BTV NEWS

លោក Zelenskiy ៖ រុស្ស៊ីចង់ជ្រើសរើសទាហាន ៣ម៉ឺននាក់ ពីកូរ៉េខាងជើង

ចំនួនមនុស្សស្លាប់ដោយសារជំងឺអេបូឡានៅប្រទេសកុងហ្គោកើនឡើងដល់ជាង ១.៣០០នាក់

មនុស្សម្នាក់ស្លាប់ និង ១៥នាក់ រងរបួស ក្រោយរថយន្តមួយគ្រឿងបើកបុកហ្វូងមនុស្សនៅព្យុហយាត្រាឥន្ទធនូក្រុងប៊ែរឡាំង

មនុស្សយ៉ាងហោច ២១នាក់ រងរបួស ក្នុងហេតុការណ៍អគ្គិភ័យនៅទីក្រុងញូវយ៉ក សហរដ្ឋអាមេរិក

ព័ត៌មានអន្តរជាតិ

[UPDATE] ចំនួនអ្នកស្លាប់ក្នុងគ្រោះរញ្ជួយដីនៅវ៉េណេស៊ុយអេឡា ឡើងដល់៤.៥៦១ នាក់

ប្រធានសភា វ៉េណេស៊ុយអេឡា លោក Jorge Rodriguez បាននិយាយកាលពីថ្ងៃចន្ទសប្ដាហ៍នេះថាចំនួនអ្នកស្លាប់ពីគ្រោះមហន្តរាយរញ្ជួយដី ២លើក ក្នុងប្រទេសនេះ បានកើនឡើងដល់៤.៥៦១នាក់ និង១៦.៧៤០ នាក់ បានរងរបួស។ លោក Rodriguez បានបង្ហោះលើបណ្ដាញសង្គមរបស់លលោកថា ជំរំស្នាក់នៅបណ្ដោះអាសន្នចំនួន១០៧ កន្លែង ត្រូវបានបង្កើតឡើង និងមនុស្ស២០.២៣១នាក់ កំពុងស្នាក់នៅ ។ លោកក៏បាននិយាយផងដែរថា មនុស្ស១៧.៩០៧នាក់ នៅតែគ្មានផ្ទះសម្បែង ស្របពេលអគារចំនួន៨៥៦ ខ្នង ត្រូវបានបំផ្លាញ។ យោងតាមការធ្វើបច្ចុប្បន្នភាព បុគ្គលិកសរុបចំនួន ៣០.៩៨៩ នាក់ អ្នកស្ម័គ្រចិត្ត ៣០.៦៩២ នាក់ និងក្រុមអ្នកជួយសង្គ្រោះអន្តរជាតិចំនួន២.៤៧១នាក់ ត្រូវបានដាក់ពង្រាយ ក្នុងតំបន់រងផលប៉ះពាល់នានា ។ ចាប់តាំងពីការរញ្ជួយដីកម្រិត៧,២និង៧,៥ រ៉ិចទ័រ កាលពីថ្ងៃពុធ ២៤មិថុនា២០២៦ នេះ មក ប្រទេសវ៉េណេស៊ុយអេឡា បានកត់ត្រារលករញ្ជួយចំនួន ១.២៥៣លើក៕

សំណើរបស់លោក Trump យកថ្លៃសេវានៅច្រកសមុទ្រ Hormuz នឹងធ្វើឲ្យម្ព័ន្ធមិត្តនៅឈូងសមុទ្រស្រងាកចិត្ត

