BTV NEWS

សម្ដេចធិបតី៖ មន្ត្រីជាអ្នកបម្រើរាស្ត្រ មិនមែនជាចៅហ្វាយរាស្ត្រទេ

សម្ដេចតេជោ ហ៊ុន សែន ចែករំលែកអត្ថបទអ្នកស្រាវជ្រាវថៃ ក្រោមចំណងជើងថា «មនុស្សធម៌ខ្វះការអាណិតអាសូរ»

ឯកឧត្តម ឌី វិជ្ជា និងលោកជំទាវ ហ៊ុន ម៉ាណា អញ្ជើញប្រគេនទៀនព្រះវស្សា និងនាំយកទេយ្យវត្ថុ ប្រគេនវត្តចំនួន១២វត្ត និងចែកអំណោយដល់យាយជីតាជី នៅស្រុកក្រគរ និងស្រុកភ្នំក្រវាញ ខេត្តពោធិ៍សាត់

គណៈប្រតិភូធុរកិច្ចមកពីហុងកុង ក្វាងទុង និងម៉ាកាវ បង្ហាញចំណាប់អារម្មណ៍ក្នុងការស្វែងរកឱកាសវិនិយោគលើវិស័យសក្តានុពលនៅកម្ពុជា

ព័ត៌មានសំខាន់ៗ

សម្ដេចតេជោ ហ៊ុន សែន កោតសរសើររដ្ឋមន្ត្រី ជា សុផារ៉ា ដែលបានផ្ដល់វ៉ាក់សាំងទៅដល់បុគ្គលិកថែសួន និងអនាម័យ

ប្រមុខរាជរដ្ឋាភិបាលកម្ពុជា សម្ដេចតេជោ ហ៊ុន សែន បានកោតសរសើរដល់ឯកឧត្ដមឧបនាយករដ្ឋមន្ត្រី ជា សុផារ៉ា រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ សម្រាប់កិច្ចខិតខំប្រឹងប្រែងកៀរគរមន្ត្រីរាជការ និងបុគ្គលិកក្រោមឱវាទក្រសួង ឱ្យចាក់វ៉ាក់សាំងលើសពីចំនួនកំណត់។សម្ដេចតេជោ ហ៊ុន សែន បានកោតសរសើរដល់ឯកឧត្ដម ជា សុផារ៉ា ដោយផ្ទាល់មាត់បែបនេះនៅក្នុងសារជាសំឡេងមួយដែលត្រូវបានផ្ញើចេញតាមប្រព័ន្ធបញ្ចូនសារតេឡេក្រាមនៅយប់នេះ។សម្ដេចតេជោ ហ៊ុន សែន មានប្រសាសន៍ថា៖ «តែមានក្រសួងមួយគឺក្រសួងរៀបចំដែនដី នគរូបនីយកម្ម និងសំណង់របស់ឯកឧត្ដមឧបនាយករដ្ឋមន្ត្រី ជា សុផារ៉ា គឺបែរជាចាក់វ៉ាក់សាំងលើសចំនួន ដោយសារតែមន្ត្រីជាប់កិច្ចសន្យា អ្នកថែសួន អ្នកធ្វើអនាម័យ ក៏មកសុំចាក់វ៉ាក់សាំងដែរ។សម្ដេចមានប្រសាសន៍បន្តថា៖ «នេះគឹជាការលើកទឹកចិត្តដ៏អស្ចារ្យមួយដែលខ្ញុំយកឱកាសនេះកោតសរសើរ។ ឯកឧត្ដម ជា សុផារ៉ា មានការព្រួយបារម្ភថា ចាក់វ៉ាក់សាំងលើសចំនួន តែខ្ញុំប្រាប់ថា នេះគឺជាកាយវិការដ៏ល្អដែលសូម្បីតែអ្នកថែសួន សូម្បីតែអ្នកធ្វើអនាម័យនៅក្រសួងរៀបចំដែនដី នគរូបនីយកម្ម និងសំណង់ ដែលត្រូវបានចាក់ទាំងអ្នកបម្រើការបែបនេះ»។ចំណែកឯកងទ័ពស្ថិតក្រោមក្រសួងការពារជាតិវិញ សម្ដេចតេជោ ហ៊ុន សែន មានប្រសាសន៍ផងដែរថា បានចាក់ស្ទើរតែទាំងអស់ហើយនៅក្រោមការដឹកនាំដ៏ម៉ឺងម៉ាត់ដោយសម្ដេចពិជ័យសេនា ទៀ បាញ់ ដែលជារដ្ឋមន្ត្រីក្រសួងការពារជាតិ។បើតាមតួលេខរបស់ក្រសួងសុខាភិបាលគិតត្រឹមថ្ងៃទី៤ ខែមេសានេះ ពលរដ្ឋកម្ពុជាសរុបដល់ទៅ ៤១៨ ៥៦៩នាក់ហើយនៅទូទាំងប្រទេស បានទទួលវ៉ាក់សាំងនៅក្រោមយុទ្ធនាការចាក់វ៉ាក់សាំងរបស់រាជរដ្ឋាភិបាល ក្នុងនោះមានទាំងការចាក់វ៉ាក់សាំងស៊ីណូហ្វាម វ៉ាក់សាំងស៊ីណូវ៉ាក់ និងវ៉ាក់សាំងកូវីស៊ែលផងដែរ៕

សម្ដេចតេជោ ហ៊ុន សែន ព្រមានដកការងារពីមន្ត្រី និងកម្លាំងប្រដាប់អាវុធរូបណាខកខានចាក់វ៉ាក់សាំងដោយចេតនា

