BTV NEWS

ជនប៉ាឡេស្ទីនជម្លៀសខ្លួនស្វាគមន៍កងកម្លាំងអន្តរជាតិនៅហ្កាហ្សា និងអំពាវនាវឲ្យកសាងផ្ទះសម្បែងរបស់ពួកគេឡើងវិញ

ពលរដ្ឋវិលត្រឡប់ទៅកាន់តំបន់ភាគខាងត្បូងលីបង់វិញ ក្រោយការដកទ័ពរបស់អ៊ីស្រាអែល

ប្រធានាធិបតីហ្វីលីពីន លោក Marcos ប្រាប់ថា ប្រហែលដល់ពេលត្រូវពិនិត្យថាមពលនុយក្លេអ៊ែរឡើងវិញ

EU បញ្ចូនយន្តហោះ និងអ្នកពន្លត់អគ្គិភ័យទៅជួយទប់ទល់ចំហេះព្រៃ នៅបារាំង និងអេស្ប៉ាញ

ព័ត៌មានអន្តរជាតិ

ប្រធានាធិបតីស្តីទីវ៉េណេស៊ុយអេឡា ស្វែងរកការបញ្ចេញមាសនៅអង់គ្លេសដើម្បីបន្ធូរបន្ថយការចំណាយលើការស្តារឡើងវិញពីរញ្ជួយដី

លោកស្រី Delcy Rodriguez ប្រធានាធិបតីស្តីទីប្រទេសវ៉េណេស៊ុយអេឡា បានថ្លែងក្នុងកិច្ចប្រជុំមួយកាលពីថ្ងៃពុធ ទី៨ ខែកក្កដាថា លោកស្រីបានផ្ញើលិខិតមួយច្បាប់ទៅកាន់ចក្រភពអង់គ្លេស ដោយស្នើសុំឱ្យដោះលែងមាសរបស់ប្រទេសវ៉េណេស៊ុយអេឡា ដែលរក្សាទុកនៅធនាគារអង់គ្លេស។ លោកស្រី Rodriguez បាននិយាយថា មាសនេះជាកម្មសិទ្ធិរបស់ប្រទេសវ៉េណេស៊ុយអេឡា ហើយគួរតែត្រូវបានប្រើប្រាស់ដើម្បីដោះស្រាយផលវិបាកនៃការរញ្ជួយដីពីរលើក និងគាំទ្រដល់ការស្តារឡើងវិញរបស់ប្រទេស។ លោកស្រីក៏បាននិយាយផងដែរថា លោកស្រី បានពិភាក្សាជាមួយនាយកមូលនិធិរូបិយវត្ថុអន្តរជាតិ(IMF) អំពីការដោះលែងធនធានរបស់វ៉េណេស៊ុយអេឡាដែលត្រូវបានរារាំង ហើយបានរក្សាទុកនៅ មូលនិ IMF និងបានអំពាវនាវឱ្យរដ្ឋាភិបាលដែលគ្រប់គ្រងទ្រព្យសកម្មរបស់វ៉េណេស៊ុយអេឡា ដោះលែងទ្រព្យទាំងនោះសម្រាប់គោលបំណងកសាងប្រទេសឡើងវិញ។ លោក Jorge Rodriguez ប្រធានរដ្ឋសភា បានថ្លែងក្នុងកិច្ចប្រជុំថា ចំនួនអ្នកស្លាប់ដោយសារគ្រោះរញ្ជួយដីពីរលើកដែលបានវាយប្រហារប្រទេសនេះកាលពីថ្ងៃទី២៤ ខែមិថុនា បានកើនឡើងដល់៣.៨១១ នាក់គិតត្រឹមថ្ងៃពុធ ទី៨ ខែកក្កដា។ លោកបាននិយាយថា មនុស្ស១៦.៧៤០នាក់បានរងរបួស មនុស្ស ៦.៤៦២នាក់ត្រូវបានជួយសង្គ្រោះពីគំនរបាក់បែក និងគ្រួសារចំនួន៨៦.៧៩៤គ្រួសារ ត្រូវបានជួយជ្រោមជ្រែង។

លោក Donald Trump និយាយថា ផ្នែកការទូតជាមួយអ៊ីរ៉ង់គឺជា «ការខ្ជះខ្ជាយពេលវេលា»

