BTV NEWS

ការលាលែងពីតំណែងរបស់រដ្ឋមន្ត្រីអប់រំឥណ្ឌា គឺជាជ័យជម្នះដ៏ធំ សម្រាប់ក្រុមបាតុករយុវជន

លោក Trump រិះគន់ព័ត៌មានក្លែងក្លាយ និងបង្កឱ្យមានភាពចម្រូងចម្រាស ជុំវិញការបោះឆ្នោតឆ្នាំ២០២៨

មនុស្សយ៉ាងតិច ៥នាក់ស្លាប់ ក្នុងហេតុការណ៍បាក់ដី នៅភាគខាងជើងចិន

ម៉ិកស៊ិកនឹងមិនតបតពន្ធរបស់លោក Trump ទេ ខណៈការនាំចេញត្រូវបានការពារដោយកិច្ចព្រមព្រៀងពាណិជ្ជកម្ម

ព័ត៌មានអន្តរជាតិ

តុលាការអ៊ីរ៉ង់ បដិសេធការលើកឡើងរបស់លោក Trump ដែលថា អ្នកទោសអាមេរិកត្រូវបានដោះលែង

ប្រព័ន្ធផ្សព្វផ្សាយរដ្ឋអ៊ីរ៉ង់ បានរាយការណ៍កាលពីថ្ងៃព្រហស្បតិ៍ (ទី១៦ ខែកក្កដា ឆ្នាំ២០២៦) ថា ស្ថាប័នតុលាការអ៊ីរ៉ង់ បានឱ្យដឹងថា គ្មានអ្នកទោសអាមេរិកណាម្នាក់ត្រូវបានដោះលែង ឬដោះដូរពីពន្ធនាគាររបស់ខ្លួនឡើយ ដោយការបញ្ជាក់នេះបានកើតឡើងបន្ទាប់ពីប្រធានាធិបតីអាមេរិក លោក Donald Trump បាននិយាយថា ពលរដ្ឋអាមេរិកម្នាក់ដែលត្រូវបានឃុំខ្លួន អំឡុងរដ្ឋបាលរបស់លោក Joe Biden ក្នុងឆ្នាំ២០២៤ ទទួលបានសេរីភាពហើយ។ស្ថាប័នតុលាការបានឱ្យដឹងថា ការពិនិត្យបានបង្ហាញថា គ្មានអ្នកទោសអាមេរិកដែលត្រូវបានកាត់ទោស បុគ្គលដែលត្រូវបានចោទប្រកាន់ពីបទចារកម្មឱ្យសហរដ្ឋអាមេរិក ដែលត្រូវគ្នានឹងការពិពណ៌នារបស់លោក Trump ឬអ្នកទោសអាមេរិកផ្សេងទៀតត្រូវបានដោះលែង ឬដោះដូរពីពន្ធនាគាររបស់អ៊ីរ៉ង់នោះឡើយ។លោក Trump បានអះអាងថា អ៊ីរ៉ង់បានដោះលែងពលរដ្ឋអាមេរិកម្នាក់ដែលត្រូវបានឃុំខ្លួន ចាប់តាំងពីខែធ្នូ ឆ្នាំ២០២៤ ដែលអនុញ្ញាតឱ្យស្ត្រីរូបនោះចាកចេញពីប្រទេស។ លោក Trump បានបង្ហោះនៅលើវេទិកាបណ្ដាញសង្គម Truth Social របស់លោកថា «ឥឡូវនេះ គាត់មានសុវត្ថិភាពនៅក្រៅប្រទេសអ៊ីរ៉ង់ ហើយស្ថិតក្នុងស្ថានភាពល្អប្រសើរ ដោយបន្ថែមថា «សហរដ្ឋអាមេរិកពេញចិត្ត ចំពោះកាយវិការសុច្ឆន្ទៈនេះរបស់អ៊ីរ៉ង់!»លោក Trump មិនបានបញ្ចេញឈ្មោះស្ត្រីនោះ ឬពិពណ៌នាអំពីមូលហេតុដែលគាត់ត្រូវបានឃុំខ្លួននោះទេ ក្រៅពីបញ្ជាក់ថា គាត់ត្រូវបាន «ឃុំខ្លួនដោយខុសច្បាប់»៕

