នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
វិមានក្រឹមឡាំង៖ ការវាយប្រហាររបស់អ៊ុយក្រែន លើនាវាអ៊ីរ៉ង់ គួរត្រូវបានចាត់ទុកថា ជាការវាយប្រហារលើអ៊ីរ៉ង់
រញ្ជួយដីកម្រិត ៥,៧រ៉ិចទ័រ​ ធ្វើឱ្យញ័រ​​ខេត្ត​ Qinghai ​របស់​ប្រទេស​ចិន​
របាយការណ៍៖ លោក Trump ហាក់​កាន់​តែ​ទោរទៅ​រក​លោក Zelenskyy ជាង​លោក Putin
[UPDATE] ការផ្ទុះនៅផ្សារទំនើបក្នុង​ខេត្ត Kumamoto របស់​ជប៉ុន ធ្វើ​ឱ្យមនុស្សជាប់ក្នុង​នោះ​ ក្រោយ​មាន​រញ្ជួយដី​ខ្លាំង​

ព័ត៌មានអន្តរជាតិ

មនុស្សជាង១០០នាក់ត្រូវបានឃុំខ្លួន ខណៈក្រុមឆ្វេងនិយមធ្វើបាតុកម្មប្រឆាំងNATO នៅទួរគី

2026/07/06 05:41:00 pm        114
Facebook Telegram Linkin
អាជ្ញាធរប្រទេសទួរគីបានឃុំខ្លួនមនុស្សជាង ១០០ នាក់ដែលចូលរួមក្នុងការដង្ហែក្បួនតវ៉ាប្រឆាំងសម្ព័ន្ធយោធាណាតូដែលរៀបចំដោយគណបក្សកុម្មុយនិស្តទួរគី (TKP) កាលពីថ្ងៃអាទិត្យ ទី ៥ ខែកក្កដា នៅមុនពេលកិច្ចប្រជុំកំពូលសម្ព័ន្ធមិត្តនេះនៅទីក្រុងអង់ការ៉ា។ ប្រទេសទួរគីនឹងធ្វើជាម្ចាស់ផ្ទះទទួលមេដឹកនាំមកពីប្រទេសសម្ព័ន្ធមិត្តចំនួន៣២ប្រទេស ព្រមទាំងមន្ត្រីមកពីដៃគូរបស់អង្គការណាតូនៅទីក្រុងអង់ការ៉ាសម្រាប់កិច្ចប្រជុំកំពូលនៅថ្ងៃអង្គារ និងថ្ងៃពុធ។ អាជ្ញាធរបានបង្កើនវិធានការសន្តិសុខនៅទូទាំងរដ្ឋធានីទួរគីនៅមុនកិច្ចប្រជុំ ដោយហាមឃាត់ការធ្វើបាតុកម្ម ការបិទផ្លូវធំៗ និងការរាំងនៅផ្នែកធំៗក្នុងទីក្រុង។នៅក្នុងសេចក្តីថ្លែងការណ៍ គណបក្សTKP បាននិយាយថា ខ្លួនបានរៀបចំការដង្ហែក្បួនតវ៉ានៅទីលាន Kizilay ភាគកណ្តាលទីក្រុងអង់ការ៉ា ដោយសមាជិកគណបក្សជាង ១០០ នាក់ រួមទាំងអ្នកគ្រប់គ្រង ត្រូវបានឃុំខ្លួន។ នៅក្នុងការតវ៉ាដាច់ដោយឡែកមួយដែលរៀបចំដោយ គណបក្សTKP មនុស្សរាប់រយនាក់បានដើរក្បួនពីទីលាន Taksim នៃទីក្រុងអ៊ីស្តង់ប៊ុលទៅកាន់ក្រុង Dolmabahce ហើយក៏មានការតវ៉ាដាច់ដោយឡែកពីរទៀតដែលរៀបចំដោយក្រុមឆ្វេងនិយមនៅក្នុងក្រុង Kadikoy។ លោក Kemal Okutan អគ្គលេខាធិការគណបក្សTKP បាននិយាយនៅទីក្រុងអ៊ីស្តង់ប៊ុលថា «យើងបានប្រមូលផ្តុំគ្នានៅថ្ងៃនេះក្នុងតំបន់ជាច្រើនរបស់ប្រទេសទួរគីដើម្បីតវ៉ាប្រឆាំងអង្គការ NATO»។ «យើងបាននិយាយថាយើងនឹងមិនប្រគល់ទីក្រុងអង់ការ៉ាទៅឱ្យអ្នកគាំទ្រអង្គការ NATO ទេ ហើយយើងនឹងមិនអនុញ្ញាតឱ្យទីក្រុងអង់ការ៉ានៅស្ងៀមឡើយ»។

អង្គការ OPEC បូក អនុម័តការបង្កើនទិន្នផលប្រេង ខណៈការនាំចេញនៅច្រកសមុទ្រ Hormuz ចាប់ផ្តើមឡើងវិញ

