នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
ប្រធានាធិបតីអ៊ុយក្រែន ធ្វើដំណើរទៅដល់អង់គ្លេស សម្រាប់ជំនួបជាមួយលោកនាយករដ្ឋមន្រ្តី Burnham
ទីក្រុង​ប៉េកាំង​ជំរុញឱ្យសហរដ្ឋអាមេរិកឈប់​គំរាមកំហែងដាក់ទណ្ឌកម្ម លើ​ក្រុមហ៊ុន AI របស់ចិន
កងកម្លាំងអ៊ីស្រាអែល វាយប្រហារទីក្រុងជាច្រើននៅតំបន់វ៉េសប៊ែង ខណៈអំពើហិង្សាកាន់តែអាក្រក់ទៅ
អ្នកស្ម័គ្រចិត្តដំបូងទទួលវ៉ាក់សាំងបង្ការជំងឺអេបូឡា ជាផ្នែកមួយនៃការសាកល្បងរបស់សាកលវិទ្យាល័យ Oxford

ព័ត៌មានអន្តរជាតិ

ក្រុមជួយសង្រ្គោះប៉ាគីស្ថាន រកឃើញបំណែកយន្តហោះដឹកទំនិញបាត់ការទាក់ទង និងកំពុងរុករកយានិកបាត់ខ្លួន

2026/07/10 12:34:08 am        74
Facebook Telegram Linkin
ក្រុមអាជ្ញាធរនិយាយថា ក្រុមជួយសង្រ្គោះប៉ាគីស្ថាន បានរកឃើញបំណែកយន្តហោះដឹកទំនិញ Boeing 737 នៅក្នុងសមុទ្រអារ៉ាប់ រយៈពេល ១២ម៉ោង ក្រោយវាបាត់ខ្លួននៅជិតតំបន់ឆ្នេរទីក្រុង Karachi ក្នុងនោះប្រតិបត្តិការរុករកនៅបន្ត សម្រាប់សមាជិកយានិក ៥នាក់ ដែលកំពុងបាត់ខ្លួន ។អាជ្ញាធរអាកាសយានដ្ឋានប៉ាគីស្ថាននិយាយថា បំណែកយន្តហោះដឹកទំនិញរបស់ក្រុមហ៊ុនអាកាសចរណ៍ K2 Airways ត្រូវបានរកឃើញនៅចម្ងាយ ៩៨គ.ម ភាគខាងត្បូងកំពង់ផែ Ormara ហើយកងទ័ពជើងទឹក និងទីភ្នាក់ងារសន្តិសុខសមុទ្រប៉ាគីស្ថាន បានដាក់ពង្រាយនាវា និងយន្តហោះរបស់ពួកគេ ដើម្បីចុះប្រតិបត្តិការរុករកមនុស្សបាត់ខ្លួន ។ពួកគេបាននិយាយនៅក្នុងសេចក្តីថ្លែងការណ៍បង្ហោះលើបណ្តាញព័ត៌មានសង្គម Facebookថា យន្តហោះអាយុកាល ២៧ឆ្នាំ ដែលប្រតិបត្តិការដោយក្រុមហ៊ុន K2 Airways មួយគ្រឿងនេះ រាយការណ៍បញ្ហាប្រព័ន្ធកំណត់ទិសដៅធ្វើដំណើរ កាលពីវេលាម៉ោង ២១និង ១៨នាទីយប់ ម៉ោងក្នុងស្រុកថ្ងៃអង្គារ ខណៈពេលកំពុងហោះហើរឆ្ពោះទៅកាន់ទីក្រុង Karachi ។ពួកគេបន្តថា ការគ្រប់គ្រងចរាចរណ៍ផ្លូវអាកាសក្នុងស្រុក ព្យាយាមនាំផ្លូវយន្តហោះ ប៉ុន្តែ ៣នាទីក្រោយមក ប្រព័ន្ធរ៉ាដាបង្ហាញថា យន្តហោះ បានហោះចុះយ៉ាងឆាប់រហ័ស ហើយការទំនាក់ទំនងក៏បានបាត់បង់ ។យោងតាមសេចក្តីថ្លែងការណ៍ បានឲ្យដឹងថា ជើងហោះហើរមួយនេះស្ថិតនៅចម្ងាយ ២៨៧គ.ម ភាគខាងលិចទីក្រុង Karachi នៅពេលបាត់ការទាក់ទងនោះ ហើយសេវាកម្មតាមដានជើងហោះហើរ Flightradar24 និយាយនៅលើបណ្តាញព័ត៌មានសង្គម Xថា ទិន្នន័យបឋម បង្ហាញពីលទ្ធភាពដែលយន្តហោះធ្លាក់ចូលក្នុងសមុទ្រ ស្ថិតនៅតំបន់ភាគនិរតីទីក្រុង Karachi ។ខណៈពេលនោះដែរ នាយករដ្ឋមន្រ្តីប៉ាគីស្ថានលោក Shehbaz Sharif បានសម្តែងនូវភាពក្រៀមក្រំជាពន់ពេកទៅដល់ក្រុមគ្រួសារអាកាសយានិក ៥នាក់ ដែលរួមមានអ្នកបើកបរយន្តហោះ ២នាក់ វីស្វករ ២នាក់ និងបុគ្គលិកជំនួយការម្នាក់ ៕

