នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
មនុស្សមួយចំនួនបានស្លាប់ក្នុងការវាយប្រហារដាក់គ្នារវាងរុស្ស៊ី និងអ៊ុយក្រែនដោយមីស៊ីល និងយានដ្រូន
មន្ត្រី៖ អ៊ីស្រាអែល នឹងអនុញ្ញាតឱ្យកងកម្លាំងអន្តរជាតិចូលទៅក្នុងតំបន់ហ្កាហ្សា
ប្រេងធ្លាក់ចុះ ៥% បន្ទាប់ពីសហរដ្ឋអាមេរិក និងអ៊ីរ៉ង់ ផ្អាកការប្រយុទ្ធគ្នាកាលពីចុងសប្តាហ៍មុន
អ៊ីរ៉ង់និយាយថា ខ្លួននឹងបញ្ឈប់ការវាយប្រហារដរាបណាការផ្អាកការទម្លាក់គ្រាប់បែករបស់អាមេរិកនៅតែបន្ត

ព័ត៌មានអន្តរជាតិ

កោះ Ishigakរបស់ជប៉ុនបិទអាកាសយានដ្ឋាន ខណៈព្យុះទីហ្វុង Bavi នាំមកនូវខ្យល់បក់ និងភ្លៀងធ្លាក់ខ្លាំង

2026/07/11 12:30:47 am        53
Facebook Telegram Linkin
នៅថ្ងៃសុក្រនេះ កោះភាគខាងត្បូង Ishigak របស់ប្រទេសជប៉ុន បានបិទអាកាសយានដ្ឋានសំខាន់របស់ខ្លួន ស្របពេលដែលព្យុះទីហ្វុងដ៏ខ្លាំងក្លា Bavi បន្តបោកបក់ខិតមកជិត នាំមកជាមួយខ្យល់បក់ និងភ្លៀងធ្លាក់ខ្លាំង ។យោងតាមការអះអាងរបស់អាជ្ញាធរឧតុនិយមជប៉ុន បានឲ្យដឹងថា ជាមួយកម្លាំងខ្យល់បក់អតិបរមា ១៦២គ.ម ក្នុង ១ម៉ោង ព្យុះទីហ្វុង Bavi នឹងបោកបក់ឆ្លងកាត់ជិតកោះ Ishigaki នៅព្រឹកថ្ងៃសៅរ៍ស្អែក ។សារព័ត៌មានក្នុងស្រុករាយការណ៍ថា អាជ្ញាធរកោះ Ishigaki បានសម្រេចចិត្តបិទអាកាសយានដ្ឋាន និងទីតាំងកំពង់ផែ ចាប់ពីព្រឹកថ្ងៃសុក្រនេះតទៅ ពេលដែលព្យុះ Bavi បោកបក់ខិតមកជិត ។ក្រុមហ៊ុនអាកាសចរណ៍ជប៉ុន បានលុបចោលជើងហោះហើររាប់សិបវ៉ុលនៅក្នុងតំបន់ ។ ពួកគេនិយាយថា ពួកគេបានលុបចោលជើងហោះហើរជាង ១០០វ៉ុល សម្រាប់ថ្ងៃសុក្រ និងថ្ងៃសៅរ៍ស្អែក ធ្វើឲ្យប៉ះពាល់ដល់អ្នកដំណើរជិត ២ម៉ឺននាក់ ខណៈក្រុមហ៊ុនអាកាសចរណ៍ All Nippon Airways បានលុបចោលជើងហោះហើរជាង ១៦០វ៉ុល រហូតដល់ថ្ងៃអាទិត្យ ធ្វើឲ្យប៉ះពាល់ដល់ដល់អ្នកដំណើរប្រហែល ២ម៉ឺននាក់ដូចគ្នា ។ដោយឡែក ក្រុមអាជ្ញាធរក្នុងស្រុក បានជំរុញឲ្យអ្នកស្រុកបន្តប្រុងប្រយ័ត្នខ្ពស់ចំពោះលទ្ធភាពនៃបំណាក់ដីបន្ថែមទៀត ៕