លោក Alex Vatanka សមាជិកជាន់ខ្ពស់នៅវិទ្យាស្ថានមជ្ឈិមបូព៌ា បាននិយាយថា សំណើរបស់លោក Trump ស្តីពីការយកថ្លៃសេវា២០ភាគរយពីនាវាដែលឆ្លងកាត់ច្រកសមុទ្រ Hormuz ទំនងជាគ្មានមូលដ្ឋាននៅក្នុងច្បាប់អន្តរជាតិទេ ហើយអាចធ្វើឲ្យសម្ព័ន្ធមិត្តអាមេរិកនៅឈូងសមុទ្រមានការខកចិត្ត។លោក Vatanka បានប្រាប់សារព័ត៌មាន Al Jazeera ថា «លោកប្រធានាធិបតី Trump ចូលចិត្តប្រើប្រាស់សេចក្តីថ្លែងការណ៍ធ្វើឲ្យភ្ញាក់ផ្អើល។ ខ្ញុំមិនដឹងថាមានការគិតគូរម៉ត់ចត់ប៉ុណ្ណាបានធ្វើឡើងនៅក្នុងក្រុមរបស់លោកនោះទេ ជុំវិញការយកថ្លៃសេវា២០ភាគរយនេះ»។«ខ្ញុំប្រាកដថា មតិមួយចំនួនរបស់លោកនឹងធ្វើឲ្យមិត្តភក្តិរបស់អាមេរិកមួយចំនួននៅក្នុងតំបន់មានការខកចិត្ត ដែលលោកបាននិយាយថាជាអ្នកមាន ដូច្នេះអាចមានលទ្ធភាពបង់ប្រាក់។ នោះពុំមែនជាកិច្ចព្រមព្រៀងដែលរដ្ឋឈូងសមុទ្របានចុះហត្ថលេខានៅពេលដែលពួកគេមើលឃើញសហរដ្ឋអាមេរិកជាអ្នកផ្តល់សន្តិសុខ នោះទេ»។«ដូច្នេះប្រសិនបើរដ្ឋឈូងសមុទ្រគិតថាកំពុងត្រូវបានគេកេងប្រវ័ញ្ចក្នុងស្ថានភាពនេះ នោះប្រហែលជាវាក៏នឹងមានផលប៉ះពាល់ដល់របៀបដែលលោកប្រធានាធិបតី Trump សម្រេចចិត្តបន្តគំនិតនេះ»។ លោក Vatanka បាននិយាយបន្ថែមថា សំណើនេះនៅតែជា «គំនិតសម្រាប់ពេលនេះ» ដោយលើកឡើងថា «យើងមិនទាន់បានឮព័ត៌មានជាក់លាក់ទាក់ទងនឹងរបៀបដែលលោកមានបំណងធ្វើរឿងនេះនៅឡើយទេ»។

អ៊ីរ៉ង់បានដឹកជញ្ជូនប្រេងឆៅ ៥៧លានបារ៉ែល ចន្លោះការបិទខ្ទប់ផ្លូវទឹករបស់សហរដ្ឋអាមេរិក

អ៊ីរ៉ង់បានដោះស្រាយនាំចេញប្រេងឆៅយ៉ាងហោចណាស់ ៥៧លានបារ៉ែល ក្នុងអំឡុងពេលមានរយៈពេលខ្លី នៅចន្លោះការបិទខ្ទប់ផ្លូវទឹកដោយសហរដ្ឋអាមេរិកចំនួន ២លើក ដោយបានបង្ហាញពីអ្វីដែលជាហានិភ័យ សម្រាប់ទីផ្សារប្រេងសកលឥឡូវនេះ ដែលការរឹតបន្តឹង កំពុងត្រូវបានដាក់ឡើងវិញ។កាលពីថ្ងៃចន្ទ (ទី១៣ ខែកក្កដា ឆ្នាំ២០២៦) លោកប្រធានាធិបតី Donald Trump បាននិយាយថា សហរដ្ឋអាមេរិក នឹងចាប់ផ្ដើឡើងវិញនូវវិធានការបិទផ្លូវនាវាដែលចេញ ឬចូលកំពង់ផែអ៊ីរ៉ង់ ហើយទាមទារសំណង ២០ភាគរយលើទំនិញផ្សេងទៀតទាំងអស់ដែលដឹកជញ្ជូនឆ្លងកាត់ច្រកសមុទ្រ Hormuz។ ការបង្ហោះលើបណ្ដាញសង្គមរបស់លោកបែបនេះ បានកើតឡើងមិនដល់មួយខែបន្ទាប់ពីមានកិច្ចព្រមព្រៀងបណ្តោះអាសន្ន រវាងទីក្រុងវ៉ាស៊ីនតោន និងតេអេរ៉ង់ ដើម្បីបន្ធូរបន្ថយការរឹតបន្តឹង និងលុបទណ្ឌកម្មលើការលក់។ក្នុងចន្លោះពេលនៃការបិទផ្លូវទាំង ២លើកនេះ ទីក្រុងតេអេរ៉ង់អាចដឹកជញ្ជូនយ៉ាងហោចណាស់ ២,២លានបារ៉ែល ក្នុងមួយថ្ងៃ ដែលជាកម្រិតខ្ពស់ខ្លាំងណាស់ តាមស្តង់ដារប៉ុន្មានឆ្នាំថ្មីៗនេះ។ លំហូរជាក់ស្តែង អាចខ្ពស់ជាងនេះ ដោយសារប្រទេសនេះមានកំណត់ត្រាយូរអង្វែងមកហើយ ក្នុងការលាក់បាំងការតាមដានលំហូរទំនិញ។ លំហូរទាំងនោះរួមមានការដឹកជញ្ជូនពីកន្លែងនាំចេញរបស់ខ្លួន និងនាវាដឹកជញ្ជូនធំៗ ដែលត្រូវបានបិទខ្ទប់ នៅកំពង់ផែអ៊ីរ៉ង់ ក្នុងឈូងសមុទ្រអូម៉ង់។ចំនួនប្រេងដ៏ច្រើនដែលត្រូវបាននាំចេញ កំពុងត្រូវបានដឹកជញ្ជូនទៅកាន់អតិថិជន ហើយអាចផ្តល់ឱ្យអ៊ីរ៉ង់នូវការទ្រទ្រង់សេដ្ឋកិច្ច និងបន្ថែមការផ្គត់ផ្គង់កាន់តែទូលំទូលាយ ប្រសិនបើទីក្រុងតេអេរ៉ង់អាចរកបានអតិថិជន ដែលមានឆន្ទៈទិញប្រេងទាំងនោះ៕

