នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
ក្រុមហ៊ូទីអះអាងថា ខ្លួនបានបង្ខំឲ្យនាវាដឹកប្រេងអារ៉ាប៊ីសាអ៊ូឌីត ៨គ្រឿង បង្វែរទិសដៅ ដោយសារការបិទខ្ទប់ផ្លូវសមុទ្រ
ការចំណាយសរុបរបស់អ៊ុយក្រែនក្នុងឆ្នាំ ២០២៦ នឹងមានចំនួន ១៧៦,៨ ពាន់លានដុល្លារ
សហភាពអឺរ៉ុប នឹងពង្រីកការអនុវត្តច្បាប់ស្តីពីបញ្ញាសិប្បនិម្មិត (AI) ចាប់ពីថ្ងៃទី២ ខែសីហា
រដ្ឋាភិបាលឥណ្ឌា៖ ពលរដ្ឋឥណ្ឌា ១៦នាក់ ស្លាប់និង ៧៥នាក់ រងរបួស ចាប់តាំងពីជម្លោះនៅមជ្ឈិមបូព៌ាផ្ទុះឡើង ក្នុងឆ្នាំនេះ

ព័ត៌មានអន្តរជាតិ

ប្រធានាធិបតីឥណ្ឌូនេស៊ីលោក Prabowo ស្វាគមន៍សមភាគីបេឡារុសលោក Lukashenko នៅទីក្រុងហ្សាកាតា

2026/07/03 02:55:54 am        31
Facebook Telegram Linkin
នៅថ្ងៃព្រហស្បតិ៍នេះ ប្រធានាធិបតីឥណ្ឌូនេស៊ីលោក Prabowo Subianto បានស្វាគមន៍សមភាគីបេឡារុសលោក Alexander Lukashenko នៅទីក្រុងហ្សាកាតា អំឡុងដំណើរទស្សនកិច្ចលើកទី ២របស់លោក Lukashenko ទៅកាន់ប្រទេសមួយនេះ ដែលមានគោលបំណងពង្រឹងទំនាក់ទំនងទ្វេភាគី ហើយនិងពង្រីកឱកាសកិច្ចសហប្រតិបត្តិការលើវិស័យជាច្រើន ។ មេដឹកនាំទាំង ២ បានអង្កេតឆ្មាំកិត្តិយស នៅក្នុងពិធីស្វាគមន៍ ដែលរៀបចំឡើងសម្រាប់លោក Lukashenko នៅឯវិមានប្រធានាធិបតី ស្ថិតក្នុងរដ្ឋធានីប្រទេសឥណ្ឌូនេស៊ីមួយនេះ ។ ពួកគេបានចូលរួមពិធីចុះហត្ថលេខាលើកិច្ចព្រមព្រៀងផ្លាស់ប្តូរកិច្ចសហប្រតិបត្តិការផងដែរ ដែលគ្របដណ្តប់លើវិស័យវប្បធម៌ ឧស្សាហកម្ម ការថែទាំសុខភាព វិទ្យាសាស្រ្ត និងការស្រាវជ្រាវ ។ គួររំឭកថា លោក Lukashenko បានបំពេញទស្សនកិច្ចលើកដំបូងទៅកាន់ប្រទេសឥណ្ឌូនេស៊ី កាលពីឆ្នាំ ២០១៣កន្លងទៅ ៕

រុស្ស៊ីអះអាងថា ពួកគេនឹងបន្តបង្កើនសម្ពាធលើអ៊ុយក្រែន ក្រោយវាយប្រហារទីក្រុងគីវ

2026/07/03 02:55:26 am        35
Facebook Telegram Linkin
រុស្ស៊ីនិយាយនៅថ្ងៃព្រហស្បតិ៍នេះថា ពួកគេនឹងបន្តបង្កើនសម្ពាធលើអ៊ុយក្រែន បន្ទាប់ពីការវាយប្រហារទ្រង់ទ្រាយធំកាលពីយប់កន្លងទៅលើទីក្រុងគីវ ដែលបានសម្លាប់មនុស្សយ៉ាងហោច ១៧នាក់ និងមនុស្សរាប់សិបនាក់ផ្សេងទៀត រងរបួស ។អ៊ុយក្រែននិយាយថា រុស្ស៊ីបើកការវាយប្រហារមីស៊ីល ៧៤គ្រាប់ និងយានដ្រូន ៤៩៦គ្រឿង ដែលបានបំផ្លិចបំផ្លាញអគារស្នាក់នៅរាប់សិបខ្នង ។ អ្នកនាំពាក្យវិមានក្រឹមឡាំងលោក Dmitry Peskov និយាយថា ពួកគេមានគោលដៅតែលើទីតាំងយោធាប៉ុណ្ណោះ ។ លោកថា លោកប្រធានាធិបតី Vladimir Putin ត្រូវបានរៀបរាប់សង្ខេបប្រាប់ដោយមេបញ្ជាការយោធាជាន់ខ្ពស់របស់លោកគឺលោក Valery Gerasimov ពីលទ្ធផលនៃអ្វីដែលលោកចាត់ទុកថាជាការវាយប្រហារសងសឹកទ្រង់ទ្រាយធំលើទីក្រុងគីវ និងទីតាំងផ្សេងទៀត ។ នៅឆ្នាំទី ៥នៃសង្រ្គាមរបស់ខ្លួន រុស្ស៊ីបានបង្កើនការវាយប្រហារមីស៊ីល និងយានដ្រូន ជាពិសេសលើទីក្រុងគីវ ស្របពេលដែលអ៊ុយក្រែនបង្កើនការវាយប្រហារយានដ្រូនលើវិស័យថាមពលរុស្ស៊ី ធ្វើឲ្យខូចខាតហេដ្ឋារចនាសម្ព័ន្ធថាមពលរបស់ពួកគេ ដែលនាំឲ្យមានកង្វះខាតប្រេងជាសកល ៕