សេតវិមាន៖ លោក Trump នៅតែ «បើកចំហ ចំពោះការទូត» ជាមួយអ៊ីរ៉ង់

សេតវិមានកាលពីថ្ងៃព្រហស្បតិ៍ (ទី១៦ ខែកក្កដា ឆ្នាំ២០២៦) បានប្រាប់ឱ្យដឹងថា ប្រធានាធិបតីអាមេរិក លោក Donald Trump នៅតែបើកចំហ ចំពោះការទូតជាមួយអ៊ីរ៉ង់ ដោយបន្ថែមថា ទីក្រុងវ៉ាស៊ីនតោននៅតែកំពុងជជែកជាមួយទីក្រុងតេអេរ៉ង់ ទោះបីជាមានការបន្តអរិភាពក៏ដោយ។ការអត្ថាធិប្បាយទាំងនេះបានកើតឡើងក្រោយមួយថ្ងៃបន្ទាប់ពីលោក Trump បានថ្លែងអំណរគុណដល់អ៊ីរ៉ង់ ចំពោះការដោះលែងពលរដ្ឋអាមេរិកម្នាក់ដែលត្រូវបានឃុំខ្លួន ចាប់តាំងពីខែធ្នូ ឆ្នាំ២០២៤ ជាការវិវត្តមួយដែលត្រូវបានគេមើលឃើញថា ជាការបើកចំហ សម្រាប់លទ្ធភាពការទូត។អ្នកនាំពាក្យសេតវិមាន លោកស្រី Karoline Leavitt បានប្រាប់អ្នកសារព័ត៌មានថា៖ «លោកប្រធានាធិបតីនឹងឱ្យពួកគេទទួលខុសត្រូវ នៅពេលដែលពួកគេងាកចេញពីពាក្យសម្ដីដែលពួកគេនិយាយជាមួយសហរដ្ឋអាមេរិក។ ប៉ុន្តែលោកតែងតែបើកចំហចំពោះការទូត ក្នុងពេលតែមួយ»។លោកស្រីបានបន្ថែមថា៖ «ពួកគេបានបង្ហាញថា ពួកគេនៅតែចង់មានកិច្ចព្រមព្រៀងជាមួយលោកប្រធានាធិបតី។ យើងកំពុងជជែកជាមួយពួកគេ ប៉ុន្តែជាថ្មីម្តងទៀត លោកប្រធានាធិបតីនឹងមិនបណ្ដោយឱ្យពួកគេបាញ់ប្រហារនាវា នៅក្នុងច្រកសមុទ្រ (Hormuz) តាមអំពើចិត្តឡើយ ពោលគឺត្រូវតែទទួលផលវិបាក សម្រាប់ការធ្វើបែបនោះ»។គួរបញ្ជាក់ថា បទឈប់បាញ់ដ៏ផុយស្រួយដែលបានព្រមព្រៀងគ្នាកាលពីខែមិថុនា គឺស្ថិតក្នុងស្ថានភាពរង្គោះរង្គើ បន្ទាប់ពីសហរដ្ឋអាមេរិកបានបើកការវាយប្រហារជាច្រើនជុំ ក្នុងរយៈពេលប៉ុន្មានថ្ងៃថ្មីៗនេះ ជាកិច្ចខិតខំប្រឹងប្រែង ដើម្បីទប់ស្កាត់សមត្ថភាពរបស់អ៊ីរ៉ង់ ក្នុងការគំរាមកំហែងដល់ការដឹកជញ្ជូនទំនិញ នៅក្នុងច្រកសមុទ្រ Hormuz។ ហើយលោក Trump ក៏បានព្រមានផងដែរថា លោកអាចពង្រីកការវាយប្រហារ ដើម្បីកំណត់គោលដៅរោងចក្រថាមពល និងស្ពាន ប្រសិនបើទីក្រុងតេអេរ៉ង់មិនវិលមកចរចាវិញទេនោះ៕

មន្ត្រីការទូតរុស្ស៊ីព្រមានថា ទាហានស៊ីឈ្នួលអ៊ុយក្រែន និងក្រុមភេរវករ អាចបង្កើនសកម្មភាពនៅប្រទេសម៉ាលី

លោក Georgy Borisenko អនុរដ្ឋមន្ត្រីការបរទេសរុស្ស៊ីបានប្រាប់សារព័ត៌មាន TASSថា ទាហានស៊ីឈ្នួលអ៊ុយក្រែន និងក្រុមភេរវករ អាចបង្កើនសកម្មភាពរបស់ពួកគេ នៅប្រទេសម៉ាលី។ លោកបាននិយាយថា៖«គ្មានអ្វីដែលអាចច្រានចោលបាននោះទេ ព្រោះយើងមើលឃើញយ៉ាងច្បាស់ថា ប្រទេសលោកខាងលិចជាច្រើន មិនថាតែអ៊ុយក្រែននោះទេ កំពុងស្វែងរកមធ្យោបាយបង្កគ្រោះថ្នាក់ដល់ រុស្ស៊ី និងរារាំងបណ្តាប្រទេសនៅអាហ្វ្រិកមិនឲ្យក្លាយជារដ្ឋដែលមានអធិបតេយ្យភាព និងឯករាជ្យពេញលេញទេ»។មន្ត្រីការទូតជាន់ខ្ពស់រូបនេះ បានលើកឡើងថា បណ្តាប្រទេសនៅអាហ្វ្រិក «បដិសេធការបង្គាប់បញ្ជារបស់អតីតមហាអំណាចអាណានិគមរបស់ខ្លួន និងមហិច្ឆតាបែបអាណានិគមថ្មី ណាមួយ ដែលបណ្តាប្រទេសលោកខាងលិច កំពុងអនុវត្ត»៕

