នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
ប្រេងធ្លាក់ចុះ ៥% បន្ទាប់ពីសហរដ្ឋអាមេរិក និងអ៊ីរ៉ង់ ផ្អាកការប្រយុទ្ធគ្នាកាលពីចុងសប្តាហ៍មុន
អ៊ីរ៉ង់និយាយថា ខ្លួននឹងបញ្ឈប់ការវាយប្រហារដរាបណាការផ្អាកការទម្លាក់គ្រាប់បែករបស់អាមេរិកនៅតែបន្ត
លោក Zelenskiy ៖ រុស្ស៊ីចង់ជ្រើសរើសទាហាន ៣ម៉ឺននាក់ ពីកូរ៉េខាងជើង
ចំនួនមនុស្សស្លាប់ដោយសារជំងឺអេបូឡានៅប្រទេសកុងហ្គោកើនឡើងដល់ជាង ១.៣០០នាក់

ព័ត៌មានអន្តរជាតិ

ពលរដ្ឋស៊ូដង់វិលត្រឡប់មកផ្ទះវិញនៅរដ្ឋធានីដែលមិនទាន់ត្រៀមខ្លួនស្វាគមន៍ពួកគេនៅឡើយទេ

2026/07/11 01:55:43 am        51
Facebook Telegram Linkin
នៅឆ្នាំចាប់តាំងពីកងទ័ពស៊ូដង់ដណ្តើមមកវិញការគ្រប់គ្រងរដ្ឋធានី Khartoum ពីកងកម្លាំងយោធាប៉ារ៉ាដែលបានរឹបអូសបានទីក្រុងមួយនេះ ពេលចាប់ផ្តើមផ្ទុះសង្រ្គាមស៊ីវិលកាលពីឆ្នាំ ២០២៣នោះ មនុស្សជាង ២លាននាក់ ក្នុងចំណោម ៥នាក់ដែលបានរត់ភៀសខ្លួនចេញពីផ្ទះសម្បែងរបស់ពួកគេនៅក្នុងទីក្រុងមួយនេះ បានវិលត្រឡប់មកវិញ ។ប៉ុន្តែទោះបីជាអាជ្ញាធរសន្យាស្តាឲ្យបានឆាប់ជីវិតរស់នៅធម្មតាវិញ ក្រោយជ័យជំនះយោធារបស់ពួកគេក៏ដោយនោះ ថាមពលនៅតែគ្មានភាគច្រើន អគារបន្តរងការខូចខាត ហើយកម្មករនៅតែពុំទាន់ត្រូវបានគេបើកប្រាក់ខែឲ្យ ។ពលរដ្ឋមួយចំនួននិយាយថា ពួកគេបានវិលត្រឡប់មកវិញ គ្រាន់តែជាជម្រើសចុងក្រោយប៉ុណ្ណោះ បន្ទាប់ពីរត់ភៀសខ្លួនចេញពីការបង្រ្កាមជនភៀសខ្លួននៅប្រទេសជិតខាងអេហ្ស៊ីប ។រដ្ឋាភិបាលស៊ូដង់ ដែលបានផ្លាស់ទីក្រសួង និងការិយាល័យរដ្ឋបាលរបស់ខ្លួនទៅកាន់ទីក្រុងតំបន់ឆ្នេរ Port Sudan នោះ បានបញ្ជាឲ្យមន្រ្តីរដ្ឋការវិលត្រឡប់មកបម្រើការងារវិញនៅទីក្រុង Khartoum ។ចំណែកឯ សិស្ស-និស្សិតដែលរៀនតាមប្រព័ន្ធនិម្មិត និងអនុញ្ញាតឲ្យចូលរួមប្រឡងនៅមណ្ឌលប្រឡងបណ្តោះអាសន្នស្ថិតតាមទីក្រុងផ្សេងទៀត ឬនៅបរទេសនោះ ត្រូវបានគេនិយាយប្រាប់ឲ្យវិលត្រឡប់ថ្នាក់រៀនវិញផងដែរ ។អ្នកស្រី Nisreen Altayeb ដែលរត់ភៀសខ្លួនទៅកាន់ប្រទេសអេហ្ស៊ីបជាមួយគ្រួសាររបស់គាត់បានសម្រេចចិត្តវិលត្រឡប់មកវិញ ក្រោយការបង្ក្រាបយ៉ាងចាស់ដៃលើជនភៀសខ្លួន បានចាប់ផ្តើមឡើងកាលពីដើមឆ្នាំនេះ ។អ្នកស្រី Altayeb និយាយថា ពួកយើងចាកចេញពីស៊ូដង់ ដោយសារតែខ្វះសន្តិសុខ ប៉ុន្តែក្រោយមកពួកយើងបានជួបប្រទះរឿងរ៉ាវតែមួយ ។ វាគ្មានសុវត្ថិភាពនោះទេនៅប្រទេសអេហ្ស៊ីប ។អ្នកស្រីបន្តទៀតថា ពេលពួកគេឮដំណឹងថា ស្ថានភាពនៅស៊ូដង់ល្អប្រសើរឡើង គាត់ និងគ្រួសាររបស់គាត់ បានសម្រេចចិត្តវិលត្រឡប់មកវិញ ។ គាត់ព្យាយាមវិលត្រឡប់ទៅធ្វើការវិញជាគ្រូបង្រៀន ប៉ុន្តែដូចគ្នានឹងមន្រ្តីរដ្ឋការផ្សេងទៀតដែរ គាត់ពុំត្រូវបានគេបើកប្រាក់បៀវត្សរ៍ជូននោះទេ ៕

