នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
លោក Trump ប្រាប់​ពីកិច្ចចរចា «ល្អ» ជាមួយ​អ៊ីរ៉ង់ និងបញ្ជាក់ជាថ្មីពីការគំរាមវាយប្រហារគោលដៅនានា
ក្រុម​គ្រួសារអ្នកដំណើរនៃ​ជើងហោះហើរ MH370 ចង់បានការពិត ខណៈតុលាការចិនបើក​សវនា​ការ​បណ្តឹងឧទ្ធរណ៍
ជប៉ុនស្នើឱ្យអ៊ីរ៉ង់អនុវត្ត «ភាពបត់បែនជា​អតិ​បរិមា​» ដើម្បី​បន្ថយភាពតានតឹងនៅមជ្ឈិមបូព៌ាឱ្យបានឆាប់
រដ្ឋមន្ត្រីការពារជាតិអ៊ីស្រាអែល៖ យន្តហោះចម្បាំងអាមេរិកហោះចេញពីអ៊ីស្រាអែលទៅ​វាយប្រហារអ៊ីរ៉ង់

ព័ត៌មានអន្តរជាតិ

ក្រុមអធិការកិច្ច IAEA មិនទាន់ទទួលបានដំណើរការចូលទៅទីតាំងនុយក្លេអ៊ែរអ៊ីរ៉ង់នៅឡើយ

2026/07/04 07:59:28 pm        163
Facebook Telegram Linkin
លោក Rafael Mariano Grossi អគ្គនាយកទីភ្នាក់ងារថាមពលអាតូមិកអន្តរជាតិ (IAEA) បាននិយាយនៅទីក្រុងវីយែន ប្រទេសអូទ្រីស កាលពីថ្ងៃសុក្រថា ក្រុមអធិការកិច្ចរបស់ទីភ្នាក់ងារថាមពលអាតូមិកអន្តរជាតិ (IAEA) នៅមិនទាន់ទទួលបានការអនុញ្ញាតឱ្យចូលទៅកាន់រោងចក្រនុយក្លេអ៊ែររបស់អ៊ីរ៉ង់នៅឡើយទេ ទោះបីជាមានសំណើជាផ្លូវការដើម្បីបន្តការត្រួតពិនិត្យនៅរោងចក្រនោះក៏ដោយ។ លោក Grossi បាននិយាយថា ទីភ្នាក់ងារ បានស្នើសុំជាផ្លូវការដល់អាជ្ញាធរអ៊ីរ៉ង់ឱ្យអនុញ្ញាតឱ្យក្រុមពិនិត្យរបស់ខ្លួនត្រឡប់ទៅរោងចក្រនុយក្លេអ៊ែរជាថ្មីសម្រាប់ការងារផ្ទៀងផ្ទាត់ ប៉ុន្តែនៅពុំទាន់មានការអនុញ្ញាតណាមួយនៅឡើយរហូតមកដល់ពេលនេះ។ ទោះបីជាមានការរឹតត្បិតដំណើរការចូលទៅកាន់រោងចក្រក៏ដោយ លោកបាននិយាយថា ដោយផ្អែកលើ «ចំណាប់អារម្មណ៍ទូទៅ» របស់លោក សម្ភារៈនុយក្លេអ៊ែរដែលមានស្រាប់របស់អ៊ីរ៉ង់នៅតែស្ថិតនៅក្នុងទីតាំងទាំងនោះ ហើយទីភ្នាក់ងារ IAEA មានកំណត់ត្រាពេញលេញអំពីទីតាំងស្តុក និងបរិមាណស្តុក។ លោក Grossi បានបន្ថែមថា រូបភាពផ្កាយរណប និងឧបករណ៍ត្រួតពិនិត្យផ្សេងទៀតបង្ហាញពីការបំផ្លិចបំផ្លាញយ៉ាងធ្ងន់ធ្ងរនៅទីតាំងនុយក្លេអ៊ែរអ៊ីរ៉ង់ ដោយផ្លូវចូលទៅកាន់ទីតាំងមួយចំនួនត្រូវបានគេរាយការណ៍ថាត្រូវបានកាត់ផ្តាច់។ កាលពីថ្ងៃទី២៤ ខែមិថុនា អនុរដ្ឋមន្ត្រីការបរទេសទទួលបន្ទុកច្បាប់ និងកិច្ចការអន្តរជាតិរបស់អ៊ីរ៉ង់ លោក Kazem Gharibabadi បាននិយាយថា ការត្រួតពិនិត្យរោងចក្រនុយក្លេអ៊ែរ និងសម្ភារៈនុយក្លេអ៊ែររបស់អ៊ីរ៉ង់ដែលត្រូវបានវាយប្រហារ អាចត្រូវបានពិនិត្យនិងពិភាក្សាតែនៅក្នុងក្របខ័ណ្ឌនៃកិច្ចព្រមព្រៀងចុងក្រោយរវាងអ៊ីរ៉ង់-សហរដ្ឋអាមេរិក ហើយបុរេលក្ខខណ្ឌ ភាគីសហរដ្ឋអាមេរិកត្រូវមានចំណាត់ការជាក់ស្តែងដើម្បីដកទណ្ឌកម្មទាំងអស់៕