ក្រុមហេសបូឡាច្រានចោលការចោទប្រកាន់ពាក់ព័ន្ធការដឹកជញ្ជូនអាវុធពីស៊ីរី បន្ទាប់ពីក្រុងដាម៉ាបង្ក្រាប ការប៉ុនប៉ងរត់ពន្ធអាវុធ

ក្រុមហេសបូឡាកាលពីថ្ងៃព្រហស្បតិ៍ បានបដិសេធការចោទប្រកាន់ថា ខ្លួនពាក់ព័ន្ធនឹងសកម្មភាពទាក់ទងនឹងអាវុធនៅក្នុងប្រទេសស៊ីរី បន្ទាប់ពីអាជ្ញាធរក្រសួងមហាផ្ទៃស៊ីរី បានប្រកាសនាពេលមុននេះថា ពួកគេបានទប់ស្កាត់ការប៉ុនប៉ងរត់ពន្ធអាវុធ និងមីស៊ីលដែលមានគោលដៅបញ្ជូនទៅឲ្យក្រុមនេះនៅប្រទេសលីបង់។អាជ្ញាធរស៊ីរីបាននិយាយក្នុងសេចក្តីថ្លែងការណ៍មួយថា ពួកគេបានស្ទាក់ចាប់ការដឹកជញ្ជូនអាវុធ និងមីស៊ីលទំនើបៗ នៅតាមបណ្តោយព្រំដែនស៊ីរី-អ៊ីរ៉ាក់ ខណៈពេលដែលពួកវាកំពុងត្រូវបាននាំចូលមកក្នុងទឹកដីស៊ីរី។ ការស៊ើបអង្កេតជាបឋមបានបង្ហាញថា ការដឹកជញ្ជូននោះ ត្រូវបានសង្ស័យថា មានគោលបំណងឆ្លងកាត់ប្រទេសស៊ីរី មុននឹងបញ្ជូនបន្តទៅឲ្យក្រុមហេសបូឡានៅលីបង់។សេចក្តីថ្លែងការណ៍បានបញ្ជាក់ថា អាជ្ញាធរពាក់ព័ន្ធកំពុងបន្តការស៊ើបអង្កេត និងអនុវត្តវិធានការតាមផ្លូវច្បាប់ ដើម្បីស្វែងរកអត្តសញ្ញាណអ្នកពាក់ព័ន្ធទាំងអស់ក្នុងប្រតិបត្តិការរត់ពន្ធដែលត្រូវបានចោទប្រកាន់នេះ។ជាការឆ្លើយតប ការិយាល័យទំនាក់ទំនងប្រព័ន្ធផ្សព្វផ្សាយរបស់ក្រុមហេសបូឡា បានចេញសេចក្តីថ្លែងការណ៍មួយ ដោយបដិសេធយ៉ាងដាច់អហង្ការថា ខ្លួនមិនបានពាក់ព័ន្ធនឹងករណីនេះឡើយ ហើយបានបញ្ជាក់ថា ក្រុមនេះបានច្រានចោលជាបន្តបន្ទាប់នូវការអះអាងដែលថា ខ្លួនមានសកម្មភាពនៅក្នុងទឹកដីស៊ីរី៕

