BTV NEWS

អ៊ីរ៉ង់ ពង្រីកការឈោងចាប់ផ្នែកការទូត ហើយក៍រក្សាកម្លាំងទប់ដោយយោធាផងដែរ

អង្គការ OPECបូក អនុម័តការបង្កើនប្រេង១៨៨.០០០បារ៉ែលក្នុងមួយថ្ងៃ ចាប់ពីខែកញ្ញា

ក្រុមអាជ្ញាធរនិយាយថា មនុស្សប្រាំនាក់ស្លាប់ និង ៤១ នាក់បាត់ខ្លួន ក្រោយនាវាចម្លងបានឆាបឆេះនៅឥណ្ឌូនេស៊ី

អភិបាលក្រុងមូស្គូ៖ ការវាយប្រហារដោយគ្រាប់បែកកាលពីថ្ងៃសៅរ៍លើភោជនីយដ្ឋានជា «សកម្មភាពភេរវកម្ម»

ព័ត៌មានអន្តរជាតិ

ក្រុមជួយសង្រ្គោះស្វែងរកអ្នកជាប់ខ្លួនក្រោយប្លុកអគារផ្ទះល្វែងបាក់នៅទីក្រុងអាតែន ប្រទេសក្រិក

ក្រុមជួយសង្រ្គោះក្រិក កំពុងស្វែងរកមនុស្សជាប់ខ្លួន ក្រោយប្លុកអគារផ្ទះល្វែងកម្ពស់ ៤ជាន់ បាក់កាលពីថ្ងៃអង្គារនៅតំបន់ Petralona ស្ថិតក្នុងទីក្រុងអាតែន ។ក្រុមភ្នាក់ងារពន្លត់អគ្គិភ័យនិយាយថា មនុស្ស ៤នាក់ ដែលត្រូវបានគេរាយការណ៍ថាជាប់ខ្លួនក្រោមគំនរបាក់បែកអគារ ត្រូវបានជួយសង្រ្គោះ ប៉ុន្តែប្រតិបត្តិការនៅតែបន្តសម្រាប់អ្នកបាត់ខ្លួន ។ក្រុមជួយសង្រ្គោះជាមួយសុខនហិតក្លិន បានស្វែងរកតាមគំនរបាក់បែកអគារ ខណៈក្រុមការងារផ្សេងទៀត កំពុងប្រចាំការនៅទីនោះ ។គេនៅមិនទាន់ដឹងច្បាស់នោះទេថា តើហេតុអ្វីបានជាអគារផ្ទះល្វែងមួយខ្នងនេះ បាក់រលំ ខណៈដែលការងារសាងសង់ បានធ្វើឡើងនៅអគារក្បែរនោះ ៕

ទិន្នន័យអង្គការណាសាបង្ហាញថា អគារប្រហែល ៥៨.៨៧០ខ្នង រងការខូចខាតក្នុងការរញ្ជួយដីនៅវេណេស៊ុយអេឡា

