នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
លោក Zelenskiy ៖ រុស្ស៊ីចង់ជ្រើសរើសទាហាន ៣ម៉ឺននាក់ ពីកូរ៉េខាងជើង
ចំនួនមនុស្សស្លាប់ដោយសារជំងឺអេបូឡានៅប្រទេសកុងហ្គោកើនឡើងដល់ជាង ១.៣០០នាក់
មនុស្សម្នាក់ស្លាប់ និង ១៥នាក់ រងរបួស ក្រោយរថយន្តមួយគ្រឿងបើកបុកហ្វូងមនុស្សនៅព្យុហយាត្រាឥន្ទធនូក្រុងប៊ែរឡាំង
មនុស្សយ៉ាងហោច ២១នាក់ រងរបួស ក្នុងហេតុការណ៍អគ្គិភ័យនៅទីក្រុងញូវយ៉ក សហរដ្ឋអាមេរិក

ព័ត៌មានអន្តរជាតិ

សហភាពអឺរ៉ុបដាក់ចេញគំនិតផ្តួចផ្តើមជំនួយចំនួន ១ ពាន់លានដុល្លារសម្រាប់តំបន់ហ្កាហ្សា

2026/07/14 01:45:47 am        75
Facebook Telegram Linkin
គណៈកម្មការអឺរ៉ុប (EC) បាននិយាយនៅថ្ងៃចន្ទនេះថា ខ្លួនបានដាក់ចេញគំនិតផ្តួចផ្តើមមួយជាមួយដៃគូចំនួន ១៥ ដើម្បីផ្តល់ជំនួយចំនួន ៨៨៣,៦លានអឺរ៉ូ (១ ពាន់លានដុល្លារ) ដល់តំបន់ហ្កាហ្សា។គណៈកម្មការនេះ បាននិយាយថា៖«គំនិតផ្តួចផ្តើមក្រុមហ្កាហ្សា» ដែលបានដាក់ចេញនៅក្នុងកិច្ចប្រជុំក្រុមអ្នកផ្តល់មូលនិធិប៉ាឡេស្ទីននៅទីក្រុងប្រ៊ុចសែល នឹងគាំទ្រដល់គម្រោងស្តារឡើងវិញដំបូងៗ ដែលកំពុងដំណើរការ និងគ្រោងទុកសម្រាប់ប្រជាជននៅតំបន់ហ្កាហ្សា។ EC បាននិយាយថា ប្រទេសអឺរ៉ុបចំនួន ១២ និងប្រទេសជប៉ុន បានចូលរួមក្នុងគំនិតផ្តួចផ្តើមនេះ រួមជាមួយធនាគារពិភពលោក និងធនាគារវិនិយោគអឺរ៉ុប៕

រដ្ឋអាជ្ញាទួគីយ៉េបញ្ជាឲ្យចាប់ខ្លួនមនុស្សជិត១.000 នាក់ មុនខួប១០ឆ្នាំនៃរដ្ឋប្រហារមិនបានសម្រេច

2026/07/14 01:41:49 am        79
Facebook Telegram Linkin
រដ្ឋមន្ត្រីយុត្តិធម៌បាននិយាយនៅថ្ងៃចន្ទនេះថា មួយទសវត្សរ៍បន្ទាប់ពីរដ្ឋប្រហារបរាជ័យនៅប្រទេសទួរគី ក្នុងឆ្នាំ ២០១៦ រដ្ឋអាជ្ញាបានបញ្ជាឲ្យចាប់ខ្លួនជនសង្ស័យជិត ១.000នាក់ ដែលមានទំនាក់ទំនងជាមួយអង្គការមួយ ដែលទីក្រុងអង់ការ៉ាទទួលខុសត្រូវ។ នៅថ្ងៃទី ១៥ ខែកក្កដា ឆ្នាំ ២០១៦ ក្រុមយោធាដ៏អាក្រក់មួយ បានធ្វើការប៉ុនប៉ងរយៈពេលខ្លី ដើម្បីផ្តួលរំលំរដ្ឋាភិបាលរបស់លោកប្រធានាធិបតី រ៉េសិប តយីប អឺដូហ្កាន់( Recep Tayyip Erdogan) ដែលបង្កឲ្យមានការប្រយុទ្ធគ្នា បានបណ្តាលឲ្យមនុស្សប្រហែល ២៥០នាក់ ស្លាប់ និង ២.000នាក់ ផ្សេងទៀត រងរបួស។ទីក្រុងអង់ការ៉ាបានបន្ទោសអ្នកផ្សព្វផ្សាយសាសនាមូស្លីមមានមូលដ្ឋាននៅសហរដ្ឋអាមេរិក លោក Fethullah Gulen ដែលជាអតីតសម្ព័ន្ធមិត្តរបស់ លោក អឺដូហ្កាន់បានក្លាយជាគូប្រជែង បានស្លាប់ទៅហើយនោះ ដោយសន្យាថា នឹងលុបបំបាត់អង្គការរបស់លោក ដែលខ្លួនចាត់ទុកថា ជាអង្គការភេរវកម្ម Fetullah ឬ FETO ចេញពីសង្គមទួគី។ទីក្រុងអង់ការ៉ាបានដាក់រដ្ឋក្នុងគ្រាអាសន្នរយៈពេលពីរឆ្នាំ ក្នុងអំឡុងពេលនោះ ដោយខ្លួនបានធ្វើការបោសសម្អាតយ៉ាងទូលំទូលាយនូវកងទ័ព នគរបាល ប្រព័ន្ធផ្សព្វផ្សាយ ប្រព័ន្ធតុលាការ ប្រព័ន្ធអប់រំ និងវិស័យការទូត ដែលបានឃើញមនុស្សរាប់រយរាប់ពាន់នាក់ ត្រូវបានឃុំខ្លួន និងរាប់ម៉ឺននាក់ ត្រូវបានបណ្តេញចេញ ដោយបានធ្វើឲ្យមានផលប៉ះពាល់ជាអចិន្ត្រៃយ៍លើសង្គមទួរគី៕