ការប្រជ្រៀតគ្នាក្នុងពិធីបុណ្យរថយាត្រានៅឥណ្ឌាបណ្តាលឲ្យមនុស្សស្លាប់ និងរបួស

មន្ត្រីបាននិយាយថា មនុស្សយ៉ាងហោចណាស់ម្នាក់បានស្លាប់ និងជិត១០០នាក់ត្រូវបានបញ្ជូនទៅមន្ទីរពេទ្យកាលពីថ្ងៃព្រហស្បតិ៍ ក្នុងហេតុការណ៍ប្រជ្រៀតគ្នានៅក្នុងពិធីបុណ្យរថយាត្រាដ៏ពេញនិយមនៅក្នុងទីក្រុង Puri ភាគខាងកើតប្រទេសឥណ្ឌា។អ្នកគោរពបូជារាប់ពាន់នាក់ បានទៅប្រមូលផ្តុំគ្នានៅប្រាសាទ Jagannath ក្នុងរដ្ឋ Odisha ភាគខាងកើត ដើម្បីចូលរួមក្នុងពិធីបុណ្យប្រចាំឆ្នាំ Jagannath Rath Yatra ជាពិធីបុណ្យធំមួយក្នុងចំណោមពិធីបុណ្យធំៗនិងគោរពបំផុតរបស់ប្រទេសឥណ្ឌា ដែលកាលពីឆ្នាំមុនមនុស្សបីនាក់បានស្លាប់ក្នុងការប្រជ្រៀតគ្នា។លោកវេជ្ជបណ្ឌិត Umashankar Dash អធិការនគរបាលពន្លត់អគ្គិភ័យ និងសង្គ្រោះបន្ទាន់ បាននិយាយថា «អ្នកគោរពបូជាជិត ១០០ នាក់ដែលថប់ដង្ហើមត្រូវបានជួយសង្គ្រោះ និងបញ្ជូនទៅមន្ទីរពេទ្យ»។ការប្រជ្រៀតមនុស្សច្រើនគឺជារឿងធម្មតានៅក្នុងពិធីជួបជុំធំៗនៅក្នុងប្រទេសឥណ្ឌា ជាកន្លែងដែលនិយ័តកម្មសុវត្ថិភាពត្រូវបានគេមើលរំលងជាញឹកញាប់។

ពលរដ្ឋជប៉ុនប្រមូលផ្តុំគ្នាប្រឆាំងការជំរុញរបស់រដ្ឋាភិបាលក្នុងការកែប្រែរដ្ឋធម្មនុញ្ញសន្តិនិយម

ពលរដ្ឋជប៉ុនមួយក្រុមបានទៅប្រមូលផ្តុំគ្នានៅតាមដងផ្លូវនៃមជ្ឈមណ្ឌល Shibuya ទីក្រុងតូក្យូ កាលពីថ្ងៃព្រហស្បតិ៍ ដើម្បីតវ៉ាប្រឆាំងកិច្ចខិតខំប្រឹងប្រែងរបស់រដ្ឋបាលនាយករដ្ឋមន្ត្រី លោកស្រី Sanae Takaichi ក្នុងការកែប្រែរដ្ឋធម្មនុញ្ញ បង្កើនការចំណាយលើវិស័យការពារជាតិ និងការបន្ធូរបន្ថយការរឹតត្បិតលើការនាំចេញអាវុធ។ អ្នកចូលរួមជាច្រើននៅក្នុងការប្រមូលផ្តុំគ្នាបានកាន់បដា និងស្រែកពាក្យស្លោកប្រឆាំងសង្គ្រាម ដោយទាមទារឱ្យរដ្ឋាភិបាលជប៉ុនបញ្ឈប់ការជំរុញរបស់ខ្លួនសម្រាប់ការកែប្រែរដ្ឋធម្មនុញ្ញ។អ្នកតវ៉ានិយាយថា «ខ្ញុំជឿថារដ្ឋបាលរបស់លោកស្រី Takaichi កំពុងជំរុញការកែប្រែរដ្ឋធម្មនុញ្ញដើម្បីត្រៀមសម្រាប់សង្គ្រាម។ ទោះបីជាសង្គ្រាមមិនផ្ទុះឡើងក៏ដោយ ជីវិតសន្តិភាពនិងស្ថិរភាពដែលយើងមានរហូតមកដល់ពេលនេះនៅតែអាចបាត់បង់បានតាមរយៈការកែណ្ឌកងទ័ព និងការបង្វែរធនធានទៅជាសង្គ្រាម។ ខ្ញុំសង្ឃឹមថានឹងទប់ស្កាត់រឿងនេះមិនឲ្យកើតឡើង»។អ្នកតវ៉ាម្នាក់ទៀតបាននិយាយថា «ខ្ញុំប្រឆាំងដាច់ខាតចំពោះរឿងនេះ។ ពួកគេកំពុងព្យាយាមប្រែក្លាយប្រទេសជប៉ុនទៅជាប្រទេសដែលមានសមត្ថភាពធ្វើសង្គ្រាម។ ពួកគេក៏កំពុងព្យាយាមកែប្រែរដ្ឋធម្មនុញ្ញក្នុងទិសដៅអវិជ្ជមាន ដោយអនុវត្តគោលនយោបាយដែលបោះបង់ចោលក្រុមងាយរងគ្រោះ និងពង្រីកសព្វាវុធយោធា។ ខ្ញុំប្រឆាំងនឹងរឿងទាំងអស់នេះទាំងស្រុង» ។អ្នកចូលរួមមួយចំនួនបានបង្ហាញការព្រួយបារម្ភអំពីគោលនយោបាយរបស់រដ្ឋបាល លោកស្រី Takaichi ស្តីពីការកែប្រែរដ្ឋធម្មនុញ្ញ និងការពង្រីកយោធា ដោយបញ្ជាក់ថា ប្រទេសជប៉ុន គួរតែបញ្ចៀសប្រវត្តិសាស្ត្រសង្គ្រាមរបស់ខ្លួនដដែលៗ។

