BTV NEWS

ជនប៉ាឡេស្ទីនជម្លៀសខ្លួនស្វាគមន៍កងកម្លាំងអន្តរជាតិនៅហ្កាហ្សា និងអំពាវនាវឲ្យកសាងផ្ទះសម្បែងរបស់ពួកគេឡើងវិញ

ពលរដ្ឋវិលត្រឡប់ទៅកាន់តំបន់ភាគខាងត្បូងលីបង់វិញ ក្រោយការដកទ័ពរបស់អ៊ីស្រាអែល

ប្រធានាធិបតីហ្វីលីពីន លោក Marcos ប្រាប់ថា ប្រហែលដល់ពេលត្រូវពិនិត្យថាមពលនុយក្លេអ៊ែរឡើងវិញ

EU បញ្ចូនយន្តហោះ និងអ្នកពន្លត់អគ្គិភ័យទៅជួយទប់ទល់ចំហេះព្រៃ នៅបារាំង និងអេស្ប៉ាញ

ព័ត៌មានអន្តរជាតិ

លោក Macron ទៅដល់វិធានប្រធានាធិបតីស៊ីរីនៅទីក្រុងដាម៉ាស ភ្លាមៗក្រោយហេតុការណ៍ផ្ទុះ

នៅថ្ងៃអង្គារនេះ ប្រធានាធិបតីបារាំងលោក Emmanuel Macron បានធ្វើដំណើរទៅដល់វិមានប្រធានាធិបតីស៊ីរី ស្ថិតក្នុងទីក្រុងដាម៉ាស ដើម្បីជួបសមភាគីស៊ីរីលោក Ahmed al-Sharaa ភ្លាមៗ ក្រោយការផ្ទុះគ្រាប់បែកអង្រួនរដ្ឋធានីមួយនេះ ។សារព័ត៌មានរដ្ឋស៊ីរី រាយការណ៍ថា គ្រាប់បែក ២គ្រាប់ បានផ្ទុះឡើងនៅជិតសណ្ឋាគារនៅក្នុងទីក្រុងដាម៉ាស ជាទីដែលលោក Macronមាននូវជំនួប ប៉ុន្តែការិយាល័យប្រធានាធិបតីបារាំងនិយាយថា លោកពុំបានឮសំឡេងផ្ទុះគ្រាប់នោះទេ ។ហេតុការណ៍ផ្ទុះនេះដែរ គូសបញ្ជាក់ពីការងារប្រឈមសន្តិសុខដ៏ធំមួយនៅក្នុងប្រទេសស៊ីរី ជាទីដែលលោក Macron ក្លាយជាប្រមុខរដ្ឋលើកដំបូងរបស់ប្រទេសសហភាពអឺរ៉ុប បំពេញទស្សនកិច្ចទៅកាន់ទីនោះ ចាប់តាំងពីក្រុមឧទ្ទាមដឹកនាំដោយលោក Sharaa ទម្លាក់អំណាចរបស់លោក Bashar al-Assad កាលពីឆ្នាំ ២០២៤ ។ការផ្ទុះគ្រាប់បែកនេះដែរ បានវាយប្រហារតំបន់ដ៏មមាញឹកមួយ ស្ថិតនៅចន្លោះក្រសួងទេសចរណ៍ស៊ីរី និងសារមន្ទីរជាតិ ជាទីដែលលោក Macron ជួបក្រុមសង្គមស៊ីវិល ។សារព័ត៌មានរដ្ឋស៊ីរីរាយការណ៍ថា មនុស្ស ១៨នាក់ បានរងរបួស នៅក្នុងហេតុការណ៍ផ្ទុះនោះ រួមទាំងមន្រ្តីនគរបាល ៤នាក់ផងដែរ ៕

ការប៉ះទង្គិចគ្នានៅទីក្រុង Ankara ស្របពេលបាតុកម្មប្រឆាំងអង្គការណាតូ ធ្វើឡើងនៅរដ្ឋធានីប្រទេសទួរគីមួយនេះ

ក្រុមបាតុករប្រឆាំងអង្គការណាតូ និងក្រុមនគរបាល បានប៉ះទង្គិចគ្នានៅតាមដងផ្លូវនាថ្ងៃអង្គារនេះ ស្របពេលក្រុមមេដឹកនាំ ចាប់ផ្តើមទៅដល់ សម្រាប់ជំនួបកំពូល ។បាតុករត្រូវបានគេមើលឃើញជាប់ខ្នោះ ហើយត្រូវបាននគរបាននាំខ្លួនចេញ ស្របពេលក្រុមមេដឹកនាំអង្គការណាតូ គ្រោងនឹងបញ្ចេញកិច្ចព្រមព្រៀងអាវុធតម្លៃរាប់ពាន់លានដុល្លារ ។រដ្ឋាភិបាលអឺរ៉ុប នឹងប្រកាសកិច្ចព្រមព្រៀងនៅវេទិកាឧស្សាហកម្មការពារជាតិណាតូ មុនពេលប្រធានាធិបតីសហរដ្ឋអាមេរិកលោក Trump ធ្វើដំណើរមកជួបប្រធានាធិបតីទួរគីលោក Tayyip Erdogan និងចូលរួមជាមួយមេដឹកនាំសម្ព័ន្ធមិត្តយោធាមួយនេះ នៅជំនួបកំពូល ដែលនឹងចាប់ផ្តើមនៅល្ងាចថ្ងៃអង្គារនេះ ។លោក Trump បានចោទប្រកាន់ជាយូរមកហើយថា រដ្ឋាភិបាលអឺរ៉ុបពឹងផ្អែកជ្រុលលើសហរដ្ឋអាមេរិក ដើម្បីការពារពួកគេ តាមរយៈអង្គការសន្ធិសញ្ញាអាត្លង់ទិកខាងជើងមួយនេះ ដែលបានការពារទ្វីបអឺរ៉ុប ចាប់តាំងពីឆ្នាំដំបូងនៃសង្រ្គាមត្រជាក់រហូតមក ៕

ឌូនេស៊ី និងឥណ្ឌា យល់ព្រមជំរុញពាណិជ្ជកម្ម និងពង្រីកកិច្ចសហប្រតិបត្តិការការពារជាតិ

ប្រទេសឥណ្ឌា និងឥណ្ឌូនេស៊ី បានយល់ព្រមជំរុញពាណិជ្ជកម្មនិងពង្រីកកិច្ចសហប្រតិបត្តិការការពារជាតិអំឡុងដំណើរទស្សនៈកិច្ចរបស់នាយករដ្ឋមន្រ្តីឥណ្ឌាលោក NarendraModi ទៅកាន់ទីក្រុងហ្សាកាតា ។វិមានប្រធាធិបតីឥណ្ឌូនេស៊ីនិយាយក្រោយជំនួបរបស់មេដឹកនាំទាំង ២ ថាប្រទេសទាំង ២ បានចុះហត្ថលេខាលើកិច្ចព្រមព្រៀងលើប្រព័ន្ធមីស៊ីលតម្រង់គោលដៅ BrahMos ។ឥណ្ឌា និងឥណ្ឌូនេស៊ី បានចុះហត្ថលេខាលើអនុស្សរណៈយោគយល់ផងដែរសម្រាប់ការពង្រឹងខ្សែចង្វាក់ផ្គត់ផ្គង់លើរ៉ែសំខាន់ និងដែកថែប ក៏ដូចជាកសិកម្ម ។ប្រធានាធិបតីឥណ្ឌូនេស៊ីលោក Prabowo និយាយថា ឥណ្ឌា និងឥណ្ឌូនេស៊ី នឹងពន្លឿនជំនួបលើកិច្ចព្រមព្រៀងពាណិជ្ជកម្មខណៈដែលលោក Modi និយាយថា ប្រទេសទាំង ២ នឹងធ្វើការលើកកម្ពស់សុវត្ថិភាពសមុទ្រ និងសន្តិសុខនៅមហាសមុទ្រឥណ្ឌា ។គួរឲ្យដឹងថា លោក Prabowo បានជួបលោក Modi នៅទីក្រងញូវដែលី កាលពីឆ្នាំមុនជាទីដែលពួកគេបានចុះហត្ថលេខាលើកិច្ចព្រមព្រៀងជាច្រើន ។ លោក Modi គរោងនឹងចាកចេញពីប្រទេសឥណ្ឌូនេស៊ីនៅថ្ងៃពុធស្អែកនេះដើម្បីបន្តដំណើរទៅកាន់ប្រទេសអូស្រ្តាលី និងប្រទេសនូវែលសេឡង់ ៕