រូបភាពរ៉ាដារបស់អង្គការណាសា ឃើញការខូចខាតដោយសារការរញ្ជួយដីកាលពីថ្ងៃទី ២៤ ខែមិថុនា កន្លងទៅនៅប្រទេសវេណេស៊ុយអេឡា ។តាមរយៈរូបភាព Sentinel-1របស់អង្គការណាសា ក្រុមអ្នកស្រាវជ្រាវ បានប៉ាន់ប្រមាណថាអគារប្រហែល ៥៨.៨៧០ខ្នង រងការខូចខាត ឬត្រូវបានបំផ្លិចបំផ្លាញ ក្នុងនោះផលប៉ះពាល់ធ្ងន់ធ្ងរជាងគេ ត្រូវបានរកឃើញនៅតាមច្រករបៀង និងតំបន់ឆ្នេរភាគកណ្តាលទីក្រុង Caracas ។ខណៈពេលនោះដែរ អង្គការសហប្រជាជាតិ (UN) បាននិយាយថា មនុស្សរាប់ម៉ឺននាក់ ត្រូវការអាហារ និងជម្រកជាបន្ទាន់ នៅក្នុងប្រទេសវេណេស៊ុយអេឡា បន្ទាប់ពីមាននូវរញ្ជួយដីដ៏អាក្រក់បំផុត ២លើក ដែលបានសម្លាប់មនុស្សជិត ២.០០០នាក់ ខណៈដែលគ្រូពេទ្យបានព្រមានអំពីការផ្ទុះឡើងនៃជំងឺ ដោយអ្នករស់រានមានជីវិតកំពុងនាំគ្នាសម្រាកនៅតាមដងផ្លូវ ។ គួរឲ្យដឹងថា ការរញ្ជួយដីកម្រិត ៧,២ និង ៧,៥រ៉ិចទ័រ កាលពីសប្តាហ៍មុន ដែលជាគ្រោះមហន្តរាយរញ្ជួយដីដ៏អាក្រក់បំផុតមួយ នៅអាមេរិកឡាទីន បានបណ្ដាលឲ្យអគារលំនៅឋានទាំងមូលបាក់ដួលរលំ ធ្វើឲ្យមនុស្សរាប់ម៉ឺននាក់បាត់ខ្លួន និងបានជំរុញឲ្យមានប្រតិបត្តិការស្វែងរក និងជួយសង្គ្រោះយ៉ាងប្រញាប់ប្រញាល់ សម្រាប់អ្នកនៅរស់រានមានជីវិតដែលជាប់នៅក្នុងគំនរបាក់បែក ។ ទីភ្នាក់ងារជនភៀសខ្លួនរបស់ UN និយាយថា កង្វះខាតអាហារកំពុងរាលដាល សេវាកម្មជាមូលដ្ឋានត្រូវបានផ្អាកដំណើរការ ហើយការតភ្ជាប់ត្រូវបានកាត់ផ្តាច់ជាចម្បង នៅក្នុងទីក្រុងកំពង់ផែ La Guaira ជាតំបន់ដែលរងគ្រោះខ្លាំងបំផុត នៅភាគខាងជើងនៃរដ្ឋធានី Caracas ៕

មនុស្ស ១២នាក់ស្លាប់ ក្រោយទឹកជំនន់វាយប្រហារតំបន់ជាច្រើនរបស់ហ្គាណា

ក្រុមអាជ្ញាធរនិយាយថា មនុស្សយ៉ាងហោច ១២នាក់ បានស្លាប់ និងមនុស្ស ៧នាក់ផ្សេងទៀត កំពុងបាត់ខ្លួន ក្រោយភ្លៀងធ្លាក់ខ្លាំងបង្កឲ្យមានទឹកជំនន់នៅតំបន់ជាច្រើនរបស់ប្រទេសហ្គាណា រួមទាំងនៅរដ្ឋធានី Accra ផងដែរ ។រដ្ឋមន្រ្តីក្រសួងមហាផ្ទៃហ្គាណាលោក Mohammed Mubarak Muntaka និយាយនៅក្នុងសភាថា មនុស្សជាង ៣៨.៨០០នាក់ បានរងផលប៉ះពាល់ដោយសារទឹកជំនន់ ក្នុងនោះមនុស្ស ៧.៧៦១គ្រួសារ ត្រូវបានបង្ខំចិត្តចាកចេញពីផ្ទះសម្បែងរបស់ពួកគេ ក្រោយទីក្រុងរបស់ពួកគេ រងការជន់លិចដោយសារភ្លៀងធ្លាក់ខ្លាំង ។លោកបន្តថា ទីក្រុង Accra រកឃើញទឹកភ្លៀងកម្ពស់ ១៦៩មីលីម៉ែត្រ ក្នុងរយៈពេល ១ថ្ងៃ ដែលជាកម្រិតខ្ពស់បំផុតទី ៤ នៅក្នុងប្រទេសមួយនេះ ចាប់តាំងពីឆ្នាំ ១៩៩៥រហូតមក ។ក្រុមអាជ្ញាធរនិយាយថា ប្រតិបត្តិការជួយសង្រ្គោះ កំពុងបន្តសម្រាប់មនុស្សបាត់ខ្លួន ខណៈការវាយតម្លៃផលខូចខាត បានធ្វើឡើង ៕