កងឆ្មាំ IRGC កំណត់គោលដៅលើមជ្ឈមណ្ឌលបញ្ជាការដ្ឋានសហរដ្ឋអាមេរិក នៅស៊ីរី

ទីភ្នាក់ងារសារព័ត៌មាន Tasnim រាយការណ៍ថា កងឆ្មាំបដិវត្តន៍អ៊ិស្លាមអ៊ីរ៉ង់ (IRGC) និយាយថា ខ្លួនបានវាយប្រហារមជ្ឈមណ្ឌលបញ្ជាការប្រតិបត្តិការពិសេសរបស់សហរដ្ឋអាមេរិកនៅមូលដ្ឋានយោធា al-Tanf នៅក្នុងប្រទេសស៊ីរី។កងឆ្មាំបដិវត្តន៍អ៊ិស្លាមអ៊ីរ៉ង់(IRGC) និយាយថា ការវាយប្រហារនេះគឺជាការសងសឹកសម្រាប់ការសម្លាប់ទាហានអ៊ីរ៉ង់នៅតំបន់ Iranshahr។កងឆ្មាំក៏បាននិយាយផងដែរថា អ៊ីរ៉ង់នៅតែរក្សាការគ្រប់គ្រងពេញលេញនៅច្រកសមុទ្រ Hormuz ហើយ គ្មានប្រេង ឬឧស្ម័ន នឹងត្រូវបាននាំចេញតាមរយៈផ្លូវទឹកនេះឡើយ ដរាបណាការវាយប្រហារថ្មីៗរបស់សហរដ្ឋអាមេរិកនៅតែបន្ត។

អាហ្សង់ទីន និងអេស្ប៉ាញ ត្រៀមបើកសមរភូមិលើវាលស្មៅ នៅវគ្គផ្តាច់ព្រ័ត្រ World Cup ជាប្រវត្តិសាស្ត្រ

