BTV NEWS

លោក Trump ប្រាប់ពីកិច្ចចរចា «ល្អ» ជាមួយអ៊ីរ៉ង់ និងបញ្ជាក់ជាថ្មីពីការគំរាមវាយប្រហារគោលដៅនានា

ក្រុមគ្រួសារអ្នកដំណើរនៃជើងហោះហើរ MH370 ចង់បានការពិត ខណៈតុលាការចិនបើកសវនាការបណ្តឹងឧទ្ធរណ៍

ជប៉ុនស្នើឱ្យអ៊ីរ៉ង់អនុវត្ត «ភាពបត់បែនជាអតិបរិមា» ដើម្បីបន្ថយភាពតានតឹងនៅមជ្ឈិមបូព៌ាឱ្យបានឆាប់

រដ្ឋមន្ត្រីការពារជាតិអ៊ីស្រាអែល៖ យន្តហោះចម្បាំងអាមេរិកហោះចេញពីអ៊ីស្រាអែលទៅវាយប្រហារអ៊ីរ៉ង់

ព័ត៌មានអន្តរជាតិ

សភាបារាំងអនុម័តគាំទ្រផែនការចំណាយយោធាជិត ៥០០ពាន់លានដុល្លារ

សភាបារាំងបានអនុម័តផែនការចំណាយយោធាដែលត្រូវបានធ្វើបច្ចុប្បន្នភាព ជាគម្រោងដែលនឹងបង្កើនការវិនិយោគការពារជាតិដល់ ៤៣៦ពាន់លានអឺរ៉ូ (ជិត ៥០០ពាន់លានដុល្លារ) នៅឆ្នាំ២០៣០ ខណៈរដ្ឋាភិបាលកំពុងសម្លឹងដល់ការពង្រឹងកងកម្លាំងប្រដាប់អាវុធ ស្របពេលមានក្ដីបារម្ភ អំពីសន្តិសុខសកលកើនឡើង។ទូរទស្សន៍បារាំង BFM TV បានរាយការណ៍ថា ច្បាប់ ស្តីពីកម្មវិធីយោធាដែលត្រូវបានកែសម្រួលនេះ ត្រូវបានអនុម័តកាលថ្ងៃពុធ (ទី១ ខែកក្កដា ឆ្នាំ២០២៦) ដោយរដ្ឋសភាបារាំង ដោយមានការគាំទ្រ ៣៧៥សំឡេង និងប្រឆាំង ១១៣សំឡេង បន្ទាប់ពីមានការអនុម័ត នៅមុននេះ ក្នុងព្រឹទ្ធសភាបារាំង។ផែនការនេះបន្ថែមប្រហែល ៣៦ពាន់លានអឺរ៉ូទៅក្នុងការចំណាយបន្ថែម បើធៀបជាមួយគម្រោងពីមុន។ គម្រោងនេះមានគោលបំណងឆ្លុះបញ្ចាំងការរៀនសូត្រមេរៀន ពីជម្លោះ នៅប្រទេសអ៊ុយក្រែន និងតំបន់មជ្ឈិមបូព៌ា ក្នុងនោះរួមទាំងតម្រូវការក្នុងការបង្កើនការស្តុកមីស៊ីល និងគ្រាប់កាំភ្លើងធំ និងពង្រីកការវិនិយោគ លើយានដ្រូន និងប្រព័ន្ធប្រឆាំងយានដ្រូន។រដ្ឋាភិបាលបានលើកឡើងថា ច្បាប់នេះត្រូវការជាចាំបាច់ ដើម្បីឆ្លើយតបទៅនឹងបរិយាកាសអន្តរជាតិដ៏គ្រោះថ្នាក់បន្ថែមទៀត។ រដ្ឋមន្ត្រីក្រសួងការពារជាតិ លោកស្រី Catherine Vautrin បានប្រាប់សមាជិកព្រឹទ្ធសភាថា ការផ្លាស់ប្តូរនេះ គឺចាំបាច់ដោយសារស្ថានភាពភូមិសាស្ត្រនយោបាយបច្ចុប្បន្ន។លោកប្រធានាធិបតី Emmanuel Macron ត្រូវបានគេរំពឹងថា នឹងចុះហត្ថលេខាលើសេចក្តីព្រាងច្បាប់នេះឱ្យក្លាយជាច្បាប់ជាធរមាន នៅថ្ងៃទី១៤ ខែកក្កដា៕

ក្រុមហ៊ុនអាកាសចរណ៍កូវ៉ែត ចាប់ផ្តើមជើងហោះហើរទៅកាន់ទីក្រុងដាម៉ាសជាលើកដំបូង ក្នុងរយៈពេល ១៤ ឆ្នាំ

