BTV NEWS

សម្ដេចធិបតី៖ មន្ត្រីជាអ្នកបម្រើរាស្ត្រ មិនមែនជាចៅហ្វាយរាស្ត្រទេ

សម្ដេចតេជោ ហ៊ុន សែន ចែករំលែកអត្ថបទអ្នកស្រាវជ្រាវថៃ ក្រោមចំណងជើងថា «មនុស្សធម៌ខ្វះការអាណិតអាសូរ»

ឯកឧត្តម ឌី វិជ្ជា និងលោកជំទាវ ហ៊ុន ម៉ាណា អញ្ជើញប្រគេនទៀនព្រះវស្សា និងនាំយកទេយ្យវត្ថុ ប្រគេនវត្តចំនួន១២វត្ត និងចែកអំណោយដល់យាយជីតាជី នៅស្រុកក្រគរ និងស្រុកភ្នំក្រវាញ ខេត្តពោធិ៍សាត់

គណៈប្រតិភូធុរកិច្ចមកពីហុងកុង ក្វាងទុង និងម៉ាកាវ បង្ហាញចំណាប់អារម្មណ៍ក្នុងការស្វែងរកឱកាសវិនិយោគលើវិស័យសក្តានុពលនៅកម្ពុជា

ព័ត៌មានសំខាន់ៗ

អង្គការសហប្រជាជាតិថ្កោលទោសអំពើហិង្សាលើក្រុមបាតុករ និងការស្លាប់នៅសហភាពមីយ៉ាន់ម៉ា

UN៖ ក្រុមប្រឹក្សាសន្តិសុខអង្គការសហប្រជាជាតិ កាលពីល្ងាចថ្ងៃព្រហស្បតិ៍ទី១ ខែមេសា បានថ្កោលទោសយ៉ាងខ្លាំងចំពោះការប្រើប្រាស់អំពើហិង្សា ទៅលើក្រុមអ្នកតវ៉ាដោយស្ងៀមស្ងាត់ និងការស្លាប់ជនស៊ីវិលរាប់រយនាក់នៅសហភាពមីយ៉ាន់ម៉ា ប៉ុន្តែបានបន្ធូរបន្ថយការគំរាមកំហែងនៃសកម្មភាព ដែលអាចកើតមាននាពេលអនាគតប្រឆាំងនឹងយោធា បន្ទាប់ពីរដ្ឋប្រហារថ្ងៃទី១ ខែកុម្ភៈ។សេចក្តីប្រកាសព័ត៌មានដែលពង្រាងដោយចក្រភពអង់គ្លេស បានអនុម័តដោយសមាជិកក្រុមប្រឹក្សាទាំង ១៥នាក់ បន្ទាប់ពីការចរចាដ៏តានតឹងដែលបានចាប់ផ្តើមកាលពីថ្ងៃពុធ សម្ដែងនូវការព្រួយបារម្ភយ៉ាងខ្លាំងចំពោះស្ថានភាព កាន់តែយ៉ាប់យ៉ឺនយ៉ាងឆាប់រហ័សនៅសហភាពមីយ៉ាន់ម៉ា និងបានស្នើឡើងជាថ្មីម្តងទៀត ឲ្យមានការអំពាវនាវពីក្រុមប្រឹក្សានេះឲ្យយោធា “រក្សាការអត់ធ្មត់ឲ្យបានច្រើនបំផុត”។ ពង្រាងសេចក្តីស្នើច្បាប់ដំបូង គឺខ្លឹមសារពេញលេចជាង និងបង្ហាញពីការត្រៀមខ្លួនរបស់ក្រុមប្រឹក្សាសន្តិសុខ ក្នុងការពិចារណាលើជំហានបន្ថែមទៀត ដែលអាចរួមបញ្ចូលទាំងការដាក់ទណ្ឌកម្មផងដែរ។ សេចក្ដីព្រាងច្បាប់នេះក៏បានសម្ដែងការសោកស្ដាយផងដែរ ចំពោះការប្រើប្រាស់អំពើហិង្សាប្រឆាំងនឹងក្រុមអ្នកតវ៉ា ដោយស្ងៀមស្ងាត់ និងបានថ្កោលទោសក្នុងការបង្ក្រាបដ៏សាហាវបំផុត រហូតដល់មានការសម្លាប់ជនស៊ីវិលរាប់រយនាក់ពីសំណាក់កងកម្លាំងសន្តិសុខ។ដោយការថ្លែងសុំមិនបញ្ចេញឈ្មោះ ក្រុមអ្នកការទូតរបស់ក្រុមប្រឹក្សានេះបាននិយាយថា ប៉ុន្តែតាមការទទូចរបស់ចិនឯកសារយោងចំពោះ “ជំហ៊ានបន្ថែមនានា” ត្រូវបានលុបចោល ហើយការប្រើប្រាស់ភាសាធ្ងន់ជាងមុនរួមមានពាក្យថា “សម្លាប់” និង “សោកសៅ” ត្រូវបានដកចេញនៅក្នុងសេចក្ដីថ្លែងការណ៍ចុងក្រោយនេះ៕អត្ថបទ៖ សុខមាន

ការបង្ក្រាប និងការចាប់ខ្លួនរបស់យោធាមីយ៉ាន់ម៉ាទៅលើក្រុមអ្នកតវ៉ានៅតែបន្ត ខណៈអ្នកស្លាប់ឡើងដល់ ៥៣៦នាក់