ព្រឹត្តិការណ៍បាល់ទាត់ពិភពលោក FIFA World Cup 2026 នឹងឈានដល់វគ្គជក់ចិត្តបំផុត នៅថ្ងៃអាទិត្យ ទី១៩ ខែកក្កដា នៅកីឡដ្ឋាន MetLife Stadium ក្នុងទីក្រុង East Rutherford រដ្ឋ New Jersey នៅពេលក្រុមម្ចាស់ការពារតំណែងជើងឯក គឺអាហ្សង់ទីន ត្រូវតទល់ជាមួយក្រុមម្ចាស់ជើងឯកអឺរ៉ុប អេស្ប៉ាញ ក្នុងវគ្គផ្តាច់ព្រ័ត្រដ៏អស្ចារ្យ។ជំនួបនេះ គឺជាការតទល់គ្នា រវាងបទពិសោធន៍ និងភាពវៃឆ្លាតរបស់ក្រុមជម្រើសជាតិអាហ្សង់ទីនដឹកនាំដោយកីឡាករឆ្នើម Lionel Messi ទល់នឹងថាមពលយុវវ័យដ៏រស់រវើក និងយុទ្ធសាស្ត្រលេងយ៉ាងច្បាស់លាស់របស់ក្រុមអេស្ប៉ាញ ក្រោមការដឹកនាំរបស់លោក Luis de la Fuente។ នេះគឺជាលើកដំបូងបង្អស់ ក្នុងប្រវត្តិសាស្ត្រ World Cup ដែលប្រទេសទាំង២ ត្រូវជួបគ្នាក្នុងវគ្គផ្តាច់ព្រ័ត្រ ហើយវានឹងក្លាយជាការប្រកួតដ៏ជក់ចិត្តបំផុតដែលរួមបញ្ចូលគ្នានូវកេរ្តិ៍ឈ្មោះល្បីល្បាញ ភាពប៉ិនប្រសប់ និងការដាក់សម្ពាធកម្រិតខ្ពស់។ក្រុមអាហ្សង់ទីន នឹងចូលទីលានប្រកួត ក្នុងនាមជាជើងឯក ៣សម័យកាល (១៩៧៨, ១៩៨៦, ២០២២)។ ក្រុមដែលមានរហស្សនាមថា ពពកស កំពុងប្រឹងប្រែង ដើម្បីក្លាយជាក្រុមដំបូងគេដែលការពារតំណែងជើងឯកដោយជោគជ័យ ចាប់តាំងពីប្រេស៊ីលធ្វើបាន ក្នុងឆ្នាំ១៩៦២។ ទន្ទឹមនឹងនេះដែរ អេស្ប៉ាញ បានឈ្នះពានរង្វាន់តែម្ដងប៉ុណ្ណោះ ក្នុងឆ្នាំ២០១០ នៅប្រទេសអាហ្វ្រិកខាងត្បូង ដោយយកឈ្នះហូឡង់ ១-០ នៅម៉ោងបន្ថែម ក្រោមការដឹកនាំរបស់លោក Vicente del Bosque។ វគ្គផ្តាច់ព្រ័ត្រនេះផ្តល់ឱ្យក្រុមរហស្សនាម «គោជល់» នូវឱកាស ដើម្បីបានក្លាយជាជើងឯកជាលើកទី២ និងបញ្ជាក់ពីការវិលត្រឡប់របស់ពួកគេទៅកាន់កំពូលតារាង បន្ទាប់ពីការចាកចេញមុនៗ។អាហ្សង់ទីនបានធ្វើដំណើរមកដល់វគ្គនេះ ដោយការឈរលេខ ១ ក្នុងពូល J ដោយយកឈ្នះគ្រប់ការការប្រកួត ដែលមានអាល់ហ្សេរី អូទ្រីស និងហ្ស៊កដានី។ នៅក្នុងចាញ់ធ្លាក់ ពួកគេបានឆ្លងកាត់ការធ្វើតេស្តដ៏លំបាកជាងមុន តែនៅតែអាចមានជ័យជម្នះលើក្រុម Cape Verde (កាប់វ៉ែដ) អេហ្ស៊ីប ស្វីស និងវាយបកទម្លាក់អង់គ្លេស ក្នុងពាក់កណ្តាលផ្តាច់ព្រ័ត្រ ជាមួយនឹងលទ្ធផល ២-១។ ចំណែកអេស្ប៉ាញបានបង្ហាញពីភាពខ្លាំងរបស់ខ្លួន មុនមកដល់វគ្គដណ្ដើមពាននេះ ដោយឈរលើគេ ក្នុងពូល H ដែលមានក្រុមអារ៉ាប៊ីសាអ៊ូឌីត អ៊ុយរូហ្គាយ និង Cape Verde (កាប់វ៉ែដ)។ ក្នុងវគ្គចាញ់ធ្លាក់ ក្រុមនេះបានទម្លាក់អូទ្រីស ព័រទុយហ្គាល់ បែលហ្ស៊ិក និងបារាំង។ការប្រកួតវគ្គផ្តាច់ព្រ័ត្រ រវាងក្រុមទាំង២ នេះ នឹងតំណាងឱ្យព្រឹត្តិការណ៍ប្រវត្តិសាស្ត្រ ភាពចម្រូងចម្រាស ទេពកោសល្យដ៏ប៉ិនប្រសប់ និងជោគវាសនា ក្នុងពេលជាមួយគ្នា៕

ប្រទេសចិននិងប៉ាគីស្ថាន អំពាវនាវឲ្យអាមេរិកនិងអ៊ីរ៉ង់បន្តការចរចា ខណៈប្រយុទ្ធគ្នាកាន់តែខ្លាំងឡើង