ក្រុមហ៊ុនអាកាសចរណ៍កូវ៉ែត នឹងចាប់ផ្តើមជើងហោះហើរត្រង់ឡើងវិញរវាងទីក្រុងដាម៉ាស រដ្ឋធានីនៃសាធារណរដ្ឋអារ៉ាប់ស៊ីរី និងទីក្រុងកូវ៉ែត នៅថ្ងៃទី ១៥ ខែកក្កដា ដែលជាលើកដំបូងក្នុងរយៈពេល ១៤ ឆ្នាំដែលខ្លួនបានផ្តល់ជូនផ្លូវនេះ។អាជ្ញាធរអាកាសចរណ៍ស៊ីវិលស៊ីរី បាននិយាយកាលពីថ្ងៃពុធថា ការផ្លាស់ប្តូរនេះ គឺជាផ្នែកមួយនៃកិច្ចខិតខំប្រឹងប្រែងដើម្បីបង្កើនការតភ្ជាប់ផ្លូវអាកាសរវាងស៊ីរី មជ្ឈិមបូព៌ា និងលើសពីនេះ និងផ្តល់ឲ្យអ្នកធ្វើដំណើរនូវជម្រើសកាន់តែច្រើន។ នេះបើយោងតាមរបាយការណ៍របស់ទីភ្នាក់ងារសារព័ត៌មានអារ៉ាប់ស៊ីរី។ការហោះហើរនេះ បានកើតឡើងបន្ទាប់ពីជើងហោះហើរលើកដំបូងទៅកាន់ប្រទេសស៊ីរីដោយក្រុមហ៊ុនអាកាសចរណ៍ Jazeera Airways របស់ប្រទេសកូវ៉ែត ដែលបានចុះចតកាលពីថ្ងៃព្រហស្បតិ៍សប្តាហ៍មុន នៅអាកាសយានដ្ឋានអន្តរជាតិ Aleppo ដែលជាអាកាសយានដ្ឋានធំទី ២ របស់ប្រទេសនេះ បន្ទាប់ពីទីក្រុងដាម៉ាស ដោយដឹកអ្នកដំណើរចំនួន ១៤៨នាក់។យ៉ាងហោចណាស់មានក្រុមហ៊ុនអាកាសចរណ៍ចំនួន ១២ បានបន្តជើងហោះហើរទៅ និងមកពីទីក្រុងដាម៉ាស និងអាឡេប៉ូ (Aleppo) បន្តិចម្តងៗ ចាប់តាំងពីការដួលរលំនៃរបបលោក អាសាដ ក្នុងខែធ្នូ ឆ្នាំ ២០២៤ ដែលបានបញ្ចប់សង្គ្រាមស៊ីវិលជិត ១៤ ឆ្នាំ។ ពួកគេរួមមានក្រុមហ៊ុនអាកាសចរណ៍ធំៗដែលដំណើរការដោយអារ៉ាប់ដូចជា flynas និង Flyadeal របស់អារ៉ាប៊ីសាអ៊ូឌីត ក្រុមហ៊ុនអាកាសចរណ៍ Qatar Airways ក្រុមហ៊ុនអាកាសចរណ៍ Etihad Airways របស់អេមីរ៉ាតអារ៉ាប់រួម ក្រុមហ៊ុន Royal Jordanian និងក្រុមហ៊ុនអាកាសចរណ៍ Afriqiyah Airways របស់ប្រទេសលីប៊ី៕

UN៖ ប្រហែល ៤០% នៃជនភៀសខ្លួនជាង ១លាននាក់ នៅលីបង់ បានវិលត្រឡប់ទៅផ្ទះសម្បែងវិញ

អ្នកនាំពាក្យអង្គការសហប្រជាជាតិ (UN) លោក Stephane Dujarric បាននិយាយកាលពីថ្ងៃពុធ (ទី១ ខែកក្កដា ឆ្នាំ២០២៦) ថា ប្រហែល ៤០ភាគរយនៃប្រជាជនជាង ១លាននាក់ដែលបានភៀសខ្លួន នៅក្នុងប្រទេសលីបង់ ដោយសារតែការវាយប្រហាររបស់អ៊ីស្រាអែល បានវិលត្រឡប់ទៅកាន់តំបន់លំនៅឋានរបស់ពួកគេវិញ។ដោយដកស្រង់សម្តីមន្ត្រីមកពីអង្គការអន្តរជាតិ សម្រាប់អន្តោប្រវេសន៍ (IOM) របស់ UN លោក Dujarric បានឱ្យដឹងថា៖ «នេះគឺជាជំហានដ៏សំខាន់មួយឆ្ពោះទៅរកការស្តារឡើងវិញ (ប៉ុន្តែ) មនុស្សរាប់ពាន់នាក់នៅតែត្រូវផ្លាស់ទីលំនៅ ហើយបន្តពឹងផ្អែកលើជំនួយមនុស្សធម៌»។លោកបានបន្តថា៖ «យើងសូមបញ្ជាក់ម្តងទៀតថា ការវិលត្រឡប់ទៅវិញត្រូវតែមានសុវត្ថិភាព ពួកគេត្រូវតែស្ម័គ្រចិត្ត ពួកគេត្រូវតែមានសេចក្តីថ្លៃថ្នូរ ហើយអ្នកដែលត្រឡប់ទៅវិញ ត្រូវតែមានលទ្ធភាពទទួលបានទំនិញមនុស្សធម៌ដែលពួកគេត្រូវការ»។ដោយបានលើកឡើងថា កម្មវិធីស្បៀងអាហារពិភពលោក និងដៃគូរបស់ខ្លួន កាលពីថ្ងៃអង្គារ បានផ្តល់ជំនួយ «ចាំបាច់» ទៅកាន់តំបន់ដែលពិបាកចូលទៅដល់ នៅទូទាំងភាគខាងត្បូងនៃប្រទេសលីបង់ លោកបានបន្ថែមថា «យើងបន្តសង្កត់ធ្ងន់ថា លទ្ធភាពទទួលបានរបស់របរប្រើប្រាស់មនុស្សធម៌ត្រូវតែផ្តល់ឱ្យអ្នកដែលត្រូវការវា»។គួរបញ្ជាក់ថា អ៊ីស្រាអែលបានចាប់ផ្តើមការវាយលុកចុងក្រោយរបស់ខ្លួន នៅលីបង់ កាលពីដើមខែមីនា ហើយបានបដិសេធមិនដកទ័ពចេញពីទឹកដីនេះឡើយ ទោះបីជាមានបទឈប់បាញ់ និងកិច្ចព្រមព្រៀងក្របខ័ណ្ឌដែលសម្របសម្រួលដោយសហរដ្ឋអាមេរិកក៏ដោយ៕