ក្រុមវិហារកាតូលិកហ្វីលីពីន បន្តការតវ៉ា ដែលរំខានដល់ចរាចរណ៍ទីក្រុងម៉ានីល

នៅថ្ងៃអង្គារ (ទី៧ ខែកក្កដា ឆ្នាំ២០២៦) នេះ ក្រុមសាសនាដ៏មានឥទ្ធិពលមួយ បានបន្តការតវ៉ារបស់ខ្លួន ដែលជាថ្ងៃទី២ ដើម្បីគាំទ្រសមាជិកព្រឹទ្ធសភាមួយរូបដែលមានសម្ព័ន្ធភាពជាមួយអនុប្រធានាធិបតី លោកស្រី Sara Duterte ដោយបានរំខានជាថ្មីដល់ចរាចរណ៍ នៅលើផ្លូវហាយវេដ៏សំខាន់របស់ទីក្រុងម៉ានីល។មនុស្សដែលភាគច្រើនស្លៀកពាក់អាវពណ៌សប្រហែល ៣.០០០នាក់ ដោយធ្លាក់ចុះពីចំនួនជាង ១៤.០០០នាក់ កាលពីថ្ងៃទី៦ ខែកក្កដា កំពុងប្រមូលផ្តុំគ្នានៅវិមានអំណាចប្រជាជន (People Power Monumen) តាមបណ្តោយផ្លូវធំរបស់រដ្ឋធានី។ នគរបាលប្រឆាំងកុបកម្មរាប់រយនាក់ កំពុងមានវត្តមាន ដើម្បីធានាឱ្យមានសណ្តាប់ធ្នាប់សាធារណៈ។ រថយន្តក្រុងមួយចំនួននៅតែបិទផ្លូវមួយភ្ជាប់ទៅផ្លូវហាយវេដ៏សំខាន់ ដែលគន្លងផ្លូវនៅតែមានសភាពចង្អៀត ដោយធ្វើឱ្យមានការកកស្ទះចរាចរណ៍យ៉ាងខ្លាំងនៅថ្ងៃទី៦ ខែកក្កដា។ការជួបជុំគ្នានេះ ដែលភាគច្រើនគាំទ្រសមាជិកព្រឹទ្ធសភា លោក Rodante Marcoleta ដែលអាចប្រឈមមុខនឹងការចោទប្រកាន់ព្រហ្មទណ្ឌពីបទលួច នៅសប្តាហ៍នេះ ពាក់ព័ន្ធនឹងប្រាក់បរិច្ចាគការធ្វើយុទ្ធនាការ បានកើតឡើងប៉ុន្មានថ្ងៃ មុនពេលមានការចាប់ផ្តើមដំណើរការកាត់ក្តីចោទប្រកាន់ទម្លាក់តំណែងលោកស្រី Duterte នៅក្នុងព្រឹទ្ធសភា។ រដ្ឋាភិបាលបានរិះគន់ការតវ៉ានេះ ដោយព្រមានថា វាអាចប៉ះពាល់ដល់សេដ្ឋកិច្ច។ការជួបជុំគ្នានេះ បានបន្ថែមបញ្ហាទៅលើភាពចលាចលនយោបាយដែលកំពុងបន្ត នៅក្នុងប្រទេសហ្វីលីពីន ដែលបង្កឡើងដោយជម្លោះដ៏តានតឹង រវាងលោកប្រធានាធិបតី Ferdinand Marcos Jr. និងសម្ព័ន្ធមិត្តដែលបានក្លាយជាសត្រូវរបស់លោក គឺលោកស្រី Duterte។ ភាពតានតឹងនេះកំពុងបង្កើនហានិភ័យ សម្រាប់សេដ្ឋកិច្ចដែលកំពុងធ្លាក់ចុះរបស់ប្រទេសតំបន់អាស៊ីអាគ្នេយ៍មួយនេះ ដែលក៏កំពុងប្រយុទ្ធផងដែរនឹងអត្រាអតិផរណាដ៏ខ្ពស់មួយ នៅក្នុងតំបន់៕

ប្រធានាធិបតីទួរគី លោក Erdogan ស្វាគមន៍លោក Trump នៅទីក្រុង Ankara

នាថ្ងៃអង្គារ (ទី៧ ខែកក្កដា ឆ្នាំ២០២៦) នេះ ប្រធានាធិបតីទួរគី លោក Recep Tayyip Erdogan បានស្វាគមន៍សមភាគីអាមេរិករបស់លោក គឺលោក Donald Trump នៅក្នុងរដ្ឋធានី Ankara ខណៈដែលកិច្ចប្រជុំកំពូលរបស់អង្គការណាតូ (NATO) រយៈពេល ២ថ្ងៃ បានចាប់ផ្តើម។ លោក Erdogan បានស្វាគមន៍លោក Trump ដោយផ្ទាល់ នៅពេលលោកធ្វើដំណើរទៅដល់អាកាសយានដ្ឋាន Esenboga។ពិធីស្វាគមន៍ជាផ្លូវការ នឹងត្រូវធ្វើឡើង នាពេលបន្ទាប់ នៅឯវិមានប្រធានាធិបតី ហើយបន្ទាប់ពីនោះ មេដឹកនាំទាំង២ នឹងធ្វើកិច្ចពិភាក្សាទ្វេភាគី និងកិច្ចប្រជុំកម្រិតគណៈប្រតិភូ ជុំវិញបញ្ហាតំបន់ និងអន្តរជាតិ។ ពួកលោកក៏ត្រូវបានគេរំពឹងថា នឹងធ្វើសន្និសីទសារព័ត៌មានផងដែរ។គួរបញ្ជាក់ថា ប្រមុខរដ្ឋ និងរដ្ឋាភិបាលនៃអង្គការណាតូ ក៏ដូចជាមេដឹកនាំមកពីប្រទេសដៃគូសំខាន់ៗ កំពុងជួបប្រជុំគ្នា នៅទីក្រុង Ankara សម្រាប់កិច្ចប្រជុំកំពូលឆ្នាំ២០២៦ របស់សម្ព័ន្ធភាពនេះ។ កិដ្ចប្រជុំនេះនឹងផ្តោតលើការអនុវត្តការប្តេជ្ញាចិត្ត ចំពោះការចំណាយលើវិស័យការពារជាតិ ដែលបានព្រមព្រៀងគ្នា នៅក្នុងកិច្ចប្រជុំកាលពីឆ្នាំមុន នៅទីក្រុងឡាអេ ប្រទេសហូឡង់ ការបន្តការគាំទ្រផ្នែកយោធា សម្រាប់អ៊ុយក្រែន និងការពង្រីកផលិតកម្មឧស្សាហកម្មការពារជាតិ៕