មីយ៉ាន់ម៉ា៖ យោធាសហភាពមីយ៉ាន់ម៉ា កំពុងបន្តការបង្ក្រាបរបស់ខ្លួនទៅលើជនស៊ីវិល ដែលធ្វើបាតុកម្មប្រឆាំងនឹងរដ្ឋប្រហារថ្ងៃទី១ ខែកុម្ភៈនៅក្នុងប្រទេសនេះ។ ក្រុមឃ្លាំមើលសិទ្ធិមនុស្សនិយាយថា មនុស្សចំនួន ៥៣៦នាក់ត្រូវបានសម្លាប់នៅក្នុងការប៉ះទង្គិចគ្នាជាបន្តបន្ទាប់ ជាមួយកងកម្លាំងសន្តិសុខ។នៅក្នុងទីក្រុងធំបំផុតយ៉ាងហ្គោន ក្រុមបាតុករវ័យក្មេងបានដើរដង្ហែក្បួននៅតាមដងផ្លូវនានា ដោយស្រែកពាក្យស្លោកប្រឆាំងនឹងយោធា។ កម្លាំងសន្តិសុខមីយ៉ាន់ម៉ាបានរក្សាសម្ពាធបន្ថែម ទៅលើក្រុមប្រឆាំងរដ្ឋប្រហារយោធាកាលពីល្ងាចថ្ងៃពុធ ដោយបានចាប់ខ្លួនមនុស្សមួយចំនួននៅក្នុងទីក្រុងម៉ាន់ដាឡេ។ កាលពីយប់ថ្ងៃពុធយោធាបានប្រកាសថា ខ្លួននឹងគោរពបទឈប់បាញ់រយៈពេល ១ខែជាឯកតោភាគីចាប់ពីថ្ងៃទី១ ខែមេសា ប្រសិនបើខ្លួនមិនរងការវាយប្រហារដោយកងកម្លាំងប្រដាប់អាវុធ ជនជាតិភាគតិចម្តងទៀត។ យោធាបានបើកការវាយប្រហារតាមអាកាស ទៅលើកងកម្លាំងដែលចូលរួមជាមួយក្រុមបាតុករ ប្រឆាំងនឹងរបបសឹកមួយនេះ។កងកម្លាំងនៃក្រុមប្រដាប់អាវុធទាំងនោះ មិនទាន់បានឆ្លើយតបជាផ្លូវការចំពោះការប្រកាសនេះនៅឡើយទេ។ ប៉ុន្តែពួកគេនិយាយថា ពួកគេមានចេតនាការពារជនស៊ីវិល ហើយហាក់ដូចជាត្រៀមខ្លួនបន្តការវាយលុករបស់ពួកគេ ដរាបណាយោធាបញ្ឈប់ការបង្ក្រាបរបស់ខ្លួន។ ប្រព័ន្ធផ្សព្វផ្សាយក្នុងស្រុកបាននិយាយថា ប្រតិបត្តិការយោធាមួយនៅក្នុងទីក្រុងធំបំផុតទី២ ម៉ាន់ដាឡេកាលពីថ្ងៃព្រហស្បតិ៍បណ្ដាលឲ្យក្រុមបាតុកររងរបួស៕អត្ថបទ៖ សុខមាន

មនុស្ស ៤នាក់ស្លាប់ក្នុងការបាញ់ប្រហារនៅអគារការិយាល័យក្នុងរដ្ឋ California

អាមេរិក៖ នគរបាលនិយាយថា មនុស្ស ៤នាក់រួមទាំងកុមារម្នាក់ផងត្រូវបានបាញ់សម្លាប់ ហើយជនរងគ្រោះទី៥ ត្រូវបានរងរបួសក្នុងការបាញ់ប្រហារមួយ នៅអគារការិយាល័យក្នុងរដ្ឋ California ភាគខាងត្បូងកាលពីថ្ងៃពុធ មុនពេលជនសង្ស័យត្រូវបានបាញ់ឲ្យរងរបួស។គ្រាប់កាំភ្លើងជាច្រើនត្រូវបានបាញ់ ខណៈក្រុមមន្ត្រីបានទៅដល់អគារការិយាល័យកម្ពស់ ២ជាន់ក្នុងតំបន់ Orange ភាគអាគ្នេយ៍នៃទីក្រុង Los Angeles។ ជនសង្ស័យត្រូវបានបញ្ជូនទៅមន្ទីរពេទ្យ បន្ទាប់ពីអ្វីដែលនគរបាលនិយាយថា ជាការបាញ់ប្រហារជាប់ពាក់ព័ន្ធនឹងមន្ត្រីម្នាក់។ គេនៅមិនទាន់ច្បាស់ទេថា អ្នកណាបានបាញ់ជនសង្ស័យនោះ ហើយអ្នកណាដែលស្ថិតក្នុងស្ថានភាពធ្ងន់ធ្ងរ។ ស្នងការនគរបាលតំបន់ Orange លោកស្រី Jen Amat បានប្រាប់ក្រុមអ្នកសារព័ត៌មាននៅកន្លែងកើតហេតុថា មនុស្ស ៤នាក់បានស្លាប់ ហើយជនសង្ស័យត្រូវបានបាញ់ឲ្យរបួស និងបញ្ជូនទៅកាន់មន្ទីរពេទ្យក្នុងស្រុក ព្រមទាំងមានស្ថានភាពធ្ងន់ធ្ងរ។ ហើយក្រុមមន្ត្រីក៏បានរកឃើញកាំភ្លើងមួយដើមផងដែរ។មិនមានព័ត៌មានលម្អិតបន្ថែមទៀតអំពីជនសង្ស័យ ឬជនរងគ្រោះនៅឡើយទេ។ គួររម្លឹកថា ការបាញ់ប្រហារនេះគឺជាហេតុការណ៍លើកទី៣ ហើយដែលបានកើតឡើងនៅសហរដ្ឋអាមេរិកក្នុងរយៈពេល ២សប្ដាហ៍ បន្ទាប់ពីការបាញ់ប្រហារនៅហាងស្ប៉ា ៣កន្លែងក្នុងទីក្រុង Atlanta រដ្ឋ Georgia ដែលបានសម្លាប់មនុស្ស ៨នាក់ រួមទាំងស្ត្រីជនជាតិអាស៊ី ៦នាក់ និងការបាញ់ប្រហារនៅទីក្រុង Boulder នៃរដ្ឋ Colorado ដែលបានសម្លាប់មនុស្ស ១០នាក់៕អត្ថបទ៖ សុខមាន