នាយករដ្ឋមន្រ្តីប៉ាគីស្ថាននឹងចូលរួមពិធីបុណ្យសពរបស់អតីតមេដឹកនាំកំពូលអ៊ីរ៉ង់លោក Khamenei

2026/07/03 02:34:41 am        94
Facebook Telegram Linkin
អ្នកនំាពាក្យក្រសួងការបរទេសប៉ាគីស្ថាន និយាយនៅថ្ងៃព្រហស្បតិ៍នេះថា នាយករដ្ឋមន្រ្តីប៉ាគីស្ថានលោក Shehbaz Sharif នឹងទៅចូលរួមពិធីបុណ្យសពរបស់អតីតមេដឹកនាំកំពូលអ៊ីរ៉ង់លោក Ayatollah Ali Khamenei ។បុព្វជិតវ័យ ៨៦ឆ្នាំរូបនេះ ដែលជាអ្នករិះគន់ឥតសំចៃមាត់លើសហរដ្ឋអាមេរិក បានគ្រប់គ្រងប្រទេសអ៊ីរ៉ង់អស់រយៈពេល ៣៦ឆ្នាំមកហើយ មុនពេលរូបលោកត្រូវបានសម្លាប់ នៅថ្ងៃដំបូងនៃការវាយប្រហារព្រួតដៃគ្នារបស់សហរដ្ឋអាមេរិក និងអ៊ីស្រាអែលលើអ៊ីរ៉ង់កាលពីថ្ងៃទី ២៨ ខែកុម្ភៈ ។ពិធីបុណ្យសពរបស់លោកនឹងប្រព្រឹត្តទៅនៅថ្ងៃសៅរ៍ ទី ៤ ខែកក្កដា ក្នុងទីក្រុងតេអេរ៉ង់ ហើយនិងបញ្ចប់ទៅជាមួយពិធីបញ្ចុះសពលោកនៅថ្ងៃព្រហស្បតិ៍សប្តាហ៍ក្រោយ នៅឯទីក្រុងកំណើត Mashad ។លោក Tahir Andrabi គឹជាអ្នកនាំពាក្យការិយាល័យការបរទេសប៉ាគីស្ថាន បានបញ្ជាក់ផងដែរថា ប៉ាគីស្ថាន និងកាតា បានចូលរួមជាមួយក្រុមចរចាសហរដ្ឋអាមេរិក និងអ៊ីរ៉ង់ នៅទីក្រុងដូហា នាសប្តាហ៍នេះ ដោយសម្រេចបានវឌ្ឍនភាពប្រកបដោយវិជ្ជមានលើអនុស្សរណៈយោគយល់ ។លោកបន្តថា ភាគីពាក់ព័ន្ធ បានឯកភាពគ្នាបន្តកិច្ចប្រជុំ និងកំណត់ពេលជំនួបបន្ទាប់ក្រោយពិធីបុណ្យសពរបស់លោក Khamenei ៕

មេដឹកនាំអឺរ៉ុបថ្កោលទោសការវាយប្រហាររបស់រុស្ស៊ី និងបញ្ជាក់ជាថ្មីនូវការគាំទ្រ ចំពោះ​អ៊ុយក្រែន ​