រដ្ឋមន្ត្រីការបរទេសចិន និងប៉ាគីស្ថាននៅថ្ងៃសុក្រនេះ បានអំពាវនាវឲ្យសហរដ្ឋអាមេរិក និងអ៊ីរ៉ង់ បញ្ឈប់ការប្រយុទ្ធគ្នា និងបន្តការចរចាឡើងវិញ។ នេះបើយោងតាមសេចក្តីថ្លែងការណ៍មួយ បន្ទាប់ពីកិច្ចប្រជុំមួយ នៅទីក្រុងសៀងហៃ។សេចក្តីថ្លែងការណ៍របស់ក្រសួងការបរទេសចិន បាននិយាយថា រដ្ឋមន្ត្រីការបរទេសចិន លោក Wang Yiនិងសមភាគីប៉ាគីស្ថាន លោក Ishaq Dar បានសម្តែងការព្រួយបារម្ភរួមគ្នាអំពីការកាន់តែអាក្រក់ឡើងនៃស្ថានភាពបច្ចុប្បន្ន ដោយអំពាវនាវឲ្យភាគីពាក់ព័ន្ធបញ្ឈប់អរិភាពជាបន្ទាន់ និងវិលត្រឡប់ទៅរកការចរចាវិញ»។ប្រទេសទាំងពីរបានស្វែងរកការសម្របសម្រួលក្នុងជម្លោះមជ្ឈិមបូព៌ារយៈពេលជាច្រើនខែ ដែលបានផ្ទុះឡើងឡើងវិញ ជាមួយនឹងការប្រយុទ្ធគ្នាឡើងវិញដើម្បីគ្រប់គ្រងច្រកសមុទ្រហ័រមូស មួយខែបន្ទាប់ពីការចុះហត្ថលេខាលើកិច្ចព្រមព្រៀងបឋមដែលមានគោលបំណងបញ្ចប់សង្គ្រាមនេះ។លោក Wang បាននិយាយថា កិច្ចព្រមព្រៀងនោះ«សម្រេចបានដោយលំបាក»។ លោកបានបន្ថែមថា៖«សន្តិភាពគឺនៅចំពោះមុខយើង ដូច្នេះយើងមិនគួរឲ្យបរាជ័យនៅដំណាក់កាលចុងក្រោយ ឬបាត់បង់សមិទ្ធផលដែលបានខិតខំសម្រេចមកនោះទេ៕

គេហទំព័រYnet៖ សភាអ៊ីស្រាអែលអនុម័តសេចក្តីព្រាងច្បាប់ដើម្បីរំលាយខ្លួនឯង មុនការបោះឆ្នោតថ្ងៃទី២៧ ខែតុលា

សភានីតិបញ្ញត្តិរបស់អ៊ីស្រាអែលគឺ Knesset បានអនុម័តសេចក្តីព្រាងច្បាប់មួយ ដើម្បីរំលាយខ្លួនឯង មុនការបោះឆ្នោតសភាមុនអាណត្តិ នៅថ្ងៃទី ២៧ ខែតុលា។ នេះបើតាមការចុះផ្សាយរបស់គេហទំព័រ ព័ត៌មានYnet។ច្បាប់ស្តីពីហិរញ្ញប្បទានគណបក្ស ដែលមានបទប្បញ្ញត្តិនេះ ត្រូវបានអនុម័តពេញមួយយប់ នៅក្នុងការអានលើកទី២ និងលើកទី៣ របស់ខ្លួន។ ការអនុម័តនេះ ត្រូវបានគាំទ្រដោយសមាជិកសភាចំនួន ៦២ រូបក្នុងចំណោម ១២០រូប ដោយគ្មានសំឡេងអនុប្បវាទឡើយ។ការសម្រាករបស់សភាបច្ចុប្បន្ន នឹងចាប់ពីថ្ងៃទី១៧ ខែកក្កដា ហើយសម័យប្រជុំផ្លូវការបន្ទាប់ នឹងមិនធ្វើឡើងទៀតទេ រហូតដល់ក្រោយការបោះឆ្នោត និងសភាថ្មីដែលត្រូវបានកោះប្រជុំ៕

បណ្ដាញសង្គម

ព័ត៌មានថ្មីៗ

គណបក្សប្រជាជនកម្ពុជាខេត្តកំពង់ស្ពឺ ប្រជុំបូកសរុបលទ្ធផលការងារខែកក្កដា ឆ្នាំ២០២៦ និងលើកទិសដៅភារកិច្ចខែបន្ទាប់

ក្រសួងអប់រំ ផ្ដល់ឱកាសឱ្យសិស្សធ្វើទស្សនកិច្ចសិក្សានៅសិង្ហបុរី តាមរយៈកម្មវិធី ME-NISTER

មនុស្សយ៉ាងតិច ៥នាក់ស្លាប់ ក្នុងហេតុការណ៍បាក់ដី នៅភាគខាងជើងចិន

កម្មវិធីប្រកួតប្រជែងនិយាយជាសាធារណៈសម្រាប់និស្សិតសាកលវិទ្យាល័យរបស់អង្គភាពអ្នកនាំពាក្យរាជរដ្ឋាភិបាល រកឃើញអ្នកទទួលបានជ័យលាភីហើយ

