BTV NEWS

កង្វះទីជម្រក ធ្វើឱ្យប្រជាជនទីក្រុងគីវមានកំហឹង ខណៈការវាយប្រហាររបស់រុស្ស៊ីកើនឡើង

បារាំង និងអេស្ប៉ាញធូរស្រាលបន្តិច ខណៈចំហេះព្រៃ និងរលកកម្ដៅកំពុងរាលដាលពាសពេញទ្វីបអឺរ៉ុប

ប្រធានាធិបតីអ៊ុយក្រែន៖ រុស្ស៊ី ប្រើប្រាស់មីស៊ីលបាលីស្ទីករបស់កូរ៉េខាងជើងក្នុងការវាយប្រហារលើភូមិអ៊ុយក្រែន

អារ៉ាប៊ីសាអ៊ូឌីត ប្រកាសបង្កើតក្រុមចម្រុះការពារដែនសមុទ្រ ដើម្បីធានាសុវត្ថិភាពផ្លូវទឹកសំខាន់ៗ

ព័ត៌មានអន្តរជាតិ

ទីភ្នាក់ងារព័ត៌មាន៖ មេដឹកនាំNATO នឹងបញ្ជាក់ជាថ្មីអំពី«ការគំរាមកំហែងរយៈពេលវែង»ពីរុស្ស៊ី នៅជំនួប កំពូលនាពេលខាងមុខ

ដោយដកស្រង់អត្ថបទដែលត្រូវបានអនុម័តដោយឯកអគ្គរដ្ឋទូតណាតូ សារព័ត៌មានរ៉យទ័របានចុះផ្សាយថា ក្រុមមេដឹកនាំណាតូ ត្រូវបានគេរំពឹងថា នឹងបញ្ជាក់ឡើងវិញថា រុស្ស៊ីកំពុងត្រៀមខ្លួនរួចជាស្រេចសម្រាប់ការគំរាមកំហែងរយៈពេលវែងដល់សន្តិសុខអឺរ៉ុប-អាត្លង់ទិក នៅក្នុងកិច្ចប្រជុំកំពូលមួយ ដែលគ្រោងនឹងធ្វើឡើងនៅទីក្រុងអង់ការ៉ានៃប្រទេសទួរគី។ ទីភ្នាក់ងារសារព័ត៌មាននេះ បានកត់សម្គាល់ថា ឯកសារនេះនិយាយថា រុស្ស៊ីបង្ក «ការគំរាមកំហែងរយៈពេលវែង» ដល់ «សន្តិសុខ និងស្ថិរភាពអឺរ៉ុប-អាត្លង់ទិក»។យោងតាមរ៉យទ័រ អ្នកចូលរួមទាំងអស់នៅក្នុងកិច្ចប្រជុំកំពូល រួមទាំងសហរដ្ឋអាមេរិក ត្រូវបានគេរំពឹងថានឹងបញ្ជាក់ពី «ការប្តេជ្ញាចិត្តយ៉ាងម៉ឺងម៉ាត់» ចំពោះការការពាររួម៕

កុមារជាង ២០០ នាក់នៅរុស្ស៊ី បានរងផលប៉ះពាល់ដោយការវាយប្រហាររបស់អ៊ុយក្រែន ចាប់ពីខែមេសា ដល់ខែមិថុនា

