតស្លាប់ដោយសារកូវីដ-១៩ តួលេខអ្នកស្លាប់សរុបកើនដល់៨៨នាក់

ភ្នំពេញ៖ ក្រសួងសុខាភិបាលបានប្រកាសនៅថ្ងៃនេះថា ពលរដ្ឋខ្មែរ ០៦នាក់បន្ថែមទៀត បានស្លាប់ដោយសារជំងឺកូវីដ-១៩ ដែលនាំឱ្យតួលេខអ្នកស្លាប់សរុប កើនឡើងដល់ ៨៨នាក់។ក្នុងសេចក្ដីប្រកាសព័ត៌មានចេញនៅយប់នេះ ក្រសួងសុខាភិបាលនិយាយថា ពលរដ្ឋខ្មែរទាំង ០៦នាក់នោះ មានស្ត្រី ២នាក់ និងបុរស ០៤នាក់។ក្រសួងសុខាភិបាលបញ្ជាក់ថា បុរសម្នាក់អាយុ ៣៧ឆ្នាំ ដែលរស់នៅសង្កាត់កាកាប ក្នុងខណ្ឌពោធិ៍សែនជ័យ បានស្លាប់កាលពីព្រឹកថ្ងៃម្សិលមិញនេះ នៅឯមន្ទីរពេទ្យមិត្តភាពខ្មែរ-សូវៀត ៣ថ្ងៃក្រោយពីគាត់ត្រូវបានបញ្ជូនទៅសម្រាកព្យាបាល បន្ទាប់ពីរកឃើញឆ្លងកូវីដ-១៩។ក្រសួងសុខាភិបាលបញ្ជាក់ថា បុរសម្នាក់អាយុ ៣៧ឆ្នាំ ដែលរស់នៅសង្កាត់កាកាប ក្នុងខណ្ឌពោធិ៍សែនជ័យ បានស្លាប់កាលពីព្រឹកថ្ងៃម្សិលមិញនេះ នៅឯមន្ទីរពេទ្យមិត្តភាពខ្មែរ-សូវៀត ៣ថ្ងៃក្រោយពីគាត់ត្រូវបានបញ្ជូនទៅសម្រាកព្យាបាល បន្ទាប់ពីរកឃើញឆ្លងកូវីដ-១៩។ចំណែកឯស្ត្រីម្នាក់ទៀតអាយុ ៦៨ឆ្នាំ ដែលរស់នៅក្នុងសង្កាត់ស្ទឹងមានជ័យ ខណ្ឌមានជ័យ បានស្លាប់កាលពីថ្ងៃម្សិលមិញនៅឯមន្ទីរពេទ្យមិត្តភាពខ្មែរ-សូវៀតដែរ តែ ២០នាទីប៉ុណ្ណោះក្រោយពីគាត់ត្រូវបានបញ្ជូនទៅមន្ទីរពេទ្យជាមួយសភាពធ្ងន់ធ្ងរ ហើយលទ្ធផលនៃការពិនិត្យសំណាកបង្ហាញថា គាត់បានឆ្លងមេរោគកូវីដ-១៩។ក្រសួងឱ្យដឹងទៀតថា បុរសម្នាក់ទៀតអាយុ ៦១ឆ្នាំដែលរស់នៅក្នុងសង្កាត់ស្ទឹងមានជ័យ ខណ្ឌមានជ័យ បានស្លាប់នៅឯមន្ទីរពេទ្យហ្លួងម៉ែកាលពីល្ងាចថ្ងៃម្សិលមិញនេះ ៥ថ្ងៃក្រោយពីគាត់ត្រូវបានបញ្ជូនទៅសម្រាកព្យាបាលនៅមន្ទីរពេទ្យ បន្ទាប់ពីរកឃើញឆ្លងមេរោគកូវីដ-១៩។ក្រសួងសុខាភិបាលបាននិយាយទៀតថា ស្ត្រីម្នាក់ទៀតអាយុ ៥១ឆ្នាំដែលរស់នៅក្នុងសង្កាត់ផ្សារដេប៉ូ២ ក្នុងខណ្ឌទួលគោក បានស្លាប់តាំងពីថ្ងៃទី២៣ ខែមេសា តែ ៣ថ្ងៃប៉ុណ្ណោះក្រោយពីគាត់ត្រូវបានរកឃើញឆ្លងមេរោគកូវីដ-១៩ ហើយត្រូវបានបញ្ជូនទៅសម្រាកព្យាបាលនៅមណ្ឌលព្យាបាលកូវីដ-១៩សែនសុខ១កាលពីថ្ងៃទី២០ ខែមេសា។ចំណែកឯបុរសអាយុ ៨០ឆ្នាំដែលរស់នៅក្នុងសង្កាត់ផ្សារថ្មី៣ ក្នុងខណ្ឌដូនពេញ ក្រសួងសុខាភិបាលបញ្ជាក់ថា បានស្លាប់ថ្ងៃម្សិលមិញនេះនៅឯមន្ទីរពេទ្យមិត្តភាពខ្មែរ-សូវៀត តែ ៣០នាទីប៉ុណ្ណោះក្រោយពីត្រូវបានបញ្ជូនទៅសម្រាកព្យាបាលនៅមន្ទីរពេទ្យ ហើយលទ្ធផលពិនិត្យសំណាករបស់គាត់បង្ហាញថា គាត់បានឆ្លងមេរោគកូវីដ-១៩។នៅឯខេត្តព្រះសីហនុឯណោះវិញ ក្រសួងសុខាភិបាលប្រកាសថា បុរសម្នាក់អាយុ ៩៣ឆ្នាំ ដែលជាពលរដ្ឋរស់នៅក្នុងសង្កាត់លេខ៤ បានស្លាប់នៅព្រឹកថ្ងៃនេះនៅមន្ទីរពេទ្យបង្អែកខេត្តព្រះសីហនុ ៣ថ្ងៃក្រោយពីគាត់ត្រូវបានបញ្ជូនទៅសម្រាកព្យាបាល ក្រោយរកឃើញឆ្លងមេរោគកូវីដ-១៩។ក្រសួងសុខាភិបាលបញ្ជាក់ថា ពលរដ្ឋខ្មែរទាំង ០៥រូបនេះ បានស្លាប់បាត់បង់ជីវិត ក្រោយពីរលាកសួតធ្ងន់ធ្ងរដែលបង្កឡើងដោយមេរោគកូវីដ-១៩។គិតត្រឹមថ្ងៃនេះ កម្ពុជាបានប្រកាសជាផ្លូវការថា មនុស្សដល់ទៅ ៨៨នាក់ហើយ បានស្លាប់ដោយសារមេរោគកូវីដ-១៩នៅក្នុងរយៈពេល ៤៧ថ្ងៃចុងក្រោយនេះ៕ អត្ថបទ ៖ សុធី