ចិនតវ៉ាប្រឆាំងនឹងទណ្ឌកម្មរបស់សហភាពអឺរ៉ុប លើក្រុមហ៊ុនចិន ពាក់ព័ន្ធនឹងបញ្ហារុស្ស៊ី

មនុស្សជាង ១៦០.០០០នាក់ រត់គេចពីចំហេះព្រៃ នៅប្រទេសបារាំង និងអេស្ប៉ាញ

ប្រទេសចិនជម្លៀសមនុស្សជាង ២០.០០០នាក់ ខណៈព្យុះទីហ្វុង Noul បក់បោកជិតដល់

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានអន្តរជាតិ

តុលាការអ៊ីរ៉ង់ បដិសេធការលើកឡើងរបស់លោក Trump ដែលថា អ្នកទោសអាមេរិកត្រូវបានដោះលែង

សេតវិមាន៖ លោក Trump នៅតែ «បើកចំហ ចំពោះការទូត» ជាមួយអ៊ីរ៉ង់

មន្ត្រីការទូតរុស្ស៊ីព្រមានថា ទាហានស៊ីឈ្នួលអ៊ុយក្រែន និងក្រុមភេរវករ អាចបង្កើនសកម្មភាពនៅប្រទេសម៉ាលី

ការប្រជ្រៀតគ្នាក្នុងពិធីបុណ្យរថយាត្រានៅឥណ្ឌាបណ្តាលឲ្យមនុស្សស្លាប់ និងរបួស

ពលរដ្ឋជប៉ុនប្រមូលផ្តុំគ្នាប្រឆាំងការជំរុញរបស់រដ្ឋាភិបាលក្នុងការកែប្រែរដ្ឋធម្មនុញ្ញសន្តិនិយម

កងឆ្មាំ IRGC កំណត់គោលដៅលើមជ្ឈមណ្ឌលបញ្ជាការដ្ឋានសហរដ្ឋអាមេរិក នៅស៊ីរី

អាហ្សង់ទីន និងអេស្ប៉ាញ ត្រៀមបើកសមរភូមិលើវាលស្មៅ នៅវគ្គផ្តាច់ព្រ័ត្រ World Cup ជាប្រវត្តិសាស្ត្រ

ប្រទេសចិននិងប៉ាគីស្ថាន អំពាវនាវឲ្យអាមេរិកនិងអ៊ីរ៉ង់បន្តការចរចា ខណៈប្រយុទ្ធគ្នាកាន់តែខ្លាំងឡើង

គេហទំព័រYnet៖ សភាអ៊ីស្រាអែលអនុម័តសេចក្តីព្រាងច្បាប់ដើម្បីរំលាយខ្លួនឯង មុនការបោះឆ្នោតថ្ងៃទី២៧ ខែតុលា

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានអន្តរជាតិ

តុលាការអ៊ីរ៉ង់ បដិសេធការលើកឡើង​របស់លោក Trump ដែលថា អ្នកទោសអាមេរិកត្រូវបានដោះលែង

សេតវិមាន៖ លោក Trump នៅតែ​ «បើកចំហ ចំពោះការទូត» ជាមួយអ៊ីរ៉ង់

មន្ត្រីការទូតរុស្ស៊ីព្រមានថា ទាហានស៊ីឈ្នួលអ៊ុយក្រែន និងក្រុមភេរវករ អាចបង្កើនសកម្មភាពនៅប្រទេសម៉ាលី

ការប្រជ្រៀតគ្នាក្នុងពិធីបុណ្យរថយាត្រានៅឥណ្ឌាបណ្តាលឲ្យមនុស្សស្លាប់ និងរបួស

ពលរដ្ឋជប៉ុនប្រមូលផ្តុំគ្នាប្រឆាំងការជំរុញរបស់រដ្ឋាភិបាលក្នុងការកែប្រែរដ្ឋធម្មនុញ្ញសន្តិនិយម

កងឆ្មាំ IRGC កំណត់គោលដៅលើមជ្ឈមណ្ឌលបញ្ជាការដ្ឋានសហរដ្ឋអាមេរិក នៅស៊ីរី

អាហ្សង់ទីន និងអេស្ប៉ាញ ត្រៀមបើកសមរភូមិលើវាលស្មៅ នៅវគ្គផ្តាច់ព្រ័ត្រ World Cup ជាប្រវត្តិសាស្ត្រ

ប្រទេសចិននិងប៉ាគីស្ថាន អំពាវនាវឲ្យអាមេរិកនិងអ៊ីរ៉ង់បន្តការចរចា ខណៈប្រយុទ្ធគ្នាកាន់តែខ្លាំងឡើង

គេហទំព័រYnet៖ សភាអ៊ីស្រាអែលអនុម័តសេចក្តីព្រាងច្បាប់ដើម្បីរំលាយខ្លួនឯង មុនការបោះឆ្នោតថ្ងៃទី២៧ ខែតុលា

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

តុលាការអ៊ីរ៉ង់ បដិសេធការលើកឡើងរបស់លោក Trump ដែលថា អ្នកទោសអាមេរិកត្រូវបានដោះលែង

សេតវិមាន៖ លោក Trump នៅតែ «បើកចំហ ចំពោះការទូត» ជាមួយអ៊ីរ៉ង់