លោក Trump៖ អាមេរិកកំពុងវាយប្រហារសមត្ថភាពរបស់អ៊ីរ៉ង់ ទាក់ទងនឹងច្រកសមុទ្រ Hormuz

កាលពីថ្ងៃចន្ទ (ទី១៣ ខែកក្កដា ឆ្នាំ២០២៦) លោកប្រធានាធិបតី Donald Trump បានប្រាប់អ្នកសារព័ត៌មានថា សហរដ្ឋអាមេរិកកំពុងវាយប្រហារសមត្ថភាពរបស់អ៊ីរ៉ង់ ទាក់ទងនឹងច្រកសមុទ្រ Hormuz ក្នុងពេលដែលប្រតិបត្តិការយោធាចាប់ផ្ដើមមានឡើងវិញ រវាងប្រទេសទាំង២។ យោធាសហរដ្ឋអាមេរិកបានឱ្យដឹងកាលពីថ្ងៃចន្ទថា ខ្លួនកំពុងបើកការវាយប្រហារថ្មី លើអ៊ីរ៉ង់ ប៉ុន្តែលោក Trump បានប្រាប់អ្នកសារព័ត៌មាននៅការិយាល័យប្រធានាធិបតី Oval Office នៅថ្ងៃនោះថា លោកមិនទាន់ធ្វើការសម្រេចនៅឡើយទេ ដែលថា ដំណោះស្រាយទទួលយកបានជាមួយទីក្រុងតេអេរ៉ង់មិនអាចឈានដល់នោះ។ ហើយជាមួយគ្នានេះ លោកក៏បានលើកឡើងផងដែរថា វាអាចមានយានដ្រូនរបស់អ៊ីរ៉ង់នៅក្នុងប្រទេសគុយបា ដោយមេដឹកនាំអាមេរិកបានបញ្ជាក់ថា៖ «ប្រសិនបើពួកគេពិតជាមានមែន ហើយពួកគេប្រហែលជាមានមែន យើងនឹងដោះស្រាយបញ្ហានេះ»។ លោក Trump បានបន្ថែមថា៖ «យើងនឹងមិនឱ្យបញ្ហានេះកាន់តែធ្ងន់ធ្ងរឡើយ។ យើងនឹងមិនបណ្ដោយឱ្យរឿងនោះកើតឡើងទេ ដូច្នេះ វាអាចទៅរួចដែលពួកគេកំពុងស្តុកទុកខ្លះ។ យើងកំពុងស៊ើបអង្កេតវាឥឡូវនេះ»៕

វិមានក្រឹមឡាំងរិះគន់កិច្ចប្រជុំកំពូលគាំទ្រអ៊ុយក្រែន ដោយចាត់ទុកជា «សម្ព័ន្ធភាពស្រេកឃ្លានសង្គ្រាម»