រដ្ឋមន្ត្រីក្រសួងការពារជាតិអ៊ីស្រាអែល បដិសេធការកត់សម្គាល់របស់លោក Trump ពី​ការ​​ដកទ័ព នៅ​លីបង់​

2026/07/10 12:31:52 am        57
Facebook Telegram Linkin
រដ្ឋមន្ត្រីក្រសួងការពារជាតិអ៊ីស្រាអែល លោក Israel Katz នៅថ្ងៃព្រហស្បតិ៍ (ទី៩ ខែកក្កដា ឆ្នាំ២០២៦)នេះ បានបដិសេធការកត់សម្គាល់របស់ប្រធានាធិបតីអាមេរិក លោក Donald Trump ដែលបាន​លើក​ឡើង​ថា អ៊ីស្រាអែលនឹងដកទ័ពចេញពីលីបង់ ក្រោមកិច្ចព្រមព្រៀងក្របខ័ណ្ឌ រវាងទីក្រុង Tel Aviv និងទីក្រុងបេរូត​ ដោយបញ្ជាក់​ថា អ៊ីស្រាអែល «មិនចាំបាច់​ត្រូវការការអនុញ្ញាត ដើម្បី​បន្ត​នៅក្នុងប្រទេសលីបង់» នោះទេ។ នេះបើយោងតាមសារព័ត៌មាន​ចុះផ្សាយ​ប្រចាំថ្ងៃរបស់អ៊ីស្រាអែល គឺ Yedioth Ahronoth។លោក Katz បាននិយាយថា៖ «យើងមិនបានសុំការអនុញ្ញាតពីភាគីណាមួយ ដើម្បី​ចូលទៅ​ក្នុង​ប្រទេសលីបង់ឡើយ​ ហើយយើងមិនចាំបាច់​ត្រូវការការអនុញ្ញាត ដើម្បី​បន្ត​នៅក្នុងប្រទេសលីបង់នោះ​ទេ»។លោកបានបន្ថែមថា៖ «ដូចដែលខ្ញុំ និងលោក​នាយករដ្ឋមន្ត្រី Benjamin Netanyahu បានបញ្ជាក់យ៉ាងច្បាស់លាស់​អ៊ីចឹង​ យើងនឹងបន្តវត្តមាន​នៅក្នុងតំបន់សន្តិសុខ ក្នុងប្រទេសលីបង់ ហើយធ្វើប្រតិបត្តិការពីតំបន់នោះឱ្យបានយូរតាមដែលចាំបាច់ រហូតដល់ក្រុមហេសបូឡាត្រូវបានរំសាយ​អាវុធ» ។ការអត្ថាធិប្បាយរបស់លោកបែប​នេះ បានកើតឡើងបន្ទាប់ពីលោក Trump ត្រូវបានសួរកាលពីថ្ងៃពុធនៅក្រៅកិច្ចប្រជុំកំពូលរបស់​អង្គការ​ណាតូ (NATO) ក្នុង​ទីក្រុង Ankara ប្រទេស​ទួរគី អំពីថា តើលោកជឿថាអ៊ីស្រាអែលគួរតែដកទ័ពរបស់ខ្លួនចេញពីភាគខាងត្បូងប្រទេសលីបង់ដែរ ឬយ៉ាង​ណា​។នាពេលនោះ លោក Trump បាននិយាយថា បន្ទាប់ពីបានជជែក​ជាមួយលោក Netanyahu លោកជឿថា អ៊ីស្រាអែលចង់ដកទ័ពចេញ។ លោកក៏បានលើក​ឡើង​ផងដែរថា អ៊ីស្រាអែល និងលីបង់ កំពុងធ្វើ​ការជាមួយ​គ្នាយ៉ាង​ល្អ​ ហើយ​និងចុះហត្ថលេខាលើកិច្ចព្រមព្រៀងជាលើកដំបូង៕