ប្រធានាធិបតីសហរដ្ឋអាមេរិក ពិតជាកំពុងបង្ហាញថា ផ្នែកការទូតគឺពុំមាននៅលើតុចរចាទេ។ លោក Trump បាននិយាយយ៉ាងច្បាស់ថា លោកជឿថាវាជាការ «ខ្ជះខ្ជាយពេលវេលា»។ ប៉ុន្តែលោកបានទុកលទ្ធភាពដែលថា ទោះបីជាលោកមានកំហឹងចំពោះផ្នែកការទូតក៏ដោយ ប្រហែលជាអ្នកផ្សេងទៀតនៅក្នុងក្រុមរបស់លោក ពុំមានទេ។ លោកមិនបានច្រានចោលនោះទេដែលថា អាចមានការចរចាបន្ថែមទៀតដែលចូលរួមដោយបេសកជនរបស់លោក លោក Jared Kushner និង លោក Steve Witkoff ។ ប្រធានាធិបតីអាមេរិករូបនេះបាននិយាយថា លោកនឹងពិភាក្សាជាមួយពួកគេ ហើយប្រសិនបើលោកជឿថាមានផ្លូវដើម្បីបន្តទៅមុខ នោះនឹងជាដំណើរនៃសកម្មភាព។ ប្រភពព័ត៌មានបង្ហាញថា លោក Trump មិនចូលរួមក្នុងការចរចាដោយផ្ទាល់ទេ។ លោកក៏បាននិយាយថា លោកលែងជឿទៀតហើយថា ទោះបីជាមានកិច្ចព្រមព្រៀងក៏ដោយ ក៏អ៊ីរ៉ង់មិនគោរពដែរ។ នៅក្នុងសេចក្តីថ្លែងការណ៍មួយ បញ្ជាការរដ្ឋានកណ្តាលសហរដ្ឋអាមេរិក បាននិយាយថា «កងកម្លាំងអាមេរិក បានវាយប្រហារលើគោលដៅយោធានៅអ៊ីរ៉ង់ប្រហែល៩០គោលដៅ រួមទាំងទៅលើប្រព័ន្ធការពារដែនអាកាស មូលដ្ឋានឃ្លាំមើលតំបន់ឆ្នេរ ទីតាំងផ្ទុកមីស៊ីលនិងយានដ្រូន សមត្ថភាពកងទ័ពជើងទឹក និងហេដ្ឋារចនាសម្ព័ន្ធភស្តុភារយោធាតាមបណ្តោយឆ្នេរសមុទ្រអ៊ីរ៉ង់»។

អ៊ីរ៉ង់ រិះគន់ ការសមគំនិតដោយចេតនារបស់ប្រមុខណាតូ ក្នុងសង្គ្រាមរបស់អាមេរិក-អ៊ីស្រាអែល

លោក Esmaeil Baghaei អ្នកនាំពាក្យក្រសួងការបរទេសអ៊ីរ៉ង់ បានរិះគន់ការអត្ថាធិប្បាយរបស់លោក Mark Rutte អគ្គលេខាធិការសម្ព័ន្ធយោថាNATO ជុំវិញសង្គ្រាមរបស់សហរដ្ឋអាមេរិក-អ៊ីស្រាអែល លើទីក្រុងតេអេរ៉ង់ ដោយចោទប្រកាន់ប្រទេសអឺរ៉ុបថា មានការសមគំនិតដ៏សកម្មក្នុងជម្លោះនេះ។ លោក Baghaei បានសរសេរនៅលើបណ្តាញសង្គម X ថា «ការទទួលស្គាល់ដដែលៗរបស់លោក Mark Rutte អំពីការសមគំនិតដោយចេតនារបស់អឺរ៉ុបក្នុងសង្គ្រាមឈ្លានពានរបស់អាមេរិក-អ៊ីស្រាអែលប្រឆាំងនឹងអ៊ីរ៉ង់ បញ្ជាក់ម្តងទៀតថាពួកគេលំអៀងក្នុងការឈ្លានពានដោយខុសច្បាប់នេះ»។ លោកបាននិយាយបន្ថែមថា «អ្នកដែលបានផ្តល់ទឹកដី មូលដ្ឋានយោធា និងហេដ្ឋារចនាសម្ព័ន្ធរបស់ពួកគេដើម្បីផ្តល់លទ្ធភាពដល់ការឈ្លានពាន មិនអាចគេចផុតពីការទទួលខុសត្រូវចំពោះការរួមចំណែករបស់ខ្លួនចំពោះការឈ្លានពានដែលមិនបានបង្កហេតុ និងផលវិបាកធ្ងន់ធ្ងររបស់វា»។ ការអត្ថាធិប្បាយរបស់លោក Baghaei បានធ្វើឡើងបន្ទាប់ពីលោក Rutte កាលពីថ្ងៃពុធបានគាំទ្រការវាយប្រហារចុងក្រោយរបស់សហរដ្ឋអាមេរិកលើអ៊ីរ៉ង់ដោយនិយាយថាវា «ចាំបាច់បំផុត»។ ពេលមុននោះ លោកក៏បាននិយាយផងដែរថា ប្រទេសជាសមាជិកណាតូ បានផ្តល់ការគាំទ្រផ្នែកភស្តុភារដល់សហរដ្ឋអាមេរិក ក្នុងអំឡុងពេលសង្គ្រាមក្នុងខែមីនា ដោយនិយាយថា យន្តហោះអាមេរិកចំនួន ៤.០០០គ្រឿង ទៅ ៥.០០០ គ្រឿងបានហោះចេញពីមូលដ្ឋានកងទ័ពនៅអឺរ៉ុបក្នុងរយៈពេលប្រាំមួយសប្តាហ៍ដំបូងនៃសង្គ្រាម។