វិមានក្រឹមឡាំង នៅថ្ងៃចន្ទ (ទី១៣ ខែកក្កដា ឆ្នាំ២០២៦) បានរិះគន់កិច្ចប្រជុំកំពូលទីក្រុងប៉ារីស ដែលជាការជួបជុំរបស់ប្រធានាធិបអ៊ុយក្រែន លោក Volodymyr Zelensky និងសម្ព័ន្ធមិត្តសំខាន់ៗ ដែលមានឈ្មោះថា សម្ព័ន្ធឆន្ទៈរួម ដោយទីក្រុងមូស្គូលើកឡើងថា មេដឹកនាំទាំងនោះ «មិនចង់បានសន្តិភាព» ឡើយ ខណៈដែលបញ្ជាក់ថា នឹងតាមដាន «យ៉ាងដិតដល់»។ ដោយចោទប្រកាន់ក្រុមនេះចង់ «បន្តសង្គ្រាម» អ្នកនាំពាក្យវិមានក្រឹមឡាំង លោក Dmitry Peskov និយាយថា៖ «នេះគឺជាសម្ព័ន្ធស្រេកឃ្លានសង្គ្រាម»។ ហើយលោកបានបន្ថែមថា៖ «ទាំងនេះគឺជាប្រទេសដែលកំពុងធ្វើសកម្មភាពអរិភាពប្រឆាំងនឹងរុស្ស៊ី ដូច្នេះយើងនឹងតាមដានយ៉ាងដិតដល់»។ គួរបញ្ជាក់ថា អ៊ុយក្រែន និងប្រទេសចំនួន ៩ផ្សេងទៀត បានប្រកាសកាលពីថ្ងៃចន្ទថា ពួកគេកំពុងបង្កើតសម្ព័ន្ធភាព ដើម្បីការពារអឺរ៉ុបពីមីស៊ីលបាលីស្ទិក ដោយប្រើប្រាស់បទពិសោធន៍របស់ទីក្រុងគីវ ក្នុងការប្រយុទ្ធប្រឆាំងនឹងការឈ្លានពានទ្រង់ទ្រាយធំរបស់រុស្ស៊ី អស់រយៈពេលជាង ៤ឆ្នាំ។ ការប្រកាសនេះបានកើតឡើង ខណៈដែលប្រធានាធិបតីបារាំង លោក Emmanuel Macron បានទទួលស្វាគមន៍មេដឹកនាំនៃសម្ព័ន្ធនេះ ដើម្បីពិភាក្សា អំពីការពង្រឹងការគាំទ្រផ្នែកយោធា សម្រាប់អ៊ុយក្រែន ជាពិសេស វិស័យការពារដែនអាកាស៕

ក្រសួងការពារជាតិ៖ កងកម្លាំងរុស្ស៊ីវាយប្រហារទីតាំងយោធានៅទីក្រុងគីវ និងតំបន់ Odessa

កងកម្លាំងរុស្ស៊ីបានធ្វើការវាយប្រហារជាក្រុមពេញមួយយប់ ដោយបានបំផ្លាញទីតាំងឧស្សាហកម្មយោធានៅទីក្រុងគីវ និងហេដ្ឋារចនាសម្ព័ន្ធកំពង់ផែ នៅកំពង់ផែ Yuzhny ក្នុងតំបន់ Odessa ដែលប្រើសម្រាប់ផ្ទុក និងរក្សាទុកប្រេងឥន្ធនៈ និងប្រេងរំអិលសម្រាប់យោធាអ៊ុយក្រែន។ នេះបើយោងតាមក្រសួងការពារជាតិរុស្ស៊ី។ ក្រសួងការពារជាតិរុស្ស៊ី បាននិយាយថា៖«ពេញមួយយប់ថ្ងៃចន្ទ កងកម្លាំងប្រដាប់អាវុធរុស្ស៊ី បានធ្វើការវាយប្រហារជាក្រុមដោយប្រើអាវុធបាញ់ចេញពីអាកាស និងពីដីរយៈចម្ងាយឆ្ងាយ ដែលមានភាពជាក់លាក់កម្រិតខ្ពស់ និងយានដ្រូន។ ការវាយប្រហារទាំងនោះ បានត្រូវចំទីតាំងឧស្សាហកម្មយោធា នៅទីក្រុង គីវ ដែលពាក់ព័ន្ធនឹងការអភិវឌ្ឍ និងផលិតមីស៊ីល និងយានដ្រូនប្រភេទផ្សេងៗ ក៏ដូចជាហេដ្ឋារចនាសម្ព័ន្ធកំពង់ផែ នៅកំពង់ផែ Yuzhny ក្នុងតំបន់ Odessa ដែលប្រើសម្រាប់ស្តុក និងរក្សាទុកប្រេងឥន្ធនៈ និងប្រេងរំអិលសម្រាប់យោធាអ៊ុយក្រែន»៕

ប្រធានាធិបតីស៊ែរប៊ី៖ អឺរ៉ុបប្រឈមនឹងការលំបាកដោយសារជម្លោះនៅអ៊ុយក្រែន មជ្ឈិមបូព៌ា និងកង្វះខាតឧស្ម័ន

