នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
UN អំពាវនាវឲ្យក្រុមឧទ្ទាមហ៊ូធីបញ្ចប់ការវាយប្រហារលើនាវាដឹកប្រេងអារ៉ាប៊ីសាអ៊ូឌីតនៅសមុទ្រក្រហម
លោក Trump៖ អាមេរិក និងអ៊ីរ៉ង់កំពុងជជែកគ្នា ប៉ុន្តែទីក្រុងតេអេរ៉ង់ពុំទាន់ត្រៀមខ្លួនសម្រាប់កិច្ចព្រមព្រៀង
ការ​លាលែងពីតំណែងរបស់​រដ្ឋមន្ត្រីអប់រំឥណ្ឌា គឺ​ជាជ័យជម្នះដ៏ធំ សម្រាប់ក្រុមបាតុករយុវជន
លោក Trump រិះគន់ព័ត៌មានក្លែងក្លាយ និងបង្កឱ្យមានភាពចម្រូងចម្រាស ជុំវិញការបោះឆ្នោតឆ្នាំ២០២៨

ព័ត៌មានអន្តរជាតិ

ក្រុមប្រឹក្សាសន្តិសុខរុស្ស៊ី៖ NATO និងសហភាពអឺរ៉ុប​ប្រើប្រាស់មធ្យោបាយភេរវកម្មអន្តរជាតិដ៏ជ្រុលនិយម

2026/07/16 10:12:05 pm        40
Facebook Telegram Linkin
លោក Yury Kokov អនុលេខាធិការក្រុមប្រឹក្សាសន្តិសុខរុស្ស៊ី បានថ្លែងក្នុងបទសម្ភាសន៍ជាមួយសារព័ត៌មាន​ TASS ថា មធ្យោបាយដែលអង្គការណាតូ (NATO) និងសហភាពអឺរ៉ុប (EU)ប្រើប្រាស់ បានឈានទៅដល់ទម្រង់ដ៏ជ្រុលនិយមនៃភេរវកម្មអន្តរជាតិ។លោកបាននិយាយថា៖ «មធ្យោបាយដែលអង្គការណាតូ និងសហភាពអឺរ៉ុបប្រើប្រាស់ បានឈានដល់កម្រិតជ្រុលនិយមដ៏ខ្លាំង ដែលអាចចាត់ទុកបានថា ស្ថិតក្រោមនិយមន័យនៃអំពើភេរវកម្មអន្តរជាតិទាំងស្រុង»។លោក Kokov បានកត់សម្គាល់ថា ការប្រើប្រាស់វិធីសាស្ត្រហិង្សាដើម្បីបម្រើផលប្រយោជន៍ផ្ទាល់ខ្លួន បានក្លាយជា«ទម្លាប់ទូទៅរបស់ក្រុមឥស្សរជនហិរញ្ញវត្ថុអង់ហ្គ្លូ-សាក់សុន (Anglo-Saxon) ដែលទ្រព្យសម្បត្តិរបស់ពួកគេដើមឡើយ កើតចេញពីការដណ្តើមយកទឹកដីបរទេស ការប្លន់ ការធ្វើអាណានិគម និងការជួញដូរទាសករ»។លោកអនុលេខាធិការក្រុមប្រឹក្សាសន្តិសុខរុស្ស៊ី បានបន្ថែមថា៖ «ពួកគេមិនដែលស្ទាក់ស្ទើរ​លក្នុង​ការប្រើអំពើហិង្សា ដើម្បីដោះស្រាយជម្លោះផ្ទៃក្នុង និងពង្រីកឥទ្ធិពលរបស់ខ្លួននៅក្រៅប្រទេសនោះឡើយ»។លោកបានបន្តថា៖ «ដូច្នេះគួររំលឹកឡើងវិញអំពីមូលហេតុដែលសហភាពអឺរ៉ុប (EU) ត្រូវបានបង្កើតឡើង ស្របតាមសន្ធិសញ្ញាឆ្នាំ ១៩៩២ ដែលបានចុះហត្ថលេខានៅទីក្រុងម៉ាស្ត្រិច (Maastricht) នៃប្រទេស   ​ហូឡង់»។ «យ៉ាងណាមិញ នៅពេលនោះ គោលបំណងដ៏ថ្លៃថ្នូជាច្រើន ត្រូវបានប្រកាសឡើង រួមមាន ការលើកកម្ពស់សន្តិភាព វិបុលភាព និងសមភាពរវាងប្រជាជន ការអភិវឌ្ឍប្រកបដោយចីរភាព ការធានាកម្រិតខ្ពស់នៃការការពារសង្គមសម្រាប់ប្រជាពលរដ្ឋ ព្រមទាំងការប្រកាន់ខ្ជាប់យ៉ាងតឹងរ៉ឹងនូវច្បាប់អន្តរជាតិ និងគោលការណ៍នានានៃធម្មនុញ្ញអង្គការសហប្រជាជាតិ»៕

