BTV NEWS

សម្ដេចធិបតី៖ មន្ត្រីជាអ្នកបម្រើរាស្ត្រ មិនមែនជាចៅហ្វាយរាស្ត្រទេ

សម្ដេចតេជោ ហ៊ុន សែន ចែករំលែកអត្ថបទអ្នកស្រាវជ្រាវថៃ ក្រោមចំណងជើងថា «មនុស្សធម៌ខ្វះការអាណិតអាសូរ»

ឯកឧត្តម ឌី វិជ្ជា និងលោកជំទាវ ហ៊ុន ម៉ាណា អញ្ជើញប្រគេនទៀនព្រះវស្សា និងនាំយកទេយ្យវត្ថុ ប្រគេនវត្តចំនួន១២វត្ត និងចែកអំណោយដល់យាយជីតាជី នៅស្រុកក្រគរ និងស្រុកភ្នំក្រវាញ ខេត្តពោធិ៍សាត់

គណៈប្រតិភូធុរកិច្ចមកពីហុងកុង ក្វាងទុង និងម៉ាកាវ បង្ហាញចំណាប់អារម្មណ៍ក្នុងការស្វែងរកឱកាសវិនិយោគលើវិស័យសក្តានុពលនៅកម្ពុជា

ព័ត៌មានសំខាន់ៗ

កម្ពុជារកឃើញមនុស្ស៥៧៦នាក់ទៀតឆ្លងកូវីដ១៩ ខណៈអ្នកជំងឺ៧០នាក់ទៀតបានជាសះស្បើយពីជំងឺកូវីដ១៩

ភ្នំពេញ៖ ក្រសួងសុខាភិបាលបានប្រកាសនៅថ្ងៃនេះថា មនុស្ស ៥៧៦នាក់ទៀត ត្រូវបានរកឃើញឆ្លងមេរោគកូវីដ១៩ ខណៈអ្នកជំងឺកូវីដ១៩ចំនួន ៧០នាក់ទៀត ត្រូវបានព្យាបាលជាសះស្បើយ។ក្នុងសេចក្ដីប្រកាសព័ត៌មាននៅថ្ងៃនេះ ក្រសួងសុខាភិបាលប្រកាសថា ករណីឆ្លងថ្មីទាំង ៥៧៦នាក់នោះ សុទ្ធតែជាប់ពាក់ព័ន្ធនឹងព្រឹត្តិការណ៍សហគមន៍ ២០កុម្ភៈ។បើតាមក្រសួងសុខាភិបាល ករណីឆ្លងថ្មីដល់ទៅ ៥៤៤នាក់ ត្រូវបានរកឃើញនៅក្នុងរាជធានីភ្នំពេញ បន្ទាប់មកខេត្តស្វាយរៀងរកឃើញអ្នកឆ្លងថ្មី ១៦នាក់ ខេត្តព្រះសីហនុរកឃើញករណីថ្មី ១២នាក់ ខេត្តសៀមរាបរកឃើញថ្មី ២នាក់ និងរកឃើញ ១ករណីៗនៅក្នុងខេត្តកណ្ដាល និងកំពង់ចាម។គិតត្រឹមថ្ងៃនេះ កម្ពុជារកឃើញមនុស្សដល់ទៅ ៣ ៦០៤នាក់ហើយបានឆ្លងមេរោគកូវីដ១៩នៅទូទាំងប្រទេសគិតចាប់តាំងពីថ្ងៃទី២៧ ខែមករាឆ្នាំមុន ជាថ្ងៃដែលកម្ពុជារកឃើញករណីឆ្លងកូវីដ១៩ជាលើកដំបូង។ក្នុងចំណោមតួលេខសរុប មនុស្សដល់ទៅ ៣ ០៧២នាក់ ឬស្មើនឹងជាង ៨២ភាគរយ បានឆ្លងមេរោគកូវីដ១៩ បន្ទាប់ពីពួកគេបានពាក់ព័ន្ធនឹងព្រឹត្តិការណ៍សហគមន៍២០កុម្ភៈ។ក្រសួងសុខាភិបាលក៏បានប្រកាសផងដែរថា អ្នកជំងឺកូវីដ១៩ចំនួន ៧០នាក់បន្ថែមទៀត ត្រូវបានព្យាបាលជាសះស្បើយហើយ និងត្រូវបានអនុញ្ញាតឱ្យចាកចេញពីមន្ទីរពេទ្យហើយ។គិតមកដល់ថ្ងៃនេះ ចំនួនអ្នកជំងឺកូវីដ១៩ដែលត្រូវបានព្យាបាលជាសះស្បើយ បានកើនឡើងដល់ ១ ៩៨៤នាក់ហើយ ខណៈអ្នកជំងឺកូវីដ១៩ ១ ៥៩១នាក់ទៀត កំពុងស្ថិតក្រោមការព្យាបាលបន្ត៕

សម្តេចតេជោ អំពាវនាវឱ្យពលរដ្ឋដែលពាក់ព័ន្ធ នឹងអ្នកឆ្លងកូវីដ-១៩ ទៅឱ្យពេទ្យយកចំណាកទៅធ្វើតេស្ត