អតីតមេបញ្ជាការកងទ័ពជើងទឹកអាហ្សង់ទីន ត្រូវបានកាត់ទោសពីបទផ្ទុះនាវាមុជទឹកក្នងឆ្នាំ ២០១៧

2026/07/10 12:29:14 am        59
Facebook Telegram Linkin
តុលាការអាហ្សង់ទីន បានកាត់ទោសអតីតមន្រ្តីកងទ័ពជើងទឹកជាន់ខ្ពស់ម្នាក់កាលពីថ្ងៃពុធពីបទផ្ទុះនាវាមុជទឹកមួយគ្រឿង នៅអាត្លង់ទិកខាងត្បូង ក្នុងឆ្នាំ ២០១៧ ដែលសមាជិកនាវិកទាំង ៤៤ នាក់ បាន ស្លាប់។ការវាយប្រហារនាវា ARA San Juan គឺជាគ្រោះមហន្តរាយដ៏សាហាវបំផុតរបស់កងទ័ពជើងទឹកអាហ្សង់ទីន ក្នុងពេលមានសន្តិភាព។លោក Claudio Villamide មេបញ្ជាការកងកម្លាំងនាវាមុជទឹក នៅពេលមានសោកនាដកម្មនេះ ត្រូវបានកាត់ទោសឲ្យជាប់ពន្ធនាគាររយៈពេលបីឆ្នាំពីបទធ្វេសប្រហែសធ្ងន់ធ្ងរ និងការរំលោភលើកាតព្វកិច្ច។តុលាការសហព័ន្ធនៅភាគខាងត្បូងខេត្ត Santa Cruz ក៏បានហាមឃាត់លោកមិនឲ្យកាន់តំណែងសាធារណៈរយៈពេលប្រាំ ៦ឆ្នាំផងដែរ។អតីតមេបញ្ជាការកងទ័ពជើងទឹកបីនាក់ផ្សេងទៀត ត្រូវបានដោះលែង៕

អគ្គិភ័យបានឆាបឆេះអាងស្តុកប្រេងនៅតំបន់ Tver បន្ទាប់ពីរងការវាយប្រហារដោយយានដ្រូនរបស់អ៊ុយ ក្រែន

2026/07/10 12:27:10 am        53
Facebook Telegram Linkin
អភិបាលតំបន់លោក Vitaly Korolev បាននិយាយថា អគ្គិភ័យបានឆាបឆេះនៅអាងស្តុកប្រេង Tver បន្ទាប់ពីអ៊ុយក្រែនបានវាយប្រហារដោយយានដ្រូននៅតំបន់ Tver ភាគពាយ័ព្យនៃទីក្រុងមូស្គូ។ លោក Vitaly Korolev បានសរសេរនៅលើកម្មវិធីផ្ញើសារ Max ថា៖«អគ្គិភ័យបានឆាបឆេះនៅអាងស្តុកប្រេងនៅតំបន់ Tver ដោយសារការវាយបកទៅលើការវាយប្រហារដោយដ្រូនពេញមួយយប់»។ យោងលោកអភិបាលតំបន់នេះ កិច្ចខិតខំប្រឹងប្រែងកំពុងត្រូវបានធ្វើឡើង ដើម្បីបញ្ចប់ផលវិបាកនៃការវាយប្រហារ និងធានាសុវត្ថិភាពរបស់អាងស្តុកប្រេងនេះ។លោកបានបន្ថែមថា អគ្គិភ័យនេះត្រូវបានពន្លត់ទាំងស្រុង ដោយពុំមានអ្នកស្លាប់ និងរបួស ត្រូវបានរាយការណ៍នោះទេ៕

លោក Lavrov ៖ រុស្ស៊ីមានគោលបំណងពង្រីកកិច្ចសហប្រតិបត្តិការជាមួយរដ្ឋសម្ព័ន្ធមិត្តតំបន់ Sahel