វិមានក្រឹមឡាំង បញ្ជាក់ថា រុស្ស៊ី «តាមដានយ៉ាងដិតដល់» ចំពោះកិច្ចប្រជុំកំពូលរបស់ណាតូ

អ្នកនាំពាក្យវិមានក្រឹមឡាំង លោក Dmitry Peskov បាននិយាយនៅថ្ងៃអង្គារ (ទី៧ ខែកក្កដា ឆ្នាំ២០២៦) នេះថា ទីក្រុងមូស្គូនឹងតាមដានយ៉ាងដិតដល់ ចំពោះការវិវត្ត នៅឯកិច្ចប្រជុំកំពូលរបស់អង្គាការណាតូ (NATO) នៅទីក្រុង Ankara ប្រទេសទួរគី ដោយរំពឹងថា ការពិភាក្សានឹងផ្តោតជាសំខាន់លើរុស្ស៊ី។ក្នុងសន្និសីទសារព័ត៌មានមួយនៅទីក្រុងមូស្គូ លោក Peskov បានលើកឡើងថា៖ «ដោយគ្មានការសង្ស័យទេ ព្រឹត្តិការណ៍នេះកំពុងបង្កើតការចាប់អារម្មណ៍យ៉ាងខ្លាំង រួមទាំងការចាប់អាមរម្មណ៍របស់យើងផ្ទាល់ផងដែរ។ ជាការពិតណាស់ យើងនឹងតាមដានគ្រប់ព័ត៌មាន និងរបាយការណ៍ដែលចេញមកពីទីក្រុងអង់ Ankara»។មន្ត្រីរូបនេះបានកត់សម្គាល់ថា រុស្ស៊ីបានឮសេចក្តីថ្លែងការណ៍ជាច្រើន មុនកិច្ចប្រជុំកំពូល ទាក់ទងនឹងទីក្រុងមូស្គូ ដោយពណ៌នាអំពីការលើកឡើងទាំងនោះថា ជា «ការប្រឈមមុខដាក់គ្នា» ជាជាងមានគោលបំណងសន្ទនា ឬការចូលរួមប្រកបដោយការស្ថាបនា។លោកបាននិយាយថា «នៅក្នុងបរិបទនៃការរៀបចំ សម្រាប់កិច្ចប្រជុំកំពូលនេះ យើងបានឮសេចក្តីថ្លែងការណ៍ជាច្រើន ទាក់ទងនឹងប្រទេសរបស់យើង។ ជារឿងគួរឱ្យសោកស្ដាយណាស់ ទាំងនេះមិនមែនជាសេចក្តីថ្លែងការណ៍ អំពីអន្តរកម្ម និងការសន្ទនាប្រកបដោយការស្ថាបនានោះទេ ប៉ុន្តែជាសេចក្តីថ្លែងការណ៍ដែលមានលក្ខណៈប្រឈមមុខដាក់គ្នា»។ជាមួយគ្នានេះ លោក Peskov ក៏បានសង្កត់ធ្ងន់ផងដែរថា ការដឹកជញ្ជូនអាវុធបន្ថែមរបស់អង្គការណាតូទៅអ៊ុយក្រែន នឹងមិនអាចរារាំងរុស្ស៊ីបានឡើយ ក្នុងការបន្ត «ប្រតិបត្តិការយោធាពិសេស» រហូតដល់សម្រេចបានគោលបំណងរបស់ខ្លួន៕