កម្ពុជារកឃើញមនុស្ស៦៩៨នាក់ទៀតឆ្លងមេរោគកូវីដ-១៩ ខណៈអ្នកជំងឺ ៩៩៤នាក់ទៀតជាសះស្បើយ

ភ្នំពេញ៖ ក្រសួងសុខាភិបាលបានប្រកាសនៅថ្ងៃនេះថាមនុស្ស ៦៩៨នាក់បន្ថែមទៀត ត្រូវបានរកឃើញឆ្លងមេរោគកូវីដ-១៩ ហើយថា អ្នកជំងឺកូវីដ-១៩ចំនួន ៩៩៤នាក់ទៀត ត្រូវបានព្យាបាលជាសះស្បើយ។ក្នុងសេចក្ដីប្រកាសព័ត៌មានចេញយប់នេះ ក្រសួងសុខាភិបាលបានបញ្ជាក់ថា ករណីឆ្លងថ្មី ៦៩៧នាក់ សុទ្ធតែពាក់ព័ន្ធនឹងព្រឹត្តិការណ៍សហគមន៍ ២០កុម្ភៈ ហើយ ១ករណីទៀត គឺជាករណីនាំចូលដែលត្រូវបានរកឃើញលើពលករខ្មែរវិលត្រឡប់មកពីប្រទេសថៃ។បើតាមក្រសួងសុខាភិបាល ករណីឆ្លងថ្មីទាំងអស់នេះ ត្រូវបានរកឃើញច្រើនបំផុតនៅរាជធានីភ្នំពេញមានចំនួនរហូតដល់ ៥៥៨នាក់ ហើយបន្ទាប់មកខេត្តកណ្ដាលរកឃើញអ្នកឆ្លងថ្មីដល់ទៅ ៧២នាក់ ខណៈដែលខេត្តបន្ទាយមានជ័យរកឃើញអ្នកឆ្លងថ្មី ៤៣នាក់ទៀត ហើយខេត្តព្រះសីហនុរកឃើញអ្នកឆ្លងថ្មី ១៦នាក់ទៀត។ចំណែកឯខេត្តកំពង់ស្ពឺ និងខេត្តតាកែវ ក្រសួងសុខាភិបាលបញ្ជាក់ថា រកឃើញអ្នកឆ្លងថ្មី ២នាក់ទៀតក្នុងខេត្តនីមួយៗ ហើយខេត្តពោធិ៍សាត់ រកឃើញអ្នកឆ្លងថ្មី ២នាក់។គិតត្រឹមថ្ងៃនេះ កម្ពុជារកឃើញមនុស្សសរុបដល់ទៅ ១១ ៧៦១នាក់ហើយបានឆ្លងមេរោគកូវីដ-១៩នៅទូទាំងប្រទេស ក្នុងនោះអ្នកឆ្លងមេរោគកូវីដ-១៩ដល់ទៅ ១១ ២១០នាក់ ឬស្មើនឹងជាង ៩៥ភាគរយ សុទ្ធតែពាក់ព័ន្ធនឹងព្រឹត្តិការណ៍សហគមន៍ ២០កុម្ភៈ។ក្រសួងសុខាភិបាលក៏បានប្រកាសផងដែរថា អ្នកជំងឺកូវីដ-១៩សរុប ៤ ៦៩៨នាក់ហើយ ត្រូវបានព្យាបាលជាសះស្បើយ ក្នុងនោះមានទាំងអ្នកជាសះស្បើយថ្មីចំនួន ៩៩៤នាក់ ដែលក្រសួងប្រកាសនៅថ្ងៃនេះផងដែរ៕អត្ថបទ ៖ សុធី