ប្រមុខរាជរដ្ឋាភិបាលកម្ពុជា សម្ដេចតេជោ ហ៊ុន សែន មានប្រសាសន៍នៅយប់នេះថា មន្ត្រីរាជការស៊ីវិល និងកងកម្លាំងប្រដាប់អាវុធ នឹងប្រឈមមុខនឹងការបាត់បង់ការងារនាពេលខាងមុខ ប្រសិនបើពួកគេមិនបានចាក់វ៉ាក់សាំងបង្ការមេរោគកូវីដ១៩ទេនោះ។សម្ដេចតេជោនាយករដ្ឋមន្ត្រីកម្ពុជា បានមានប្រសាសន៍សង្កត់ធ្ងន់បែបនេះនៅក្នុងសារសំឡេងរបស់លោកដែលត្រូវបានបញ្ជូនចេញនៅយប់នេះតាមប្រព័ន្ធបញ្ជូនសារតេឡេក្រាម។សម្ដេចតេជោ ហ៊ុន សែន ថ្លែងថា៖ «ខ្ញុំសូមបញ្ជាក់ជូនទៅមន្ត្រីរាជការដែលមិនចង់ចាក់វ៉ាក់សាំងឱ្យបានជ្រាបថា នៅពេលណាដែលគ្រប់ស្ថាប័នចាក់បានពី ៧០ភាគរយឡើងលើ មន្ត្រីដែលមិនបានចាក់វ៉ាក់សាំង ប្រហែលជាមិនអាចចូលធ្វើការបានទេ សូមដេកផ្ទះចុះ ហើយបើថ្នាក់ដែលត្រូវចូលប្រជុំ ក៏មិនចាំបាច់ឱ្យប្រធានស្ថាប័នអញ្ចើញចូលរួមដែរ ទុកឱ្យដេកផ្ទះនោះទៅ ព្រោះគ្រាន់តែវ៉ាក់សាំងចាក់ដើម្បីការពារជីវិតខ្លួនឯង និងចូលរួមការពារប្រយុទ្ធនឹងកូវីដ១៩ ធ្វើមិនបានផង តើចាំបាច់បន្តធ្វើជាទាហាន ជាប៉ូលិស ឬក៏ធ្វើជាមន្ត្រីរាជការធ្វើអ្វីតទៅទៀត គ្មានការចាំបាច់ទេ»។សម្ដេចតេជោមានប្រសាសន៍បន្តថា៖ «អ៊ីចឹង ខ្ញុំសូមបញ្ជាក់សារជាថ្មីឱ្យក្រសួងស្ថាប័នបូកសរុបមន្ត្រីរបស់ខ្លួនមានប៉ុន្មានភាគរយដែលបានចាក់រួចហើយ ហើយនៅសល់ប៉ុន្មាន។ អ្នកដែលមិនបានចាក់បន្ទាប់ពីដូសទីពីរនៃអ្នកបានទទួលហើយ។ អ្នកមិនទាន់បានចាក់ គប្បីកុំឱ្យចូលមកក្រសួងដែលនាំជំងឺចូលមកកាន់ក្រសួងរបស់ខ្លួន ទុកឱ្យគាត់ដេកនៅផ្ទះរង់ចាំចាក់វ៉ាក់សាំងហើយសិនចាំចូលមកក៏មិនទាន់យឺតពេល»។សម្ដេចតេជោ ហ៊ុន សែន បានព្រមានថា ប្រសិនបើមន្ត្រីរាជការ និងកងកម្លាំងប្រដាប់អាវុធណាដែលខកខានមិនបានចាក់វ៉ាក់សាំងដោយចេតនា នឹងត្រូវអនុញ្ញាតដាក់ឱ្យទំនេរពីការងារ ហើយក្រសួង និងស្ថាប័ននោះ នឹងជ្រើសរើសមន្ត្រីថ្មីយកមកជំនួសវិញ។សម្ដេចតេជោ ហ៊ុន សែន មានប្រសាសន៍បន្តថា៖ «យើងសុខចិត្តឱ្យពួកគាត់នៅផ្ទះ។ យើងសុខចិត្តឱ្យពួកគាត់ចាកចេញពីការងារ ហើយយើងជ្រើសរើសមន្ត្រីថ្មីចូលធ្វើការជំនួសវិញ ព្រោះបញ្ហានេះជាបញ្ហាសុខភាពសាធារណៈ»។សម្ដេចតេជោបានដាក់បញ្ជាទៅថ្នាក់ដឹកនាំនៅថ្នាក់ក្រោមជាតិឱ្យត្រួតពិនិត្យកិច្ចការនេះឱ្យបានត្រឹមត្រូវ ដើម្បីបញ្ចៀសការគេចវេសណាមួយពីសំណាក់មន្ត្រីស៊ីវិល និងកងកម្លាំងប្រដាប់អាវុធមួយចំនួន ដែលសម្ដេចចាត់ទុកទង្វើគេចវេសនោះថា «មិនត្រឹមតែបំផ្លាជីវិតរបស់ពួកគាត់ប៉ុណ្ណោះទេ ក៏ប៉ុន្តែ បានចូលរួមចំណែកបំផ្លាញជីិវិតអ្នកដទៃនៅតាមស្ថាប័នដែលខ្លួនធ្វើការ»។សម្រាប់មន្ត្រីរាជការស៊ីវិល និងកងកម្លាំងប្រដាប់ណាដែលខកខានមិនបានចាក់វ៉ាក់សាំង សម្ដេចតេជោតម្រូវឱ្យមានការបញ្ជាក់ដោយត្រឹមត្រូវដែលចេញដោយប្រធានមន្ទីរសុខាភិបាលខេត្តនីមួយៗនៅទូទាំងប្រទេស ដើម្បីធានាថា គ្មានការស៊ុំគ្រលំគ្នាណាមួយកើតឡើងនោះឡើយ។បើតាមតួលេខរបស់ក្រសួងសុខាភិបាលគិតត្រឹមថ្ងៃទី៤ ខែមេសានេះ ពលរដ្ឋកម្ពុជាសរុបដល់ទៅ ៤១៨ ៥៦៩នាក់ហើយនៅទូទាំងប្រទេស បានទទួលវ៉ាក់សាំងនៅក្រោមយុទ្ធនាការចាក់វ៉ាក់សាំងរបស់រាជរដ្ឋាភិបាល ក្នុងនោះមានទាំងការចាក់វ៉ាក់សាំងស៊ីណូហ្វាម វ៉ាក់សាំងស៊ីណូវ៉ាក់ និងវ៉ាក់សាំងកូវីស៊ែលផងដែរ៕

រាជរដ្ឋាភិបាល៖យើងត្រូវគ្រប់គ្រងស្ថានភាពកូវីដ១៩នៅភ្នំពេញនិងខេត្តកណ្តាលឲ្យទាល់តែបាននាពេលខាងមុខ