អតីតមេដឹកនាំកូរ៉េខាងត្បូងលោក Yoon ត្រូវ​ជាប់​ពន្ធនាគារ ២ឆ្នាំ ក្នុង​សំណុំរឿងមូលនិធិនយោបាយ

2026/07/14 01:04:13 am        96
Facebook Telegram Linkin
ទីភ្នាក់ងារសារព័ត៌មាន Yonhap បានរាយការណ៍ថា ប្រធានាធិបតីដែលត្រូវបានបណ្តេញចេញពីតំណែងរបស់កូរ៉េខាងត្បូង គឺ​លោក Yoon Suk Yeol ត្រូវបានកាត់ទោសឱ្យជាប់ពន្ធនាគាររយៈពេល ២ឆ្នាំ នៅ​ថ្ងៃចន្ទ (ទី១៣ ខែកក្កដា ឆ្នាំ២០២៦) នេះ ក្នុងករណីមូលនិធិនយោបាយ។យោងតាមទីភ្នាក់ងារសារព័ត៌មាននេះ បាន​ឱ្យ​ដឹង​ថា តុលាការទីក្រុងសេអ៊ូល បានរកឃើញថា លោក Yoon មានទោសពីបទទទួលយក​សេវាកម្មស្ទង់មតិដោយឥតគិតថ្លៃ ដែលមានតម្លៃ ១៨៩.១០០ដុល្លារ ពី «ឈ្មួញកណ្តាលដ៏មាន​ឥទ្ធិពល​ស្វ័យ​ប្រកាស» គឺ​លោក​​ Myung Tae-kyun រវាងខែមេសា ឆ្នាំ២០២១ និងខែមីនា ឆ្នាំ២០២២។ របាយការណ៍បានបញ្ជាក់​ថា មូលនិធិទាំងនោះត្រូវបានទទួលក្នុងទម្រង់ជាការស្ទង់មតិដោយឥតគិតថ្លៃ។លោក Yoon ត្រូវបានបោះឆ្នោត​ជ្រើសរើសជាប្រធានាធិបតី ក្នុងនាម​ជាបេក្ខជន​របស់​គណបក្សអំណាចប្រជាជន (People Power Party) ប៉ុន្តែត្រូវបានដកចេញពីតំណែងកាលពីឆ្នាំមុន បន្ទាប់ពីបាន​ប៉ុនប៉ងមិន​ជោគ​ជ័យ ក្នុង​ការ​ដាក់ចេញ​ច្បាប់អាជ្ញាសឹក ក្នុងខែធ្នូ ឆ្នាំ២០២៤។លោកត្រូវបានឃុំខ្លួនចាប់តាំងពីខែកក្កដាឆ្នាំមុន ហើយប្រឈមមុខ​នឹងការ​ចោទ​ប្រកាន់យ៉ាងហោចណាស់ ៨ករណី ទាក់ទងនឹងការប៉ុនប៉ងចេញ​ច្បាប់អាជ្ញាសឹកមិន​ជោគ​ជ័យនោះ​​។កាលពីខែមិថុនា ឆ្នាំមុន តុលាការទីក្រុងសេអ៊ូលបានកាត់ទោសលោក Yoon ឱ្យជាប់ពន្ធនាគាររយៈពេល ៣០​ឆ្នាំ បន្ទាប់ពីរកឃើញថា រូប​លោក​មានទោសពីបទរំលោភអំណាច និងជួយគូ​សត្រូវ ដោយបាន​បញ្ជូនយានដ្រូន​ទៅ​រដ្ឋធានីព្យុងយ៉ាងរបស់កូរ៉េខាងជើង ក្នុងឆ្នាំ២០២៤៕