ប្រភព៖ អឺរ៉ុប នឹងបំពេញស្ទើរគ្រប់ចន្លោះបន្សល់ទុកដោយអាមេរិក ក្នុងផែនការការពារជាតិរបស់ណាតូ

ប្រភពមួយរបស់អង្គការណាតូ (NATO) បានប្រាប់សារព័ត៌មាន Reuters កាលពីថ្ងៃពុធ (ទី១ ខែកក្កដា ឆ្នាំ២០២៦) ថា នៅក្នុងកិច្ចប្រជុំកំពូលទីក្រុង Ankara ប្រទេសទួរគី នាសប្តាហ៍ក្រោយ អង្គការណាតូ នឹងប្រកាសថា សមាជិកអឺរ៉ុបរបស់ខ្លួន បានបំពេញចន្លោះស្ទើរតែទាំងអស់ដែលសហរដ្ឋអាមេរិកបានបន្សល់ទុក នៅក្នុងផែនការការពារជាតិរបស់សម្ព័ន្ធភាពមួយនេះ។តែយ៉ាងណាក្ដី ចន្លោះប្រហោងសំខាន់ដែលអង្គការណាតូ នៅតែកំពុងជួបការលំបាក ក្នុងការបំពេញ គឺយន្តហោះទម្លាក់គ្រាប់បែកយុទ្ធសាស្ត្រ ដែលសហរដ្ឋអាមេរិក បានឱ្យដឹងថា ខ្លួននឹងទុកយន្តហោះតែ ១គ្រឿង ជំនួសឱ្យ ២គ្រឿង។ នេះបើយោងតាមប្រភព ដែលបាននិយាយក្នុងលក្ខខណ្ឌមិនបញ្ចេញឈ្មោះ។សហរដ្ឋអាមេរិកបានប្រាប់សម្ព័ន្ធមិត្តរបស់ខ្លួនកាលពីខែឧសភាថា ខ្លួនបានសម្រេចចិត្តបង្រួមសមត្ថភាពយោធាដែលបានប្តេជ្ញាចិត្ត ចំពោះសម្ព័ន្ធមិត្តឆ្លងមហាសមុទ្រអាត្លង់ទិកមួយនេះ អំឡុងវិបត្តិ ដោយបានបង្កឲ្យមានការចោទសួរបន្ទាន់ជាច្រើន ខណៈដែលមេដឹកនាំរៀបចំ សម្រាប់កិច្ចប្រជុំកំពូលណាតូ នៅទីក្រុង Ankara ពីថ្ងៃទី៧ ដល់ថ្ងៃទី៨ ខែកក្កដា។ចំណាត់ការនេះស្មើនឹងការបញ្ចប់បន្តិចម្តងៗនូវ «ការពឹងផ្អែករួមគ្នាប្រកបដោយហានិភ័យ» លើកងកម្លាំងរបស់សហរដ្ឋអាមេរិក ខណៈដែលទីក្រុងវ៉ាស៊ីនតោនប្រឈមនឹងលទ្ធភាពនៃការមានជម្លោះក្នុងពេលដំណាលគ្នា នៅក្នុងសមរភូមិជាច្រើន។ នេះបើយោងតាមមេបញ្ជាការជាន់ខ្ពស់របស់អង្គការណាតូ គឺឧត្តមសេនីយ៍កងទ័ពអាកាសអាមេរិក លោក Alexus Grynkewich។កាលពីពាក់កណ្តាលខែមិថុនា អគ្គលេខាធិការអង្គការណាតូ លោក Mark Rutte បាននិយាយថា សម្ព័ន្ធមិត្តផ្សេងទៀត កំពុងបង្កើនការចូលរួមចំណែករបស់ពួកគេ ហើយនឹងបំពេញចន្លោះប្រហោងជាច្រើន ប៉ុន្តែមិនបានផ្តល់ព័ត៌មានលម្អិតណាមួយឡើយ៕

ក្រុមស្តាំនិយមជ្រុលបារាំង គិតក្រោយគ្មានលោកស្រី Le Pen ខណៈសេចក្ដីសម្រេចតុលាការឧទ្ធរណ៍ជិតមាន

