BTV NEWS

ជនប៉ាឡេស្ទីនជម្លៀសខ្លួនស្វាគមន៍កងកម្លាំងអន្តរជាតិនៅហ្កាហ្សា និងអំពាវនាវឲ្យកសាងផ្ទះសម្បែងរបស់ពួកគេឡើងវិញ

ពលរដ្ឋវិលត្រឡប់ទៅកាន់តំបន់ភាគខាងត្បូងលីបង់វិញ ក្រោយការដកទ័ពរបស់អ៊ីស្រាអែល

ប្រធានាធិបតីហ្វីលីពីន លោក Marcos ប្រាប់ថា ប្រហែលដល់ពេលត្រូវពិនិត្យថាមពលនុយក្លេអ៊ែរឡើងវិញ

EU បញ្ចូនយន្តហោះ និងអ្នកពន្លត់អគ្គិភ័យទៅជួយទប់ទល់ចំហេះព្រៃ នៅបារាំង និងអេស្ប៉ាញ

ព័ត៌មានអន្តរជាតិ

ពលរដ្ឋរស់នៅលើកោះតៃវ៉ាន់ត្រៀមខ្លួនការមកដល់របស់ព្យុះទីហ្វុង Bavi

ក្រុមព្យាករឧតុនិយមកោះតៃវ៉ាន់ និយាយថា នៅថ្ងៃពុធនេះ ប្រជាកសិករ នាំគ្នាប្រញាប់ប្រញាល់ការពារដំណាំពីការខូចខាតធ្ងន់ធ្ងរ ខណៈអ្នកស្រុកនាំគ្នាស្តុកបន្លែ និងគ្រឿងផ្គត់ផ្គង់ផ្សេងទៀត មុនផលប៉ះពាល់ដ៏មានសក្តានុពលបង្កឡើងដោយសារមហាព្យុះទីហ្វុង Bavi ដែលបច្ចុប្បន្នកំពុងធ្វើដំណើរឆ្លងកាត់មហាសមុទ្រប៉ាស៊ីហ្វិកឆ្ពោះទៅកាន់កោះតៃវ៉ាន់ ។នៅទីក្រុង Taitung អ្នកស្រី Tu Hua-chin វ័យ ៤៥ឆ្នាំ គឺជាអ្នកដាំដើមស្រកានាគ កំពុងព្យាយាមការពារផ្លែឈើរបស់គាត់ ។អ្នកស្រី Tu និយាយថា ក្រុមកសិករ កំពុងព្យាយាមបញ្ចប់ការងាររបស់ពួកគេឲ្យបានឆាប់រហ័សតាមដែលអាចធ្វើទៅបាន មុនពេលព្យុះធ្វើដំណើរមកដល់ បើទោះបីជាការខូចខាតចៀសពុំផុតក៏ដោយ ។ អ្នកស្រីបន្តថា ព្យុះទីហ្វុងតែងតែធ្វើឲ្យបាក់បែកឈើ ធ្វើឲ្យផ្លៃជ្រុះពីដើម ហើយនិងធ្វើឲ្យបាក់ពន្លកផ្កា ហើយព្យុះកាលពីឆ្នាំ បណ្តាលឲ្យមានការខូចខាតធ្ងន់ធ្ងរខ្លាំងណាស់ ។ នៅឯផ្សារមួយកន្លែងក្នុងទីក្រុងតៃប៉ិ លោកយាយ Sandy Huangវ័យ ៧០ឆ្នាំ គឺជាអ្នកដើរផ្សារមួយរូបនិយាយថា គាត់ទិញបន្លែស្តុកទុក ឲ្យបានមុន ២ថ្ងៃ ដោយសារផ្សារនឹងត្រូវបិទទ្វារនៅថ្ងៃនេះ ហើយព្យុះទីហ្វុង Bavi ត្រូវបានព្យាករថានឹងបោកបក់ដល់ដីគោកនៅថ្ងៃសុក្រខាងមុខនេះ ផងដែរ ។ រដ្ឋបាលអាកាសធាតុកណ្តាលកោះតៃវ៉ាន់ បានប្រកាសនៅថ្ងៃពុធនេះថា ការព្រមានពីសមុទ្រនឹងត្រូវចេញនៅព្រឹកថ្ងៃព្រហស្បតិ៍ ហើយការប្រកាសអាសន្នលើដីគោក នឹងធ្វើឡើងនៅចន្លោះយប់ថ្ងៃព្រហស្បតិ៍ និងព្រឹកថ្ងៃសុក្រ ពេលដែលមហាព្យុះដ៏ខ្លាំងក្លាមួយនេះ ធ្វើដំណើរជិតមកដល់ ៕