2026/07/03 02:31:31 am        97
Facebook Telegram Linkin
មន្ត្រីអឺរ៉ុប នៅថ្ងៃព្រហស្បតិ៍ (ទី២ ខែកក្កដា ឆ្នាំ២០២៦) នេះ បានថ្កោលទោសការវាយប្រហារចុងក្រោយរបស់រុស្ស៊ី លើអ៊ុយក្រែន ដែលទីក្រុងគីវ បានឲ្យដឹង​ថាបានសម្លាប់មនុស្ស ១៣ នាក់ ដោយប្រធានគោលនយោបាយការបរទេសរបស់សហភាពអឺរ៉ុប (EU) លោកស្រី Kaja Kallas បានប្រកាសពីផែនការ ដើម្បីស្នើទណ្ឌកម្មថ្មីផ្តោតលើអង្គភាពដែលគាំទ្រមជ្ឈមណ្ឌល​យោធា-ឧស្សាហកម្មរបស់រុស្ស៊ី។លោកស្រី Kallas បានសរសេរនៅលើបណ្ដាញ​សង្គម X ថា៖ «ពាក្យថ្កោលទោសតែម៉្យាង​ នឹងមិនបញ្ឈប់ការវាយប្រហារលើទីក្រុងគីវបានឡើយ​។ មានតែការគាំទ្រផ្នែកយោធាប្រកបដោយចីរភាព សម្រាប់អ៊ុយក្រែន និងការ​បង្កើន​សម្ពាធ លើទីក្រុងមូស្គូប៉ុណ្ណោះ ទើប​អាចសម្រេច​គោល​ដៅ​នោះ​បាន»។លោកស្រីបានបន្ត​ទៀត​ថា EU នៅសប្តាហ៍នេះ បានចាប់ផ្តើមផ្តល់ប្រាក់កម្ចីចំនួន ៦ពាន់លានអឺរ៉ូ (ប្រហែល ៦,៨ពាន់លានដុល្លារ) ក្រោមប្រាក់កម្ចីគាំទ្រ ៩០ពាន់លានអឺរ៉ូ (១០២,៧ពាន់លានដុល្លារ) ដើម្បីពង្រឹងការការពាររបស់អ៊ុយក្រែន។លោកស្រី Kallas បាននិយាយថា៖ «ថ្ងៃនេះ ខ្ញុំនឹងស្នើឱ្យដាក់ទណ្ឌកម្មអង្គភាពជាច្រើនទៀតដែលគាំទ្រមជ្ឈមណ្ឌលយោធា-ឧស្សាហកម្មរបស់រុស្ស៊ី ដើម្បីឆ្លើយតបទៅនឹងការវាយប្រហារ។ ទីក្រុងមូស្គូកាន់​តែ​វាយប្រហារជនស៊ីវិល ការដាក់​ទណ្ឌកម្មកាន់តែច្រើនត្រូវបង្កើន​។ យើងបន្តវិធានការ​កាន់​តែតឹង​រ៉ឹង​ រហូត​ដល់រុស្ស៊ីដឹង​ថា ខ្លួនមិនអាចទទួល​បាន​ជ័យជម្នះ​ឡើយ​»។លោកស្រីបានបន្ថែម​ថា បុគ្គលិកទាំងអស់របស់ EU នៅទីក្រុងគៀវ ត្រូវបានទាក់ទង និងមាន​សុវត្ថិភាព​ បន្ទាប់ពីមាន​ការវាយប្រហារ ហើយបានថ្លែងអំណរគុណដល់បុគ្គលិកទាំង​នោះ​ ដែល​បន្តការងាររបស់ពួកគេ «នៅ​ក្រោមកាលៈទេសៈដ៏លំបាកបំផុត» នេះ៕

រដ្ឋ​អាជ្ញាអាល្លឺម៉ង់៖ អាជ្ញាធរអ៊ុយក្រែនបានបញ្ជាឱ្យមានការបំផ្លិចបំផ្លាញបំពង់បង្ហូរ Nord Stream