បំណាក់ដីបង្កឡើងដោយសារប្រព័ន្ធខ្យល់មូសុងជំរុញដោយព្យុះ Bavi បានសម្លាប់មនុស្ស ១៥នាក់នៅហ្វីលីពីន

2026/07/11 12:28:45 am        62
Facebook Telegram Linkin
ការិយាល័យកាត់បន្ថយ និងគ្រប់គ្រងហានិភ័យគ្រោះមហន្តរាយក្នុងស្រុកនិយាយថា មនុស្ស ១៥នាក់ បានស្លាប់ និងមនុស្ស ៦នាក់ផ្សេងទៀត កំពុងបាត់ខ្លួន ក្រោយបំណាក់ដី ២កន្លែង បង្កឡើងដោយសារប្រព័ន្ធខ្យល់មូសុងជំរុញដោយព្យុះ Bavi បានកប់ពន្លិចមនុស្ស ២គ្រួសារនៅខេត្ត Sarangani ស្ថិតលើកោះភាគខាងត្បូង Mindanao របស់ហ្វីលីពីន នាព្រឹកថ្ងៃសុក្រនេះ ។ឧបទ្ទេហេតុនេះ បានកើតឡើង បន្ទាប់ពីមានភ្លៀងធ្លាក់ឥតឈប់ឈរ និងខ្យល់មូសុងពីទិសភាគនិរតី ដែលបង្កឲ្យដីស្រុត ។យោងតាមការអះអាងរបស់អាជ្ញាធរក្នុងស្រុក បានឲ្យដឹងថា ដីនៅតំបន់នោះ គ្មានភាពរឹងមាំរួចទៅហើយដោយសារការរញ្ជួយកម្រិត ៧,៨រ៉ិចទ័រ កាលពីថ្ងៃទី ៨ ខែមិថុនា ក៏ដូចជាភ្លៀងធ្លាក់ខ្លាំងច្រើនថ្ងៃជាប់ៗគ្នា ។បុរសម្នាក់ ត្រូវបានជួយសង្រ្គោះចេញពីកម្ទេចកម្ទីនៅព្រឹកថ្ងៃសុក្រនេះ ហើយនិងប្រញាប់ប្រញាល់បញ្ជូនទៅកាន់មន្ទីរពេទ្យ ខណៈមនុស្ស ១១៥គ្រួសារ ត្រូវបានជម្លៀសចេញពីកន្លែងកើតហេតុ ។កិច្ចខិតខំជួយសង្រ្គោះ និងរុករក កំពុងធ្វើឡើង ដើម្បីធានាថា គ្មានជនរងគ្រោះបន្ថែមទៀតនោះទេ បន្តនៅជាប់ក្រោមបំណាក់ដី ។ខណៈពេលនោះដែរ អាជ្ញាធរក្នុងស្រុក បានជំរុញឲ្យអ្នកស្រុកបន្តប្រុងប្រយ័ត្នខ្ពស់ចំពោះលទ្ធភាពនៃបំណាក់ដីបន្ថែមទៀត ៕

អ៊ីស្រាអែលសម្លាប់ប្រធានផ្នែកផលិតកម្មរបស់ក្រុមជីហាដឥស្លាមនៅតំបន់ហ្កាហ្សា

2026/07/11 12:26:41 am        55
Facebook Telegram Linkin
កងទ័ពបាននិយាយថា កងកម្លាំងការពារអ៊ីស្រាអែលបានសម្លាប់មេបញ្ជាការនៃអង្គភាពមួយរបស់ក្រុមជីហាដឥស្លាមប៉ាឡេស្ទីនដែលទទួលខុសត្រូវចំពោះការផលិត និងផ្គត់ផ្គង់អាវុធដល់ផ្នែកយោធានៃអង្គការ ភេរវកម្មនេះ នៅភាគខាងត្បូងនៃតំបន់ហ្គាហ្សា នេះបើយោងតាមកងទ័ព។កងទ័ពបាននិយាយនៅក្នុងសេចក្តីថ្លែងការណ៍មួយថា៖«កងកម្លាំងការពារអ៊ីស្រាអែលបានវាយប្រហារភាគខាងត្បូងនៃតំបន់ហ្កាហ្សា និងបានលុបបំបាត់មេបញ្ជាការនៃអង្គភាពផលិតកម្មនៃអង្គការជីហាដ ឥស្លាម Rashid al-Qadi»។បុរសនោះ បានដើរតួនាទីយ៉ាងសំខាន់នៅក្នុងដំណើរការជាច្រើននៅក្នុងអង្គភាពដែលទទួលខុសត្រូវចំពោះការផលិត និងផ្គត់ផ្គង់អាវុធគ្រប់ប្រភេទដល់ផ្នែកយោធានៃអង្គការភេរវកម្មនេះ»៕