2026/07/06 05:39:06 pm        112
Facebook Telegram Linkin
នៅក្នុងសេចក្តីថ្លែងការណ៍មួយកាលពីថ្ងៃអាទិត្យ ទី៥ ខែកក្កដា បានឲ្យដឹងថា អង្គការ OPEC បូក បានព្រមព្រៀងបង្កើនបន្ថែមទៀតលើគោលដៅទិន្នផលប្រេងចាប់ពីខែសីហាដោយបន្ថែមទៅលើការផ្គត់ផ្គង់សកលនៅពេលដែលតម្លៃប្រេងកំពុងធ្លាក់ចុះដោយសារតែការបើកច្រកសមុទ្រ Hormuz ឡើងវិញកាន់តែទូលំទូលាយសម្រាប់ការនាំចេញប្រេង។ ក្រុមប្រទេសផលិតប្រេង បានព្រមព្រៀងគ្នាក្នុងអំឡុងពេលកិច្ចប្រជុំតាមអ៊ីនធឺណិតដើម្បីបង្កើនកូតាចំនួន ១៨៨.០០០បារ៉ែលក្នុងមួយថ្ងៃចាប់ពីខែសីហា បន្ថែមលើការកើនឡើងស្រដៀងគ្នាសម្រាប់ខែមិថុនា និងខែកក្កដា។ សមាជិកស្នូលទាំងប្រាំពីររបស់អង្គការ OPECបូក ជាក្រុម OPEC និងប្រទេសផលិតជាសម្ព័ន្ធមិត្ត រួមមានទាំងរុស្ស៊ី បានបង្កើនកូតាទិន្នផលរបស់ពួកគេចាប់ពីខែមេសា ដល់ខែកក្កដា ជិត ៨០០.០០០បារ៉ែលក្នុងមួយថ្ងៃ។ ទោះជាយ៉ាងណា ការបង្កើននេះភាគច្រើន មានតែនៅលើក្រដាសដោយសារតែសង្គ្រាមរបស់សហរដ្ឋអាមេរិក និងអ៊ីស្រាអែល លើអ៊ីរ៉ង់ ដែលបានបិទច្រកសមុទ្រ Hormuz សម្រាប់ការធ្វើចរាចរណ៍នាវាដឹកប្រេងចំពោះសមាជិក OPECបូក សំខាន់បំផុតមួយចំនួន រួមមានប្រទេសអារ៉ាប៊ីសាអ៊ូឌីត កូវ៉ែត និងអ៊ីរ៉ាក់។ ទោះបីជាមានការរំខានដល់ការផ្គត់ផ្គង់ជាបន្តបន្ទាប់ក៏ដោយ តម្លៃប្រេងបានវិលត្រឡប់ទៅរកកម្រិតមុនសង្គ្រាមវិញ ដោយរងសម្ពាធពីការការនាំចូលរបស់ចិនកាន់តែតិច និងការនាំចេញច្រើនពីក្រុមហ៊ុនផលិតពុំមែននៅតំបន់មជ្ឈិមបូព៌ា និងការបញ្ចេញស្តុកជាយុទ្ធសាស្ត្រសកលដែលត្រូវបានសម្របសម្រួលដោយទីភ្នាក់ងារថាមពលអន្តរជាតិ។