អំណោយរបស់លោកជំទាវ ហ៊ុន ម៉ាណា និង ឯកឧត្តម ឌី វីជ្ជា ផ្តល់ជូនរដ្ឋបាលខណ្ឌជ្រោយចង្វា

ភ្នំពេញ ៖ នៅរសៀលថ្ងៃទី ២៨ ខែមេសា ឆ្នាំ២០២១នេះ លោកជំទាវ ហ៊ុន ម៉ាណា និង ឯកឧត្តម ឌី វីជ្ជា បានចាត់ ឱ្យ ឯកឧត្តម ឆារស៍ វ៉ាន់ និង លោក ជិន ប៊ុនធឿន នាំយកអំណោយរួមមាន អង្ករ និងគ្រឿងបរិភោគបរិភោគជាច្រើនមុខយកទៅប្រគល់ជូនរដ្ឋបាលខណ្ឌជ្រោយចង្វា ដើម្បីចូលរួមចំណែកជាមួយរដ្ឋបាលខណ្ឌក្នុងការចែកជូនបងប្អូនកងកំលាំងដែលប្រចាំការការងារបិទខ្ទប់ក្នុងភូមិសាស្ត្ររបស់ខណ្ឌជ្រោយចង្វា ។ ឯកឧត្តម ឆារស៏ វ៉ាន់ បានមានមតិសំណេះសំណាល និងនាំនូវការផ្ដាំផ្ញើសួរសុខទុក្ខពីលោកជំទាវ ហ៊ុន ម៉ាណា និង ឯកឧត្តម ឌី វីជ្ជា ជូនដល់ថ្នាក់ដឹកនាំខណ្ឌ ដែលបានរៀបចំកងកំលាំងគណបញ្ជាការឯកភាពខណ្ឌប្រចាំការ ឈរតាមគោលដៅក្នុងភូមិសាស្ត្ររបស់ខ្លួនដោយគោរពបានល្អតាមបទបញ្ជារបស់រាជរដ្ឋាភិបាល ដោយមិនមានការធ្វេសប្រហែល និងប្រកបដោយស្មារតីទទួលខុសត្រូវខ្ពស់ ក្នុងដំណាក់កាលដែលយេីងកំពុងឆ្លង រីករាល ដាលនៃជំងឺកូវីដ-១៩ចូលក្នុងសហគមន៍ ហេីយតម្រូវឲ្យមានការបិទខ្ទប់រាជធានីភ្នំពេញ និងក្រុងតាខ្មៅ ដើម្បីកាត់ផ្តាច់ការឆ្លងរាលដាល។ ក្នុងនាមថ្នាក់ដឹកនាំ និងមន្ត្រីរដ្ឋបាលខណ្ឌទាំងអស់ លោកស្រី ស្វាយ សុជាតិ អភិបាលរងខណ្ឌ សរសេីរពីសមានចិត្តគិតគូពីតម្រូវការរបស់អជ្ញាធរដែនដី និងកងកម្លាំងទាំងអស់ និងគោរពថ្លែងអំណរគុណយ៉ាងជ្រាលជ្រៅជូនចំពោះលោកជំទាវ ហ៊ុន ម៉ាណា និង ឯកឧត្តម ឌី វិជ្ជា ដល់រដ្ឋបាលខណ្ឌនាពេលនេះ ព្រមទាំងជូនពរលោកទាំងពីរទទួលបាននូវ សុខភាពល្អបរិបូរណ៍ កម្លាំងខ្លាំងក្លាប្រាជ្ញាឈ្លាសវៃ អាយុយឺនយូរ ដើម្បីចូលរួមចំណែកក្នុងកិច្ចអភិវឌ្ឍជាតិឱ្យកាន់តែរីកចម្រើន ថ្កុំថ្កើនតទៅមុខទៀត ។អំណោយដែលប្រគល់ជូនរដ្ឋបាលខណ្ឌជ្រោយចង្វា រួមមាន៖ ១-អង្ករ ០២ តោន២-ត្រីខ ១០កេស ស្មើ ១០០០កំប៉ុង ៣-មី ១០កេស ស្មើ ៦០កេសតូច ៤-ភេសជ្ជប៉ូវកំលាំង carabao ១០០កេស៥-ប៊ីចេង ០១បេ (មាន ២៥គីឡូ)៦-អំបិល ០១បេ (មាន ២៥គីឡូ)៧-ទឹកត្រី ១០យួរ ស្មើ ៦០ដប៨- ទឹកស៊ីអុីវ ១០យួរ ស្មើ ៦០ដប៩-ទឹកសុទ្ធ ARUNA ២០០កេស១០-ម៉ាស់ ២កេសធំ មាន ១០០ប្រអប់ ស្មើ ៥០០០ម៉ាស់៕