ទណ្ឌកម្មសេដ្ឋកិច្ចរបស់អាមេរិក រារាំងកិច្ចខិតខំប្រឹងប្រែងសង្គ្រោះគ្រោះរញ្ជួយដីនៅវ៉េណេស៊ុយអេឡា

2026/07/04 06:02:52 pm        197
Facebook Telegram Linkin
លោក William Castillo អនុរដ្ឋមន្ត្រីក្រសួងគោលនយោបាយប្រឆាំងការបិទផ្លូវរបស់ប្រទេសវ៉េណេស៊ុយអេឡា បាននិយាយថា ការបិទផ្លូវពាណិជ្ជកម្មដែលអូសបន្លាយពេលនិងសម្ពាធសេដ្ឋកិច្ច បានរារាំងដល់ការអភិវឌ្ឍរបស់ប្រទេសវ៉េណេស៊ុយអេឡា និងរារាំងដល់កិច្ចខិតខំប្រឹងប្រែងរបស់ប្រទេសនេះក្នុងការកសាងឡើងវិញបន្ទាប់ពីការរញ្ជួយដីដ៏មហន្តរាយពីរលើក។ រដ្ឋាភិបាលបាននិយាយកាលពីថ្ងៃព្រហស្បតិ៍ថា ការរញ្ជួយដីកាលពីថ្ងៃទី២៤ ខែមិថុនា ដែលបានវាយប្រហារនៅប្រទេសវ៉េណេស៊ុយអេឡា បណ្តាលឲ្យមនុស្សយ៉ាងហោចណាស់២.៥៩៣នាក់ស្លាប់ និងរបួសជាង១២.០០០នាក់។ គ្រោះមហន្តរាយនេះ ក៏បានបំផ្លាញអគារចំនួន១៨៩ខ្នងផងដែរ។ រយៈពេលជាងមួយទសវត្សរ៍មកហើយ ប្រទេសវ៉េណេស៊ុយអេឡា បានប្រឈមនឹងវិធានការបង្ខិតបង្ខំឯកតោភាគីពីសហរដ្ឋអាមេរិក ដែលបានរារាំងការអភិវឌ្ឍសេដ្ឋកិច្ចរបស់ប្រទេសនេះ និងសមត្ថភាពរបស់ខ្លួនក្នុងការឆ្លើយតបទៅនឹងព្រឹត្តិការណ៍ដូចជាការរញ្ជួយដីកាលពីពេលថ្មីៗនេះ។ ទោះបីជាសហរដ្ឋអាមេរិក ទើបតែផ្តល់ការលើកលែងបណ្តោះអាសន្នសម្រាប់ការសង្គ្រោះគ្រោះរញ្ជួយដីក៏ដោយ ក៏កង្វះធនធានរយៈពេលជាច្រើនឆ្នាំបានរំខានយ៉ាងខ្លាំងដល់រចនាសម្ព័ន្ធផ្ទៃក្នុងនៃឧស្សាហកម្មរបស់ប្រទេស នេះបើយោងតាមលោក Castillo។ លោកបាននិយាយថា «ជាការពិត ពេលខ្លះមនុស្សជាច្រើននិយាយថាប្រទេសវ៉េណេស៊ុយអេឡាខ្វះឧបករណ៍ ប៉ុន្តែការខ្វះខាតទាំងនេះគួរតែត្រូវបានភ្ជាប់ទៅនឹងការរឹតត្បិតធនធានរបស់ប្រទេស និងជាពិសេសចំពោះការបិទផ្លូវពាណិជ្ជកម្មជាងមួយទសវត្សរ៍ និងការកំណត់គោលដៅលើវិស័យឯកជន»។ ប្រជាជនវ៉េណេស៊ុយអេឡា បានទាមទារឱ្យបញ្ចប់ទណ្ឌកម្មរបស់សហរដ្ឋអាមេរិក ហើយប្រធានាធិបតីស្តីទី លោកស្រី Delcy Rodriguez បានដឹកនាំការប្រមូលផ្តុំប្រឆាំងទណ្ឌកម្មនៅទូទាំងប្រទេសរួចហើយកាលពីដើមឆ្នាំនេះ៕

ក្រុមហ៊ុនតាមដានការដឹកជញ្ជូន៖ ចរាចរណ៍ឆ្លងកាត់ច្រកសមុទ្រ Hormuz ចាប់ផ្តើមឡើងវិញប៉ុន្តែនៅតែផុយស្រួយ