រុស្ស៊ីនិយាយថា កំពង់ផែ Chornomorsk របស់អ៊ុយក្រែន ត្រូវរងការខូចខាតពីការវាយប្រហាររបស់ខ្លួន

2026/07/14 12:59:53 am        103
Facebook Telegram Linkin
ក្រសួងការពារជាតិរុស្ស៊ី បាននិយាយនៅថ្ងៃចន្ទនេះថា ខ្លួនបានវាយប្រហារហេដ្ឋារចនាសម្ព័ន្ធដែលប្រើប្រាស់សម្រាប់ដឹកជញ្ជូនទំនិញយោធារបស់កងកម្លាំងប្រដាប់អាវុធអ៊ុយក្រែន ដោយបានបណ្តាលឲ្យខូចខាតនៅកំពង់ផែ Chornomorsk របស់អ៊ុយក្រែនជិតទីក្រុង Odesa។នៅក្នុងសេចក្តីថ្លែងការណ៍របស់ខ្លួន ក្រសួងបាននិយាយថា គោលដៅរួមមានហេដ្ឋារចនាសម្ព័ន្ធកំពង់ផែដែលប្រើសម្រាប់ដឹកជញ្ជូនទំនិញយោធា ស៊ីទែនស្តុកប្រេងឥន្ធនៈ និងឃ្លាំងគ្រាប់រំសេវ។ក្រសួងក៏បានបញ្ជាក់ផងដែរថា កងកម្លាំងរបស់ខ្លួន បានវាយប្រហារសាឡាងពីរគ្រឿង និងនាវាដឹកកុងតឺន័រមួយគ្រឿង។ក្រុមហ៊ុនកសិកម្មអ៊ុយក្រែន Kernel Holding បាននិយាយនៅថ្ងៃចន្ទថា ខ្លួនបានផ្អាកប្រតិបត្តិការរបស់ខ្លួននៅកំពង់ផែ Chornomorsk បន្ទាប់ពីទ្រព្យសកម្មរបស់ខ្លួននៅទីនោះ បានរងការខូចខាតយ៉ាងធ្ងន់ធ្ងរក្នុងអំឡុងពេលវាយប្រហារដោយមីស៊ីល និងយានដ្រូនរបស់រុស្ស៊ី នៅយប់ថ្ងៃទី ១០ ដល់ថ្ងៃទី ១២ ខែកក្កដា។ពុំមានការអត្ថាធិប្បាយភ្លាមៗពីអាជ្ញាធរអ៊ុយក្រែនទេ៕

អ៊ីរ៉ង់បញ្ជាក់​ថា នឹងមិនគោរពកាតព្វកិច្ច MOU ដរាបណាសហរដ្ឋអាមេរិកបន្ត​បំពានការប្តេជ្ញាចិត្តរបស់ខ្លួន​