លោក Rodion Miroshnik ឯកអគ្គរដ្ឋទូតក្រសួងការបរទេសរុស្ស៊ីទទួលបន្ទុកឧក្រិដ្ឋកម្មនៃរបបក្រុងគីវ បាននិយាយនៅក្នុងសន្និសីទសារព័ត៌មានមួយថា កុមារចំនួនមិនធ្លាប់មានពីមុនមក កំពុងក្លាយជាជនរងគ្រោះនៃការវាយប្រហាររបស់យោធាអ៊ុយក្រែន ដោយមានកុមារចំនួន ២០៤ នាក់ រងផលប៉ះពាល់ចន្លោះខែមេសានិងខែមិថុនា ក្នុងនោះ ២១នាក់ ដែលត្រូវបានសម្លាប់។ អ្នកការទូតរូបនេះបានកត់សម្គាល់ថា៖«រយៈពេលបីខែកន្លងមកនេះ បាននាំមកនូវកំណត់ត្រាដ៏គួរឲ្យ សោកសៅមួយទៀតសម្រាប់ចំនួនកុមារនិងក្មេងជំទង់ដែលរងរបួស។ ក្នុងអំឡុងពេលនេះ កុមារស្លូតត្រង់ចំនួន ២០៤ នាក់ បានរងទុក្ខ ដែលក្នុងនោះ ២១នាក់ បានស្លាប់។ នេះគឺជាតួលេខខ្ពស់បំផុតក្នុងរយៈពេលពីរឆ្នាំកន្លងមកនេះ»។ លោក Miroshnik បាននិយាយថា៖«ចាប់តាំងពីខែកុម្ភៈ ឆ្នាំ ២០២២ ឈាមរបស់កុមារយ៉ាងហោចណាស់ ១.៣៣៦ នាក់ បានស្ថិតនៅក្នុងដៃរបស់ទាហានអ៊ុយក្រែន ដែលក្នុងនោះយ៉ាងហោចណាស់ ២៦៤ នាក់ បានស្លាប់»។ ឯកអគ្គរដ្ឋទូតក្រសួងការបរទេសរុស្ស៊ីបានគូសបញ្ជាក់ថា៖ «ចាប់តាំងពីឆ្នាំ ២០១៤ មក ចំនួនអនីតិជនដែលរងផលប៉ះពាល់បានឈានដល់ចំនួន ២.២១៨ នាក់ រួមទាំងអ្នករងរបួសចំនួន ១.៨៤៥ នាក់ និងអ្នកស្លាប់ចំនួន ៣៧៣ នាក់ ហើយស្ថានភាពនេះនៅតែបន្តផ្លាស់ប្តូរ»៕

សហរដ្ឋអាមេរិកនឹងបញ្ចប់ការផ្តល់មូលនិធិដល់ការិយាល័យគាំទ្ររបស់UN នៅសូម៉ាលី

សហភាពអាហ្វ្រិកបានកោះប្រជុំបន្ទាន់មួយអំពីបេសកកម្មយោធារបស់ខ្លួននៅសូម៉ាលី បន្ទាប់ពីទីក្រុងវ៉ាស៊ីនតោនបានប្រកាសថា ខ្លួននឹងបញ្ចប់ការផ្តល់មូលនិធិដ៏សំខាន់ ដោយសារតែខ្វះវឌ្ឍនភាពប្រឆាំងនឹងក្រុមជ្រុលនិយមដែលបង្កអំពើហិង្សា។ប្រទេសសូម៉ាលីបានប្រយុទ្ធប្រឆាំងនឹងការបះបោររបស់ក្រុមសកម្មប្រយុទ្ធ AL-SHABAB អស់រយៈពេលប្រហែលពីរទសវត្សរ៍មកហើយ ប៉ុន្តែក្រុមនេះនៅតែគ្រប់គ្រងទឹកដីភាគច្រើនរបស់ប្រទេសនេះ។បេសកកម្មគាំទ្រ និងស្ថិរភាពរបស់សហភាពអាហ្វ្រិកនៅសូម៉ាលី AUSSOM គឺជាកម្លាំងឈានមុខគេដែលគាំទ្រកងទ័ពសូម៉ាលី ដោយផ្តល់កងទ័ពប្រហែល ១២.000នាក់។ប៉ុន្តែនៅក្នុងលិខិតមួយច្បាប់ចុះថ្ងៃទី ០១ ខែកក្កដា ផ្ញើទៅកាន់AU ទីក្រុងវ៉ាស៊ីនតោនបាននិយាយថា ខ្លួនកំពុងបញ្ចប់ការផ្តល់ជំនួយដល់ការិយាល័យគាំទ្ររបស់អង្គការសហប្រជាជាតិនៅសូម៉ាលី ឬ UNSOS ដែលផ្តល់មូលនិធិភាគច្រើនដល់ AUSSOM នៅចុងឆ្នាំនេះ៕