2026/07/04 06:00:01 pm        153
Facebook Telegram Linkin
ក្រុមហ៊ុនតាមដាននាវា ខេប្លឺ(Kpler) និយាយថា ការធ្វើចរាចរណ៍តាមផ្លូវសមុទ្រឆ្លងកាត់ច្រកសមុទ្រ Hormuz បានបន្តឡើងវិញ ប៉ុន្តែ «នៅតែផុយស្រួយ»។ ក្រុមហ៊ុនតាមដាននេះបាននិយាយថា នាវាឆ្លងកាត់ច្រកសមុទ្រចំនួន ៣៨គ្រឿង ត្រូវបានបញ្ជាក់កាលពីថ្ងៃទី ២ ខែកក្កដា ធ្លាក់ចុះ១០ភាគរយពីមួយថ្ងៃមុន «ប៉ុន្តែនៅតែស្ថិតក្នុងចន្លោះនៃការឆ្លងកាត់ចំនួន ៣០ ទៅ ៦០គ្រឿង ក្នុងមួយថ្ងៃ»។ ក្រុមហ៊ុនបាននិយាយបន្ថែមថា ប្រតិបត្តិការផ្លូវទឹកប្រើទង់ជាតិអ៊ីរ៉ង់ «បានកើនឡើងយ៉ាងខ្លាំង» ដោយប្រតិបត្តិករនាវាបានផ្លាស់ប្តូរទៅរកផ្លូវនៅ «អ៊ីរ៉ង់ និងទីងងឹត ឬមិនស្គាល់» ។ ក្រុមហ៊ុនបាននិយាយថា «គំរូនេះបង្ហាញថា ទំនុកចិត្តនៅតែមិនទាន់មានពេញលេញ ដោយច្រកឆ្លងកាត់ ត្រូវបានបង្កើតឡើងដោយការទទួលយកផ្នែកនយោបាយ ផលប៉ះពាល់ក្នុងការអនុវត្ត និងការចរចាដែលពុំទាន់បានដោះស្រាយលើការបង់ថ្លៃសេវា និងការគ្រប់គ្រងផ្លូវទឹក»។

ក្រុមសិទ្ធិមនុស្ស៖ កិច្ចព្រមព្រៀងលីបង់-អ៊ីស្រាអែល ជាការក្បត់ជនរងគ្រោះនៃឧក្រិដ្ឋកម្មសង្គ្រាម

2026/07/04 05:28:12 pm        175
Facebook Telegram Linkin
យោងតាមអង្គការសិទ្ធិមនុស្សនិងសេរីភាពប្រព័ន្ធផ្សព្វផ្សាយចំនួន៦បានឲ្យដឹងថា កិច្ចព្រមព្រៀងក្របខ័ណ្ឌអ៊ីស្រាអែល-លីបង់ ជាការ«គំរាមកំហែងក្បត់ជនរងគ្រោះនៃឧក្រិដ្ឋកម្មសង្គ្រាម» នៅក្នុងប្រទេសលីបង់។ នៅក្នុងសេចក្តីថ្លែងការណ៍រួមដែលបានចេញផ្សាយកាលពីថ្ងៃសុក្រដោយអង្គការលើកលែងទោសអន្តរជាតិ អង្គការឃ្លាំមើលសិទ្ធិមនុស្ស មជ្ឈមណ្ឌលសិទ្ធិមនុស្សលីបង់(CLDH) កម្មវិធីច្បាប់ អ្នកសារព័ត៌មានគ្មានព្រំដែន(RSF) និងសហព័ន្ធអ្នកសារព័ត៌មាននៅលីបង់ ពួកគេបានព្រមានថាផ្នែកមួយចំនួននៃកិច្ចព្រមព្រៀង «ទំនងជាមានគោលបំណងរារាំងជនរងគ្រោះនៃឧក្រិដ្ឋកម្មអន្តរជាតិធ្ងន់ធ្ងរពីការស្វែងរកយុត្តិធម៌នៅចំពោះមុខវេទិកាអន្តរជាតិ»។ អង្គការទាំងនេះបានចង្អុលបង្ហាញថា ប្រការ៣ និងប្រការ១៣នៃកិច្ចព្រមព្រៀង ដែលត្រូវបានសម្របសម្រួលនិងចុះហត្ថលេខានៅសហរដ្ឋអាមេរិកនៅថ្ងៃទី២៦ ខែមិថុនា គឺជាការព្រួយបារម្ភជាពិសេស ព្រោះវានឹង «រារាំងប្រទេសលីបង់ និងអ៊ីស្រាអែល ប្រើប្រាស់តុលាការអន្តរជាតិ រួមទាំងតុលាការព្រហ្មទណ្ឌអន្តរជាតិ និងតុលាការយុត្តិធម៌អន្តរជាតិ»។ អង្គការទាំង៦បានព្រមានថា «ប្រការ៣ រំលោភលើច្បាប់អន្តរជាតិ និងការហាមឃាត់ការជម្លៀសដោយបង្ខំដោយដាក់លក្ខខណ្ឌក្នុងការវិលត្រឡប់របស់ប្រជាជនទៅកាន់តំបន់ជាក់លាក់នៅតាមបណ្តោយព្រំដែន ដែលបច្ចុប្បន្នកាន់កាប់ដោយអ៊ីស្រាអែល ដើម្បីឲ្យមានការរំសាយអាវុធដោយជោគជ័យរបស់ក្រុមប្រដាប់អាវុធគ្មានរដ្ឋ និងការរុះរើហេដ្ឋារចនាសម្ព័ន្ធរបស់ក្រុមនេះ»។ សេចក្តីថ្លែងការណ៍រួមបាននិយាយថា «ក្រោមច្បាប់មនុស្សធម៌អន្តរជាតិ ប្រជាជនត្រូវតែត្រូវបានអនុញ្ញាតឱ្យវិលត្រឡប់ទៅវិញនៅពេលដែលអរិភាពបានបញ្ចប់»៕

