BTV NEWS

ប្រជាជនអ៊ុយក្រែនប្រមូលផ្តុំគ្នាគាំទ្ររដ្ឋមន្ត្រីការពារជាតិដែលត្រូវបានបណ្តេញចេញ

សកម្មភាពដែនសមុទ្រនៅតែច្របូកច្របល់ទូទាំងច្រកដឹកជញ្ជូនប្រេងសំខាន់ៗតំបន់មជ្ឈិមបូព៌ា

រដ្ឋមន្ត្រីការបរទេសអ៊ីរ៉ង់ ស្វាគមន៍ជំហររបស់ទីក្រុងមូស្គូប្រឆាំងការឈ្លានពានរបស់អាមេរិក និងអ៊ីស្រាអែល

លោក Trump និយាយថា អ៊ីរ៉ង់នៅតែប្រកាប់ជំហរតឹងខ្លាំងក្នុងកិច្ចចរចា

ព័ត៌មានអន្តរជាតិ

ប្រជាជនអាហ្វហ្គានីស្ថាន កំពុងស្វែងរកមនុស្សរាប់សិបនាក់ដែលបាត់ខ្លួន បន្ទាប់ពីទឹកជំនន់ដ៏បំផ្លិចបំផ្លាញ

ក្រុមអ្នកជួយសង្គ្រោះ កំពុងជួបការលំបាកក្នុងការទៅដល់ប្រជាពលរដ្ឋដែលជាប់ខ្លួននៅក្រោមភក់ និងដុំថ្មធំៗ នៅភាគខាងកើតប្រទេសអាហ្វហ្គានីស្ថាន នាថ្ងៃអង្គារនេះ បន្ទាប់ពីទឹកជំនន់ដ៏ធំមួយ បានហូរបំផ្លាញឆ្លងកាត់ខេត្តមួយ ដោយបានបណ្តាលឲ្យមនុស្សយ៉ាងហោចណាស់ ២៣នាក់ ស្លាប់។ទីភ្នាក់ងារគ្រោះមហន្តរាយជាតិ និងការិយាល័យអភិបាលខេត្ត បាននិយាយថា មនុស្សប្រហែល ១០០ នាក់ បានបាត់ខ្លួន ហើយក៏បានធ្វើបច្ចុប្បន្នភាពចំនួនអ្នកស្លាប់ ដោយសារទឹកជំនន់កាលពីថ្ងៃចន្ទផងដែរ។អ្នកកាសែត AFP ម្នាក់ បានឃើញមនុស្សរាប់សិបនាក់បានប្រមូលផ្តុំគ្នានៅក្នុងទីក្រុង Parun ដែលជារដ្ឋធានីនៃខេត្ត Nuristan ដោយប្រើប្រាស់ដំបងឈើ និងដៃទទេរបស់ពួកគេ ដើម្បីស្វែងរកអ្នកបាត់ខ្លួន។ លោក Farid Gul Zaheer ជាឱសថការីអាយុ ៣៤ ឆ្នាំ បាននិយាយថា លោកមិនដែលបានឃើញទឹកជំនន់ដ៏គ្រោះថ្នាក់បែបនេះទេ»៕