ប្រធានាធិបតីស៊ែរប៊ី លោក Aleksandar Vucic បានប្រាប់អ្នកសារព័ត៌មានស៊ែរប៊ី នៅទីក្រុងប៉ារីសថា អឺរ៉ុបកំពុងប្រឈមនឹងការលំបាកផ្នែកសេដ្ឋកិច្ច ដោយសារតែទុនបម្រុងឧស្ម័នទាប និងជម្លោះដែលកំពុងបន្តនៅអ៊ុយក្រែន និងជុំវិញច្រកសមុទ្រហ័រមូស។ លោកបាននិយាយថា៖«តើយើងធ្វើដូចម្តេចដើម្បីជំរុញកំណើនសេដ្ឋកិច្ច ដោយសារទ្វីបអឺរ៉ុបទាំងមូលកំពុងប្រឈមនឹងស្ថានភាពលំបាកខ្លាំង។ ទុនបម្រុងឧស្ម័នរបស់យើង មិនដែលទាបបែបនេះទេ។ ក្នុងពេលជាមួយគ្នានេះ សូមក្រឡេកមើលភាពវឹកវរជុំវិញច្រកសមុទ្រហ័រមូស អ៊ីរ៉ង់ សហរដ្ឋអាមេរិក ក៏ដូចជាជម្លោះរុស្ស៊ី-អ៊ុយក្រែន ដែលកំពុងប្រែក្លាយទៅជាសង្គ្រាមកាន់តែខ្លាំងឡើងលើធនធានថាមពល និងការផ្គត់ផ្គង់ទៅកាន់ទីផ្សារផ្សេងៗ។ ដូច្នេះ មានបញ្ហា និងការលំបាករាប់មិនអស់ដែលយើងទាំងអស់គ្នា កំពុងជួបប្រទះ ហើយខ្ញុំមិនដឹងថា យើងនឹងរកផ្លូវចេញដោយរបៀបណាទេ»។ លោក Vucic កំពុងធ្វើទស្សនកិច្ចទីក្រុងប៉ារីសតាមការអញ្ជើញរបស់មេដឹកនាំបារាំង លោក អេម៉ានុយអែល ម៉ាក្រុង ( Emmanuel Macron)។ លោកបានចូលរួមពិធីជប់លៀងនៅវិមាន Elysee ជាមួយមេដឹកនាំមកពីសហភាពអឺរ៉ុប (EU)ណាតូ និងអ្វីដែលហៅថា សម្ព័ន្ធភាពនៃឆន្ទៈ ហើយនឹងចូលរួមក្បួនដង្ហែ ដែលប្រារព្ធទិវាជាតិបារាំង នៅថ្ងៃទី ១៤ ខែកក្កដានេះ៕

ប្រធានាធិបតីទួរគី៖ ជម្លោះអ៊ុយក្រែនគួរតែត្រូវបានដោះស្រាយតាមរយៈការសន្ទនា និងការទូត

ប្រធានាធិបតីទួរគី លោក រ៉េសិប តាយីប អឺដូហ្កាន់ (Recep Tayyip Erdogan) បាននិយាយថា កិច្ចប្រជុំកំពូលណាតូចុងក្រោយបង្អស់ ដែលបានធ្វើឡើងនៅទីក្រុងអង់ការ៉ា នៅថ្ងៃទី៧-៨ ខែកក្កដា បានផ្តល់ ឱកាសឲ្យប្រទេសរបស់លោកបង្ហាញជំហររបស់ខ្លួនយ៉ាងច្បាស់លាស់អំពីប្រធានបទអន្តរជាតិសំខាន់ៗ រួមទាំងជម្លោះអ៊ុយក្រែនផងដែរ។ លោក អឺដូហ្កាន់ បានថ្លែងបន្ទាប់ពីសម័យប្រជុំរដ្ឋាភិបាលរបស់លោកថា៖«កិច្ចប្រជុំកំពូលនេះបានក្លាយជាវេទិកាសម្រាប់ប្រទេសទួរគី ដើម្បីបង្ហាញជំហររបស់ខ្លួនយ៉ាងច្បាស់លាស់។ យើងបានលើកឡើងយ៉ាងម៉ឺងម៉ាត់អំពីប្រធានបទនៃការវាយប្រហារយ៉ាងអមនុស្សធម៌លើបងប្អូនប្រុសស្រីរបស់យើងនៅតំបន់ហ្កាហ្សា និងលីបង់។ យើងបានបញ្ជាក់ជាថ្មីថា ជម្លោះរុស្ស៊ី-អ៊ុយក្រែន គួរតែត្រូវបានដោះស្រាយតាមរយៈការសន្ទនា និងការទូត»។ លោកបានបន្តថា កិច្ចប្រជុំកំពូលនេះ បានផ្តល់ឱកាសសម្រាប់ទំនាក់ទំនងការទូតដ៏ខ្លាំងក្លា និងកិច្ចប្រជុំទ្វេភាគីជាមួយមេដឹកនាំនៃរដ្ឋជាសមាជិកនៃសម្ព័ន្ធមិត្ត និងភ្ញៀវជាន់ខ្ពស់ផ្សេងទៀតដែលត្រូវបានអញ្ជើញទៅកាន់ទីក្រុងអង់ការ៉ា។ លោកបាននិយាយថា៖«ដំណើរទស្សនកិច្ចផ្លូវការរបស់ប្រធានាធិបតីអាមេរិក លោក ដូណាល់ ត្រាំ ទៅកាន់ប្រទេសទួរគី សមនឹងទទួលបានការលើកឡើងជាពិសេស។ ទស្សនកិច្ចនេះ បានកើតឡើង បន្ទាប់ពីការផ្អាករយៈពេល ១៧ឆ្នាំ ហើយវាពិតជាមានសារៈសំខាន់ខ្លាំងណាស់»។ «យើងនឹងបន្តសហការជាមួយលោកប្រធានាធិបតី ត្រាំ ដើម្បីពង្រឹងទំនាក់ទំនងរវាងទួរគី និងសហរដ្ឋអាមេរិក និងសម្រេចបាននូវគោលដៅទំហំពាណិជ្ជកម្មចំនួន ១០០ ពាន់លានដុល្លារអាមេរិក ព្រមទាំងនាំមកនូវសន្តិភាព និងស្ថិរភាពដល់តំបន់របស់យើង»៕