2026/07/03 02:28:34 am        60
Facebook Telegram Linkin
រដ្ឋ​អាជ្ញាអាល្លឺម៉ង់ នៅ​ថ្ងៃព្រហស្បតិ៍ (ទី២ ខែកក្កដា ឆ្នាំ២០២៦) នេះ បានចោទប្រកាន់ថា អាជ្ញាធររដ្ឋអ៊ុយក្រែន គឺជាអ្នក​នៅពីក្រោយការបំផ្លិចបំផ្លាញបំពង់បង្ហូរឧស្ម័នដែលតភ្ជាប់ប្រទេសរុស្ស៊ីជាមួយអឺរ៉ុប គឺ​ Nord Stream ក្នុងឆ្នាំ២០២២ ដោយ​ការ​ចោទ​ប្រកាន់​នេះ​ធ្វើឱ្យស្មុគស្មាញដល់ ទំនាក់ទំនងជិតស្និទ្ធ រវាងទីក្រុងគីវ និងអ្នកគាំទ្រយោធាសំខាន់របស់ខ្លួន គឺទីក្រុងប៊ែរឡាំង។ការវាយប្រហារដោយគ្រឿងផ្ទុះ នៅសមុទ្របាល់ទិក បានបំផ្លាញបំពង់បង្ហូរប្រេងក្រោម​បាតសមុទ្រចំនួន ៣ ក្នុងចំណោម ៤ នៃតំណភ្ជាប់ថាមពលដ៏​សំខាន់ទៅកាន់អាល្លឺម៉ង់ និងបាននាំ​ឲ្យមាន​ការ​បញ្ចេញឧស្ម័នមេតានក្នុងបរិមាណច្រើន​បំផុត​ទៅក្នុងបរិយាកាស។នៅក្នុងសេចក្តីថ្លែងការណ៍មួយដែលរៀបរាប់លម្អិត អំពីការចោទប្រកាន់ប្រឆាំងនឹងជនសង្ស័យម្នាក់ រដ្ឋ​អាជ្ញាអាល្លឺម៉ង់ បានបញ្ជាក់​ថា រូប​គេ និងសមាជិកផ្សេងទៀតនៃយោធាអ៊ុយក្រែន បានធ្វើសកម្មភាព «តាមបញ្ជារបស់អាជ្ញាធររដ្ឋ នៅអ៊ុយក្រែន»។ករណីនេះគឺមិន​អំណោយ​ផល​ឡើយ សម្រាប់អាល្លឺម៉ង់ និងអ៊ុយក្រែន នៅពេលដែលអាល្លឺម៉ង់ ដែលជាប្រទេស​មាន​សេដ្ឋកិច្ចធំបំផុតរបស់អឺរ៉ុប បានលេចឡើង​ក្នុង​នាម​ជាអ្នកគាំទ្រយោធាធំបំផុតរបស់អ៊ុយក្រែន ក្នុងអំឡុង​សង្គ្រាមប្រឆាំងនឹងរុស្ស៊ី។ជនសង្ស័យដែលស្ថិត​ក្រោម​ការ​សួរចម្លើយ ត្រូវបានចាប់ខ្លួនកាលពី​រដូវក្តៅឆ្នាំ២០២៥ នៅប្រទេសអ៊ីតាលី ហើយត្រូវបានធ្វើបត្យាប័នទៅអាល្លឺម៉ង់ នៅខែវិច្ឆិកា និង​ត្រូវបានដាក់ឈ្មោះនៅពេលនោះថា Serhii Kuznietsov។ក្នុងសេចក្តីថ្លែងការណ៍ នៅ​ថ្ងៃព្រហស្បតិ៍ រដ្ឋ​អាជ្ញាបានលើក​ឡើង​ថា រូប​គេ​គឺជា «មន្ត្រីម្នាក់នៅក្នុងជួរ​កងទ័ពអ៊ុយក្រែន» ហើយថា បន្ទាប់ពីការឈ្លានពានទ្រង់ទ្រាយធំរបស់រុស្ស៊ី លើអ៊ុយក្រែន ក្នុងខែកុម្ភៈ ឆ្នាំ២០២២ «រូបគេ​ និងសមាជិកយោធាដទៃទៀត បានបង្កើតផែនការមួយ ដើម្បីបំផ្លាញ» បំពង់បង្ហូរ ដោយមាន​គោល​រាំង​ខ្ទប់​ចំណូល​បាន​ពី​ឧស្ម័នកុំ​ឲ្យ​ធ្លាក់​ទៅក្នុងដៃ​​រុស្ស៊ី៕

ក្រុមភ្នាក់ងារពន្លត់អគ្គិភ័យព្យាយាមពន្លត់ភ្លើងឆេះព្រៃនៅបារាំង ក្រោយរលកកម្តៅវាយប្រហារអឺរ៉ុប

2026/07/03 02:26:20 am        50
Facebook Telegram Linkin
ក្រុមភ្នាក់ងារពន្លត់អគ្គិភ័យ បានព្យាយាមពន្លត់ភ្លើងឆេះព្រៃជាច្រើកន្លែងនៅតំបន់ភាគខាងត្បូងប្រទេសបារាំងនាថ្ងៃព្រហស្បតិ៍នេះ ស្របពេលដែលប្រទេសមួយនេះ ជួបស្ថានភាពអាកាសធាតុក្តៅខ្លាំង បន្ទាប់ពីរលកកម្តៅវាយប្រហារអឺរ៉ុប ។រដ្ឋមន្រ្តីក្រសួងមហាផ្ទៃបារាំងលោក Laurent Nunez និយាយថា ភ្លើងឆេះព្រៃ ៣កន្លែង ក្នុងនោះភ្លើងឆេះព្រៃ ២កន្លែង បានឆាបឆេះទីក្រុងកំពង់ផែ Marseille ស្ថិតនៅជាប់សមុទ្រមេឌីទែរ៉ាណេនោះ បានឆាបឆេះដីព្រៃសរុប ១.២១០ហិចតា ។កាលពីសប្តាហ៍មុន អង្គការឧតុនិយមពិភពលោក បានព្រមានថា សីតុណ្ហភាពជាប់កំណត់ត្រាដែលបានកម្លោចតំបន់ភាគខាងលិចអឺរ៉ុបអស់រយៈពេលជាង ១សប្តាហ៍មកហើយ ចាប់តាំងពីចុងខែមិថុនារហូតមកនោះ នឹងធ្វើឲ្យហានិភ័យកាន់តែអាក្រក់ទៅនៃភ្លើងឆេះព្រៃ ។ភ្លើងឆេះព្រៃធំបំផុត កំពុងឆាបឆេះនៅតំបន់រដ្ឋបាល Aude ស្ថិតនៅជិតព្រំដែនប្រទេសអេស្ប៉ាញ ក្នុងនោះដីព្រៃប្រហែល ៩០០ហិចតា រងការឆាបឆេះគ្មានសេសសល់ ។ អាជ្ញាធរក្នុងស្រុក និយាយថា ខ្យល់បក់ខ្លាំង បង្កការលំបាកដល់ក្រុមភ្នាក់ងារពន្លត់អគ្គិភ័យ ៨០០នាក់ ដែលកំពុងព្យាយាមពន្លត់អណ្តាតភ្លើង ។ខណៈពេលនោះដែរ ក្រុមភ្នាក់ងារពន្លត់អគ្គិភ័យ កំពុងព្យាយាមពន្លត់អណ្តាតភ្លើងផងដែរ នៅតំបន់ Rognac ស្ថិតនៅជិតអាកាសយានដ្ឋានក្រុង Marseille ហើយនិងបានគ្រប់គ្រងភ្លើងឆេះព្រៃមួយទៀត ដែលបានឆាបឆេះដីព្រៃ ២៦០ហិចតា ក្នុងសង្កាត់ Lancon-Provence ។ ក្រុមមន្រ្តីក្នុងស្រុកនិយាយថា គ្មានគ្រោះថ្នាក់កើតឡើងនោះទេ ៕