លោកTrump ជួយដល់លោកPutin ស្វែងរកដំណោះស្រាយកិច្ចព្រមព្រៀងជាមួយអ៊ុយក្រែន

2026/07/06 05:37:02 pm        81
Facebook Telegram Linkin
លោក Yuri Ushakov ជំនួយការវិមានក្រឹមឡាំងបាននិយាយជាសាធារណៈកាលពីថ្ងៃអាទិត្យ ទី៥ ខែកក្កដា ថា ប្រធានាធិបតីសហរដ្ឋអាមេរិក លោក Donald Trump បានជួបសន្ទនាជាមួយមេដឹកនាំរុស្ស៊ី លោក Vladimir Putin តាមទូរស័ព្ទរយៈពេលជិត៩០នាទី ដោយបានជួយស្វែងរកដំណោះស្រាយចំពោះសង្គ្រាមនៅអ៊ុយក្រែន។ លោក Ushakov បាននិយាយថា លោក Trump បានថ្លែងដូច្នេះក្នុងអំឡុងពេលសន្ទនាតាមទូរស័ព្ទនៅថ្ងៃប្រារព្ធទិវាឯករាជ្យរបស់សហរដ្ឋអាមេរិក ក្នុងបរិបទនៃការចូលរួមរបស់លោកនៅសប្តាហ៍ក្រោយនៅឯកិច្ចប្រជុំកំពូល NATO ក្នុងប្រទេសទួរគី។ ប្រធានាធិបតីអ៊ុយក្រែន លោក Volodymyr Zelenskyy បាននិយាយថា លោកក៏បានពិភាក្សាជាមួយលោក Trump ផងដែរ។ លោក Ushakov បាននិយាយអំពីការសន្ទនាតាមទូរស័ព្ទរបស់លោកTrump ជាមួយប្រធានាធិបតីរុស្ស៊ីថា «ប្រធានាធិបតីអាមេរិក បានបញ្ជាក់ជាថ្មីអំពីការត្រៀមខ្លួនរបស់លោកក្នុងការធ្វើការឆ្ពោះទៅរកការបញ្ចប់ការប្រយុទ្ធគ្នាឲ្យបានយ៉ាងឆាប់រហ័ស និងស្វែងរកដំណោះស្រាយដើម្បីជម្នះលើវិបត្តិ»។ លោក Ushakov បានចោទប្រកាន់ទីក្រុងគីវ និងសម្ព័ន្ធមិត្តអឺរ៉ុបពីការពង្រីក បង្កើនជម្លោះ និងភេរវកម្មប្រឆាំងជនស៊ីវិល។ លោកបាននិយាយសំដៅទៅលើការវាយប្រហាររយៈចម្ងាយឆ្ងាយរបស់អ៊ុយក្រែនទៅលើគោលដៅរុស្ស៊ី ភាគច្រើនជាប់ទាក់ទងនឹងឧស្សាហកម្មប្រេង ដែលបានបង្កឱ្យមានកង្វះប្រេងឥន្ធនៈនៅក្នុងតំបន់របស់រុស្ស៊ីជាច្រើន។ រុស្ស៊ីបាននិយាយថា ដំណោះស្រាយណាមួយត្រូវតែរួមបញ្ចូលទីក្រុងមូស្គូក្នុងការសន្មត់ការគ្រប់គ្រងពេញលេញលើតំបន់ Donbas របស់អ៊ុយក្រែន។ អ៊ុយក្រែន បានច្រានចោលការអះអាងនេះ ហើយលោក Zelenskyy កាលពីខែមុន បានជំរុញឱ្យលោក Putin មានជំនួបទល់មុខគ្នា ប៉ុន្តែមេដឹកនាំវិមានក្រឹមឡាំងបានបដិសេធ។

របាយការណ៍ប្រព័ន្ធផ្សព្វផ្សាយ៖ អ៊ីរ៉ង់ និងកាតា ចាប់ផ្តើមពាណិជ្ជកម្មតាមសមុទ្រឡើងវិញ

2026/07/06 05:32:25 pm        89
Facebook Telegram Linkin
យោងតាមអ្នកតំណាងពាណិជ្ជកម្មរបស់អ៊ីរ៉ង់ប្រចាំទីក្រុងដូហា ប្រទេសកាតា បានប្រាប់ប្រព័ន្ធផ្សព្វផ្សាយរដ្ឋកាលពីថ្ងៃអាទិត្យ ទី៥ ខែកក្កដាថា ពាណិជ្ជកម្មតាមសមុទ្ររវាងប្រទេសអ៊ីរ៉ង់ និងកាតា បានបន្តឡើងវិញក្រោយការផ្អាកប្រហែលប្រាំខែ ។ កិច្ចព្រមព្រៀងបណ្តោះអាសន្នរវាងទីក្រុងតេអេរ៉ង់ និងទីក្រុងវ៉ាស៊ីនតោន ដែលត្រូវបានបានចុះហត្ថលេខាកាលពីខែមុន បានប្រកាសពីការបញ្ចប់អរិភាព បន្ទាប់ពីជម្លោះរយៈពេលបួនខែ និងបានអនុញ្ញាតឱ្យមានការវិលត្រឡប់ទៅរកការធ្វើចរាចរណ៍តាមផ្លូវសមុទ្រដូចកាលមុនសង្គ្រាមនៅឈូងសមុទ្រ។ ទោះជាយ៉ាងណា ការដឹកជញ្ជូនចូល និងចេញពីឈូងសមុទ្រនៅតែមានភាពចម្រូងចម្រាស់។ លោក Abbas Abdolkhani បាននិយាយថា ការដឹកជញ្ជូនរវាងកំពង់ផែ Dayyer របស់អ៊ីរ៉ង់ និងកំពង់ផែ Al Ruwais របស់ប្រទេសកាតា បានបន្តឡើងវិញ បន្ទាប់ពីការសម្របសម្រួលរវាងស្ថានទូតអ៊ីរ៉ង់ប្រចាំទីក្រុងដូហា និងអាជ្ញាធរប្រទេសកាតា។ កំពង់ផែ Dayyer របស់អ៊ីរង់ត្រូវបានវាយប្រហារជាច្រើនលើកក្នុងអំឡុងសង្គ្រាម។ កាលពីចុងខែមិថុនា មន្ត្រីម្នាក់មកពីអង្គការជំរុញពាណិជ្ជកម្មអ៊ីរ៉ង់ បានប្រាប់ប្រព័ន្ធផ្សព្វផ្សាយរដ្ឋថា ទំនិញអ៊ីរ៉ង់នៅទីបំផុតបានឆ្លងផុតការបញ្ចប់បែបបទនៅកំពង់ផែ Jebel Ali របស់ប្រទេសអារ៉ាប់រួម ជាកំពង់ផែធំបំផុតនៅក្នុងតំបន់ ដោយចង្អុលបង្ហាញពីការវិលត្រឡប់នៃពាណិជ្ជកម្មជាបណ្តើរៗរវាងភាគីទាំងពីរនៅឈូងសមុទ្រ។