មន្ត្រីនិយាយថា ការវាយប្រហាររបស់រុស្ស៊ី បានសម្លាប់មនុស្សចំនួន ៦នាក់ ក្នុងតំបន់បីផ្សេងគ្នារបស់អ៊ុយក្រែន

មន្ត្រីតំបន់បាននិយាយថា ការវាយប្រហាររបស់រុស្ស៊ីកាលពីថ្ងៃសុក្រ បានសម្លាប់មនុស្សចំនួន ៦នាក់ ក្នុងតំបន់បីផ្សេងគ្នានៃប្រទេសអ៊ុយក្រែន។ការវាយប្រហារជាង៥០លើកដោយយានដ្រូន កាំភ្លើងធំ និងការទម្លាក់គ្រាប់បែក បានសម្លាប់មនុស្សបីនាក់ នៅភាគអាគ្នេយ៍នៃតំបន់ Dnipropetrovsk រួមទាំងពីរទៀតនៅជិតទីក្រុង Nikopol ជាទីក្រុងមួយនៅច្រាំងទន្លេ Dnipro ទល់មុខរោងចក្រថាមពលនុយក្លេអ៊ែរ Zaporizhzhia ដែលគ្រប់គ្រងដោយរុស្ស៊ី។អភិបាលតំបន់លោក Oleksandr Hanzha ⁠បាននិយាយនៅលើបណ្តាញ Telegramថា មនុស្ស ១២ នាក់ បានរងរបួស។ ⁠អភិបាលតំបន់ Zaporizhzhia លោក Ivan ⁠Fedorov បាននិយាយថា មនុស្សពីរនាក់ ត្រូវបានសម្លាប់ និង ១៧នាក់ ផ្សេងទៀត បានរងរបួស នៅក្នុងការវាយប្រហារមួយនៅភាគឦសានលើទីក្រុង Zaporizhzhia ដែលជាគោលដៅនៃការវាយប្រហារដ៏សាហាវថ្មីៗនេះ៕

IAEA ព្រមានអំពីសុវត្ថិភាពនុយក្លេអ៊ែរដ៏ផុយស្រួយ បន្ទាប់ពីរោងចក្រ Zaporizhzhia ត្រូវកាត់ផ្តាច់ពី បណ្តាញអគ្គិសនីខាងក្រៅ

ទីភ្នាក់ងារថាមពលបរមាណូអន្តរជាតិ (IAEA) ត្រូវបានជូនដំណឹងថា រោងចក្រថាមពលនុយក្លេអ៊ែរ Zaporizhzhia (ZNPP) កាលពីថ្ងៃសុក្រ បានបាត់បង់ការផ្គត់ផ្គង់ថាមពលក្រៅទីតាំងលើកទី ២១ ចាប់តាំងពីវិបត្តិអ៊ុយក្រែន ដែលបង្ហាញពីភាពងាយរងគ្រោះនៃសុវត្ថិភាពនុយក្លេអ៊ែររបស់រោងចក្រនេះ។ការដាច់ចរន្តអគ្គិសនីនេះ បានកើតឡើង បន្ទាប់ពីរោងចក្រនេះ បានបាត់បង់ការផ្គត់ផ្គង់អគ្គិសនីតាមខ្សែបញ្ជូនចរន្ត Ferosplavna-1 ៣៣០គីឡូវ៉ុល។ នេះបើយោងតាមការបង្ហោះរបស់ខ្លួននៅលើប្រព័ន្ធផ្សព្វផ្សាយសង្គម X។យោងតាមក្រុម IAEA ដែលបានឈរជើងនៅទីតាំងនោះ សកម្មភាពយោធាបានបំផ្លាញប្រព័ន្ធការពារអគ្គិសនីនៅលើខ្សែបញ្ជូនដែលតភ្ជាប់ពីរោងចក្រ ZNPP ទៅខ្សែបញ្ជូនចរន្ត Ferosplavna-1។IAEA បាននិយាយថា បន្ទាប់ពីការបាត់បង់ការផ្គត់ផ្គង់ថាមពលក្រៅទីតាំងនេះ ម៉ាស៊ីនភ្លើងម៉ាស៊ូតសង្គ្រោះបន្ទាន់របស់រោងចក្រនេះ បានចាប់ផ្តើមដំណើរការដោយស្វ័យប្រវត្តិ ដើម្បីរក្សាអគ្គិសនីសម្រាប់ប្រព័ន្ធត្រជាក់រ៉េអាក់ទ័រ និងមុខងារសុវត្ថិភាពនុយក្លេអ៊ែរសំខាន់ៗផ្សេងទៀត៕