ភ្នំពេញ ៖ សម្តេចតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជាបានប្រកាស់ថា គោលការខាងមុខទៀត គណកម្មការវ៉ាងសាំងប្រឆាំងនឹងជំងឺកូវីដ១៩ ត្រូវតែគ្រប់គ្រងស្ថានភាពជំងឺកូវីដ១៩នេះ នៅរាជធានីភ្នំពេញ និងខេត្តកណ្តាលឲ្យទាល់តែបាន បើទោះបីជាបច្ចុប្បន្ននេះ រាជធានី-ខេត្តទាំងពីរនេះបានកំពុងតែដំណើរការចាក់វ៉ាស់សាំងយ៉ាងណាក៏ដោយនោះ ប៉ុន្តែវាមិនទាន់ឆ្លើយតបនឹងសាំរបស់មេរោគដ៏កាចសាហាវនេះបាននៅឡើយនោះទេ។ ថ្លែងតាមរយៈសារអេឡិចត្រូនិច (តេលេក្រាម) នាល្ងាចថ្ងៃទី៦ ខែមេសា ឆ្នាំ២០២១នេះសម្តេចតេជោ ហ៊ុន សែន បានលើកឡើងថា ពេលវ៉ាក់សាំងថ្មីមកដល់ប្រទេសកម្ពុជាភ្លាមនោះ គណកម្មការចំពោះកិច្ចនៃការចាក់វ៉ាក់សាំងគឺត្រូវតែផ្តល់ការចាក់មនុស្សនៅក្នុងរាជធានីភ្នំពេញ និងខេត្តកណ្តាលទាំងអស់មិនថាមនុស្សនោះមកពីណានោះទេ ដើម្បីធ្វើយ៉ាងណាគ្រប់គ្រងស្ថានភាពនៃការរីករាលដាលនូវមេរោគកូវីដ១៩នេះឲ្យបាន និងមិនត្រូវធ្វេសប្រហែសចំពោះរាជធានីភ្នំពេញ និងខេត្តកណ្តាលនេះបន្តទៀតបាននោះឡើយ។ជាមួយគ្នានោះដែរ សម្តេចតេជោ ហ៊ុន សែន ក៏បានបញ្ជាដល់គណកម្មការចំពោះកិច្ចឲ្យមានការសហការគ្នាជាមួយក្រសួងសុខាភិបាល សាលារាជធានីភ្នំពេញ និងរដ្ឋបាលខេត្តកណ្តាលធ្វើស្ថិតិឲ្យបានច្បាស់លាស់ចំពោះអ្នករស់នៅផ្លូវជាតិលេខ៣ និងផ្លូវជាតិលេខ៤ ជាពិសេសបងប្អូនកម្មករ-កម្មការិនីនៅតាមបណ្តារោងចក្រសហគ្រាស់នៃផ្លូវជាតិទាំងនោះ ដោយត្រូវធ្វើការចាក់ជូនពួកគាត់ជាអាទិភាពផងដែរក្រោយវ៉ាក់សាំងថ្មីមកដល់ ហើយសម្តេចរំពឹងថា បន្ទាប់ពីចាក់ដល់ពួកគាត់ហើយនឹងមិនសូវមានហានិភ័យខ្ពស់បន្តទៀតចំពោះការចម្លងគ្នាទៅវិញទៅមករវាងរាជធានីភ្នំពេញ ទៅបណ្តាខេត្ត និងពីទីប្រជុំជនទៅកាន់កន្លែងជនបទជាដើមនោះ។ តាមរយៈសារអេឡិចត្រូនិចនេះដដែលនេះដែរ សម្តេចតេជោ ហ៊ុន សែន ក៏បានលើកឡើងផងដែរថា ព្រឹត្តិការណ៍នៃការចាក់វ៉ាក់សាំងនាពេលនេះ គឺជាគោលការណ៍ស្ម័គ្រចិត្ត ហើយនាពេលខាងមុខឆាប់ៗនេះ សម្តេចតេជោ បារម្ភថាវានឹងក្លាយជាវ៉ាក់សំាងកតព្វកិច្ច ដោយមានន័យថាប្រសិនបើបុគ្គលណាមិនមានការចាក់វ៉ាក់សាំង នឹងមិនអាចទទួលបានការងារធ្វើនៅតាមបណ្តាក្រុមហ៊ុនឯកជន ឬស្ថានប័នរដ្ឋ ឬពេលចេញទៅក្រៅប្រទេស ប្រទេសគេនឹងមិនឲ្យចូលជាដើមនោះ ជាក់ស្តែងដូចនៅប្រទេសឥណ្ឌូនេស៊ី នាពេលនេះគឺគេត្រូវបានអនុវត្តន៍រួចទៅហើយចំពោះវ៉ាក់សាំងកតព្វកិច្ចនេះ ដោយមិនបានចាក់នឹងត្រូវអត់មានការងារធ្វើ៕អត្ថបទ ៖ បាន ចក

មនុស្ស ២៥នាក់ស្លាប់ក្នុងហេតុការណ៍នាវាដឹកអ្នកដំណើរបុកជាមួយនាវាដឹកប្រេងនៅបង់ក្លាដែស