ភ្នំពេញ ៖ សម្តេចតេជោ ហ៊ុន សែន ប្រមុខរាជរដ្ឋាភិបាលកម្ពុជា បានធ្វើការអំពាវនាវដល់ប្រជាពលរដ្ឋទាំងអស់ ដែលដឹងថា ខ្លួនមានការពាក់ព័ន្ធដោយផ្ទាល់ និងដោយប្រយោល ជាមួយអ្នកមានជំងឺកូវីដ-១៩ ត្រូវតែទៅ ឱ្យគ្រូពេទ្យយកសំណាក ដើម្បីធ្វើតេស្តរកជំងឺកូវីដ-១៩។ តាមរយៈហ្វេសប៊ុកផ្លូវការ នៅព្រឹកថ្ងៃទី០៩ ខែមេសានេះ សម្តេចតេជោ ប្រមុខរាជរដ្ឋាភិបាល បាន អំពាវនាវ ដល់ប្រជាពលរដ្ឋខ្មែរទាំងអស់ ឱ្យបន្តការប្រុងប្រយ័ត្នខ្ពស់ ចំពោះស្ថានភាព នៃការឆ្លងរីករាលដាលជំងឺកូវីដ-១៩ នាពេលបច្ចុប្បន្ននេះ។ស្ថានភាពឆ្លងរីករាលដាល នៃជំងឺកូវីដ-១៩ ដែលកើតចេញពីព្រឹត្តិការណ៍សហគមន៍២០កុម្ភៈ កំពុងតែមានវិសាលភាពធំឡើងពីមួយថ្ងៃទៅមួយថ្ងៃគួរឱ្យព្រួយបារម្ភ ដែលមកដល់ពេលនេះ មានអ្នកឆ្លង ចំនួនជាងបីពាន់នាក់ ក្នុងនេះ ព្យាបាលជាសះស្បើយ មានចំនួនជិតពីរពាន់នាក់ និងស្លាប់២៤នាក់។ព្រឹត្តិការណ៍សហគមន៍២០កុម្ភៈ កំពុងបង្កហានិភ័យធ្ងន់ធ្ងរដល់រាជធានី-ខេត្ត ចំនួន៤ គឺរាជធានី ភ្នំពេញ ខេត្តកណ្តាល ខេត្តព្រះសីហនុ និងស្វាយរៀង ជាពិសេសគឺនៅរាជធានីភ្នំពេញតែម្តង ដែលបាននឹង កំពុងឆ្លងរីករាលដាលយ៉ាងខ្លាំងពីមួយថ្ងៃទៅមួយថ្ងៃ។ដោយសារហានិភ័យនេះ ប្រជាពលរដ្ឋ ត្រូវបានអំពាវនាវម្ដងហើយម្ដងទៀត ឱ្យមានការប្រុងប្រយ័ត្នកម្រិតខ្ពស់ជាទីបំផុត បើមិនមានការចាំបាច់ទេ កុំចេញពីផ្ទះ ជាពិសេសត្រូវប្រកាន់ខ្ជាប់នូវវិធានការ ៣ការពារ គឺពាក់ម៉ាស់ ឧស្សាហ៍លាងសម្អាតដៃនឹងសាប៊ូ ឬ ជែល រក្សាគម្លាតសុវត្ថិភាពសង្គម និងបុគ្គល ចាប់ពី១ម៉ែត្រកន្លះឡើងទៅ ឱ្យបានគ្រប់ៗគ្នា នៅគ្រប់ទីកន្លែង និងប្រកាន់ខ្ជាប់វិធានការ ៣កុំ គឺ កុំចូលទៅ កន្លែងដែលបិទជិតគ្មានខ្យល់ចេញចូល និងប្រើម៉ាស៊ីនត្រជាក់ច្រើនពេក រកកន្លែងមានខ្យល់ចេញចូល កុំ ទៅកន្លែងមានមនុស្សច្រើនកុះករ កុំប៉ះពាល់គ្នា ចាប់ដៃគ្នា កុំកៀកស្មាគ្នា និងកុំអោបគ្នា ។ល៕អត្ថបទ ៖ មុត សុទ្ធ

សម្តេចកិត្តិព្រឹទ្ធបណ្ឌិតថ្វាយព្រះពរព្រះមហាក្សត្រ ក្នុងឱកាសឆ្នាំថ្មីប្រពៃណីជាតិខ្មែរ

ភ្នំពេញ ៖ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជានៅថ្ងៃទី៩ មេសានេះ បានថ្វាយសារលិខិតថ្វាយព្រះពរដល់អង្គព្រះមហាក្សត្រ ក្នុងឱកាសឆ្នាំថ្មី ប្រពៃណីជាតិដែលនឹងឈានមកដល់ក្នុងពេលដ៏ខ្លីខាងមុខនេះ។សារលិខិតមានខ្លឹមសារថាព្រះករុណាព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា ជាទីគោរពសក្ការៈដ៏ខ្ពង់ខ្ពស់បំផុត។ បពិត្រ ព្រះករុណា ជាអម្ចាស់ជីវិតលើត្បូង ជាទីគោរពសក្ការៈដ៏ខ្ពង់ខ្ពស់បំផុត ស្ថិតក្នុងអភិលក្ខិតសម័យដ៏សិរីមង្គលឧត្តុង្គឧត្តម នៃពិធីបុណ្យចូលឆ្នាំថ្មីប្រពៃណីជាតិខ្មែរ ដែលនឹងឈានចូលមកដល់នា ពេលឆាប់ៗខាងមុខនេះ ក្នុងនាមខ្ញុំម្ចាស់ និងសមាជិក សមាជិកា អ្នកស្ម័គ្រចិត្តកាកបាទក្រហមកម្ពុជា ជាបឋម សូម ព្រះបរមរាជានុញ្ញាតលំឱនកាយបង្គំថ្វាយព្រះសព្ទសាធុការពរជ័យ បវរសួស្តី សិរីវិវឌ្ឍ នាជាអនេកប្បការ ថ្វាយ ព្រះករុណា ជាអម្ចាស់ជីវិតលើត្បូង ព្រះមហាក្សត្រ នៃព្រះរាជាណាចក្រកម្ពុជា ជាទីគោរពសក្ការៈដ៏ខ្ពង់ខ្ពស់បំផុត សូមទ្រង់ព្រះប្រកប ដោយព្រះរាជសុខភាពពេញបរិបូរណ៍ ព្រះពលានុភាពមាំមួនក្លៀវក្លា ព្រះបញ្ញាញាណភ្លឺថ្លាត្រចះត្រចង់ ព្រះជន្មាទីឃាយុ យឺនយូរជាងរយព្រះវស្សា ដើម្បី ព្រះអង្គ គង់ប្រថាប់ជាម្លប់អម្រឹតដ៏ត្រជាក់ត្រជំ ប្រទានដល់ប្រជានុរាស្ត្រជ្រកកោនដោយ ក្តីសុខដុមរមនា ជាភិយ្យោភាពតរៀងទៅ។ក្នុងវរោកាសដ៏វិសេស វិសាលនេះ ខ្ញុំម្ចាស់ និងសហការី នៃកាកបាទក្រហមកម្ពុជា សូមថ្វាយនូវព្រះកតញ្ញូកតវេទីតាធម៌ដ៏ធំធេងចំពោះព្រះវិសុទ្ធគុណដ៏ខ្ពង់ខ្ពស់ជាអតិបរមា ដែលជានិច្ចកាល ព្រះករុណា ថ្លៃវិសេសជាអម្ចាស់ទ្រង់ ស្តេចសព្វព្រះរាជហឫទ័យ លះបង់ពេលវេលា និងព្រះកាយពលដោយពុំគិតពីការ នឿយហត់ បំពេញនូវព្រះរាជបូជនិយកិច្ច ដ៏ឧត្តុង្គឧត្តម បម្រើឧត្តមប្រយោជន៍ ជាតិ សាសនា និងមហាប្រជានុរាស្ត្រ ជាទីស្រឡាញ់របស់ព្រះអង្គ ប្រកបដោយព្រះ ព្រហ្មវិហារធម៌ និងព្រះរាជទសពិធរាជធម៌ដ៏បរិសុទ្ធ។ ទន្ទឹមនេះទៀត ព្រះករុណាជាអម្ចាស់ជីវិតលើត្បូង ទ្រង់ស្ដេចសព្វ ព្រះរាជហឫទ័យប្រោសព្រះរាជទាន លើកកម្ពស់គាំទ្រ បរិច្ចាគព្រះរាជទ្រព្យ ប្រទានកាកបាទក្រហមកម្ពុជា ដើម្បីមានលទ្ធភាព ពង្រឹងយន្តការសង្គ្រោះប្រជាជនដែលរងគ្រោះដោយគ្រោះមហន្តរាយផ្សេងៗ នៅទូទាំងព្រះរាជាណាចក្រកម្ពុជា តាមព្រះ រាជលំអានដ៏ខ្ពង់ខ្ពស់បំផុត របស់ ព្រះវររាជបិតាជាតិខ្មែរ ព្រះបរមរតនកោដ្ឋ ព្រមទាំង សម្តេចព្រះមហាក្សត្រី ព្រះវរ រាជមាតាជាតិខ្មែរ ក្នុងសេរីភាព សេចក្តីថ្លៃថ្នូរ និងសុភមង្គលជាទីគោរពសក្ការៈដ៏ខ្ពង់ខ្ពស់បំផុត ។ជាថ្មីម្តងទៀត ខ្ញុំម្ចាស់ ព្រមទាំងសហការី សូមលំឱនកាយឧទ្ទិសបួងសួងដល់វត្ថុស័ក្ដិសិទ្ធិ ទាំងអស់ក្នុងលោក ដួង ព្រះវិញ្ញាណក្ខន្ធអតីតព្រះមហាក្សត្រ ព្រះមហាក្សត្រិយានីខ្មែរគ្រប់ជំនាន់ ទេវតារក្សាព្រះមហាស្វេតច្ឆត្រ ជាពិសេស ព្រះបារមីដួងព្រះវិញ្ញាណក្ខន្ធ ព្រះមហាវីរក្សត្រ ព្រះបរម រតនកោដ្ឋ ជាទីសក្ការៈ ព្រមទាំងទេវតារក្សាឆ្នាំថ្មី ឆ្នាំឆ្លូវ ត្រីស័ក ព.ស.២៥៦៤ ព្រះនាម មណ្ឌាទេវី សូមបន្តអភិបាលគ្រងរក្សា ព្រះករុណាជាអម្ចាស់ជីវិតលើត្បូង ជាទីគោរព សក្ការៈដ៏ខ្ពង់ខ្ពស់បំផុត សូមព្រះប្រកបដោយព្រះពុទ្ធពរទាំងបួនប្រការ គឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ៕អត្ថបទ ៖ មុត សុត