2026/07/10 12:24:00 am        52
Facebook Telegram Linkin
រដ្ឋមន្រ្តីការបរទេសរុស្ស៊ីលោក Sergey Lavrov និយាយថា ទីក្រុងមូស្គូ ចង់ពង្រឹងកិច្ចសហប្រតិបត្តិការជាមួយរដ្ឋសម្ព័ន្ធមិត្ត Sahel (AES)ដើម្បីគាំទ្រកិច្ចខិតខំធ្វើសមាហរណកម្ម និងអាទិភាពសន្តិសុខរបស់ប្លុកអាហ្វិ្រកមួយនេះ ។លោក Lavrov បានធ្វើដំណើរទៅដល់ប្រទេសនីហ៊្សេ អំឡុងទស្សនកិច្ចផ្លូវរដ្ឋដែលមានគោលបំណងពង្រឹងភាពជាដៃគូសន្តិសុខ និងការពារជាតិជាមួយបណ្តាប្រទេស AES ដែលរួមមាននីហ៊្សេ ម៉ាលី និងប៊ូគីណាហ្វាសូ ។ដំណើរទស្សនកិច្ចនេះដែរ គឺជាផ្នែកមួយនៃកិច្ចខិតខំកំពុងបន្តរបស់ទីក្រុងមូស្គូ ដើម្បីពង្រីកឥទ្ធិពលនយោបាយ និងយោធារបស់ខ្លួននៅតំបន់ Sahel ដែលកំពុងប្រឈមនឹងបញ្ហាលំបាកសន្តិសុខកើនឡើង ។បណ្តាប្រទេស AES កំពុងព្យាយាមធ្វើពិពិធកម្មភាពជាដៃគូសន្តិសុខរបស់ពួកគេ បន្ទាប់ពីការធ្លាក់ចុះកិច្ចសហប្រតិបត្តិការយោធាជាមួយប្រទេសមហាអំណាចលោកខាងលិចមួយចំនួន ។ពួកគេផ្តោតសំខាន់ផងដែរ លើការបង្កើតសមត្ថភាពរបស់ពួកគេ ក្នុងការទប់ទល់ជាមួយក្រុមប្រដាប់អាវុធដែលប្រតិបត្តិការនៅតំបន់នោះ ៕

លោកអធិការបតី Merz ៖ អាល្លឺម៉ង់យល់ព្រមទិញយកមីស៊ីលតម្រង់គោលដៅ Tomahawk របស់សហរដ្ឋអាមេរិក

2026/07/10 12:20:47 am        49
Facebook Telegram Linkin
អធិការបតីអាល្លឺម៉ង់លោក Friedrich Merz និយាយប្រាប់ក្រុមតំណាងរាស្រ្តនៅទីក្រុងប៊ែរឡាំងនាថ្ងៃព្រហស្បតិ៍នេះថា អាល្លឺម៉ង់យល់ព្រមជាមួយសហរដ្ឋអាមេរិក ដើម្បីទិញយកមីស៊ីលតម្រង់គោលដៅ Tomahawk ហើយនិងដាក់ឈរជើងវានៅលើទឹកដីអាល្លឺម៉ង់ ។ លោក Merz និយាយថា លោកមាននូវជំនួបជាមួយទីក្រុងវ៉ាស៊ីនតោន នៅក្រៅកិច្ចប្រជុំកំពូលអង្គការណាតូ ស្ថិតក្នុងទីក្រុងអង់ការ៉ា ប្រទេសទួរគី ដើម្បីសម្រេចបានកិច្ចព្រមព្រៀងមួយនេះ ។ លោកថា កិច្ចប្រជុំកំពូលមួយនេះ លើសពីការរំពឹងទុកទាំងអស់របស់លោក ។ លោក Merzនិយាយទៀតថា ការធ្វើបែបនេះ ពួកយើងកំពុងខិតទៅរកការបិទគំលាតយុទ្ធសាស្រ្តសំខាន់ នៅក្នុងវិស័យការពារជាតិរបស់ពួកយើង ខណៈក្នុងពេលតែមួយ ពួកយើងនឹងធ្វើការផងដែរ ដើម្បីអភិវឌ្ឍប្រព័ន្ធអឺរ៉ុបផ្ទាល់ខ្លួនរបស់ពួកយើង ហើយនិងដាក់វាឲ្យឈរជើងនៅអឺរ៉ុប ។ សូមបញ្ជាក់ថា ជោគវាសនារបស់មីស៊ីលតម្រង់គោលដៅ Tomahawks ស្ថិតក្នុងស្ថានភាពពុំច្បាស់លាស់ ក្រោយលោកប្រធានាធិបតី Donald Trump ប្រកាសកាលពីខែឧសភាថា លោកនឹងកាត់បន្ថយវត្តមានយោធាសហរដ្ឋអាមេរិកនៅអាល្លឺម៉ង់ ដែលត្រូវបានគេមើលឃើញថា ជាការលុបចោលផែនការក្រោមរដ្ឋបាលមុន ដើម្បិដាក់ពង្រាយកងវរសេនាធំអាមេរិក ជាមួយមីស៊ីលតម្រង់គ្រោលដៅរយៈចម្ងាយឆ្ងាយ Tomahawk ទៅកាន់ប្រទេសអាល្លឺម៉ង់ ៕