បង់ក្លាដែស៖ ក្រុមមន្ត្រីបាននិយាយកាលពីថ្ងៃចន្ទថា ក្រុមជួយសង្គ្រោះបានស្រង់សាកសពមនុស្សយ៉ាងហោច ២៥នាក់ចេញពីទន្លេនៅក្រៅរដ្ឋធានីប្រទេសបង់ក្លាដែស ក្រោយនាវាចម្លង បុកជាមួយនាវាដឹកប្រេង។ ពួកគេបានអះអាងថា នាវាចម្លង ML Rabit Al Hasan បានលិចកាលពីយប់ថ្ងៃអាទិត្យ ក្រោយបុកជាមួយនាវាដឹកប្រេងនៅក្នុងទន្លេស៊ីតាឡាក់យ៉ា ស្ថិតក្នុងស្រុកណារ៉ាយ៉ាន់ហ្គាន់នៅក្រៅរដ្ឋធានីដាកា។លោក អ៊ឺសាដ ហូសាំង មន្ត្រីការពារជនស៊ីវិល និងពន្លត់អគ្គិភ័យបាននិយាយថា ក្រុមការងារសង្គ្រោះបានស្រង់សាកសពមនុស្ស ៥នាក់ទាំងយប់ និងរកឃើញសាកសពមនុស្ស ២០នាក់ផ្សេងទៀតនៅថ្ងៃចន្ទ។ ចំណែកឯមនុស្ស ៩នាក់ផ្សេងទៀតកំពុងបាត់ខ្លួន។ លោកបន្តថា នាវាចម្លង ២ជាន់បានធ្វើដំណើរឆ្ពោះទៅកាន់ស្រុកមាន់ហ្ស៊ីហ្គាន់ ជាមួយនឹងអ្នកដំណើរជាង ៥០នាក់ពេលដែលឧប្បត្តិហេតុកើតឡើង។ ក្រុមអាជ្ញាធរបានដាក់បន្ទុកលើនាវាដឹកប្រេងថា ជាអ្នកបើកបុកនាវាចម្លង និងបានបញ្ជាឲ្យបើកការស៊ើបអង្កេតលើមូលហេតុ ដែលនាំឲ្យហេតុការណ៍អាក្រក់នេះកើតឡើង។ សូមបញ្ជាក់ថា ឧប្បត្តិហេតុលិចនាវាចម្លងបានក្លាយជារឿងធម្មតា ទៅហើយនៅក្នុងប្រទេសបង់ក្លាដែស ដោយសារតែការផ្ទុកអ្នកដំណើរលើសចំណុះ និងច្បាប់ទម្លាប់ធូររលង់នៅពាសពេញ ១៣០ទន្លេ៕អត្ថបទ៖ សារ៉ាត់

ទឹកជំនន់ និងបំណាក់ដីសម្លាប់មនុស្សជាង ១០០នាក់នៅឥណ្ឌូនេស៊ី និងទីម័រឡេស្តេ

ឥណ្ឌូនេស៊ី៖ មនុស្សយ៉ាងហោច ១១៣នាក់បានស្លាប់ក្រោយទឹកជំនន់ និងហេតុការណ៍បំណាក់ដីនៅប្រទេសឥណ្ឌូនេស៊ី និងទីម័រឡេស្តេកាលពីថ្ងៃអាទិត្យកន្លងទៅ។ ភ្លៀងធ្លាក់ខ្លាំង ធ្វើឲ្យមានការខូចខាតទ្រង់ទ្រាយធំ នៅប្រទេសជិតខាងអាស៊ីអាគ្នេយ៍ទាំង ២ នេះក្នុងនោះទឹកបានហូរប្រៀបអាងស្តុបទឹក ធ្វើឲ្យជន់លិចផ្ទះសម្បែងប្រជាពលរដ្ឋរាប់ម៉ឺនខ្នង។ តំបន់រងគ្រោះ មានចាប់ពីកោះផ្ល័ររ៉េស ស្ថិតនៅភាគខាងកើតឥណ្ឌូនេស៊ីរហូតដល់ទីម័រឡេស្តេ។នៅក្នុងប្រទេសឥណ្ឌូនេស៊ី មនុស្ស ៨៦នាក់បានស្លាប់ ក្នុងនោះមនុស្សរាប់សិបនាក់ផ្សេងទៀតកំពុងបាត់ខ្លួន។ ក្រុមមន្ត្រីបានព្រមានថា ចំនួនមនុស្សស្លាប់អាចនឹងកើនឡើងបន្ថែមទៀត។ លោក រ៉ាឌីតយ៉ា ដ្យាទី អ្នកនាំពាក្យទីភ្នាក់ងារកាត់បន្ថយគ្រោះមហន្តរាយឥណ្ឌូនេស៊ី បាននិយាយប្រាប់ក្រុមអ្នកសារព័ត៌មានថា ដីភក់ និងអាកាសធាតុអាក្រក់បានក្លាយជាការងារលំបាកដ៏ធ្ងន់ធ្ងរមួយ ហើយគំនរកម្ទេចកម្ទីបានរារាំង ដល់ប្រតិបត្តិការរបស់ក្រុមរុករក និងក្រុមការងារសង្គ្រោះ។ ប្រធានទីភ្នាក់ងារគ្រោះមហន្តរាយ កោះផ្ល័រ៉េសខាងកើតបាននិយាយថា ពួកយើងសង្ស័យថា មនុស្សជាច្រើននាក់បានកប់ក្នុងបំណាក់ដី ប៉ុន្តែនៅពេលនេះពួកយើងមិនទាន់ច្បាស់នោះទេថា តើមនុស្សប៉ុន្មាននាក់កំពុងបាត់ខ្លួន។លោកបន្តថា មនុស្សជាច្រើនបានជម្លៀសខ្លួន ប៉ុន្តែអ្នកខ្លះបន្តស្នាក់នៅក្នុងផ្ទះ ពួកគេត្រូវការថ្នាំពេទ្យ ស្បៀងអាហារ និងភួយ។ ដោយឡែកមនុស្សយ៉ាងហោច ២៧នាក់បានស្លាប់ផងដែរនៅទីម័រឡេស្តេ ដែលភាគច្រើននៃករណីស្លាប់កើតឡើងក្នុងរដ្ឋធានីឌីលី។ ខណៈពេលនោះដែរ នាយករដ្ឋមន្ត្រីឥណ្ឌូនេស៊ី លោក ចូកូ វីដូដូ បានសម្ដែងនូវមរណទុក្ខដល់ក្រុមគ្រួសារជនរងគ្រោះ និងជំរុញឲ្យពលរដ្ឋទាំងអស់ អនុវត្តន៍តាមការណែនាំរបស់ក្រុមមន្ត្រី អំឡុងពេលជួបស្ថានភាពអាកាសធាតុដ៏អាក្រក់បែបនេះ៕អត្ថបទ៖ សារ៉ាត់

សម្ដេចតេជោគ្រោងនឹងដាក់ឲ្យមានការព្យាបាលកូវីដ-១៩ នៅតាមផ្ទះ ប្រសិនបើចំនួនអ្នកឆ្លងមានការកើនឡើងច្រើនទៅៗ