កិច្ចសន្យាផលិតយន្តហោះចម្បាំងរួមគ្នាត្រូវបានពង្រីកដោយប្រទេសជប៉ុន អង់គ្លេស និងអ៊ីតាលី

អង្គការមួយរួមមានសមាសភាពមកពីប្រទេសជប៉ុន ចក្រភពអង់គ្លេស និងអ៊ីតាលី ក្នុងការផលិតយន្តហោះចម្បាំងជំនាន់ក្រោយ បានពង្រីកកិច្ចសន្យាជាមួយក្រុមហ៊ុនបណ្តាក់ទុនរួមគ្នា កំពុងរចនាយន្តហោះចម្បាំង។ កិច្ចសហការត្រីភាគី ត្រូវបានគេស្គាល់ថាជាកម្មវិធីអាកាសចរណ៍ប្រយុទ្ធសកល ហើយអង្គភាពដែលទទួលបន្ទុកគម្រោងនេះគឺអង្គការរដ្ឋាភិបាលអន្តរជាតិ GCAP ឬ GIGO។GIGO និងក្រុមហ៊ុនបណ្តាក់ទុនរួម បានប្រកាសកាលពីថ្ងៃសុក្រថា ពួកគេបានចុះហត្ថលេខាលើកិច្ចសន្យាលើកទីពីរមានតម្លៃ ៤,៦ ពាន់លានផោន ឬប្រហែល ៦,១ ពាន់លានដុល្លារ គ្របដណ្តប់រយៈពេលរហូតដល់ចុងឆ្នាំ ២០២៧។ កិច្ចសន្យាលើកទីមួយបានផុតកំណត់កាលពីចុងខែមិថុនា។ មានការព្រួយបារម្ភថា ការលំបាកផ្នែកហិរញ្ញវត្ថុរបស់ចក្រភពអង់គ្លេស អាចធ្វើឲ្យប៉ះពាល់ដល់កម្មវិធីផលិតនេះ។ប៉ុន្តែកាលពីដើមសប្តាហ៍ ចក្រភពអង់គ្លេសបានប្រកាសផ្តល់មូលនិធិសម្រាប់កម្មវិធីជាផ្នែកមួយនៃផែនការចំណាយលើវិស័យការពារជាតិរបស់ខ្លួន។ ប្រទេសទាំងបីមានគោលបំណងផលិតយន្តហោះចម្បាំងដែលអាចផលិតរួមជាមួយយានគ្មានមនុស្សបើក និងដំណើរការបានល្អជាងម៉ូឌែលទំនើបៗដែលមានស្រាប់។ ពួកគេមានគម្រោងដាក់ពង្រាយយន្តហោះដែលបានផលិតទាំងនោះនៅឆ្នាំ ២០៣៥។

ក្រុមហ៊ួទីនៅយេម៉ែនអះអាងថា បានស្ទាក់ចាប់យន្តហោះចម្បាំងអារ៉ាប៊ីសាអ៊ូឌីតពីខាងលើក្រុង Sanaa