ក្មេងៗ ១៤នាក់ស្លាប់ ក្នុងហេតុកាណ៍បាក់ដំបូលមជ្ឈមណ្ឌលសិក្សានៅប៉ាគីស្ថាន

ក្រុមមន្រ្តីជួយសង្រ្គោះនិយាយថា ក្មេងៗ ១៤នាក់ បានស្លាប់ក្រោយដំបូលមជ្ឈមណ្ឌលសិក្សាមួយកន្លែង បានបាក់នៅទីក្រុងភាគខាងកើត Lahore ប្រទេសប៉ាគីស្ថាន ខណៈក្រុមអាជ្ញាធរបើកការស៊ើបអង្កេតពីលទ្ធភាពនៃការធ្វេសប្រហែស ។សេវាកម្មសង្រ្គោះបន្ទាន់ខេត្ត Punjab ក្រុមជួយសង្រ្គោះ បានរកឃើញក្មេងៗ និងអ្នកគ្រូបង្រៀន វ័យ ៣០ឆ្នាំម្នាក់ នៅក្រោមគំនរបាក់បែកអគារសាលាឯកជនមួយនេះ ។ក្មេងៗដែលបានស្លាប់ មានអាយុចន្លោះពី ៥ឆ្នាំ ដល់ ១៦ឆ្នាំ ក្នុងនោះភាគច្រើននៃពួកគេមានអាយុ ៩ឆ្នាំ ។រដ្ឋមន្រ្តីក្រសួងព័ត៌មានខេត្ត Punjab លោក Azma Bokhari និយាយថា សេចក្តីរាយការណ៍បឋមបង្ហាញថា មជ្ឈមណ្ឌលសិក្សានេះ ពុំបានចុះបញ្ជីនោះទេ ហើយនិងប្រតិបត្តិការនៅក្នុងអគារឯកជន ក្រោមដំបូលទ្រុឌទ្រោម ។ សូមបញ្ជាក់ថា មជ្ឈមណ្ឌលសិក្សាបែបនេះ នៅក្នុងប្រទេសប៉ាគីស្ថាន គ្មានអ្វីចម្លែកនោះទេ ជាទីដែលកុមារចូលរៀនគួរក្រៅម៉ោង ៕

លោក Trumpរាយការណ៍ប្រាក់ចំណូលជាង១,៤ពាន់លានដុល្លារពីការបណ្តាក់ទុនគ្រីបតូ

ប្រធានាធិបតីសហរដ្ឋអាមេរិកលោក Donald Trump បានរាយការណ៍ប្រាក់ចំណូល ១,៤ពាន់លានដុល្លារពីការបណ្តាក់ទុនគ្រីបតូគ្រួសាររបស់លោក ក្នុងឆ្នាំ ២០២៥ ។ឯកសារបង្ហាញថា លោក Trump រកបានប្រាក់ចំនួនភាគច្រើនពីទ្រព្យសកម្មឌីជីថលរបស់លោក ដែលទទួលបានអត្ថប្រយោជន៍ពីគោលនយោបាយរបស់លោកដែលគេមើលឃើញឧស្សាហកម្មមួយនេះ ចំណេញច្រើន ។ឯកសារបង្ហាញទៀតថា ក្រុមហ៊ុនរបស់លោកទទួលបានប្រាក់ជិត ៨០០លានដុល្លារពីគម្រោង World Liberty Financial គឺជាគម្រោងគ្រីបតូមួយដែលលោកបានសហបង្កើតជាមួយកូនប្រុសរបស់លោក ។ប្រាក់ចំណូលទាំងនេះ ត្រូវបានបែងចែកជាមួយសមាជិកគ្រួសារ រួមទាំងប្រាក់ចំណូលជាង ៥២០លានដុល្លារទទួលបានពីការលក់ និងប្រាក់ចំណូល ២៥០លានដុល្លារពីការលក់ផលប្រយោជន៍ធុរកិច្ច ។ លោករកបានប្រាក់ ៦៣៥លានដុល្លារផងដែរពីការលក់រូបិយប័ណ្ណគ្រីបតូ ៕

មេដឹកនាំបេឡារុសបំពេញទស្សនកិច្ចទៅកាន់ឥណ្ឌូនេស៊ី ជាផ្នែកមួយនៃដំណើរទស្សនកិច្ចនៅអាស៊ី