ចំនួនមនុស្សស្លាប់ដោយសារជំងឺអេបូឡានៅកុងហ្គោ កើនឡើងដល់យ៉ាងហោច ៦០០នាក់

2026/07/10 12:18:53 am        47
Facebook Telegram Linkin
យោងតាមទិន្នន័យពីរដ្ឋាភិបាលបានឲ្យដឹងថា មនុស្សយ៉ាងហោច ៦០០នាក់ នៅសាធារណរដ្ឋប្រជាធិបតេយ្យកុងហ្គោ ត្រូវបានសម្លាប់ដោយសារជំងឺអេបូឡា ខណៈករណីឆ្លងបានបញ្ជាក់ កើនឡើងដល់ ១.៧៥៩នាក់ ។ចំនួនសរុបដែលបានបញ្ចេញកាលពីថ្ងៃពុធនេះ ត្រូវបានបញ្ជាក់គិតត្រឹមថ្ងៃអង្គារ ខណៈករណីឆ្លងថ្មី ៥១នាក់ និងករណីស្លាប់ថ្មី ២០នាក់ ត្រូវបានរកឃើញ ក្នុងរយៈពេល ២៤ម៉ោងចុងក្រោយ ។របាយការណ៍របស់រដ្ឋាភិបាល បានឲ្យដឹងថា ករណីឆ្លងទាំងនេះ ពុំបានរាប់បញ្ចូល ២ករណីរបស់អ្នកជំងឺដែលត្រូវបានរាយការណ៍នៅទីក្រុង Kisanganiនោះទេ ដែលជារដ្ឋធានីរបស់ខេត្ត Tshopo និងស្ថិតក្នុងចំណោមទីក្រុងធំៗបំផុតរបស់កុងហ្គោ ពេលដែលលទ្ធផលធ្វើតេស្ត ត្រូវបានផ្ទៀងផ្ទាត់ ។១ករណីមានការជាប់ពាក់ព័ន្ធនឹងភូមិ Nia-Nia ស្ថិតក្នុងខេត្ត Ituri ជាទីដែលករណីជំងឺលើកដំបូង ត្រូវបានរាយការណ៍ ប៉ុន្តែករណីទី ២ ទំនងជាមិនមានការជាប់ពាក់ព័ន្ធនឹងភូមិសាស្រ្ត ហួសពីទីក្រុង Kisangani នោះទេ ។ស្របពេលដែលស្ថានភាពកាន់តែលំបាកខ្លាំង ក្រុមការងារថែទំាសុខភាពនៅខេត្ត Ituri ដែលជាខេត្តរងផលប៉ះពាល់ខ្លាំងជាងគេក្នុងចំណោមតំបន់ទាំង ៣ នៅភាគខាងកើតកុងហ្គោ ដោយសាររីករាលដាលឆ្លងជំងឺអេបូឡា លែងធ្វើការងារទៀត ដើម្បីតវ៉ាប្រឆាំងនឹងការពន្យាពេលបើកប្រាក់បៀវត្សរ៍ ៕