ភ្នំពេញ៖ សម្ដេចតេជោ ហ៊ុន សែន នាយករដ្ឋមន្ត្រី បានស្នើឲ្យគណ:កម្មការអន្តរក្រសួងប្រឆាំងកូវីដ-១៩ ត្រៀមរៀបចំក្រុមប្រតិបត្តិសម្រាប់ឈានទៅព្យាបាលកូវីដ-១៩ នៅតាមផ្ទះ ដូចបណ្ដាប្រទេសធំៗមួយចំនួន ដែលមានអ្នកឆ្លងកូវីដកើនឡើងច្រើនហួស ពីចំនួនគ្រូពេទ្យដែលអាចទទួលព្យាបាលបាន ដោយយើងទទួលយកទៅព្យាបាលនៅមន្ទីរពេទ្យ ចំពោះតែអ្នកជំងឺធ្ងន់ប៉ុណ្ណោះ។តាមរយៈសារបន្ទាន់ថ្មីនេះ សម្ដេចបានមានប្រសាសន៍ថា ការត្រៀមបែបនេះក្នុងករណីមានអ្នកជាតិច តែអ្នកឆ្លងច្រើន ដូច្នេះវិធីដោះស្រាយមានតែទុកអ្នកដែលមានវិជ្ជមានកូវីដ ប៉ុន្តែស្រាលទុកព្យាបាលនៅតាមផ្ទះទៅវិញ ប៉ុន្តែត្រូវតែមានការវិនិច្ឆ័យឲ្យបានច្បាស់ ដែលការវិនិច្ឆ័យនោះ បើតាមយោបល់សម្ដេចស្ថិតនៅលើចំណុច២ នោះអ្នកដែលត្រូវទុកនៅតាមផ្ទះត្រូវតែមានជំងឺស្រាល និងមានផ្ទះសមរម្យដែលអាចព្យាបាលបាន។ រីឯអ្នកជំងឺធ្ងន់ត្រូវតែនាំយកមកកាន់មន្ទីរពេទ្យ។ មួយវិញទៀតអ្នកជំងឺស្រាល ប៉ុន្តែផ្ទះរបស់គាត់មានទំហំតូច ដែលអាចឆ្លងរាលដាលដល់ទៅកាន់គ្រួសារ ក៏ត្រូវតែនាំគាត់មកកាន់មន្ទីរពេទ្យដែរ។ សម្ដេចគិតថា យ៉ាងហោចណាស់យើងក៏មាន ៥០% នៃអ្នកជំងឺដែលមានលទ្ធភាព និងចង់ព្យាបាលនៅតាមផ្ទះផងដែរ ដោយយើងគ្រាន់តែរៀបចំនូវក្រុមប្រតិបត្តិដើម្បីតម្រូវថា តើអ្នកជំងឺត្រូវធ្វើដូចម្ដេច សហគមន៍ អាជ្ញាធរមូលដ្ឋានត្រូវជួយមើលថែទាំគាត់របៀបម៉េច ដើម្បីកុំឲ្យគាត់ចេញក្រៅផ្ទះ។ក្រុមគ្រូពេទ្យត្រូវទៅព្យាបាលគាត់ត្រូវធ្វើរបៀបម៉េច រួមនឹងការងារដទៃទៀតដែលមានការពាក់ព័ន្ធ។ សម្ដេចគិតថា យើងនឹងអាចឈានទៅដល់ដំណាក់កាលនោះ ក្នុងករណីដែលព្រឹត្តិការណ៍ ២០កុម្ភៈ មិនមានការថមថយដូចក្នុងពេលនេះ ជាពិសេសក្នុងពេលដែលវាបាននឹងកំពុងកើតនៅភ្នំពេញនេះ។ ចំពោះអ្នកដែលនឹងត្រូវព្យាបាលតាមផ្ទះ ក៏ត្រូវសម្រួលរៀបចំជូនពួកគាត់ ដើម្បីពួកគាត់រស់នៅបានស្រួល ក្រៅពីការព្យាបាលអាចជួយឧបត្ថម្ភដល់ពួកគាត់ តាមរបៀបដូចធ្វើចត្តាឡីស័កដោយក្នុង ១ថ្ងៃជូន ២ម៉ឺនរៀលសម្រាប់ហូបចុកនានា ដើម្បីឲ្យអ្នកផ្ទះគាត់ជួយរៀបចំម្ហូបអាហារជូនពួកគាត់ ដើម្បីបំប៉នសម្រាប់ការព្យាបាល៕អត្ថបទ៖ មុតសុទ្ធ

សម្ដេចតេជោ ហ៊ុន សែន នាយករដ្ឋមន្ត្រីកម្ពុជា ផ្ញើសារអបអរសាទរអតីតនាយករដ្ឋមន្ត្រីវៀតណាម ដែលបច្ចុប្បន្នត្រូវបានតែងតាំងជាប្រធានាធិបតីវៀតណាម