មេដឹកនាំក្រុមស្តាំនិយមជ្រុលរបស់បារាំង លោកស្រី Marine Le Pen ប្រឈមនឹងសេចក្ដីសម្រេចរបស់តុលាការនៅថ្ងៃទី៧ ខែកក្កដា ឆ្នាំ២០២៦ ជុំវិញការតវ៉ារបស់លោកស្រី ដើម្បីឲ្យលុបចោលបម្រាមឈរឈ្មោះបោះឆ្នោត ជាសាលក្រមដែលអាចធ្វើឱ្យលោកស្រីមិនអាចចូលរួមការប្រណាំងប្រជែងតំណែងប្រធានាធិបតីឆ្នាំ២០២៧ ឬបើកឱកាសឱ្យលោកស្រីស្វែងរកតួនាទីកំពូលនេះជាលើកទី៤។អ្នកនយោបាយរបស់បារាំង កំពុងរង់ចាំដឹងពីសេចក្តីសម្រេចរបស់តុលាការឧទ្ធរណ៍យ៉ាងអន្ទះសារ ដែលនឹងកំណត់ថា តើលោកស្រី Le Pen វ័យ ៥៧ឆ្នាំ ឬបេក្ខជនដែលលោកស្រីគាំទ្រ គឺលោក Jordan Bardella វ័យ ៣០ឆ្នាំ ជាអ្នកកាន់បដាក្រុមស្តាំនិយមជ្រុលធ្វើយុទ្ធនាការបោះឆ្នោត ដែលមានរយៈពេលមិនដល់ ១ឆ្នាំទៀតទេ ខណៈដែលគណបក្សប្រឆាំងអន្តោប្រវេសន៍ National Rally (RN) របស់ពួកគេ នៅតែទទួលបានការគាំទ្រខ្ពស់ នៅក្នុងការស្ទង់មតិ។តុលាការបារាំង កាលពីខែមីនា ឆ្នាំ២០២៥ បានសម្រេចហាមឃាត់លោកស្រី Le Pen មិនឱ្យចូលកាន់តំណែងសាធារណៈរយៈពេល ៥ឆ្នាំ និងឲ្យជាប់ពន្ធនាគារ ៤ឆ្នាំ ពីបទប្រើប្រាស់ប្រាក់ពីសភាអឺរ៉ុបមិនត្រឹមត្រូវ ដោយរង់ចាំការប្តឹងឧទ្ធរណ៍ នៅក្នុងសាលក្រមដ៏រំជើបរំជួលលមួយ ដែលបានលាន់ឮហួសពីប្រទេសបារាំង និងបានទាក់ទាញឲ្យមានការរិះគន់ធ្ងន់ៗពីប្រធានាធិបតីអាមេរិក លោក Donald Trump និងមេដឹកនាំស្តាំនិយមផ្សេងទៀត។ដោយសារគណបក្ស RN កាន់តែកៀកនឹងការឈ្នះអំណាច នៅបារាំង ដែលជាប្រទេសមានសេដ្ឋកិច្ចធំទី២ របស់សហភាពអឺរ៉ុប មេដឹកនាំគណបក្សនេះត្រូវបានបង្ខំឱ្យគិតគូរពីផែនការស្នងតំណែងយ៉ាងលឿនដោយមិននឹកស្មានដល់ និងផលប៉ះពាល់របស់វាទៅលើគោលនយោបាយរបស់គណបក្ស៕

សមាជិកព្រឹទ្ធសភា៖ អឺរ៉ុបកំពុងជួបការលំបាកក្នុងការស្វែងរកអ្នកចរចាដែលសមរម្យសម្រាប់ការចរចាជាមួយរុស្ស៊ី

អនុប្រធានក្រុមប្រឹក្សាសហព័ន្ធរុស្ស៊ី លោក Konstantin Kosachev បានប្រាប់សារព័ត៌មាន TASSថា សហភាពអឺរ៉ុបមានការលំបាកក្នុងការស្វែងរកបេក្ខជនដែលសមរម្យសម្រាប់ការចរចាជាមួយរុស្ស៊ី ដោយសារមនុស្សបែបនេះ មិនគួរត្រូវបានភ្ជាប់ទៅនឹងគោលនយោបាយប្រឆាំងប្រទេសរុស្ស៊ីទេ។ លោក Kosachev បាននិយាយថា៖«ការចរចាដែលអាចធ្វើទៅបាននេះ ពិតជាគួរតែបញ្ជាក់ថា មានមនុស្សម្នាក់នៅម្ខាង ដែលបំពេញតាមតម្រូវការពីរ៖ ម៉្យាងវិញទៀត មនុស្សម្នាក់នេះ ត្រូវតែមានអំណាចគ្រប់គ្រាន់នៅអឺរ៉ុប ហើយម៉្យាងវិញទៀត លោក ឬលោកស្រី ត្រូវតែមានភាពជឿជាក់គ្រប់គ្រាន់ នៅទីនេះក្នុងប្រទេសរុស្ស៊ី ដែលមានន័យថា លោក ឬលោកស្រី មិនគួរមានទំនាក់ទំនងជាមួយនឹងអតីតកាលនោះ ទេ ហើយនៅកម្រិតអតិបរមា វាគឺជាគោលនយោបាយព្រហ្មទណ្ឌ ដែលសហភាពអឺរ៉ុបបានអនុវត្តក្នុងប៉ុន្មានឆ្នាំថ្មីៗនេះទាក់ទងនឹងប្រទេសរបស់យើង រួមទាំងនៅក្នុងបរិបទនៃវិបត្តិអ៊ុយក្រែនផងដែរ»។ សមាជិកព្រឹទ្ធសភារុស្ស៊ីរូបនេះ បាននិយាយថា៖«វាគឺជាកិច្ចការដ៏លំបាកមួយក្នុងការស្វែងរកមនុស្ស បែបនេះ»។ លោក Kosachev បានរំលឹកថា នាពេលថ្មីៗនេះ ប្រធានាធិបតីរុស្ស៊ី លោក វ្ល៉ាឌីមៀ ពូទីន បានបង្ហើបថា អតីតអធិការបតីអាល្លឺម៉ង់ លោក Gerhard Schroeder ជាបេក្ខជនដែលល្អបំផុតសម្រាប់លទ្ធភាពចរចា រវាងសហភាពអឺរ៉ុប និងរុស្ស៊ី ប៉ុន្តែសហភាពអឺរ៉ុបបានមិនអើពើនឹងសំណើនេះ ដោយចាត់ទុកអ្នកនយោបាយរូបនេះថា «ពុំមានអំណាចគ្រប់គ្រាន់»៕