អតីតនាយករដ្ឋមន្ត្រី៖ គ្មាននរណាម្នាក់នឹងទទួលយកអ៊ុយក្រែនចូលទៅក្នុងអង្គការណាតូទេ ទោះបី១ទសវត្សរ៍ទៀតក៏ដោយ

2026/07/11 01:51:21 am        51
Facebook Telegram Linkin
អតីតនាយករដ្ឋមន្ត្រីអ៊ុយក្រែន (២០១០-២០១៤) លោក Nikolay Azarov បានប្រាប់សារព័ត៌មាន TASS ក្នុងបទសម្ភាសន៍មួយថា អ៊ុយក្រែននឹងមិនត្រូវបានទទួលយកចូលទៅក្នុងអង្គការណាតូ ឥឡូវនេះ ឬក្នុងរយៈពេលមួយទសវត្សរ៍ទៀតទេ។ ដោយធ្វើអត្ថាធិប្បាយលើការពិតដែលថា សេចក្តីប្រកាសកិច្ចប្រជុំកំពូលអង់ការ៉ា មិនបាននិយាយអំពីការប្តេជ្ញាចិត្តរបស់អង្គការណាតូ ក្នុងការទទួលយកអ៊ុយក្រែនជាសមាជិកនោះទេ លោកបានលើកដោយវោហាសាស្ត្រថា ៖«គ្មាននរណាម្នាក់ នឹងទទួលយកអ៊ុយក្រែនចូលទៅក្នុងអង្គការណាតូឥឡូវនេះ ឬក្នុងរយៈពេល ១០ ឆ្នាំទៀតនោះទេ។ ហេតុអ្វីបានជាពួកគេគួរទទួលយកប្រទេសដែលត្រូវបានបំផ្លិចបំផ្លាញ ពុករលួយ និងមានឧក្រិដ្ឋកម្ម?»។ លោកបាននិយាយដោយសំដៅទៅលើការវាយប្រហារដោយគ្រាប់បែកកាលពីសប្តាហ៍មុន នៅទីក្រុង Monacoថា៖ «ការវាយប្រហារយ៉ាងឃោរឃៅលើពាណិជ្ជករអ៊ុយក្រែនម្នាក់ ត្រូវបានអនុវត្តនៅចំពោះមុខយើង ហើយបន្ទាប់មកឃាតករនោះ ត្រូវបានធ្វើឃាតនៅទីក្រុងគីវ»។ លោក Azarov បានបន្ថែមថា៖«បញ្ហាគឺថា របបក្រុងគីវមិនមែនជាសមាជិកណាតូទេ ប៉ុន្តែគ្មានសម្ព័ន្ធមិត្តណាតូណាមួយទទួលបានមូលនិធិច្រើនដូចអ៊ុយក្រែនទេ ហើយក៏គ្មានសម្ព័ន្ធមិត្តណាតូណាមួយទទួលបានអាវុធទំនើបៗ ចារកម្ម និងការគាំទ្រនយោបាយដូចរបប គីវកំពុងទទួលបាននាពេលបច្ចុប្បន្នដែរ»៕

មន្ត្រីយោធាអ៊ីស្រាអែល និងអេហ្ស៊ីប ជួបពិភាក្សានៅក្រុង​គែរ ស្តីពីដំណាក់កាលទី២ នៃបទឈប់បាញ់ នៅហ្កាហ្សា