វ៉ាក់សាំង Pfizer មានប្រសិទ្ធភាព ១០០% សម្រាប់មនុស្សចាប់ពីអាយុ ១២ឆ្នាំដល់ ១៥ឆ្នាំ

អាមេរិក៖ ក្រុមហ៊ុនផលិតឱសថសហរដ្ឋអាមេរិក Pfizer និងក្រុមហ៊ុនដៃគូអាល្លឺម៉ង់ BioNTech បញ្ជាក់ថា ពួកគេបានរកឃើញថា វ៉ាក់សាំងបង្ការវីរុសកូរ៉ូណារបស់ពួកគេមានប្រសិទ្ធភាព ១០០% ចំពោះកុមារដែលមានអាយុចន្លោះពី ១២ ទៅ ១៥ឆ្នាំ។ វ៉ាក់សាំងក្រុមហ៊ុន Pfizer-BioNTech បច្ចុប្បន្នត្រូវបានអនុញ្ញាតឲ្យប្រើ ចំពោះអ្នកដែលមានអាយុចាប់ពី ១៦ឆ្នាំឡើងទៅ។ក្រុមហ៊ុនទាំងពីរបានចេញផ្សាយកាលពីថ្ងៃពុធ នូវលទ្ធផលនៃការសាកល្បងលើកុមារអាយុពី ១២ ទៅ ១៥ឆ្នាំចំនួន ២,២៦០នាក់ដែលមានអាយុពី ១២ ទៅ ១៥ឆ្នាំនៅសហរដ្ឋអាមេរិកដើម្បីធ្វើតេស្តសុវត្ថិភាព និងប្រសិទ្ធភាពរបស់វ៉ាក់សាំង។ នៅក្នុងការសាកល្បងជាច្រើនដំណាក់កាល ពួកគេបាននិយាយថា កុមារចំនួន ១៨នាក់ក្នុងចំណោម ១.១២៩នាក់ដែលត្រូវបានផ្តល់ឲ្យនូវឱសថជំរុញលិចចេញរោគសញ្ញា COVID-19 ប៉ុន្តែគ្មាននរណាម្នាក់លិចចេញរោគសញ្ញាឡើយ នៅក្នុងចំណោមកុមារ ១.១៣១នាក់ដែលបានចាក់វ៉ាក់សាំង។ ក្រុមហ៊ុនទាំង២ បាននិយាយថា ផលប៉ះពាល់គឺភាគច្រើនដូចគ្នា នឹងផលប៉ះពាល់ដែលកើតមានចំពោះមនុស្ស ដែលមានអាយុចន្លោះពី ១៦ ទៅ ២៥ឆ្នាំ។ក្រុមហ៊ុន Pfizer បានចាប់ផ្តើមសាកល្បងលើកុមារតូចៗ សូម្បីតែអាយុចន្លោះពី ៦ខែទៅ ១១ឆ្នាំ។ ក្រុមហ៊ុនអាមេរិកមួយទៀតគឺ Moderna កំពុងធ្វើសាកល្បងវ៉ាក់សាំងរបស់ខ្លួន លើអ្នកដែលមានអាយុចាប់ពី ៦ខែដល់ ១៨ឆ្នាំ។ ចំណែកសាកលវិទ្យាល័យ Oxford ដែលបានផលិតវ៉ាក់សាំងជាមួយក្រុមហ៊ុនឱសថអង់គ្លេស AstraZeneca កំពុងធ្វើសាកល្បងលើកុមារអាយុពី ៦ ទៅ ១៧ឆ្នាំ៕អត្ថបទ៖ សុខមាន