ការវាយប្រហារដ៏ធំសម្បើមរបស់រុស្ស៊ីលើអគារអឹផាតមិននៅទីក្រុងគីវ បណ្តាលឲ្យមនុស្ស ៦ នាក់ស្លាប់និង១៨នាក់រងរបួស

2026/07/06 05:03:05 pm        80
Facebook Telegram Linkin
រុស្ស៊ីបានបាញ់មីស៊ីល និងយានដ្រូន ជាច្រើនគ្រាប់ទៅកាន់ទីក្រុងគីវ និងតំបន់ជុំវិញកាលពីយប់ជ្រៅឈានចូលថ្ងៃទី ៦ ខែកក្កដានេះ ដោយបានសម្លាប់មនុស្សយ៉ាងហោចណាស់ ៦ នាក់ និងរបួសយ៉ាងហោចណាស់ ១៨ នាក់ផ្សេងទៀត ត្រឹមតែប៉ុន្មានម៉ោងបន្ទាប់ពីប្រធានាធិបតី Volodymyr Zelenskyy បានព្រមានអំពីការវាយប្រហារទ្រង់ទ្រាយធំមួយផ្សេងទៀតដែលផ្តោតលើរដ្ឋធានីនេះ។ លោក Tymur Tkachenko ប្រធានរដ្ឋបាលយោធារដ្ឋធានី គីវ បានរាយការណ៍ថា អគារលំនៅឋានមួយត្រូវបានបំផ្លាញដោយផ្នែកខ្លះរវាងជាន់ទី ៧ និងទី ៩ នៅក្នុងសង្កាត់ Podilskyi នៃទីក្រុងនេះ។ រូបថត និងវីដេអូដែលបានបង្ហោះទៅកាន់ប្រព័ន្ធផ្សព្វផ្សាយសង្គមបង្ហាញពីផ្នែកមួយនៃផ្នែកខាងមុខ អគារបានដួលរលំបន្ទាប់ពីការវាយប្រហារដោយមីស៊ីល។ អគារលំនៅឋាន កម្ពស់ច្រើនជាន់មួយផ្សេងទៀតនៅនៅក្នុងសង្កាត់ Podilskyi ក៏ត្រូវបានវាយប្រហារផងដែរ ហើយអគារអឹផាតមិនចំនួនបីផ្សេងទៀត ត្រូវបានវាយប្រហារនៅក្នុងសង្កាត់ Darnytskyi។ អ្នកក្រុង គីវ រាប់ពាន់នាក់ បានសម្រុកទៅកាន់ស្ថានីយរថភ្លើងក្រោមដីដើម្បីរកជម្រកសុវត្ថិភាព ខណៈកងកម្លាំងអាកាសអ៊ុយកក្រែន បានព្រមានថាមីស៊ីលជាច្រើនគ្រាប់កំពុងហោះសំដៅទៅកាន់រដ្ឋធានីគីវ៕

មេដឹកនាំកំពូលអ៊ីរ៉ង់ Mojtaba អវត្តមាន ខណៈមន្ត្រីជាន់ខ្ពស់ចូលរួមពិធីបុណ្យសពលោកAyatollah Ali Khamenei