2026/07/11 01:47:23 am        64
Facebook Telegram Linkin
គណៈប្រតិភូយោធាអ៊ីស្រាអែលមួយក្រុម បានជួបពិភាក្សានៅទីក្រុងគែរ ជាមួយមន្ត្រីយោធាអេហ្ស៊ីប ស្តីពីការឈានទៅដំណាក់កាលទី២ នៃកិច្ចព្រមព្រៀងបទឈប់បាញ់ នៅតំបន់​ហ្កាហ្សា។​ នេះបើយោងតាមការចុះផ្សាយរបស់ប្រព័ន្ធផ្សព្វផ្សាយសាធារណៈរបស់អ៊ីស្រាអែល កាលពីថ្ងៃព្រហស្បតិ៍ (ទី៩ ខែកក្កដា ឆ្នាំ២០២៦)​។កិច្ចប្រជុំនេះ បាន​កើត​មាន​ស្រប​នឹងដំណើរទស្សនកិច្ចរបស់គណៈប្រតិភូនៃ​ក្រុម​ហាម៉ាស ដឹកនាំដោយលោក Khalil al-Hayya ទៅកាន់រដ្ឋធានីរបស់​អេហ្ស៊ីប ដើម្បីពិភាក្សាជាមួយអន្តរការី​ ស្តីពីការពង្រឹង​បទឈប់បាញ់ និងអនាគតនៃកិច្ចព្រមព្រៀង។ប្រព័ន្ធផ្សព្វផ្សាយអ៊ីស្រាអែល មិនបានបង្ហាញ​អត្តសញ្ញាណអ្នកចូលរួមពីភាគីណាមួយ​​ ឬពីលទ្ធផលនៃការពិភាក្សានោះទេ។ ប្រព័ន្ធផ្សព្វផ្សាយនេះ​បានឱ្យដឹង​ថា «គណៈប្រតិភូមន្ត្រីយោធាជាន់ខ្ពស់អ៊ីស្រាអែល បានទៅ​ដល់ទីក្រុងគែរ ហើយបានជួបពិភាក្សាជាមួយមន្ត្រីយោធាជាន់ខ្ពស់របស់​អេហ្ស៊ីប ក្នុងរយៈពេល ២ថ្ងៃកន្លងមកនេះ»។យោងតាមប្រព័ន្ធផ្សព្វផ្សាយនេះ បាន​ឱ្យដឹង​ទៀតថា​ កិច្ចពិភាក្សានេះ បានធ្វើឡើងក្នុងចំណោមកិច្ចប្រឹងប្រែង ដើម្បីជំរុញទៅកាន់​ដំណាក់កាលបន្ទាប់នៃកិច្ចព្រមព្រៀងហ្កាហ្សា ក្រោមផែនការរបស់ប្រធានាធិបតីអាមេរិក លោក Donald Trump ខណៈពេលដែលអះអាងថា ក្រុម​ហាម៉ាស «នៅតែបដិសេធមិនព្រមរំសាយអាវុធ»។គួរបញ្ជាក់​ថា ប្រទេស​អេហ្ស៊ីប កាតា និងទួរគី កំពុងសម្របសម្រួលកិច្ចខិតខំប្រឹងប្រែង ដើម្បីអនុវត្តកិច្ចព្រមព្រៀងបទឈប់បាញ់ និងជំរុញផែនការហ្កាហ្សារបស់លោក Trump៕

នាវាដឹកឧស្ម័នធម្មជាតិបន្តធ្វើដំណើរឆ្លងកាត់ច្រកសមុទ្រ Hormuz បើទោះបីមានភាពតានតឹងថ្មីនៅមជ្ឈិមបូព៌ាក៏ដោយ

2026/07/11 01:44:49 am        54
Facebook Telegram Linkin
ទិន្នន័យតាមដានការធ្វើនាវាចរណ៍ បង្ហាញថា នាវាដឹកឧស្ម័នធម្មជាតិរាវ(LNG)កាន់តែច្រើន បានចាប់ផ្តើមឡើងវិញការធ្វើដំណើរឆ្លងកាត់ច្រកសមុទ្រ Hormuz ក្នុងរយៈពេលប៉ុន្មានថ្ងៃកន្លងមកនេះ ខណៈទីក្រុងតូក្យូនិយាយថា នាវាពាក់ព័ន្ធនឹងជប៉ុនចំនួន ២២គ្រឿង បានចាកចេញពីតំបន់ឈូងសមុទ្រ ចាប់តាំងពីថ្ងៃអង្គាររហូតមក បើទោះបីជាការប្រយុទ្ធគ្នាថ្មី បានផ្ទុះឡើងនៅតំបន់មជ្ឈិមបូព៌ាក៏ដោយ ។ច្រកសមុទ្រ Hormuz ដែលជាផ្លូវទឹកដ៏សំខាន់ សម្រាប់ការដឹកនាំជញ្ជូនប្រេង និងឧស្ម័នសកលនោះ ត្រូវបានឃ្លាំមើលយ៉ាងដិតដល់ដោយក្រុមហ៊ុនដឹកជញ្ជូន ហើយនិងរដ្ឋាភិបាលជាច្រើន បន្ទាប់ពីការវាយប្រហាររបស់អ៊ីរ៉ង់ក្នុងសប្តាហ៍នេះ លើនាវាពាណិជ្ជកម្ម និងការវាយប្រហារសងសឹករបស់សហរដ្ឋអាមេរិកលើអ៊ីរ៉ង់ បានកាត់បន្ថយការធ្វើនាវាចរណ៍ឆ្លងកាត់ដែនទឹកមួយនេះ ។យោងតាមទិន្នន័យពីគេហទំព័រតាមដានការដឹកជញ្ជូន Kpler និង LSEG បានឲ្យដឹងថា ប៉ុន្តែនាវាគ្មានផ្ទុកឧស្ម័ន LNG យ៉ាងហោចណាស់ ៥គ្រឿងប៉ុណ្ណោះ បានធ្វើដំណើរចូលក្នុងច្រកសមុទ្រ Hormuz ក្នុងរយៈពេលប៉ុនា្មនថ្ងៃកន្លងមកនេះ ។ ទិន្នន័យបង្ហាញទៀតថា នាវាទាំងនោះ រួមមាននាវា GasLog Shanghai គ្រប់គ្រងដោយក្រុមហ៊ុនដឹកជញ្ជូនក្រិក GasLog នាវា Al Samriya, Al Dafna, Al Gattara និងនាវា Al Rayyan ដែលមានទំនាក់ទំនងជាមួយក្រុមហ៊ុនកាតា QatarEnergy ៕