លោក TRUMP៖ សហរដ្ឋអាមេរិកចង់គ្រប់គ្រងច្រកសមុទ្រហ័រមូសនិងទទួលបាន ២០%នៃថ្លៃដឹកជញ្ជូនទំនិញ

ប្រធានាធិបតីអាមេរិក លោក ដូណាល់ ត្រាំ បានថ្លែងថា សហរដ្ឋអាមេរិកចង់គ្រប់គ្រងច្រកសមុទ្រហ័រមូស និងទទួលបាន ២០% នៃថ្លៃដឹកជញ្ជូនទំនិញទាំងអស់ដែលដឹកជញ្ជូនឆ្លងកាត់ច្រកនេះ ដើម្បីធានាបាននូវការធ្វើដំណើរដោយសុវត្ថិភាព។ លោកបានសរសេរនៅលើវេទិកាប្រព័ន្ធផ្សព្វផ្សាយសង្គម Truth Social របស់លោកថា៖ «ប្រទេសដទៃទាំងអស់នឹងអាចប្រើប្រាស់ច្រកសមុទ្រនេះដោយសេរី និងស្មើភាព។ ចាប់ពីពេលនេះតទៅ សហរដ្ឋអាមេ រិក នឹងត្រូវបានគេដឹងថា ជា «អ្នកការពារច្រកសមុទ្រហ័រមូស»។ ទោះជាយ៉ាងណា ក្នុងនាមជាអ្នកបំពេញតួនាទីនេះ ហើយដើម្បីធានាភាពយុត្តិធម៌ សហរដ្ឋអាមេរិកនឹងទទួលបានការទូទាត់សំណង ក្នុងអត្រា ២០% លើទំនិញទាំងអស់ដែលឆ្លងកាត់ច្រកសមុទ្រនេះ ដើម្បីរ៉ាប់រងរាល់ការចំណាយទាំងអស់ដែលចាំបាច់សម្រាប់ការផ្តល់សុវត្ថិភាព និងសន្តិសុខនៅក្នុងតំបន់ដែលមានភាពតានតឹង និងងាយមានគ្រោះថ្នាក់របស់ពិភពលោក។ ដំណើរការ និងការរៀបចំយន្តការអនុវត្ត នឹងចាប់ផ្តើមភ្លាមៗ»។ ប្រហែល ២៥% នៃប្រេងសកលលោក និងឧស្ម័នធម្មជាតិរាវប្រហែល ២០% ត្រូវបានដឹកជញ្ជូនឆ្លងកាត់ច្រកសមុទ្រហ័រមូស៕