គណៈកម្មការអឺរ៉ុប ស្នើគម្រោងការពារជាតិឆ្លងព្រំដែនធំៗចំនួនប្រាំ

2026/07/04 04:53:12 pm        175
Facebook Telegram Linkin
គណៈកម្មការអឺរ៉ុបកាលពីថ្ងៃសុក្រ ទី៣ ខែកក្កដា បានស្នើគម្រោងការពារជាតិឆ្លងព្រំដែនទ្រង់ទ្រាយធំចំនួនប្រាំ ដែលបើកផ្លូវឱ្យពួកគេទទួលបានមូលនិធិពីសហភាពអឺរ៉ុប។ គម្រោងផលប្រយោជន៍រួមវិស័យការពារជាតិរបស់អឺរ៉ុបដែលបានស្នើឡើងរួមមានគម្រោងយានដ្រូន និងគម្រោងប្រឆាំងយានដ្រូន ដែលពាក់ព័ន្ធនឹងប្រទេសសមាជិកសហភាពអឺរ៉ុបចំនួន២៦ប្រទេស បូកថែមន័រវែសនិងអ៊ុយក្រែន និងគម្រោងឃ្លាំមើលស្លាបខាងកើតដែលមានសមាជិកអឺរ៉ុបចំនួន១៣ប្រទេស បូកថែមន័រវែស និងអ៊ុយក្រែន។ វាក៏រួមមានទាំងគម្រោងការពារដែនសមុទ្រនិងបាតសមុទ្ររួមបញ្ចូលគ្នា គម្រោងការពារដែនអាកាសនិងមីស៊ីល គម្រោងព្រមានជាមុន និងគម្រោងការពារជាតិដែលមានមូលដ្ឋានលើលំហអាកាស។ គណៈកម្មការបាននិយាយនៅក្នុងសេចក្តីថ្លែងការណ៍ថា «គម្រោងថ្មីៗទាំងនេះ ផ្តល់នូវក្របខ័ណ្ឌសម្រាប់ប្រទេសសហភាពអឺរ៉ុបធ្វើការរួមគ្នាលើគំនិតផ្តួចផ្តើមការពារជាតិសំខាន់ៗដែលមានទំហំធំ ឬស្មុគស្មាញ សម្រាប់ប្រទេសនីមួយៗក្នុងការអភិវឌ្ឍដោយខ្លួនឯង»។ គណៈកម្មការបាននិយាយបន្ថែមថា «តាមរយៈការគាំទ្រកិច្ចសហប្រតិបត្តិការរយៈពេលវែង គម្រោងមានគោលបំណងពង្រឹងឧស្សាហកម្មការពារជាតិរបស់អឺរ៉ុប និងបង្កើនសមត្ថភាពរបស់សហភាពអឺរ៉ុបក្នុងការឆ្លើយតបទៅនឹងបញ្ហាប្រឈមសន្តិសុខរួម ស្របតាមអាទិភាពសមត្ថភាពរបស់ណាតូ៕ 

ក្រុមប្រទេសគាំទ្រអ៊ុយក្រែន ប្តេជ្ញាគាំទ្រយ៉ាងខ្លាំងនៅក្នុងកិច្ចប្រជុំកំពូលសម្ព័ន្ធយោធាណាតូ