បណ្ដាប្រទេសនៅលើសកលលោករកឃើញករណីឆ្លង និងស្លាប់ច្រើនបំផុតដោយសារជំងឺ COVID-19

ពិភពលោក៖ រថយន្តគិលានសង្គ្រោះផ្ទុកដោយអ្នកជំងឺពិបាកដកដង្ហើម បានត្រៀបត្រានៅក្នុងប្រទេសប្រេស៊ីល ស្របពេលបណ្ដាប្រទេសនៅលើសកលលោក រកឃើញករណីឆ្លង និងស្លាប់ច្រើនបំផុតដោយសារជំងឺ COVID-19 កាលពីថ្ងៃព្រហស្បតិ៍ម្សិលមិញ។នៅសហរដ្ឋអាមេរិកក្រុមមេដឹកនាំទីក្រុងដឺទ្រ័រ រដ្ឋមីឈីហ្គែន បានចាប់ផ្ដើមផែនការដើរគោះទ្វារតាមផ្ទះប្រជាពលរដ្ឋ ដើម្បីបញ្ចុះបញ្ចូលពួកគេឲ្យមកទទួលការចាក់ វ៉ាក់សាំងជំងឺដ៏កាចសហាវមួយនេះ។ នៅក្នុងសប្ដាហ៍នេះ ប្រេស៊ីលបានក្លាយជាប្រទេសទី៣ បន្ទាប់ពីសហរដ្ឋអាមេរិក និងប៉េរូរាយការណ៍ករណីស្លាប់ដោយសារជំងឺ COVID-19 ច្រើនជាង ៤ពាន់នាក់ក្នុងរយៈពេល ២៤ម៉ោង។ ចំណែកឯប្រទេសឥណ្ឌារាយការណ៍ករណីឆ្លងថ្មីជិត ១២៧.០០០នាក់ក្នុងរយៈពេល ២៤ម៉ោងចុងក្រោយ ហើយអ៊ីរ៉ង់រកឃើញករណីឆ្លងថ្មីជំងឺ COVID-19 ច្រើនបំផុតរយៈពេល ៣ថ្ងៃជាប់ៗគ្នាចំនួនជិត ២២.៦០០នាក់។ នៅក្នុងរដ្ឋរីយ៉ូ ដឺ ចាណេរ៉ូ សេវាកម្មសង្គ្រោះបន្ទាន់មានការងារធ្ងន់បំផុត ចាប់តាំងពីការរីករាលដាលឆ្លងសកលជំងឺ COVID-19 ក្នុងនោះរថយន្តគិលានសង្គ្រោះផ្ទុកដោយអ្នកជំងឺគ្រប់វ័យ បាននៅត្រៀបត្រាពាសពេញមន្ទីរពេទ្យដែលមានអ្នកជំងឺលើសចំណុះ និងពិបាកមើលថែពួកគេ។ក្រុមអាជ្ញាធរបាននិយាយថា ៩០% នៃគ្រែក្នុងបន្ទប់សង្គ្រោះបន្ទាន់ពេញដោយអ្នកជំងឺ COVID-19 ហើយទីក្រុងជាច្រើនបានរាយការណ៍ថា ប្រជាពលរដ្ឋបានស្លាប់នៅតាមផ្ទះដោយសារកង្វះខាតការព្យាបាល។ លោក អាដ្រៀនណូ ប៉េរ៉េរ៉ា ប្រធានសេវាកម្មសង្គ្រោះបន្ទាន់នៅទីក្រុងឌូក្វេ ដឺ កាហ្សៀស ដែលជាទីក្រុងក្រីក្រនៅក្រៅទីក្រុងរីយ៉ូបាននិយាយថា ពួកយើងកំពុងរស់ក្នុងរលកទី៣ នៃជំងឺ COVID-19។ ពួកយើងទទួលបានការហៅទូរស័ព្ទចូលច្រើនជាង ៣ដង បើប្រៀបធៀបនឹងរលកមុនៗ។ សូមបញ្ជាក់ថា ករណីស្លាប់ដោយសារជំងឺ COVID-19 នៅប្រទេសប្រេស៊ីលបានកើនឡើងជាង ៣៤ម៉ឺននាក់ ដែលជាករណីស្លាប់ខ្ពស់បំផុតលំដាប់លេខ២ នៅលើពិភពលោកបន្ទាប់ពីសហរដ្ឋអាមេរិក ដែលមានមនុស្សស្លាប់ជិត ៥៦ម៉ឺននាក់៕អត្ថបទ៖ សារ៉ាត់

សម្តេចកិត្តិព្រឹទ្ធបណ្ឌិត ថ្វាយព្រះពរសម្តេចព្រះមហាក្សត្រី ក្នុងឱកាសឆ្នាំថ្មីប្រពៃណីជាតិ