ប្រេសិតអង្គការសហប្រជាជាតិជំរុញឲ្យចាត់វិធានការទប់ស្កាត់សង្គ្រាមស៊ីវិលនៅមីយ៉ាន់ម៉ា

UN៖ កាលពីពុធ ទី៣១ ខែមីនា ប្រេសិតពិសេសរបស់អង្គការសហប្រជាជាតិ តាមដានស្ថានការណ៍នៅក្នុងសហភាពមីយ៉ាន់ម៉ា បានទទូចដល់ក្រុមប្រឹក្សាសន្តិសុខឲ្យចាត់វិធានការ នៅក្នុងវិបត្តិដែលកំពុងកើនឡើងរបស់ប្រទេសនៅអាស៊ីមួយនេះ ដោយព្រមានពីហានិភ័យនៃសង្គ្រាមស៊ីវិល និង “ការបង្ហូរឈាម” ដែលជិតមកដល់ ស្របពេលដែលរដ្ឋាភិបាលយោធាបង្ក្រាបយ៉ាងចាស់ដៃ លើក្រុមអ្នកតវ៉ាគាំទ្រលទ្ធិប្រជាធិបតេយ្យ។មនុស្សជាង ៥២០នាក់បានស្លាប់នៅក្នុងការធ្វើបាតុកម្មប្រចាំថ្ងៃ ចាប់តាំងពីយោធាបានផ្តួលរំលំមេដឹកនាំជាប់ឆ្នោតលោកស្រី Aung San Suu Kyi កាលពីថ្ងៃទី១ ខែកុម្ភៈ ដោយបញ្ឈប់ការពិសោធក្នុងរបបលទ្ធិប្រជាធិបតេយ្យ ដែលមានអាយុកាល ១ទសវត្សរ៍នៅក្នុងសហភាពមីយ៉ាន់ម៉ា។ យោងតាមសុន្ទរកថាដែលសារព័ត៌មាន AFP ទទួលបានឲ្យដឹងថា ប្រេសិតពិសេសលោកស្រី Christine Schraner Burgener បានប្រាប់អង្គប្រជុំបិទទ្វារថា ខ្ញុំសូមអំពាវនាវដល់ក្រុមប្រឹក្សានេះ ពិចារណារាល់វិធីសាស្ត្រដែលមានដើម្បីចាត់វិធានការរួមគ្នា និងធ្វើអ្វីដែលត្រឹមត្រូវ ជាអ្វីដែលប្រជាជនមីយ៉ាន់ម៉ាសមនឹងទទួលបាន និងការពារកុំឲ្យមានមហន្តរាយច្រើនរូបភាព។កាលពីព្រឹកថ្ងៃពុធ ក្រុមអ្នកច្បាប់របស់លោកស្រី Aung San Suu Kyi បាននិយាយថា មេដឹកនាំដែលត្រូវគេបណ្ដេញចេញពីតំណែងរូបនេះ មានសុខភាពល្អធម្មតា ទោះបីជាត្រូវបានឃុំឃាំងអស់រយៈពេល ២ខែក៏ដោយ៕អត្ថបទ៖ សុខមាន

ប្រទេសនៅអាស៊ីមួយចំនួនស្វែងរកការផ្គត់ផ្គង់វ៉ាក់សាំងបង្ការវីរុស COVID-19

អាស៊ី៖ បណ្ដាប្រទេសមួយចំនួននៅអាស៊ី បានស្វែងរកប្រភពនានាដើម្បីទទួលបានវ៉ាក់សាំងបង្ការជំងឺ COVID-19 កាលពីថ្ងៃអង្គារ បន្ទាប់ពីការរឹតត្បិតការនាំចេញ ពីសំណាក់ក្រុមហ៊ុនរបស់ប្រទេសឥណ្ឌា បានបណ្ដាលឲ្យគម្រោងចែកចាយវ៉ាក់សាំងសកល គាំទ្រដោយអង្គការសុខភាពពិភពលោកជួបប្រទះកង្វះខាតការផ្គត់ផ្គង់។ការផ្អាកការនាំចេញបានធ្វើឲ្យគម្រោងចែកចាយវ៉ាក់សាំងនេះ ប្រឈមនឹងបញ្ហាកាន់តែខ្លាំង ក្នុងការជួយផ្គត់ផ្គង់ដល់ប្រទេសក្រីក្រប្រមាណ ៦៤ប្រទេស និងបន្ថែមលើចំណុចអវិជ្ជមានកន្លងមក ដែលរួមទាំងភាពរអាក់រអួលនៃដំណើរការផលិត និងកង្វះខាតការផ្ដល់មូលនិធិ ពីបណ្ដាប្រទេសមានទ្រព្យសម្បត្តិស្ដុកស្ដម្ភ។ ការខ្វះខាតនេះអាចបណ្ដាលឲ្យប្រទេសក្រីក្រជាច្រើនទៀត មិនអាចទទួលបានវ៉ាក់សាំង ដែលនឹងធ្វើឲ្យការចែកចាយវ៉ាក់សាំងគ្មានសមធម៌កើនឡើង ធ្វើឲ្យកិច្ចខិតខំប្រឹងប្រែងសកលកាន់តែស្មគស្មាញ ក្នុងការទប់ស្កាត់ការឆ្លងរាលដាលវីរុសកូរ៉ូណា រួមទាំងវីរុសបម្លែងខ្លួនថ្មី។កូរ៉េខាងត្បូង, ឥណ្ឌូនេស៊ី, ហ្វីលីពីន និងវៀតណាម ក៏ស្ថិតក្នុងចំណោមប្រទេសដែលត្រូវបានប៉ះពាល់ ដោយសារការពន្យារពេលដឹកជញ្ជូនវ៉ាក់សាំង ដែលពួកគេត្រូវបានសន្យាផ្ដល់ជូនក្រោមគម្រោងចែកចាយវ៉ាក់សាំង COVAX ដែលត្រូវបានបង្កើតឡើងផ្ដោតទៅលើការធានា ឲ្យបានការផ្គត់ផ្គង់សម្រាប់ប្រទេសក្រីក្រ៕អត្ថបទ៖ សុខមាន