ម្ចាស់ហាងជនជាតិបរទេសបន្តស្នាក់នៅអាហ្វ្រិកខាងត្បូង បើទោះបីជាមានបាតុកម្មប្រឆាំងជនអន្តោប្រវេសន៍ក៏ដោយ

2026/07/03 02:23:19 am        41
Facebook Telegram Linkin
លោក Daniel Abide វ័យ ៣៣ឆ្នាំ គឺជាម្ចាស់ហាងលក់ទំនិញខ្នាតតូចនៅទីក្រុង Clermont ស្ថិតនៅជិតទីក្រុង Durban ដែលត្រូវបានចោរចូលលួចទំនិញកាលពីយប់ថ្ងៃអង្គារនោះ និយាយថា ជនបរទេសពុំបានដណ្តើមការងារពីពលរដ្ឋអាហ្វ្រិកខាងត្បូងនោះទេ ។ ពួកយើងចាប់ផ្តើមការងារខ្នាតតូចនៅទីនេះ នៅអាហ្វ្រិកខាងត្បូង ពួកយើងបានចំណាយថ្លៃជួលផ្ទះ ។លោក Abide បានធ្វើដំណើរមកពីប្រទេសអេត្យូពីកាលពីរយៈពេល ១ទសវត្សរ៍មុន ហើយលោកមានហាងលក់ទំនិញខ្នាតតូច ២កន្លែង ដែលហាងមួយកន្លែង ត្រូវបានចោរចូលលួច ។ លោកសង្ឃឹមថា នឹងអាចបើកហាងមួយនេះឡើងវិញបាន ។លោកថា ពលរដ្ឋអាហ្វ្រិកខាងត្បូង ធ្វើការជាមួយលោក ហើយលោកបានផ្តល់ប្រាក់ខែដល់ពួកគេ ។ បើទោះបីជាត្រូវចោរចូលលួចទំនិញយ៉ាងណាក្តី លោក Abide និយាយថា លោកនឹងវិលត្រឡប់ទៅកាន់ប្រទេសអេត្យូពីវិញ បើសិនជាស្ថានភាពនៅទីនោះល្អប្រសើរជាងមុន ។គួរឲ្យដឹងថា មនុស្សជាង ៩០០នាក់ ត្រូវបានចាប់ខ្លួន អំឡុងបាតុកម្មប្រឆាំងអន្តោប្រវេសន៍នៅទូទាំងប្រទេស ដែលភាគច្រើននៃបាតុកម្មមានសភាពស្ងប់ស្ងាត់ ប៉ុន្តែការតវ៉ាខ្លាំងប្រែក្លាយជាអំពើហិង្សា និងចោរកម្ម នៅតាមទីតាំងមួយចំនួន ។បាតុកម្ម បានកើតមានឡើង ក្រោយភាពរំជើបរំជួលអស់រយៈពេលជាច្រើនខែបង្កឲ្យមានការរិះគន់យ៉ាងខ្លាំងពីក្រៅប្រទេស ស្របពេលដែលជនបរទេស ត្រូវបានអូសចេញពីផ្ទះរបស់ពួកគេ ហើយធុរកិច្ច និងទ្រព្យសម្បត្តិរបស់ពួកគេ រងការបំផ្លិចបំផ្លាញ ៕