ក្រុមហ៊ួទីនៅប្រទេសយេម៉ែន បាននិយាយកាលពីថ្ងៃសុក្រថា កងកម្លាំងការពារដែនអាកាសរបស់ខ្លួន បានស្ទាក់ចាប់យន្តហោះចម្បាំងអារ៉ាប៊ីសាអ៊ូឌីត ដែលបានចូលទៅក្នុងដែនអាកាសយេម៉ែន ដើម្បីរារាំងយន្តហោះស៊ីវិលអ៊ីរ៉ង់មិនឲ្យចុះចតនៅអាកាសយានដ្ឋានអន្តរជាតិ Sanaa ។នៅក្នុងសេចក្តីថ្លែងការណ៍មួយដែលចាក់ផ្សាយដោយទូរទស្សន៍ Al-Masirah របស់ក្រុមនេះ អ្នកនាំពាក្យយោធាហ៊ួទី លោក Yahya Sarea បាននិយាយថា យន្តហោះអារ៉ាប៊ីសាអ៊ូឌីតបានចូលទៅក្នុងដែនអាកាសយេម៉ែន នៅម៉ោងប្រហែល ៥: ២០ព្រឹក ម៉ោងក្នុងស្រុក ក្នុងការប៉ុនប៉ងបញ្ឈប់យន្តហោះអ៊ីរ៉ង់ ដែលលោកបាននិយាយថា កំពុងដឹកអ្នកដំណើរយេម៉ែនជាង ២០០នាក់ ដែលបានជាប់ខ្លួន រងរបួស និងឈឺ មិនឲ្យចុះចតនៅអាកាសយានដ្ឋាន ក្នុងទីក្រុង Sanaa ។លោក Sarea បាននិយាយថា កងកម្លាំងការពារដែនអាកាសហ៊ួទី បានបាញ់មីស៊ីលការពារដែនអាកាសជាច្រើនគ្រាប់ ដោយបង្ខំឲ្យយន្តហោះអារ៉ាប៊ីសាអ៊ូឌីតចាកចេញពីដែនអាកាសយេម៉ែន។លោកបានព្រមានថា ការរំលោភបំពានឡើងវិញណាមួយលើដែនអាកាសយេម៉ែន ឬការវាយប្រហារនឹងបង្កឲ្យមានការឆ្លើយតបទ្រង់ទ្រាយធុំ ដែលកំណត់គោលដៅអាកាសយានដ្ឋានអារ៉ាប៊ីសាអ៊ូឌីត និងកន្លែងយុទ្ធសាស្ត្រផ្សេងទៀត៕

លោក Trump៖ អ៊ីរ៉ង់ចង់ដោះស្រាយជាមួយអាមេរិក ខណៈក្រុងតេអេរ៉ង់ត្រូវបានផ្តល់ពេលសម្រាប់ពិធីបុណ្យសពលោក Khamenei

ប្រធានាធិបតី លោក Donald Trump បាននិយាយថាអ៊ីរ៉ង់ចង់ «ដោះស្រាយ» ជាមួយសហរដ្ឋអាមេរិក ដោយនិយាយបន្ថែមថាទីក្រុងវ៉ាស៊ីនតោន បានផ្តល់ពេលវេលាឱ្យទីក្រុងតេអេរ៉ង់សម្រាប់រៀបចំពិធីបុណ្យសពរបស់មេដឹកនាំកំពូល លោក Ali Khamenei ដែលត្រូវបានសម្លាប់នៅដើមសង្គ្រាមក្នុងអំឡុងពេលវាយប្រហាររួមគ្នារបស់សហរដ្ឋអាមេរិក និងអ៊ីស្រាអែល។ នៅក្នុងសុន្ទរកថាមួយនៅតំបន់ភ្នំ Rushmore កាលពីយប់ថ្ងៃសុក្រក្នុងការចាប់ផ្តើមប្រារព្ធខួបលើកទី ២៥០របស់សហរដ្ឋអាមេរិក លោក Trump បានអួតអាងអំពីលក្ខណៈពិសេសរបស់សហរដ្ឋអាមេរិក ការគំរាមកំហែងនៃលទ្ធិកុម្មុយនិស្ត និងអំណាចយោធារបស់ប្រទេសលោកនៅក្នុងពិភពលោក។ លោក Trump បានអះអាងថា «យើងបានយកឈ្នះប្រទេសវ៉េណេស៊ុយអេឡាក្នុងរយៈពេលតែមួយថ្ងៃ ហើយយើងបានផ្តួលរំលំអ៊ីរ៉ង់។ ពួកគេចង់ដោះស្រាយជាមួយអាមេរិកយ៉ាងខ្លាំង ហើយ«យើងបានផ្តល់ពេលឱ្យពួកគេ១សប្តាហ៍សម្រាប់រៀបចំពិធីបុណ្យសព »។