និស្សិតបរទេសជាង ១៦០.000នាក់បានចុះឈ្មោះសិក្សានៅប្រទេសរុស្ស៊ី

2026/07/10 12:10:17 am        62
Facebook Telegram Linkin
អនុប្រធានទីភ្នាក់ងារនេះ លោក Pavel Shevtsov បាននិយាយថា ចំណាប់អារម្មណ៍លើការអប់រំរបស់ រុស្ស៊ីក្នុងចំណោមជនបរទេស កំពុងកើនឡើង ដោយមានអ្នកចុះឈ្មោះជាង ១៦០.000នាក់ ត្រូវបានកត់ត្រា នៅក្នុងប្រព័ន្ធទីភ្នាក់ងារសហព័ន្ធសម្រាប់កិច្ចការរដ្ឋឯករាជ្យ ជនរួមជាតិរស់នៅបរទេស និងកិច្ចសហប្រតិបត្តិការមនុស្សធម៌អន្តរជាតិ (Rossotrudnichestvo) ក្នុងឆ្នាំ ២០២៦។ លោកបានថ្លែងក្នុងអំឡុងពេលពិភាក្សាអំពីតួនាទីរបស់រុស្ស៊ីក្នុងការរៀបចំកម្មវិធីផ្លាស់ប្តូរនិស្សិតអន្តរជាតិ ដែលធ្វើឡើងដោយក្លិបពិភាក្សា Valdaiថា៖«យើងឃើញចំណាប់អារម្មណ៍កាន់តែខ្លាំងឡើងលើការអប់រំរបស់រុស្ស៊ី ហើយយុទ្ធនាការកូតារបស់យើងបញ្ជាក់ពីរឿងនេះ។ កាលពីឆ្នាំមុន មានអ្នកសិក្សាប្រហែល ១៤៤.000នាក់ បានចុះឈ្មោះនៅក្នុងប្រព័ន្ធអប់រំនៅរុស្ស៊ីរបស់ទីភ្នាក់ងារសហព័ន្ធនេះ។ នៅឆ្នាំនេះ ចំនួននេះ បានលើសពី ១៦០.000នាក់ រួចហើយ។ ពាក្យសុំសរុបចំនួន ៨៩.000ច្បាប់ ត្រូវបានដាក់ជូននៅឆ្នាំនេះ។ ជាមធ្យម នោះមានន័យថា មានបេក្ខជនបីនាក់ ក្នុងមួយកន្លែង»។ លោក Shevtsov បាននិយាយថា តួលេខនេះប្រៀបធៀបបានល្អជាមួយនឹងស្តង់ដាសកល ប៉ុន្តែបានកត់សម្គាល់ថា បញ្ហាប្រឈមផ្នែកភស្តុភារ កំពុងប៉ះពាល់ដល់ការចុះឈ្មោះ។ លោកបានលើកឡើងថា៖ «ឥឡូវនេះមានបញ្ហានៅជុំវិញច្រកសមុទ្រហ័រមូសដែលជំរុញឲ្យចំណាយលើមធ្យោបាយដឹកជញ្ជូនកើនឡើងដោយស្វ័យប្រវត្តិ»។ លោកក៏បានចង្អុលបង្ហាញពីការលំបាកក្នុងការបង្កើតផ្លូវដឹកជញ្ជូនជាមួយអាស៊ីអាគ្នេយ៍ ក៏ដូចជាអាហ្វ្រិក និងអាមេរិកឡាទីនផងដែរ៕

អាល្លឺម៉ង់មាន​អ្នក​ស្លាប់លើសពី ៥.០០០នាក់ ខណៈអឺរ៉ុបខាងលិចកត់ត្រាខែមិថុនាក្តៅបំផុតមិនធ្លាប់មាន