ប្រធានគោលនយោបាយបរទេស EU លោកស្រី Kaja Kallas ស្នើសុំទណ្ឌកម្មបន្ថែមទៀតលើរុស្ស៊ី

2026/07/03 02:21:04 am        89
Facebook Telegram Linkin
ប្រធានគោលនយោបាយបរទេសសហភាពអឺរ៉ុប(EU)លោកស្រី Kaja Kallas និយាយនៅថ្ងៃព្រហស្បតិ៍នេះថា លោកស្រីនឹងដាក់សំណើសុំទណ្ឌកម្មបន្ថែមទៀតដាក់លើរុស្ស៊ី បន្ទាប់ពីរលកថ្មីនៃការវាយប្រហាររបស់ទីក្រុងមូស្គូ លើអ៊ុយក្រែន ។រដ្ឋមន្ត្រីក្រសួងមហាផ្ទៃអ៊ុយក្រែនលោក Ihor Klymenko និយាយនៅថ្ងៃព្រហស្បតិ៍នេះថា ការវាយប្រហាររបស់រុស្ស៊ីលើរដ្ឋធានីគីវ បានសម្លាប់មនុស្ស ១៣នាក់ និងធ្វើឲ្យខូចខាតអគារស្នាក់នៅយ៉ាងធ្ងន់ធ្ងរចំនួន ២០ខ្នង ស្របពេលដែលក្រុមសង្រ្គោះបន្ទាន់ បានធ្វើការតាមកម្ទេចកម្ទី ហើយក្រុមអាជ្ញាធរ កំពុងវាយតម្លៃទំហំនៃការបំផ្លិចបំផ្លាញ ។លោកបន្តថា មីស៊ីលបានវាយប្រហារទីតាំងមួយនេះដោយផ្ទាល់ វាយប្រហារត្រូវចំអគារកម្ពស់ ៩ជាន់ ។ មាននូវការវាយប្រហារបែបនេះចំនួន ២០លើកនៅថ្ងៃនេះ ដោយយានដ្រូន និងមីស៊ីល បណ្តាលឲ្យអគារ ២០ខ្នង រងការខូចខាតយ៉ាងធ្ងន់ធ្ងរ និងបំផ្លិចបំផ្លាញដោយអន្លើរ ។ អគាររាប់រយខ្នងទៀត រងការខូចខាត ដោយសាររលករញ្ជួយ និងកម្ទេចកម្ទីហើរ ។ លោកស្រី Kallas និយាយថា ក្នុងសប្តាហ៍នេះ EU បានចាប់ផ្តើមចែកចាយប្រាក់ ៦ពាន់លានអឺរ៉ូ ក្រោមប្រាក់កម្ចី ៩០ពាន់លានអឺរ៉ូ ដើម្បីពង្រឹងការការពាររបស់អ៊ុយក្រែន ហើយនៅថ្ងៃនេះ លោកស្រីស្នើសុំដាក់ទណ្ឌកម្មលើអង្គភាពជាច្រើនទៀតដែលគាំទ្រឧស្សាហកម្មយោធារុស្ស៊ី ដើម្បីជាការឆ្លើយតបចំពោះការវាយប្រហារទាំងនេះ ។ ពួកយើងត្រូវតែបន្តបង្កើនការចំណាយរហូតដល់រុស្ស៊ី យល់ឃើញច្បាស់ថា ពួកគេមិនអាចឈ្នះសង្រ្គាមមួយនេះបានឡើយ ៕

កងទ័ពអ៊ីរ៉ង់៖ វត្តមានយន្តហោះចម្បាំងអាមេរិក នៅច្រកសមុទ្រ Hormuz គំរាមដល់សន្តិសុខក្នុងតំបន់

2026/07/03 02:18:19 am        76
Facebook Telegram Linkin
នៅថ្ងៃព្រហស្បតិ៍ (ទី២ ខែកក្កដា ឆ្នាំ២០២៦) នេះ កងទ័ពអ៊ីរ៉ង់ បានព្រមានថា ការបន្តមាន​វត្តមាននៃយន្តហោះយោធា ទាំង​មាន​មនុស្សបើក និងគ្មានមនុស្សបើករបស់សហរដ្ឋអាមេរិក នៅច្រកសមុទ្រ Hormuz គំរាមកំហែងដល់សន្តិសុខក្នុងតំបន់ ហើយបានសន្យាថា នឹងមានការឆ្លើយតប «យ៉ាង​រហ័ស និងម៉ឺងម៉ាត់» ចំពោះការជ្រៀតជ្រែកណាមួយរបស់អាមេរិក នៅក្នុងផ្លូវទឹកយុទ្ធសាស្ត្រនេះ​។នៅក្នុងសេចក្តីថ្លែងការណ៍មួយដែលត្រូវបាន​ផ្សាយ​ដោយទីភ្នាក់ងារសារព័ត៌មានពាក់កណ្តាលផ្លូវការ Fars ទីស្នាក់ការកណ្តាល Khatam al-Anbiya បានលើក​ឡើង​ថា ការបន្តមាន​វត្តមាននៃយន្តហោះចម្បាំង និងយានដ្រូន​របស់សហរដ្ឋអាមេរិក នៅច្រកសមុទ្រ Hormuz «បានបង្កឱ្យមានអសន្តិសុខ នៅក្នុងផ្លូវទឹកនេះ ហើយនឹងគំរាមកំហែងដល់សន្តិសុខក្នុងតំបន់»។សេចក្តីថ្លែងការណ៍នេះ បាន​បន្ថែម​ថា៖ «អ៊ីរ៉ង់នឹងមិនស្ទាក់ស្ទើរក្នុងការចាត់វិធានការណាមួយ ដើម្បីទប់ទល់នឹងការឈ្លានពាន និងការរំលោភបំពានណាមួយដោយយោធាអាមេរិក និងអ្នកគាំទ្ររបស់ខ្លួន ដើម្បី​ការពារអធិបតេយ្យភាពរបស់ខ្លួន នៅ​ច្រកសមុទ្រ Hormuz។ ការជ្រៀតជ្រែកណាមួយរបស់អាមេរិកនៅច្រកសមុទ្រ Hormuz នឹងត្រូវបានឆ្លើយតបយ៉ាងម៉ឺងម៉ាត់ និងរហ័សពីកងកម្លាំងប្រដាប់អាវុធ»។ទីស្នាក់ការកណ្តាលនេះ​បានពិពណ៌នាអំពីច្រកសមុទ្រ Hormuz ថា ជា «ទឹកដីអធិបតេយ្យរបស់សាធារណរដ្ឋអ៊ិស្លាមអ៊ីរ៉ង់» ហើយថា សន្តិសុខ និងស្ថិរភាពរបស់​ផ្លូវទឹកយុទ្ធសាស្ត្រនេះ​បង្កើតបានជា «ខ្សែបន្ទាត់​ក្រហម» សម្រាប់កងកម្លាំងប្រដាប់អាវុធរបស់ប្រទេស៕