មនុស្សត្រូវបានជម្លៀសខ្លួន ពេលភ្លើងឆេះព្រៃស្លាប់មនុស្សនៅខេត្ត Almeria បន្តលែងអាចគ្រប់គ្រងបាន

2026/07/11 12:24:02 am        59
Facebook Telegram Linkin
ក្រុមអាជ្ញាធរនិយាយនៅថ្ងៃសុក្រនេះ ពលរដ្ឋត្រូវបានជម្លៀសចេញពីទីក្រុងជាច្រើននៅតំបន់ភាគខាងត្បូងប្រទេសអេស្ប៉ាញ ខណៈភ្លើងឆេះព្រៃរីករាលដាលយ៉ាងឆាប់រហ័ស បានសម្លាប់មនុស្ស ១១នាក់ និងមនុស្ស ១៩នាក់ផ្សេងទៀតកំពុងបាត់ខ្លួន ។អណ្តាតភ្លើងបានឆាបឆេះដីព្រៃជុំវិញទីក្រុង Los Gallardos ស្ថិតក្នុងខេត្ត Almeria ដោយរីករាលដាលយ៉ាងឆាប់រហ័សឆ្ពោះទៅភូមិ Bedar និងជំរុញការរីករាលដាលទៅមុខដោយខ្យល់បក់ខ្លាំង ។លោក Daniel Jackson គឺជាអ្នកគ្រប់គ្រងទីតាំងបោះជំរំក្បែរនោះ និយាយថា នគរបាលបានជម្លៀសមនុស្សចេញពីតំបន់នោះ ជាវិធានការប្រុងប្រយ័ត្នទុកជាមុន ។ដោយឡែក លោក Antonio Sanz គឺជាប្រធានផ្នែកសង្រ្គោះបន្ទាន់ក្នុងតំបន់ និយាយថា មនុស្សស្លាប់ទំនងជាកើតឡើង ពេលដែលពួកគេសម្រេចចិត្តព្យាយាមជម្លៀសតាមរថយន្តរបស់ពួកគេ ។លោក Sanz បន្តថា មនុស្ស ៤នាក់ ដែលជាជនជាតិអង់គ្លេស ពេលដែលកាច់ចង្កូតរថយន្តរបស់ពួកគេទៅខាងស្តាំដៃ បានស្លាប់នៅក្នុងរថយន្ត ខណៈមនុស្ស ៧នាក់ផ្សេងទៀត ប្រទះឃើញស្លាប់ ក្រោយបោះបង់ចោលរថយន្តរបស់ពួកគេ ហើយនិងព្យាយាមរត់គេចដោយថ្មើរជើង នៅតាមផ្លូវដែលមិនមែនជាផ្នែកមួយនៃផែនការជម្លៀសខ្លួន ។ក្រុមមន្រ្តីក្នុងតំបន់ បានព្រមានអ្នកសុ្រកឲ្យស្តាប់តាមសេចក្តីណែនាំរបស់ក្រុមមន្រ្តី ដើម្បីចៀសវាងការបាត់បង់អាយុជីវិតមនុស្សបន្ថែមទៀត ។ មនុស្ស ៤នាក់ បន្តព្យាបាលក្នុងមន្ទីរពេទ្យ ដោយមានស្នាមរលាកភ្លើងយ៉ាងធ្ងន់ធ្ងរ ។ក្រុមអាជ្ញាធរ មានជំនឿថា ភ្លើងឆេះព្រៃនេះ អាចនឹងកើតឡើង ក្រោយពេលខ្សែភ្លើងធ្លាក់លើរុក្ខជាតិស្ងួត ក្នុងនោះអាកាសធាតុក្តៅខ្លាំង និងខ្យល់បក់ខ្លាំង កំពុងពន្លឿនការរីករាលដាលយ៉ាងឆាប់រហ័សរបស់ភ្លើងឆេះព្រៃនេះ ៕