2026/07/14 12:47:23 am        88
Facebook Telegram Linkin
ប្រទេស​អ៊ីរ៉ង់បានបញ្ជាក់​នៅ​ថ្ងៃចន្ទ (ទី១៣ ខែកក្កដា ឆ្នាំ២០២៦) នេះ​ថា ខ្លួននឹងមិនបំពេញកាតព្វកិច្ច ក្រោមអនុស្សរណៈនៃការយោគយល់គ្នា (MOU) ដែលសម្របសម្រួលដោយប៉ាគីស្ថានជាមួយសហរដ្ឋអាមេរិក ដរាបណាទីក្រុងវ៉ាស៊ីនតោននៅតែបន្តរំលោភលើការប្តេជ្ញាចិត្តរបស់ខ្លួន។អ្នកនាំពាក្យក្រសួងការបរទេស លោក Esmaeil Baqaei បានប្រាប់សន្និសីទសារព័ត៌មានថា ជំហររបស់ទីក្រុងតេអេរ៉ង់ នៅតែផ្អែកដដែល​លើគោលការណ៍នៃ «ការប្តេជ្ញាចិត្ត ជាថ្នូរនឹងការប្តេជ្ញាចិត្ត»។នៅក្នុងការ​កត់សម្គាល់​របស់លោក ដែលដកស្រង់ដោយទីភ្នាក់ងារសារព័ត៌មានពាក់កណ្តាលផ្លូវការ Tasnim លោក Baqaei បានលើក​ឡើង​ថា៖ «យើងបាននិយាយតាំងពីដើម​ដំបូងមក​ម៉្លេះ​ថា វាគឺ​ជាបញ្ហានៃការប្តេជ្ញាចិត្ត ជាថ្នូរនឹងការប្តេជ្ញាចិត្ត។ ប្រសិនបើភាគីម្ខាងទៀត (សហរដ្ឋអាមេរិក) ប្រកាន់ខ្ជាប់នូវការប្តេជ្ញាចិត្តរបស់ខ្លួន យើងក៏នឹងបំពេញតាម​ការប្តេជ្ញាចិត្តរបស់យើងផងដែរ»។ដោយចោទប្រកាន់ទីក្រុងវ៉ាស៊ីនតោនថា «រំលោភលើផ្នែកផ្សេងៗ» របស់ MOU «ក្រោមលេសផ្សេងៗ» លោកបាន​បន្ត​ថា៖ «គ្មាននរណាម្នាក់អាចចោទប្រកាន់សាធារណរដ្ឋអ៊ិស្លាមអ៊ីរ៉ង់ថា បាន​រំលោភលើកិច្ចព្រមព្រៀងនោះទេ។ ក្នុងករណីទាំងអស់ កាតព្វកិច្ចរបស់យើង និងរបស់ភាគីម្ខាងទៀត គឺច្បាស់លាស់ ហើយអាចត្រូវបានកត់ត្រាទុក»។អម​ដោយការ​ព្រមានថា MOU នេះ​ បានចូលដល់ «ដំណាក់កាលវិបត្តិ» ហើយ​នោះ​ លោកបានសង្កត់ធ្ងន់​ថា៖ «ដរាបណាភាគីម្ខាងទៀត នៅតែបន្តរំលោភលើការប្តេជ្ញាចិត្តរបស់ខ្លួន ជាថ្នូរវិញ សាធារណរដ្ឋអ៊ិស្លាមអ៊ីរ៉ង់នឹងទម្លាក់​ចោល​កាតព្វកិច្ចដែលខ្លួនសន្យា​» ។ការព្រមាននេះបានកើតឡើងចំពេលមានភាពតានតឹងកាន់តែខ្លាំងឡើងៗ រវាងទីក្រុងតេអេរ៉ង់ និងវ៉ាស៊ីនតោន បន្ទាប់ពីសហរដ្ឋអាមេរិកបានបើកការវាយប្រហារលើគោលដៅយោធា និងហេដ្ឋារចនាសម្ព័ន្ធ នៅទូទាំងប្រទេសអ៊ីរ៉ង់ ដើម្បីឆ្លើយតបទៅនឹងការវាយប្រហារលើនាវាពាណិជ្ជកម្ម នៅច្រកសមុទ្រ Hormuz។ អ៊ីរ៉ង់បានសងសឹកដោយការវាយប្រហារដោយមីស៊ីល និងយានដ្រូន​ ដែលកំណត់គោលដៅមូលដ្ឋានយោធាអាមេរិក នៅក្នុងប្រទេសក្នុងតំបន់៕

ប្រធានាធិបតីអេហ្ស៊ីប និងអេមីរ៉ាតអារ៉ាប់រួម ជួបពិភាក្សាគ្នាអំពីការវិវត្តក្នុងតំបន់ និងទំនាក់ទំនងទ្វេភាគី

2026/07/14 12:44:24 am        65
Facebook Telegram Linkin
ប្រធានាធិបតីអេហ្ស៊ីប លោក Abdel-Fattah al-Sisi បានជួបជាមួយប្រធានាធិបតីអេមីរ៉ាតអារ៉ាប់រួម (UAE) លោក Sheikh Mohamed bin Zayed Al Nahyan ដែលកំពុងបំពេញទស្សនកិច្ច នៅទីក្រុង New Alamein នៃប្រទេសអេហ្ស៊ីប កាលពីថ្ងៃអាទិត្យ ដើម្បីពិភាក្សាអំពីទំនាក់ទំនងទ្វេភាគី ក៏ដូចជាបញ្ហាតំបន់ និងអន្តរជាតិ ដែលជាកង្វល់រួម។ភាគីទាំងពីរបានផ្តោតជាពិសេសលើការវិវត្តចុងក្រោយបំផុតនៅមជ្ឈិមបូព៌ា និងកិច្ចខិតខំប្រឹងប្រែងដើម្បីទប់ស្កាត់ការកើនឡើងនៃភាពតានតឹងក្នុងតំបន់បន្ថែមទៀត។ នេះបើយោងតាមសេចក្តីថ្លែងការណ៍របស់ការិយាល័យប្រធានាធិបតីអេហ្ស៊ីប។ពួកគេក៏បានគូសបញ្ជាក់ពីសារៈសំខាន់នៃការរក្សាការពិគ្រោះយោបល់យ៉ាងជិតស្និទ្ធ ការសម្របសម្រួល និងសកម្មភាពរួមគ្នា ដោយពិចារណាលើបញ្ហាប្រឈមបច្ចុប្បន្នដែលតំបន់នេះ កំពុងជួបប្រទះ។ នេះបើយោងតាមសេចក្តីថ្លែងការណ៍។កិច្ចប្រជុំនេះបានកើតឡើង ស្របពេលមានការព្រួយបារម្ភយ៉ាងខ្លាំងអំពីការកើនឡើងភាពតានតឹងក្នុងតំបន់ឡើងវិញ ខណៈដែលសហរដ្ឋអាមេរិក និងអ៊ីរ៉ង់ បានការវាយប្រហារជុំថ្មីលើការធ្វើនាវាចរណ៍ នៅច្រកសមុទ្រហ័រមូសកាលពីថ្ងៃអាទិត្យ ទោះបីជាមានអនុស្សរណៈនៃការយោគយល់ (MoU) ដែលបានចុះហត្ថលេខាដោយប្រទេសទាំងពីរនៅពាក់កណ្តាលខែមិថុនាក៏ដោយ៕