2026/07/04 04:48:41 pm        173
Facebook Telegram Linkin
អ្នកការទូតបាននិយាយកាលពីថ្ងៃសុក្រ ទី៣ កក្កដា ថា សមាជិកអឺរ៉ុបរបស់សម្ព័ន្ធយោធាណាតូ និងប្រទេសកាណាដា សន្យាផ្តល់ជំនួយយោធាចំនួន ៧០ ពាន់លានអឺរ៉ូ (៨០ ពាន់លានដុល្លារអាមេរិក) ដល់ប្រទេសអ៊ុយក្រែនទាំងនៅឆ្នាំនេះ និងឆ្នាំក្រោយនៅក្នុងកិច្ចប្រជុំកំពូលសម្ព័ន្ធមិត្តក្នុងទីក្រុងអង់ការ៉ា ប្រទេសទួរគី នៅសប្តាហ៍ក្រោយ ។ អ្នកការទូតបាននិយាយថា ការសន្យាដែលមាននៅក្នុងសេចក្តីប្រកាសនៅកិច្ចប្រជុំកំពូលចុងក្រោយ រួមមានទឹកប្រាក់៣០ពាន់លានអឺរ៉ូជារៀងរាល់ឆ្នាំពីប្រាក់កម្ចីរបស់សហភាពអឺរ៉ុប និងមូលនិធិដែលបានប្តេជ្ញា រួចហើយដោយប្រទេសនីមួយៗ។ ចំណាត់ការជានិមិត្តរូបភាគច្រើន មានគោលបំណងបង្ហាញប្រធានាធិបតីសហរដ្ឋអាមេរិក លោក Donald Trump ថា សម្ព័ន្ធមិត្តបានគ្រប់គ្រងហិរញ្ញវត្ថុយ៉ាងពេញលេញសម្រាប់ការប្រយុទ្ធរបស់អ៊ុយក្រែនប្រឆាំងនឹងរុស្ស៊ី ខណៈលោកបានបញ្ឈប់ការគាំទ្ររបស់ទីក្រុងវ៉ាស៊ីនតោន។ វាមានន័យថាបង្ហាញដល់ប្រធានាធិបតីអ៊ុយក្រែន លោក Volodymyr Zelenskyy ដែលនឹងចូលរួមកិច្ចប្រជុំកំពូលផងដែរនោះ ថាការគាំទ្រនៅតែរឹងមាំខណៈប្រទេសរបស់លោកទំនងជាកំពុងផ្លាស់ប្តូរនិន្នាការនៅក្នុងសង្គ្រាម។ អ្នកការទូតនិយាយថា ហិរញ្ញប្បទានពីប្រាក់កម្ចីរបស់សហភាពអឺរ៉ុប និងការសន្យាដែលប្រទេសនានាបានធ្វើរួចហើយមានន័យថាពួកគេនឹងឈានដល់ទឹកប្រាក់ ៧០ ពាន់លានអឺរ៉ូក្នុងមួយឆ្នាំៗ។ ប្រទេសអាល្លឺម៉ង់ ដែលបច្ចុប្បន្នជាអ្នកគាំទ្រធំបំផុតរបស់អ៊ុយក្រែន បានជំរុញឱ្យមានការប្តេជ្ញាចិត្តនេះ ខណៈខ្លួនកំពុងស្វះស្វែងរកការជំរុញឱ្យប្រទេសអឺរ៉ុបផ្សេងទៀតធ្វើបន្ថែមទៀត។ មន្ត្រីបាននិយាយថា មានការជំទាស់ផងដែរពីប្រទេសអ៊ីតាលីលើការសរសេរកិច្ចសន្យា ប៉ុន្តែវាត្រូវបានអនុម័តកាលពីថ្ងៃសុក្រដោយឯកអគ្គរដ្ឋទូតនៅអង្គការណាតូ៕

សពលោក Khamenei ត្រូវបានដាក់តម្កល់នៅរដ្ឋធានីតេអេរ៉ង់ ខណៈអ៊ីរ៉ង់ចាប់ផ្តើមពិធីបុណ្យ ១សប្តាហ៍

2026/07/04 04:17:55 pm        431
Facebook Telegram Linkin
សពរបស់លោក Ayatollah Ali Khamenei ត្រូវបានដាក់តម្កល់​សម្រាប់​ការ​ចូល​គោរព​វិញ្ញាណក្ខន្ធនៅមហាសាលក្នុងទីក្រុងតេអេរ៉ង់ ខណៈបព្វជិត មន្ត្រី ឥស្សរជនបរទេស និង​អ្នក​កាន់​ទុក្ខ ​បានចូលគោរពវិញ្ញាណក្ខន្ធអតីតមេដឹកនាំកំពូលអ៊ីរ៉ង់ ដែលត្រូវបាន​សម្លាប់​ដោយ​គ្រាប់​បែក​របស់​សហរដ្ឋអាមេរិក និងអ៊ីស្រាអែល។ ប្រទេសអ៊ីរ៉ង់ កំពុងរៀបចំពិធីបុណ្យសពទ្រង់ទ្រាយធំរយៈពេលមួយសប្តាហ៍សម្រាប់លោក Khamenei ដែលបានគ្រប់គ្រងប្រទេសរយៈពេល៣៧ឆ្នាំ បានឈានដល់ទី​បញ្ច​ប់​កាល​ពី​ក្នុង​ខែ​កុម្ភៈ​ដោយ​ការវាយប្រហារតាមអាកាសលើកដំបូងនៃសង្គ្រាម។ សពរបស់លោក Khamenei ត្រូវបានគេរំពឹងថានឹងត្រូវដង្ហែរទៅកាន់ទីក្រុង Qom ទីក្រុងNajaf និង​ទីក្រុង Kerbala ដែលជាមជ្ឈមណ្ឌលនិកាយស៊ីអ៊ីតដ៏អស្ចារ្យរបស់អ៊ីរ៉ង់ និងអ៊ីរ៉ាក់ មុន​ពេល​ត្រូវ​បាន​បញ្ចុះ​នៅ​ថ្ងៃព្រហស្បតិ៍ទី៩ ខែកក្កដា ក្នុងទីក្រុង Mashhad ជាទីតាំងនៃ​ទីសក្ការៈ​បូជា​ដ៏​ពិសិដ្ឋ​បំផុត​របស់ប្រទេស និងជាទីកន្លែកំណើតរបស់មេដឹកនាំកំពូលរូបនេះ៕