ភ្នំពេញ ៖ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា នៅថ្ងៃទី៩ មេសានេះ បានថ្វាយសារលិខិតថ្វាយព្រះពរដល់អង្គសម្តេចម៉ែ សម្តេចព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរ ក្នុងសេរីភាព សេចក្តីថ្លៃថ្នូរ និងសុភមង្គល ព្រះប្រធានកិត្តិយស កាកបាទក្រហមកម្ពុជា ក្នុងឱកាសឆ្នាំថ្មី ដែលនឹងឈានមកដល់នៅប៉ុន្មានថ្ងៃទៀតនេះ។សារលិខិត មានខ្លឹមសារថា សម្តេចព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរ ក្នុងសេរីភាព សេចក្តីថ្លៃថ្នូរ និងសុភមង្គល ព្រះប្រធានកិត្តិយស កាកបាទក្រហមកម្ពុជា ជាទីសក្ការៈ ដ៏ខ្ពង់ខ្ពស់បំផុត។ បពិត្រ សម្តេចព្រះមហាក្សត្រី ព្រះវររាជមាតាជាតិខ្មែរ ជាទីគោរពសក្ការៈដ៏ខ្ពង់ខ្ពស់បំផុត ក្នុងឱកាស ដ៏មហានក្ខត្តឫក្សឧត្ដុង្គឧត្ដម នៃពិធីបុណ្យចូលឆ្នាំថ្មីប្រពៃណីជាតិខ្មែរ ឆ្នាំឆ្លូវ ត្រីស័កព.ស.២៥៦៤ ដែលនឹងឈានចូលមកដល់នាពេលឆាប់ៗខាងមុខនេះ នាងខ្ញុំម្ចាស់ ព្រមទាំងសហការីគ្រប់លំដាប់ថ្នាក់ នៃកាកបាទក្រហម កម្ពុជា សូមព្រះបរមរាជានុញ្ញាតលំឱនកាយថ្វាយព្រះសព្ទសាធុការពរបវរសួស្ដី សិរីវឌ្ឍនមង្គលគ្រប់ប្រការ ថ្វាយ សម្តេច ព្រះមហាក្សត្រី ព្រះវររាជមាតាជាតិខ្មែរ ជាអម្ចាស់ជីវិត ទ្រង់ស្ដេចព្រះប្រកបដោយព្រះរាជសុខភាពល្អបរិបូរណ៍ និង ព្រះពលានុភាពខ្លាំងក្លា ព្រះបញ្ញាញាណភ្លឺថ្លា ត្រចះត្រចង់វាងវៃ ព្រះជន្មាទីឃាយុយឺនយូរជាងរយព្រះវស្សា ដើម្បី ហ្លួងម៉ែ ជាអម្ចាស់ជីវិត គង់ប្រថាប់ជាម្លប់ត្រជាក់ត្រជំ ប្រទានដល់ប្រជាពលរដ្ឋជាកូន ជាចៅ ចៅទួត ចៅលួត របស់ព្រះអង្គជ្រក កោនដោយក្តីសុខដុមរមនា ជាភិយ្យោភាពអស់កាលដ៏យូរអង្វែងតរៀងទៅ។ក្នុងអភិសម័យថ្លៃថ្លាឧត្ដុង្គឧត្ដមនេះ នាងខ្ញុំម្ចាស់ និងសហការី នៃកាកបាទក្រហមកម្ពុជា សូមអភិវន្ទន៍ថ្វាយនូវព្រះ កតញ្ញូកតវេទិតាធម៌ដ៏ជ្រាលជ្រៅ ចំពោះព្រះវិសុទ្ធគុណដ៏ខ្ពង់ខ្ពស់ជាអតិបរមា សម្តេចព្រះមហាក្សត្រី ព្រះវររាជមាតា ជាតិខ្មែរជាអម្ចាស់ ទ្រង់ស្ដេចស្ថិតក្នុងព្រះមហាកិត្តិនាម ជាព្រះប្រធានកិត្តិយសកាកបាទក្រហមកម្ពុជា ព្រះអង្គតែងយកព្រះ ទ័យទុកដាក់ប្រទានភាពកក់ក្តៅដល់ប្រជារាស្ត្រ និងក្តីអភិរម្យត្រជាក់ត្រជុំសម្រាប់កូន ចៅ ចៅទួតរបស់ព្រះអង្គ ប្រកប ដោយព្រះព្រហ្មវិហារធម៌ និងព្រះរាជទសពិធរាជធម៌ដ៏បរិសុទ្ធ និងជាពិសេសទៅទៀត ហ្លួងម៉ែជាអម្ចាស់ជីវិត តែងបាន ប្រោសព្រះរាជទាន បរិច្ចាគព្រះរាជទ្រព្យយ៉ាងទៀងទាត់ដល់កាកបាទក្រហមកម្ពុជា សំដៅគាំទ្រយន្តការមនុស្សធម៌ សង្គ្រោះប្រជាពលរដ្ឋដែលរងគ្រោះដោយគ្រោះមហន្តរាយផ្សេងៗ ក្នុងបរិ ការណ៍នៃបេសកកម្មប្រយុទ្ធប្រឆាំងការរីក រាលដាលជាសកលនៃជំងឺកូវីដ១៩ ក្នុងការលើកកម្ពស់សុខុមាលភាព និងជីវភាពរស់នៅរបស់ប្រជារាស្ត្រទូទាំងព្រះរាជា ណាចក្រកម្ពុជា។ក្នុងឱកាសដ៏សិរីសួស្ដីបុណ្យចូលឆ្នាំថ្មីប្រពៃណីជាតិ ខណៈនេះនាងខ្ញុំម្ចាស់ និងសហការី សូមបួងសួងដល់គុណ បុណ្យព្រះរតនត្រ័យ វត្ថុស័ក្ដិសិទ្ធិក្នុងលោក ព្រះបារមីអតីតព្រះមហាក្សត្រ ព្រះមហាក្សត្រិយានីខ្មែរគ្រប់ព្រះអង្គ ជាពិសេស ព្រះបារមីដួងព្រះវិញ្ញាណក្ខន្ធ ព្រះករុណា ព្រះបរមរតនកោដ្ឋ ជាទីសក្ការៈ និងទេវតាឆ្នាំថ្មី ឆ្នាំឆ្លូវ ត្រីស័ក ពស.២៥៦៤ ព្រះនាម មណ្ឌាទេវី សូមអភិបាលគ្រងរក្សា សម្តេចព្រះមហាក្សត្រី ព្រះវររាជមាតាជាតិខ្មែរ ជាទីគោរពសក្ការៈ សូមទ្រង់ព្រះប្រកបដោយព្រះពុទ្ធពរទាំង៤ ប្រការ គឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ៕អត្ថបទ ៖ មុត សុត

សម្តេចតេជោ ហ៊ុន សែន ផ្តល់ថវិកា និងឃីត ដល់បណ្តាខេត្ត សម្រាប់ឧបត្ថម្ភពលរដ្ឋកម្ពុជា ដែលវិលត្រឡប់មកស្រុកកំណើតវិញ