ហ្វីលីពីន និងចិន កោះអញ្ជើញបេសកជនទៅវិញទៅមក ជុំវិញឧប្បត្តិហេតុ នៅសមុទ្រចិនខាងត្បូង

ការិយាល័យរបស់ប្រធានាធិបតីហ្វីលីពីន បានឱ្យដឹងនៅថ្ងៃអង្គារ (ទី២១ ខែកក្កដា ឆ្នាំ២០២៦) នេះថា លោក Ferdinand Marcos Jr នឹងកោះអញ្ជើញឯកអគ្គរដ្ឋទូតចិន ប្រចាំនៅទីក្រុងម៉ានីល ពោលគឺប៉ុន្មានម៉ោងបន្ទាប់ពីបេសកជនរបស់ទីក្រុងម៉ានីល ប្រចាំនៅទីក្រុងប៉េកាំង ត្រូវបានកោះអញ្ជើញស្រដៀងគ្នានេះដែរ ក្រោយមានការចោទប្រកាន់ដោយភាគីទាំង២ ដែលថា បានញុះញង់បង្កជាភាពតានតឹង នៅឯតំបន់មានជម្លោះ ក្នុងសមុទ្រចិនខាងត្បូង។អ្នកនាំពាក្យប្រធានាធិបតី លោកស្រី Claire Castro បានបញ្ជាក់ទៅកាន់អ្នកសារព័ត៌មានថា លោក Marcos បានកោះអញ្ជើញឯកអគ្គរដ្ឋទូតចិន លោក Jing Quan នៅម៉ោង ៥ល្ងាច (ម៉ោងក្នុងស្រុក) នាថ្ងៃអង្គារនេះ។ នៅព្រឹកថ្ងៃនេះដែរ ក្រសួងការបរទេសចិន បានបញ្ជាក់ថា ខ្លួនបានកោះអញ្ជើញតំណាងទូតរបស់ទីក្រុងម៉ានីល ប្រចាំនៅប្រទេសចិន។គួរបញ្ជាក់ថា ការកោះអញ្ជើញឯកអគ្គរដ្ឋទូតនេះ បានកើតឡើងក្រោយមួយថ្ងៃបន្ទាប់ពីហ្វីលីពីន និងចិន បានចោទប្រកាន់គ្នាទៅវិញទៅមក អំពីហេតុការណ៍ប៉ះទង្គិចគ្នា នៅតំបន់ថ្មប៉ប្រះទឹក Second Thomas Shoal ក្នុងសមុទ្រចិនខាងត្បូង។ មន្ត្រីហ្វីលីពីនបានឱ្យដឹងថា បុគ្គលិកកងទ័ពជើងទឹកម្នាក់របស់ខ្លួន ត្រូវបានវាយចំក្បាល ប៉ុន្តែទីក្រុងប៉េកាំង បានប្រាប់ថា ទីក្រុងម៉ានីលបានបង្កឱ្យមានឧប្បត្តិហេតុនេះ។ឆ្មាំល្បាតឆ្នេររបស់ចិន (CCG) បានឱ្យដឹងកាលពីថ្ងៃចន្ទថា ទូកពោង ២គ្រឿង ដែលបញ្ជូនដោយនាវា BRP Sierra Madre របស់ហ្វីលីពីន បានបុកទូកល្បាតចិន ១គ្រឿង នៅសមុទ្រចិនខាងត្បូង ហើយបុគ្គលិកហ្វីលីពីនបានចាប់ផ្ដើម «ការវាយប្រហារ» លើមន្ត្រីអនុវត្តច្បាប់ចិន ដោយប្រើច្រវាទូក និងដំបងវែង។ការកោះអញ្ជើញការទូតបែបនេះ កម្រកើតឡើងណាស់ ទោះបីជាមានភាពតានតឹងជាញឹកញាប់ រវាងចិន និងហ្វីលីពីន នៅសមុទ្រចិនខាងត្បូងក៏ដោយ៕

ឥណ្ឌាកោះអញ្ជើញប្រេសិតរុស្ស៊ី ដើម្បីថ្កោលទោសការវាយប្រហារនាវាបណ្ដាលឱ្យមនុស្សស្លាប់ នៅអ៊ុយក្រែន

ប្រទេសឥណ្ឌាបានកោះអញ្ជើញប្រេសិតជនខ្ពស់របស់រុស្ស៊ី ប្រចាំនៅទីក្រុងញូវដេលី (New Delhi) នៅថ្ងៃអង្គារ (ទី២១ ខែកក្កដា ឆ្នាំ២០២៦) នេះ ដើម្បីតវ៉ាប្រឆាំងនឹងការវាយប្រហារលើនាវាដឹកទំនិញមួយគ្រឿងដែលចាកចេញពីកំពង់ផែ Odesa របស់អ៊ុយក្រែន ជាហេតុការណ៍ដែលបានសម្លាប់ជនជាតិឥណ្ឌា ៤នាក់។ក្រសួងការបរទេសឥណ្ឌាបានឱ្យដឹងថា ខ្លួនបានកោះអញ្ជើញភារធារីរុស្ស៊ី លោក Vladimir Ladanov ដើម្បីបង្ហាញពី «ក្ដីបារម្ភយ៉ាងខ្លាំងក្លា និង «ថ្កោលទោសយ៉ាងដាច់អហង្ការ» ចំពោះការវាយប្រហារលើនាវាពាណិជ្ជកម្ម MV Golden Leo កាលពីថ្ងៃអាទិត្យចុងសប្ដាហ៍កន្លងមក។ក្រសួងបានបញ្ជាក់ថា នាវានេះមានជនជាតិឥណ្ឌា ៥នាក់ ជិះនៅលើនោះ ដែលក្នុងនោះ ៤នាក់ត្រូវបានសម្លាប់។ ក្រសួងបានឱ្យដឹងនៅក្នុងសេចក្តីថ្លែងការណ៍ថា៖ «ការវាយប្រហារបែបនេះធ្វើឱ្យប៉ះពាល់ដល់សុវត្ថិភាព សន្តិសុខ និងស្ថិរភាពនៃពាណិជ្ជកម្មតាមសមុទ្រអន្តរជាតិ"។សេចក្ដីថ្លៃងការណ៍បានបន្ថែមថា ប្រេសិតរុស្ស៊ីក៏ត្រូវបានស្នើសុំឱ្យប្រាប់ទៅទីក្រុងមូស្គូថា «ការកំណត់គោលដៅលើការដឹកជញ្ជូនពាណិជ្ជកម្ម និងការធ្វើឱ្យបាត់បង់អាយុជីវិតជនស៊ីវិលស្លូតត្រង់ គឺជារឿងមិនអាចទទួលយកបានឡើយ ហើយត្រូវតែជៀសវាង»។កងទ័ពជើងទឹកអ៊ុយក្រែនបានឱ្យដឹងកាលពីថ្ងៃអាទិត្យថា ការវាយប្រហារដោយមីស៊ីលរបស់រុស្ស៊ី បានត្រូវចំនាវា Golden Leo។ នាវាដឹកទំនិញនេះដែលមានទង់ជាតិហ្គីណេប៊ីស្សូគ្រប់គ្រងដោយប្រទេសទួរគី កំពុងដឹកគ្រាប់ធញ្ញជាតិ៕