ប្រធានាធិបតីបេឡារុសលោក Alexander Lukashenko បានធ្វើដំណើរទៅដល់ប្រទេសឥណ្ឌូនេស៊ីនាថ្ងៃពុធនេះ ដែលជាផ្នែកមួយនៃដំណើរទស្សនកិច្ចរបស់លោកទៅកាន់តំបន់អាស៊ីខាងកើត និងតំបន់អាស៊ីអាគ្នេយ៍ ។ទីភ្នាក់ងារព័ត៌មាន Belta របស់បេឡារុសរាយការណ៍ថា លោក Lukashenko មាននូវជំនួបពិភាក្សាការងារជាមួយរដ្ឋមន្រ្តីវិនិយោគទុនឥណ្ឌូនេស៊ីលោក Rosan Perkasa Roeslani ។ ជំនួបជាមួយប្រធានាធិបតីឥណ្ឌូនេស៊ីលោក Prabowo Subianto ត្រូវបានកំណត់ធ្វើឡើងផងដែរ ។មុនពេលទៅដល់ប្រទេសឥណ្ឌូនេស៊ីលោក Lukashenko បានបំពេញទស្សនកិច្ចទៅកាន់ប្រទេសចិន ជាទីដែលលោកបានជួបជាមួយប្រធានាធិបតីចិនលោក Xi Jinping ។ឥណ្ឌូនេស៊ី គឺជាការឈប់សំចតលើកទី ២ អំឡុងដំណើរទស្សនកិច្ចរបស់លោក Lukashenko ទៅកាន់តំបន់អាស៊ី ដែលមានគោលដៅពង្រីកវិស័យពាណិជ្ជកម្ម ការវិនិយោគទុន និងទំនាក់ទំនងសេដ្ឋកិច្ចជាមួយប្រទេសនៅក្នុងតំបន់ ៕

ចិនអះអាងថា ប៉ារ៉ាហ្គាយគួរសម្រេចចិត្តស្របតាមផលប្រយោជន៍របស់ខ្លួន

ក្រសួងការបរទេសចិននិយាយនៅថ្ងៃពុធនេះថា ប៉ារ៉ាហ្គាយដែលមានទំនាក់ទំនងជាមួយកោះតៃវ៉ាន់ និងមិនមែនជាមួយចិន គួរតែធ្វើការសម្រេចចិត្តដែលស្របតាមអត្ថប្រយោជន៍ជាមូលដ្ឋាន និងយូរអង្វែងរបស់ខ្លួន ។ លោក Guo Jiakun គឺជាអ្នកនាំពាក្យរបស់ក្រសួងការបរទេសចិន និយាយនៅក្នុងសន្និសីទសារព័ត៌មានថា ប៉ារ៉ាហ្គាយគួរឈរខាងគាគីត្រូវប្រវត្តិសាស្រ្ត ។លោកបន្តថា ចិនបានបញ្ជាក់ម្តងហើយម្តងទៀតពីគោលជំហររបស់ខ្លួនលើបញ្ហាពាក់ព័ន្ធ ។ រដ្ឋាភិបាលប៉ារ៉ាហ្គាយ និងក្រុមមេដឹកនាំរបស់ពួកគេ គួរតែដើរតាមនិន្នាការប្រវត្តិសាស្រ្ត ហើយនិងបំណងប្រាថ្នាប្រជាពលរដ្ឋឈរខាងភាគីត្រូវរបស់ប្រវត្តិសាស្រ្ត ហើយនិងធ្វើការសម្រេចចិត្តដ៏ត្រឹមត្រូវមួយស្របតាមផលប្រយោជន៍របស់ពួកគេ ។ គួរឲ្យដឹងថា កាលពីថ្ងៃអង្គារម្សិលមិញ រដ្ឋមន្រ្តីការបរទេសប៉ារ៉ាហ្គាយលោក Ruben Ramirez និយាយថា ប៉ារ៉ាហ្គាយបើកទូលាយចំពោះការបង្កើតទំនាក់ទំនងពាណិជ្ជកម្មជាមួយចិន ក៏ដូចជាបន្តរក្សាទំនាក់ទំនងការទូតជាមួយកោះតៃវ៉ាន់គ្រប់គ្រងតាមបែបប្រជាធិបតេយ្យ ដែលចិនចាត់ទុកថាជាខេត្តផ្តាច់ខ្លួនរបស់ពួកគេ ៕