អ្នកជំនាញ៖ អ៊ុយក្រែនបានបាត់បង់ទាហាន និងទាហានស៊ីឈ្នួលជាង ៩.៩០០នាក់ ក្នុងការប្រយុទ្ធគ្នា មួយសប្តាហ៍

2026/07/14 12:41:45 am        97
Facebook Telegram Linkin
ការបាត់បង់របស់កងកម្លាំងប្រដាប់អាវុធអ៊ុយក្រែននៅក្នុងតំបន់ប្រតិបត្តិការយោធាពិសេសកាលពីសប្តាហ៍មុន រួមទាំងទាហានស៊ីឈ្នួលបរទេសផងដែរ មានចំនួនជាង ៩.៩០០ នាក់ បានស្លាប់ និងរបួស ដោយការខូចខាតច្រើនបំផុតលើសត្រូវដែលបង្កឡើងដោយង្គភាពយោធានៅភាគខាងកើតរបស់រុស្ស៊ី។ នេះបើយោងតាមរបាយការណ៍របស់អ្នកជំនាញយោធា Andrey Marochko។បន្ទាប់ពីវិភាគទិន្នន័យពីក្រសួងការពារជាតិរុស្ស៊ី លោកបានសរសេរនៅលើទំព័រប្រព័ន្ធផ្សព្វផ្សាយសង្គម VKontakte របស់លោកថា៖«ការខូចខាតផ្នែកវេជ្ជសាស្រ្ត និងមិនអាចជួសជុលបានរបស់សត្រូវ គឺមានយុទ្ធជនអ៊ុយក្រែន និងទាហានស៊ីឈ្នួលប្រហែល ៩.៩៤០ នាក់ ។ ការបាត់បង់ដ៏ច្រើនបំផុតនៃកម្លាំងមនុស្ស ត្រូវបានបង្កឡើងលើកងកម្លាំងប្រដាប់អាវុធអ៊ុយក្រែន នៅក្នុងតំបន់ទទួលខុសត្រូវរបស់អង្គភាពយោធានៅភាគខាងកើត ដែលប្រតិបត្តិការនៅក្នុងតំបន់ Dnepropetrovsk និង Zaporozhye»។ លោក Marochko បានបន្ថែមថា ក្នុងអំឡុងសប្តាហ៍មុន កងកម្លាំងរុស្ស៊ីក៏បានបំផ្លាញយានដ្រូនអ៊ុយក្រែនជិត ៥.០០០គ្រឿង រថក្រោះពីរគ្រឿង ជើងទម្របាញ់រ៉ូកែតចល័តចំនួន បីគ្រឿង កាំភ្លើងធំចំនួន ៥៩គ្រឿង ស្ថានីយសង្គ្រាមអេឡិចត្រូនិកនិងស្ថានីយចាប់ទីតាំងបាញ់កាំភ្លើងធំរបស់សត្រូវចំនួន ៣៨ និងយានយន្តប្រយុទ្ធរបស់សត្រូវជាង ៥៧០គ្រឿងផ្សេងៗគ្នា៕