សហរដ្ឋអាមេរិកពង្រីកទណ្ឌកម្មដោយកំណត់គៅដៅលើវិស័យប្រេង និងរូបិយប័ណ្ណគ្រីបតូរបស់អ៊ីរ៉ង់

2026/07/16 10:08:31 pm        44
Facebook Telegram Linkin
ក្រសួងរតនាគារសហរដ្ឋអាមេរិកបាននិយាយថា ទីក្រុងវ៉ាស៊ីនតោនបានពង្រីកទណ្ឌកម្មរបស់ខ្លួនលើវិស័យប្រេងរបស់អ៊ីរ៉ង់ ដោយបន្តកំណត់គោលដៅលើបណ្តាញដឹកជញ្ជូនប្រេងដែលមានទំនាក់ទំនងជាមួយមហាសេដ្ឋីដឹកជញ្ជូនប្រេង លោក Mohammad Hossein Shamkhani។ រដ្ឋមន្ត្រីក្រសួងរតនាគារសហរដ្ឋអាមេរិក លោក Scott Bessent បាននិយាយថា ក្រសួងក៏បានបង្កកទ្រព្យសម្បត្តិឌីជីថលមានតម្លៃ ១៣០ លានដុល្លារ ដែលរក្សាទុកក្នុងកាបូបឌីជីថល (digital wallets) ដែលមានទំនាក់ទំនងនឹងធនាគារកណ្តាលអ៊ីរ៉ង់ផងដែរ ដោយកំណត់គោលដៅលើវិស័យមួយ ដែលបានឃើញសកម្មភាពកើនឡើង ចាប់តាំងពីសង្គ្រាមនេះ បានផ្ទុះឡើង។ ការសម្រេចនេះ បានកើតឡើង បន្ទាប់ពីកងកម្លាំងសហរដ្ឋអាមេរិក បានបើកការវាយប្រហារលើអ៊ីរ៉ង់ជាបន្តបន្ទាប់រយៈពេល ៤ ថ្ងៃជាប់គ្នា និងបានដាក់ឡើងវិញនូវការបិទខ្ទប់ផ្លូវសមុទ្រដោយកងទ័ពជើងទឹក ខណៈដែលអ៊ីរ៉ង់បានឆ្លើយតបដោយវាយប្រហារលើនាវាជាច្រើនគ្រឿងនៅច្រកសមុទ្រហ័រមូស។ នេះបើយោងតាមអង្គការសមុទ្រអន្តរជាតិ (IMO)។ អ៊ីរ៉ង់បានចាប់ផ្តើមបិទច្រកសមុទ្រហូមូស ដែលជាផ្លូវទឹកដ៏សំខាន់សម្រាប់ការដឹកជញ្ជូនថាមពល បន្ទាប់ពីការវាយប្រហាររបស់សហរដ្ឋអាមេរិក និងអ៊ីស្រាអែល កាលពីខែកុម្ភៈ។ ជាការឆ្លើយតប ទីក្រុងវ៉ាស៊ីនតោនបានដាក់ឡើងវិញនូវការបិទខ្ទប់ផ្លូវសមុទ្រលើកំពង់ផែរបស់អ៊ីរ៉ង់ ចាប់ពីពាក់កណ្តាលខែមេសា ដល់ពាក់ កណ្តាលខែមិថុនា៕

ការវាយប្រហាររបស់ក្រុមសកម្មប្រយុទ្ធនៅភាគពាយ័ព្យប៉ាគីស្ថាន សម្លាប់មន្ត្រីនគរបាល ៣នាក់ និង ២០នាក់រងរបួស