ភ្នំពេញ ៖ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា នៅព្រឹកថ្ងៃទី០៨ ខែមេសា ឆ្នាំ២០២១នេះ បានផ្តល់ថវិកាបន្ថែមសរុបចំនួន១,៧៦០,០០០,០០០រៀល(មួយពាន់ ប្រាំពីររយ ហុកសិបលានរៀល) ដល់បណ្តាខេត្តចំនួន១៩ និងឃីត សរុបចំនួន៣០០០ ជូនដល់បណ្តាខេត្តចំនួន១១ផ្សេងទៀត សម្រាប់ឧបត្ថម្ភដល់ពលករខ្មែរ ដែលត្រឡប់មកពីប្រទេសថៃ មកកាន់ស្រុកកំណើតវិញ ដើម្បីធ្វើចត្តាឡីស័ក។បើតាមលោកជំទាវវេជ្ជបណ្ឌិត យក់ សម្បត្តិ រដ្ឋលេខាធិការក្រសួងសុខាភិបាល ប្រាប់BTV ព័ត៌មាននារសៀលនេះថា ដោយមានការយកចិត្តទុកដាក់ដ៏ខ្ពង់ខ្ពស់ពីសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រី្តបានឲ្យរៀបចំចាត់ចែង ថវិកា និងឃីតបន្ថែម ជូនទៅកាន់បណ្តាខេត្តនានា សម្រាប់ត្រៀមពីថ្ងៃទី០៨ រហូតដល់ថ្ងៃទី១៤ ខែមេសា ឆ្នាំ២០២១។ លោកជំទាវ វេជ្ជបណ្ឌិត បានបញ្ជាក់ទៀតថា ខេត្ត ដែលទទួលបានថវិកា និងសម្ភារៈឃីតបន្ថែមរបស់សម្តេចតេជោ រួមមាន៖១. ខេត្តបាត់ដំបង ទទួលបានថវិកា១៥០លានរៀល និងឃីត ចំនួន៤០០២. ខេត្តបន្ទាយមានជ័យ ទទួលបានថវិកា២០០លានរៀល និងឃីត ចំនួន៤០០៣. ខេត្តប៉ៃលិន ទទួលបានថវិកា ៦០លានរៀល ៤. ខេត្តកោះកុង ទទួលបានថវិកា ២០លានរៀល៥. ខេត្តពោធិ៍សាត់ ទទួលបានថវិកា ២០០លានរៀល និងឃីត ចំនួន៥០០៦. ខេត្តព្រះវិហារ ទទួលបានថវិកា៤០លានរៀល និងឃីត ចំនួន២០០៧.ខេត្តកណ្តាល ទទួលបានថវិកា ១៨០លានរៀល ៨.ខេត្តស្វាយរៀង ទទួលបានថវិកា ៦០លានរៀល និងឃីត ចំនួន២០០៩.ខេត្តព្រៃវែង ទទួលបានថវិកា ២២០លានរៀល និងឃីត ចំនួន៣០០១០. ខេត្តត្បូងឃ្មុំ ទទួលបានថវិកា ៨០លានរៀល១១. ខេត្តក្រចេះ ទទួលបានថវិកា ៧០លានរៀល និងឃីត ចំនួន១០០១២. ខេត្តតាកែវ ទទួលបានថវិកា ២០លានរៀល១៣. ខេត្តកំពង់ចាម ទទួលបានថវិកា ៥០លានរៀល១៤. ខេត្តកែប ទទួលបានឃីត ចំនួន១០០១៥. ខេត្តកំពង់ឆ្នាំង ទទួលបានថវិកា ២០លានរៀល១៦. ខេត្តកំពង់ស្ពឺ ទទួលបានថវិកា ៥០លានរៀល និងឃីត ចំនួន២០០១៧.ខេត្តកំពង់ធំ ទទួលបានថវិកា ៣០លានរៀល និងឃីត ចំនួន៤០០១៨. ខេត្តស្ទឹងត្រែង ទទលបានថវិកា ១០លានរៀល១៩. ខេត្តព្រះសីហនុ ទទួលបានថវិកា ១៥០លានរៀល២០. ខេត្តសៀមរាប ទទួលបានថវិកា ១៥០លានរៀលហើយខេត្តដែលទទួលបានថវិកាទាំង១៩នេះ មានប្រជាពលរដ្ឋកំពុងធ្វើចត្តាឡីស័ក សរុបចំនួន១៦២៧៩នាក់ និងខេត្ត ដែលទទួលបានសម្ភារៈឃីត ទាំង១១នេះ មានប្រជាពលរដ្ឋកំពុងធ្វើចត្តាឡីស័ក សរុបចំនួន៧៤០៧នាក់៕អត្ថបទ ៖ រដ្ឋា

កងកម្លាំងសន្តិសុខមីយ៉ាន់ម៉ាបាញ់សម្លាប់បាតុករ ១៥នាក់ ខណៈរបបយោធាចោទពួកគេថាកំពុងបំផ្លាញប្រទេសជាតិ

មីយ៉ាន់ម៉ា៖ កងកម្លាំងសន្តិសុខសហភាពមីយ៉ាន់ម៉ា បើកការបាញ់ប្រហារទៅលើក្រុមបាតុករ គាំទ្រលទ្ធិប្រជាធិបតេយ្យកាលពីថ្ងៃពុធម្សិលមិញ ដោយបានសម្លាប់មនុស្សយ៉ាងហោច ១៥នាក់ និងរាប់សិបនាក់ផ្សេងទៀតរងរបួស ស្របពេលដែលរបបសឹកយោធាចោទប្រកាន់ពួកគេថា កំពុងបំផ្លាញប្រទេសជាតិ។លោកឧត្តមសេនីយ៍ មីន អ៊ុងលាំង ដែលជាមេដឹកនាំធ្វើរដ្ឋប្រហារយោធា ផ្តួលរំលំរដ្ឋាភិបាលឈ្នះឆ្នោតសហភាពមីយ៉ាន់ម៉ាកាលពីថ្ងៃទី០១ ខែកុម្ភៈកន្លងទៅបាននិយាយថា គោលបំណងចលនាបះបោររបស់ជនស៊ីវិល គឺដើម្បីបំផ្លិចបំផ្លាញប្រទេសជាតិ។ ប៉ុន្តែក្រុមស្រាវជ្រាវដែលមានមូលដ្ឋាននៅទីក្រុងឡុងដ៍ ចក្រភពអង់គ្លេស បាននិយាយថា យោធាកំពុងបាត់បង់ការគ្រប់គ្រងរបស់ខ្លួន។ មាននូវករណីផ្ទុះទ្រង់ទ្រាយតូចផងដែរ នៅក្នុងរដ្ឋធានីពាណិជ្ជកម្មយ៉ាងហ្គោន ហើយរោងចក្រចិនរងការដុតបំផ្លាញ។ យោងតាមការអះអាងរបស់ក្រុមសកម្មជនបានឲ្យដឹងថា ជនស៊ីវិលប្រហែល ៦០០នាក់ត្រូវបានបាញ់សម្លាប់ដោយកងកម្លាំងសន្តិសុខ អំឡុងភាពច្របូកច្របល់មួយនេះចាប់តាំងពីការធ្វើរដ្ឋប្រហារ។ ការធ្វើបាតុកម្ម និងកូដកម្មនៅតែបន្តទូទាំងប្រទេស ថ្វីត្បិតតែមានការបង្ហូរឈាមគ្នាក៏ដោយ។សមាគមជំនួយអ្នកទោសនយោបាយ (AAPP) បាននិយាយថា បច្ចុប្បន្នយោធាផ្តោតសំខាន់លើវិធានការបង្ក្រាបរបស់ខ្លួន នៅតាមតំបន់ជនបទ។ នៅទីក្រុងភាគពាយព្យកាឡេ កងកម្លាំងសន្តិសុខបានប្រើប្រាស់គ្រាប់កាំភ្លើងពិត គ្រាប់បែក និងកាំភ្លើងយន្តបាញ់ប្រហារទៅលើក្រុមបាតុករ ដែលទាមទារឲ្យស្តារឡើងវិញរដ្ឋាភិបាលលោកស្រី អ៊ុងសាន ស៊ូជី។ មនុស្សយ៉ាងហោច ៨នាក់បានស្លាប់នៅទីនោះ៕អត្ថបទ៖ សារ៉ាត់