បំណាក់ដី នៅភាគពាយ័ព្យចិន បណ្តាលឱ្យមនុស្ស ៥នាក់ស្លាប់ និង ១២នាក់ទៀតនៅតែជាប់ខ្លួន

ប្រព័ន្ធផ្សព្វផ្សាយរដ្ឋបានរាយការណ៍នៅថ្ងៃអង្គារ (ទី៧ ខែកក្កដា ឆ្នាំ២០២៦) នេះថា មនុស្សយ៉ាងតិច ៥នាក់ បានបាត់បង់ជីវិត និង ១២នាក់ផ្សេងទៀត នៅតែជាប់ខ្លួន បន្ទាប់ពីមានបំណាក់ដី នៅភាគពាយ័ព្យនៃប្រទេសចិន។យោងតាមទីភ្នាក់ងារសារព័ត៌មានផ្លូវការ Xinhua បានឱ្យដឹងថា ហេតុការណ៍បាក់ដីនេះ ដែលកើតឡើងបន្តិចមុនម៉ោង ៧ព្រឹក (ម៉ោងក្នុងស្រុក) បានកប់មនុស្សចំនួន ៣៣នាក់ នៅតំបន់ Nanhe នៃទីក្រុង Longnan ក្នុងខេត្ត Gansu។មូលហេតុដែលនាំឱ្យមានហេតុការណ៍នេះ មិនទាន់ដឹងច្បាស់លាស់នៅឡើយទេ។ រូបថតសន្លឹក និងជាវីដេអូដែលបានបង្ហោះតាមប្រព័ន្ធអ៊ីនធឺណិតដោយទូរទស្សន៍រដ្ឋ CCTV បានបង្ហាញឱ្យឃើញអេស្កាវ៉ាទ័រ ៣គ្រឿង និងអ្នកជួយសង្គ្រោះ នៅលើគំនរដីនៅក្នុងតំបន់បៃតងដែលមានព្រៃឈើច្រើន។ ផ្ទៃមេឃហាក់ដូចជាមានពន្លឺថ្ងៃ និងស្រឡះល្អ ពោលគឺមិនមានភ្លៀងធ្លាក់ឡើយ។អាជ្ញាធរបាននាំអ្នកស្រុកចេញពីផ្ទះសម្បែងរបស់ពួកគេ ខណៈពេលដែលប្រតិបត្តិការជួយសង្គ្រោះកំពុងដំណើរការ៕

អ៊ីស្រាអែល និងលីបង់ នឹងធ្វើកិច្ចចរចា នៅអ៊ីតាលី នាពាក់កណ្តាលខែកក្កដា

ក្រសួងការបរទេសអ៊ីតាលី នៅថ្ងៃអង្គារ (ទី៧ ខែកក្កដា ឆ្នាំ២០២៦) នេះ បានឱ្យដឹងថា ឯកអគ្គរដ្ឋទូតអ៊ីស្រាអែល និងលីបង់ គ្រោងនឹងធ្វើកិច្ចចរចាដោយផ្ទាល់ នៅទីក្រុងរ៉ូម ក្នុងខែនេះ បន្ទាប់ពីមាននូវការពិភាក្សាប៉ុន្មានជុំ នៅទីក្រុងវ៉ាស៊ីនតោន ជាដំណើរការដែលមានគោលបំណងបន្ធូរបន្ថយភាពតានតឹង។រដ្ឋមន្ត្រីការបរទេស លោក Antonio Tajani បានឱ្យដឹងនៅលើបណ្ដាញសង្គម X ថា៖ «យើងស្វាគមន៍ដោយក្តីរីករាយ ចំពោះការប្រកាសថា កិច្ចចរចាជុំបន្ទាប់ រវាងអ៊ីស្រាអែល និងលីបង់ ដែលសម្របសម្រួលដោយសហរដ្ឋអាមេរិក នឹងធ្វើឡើងនៅទីក្រុងរ៉ូម»។អ្នកនាំពាក្យក្រសួងបានបញ្ជាក់ថា កិច្ចចរចានេះ នឹងធ្វើឡើងនៅកម្រិតឯកអគ្គរដ្ឋទូត នៅថ្ងៃទី១៥ និងទី១៦ ខែកក្កដា។ កិច្ចចរចាជុំនេះនឹងជាលើកទី៦ ចាប់តាំងពីនិទាឃរដូវ រវាងប្រទេសជិតខាងទាំង២ ដែលមិនមានទំនាក់ទំនងការទូត និងស្ថិតក្នុងស្ថានភាពមានសង្គ្រាមជាមួយគ្នា។ប្រទេសទាំង២ និងសហរដ្ឋអាមេរិក បានចុះហត្ថលេខាលើកិច្ចព្រមព្រៀងក្របខ័ណ្ឌមួយ កាលពីខែមុន ដែលមានគោលបំណងសម្រេចបនា «សន្តិភាពយូរអង្វែង» ៥ថ្ងៃបន្ទាប់ពីមាននូវបទឈប់បាញ់ដ៏ផុយស្រួយ រវាងកងទ័ពអ៊ីស្រាអែល និងក្រុមហេសបូឡាគាំទ្រអ៊ីរ៉ង់ ដែលបានប្រយុទ្ធគ្នាចាប់តាំងពីថ្ងៃទី២ ខែមីនារហូតមកដល់ពេលនេះ៕

WHO៖ អឺរ៉ុបអាចប្រឈមនឹង «សប្តាហ៍មានអ្នកស្លាប់បន្ថែម» ខណៈរលកកំដៅថ្មីកាន់តែក្ដៅខ្លាំងឡើងៗ