ក្រុមភ្នាក់ងារពន្លត់អគ្គិភ័យព្យាយាមពន្លត់ភ្លើងឆេះព្រៃនៅតំបន់ភាគកណ្តាល Aragon របស់អេស្ប៉ាញ

សារព័ត៌មានក្នុងស្រុករាយការណ៍ថា ភ្លើងឆេះព្រៃនៅតំបន់ភាគកណ្តាល Aragon របស់អេស្ប៉ាញបានឆាបឆេះដីព្រៃប្រហែល ២.២០០ហិចតា ។ ភ្លើងឆេះព្រៃនេះ បានកើតឡើងកាលពីថ្ងៃអង្គារ និងបន្តឆាបឆេះរហូតដល់ថ្ងៃពុធ ។ក្រុមអាជ្ញាធរនិយាយថា មុខកាត់នៃភ្លើងឆេះព្រៃ ពុំបានរីកធំនោះទេ ហើយភ្លើងឆេះព្រៃនេះដែរ បង្ខំឲ្យមានការបិទផ្លូវ A-1211 បើទោះបីជាពុំមានការបញ្ជាឲ្យជម្លៀសខ្លួនមនុស្សក៏ដោយ ។អង្គភាពសង្រ្គោះបន្ទាន់យោធាអេស្ប៉ាញ និយាយថា ពួកគេបានដាក់ពង្រាយក្រុមមន្រ្តីជាង ១០០នាក់ និងរថយន្តពន្លត់អគ្គិភ័យប្រហែល ៤០គ្រឿង ដើម្បីគាំទ្រកិច្ចខិតខំពន្លត់ភ្លើងឆេះព្រៃ ៕

គ្រោះថ្នាក់រថយន្តក្រុងនៅតំបន់ភាគឦសានប្រទេសអេស្ប៉ាញបណ្តាលឲ្យមនុស្ស៤៤នាក់រងរបួស

សេវាកម្មសង្រ្គោះបន្ទាន់តំបន់ Cataloniaនិយាយថា រថយន្តក្រុងរដ្ឋ បានបុកអគារក្រុមប្រឹក្សាខេត្ត Lleida ស្ថិតនៅតំបន់ភាគឦសានប្រទេសអេស្ប៉ាញនាថ្ងៃពុធនេះបណ្តាលឲ្យមនុស្សយ៉ាងហោច ៤៤នាក់ រងរបួស ។ក្រមមន្រ្តីសង្រ្គោះបន្ទាន់និយាយថា មនុស្ស៤នាក់ ស្ថិតក្នុងស្ថានភាពធ្ងន់ធ្ងរ ក្នុងនោះមនុស្ស ៩នាក់ បានរងរបួសធ្ងន់ធ្ងរ ប៉ុន្តែមិនគំរាមកំហែងដល់អាយុជីវិតនោះទេហើយមនុស្ស ៣១នាក់ផ្សេងទៀត រងរបួសស្រាល ។ក្រុមជួយសង្រ្គោះ និងរថយន្តគិលានសង្រ្គោះត្រូវបានបញ្ជូនទៅកាន់កន្លែងកើតហេតុហើយពុំមានសេចក្តីរាយការណ៍ពីមនុស្សគ្រោះថ្នាក់ដល់អាយុជីវិតនោះទេ ។រថយន្តករុងមួយគ្រឿងនេះ បានចាកចេញពីចំណតនៅខេត្ត Lleida ហើយនិងធ្វើដំណើរទៅកាន់ទីក្រុង La Granja d'Escarp ពេលដែលគ្រោះថ្នាក់ បានកើតឡើង ៕

អ៊ីរ៉ង់ព្រមានឆ្លើយតបការគំរាមកំហែង និងបញ្ជាក់ពីការប្តេជ្ញាចិត្តរបស់អាមេរិក ក្នុងការទប់ស្កាត់អ៊ីស្រាអែល