លោក Putin៖ ការរំដោះពេញលេញសាធារណរដ្ឋប្រជាមានិត Luhansk ត្រូវបានបញ្ចប់

ប្រធានាធិបតីរុស្ស៊ី លោក Vladimir Putin បានប្រកាសកាលពីថ្ងៃសុក្រថា កងកម្លាំងរុស្ស៊ី បានបញ្ចប់ «ការរំដោះពេញលេញ» សាធារណរដ្ឋប្រជាមានិត Luhansk ។លោកនិយាយថា «ខ្ញុំកត់សម្គាល់ថា អង្គភាព និងក្រុមកងកម្លាំងចម្រុះកំពុងបំពេញបេសកកម្មរបស់ខ្លួនស្របតាមផែនការប្រតិបត្តិការដែលបានរៀបចំឡើងដោយនាយសេនាធិការនៃកងកម្លាំងប្រដាប់អាវុធនៃសហព័ន្ធរុស្ស៊ី។ លោក Putin បានថ្លែងដូច្នេះក្នុងអំឡុងពេលកិច្ចប្រជុំមួយដែលបានធ្វើឡើងនៅប៉ុស្តិ៍បញ្ជាការដ្ឋានបណ្ដោះអាសន្ននៃក្រុមកងកម្លាំងចម្រុះ។លោកPutin បាននិយាយបន្ថែមថា ការកម្ទេចក្រុមយោធាអ៊ុយក្រែននៅតែបន្តនៅទូទាំងទឹកដីនៃសាធារណរដ្ឋប្រជាមានិត Donetsk ព្រមទាំងតំបន់ Zaporizhzhia និង Kherson៕