របាយការណ៍៖ មន្ត្រីប្រាប់​ថា កិច្ចប្រឹងប្រែងការទូត កំពុងដំណើរការ ដើម្បីសម្រាល​ភាពតានតឹងអាមេរិក-អ៊ីរ៉ង់

2026/07/11 01:42:11 am        43
Facebook Telegram Linkin
ដោយសំអាង​ដល់​សម្ដី​របស់​មន្ត្រីអាមេរិក​ ប្រព័ន្ធ​ផ្សព្វផ្សាយ CNN បានរាយការណ៍នៅថ្ងៃសុក្រ (ទី​១០ ខែកក្កដា ឆ្នាំ២០២៦)​ នេះ​ថា កិច្ចខិតខំប្រឹងប្រែងផ្នែកការទូត កំពុងដំណើរការនៅខាង​ក្រោយឆាក ដើម្បីបន្ធូរបន្ថយភាពតានតឹង នៅក្នុងជម្លោះ រវាងសហរដ្ឋអាមេរិក និងអ៊ីរ៉ង់។មន្ត្រីរូបនេះ បើតាម​សេចក្ដី​រាយការណ៍ បាននិយាយថា ទីក្រុងវ៉ាស៊ីនតោនបានផ្លាស់ប្តូរដោយចេតនា រវាងការវាយប្រហារ និងការផ្អាក សម្រាប់​ប្រតិបត្តិការ​យោធា ជា​កិច្ចប្រឹងប្រែង ដើម្បីជៀសវាងការកើនឡើងនូវ​ភាពតាន​តឹង​បន្ថែមទៀត និងដើម្បី​អាច​ឱ្យមាន​វឌ្ឍនភាពការទូត ខណៈពេលដែលបន្ត​រក្សាបញ្ជីគោលដៅ​ នាពេល​ខាងមុខ ជាចំណុចមាន​ប្រៀប​។ហើយ​ជាមួយ​គ្នានេះ ដោយដកស្រង់សម្តីមន្ត្រីជាច្រើន CNN ក៏បានឱ្យដឹង​ផងដែរថា សហរដ្ឋអាមេរិកបានត្រៀមខ្លួន សម្រាប់ការវាយប្រហារដែលអាចកើតមាន នៅយប់នេះ ប្រសិនបើចាំបាច់ ប៉ុន្តែការទូតកំពុងមានអាទិភាព នាពេល​នេះ​។ទន្ទឹមនឹងនេះ ប្រព័ន្ធផ្សព្វផ្សាយរដ្ឋអ៊ីរ៉ង់ បានរាយការណ៍ថា ការវាយប្រហារជាច្រើនបានកំណត់គោលដៅទីតាំងយោធា នៅក្នុងទីក្រុងចំនួប ២ កាល​ពី​ល្ងាចថ្ងៃព្រហស្បតិ៍ ខណៈដែលមន្ត្រីអ៊ីស្រាអែលបានប្រាប់ថា ពួកគេមិនបានដឹងនោះទេ​ អំពីការចូលរួមណាមួយរបស់អ៊ីស្រាអែល នៅ​ក្នុងការវាយប្រហារ លើ​អ៊ីរ៉ង់ នា​ពេលនេះ​។មន្ត្រីអាមេរិកបានបន្ថែមថា ការចរចាបច្ចេកទេស រវាងទីក្រុងវ៉ាស៊ីនតោន និងតេអេរ៉ង់ ស្ដី​ពី​កម្មវិធីនុយក្លេអ៊ែររបស់អ៊ីរ៉ង់ នៅតែបន្ត ជាផ្នែកនៃកិច្ចខិតខំប្រឹងប្រែង ដើម្បីឈានដល់ដំណោះស្រាយផ្នែកការទូត។ មន្ត្រីរូបនេះបានកត់សម្គាល់ថា ស្ថានភាពនៅតែមិនស្ថិតស្ថេរ ហើយការវាយប្រហារដោយយោធា អាចចាប់ផ្ដើម​ឡើងវិញ ប្រសិនបើចាំបាច់៕

សារព័ត៌មាន៖ ទួរគីលក់ប្រព័ន្ធការពារដែនអាកាស S-400 ផលិតដោយរុស្ស៊ី ទៅឲ្យប្រទេសឈូងសមុទ្រ