តុលាការស៊ូដង់កាត់ទោសប្រហារជីវិតមេដឹកនាំកង​កម្លាំង​ RSF ដោយកំបាំង​មុខ​

2026/07/14 12:38:26 am        77
Facebook Telegram Linkin
តុលាការប្រឆាំងភេរវកម្មរបស់​ប្រទេស​ស៊ូដង់ បានកាត់ទោសប្រហារជីវិត ចំពោះ​មេដឹកនាំនៃ​កងកម្លាំងគាំទ្ររហ័ស (RSF) លោក Mohamed Hamdan Dagalo ដែលត្រូវបានគេស្គាល់ទូទៅ​ឈ្មោះ​ Hemedti ដោយកំបាំង​មុខ កាលពីថ្ងៃអាទិត្យ (ទី​១២ ខែកក្កដា ឆ្នាំ២០២៦) ក្នុង​សំណុំរឿង​ឃាតកម្មលើ​អតីតអភិបាលរដ្ឋ​​ West Darfur គឺលោក Khamis Abdallah Abakar។តុលាការប្រឆាំងភេរវកម្ម និងឧក្រិដ្ឋកម្មប្រឆាំងនឹងរដ្ឋ នៅទីក្រុង Port Sudan ក៏បានសម្រេច​កាត់​ទោស​ប្រហារជីវិតដោយកំបាំង​មុខ​ផងដែរ ចំពោះ​មេដឹក​នាំ​រង​ក្រុម​ RSF លោក Abdel Rahim Hamdan Dagalo ដែលជាប្អូនប្រុសរបស់លោក Hemedti និងជនជាប់ចោទចំនួន ១៤នាក់ផ្សេងទៀត។សេចក្តីសម្រេចនេះគឺជាសាលក្រមតុលាការដំបូងប្រឆាំងនឹងមេដឹកនាំកង​កម្លាំង​ RSF ចាប់តាំងពីការ​ប្រយុទ្ធគ្នា រវាងកងទ័ពស៊ូដង់ និងក្រុមប៉ារ៉ាមួយ​នេះ បានផ្ទុះឡើងនៅក្នុងខែមេសា ឆ្នាំ២០២៣។តុលាការបានផ្ដន្ទា​ទោស​ជន​ជាប់ចោទទាំង​នេះ​ ពាក់​ព័ន្ធ​នឹង​បទចោទប្រកាន់ជាច្រើន រួមមានឧក្រិដ្ឋកម្មសង្គ្រាម ឧក្រិដ្ឋកម្មប្រឆាំងនឹងមនុស្សជាតិ អំពើប្រល័យពូជសាសន៍ និងឧក្រិដ្ឋកម្មប្រឆាំងនឹងមនុស្ស និងទ្រព្យសម្បត្តិ​។ តុលាការបាន​សម្រេចឱ្យ​​លោក Hemedti គឺ​ជា​អ្នក​ទទួលខុសត្រូវ ចំពោះការរៀបចំផែនការ និងការអនុវត្តឧក្រិដ្ឋកម្មទាំង​នេះ​ ខណៈពេលដែលកាត់ទោសអនុប្រធានរបស់លោក ពីបទរៀបចំផែនការ និងចូលរួមក្នុងឧក្រិដ្ឋកម្មទាំងនោះ។គួររំលឹក​ថា លោក Abkar ត្រូវបានសម្លាប់កាល​ពី​ថ្ងៃទី១៤ ខែមិថុនា ឆ្នាំ២០២៣ បន្ទាប់ពីបាន​ចោទប្រកាន់កងកម្លាំង​ RSF ថា បានវាយប្រហារជនស៊ីវិលនៅក្នុងទីក្រុង​ El Geneina របស់រដ្ឋ​ West Darfur។ រដ្ឋាភិបាលស៊ូដង់បានចោទប្រកាន់ក្រុមប៉ារ៉ានេះ​ថា បានសម្លាប់រូប​លោក ជាការចោទប្រកាន់ដែល RSF បានបដិសេធ នា​ពេលនោះ៕

UN៖ ការវាយប្រហារដោយយានដ្រូនធ្វើឱ្យវិបត្តិមនុស្សធម៌រឹត​តែធ្ងន់ធ្ងរ នៅតំបន់ Kordofan របស់​ស៊ូដង់