អ្នកស្លាប់ដោយសារការបង្ក្រាបពីសំណាក់យោធាមីយ៉ាន់ម៉ាបានកើនឡើងជាង ៥២០នាក់

មីយ៉ាន់ម៉ា៖ ចំនួនអ្នកស្លាប់ជាជនស៊ីវិលក្នុងការបង្ក្រាប របស់ក្រុមយោធាមីយ៉ាន់ម៉ាទៅលើក្រុមបាតុករបានកើនដល់ ៥២១នាក់ ខណៈក្រុមឧទ្ទាមប្រដាប់អាវុធកាលពីថ្ងៃអង្គារ បានគំរាមរដ្ឋាភិបាលយោធាថា ខ្លួននឹងសងសឹក ប្រសិនបើនៅតែមិនបញ្ឈប់ការសម្លាប់បង្ហូរឈាម។មហាអំណាចពិភពលោកបានបង្កើនការថ្កោលទោស ចំពោះយុទ្ធនាការរបស់យោធាប្រឆាំងនឹងចលនាប្រឆាំងរដ្ឋប្រហារ ដែលទាមទារឲ្យប្រគល់អំណាចជូនរដ្ឋាភិបាលជាប់ឆ្នោត និងការដោះលែងមេដឹកនាំស៊ីវិល លោកស្រី Aung San Suu Kyi។ ទីក្រុងវ៉ាស៊ីនតោនបានផ្អាកកិច្ចព្រមព្រៀងពាណិជ្ជកម្មជាមួយសហភាពមីយ៉ាន់ម៉ា ហើយប្រមុខអង្គការសហប្រជាជាតិ លោក Antonio Guterres បានអំពាវនាវឲ្យមានចលនារួបរួមសកល ដើម្បីដាក់សម្ពាធលើរដ្ឋាភិបាលយោធា បន្ទាប់ពីក្រុមបាតុករជាង ១០០នាក់ត្រូវបានសម្លាប់ដ៏បង្ហូរឈាម កាលពីថ្ងៃសៅរ៍ចុងសប្ដាហ៍មុន។បន្ថែមលើយុទ្ធនាការដាក់សម្ពាធនោះ ក្រុមឧទ្ទាមជនជាតិភាគតិចចំនួន ៣ក្រុមកាលពីថ្ងៃអង្គារបានថ្កោលទោសការបង្ក្រាប និងបានគំរាមថានឹងចូលរួមតតាំងជាមួយក្រុមបាតុករ លុះត្រាតែយោធាបញ្ឈប់អំពើហិង្សារបស់ខ្លួន៕អត្ថបទ៖ សុខមាន

ប្រទេសឥណ្ឌាកត់ត្រាចំនួនអ្នកឆ្លងជំងឺ COVID-19 ប្រចាំថ្ងៃខ្ពស់បំផុតក្នុងរយៈពេល ៥ខែ

ឥណ្ឌា៖ ប្រទេសឥណ្ឌាបានរាយការណ៍ពីការកើនឡើងខ្ពស់បំផុត នៃករណីឆ្លងវីរុសកូរ៉ូណាប្រចាំថ្ងៃក្នុងរយៈពេល ៥ខែកាលពីថ្ងៃច័ន្ទ ដោយការឆ្លងរលកទី២ នេះត្រូវបានបង្កឡើងដោយការឆ្លងរាលដាលនៅក្នុងរដ្ឋមហារាស្ត្រា (Maharastra) ជារដ្ឋមានជាងគេបំផុតរបស់ប្រទេសនេះ។ក្រសួងសុខាភិបាលបាននិយាយថា អ្នកឆ្លងសរុបនៃវីរុសកូរ៉ូណាថ្មីចំនួន ៦៨,០២០នាក់ត្រូវបានគេរាយការណ៍ក្នុងរយៈពេល ២៤ម៉ោងចុងក្រោយនេះ។ នេះជាការកើនឡើងប្រចាំថ្ងៃខ្ពស់បំផុតចាប់តាំងពីថ្ងៃទី១១ ខែតុលា នេះបើយោងតាមការចុះផ្សាយរបស់សារព័ត៌មាន Reuters។ ប្រទេសឥណ្ឌាបានរាយការណ៍អំពីករណីឆ្លងកើនឡើងខ្ពស់ជាង ៦០,០០០នាក់សម្រាប់រយៈពេលបីថ្ងៃជាប់ៗគ្នា ទោះបីជាការកើនឡើងកាលពីថ្ងៃច័ន្ទ នៅតែទាបជាងកម្រិតខ្ពស់បំផុតកាលពីខែកញ្ញា ដែលមានជាង ៩ម៉ឺនករណីក្នុងមួយថ្ងៃក៏ដោយ។ចំនួនករណីឆ្លងសរុបចាប់តាំងពីការឆ្លងរាលដាល បានចាប់ផ្តើមកាលពីមួយឆ្នាំកន្លងមកនេះ បានកើនឡើងជាងចំនួន ១២លាននាក់ ដែលធ្វើឱ្យប្រទេសឥណ្ឌាក្លាយជាប្រទេស ដែលរងគ្រោះខ្លាំងជាងគេបន្ទាប់ពីសហរដ្ឋអាមេរិក និងប្រទេសប្រេស៊ីល។ គិតត្រឹមព្រឹកថ្ងៃអង្គារនេះ ប្រទេសឥណ្ឌាមានករណីឆ្លងជំងឺ COVID-19 ចំនួន ១២,០៩៥,៣២៩នាក់ និងស្លាប់ចំនួន ១៦២,១៤៧នាក់៕អត្ថបទ៖ សុខមាន

វ៉ាក់សាំងស៊ីណូហ្វាម ៧០ម៉ឺនដូសដែលជាជំនួយរបស់ចិនលើកទី២នឹងមកដល់កម្ពុជានៅល្ងាចថ្ងៃស្អែក