IRGC៖ អ៊ីរ៉ង់វាយប្រហារមជ្ឈមណ្ឌលទិន្នន័យ Amazon នៅបារ៉ែន ជាការឆ្លើយតបនឹងការវាយប្រហាររោងចក្រនុយក្លេអ៊ែរ

កងឆ្មាំបដិវត្តន៍អ៊ិស្លាមអ៊ីរ៉ង់ (IRGC) បាននិយាយនៅក្នុងសេចក្តីថ្លែងការណ៍មួយថា ទីក្រុងតេអេរ៉ង់ បានវាយប្រហារមជ្ឈមណ្ឌលទិន្នន័យរបស់ក្រុមហ៊ុនអាមេរិក Amazon នៅប្រទេសបារ៉ែន ដើម្បីឆ្លើយតបនឹងការវាយប្រហាររបស់សហរដ្ឋអាមេរិកលើរោងចក្រថាមពលនុយក្លេអ៊ែរ Darkhovin របស់សាធារណរដ្ឋនេះ។សេចក្តីថ្លែងការណ៍នេះបានបញ្ជាក់ថា៖«ជាការឆ្លើយតបទៅនឹងការវាយប្រហារកាលពីថ្ងៃចន្ទ ដោយកងទ័ពអាមេរិកទៅលើទីតាំង និងហេដ្ឋារចនាសម្ព័ន្ធស៊ីវិលដែលកំពុងសាងសង់នៅក្នុងទីក្រុង Darkhovin យើងបានធ្វើការវាយប្រហារលើហេដ្ឋារចនាសម្ព័ន្ធនៃមជ្ឈមណ្ឌលទិន្នន័យរបស់ក្រុមហ៊ុនអាមេរិក Amazon នៅក្នុងប្រទេសបារ៉ែន ដោយប្រើមីស៊ីលតម្រង់គោលដៅជាច្រើនគ្រាប់ ហើយបានបំផ្លាញវា»។ នៅថ្ងៃទី១៩ ខែកក្កដា អង្គការថាមពលបរមាណូអ៊ីរ៉ង់ (AEOI) បាននិយាយថា រោងចក្រនុយក្លេអ៊ែរ Darkhovin ដែលកំពុងសាងសង់នៅភាគនិរតីអ៊ីរ៉ង់ បានរងការវាយប្រហារពីកងកម្លាំងអាមេរិក៕

មន្ត្រី៖ កងទ័ពលីបង់ដាក់ពង្រាយ នៅទីក្រុងភាគខាងត្បូង ក្រោយការដកទ័ពរបស់អ៊ីស្រាអែល

មន្ត្រីសន្តិសុខជាន់ខ្ពស់លីបង់ បានឱ្យដឹងថា កងទ័ពលីបង់ បានចាប់ផ្តើមដាក់ពង្រាយ ក្នុងទីក្រុង Zawtar al-Gharbiyeh នៅភាគខាងត្បូងនៃប្រតេសលីបង់ នាថ្ងៃអង្គារ (ទី២១ ខែកក្កដា ឆ្នាំ២០២៦) នេះ បន្ទាប់ពីកងកម្លាំងអ៊ីស្រាអែលបានដកចេញពីតំបន់នោះ ស្របតាមផែនការដែលសម្របសម្រួលដោយសហរដ្ឋអាមេរិក។ផែនការនេះបានមើលឃើញការរឹបអូសអាវុធពីក្រុមហេសបូឡា ដែលមានសម្ព័ន្ធមិត្តជាមួយអ៊ីរ៉ង់ នៅផ្នែកខ្លះនៃភាគខាងត្បូងលីបង់ និងការដកចេញជាដំណាក់កាលនៃកងទ័ពអ៊ីស្រាអែល។ យោធាអ៊ីស្រាអែលបានបញ្ជាក់កាលពីថ្ងៃចន្ទថា ផែនការនេះ ដែលមានឈ្មោះថា កម្មវិធីតំបន់សាកល្បង បានចាប់ផ្តើមហើយ តែមិនមានការអត្ថាធិប្បាយភ្លាមៗឡើយ នៅថ្ងៃអង្គារនេះ។ការប្រគល់ទឹកដីនៅថ្ងៃអង្គារនេះ គឺជាការសាកល្បងលើកដំបូងនៃផែនការនេះ ដែលលីបង់សង្ឃឹមថា នឹងអាចឱ្យខ្លួនស្ដារការគ្រប់គ្រង លើផ្នែកនៃតំបន់ដ៏តូចចង្អៀត ដែលមានចម្ងាយចូលជ្រៅប្រហែល ១០គីឡូម៉ែត្រ ទៅក្នុងប្រទេសដែលនៅតែកាន់កាប់ដោយកងទ័ពអ៊ីស្រាអែល។ភូមិរាប់សិបត្រូវបានបំផ្លាញនៅក្នុងតំបន់នោះ ហើយហេដ្ឋារចនាសម្ព័ន្ធសាធារណៈ ត្រូវបានបំផ្លាញ ក្នុងនោះរួមមានទាំងមន្ទីរពេទ្យ ស្ថានីយថាមពល និងម៉ាស៊ីនបូមទឹក។ ប្រជាជនលីបង់រាប់ម៉ឺននាក់ដែលហៅតំបន់នេះថា ជាផ្ទះជ្រកកោនរបស់ខ្លួនមិនអាចត្រឡប់ទៅវិញបានឡើយ។កងទ័ពលីបង់បានឱ្យដឹងថា អង្គភាពរបស់ខ្លួន បានចាប់ផ្តើមដាក់ពង្រាយនៅទីក្រុង Zawtar al-Gharbiyeh ក្នុងតំបន់ Nabatieh នាថ្ងៃអង្គារនេះ។ កងទ័ពបានបន្តការអំពាវនាវដល់អ្នកស្រុកកុំឱ្យចូលទៅក្នុងទីក្រុង រហូតដល់ស្ថានភាពសន្តិសុខមានស្ថិរភាព និងធ្វើតាមការណែនាំពីអង្គភាពយោធាដែលត្រូវដាក់ពង្រាយ ដើម្បីសុវត្ថិភាពផ្ទាល់ខ្លួន៕

