BTV NEWS

លោក Trump នឹងវាយប្រហារអ៊ីរ៉ង់យ៉ាងខ្លាំងខណៈទីបញ្ជាការកណ្ដាលអាមេរិកបញ្ជាក់ពីការវាយប្រហារចេញពីកូវ៉ែត

កេនយ៉ាស៊ើបអង្កេតជាតិពុលដ៏មានសក្តានុពល ក្រោយដំរី ១៥ក្បាលងាប់នៅតំបន់ប្រព័ន្ធអេកូឡូស៊ី Amboseli

អ្នករស់នៅក្នុងទីក្រុងឡុងដ្រ៍ ចក្រភពអង់គ្លេស បង្ហាញក្តីបារម្ភពីរលកកម្តៅ អំឡុងរដូវក្តៅ

លោក Trump បញ្ជាក់ថា អាមេរិកនឹងចាត់វិធានការខ្លាំងក្លាលើអ៊ីរ៉ង់ តែនឹង «អនុញ្ញាតឱ្យពួកគេបន្តចរចា»

ព័ត៌មានអន្តរជាតិ

EU នឹងផ្តល់ជំនួយ ៣៨ លានអឺរ៉ូដល់អាមេនី និងបើកទីផ្សារសម្រាប់ទំនិញ ៨០%របស់ប្រទេសនេះ

ប្រធានគណៈកម្មការអឺរ៉ុប( EC) លោកស្រី Ursula von der Leyen នៅក្នុងសន្និសីទសារព័ត៌មានមួយនៅទីក្រុងយេរេវ៉ាន (Yerevan)ថា EC បានសន្យាផ្តល់ជំនួយចំនួន ៣៨ លានអឺរ៉ូ ដល់ប្រទេសអាមេនី ហើយនឹងបើកទីផ្សារអឺរ៉ុបទទួលយកទំនិញអាមេនីចំនួន ៨០% ។ លោកស្រី Von der Leyen បាននិយាយថា៖«ទី១ ប្រទេសអាមេនី នឹងទទួលបានជំនួយបន្ថែមចំនួន ១៨ លានអឺរ៉ូ ក្នុងពេលឆាប់ៗនេះ ដើម្បីជួយពង្រឹង និងពង្រីកពាណិជ្ជកម្មរបស់ខ្លួន។ ឧទាហរណ៍ មូលនិធិនេះ អាចជួយបង្កើតភ្នាក់ងារលើកកម្ពស់ការនាំចេញ និងជំរុញសមត្ថភាពនាំចេញរបស់អាជីវកម្មអាមេនី។ ជំនួយចំនួន ១៨ លានអឺរ៉ូនេះ គឺជាផ្នែកចុងក្រោយនៃកញ្ចប់ជំនួយចំនួន ៥២ លានអឺរ៉ូដែលយើងបានពិភាក្សានៅក្នុងការការសន្ទនាតាមទូរស័ព្ទរបស់យើង នៅដើមខែមិថុនា»។លោកស្រីបានបន្តថា៖«ទី២ យើងកំពុងឈានមួយជំហានទៀត៖ យើងកំពុងបង្ហាញសំណើសម្រាប់វិធានការពាណិជ្ជកម្មស្វយ័ត។ ពួកគេនឹងធ្វើសេរីភាវូបនីយកម្មស្ទើរតែ ៨០% នៃការនាំចេញរបស់អាមេនីទៅកាន់សហភាពអឺរ៉ុប។ នោះមានន័យថា ៨០% នៃពាណិជ្ជកម្មរបស់អាមេនីជាមួយយើងឥឡូវនេះ នឹងមិនគិតពន្ធ»។លោកស្រី von der Leyen បានបញ្ជាក់ថា ថវិកាបន្ថែមចំនួន ២០ លានអឺរ៉ូ នឹងត្រូវបានបែងចែក ដើម្បីគាំទ្រដល់សហគមន៍ដែលរស់នៅតាមតំបន់ព្រំដែន៕

មេដឹកនាំសាសនាអាមេរិកចោទប្រកាន់អ៊ីស្រាអែលពីបទរើសអើងពូជសាសន៍ «ជាប្រព័ន្ធ»