ថវិកា២០០លានរៀលជាអំណោយដ៏មហាសប្បុរសរបស់មហាឧបាសិក ប៊ុន ស៊ាងលី ត្រូវបានប្រគល់ជូនមន្ទីរពេទ្យគន្ធបុប្ផា

ភ្នំពេញ ៖ ថវិកាចំនួន ២០០លានរៀល ឬខ្ទង់ ៥ម៉ឺនដុល្លារ ដែលជាអំណោយដ៏មហាសប្បុរសរបស់អ្នកឧកញ៉ាព្រឹទ្ធមហាឧបាសិកាធម្មញ្ញាណវិវឌ្ឍនា ប៊ុន ស៊ាងលី មាតាបង្កើតរបស់សម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ត្រូវបាននាំយកទៅប្រគល់ជូនមន្ទីរពេទ្យគន្ធបុប្ផានៅថ្ងៃនេះ។អំណោយជាថវិកានេះ ត្រូវបានលោកជំទាវ ប៊ុន សុថា ប្អូនស្រីពៅរបស់សម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន តំណាងរបស់សម្ដេចទាំងពីរ នាំយកទៅប្រគល់ជូនមូលនិធិគន្ធបុប្ផាកម្ពុជានៅព្រឹកថ្ងៃនេះ ដោយមានតំណាងមូលនិធិគន្ធបុប្ផាកម្ពុជា ឯកឧត្ដម ចន ណារិទ្ធ និងតំណាងមន្ទីរពេទ្យគន្ធបុប្ផា លោកវេជ្ជបណ្ឌិត ដេនីស ឡូរ៉ង់ (Denis Laurent)។លោកជំទាវ ប៊ុន សុថា មានប្រសាសន៍ថា អំណោយដ៏មហាសប្បុរសនេះ គឺជាការចូលរួមចំណែកជួយទ្រទ្រង់ដល់ការផ្ដល់សេវាព្យបាលដល់កុមារកម្ពុជា ដែលប្រឈមមុខនឹងជំងឺផ្សេងៗ។លោកជំទាវបានមានប្រសាសន៍បន្តថា អំណោយជាថវិកានេះ បានមកពីបច្ច័យនៃមហាបុណ្យកុសលរបស់អ្នកឧកញ៉ាព្រឹទ្ធមហាឧសិកាធម្មញ្ញាណវិវឌ្ឍនា ប៊ុន ស៊ាងលី សម្រាប់ទុកបរិច្ចាគដល់មន្ទីរពេទ្យគន្ធបុប្ផា។បើតាមលោកជំទាវ ប៊ុន សុថា អំណោយមហាសប្បុរសរបស់អ្នកឧកញ៉ាព្រឹទ្ធមហាឧសិកាធម្មញ្ញាណវិវឌ្ឍនា ប៊ុន ស៊ាងលី ត្រូវបានប្រគល់ជូនដល់មន្ទីរពេទ្យគន្ធាបុប្ផាចំនួន ២លើកហើយ ក្នុងនោះអំណោយជាថវិកាលើកទី១មានចំនួន ៥ម៉ឺនដុល្លារផងដែរ។ប្រធានលេខាធិការដ្ឋានមូលនិធិគន្ធបុប្ផា ឯកឧត្ដម ចន ណារិទ្ធ បានថ្លែងអំណរគុណចំពោះសម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន និងសម្ដេចតេជោ ហ៊ុន សែន នាយករដ្ឋមន្ត្រីកម្ពុជា និងក្រុមគ្រួសារ ដែលនាំយកអំណោយជាថវិកានេះប្រគល់ជូនដល់មូលនិធិគន្ធបុប្ផា និងតែងតែគិតគូដល់ចិរភាពនៃមន្ទីរពេទ្យគន្ធបុប្ផា ដើម្បីផ្ដល់ការព្យាបាលជូនដល់កុមារកម្ពុជាទូទាំងប្រទេស។ឯកឧត្ដម ចន ណារិទ្ធ ក៏បានបួងសួងដល់ទេវតាជួយប្រសិទ្ធពរជ័យដល់ដួងវិញ្ញាណក្ខន្ធអ្នកឧកញ៉ាមហាឧបាសិកាធម្មញ្ញាណវិវឌ្ឍនា ប៊ុន ស៊ាងលី សូមបានស្ថិតក្នុងទីឋានដ៏បរមសុខ៕អត្ថបទ ៖ សុខធី

WHO៖ អត្ថប្រយោជន៍វ៉ាក់សាំងបង្ការ COVID-19 របស់ក្រុមហ៊ុន AstraZeneca មានច្រើនជាងហានិភ័យ