2026/07/10 12:04:38 am        50
Facebook Telegram Linkin
យោងតាមទិន្នន័យបឋមពីការិយាល័យស្ថិតិសហព័ន្ធ បាន​បង្ហាញ​ថា ប្រទេសអាល្លឺម៉ង់ បានកត់ត្រាការស្លាប់លើសពី ៥.០០០នាក់ ក្នុងអំឡុងពេលរលកកម្ដៅ នៅចុងខែមិថុនា។យោងតាមទិន្នន័យពីការិយាល័យ ដែលត្រូវបានគេស្គាល់ផងដែរថា ជា Destatis ក្នុងសប្តាហ៍ចុងក្រោយនៃខែមិថុនា បាន​ឱ្យដឹង​ថា មានមនុស្សស្លាប់ច្រើនជាង ៥.៤៨៦​នាក់ ត្រូវបានកត់ត្រា ដែល​ខ្ពស់​ជាងចំនួន​មធ្យមភាគឆ្នាំ២០២២-២០២៥។ តួលេខ​នេះ​កើត​មាន​ស្របគ្នានឹងរលកកម្ដៅ​ឡើង​ក្ដៅខ្លាំង​​បំផុត​ នៅពេលដែលសីតុណ្ហភាពបានឡើងដល់កំណត់ត្រារបស់​ជាតិ ១០៧.១ហា្វរិនហៃ (៤១,៧អង្សាសេ)​។វិទ្យាស្ថាន Robert Koch (Robert Koch Institute) របស់អាល្លឺម៉ង់ ត្រូវបានគេរំពឹងថា នឹងបោះពុម្ពផ្សាយការប៉ាន់ប្រមាណ​របស់ខ្លួន អំពីការស្លាប់ទាក់ទងនឹងកម្ដៅ នៅក្នុងរយៈពេលប៉ុន្មានថ្ងៃខាងមុខ។ តួលេខទាំងនេះ គឺជាភស្តុតាងចុងក្រោយបំផុតនៃចំនួនអ្នកស្លាប់ដោយសារសីតុណ្ហភាពក្ដៅ​ខ្លាំងថ្មីៗនេះ នៅទូទាំងទ្វីបអឺរ៉ុប។ជាមួយ​គ្នា​នេះ អ្នកវិទ្យាសាស្ត្រ បានលើក​ឡើង​ថា អឺរ៉ុបខាងលិចត្រូវបានគ្រប​ដណ្ដប់​ដោយខែមិថុនាដែលក្តៅបំផុតមិនធ្លាប់មាន ខណៈដែលចក្រភពអង់គ្លេសចូលទៅ​ក្នុងរយៈពេល​​រលកកម្ដៅ​ទី៣ របស់ខ្លួន ក្នុង​ឆ្នាំនេះ ហើយ​ចំហេះ​ព្រៃបង្កការ​បំផ្លិច​បំផ្លាញ​ នៅ​ប្រទេសបារាំង និងអេស្ប៉ាញ។ដោយមាន​ស្ថានភាព​អាក្រក់ទៅៗដោយសារ​ការ​​បំពុលកាបូន រលកកម្ដៅ​ដ៏​អាក្រក់​ខ្លាំង នៅខែមិថុនា បានជួយជំរុញសីតុណ្ហភាពខ្យល់ លើផ្ទៃផែន​ដី សម្រាប់តំបន់នេះឱ្យខ្ពស់ជាងមធ្យមភាគ ៣,០៦អង្សាសេ ពីប៉ុន្មាន​ទសវត្សរ៍ថ្មីៗនេះ។ នេះបើយោងតាមទីភ្នាក់ងារ​ត្រួតពិនិត្យអាកាសធាតុ Copernicus របស់សហភាពអឺរ៉ុប។ទីភ្នាក់ងារនេះ បាន​ឱ្យដឹង​ថា អឺរ៉ុបខាងលិចកំពុងប្រឈមនឹងរលកកម្ដៅ​លើកទី៣ ក្នុងរយៈពេល ៦សប្តាហ៍ ហើយស្ថានភាព​ក្ដៅ​ហួតហែង​យ៉ាងទូលំទូលាយ កំពុងជួយជំរុញ​ឱ្យ​ភ្លើងឆេះព្រៃតូចៗរាលដាល​ឡើងទៅជាចំហេះព្រៃដែលមិនអាច​គ្រប់​​គ្រង​បាន​៕

សហរដ្ឋអាមេរិកនឹងដកស៊ីរីចេញពីបញ្ជីខ្មៅភេរវកម្ម ជាការជំរុញថ្មីដល់លោក Sharaa

2026/07/10 12:00:48 am        56
Facebook Telegram Linkin
កាលពី​ថ្ងៃពុធ (ទី៨ ខែកក្កដា ឆ្នាំ២០២៦) សហរដ្ឋអាមេរិកបានឱ្យដឹង​ថា ខ្លួននឹងដកប្រទេស​ស៊ីរីចេញពីបញ្ជីរដ្ឋឧបត្ថម្ភភេរវកម្ម ជាការកំណត់អាយុកាល​រាប់ទសវត្សរ៍ដែលបានរារាំងយ៉ាងធ្ងន់ធ្ងរដល់​ការវិនិយោគ ដោយ​នេះ​គឺ​វិធានការផ្ដល់​ទំនុកចិត្តថ្មី ចំពោះមេដឹកនាំ លោក Ahmed al-Sharaa។រដ្ឋមន្ត្រីការបរទេស លោក Marco Rubio បានជូនដំណឹងជាផ្លូវការដល់សភា អំពីចំណាត់​ការ​ដែលគ្រប់​គ្នា​រំពឹងទុកជាយូរមកហើយ ដោយ​វា​នឹងមានប្រសិទ្ធភាពក្នុងរយៈពេល ៤៥ថ្ងៃ ប្រសិន​បើ​សមាជិកមិន​មាន​​វិធានការរារាំងនោះ​។ចំណាត់ការនេះបានកើតឡើងនៅពេលដែលលោក​ប្រធានាធិបតី Donald Trump បានជួបប្រជុំ នៅក្រៅកិច្ចប្រជុំកំពូលរបស់អង្គការណាតូ (NATO) នៅប្រទេសទួរគី ជាមួយលោក Sharaa ជាអតីតសកម្មប្រយុទ្ធមួយ​រូប​ដែលបានប្រឹង​ប្រែង​បង្ហាញ​ខ្លួន​លោក​ថា ជាឥស្សរជន​បង្រួបបង្រួម បន្ទាប់ពីបាន​ផ្តួលរំលំរបបរបស់​ត្រកូល​ Assad ក្នុងឆ្នាំ២០២៤ ដែលបានគ្រប់គ្រងប្រទេសអស់រយៈពេលកន្លះសតវត្សរ៍។លោក Rubio បានឱ្យដឹង​នៅក្នុងសេចក្តីថ្លែងការណ៍មួយថា៖ «នេះគឺជាជំហានប្រវត្តិសាស្ត្រមួយទៀតរបស់លោក​ប្រធានាធិបតី Trump ដើម្បីផ្តល់ឱកាសឱ្យប្រជាជនស៊ីរីទទួលបានភាពអស្ចារ្យ»។ លោកបានបន្ថែម​ថា៖ «ការដក​ទណ្ឌកម្មពី​ស៊ីរី នឹងបើក​ផ្លូវ​ដល់​ពាណិជ្ជកម្ម និងវិនិយោគអន្តរជាតិ ផ្តល់ឱកាសឱ្យស៊ីរីកសាងឡើងវិញ និងបើកជំពូកថ្មី សម្រាប់ប្រជាជនស៊ីរី»៕