ក្រុមគ្រូពេទ្យនិយាយថា ការវាយប្រហារតាមអាកាសរបស់អ៊ីស្រាអែល បានសម្លាប់សមាជិកគ្រួសារ ៦ នាក់ នៅហ្កាហ្សា

មន្ត្រីសុខាភិបាលបាននិយាយថា ការវាយប្រហារតាមអាកាសរបស់អ៊ីស្រាអែលនៅថ្ងៃអង្គារនេះ បានសម្លាប់ឪពុកម្នាក់ ភរិយារបស់ខ្លួន និងកូនទាំង ៤នាក់របស់ពួកគេ នៅទីក្រុងហ្កាហ្សា ខណៈដែលវាបានបង្កឲ្យផ្ទះរបស់ពួកគេឆេះផងដែរ។ក្រុមគ្រូពេទ្យបាននិយាយថា ការវាយប្រហាររបស់អ៊ីស្រាអែលទៅលើផ្ទះគ្រួសារមួយ នៅតំបន់ Sabra បានសម្លាប់បុរសឈ្មោះ Firas Al-Masri ភរិយារបស់ខ្លួន ឈ្មោះ Salsabeel និងកូនស្រីបីនាក់ ព្រមទាំងកូនប្រុសម្នាក់របស់ពួកគេ។យោធាអ៊ីស្រាអែលបានបញ្ជាក់ថា ខ្លួនបានធ្វើការវាយប្រហារនោះ ដោយនិយាយថា គោលដៅរបស់ខ្លួន គឺជាសមាជិកប្រដាប់អាវុធរបស់ក្រុមហាម៉ាស ហើយថា ខ្លួនកំពុងបន្តស៊ើបអង្កេតលទ្ធផលនៃការវាយប្រហារនេះនៅឡើយ។ក្នុងការវាយប្រហារដាច់ដោយឡែកៗគ្នា ចាប់តាំងពីថ្ងៃសុក្រ យោធាអ៊ីស្រាអែល បាននិយាយថា ខ្លួនបានសម្លាប់សមាជិកប្រដាប់អាវុធបីនាក់មកពីក្រុមហាម៉ាស និងក្រុមជីហាដអ៊ីស្លាម ដែលក្នុងចំណោមនោះ ពីរនាក់បានចូលរួមក្នុងការវាយប្រហារលើអ៊ីស្រាអែលកាលពីថ្ងៃទី 0៧ ខែតុលា ឆ្នាំ២០២៣ ហើយបានឃុំខ្លួន ចំណាប់ខ្មាំងអ៊ីស្រាអែល ដែលត្រូវបានចាប់ក្នុងការវាយប្រហារនោះ៕

អង្គការ MSF អំពាវនាវឲ្យអ៊ីស្រាអែលដោះលែងបុគ្គលិកសុខាភិបាលប៉ាឡេស្ទីនដែលកំពុងត្រូវបានឃុំខ្លួន