ស្វីស៖ លោក រ៉ូហ្គេរីយ៉ូ ហ្គាស្ប៉ា ប្រធាននិយតកម្មអង្គការសុខភាពពិភពលោក (WHO) បាននិយាយកាលពីថ្ងៃអង្គារថា អង្គការរបស់លោករំពឹងថា គ្មានហេតុផលត្រូវផ្លាស់ប្ដូរការវាយតម្លៃចុងក្រោយរបស់ខ្លួនថា អត្ថប្រយោជន៍វ៉ាក់សាំងបង្ការជំងឺ COVID-19 របស់ក្រុមហ៊ុន AstraZeneca ដែលជាក្រុមហ៊ុនសហការរួមគ្នារវាងអង់គ្លេស និងស៊ុយអែតមានច្រើនជាងហានិភ័យនោះទេ។លោក ហ្គាស្ប៉ា បាននិយាយថា អង្គការ WHO កំពុងសិក្សាយ៉ាងយកចិត្តទុកដាក់លើទិន្នន័យចុងក្រោយគេជាមួយនឹងអឺរ៉ុប និងក្រុមនិយតករផ្សេងទៀត ក្រោយមានរបាយការណ៍ពីបញ្ហាឈាមកក នៅក្នុងចំណោមមនុស្សដែលទទួលបានវ៉ាក់សាំងខាងលើ។ មន្ត្រីជាន់ខ្ពស់មួយរូបរបស់និយតករឱសថអឺរ៉ុបបាននិយាយថា មាននូវការផ្សារភ្ជាប់ច្បាស់លាស់រវាងវ៉ាក់សាំងបង្ការជំងឺ COVID-19 របស់ក្រុមហ៊ុន AstraZeneca និងបញ្ហាឈាមកកដ៏កម្រនៅក្នុងខួរក្បាល ថ្វីត្បិតតែមូលហេតុដោយផ្ទាល់នៅមិនទាន់បានដឹងក៏ដោយ។ ទីភ្នាក់ងារឱសថអឺរ៉ុប (EMA) បាននិយាយនៅក្នុងសេចក្ដីថ្លែងការណ៍ ក្រោយសេចក្តីអធិប្បាយរបស់លោក ម៉ាកូ កាវ៉ាលឺរី ប្រធានក្រុមវាយតម្លៃវ៉ាក់សាំងថា ពួកគេនៅពិនិត្យមើលវ៉ាក់សាំងមួយនេះ ហើយរំពឹងថានឹងប្រកាសឲ្យដឹងពីលទ្ធផលរកឃើញនៅថ្ងៃពុធ ឬនៅថ្ងៃព្រហស្បតិ៍ស្អែក។លោក ហ្គាស្ប៉ា បន្តទៀតថា អង្គការ WHO រំពឹងថានឹងឈានដល់ការវាយតម្លៃថ្មីនៅថ្ងៃពុធ ឬថ្ងៃព្រហស្បតិ៍ ក្រោយជំនួបរបស់ក្រុមប្រឹក្សាសុវត្ថិភាពឱសថ ប៉ុន្តែពួកគេគ្មានជំនឿថា មានហេតុផលត្រូវផ្លាស់ប្ដូរសេចក្តីណែនាំរបស់ពួកគេដែលថា អត្ថប្រយោជន៍របស់វ៉ាក់សាំង មានច្រើនជាងហានិភ័យនោះទេ។ លោកបាននិយាយប្រាប់សន្និសីទសារព័ត៌មាន នៅទីក្រុងហ្សឺណែវ ប្រទសស្វីសថា អ្វីដែលយើងអាចនិយាយបាន គឺការវាយតម្លៃដែលយើងមានសម្រាប់ពេលនេះ គឺការវាយតម្លៃថា អត្ថប្រយោជន៍-ហានិភ័យសម្រាប់វ៉ាក់សាំងនៅតែវិជ្ជមានដដែល ៕អត្ថបទ៖ សារ៉ាត់

មន្ត្រីការទូតជាន់ខ្ពស់របស់ពិភពលោកជួបជុំគ្នានៅទីក្រុងវីយែនពិភាក្សាកិច្ចព្រមព្រៀងនុយក្លេអ៊ែរអ៊ីរ៉ង់

អូទ្រីស៖ គណៈប្រតិភូមកពីទីក្រុងវ៉ាស៊ីនតោន និងទីក្រុងតេអេរ៉ង់បានជួបគ្នាដោយប្រយោល ពិភាក្សាលើកិច្ចព្រមព្រៀងនុយក្លេអ៊ែរអ៊ីរ៉ង់ ខណៈដែលសហរដ្ឋអាមេរិកមិនរំពឹងថា នឹងទទួលបានលទ្ធផលជាផ្លែផ្កាភ្លាមៗនោះ។កាលពីថ្ងៃអង្គារ ប្រទេសម្ចាស់ហត្ថលេខីដែលសេសសល់ នៅក្នុងកិច្ចព្រមព្រៀងនុយក្លេអ៊ែរឆ្នាំ ២០១៥ បានជួបជុំគ្នានៅក្នុងទីក្រុងវីយែន ប្រទេសអូទ្រីស សម្រាប់កិច្ចពិភាក្សាជុំដំបូង ចាប់តាំងពីប្រធានាធិបតីសហរដ្ឋអាមេរិក លោក ចូ បៃដិន ឡើងកាន់អំណាច។ គណៈប្រតិភូសហរដ្ឋអាមេរិកមិនបានចូលរួមដោយផ្ទាល់នោះទេ។ មន្ត្រីការទូតជាន់ខ្ពស់មកពីរុស្ស៊ី ចិន បារាំង អង់គ្លេស និងអាល្លឺម៉ង់បានជួបប្រជុំជាមួយសមភាគីអ៊ីរ៉ង់ សម្រាប់ការពិគ្រោះយោបល់ដែលមានគោលដៅ ត្រួសត្រាយផ្លូវឲ្យទីក្រុងវ៉ាស៊ីនតោនវិលត្រឡប់ មកកាន់កិច្ចព្រមព្រៀងនុយក្លេអ៊ែរអ៊ីរ៉ង់។ ទីក្រុងតេអេរ៉ង់បាននិយាយនៅមុនជំនួបនេះថា មាននូវការប្រាស្រ័យទាក់ទងគ្នាដោយប្រយោលរវាងមន្ត្រីការទូតអ៊ីរ៉ង់ និងសហរដ្ឋអាមេរិក ក្នុងនាមមិនមែនជាប្រទេសម្ចាស់ហត្ថលេខីនៃកិច្ចព្រមព្រៀងមួយនេះ ប៉ុន្តែពួកគេនឹងរក្សាបច្ចុប្បន្នភាព ពេលដែលកិច្ចប្រជុំនៅតែបន្តទៅមុខ។លោក អាលី រ៉ាប៊ីអេ អ្នកនាំពាក្យរដ្ឋាភិបាលអ៊ីរ៉ង់ នៅថ្ងៃអង្គារបានស្វាគមន៍សេចក្តីអធិប្បាយកាលពីពេលកន្លងទៅ របស់ទីក្រុងវ៉ាស៊ីនតោនថា ពួកគេអាចនឹងដកទណ្ឌកម្មសេដ្ឋកិច្ចចេញពីអ៊ីរ៉ង់។ លោក រ៉ាប៊ីអេ បាននិយាយថា ពួកយើងយល់ឃើញថា ជំហរមួយនេះប្រាកដនិយម និងជោគជ័យ។ វានឹងអាចចាប់ផ្ដើមកែកុនរឿងរ៉ាវអាក្រក់ ដែលបានបញ្ចប់វិស័យការទូតរវាងប្រទេសទាំង២។ ខណៈពេលនោះដែរ អ្នកនាំពាក្យក្រសួងការបរទេសសហរដ្ឋអាមេរិក លោក ណេដ ប្រាយ បាននិយាយប្រាប់ក្រុមអ្នកសារព័ត៌មានថា កិច្ចប្រជុំដំបូងធ្វើឡើងដោយប្រទេសជាដៃគូសហរដ្ឋអាមេរិកនៅទីក្រុងវីយែន ពាក់ព័ន្ធនឹងបញ្ហាអ៊ីរ៉ង់គឺជាជំហានស្ថាបនា និងស្វាគមន៍ បើទោះបីវាជាកិច្ចប្រជុំដោយប្រយោលក៏ដោយ។ សូមបញ្ជាក់ថា អ៊ីរ៉ង់បានឈានដល់កិច្ចព្រមព្រៀងនុយក្លេអ៊ែរ ជាមួយប្រទេសមហាអំណាច ៥+១ (អាមេរិក រុស្ស៊ី ចិន បារាំង អង់គ្លេស + អាល្លឺម៉ង់) កាលពីឆ្នាំ២០១៥ ប៉ុន្តែអតីតលោកប្រធានាធិបតី ដូណាល់ ត្រាំ បានដកអាមេរិកចេញពីកិច្ចព្រមព្រៀងមួយនេះវិញ កាលពីឆ្នាំ២០១៨ កន្លងទៅ៕អត្ថបទ៖ សារ៉ាត់