បណ្ដាញសង្គម

ព័ត៌មានថ្មីៗ

ប្រធានាធិបតីអ៊ុយក្រែន ធ្វើដំណើរទៅដល់អង់គ្លេស សម្រាប់ជំនួបជាមួយលោកនាយករដ្ឋមន្រ្តី Burnham
07/27/2026 08:07 PM
Facebook Telegram Linkin
ទីក្រុង​ប៉េកាំង​ជំរុញឱ្យសហរដ្ឋអាមេរិកឈប់​គំរាមកំហែងដាក់ទណ្ឌកម្ម លើ​ក្រុមហ៊ុន AI របស់ចិន
07/27/2026 08:07 PM
Facebook Telegram Linkin
កងកម្លាំងអ៊ីស្រាអែល វាយប្រហារទីក្រុងជាច្រើននៅតំបន់វ៉េសប៊ែង ខណៈអំពើហិង្សាកាន់តែអាក្រក់ទៅ
07/27/2026 08:07 PM
Facebook Telegram Linkin
អ្នកស្ម័គ្រចិត្តដំបូងទទួលវ៉ាក់សាំងបង្ការជំងឺអេបូឡា ជាផ្នែកមួយនៃការសាកល្បងរបស់សាកលវិទ្យាល័យ Oxford
07/27/2026 08:07 PM
Facebook Telegram Linkin
សម្តេចរដ្ឋសភាធិបតី ឃួន សុដារី អញ្ជើញបំពេញទស្សនកិច្ចផ្លូវការ និងមិត្តភាពនៅសាធារណរដ្ឋសង្គមនិយមវៀតណាម
07/27/2026 07:07 PM
Facebook Telegram Linkin
នគរបាល​ទីក្រុងប៊ែរឡាំង បាញ់សម្លាប់ជនសង្ស័យសំខាន់ ក្នុងការវាយប្រហារដ៏សាហាវ
07/27/2026 07:07 PM
Facebook Telegram Linkin
ក្រុមអ្នកបើកបរយន្តហោះពន្លត់អគ្គិភ័យក្រូអាតជួយអន្តរាគមន៍ពន្លត់ភ្លើងឆេះព្រៃនៅប្រទេសបារាំង
07/27/2026 07:07 PM
Facebook Telegram Linkin
សារព័ត៌មាន៖ ស្ត្រី ៣នាក់រងរបួស ដោយ​ម្នាក់​ធ្ងន់ធ្ងរ ក្នុងហេតុ​ការណ៍​ចាក់ នៅទីក្រុងប៉ារីស
07/27/2026 07:07 PM
Facebook Telegram Linkin
ពលរដ្ឋអ៊ីរ៉ង់បន្តប្រឆាំងរដ្ឋឈូងសមុទ្រ និងទាមទារឲ្យទីក្រុងតេអេរ៉ង់គ្រប់គ្រងជោគវាសនាខ្លួនឯង
07/27/2026 07:07 PM
Facebook Telegram Linkin
វិមានក្រឹមឡាំង បញ្ជាក់​ថា ខ្លួនមិនបានឃើញអ្វីជាក់ស្តែង ជុំវិញសំណើសន្តិភាពអ៊ុយក្រែនថ្មីណាមួយទេ
07/27/2026 07:07 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.