ភ្នំពេញ៖ នៅក្នុងលិខិតសម្តេចតេជោ ហ៊ុន សែន ផ្ញើជូនលោក ង្វៀន សួនហ៊្វុក ប្រធានរដ្ឋសាធារណរដ្ឋសង្គមនិយមវៀតណាម ហាណូយ នៅថ្ងៃទី៥ ខែមេសា ឆ្នាំ២០២១ នេះបានឲ្យដឹងថា ក្នុងនាមរាជរដ្ឋាភិបាល និងប្រជាជននៃព្រះរាជាណាចក្រកម្ពុជា និងខ្លួនខ្ញុំផ្ទាល់ ខ្ញុំសូមផ្ញើជូន ឯកឧត្ដមនូវការអបអរសាទរយ៉ាងជ្រាលជ្រៅអស់ពីដួងចិត្ត ចំពោះការតែងតាំងឯកឧត្ដម ជាប្រធានាធិបតីវៀតណាម។ការទទួលបាននូវតំណែងដ៏ឧត្ដុង្គឧត្ដម និងស័ក្ដិសមបំផុតសម្រាប់ឯកឧត្ដម បានបង្ហាញអំពីជំនឿជឿជាក់ និងទំនុកចិត្តយ៉ាងខ្លាំងរបស់បក្សកុម្មុយនិស្ត និងប្រជាជនវៀតណាមទាំងមូល មកលើភាពជាអ្នកដឹកនាំដ៏វាងវៃរបស់ឯកឧត្ដម។ ខ្ញុំជឿជាក់យ៉ាងមុតមាំថា ក្រោមការគ្រប់គ្រង និងការដឹកនាំដ៏ឈ្លាសវៃរបស់ឯកឧត្តម សាធារណរដ្ឋសង្គមនិយមវៀតណាមនឹងបន្តទទួលបាន នូវការរីកចម្រើនផ្នែកសេដ្ឋកិច្ច និងសង្គមកាន់តែធំធេងថែមទៀត ឈានទៅសម្រេចបាននូវគោលដៅក្លាយទៅជាប្រទេសអភិវឌ្ឍន៍នៅឆ្នាំ២០៤៥ និងបន្តបំពេញតួនាទីដ៏សកម្មទាំងនៅលើឆាកតំបន់ និងអន្តរជាតិ។ ខ្ញុំសូមសម្ដែងនូវអំណរអរគុណដ៏ស្មោះជូនចំពោះឯកឧត្ដម ដែលបានថែរក្សាពូនផ្តុំនូវចំណងមិត្តភាពជាប្រពៃណី និងធ្វើឲ្យកាន់តែសំបូរបែបនូវកិច្ចសហប្រតិបត្តិការ ដ៏ជិតស្និទ្ធរបស់ប្រទេសយើងទាំងពីរ នៅក្នុងអាណត្តិឯកឧត្ដមជានាយករដ្ឋមន្ត្រី។ ខ្ញុំជឿជាក់ថា ទោះបីជានៅក្នុងពេលបច្ចុប្បន្ននេះ យើងមានតួនាទីផ្សេងគ្នាក៏ដោយ ទំនាក់ទំនងដ៏ស្និទ្ធស្នាលរបស់យើងនឹងនៅតែរឹងមាំ និងបន្តជាកត្តាជំរុញកិច្ចសហប្រតិបត្តិការ រវាងប្រទេសយើងទាំងពីរឱ្យកាន់តែមានវិសាលភាពធំធេងជាងមុន។ខ្ញុំសូមអះអាងជាថ្មីនូវការប្តេជ្ញាចិត្តដ៏មុតមាំ នឹងធ្វើការយ៉ាងជិតស្និទ្ធជាមួយនឹងអ្នកបន្តវេន របស់ឯកឧត្ដម ដើម្បីលើកកម្ពស់ភាពជាដៃគូយូរអង្វែង ផ្អែកលើស្មារតីភាពជាអ្នកជិតខាងល្អ សាមគ្គីភាព ការយោគយល់គ្នា និងកិច្ចសហប្រតិបត្តិការ ដែលមានផលប្រយោជន៍ទៅវិញទៅមក ជាពិសេសការជម្នះបាននូវបញ្ហាប្រឈមនានា ដែលមិនធ្លាប់បានជួបប្រទះកន្លងមក បណ្ដាលមកពីការរាតត្បាតនៃជំងឺកូវីដ-១៩ ដើម្បីរួមចំណែកដល់សន្តិភាព ស្ថិរភាព ការអភិវឌ្ឍន៍ប្រកបដោយចិរភាព និងវិបុលភាពរបស់ប្រជាជាតិយើងទាំងពីរ តំបន់ និងសកលលោកទាំងមូល។ ខ្ញុំសូម ឯកឧត្ដម ទទួលនូវការរាប់អានដ៏ជ្រាលជ្រៅ និងសូមជូនពរឯកឧត្ដម មានសុខភាពល្អ សុភមង្គល និងបន្តទទួលបានជោគជ័យថែមទៀត នៅក្នុងភារកិច្ចថ្មីដ៏ឧត្ដុង្គឧត្ដមរបស់ឯកឧត្តម៕ អត្ថបទ៖ វង្ស សុភាព

ចិន និងរុស្ស៊ីគាំទ្រអាស៊ានឲ្យបើកកិច្ចប្រជុំដោះស្រាយវិបត្តិនៅមីយ៉ាន់ម៉ា

មីយ៉ាន់ម៉ា៖ ប្រព័ន្ធផ្សព្វផ្សាយ The Jakarta Post បានចុះផ្សាយថា ប្រទេសចិន និងរុស្ស៊ីបានបង្ហាញជំហរគាំទ្រ ចំពោះសមាគមប្រជាជាតិអាស៊ីអាគ្នេយ៍ដែលហៅកាត់ថា អាស៊ានឲ្យបើកកិច្ចប្រជុំក្នុងកម្រិតខ្ពស់មួយ ដើម្បីស្វែងរកដំណោះស្រាយក្នុងវិបត្តិនយោបាយ នៅសហភាពមីយ៉ាន់ម៉ា។លោក វ៉ាង យី រដ្ឋមន្ត្រីការបរទេសរបស់ប្រទេសចិន បានជួបពិភាក្សាជាមួយរដ្ឋមន្ត្រីការបរទេសរបស់ប្រទេសឥណ្ឌូនេស៊ី លោកស្រី រ៉េតណូ ម៉ាស៊ូឌី កាលពីថ្ងៃសុក្រដោយផ្ដោតសំខាន់លើវិបត្តិនយោបាយនៅមីយ៉ាន់ម៉ា។ លោកស្រី រ៉េតណូ ម៉ាស៊ូឌី បាននិយាយថា វិបត្តិនយោបាយនៅមីយ៉ាន់ម៉ាមិនអាចអូសបន្លាយបន្តទៀតទេ ដោយសារកំណើនមនុស្សស្លាប់ក្នុងអំពើហិង្សាបានកើនឡើងដល់ជាង ៥០០នាក់ហើយ។ វិបត្តិនយោបាយនៅសហភាពមីយ៉ាន់ម៉ាបានកើតឡើងចាប់តាំងពីថ្ងៃទី១ ខែកុម្ភៈ ឆ្នាំ២០២១ នេះ ក្រោយពីកងកម្លាំងយោធាបានធ្វើរដ្ឋប្រហារ ទម្លាក់រដ្ឋាភិបាលស៊ីវិលរបស់លោកស្រី អ៊ុងសាន ស៊ូជី៕អត្ថបទ៖ សារីម