2026/07/16 10:06:21 pm        48
Facebook Telegram Linkin
ក្រុមសកម្មប្រយុទ្ធបានពួនស្ទាក់​វាយប្រហារក្បួនរថយន្តសន្តិសុខមួយ ហើយប៉ុន្មានម៉ោងក្រោយមក អ្នកបំផ្ទុះគ្រាប់បែកអត្តឃាតម្នាក់ បានវាយប្រហារលើប៉ុស្តិ៍​នគរបាលមួយ នៅភាគពាយ័ព្យប៉ាគីស្ថាន កាលពីថ្ងៃពុធ ដែលមន្ត្រីបាននិយាយថា បាន​បណ្តាលឲ្យ​មន្ត្រីនគរ​បាលយ៉ាងតិច​ ៣នាក់ ស្លាប់​ និង ២០​នាក់ រងរបួស ជាសញ្ញាចុងក្រោយបំផុតដែលបង្ហាញថា អំពើហិង្សាកំពុងកើនឡើងនៅក្នុងតំបន់ដែលមានព្រំប្រទល់ជាប់នឹងប្រទេសអាហ្វហ្គានីស្ថាន។ការវាយប្រហារលើកទី១ បានកើតឡើងនៅស្រុក Upper Dir ក្នុងខេត្ត Khyber Pakhtunkhwa ជាកន្លែងដែលក្រុមសកម្មប្រយុទ្ធបានស្ទាក់វាយប្រហារលើក្បួនរថយន្តកងកម្លាំងសន្តិសុខ ដោយបានសម្លាប់មន្ត្រី   នរគបាល ៣នាក់ និងបណ្តាលឲ្យ​ ១៥នាក់ ផ្សេ​ទៀត រងរបួស។ នេះបើតាមការបញ្ជាក់របស់លោក Ibrahim Khan មន្ត្រីនគរបាល​ក្នុងតំបន់។លោកបាននិយាយថា កងកម្លាំងសន្តិសុខ បានបាញ់តបវិញ ហើយការប៉ះទង្គិចគ្នា បាន​បន្តទៀត។ ភ្លាមៗនោះ លោក Khan មិនបាននិយាយថាតើមានជនសកម្មប្រយុទ្ធណាម្នាក់ ត្រូវបានសម្លាប់ ឬរងរបួសនោះទេ។នរគបាលបាននិយាយថា​ ប៉ុន្មានម៉ោងក្រោយមក អ្នកបំផ្ទុះគ្រាប់បែកអត្តឃាតម្នាក់ បានបើករថយន្តដែលផ្ទុកគ្រឿងផ្ទុះបុកចូលប៉ុស្តិ៍នគរបាល​មួយ នៅ​ក្នុងទីក្រុង Bannu ដែលក៏ស្ថិតនៅក្នុងខេត្ត​ Khyber Pakhtunkhwa ផងដែរ ដោយបានបណ្តាល​ឲ្យ​មន្ត្រីនគរបាល​យ៉ាងហោចណាស់ ៥នាក់ រងរបួស។ ការផ្ទុះនេះ បានបំផ្លាញផ្នែកខ្លះនៃប៉ុស្តិ៍នេះ​ ប៉ុន្តែមិនមានអ្នកស្លាប់ត្រូវបានរាយការណ៍ភ្លាមៗនោះទេ៕

កា​រ​វាយប្រហារថ្មី​ៗ​របស់អាមេរិកលើអ៊ីរ៉ង់​សម្លាប់មនុស្ស​​ ៣៥នាក់ ​​និង​ជា​ង ​៣០០​នាក់ រងរបួស

2026/07/16 10:00:48 pm        25
Facebook Telegram Linkin
ក្រសួងសុខាភិបាលអ៊ីរ៉ង់បានឲ្យ​ដឹងកាលពីថ្ងៃពុធថា ការវាយប្រហារថ្មីៗរបស់សហរដ្ឋអាមេរិកទៅលើខេត្តភាគខាងត្បូងប្រទេស​នេះ បានសម្លាប់មនុស្ស ៣៥នាក់ និងជាង ៣០០នាក់ផ្សេងទៀត រងរបួស​។លោក Hossein Kermanpour ប្រធាន​ផ្នែក​ទំនាក់ទំនងសាធារណៈរបស់ក្រសួងនេះ​​ បាននិយាយនៅលើវេទិកាប្រព័ន្ធផ្សព្វផ្សាយសង្គម X ថា ស្ត្រីពីរនាក់ និងក្មេងជំទង់ម្នាក់ ស្ថិតក្នុងចំណោមជនរងគ្រោះ។លោក Kermanpour បានបន្ថែមថា ខេត្តហូមូសហ្គាន (Hormozgan) ភាគខាងត្បូង និងខេត្តស៊ីស្តាន (Sistan) និងបាឡូជីស្តាន (Baluchestan) ភាគអាគ្នេយ៍ បានកត់ត្រាចំនួនអ្នកស្លាប់ និងអ្នករងរបួសច្រើនជាងគេ ខណៈដែលក្នុងចំណោមអ្នករងរបួសទាំងនោះ មាន ៧២នាក់ កំពុងសម្រាកព្យាបាលនៅមន្ទីរពេទ្យ។កងទ័ពអ៊ីរ៉ង់បាននិយាយ​នៅក្នុងសេចក្តីថ្លែងការណ៍មួយដែលចេញផ្សាយនៅលើគេហទំព័ររបស់ខ្លួនថា ទាហាន ៧នាក់ បានស្លាប់ និង ១៣នាក់ផ្សេ​ង​ទៀត រងរបួស ក្នុងការវាយប្រហារមួយនៅព្រឹកថ្ងៃពុធ ដែលបានកំណត់គោលដៅ​ទៅ​លើបន្ទាយយោធាមួយ នៅក្នុង​តំបន់បាំពួរ (Bampur County) ក្នុងខេត្តស៊ី  ស្តាន និងបាឡូជីស្តាន។យោធាអាមេរិកបានបើកការវាយប្រហារជាច្រើនលើកប្រឆាំងនឹងខេត្តភាគខាងត្បូងរបស់អ៊ីរ៉ង់ ក្នុងរយៈពេលប៉ុន្មានថ្ងៃកន្លងមកនេះ ដោយអះអាងថា ការវាយប្រហារទាំងនេះ គឺជាការឆ្លើយតបទៅនឹងការកំណត់គោលដៅរបស់កងកម្លាំងប្រដាប់អាវុធអ៊ីរ៉ង់ទៅលើនាវានៅក្នុងច្រកសមុទ្រហ័រមូស និងមានគោលបំណងធ្វើឲ្យ​ចុះខ្សោយនូវ​សមត្ថភាពរបស់អ៊ីរ៉ង់ក្នុងការគំរាមកំហែងដល់ការដឹកជញ្ជូនពាណិជ្ជកម្ម»៕