លោក Netanyahu ព្យាយាមដើម្បីរក្សាការសន្យាចំពោះសម្ព័ន្ធមិត្តនៅមុនការបោះឆ្នោត

2026/07/11 12:21:26 am        55
Facebook Telegram Linkin
ដោយសភាអ៊ីស្រាអែល កំណត់ពេលរំលាយចោលក្នុងរយៈពេលប៉ុន្មានថ្ងៃខាងមុខនេះ ត្រឹមតែបួនខែទៀតនៅមុនការបោះឆ្នោតជាតិ រដ្ឋាភិបាលរបស់នាយករដ្ឋមន្ត្រី លោក Benjamin Netanyahu កំពុង ប្រជែងដើម្បីអនុម័តសេចក្តីស្នើច្បាប់មួយចំនួន ដែលបានធ្វើឲ្យមានការរិះគន់យ៉ាងខ្លាំងពីគណបក្សប្រឆាំង។បច្ចុប្បន្នមានសេចក្តីស្នើច្បាប់ចំនួន៧កំពុងស្ថិតក្នុងរបៀបវារៈរបស់សភា នៅក្នុងសភាដែលមាន១២០អាសនៈរបស់អ៊ីស្រាអែល ដែលនីមួយៗជាអាទិភាពសម្រាប់គណបក្សមួយឬច្រើននៅក្នុងក្រុមចម្រុះកាន់អំណាចរបស់លោក Netanyahu។ តាមរយៈការចរចានយោបាយ លោក Netanyahu សង្ឃឹមថានឹងពង្រឹងសម្ព័ន្ធមិត្តរបស់លោក និងឈានទៅរកការបោះឆ្នោតនៅចុងខែតុលាពីជំហរដ៏រឹងមាំមួយ ទោះបីជាការបោះឆ្នោតស្ទង់មតិបានបង្ហាញថាលោកអាចនឹងពិបាកក្នុងការវិលត្រឡប់ទៅកាន់តំណែងវិញក៏ដោយ។នាយករដ្ឋមន្ត្រីចាស់វស្សារូបនេះ ដែលបានកាន់តំណែងរយៈពេលជិតពីរទសវត្សរ៍មកហើយក្នុងពេលច្រើនអាណត្តិ កំពុងប្រឈមនឹងកំហឹងរបស់សាធារណជនចំពោះការបរាជ័យជាបន្តបន្ទាប់ ជាពិសេសការបរាជ័យដែលនាំឱ្យមានការវាយប្រហារមិនធ្លាប់មានពីមុនមករបស់ក្រុមហាម៉ាសកាលពីថ្ងៃទី៧ ខែតុលា ឆ្នាំ២០២៣ ដែលបានបង្កឱ្យមានសង្គ្រាមនៅតំបន់ហ្កាហ្សា។