ស្ថាបនិកនៃមូលនិធិសាសនាគ្រិស្តដែនដីបរិសុទ្ធ បានចោទប្រកាន់អ៊ីស្រាអែលថា បានរំលោភលើកម្មវិធីលើកលែងទិដ្ឋាការ (VWP)ដែលខ្លួនបានចុះហត្ថលេខាជាមួយសហរដ្ឋអាមេរិកក្នុងឆ្នាំ ២០២៣។លោក Rateb Rabie បានប្រាប់សារព័ត៌មាន Arab News ថា លោកកំពុងដឹកនាំគណៈប្រតិភូពលរដ្ឋអាមេរិកចំនួន ៩នាក់ ក្រោមកម្មវិធីមិនស្វែងរកប្រាក់ចំណេញ និងមិនមែននយោបាយមួយឈ្មោះថា «ស្គាល់បេតិកភណ្ឌរបស់អ្នក» ដែលនាំជនជាតិអាមេរិកអារ៉ាប់ទៅកាន់ប្រទេសដើមកំណើតរបស់ឪពុកម្តាយពួកគេ ដើម្បីយល់ពីប្រវត្តិវប្បធម៌របស់ពួកគេ នៅពេលដែលអ៊ីស្រាអែលបានបដិសេធពួកគេមិនឲ្យចូល នៅថ្ងៃទី ២៨ ខែមិថុនា។លោកបានជំរុញឲ្យមន្ត្រីអាមេរិកតវ៉ាប្រឆាំងនឹងការរំលោភលើកម្មវិធីលើកលែងទិដ្ឋាការ ដោយបន្ថែមថា «អ្វីដែលគណៈប្រតិភូរបស់យើងបានជួបប្រទះនៅព្រំដែនមិនមែនជាឧប្បត្តិហេតុដាច់ដោយឡែក វាឆ្លុះបញ្ចាំងពីគំរូនៃការរើសអើងយ៉ាងស៊ីជម្រៅ និងជាប្រព័ន្ធចំពោះជនជាតិអាមេរិកប៉ាឡេស្ទីន។ការបដិសេធមិនឲ្យចូលទាំងស្រុង ដែលចេញដោយគ្មានការពន្យល់ ឬដំណើរការត្រឹមត្រូវ រំលោភមិនត្រឹមតែសិទ្ធិមនុស្សជាមូលដ្ឋានរបស់យើងប៉ុណ្ណោះទេ ប៉ុន្តែថែមទាំងការប្តេជ្ញាចិត្តដែលអ៊ីស្រាអែលបានធ្វើក្រោមកម្មវិធីលើកលែងទិដ្ឋាការនេះផងដែរ៕

លោក Medvedev ៖ ហ្វាំងឡង់កំពុងស្ថិតក្នុងបញ្ជីគោលដៅសម្រាប់ការវាយប្រហារអាវុធនុយក្លេអ៊ែររបស់រុស្ស៊ី

អនុប្រធានក្រុមប្រឹក្សាសន្តិសុខរុស្ស៊ី លោក Dmitry Medvedev បាននិយាយថា ប្រទេសហ្វាំងឡង់កំពុងស្ថិតក្នុងបញ្ជីគោលដៅសម្រាប់ការវាយប្រហារអាវុធនុយក្លេអ៊ែរដែលអាចកើតមាន បន្ទាប់ពីការលើកលែងការហាមឃាត់ការនាំចូលអាវុធនុយក្លេអ៊ែររបស់ខ្លួន។លោក Medvedev បាននិយាយនៅលើប្រព័ន្ធផ្សព្វផ្សាយ Xថា៖«ប្រទេសហ្វាំងឡង់បានលើកលែងការហាមឃាត់របស់ខ្លួនលើការផ្តល់ទីតាំងសម្រាប់ដាក់អាវុធនុយក្លេអ៊ែរ។ តើនោះមានអ្វីផ្លាស់ប្តូរសម្រាប់ ប្រជាជនហ្វាំងឡង់ដែរឬទេ? នេះគឺគ្រាន់តែជារឿងតូចតាចមួយប៉ុណ្ណោះ៖ ប្រទេសរបស់ពួកគេឥឡូវនេះ គឺស្ថិតនៅក្នុងបញ្ជីគោលដៅនុយក្លេអ៊ែររបស់រុស្ស៊ី។ សូមឲ្យប្រទេសហ្វាំងឡង់សប្បាយរីករាយចុះ អ្នកបានឈានដល់សន្តិសុខកម្រិតកំពូលហើយ!»។ នៅថ្ងៃទី ១៧ ខែមិថុនា សភាហ្វាំងឡង់បានអនុម័តសេចក្តីព្រាងច្បាប់មួយដែលស្នើឡើងដោយរដ្ឋាភិបាល ដែលអនុញ្ញាតឲ្យនាំចូលអាវុធនុយក្លេអ៊ែរ៕