អន្តរការី៖ កិច្ចចរចាដោយប្រយោលបន្ទាប់ រវាងអាមេរិក និងអ៊ីរ៉ង់ នឹង​មាន​ក្រោយ​ពិធីបុណ្យសពលោក Khamenei

2026/07/03 01:56:33 am        60
Facebook Telegram Linkin
អន្តរការី បានឱ្យដឹង​នៅ​ថ្ងៃព្រហស្បតិ៍ (ទី២ ខែកក្កដា ឆ្នាំ២០២៦) នេះថា កិច្ចចរចាដោយប្រយោលបន្ទាប់​ រវាងសហរដ្ឋអាមេរិក និងអ៊ីរ៉ង់ នឹងធ្វើឡើងក្រោយ​ពិធីបុណ្យសពរបស់មេដឹកនាំកំពូលអ៊ីរ៉ង់ ខណៈដែលការទូត កំពុងឆ្ពោះ​ទៅមុខសន្សឹមៗ​ ក្នុង​ការបញ្ចប់សង្គ្រាម នៅតំបន់​មជ្ឈិមបូព៌ា។បន្ទាប់ពីមាន​ការពិភាក្សាដោយប្រយោលរបស់គូអរិ​ទាំង២ កាលពីថ្ងៃពុធ នៅទីក្រុងដូហា ប្រទេសកាតា ប្រធានាធិបតីអាមេរិក លោក Donald Trump ក៏ដូចជាអ្នកសម្របសម្រួលកាតា និងប៉ាគីស្ថាន បានផ្តល់សញ្ញាថា ការទូតកំពុងដំណើរការ ទោះបីជាមានការវាយ​ប្រហារតប​ត​គ្នា​ថ្មី​ៗនេះក៏ដោយ។ កិច្ចព្រមព្រៀងបណ្តោះអាសន្នមួយត្រូវបានព្រមព្រៀងគ្នា ដើម្បីបើកច្រកសមុទ្រ Hormuz ឡើងវិញ និងបញ្ចប់អរិភាព ប៉ុន្តែបញ្ហា​សំខាន់ៗនៅតែត្រូវដោះស្រាយ នៅក្នុងកិច្ចចរចា រួមទាំងកម្មវិធីនុយក្លេអ៊ែររបស់អ៊ីរ៉ង់​ផងដែរ​។ ប៉ាគីស្ថានបានឱ្យដឹង​នៅ​ថ្ងៃព្រហស្បតិ៍នេះ​ថា៖ «អ្នកសម្របសម្រួលកាតា និងប៉ាគីស្ថាន បានបញ្ចប់កិច្ចប្រជុំដាច់ដោយឡែកជាមួយក្រុម​អ្នកចរចាសហរដ្ឋអាមេរិក និងអ៊ីរ៉ង់ នៅទីក្រុងដូហា (ថ្ងៃពុធ) ដោយមានវឌ្ឍនភាពជា​វិជ្ជមាន»។ទីក្រុង​អ៊ីស្លាម៉ាបាដបានបន្ថែមថា ភាគីទាំង២ បានយល់ព្រមបន្តការ​ពិភាក្សា «ដោយកិច្ចប្រជុំបន្ទាប់ នឹងត្រូវបានកំណត់យ៉ាង​លឿន​បំផុតតាម​ដែល​អាច គឺ​បន្ទាប់ពីពិធីបុណ្យសពរបស់អតីតមេដឹកនាំកំពូលអ៊ីរ៉ង់»។លោក Ali Khamenei ត្រូវបានសម្លាប់ក្នុងវ័យ ៨៦ឆ្នាំ នៅកណ្តាលរដ្ឋធានីរបស់​អ៊ីរ៉ង់ កាល​ពី​ថ្ងៃទី២៨ ខែកុម្ភៈ ដែលជាថ្ងៃដំបូងនៃការ​ផ្ទុះ​សង្គ្រាម។ ពិធីបុណ្យសពសាធារណៈរបស់លោក Ali Khamenei នឹងចាប់ផ្តើមនៅថ្ងៃសៅរ៍ ដោយសាកសពរបស់លោក​ត្រូវបានតម្កល់​នៅក្នុងអគារដ៏ធំសម្បើម នៅកណ្តាលទីក្រុងតេអេរ៉ង់ ដែលជាកន្លែង​រៀប​ចំពិធីអធិដ្ឋាន​ថ្ងៃសុក្រដ៏​សំខាន់ ពិធីផ្លូវការ និងការជួបជុំបែប​សាសនា។ ការបញ្ចុះសពរបស់លោក នឹងធ្វើឡើងនៅថ្ងៃទី៩ ខែកក្កដា នៅទីសក្ការៈបូជា Imam Reza ក្នុងទីក្រុង Mashhad ភាគឦសាន ដែលជាកន្លែងកំណើតរបស់លោក​៕