អេស្ប៉ាញព្យាយាមនិយាយសម្រាលការគំរាមកំហែងកាត់ផ្ដាច់ពាណិជ្ជកម្មរបស់លោក Trump ដោយបញ្ជាក់ថាពុំមានភាពតានតឹងទេ

អេស្ប៉ាញនៅតែស្ងប់ស្ងាត់នៅចំពោះមុខការវាយប្រហារចុងក្រោយរបស់ប្រធានាធិបតីអាមេរិកលោក Donald Trump កាលពីថ្ងៃពុធ៨កក្កដាសប្ដាហ៍នេះ ដែលបានមើលឃើញលោកបញ្ជាឱ្យបញ្ឈប់ពាណិជ្ជកម្មទាំងអស់ជាមួយប្រទេសនេះ ខណៈទីក្រុងម៉ាឌ្រីដបានសង្កត់ធ្ងន់ថាទំនាក់ទំនងរបស់ខ្លួនជាមួយទីក្រុងវ៉ាស៊ីនតោននៅតែ "វិជ្ជមាន"។ លោក Trump បានហៅប្រទេសអេស្ប៉ាញថាជា "បុព្វហេតុខ្ជះខ្ជាយ" និង "មនុស្សអាក្រក់ និងគ្មានសង្ឃឹម" ក្នុងអំឡុងធ្វើអត្ថាធិប្បាយទៅកាន់ក្រុមអ្នកសារព័ត៌មាន មុនកិច្ចប្រជុំមេដឹកនាំណាតូនៅទីក្រុងអង់ការ៉ា ហើយបានបញ្ជាឱ្យមន្ត្រីកាត់ផ្តាច់ពាណិជ្ជកម្មជាមួយប្រទេសនេះ។នេះជាលើកទីពីរហើយដែលលោក Trump បានគំរាមកំហែងបែបនេះចាប់តាំងពីខែមីនាមក។ មេដឹកនាំអាមេរិករូបនេះបានសម្តែងការខកចិត្តម្តងហើយម្តងទៀតចំពោះជំហររបស់រដ្ឋាភិបាលអេស្ប៉ាញលើគោលនយោបាយការពារជាតិ រួមទាំងការខ្វះការគាំទ្រចំពោះសង្គ្រាមអាមេរិក-អ៊ីស្រាអែលលើអ៊ីរ៉ង់ និងការប្រឆាំងរបស់ខ្លួនចំពោះគោលដៅចំណាយការពារជាតិចុងក្រោយរបស់ណាតូចំនួន ៥%នៃផលិតផលក្នុងស្រុកសរុប (GDP)។ ទោះជាយ៉ាងណាក៏ដោយ នាយករដ្ឋមន្ត្រីអេស្ប៉ាញលោក Pedro Sanchez បាននិយាយក្នុងអំឡុងសន្និសីទសារព័ត៌មាននៅពេលក្រោយក្នុងថ្ងៃដដែលនោះថា លោកបាននិយាយជាមួយលោក Trump បន្ទាប់ពីការផ្ទុះជម្លោះ ហើយទំនាក់ទំនងជាមួយអាមេរិកនៅតែមានលក្ខណៈស្ថាបនា។ រូបលោកមានឱកាសជជែកក្រៅផ្លូវការជាមួយប្រធានាធិបតីសហរដ្ឋអាមេរិក។ ពិតជាគ្មានភាពតានតឹងណាមួយឡើយ ដោយបន្ថែមថា លោកទាំងពីរបានពិភាក្សាអំពីព្រឹត្តិការណ៍បាល់ទាត់ពិភពលោកទៀតផង។ លោក Sanchez បាននិយាយថា ទីក្រុងម៉ាឌ្រីដ បានទទួលសេចក្តីថ្លែងការណ៍របស់ប្រធានាធិបតីសហរដ្ឋអាមេរិកដោយ «ភាពស្ងប់ស្ងាត់ និងការអត់ធ្មត់ និងអារម្មណ៍ធម្មតា» ដោយកត់សម្គាល់ថានេះមិនមែនជាលើកទីមួយទេដែលប្រទេសអេស្ប៉ាញបានប្រឈមនឹងការរិះគន់បែបនេះ៕