2026/07/06 04:57:03 pm        87
Facebook Telegram Linkin
មេដឹកនាំកំពូលអ៊ីរ៉ង់លោក Mojtaba Khamenei បានអវត្តមានយ៉ាងច្បាស់ពីពិធីបុណ្យសពរបស់ឪពុកលោក ខណៈបណ្ដាឥស្សរជនជាន់ខ្ពស់នៃរបបនេះ បានចូលរួមជាមួយមនុស្សរាប់ពាន់នាក់ដែលគោរពវិញ្ញាណក្ខន្ធ អតីតមេដឹកនាំកំពូលលោក Ayatollah កាលពីថ្ងៃអាទិត្យ៥កក្កដា។ កូនប្រុសបីនាក់ផ្សេងទៀតរបស់លោក Ali Khamenei គឺ លោក Masoud លោក Mostafa និង លោក Meysam សុទ្ធតែបានចូលរួមពិធីបុណ្យសពនៅថ្ងៃអាទិត្យ រួមជាមួយមន្ត្រីជាច្រើនរូប រួមទាំងលោកប្រធានាធិបតី Masoud Pezeshkian និងប្រធានឆ្មាំបដិវត្តន៍ លោក Ahmad Vahidi។ ការសង្ស័យអំពីស្ថានភាពរបស់លោក Mojtaba ដែលបណ្តាលមកពីពាក្យចចាមអារ៉ាមថាលោកបានរងរបួសនៅក្នុងការវាយប្រហារតាមអាកាសដូចគ្នារវាងសហរដ្ឋអាមេរិក និងអ៊ីស្រាអែល ដែលបានសម្លាប់ឪពុករបស់លោក នៅតែបន្ត ខណៈលោកពុំបានបង្ហាញខ្លួនជាសាធារណៈចាប់តាំងពីការតែងតាំងរបស់លោកនៅដើមខែមីនា មក។ លោក Khamenei បានគ្រប់គ្រងសាធារណរដ្ឋអ៊ីស្លាមចាប់ពីឆ្នាំ ១៩៨៩ រហូតដល់លោកទទួលមរណភាពនៅខែកុម្ភៈ ២០២៦នេះ។ ដំណើរការបុណ្យសពផ្លូវការសម្រាប់អតីតមេដឹកនាំកំពូលអ៊ីរ៉ង់ បានចាប់ផ្តើមកាលពីថ្ងៃសុក្រ សប្ដាហ៍មុន ជាមួយនឹងព្រឹត្តិការណ៍ដែលបានគ្រោងទុកទូទាំងប្រទេសអ៊ីរ៉ង់ និងអ៊ីរ៉ាក់ ក្នុងរយៈពេលមួយសប្តាហ៍ខាងមុខ។ ក្រុមអាជ្ញាធរអ៊ីរ៉ង់និយាយថា មនុស្សចំនួន ១២-២០ លាននាក់ត្រូវគេរំពឹងថានឹងចូលរួមពិធីនេះ ដែលពួកគេហៅថាជា «ពិធីបុណ្យសពនៃសតវត្សរ៍»៕

ភ្លើងឆេះព្រៃបានបំផ្លាញព្រៃឈើ ខណៈសីតុណ្ហភាពក្ដៅទូទាំងអឺរ៉ុបកើនឡើងជាថ្មីក្រោយសម្លាប់មនុស្សរាប់ពាន់នាក់

2026/07/06 04:03:22 pm        100
Facebook Telegram Linkin
ក្រុមអ្នកពន្លត់អគ្គិភ័យរាប់រយនាក់នៅទូទាំងភាគខាងត្បូងអឺរ៉ុប បានតតាំងនឹងភ្លើងឆេះព្រៃដែលបានបង្ខំមនុស្សរាប់ពាន់នាក់ឱ្យចាកចេញពីផ្ទះរបស់ពួកគេ និងនាំឱ្យមន្ត្រីហាមប្រាមអ្នកទស្សនាមិនឱ្យចូលរួមព្រឹត្តិការណ៍ប្រណាំងកង់ Tour de France ខណៈសីតុណ្ហភាពបានកើនឡើងម្តងទៀតនៅក្នុងតំបន់ដែលគ្របដណ្ដប់ដោយរលកកម្ដៅ។ ភ្លើងឆេះព្រៃបានលេបត្របាក់ផ្ទៃដីជាង ៤២.០០០ ហិចតា ជាតំបន់ដែលមានទំហំធំជាងពីរដងនៃទីក្រុង Manhattan របស់អាមេរិក នៅទូទាំងប្រទេសព័រទុយហ្គាល់ អេស្ប៉ាញ បារាំង និងក្រិក ដោយសីតុណ្ហភាពត្រូវបានគេព្យាករណ៍ថានឹងឡើងដល់ ៤០ អង្សាសេនៅកន្លែងមួយចំនួន។ មនុស្សប្រហែល ៥.០០០ នាក់កំពុងត្រូវបានជម្លៀសចេញពីផ្ទះរបស់ពួកគេនៅជិតទីក្រុង Perpignan ភាគនិរតីនៃប្រទេសបារាំង ខណៈក្រុមអ្នកពន្លត់អគ្គិភ័យបានព្យាយាមគ្រប់គ្រងចំហេះព្រៃដែលបានលេបត្របាក់ផ្ទៃដី ១.៦៥០ ហិកតា ។ ក្រុមអ្នកវិទ្យាសាស្ត្រ World Weather Attributionបាននិយាយថា ចំហេះព្រៃបានកើតឡើងភ្លាមៗបន្ទាប់ពីរលកកម្ដៅក្នុងខែមិថុនា២០២៦នេះ ដែលជាគ្រោះមហន្តរាយដ៏អាក្រក់បំផុតមួយរបស់អឺរ៉ុប ក្នុងអំឡុងពេលនោះ មានមនុស្សស្លាប់រាប់ពាន់នាក់ត្រូវបានចុះបញ្ជីដោយសារតែការប្រែប្រួលអាកាសធាតុ ។ យោងតាមទិន្នន័យបឋម ប្រទេសបារាំងបានកត់ត្រាការស្លាប់លើសពី ២.០២៥ នាក់ក្នុងអំឡុងសប្តាហ៍ចាប់ពីថ្ងៃទី ២២ ដល់២៨ ខែមិថុនា។មនុស្សដែលមានអាយុចាប់ពី ៦៥ ឆ្នាំឡើងទៅមានចំនួន ៨៥%នៃការស្លាប់ដែលទាក់ទងនឹងកម្ដៅ។ នៅប្រទេសបែលហ្ស៊ិក ការស្លាប់លើសពី១.២២២នាក់ត្រូវបានកត់ត្រារវាងថ្ងៃទី ១៨ និង២៩ ខែមិថុនា ដែលតំណាងឱ្យការកើនឡើង ៣៩% នៃអត្រាមរណភាពលើសពីនេះ។ ទន្ទឹមនឹងនេះ ប្រព័ន្ធត្រួតពិនិត្យអត្រាមរណភាពប្រចាំថ្ងៃរបស់ប្រទេសអេស្ប៉ាញបានសន្មតថាការស្លាប់លើសពី១.០២៩នាក់ក្នុងខែមិថុនាគឺដោយសារតែសីតុណ្ហភាពខ្ពស់ខុសពីធម្មតា ហើយប្រទេសហូឡង់បានរាយការណ៍ពីការស្លាប់លើសពី ៤៨០ នាក់ ដែលភាគច្រើនជាមនុស្សចាស់៕