2026/07/11 01:39:06 am        58
Facebook Telegram Linkin
ប្រព័ន្ធមីស៊ីល S-400 ដែលទួរគីទិញពីរុស្ស៊ីពីមុន ត្រូវបានលក់ទៅឲ្យប្រទេសឈូងសមុទ្រពែក្ស។នេះបើយោងតាមការចុះផ្សាយកាសែតគាំទ្ររដ្ឋាភិបាលទួរគី Hurriyet។ អ្នកសរសេរអត្ថបទអត្ថាធិប្បាយនយោបាយឲ្យកាសែតHurriyet លោក Abdulkadir Selvi បានសរសេរថា៖«យោងតាមព័ត៌មានដែលខ្ញុំមាន ប្រព័ន្ធមីស៊ីល S-400 ត្រូវបានលក់ទៅឲ្យភាគីទីបី។ កិច្ចព្រមព្រៀងនេះនឹង ត្រូវប្រកាសនៅថ្ងៃសុក្រនេះ។ ប្រព័ន្ធ S-400 នឹងត្រូវផ្ទេរទៅឲ្យប្រទេសឈូងសមុទ្រពែក្ស។ កិច្ចខិតខំប្រឹងប្រែងត្រូវបានធ្វើឡើងកាលពីថ្លៃព្រហស្បតិ៍ ដើម្បីដោះស្រាយបញ្ហាមួយចំនួន ដែលត្រូវបានគេរាយការណ៍ថា ត្រូវបានដោះស្រាយនៅពាក់កណ្តាលអធ្រាត្រ។ អេមីរ៉ាតអារ៉ាប់រួម និងកាតា ត្រូវបានលើកឡើង នៅក្នុងរឿងនេះ ប៉ុន្តែវាជាការប្រសើរជាងក្នុងការរង់ចាំការប្រកាសជាផ្លូវការ»។ បន្ទាប់ពីកិច្ចពិភាក្សាជាមួយមេដឹកនាំអាមេរិកលោក ដូណាល់ ត្រាំ នៅខាងក្រៅកិច្ចប្រជុំកំពូលណាតូ នៅទីក្រុងអង់ការ៉ា នាថ្ងៃទី ៧-៨ ខែកក្កដា ប្រធានាធិបតីទួរគីលោក រ៉េសិប តាយីប អឺដូហ្កាន់ (Recep Tayyip Erdogan) បានសម្តែងទំនុកចិត្តថា ទីក្រុងអង់ការ៉ានឹងត្រឡប់ទៅកម្មវិធី F-35 វិញ។ ទោះជាយ៉ាងណាក៏ដោយ លោកប្រធានាធិបតីអាមេរិក បាននិយាយថា លោកមិនទាន់បានធ្វើការសម្រេចចិត្តលើបញ្ហានេះនៅឡើយទេ៕

អ្នកជំនាញ៖ សហរដ្ឋអាមេរិកយល់ឃើញថា ខ្លួនកំពុងស្ថិតក្នុងស្ថានភាពជាប់គាំងជាយុទ្ធសាស្ត្រជាមួយ អ៊ីរ៉ង់

2026/07/11 12:35:45 am        57
Facebook Telegram Linkin
លោក Richard N. Haass អ្នកការទូតជើងចាស់ដែលបានបម្រើការនៅក្រសួងការបរទេសអាមេរិក និងក្រុមប្រឹក្សាសន្តិសុខជាតិក្រោមរដ្ឋបាលជាច្រើន រួមទាំងរដ្ឋបាលរបស់លោក George W. Bush បានប្រាប់កាសែត The New York Timesថា សហរដ្ឋអាមេរិកបានយល់ឃើញថា ខ្លួនកំពុងស្ថិតនៅក្នុងស្ថានភាពជាប់គាំងជាយុទ្ធសាស្ត្រ នៅក្នុងជម្លោះជាមួយអ៊ីរ៉ង់ ដោយសារវិធីសាស្រ្តណាមួយរបស់រដ្ឋបាលវ៉ាស៊ីនតោនចំពោះទីក្រុងតេអេរ៉ង់ មិនដំណើរការទេ។ លោកបានអះអាងថា៖«យើងកំពុងស្ថិតក្នុងស្ថានភាពជាប់គាំងជាយុទ្ធសាស្ត្រ» ដោយពន្យល់ថា សហរដ្ឋអាមេរិកវាយប្រហារអ៊ីរ៉ង់កាន់តែច្រើន អ៊ីរ៉ង់វាយប្រហារហេដ្ឋារចនាសម្ព័ន្ធប្រេង និងថាមពលនៅក្នុងប្រទេសឈូងសមុទ្រកាន់តែច្រើន។ អ្នកជំនាញរូបនេះ បានបន្ថែមថា៖«រដ្ឋបាលរបស់ប្រធានាធិបតីអាមេរិក លោក ដូណាល់ ត្រាំ នៅតែមិនទាន់រកវិធីការពារទីតាំងទាំងនោះទេ»។លោក Haass បានសង្កត់ធ្ងន់ថា ពីដំបូង លោក ត្រាំ សង្ឃឹមថា លោកអាចទម្លាក់គ្រាប់បែកលើពួកគេ គឺទីក្រុងតេអេរ៉ង់ឲ្យផ្លាស់ប្តូររបប បន្ទាប់មកលោកសង្ឃឹមថា លោកអាចទម្លាក់គ្រាប់បែកលើពួកគេឲ្យចុះចាញ់ គោលបំណងទាំងពីរនេះ មិនទទួលបានជោគជ័យទេ»។សហរដ្ឋអាមេរិក និងអ៊ីស្រាអែល បានចាប់ផ្តើមសង្គ្រាមប្រឆាំងនឹងអ៊ីរ៉ង់ នៅថ្ងៃទី ២៨ ខែកុម្ភៈ។ ក្នុងចំណោមមន្ត្រីអ៊ីរ៉ង់ដទៃទៀត មេដឹកនាំកំពូល លោក Ali Khamenei ត្រូវបានសម្លាប់ ដោយសារការវាយប្រហារតាមអាកាស។ កាលពីខែមិថុនា ទីក្រុងវ៉ាស៊ីនតោន និងទីក្រុងតេអេរ៉ង់ បានចុះហត្ថលេខាលើអនុស្សរណៈនៃការយោគយល់ (MoU) ដែលចែងអំពីការឈប់បាញ់ជាបន្ទាន់នៅគ្រប់ទិសទី រួមទាំងប្រទេសលីបង់ផងដែរ៕