ភ្នំពេញ៖ វ៉ាក់សាំងការពារមេរោគកូវីដ១៩ ប្រភេទស៊ីណូហ្វាម ដែលជាជំនួយរបស់សាធារណរដ្ឋប្រជាមានិតចិន លើកទី២ចំនួន ៧០ម៉ឺនដូស នឹងដឹកមកដល់ប្រទេសកម្ពុជានៅវេលាម៉ោង៧ល្ងាចថ្ងៃទី៣១ ខែមីនា ឆ្នាំ២០២១ស្អែកនេះ ខណៈកម្មវិធីផ្តល់ និងទទួលនឹងប្រព្រឹត្តិទៅក្រោមអធិបតីភាព សម្តេចពិជ័យសេនា ទៀ បាញ់ ឧបនាយករដ្ឋមន្រ្តី និងជារដ្ឋមន្រ្តីក្រសួងការពារជាតិកម្ពុជា ជាមួយនិងលោក វ៉ាង វិនធាន ឯកអគ្គរដ្ឋទូតចិនប្រចាំនៅកម្ពុជា។វ៉ាក់សាំងស៊ីណូហ្វាម ចំនួន៧០ម៉ឺនដូស ដែលជាជំនួយលើកទីពីររបស់ចិននេះ មានចំនួន៣០ម៉ឺនដូសគឺសម្រាប់ចាក់ជូនដល់កងទ័ពកម្ពុជា និងក្រុមគ្រួសារ ហើយ៤០ម៉ឺនដូសទៀតសម្រាប់ផ្តល់ជូនដល់ក្រសួងសុខាភិបាលកម្ពុជា ខណៈជំនួយលើកទី១ ដែលមានចំនួន៦០ម៉ឺនដូសនោះបានកំពុងបន្តចាក់ជូនដល់កងទ័ពប្រកបដោយរលូន និងសុវត្ថិភាពរហូតមកដល់ពេលនេះ។សូមបញ្ជាក់ថា ប្រទេសកម្ពុជាបានទទួលថ្នាំវ៉ាក់សាំងប្រភេទស៊ីណូហ្វាមចំនួន៦០ម៉ឺនដូសជាលើកដំបូងពីសាធារណៈប្រជាមានិតចិន កាលពីថ្ងៃទី៧ ខែកុម្ភៈកន្លងទៅនេះ ហើយបន្ទាប់មកនៅថ្ងៃទី២ ខែមីនា ប្រទេសកម្ពុជាបានទទួលវ៉ាក់សាំងកូវីដ១៩ របស់ក្រុមហ៊ុន AstraZeneca ដែលផលិតនៅប្រទេសឥណ្ឌា ចំនួន ៣២៤,០០០ដូស ពីមជ្ឈមណ្ឌលកូវ៉ាក់ (COVAX Facility) របស់អង្គការសុខភាពពិភពលោក(WHO)។ វ៉ាក់សាំងទាំងពីរប្រភេទ ដែលកម្ពុជាទទួលបានពីមិត្តចិន និងអង្គការសុខភាពពិភពលោកនេះ ត្រូវបានចាក់ជូនដល់កងកម្លាំងប្រដាប់អាវុធគ្រប់ប្រភេទ និងមន្រ្តីរាជការស៊ីវិល និងបងប្អូនប្រជាពលរដ្ឋក្នុងគោលការណ៍ស្ម័គ្រចិត្តបានចំនួនជាង២៥ម៉ឺននាក់ ខណៈវ៉ាក់សាំងប្រភេទស៊ីណូវ៉ាក់ ដែលកម្ពុជាចំណាយលុយជាលើកដំបូងទិញរបស់ចិនចំនួន១.៥លានដូស ដែលបានដឹកមកដល់កម្ពុជានាថ្ងៃទី២៦នោះបានកំពុងចាត់ចែងយ៉ាងដុតដៃដុតជើងបំផុត របស់គណៈកម្មការចំពោះកិច្ចនៃការចាក់វ៉ាក់សាំងកូវីដ១៩ ដែល ដឹកនាំដោយលោកជំទាវ ឱ វណ្ណឌីន រដ្ឋលេខាធិការក្រសួងសុខាភិបាលកម្ពុជា ខណៈវ៉ាក់សាំងនេះនឹងត្រូវធ្វើការចាក់ជូនដល់ពលរដ្ឋខ្មែរឲ្យអស់មួយលានដូសក្នុងមួយខែ ឬអាចលើសពីនេះទៅទៀតនោះ។កាលពីថ្ងៃទី២៩ ខែមីនាម្សិលមិញនេះ សម្តេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានប្រកាសដាក់ចេញផែនការចាក់វ៉ាក់សាំងកូវីដ១៩ ឱ្យបានប្រមាណ១លានដូសក្នុងរយៈពេលមួយខែ ខណៈការចាក់ដោយទ្រង់ទ្រាយធំនេះ នឹងប្រព្រឹត្តិទៅទូទាំងប្រទេសនោះ។ ការប្រកាសដាក់ផែនការរបស់ប្រមុខរាជរដ្ឋាភិបាលនេះគឺស្របពេលដែលកម្ពុជាមានការផ្ទុះមេរោគកូវីដ១៩នេះ ចូលសហគមន៍ជាបន្តបន្ទាប់ និងបណ្តាលឲ្យមានអ្នកស្លាប់មួយចំនួនផងដែរនោះ។ព្រឹត្តិការណ៍នៃការចាក់វ៉ាក់សំាងការពារមេរោគកូវីដ១៩ បានប្រព្រឹត្តិទៅប្រកបដោយសុវត្ថិភាព និងរលូននោះរាជរដ្ឋាភិបាលកម្ពុជា បានប្រកាសទិញនូវវ៉ាក់សាំងការពារមេរោគកូវីដ១៩ ប្រភេទស៊ីណូវ៉ាក់នេះចំនួន៤លានដូសបន្ថែមទៀត និងកំពុងសិក្សាទិញនូវវ៉ាក់សាំងពីប្រទេសអាមេរិកមួយចំនួនទៀតផងដែរដើម្បីធ្វើយ៉ាងណាចាក់វ៉ាក់នេះ ជូនដល់បងប្អូនប្រជាពលរដ្ឋខ្មែរនៅក្នុងឆ្នាំ២០២១នេះ ឲ្យបានចំនួន១០លានដូសនោះ៕ អត្ថបទ៖ បាន ចក់

អ្នកការទូត៖ ក្រុមប្រឹក្សាសន្តិសុខអង្គការសហប្រជាជាតិនឹងជួបប្រជុំនៅថ្ងៃពុធស្ដីពីវិបត្តិនៅមីយ៉ាន់ម៉ា