រដ្ឋមន្ត្រីការបរទេសបារ៉ែនទាមទារឲ្យក្រុមប្រឹក្សាសន្តិសុខUNចាត់វិធានការ បន្ទាប់ពីការវាយប្រហាររបស់ អ៊ីរ៉ង់

រដ្ឋមន្ត្រីការបរទេសបារ៉ែនបានឡើងយន្តហោះទៅកាន់ទីក្រុងញូវយ៉កកាលពីថ្ងៃព្រហស្បតិ៍ ដើម្បីទាមទារឲ្យក្រុមប្រឹក្សាសន្តិសុខអង្គការសហប្រជាជាតិចាត់វិធានការ បន្ទាប់ពីអ្វីដែលលោកបានពិពណ៌នាថា ជាការវាយប្រហារថ្មី និងក្បត់» របស់អ៊ីរ៉ង់លើប្រទេសរបស់លោក នៅសប្តាហ៍នេះ ខណៈដែលសហរដ្ឋអាមេរិក និងរុស្ស៊ី បានប៉ះទង្គិចគ្នាយ៉ាងខ្លាំងលើការទទួលខុសត្រូវចំពោះការកើនឡើងភាពតានតឹងនេះ។រដ្ឋមន្ត្រីការបរទេស លោក Abdullatif bin Rashid Al-Zayani បានប្រាប់សម័យប្រជុំបន្ទាន់ ដែលបានកោះប្រជុំតាមសំណើរបស់បារ៉ែនថា ប្រទេសរបស់លោកបានរងការវាយប្រហារចំនួន ៨០៨ ដង ចាប់តាំងពីថ្ងៃទី ២៨ ខែកុម្ភៈ ក្នុងនោះមានការវាយប្រហារដោយមីស៊ីលបាលីស្ទីកចំនួន ២០៣គ្រាប់ និងយានដ្រូន ចំនួន ៦០៥ គ្រឿង ដែលបានសម្លាប់ជនស៊ីវិលបីនាក់ និងរបួស ៤៦៥ នាក់ ផ្សេងទៀត ក្នុងចំណោមនេះ មានស្ត្រី និងកុមារ។ លោកបាននិយាយថា ការវាយប្រហារចុងក្រោយបំផុត បានកើតឡើង ទោះបីជាប្រទេសបារ៉ែន បានចុះហត្ថលេខាលើអនុស្សរណៈយោគយល់ជាមួយទីក្រុងវ៉ាស៊ីនតោនកាលពីថ្ងៃទី ១៧ ខែមិថុនា ក៏ដោយ។លោក Al-Zayani បានលើកឡើងថា៖«ប្រទេសបារ៉ែនបានស្នើសុំកិច្ចប្រជុំបន្ទាន់នេះ ដោយមានទំនុកចិត្តថា ក្រុមប្រឹក្សានេះ នឹងមិនមែនឈរមើលបញ្ហាប្រឈមជាក់ស្តែងដែលអាជ្ញាធររបស់ខ្លួនកំពុងជួបប្រទះនេះទេ» ដោយបន្ថែមថា ការឈ្លានពានបានពង្រីកហួសពីប្រទេសរបស់លោក ជាមួយនឹងការវាយប្រហារស្របគ្នាលើអាកាសយានដ្ឋានអន្តរជាតិកូវ៉ែត និងការវាយប្រហារដោយយានដ្រូនលើរោងចក្រថាមពលនុយ ក្លេអ៊ែរ Barakah របស់អេមីរ៉ាតអារ៉ាប់រួម ដែលលោកបាននិយាយថា បាននាំតំបន់នេះ«ឈានទៅរកស្ថានភាពនៃគ្រោះមហន្តរាយសុវត្ថិភាពនុយក្លេអ៊ែរ»៕