បក្សកុម្មុយនីស្តចិន ប្រារព្ធខួបលើកទី១០៥ ដោយសង្កត់ធ្ងន់ខ្លាំង លើមនោគមវិជ្ជា និងភាពស្មោះត្រង់

កាលពីថ្ងៃពុធ (ទី១ ខែកក្កដា ឆ្នាំ២០២៦) លោកប្រធានាធិបតី Xi Jinping បានមានប្រសាសន៍ក្នុងពិធីអបអរខួបលើកទី១០៥ នៃការបង្កើតគណបក្សថា បក្សកុម្មុយនីស្តចិន (CPC) ត្រូវតែបន្តអនុវត្ត «ស្វ័យអភិបាលកិច្ចយ៉ាងពេញលេញ និងម៉ឺងម៉ាត់» នៅដំណាក់កាលមួយដែលកត្តាមិនអាចទាយទុកមុនបាន កំពុងកើនឡើង នៅក្នុងដំណើរការអភិវឌ្ឍប្រទេស។ការអត្ថាធិប្បាយរបស់មេដឹកនាំចិន បានកើតឡើងចំពេលមានការជំរុញឱ្យមានភាពស្មោះត្រង់ និងវិន័យកាន់តែខ្លាំង ក្នុងចំណោមសមាជិបក្ស ដោយបង្ហាញថា គណបក្សនយោបាយធំជាងគេទី២ របស់ពិភពលោកមួយនេះ មានគោលបំណងគ្រប់គ្រងកាន់តែតឹងរ៉ឹងជាងមុន ខណៈពេលដែលខ្លួនត្រូវប្រឈមនឹងបញ្ហា ទាំងក្នុងស្រុក និងខាងក្រៅ។ក្នុងសុន្ទរកថារយៈពេល ៤០នាទីរបស់លោក នៅឯពិធី ក្នុងទីក្រុងប៉េកាំង លោក Xi បានលើកឡើងថា៖ «យើងត្រូវតែត្រៀមខ្លួនគ្រប់ពេលវេលា ដើម្បីទប់ទល់នឹងការសាកល្បងសំខាន់ៗ ពាក់ព័ន្ធនឹងការលំបាកធំៗ ឬសូម្បីតែការលំបាកធំដូចព្យុះពីសមុទ្រ។ ការអភិវឌ្ឍរបស់ប្រទេសចិន បច្ចុប្បន្នកំពុងស្ថិតក្នុងដំណាក់កាល ដែលឱកាសជាយុទ្ធសាស្ត្រ កើតមកជាមួយហានិភ័យ និងបញ្ហាប្រឈមនានា»។មន្ត្រីជាន់ខ្ពស់ និងសមាជិកបក្សរាប់ពាន់នាក់ បានជួបជុំគ្នានៅមហាសាលប្រជាជន សម្រាប់ពិធីនេះ ដោយបានមើលលោក Xi ប្រគល់មេដាយដល់សមាជិកគណបក្សចំនួន ៨រូប សម្រាប់ «ការចូលរួមចំណែកដ៏ធំ» របស់ពួកគេ។ ក្នុងចំណោមពួកគេមានអតីតយុទ្ធជនយោធាវ័យ ៩០ឆ្នាំម្នាក់ និងលេខាធិការបក្សភូមិ Henan ដែលបានដឹកនាំកិច្ចប្រឹងប្រែងស្តារឡើងវិញ នៅតំបន់ជនបទ។គួរបញ្ជាក់ថា គណបក្សកុម្មុយនីស្តចិន (CPC) ដែលត្រូវបានបង្កើតឡើងក្នុងឆ្នាំ១៩២១ បច្ចុប្បន្នមានសមាជិកជាង ១០១លាននាក់ ឬប្រហែលម្នាក់ ក្នុងចំណោមពលរដ្ឋចិន ១៤នាក់។ មានតែគណបក្ស Bharatiya Janata របស់ឥណ្ឌាប៉ុណ្ណោះ ដែលមានសមាជិកច្រើនជាងនេះ ដោយមានចំនួន ១៤០លាននាក់៕