ឯកសារ៖ កងទ័ពស៊ូដង់បញ្ជាក់​​ថា ផែនការសន្តិភាពអាមេរិក ត្រូវអំពាវនាវឱ្យ​ក្រុម​ RSF ដកចេញពីទីក្រុងនានា

2026/07/11 12:33:07 am        53
Facebook Telegram Linkin
យោងតាមឯកសារដែលសារព័ត៌មាន​ Reuters បាន​បង្ហាញ​ថា កងទ័ពស៊ូដង់បានកំណត់លក្ខខណ្ឌ ដើម្បី​ទទួលយកយ៉ាងទូលំទូលាយនូវ​សំណើរបស់សហរដ្ឋអាមេរិក សម្រាប់ការបញ្ចប់សង្គ្រាមស៊ីវិលរយៈពេល ៣ឆ្នាំរបស់ប្រទេសនេះ ដោយតម្រូវឱ្យមាន​​ការដកទ័ពចេញទាំងស្រុងដោយកងកម្លាំងគាំទ្ររហ័ស (RSF) ពីទីក្រុង​នានាដែល​​ក្រុម​នេះ​បានកាន់កាប់។ឯកសារទាំងនេះ ដែលខ្លឹមសារនៃឯកសារទាំងនោះ ត្រូវបានបញ្ជាក់ដោយមន្ត្រីជាន់ខ្ពស់ស៊ូដង់ បង្ហាញថា សំណើរបស់សហរដ្ឋអាមេរិកកាលពីខែមុន បានអំពាវនាវឱ្យភាគីទាំង២ យល់ព្រមលើបទឈប់បាញ់មនុស្សធម៌បន្ទាន់ ៩០​ថ្ងៃ ដែលអនុញ្ញាតឱ្យមានការចរចា អំពីបទឈប់បាញ់ជាអចិន្ត្រៃយ៍ និងរយៈពេល​អន្តរកាល​ដែលដឹកនាំដោយជនស៊ីវិល ឆ្ពោះ​ទៅកាន់ការបោះឆ្នោត។ឯ​កសារ​នោះ​ក៏បានអំពាវនាវផង​ដែរ​ឱ្យមានយន្តការដឹកនាំដោយអង្គការសហប្រជាជាតិ (UN) ដើម្បីគាំទ្រការដកទ័ពចេញមានកំណត់ដោយកង​កម្លាំង​ RSF ដោយផ្តល់អាទិភាពដល់ភាគខាងជើងតំបន់​ Darfur ជាកន្លែងដែល RSF ទើបតែបានកាន់កាប់ទីក្រុង al-Fashir អំឡុង​ការ​វាយប្រហារដោយហិង្សា និងភាគខាងជើងតំបន់​ Kordofan ដែលជាគោលដៅបច្ចុប្បន្ននៃការវាយប្រហារដោយយាន​ដ្រូន​របស់ RSF។ឯកសារបានបង្ហាញទៀត​ថា រដ្ឋាភិបាលស៊ូដង់ដឹកនាំដោយកងទ័ព បានទទួលយកសំណើភាគច្រើន ប៉ុន្តែគ្រាន់​ជំទាស់នឹងការដកទ័ពចេញមានកំណត់ប៉ុណ្ណោះ ដោយលើកឡើង​ថា ផែនការនេះត្រូវតែរួមបញ្ចូល «ការដក ​ (RSF) ចេញពីទីក្រុងទាំងអស់ដែលកង​កម្លាំង​នេះ​បានកាន់កាប់ចាប់តាំងពីថ្ងៃទី១១ ខែឧសភា ឆ្នាំ២០២៣»។ការទាមទាររបស់កងទ័ព ដើម្បី​ឱ្យមាន​ការដកកង​កម្លាំង​ចេញយ៉ាងទូលំទូលាយរបស់ RSF គឺជាឧបសគ្គម្តងហើយម្តងទៀត នៅក្នុងកិច្ចខិតខំប្រឹងប្រែងសន្តិភាពពីមុន​។ ក្រសួងការបរទេសសហរដ្ឋអាមេរិកមិនបានឆ្លើយតបទៅនឹងសំណើសុំការអត្ថាធិប្បាយឡើយ​។ ហើយ​ក្រសួងការបរទេសស៊ូដង់ក៏​មិនបានឆ្លើយតបភ្លាមៗនោះដែរ ទៅនឹងសំណើសុំការអត្ថាធិប្បាយដូចគ្នា​នេះ​៕