ពិភពលោកប្រតិកម្មនឹងការហក់ឡើងខ្ពស់ដ៏គ្រោះថ្នាក់នៃករណីឆ្លងជំងឺ COVID-19 នៅឥណ្ឌា

ឥណ្ឌា៖ ប្រទេសឥណ្ឌាកំពុងទប់ស្កាត់ការរីករាលដាលឆ្លងដ៏គំហុក គ្រោះថ្នាក់ និងច្រើនបំផុតនៃជំងឺ COVID-19 ដែលបានធ្វើឲ្យមន្ទីរពេទ្យផ្ទុកអ្នកជំងឺលើសចំណុះ ហើយឈាបនដ្ឋានពេញសមត្ថភាព។ កាលពីថ្ងៃចន្ទគឺជាថ្ងៃទី៥ ជាប់ៗគ្នាដែលប្រទេសមួយនេះរកឃើញ ករណីឆ្លងប្រចាំថ្ងៃច្រើនបំផុតនៅលើពិភពលោក ស្របពេលដែលវីរុសបម្លែងខ្លួនថ្មីបន្តរីករាលដាលខ្លាំង។ការផ្គត់ផ្គង់អុកស៊ីហ្សែនសង្គ្រោះអាយុជីវិតមនុស្សកំពុងខ្វះខាត ហើយគ្រួសារដែលឆ្លងជំងឺCOVID-19 ត្រូវបានគេទុកចោល ដោយពួកគេធ្វើដំណើរពីមន្ទីរពេទ្យមួយទៅកាន់មន្ទីរពេទ្យមួយទៀត ដើម្បីស្វែងរកការព្យាបាល។ ឥណ្ឌាបានបញ្ជាកងកម្លាំងប្រដាប់អាវុធរបស់ខ្លួន ឲ្យជួយដោះស្រាយការហក់ឡើងខ្ពស់ករណីឆ្លង វីរុសដ៏កាចសាហាវមួយនេះ ខណៈដែលប្រទេសជាច្រើន រួមទាំងចក្រភពអង់គ្លេស អាល្លឺម៉ង់ និងសហរដ្ឋអាមេរិកសន្យាបញ្ជូនជំនួយសុខាភិបាលបន្ទាន់ទៅដល់ពួកគេ។ ទិន្នន័យពីក្រសួងសុខាភិបាលបានឲ្យដឹងថា ឥណ្ឌាដែលមានប្រជាពលរដ្ឋសរុប ១.៣ពាន់លាននាក់ បានរាយការណ៍ករណីឆ្លងជំងឺ COVID-19 ចំនួន ១៧.៣១លាននាក់ និងករណីស្លាប់ ១៩៥.១២៣នាក់ ថ្វីត្បិតតែក្រុមអ្នកជំនាញសុខភាពអះអាងថា តួលេខពិតប្រាកដអាចនឹងខ្ពស់ជាងនេះក៏ដោយ។ខណៈនោះដែរ អង្គការសុខភាពពិភពលោក កំពុងធ្វើការគ្រប់បែបយ៉ាងតាមដែលពួកគេអាចធ្វើបាន ដើម្បីផ្តល់សម្ភារ និងគ្រឿងវេជ្ជសាស្ត្រផ្គត់ផ្គង់ដែលចាំបាច់ដល់ប្រទេសឥណ្ឌា។ លោក យូស៊ូឡា វ៉ុនដឺ ឡេយ៉េន ប្រធានគណៈកម្មការអឺរ៉ុបបានសរសេរតាម Twitter ថា សហភាពអឺរ៉ុបកំពុងប្រមូលធនធានរបស់ខ្លួន ដើម្បីឆ្លើយតបឲ្យបានឆាប់រហ័សចំពោះសំណើសុំជំនួយរបស់ឥណ្ឌា តាមរយៈយន្តការការពារជនស៊ីវិលសហភាពអឺរ៉ុប។ លោកបន្តថា ពួកយើងនឹងសាមគ្គីពេញទំហឹងជាមួយប្រជាជនឥណ្ឌា៕អត្ថបទ៖ សារ៉ាត់

WHO៖ ជំងឺ COVID-19 បម្លែងខ្លួនថ្មីក្នុងប្រទេសឥណ្ឌាត្រូវបានរកឃើញនៅក្នុងប្រទេសចំនួន ១៧

WHO៖ អង្គការសុខភាពពិភពលោកបាននិយាយកាលពីថ្ងៃអង្គារថា ជំងឺ COVID-19 បម្លែងខ្លួនថ្មីដែលកំពុងជំរុញឲ្យមានការឆ្លងវីរុសកូរ៉ូណា កាន់តែច្រើននៅក្នុងប្រទេសឥណ្ឌា ត្រូវបានរកឃើញនៅក្នុងប្រទេសរាប់សិប។ទីភ្នាក់ងារអង្គការសហប្រជាជាតិមួយនេះបាននិយាយថា ជំងឺ COVID-19 បម្លែងខ្លួនថ្មី B1617 ត្រូវបានរកឃើញដំបូងនៅក្នុងប្រទេសឥណ្ឌា គិតត្រឹមថ្ងៃអង្គារត្រូវបានគេរកឃើញជាបន្តបន្ទាប់ជាង ១២០០នាក់ ដែលបានបញ្ចូលទៅក្នុងប្រព័ន្ធទិន្នន័យបើកចំហ GISAID "យ៉ាងហោចណាស់ ១៧ប្រទេស"។ អង្គការសុខភាពពិភពលោក បាននិយាយនៅក្នុងរបាយការណ៍វិវត្តប្រចាំសប្ដាហ៍ ស្ដីពីជំងឺរាតត្បាតសកលថា ការរកឃើញជាបន្តបន្ទាប់ភាគច្រើនត្រូវបានបញ្ចូលឬ upload ពីប្រទេសឥណ្ឌា ចក្រភពអង់គ្លេស សហរដ្ឋអាមេរិក និងសិង្ហបុរី។ ប្រទេសឥណ្ឌាកំពុងប្រឈមនឹងករណីឆ្លងថ្មី និងស្លាប់ខ្ពស់ដោយសារជំងឺរាតត្បាត ហើយការភ័យខ្លាចកំពុងកើនឡើងដែលថា ជំងឺ COVID-19 បម្លែងខ្លួនថ្មីនេះ អាចរួមចំណែកដល់មហន្តរាយដែលកំពុងកើតឡើង៕អត្ថបទ៖ សុខមាន