អង្គការគ្រូពេទ្យគ្មានព្រំដែន (MSF)កាលពីថ្ងៃចន្ទបានអំពាវនាវឲ្យមានការដោះលែងជាបន្ទាន់នូវបុគ្គលិកសុខាភិបាលប៉ាឡេស្ទីនទាំងអស់ ដែលត្រូវបានអ៊ីស្រាអែលឃុំខ្លួនដោយបំពាន»។អង្គការ MSF បាននិយាយនៅក្នុងសេចក្តីថ្លែងការណ៍មួយថា៖«ខ្លួនមានការខឹងសម្បាយ៉ាងខ្លាំងចំពោះការប្រព្រឹត្តចំពោះបុគ្គលិកសុខាភិបាល ដែលភាគច្រើននៃពួកគេកំពុងត្រូវបានឃុំខ្លួន ក្នុងស្ថានភាពលំបាកខ្លាំង ដោយគ្មានមូលហេតុ ឬហេតុផលសមស្រប»។អង្គការសប្បុរសធម៌ផ្នែកវេជ្ជសាស្ត្រនេះ បានចូលរួមជាមួយការអំពាវនាវឲ្យដោះលែងលោក Hussam Abu Safiya ដែលជាវេជ្ជបណ្ឌិតឯកទេសកុមារ និងជានាយកមន្ទីរពេទ្យ Kamal Adwan Hospital នៅតំបន់ហ្កាហ្សា ដែលត្រូវបានឃុំខ្លួនចាប់តាំងពីខែធ្នូ ឆ្នាំ ២០២៤។អង្គការ MSF ដែលមានមូលដ្ឋាននៅទីក្រុងហ្សឺណែវ បាននិយាយថា៖«ការឃុំខ្លួនលោកនេះ គឺស្របតាមលំនាំដ៏គួរឲ្យរន្ធត់មួយ ដែលអាជ្ញាធរអ៊ីស្រាអែលបានឃុំខ្លួន និងកំណត់គោលដៅលើបុគ្គលិកវេជ្ជសាស្ត្រនៅទូទាំងប៉ាឡេស្ទីន»៕

ទីភ្នាក់ងារ៖ ច្រកសមុទ្រហ័រមូស នឹងត្រូវបន្តបិទ រហូតដល់អាមេរិកបញ្ឈប់ការវាយប្រហារលើអ៊ីរ៉ង់

ទីក្រុងតេអេរ៉ង់ នឹងមិនបើកច្រកសមុទ្រហ័រមូសឡើងវិញសម្រាប់ការដឹកជញ្ជូន ឬចេញលិខិតអនុញ្ញាតសម្រាប់ការឆ្លងកាត់នាវាទេ ដរាបណាសហរដ្ឋអាមេរិកបន្តវាយប្រហារប្រឆាំងនឹងអ៊ីរ៉ង់។ នេះបើយោងតាមរបាយការណ៍របស់ទីភ្នាក់ងារសារព័ត៌មាន Fars ដែលបានស្រង់ប្រភពមួយ។ប្រភពបានចង្អុលបង្ហាញថា៖«ស្ថានភាពនៅក្នុងច្រកសមុទ្រហ័រមូស នឹងមិនផ្លាស់ប្តូរទេ រហូតដល់សហរដ្ឋអាមេរិកបញ្ឈប់សកម្មភាពអរិភាពរបស់ខ្លួន»។ការកើនឡើងភាពតានតឹងថ្មីៗរវាងសហរដ្ឋអាមេរិក និងអ៊ីរ៉ង់ បានចាប់ផ្តើមនៅថ្ងៃទី ០៨ ខែកក្កដា នៅពេលដែលសហរដ្ឋអាមេរិកបានធ្វើការវាយប្រហារលើអ៊ីរ៉ង់ជាលើកដំបូង ចាប់តាំងពីទីក្រុងវ៉ាស៊ីនតោន និងទីក្រុងតេអេរ៉ង់ បានចុះហត្ថលេខាលើអនុស្សរណៈនៃការយោគយល់(MoU)។ សហរដ្ឋអាមេរិកបានអះអាងថា ការវាយប្រហារនេះ គឺជាការសងសឹកចំពោះការវាយប្រហារលើនាវាពាណិជ្ជកម្មមួយនៅក្នុងច្រកសមុទ្រហ័រមូស។ ប្រធានាធិបតីសហរដ្ឋអាមេរិក លោក ដូណាល់ ត្រាំ បានប្រកាសនៅថ្ងៃដដែលនោះថា បទឈប់បាញ់ជាមួយអ៊ីរ៉ង់ បានបញ្ចប់។ ទីក្រុងតេអេរ៉ង់បានឆ្លើយតប ដោយកំណត់គោលដៅលើមូលដ្ឋានយោធារបស់សហរដ្ឋអាមេរិកនៅទូទាំងមជ្ឈិមបូព៌ា រួមទាំងនៅបារ៉ែន កូវ៉ែត អេមីរ៉ាតអារ៉ាប់រួម កាតា និងហ្ស៊កដានី៕

ក្រុមយុវជនឥណ្ឌា៖ ការតវ៉ានឹងបន្ត បន្ទាប់ពីការប៉ះទង្គិចគ្នា នៅក្រុងដេលី ធ្វើឱ្យមនុស្ស ១៨០នាក់របួស