ក្តីសង្ឃឹមស្ទើរលែងមាន ហើយភាពអត់ឃ្លានកើតឡើង ១សប្តាហ៍ក្រោយរញ្ជួយដីនៅវ៉េណេស៊ុយអេឡា

ក្តីសង្ឃឹមក្នុងការរកឃើញអ្នករស់រានមានជីវិតបន្ថែមទៀត បានរសាត់ឆ្ងាយទៅៗហើយ នៅថ្ងៃពុធ (ទី១ ខែកក្កដា ឆ្នាំ២០២៦) ខណៈដែលប្រទេសវ៉េណេស៊ុយអេឡា បានប្រារព្ធរយៈពេល ១សប្តាហ៍ គិតចាប់តាំងពីរញ្ជួយដី ២លើក បានឆក់យកជីវិតមនុស្សជិត ២.៣០០នាក់ ហើយមនុស្សជាច្រើនដែលបានឆ្លងផុតពីគ្រោះមហន្តរាយ កំពុងខ្វះខាតស្បៀងអាហារយ៉ាងខ្លាំង។ខណៈពេលដែលចំនួនអ្នកស្លាប់បានកើនឡើង ប្រធានាធិបតីស្ដីតីរបស់វ៉េណេស៊ុយអេឡា លោកស្រី Delcy Rodriguez បានប្រកាសកាន់ទុក្ខរយៈពេល ៧ថ្ងៃ ដោយនិយាយថា «ប្រទេសជាតិកំពុងជួបប្រទះនឹងការឈឺចាប់ ដោយសារការបាត់បង់អាយុជីវិតរបស់ប្រជាជន»។មកទល់ពេលនេះ មនុស្សរាប់ម៉ឺននាក់ នៅតែបាត់ខ្លួន។ មានអ្នកនៅរស់រានមានជីវិតមិនគួរឲ្យជឿជាច្រើននាក់ ដូចជាក្មេងប្រុសអាយុ ៣ឆ្នាំម្នាក់ត្រូវបានគេរកឃើញនៅមានជីវិតកាលពីថ្ងៃទី៣០ ខែមិថុនា ពោលគឺ ៦ថ្ងៃក្រោយរញ្ជួយដីដ៏ខ្លាំងក្លាបំផុតជាលើកដំបូងរបស់វ៉េណេស៊ុយអេឡា ក្នុងរយៈពេលជាង ១សតវត្សរ៍។ ប៉ុន្តែយ៉ាងណាក្ដី អ្នកជំនាញ បញ្ជាក់ថា ជនរងគ្រោះដែលជាប់នៅក្នុងគំនរបាក់បែករបស់អគារនានា ទំនងជាមិនអាចរស់លើសពី ៧២ម៉ោងឡើយ។ប្រធានរដ្ឋសភាវ៉េណេស៊ុយអេឡា លោក Jorge Rodriguez បាននិយាយនៅថ្ងៃទី១ ខែកក្កដាថា អ្នកស្លាប់បានកើនឡើងដល់ ២.២៩៥នាក់ ហើយមនុស្សជាង ១១.០០នាក់បានរងរបួស។ លោកបានបន្ថែមថា ប្រជាជនជិត ១៣.០០០នាក់គ្មានផ្ទះសម្បែងជ្រកកោនឡើយ។គ្រោះរញ្ជួយដីដ៏ខ្លាំងក្លា ២លើក ដែលមានកម្រិត ៧,២ និង ៧,៥ រ៉ិចទ័រ បានបំផ្លាញតំបន់ជាច្រើនទាំងមូលនៅក្នុងប្រទេសសម្បូរប្រេងវ៉េណេស៊ុយអេឡា ដែលបានរងវិបត្តិសេដ្ឋកិច្ចរាប់ទសវត្សរ៍ ដោយបានធ្វើឲ្យហេដ្ឋារចនាសម្ព័ន្ធ និងសេវាសុខភាពចុះខ្សោយ។ ក្រុមជួយសង្គ្រោះអន្តរជាតិ បានទៅដល់ប្រទេសនេះពីជុំវិញពិភពលោក ដើម្បីជួយស្វែករកអ្នកនៅមានជីវិត ខណៈពេលដែលអ្នកស្រុកមានការខឹងសម្បាយ៉ាងខ្លាំង ចំពោះការអវត្តមានរបស់មន្ត្រី បន្ទាប់ពីមានគ្រោះមហន្តរាយនេះ។ ដោយជីវិតប្រចាំថ្ងៃត្រូវបានប៉ះពាល់យ៉ាងធ្ងន់ធ្ងរ ការយកចិត្តទុកដាក់ ឥឡូវនេះកំពុងងាកទៅរកការមានជីវិតត្រឹមតែមួយថ្ងៃៗ។ មនុស្សជាច្រើនគ្មានផ្ទះសម្បែង ហើយអាហារ និងទឹកកំពុងខ្វះខាត៕

តម្លៃប្រេងធ្លាក់ចុះដល់កម្រិតមិនធ្លាប់ឃើញ ចាប់តាំងពីការចាប់ផ្តើមសង្គ្រាមរបស់អាមេរិកនិងអ៊ីស្រាអែលលើអ៊ីរ៉ង់

តម្លៃប្រេងបានធ្លាក់ចុះដល់កម្រិតមិនធ្លាប់ឃើញចាប់តាំងពីការចាប់ផ្តើមសង្គ្រាមរបស់សហរដ្ឋអាមេរិក និងអ៊ីស្រាអែលលើអ៊ីរ៉ង់ ក្នុងពេលមានក្តីសង្ឃឹមកើនឡើងសម្រាប់ការទម្លាយភាពទាល់ច្រកក្នុងការចរចាក្នុងគោលបំណងចុះហត្ថលេខាលើកិច្ចព្រមព្រៀងសន្តិភាពជាអចិន្ត្រៃយ៍។ប្រេងឆៅ Brent បានធ្លាក់ចុះជាង១ភាគរយនៅថ្ងៃព្រហស្បតិ៍នេះមកនៅត្រឹមក្រោម៧១ដុល្លារក្នុងមួយបារ៉ែល ដែលធ្វើឲ្យតម្លៃស្តង់ដារអន្តរជាតិត្រឡប់ទៅរកតម្លៃនៅមុនសង្គ្រាមវិញ។ ការធ្លាក់ចុះនេះ បានកើតឡើងបន្ទាប់ពីប្រទេសកាតា ដែលជាអ្នកសម្របសម្រួលដ៏សំខាន់រវាងទីក្រុងវ៉ាស៊ីនតោន និងទីក្រុងតេអេរ៉ង់ បាននិយាយថា មន្ត្រីសហរដ្ឋអាមេរិក និងអ៊ីរ៉ង់ បានធ្វើឱ្យមាន «វឌ្ឍនភាពវិជ្ជមាន» ក្នុងការចរចាដោយប្រយោលក្នុងបំណងដោះស្រាយបញ្ហានានាទាក់ទងនឹងអនុស្សរណៈនៃការយោគយល់(MoU) លើការបញ្ចប់សង្គ្រាម។ប្រធានាធិបតីសហរដ្ឋអាមេរិក លោក Donald Trump បានបង្ហាញពន្លឺវិជ្ជមានលើកិច្ចចរចាកាលពីថ្ងៃពុធ ដោយនិយាយថា «ការរំសាយអាវុធនុយក្លេអ៊ែររបស់អ៊ីរ៉ង់ កំពុងដំណើរការទៅដោយរលូន»។