ប្រធានយុទ្ធសាស្ត្រIMF អំពាវនាវឱ្យធានាស្ថិរភាពតម្លៃ និងការជឿជាក់ក្នុងពិភពលោករួបរឹតដោយភាពរង្គោះរង្គើ

2026/07/16 08:44:11 pm        56
Facebook Telegram Linkin
ប្រធានយុទ្ធសាស្ត្ររបស់មូលនិធិរូបិយវត្ថុអន្តរជាតិ (IMF) បានជំរុញក្រុមមន្ត្រីរដ្ឋាភិបាលកាលពីថ្ងៃពុធ១៥កក្កដា សប្ដាហ៍នេះ ឱ្យផ្តោតលើក្របខ័ណ្ឌសារពើពន្ធរយៈពេលមធ្យម និងរក្សាការប្តេជ្ញាចិត្តយ៉ាងមុតមាំចំពោះស្ថិរភាពតម្លៃនៅក្នុងពិភពលោកដែលងាយនឹងរងផលប៉ះពាល់នាពេលបច្ចុប្បន្ន។ លោក Christian Mumssen ដែលបានចូលកាន់តំណែងជានាយកយុទ្ធសាស្ត្ររបស់មូលនិធិនេះកាលពីខែតុលា បាននិយាយថា សេដ្ឋកិច្ចពិភពលោកត្រូវបានរង្គោះរង្គើក្នុងរយៈពេលប៉ុន្មានឆ្នាំចុងក្រោយនេះ ដោយសារតែការប៉ះទង្គិចធំៗជាបន្តបន្ទាប់យ៉ាងឆាប់រហ័ស រួមទាំងជំងឺរាតត្បាតសកលCOVID-19 វិបត្តិការចំណាយលើជីវភាពរស់នៅប្រចាំថ្ងៃ ការប៉ះទង្គិចពាណិជ្ជកម្ម និងសង្គ្រាមនៅអ៊ុយក្រែន និងមជ្ឈិមបូព៌ា។ លោកបានថ្លែងក្នុងសុន្ទរកថាត្រូវបានរៀបចំសម្រាប់ព្រឹត្តិការណ៍មួយនៅក្រុមប្រឹក្សាអាត្លង់ទិកថា ផ្នែកបច្ចេកវិទ្យា បញ្ញាសិប្បនិម្មិត និងហិរញ្ញវត្ថុឌីជីថល កំពុងរីកចម្រើនក្នុងល្បឿនដែលមនុស្សមួយចំនួនតូចរំពឹងទុក។ ហើយផ្នែកភូមិសាស្ត្រនយោបាយ សណ្តាប់ធ្នាប់ពិភពលោកក្រោយសង្គ្រាមកំពុងផ្តល់ផ្លូវដល់ពិភពលោកដែលបែកបាក់ និងពហុប៉ូល។ សេដ្ឋកិច្ចពិភពលោកបានបង្ហាញឱ្យឃើញពីភាពធន់គួរឱ្យកត់សម្គាល់នៅចំពោះមុខកម្លាំងទាំងនេះ។ ប៉ុន្តែទំហំដ៏ធំនៃអ្វីដែលកំពុងដំណើរការបង្កើតភាពមិនច្បាស់លាស់កម្រិតខ្ពស់ ហើយពិភពលោកគួរតែរំពឹងថា នឹងមានអ្វីកើតឡើងដែលមិននឹកស្មានដល់។ ដោយសារទំហំ និងល្បឿននៃការផ្លាស់ប្តូរ ជាមួយនឹងទីផ្សារឌីជីថល និងការរីកចម្រើនរបស់ស្ថាប័នហិរញ្ញវត្ថុមិនមែនធនាគារដែលនាំមកនូវប្រភពហានិភ័យថ្មីៗ វាមានសារៈសំខាន់ជាងពេលណាៗទាំងអស់ ដែលប្រទេសនានាធានាបាននូវស្ថិរភាព និងភាពជឿជាក់ក្នុងគោលនយោបាយសារពើពន្ធ និងរូបិយវត្ថុ៕