មនុស្ស ៥១នាក់ស្លាប់ក្នុងគ្រោះថ្នាក់រថភ្លើងរត់ធ្លាក់ផ្លូវនៅកោះតៃវ៉ាន់

កោះតៃវ៉ាន់៖ ប្រព័ន្ធផ្សព្វផ្សាយ AP បានចុះផ្សាយថា មនុស្សយ៉ាងហោចណាស់ ៥១នាក់បានបាត់បង់ជីវិត និងរាប់សិបនាក់ផ្សេងទៀតបានរងរបួសក្នុងគ្រោះថ្នាក់ចរាចរណ៍មួយ ដោយរថភ្លើងមួយខ្សែបានរត់ធ្លាក់ចេញពីផ្លូវនៅព្រឹកថ្ងៃសៅរ៍ ទី៣ ខែមេសានេះនៅកោះតៃវ៉ាន់ភាគខាងកើត។កងកម្លាំងសន្តិសុខនៅកន្លែងកើតហេតុបាននិយាយថា អ្នកដំណើរភាគច្រើនដែលបានបាត់បង់ជីវិត និងរងរបួសដោយសារបោកក្បាលផ្ទប់នឹងបង្អួច ឬបោកក្បាលនឹងជញ្ជាំងរថភ្លើង ខណៈដែលរថភ្លើងបានរត់ធ្លាក់ចេញពីផ្លូវ។ មន្ត្រីអយស្ម័យយានកោះតៃវ៉ាន់បាននិយាយថា រថភ្លើងមួយខ្សែនេះបានរត់ធ្លាក់ចេញពីផ្លូវ ខណៈដែលកំពុងរត់ក្នុងល្បឿនលឿន និងរត់ក្រៅផ្លូវបានចម្ងាយប្រមាណ ២០ម៉ែត្រ។ សូមបញ្ជាក់ជូនថា រថភ្លើងមួយខ្សែនេះបានដឹកអ្នកដំណើរប្រមាណជាង ៤០០នាក់ដែលភាគច្រើនជាអ្នកដំណើរកម្សាន្តថ្ងៃចុងសប្ដាហ៍ ហើយការរត់ធ្លាក់ផ្លូវនេះគឺជាបញ្ហាបច្ចេកទេសរថភ្លើង៕អត្ថបទ៖ សារីម

អង្គការសង្គ្រោះកុមារ៖ កុមារជាង ៤០នាក់ត្រូវបានសម្លាប់ដោយរបបយោធាសហភាពមីយ៉ាន់ម៉ា

មីយ៉ាន់ម៉ា៖ យោងតាមរបាយការណ៍ ពីអង្គការសង្គ្រោះកុមារបានឲ្យដឹងថា កុមារយ៉ាងហោច ៤៣នាក់ត្រូវបានសម្លាប់ដោយកងកម្លាំងសន្តិសុខសហភាពមីយ៉ាន់ម៉ា ចាប់តាំងពីរដ្ឋប្រហារយោធាកាលពីថ្ងៃទី១ ខែកុម្ភៈ ឆ្នាំ២០២១ កន្លងទៅ។អង្គការសិទ្ធិមនុស្សមួយនេះបាននិយាយថា សហភាពមីយ៉ាន់ម៉ាកំពុងស្ថិតនៅក្នុងស្ថានភាពដ៏អាក្រក់បំផុត ក្នុងនោះជនរងគ្រោះដោយសារការសម្លាប់របស់យោធា មានអាយុត្រឹមតែ ៦ឆ្នាំប៉ុណ្ណោះ។ ពួកគេបានរាយការណ៍ផងដែរថា មនុស្សស្លាប់ដោយសាររដ្ឋប្រហារ នៅប្រទេសក្នុងតំបន់អាស៊ីអាគ្នេយ៍មួយនេះកើនឡើងដល់ ៥៣៦នាក់។ ខណៈពេលនោះដែរ មេដឹកនាំរដ្ឋាភិបាលស៊ីវិលដែលត្រូវបានទម្លាក់ចេញពីអំណាច លោកស្រី អ៊ុងសាន ស៊ូជី បានរងការចោទប្រកាន់ពីបទ បំពានច្បាប់ការសម្ងាត់ផ្លូវការសហភាពមីយ៉ាន់ម៉ា ហើយលោកស្រីប្រឈមនឹងការជាប់ពន្ធនាគាររយៈពេល ១៤ឆ្នាំ បើសិនជាលោកស្រីត្រូវបានចោទប្រកាន់ហើយនោះ ។លោកស្រី ស៊ូជី ជាមួយនឹងសម្ព័ន្ធមិត្ត ៤នាក់ទៀតរបស់លោកស្រីត្រូវបានចោទប្រកាន់កាលពីសប្តាហ៍មុន។ ការចោទប្រកាន់ថ្មីមកលើលោកស្រី ស៊ូជី នេះដែរបន្ថែមពីលើការចោទប្រកាន់កាលពីមុន ពីបទបំពានការនាំចូលដោយខុសច្បាប់វិទ្យុទាក់ទង ការបំពានច្បាប់រឹតត្បិតជំងឺ Covid-19 អំឡុងយុទ្ធនាការបោះឆ្នោតកាលពីឆ្នាំមុន និងការចុះផ្សាយព័ត៌មានដែលអាចបណ្ដាលឲ្យមានការភ័យខ្លាច ឬភិតភ័យ៕អត្ថបទ៖ សារ៉ាត់

បណ្ដាញសង្គម

ព័ត៌មានថ្មីៗ

សម្ដេចធិបតី នាយករដ្ឋមន្រ្ដី អញ្ជើញជួបពិភាក្សាការងារជាមួយអនុរដ្ឋមន្ត្រីសង្គ្រាម នៃក្រសួងសង្គ្រាមសហរដ្ឋអាមេរិក

ក្រសួងការងារ និងអង្គការ IOM ពិភាក្សាពង្រឹង និងពង្រីកកិច្ចសហប្រតិបត្តិការគាំទ្រអតីតជនទេសន្តរប្រវេសន៍ខ្មែរ និងជនទេសន្តរប្រវេសន៍ខ្មែរដែលកំពុងធ្វើការនៅក្រៅប្រទេស

អាមេរិកព្រមានដៃគូពាណិជ្ជកម្មរាប់សិបប្រទេសពីហានិភ័យក្នុងការជួយបញ្ចៀសការដំឡើងពន្ធ

ឯកឧត្តម ប៉ែន បូណា៖ «ទាល់តែមានមនុស្សពូកែច្រើនទើបប្រទេសរីកចម្រើនខ្លាំង»