អគ្គលេខាធិការ LAS ៖ ការវាយប្រហាររបស់អ៊ីរ៉ង់លើប្រទេសអារ៉ាប់រំលោភលើច្បាប់អន្តរជាតិ

លោក Nabil Fahmy អគ្គលេខាធិការថ្មីនៃសម្ព័ន្ធរដ្ឋអារ៉ាប់ (LAS) បាននិយាយថា ការវាយប្រហាររបស់អ៊ីរ៉ង់លើរដ្ឋអារ៉ាប់នៃឈូងសមុទ្រពែក្ស គឺជា«ការរំលោភបំពានយ៉ាងធ្ងន់ធ្ងរលើច្បាប់អន្តរជាតិ»។ លោក Fahmi បានថ្លែងនៅក្នុងសន្និសីទសារព័ត៌មានលើកដំបូងរបស់លោកក្នុងនាមជាអគ្គលេខាធិការ LAS ដែលលោកបានចូលកាន់តំណែងនៅថ្ងៃទី ០១ ខែកក្កដា ថា៖«ការឈ្លានពានជាបន្តបន្ទាប់របស់អ៊ីរ៉ង់ប្រឆាំងនឹងប្រទេសអារ៉ាប់ គឺជាការរំលោភបំពានយ៉ាងធ្ងន់ធ្ងរលើច្បាប់អន្តរជាតិ»។ ការលើកឡើងរបស់លោកត្រូវបានដកស្រង់ដោយទូរទស្សន៍អេហ្ស៊ីប Al-Qahera Al-Ikhbariya។ មន្ត្រីរូបនេះ បានបន្ថែមថា៖«ការរំលោភបំពានលើអធិបតេយ្យភាពរបស់រដ្ឋអារ៉ាប់ណាមួយ តម្រូវឲ្យមានជំហររួបរួម និងរឹងមាំពីសមាជិកសម្ព័ន្ធមិត្តទាំងអស់»។ លោកក៏បានចង្អុលបង្ហាញផងដែរថា ក្នុងនាមជាអគ្គលេខាធិការ លោកមានគម្រោងកែទម្រង់រចនាសម្ព័ន្ធរបស់អង្គការនេះ ប៉ុន្តែមិនបានផ្តល់ព័ត៌មានលម្អិតបន្ថែមទេ។ នាពេលថ្មីៗនេះ កងឆ្មាំបដិវត្តន៍ឥស្លាម (IRGC) ដែលជាកម្លាំងយោធាសម្រាំងរបស់អ៊ីរ៉ង់ បានបើកការវាយប្រហារលើមូលដ្ឋានយោធាអាមេរិកនៅប្រទេសបារ៉ែន កូវ៉ែត អូម៉ង់ និងហ្ស៊កដានី៕

បណ្ដាញសង្គម

ព័ត៌មានថ្មីៗ

លោក Zelenskiy ៖ រុស្ស៊ីចង់ជ្រើសរើសទាហាន ៣ម៉ឺននាក់ ពីកូរ៉េខាងជើង

មន្ទីរសាធារណការខេត្តកំពង់ស្ពឺ កំពុងពន្លឿនជួសជុល និងថែទាំកំណាត់ផ្លូវដែលកំពុងរងការខូចខាតឱ្យប្រសើរឡើងវិញ

គណៈកម្មាធិការគណបក្សប្រជាជនកម្ពុជាឃុំកណ្តឹងស្រុកបាទី ផ្សព្វផ្សាយសេចក្តីសម្រេចស្តីពីផែនការរួម ឆ្ពោះទៅកាន់ការបោះឆ្នោតជ្រើសរើសក្រុមប្រឹក្សាឃុំ-សង្កាត់ អាណត្តិទី៦ ឆ្នាំ ២០២៧

គណៈកម្មាធិការគណបក្សប្រជាជាជនកម្ពុជារាជធានីភ្នំពេញ ប្រកាសបញ្ចូលជាសមាជិកថ្មីជិត ៣០០០នាក់នៅខណ្ឌព្រែកព្នៅ

បណ្ដេញជនជាតិថៃ ៣៩នាក់ ចេញពីកម្ពុជាពាក់ព័ន្ធបទល្មើសចូលដោយទុច្ចរិតក្នុងទីលានយោធា និងលួចឆ្លងដែនដោយខុសច្បាប់

សមត្ថកិច្ចកម្ពុជាបណ្ដេញជនជាតិចិន ១៥៨នាក់ ចេញពីកម្ពុជាពាក់ព័ន្ធករណី Online Scams និងបទល្មើសផ្សេងៗ

កម្ពុជាចូលរួមសន្និសីទជាន់ខ្ពស់នៃឧត្តមភាគីចុះកិច្ចព្រមព្រៀងនៃសន្ធិសញ្ញាមិត្តភាព និងសហប្រតិបត្តិការនៅតំបន់អាស៊ីអាគ្នេយ៍

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានអន្តរជាតិ

[UPDATE] ចំនួនអ្នកស្លាប់ក្នុងគ្រោះរញ្ជួយដីនៅវ៉េណេស៊ុយអេឡា ឡើងដល់៤.៥៦១ នាក់

សំណើរបស់លោក Trump យកថ្លៃសេវានៅច្រកសមុទ្រ Hormuz នឹងធ្វើឲ្យម្ព័ន្ធមិត្តនៅឈូងសមុទ្រស្រងាកចិត្ត