[UPDATE] ប្រធានាធិបតីស្ដីទីវ៉េណេស៊ុយអេឡា ការពារការឆ្លើយតបការរញ្ជួយដី ខណៈអ្នកស្លាប់កើនដល់ជាង ៣.០០០នាក់

2026/07/06 03:10:02 pm        155
Facebook Telegram Linkin
ប្រធានាធិបតីបណ្ដោះអាសន្នរបស់ប្រទេសវ៉េណេស៊ុយអេឡា បានការពារការឆ្លើយតបជាបន្ទាន់របស់ប្រទេសលោកស្រីចំពោះការរញ្ជួយដីពីរលើកដែលបានសម្លាប់មនុស្សជាង ៣.០០០នាក់ ដោយសន្យាថាប្រទេសនេះ នឹងមិនធ្លាក់ចូលទៅក្នុងភាពចលាចលក្នុងសង្គមឡើយ។ ប្រជាជនវ៉េណេស៊ុយអេឡាជាច្រើនបានសម្តែងការខឹងសម្បារចំពោះអ្វីដែលពួកគេមើលឃើញថាជាការឆ្លើយតបមិនគ្រប់គ្រាន់របស់រដ្ឋាភិបាលគាំទ្រដោយសហរដ្ឋអាមេរិកចំពោះគ្រោះមហន្តរាយកាលពីថ្ងៃយប់ថ្ងៃពុធទី២៤ ខែមិថុនា២០២៦ មុនពេលក្រុមអន្តរជាតិទៅដល់។ នៅយប់ថ្ងៃអាទិត្យ៥ កក្កដា ក្រសួងព័ត៌មានរបស់ប្រទេសវ៉េណេស៊ុយអេឡា បាននិយាយថា ចំនួនមនុស្សស្លាប់ក្នុងគ្រោះញ្ជួយដីបានកើនឡើងដល់ ៣.៣៤២ នាក់ ខណៈចំនួនអ្នករងរបួសបានកើនដល់ជាង១៦.៧០០នាក់។ ថ្លែងក្នុងពិធីយោធាមួយដើម្បីរំលឹកដល់ទិវាឯករាជ្យរបស់ប្រទេសវ៉េណេស៊ុយអេឡា លោកស្រី Delcy Rodríguez បាននិយាយថា នឹងពុំមានភាពចលាចលក្នុងសង្គមនៅទីនេះទេ អ្វីដែលពួកលោកស្រីមាននៅទីនេះ គឺសាមគ្គីភាពសង្គមយ៉ាងជ្រាលជ្រៅ។លោកស្រីបានបន្ថែមថា មន្ត្រីសាធារណៈ និងក្រុមជួយសង្គ្រោះរាប់ពាន់នាក់ត្រូវបានបញ្ជូនទៅជួយជីកកកាយតាមគំនរកម្ទេចថ្មស្វែងរកជនរងគ្រោះ និងអ្នករស់រានមានជីវិត។ គ្រោះមហន្តរាយរញ្ជួយដីដ៏អាក្រក់បំផុតរបស់អាមេរិកឡាទីនមួយនេះ បានវាយប្រហារខ្លាំងបំផុតនៅក្នុងតំបន់ឆ្នេរសមុទ្រ La Guaira ភាគខាងជើងនៃរដ្ឋធានី Caracas ជាកន្លែងដែលអគារលំនៅឋានជាច្រើនដួលរាបដល់ដី។ រយៈពេលជាង១០ថ្ងៃបន្ទាប់ពីការរញ្ជួយដីពីរលើកកម្រិត ៧,២ និង ៧,៥ រ៉ិចទ័រ ក្រុមជួយសង្គ្រោះកំពុងចាប់ផ្តើមបញ្ចប់ការស្វែងរកអ្នករស់រានមានជីវិត ខណៈក្រុមគ្រួសារនៅតែព្យាយាមតាមរកសាកសពមនុស្សជាទីស្រលាញ់ពីគំនរបាក់បែក៕