បណ្ដាញសង្គម

ព័ត៌មានថ្មីៗ

មនុស្ស ២នាក់ស្លាប់ និង ១៥នាក់របួស អំឡុងការវាយប្រហារដោយយានដ្រូនរបស់ក្រុមហ៊ូទី នៅភាគខាងកើតយេម៉ែន

ការផ្ទុះគ្រាប់បែក សម្លាប់មន្ត្រីយោធារុស្ស៊ី នៅតំបន់ Crimea ខណៈរបាយការណ៍ហៅរូបលោកថា ជាជនរត់ពីអ៊ុយក្រែន

បំណាក់ដីសម្លាប់មនុស្សយ៉ាងហោចណាស់ ៥នាក់ នៅឯអណ្តូងរ៉ែមាសខុសច្បាប់ នៅឥណ្ឌូនេស៊ី

បង់ក្លាដែសកម្រិតការប្រើប្រាស់ថាមពល ខណៈកង្វះខាតឧស្ម័នកាន់តែអាក្រក់ទៅៗ

ជប៉ុនកោះអញ្ជើញបេសកជនរុស្ស៊ី ជុំវិញដំណើររបស់លោក Putin ទៅកាន់កោះមានជម្លោះ

ក្រុមហ៊ុនពាណិជ្ជកម្មរុស្ស៊ីដ៏ធំមួយមានបំណងវិនិយោគនៅកម្ពុជាក្នុងការផលិតរថយន្ត និងគ្រឿងបន្លាស

រុស្ស៊ី និងអ៊ុយក្រែន ប្រគល់សាកសពទាហានទៅវិញទៅមក ជាការដោះដូរចុងក្រោយបង្អស់

UN៖ ការស្លាប់ជនស៊ីវិលក្នុងខែកក្កដា នៅអ៊ុយក្រែន ឈានដល់កម្រិតខ្ពស់បំផុត ចាប់តាំងពីខែឧសភា ឆ្នាំ២០២២

ប្រជាជនវ៉េណេស៊ុយអេឡាកំពុងជួបការលំបាក ត្រៀមជួបនឹងការដាច់ចរន្តអគ្គិសនី និងទឹកកាន់តែខ្លាំង

ក្រសួងការពារជាតិ៖ កតិកាសញ្ញាការពារជាតិទួរគី-ប៉ាគីស្ថាន-អារ៉ាប៊ីសាអ៊ូឌីត ចង់ជំរុញសមត្ថភាពយោធារួម

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

មនុស្ស ៤៤នាក់ស្លាប់ និងជាង ១០០នាក់របួសក្នុងហេតុការណ៍រត់ជាន់គ្នាក្នុងពិធីសាសនានៅអ៊ីស្រាអែល

ផ្ទះថ្មីមួយខ្នងរបស់សម្ដេចកិត្តិព្រឹទ្ធបណ្ឌិត ត្រូវបានប្រគល់ជូនស្ត្រីមេម៉ាយក្រខ្សត់នៅបាត់ដំបង

អំណោយលោកជំទាវ ហ៊ុន ម៉ាណា និងឯកឧត្តម ឌី វិជ្ជា ផ្តល់ជូនដល់បញ្ជាការដ្ឋានកងរាជអាវុធហត្ថរាជធានីភ្នំពេញ

រលកថ្មីនៃជំងឺ COVID-19 ធ្វើឲ្យចំនួនអ្នកស្លាប់នៅឥណ្ឌាកើនឡើងជាង ២០ម៉ឺននាក់

ប្រជាជនឥណ្ឌាប្រញាប់ប្រញាល់ចាក់វ៉ាក់សាំងបង្ការជំងឺ COVID-19 ខណៈចំនួនអ្នកស្លាប់កើនឡើងជាង ២០ម៉ឺននាក់