ផ្ទាំងទឹកនៅប្រទេសស្វីស ឆ្ពោះទៅរកការបំបែកកំណត់ត្រាមួយទៀត ក្រោយរលកកម្តៅខែមិថុនា

2026/07/04 03:45:16 am        54
Facebook Telegram Linkin
ក្រុមអ្នកវិទ្យាសាស្រ្តនិយាយថា ផ្ទាំងទឹកកកនៅប្រទេសស្វីស កំពុងឆ្ពោះទៅរកឆ្នាំបាត់បង់ទឹកកកដ៏ច្រើនមួយទៀត ក្រោយរលកកម្តៅខុសពីប្រក្រតី បណ្តាលឲ្យឆាប់បាត់បង់ព្រិលរដូវរងា រយៈពេលច្រើនសប្តាហ៍ មុនកាលកំណត់ ។ក្រុមអ្នកស្រាវជ្រាវដែលបានតាមដានផ្ទាំងទឹកកក Rhone ស្ថិតនៅលើភ្នំអាល់របស់ប្រទេសស្វីស និយាយថា “ថ្ងៃបាត់បង់ផ្ទាំងទឹកកក” នៅថ្ងៃចន្ទ ទី ២៩ ខែមិថុនា ដែលជាចំណុចដែលព្រិលទាំងអស់ត្រូវប្រមូលផ្តុំគ្នា អំឡុងរដូវរងានោះ បានរលាយ ហើយផ្ទាំងទឹកកក ចាប់ផ្តើមបាត់បង់ទឹកកកចាស់ៗ ។លោក Matthias Huss គឺជាប្រធានក្រុមតាមដានផ្ទាំងទឹកកកស្វីស(GLAMOS)និយាយថា វាមានន័យថា បច្ចុប្បន្នពួកយើងមានពេល ៣ខែ សេសសល់ សម្រាប់ការរលាយទឹកកកដែលបានប្រមូលផ្តុំគ្នា កាលពីរយៈពេលប៉ុន្មានទសវត្សរ៍មុន និងរយៈពេលប៉ុន្មានសតវត្សរ៍មុន ហើយនេះ ពិតជាស្ថានភាពគួរឲ្យព្រួយបារម្ភខ្លាំងណាស់ ។កាលបរិច្ឆេតមកដល់នៅដំណាច់ខែមិថុនា ធ្វើឲ្យវាក្លាយជាការមកដល់លឿនបំផុតទី ២ ជាប់កំណត់ត្រា ក្រោយរដូវរងាមានព្រិលតិច ហើយរលកកម្តៅ ២លើក កាលពីខែឧសភា និងខែមិថុនា ។លោក Huss និយាយទៀតថា ផ្ទាំងទឹកកក ស្ថិតក្នុងស្ថានភាពអាក្រក់ខ្លាំងណាស់នៅពេលនេះ ក្នុងឆ្នាំនេះ ពួកយើងស្ទើតែអាចចាត់ថ្នាក់វាបានថា ធ្ងន់ធ្ងរដូចការបំបែកកំណត់ត្រា ឆ្នាំ ២០២២ ។លោកបន្តថា នៅផ្ទាំងទឹកកក Rhone ដែលជាទីតាំងតាមដាន បានបាត់បង់ទឹកកកកម្រាស់ ១,៥ម៉ែត្រ អំឡុងរលកកម្តៅរយៈពេលត្រឹម ២សប្តាហ៍ ។នៅទូទាំងប្រទេសស្វីស ផ្ទាំងទឹកកបាត់បង់ទឹកអំឡុងរលកកម្តៅ ល្មមគ្រប់គ្រាន់អាចបំពេញអាងហែលទឹកលំដាប់អូឡាំពិកបាន រៀងរាល់ ៦វិនាទីម្តង ។ខណៈពេលនោះដែរ ភ្ញៀវទេសចរដែលបានធ្វើដំណើរទៅកម្សាន្តលេងផ្ទាំងទឹកកក និយាយថា ផលប៉ះពាល់នៃការរួមតូចផ្ទាំងទឹកកក មិនអាចថាពុំអើពើបាននោះទេ ។ លោក Harry Block គឺជាភ្ញៀវទេសចរមួយរូបរបស់អាល្លឺម៉ង់ដែលនិយាយថា លោកបានទៅលេងផ្ទាំងទឹកកកអស់រយៈពេល ៥០ឆ្នាំហើយនោះ បានបង្ហាញអារម្មណ៍ក្តុកក្តួលរបស់លោក ពេលលោករៀបរាប់ពីការផ្លាស់ប្តូររបស់ផ្ទាំងទឹកកក ។ លោកថា លោកស្រក់ទឹកភ្នែក ពេលមើលឃើញផ្ទាំងទឹកកកកម្ពស់ ៨០ម៉ែត្រ រួមតូចខ្លាំងបែបនេះ ហើយច្បាស់ណាស់ថា វាបណ្តាលមកពីបម្រែបម្រួលអាកាសធាតុ ៕

លោក Merz បញ្ជាក់​ថា អាល្លឺម៉ង់អាចការពារការជំរុញការចំណាយ​យោធា ជាការ​ឆ្លើយតបទៅនឹងលោក Trump