2026/07/14 12:34:58 am        73
Facebook Telegram Linkin
ការិយាល័យសម្របសម្រួលកិច្ចការមនុស្សធម៌របស់អង្គការសហប្រជាជាតិ (OCHA) កាលពីថ្ងៃអាទិត្យ (ទី១២ ខែកក្កដា ឆ្នាំ២០២៦) បានព្រមានថា ការវាយប្រហារដោយយានដ្រូន​ជាបន្តបន្ទាប់ កំពុងធ្វើឱ្យវិបត្តិមនុស្សធម៌រឹត​តែ​ធ្ងន់ធ្ងរ នៅក្នុងតំបន់ Kordofan របស់​ប្រទេសស៊ូដង់ ជាកន្លែងដែលការផ្ទុះឡើងនៃជំងឺអាសន្នរោគមាន​សភាព​កាន់តែអាក្រក់ទៅៗ និងការខ្វះខាតទឹកធ្ងន់ធ្ងរ កំពុងធ្វើឱ្យជនស៊ីវិលរងទុក្ខវេទនាកាន់តែខ្លាំងឡើង។យោងតាម ​​OCHA បាន​ឱ្យដឹង​ថា ប្រភពក្នុងស្រុក បានរាយការណ៍ថា ការវាយប្រហារដោយយានដ្រូន បានកំណត់គោលដៅលើយានយន្តស៊ីវិល ១គ្រឿង នៅជិតភូមិ Al-Shaatut ភាគខាងកើតទីក្រុង​​ Jabrat Al-Sheikh ក្នុងតំបន់ North Kordofan កាលពីថ្ងៃចន្ទសប្តាហ៍មុន ដែលបណ្តាលឱ្យជនស៊ីវិលស្លាប់ និង​របួស និងបង្កជា​ការ​ខូចខាត។ នៅថ្ងៃបន្ទាប់ យានដ្រូន​មួយគ្រឿង​ផ្សេងទៀត ត្រូវបានគេរាយការណ៍ថា បានវាយប្រហាររថយន្តដឹកទឹក ១គ្រឿង នៅទីក្រុង​ Hamrat Al-Sheikh ដែលបណ្តាលឱ្យជនស៊ីវិលស្លាប់ និង​របួស និងរំខានបន្ថែមទៀតដល់លទ្ធភាព​ទទួលបានការផ្គត់ផ្គង់ទឹក​សំខាន់ៗ។ជាមួយ​គ្នានេះ OCHA បានឱ្យដឹង​ទៀត​ថា ជំងឺអាសន្នរោគនៅតែបន្តរាលដាលពាសពេញតំបន់​ Kordofan ដោយដៃគូមនុស្សធម៌ បានរាយការណ៍ពីករណីសង្ស័យ នៅទីក្រុង​ El Obeid ជាកន្លែងដែលការវាយប្រហារដោយយានដ្រូនជាបន្តបន្ទាប់ បានកាត់បន្ថយការផ្គត់ផ្គង់ទឹករបស់ទីក្រុងមកត្រឹម ២០ភាគរយនៃតម្រូវការ។ជាងមួយខែមកនេះ​ ទីក្រុង El Obeid បានស្ថិតនៅក្រោមការវាយប្រហារដោយយានដ្រូន​ពី​កងកម្លាំងគាំទ្ររហ័ស (RSF) ដោយកំណត់គោលដៅរោងចក្រថាមពលសំខាន់របស់ទីក្រុង កន្លែងផលិតប្រេងឥន្ធនៈ និងទីតាំងស៊ីវិលផ្សេងទៀត ដោយបានបណ្ដាល​ឱ្យមាន​អ្នក​ស្លាប់​ និងរបួសរាប់សិបនាក់៕

សាធារណរដ្ឋប្រជាធិបតេយ្យកុងហ្គោរាយការណ៍ករណីឆ្លងជំងឺអេបូឡាក្នុងខេត្ត ៥ ខណៈករណីឆ្លងឡើងដល់ជិត១.៩០០នាក់

2026/07/14 12:31:27 am        81
Facebook Telegram Linkin
សាធារណរដ្ឋប្រជាធិបតេយ្យកុងហ្គោ (DRC) បានរាយការណ៍ពីករណីឆ្លងជំងឺអេបូឡានៅក្នុងខេត្តចំនួន ៥ ក្នុងចំណោម ២៦ ខេត្តទូទាំងប្រទេស ដោយចំនួនករណីឆ្លងដែលបានបញ្ជាក់ទូទាំងប្រទេសកើនឡើងដល់ ១.៨៧៣ ករណី រួមទាំងការស្លាប់ចំនួន ៦៧២ នាក់ នេះបើយោងតាមរបាយការណ៍មួយដែលចេញផ្សាយកាលពីថ្ងៃអាទិត្យដោយអាជ្ញាធរសុខាភិបាលរបស់ប្រទេសនេះ។របាយការណ៍ ដែលគ្របដណ្តប់ទិន្នន័យរហូតដល់ថ្ងៃសុក្រ បានចុះបញ្ជីខេត្ត Ituri ខេត្ត North Kivu ខេត្ត South Kivu ខេត្ត Haut-Uele និងខេត្ត Tshopo ជាខេត្តដែលរងផលប៉ះពាល់។ ខេត្តHaut-Uele និង ខេត្ត Tshopo ត្រូវបានបញ្ចូលក្នុងរបាយការណ៍ស្ថានភាពជាតិជាលើកដំបូង។ ការស៊ើបអង្កេតបង្ហាញថា ករណីឆ្លងដែលត្រូវបានរកឃើញនៅក្នុងខេត្តទាំងពីរនេះមានទំនាក់ទំនងជំងឺរាតត្បាតទៅនឹងចំណុចកណ្តាលនៃការផ្ទុះឡើងនៅក្នុងខេត្ត Ituri តាមរយៈទំនាក់ទំនង និងចលនាប្រជាជន។របាយការណ៍នេះបាននិយាយថា អ្នកជំងឺចំនួន ៧៦៣ នាក់ត្រូវបានដាក់ឱ្យនៅដាច់ដោយឡែក ឬទទួលការព្យាបាលនៅមន្ទីរពេទ្យ ខណៈអត្រានៃការសម្រាកព្យាបាលសរុបនៅក្នុងមណ្ឌលព្យាបាលឡើងដល់ ៩៥,១ ភាគរយ។ មនុស្សសរុបចំនួន ៣០៦ នាក់បានជាសះស្បើយ ខណៈករណីសង្ស័យថាបានឆ្លងមានចំនួន ២៩៩ ករណី រួមទាំងការស្លាប់ចំនួន ៩១ នាក់ ត្រូវបានកត់ត្រា។ការផ្ទុះឡើងនៃជំងឺនេះ ដែលបណ្តាលមកពីមេរោគអេបូឡា Bundibugyo ត្រូវបានប្រកាសនៅថ្ងៃទី ១៥ ខែឧសភា ២០២៦ នេះ៕