មនុស្ស៩នាក់រងរបួសដោយសារភ្លើងឆេះព្រៃនៅក្នុងប្រទេសព័រទុយហ្គាល់

2026/07/05 09:49:03 pm        114
Facebook Telegram Linkin
អ្នកពន្លត់អគ្គិភ័យជាង១.០០០ នាក់កំពុងព្យាយាមទប់ស្កាត់ភ្លើងឆេះព្រៃដែលកំពុងកើនឡើងនៅភាគខាងជើងប្រទេសព័រទុយហ្គាល់កាលពីថ្ងៃសៅរ៍ ដែលបានឆេះរាលដាលអស់រយៈពេលជាច្រើនថ្ងៃមកហើយ ខណៈប្រទេសនេះកំពុងតតាំងនឹងរលកកម្ដៅខ្លាំង។ សេវាកម្មជួយសង្គ្រោះ បាននិយាយថា ដោយសារសីតុណ្ហភាពត្រូវបានគេរំពឹងថានឹងឡើងដល់ ៤៤ អង្សាសេនៅកន្លែងមួយចំនួន ភ្លើងឆេះព្រៃដែលចាប់ផ្ដើមឡើងកាលពីថ្ងៃពុធនៅក្នុងស្រុក Viseau បានលេបត្របាក់ផ្ទៃដី១០.០០០ ហិកតារហូតមកដល់ពេលនេះ ។ ពួកគេបាននិយាយថា ក្រុមអ្នកពន្លត់អគ្គិភ័យប្រហែល ១.១០០ នាក់កំពុងតស៊ូដើម្បីទប់ស្កាត់ភ្លើងឆេះព្រៃ ដោយមានការគាំទ្រពីរថយន្ត ចំនួន៣៨០ គ្រឿង យន្តហោះ និងឧទ្ធម្ភាគចក្រចំនួនប្រាំបីគ្រឿង។អង្គភាពយោធាអេស្ប៉ាញមួយកំពុងជួយដល់កិច្ចខិតខំប្រឹងប្រែងបន្ទាប់ពីព័រទុយហ្គាល់បានស្នើសុំជំនួយពីអឺរ៉ុបក្នុងការប្រយុទ្ធប្រឆាំងនឹងភ្លើងឆេះព្រៃដ៏ធំលើកដំបូងនៃរដូវកាលនេះ។មនុស្សប្រាំបួននាក់បានរងរបួសរហូតមកដល់ពេលនេះ រួមទាំងជនស៊ីវិលពីរនាក់ ស្ថិតក្នុងស្ថានភាពធ្ងន់ធ្ងរ។រដ្ឋាភិបាលបានបញ្ជាឱ្យមានវិធានការពិសេស រួមទាំងការហាមប្រាមការចូលទៅកាន់ព្រៃឈើ និងការរឹតបន្តឹងការប្រើប្រាស់គ្រឿងចក្រមួយចំនួននៅតំបន់ជនបទ៕

ប្រធានាធិបតីទួរគី ថ្លែងថា មិនត្រូវឲ្យអ៊ីស្រាអែលបំផ្លាញកិច្ចព្រមព្រៀងរវាងសហរដ្ឋអាមេរិក និងអ៊ីរ៉ង់ ឡើយ