អង្គការសហប្រជាជាតិ៖ មនុស្ស១,៤លាននាក់នៅហ្កាហ្សា ត្រូវការការគាំទ្រទីជម្រករយៈពេលវែង

2026/07/16 08:42:27 pm        91
Facebook Telegram Linkin
អង្គការសហប្រជាជាតិនិយាយថា តម្រូវការមនុស្សធម៌នៅតំបន់ហ្កាហ្សានៅតែធ្ងន់ធ្ងរ ដោយមនុស្សប្រមាណ ១,៤ លាននាក់ត្រូវការការគាំទ្រទីជម្រករយៈពេលវែង រួមទាំងមនុស្ស ៨៥០.០០០នាក់ ត្រូវការទីជម្រកបន្ទាន់។ អ្នកនាំពាក្យអង្គការសហប្រជាជាតិ លោក Stephane Dujarric បាននិយាយថា អនុប្រធានសម្របសម្រួលកិច្ចការមនុស្សធម៌របស់អង្គការសហប្រជាជាតិសម្រាប់ដែនដីប៉ាឡេស្ទីន លោកស្រី Suzanna Tkalec បានដឹកនាំបេសកកម្មមនុស្សធម៌រួមគ្នាទៅកាន់អតីតសាលារៀនរបស់អង្គការសហប្រជាជាតិមួយកន្លែងក្នុងទីក្រុង Deir Al-Balah ជាកន្លែងដែលគ្រួសារភៀសខ្លួនប្រហែល ១៨ គ្រួសារបានរស់នៅរយៈពេលជាងមួយឆ្នាំកន្លះមកហើយ។ ទីតាំងនេះស្ថិតនៅចម្ងាយប្រហែល ៥០ យ៉ាតពីអ្វីដែលគេហៅថាខ្សែបន្ទាត់លឿង ហើយការរឹតត្បិតដំណើការចូលទៅកាន់កន្លែងផ្តល់ជំនួយត្រូវបានបានរារាំង។ ក្រុមគ្រួសារជាច្រើនបានរាយការណ៍ពីតម្រូវការបន្ទាន់ រួមមានទឹកស្អាត ស្បៀងអាហារ ការថែទាំសុខភាព អនាម័យ និងការអប់រំ ខណៈភាពអសន្តិសុខ និងកង្វះជម្រើសផ្សេងៗនៅតែបន្តធ្វើឱ្យប៉ះពាល់ដល់ស្ថានភាពរស់នៅ។ លោក Dujarric បាននិយាយថា ដៃគូមនុស្សធម៌បានចែកចាយរបស់របរទាក់ទងនឹងទីជម្រកជាង ៣៧៨.០០០មុខ ក្នុងរយៈពេលមួយខែកន្លងទៅនេះ ប៉ុន្តែបានព្រមានថា បើគ្មានមូលនិធិបន្ថែមទេ ស្តុកដែលអស់មិនអាចត្រូវបានបំពេញឡើងវិញបានឡើយ ធ្វើឱ្យគ្រួសារងាយរងគ្រោះស្ថិតក្នុងហានិភ័យខ្ពស់នៅមុនរដូវរងា។

ប្រធានាធិបតី៖ ប្រទេសអ៊ុយក្រែនរំពឹងថានឹងអាចផលិតមីស៊ីល Patriot នៅចុងឆ្នាំនេះ

2026/07/16 08:34:00 pm        67
Facebook Telegram Linkin
ប្រធានាធិបតី លោ កVolodymyr Zelenskyy បាននិយាយកាលពីថ្ងៃពុធ ទី ១៥ ខែកក្កដា ថា អ៊ុយក្រែន រំពឹងថានឹងមានសមត្ថភាពបច្ចេកទេសក្នុងការផលិតមីស៊ីលសម្រាប់ប្រព័ន្ធការពារដែនអាកាសប៉ាទ្រីយ៉ូត(Patriot) ផលិតដោយសហរដ្ឋអាមេរិកនៅចុងឆ្នាំនេះ។ លោក Zelenskyy បានប្រាប់អ្នកសារព័ត៌មានថា អ៊ុយក្រែនមានជើងទម្របាញ់មីស៊ីល និងមីស៊ីលសម្រាប់គម្រោងប្រឆាំងមីស៊ីលបាលីស្ទីក Freyja មកពីអឺរ៉ុប ហើយសង្ឃឹមថាការធ្វើតេស្តរបស់ខ្លួននឹងទទួលបានជោគជ័យ។ ទន្ទឹមនឹងនេះ លោកស្រី Ursula von der Leyen ប្រធានគណៈកម្មការអឺរ៉ុប បាននិយាយកាលពីថ្ងៃពុធ ទី១៥ ខែកក្កដា ថា សហភាពអឺរ៉ុប និងអ៊ុយក្រែនបានចុះហត្ថលេខាលើភាពជាដៃគូឧស្សាហកម្មការពារជាតិថ្មី ក្នុងគោលបំណងពង្រីកការផលិតយានដ្រូនរួមគ្នា ដោយការរួមបញ្ចូលគ្នានូវជំនាញនៅសមរភូមិរបស់អ៊ុយក្រែនជាមួយនឹងសមត្ថភាពផលិតរបស់អឺរ៉ុប។ ថ្លែងនៅក្នុងពិធីអបអរទិវារដ្ឋរបស់អ៊ុយក្រែននៅទីក្រុងគីវ លោកស្រី von der Leyen បានចាត់ទុកកិច្ចព្រមព្រៀងនេះថាជា «កិច្ចព្រមព្រៀងយានដ្រូនរបស់យើងផ្ទាល់» និងបាននិយាយថា កិច្ចព្រមព្រៀងនឹងគាំទ្រដល់ការផលិតរួមគ្នា ការវិនិយោគ និងការពង្រីកការផលិតវិស័យពារជាតិ។ ប្រធានាធិបតី លោក Volodymyr Zelenskyy កាលពីថ្ងៃពុធបាននិយាយថា អ៊ុយក្រែនបានផលិតយានដ្រូនចំនួន១០លានគ្រឿងជារៀងរាល់ឆ្នាំរួចហើយ ហើយត្រូវបានគេរំពឹងថានឹងបង្កើនទិន្នផលនេះទ្វេដង ដោយមានការគាំទ្រពីដៃគូអឺរ៉ុបរបស់ខ្លួន។