អ៊ីរ៉ង់បានដឹកជញ្ជូនប្រេងឆៅ ៥៧លានបារ៉ែល ចន្លោះការបិទខ្ទប់ផ្លូវទឹករបស់សហរដ្ឋអាមេរិក

លោក Trump៖ អាមេរិកកំពុងវាយប្រហារសមត្ថភាពរបស់អ៊ីរ៉ង់ ទាក់ទងនឹងច្រកសមុទ្រ Hormuz

វិមានក្រឹមឡាំងរិះគន់កិច្ចប្រជុំកំពូលគាំទ្រអ៊ុយក្រែន ដោយចាត់ទុកជា «សម្ព័ន្ធភាពស្រេកឃ្លានសង្គ្រាម»

ក្រសួងការពារជាតិ៖ កងកម្លាំងរុស្ស៊ីវាយប្រហារទីតាំងយោធានៅទីក្រុងគីវ និងតំបន់ Odessa

ប្រធានាធិបតីស៊ែរប៊ី៖ អឺរ៉ុបប្រឈមនឹងការលំបាកដោយសារជម្លោះនៅអ៊ុយក្រែន មជ្ឈិមបូព៌ា និងកង្វះខាតឧស្ម័ន

ប្រធានាធិបតីទួរគី៖ ជម្លោះអ៊ុយក្រែនគួរតែត្រូវបានដោះស្រាយតាមរយៈការសន្ទនា និងការទូត

លោក TRUMP៖ សហរដ្ឋអាមេរិកចង់គ្រប់គ្រងច្រកសមុទ្រហ័រមូសនិងទទួលបាន ២០%នៃថ្លៃដឹកជញ្ជូនទំនិញ

អគ្គលេខាធិការ LAS ៖ ការវាយប្រហាររបស់អ៊ីរ៉ង់លើប្រទេសអារ៉ាប់រំលោភលើច្បាប់អន្តរជាតិ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានអន្តរជាតិ

[UPDATE] ចំនួនអ្នកស្លាប់ក្នុងគ្រោះរញ្ជួយដីនៅវ៉េណេស៊ុយអេឡា ឡើងដល់៤.៥៦១ នាក់

សំណើរបស់លោក Trump យកថ្លៃសេវានៅច្រកសមុទ្រ Hormuz នឹងធ្វើឲ្យម្ព័ន្ធមិត្តនៅឈូងសមុទ្រស្រងាកចិត្ត

អ៊ីរ៉ង់បានដឹកជញ្ជូនប្រេងឆៅ ៥៧លានបារ៉ែល ចន្លោះ​ការបិទខ្ទប់​ផ្លូវ​ទឹក​របស់សហរដ្ឋអាមេរិក

លោក Trump៖ អាមេរិកកំពុងវាយប្រហារសមត្ថភាពរបស់អ៊ីរ៉ង់ ទាក់ទងនឹងច្រកសមុទ្រ Hormuz

ក្រសួងការពារជាតិ៖ កងកម្លាំងរុស្ស៊ីវាយប្រហារទីតាំងយោធានៅទីក្រុងគីវ និងតំបន់ Odessa

ប្រធានាធិបតីស៊ែរប៊ី៖ អឺរ៉ុបប្រឈមនឹងការលំបាកដោយសារជម្លោះនៅអ៊ុយក្រែន មជ្ឈិមបូព៌ា និងកង្វះខាតឧស្ម័ន

ប្រធានាធិបតីទួរគី៖ ជម្លោះអ៊ុយក្រែនគួរតែត្រូវបានដោះស្រាយតាមរយៈការសន្ទនា និងការទូត

លោក TRUMP៖ សហរដ្ឋ​អាមេរិកចង់គ្រប់គ្រងច្រកសមុទ្រហ័រមូសនិងទទួលបាន ២០%នៃថ្លៃដឹកជញ្ជូនទំនិញ

អគ្គលេខាធិការ LAS ៖ ការវាយប្រហាររបស់អ៊ីរ៉ង់លើប្រទេសអារ៉ាប់រំលោភលើច្បាប់អន្តរជាតិ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

អ៊ីរ៉ង់បានដឹកជញ្ជូនប្រេងឆៅ ៥៧លានបារ៉ែល ចន្លោះការបិទខ្ទប់ផ្លូវទឹករបស់សហរដ្ឋអាមេរិក

លោក TRUMP៖ សហរដ្ឋអាមេរិកចង់គ្រប់គ្រងច្រកសមុទ្រហ័រមូសនិងទទួលបាន ២០%នៃថ្លៃដឹកជញ្ជូនទំនិញ