អង្គការសុខភាពពិភពលោក (WHO) បានព្រមាននៅថ្ងៃអង្គារ (ទី៧ ខែកក្កដា ឆ្នាំ២០២៦) នេះថា តំបន់អឺរ៉ុបអាចប្រឈមជាមួយនឹង «ប៉ុន្មានសប្តាហ៍ខាងមុខដែលមានអ្នកស្លាប់បន្ថែមទៀត» ដោយរលកកម្ដៅក្ដៅខ្លាំងមួយទៀត កំពុងកកើតឡើង នៅមហាសមុទ្រអាត្លង់ទិក។សីតុណ្ហភាព នៅប្រទេសព័រទុយហ្គាល់ និងភាគខាងត្បូងអេស្ប៉ាញ ត្រូវបានគេរំពឹងថា នឹងឡើងខ្ពស់ដល់ ៤៣អង្សាសេ ក្នុងរយៈពេលប៉ុន្មានថ្ងៃខាងមុខ។ នាយកតំបន់របស់ WHO ប្រចាំទ្វីបអឺរ៉ុប លោក Hans Kluge បានជជែកតាមទូរស័ព្ទបន្ទាន់មួយកាលពីថ្ងៃទី៦ ខែកក្កដា ជាមួយតំណាងមកពី ៤១ប្រទេស នៅក្នុងតំបន់ គណៈកម្មការអឺរ៉ុប និងក្រុមសង្គមស៊ីវិល ដើម្បីពិភាក្សាអំពីបទពិសោធន៍ដែលទទួលបានពីរលកកម្ដៅថ្មីៗនេះ និងការរៀបចំត្រៀមសម្រាប់ស្ថានភាពបន្ទាប់។លោក Kluge បានឱ្យដឹងនៅក្នុងសេចក្តីថ្លែងការណ៍មួយថា ប្រទេសដែលមានផែនការសកម្មភាពសុខភាពបណ្ដាលពីកម្ដៅ បានឆ្លើយតបបានលឿនជាង និងការពារប្រជាជនរបស់ពួកគេបានល្អប្រសើរជាង ក្នុងអំឡុងពេលមានរលកកម្ដៅខែមិថុនា។ ប៉ុន្តែលោកបានបញ្ជាក់ថា រដ្ឋសមាជិកអឺរ៉ុបរបស់ WHO តិចជាងពាក់កណ្តាលមាននូវផែនការបែបនេះ។អ្នកជំនាញបានលើកឡើងថា រលកម្ដៅចាប់ពីថ្ងៃទី២០ ដល់ទី២៨ ខែមិថុនា គឺធ្ងន់ធ្ងរបំផុត តាមការកត់ត្រានៅអឺរ៉ុប ដែលបណ្តាលឱ្យមានការរំខានដល់ការផលិតថាមពល បំផ្លាញហេដ្ឋារចនាសម្ព័ន្ធ និងប្រព័ន្ធថែទាំសុខភាពយ៉ាងច្រើន។ អ្នកវិទ្យាសាស្ត្របានបញ្ជាក់ថា កម្ដៅក្ដៅខ្លាំងនេះ ស្ទើរតែប្រាកដណាស់ ត្រូវបានជំរុញដោយបម្រែបម្រួលអាកាសធាតុ។បារាំង ហូឡង់ និងបែលហ្ស៊ិក បានកត់ត្រាចំនួនអ្នកស្លាប់លើស ៣.៧០០នាក់ ដោយអាជ្ញាធរបានព្រមានថា ចំនួននេះ គឺជាតួលេខបឋម ហើយអាចកើនឡើង។ សីតុណ្ហភាពបានឡើងដល់ ៤០អង្សាសេ នៅក្នុងតំបន់មួយចំនួននៃទ្វីបអឺរ៉ុប អំឡុងរលកកម្ដៅនេះ៕