ក្រុមហ៊ុនអាកាសចរណ៍ Lufthansa ក្រុមហ៊ុនITA និងAirBaltic បន្តជើងហោះហើរទៅអ៊ីស្រាអែល

ក្រុមហ៊ុនអាកាសចរណ៍អន្តរជាតិចំនួនបី បានបន្តជើងហោះហើរទៅកាន់ប្រទេសអ៊ីស្រាអែលកាលពីថ្ងៃពុធ រយៈពេលបួនខែបន្ទាប់ពីការផ្ទុះឡើងសង្គ្រាមរបស់អ៊ីស្រាអែល-សហរដ្ឋអាមេរិកជាមួយប្រទេសអ៊ីរ៉ង់ នេះបើយោងតាមអាជ្ញាធរអាកាសយានដ្ឋានអ៊ីស្រាអែល (IAA) និងក្រុមហ៊ុនអាកាសចរណ៍។ក្រុមហ៊ុនអាកាសចរណ៍ Lufthansa របស់អាល្លឺម៉ង់ បានបន្តប្រតិបត្តិការរវាងអាកាសយានដ្ឋាន Frankfurt និងអាកាសយានដ្ឋានអន្តរជាតិ Ben Gurion នៅខាងក្រៅទីក្រុង Tel Aviv ដោយមានជើងហោះហើរពីរវ៉ុលជារៀងរាល់ថ្ងៃ។ក្រុមហ៊ុនអាកាសចរណ៍បាននិយាយថា ក្រុមហ៊ុនក៏នឹងបន្តជើងហោះហើរទីក្រុង Munich-Tel Aviv នៅថ្ងៃទី១ ខែសីហា ដោយមានជើងហោះហើរពីរវ៉ុលជារៀងរាល់ថ្ងៃ។ ក្រុមហ៊ុនអាកាសចរណ៍ជាតិអ៊ីតាលី ITA Airways ជាផ្នែកមួយនៃក្រុមហ៊ុន Lufthansa Group បានបន្តជើងហោះហើរពីរវ៉ុលជារៀងរាល់ថ្ងៃពីទីក្រុងរ៉ូម ទៅកាន់ទីក្រុង Tel Aviv។ក្រុមហ៊ុន Lufthansa Group បាននិយាយថា ក្រុមហ៊ុនបុត្រសម្ព័ន្ធចំនួនពីររបស់ខ្លួនគឺក្រុមហ៊ុនអាកាសចរណ៍ Swiss និង Brussels Airlines នឹងដំណើរការតាមនៅក្នុងខែសីហា ខណៈក្រុមហ៊ុនអាកាសចរណ៍ Austrian Airlines របស់ក្រុមហ៊ុននេះបានចាប់ផ្តើមសេវាឡើងវិញទៅកាន់ទីក្រុង Tel Aviv កាលពីដើមខែមិថុនា។ក្រុមហ៊ុនអាកាសចរណ៍ជាតិរបស់ប្រទេសឡាតវី AirBaltic បានចាប់ផ្តើមជើងហោះហើរទីក្រុង Riga-Tel Aviv របស់ខ្លួនឡើងវិញដោយមានជើងហោះហើរបីវ៉ុលក្នុងមួយសប្តាហ៍។

បណ្ដាញសង្គម

ព័ត៌មានថ្មីៗ

អ៊ូហ្គង់ដាប្រកាសគ្មានជំងឺអេបូឡា បន្ទាប់ពីអ្នកជំងឺចុងក្រោយចេញពីមន្ទីរពេទ្យ

ក្រុមអ្នកសង្កេតការណ៍អាស៊ានប្រចាំប្រទេសកម្ពុជា និង ប្រធានបេសកកម្មក្រុមអ្នកសង្កេតការណ៍អាស៊ាន (HOM AOT) ហ្វីលីពីនប្រចាំកម្ពុជា ធ្វើបទបង្ហាញ «ស្តីពីវឌ្ឍនភាពនៃការងារខណ្ឌសីមា និងបោះបង្គោលព្រំដែនរវាងកម្ពុជានិងថៃ»

កូរ៉េខាងត្បូងចេញការជូនដំណឹងបន្ទាន់ អំពីការសង្ស័យលេចធ្លាយផូស្វ័រ នៅមូលដ្ឋានទ័ពអាកាសអាមេរិក

វិមានក្រឹមឡាំង៖ ការវាយប្រហាររបស់អ៊ុយក្រែន លើនាវាអ៊ីរ៉ង់ គួរត្រូវបានចាត់ទុកថា ជាការវាយប្រហារលើអ៊ីរ៉ង់

រញ្ជួយដីកម្រិត ៥,៧រ៉ិចទ័រ ធ្វើឱ្យញ័រខេត្ត Qinghai របស់ប្រទេសចិន

របាយការណ៍៖ លោក Trump ហាក់កាន់តែទោរទៅរកលោក Zelenskyy ជាងលោក Putin

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានអន្តរជាតិ

សភាបារាំងអនុម័តគាំទ្រផែនការចំណាយយោធាជិត ៥០០ពាន់លានដុល្លារ

ក្រុមហ៊ុនអាកាសចរណ៍កូវ៉ែត ចាប់ផ្តើមជើងហោះហើរទៅកាន់ទីក្រុងដាម៉ាសជាលើកដំបូង ក្នុងរយៈពេល ១៤ ឆ្នាំ