មនុស្សមួយចំនួនទៀតបានស្លាប់ក្នុងការវាយប្រហារថ្មីរបស់រុស្ស៊ីលើអ៊ុយក្រែន ខណៈមេដឹកនាំណាតូជួបគ្នានៅទួរគី

ក្រុមអាជ្ញាធរបាននិយាយថា មនុស្សយ៉ាងហោចណាស់ ៧នាក់ បានស្លាប់នៅក្នុងការវាយប្រហារថ្មីរបស់រុស្ស៊ីនៅទូទាំងអ៊ុយក្រែនកាលពីយប់ថ្ងៃពុធ៨កក្កដាសប្ដាហ៍នេះ ត្រឹមតែប៉ុន្មានម៉ោងមុនកិច្ចប្រជុំរវាងប្រធានាធិបតីអាមេរិក Donald Trump និងលោក Volodymyr Zelenskyy របស់អ៊ុយក្រែននៅឯជំនួបកំពូលណាតូក្នុងទីក្រុងអង់ការ៉ា ប្រទេសទួរគី។នេះគឺជាការវាយប្រហារលើកទី៣ក្នុងរយៈពេលមួយសប្ដាហ៍លើរដ្ឋធានីគីវរបស់អ៊ុយក្រែនពីរុស្ស៊ី។ អភិបាលរដ្ឋធានីគីវ លោក Vitali Klitschko ដែលបានរាយការណ៍ថាឃ្លាំងស្តុកទំនិញបានឆាបឆេះបន្ទាប់ពីការវាយប្រហារដោយមីស៊ីល បាននិយាយថាមនុស្សម្នាក់បានស្លាប់ក្នុងរដ្ឋធានីនេះ។ប្រទេសរុស្ស៊ីបានបាញ់ស្រោចលើរដ្ឋធានីអ៊ុយក្រែនជាមួយនឹងការវាយប្រហារដ៏សាហាវជាច្រើនលើកក្នុងរយៈពេលមួយសប្តាហ៍ចុងក្រោយនេះ ដោយបានសម្លាប់មនុស្សជាង៥០នាក់នៅខែនេះ ក្នុងរលកនៃការវាយប្រហារដោយមីស៊ីលផ្លោង និងយានដ្រូនរាប់រយជាបន្តបន្ទាប់។ការផ្ទុះដ៏ធំលើកដំបូងនៅក្នុងរដ្ឋធានីគីវ ត្រូវបានលាន់ឮភ្លាមៗ បន្ទាប់ពីពាក់កណ្តាលអធ្រាត្រ សូម្បីតែមុនពេលសំឡេងស៊ីរ៉ែនប្រកាសអាសន្នពីការវាយប្រហារតាមអាកាសរបស់រដ្ឋធានីនេះបន្លឺឡើង ជាការបរាជ័យដ៏កម្រមួយនៅក្នុងប្រព័ន្ធដែលបានធ្វើឱ្យប្រជាជននៅក្នុងរដ្ឋធានីភ័យខ្លាច។ទីក្រុងមូស្គូបានបង្កើនសង្គ្រាមផ្លូវអាកាសរបស់ខ្លួនលើអ៊ុយក្រែនក្នុងរយៈពេលប៉ុន្មានខែថ្មីៗនេះ ខណៈការរុលទៅមុខនៃទាហានថ្មើរជើងរបស់ខ្លួនភាគច្រើនបានជាប់គាំង ហើយការវាយប្រហាររបស់អ៊ុយក្រែនលើភស្តុភារយោធា និងឧស្សាហកម្មប្រេងរបស់រុស្ស៊ី បានបង្កឱ្យមានការខ្វះខាតប្រេងឥន្ធនៈយ៉ាងទូលំទូលាយ។យោងតាមទិន្នន័យរបស់កងទ័ពអាកាស បានឲ្យដឹងថា នៅក្នុងខែកក្កដាតែមួយ ការវាយប្រហាររបស់រុស្ស៊ីលើរដ្ឋធានីគីវ និងតំបន់ជុំវិញ បានសម្លាប់មនុស្ស ៦០នាក់។ ប្រព័ន្ធការពារដែនអាកាសបានបាញ់ទម្លាក់មីស៊ីលបាលីស្ទីកត្រឹមតែបួនគ្រាប់ប៉ុណ្ណោះ ក្នុងចំណោមមីស៊ីលបាលីស្ទីកចំនួន ៥៤ គ្រាប់ដែលបាញ់ដោយរុស្ស៊ីក្នុងខែនេះ៕