កោះ Ishigakរបស់ជប៉ុនបិទអាកាសយានដ្ឋាន ខណៈព្យុះទីហ្វុង Bavi នាំមកនូវខ្យល់បក់ និងភ្លៀងធ្លាក់ខ្លាំង

2026/07/11 12:30:47 am        53
Facebook Telegram Linkin
នៅថ្ងៃសុក្រនេះ កោះភាគខាងត្បូង Ishigak របស់ប្រទេសជប៉ុន បានបិទអាកាសយានដ្ឋានសំខាន់របស់ខ្លួន ស្របពេលដែលព្យុះទីហ្វុងដ៏ខ្លាំងក្លា Bavi បន្តបោកបក់ខិតមកជិត នាំមកជាមួយខ្យល់បក់ និងភ្លៀងធ្លាក់ខ្លាំង ។យោងតាមការអះអាងរបស់អាជ្ញាធរឧតុនិយមជប៉ុន បានឲ្យដឹងថា ជាមួយកម្លាំងខ្យល់បក់អតិបរមា ១៦២គ.ម ក្នុង ១ម៉ោង ព្យុះទីហ្វុង Bavi នឹងបោកបក់ឆ្លងកាត់ជិតកោះ Ishigaki នៅព្រឹកថ្ងៃសៅរ៍ស្អែក ។សារព័ត៌មានក្នុងស្រុករាយការណ៍ថា អាជ្ញាធរកោះ Ishigaki បានសម្រេចចិត្តបិទអាកាសយានដ្ឋាន និងទីតាំងកំពង់ផែ ចាប់ពីព្រឹកថ្ងៃសុក្រនេះតទៅ ពេលដែលព្យុះ Bavi បោកបក់ខិតមកជិត ។ក្រុមហ៊ុនអាកាសចរណ៍ជប៉ុន បានលុបចោលជើងហោះហើររាប់សិបវ៉ុលនៅក្នុងតំបន់ ។ ពួកគេនិយាយថា ពួកគេបានលុបចោលជើងហោះហើរជាង ១០០វ៉ុល សម្រាប់ថ្ងៃសុក្រ និងថ្ងៃសៅរ៍ស្អែក ធ្វើឲ្យប៉ះពាល់ដល់អ្នកដំណើរជិត ២ម៉ឺននាក់ ខណៈក្រុមហ៊ុនអាកាសចរណ៍ All Nippon Airways បានលុបចោលជើងហោះហើរជាង ១៦០វ៉ុល រហូតដល់ថ្ងៃអាទិត្យ ធ្វើឲ្យប៉ះពាល់ដល់ដល់អ្នកដំណើរប្រហែល ២ម៉ឺននាក់ដូចគ្នា ។ដោយឡែក ក្រុមអាជ្ញាធរក្នុងស្រុក បានជំរុញឲ្យអ្នកស្រុកបន្តប្រុងប្រយ័ត្នខ្ពស់ចំពោះលទ្ធភាពនៃបំណាក់ដីបន្ថែមទៀត ៕

បំណាក់ដីបង្កឡើងដោយសារប្រព័ន្ធខ្យល់មូសុងជំរុញដោយព្យុះ Bavi បានសម្លាប់មនុស្ស ១៥នាក់នៅហ្វីលីពីន