ក្រុមអធិការកិច្ច IAEA មិនទាន់ទទួលបានដំណើរការចូលទៅទីតាំងនុយក្លេអ៊ែរអ៊ីរ៉ង់នៅឡើយ

លោក Rafael Mariano Grossi អគ្គនាយកទីភ្នាក់ងារថាមពលអាតូមិកអន្តរជាតិ (IAEA) បាននិយាយនៅទីក្រុងវីយែន ប្រទេសអូទ្រីស កាលពីថ្ងៃសុក្រថា ក្រុមអធិការកិច្ចរបស់ទីភ្នាក់ងារថាមពលអាតូមិកអន្តរជាតិ (IAEA) នៅមិនទាន់ទទួលបានការអនុញ្ញាតឱ្យចូលទៅកាន់រោងចក្រនុយក្លេអ៊ែររបស់អ៊ីរ៉ង់នៅឡើយទេ ទោះបីជាមានសំណើជាផ្លូវការដើម្បីបន្តការត្រួតពិនិត្យនៅរោងចក្រនោះក៏ដោយ។ លោក Grossi បាននិយាយថា ទីភ្នាក់ងារ បានស្នើសុំជាផ្លូវការដល់អាជ្ញាធរអ៊ីរ៉ង់ឱ្យអនុញ្ញាតឱ្យក្រុមពិនិត្យរបស់ខ្លួនត្រឡប់ទៅរោងចក្រនុយក្លេអ៊ែរជាថ្មីសម្រាប់ការងារផ្ទៀងផ្ទាត់ ប៉ុន្តែនៅពុំទាន់មានការអនុញ្ញាតណាមួយនៅឡើយរហូតមកដល់ពេលនេះ។ ទោះបីជាមានការរឹតត្បិតដំណើរការចូលទៅកាន់រោងចក្រក៏ដោយ លោកបាននិយាយថា ដោយផ្អែកលើ «ចំណាប់អារម្មណ៍ទូទៅ» របស់លោក សម្ភារៈនុយក្លេអ៊ែរដែលមានស្រាប់របស់អ៊ីរ៉ង់នៅតែស្ថិតនៅក្នុងទីតាំងទាំងនោះ ហើយទីភ្នាក់ងារ IAEA មានកំណត់ត្រាពេញលេញអំពីទីតាំងស្តុក និងបរិមាណស្តុក។ លោក Grossi បានបន្ថែមថា រូបភាពផ្កាយរណប និងឧបករណ៍ត្រួតពិនិត្យផ្សេងទៀតបង្ហាញពីការបំផ្លិចបំផ្លាញយ៉ាងធ្ងន់ធ្ងរនៅទីតាំងនុយក្លេអ៊ែរអ៊ីរ៉ង់ ដោយផ្លូវចូលទៅកាន់ទីតាំងមួយចំនួនត្រូវបានគេរាយការណ៍ថាត្រូវបានកាត់ផ្តាច់។ កាលពីថ្ងៃទី២៤ ខែមិថុនា អនុរដ្ឋមន្ត្រីការបរទេសទទួលបន្ទុកច្បាប់ និងកិច្ចការអន្តរជាតិរបស់អ៊ីរ៉ង់ លោក Kazem Gharibabadi បាននិយាយថា ការត្រួតពិនិត្យរោងចក្រនុយក្លេអ៊ែរ និងសម្ភារៈនុយក្លេអ៊ែររបស់អ៊ីរ៉ង់ដែលត្រូវបានវាយប្រហារ អាចត្រូវបានពិនិត្យនិងពិភាក្សាតែនៅក្នុងក្របខ័ណ្ឌនៃកិច្ចព្រមព្រៀងចុងក្រោយរវាងអ៊ីរ៉ង់-សហរដ្ឋអាមេរិក ហើយបុរេលក្ខខណ្ឌ ភាគីសហរដ្ឋអាមេរិកត្រូវមានចំណាត់ការជាក់ស្តែងដើម្បីដកទណ្ឌកម្មទាំងអស់៕

បណ្ដាញសង្គម

ព័ត៌មានថ្មីៗ

ឆមាសទី១ឆ្នាំនេះ កម្ពុជានាំចេញគ្រាប់ស្វាយចន្ទី មានទឹកប្រាក់ជាង ១,១ ពាន់លានដុល្លារ

យន្តហោះចម្បាំង NATO ហោះចេញប្រញាប់ប្រញាល់ ខណៈមីស៊ីលរុស្ស៊ីផ្ទុះនៅប្រទេសប៉ូឡូញ

៦ខែដើមឆ្នាំ២០២៦ សមត្ថកិច្ចក្រសួងមហាផ្ទៃចុះឆែកឆេរជិត ៣ម៉ឺនទីតាំង ឃាត់ខ្លួនជនបរទេស Online Scams ជាង ២ពាន់នាក់ និងពិន័យប្រាក់ម្ចាស់ទីតាំងជិត ៨ប៊ីលានរៀល

ចំនួនអ្នកស្លាប់ដោយដំណាក់ដីនៅប្រទេសចិន បានកើនឡើងដល់ជាង ៥០នាក់

ជនអន្តោប្រវេសន៍រាប់រយនាក់ សម្រុកចូលទីក្រុង Ceuta របស់អេស្ប៉ាញ ចេញពីប្រទេសម៉ារ៉ុក

មូលនិធិអភិវឌ្ឍន៍ EDFមើលឃើញថា ធុរកិច្ចបណ្តុះបណ្ដាលថ្មី និងSME ជាក្បាលម៉ាស៊ីនជំរុញកំណើនសេដ្ឋកិច្ចកម្ពុជា