ទិន្នន័យ បង្ហាញថា អ៊ុយក្រែនកំពុងពិបាកស្ទាក់ចាប់មីស៊ីលបាលីស្ទិករបស់រុស្ស៊ី

សមត្ថភាពរបស់ប្រទេសអ៊ុយក្រែន ក្នុងការបាញ់ទម្លាក់មីស៊ីលបាលីស្ទិករបស់រុស្ស៊ី បានចុះខ្សោយខ្លាំងទៅៗ អំឡុងការវាយប្រហារទ្រង់ទ្រាយធំថ្មីៗនេះ ជាសញ្ញាមួយដែលបង្ហាញថា ទីក្រុងគីវកំពុងខ្វះខាតប្រព័ន្ធស្ទាក់ចាប់ Patriot ដែលផលិតនៅសហរដ្ឋអាមេរិក ដើម្បីការពារការវាយប្រហារ។យោងតាមការសរុបរបស់កងទ័ពអាកាសអ៊ុយក្រែនដែលបានចេញផ្សាយនៅលើកម្មវិធីផ្ញើសារ Telegram អ៊ុយក្រែនបានបរាជ័យក្នុងការស្ទាក់ចាប់មីស៊ីលបាលីស្ទិកប្រភេទ Iskander-M ចំនួន ២៣គ្រាប់ ឬមីស៊ីលល្បឿនលឿន Zircon និង Oniks ៦គ្រាប់ដែលបាញ់ដោយរុស្ស៊ី អំឡុងការវាយប្រហារ នាពេលយប់ ចាប់ពីថ្ងៃទី៥ ដល់ថ្ងៃទី៦ ខែកក្កដា។ពីមុន អ៊ុយក្រែនបានស្ទាក់ចាប់មីស៊ីលបាលីស្ទិកបានប្រហែល ១ភាគ៣ នៅក្នុងការវាយប្រហារតាមអាកាសទ្រង់ទ្រាយធំរបស់រុស្ស៊ី ហើយជួនកាលថែមទាំងច្រើនជាងនេះទៀតផង។ តែប្រសិទ្ធភាពចុះខ្សោយនេះ បានលេចឡើង នៅពេលដែលអគ្គលេខាធិការអង្គការអង្គការណាតូ (NATO) លោក Mark Rutte បានព្រមានកាលពីថ្ងៃចន្ទ (ទី៦ ខែកក្កដា ឆ្នាំ២០២៦) ថា សម្ព័ន្ធមិត្តមិនអាចផ្គត់ផ្គង់ប្រព័ន្ធស្ទាក់ចាប់បានរហូតនោះទេ។ ប្រធានាធិបតីអ៊ុយក្រែន លោក Volodymyr Zelensky បានជំរុញម្តងហើយម្តងទៀតដល់សម្ព័ន្ធមិត្តឱ្យបំពេញបន្ថែមស្តុកគ្រាប់រំសេវនៃប្រព័ន្ធ Patriot ដើម្បីជួយការពារទីក្រុងគីវ និងទីក្រុងដទៃទៀតពីការវាយប្រហារ។ការវាយប្រហារធម្មតាស្រោចពីលើអាកាសរបស់រុស្ស៊ី រួមបញ្ចូលគ្នានូវយានដ្រូនវាយប្រហាររាប់រយគ្រឿងជាមួយនឹងមីស៊ីលតម្រង់គោលដៅ និងមីស៊ីលបាលីស្ទិករាប់សិបគ្រាប់។ បើទោះបីជាអ៊ុយក្រែនមានប្រសិទ្ធភាពខ្ពស់ ក្នុងការស្ទាក់ចាប់យានដ្រូនប្រភេទ Shahed និងមីស៊ីលល្បឿនយឺតក៏ដោយ ក៏មីស៊ីលបាលីស្ទិកនៅតែជាបញ្ហាប្រឈមដ៏ធំមួយ ដោយសារតែល្បឿនលឿន និងគន្លងរបស់វា៕

បណ្ដាញសង្គម

ព័ត៌មានថ្មីៗ

ប្រធានាធិបតីអ៊ុយក្រែន ធ្វើដំណើរទៅដល់អង់គ្លេស សម្រាប់ជំនួបជាមួយលោកនាយករដ្ឋមន្រ្តី Burnham

ទីក្រុងប៉េកាំងជំរុញឱ្យសហរដ្ឋអាមេរិកឈប់គំរាមកំហែងដាក់ទណ្ឌកម្ម លើក្រុមហ៊ុន AI របស់ចិន

កងកម្លាំងអ៊ីស្រាអែល វាយប្រហារទីក្រុងជាច្រើននៅតំបន់វ៉េសប៊ែង ខណៈអំពើហិង្សាកាន់តែអាក្រក់ទៅ

អ្នកស្ម័គ្រចិត្តដំបូងទទួលវ៉ាក់សាំងបង្ការជំងឺអេបូឡា ជាផ្នែកមួយនៃការសាកល្បងរបស់សាកលវិទ្យាល័យ Oxford

សម្តេចរដ្ឋសភាធិបតី ឃួន សុដារី អញ្ជើញបំពេញទស្សនកិច្ចផ្លូវការ និងមិត្តភាពនៅសាធារណរដ្ឋសង្គមនិយមវៀតណាម

នគរបាលទីក្រុងប៊ែរឡាំង បាញ់សម្លាប់ជនសង្ស័យសំខាន់ ក្នុងការវាយប្រហារដ៏សាហាវ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានអន្តរជាតិ

លោក Macron ទៅដល់វិធានប្រធានាធិបតីស៊ីរីនៅទីក្រុងដាម៉ាស ភ្លាមៗក្រោយហេតុការណ៍ផ្ទុះ

ការប៉ះទង្គិចគ្នានៅទីក្រុង Ankara ស្របពេលបាតុកម្មប្រឆាំងអង្គការណាតូ ធ្វើឡើងនៅរដ្ឋធានីប្រទេសទួរគីមួយនេះ