មេដឹកនាំអ៊ុយក្រែន កំពុងពិចារណាក្រុមហ៊ុនជប៉ុនដើម្បីជួយអ៊ុយក្រែនផលិតមីស៊ីល Patriot

2026/07/11 12:19:09 am        41
Facebook Telegram Linkin
ប្រធានាធិបតីអ៊ុយក្រែន លោក Volodymyr Zelenskyy បានបង្ហាញចំណាប់អារម្មណ៍ក្នុងការសម្របសម្រួលរបស់អ៊ុយក្រែនជាមួយក្រុមហ៊ុនជប៉ុនមួយដើម្បីផលិតមីស៊ីលស្ទាក់ចាប់ប៉ាទ្រីយ៉ូត(Patriot)។ ការថ្លែងរបស់លោកបានធ្វើឡើងបន្ទាប់ពីប្រធានាធិបតីសហរដ្ឋអាមេរិក លោក Donald Trump បានប្រាប់លោកកាលពីថ្ងៃពុធថា សហរដ្ឋអាមេរិកនឹងផ្តល់អាជ្ញាប័ណ្ណដល់អ៊ុយក្រែនក្នុងការផលិតមីស៊ីល Patriot។ នៅពេលត្រូវបានសួរសុំការអត្ថាធិប្បាយលើក្រុមហ៊ុន Mitsubishi Heavy Industries ដែលផលិតមីស៊ីល Patriot ក្រោមអាជ្ញាប័ណ្ណ លោកZelenskyy បាននិយាយថា ក្រុមហ៊ុនជប៉ុនបង្ហាញពីកម្រិតផលិតកម្មខ្ពស់។ លោកបាននិយាយបន្ថែមថា នេះគឺជាគំរូដ៏រឹងមាំមួយសម្រាប់អ៊ុយក្រែនក្នុងការចាប់ផ្តើមការផលិត។លោក Zelenskyy ក៏បាននិយាយផងដែរថា ប្រទេសរបស់លោកមានបំណងចែករំលែកបទពិសោធន៍ ប្រសិនបើភាគីជប៉ុនមានឆន្ទៈក្នុងការធ្វើដូច្នេះ។ អ៊ុយក្រែនកំពុងប្រឈមនឹងកង្វះខាតយ៉ាងធ្ងន់ធ្ងរនៃមីស៊ីលស្ទាក់ចាប់ដើម្បីទប់ទល់ទៅនឹងការវាយប្រហារដោយមីស៊ីលបាលីស្ទីកពីប្រទេសរុស្ស៊ី។ អ្នកជំនាញយោធានិយាយថា វានឹងចំណាយពេលប្រហែលពីរឆ្នាំសម្រាប់អ៊ុយក្រែន ដើម្បីអាចចាប់ផ្តើមផលិតមីស៊ីល Patriot បន្ទាប់ពីទទួលបានអាជ្ញាប័ណ្ណពីសហរដ្ឋអាមេរិក។

ប៉ាឡេស្ទីន នឹងរៀបចំការបោះឆ្នោតក្រុមប្រឹក្សានីតិបញ្ញត្តិនៃអាជ្ញាធរជាតិ ក្នុងរយៈពេល២០ឆ្នាំមកនេះ

2026/07/11 12:16:53 am        48
Facebook Telegram Linkin
លោក Mahmoud Abbas ប្រធានអាជ្ញាធរប៉ាឡេស្ទីនបានប្រកាសថា ការបោះឆ្នោតនីតិបញ្ញត្តិនឹងត្រូវធ្វើឡើងនៅចុងខែវិច្ឆិកា ខណៈរដ្ឋាភិបាលរបស់លោកកំពុងស្ថិតនៅក្រោមសម្ពាធអន្តរជាតិកាន់តែខ្លាំងឡើង ដើម្បីបង្ហាញពីភាពស្របច្បាប់របស់ខ្លួន។លោក Abbas បានចេញក្រឹត្យមួយកាលពីថ្ងៃព្រហស្បតិ៍ ដោយប្រកាសកាលបរិច្ឆេទបោះឆ្នោតនៅថ្ងៃទី ២៨ ខែវិច្ឆិកា នៅក្នុងដែនដីប៉ាឡេស្ទីនទាំងអស់ រួមមានតំបន់កាន់កាប់West Bank ទីក្រុងJerusalem ខាងកើត និងតំបន់ហ្កាហ្សា។ ប្រសិនបើការបោះឆ្នោតបន្តទៅមុខ វានឹងជាលើកដំបូងក្នុងរយៈពេល២០ ឆ្នាំមកនេះ។ការបោះឆ្នោតនីតិបញ្ញត្តិចុងក្រោយនៅក្នុងដែនដីប៉ាឡេស្ទីនត្រូវបានធ្វើឡើងក្នុងឆ្នាំ២០០៦ ដែលនៅពេលនោះក្រុមហាម៉ាសទទួលបានជ័យជម្នះដ៏គួរឱ្យភ្ញាក់ផ្អើល។ លទ្ធផលនេះបានបង្កឱ្យមានការបែកបាក់នយោបាយជាមួយគណបក្ស Fatah ដែលធ្លាប់មានឥទ្ធិពលរបស់លោក Abbas ខណៈក្រុមហាម៉ាស គ្រប់គ្រងតំបន់ហ្កាហ្សា ក្នុងឆ្នាំ២០០៧។