2026/07/04 03:44:54 am        59
Facebook Telegram Linkin
នាថ្ងៃសុក្រ (ទី៣​ ខែកក្កដា ឆ្នាំ២០២៦) នៅពេលសួរអំពីប្រធានាធិបតីអាមេរិក Donald Trump ដែលហៅកិច្ចខិតខំប្រឹងប្រែងកន្លងមករបស់អាល្លឺម៉ង់ថា ជារឿង «មិនសម​ហេតុផល​​​» នោះ លោកអធិការបតី Friedrich Merz បានឆ្លើយ​ថា ប្រទេស​អាល្លឺម៉ង់មិនចាំបាច់គេចវេះ​ពីការនិយាយ អំពីកំណត់ត្រារបស់ខ្លួន ជុំវិញ​ការចំណាយលើវិស័យ​ការពារជាតិឡើយ​។បញ្ហានៃការចំណាយលើវិស័យការពារជាតិ បានលេចឡើង​កាន់តែ​ធំទៅៗ​ ខណៈដែលមេដឹកនាំរបស់​អង្គការ​ណាតូ រៀបចំជួបជុំគ្នា នាសប្តាហ៍ក្រោយ នៅទីក្រុង Ankara របស់ប្រទេស​ទួរគី ជាទី​ក​ន្លែងដែលបណ្ដា​ប្រទេស​អឺរ៉ុបមានគោលបំណងទុកដោយឡែក​នូវ​​ជម្លោះជាមួយលោក Trump ជុំវិញ​បញ្ហា​អ៊ីរ៉ង់ និងកោះ​ Greenland ហើយបង្ហាញថា ពួកគេកំពុងបោះជំហានទៅមុខ ដើម្បីការពារទ្វីបនេះ។លោក Merz បានប្រាប់អ្នកសារ​ព័ត៌មានថា៖ «ប្រទេសអាល្លឺម៉ង់កំពុងបង្កើនថវិកាការពារជាតិទ្វេដង ក្នុងរយៈពេល ៤ឆ្នាំ។ នេះគឺជាកិច្ចខិតខំប្រឹងប្រែងដ៏អស្ចារ្យបំផុតដែលយើងធ្លាប់បានធ្វើ ដើម្បីពង្រឹងសមត្ថភាពការពារជាតិរបស់យើង។ ក្នុងន័យនេះ យើងគ្មានហេតុផល ដើម្បីគេចវេះពីនរណាម្នាក់ឡើយ»។លោក​អធិកាបតី​ បានបន្ថែម​ថា៖ «យើងនឹងនិយាយរឿងនេះដោយរាបសារ​​ ហើយយើងកំពុងធ្វើដូច្នេះ ក្នុងនាមជារដ្ឋសមាជិកធំបំផុតរបស់សហភាពអឺរ៉ុប ដែលត្រូវ​ទទួលខុសត្រូវនៅក្នុងទ្វីបអឺរ៉ុប»។លោក Trump បានប្រើប្រាស់​បណ្ដាញ​សង្គម​ Truth Social ដើម្បីរិះគន់កំណត់ត្រាចំណាយលើវិស័យការពារជាតិរបស់សម្ព័ន្ធមិត្តណាតូ នៅសប្តាហ៍នេះ។ ការ​បង្ហោះសារ​មួយ​ បាន​លើក​ឡើង​ថា «វាជារឿងមិនសមហេតុផល​សោះ ដែលសហរដ្ឋអាមេរិកបន្តដើរលើ​ផ្លូវតែ​ម្ខាងនេះ នៅពេលដែលទំនាក់ទំនងមិនមែន​ជា​អ្វី​ដែល​មានទៅមាន​មក»។ ហើយ​នៅក្នុងសារមួយទៀត លោកបានបញ្ជាក់​ថា ការចំណាយរបស់អាល្លឺម៉ង់ គឺ «ទាបច្រើន» រវាងឆ្នាំ ២០១៤-២០២៥ ជាងសហរដ្ឋអាមេរិក ឬសម្ព័ន្ធមិត្តណាតូផ្សេងទៀត ដោយបន្ថែមថា «មិន​សម​ហេតុផល​» សោះឡើយ​​៕

បុគ្គលិកសន្តិសុខស៊ីរី ៣រូប​រងរបួស ដោយសារ​វាយប្រហារនៅជិតក្រុងដាម៉ាស ខណៈ​អ្នក​ប្រព្រឹត្តិ​​ស្លាប់​