មីយ៉ាន់ម៉ា៖ ប្រភពពីក្រុមអ្នកការទូតបាននិយាយកាលពីថ្ងៃច័ន្ទថា ចក្រភពអង់គ្លេសបានអំពាវនាវឲ្យមានការប្រជុំ ក្រុមប្រឹក្សាសន្តិសុខអង្គការសហប្រជាជាតិជាបន្ទាន់ ស្តីពីស្ថានភាពនៅសហភាពមីយ៉ាន់ម៉ា ជាទីដែលក្រុមបាតុករប្រឆាំងរដ្ឋប្រហារជាង ១០០នាក់ត្រូវបានសម្លាប់កាលពីចុងសប្ដាហ៍កន្លងទៅ។ប្រភពដដែលបាននិយាយថា សមាជិកក្រុមប្រឹក្សាសន្តិសុខចំនួន ១៥ ប្រទេសនឹងចាប់ផ្ដើមសម័យប្រជុំបិទទ្វារនៅថ្ងៃពុធស្អែកនេះ ដោយមានការលើកឡើងនូវរបាយការណ៍សង្ខេប ស្ដីពីស្ថានការណ៍ ពីសំណាក់ប្រេសិតពិសេសរបស់អង្គការសហប្រជាជាតិ ទទួលបន្ទុកមីយ៉ាន់ម៉ាគឺលោកស្រី Christine Schraner Burgener។ គេមិនច្បាស់ទេថា ក្រុមប្រឹក្សាសន្តិសុខនឹងអាចយល់ព្រម លើសេចក្តីប្រកាសថ្មីមួយនៅចុងបញ្ចប់នៃកិច្ចប្រជុំ នេះជាអ្វីដែលតម្រូវឲ្យមានការព្រមព្រៀងជាឯកច្ឆ័ន្ទ ក្នុងចំណោមសមាជិកដែលរួមមានរុស្ស៊ី និងចិនដែរ ឬយ៉ាងណា។កាលពីនៅថ្ងៃទី១០ ខែមីនាកន្លងទៅ ក្រុមប្រឹក្សាសន្តិសុខបានចេញសេចក្តីប្រកាស ថ្កោលទោសយ៉ាងដាច់អហង្ការជាលើកដំបូង ចំពោះការប្រើប្រាស់អំពើហិង្សាលើក្រុមអ្នកតវ៉ា ដោយស្ងៀមស្ងាត់ដែលរួមមានទាំងស្ត្រី និងកុមារ។ ក្រុមអ្នកតស៊ូមតិមួយបាននិយាយកាលពីថ្ងៃច័ន្ទថា កងកម្លាំងសន្តិសុខសហភាពមីយ៉ាន់ម៉ា បានសម្លាប់ជនស៊ីលយ៉ាងហោចណាស់ ៥១០នាក់ក្នុងរយៈពេលជិត ២ខែក្នុងកិច្ចខិតខំប្រឹងប្រែងដើម្បីបញ្ឈប់ការតវ៉ា ប្រឆាំងរដ្ឋប្រហារកាលកាលពីថ្ងៃទី១ ខែកុម្ភៈ៕អត្ថបទ៖ សុខមាន

បណ្ដាញសង្គម

ព័ត៌មានថ្មីៗ

មនុស្សរាប់លាននាក់ទូទាំងអឺរ៉ុបរងគ្រោះពីរលកកម្ដៅខ្លាំងជាថ្មីក្រោយមនុស្សជាង២ម៉ឺននាក់ស្លាប់

អ៊ីរ៉ង់ ច្រានចោលការអះអាងរបស់លោកTrump អំពីការគ្រប់គ្រងរបស់អាមេរិកលើច្រកសមុទ្រ Hormuz ថាជាការកុហក

អ៊ុយក្រែន ស្នើបទឈប់បាញ់ជាមួយរុស្ស៊ីនៅសមុទ្រខ្មៅ ខណៈព្រួយបារម្ភការផ្គត់ផ្គង់ស្បៀងកើនឡើង

សម្ដេចតេជោ ហ៊ុន សែន អនុញ្ញាតឱ្យប្រតិភូក្រុមប្រឹក្សាជាតិកម្ពុជាដើម្បីស្ត្រី ចូលជួបសម្ដែងការគួរសម

សម្ដេចធិបតី នាយករដ្ឋមន្រ្ដី អញ្ជើញជួបពិភាក្សាការងារជាមួយអនុរដ្ឋមន្ត្រីសង្គ្រាម នៃក្រសួងសង្គ្រាមសហរដ្ឋអាមេរិក

ក្រសួងការងារ និងអង្គការ IOM ពិភាក្សាពង្រឹង និងពង្រីកកិច្ចសហប្រតិបត្តិការគាំទ្រអតីតជនទេសន្តរប្រវេសន៍ខ្មែរ និងជនទេសន្តរប្រវេសន៍ខ្មែរដែលកំពុងធ្វើការនៅក្រៅប្រទេស

អាមេរិកព្រមានដៃគូពាណិជ្ជកម្មរាប់សិបប្រទេសពីហានិភ័យក្នុងការជួយបញ្ចៀសការដំឡើងពន្ធ

ឯកឧត្តម ប៉ែន បូណា៖ «ទាល់តែមានមនុស្សពូកែច្រើនទើបប្រទេសរីកចម្រើនខ្លាំង»

ក្រសួងបរិស្ថាន រៀបចំពង្រឹង «ការសរសេរព័ត៌មាន ការឆ្លើយតប និងប្រតិកម្មរហ័សក្នុងវិស័យបរិស្ថាន»

កងរាជអាវុធហត្ថលើផ្ទៃប្រទេសប្រកាសស្វែងរកឈ្មោះ ប៉េង ជីវ៉ា ដែលគ្រងឯកសណ្ឋានកងកម្លាំងប្រដាប់អាវុធដោយខុសច្បាប់