បណ្ដាញសង្គម

ព័ត៌មានថ្មីៗ

សមត្ថកិច្ចបង្ក្រាប​ទីតាំង​សង្ស័យលួចលាក់ប្រព្រឹត្តបទល្មើស Online Scams នៅនៅក្នុងក្រុងបាវិតឃាត់ខ្លួនមនុដ្ស៣៨នាក់
08/01/2026 08:08 PM
Facebook Telegram Linkin
ប្រធានក្រុមការងាររាជរដ្ឋាភិបាលចុះមូលដ្ឋានស្រុករមាសហែក នាំយកទៀនចំណាំព្រះវស្សា ទេយ្យទាន និងបច្ច័យប្រគេនព្រះសង្ឃគង់ចាំព្រះវស្សានៅវត្តទាំង៥៣ ក្នុងស្រុករមាសហែក ខេត្តស្វាយរៀង
08/01/2026 06:08 PM
Facebook Telegram Linkin
ក្រសួងកសិកម្ម និងក្រសួងទេសចរណ៍សហការគ្នាជំរុញខ្សែក្រវាត់បៃតងនៅតាមតំបន់ទេសចរណ៍កាន់តែប្រសើរ
08/01/2026 06:08 PM
Facebook Telegram Linkin
ក្រុមហ៊ូទីអះអាងថា ខ្លួនបានបង្ខំឲ្យនាវាដឹកប្រេងអារ៉ាប៊ីសាអ៊ូឌីត ៨គ្រឿង បង្វែរទិសដៅ ដោយសារការបិទខ្ទប់ផ្លូវសមុទ្រ
08/01/2026 05:08 PM
Facebook Telegram Linkin
ការចំណាយសរុបរបស់អ៊ុយក្រែនក្នុងឆ្នាំ ២០២៦ នឹងមានចំនួន ១៧៦,៨ ពាន់លានដុល្លារ
08/01/2026 04:08 PM
Facebook Telegram Linkin
សហភាពអឺរ៉ុប នឹងពង្រីកការអនុវត្តច្បាប់ស្តីពីបញ្ញាសិប្បនិម្មិត (AI) ចាប់ពីថ្ងៃទី២ ខែសីហា
08/01/2026 04:08 PM
Facebook Telegram Linkin
រដ្ឋាភិបាលឥណ្ឌា៖ ពលរដ្ឋឥណ្ឌា ១៦នាក់ ស្លាប់និង ៧៥នាក់ រងរបួស ចាប់តាំងពីជម្លោះនៅមជ្ឈិមបូព៌ាផ្ទុះឡើង ក្នុងឆ្នាំនេះ
08/01/2026 04:08 PM
Facebook Telegram Linkin
អគារស្នាក់ការគណបក្សប្រជាជនកម្ពុជាឃុំត្រប់ ស្រុកបាធាយ ត្រូវបានសម្ពោធដាក់ឲ្យប្រើប្រាស់ជាផ្លូវការ
08/01/2026 04:08 PM
Facebook Telegram Linkin
នាយករដ្ឋមន្ត្រីកាតា និងមេដឹកនាំក្រុមហាម៉ាស ពិភាក្សាតាមទូរស័ព្ទអំពីការអនុវត្តបទឈប់បាញ់នៅតំបន់ហ្កាហ្សា
08/01/2026 04:08 PM
Facebook Telegram Linkin
កូរ៉េខាងជើងថា ផែនការផ្គត់ផ្គង់ប្រេងឥន្ធនៈរបស់ NATO បង្ហាញថា សម្ព័ន្ធយោធានេះកំពុងត្រៀមរៀបចំធ្វើ​សង្គ្រាម
08/01/2026 04:08 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.