2026/07/11 12:28:45 am        62
Facebook Telegram Linkin
ការិយាល័យកាត់បន្ថយ និងគ្រប់គ្រងហានិភ័យគ្រោះមហន្តរាយក្នុងស្រុកនិយាយថា មនុស្ស ១៥នាក់ បានស្លាប់ និងមនុស្ស ៦នាក់ផ្សេងទៀត កំពុងបាត់ខ្លួន ក្រោយបំណាក់ដី ២កន្លែង បង្កឡើងដោយសារប្រព័ន្ធខ្យល់មូសុងជំរុញដោយព្យុះ Bavi បានកប់ពន្លិចមនុស្ស ២គ្រួសារនៅខេត្ត Sarangani ស្ថិតលើកោះភាគខាងត្បូង Mindanao របស់ហ្វីលីពីន នាព្រឹកថ្ងៃសុក្រនេះ ។ឧបទ្ទេហេតុនេះ បានកើតឡើង បន្ទាប់ពីមានភ្លៀងធ្លាក់ឥតឈប់ឈរ និងខ្យល់មូសុងពីទិសភាគនិរតី ដែលបង្កឲ្យដីស្រុត ។យោងតាមការអះអាងរបស់អាជ្ញាធរក្នុងស្រុក បានឲ្យដឹងថា ដីនៅតំបន់នោះ គ្មានភាពរឹងមាំរួចទៅហើយដោយសារការរញ្ជួយកម្រិត ៧,៨រ៉ិចទ័រ កាលពីថ្ងៃទី ៨ ខែមិថុនា ក៏ដូចជាភ្លៀងធ្លាក់ខ្លាំងច្រើនថ្ងៃជាប់ៗគ្នា ។បុរសម្នាក់ ត្រូវបានជួយសង្រ្គោះចេញពីកម្ទេចកម្ទីនៅព្រឹកថ្ងៃសុក្រនេះ ហើយនិងប្រញាប់ប្រញាល់បញ្ជូនទៅកាន់មន្ទីរពេទ្យ ខណៈមនុស្ស ១១៥គ្រួសារ ត្រូវបានជម្លៀសចេញពីកន្លែងកើតហេតុ ។កិច្ចខិតខំជួយសង្រ្គោះ និងរុករក កំពុងធ្វើឡើង ដើម្បីធានាថា គ្មានជនរងគ្រោះបន្ថែមទៀតនោះទេ បន្តនៅជាប់ក្រោមបំណាក់ដី ។ខណៈពេលនោះដែរ អាជ្ញាធរក្នុងស្រុក បានជំរុញឲ្យអ្នកស្រុកបន្តប្រុងប្រយ័ត្នខ្ពស់ចំពោះលទ្ធភាពនៃបំណាក់ដីបន្ថែមទៀត ៕

បណ្ដាញសង្គម

ព័ត៌មានថ្មីៗ

ប្រេងធ្លាក់ចុះ ៥% បន្ទាប់ពីសហរដ្ឋអាមេរិក និងអ៊ីរ៉ង់ ផ្អាកការប្រយុទ្ធគ្នាកាលពីចុងសប្តាហ៍មុន
07/27/2026 09:07 AM
Facebook Telegram Linkin
កម្ពុជាកំពុងជាមូលដ្ឋានផលិតកម្មថ្មីសម្រាប់ឧស្សាហកម្មយានយន្ត រួមចំណែកក្នុងខ្សែច្រវាក់តម្លៃសកល
07/27/2026 09:07 AM
Facebook Telegram Linkin
ប្រទះឃើញសត្វផ្សោតស្លាប់មួយក្បាលនៅសង្កាត់ស្វាយជ្រុំ ក្រុងអរិយក្សត្រ ខេត្តកណ្តាល
07/27/2026 08:07 AM
Facebook Telegram Linkin
ថ្ងៃអាទិត្យ ទី២៦ ខែកក្កដាម្សិលមិញនេះផ្លូវថ្មើរជើងចតុមុខមានប្រជាពលរដ្ឋដើរលេងកម្សាន្តប្រមាណ ១០ម៉ឺននាក់
07/27/2026 08:07 AM
Facebook Telegram Linkin
មន្ត្រីឧទ្យានុរក្សដែនជម្រកសត្វព្រៃ ព្រៃឡង់ បានដកហូតឈើចំនួន៥០ សន្លឹក ដែលជនសង្ស័យគ្រោងដឹកចេញ
07/27/2026 08:07 AM
Facebook Telegram Linkin
អ៊ីរ៉ង់និយាយថា ខ្លួននឹងបញ្ឈប់ការវាយប្រហារដរាបណាការផ្អាកការទម្លាក់គ្រាប់បែករបស់អាមេរិកនៅតែបន្ត
07/27/2026 08:07 AM
Facebook Telegram Linkin
លោក Zelenskiy ៖ រុស្ស៊ីចង់ជ្រើសរើសទាហាន ៣ម៉ឺននាក់ ពីកូរ៉េខាងជើង
07/26/2026 02:07 PM
Facebook Telegram Linkin
មន្ទីរសាធារណការខេត្តកំពង់ស្ពឺ កំពុង​ពន្លឿន​ជួសជុល និងថែទាំកំណាត់ផ្លូវដែលកំពុងរងការខូចខាតឱ្យប្រសើរឡើងវិញ
07/26/2026 02:07 PM
Facebook Telegram Linkin
គណៈកម្មាធិការគណបក្សប្រជាជនកម្ពុជាឃុំកណ្តឹងស្រុកបាទី ផ្សព្វផ្សាយសេចក្តីសម្រេចស្តីពីផែនការរួម ឆ្ពោះទៅកាន់ការបោះឆ្នោតជ្រើសរើសក្រុមប្រឹក្សាឃុំ-សង្កាត់ អាណត្តិទី៦ ឆ្នាំ ២០២៧
07/26/2026 02:07 PM
Facebook Telegram Linkin
គណៈកម្មាធិការគណបក្សប្រជាជាជនកម្ពុជារាជធានីភ្នំពេញ ប្រកាសបញ្ចូលជាសមាជិកថ្មីជិត ៣០០០នាក់នៅខណ្ឌព្រែកព្នៅ
07/26/2026 02:07 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.