លោក Trump បន្តបង្កើនការគំរាមកំហែងរបស់លោកថានឹងវាយប្រហារលើគោលដៅនៅអ៊ីរ៉ង់កាន់តែខ្លាំង

ប្រធានាធិបតីសហរដ្ឋអាមេរិក កំពុងបន្តបង្កើនការគំរាមកំហែងរបស់លោក ដោយប្រាប់អ្នកសារព័ត៌មាននៅលើយន្តហោះ Air Force One ថា យោធាអាមេរិកនឹងវាយប្រហារគោលដៅនៅអ៊ីរ៉ង់ខ្លាំងជាង២០ដងដែលអ៊ីរ៉ង់បានវាយប្រហារលើនាវានៅក្នុងច្រកសមុទ្រ Hormuz។ លោកបាននិយាយថា នោះនឹងជាសមាមាត្របន្តទៅមុខទៀតចំពោះអ្វីក៏ដោយដែលអ៊ីរ៉ង់បានវាយប្រហារដោយយោធាអាមេរិកនឹងវាយប្រហារសងសឹកខ្លាំងជាង២០ដង។ ដូច្នេះវាច្បាស់ណាស់ពីសេចក្តីថ្លែងការណ៍របស់ប្រធានាធិបតីសហរដ្ឋអាមេរិក ព្រមទាំងពីអនុប្រធានាធិបតីរបស់លោក លោក JD Vance ថា អ្វីដែលសំខាន់សម្រាប់សេតវិមានគឺធានាបានថាច្រកសមុទ្រ Hormuz នៅតែបើកទូលាយ។ អនុប្រធានាធិបតីអាមេរិក នៅទីក្រុង Milwaukee លោកបាននិយាយកាលពីថ្ងៃពុធថា លោកជឿជាក់ថា ជាមនុស្សម្នាក់ក្នុងចំណោមអ្នកដែលមានតួនាទីសំខាន់ក្នុងការចរចាអនុស្សរណៈនៃការយោគយល់ អ៊ីរ៉ង់បានបំពានកិច្ចព្រមព្រៀងហើយបានគោរពតាមលក្ខខណ្ឌនៃអនុស្សរណៈនៃការយោគយល់បានប្រហែលមួយសប្តាហ៍ប៉ុណ្ណោះ ហើយក្រោយមកពួកគេបានចាប់ផ្តើមបាញ់ផ្លោង។

លោកTrump រិះគន់ NATO ចំពោះការច្រានចោលកិច្ចខិតខំប្រឹងប្រែងរបស់លោកក្នុងការទាមទារយកដែនដី Greenland