2026/07/04 03:38:35 am        52
Facebook Telegram Linkin
ទីភ្នាក់ងារសារព័ត៌មានរដ្ឋ SANA បានរាយការណ៍ថា សមាជិកកងកម្លាំងសន្តិសុខផ្ទៃក្នុងស៊ីរី ៣រូប បានរងរបួស នៅ​ថ្ងៃសុក្រ (ទី៣ ខែកក្កដា ឆ្នាំ២០២៦) នេះ ក្នុងហេតុការណ៍​វាយប្រហារដោយគ្រាប់បែក នៅចំណុចត្រួតពិនិត្យមួយ ក្បែរទីក្រុងដាម៉ាស។ជនសង្ស័យវាយប្រហារ ត្រូវបានសម្លាប់ បន្ទាប់ពីគ្រាប់បែក ១គ្រាប់ បានផ្ទុះនៅក្នុងដៃរបស់គេ ក្នុងអំឡុងពេលកើតហេតុ នៅច្រកចូលនៃ​ទីក្រុង Jaramana។ដោយដកស្រង់ប្រភពសន្តិសុខ សារព័ត៌មាន​ SANA បានឱ្យដឹង​ថា បុគ្គលិកប៉ុស្តិ៍ត្រួតពិនិត្យ បានឃាត់​សួរនាំ​បុរស ២នាក់ដែលកំពុងជិះម៉ូតូក្នុងអំឡុងពេលត្រួតពិនិត្យអត្តសញ្ញាណជាប្រចាំ។ ក្នុងអំឡុងពេលត្រួតពិនិត្យ ជនសង្ស័យម្នាក់បានដកកាំភ្លើងខ្លីមួយដើម បាញ់ជាច្រើនគ្រាប់ទៅលើអាកាស និងគប់គ្រាប់បែកដៃ២គ្រាប់ទៅលើបុគ្គលិកសន្តិសុខ បណ្តាលឱ្យមន្ត្រី ៣នាក់រងរបួស។ប្រភពនោះ​បានបញ្ជាក់​ថា ជនសង្ស័យត្រូវបានសម្លាប់ ខណៈពេលកំពុងព្យាយាមគប់គ្រាប់បែកទី៣ នៅពេលដែលវាផ្ទុះនៅក្នុងដៃរបស់គេ​។ ក្រោយមក អាជ្ញាធរបានកំណត់អត្តសញ្ញាណអ្នកស្លាប់ថា ជាជនសង្ស័យដែលត្រូវបានចាប់ខ្លួនពីបទឃាតកម្ម និងជួញដូរគ្រឿងញៀន។សារព័ត៌មាន SANA បានបន្ថែម​ថា បុរសទី២ ដែលធ្វើ​ដំណើរមក​ជាមួយ​ជន​វាយប្រហារ ត្រូវបានចាប់ខ្លួន ហើយអាជ្ញាធរបានបើកការស៊ើបអង្កេត និងចាប់ផ្តើមដំណើរការផ្លូវច្បាប់៕

បណ្ដាញសង្គម

ព័ត៌មានថ្មីៗ

លោក Trump ប្រាប់​ពីកិច្ចចរចា «ល្អ» ជាមួយ​អ៊ីរ៉ង់ និងបញ្ជាក់ជាថ្មីពីការគំរាមវាយប្រហារគោលដៅនានា
07/28/2026 08:07 PM
Facebook Telegram Linkin
ក្រុម​គ្រួសារអ្នកដំណើរនៃ​ជើងហោះហើរ MH370 ចង់បានការពិត ខណៈតុលាការចិនបើក​សវនា​ការ​បណ្តឹងឧទ្ធរណ៍
07/28/2026 08:07 PM
Facebook Telegram Linkin
ជប៉ុនស្នើឱ្យអ៊ីរ៉ង់អនុវត្ត «ភាពបត់បែនជា​អតិ​បរិមា​» ដើម្បី​បន្ថយភាពតានតឹងនៅមជ្ឈិមបូព៌ាឱ្យបានឆាប់
07/28/2026 08:07 PM
Facebook Telegram Linkin
រដ្ឋមន្ត្រីការពារជាតិអ៊ីស្រាអែល៖ យន្តហោះចម្បាំងអាមេរិកហោះចេញពីអ៊ីស្រាអែលទៅ​វាយប្រហារអ៊ីរ៉ង់
07/28/2026 08:07 PM
Facebook Telegram Linkin
អ៊ូហ្គង់ដាប្រកាសគ្មានជំងឺអេបូឡា បន្ទាប់ពី​អ្នក​ជំងឺ​ចុង​ក្រោយចេញពី​មន្ទីរពេទ្យ
07/28/2026 08:07 PM
Facebook Telegram Linkin
ក្រុមអ្នកសង្កេតការណ៍អាស៊ានប្រចាំប្រទេសកម្ពុជា និង ប្រធានបេសកកម្មក្រុមអ្នកសង្កេតការណ៍អាស៊ាន (HOM AOT) ហ្វីលីពីនប្រចាំកម្ពុជា ធ្វើបទបង្ហាញ ​«ស្តីពីវឌ្ឍនភាពនៃការងារខណ្ឌសីមា និងបោះបង្គោលព្រំដែនរវាងកម្ពុជានិងថៃ»
07/28/2026 08:07 PM
Facebook Telegram Linkin
កូរ៉េខាងត្បូងចេញការ​ជូនដំណឹងបន្ទាន់ អំពីការសង្ស័យ​លេចធ្លាយផូស្វ័រ នៅមូលដ្ឋានទ័ពអាកាសអាមេរិក
07/28/2026 07:07 PM
Facebook Telegram Linkin
វិមានក្រឹមឡាំង៖ ការវាយប្រហាររបស់អ៊ុយក្រែន លើនាវាអ៊ីរ៉ង់ គួរត្រូវបានចាត់ទុកថា ជាការវាយប្រហារលើអ៊ីរ៉ង់
07/28/2026 07:07 PM
Facebook Telegram Linkin
រញ្ជួយដីកម្រិត ៥,៧រ៉ិចទ័រ​ ធ្វើឱ្យញ័រ​​ខេត្ត​ Qinghai ​របស់​ប្រទេស​ចិន​
07/28/2026 07:07 PM
Facebook Telegram Linkin
របាយការណ៍៖ លោក Trump ហាក់​កាន់​តែ​ទោរទៅ​រក​លោក Zelenskyy ជាង​លោក Putin
07/28/2026 06:07 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.