ទួរគីហៅអ៊ីស្រាអែលថា ជា «បញ្ហាសម្រាប់ពិភពលោកទាំងមូល»

រដ្ឋមន្ត្រីការបរទេសទួរគី លោក Hakan Fidan បាននិយាយថា អ៊ីស្រាអែលបានក្លាយជាបញ្ហាសម្រាប់សហគមន៍អន្តរជាតិទាំងមូល។ លោក Fidan បានថ្លែងនៅលើទូរទស្សន៍ CNN Turk ថា៖«យើងមិនមានបំណងដកថយពីជំហររបស់យើងទេ។ អ៊ីស្រាអែលមិនត្រឹមតែជាបញ្ហាសម្រាប់ទួរគីប៉ុណ្ណោះទេ ប្រទេសនេះបានក្លាយជាបញ្ហាសម្រាប់ពិភពលោកទាំងមូល។ អាជ្ញាធរអ៊ីស្រាអែលបានក្លាយជាបន្ទុកដែលមនុស្សជាតិមិនអាចទ្រាំទ្របានទៀតទេ»។លោកបាននិយាយថា ទួរគីគឺជាប្រទេសដំបូងគេដែលឈប់ធ្វើពាណិជ្ជកម្មជាមួយអ៊ីស្រាអែល ដោយសារតែការឈ្លានពាននៅក្នុងតំបន់ហ្កាហ្សា។លោក Fidan បានបញ្ជាក់ថា៖«ប្រធានាធិបតីរបស់យើង បានបញ្ឈប់ការធ្វើពាណិជ្ជកម្មចំនួន ១០ ពាន់លានដុល្លារជាមួយអ៊ីស្រាអែលទាំងយប់។ នេះគឺជារឿងសំខាន់ក្នុងការប្រកាន់ជំហររឹងមាំ ហើយចាប់ផ្តើមធ្វើអ្វីមួយទៀត»។ទួរគីតែងតែចេញសេចក្តីថ្លែងការណ៍ខ្លាំងៗប្រឆាំងនឹងអ៊ីស្រាអែល ដោយចោទប្រកាន់ថា បានប្រព្រឹត្តបទឧក្រិដ្ឋសង្គ្រាម និងអំពើប្រល័យពូជសាសន៍នៅក្នុងតំបន់ហ្កាហ្សា។ ទួរគីបានបញ្ចប់ទំនាក់ទំនងពាណិជ្ជកម្មទាំងអស់ជាមួយរដ្ឋជ្វីហ្វ ចាប់តាំងពីខែឧសភា ឆ្នាំ ២០២៤៕