អ៊ីរ៉ង់ កោះហៅឯកអគ្គរដ្ឋទូតអង់គ្លេសជុំវិញការកំណត់កងឆ្មាំ IRGC ថាជាការគំរាមកំហែងសន្តិសុខជាតិ

2026/07/16 08:15:24 pm        85
Facebook Telegram Linkin
ក្រសួងការបរទេសអ៊ីរ៉ង់កាលពីថ្ងៃពុធ បានកោះហៅឯកអគ្គរដ្ឋទូតអង់គ្លេសប្រចាំទីក្រុងតេអេរ៉ង់ លោក Hugo Shorter ជុំវិញចំណាត់ការរបស់រដ្ឋាភិបាលអង់គ្លេសក្នុងការកំណត់កងឆ្មាំបដិវត្តន៍អ៊ីស្លាម (IRGC) ថាជាការគំរាមកំហែងសន្តិសុខជាតិ។ ក្រសួងបាននិយាយនៅក្នុងសេចក្តីថ្លែងការណ៍ថា លោក Alireza Yousefi អគ្គនាយកទទួលបន្ទុកអឺរ៉ុបភាគខាងលិចនៅក្នុងក្រសួងការបរទេស ជាអ្នកដែលបានកោះហៅឯកអគ្គរដ្ឋទូតអង់គ្លេស បានបង្ហាញពីការតវ៉ាយ៉ាងខ្លាំងរបស់ទីក្រុងតេអេរ៉ង់ប្រឆាំងនឹងសកម្មភាពអរិភាពនេះ។ លោក Yousefi បានរិះគន់ការថ្លែងលើកឡើង «មិនសមរម្យ ប្រឆាំងអ៊ីរ៉ង់នាពេលថ្មីៗនេះ ដោយរដ្ឋមន្ត្រីសន្តិសុខអង់គ្លេស លោកស្រី Angela Eagle ក្នុងសុន្ទរកថាមួយទៅកាន់សភា ដោយនិយាយថា ការអះអាង «គ្មានមូលដ្ឋាន» ប្រឆាំងកងឆ្មាំបដិវត្តអ៊ិស្លាម(IRGC) គឺជា «ចំណាត់ការមិនទទួលខុសត្រូវ និងផ្ទុយទៅនឹងការប្តេជ្ញាចិត្តជាអន្តរជាតិរបស់រដ្ឋាភិបាលអង់គ្លេស ព្រមទាំងគោលការណ៍ជាមូលដ្ឋានដែលគ្រប់គ្រងទំនាក់ទំនងរវាងរដ្ឋនានា»។ លោកស្រី Eagle បាននិយាយនៅក្នុងសេចក្តីថ្លែងការណ៍ថា ចក្រភពអង់គ្លេសបាន «កំណត់អត្តសញ្ញាណសកម្មភាពទាក់ទងនឹងកងឆ្មាំបដិវត្តអ៊ិស្លាម(IRGC) ពាក់ព័ន្ធនឹងការគំរាមកំហែងដល់អាយុជីវិត និងការបំភិតបំភ័យនៅលើទឹកដីចក្រភពអង់គ្លេស»។ លោក Yousefi បានព្រមានថា ច្បាប់អរិភាពណាមួយដែលកំណត់គោលដៅលើអ៊ីរ៉ង់ ឬស្ថាប័នរបស់ខ្លួន នឹងប្រឈមការឆ្លើយតប «ដ៏ខ្លាំងក្លា និងទៅវិញទៅមក» ពីប្រទេសអ៊ីរ៉ង់។ រដ្ឋាភិបាលអង់គ្លេស បានប្រកាសកាលពីថ្ងៃចន្ទ សប្តាហ៍នេះថា ខ្លួនកំពុងចាត់វិធានការដើម្បីកំណត់កងឆ្មាំបដិវត្តន៍អ៊ីរ៉ង់(IRGC) និងអង្គការពីរផ្សេងទៀត ថាជាការគំរាមកំហែងសន្តិសុខជាតិ។