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

អង្គការសហប្រជាជាតិថ្កោលទោសអំពើហិង្សាលើក្រុមបាតុករ និងការស្លាប់នៅសហភាពមីយ៉ាន់ម៉ា

ការបង្ក្រាប និងការចាប់ខ្លួនរបស់យោធាមីយ៉ាន់ម៉ាទៅលើក្រុមអ្នកតវ៉ានៅតែបន្ត ខណៈអ្នកស្លាប់ឡើងដល់ ៥៣៦នាក់

មនុស្ស ៤នាក់ស្លាប់ក្នុងការបាញ់ប្រហារនៅអគារការិយាល័យក្នុងរដ្ឋ California

វ៉ាក់សាំង Pfizer មានប្រសិទ្ធភាព ១០០% សម្រាប់មនុស្សចាប់ពីអាយុ ១២ឆ្នាំដល់ ១៥ឆ្នាំ

ប្រេសិតអង្គការសហប្រជាជាតិជំរុញឲ្យចាត់វិធានការទប់ស្កាត់សង្គ្រាមស៊ីវិលនៅមីយ៉ាន់ម៉ា

ប្រទេសនៅអាស៊ីមួយចំនួនស្វែងរកការផ្គត់ផ្គង់វ៉ាក់សាំងបង្ការវីរុស COVID-19

អ្នកស្លាប់ដោយសារការបង្ក្រាបពីសំណាក់យោធាមីយ៉ាន់ម៉ាបានកើនឡើងជាង ៥២០នាក់

ប្រទេសឥណ្ឌាកត់ត្រាចំនួនអ្នកឆ្លងជំងឺ COVID-19 ប្រចាំថ្ងៃខ្ពស់បំផុតក្នុងរយៈពេល ៥ខែ

វ៉ាក់សាំងស៊ីណូហ្វាម ៧០ម៉ឺនដូសដែលជាជំនួយរបស់ចិនលើកទី២នឹងមកដល់កម្ពុជានៅល្ងាចថ្ងៃស្អែក

អ្នកការទូត៖ ក្រុមប្រឹក្សាសន្តិសុខអង្គការសហប្រជាជាតិនឹងជួបប្រជុំនៅថ្ងៃពុធស្ដីពីវិបត្តិនៅមីយ៉ាន់ម៉ា

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

អង្គការ​សហប្រជាជាតិ​ថ្កោលទោស​អំពើ​ហិង្សា​លើ​ក្រុម​បាតុករ ​និង​ការ​ស្លាប់​នៅ​សហភាព​មី​យ៉ាន់​ម៉ា​

មនុស្ស​ ៤​នាក់​ស្លាប់​​ក្នុង​ការ​បាញ់​ប្រហារ​នៅ​អគារ​ការិយាល័យ​ក្នុង​រដ្ឋ ​California

វ៉ាក់សាំង Pfizer មាន​ប្រសិទ្ធភាព ​១០០%​ សម្រាប់​មនុស្ស​ចាប់ពី​អាយុ​ ១២​ឆ្នាំ​ដល់ ​១៥​ឆ្នាំ​

ប្រេសិត​អង្គការ​សហប្រជាជាតិ​ជំរុញ​ឲ្យ​ចាត់​វិធានការ​ទប់ស្កាត់​សង្គ្រាមស៊ីវិល​នៅ​មី​យ៉ាន់​ម៉ា

ប្រទេស​នៅ​អាស៊ី​មួយចំនួនស្វែងរក​ការ​ផ្គត់ផ្គង់​វ៉ាក់សាំង​បង្ការវីរុស​ COVID-19

អ្នក​ស្លាប់​ដោយសារ​ការ​បង្ក្រាប​ពី​សំណាក់​​យោធា​មី​យ៉ាន់​ម៉ា​បាន​កើន​ឡើង​ជាង​ ៥២០​នាក់​

ប្រទេស​ឥណ្ឌា​កត់ត្រា​ចំនួន​អ្នក​ឆ្លង​ជំងឺ​ COVID-19 ប្រចាំថ្ងៃ​ខ្ពស់​បំផុត​ក្នុង​រយៈពេល ៥​ខែ​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

អង្គការសហប្រជាជាតិថ្កោលទោសអំពើហិង្សាលើក្រុមបាតុករ និងការស្លាប់នៅសហភាពមីយ៉ាន់ម៉ា

មនុស្ស ៤នាក់ស្លាប់ក្នុងការបាញ់ប្រហារនៅអគារការិយាល័យក្នុងរដ្ឋ California

វ៉ាក់សាំង Pfizer មានប្រសិទ្ធភាព ១០០% សម្រាប់មនុស្សចាប់ពីអាយុ ១២ឆ្នាំដល់ ១៥ឆ្នាំ

ប្រេសិតអង្គការសហប្រជាជាតិជំរុញឲ្យចាត់វិធានការទប់ស្កាត់សង្គ្រាមស៊ីវិលនៅមីយ៉ាន់ម៉ា

ប្រទេសនៅអាស៊ីមួយចំនួនស្វែងរកការផ្គត់ផ្គង់វ៉ាក់សាំងបង្ការវីរុស COVID-19

អ្នកស្លាប់ដោយសារការបង្ក្រាបពីសំណាក់យោធាមីយ៉ាន់ម៉ាបានកើនឡើងជាង ៥២០នាក់

ប្រទេសឥណ្ឌាកត់ត្រាចំនួនអ្នកឆ្លងជំងឺ COVID-19 ប្រចាំថ្ងៃខ្ពស់បំផុតក្នុងរយៈពេល ៥ខែ