ឌូនេស៊ី និងឥណ្ឌា យល់ព្រមជំរុញពាណិជ្ជកម្ម និងពង្រីកកិច្ចសហប្រតិបត្តិការការពារជាតិ

ក្រុមវិហារកាតូលិកហ្វីលីពីន បន្តការតវ៉ា ដែលរំខានដល់ចរាចរណ៍ទីក្រុងម៉ានីល

ប្រធានាធិបតីទួរគី លោក Erdogan ស្វាគមន៍លោក Trump នៅទីក្រុង Ankara

វិមានក្រឹមឡាំង បញ្ជាក់ថា រុស្ស៊ី «តាមដានយ៉ាងដិតដល់» ចំពោះកិច្ចប្រជុំកំពូលរបស់ណាតូ

បំណាក់ដី នៅភាគពាយ័ព្យចិន បណ្តាលឱ្យមនុស្ស ៥នាក់ស្លាប់ និង ១២នាក់ទៀតនៅតែជាប់ខ្លួន

អ៊ីស្រាអែល និងលីបង់ នឹងធ្វើកិច្ចចរចា នៅអ៊ីតាលី នាពាក់កណ្តាលខែកក្កដា

WHO៖ អឺរ៉ុបអាចប្រឈមនឹង «សប្តាហ៍មានអ្នកស្លាប់បន្ថែម» ខណៈរលកកំដៅថ្មីកាន់តែក្ដៅខ្លាំងឡើងៗ

ទិន្នន័យ បង្ហាញថា អ៊ុយក្រែនកំពុងពិបាកស្ទាក់ចាប់មីស៊ីលបាលីស្ទិករបស់រុស្ស៊ី

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានអន្តរជាតិ

លោក Macron ទៅដល់វិធានប្រធានាធិបតីស៊ីរីនៅទីក្រុងដាម៉ាស ភ្លាមៗក្រោយហេតុការណ៍ផ្ទុះ

ការប៉ះទង្គិចគ្នានៅទីក្រុង Ankara ស្របពេលបាតុកម្មប្រឆាំងអង្គការណាតូ ធ្វើឡើងនៅរដ្ឋធានីប្រទេសទួរគីមួយនេះ

ឌូនេស៊ី និងឥណ្ឌា យល់ព្រមជំរុញពាណិជ្ជកម្ម និងពង្រីកកិច្ចសហប្រតិបត្តិការការពារជាតិ

ក្រុមវិហារកាតូ​លិក​ហ្វីលីពីន បន្តការតវ៉ា ដែល​រំខានដល់ចរាចរណ៍ទីក្រុងម៉ានីល

ប្រធានាធិបតីទួរគី លោក​ Erdogan ស្វាគមន៍លោក Trump នៅទីក្រុង Ankara

វិមានក្រឹមឡាំង បញ្ជាក់​ថា រុស្ស៊ី «តាមដានយ៉ាងដិតដល់» ចំពោះ​កិច្ចប្រជុំកំពូលរបស់​ណាតូ

បំណាក់​ដី នៅភាគពាយ័ព្យចិន បណ្តាលឱ្យមនុស្ស ៥នាក់ស្លាប់ និង ១២នាក់ទៀតនៅតែ​ជាប់ខ្លួន

អ៊ីស្រាអែល និងលីបង់ នឹងធ្វើកិច្ចចរចា នៅអ៊ីតាលី នាពាក់កណ្តាលខែកក្កដា

WHO៖ អឺរ៉ុបអាចប្រឈមនឹង «សប្តាហ៍មាន​អ្នកស្លាប់​បន្ថែម​» ខណៈរលកកំដៅថ្មីកាន់​តែ​ក្ដៅ​ខ្លាំង​ឡើង​ៗ​

ទិន្នន័យ បង្ហាញថា អ៊ុយក្រែនកំពុងពិបាកស្ទាក់ចាប់មីស៊ីលបាលីស្ទិករបស់រុស្ស៊ី​​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ក្រុមវិហារកាតូលិកហ្វីលីពីន បន្តការតវ៉ា ដែលរំខានដល់ចរាចរណ៍ទីក្រុងម៉ានីល

ប្រធានាធិបតីទួរគី លោក Erdogan ស្វាគមន៍លោក Trump នៅទីក្រុង Ankara

វិមានក្រឹមឡាំង បញ្ជាក់ថា រុស្ស៊ី «តាមដានយ៉ាងដិតដល់» ចំពោះកិច្ចប្រជុំកំពូលរបស់ណាតូ

បំណាក់ដី នៅភាគពាយ័ព្យចិន បណ្តាលឱ្យមនុស្ស ៥នាក់ស្លាប់ និង ១២នាក់ទៀតនៅតែជាប់ខ្លួន

WHO៖ អឺរ៉ុបអាចប្រឈមនឹង «សប្តាហ៍មានអ្នកស្លាប់បន្ថែម» ខណៈរលកកំដៅថ្មីកាន់តែក្ដៅខ្លាំងឡើងៗ

ទិន្នន័យ បង្ហាញថា អ៊ុយក្រែនកំពុងពិបាកស្ទាក់ចាប់មីស៊ីលបាលីស្ទិករបស់រុស្ស៊ី