រុស្ស៊ីបាញ់ស្រោចមីស៊ីលលើក្រុងគីវ ក្រោយអឺរ៉ុប-អ៊ុយក្រែន ចុះហត្ថលេខាលើកិច្ចព្រមព្រៀងយានដ្រូន

2026/07/16 08:13:42 pm        69
Facebook Telegram Linkin
ក្រុមមន្ត្រីអ៊ុយក្រែននិយាយថា រដ្ឋធានីគីវ បានរងការវាយប្រហារដ៏ធំរបស់រុស្ស៊ី ខណៈមីស៊ីលផ្លោងបានធ្លាក់លើស្រុកជាច្រើន ដែលបង្កឱ្យមានការផ្ទុះឆេះ។ ដោយសរសេរលើ Telegram នៅព្រឹកថ្ងៃព្រហស្បតិ៍នេះ លោក Vitali Klitschko អភិបាលក្រុងគីវបាននិយាយថា សេវាកម្មសង្គ្រោះបន្ទាន់កំពុងព្យាយាមពន្លត់អគ្គិភ័យនៅទូទាំងរដ្ឋធានី បន្ទាប់ពីឃ្លាំងមួយនៅក្នុងស្រុក Sviatoshynskyi និងអគារមិនមែនលំនៅឋាននៅក្នុងស្រុក Darnytskyi ត្រូវបានវាយប្រហារ។ លោកបានបន្ថែមថា កម្ទេចកម្ទីមីស៊ីលដែលធ្លាក់មកក៏បានប៉ះចំតំបន់អភិវឌ្ឍន៍មិនមែនលំនៅឋានមួយនៅក្នុងស្រុក Darnytsia ផងដែរ ដែលបង្កឱ្យមានអគ្គិភ័យបន្ថែម ។ ក្រោយមក បញ្ជាការកងទ័ពអាកាសអ៊ុយក្រែនបានបញ្ជាក់ថា ការគំរាមកំហែងភ្លាមៗត្រូវបានដកចេញបន្ទាប់ពីប្រហែលមួយម៉ោង។ ការវាយប្រហារនេះបានកើតឡើងប៉ុន្មានម៉ោងបន្ទាប់ពីប្រធានគណៈកម្មការអឺរ៉ុបលោកស្រី Ursula von der Leyen បានទៅទស្សនកិច្ចទីក្រុងគីវ ហើយបានប្រកាសពី "កិច្ចព្រមព្រៀងយានដ្រូន" ថ្មីរវាងអ៊ុយក្រែន និងសហភាពអឺរ៉ុប។ កិច្ចព្រមព្រៀងនេះមានគោលបំណងលាយបញ្ចូលជំនាញសមរភូមិរបស់ទីក្រុងគីវជាមួយនឹងសមត្ថភាពឧស្សាហកម្មរបស់សហភាពអឺរ៉ុប ដើម្បីបង្កើតគម្រោងរួមគ្នា និងពង្រីកផលិតកម្មយ៉ាងឆាប់រហ័ស។ ថ្លែងនៅក្នុងពិធីមួយនាឱកាសប្រារព្ធទិវាឯករាជ្យជាតិអ៊ុយក្រែន លោកស្រី von der Leyen បានសង្កត់ធ្ងន់លើតម្រូវការក្នុងការ «បញ្ចូលគ្នានូវចំណុចខ្លាំងរបស់ខ្លួន» ដោយបញ្ជាក់ថាកិច្ចព្រមព្រៀងនេះនឹង នាំមកនូវភាពប៉ិនប្រសប់របស់អ៊ុយក្រែន និងទំហំឧស្សាហកម្មរបស់អឺរ៉ុប៕