បណ្ដាញសង្គម

ព័ត៌មានថ្មីៗ

លោក Zelenskiy ៖ រុស្ស៊ីចង់ជ្រើសរើសទាហាន ៣ម៉ឺននាក់ ពីកូរ៉េខាងជើង
07/26/2026 02:07 PM
Facebook Telegram Linkin
មន្ទីរសាធារណការខេត្តកំពង់ស្ពឺ កំពុង​ពន្លឿន​ជួសជុល និងថែទាំកំណាត់ផ្លូវដែលកំពុងរងការខូចខាតឱ្យប្រសើរឡើងវិញ
07/26/2026 02:07 PM
Facebook Telegram Linkin
គណៈកម្មាធិការគណបក្សប្រជាជនកម្ពុជាឃុំកណ្តឹងស្រុកបាទី ផ្សព្វផ្សាយសេចក្តីសម្រេចស្តីពីផែនការរួម ឆ្ពោះទៅកាន់ការបោះឆ្នោតជ្រើសរើសក្រុមប្រឹក្សាឃុំ-សង្កាត់ អាណត្តិទី៦ ឆ្នាំ ២០២៧
07/26/2026 02:07 PM
Facebook Telegram Linkin
គណៈកម្មាធិការគណបក្សប្រជាជាជនកម្ពុជារាជធានីភ្នំពេញ ប្រកាសបញ្ចូលជាសមាជិកថ្មីជិត ៣០០០នាក់នៅខណ្ឌព្រែកព្នៅ
07/26/2026 02:07 PM
Facebook Telegram Linkin
បណ្ដេញជនជាតិថៃ ៣៩នាក់ ចេញពីកម្ពុជាពាក់ព័ន្ធបទល្មើសចូលដោយទុច្ចរិតក្នុងទីលានយោធា និងលួចឆ្លងដែនដោយខុសច្បាប់
07/26/2026 02:07 PM
Facebook Telegram Linkin
ចំនួនមនុស្សស្លាប់ដោយសារជំងឺអេបូឡានៅប្រទេសកុងហ្គោកើនឡើងដល់ជាង ១.៣០០នាក់
07/26/2026 01:07 PM
Facebook Telegram Linkin
មនុស្សម្នាក់ស្លាប់ និង ១៥នាក់ រងរបួស ក្រោយរថយន្តមួយគ្រឿងបើកបុកហ្វូងមនុស្សនៅព្យុហយាត្រាឥន្ទធនូក្រុងប៊ែរឡាំង
07/26/2026 01:07 PM
Facebook Telegram Linkin
សមត្ថកិច្ចកម្ពុជាបណ្ដេញជនជាតិចិន ១៥៨នាក់ ចេញពីកម្ពុជាពាក់ព័ន្ធករណី Online Scams និងបទល្មើសផ្សេងៗ
07/26/2026 12:07 PM
Facebook Telegram Linkin
កម្ពុជាចូលរួមសន្និសីទជាន់ខ្ពស់នៃឧត្តមភាគីចុះកិច្ចព្រមព្រៀងនៃសន្ធិសញ្ញាមិត្តភាព និងសហប្រតិបត្តិការនៅតំបន់អាស៊ីអាគ្នេយ៍
07/26/2026 12:07 PM
Facebook Telegram Linkin
មនុស្សយ៉ាងហោច ២១នាក់ រងរបួស ក្នុងហេតុការណ៍អគ្គិភ័យនៅទីក្រុងញូវយ៉ក សហរដ្ឋអាមេរិក
07/26/2026 12:07 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.