ប្រព័ន្ធផ្សព្វផ្សាយអ៊ីរ៉ង់៖ មនុស្សប្រមាណ៤៣លាននាក់បានចូលរួមក្នុងពិធីបុណ្យសពរបស់មេដឹកនាំ

2026/07/11 12:14:16 am        58
Facebook Telegram Linkin
ប្រព័ន្ធផ្សព្វផ្សាយអ៊ីរ៉ង់រាយការណ៍ថា មនុស្សចន្លោះពី ៤១ ទៅ ៤៣ លាននាក់បានចូលរួមក្នុងពិធីបុណ្យសពរយៈពេល៦ថ្ងៃសម្រាប់មេដឹកនាំកំពូលអ៊ីរ៉ង់ លោក Ali Khamenei ដែលត្រូវបានសម្លាប់។ទូរទស្សន៍ Press TV របស់អ៊ីរ៉ង់ បានចាត់ទុកពិធីបុណ្យសពរបស់លោក Khamenei ថាមាន «ក្បួនដង្ហែ ធំបំផុតដែលពិភពលោកធ្លាប់បានឃើញ»។ ពិធីនេះ បានធ្វើឡើងនៅទូទាំងទីក្រុងចំនួនប្រាំ មានទីក្រុងតេអេរ៉ង់ ទីក្រុងQom ទីក្រុងNajaf ទីក្រុងKarbala និងទីក្រុងMashhad ។ពិធីដង្ហែសពសាធារណៈជាផ្លូវការបានចាប់ផ្តើមកាលពីថ្ងៃសៅរ៍សប្តាហ៍មុន នៅពេលដែលពលរដ្ឋអ៊ីរ៉ង់រាប់ម៉ឺននាក់បានប្រមូលផ្តុំគ្នានៅឯបរិវេណសាសនា Grand Mosalla ក្នុងទីក្រុងតេអេរ៉ង់ ជាកន្លែងដែលមឈូសរបស់លោក Khamenei ត្រូវបានដាក់ឲ្យគោរព។គណៈប្រតិភូមកពីសម្ព័ន្ធមិត្តក្នុងតំបន់របស់អ៊ីរ៉ង់ មានក្រុមហាម៉ាស ក្រុមជីហាតអ៊ិស្លាមមកពីតំបន់ហ្កាហ្សា ក្រុមហេសបូឡាមកពីប្រទេសលីបង់ និងក្រុមហ៊ូទីមកពីប្រទេសយេម៉ែនបានចូលរួម។ លោក Khamenei ត្រូវបានបញ្ចុះនៅទីសក្ការៈដ៏ពិសិដ្ឋបំផុតរបស់ប្រទេស រយៈពេលជាងបួនខែបន្ទាប់ពីលោកត្រូវបានសម្លាប់ក្នុងការវាយប្រហាររបស់សហរដ្ឋអាមេរិក-អ៊ីស្រាអែលលើបរិវេណរបស់លោកនៅទីក្រុងតេអេរ៉ង់ភាគកណ្តាល។

សមាជិកសភា៖ អ៊ីរ៉ង់អាចវាយកម្ទេចអាមេរិក និងអ៊ីស្រាអែល ទោះបីមានណាតូចូលរួមក្នុងជម្លោះក៏ដោយ