ក្រសួងសុខាភិបាលប្រកាសថា ពលរដ្ឋខ្មែរ ០៦នាក់ទៀតស្លាប់ដោយសារកូវីដ-១៩ តួលេខអ្នកស្លាប់សរុបកើនដល់៨៨នាក់

កម្ពុជារកឃើញមនុស្ស៦៩៨នាក់ទៀតឆ្លងមេរោគកូវីដ-១៩ ខណៈអ្នកជំងឺ ៩៩៤នាក់ទៀតជាសះស្បើយ

អំណោយរបស់លោកជំទាវ ហ៊ុន ម៉ាណា និង ឯកឧត្តម ឌី វីជ្ជា ផ្តល់ជូនរដ្ឋបាលខណ្ឌជ្រោយចង្វា

ពិភពលោកប្រតិកម្មនឹងការហក់ឡើងខ្ពស់ដ៏គ្រោះថ្នាក់នៃករណីឆ្លងជំងឺ COVID-19 នៅឥណ្ឌា

WHO៖ ជំងឺ COVID-19 បម្លែងខ្លួនថ្មីក្នុងប្រទេសឥណ្ឌាត្រូវបានរកឃើញនៅក្នុងប្រទេសចំនួន ១៧

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

ផ្ទះថ្មីមួយខ្នងរបស់សម្ដេចកិត្តិព្រឹទ្ធបណ្ឌិត ត្រូវបានប្រគល់ជូនស្ត្រីមេម៉ាយក្រខ្សត់នៅបាត់ដំបង

អំណោយលោកជំទាវ ហ៊ុន ម៉ាណា និងឯកឧត្តម ឌី វិជ្ជា ផ្តល់ជូនដល់បញ្ជាការដ្ឋានកងរាជអាវុធហត្ថរាជធានីភ្នំពេញ

រលក​ថ្មី​នៃ​ជំងឺ COVID-19 ធ្វើ​ឲ្យ​ចំនួន​អ្នក​ស្លាប់​នៅ​​ឥណ្ឌា​កើន​ឡើង​ជាង ២០​ម៉ឺន​នាក់​

កម្ពុជា​រក​ឃើញ​មនុស្ស​៦៩៨​នាក់​ទៀត​ឆ្លង​មេរោគ​កូវីដ-១៩ ខណៈ​អ្នក​ជំងឺ ៩៩៤​នាក់​ទៀត​ជា​សះស្បើយ

អំណោយរបស់លោកជំទាវ ហ៊ុន ម៉ាណា និង ឯកឧត្តម ឌី វីជ្ជា ផ្តល់ជូនរដ្ឋបាលខណ្ឌជ្រោយចង្វា

ពិភព​លោក​ប្រតិកម្ម​នឹង​ការ​ហក់​ឡើង​ខ្ពស់​ដ៏​គ្រោះ​ថ្នាក់​នៃ​ករណី​ឆ្លង​ជំងឺ ​COVID-19​ នៅ​​ឥណ្ឌា​

WHO៖​ ជំងឺ​ COVID-19 ប​ម្លែ​ង​ខ្លួន​ថ្មី​ក្នុង​ប្រទេស​ឥណ្ឌា​ត្រូវ​បាន​រក​ឃើញ​នៅក្នុង​ប្រទេស​ចំនួន ​១៧

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

រលកថ្មីនៃជំងឺ COVID-19 ធ្វើឲ្យចំនួនអ្នកស្លាប់នៅឥណ្ឌាកើនឡើងជាង ២០ម៉ឺននាក់

កម្ពុជារកឃើញមនុស្ស៦៩៨នាក់ទៀតឆ្លងមេរោគកូវីដ-១៩ ខណៈអ្នកជំងឺ ៩៩៤នាក់ទៀតជាសះស្បើយ

ពិភពលោកប្រតិកម្មនឹងការហក់ឡើងខ្ពស់ដ៏គ្រោះថ្នាក់នៃករណីឆ្លងជំងឺ COVID-19 នៅឥណ្ឌា

WHO៖ ជំងឺ COVID-19 បម្លែងខ្លួនថ្មីក្នុងប្រទេសឥណ្ឌាត្រូវបានរកឃើញនៅក្នុងប្រទេសចំនួន ១៧