ប្រធានាធិបតីសហរដ្ឋអាមេរិក លោក Donald Trump បានរិះគន់ដៃគូអង្គការសន្ធិសញ្ញាអាត្លង់ទិកខាងជើង (NATO) របស់លោកនៅក្នុងកិច្ចប្រជុំកំពូលនៅប្រទេសទួរគីកាលពីថ្ងៃពុធ ទី៨ ខែកក្កដា ដោយនិយាយថា លោកមិនសប្បាយចិត្តជាមួយសម្ព័ន្ធមិត្តសម្រាប់ការពន្យាពេលកិច្ចខិតខំប្រឹងប្រែងរបស់លោកក្នុងការគ្រប់គ្រងដែនដី Greenland និងមិនគាំទ្រសង្គ្រាមរបស់លោកនៅអ៊ីរ៉ង់។ សមាជិកអឺរ៉ុបរបស់ NATO បូករួមទាំងប្រទេសកាណាដា បានប្រញាប់ប្រញាល់ដើម្បីបំពេញតាមគោលដៅចំណាយលើវិស័យការពារជាតិដែលលោក Trump បានទាមទារ ខណៈសហរដ្ឋអាមេរិកកាត់បន្ថយចំនួនកងទ័ពដែលខ្លួនមាននៅអឺរ៉ុប និងទទូចថាទ្វីបនេះត្រូវទទួលខុសត្រូវបន្ថែមទៀតចំពោះសន្តិសុខរបស់ខ្លួន។ ប៉ុន្តែលោក Trump បានបើករបួសចាស់ឡើងវិញនៅពេលដែលលោកបានទៅដល់កិច្ចប្រជុំរបស់មេដឹកនាំ NATO ចំនួន៣២រូប ដោយទទូចជាថ្មីម្តងទៀតថាសហរដ្ឋអាមេរិកនឹងគ្រប់គ្រងដែនដី Greenland ជាដែនដីពាក់កណ្តាលស្វយ័តរបស់ប្រទេសដាណឺម៉ាក។ លោកបានរិះគន់ប្រទេសអឺរ៉ុបមួយចំនួន ចំពោះការបដិសេធមិនចូលរួមក្នុងយុទ្ធនាការនៅអ៊ីរ៉ង់។ មុនពេលកិច្ចប្រជុំកំពូល លោក Trump បាននិយាយថា ដែនដី Greenland «មានសារៈសំខាន់ខ្លាំង» សម្រាប់សហរដ្ឋអាមេរិក ប៉ុន្តែពុំមែនសម្រាប់ប្រទេសដាណឺម៉ាកទេដោយប្រកាសថា «យើងត្រូវការវាសម្រាប់ការការពារពិភពលោក មិនមែនត្រឹមតែសហរដ្ឋអាមេរិកទេ»។ ប៉ុន្តែនាយករដ្ឋមន្ត្រីដាណឺម៉ាក លោកស្រី Mette Frederiksen បាននិយាយថា ប្រទេសរបស់លោកស្រី ត្រៀមជាស្រេចដើម្បីការពារគ្រប់អ៊ីញរបស់NATO រួមទាំងទឹកដីរបស់យើងផងដែរ» ក្នុងករណីមានការវាយប្រហារ ហើយនឹងពឹងផ្អែកលើសម្ព័ន្ធមិត្ត NATO ដែលគោរពតាមការប្តេជ្ញាចិត្តរបស់ពួកគេក្នុងការការពារគ្នាទៅវិញទៅមក។

ការវាយប្រហាររបស់អាមេរិកលើអ៊ីរ៉ង់បង្កឱ្យមានការប្រកាសអាសន្នពីមីស៊ីលនៅកូវ៉ែត បារ៉ែន និងកាតា

កូវ៉ែត បារ៉ែន និងកាតា បានបន្លឺសំឡេងស៊ីរ៉ែនប្រកាសអាសន្នពីមីស៊ីលនៅព្រឹកថ្ងៃព្រហស្បតិ៍ ៩កក្កដានេះ បន្ទាប់ពីសហរដ្ឋអាមេរិកបានចាប់ផ្តើមការវាយប្រហារតាមអាកាសជុំថ្មីលើអ៊ីរ៉ង់ ដែលបង្កើនការភ័យខ្លាចថាសង្គ្រាមអាចផ្ទុះឡើងម្តងទៀត។ពុំមានប្រកាសអំពីការខូចខាតភ្លាមៗនៅក្នុងបណ្ដាប្រទេសអារ៉ាប់ឈូងសមុទ្រទាំងបីនោះទេ ខណៈយោធាកូវ៉ែតបាននិយាយថា ខ្លួនកំពុងស្ទាក់ចាប់យានដ្រូន និងមីស៊ីល ដែលហោះចូលទៅក្នុងទឹកដីរបស់ខ្លួនយ៉ាងសកម្ម។ ឆ្មាំបដិវត្តន៍អ៊ីរ៉ង់បាននិយយាថា ខ្លួនបានដាក់គោលដៅ៨៥កន្លែងលើមូលដ្ឋានយោធាអាមេរិក នៅបារ៉ែន និងកូរ៉ែត ដោយមីស៊ីលនិងយានដ្រូន។ ការកើនឡើងចុងក្រោយបំផុតនេះបានកើតឡើងបន្ទាប់ពីការវាយប្រហាររបស់អ៊ីរ៉ង់លើបារ៉ែន និងកូវ៉ែតកាលពីថ្ងៃពុធ ក្រោយអាមេរិកបើកការវាយប្រហារលើអ៊ីរ៉ង់ជាថ្មីក្នុងថ្ងៃពុធដដែល ប៉ុន្មានម៉ោងបន្ទាប់ពីប្រធានាធិបតី Donald Trump និយាយថា ការវាយប្រហារថ្មីៗរបស់អ៊ីរ៉ង់លើនាវានៅច្រកសមុទ្រហ័រមូសបានបង្ហាញពីចុងបញ្ចប់នៃបទឈប់បាញ់ដ៏ផុយស្រួយ។ ការប្រយុទ្ធគ្នាឡើងវិញបានកើតឡើងត្រឹមតែមួយថ្ងៃបន្ទាប់ពីយោធាអាមេរិកបានវាយប្រហារទីតាំងយោធា និងកំពង់ផែជាច្រើនកន្លែងទូទាំងប្រទេស បន្ទាប់ពីអ៊ីរ៉ង់កំណត់គោលដៅលើនាវាពាណិជ្ជកម្មជាច្រើនគ្រឿងនៅឆ្នេរសមុទ្រអូម៉ង់។មន្ត្រីយោធាបាននិយាយក្នុងការបង្ហោះលើប្រព័ន្ធផ្សព្វផ្សាយសង្គមកាលពីថ្ងៃពុធថា ការវាយប្រហារចុងក្រោយបំផុតនេះមានបំណងធ្វើឱ្យចុះខ្សោយបន្ថែមទៀតលើសមត្ថភាពរបស់អ៊ីរ៉ង់ក្នុងការគំរាមកំហែងដល់សេរីភាពនៃការធ្វើនាវាចរណ៍ក្នុងច្រកសមុទ្រនេះ ដោយតាមរយៈផ្លូវនោះ ប្រេង និងឧស្ម័នធម្មជាតិមួយភាគប្រាំដែលបានជួញដូរនៅលើពិភពលោកបានឆ្លងកាត់មុនពេលសង្គ្រាមចាប់ផ្តើមជាមួយនឹងការវាយប្រហាររបស់អាមេរិក និងអ៊ីស្រាអែលនៅថ្ងៃទី២៨ ខែកុម្ភៈ ២០២៦ ។ ប្រព័ន្ធផ្សព្វផ្សាយរដ្ឋអ៊ីរ៉ង់បានរាយការណ៍ពីការផ្ទុះនៅកន្លែងជាច្រើន រួមទាំងទីក្រុង Bushehr ដែលជាទីតាំងនៃរោងចក្រថាមពលនុយក្លេអ៊ែររបស់អ៊ីរ៉ង់ និងទីក្រុងកំពង់ផែភាគខាងត្បូង Chabahar, Konarak, Bandar Abbas និងទីក្រុង Sirik៕