2026/07/05 09:30:47 pm        108
Facebook Telegram Linkin
លោក Tayyip Erdogan ប្រធានាធិបតីទួរគី បាននិយាយថា កិច្ចខិតខំប្រឹងប្រែងដើម្បីសន្តិភាពនៅមជ្ឈិមបូព៌ាមិនអាចទទួលបានជោគជ័យដោយគ្មានការគាំទ្រពីតំបន់នោះទេ ដោយបន្ថែមថា អ៊ីស្រាអែលមិនត្រូវអនុញ្ញាតឱ្យបំផ្លាញកិច្ចព្រមព្រៀងរវាងសហរដ្ឋអាមេរិក និងអ៊ីរ៉ង់ជាដាច់ខាត។ថ្លែងកាលពីថ្ងៃសៅរ៍នៅទីក្រុងអ៊ីស្តង់ប៊ុល រួមជាមួយសមភាគីប៉ាគីស្ថាន គឺនាយករដ្ឋមន្ត្រី Shehbaz Sharif លោក Erdogan បាននិយាយថា «គ្មានដំណោះស្រាយណាមួយដែលមិនយកកម្លាំងពីឆន្ទៈ និងការរួមចំណែករបស់ប្រទេសក្នុងតំបន់អាចស្ថិតស្ថេរបានឡើយ»។លោកបានបន្ថែមថា ពួកលោកកំពុងតាមដានយ៉ាងដិតដល់នូវការប៉ុនប៉ងរបស់រដ្ឋបាលអ៊ីស្រាអែលក្នុងការបំផ្ទុះកិច្ចព្រមព្រៀង សហរដ្ឋអាមេរិក-អ៊ីរ៉ង់ ។ រដ្ឋាភិបាលអ៊ីស្រាអែលដែលញៀនសង្គ្រាមបច្ចុប្បន្នមិនត្រូវអនុញ្ញាតឱ្យពន្លិចភូមិសាស្ត្ររបស់ពួកលោកដោយម្ស៉ៅនៃគ្រាប់កាំភ្លើង និងឈាមម្តងទៀតទេ។លោក Erdogan បានចោទប្រកាន់ម្តងហើយម្តងទៀតថា អ៊ីស្រាអែលកំពុងព្យាយាមធ្វើឱ្យខូចអនុស្សរណៈនៃការយោគយល់គ្នារវាងសហរដ្ឋអាមេរិក និងអ៊ីរ៉ង់ ហើយក៏ធ្លាប់ថ្កោលទោសការវាយប្រហាររបស់អ៊ីស្រាអែលនៅហ្កាហ្សា លីបង់ និងស៊ីរី ដែរ៕

បណ្ដាញសង្គម

ព័ត៌មានថ្មីៗ

វិមានក្រឹមឡាំង៖ ការវាយប្រហាររបស់អ៊ុយក្រែន លើនាវាអ៊ីរ៉ង់ គួរត្រូវបានចាត់ទុកថា ជាការវាយប្រហារលើអ៊ីរ៉ង់
07/28/2026 07:07 PM
Facebook Telegram Linkin
រញ្ជួយដីកម្រិត ៥,៧រ៉ិចទ័រ​ ធ្វើឱ្យញ័រ​​ខេត្ត​ Qinghai ​របស់​ប្រទេស​ចិន​
07/28/2026 07:07 PM
Facebook Telegram Linkin
របាយការណ៍៖ លោក Trump ហាក់​កាន់​តែ​ទោរទៅ​រក​លោក Zelenskyy ជាង​លោក Putin
07/28/2026 06:07 PM
Facebook Telegram Linkin
[UPDATE] ការផ្ទុះនៅផ្សារទំនើបក្នុង​ខេត្ត Kumamoto របស់​ជប៉ុន ធ្វើ​ឱ្យមនុស្សជាប់ក្នុង​នោះ​ ក្រោយ​មាន​រញ្ជួយដី​ខ្លាំង​
07/28/2026 06:07 PM
Facebook Telegram Linkin
ឯកអគ្គរដ្ឋទូត៖ រុស្ស៊ី និងឥណ្ឌូនេស៊ីពិចារណាឱកាសសហការលើវិស័យធនធានលោហៈកម្រ
07/28/2026 05:07 PM
Facebook Telegram Linkin
[BREAKING NEWS] មនុស្សជាប់នៅ​ក្នុងផ្សារទំនើប ក្នុង​ប្រទេស​ជប៉ុន បន្ទាប់ពីមាន​រញ្ជួយដី
07/28/2026 05:07 PM
Facebook Telegram Linkin
អ្នកការទូត៖ រុស្ស៊ីអំពាវនាវឲ្យជប៉ុនត្រឡប់ទៅរកផ្លូវអភិវឌ្ឍប្រកបដោយសន្តិភាពវិញ
07/28/2026 05:07 PM
Facebook Telegram Linkin
កងនាវារបស់កងនាវាចរប៉ាស៊ីហ្វិករុស្ស៊ីបានទៅដល់កំពង់ផែ Cam Ranh របស់វៀតណាម ដើម្បីធ្វើសមយុទ្ធរួមគ្នា
07/28/2026 05:07 PM
Facebook Telegram Linkin
រដ្ឋមន្ត្រីការបរទេសអ៊ីរ៉ង់ពិភាក្សាជាមួយសមភាគី​អារ៉ាប៊ីសាអ៊ូឌីត និងអូម៉ង់ អំពីសន្តិសុខច្រកសមុទ្រ Hormuz
07/28/2026 05:07 PM
Facebook Telegram Linkin
ក្រសួងកសិកម្ម និងអាជ្ញាធរមីន ចុះអនុស្សរណៈនៃការយោគយល់គ្នាស្តីពី «កិច្ចសហប្រតិបត្តិការក្នុងការជំរុញ និងអភិវឌ្ឍវិស័យកសិកម្មលើដីបោសសម្អាតមីនរួច ដើម្បីលើកកម្ពស់ជីវភាពរស់នៅរបស់សហគមន៍មូលដ្ឋាន»
07/28/2026 05:07 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.