ចលនាតវ៉ា «Cockroach» (សត្វកន្លាត) ដែលដឹកនាំដោយយុវជនឥណ្ឌា បានឱ្យដឹងថា ខ្លួននឹងបន្តការតវ៉ាតទៅទៀត ដើម្បីទាមទារឱ្យរដ្ឋមន្ត្រីអប់រំលាលែងពីតំណែង នៅថ្ងៃអង្គារ (ទី២១ ខែកក្កដា ឆ្នាំ២០២៦) នេះ ពោលគឺមួយថ្ងៃបន្ទាប់ពីការតវ៉ាដោយហិង្សា បានរំខានដល់តំបន់កណ្តាលទីក្រុងដេលី (Delhi) ដោយធ្វើឱ្យក្រុមបាតុករ និងបុគ្គលិកនគរបាលជាច្រើននាក់រងរបួស។ក្រុមបាតុកររាប់ពាន់នាក់មកពីទីក្រុងដេលី និងទីក្រុងក្បែរនោះ ព្រមទាំងពីទីប្រជុំជនផ្សេងៗ បានប្រមូលផ្តុំគ្នា ដើម្បីដង្ហែក្បួនទៅកាន់សភា កាលពីថ្ងៃចន្ទ ដោយបានចូលរួមក្នុងចលនាមួយ ដែលដំបូងឡើយបានចាប់ផ្តើមចេញពីការចំអកឌឺដងតាមប្រព័ន្ធអ៊ីនធឺណិត ប៉ុន្តែបានប្រែជាក្លាយទៅជាបញ្ហាប្រឈមដ៏ធំបំផុតសម្រាប់នាយករដ្ឋមន្ត្រី លោក Narendra Modi នៅក្នុងអាណត្តិទី៣ របស់លោក។ចលនាតវ៉ាដែលមានអាយុកាលជាច្រើនខែមកហើយរបស់ក្រុមដែលប្រសិទ្ធនាមខ្លួនឯងថា គណបក្ស Cockroach Janta Party បានទាក់ទាញការគាំទ្រពីយុវជនជំនាន់ក្រោយ (Gen Z) នៅក្នុងប្រទេសឥណ្ឌារាប់លាននាក់ ដែលកំពុងទាមទារឱ្យរដ្ឋមន្ត្រីក្រសួងអប់រំ លោក Dharmendra Pradhan លាលែងពីតំណែង ពាក់ព័ន្ធនឹងករណីធ្លាយវិញ្ញាសាប្រឡង ដែលបានប៉ះពាល់ដល់សិស្សជាង ២លាននាក់ កាលពីខែឧសភា។មនុស្សជិត ១៨០នាក់ បានរងរបួស និងត្រូវបានបញ្ជូនទៅមន្ទីរពេទ្យរដ្ឋក្បែរៗនោះ កាលពីថ្ងៃចន្ទ ដោយភាគច្រើន បានចេញពីមន្ទីរពេទ្យហើយ បន្ទាប់ពីត្រូវបានសង្គ្រោះបឋម ក្រោយមានការប៉ះទង្គិចគ្នា រវាងក្រុមបាតុករ និងបុគ្គលិកសន្តិសុខ ដែលនៅពេលនោះនគរបាលបានប្រើដំបងវាយ និងឧស្ម័នបង្ហូរទឹកភ្នែក។នៅព្រឹកថ្ងៃអង្គារនេះ អ្នកតវ៉ាប្រហែល ១៥០-២០០នាក់ បានប្រមូលផ្តុំគ្នា នៅកន្លែងតវ៉ា Jantar Mantar កណ្ដាលទីក្រុងដេលី ដោយនាំគ្នាស្រែកពាក្យស្លោក នៅក្រោមតំណក់ភ្លៀងរលឹមស្រិចៗ។ សន្តិសុខនៅតែត្រូវបានរឹតបន្តឹង ដោយមានបុគ្គលិកប៉ារ៉ាល្បាតផ្នែកខ្លះនៃកណ្តាលក្រុងដេលី និងរបាំងដែលធ្វើឲ្យចរាចរណ៍យឺតយ៉ាវ៕

ការខាតបង់សេដ្ឋកិច្ចដោយសារទឹកជំនន់ និងបំណាក់ដី នៅវៀតណាម មានប្រមាណជិត ១៧លានដុល្លារ

ទឹកជំនន់ និងបំណាក់ដី នៅតំបន់ភាគខាងជើងនៃប្រទេសវៀតណាម បានបណ្តាលឱ្យមនុស្សយ៉ាងតិច ៦នាក់ស្លាប់ ២នាក់បាត់ខ្លួន និង ១០នាក់រងរបួស ដោយមានការខាតបង់សេដ្ឋកិច្ចសរុបប្រមាណជិត ៤៤៣ពាន់លានដុង (ជិត ១៧លានដុលារ) ខណៈដែលការខូចខាតនៅតែបន្តកើនឡើង នៅក្នុងខេត្ត Lai Chau និង Son La។Lai Chau ជាខេត្តតំបន់ភ្នំដែលមានលក្ខណៈសម្គាល់ដោយសណ្ឋានដីចោត និងបណ្តាញទន្លេ និងអូរខ្វាត់ខ្វែង គឺជាតំបន់ដែលរងប៉ះពាល់ខ្លាំងបំផុត ក្នុងអំឡុងពេលមានទឹកជំនន់ថ្មីៗនេះ នៅតំបន់ភ្នំភាគខាងជើងនៃប្រទេសវៀតណាម។ទឹកជំនន់គំហុកភ្លាមៗ និងបំណាក់ដីបានប៉ះពាល់ដោយផ្ទាល់ដល់មនុស្សចំនួន ៨៩៩គ្រួសារ ដែលមានប្រជាជន ៤.២៦៣នាក់ នៅក្នុងភូមិ Chit, Khi, Nam Sang, Noong Thang និង Nam Ngua។ ខេត្តនេះមានអ្នកស្លាប់ចំនួន ៦នាក់ ១០នាក់បានរងរបួស ហើយ ២នាក់នៅតែបាត់ខ្លួន។គិតត្រឹមថ្ងៃត្រង់ថ្ងៃទី២០ ខែកក្កដា ការខាតបង់សរុបនៅខេត្ត Lai Chau ត្រូវបានប៉ាន់ប្រមាណថា មានចំនួនជាង ២៧០ពាន់លានដុង ដែលជាការកើនឡើងយ៉ាងខ្លាំងពីការវាយតម្លៃពីមុន។ ឃុំ Muong Than តែមួយបានខូចខាតប្រហែល ១២០ពាន់លានដុង។នៅខេត្តជិតខាង Son La ការខាតបង់ដែលត្រូវបានប៉ាន់ប្រមាណ ក៏បានកើនឡើងគួរឱ្យកត់សម្គាល់ដល់ប្រហែល ១២៥ពាន់លានដុង។ ខេត្ត Lao Cai ក៏បានរងការខូចខាតយ៉ាងទូលំទូលាយផងដែរ បន្ទាប់ពីភ្លៀងធ្លាក់ខ្លាំងរយៈពេលយូរ បានបង្កឱ្យមានទឹកជំនន់គំហុកភ្លាមៗ បំណាក់ដី និងការជន់លិច។ ការខាតបង់សរុបត្រូវបានប៉ាន់ប្រមាណថា មានចំនួនជាង ៤៥ពាន់លានដុង។ ទន្ទឹមនឹងនេះ ខេត្ត Dien Bien បានរាយការណ៍ពីការខូចខាតប្រហែល ២,៣ពាន់លានដុង៕