ប៉ាគីស្ថាន៖ ចំនួនអ្នកស្លាប់ដោយការវាយប្រហាររបស់ក្រុមសកម្មប្រយុទ្ធនៅភាគនិរតីកើនឡើងដល់ជាង ៤០នាក់

យោធារបស់ប្រទេសប៉ាគីស្ថានបាននិយាយកាលពីថ្ងៃពុធ ទី៨ ខែកក្កដា ថា ការវាយប្រហាររបស់ក្រុមសកម្មប្រយុទ្ធចំនួនបីលើកនៅក្នុងខេត្ត Balochistan ភាគនិរតីប្រទេស បានសម្លាប់ជនស៊ីវិល និងបុគ្គលិកសន្តិសុខចំនួន៤២នាក់ក្នុងរយៈពេលបួនថ្ងៃ។ អ្នកនាំពាក្យយោធា លោក Ahmed Sharif Chaudhry បាននិយាយថា អ្នកស្លាប់រួមមានជនស៊ីវិល នគរបាល និងទាហាន។ លោកបាននិយាយថា ក្រុមសកម្មប្រយុទ្ធចំនួន៥៤នាក់ក៏ត្រូវបានសម្លាប់ ហើយប្រតិបត្តិការយោធាបន្ថែមទៀតកំពុងធ្វើឡើង។ លោក Chaudhry បាននិយាយនៅក្នុងសុន្ទរកថាតាមទូរទស្សន៍រដ្ឋថា «យើងនឹងតាមប្រមាញ់អ្នកប្រព្រឹត្តនៅគ្រប់ទីកន្លែង»។ លោកបានចោទប្រកាន់សត្រូវប្រទេសឥណ្ឌាថា បានគាំទ្រក្រុមសកម្មប្រយុទ្ធ។ ទីក្រុងញូវឌែលី កាលពីពេលមុនបានច្រានចោលការចោទប្រកាន់បែបនេះពីទីក្រុងអ៊ីស្លាម៉ាបាដ។ ប្រទេសប៉ាគីស្ថាន បានប្រយុទ្ធប្រឆាំងការបះបោរផ្តាច់ខ្លួនរយៈពេលជាច្រើនឆ្នាំនៅក្នុងខេត្ត Balochistan ជាកន្លែងដែលក្រុមសកម្មប្រយុទ្ធផ្តាច់ខ្លួនកំណត់គោលដៅលើកងកម្លាំងរដ្ឋ ការវិនិយោគបរទេស និងគម្រោងហេដ្ឋារចនាសម្ព័ន្ធនៅក្នុងខេត្តដែលសម្បូរទៅដោយរ៉ែដែលមានព្រំដែនជាប់ប្រទេសអាហ្វហ្គានីស្ថាន និងអ៊ីរ៉ង់។