រដ្ឋមន្ត្រីការបរទេសស៊ីរីនិយាយថា ស៊ីរីមិនមានបំណងធ្វើអន្តរាគមន៍យោធានៅប្រទេសលីបង់ទេ

រដ្ឋមន្ត្រីការបរទេសស៊ីរីដែលកំពុងបំពេញទស្សនកិច្ច លោក Asaad al-Shaibani បាននិយាយកាលពីថ្ងៃព្រហស្បតិ៍ថា ស៊ីរីមិនមានបំណងធ្វើអន្តរាគមន៍យោធានៅក្នុងប្រទេសលីបង់ទេ ដោយសង្កត់ធ្ងន់ថា អាជ្ញាធរស៊ីរីស្វែងរកការកសាងទំនាក់ទំនង ដោយផ្អែកលើការគោរពគ្នាទៅវិញទៅមក និងការគាំទ្រដល់ស្ថិរភាពរបស់ប្រទេសនេះ។លោក al-Shaibani បាននិយាយក្នុងអំឡុងពេលចរចាជាមួយប្រធានាធិបតីលីបង់ លោក Joseph Aoun នៅវិមានប្រធានាធិបតី ក្នុងទីក្រុង Baabdaថា៖«គណៈប្រតិភូស៊ីរីចង់បញ្ជាក់អំពីការភាន់ច្រឡំជុំវិញរបាយការណ៍អំពីអន្តរាគមន៍យោធាស៊ីរីដែលអាចកើតមាននៅលីបង់»។ «ស៊ីរីមិនមានបំណងចាត់វិធានការបែបនេះទេ»។លោកបានបញ្ជាក់ថា អាជ្ញាធរស៊ីរីគាំទ្រការសម្រេចចិត្តរបស់លីបង់ ប្តេជ្ញាពង្រឹងទំនាក់ទំនងទ្វេភាគី និងសង្កត់ធ្ងន់ថា ស្ថិរភាពរបស់លីបង់ស្របតាមផលប្រយោជន៍របស់ស៊ីរី។មន្ត្រីរូបនេះបានបន្ថែមថា ថ្នាក់ដឹកនាំស៊ីរីមានគោលបំណងបញ្ចប់ការជ្រៀតជ្រែកគ្នាទៅវិញទៅមកកន្លងមក បង្កើនកិច្ចសហប្រតិបត្តិការជាមួយភាគីលីបង់ទាំងអស់ និងពង្រឹងទំនាក់ទំនងទ្វេភាគីលើគ្រប់វិស័យ។លោក al-Shaibani ក៏បានស្នើឲ្យកសាងភាពជាដៃគូសេដ្ឋកិច្ចលីបង់-ស៊ីរីជាមួយបណ្តាប្រទេសឈូងសមុទ្រដែលបើកចំហសម្រាប់កិច្ចសហប្រតិបត្តិការបែបនេះ ហើយបានគូសបញ្ជាក់ពីតួនាទីរបស់គណៈកម្មាធិការចម្រុះដែលទើបបង្កើតថ្មីក្នុងការជំរុញកិច្ចសហប្រតិបត្តិការសេដ្ឋកិច្ច ថាមពល និងវិស័យផ្សេងៗ ទៀត៕

ជនអន្តោប្រវេសន៍ប្រមាណ ៦០០.០០០នាក់នៅអេស្ប៉ាញ បានដាក់ពាក្យសុំឋានៈស្របច្បាប់

មន្ត្រីរដ្ឋាភិបាលបាននិយាយកាលពីថ្ងៃព្រហស្បតិ៍ថា ជនអន្តោប្រវេសន៍ប្រមាណ ៦០៩.៧៣៧ នាក់ ក្នុងចំណោមជនអន្តោប្រវេសន៍ចំនួន ១,១៧ លាននាក់ នៅក្នុងប្រទេសអេស្ប៉ាញ ដែលបានដាក់ពាក្យសុំឋានៈស្របច្បាប់ នៅក្នុងយុទ្ធនាការសម្របសម្រួលថ្មីៗ បានទទួលលិខិតអនុញ្ញាតធ្វើការបណ្តោះអាសន្ន ដែលអនុញ្ញាតឲ្យពួកគេចាប់ផ្តើមធ្វើការនៅក្នុងសេដ្ឋកិច្ចផ្លូវការ ខណៈពេលដែលពាក្យសុំរបស់ពួកគេ កំពុងស្ថិតក្រោមការពិនិត្យ។យុទ្ធនាការសម្របសម្រួលនេះ ផ្តល់លិខិតអនុញ្ញាតស្នាក់នៅរយៈពេលមួយឆ្នាំដល់ជនអន្តោប្រវេសន៍ដែលគ្មានឯកសារដែលបានរស់នៅក្នុងប្រទេសអេស្ប៉ាញយ៉ាងហោចណាស់ ៥ខែ មុនចុងឆ្នាំ ២០២៥ ហើយមិនមានប្រវត្តិឧក្រិដ្ឋកម្ម ត្រូវបានបើកឲ្យដាក់ពាក្យសុំ ចាប់ពីថ្ងៃទី ១៦ ខែមេសា ដល់ថ្ងៃទី ៣០ខែមិថុនា។ព័ត៌មានលម្អិតបន្ថែមត្រូវផ្តល់ជូនកាលថ្ងៃព្រហស្បតិ៍ដោយរដ្ឋលេខាធិការទទួលបន្ទុកអន្តោប្រវេសន៍លោក Pilar Cancela និងរដ្ឋលេខាធិការទទួលបន្ទុកសន្តិសុខសង្គមលោក Borja Suárez។ ចំនួនសរុបនៃពាក្យស្នើសុំ គឺច្រើនជាងទ្វេដងនៃការប៉ាន់ស្មានដំបូងរបស់រដ្ឋាភិបាល គឺចំនួន ៥០០.០០០នាក់ ដែលភាគច្រើនមកពីប្រទេសអាមេរិកឡាទីន។ អ្នកដាក់ពាក្យស្នើសុំ ត្រូវបានផ្តល់លិខិតអនុញ្ញាតធ្វើការបណ្ដោះអាសន្ន ខណៈពេលដែលពាក្យសុំរបស់ពួកគេ កំពុងត្រូវបានដំណើរការ៕