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានអន្តរជាតិ

កុមារជាង ២០០ នាក់នៅរុស្ស៊ី បានរងផលប៉ះពាល់ដោយការវាយប្រហាររបស់អ៊ុយក្រែន ចាប់ពីខែមេសា ដល់ខែមិថុនា

សហរដ្ឋអាមេរិកនឹងបញ្ចប់ការផ្តល់មូលនិធិដល់ការិយាល័យគាំទ្ររបស់UN នៅសូម៉ាលី

មន្ត្រីនិយាយថា ការវាយប្រហាររបស់រុស្ស៊ី បានសម្លាប់មនុស្សចំនួន ៦នាក់ ក្នុងតំបន់បីផ្សេងគ្នារបស់អ៊ុយក្រែន

កិច្ចសន្យាផលិតយន្តហោះចម្បាំងរួមគ្នាត្រូវបានពង្រីកដោយប្រទេសជប៉ុន អង់គ្លេស និងអ៊ីតាលី

ក្រុមហ៊ួទីនៅយេម៉ែនអះអាងថា បានស្ទាក់ចាប់យន្តហោះចម្បាំងអារ៉ាប៊ីសាអ៊ូឌីតពីខាងលើក្រុង Sanaa

លោក Trump៖ អ៊ីរ៉ង់ចង់ដោះស្រាយជាមួយអាមេរិក ខណៈក្រុងតេអេរ៉ង់ត្រូវបានផ្តល់ពេលសម្រាប់ពិធីបុណ្យសពលោក Khamenei

លោក Putin៖ ការរំដោះពេញលេញសាធារណរដ្ឋប្រជាមានិត Luhansk ត្រូវបានបញ្ចប់

ក្រុមអធិការកិច្ច IAEA មិនទាន់ទទួលបានដំណើរការចូលទៅទីតាំងនុយក្លេអ៊ែរអ៊ីរ៉ង់នៅឡើយ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានអន្តរជាតិ

កុមារជាង ២០០ នាក់នៅរុស្ស៊ី បានរងផលប៉ះពាល់ដោយការវាយប្រហាររបស់អ៊ុយក្រែន ចាប់ពីខែមេសា ដល់ខែមិថុនា

សហរដ្ឋអាមេរិកនឹងបញ្ចប់ការផ្តល់មូលនិធិដល់ការិយាល័យគាំទ្ររបស់UN នៅសូម៉ាលី

មន្ត្រីនិយាយថា ការវាយប្រហាររបស់រុស្ស៊ី បានសម្លាប់មនុស្សចំនួន ៦នាក់ ក្នុងតំបន់បីផ្សេងគ្នារបស់អ៊ុយក្រែន

កិច្ចសន្យាផលិតយន្តហោះចម្បាំងរួមគ្នាត្រូវបានពង្រីកដោយប្រទេសជប៉ុន អង់គ្លេស និងអ៊ីតាលី

ក្រុមហ៊ួទីនៅយេម៉ែនអះអាងថា បានស្ទាក់ចាប់យន្តហោះចម្បាំងអារ៉ាប៊ីសាអ៊ូឌីតពីខាងលើក្រុង Sanaa

លោក Trump៖ អ៊ីរ៉ង់ចង់ដោះស្រាយជាមួយអាមេរិក ខណៈក្រុងតេអេរ៉ង់ត្រូវបានផ្តល់ពេល​សម្រាប់​ពិធីបុណ្យសពលោក Khamenei

លោក Putin៖ ការរំដោះពេញលេញសាធារណរដ្ឋប្រជាមានិត Luhansk ត្រូវបានបញ្ចប់

ក្រុមអធិការកិច្ច IAEA មិនទាន់ទទួលបានដំណើរការចូលទៅទីតាំងនុយក្លេអ៊ែរអ៊ីរ៉ង់នៅឡើយ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

លោក Trump៖ អ៊ីរ៉ង់ចង់ដោះស្រាយជាមួយអាមេរិក ខណៈក្រុងតេអេរ៉ង់ត្រូវបានផ្តល់ពេលសម្រាប់ពិធីបុណ្យសពលោក Khamenei