លោក Trump និយាយថា អ៊ុយក្រែននឹងត្រូវបានអនុញ្ញាតឱ្យផលិតប្រព័ន្ធស្ទាក់ចាប់មីស៊ីល Patriot

លោកប្រធានាធិបតី Donald Trump បាននិយាយកាលពីថ្ងៃពុធ ៨កក្កដា សប្ដាហ៍នេះថា សហរដ្ឋអាមេរិកនឹងផ្តល់អាជ្ញាប័ណ្ណដល់អ៊ុយក្រែនដើម្បីផលិតប្រព័ន្ធស្ទាក់ចាប់មីស៊ីល ប៉ាទ្រីយ៉ូត (Patriot) ជាការជំរុញដ៏ធំមួយសម្រាប់ទីក្រុងគីវ ដែលបានស្វែងរកការអនុញ្ញាតជាយូរមកហើយដើម្បីផលិតអាវុធការពារខ្លួនប្រភេទនេះ។ លោក Trump បានថ្លែងនៅក្នុងកិច្ចប្រជុំជាមួយប្រធានាធិបតីអ៊ុយក្រែនលោក Volodymyr Zelenskyy នៅឯកិច្ចប្រជុំកំពូល NATO ក្នុងទីក្រុងអង់ការ៉ាថា ពួកលោកនឹងផ្តល់អាជ្ញាប័ណ្ណដល់អ្នកដើម្បីផលិត Patriots។វិធីនេះ អ្នកមិនអាចត្អូញត្អែរថា ពួកលោកពុំបានផ្តល់ឱ្យពួកគេគ្រប់គ្រាន់នោះទេ។ លោក Trump បានបន្ថែមថា វាជាអាវុធការពារ ដែលលោកចូលចិត្តជាងអាវុធវាយប្រហារ។ លោក Trump ពុំបានផ្តល់ព័ត៌មានលម្អិតទេ ប៉ុន្តែការប្រើវោហារសាស្ត្រនៅក្នុងជំនួបនេះគឺជាការផ្ទុយគ្នាយ៉ាងខ្លាំងពីការរិះគន់ដ៏ខ្លាំងក្លារបស់លោកកាលពីកន្លងទៅចំពោះលោក Zelenskyy ដែលលោក Trump ធ្លាប់ហៅមេដឹកនាំអ៊ុយក្រែនរូបនេះថាជាមនុស្សមិនដឹងគុណ។ កាលពីថ្ងៃពុធ លោក Trump បាននិយាយថា លោកទាំងពីរបានបង្កើតទំនាក់ទំនង "ល្អណាស់" ហើយទាំងទីក្រុងមូស្គូ និងទីក្រុងគីវ ចង់បញ្ចប់សង្គ្រាមដែលបានចាប់ផ្តើមជាមួយនឹងការវាយលុកពេញបន្ទុករបស់រុស្ស៊ីកាលពីថ្ងៃទី២៤ខែកុម្ភៈ ឆ្នាំ២០២២៕

បណ្ដាញសង្គម

ព័ត៌មានថ្មីៗ

ប្រធានាធិបតីអ៊ុយក្រែន ធ្វើដំណើរទៅដល់អង់គ្លេស សម្រាប់ជំនួបជាមួយលោកនាយករដ្ឋមន្រ្តី Burnham

ទីក្រុងប៉េកាំងជំរុញឱ្យសហរដ្ឋអាមេរិកឈប់គំរាមកំហែងដាក់ទណ្ឌកម្ម លើក្រុមហ៊ុន AI របស់ចិន

កងកម្លាំងអ៊ីស្រាអែល វាយប្រហារទីក្រុងជាច្រើននៅតំបន់វ៉េសប៊ែង ខណៈអំពើហិង្សាកាន់តែអាក្រក់ទៅ

អ្នកស្ម័គ្រចិត្តដំបូងទទួលវ៉ាក់សាំងបង្ការជំងឺអេបូឡា ជាផ្នែកមួយនៃការសាកល្បងរបស់សាកលវិទ្យាល័យ Oxford

សម្តេចរដ្ឋសភាធិបតី ឃួន សុដារី អញ្ជើញបំពេញទស្សនកិច្ចផ្លូវការ និងមិត្តភាពនៅសាធារណរដ្ឋសង្គមនិយមវៀតណាម

នគរបាលទីក្រុងប៊ែរឡាំង បាញ់សម្លាប់ជនសង្ស័យសំខាន់ ក្នុងការវាយប្រហារដ៏សាហាវ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877