UN៖ ប្រហែល ៤០% នៃជនភៀសខ្លួនជាង ១លាននាក់ នៅលីបង់ បានវិលត្រឡប់ទៅផ្ទះសម្បែងវិញ

ប្រភព៖ អឺរ៉ុប នឹងបំពេញស្ទើរគ្រប់ចន្លោះបន្សល់ទុកដោយអាមេរិក ក្នុងផែនការការពារជាតិរបស់ណាតូ

ក្រុមស្តាំនិយមជ្រុលបារាំង គិតក្រោយគ្មានលោកស្រី Le Pen ខណៈសេចក្ដីសម្រេចតុលាការឧទ្ធរណ៍ជិតមាន

សមាជិកព្រឹទ្ធសភា៖ អឺរ៉ុបកំពុងជួបការលំបាកក្នុងការស្វែងរកអ្នកចរចាដែលសមរម្យសម្រាប់ការចរចាជាមួយរុស្ស៊ី

បក្សកុម្មុយនីស្តចិន ប្រារព្ធខួបលើកទី១០៥ ដោយសង្កត់ធ្ងន់ខ្លាំង លើមនោគមវិជ្ជា និងភាពស្មោះត្រង់

ក្តីសង្ឃឹមស្ទើរលែងមាន ហើយភាពអត់ឃ្លានកើតឡើង ១សប្តាហ៍ក្រោយរញ្ជួយដីនៅវ៉េណេស៊ុយអេឡា

ក្រុមហ៊ុនអាកាសចរណ៍ Lufthansa ក្រុមហ៊ុនITA និងAirBaltic បន្តជើងហោះហើរទៅអ៊ីស្រាអែល

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានអន្តរជាតិ

សភាបារាំងអនុម័ត​គាំទ្រផែនការចំណាយយោធាជិត ៥០០ពាន់លានដុល្លារ

ក្រុមហ៊ុនអាកាសចរណ៍កូវ៉ែត ចាប់ផ្តើមជើងហោះហើរទៅកាន់ទីក្រុងដាម៉ាសជាលើកដំបូង ក្នុងរយៈពេល ១៤ ឆ្នាំ

UN៖ ប្រហែល ៤០% នៃជនភៀសខ្លួន​ជាង ១លាននាក់ នៅលីបង់ បានវិលត្រឡប់ទៅផ្ទះសម្បែង​វិញ

ប្រភព៖ អឺរ៉ុប នឹងបំពេញស្ទើរ​គ្រប់​ចន្លោះបន្សល់ទុក​​ដោយ​​អាមេរិក ក្នុងផែនការការពារជាតិរបស់ណាតូ

ក្រុម​ស្តាំនិយមជ្រុលបារាំង គិត​ក្រោយគ្មាន​លោកស្រី Le Pen ខណៈសេចក្ដី​សម្រេចតុលាការឧទ្ធរណ៍ជិត​មាន​

សមាជិកព្រឹទ្ធសភា៖ អឺរ៉ុបកំពុងជួបការលំបាកក្នុងការស្វែងរកអ្នកចរចាដែលសមរម្យសម្រាប់ការចរចាជាមួយរុស្ស៊ី

បក្សកុម្មុយនីស្តចិន ប្រារព្ធខួបលើកទី១០៥ ដោយ​សង្កត់ធ្ងន់​ខ្លាំង លើមនោគមវិជ្ជា និងភាពស្មោះត្រង់

ក្តីសង្ឃឹមស្ទើរ​លែងមាន​​ ហើយ​ភាពអត់ឃ្លានកើតឡើង​​ ១សប្តាហ៍ក្រោយ​រញ្ជួយដីនៅវ៉េណេស៊ុយអេឡា

ក្រុមហ៊ុនអាកាសចរណ៍ Lufthansa ក្រុមហ៊ុនITA និងAirBaltic បន្តជើងហោះហើរទៅអ៊ីស្រាអែល

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

សភាបារាំងអនុម័តគាំទ្រផែនការចំណាយយោធាជិត ៥០០ពាន់លានដុល្លារ

UN៖ ប្រហែល ៤០% នៃជនភៀសខ្លួនជាង ១លាននាក់ នៅលីបង់ បានវិលត្រឡប់ទៅផ្ទះសម្បែងវិញ

ប្រភព៖ អឺរ៉ុប នឹងបំពេញស្ទើរគ្រប់ចន្លោះបន្សល់ទុកដោយអាមេរិក ក្នុងផែនការការពារជាតិរបស់ណាតូ

ក្រុមស្តាំនិយមជ្រុលបារាំង គិតក្រោយគ្មានលោកស្រី Le Pen ខណៈសេចក្ដីសម្រេចតុលាការឧទ្ធរណ៍ជិតមាន

បក្សកុម្មុយនីស្តចិន ប្រារព្ធខួបលើកទី១០៥ ដោយសង្កត់ធ្ងន់ខ្លាំង លើមនោគមវិជ្ជា និងភាពស្មោះត្រង់

ក្តីសង្ឃឹមស្ទើរលែងមាន ហើយភាពអត់ឃ្លានកើតឡើង ១សប្តាហ៍ក្រោយរញ្ជួយដីនៅវ៉េណេស៊ុយអេឡា