តាមរយៈការបង្ហោះលើបណ្ដាញសង្គម X នៅថ្ងៃពុធ (ទី១ ខែកក្កដា ឆ្នាំ២០២៦) នេះ រដ្ឋមន្ត្រីការបរទេសអ៊ីរ៉ង់ លោក Abbas Araqchi បានបញ្ជាក់ថា ប្រទេសអ៊ីរ៉ង់នឹងផ្តល់ការឆ្លើយតបភ្លាមៗ និងខ្លាំងក្លា ចំពោះការគំរាមកំហែងណាមួយ ប្រឆាំងនឹងប្រជាជន ឬថ្នាក់ដឹកនាំរបស់ខ្លួន។ជាមួយគ្នានេះ លោក Araqchi បានឱ្យដឹងទៀតថា៖ «ប្រធានាធិបតីអាមេរិក បានប្តេជ្ញាចិត្តថា សហរដ្ឋអាមេរិក នឹងទប់ស្កាត់វិធានការរបស់ទីក្រុង Tel Aviv។ ប្រសិនបើពួកគេមិនអើពើនឹងសម្ព័ន្ធមិត្តរបស់ពួកគេទេ អ៊ីរ៉ង់នឹងផ្ដល់មេរៀនដល់ពួកគេ»។ប្រភពមួយដែលដឹងដោយផ្ទាល់ អំពីកិច្ចពិភាក្សា និងមន្ត្រីអ៊ីរ៉ង់មួយរូប បាននិយាយថា សហរដ្ឋអាមេរិក និងអ៊ីរ៉ង់បានធ្វើកិច្ចពិភាក្សាបច្ចេកទេស នៅទីក្រុងដូហា ប្រទេសកាតា នៅថ្ងៃពុធនេះ ខណៈដែលភាគីទាំង២ កំពុងស្វែងរកការព្រមព្រៀងគ្នា ស្ដីពីលំហូរនៃការដឹកជញ្ជូនឆ្លងកាត់ច្រកសមុទ្រ Hormuz និងការធានាបាននូវបទឈប់បាញ់យូរអង្វែង។ចំណែកការបង្ហោះលើបណ្ដាញសង្គម X របស់លោក Araqchi ត្រូវបានភ្ជាប់ទៅនឹងមតិយោបល់ដែលធ្វើឡើងដោយរដ្ឋមន្ត្រីក្រសួងការពារជាតិអ៊ីស្រាអែល លោក Israel Katz ដែលបានលើកឡើងថា មេដឹកនាំកំពូលរបស់អ៊ីរ៉ង់ លោក Mojtaba Khamenei ត្រូវបាន «កំណត់គោលដៅធ្វើឃាត»៕

បណ្ដាញសង្គម

ព័ត៌មានថ្មីៗ

ឯកឧត្តមឧបនាយករដ្ឋមន្ត្រី ស៊ុន ចាន់ថុល បន្តជាប់ជាប្រធានសហព័ន្ធកីឡាក្នុងទឹកកម្ពុជាអាណត្តិទី៨ ឆ្នាំ២០២៥-២០២៩

អ៊ីរ៉ង់ ពង្រីកការឈោងចាប់ផ្នែកការទូត ហើយក៍រក្សាកម្លាំងទប់ដោយយោធាផងដែរ

កម្ពុជាធ្វើជាម្ចាស់ផ្ទះកិច្ចប្រជុំកិច្ចសហប្រតិបត្ដិការអាស៊ានស្ដីពីមុខងារសាធារណៈលើកទី២៣ និងកិច្ចប្រជុំពាក់ព័ន្ធ

យុទ្ធគុនចម្រុះកម្ពុជាឈ្នះមេដាយកម្រិតទ្វីប ៣គ្រឿង ខណៈមន្ដ្រីសហព័ន្ធទទូចឲ្យមានការគាំទ្របន្ថែម

ការវាយប្រហារដាក់គ្នារវាងរុស្ស៊ី និងអ៊ុយក្រែន បានសម្លាប់មនុស្ស ១៤ នាក់ក្នុងប្រទេសទាំងពីរ

លោកTrump៖ ការចរចាជាមួយអ៊ីរ៉ង់នឹងធ្វើឡើងនៅថ្ងៃចន្ទនេះ ប៉ុន្តែពុំកំណត់ថ្ងៃកាលបរិច្ឆេទសម្រាប់កិច្ចព្រមព្រៀង

មនុស្សច្រើននាក់ត្រូវបានសម្លាប់នៅហ្កាហ្សា ខណៈអ៊ីស្រាអែលថាគ្មានកិច្ចព្រមព្រៀងបញ្ឈប់ការវាយប្រហារទេ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877