បណ្ដាញសង្គម

ព័ត៌មានថ្មីៗ

ក្រសួងបរិស្ថាន កំពុងរៀបចំហេដ្ឋារចនាសម្ព័ន្ធនៅសហគមន៍តំបន់ការពារធម្មជាតិកោដូន្តី ដើម្បីទាក់ទាញទេសចរ

សាលាបឋមសិក្សាតាំងក្រសៅ ទទួលបានអគារសិក្សាថ្មី១ខ្នង ផ្តល់ផលប្រយោជន៍ដល់ការសិក្សាយូរអង្វែង

ក្រសួងវប្បធម៌៖ ការប្រើប្រាស់សម្លៀកបំពាក់ខ្មែរពីបុរាណដល់បច្ចុប្បន្ន នៅតែរក្សាអត្តសញ្ញាណស្នូល

សមាគមលើកកម្ពស់សហគ្រិនក្នុងស្រុក បង្ហាញនូវមោនទភាពពេលឃើញសហគ្រិនខ្លួនមមាញឹកក្នុងអាជីវកម្ម

សម្តេចរដ្ឋសភាធិបតី ឃួន សុដារី ប្រគេនទៀនព្រះវស្សា និងទេយ្យទាន ចំពោះព្រះសង្ឃគង់ចាំព្រះវស្សាចំនួន១២វត្ត ក្នុងខេត្តកណ្តាល ដោយបានបួងសួងសូមឱ្យប្រជាពលរដ្ឋ និងប្រទេសជាតិប្រកបដោយសេចក្តីចម្រុងចម្រើនជារៀងរហូតទៅ

យុវជនមកពីគ្រួសារក្រីក្រ និងពលរដ្ឋទូទៅជិត ៤ពាន់នាក់ក្នុងខេត្តស្វាយរៀង មានជំនាញ និងចំណូលសមរម្យ ក្រោយពីទទួលបានការបណ្ដុះបណ្ដាលក្នុងវិធី ១,៥លានរបស់សម្ដេចធិបតី

លោក Trump និយាយថា អ៊ីរ៉ង់នៅតែប្រកាប់ជំហរតឹងខ្លាំងក្នុងកិច្ចចរចា

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានអន្តរជាតិ

ប្រជាជនអាហ្វហ្គានីស្ថាន កំពុងស្វែងរកមនុស្សរាប់សិបនាក់ដែលបាត់ខ្លួន បន្ទាប់ពីទឹកជំនន់ដ៏បំផ្លិចបំផ្លាញ

ហ្វីលីពីន និងចិន កោះអញ្ជើញបេសកជនទៅវិញទៅមក ជុំវិញឧប្បត្តិហេតុ នៅសមុទ្រចិនខាងត្បូង

ឥណ្ឌាកោះអញ្ជើញប្រេសិតរុស្ស៊ី ដើម្បីថ្កោលទោសការវាយប្រហារនាវាបណ្ដាលឱ្យមនុស្សស្លាប់ នៅអ៊ុយក្រែន

IRGC៖ អ៊ីរ៉ង់វាយប្រហារមជ្ឈមណ្ឌលទិន្នន័យ Amazon នៅបារ៉ែន ជាការឆ្លើយតបនឹងការវាយប្រហាររោងចក្រនុយក្លេអ៊ែរ