2026/07/11 12:07:36 am        157
Facebook Telegram Linkin
លោក Alaeddin Boroujerdi សមាជិកគណៈកម្មាធិការសន្តិសុខជាតិ និងគោលនយោបាយការបរទេសនៃសភាអ៊ីរ៉ង់ បានប្រាប់សារព័ត៌មាន TASSថា អ៊ីរ៉ង់ ដូចជារុស្ស៊ីដែរ បានប្រឈមនឹងការបង្កហេតុរបស់លោកខាងលិចជាយូរមកហើយ ប៉ុន្តែកងកម្លាំងប្រដាប់អាវុធរបស់ខ្លួន អាចបំផ្លិចបំផ្លាញសហរដ្ឋអាមេរិក និងអ៊ីស្រាអែលបាន ទោះបីជាមានឧបសគ្គយ៉ាងណាក៏ដោយ។ លោក Borujerdi ជឿជាក់ថា៖«រុស្ស៊ីបានប្រឈមនឹងសកម្មភាពបង្កហេតុដោយសហរដ្ឋអាមេរិក និងបណ្តាប្រទេសលោកខាងលិច នៅអ៊ុយក្រែនជាយូរមកហើយ ហើយក្នុងរយៈពេលប៉ុន្មានឆ្នាំចុងក្រោយនេះ ជាមួយនឹងសង្គ្រាម។ ជនជាតិអាមេរិកយល់ឃើញថា វាជាគោលដៅរបស់ពួកគេ ក្នុងការជ្រៀតជ្រែកក្នុងកិច្ចការរបស់ប្រទេសឯករាជ្យនីមួយៗ និងនាំមកនូវសង្គ្រាមដល់ប្រទេសរុស្ស៊ី។ ពួកគេបានធ្វើរឿងស្រដៀងគ្នានេះ នៅក្នុងប្រទេសអ៊ីរ៉ង់ ប៉ុន្តែប្រជាជនអ៊ីរ៉ង់ និងកងកម្លាំងប្រដាប់អាវុធរបស់យើង បានវាយកម្ទេច សហរដ្ឋអាមេរិក ទោះបីជាពួកគេមានរបបជ្វីហ្វនិយម នៅខាងពួកគេ និងបានប្រើប្រាស់សក្តានុពលពេញលេញរបស់អង្គការណាតូក៏ដោយ ប៉ុន្តែជាក់ស្តែង ពួកគេបានចាញ់ទៅហើយ»៕

ការផ្ទុះឡើងជំងឺ Ebola កំពុង «កើនឡើងលឿនបំផុត» ខណៈមាន​អ្នកស្លាប់​យ៉ាង​តិច​ ៦០០នាក់

2026/07/11 12:00:59 am        50
Facebook Telegram Linkin
អាជ្ញាធរសុខាភិបាលអាហ្វ្រិក កាល​ពី​ថ្ងៃព្រហស្បតិ៍ (ទី៩ ខែកក្កដា ឆ្នាំ​២០២៦) បាន​លើក​ឡើង​ថា ការផ្ទុះឡើងនៃជំងឺ Ebola នៅសាធារណរដ្ឋប្រជាធិបតេយ្យកុងហ្គោ គឺជា «ការកើនឡើងលឿនបំផុត» ដែលមិនធ្លាប់មាន ខណៈដែលអង្គការសុខភាពពិភពលោក (WHO) បានឱ្យដឹង​ថា មនុស្សយ៉ាង​តិច ៦០០នាក់ហើយ បាន​បាត់បង់ជីវិត​ ដោយសារ​ជំងឺ​នេះ​។តួលេខដែលត្រូវបានធ្វើបច្ចុប្បន្នភាពចេញដោយទីភ្នាក់ងារសុខភាពរបស់​អង្គការសហប្រជាជាតិ (UN) មួយ​នេះ​ បានបង្ហាញថា មានការ​ឆ្លងចំនួន ១.៧៥៩ករណី នៅកុងហ្គោ ចាប់តាំងពីការផ្ទុះឡើងនៃជំងឺនេះ ត្រូវបានប្រកាសកាលពី​ពាក់កណ្តាលខែឧសភា ក្នុង​នោះ​រួមទាំងការស្លាប់ចំនួន ៦០០នាក់។លោក Wessam Mankoula ប្រធានផ្នែកត្រៀមបង្ការ និងឆ្លើយតបបន្ទាន់ សម្រាប់មជ្ឈមណ្ឌលគ្រប់គ្រង និងបង្ការជំងឺអាហ្វ្រិក (Africa CDC) បានប្រាប់អ្នកសារ​ព័ត៌មានថា៖ «នេះគឺជាការផ្ទុះឡើងនៃជំងឺ Ebola ដែលកើនឡើងលឿនបំផុតមិនធ្លាប់មាន មិនត្រឹមតែក្នុងចំណោមការផ្ទុះឡើងនៃវីរុស​ប្រភេទ Bundibugyo ពីមុនប៉ុណ្ណោះទេ ប៉ុន្តែថែមទាំងវីរុសផ្សេងៗទាំងអស់ដែលបង្កជំងឺអេបូឡាផងដែរ»។លោកបានបញ្ជាក់​ថា ការផ្ទុះឡើងនៃជំងឺ Ebola ដែល​បណ្ដាល​ឱ្យមាន​អ្នកស្លាប់​ច្រើន​បំផុត​ ក្នុងឆ្នាំ២០១៣-២០១៦ នៅអាហ្វ្រិកខាងលិច មានករណីឆ្លងចំនួន ៩៩៤ករណី ក្នុងរយៈពេល ៦សប្តាហ៍ដំបូង បើប្រៀបធៀបទៅនឹង ១.៥៩៦ករណី នាពេលបច្ចុប្បន្ននេះ៕