ក្រសួងការពារជាតិ៖ កងកម្លាំងប្រដាប់អាវុធរុស្ស៊ីបានវាយប្រហារគោលដៅយោធាអ៊ុយក្រែនជាង ១៥០កន្លែង

ក្រសួងការពារជាតិរុស្ស៊ីបាននិយាយកាលពីថ្ងៃព្រហស្បតិ៍ថា កងកម្លាំងប្រដាប់អាវុធរុស្ស៊ីបានវាយប្រហារហេដ្ឋារចនាសម្ព័ន្ធដឹកជញ្ជូនរបស់អ៊ុយក្រែន ទីតាំងបាញ់បង្ហោះយានដ្រូនរយៈចម្ងាយឆ្ងាយ និងគោលដៅយោធាផ្សេងទៀតនៅក្នុងទីតាំងចំនួន ១៥៣កន្លែង។ ក្រសួងបាននិយាយថា ការវាយប្រហារទាំងនេះ ត្រូវបានធ្វើឡើង ដោយប្រើយន្តហោះប្រតិបត្តិការ-យុទ្ធសាស្ត្រ យានដ្រូនវាយប្រហារ កងកម្លាំងមីស៊ីល និងកាំភ្លើងធំ។ប្រព័ន្ធការពារដែនអាកាសរបស់រុស្ស៊ី បានបាញ់ទម្លាក់គ្រាប់បែកតម្រង់គោលដៅចំនួន ១១គ្រាប់ និងយានដ្រូនមានស្លាបថេរចំនួន ៦៣១គ្រឿង។ យោងតាមក្រសួង កងកម្លាំងនៃកងនាវាសមុទ្រខ្មៅ ក៏បានបំផ្លាញនាវាគ្មានមនុស្សបើកអ៊ុយក្រែនមួយគ្រឿង នៅភាគឦសានសមុទ្រខ្មៅផងដែរ។ក្រសួងបានបន្ថែមថា កងកម្លាំងរុស្ស៊ីបានគ្រប់គ្រងកន្លែងតាំងទីលំនៅ Piskunovka នៅក្នុងតំបន់ Donbas៕

UNICEF៖ កុមារលីបង់ប្រហែល ១០ម៉ឺននាក់ ប្រឈមនឹងការខកខានមិនចូលរៀនក្នុងឆ្នាំសិក្សាថ្មី