មន្ត្រី៖ កងទ័ពលីបង់ដាក់ពង្រាយ នៅទីក្រុងភាគខាងត្បូង ក្រោយការដកទ័ពរបស់អ៊ីស្រាអែល

ក្រុមគ្រូពេទ្យនិយាយថា ការវាយប្រហារតាមអាកាសរបស់អ៊ីស្រាអែល បានសម្លាប់សមាជិកគ្រួសារ ៦ នាក់ នៅហ្កាហ្សា

អង្គការ MSF អំពាវនាវឲ្យអ៊ីស្រាអែលដោះលែងបុគ្គលិកសុខាភិបាលប៉ាឡេស្ទីនដែលកំពុងត្រូវបានឃុំខ្លួន

ទីភ្នាក់ងារ៖ ច្រកសមុទ្រហ័រមូស នឹងត្រូវបន្តបិទ រហូតដល់អាមេរិកបញ្ឈប់ការវាយប្រហារលើអ៊ីរ៉ង់

ក្រុមយុវជនឥណ្ឌា៖ ការតវ៉ានឹងបន្ត បន្ទាប់ពីការប៉ះទង្គិចគ្នា នៅក្រុងដេលី ធ្វើឱ្យមនុស្ស ១៨០នាក់របួស

ការខាតបង់សេដ្ឋកិច្ចដោយសារទឹកជំនន់ និងបំណាក់ដី នៅវៀតណាម មានប្រមាណជិត ១៧លានដុល្លារ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានអន្តរជាតិ

ប្រជាជនអាហ្វហ្គានីស្ថាន កំពុងស្វែងរកមនុស្សរាប់សិបនាក់ដែលបាត់ខ្លួន បន្ទាប់ពីទឹកជំនន់ដ៏បំផ្លិចបំផ្លាញ

ហ្វីលីពីន និងចិន កោះអញ្ជើញ​បេសកជន​ទៅវិញទៅមក ជុំវិញឧប្បត្តិហេតុ នៅ​សមុទ្រចិនខាងត្បូង

ឥណ្ឌាកោះអញ្ជើញ​ប្រេសិតរុស្ស៊ី ដើម្បីថ្កោលទោសការវាយប្រហារ​នាវាបណ្ដាល​ឱ្យមនុស្សស្លាប់​​ នៅអ៊ុយក្រែន

IRGC៖ អ៊ីរ៉ង់វាយប្រហារមជ្ឈមណ្ឌលទិន្នន័យ Amazon នៅបារ៉ែន ជាការឆ្លើយតបនឹងការវាយប្រហាររោងចក្រនុយក្លេអ៊ែរ

មន្ត្រី​៖ កងទ័ព​លីបង់​ដាក់ពង្រាយ ​នៅ​​ទីក្រុង​ភាគ​ខាងត្បូង ​ក្រោយ​ការ​ដកទ័ព​​របស់​អ៊ីស្រាអែល

ក្រុមគ្រូពេទ្យនិយាយថា ការវាយប្រហារតាមអាកាសរបស់អ៊ីស្រាអែល បានសម្លាប់សមាជិកគ្រួសារ ៦ នាក់ នៅហ្កាហ្សា

អង្គការ MSF អំពាវនាវឲ្យ​អ៊ីស្រាអែលដោះលែងបុគ្គលិកសុខាភិបាលប៉ាឡេស្ទីនដែលកំពុងត្រូវបានឃុំខ្លួន

ទីភ្នាក់ងារ៖ ច្រកសមុទ្រហ័រមូស នឹងត្រូវបន្តបិទ រហូតដល់អាមេរិកបញ្ឈប់ការវាយប្រហារលើអ៊ីរ៉ង់

ក្រុមយុវជនឥណ្ឌា៖ ការតវ៉ានឹងបន្ត បន្ទាប់ពីការប៉ះទង្គិចគ្នា នៅក្រុងដេលី ធ្វើឱ្យមនុស្ស ១៨០នាក់របួស

ការខាតបង់សេដ្ឋកិច្ចដោយសារ​ទឹកជំនន់ និងបំណាក់ដី នៅវៀតណាម មាន​ប្រមាណ​​ជិត ១៧លាន​ដុល្លារ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ហ្វីលីពីន និងចិន កោះអញ្ជើញបេសកជនទៅវិញទៅមក ជុំវិញឧប្បត្តិហេតុ នៅសមុទ្រចិនខាងត្បូង

ឥណ្ឌាកោះអញ្ជើញប្រេសិតរុស្ស៊ី ដើម្បីថ្កោលទោសការវាយប្រហារនាវាបណ្ដាលឱ្យមនុស្សស្លាប់ នៅអ៊ុយក្រែន

មន្ត្រី៖ កងទ័ពលីបង់ដាក់ពង្រាយ នៅទីក្រុងភាគខាងត្បូង ក្រោយការដកទ័ពរបស់អ៊ីស្រាអែល

អង្គការ MSF អំពាវនាវឲ្យអ៊ីស្រាអែលដោះលែងបុគ្គលិកសុខាភិបាលប៉ាឡេស្ទីនដែលកំពុងត្រូវបានឃុំខ្លួន

ការខាតបង់សេដ្ឋកិច្ចដោយសារទឹកជំនន់ និងបំណាក់ដី នៅវៀតណាម មានប្រមាណជិត ១៧លានដុល្លារ