បណ្ដាញសង្គម

ព័ត៌មានថ្មីៗ

ក្រសួងការងារ និងអង្គការ IOM ពិភាក្សាពង្រឹង និងពង្រីកកិច្ចសហប្រតិបត្តិការគាំទ្រអតីតជនទេសន្តរប្រវេសន៍ខ្មែរ និងជនទេសន្តរប្រវេសន៍ខ្មែរដែលកំពុងធ្វើការនៅក្រៅប្រទេស

អាមេរិកព្រមានដៃគូពាណិជ្ជកម្មរាប់សិបប្រទេសពីហានិភ័យក្នុងការជួយបញ្ចៀសការដំឡើងពន្ធ

ឯកឧត្តម ប៉ែន បូណា៖ «ទាល់តែមានមនុស្សពូកែច្រើនទើបប្រទេសរីកចម្រើនខ្លាំង»

ក្រសួងបរិស្ថាន រៀបចំពង្រឹង «ការសរសេរព័ត៌មាន ការឆ្លើយតប និងប្រតិកម្មរហ័សក្នុងវិស័យបរិស្ថាន»

កងរាជអាវុធហត្ថលើផ្ទៃប្រទេសប្រកាសស្វែងរកឈ្មោះ ប៉េង ជីវ៉ា ដែលគ្រងឯកសណ្ឋានកងកម្លាំងប្រដាប់អាវុធដោយខុសច្បាប់

មនុស្ស ២នាក់ស្លាប់ និង ១៥នាក់របួស អំឡុងការវាយប្រហារដោយយានដ្រូនរបស់ក្រុមហ៊ូទី នៅភាគខាងកើតយេម៉ែន

ការផ្ទុះគ្រាប់បែក សម្លាប់មន្ត្រីយោធារុស្ស៊ី នៅតំបន់ Crimea ខណៈរបាយការណ៍ហៅរូបលោកថា ជាជនរត់ពីអ៊ុយក្រែន

បំណាក់ដីសម្លាប់មនុស្សយ៉ាងហោចណាស់ ៥នាក់ នៅឯអណ្តូងរ៉ែមាសខុសច្បាប់ នៅឥណ្ឌូនេស៊ី

បង់ក្លាដែសកម្រិតការប្រើប្រាស់ថាមពល ខណៈកង្វះខាតឧស្ម័នកាន់តែអាក្រក់ទៅៗ

ជប៉ុនកោះអញ្ជើញបេសកជនរុស្ស៊ី ជុំវិញដំណើររបស់លោក Putin ទៅកាន់កោះមានជម្លោះ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

កម្ពុជារកឃើញមនុស្ស៥៧៦នាក់ទៀតឆ្លងកូវីដ១៩ ខណៈអ្នកជំងឺ៧០នាក់ទៀតបានជាសះស្បើយពីជំងឺកូវីដ១៩

សម្តេចតេជោ អំពាវនាវឱ្យពលរដ្ឋដែលពាក់ព័ន្ធ នឹងអ្នកឆ្លងកូវីដ-១៩ ទៅឱ្យពេទ្យយកចំណាកទៅធ្វើតេស្ត

សម្តេចកិត្តិព្រឹទ្ធបណ្ឌិតថ្វាយព្រះពរព្រះមហាក្សត្រ ក្នុងឱកាសឆ្នាំថ្មីប្រពៃណីជាតិខ្មែរ

បណ្ដាប្រទេសនៅលើសកលលោករកឃើញករណីឆ្លង និងស្លាប់ច្រើនបំផុតដោយសារជំងឺ COVID-19

សម្តេចកិត្តិព្រឹទ្ធបណ្ឌិត ថ្វាយព្រះពរសម្តេចព្រះមហាក្សត្រី ក្នុងឱកាសឆ្នាំថ្មីប្រពៃណីជាតិ

កងកម្លាំងសន្តិសុខមីយ៉ាន់ម៉ាបាញ់សម្លាប់បាតុករ ១៥នាក់ ខណៈរបបយោធាចោទពួកគេថាកំពុងបំផ្លាញប្រទេសជាតិ

ថវិកា២០០លានរៀលជាអំណោយដ៏មហាសប្បុរសរបស់មហាឧបាសិក ប៊ុន ស៊ាងលី ត្រូវបានប្រគល់ជូនមន្ទីរពេទ្យគន្ធបុប្ផា

WHO៖ អត្ថប្រយោជន៍វ៉ាក់សាំងបង្ការ COVID-19 របស់ក្រុមហ៊ុន AstraZeneca មានច្រើនជាងហានិភ័យ

មន្ត្រីការទូតជាន់ខ្ពស់របស់ពិភពលោកជួបជុំគ្នានៅទីក្រុងវីយែនពិភាក្សាកិច្ចព្រមព្រៀងនុយក្លេអ៊ែរអ៊ីរ៉ង់

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

សម្តេច​កិត្តិ​ព្រឹទ្ធ​បណ្ឌិត​ថ្វាយព្រះពរ​ព្រះមហាក្សត្រ ​ក្នុងឱកាស​ឆ្នាំ​ថ្មី​ប្រពៃណី​ជាតិខ្មែរ

បណ្ដា​ប្រទេស​នៅ​លើ​សកល​លោក​រក​ឃើញ​ករណី​ឆ្លង និង​ស្លាប់​ច្រើន​បំផុត​ដោយសារ​ជំងឺ COVID-19

សម្តេច​កិត្តិ​ព្រឹទ្ធ​បណ្ឌិត​ ថ្វាយព្រះពរ​សម្តេចព្រះ​មហាក្សត្រី ​ក្នុងឱកាស​ឆ្នាំ​ថ្មី​ប្រពៃណី​ជាតិ

WHO៖ អត្ថប្រយោជន៍​វ៉ាក់សាំង​បង្ការ​ COVID-19​ របស់​ក្រុមហ៊ុន AstraZeneca មាន​ច្រើនជាង​ហានិភ័យ​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

សម្តេចកិត្តិព្រឹទ្ធបណ្ឌិតថ្វាយព្រះពរព្រះមហាក្សត្រ ក្នុងឱកាសឆ្នាំថ្មីប្រពៃណីជាតិខ្មែរ

បណ្ដាប្រទេសនៅលើសកលលោករកឃើញករណីឆ្លង និងស្លាប់ច្រើនបំផុតដោយសារជំងឺ COVID-19

សម្តេចកិត្តិព្រឹទ្ធបណ្ឌិត ថ្វាយព្រះពរសម្តេចព្រះមហាក្សត្រី ក្នុងឱកាសឆ្នាំថ្មីប្រពៃណីជាតិ

WHO៖ អត្ថប្រយោជន៍វ៉ាក់សាំងបង្ការ COVID-19 របស់ក្រុមហ៊ុន AstraZeneca មានច្រើនជាងហានិភ័យ