មូលនិធិកុមាររបស់អង្គការសហប្រជាជាតិ (UNICEF) កាលពីថ្ងៃព្រហស្បតិ៍ បាននិយាយនៅក្នុងសេចក្តីថ្លែងការណ៍មួយថា កុមារលីបង់ប្រហែល ១០០.០០០នាក់ ប្រឈមនឹងការខកខានឆ្នាំសិក្សាថ្មី ប្រសិនបើសាលារៀនដែលរងការខូចខាតដោយសង្គ្រាម មិនត្រូវបានជួសជុល នៅក្នុងខែកញ្ញានោះទេ។ ការព្រមាននេះ បានកើតឡើង បន្ទាប់ពីការស្ទង់មតិទូទាំងប្រទេសដោយ UNICEF និងក្រសួងអប់រំ និងឧត្តមសិក្សាលីបង់ បានរកឃើញការខូចខាតយ៉ាងទូលំទូលាយនៅទូទាំងវិស័យអប់រំរបស់ប្រទេសនេះ ពីជម្លោះមជ្ឈិមបូព៌ាថ្មីៗនេះ។ការវាយតម្លៃនេះ បានកំណត់អត្តសញ្ញាណស្ថាប័នអប់រំចំនួន ៣៤០ ដែលរងផលប៉ះពាល់ រួមទាំងសាលារៀន និងមជ្ឈមណ្ឌលវិជ្ជាជីវៈ ដោយមានសាលារៀនចំនួន ១៧ ត្រូវបានបំផ្លាញ និងជាច្រើនទៀត ត្រូវការការជួសជុលយ៉ាងច្រើន មុនពេលបើកដំណើរការឡើងវិញដោយសុវត្ថិភាព។UNICEF បានព្រមានថា ការអវត្តមានពីសាលារៀនរយៈពេលយូរ អាចបង្កើនហានិភ័យដូចជាពលកម្មកុមារ និងការរៀបអាពាហ៍ពិពាហ៍មុនអាយុ។ទីភ្នាក់ងារនេះបាននិយាយថា ខ្លួនកំពុងធ្វើការជាមួយអាជ្ញាធរមូលដ្ឋាន ដើម្បីស្តារឡើងវិញសាលារៀនដែលរងការខូចខាត និងរក្សាការសិក្សា ខណៈពេលដែលអំពាវនាវឲ្យមានមូលនិធិបន្ថែម៕

អង្គការWFP៖ ភាពអត់ឃ្លាននៅភាគខាងជើងប្រទេសនីហ្សេរីយ៉ា ឈានដល់កម្រិតអាក្រក់បំផុត

ទីភ្នាក់ងារស្បៀងអាហាររបស់អង្គការសហប្រជាជាតិ បាននិយាយកាលពីថ្ងៃព្រហស្បតិ៍ ទី២ ខែកក្កដា ថា មនុស្សជាង១៧លាននាក់នៅទូទាំងរដ្ឋចំនួន៩ដែលរងគ្រោះដោយជម្លោះនៅភាគខាងជើងប្រទេសនីហ្សេរីយ៉ា កំពុងប្រឈមភាពអត់ឃ្លានធ្ងន់ធ្ងរ និងបានព្រមានថាអំពើហិង្សា និងការកាត់បន្ថយមូលនិធិកំពុងជំរុញឱ្យមានអសន្តិសុខស្បៀងដល់កម្រិតអាក្រក់បំផុតក្នុងរយៈពេលជិតមួយទសវត្សរ៍កន្លងទៅនេះ។ កម្មវិធីស្បៀងអាហារពិភពលោក (WFP) បាននិយាយនៅក្នុងសេចក្តីថ្លែងការណ៍ថា ការវិភាគសន្តិសុខស្បៀងចុងក្រោយបានបង្ហាញថា មនុស្សជាច្រើនប្រឈមនឹងវិបត្តិ ភាពអាសន្ន ឬភាពអត់ឃ្លានដ៏មហន្តរាយ បានកើនឡើងជិតពីរលាននាក់ពីការព្យាករណ៍កាលពីពេលមុន។ ការរកឃើញនេះ បញ្ជាក់ពីការចំណាយផ្នែកមនុស្សធម៌កាន់តែច្រើនឡើងនៃភាពអសន្តិសុខនៅក្នុងប្រទេសដែលមានប្រជាជនច្រើនបំផុតនៅទ្វីបអាហ្វ្រិក ជាកន្លែងដែលក្រុមបះបោឥស្លាមនិយមនៅភាគឦសាន និងក្រុមជនអន្ធពាលប្រដាប់អាវុធស្ថិតនៅក្នុងតំបន់មួយចំនួននៅភាគខាងជើង បានឲ្យប្រជាជនជម្លៀសចេញពីសហគមន៍ រារាំងកសិករពីវាលស្រែចំការរបស់ពួកគេ និងរឹតត្បិតការនាំចូលជំនួយ។ អង្គការWFP បាននិយាយថា រដ្ឋ Borno ដែលជាចំណុចកណ្តាលនៃការបះបោរឥស្លាមនិយមជាយូរអង្វែងមក មនុស្សជាង៣លាននាក់ជួបអសន្តិសុខស្បៀង រួមទាំងជាង៧៥០.០០០នាក់កំពុងប្រឈមទៅនឹងស្ថានភាពអត់ឃ្លានធ្ងន់ធ្ងរ។