ក្រសួងបរិស្ថាន រៀបចំពង្រឹង «ការសរសេរព័ត៌មាន ការឆ្លើយតប និងប្រតិកម្មរហ័សក្នុងវិស័យបរិស្ថាន»

កងរាជអាវុធហត្ថលើផ្ទៃប្រទេសប្រកាសស្វែងរកឈ្មោះ ប៉េង ជីវ៉ា ដែលគ្រងឯកសណ្ឋានកងកម្លាំងប្រដាប់អាវុធដោយខុសច្បាប់

មនុស្ស ២នាក់ស្លាប់ និង ១៥នាក់របួស អំឡុងការវាយប្រហារដោយយានដ្រូនរបស់ក្រុមហ៊ូទី នៅភាគខាងកើតយេម៉ែន

ការផ្ទុះគ្រាប់បែក សម្លាប់មន្ត្រីយោធារុស្ស៊ី នៅតំបន់ Crimea ខណៈរបាយការណ៍ហៅរូបលោកថា ជាជនរត់ពីអ៊ុយក្រែន

បំណាក់ដីសម្លាប់មនុស្សយ៉ាងហោចណាស់ ៥នាក់ នៅឯអណ្តូងរ៉ែមាសខុសច្បាប់ នៅឥណ្ឌូនេស៊ី

បង់ក្លាដែសកម្រិតការប្រើប្រាស់ថាមពល ខណៈកង្វះខាតឧស្ម័នកាន់តែអាក្រក់ទៅៗ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

សម្ដេចតេជោ ហ៊ុន សែន កោតសរសើររដ្ឋមន្ត្រី ជា សុផារ៉ា ដែលបានផ្ដល់វ៉ាក់សាំងទៅដល់បុគ្គលិកថែសួន និងអនាម័យ

សម្ដេចតេជោ ហ៊ុន សែន ព្រមានដកការងារពីមន្ត្រី និងកម្លាំងប្រដាប់អាវុធរូបណាខកខានចាក់វ៉ាក់សាំងដោយចេតនា

រាជរដ្ឋាភិបាល៖យើងត្រូវគ្រប់គ្រងស្ថានភាពកូវីដ១៩នៅភ្នំពេញនិងខេត្តកណ្តាលឲ្យទាល់តែបាននាពេលខាងមុខ

មនុស្ស ២៥នាក់ស្លាប់ក្នុងហេតុការណ៍នាវាដឹកអ្នកដំណើរបុកជាមួយនាវាដឹកប្រេងនៅបង់ក្លាដែស

ទឹកជំនន់ និងបំណាក់ដីសម្លាប់មនុស្សជាង ១០០នាក់នៅឥណ្ឌូនេស៊ី និងទីម័រឡេស្តេ

សម្ដេចតេជោគ្រោងនឹងដាក់ឲ្យមានការព្យាបាលកូវីដ-១៩ នៅតាមផ្ទះ ប្រសិនបើចំនួនអ្នកឆ្លងមានការកើនឡើងច្រើនទៅៗ

ចិន និងរុស្ស៊ីគាំទ្រអាស៊ានឲ្យបើកកិច្ចប្រជុំដោះស្រាយវិបត្តិនៅមីយ៉ាន់ម៉ា

មនុស្ស ៥១នាក់ស្លាប់ក្នុងគ្រោះថ្នាក់រថភ្លើងរត់ធ្លាក់ផ្លូវនៅកោះតៃវ៉ាន់

អង្គការសង្គ្រោះកុមារ៖ កុមារជាង ៤០នាក់ត្រូវបានសម្លាប់ដោយរបបយោធាសហភាពមីយ៉ាន់ម៉ា

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

រាជរដ្ឋាភិបាល៖យើងត្រូវគ្រប់គ្រងស្ថានភាពកូវីដ១៩នៅភ្នំពេញនិងខេត្តកណ្តាលឲ្យទាល់តែបាននាពេលខាងមុខ

មនុស្ស​ ២៥​នាក់​ស្លាប់​ក្នុង​ហេតុការណ៍​នាវា​ដឹកអ្នកដំណើរ​បុក​ជាមួយ​នាវា​ដឹក​ប្រេង​នៅ​បង់​ក្លា​ដែ​ស​

ទឹក​ជំនន់ និង​បំណាក់​ដី​សម្លាប់​មនុស្ស​ជាង ​១០០​នាក់​នៅ​ឥណ្ឌូនេស៊ី និង​ទី​ម័​រ​ឡេ​ស្តេ​

ចិន និង​រុស្ស៊ី​គាំទ្រ​អាស៊ាន​ឲ្យ​បើក​កិច្ចប្រជុំ​ដោះស្រាយ​វិបត្តិ​នៅ​មី​យ៉ាន់​ម៉ា​

មនុស្ស​ ៥១​នាក់​ស្លាប់​ក្នុង​គ្រោះថ្នាក់​រថភ្លើង​រត់​ធ្លាក់​ផ្លូវ​នៅ​កោះ​តៃវ៉ាន់​

អង្គការ​សង្គ្រោះ​កុមារ​៖ កុមារ​ជាង ៤០​នាក់​ត្រូវ​បាន​សម្លាប់​ដោយ​របប​យោធា​សហភាព​មី​យ៉ាន់​ម៉ា​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

មនុស្ស ២៥នាក់ស្លាប់ក្នុងហេតុការណ៍នាវាដឹកអ្នកដំណើរបុកជាមួយនាវាដឹកប្រេងនៅបង់ក្លាដែស

ទឹកជំនន់ និងបំណាក់ដីសម្លាប់មនុស្សជាង ១០០នាក់នៅឥណ្ឌូនេស៊ី និងទីម័រឡេស្តេ

ចិន និងរុស្ស៊ីគាំទ្រអាស៊ានឲ្យបើកកិច្ចប្រជុំដោះស្រាយវិបត្តិនៅមីយ៉ាន់ម៉ា

មនុស្ស ៥១នាក់ស្លាប់ក្នុងគ្រោះថ្នាក់រថភ្លើងរត់ធ្លាក់ផ្លូវនៅកោះតៃវ៉ាន់

អង្គការសង្គ្រោះកុមារ៖ កុមារជាង ៤០នាក់ត្រូវបានសម្លាប់ដោយរបបយោធាសហភាពមីយ៉ាន់ម៉ា