បណ្ដាញសង្គម

ព័ត៌មានថ្មីៗ

មនុស្សមួយចំនួនបានស្លាប់ក្នុងការវាយប្រហារដាក់គ្នារវាងរុស្ស៊ី និងអ៊ុយក្រែនដោយមីស៊ីល និងយានដ្រូន
07/27/2026 09:07 AM
Facebook Telegram Linkin
មន្ត្រី៖ អ៊ីស្រាអែល នឹងអនុញ្ញាតឱ្យកងកម្លាំងអន្តរជាតិចូលទៅក្នុងតំបន់ហ្កាហ្សា
07/27/2026 09:07 AM
Facebook Telegram Linkin
ប្រេងធ្លាក់ចុះ ៥% បន្ទាប់ពីសហរដ្ឋអាមេរិក និងអ៊ីរ៉ង់ ផ្អាកការប្រយុទ្ធគ្នាកាលពីចុងសប្តាហ៍មុន
07/27/2026 09:07 AM
Facebook Telegram Linkin
កម្ពុជាកំពុងជាមូលដ្ឋានផលិតកម្មថ្មីសម្រាប់ឧស្សាហកម្មយានយន្ត រួមចំណែកក្នុងខ្សែច្រវាក់តម្លៃសកល
07/27/2026 09:07 AM
Facebook Telegram Linkin
ប្រទះឃើញសត្វផ្សោតស្លាប់មួយក្បាលនៅសង្កាត់ស្វាយជ្រុំ ក្រុងអរិយក្សត្រ ខេត្តកណ្តាល
07/27/2026 08:07 AM
Facebook Telegram Linkin
ថ្ងៃអាទិត្យ ទី២៦ ខែកក្កដាម្សិលមិញនេះផ្លូវថ្មើរជើងចតុមុខមានប្រជាពលរដ្ឋដើរលេងកម្សាន្តប្រមាណ ១០ម៉ឺននាក់
07/27/2026 08:07 AM
Facebook Telegram Linkin
មន្ត្រីឧទ្យានុរក្សដែនជម្រកសត្វព្រៃ ព្រៃឡង់ បានដកហូតឈើចំនួន៥០ សន្លឹក ដែលជនសង្ស័យគ្រោងដឹកចេញ
07/27/2026 08:07 AM
Facebook Telegram Linkin
អ៊ីរ៉ង់និយាយថា ខ្លួននឹងបញ្ឈប់ការវាយប្រហារដរាបណាការផ្អាកការទម្លាក់គ្រាប់បែករបស់អាមេរិកនៅតែបន្ត
07/27/2026 08:07 AM
Facebook Telegram Linkin
លោក Zelenskiy ៖ រុស្ស៊ីចង់ជ្រើសរើសទាហាន ៣ម៉ឺននាក់ ពីកូរ៉េខាងជើង
07/26/2026 02:07 PM
Facebook Telegram Linkin
មន្ទីរសាធារណការខេត្តកំពង់ស្ពឺ កំពុង​ពន្លឿន​ជួសជុល និងថែទាំកំណាត់ផ្លូវដែលកំពុងរងការខូចខាតឱ្យប្រសើរឡើងវិញ
07/26/2026 02:07 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.