បណ្ដាញសង្គម

ព័ត៌មានថ្មីៗ

ស្នងការរាជធានី បញ្ជាឲ្យតាមចាប់ខ្លួននារីដែលបើករថយន្តបង្កគ្រោះថ្នាក់ ស្លាប់បុរសម្នាក់នៅខណ្ឌសែនសុខ

ឱកាសអាហាររូបករណ៍ជាង ១ពាន់កន្លែងដល់យុវជនដែលមកពីគ្រួសារក្រីក្រ និងងាយរងហានិភ័យនៅក្នុងខេត្តសៀមរាបនៅវិទ្យាស្ថាន NPIA

រដ្ឋមន្រ្តីក្រសួងការងារ សាទរចំពោះប្រតិបត្តិការក្រុមហ៊ុន Minebea រយៈពេល ១៥ឆ្នាំនៅកម្ពុជា និងស្វាគមន៍ការពង្រីកការវិនិយោគនៅខេត្តពោធិ៍សាត់

ឯកឧត្តម ទេសរដ្ឋមន្រ្តី គន់ គីម អញ្ជើញចុះពិនិត្យសកម្មភាពកសិករបូមទឹកសង្គ្រោះស្រូវ ក្នុងខេត្តបាត់ដំបង

គណៈប្រតិភូជាន់ខ្ពស់រដ្ឋសភាកម្ពុជា អញ្ជើញនិវត្តន៍មកកាន់មាតុប្រទេសវិញដោយសុវត្ថិភាពបន្ទាប់ពីបំពេញទស្សនកិច្ចផ្លូវការនិងមិត្តភាពនៅសាធារណរដ្ឋសង្គមនិយមវៀតណាម

កម្ពុជាបង្ហាញពីសមិទ្ធផលក្នុងការបោសសម្អាតគ្រាប់មីន និងសម្តែងការព្រួយបារម្ភយ៉ាងខ្លាំងចំពោះផលប៉ះពាល់មនុស្សធម៌ ដែលបណ្តាលមកពីជម្លោះព្រំដែន និងការប្រើប្រាស់គ្រាប់បែកចង្កោមរបស់ថៃ

ប្រធានគណៈកម្មាធិការគណបក្សប្រជាជនកម្ពុជារាជធានីភ្នំពេញ ណែនាំឱ្យមន្ដ្រីពង្រឹងការផ្តល់សេវាជូនប្រជាពលរដ្ឋឱ្យបានកាន់តែល្អប្រសើរ

រដ្ឋមន្រ្តីក្រសួងបរិស្ថាន៖ ការរួមសហការគ្នារវាងមន្រ្តីក្រសួងបរិស្ថាន និងអ្នកស្រឡាញ់បរិស្ថាន បានឆ្លុះបញ្ជាំងពីការប្តេជ្ញាចិត្តក្នុងការការពារនិងអភិរក្សធនធានធម្មជាតិនៅកម្ពុជា

សមត្ថកិច្ច ចាប់ខ្លួនយុវជនម្នាក់ទៀត ដែលជាក្រុមអះអាងថា កូនខ្លាមេ ០៧ និងប្រើហិង្សាលើយុវជនម្នាក់បណ្ដាលឱ្យប្រកាច់លើដងផ្លូវ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877