យោធាអាមេរិក បាញ់ទៅលើនាវាដឹកប្រេងដែលប៉ុនប៉ងបំពានការបិទផ្លូវកំពង់ផែអ៊ីរ៉ង់

2026/07/16 08:10:12 pm        60
Facebook Telegram Linkin
យោងតាមបញ្ជាការដ្ឋានកណ្តាលសហរដ្ឋអាមេរិកបានឲ្យដឹងថា កងកម្លាំងអាមេរិកកាលពីថ្ងៃពុធបានបាញ់មីស៊ីល និងធ្វើឱ្យជាប់គាំងនាវាដឹកប្រេងពុំមានផ្ទុកប្រេងមួយគ្រឿងដែលប៉ុនប៉ងបើកឆ្ពោះទៅកាន់កំពង់ផែអ៊ីរ៉ង់មួយកន្លែងនៅឈូងសមុទ្រអារ៉ាប់។ បញ្ជាការដ្ឋានបាននិយាយនៅក្នុងការបង្ហោះសារនៅលើបណ្តាញផ្សព្វផ្សាយសង្គមថា នាវាពាណិជ្ជកម្មដែលត្រូវបានគេកំណត់អត្តសញ្ញាណថាជានាវា M/T Belma មានទង់ជាតិប្រទេសកោះ Curacao បានមិនអើពើទៅនឹងការព្រមានជាច្រើនលើក ខណៈនាវាបានព្យាយាមរំលោភលើការបិទផ្លូវរបស់សហរដ្ឋអាមេរិក។ យន្តហោះអាមេរិកមួយគ្រឿង បានធ្វើឱ្យជាប់គាំងនាវាដែលកំពុងបើកឆ្ពោះទៅកាន់កោះ Kharg បន្ទាប់ពីបាញ់មីស៊ីលត្រូវបំពង់ផ្សែងរបស់នាវា។ នាវានេះលែងធ្វើដំណើរឆ្លងកាត់បានទៅអ៊ីរ៉ង់ទៀតហើយ។ កងកម្លាំងអាមេរិក បានដាក់ការបិទផ្លូវដោយកងទ័ពជើងទឹករបស់ខ្លួនជាថ្មីប្រឆាំងនាវាដែលធ្វើដំណើរឆ្លងកាត់ទៅ ឬមកពីកំពង់ផែ និងតំបន់ឆ្នេរសមុទ្ររបស់អ៊ីរ៉ង់ កាលពីថ្ងៃអង្គារ។ យោងតាមបញ្ជាការដ្ឋានកណ្តាលរបស់សហរដ្ឋអាមេរិក បាននិយាយថា យោធាអាមេរិកកាលពីថ្ងៃពុធ បានធ្វើការវាយប្រហារពីរលើកទៅលើប្រទេសអ៊ីរ៉ង់។

បណ្ដាញសង្គម

ព័ត៌មានថ្មីៗ

UN អំពាវនាវឲ្យក្រុមឧទ្ទាមហ៊ូធីបញ្ចប់ការវាយប្រហារលើនាវាដឹកប្រេងអារ៉ាប៊ីសាអ៊ូឌីតនៅសមុទ្រក្រហម
07/26/2026 12:07 PM
Facebook Telegram Linkin
លោក Trump៖ អាមេរិក និងអ៊ីរ៉ង់កំពុងជជែកគ្នា ប៉ុន្តែទីក្រុងតេអេរ៉ង់ពុំទាន់ត្រៀមខ្លួនសម្រាប់កិច្ចព្រមព្រៀង
07/26/2026 12:07 PM
Facebook Telegram Linkin
ក្រសួងបរិស្ថានផ្សព្វផ្សាយសក្តានុពលភ្នំខ្នងផ្សារជាមួយអ្នកសារព័ត៌មានក្នុងស្រុក
07/26/2026 12:07 PM
Facebook Telegram Linkin
កម្ពុជា អំពាវនាវឱ្យថៃឈប់បង្កើតលេសពន្យារពេលនៃដំណើរការវាស់វែងខ័ណ្ឌសីមាព្រំដែនតទៅទៀត
07/26/2026 11:07 AM
Facebook Telegram Linkin
ស.ស.យ.ក រាជធានីភ្នំពេញបានរៀបចំកម្មវិធីប្រកួតប្រជែងទិន្នផលបន្លែបង្ការ និងស្នាដៃធ្វើម្ហូបរបស់សិ​​ស្ស​​​​​​​​​​​​​​​​​​​​ឆ្នាំ​​​​២០២៦
07/26/2026 11:07 AM
Facebook Telegram Linkin
ពលរដ្ឋ និងយុវជនមកពីគ្រួសារក្រីក្រជាង ៤ពាន់នាក់ នៅខេត្តពោធិ៍សាត់ មានជំនាញ និងការងារសមរម្យ ដោយសារកម្មវិធី​ TVET ១,៥ លាន​នាក់របស់រាជរដ្ឋាភិបាល
07/26/2026 11:07 AM
Facebook Telegram Linkin
ឯកឧត្តមបណ្ឌិត អ៊ាង សុផល្លែត សម្ភោធដាក់ឱ្យប្រើប្រាស់ជាផ្លូវការផ្លូវបេតុងអាមេចំនួន១ខ្សែ នៅស្រុកត្បូងឃ្មុំ ខេត្តត្បូងឃ្មុំ
07/26/2026 10:07 AM
Facebook Telegram Linkin
ឯកឧត្តមកិត្តិសង្គហបណ្ឌិត គន់ គីម អញ្ជើញចុះត្រួតពិនិត្យ និងតាមដានការអន្តរាគមន៍ទឹកស្រូវរដូវវស្សា ក្នុងខេត្តបាត់ដំបង
07/26/2026 10:07 AM
Facebook Telegram Linkin
គណបក្សប្រជាជនកម្ពុជាខេត្តកំពង់ស្ពឺ ប្រជុំបូកសរុបលទ្ធផលការងារខែកក្កដា ឆ្នាំ២០២៦ និងលើកទិសដៅភារកិច្ចខែបន្ទាប់
07/25/2026 05:07 PM
Facebook Telegram Linkin
ក្រសួងអប់រំ ផ្ដល់ឱកាសឱ្យសិស្សធ្វើទស្សនកិច្ចសិក្សានៅសិង្ហបុរី តាមរយៈកម្មវិធី ME-NISTER
07/25/2026 05:07 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.