ប្រធានផ្នែកសមុទ្ររបស់ UN៖ នាវិកចំនួន ៦.០០០នាក់ «នៅតែជាប់» ក្នុងឈូងសមុទ្រ

ប្រធានអង្គការសមុទ្រអន្តរជាតិ (IMO) លោក Arsenio Dominguez បាននិយាយនៅថ្ងៃពុធ (ទី៨ ខែកក្កដា ឆ្នាំ២០២៦) នេះថា នាវិកជិត ៦.០០០នាក់ «នៅតែជាប់» នៅក្នុងឈូងសមុទ្រ ខណៈលោកអំពាវនាវឲ្យមាន «ការអត់ធ្មត់ជាអតិបរមា និងការបន្ថយភាពតានតឹង»។បន្ទាប់ពីប្រធានាធិបតីអាមេរិក លោក Donald Trump បាននិយាយថា បទឈប់បាញ់ជាមួយអ៊ីរ៉ង់ បានចប់ហើយ អគ្គលេខាធិការ IMO លោក Dominguez បានលើកឡើងនៅក្នុងសេចក្តីថ្លែងការណ៍មួយថា៖ «ខ្ញុំថ្កោលទោសការវាយប្រហារក្នុងរយៈពេល ២ថ្ងៃកន្លងមកនេះ ទៅលើនាវាជាច្រើនគ្រឿងដែលធ្វើដំណើរឆ្លងកាត់ច្រកសមុទ្រ Hormuz»។លោកបានបន្ថែមថា៖ «ការវាយប្រហារដោយមិនប្រុងប្រយ័ត្នទាំងនេះបានធ្វើឱ្យនាវិកស្លូតត្រង់ស្ថិតក្នុងគ្រោះថ្នាក់ធ្ងន់ធ្ងរជាថ្មីម្តងទៀត»។គួរបញ្ជាក់ថា លោក Trump បាននិយាយនៅថ្ងៃពុធនេះថា បទឈប់បាញ់ជាមួយអ៊ីរ៉ង់ បាន «ចប់» ហើយ បន្ទាប់ពីភាគីទាំង២ បានវាយប្រហារតបតគ្នា ប៉ុន្តែបានបន្ថែមថា ក្រុមអ្នកចរចាអាចបន្តជជែកពិភាក្សាជាមួយទីក្រុងតេអេរ៉ង់បាន។មេដឹកនាំអាមេរិករូបនេះបានរិះគន់អ៊ីរ៉ង់ថា ជាប្រភេទមនុស្ស «មិនមានតម្លៃ» និង «មិនឆ្លាតវៃ» បន្ទាប់ពីទីក្រុងវ៉ាស៊ីនតោន បានបើកការវាយប្រហារលើសាធារណរដ្ឋឥស្លាមពេញមួយយប់ ហើយកងឆ្មាំបដិវត្តន៍ឥស្លាមអ៊ីរ៉ង់ បានប្រាប់ថា ពួកគេបានកំណត់គោលដៅលើមូលដ្ឋានទ័ពអាមេរិក នៅតំបន់ឈូងសមុទ្រ៕

រដ្ឋមន្ត្រីការបរទេសអារ៉ាប៊ីសាអូឌីត ជួបជាមួយសមភាគីអូម៉ង់ ដើម្បីពិភាក្សាអំពីការវិវត្តក្នុងតំបន់

រដ្ឋមន្ត្រីការបរទេសអារ៉ាប៊ីសាអ៊ូឌីត ព្រះអង្គម្ចាស់ Faisal bin Farhan បានយាងមកដល់ទីក្រុង Muscatនៅថ្ងៃពុធនេះ ដើម្បីពិភាក្សាអំពីការវិវត្តក្នុងតំបន់ជាមួយសមភាគីអូម៉ង់របស់ព្រះអង្គ។ព្រះអង្គម្ចាស់ Faisal ត្រូវបានទទួលដោយរដ្ឋមន្ត្រីការបរទេសអូម៉ង់ លោក Sayyid Badr bin Hamad bin Hamoud Al-Busaidi និងឯកអគ្គរដ្ឋទូតអារ៉ាប៊ីសាអ៊ូឌីតប្រចាំនៅប្រទេសអូម៉ង់ លោក Ibrahim bin Saad bin Bishaan។រដ្ឋមន្ត្រីទាំងពីរនឹងពិភាក្សាអំពីវិធីដើម្បីបង្កើនទំនាក់ទំនងទ្វេភាគីរវាងប្រទេសបងប្អូនទាំងពីរ និងដើម្បីវាយតម្លៃ និងចាត់វិធានការយ៉ាងសកម្មលើឱកាសអំណោយផល និងលទ្ធភាពនាពេលអនាគតសម្រាប់កិច្ចសហប្រតិបត្តិការរួមគ្នា៕

វិមានក្រឹមឡាំង៖ លីទុយអានី នឹងគ្មានសុវត្ថិភាពនោះទេ បើសិនជាពួកគេដកចេញពំរាមលើការទទួលអាវុធនុយក្លេអ៊ែរ

វិមានក្រឹមឡាំង និយាយនៅថ្ងៃពុធនេះថា ប្រទេសលីទុយអានី នឹងគ្មានសុវត្ថិភាពនោះទេ បើសិនជាពួកគេបន្តគំនិតដកចេញបំរាមលើការទទួលអាវុធនុយក្លេអ៊ែរនៅលើទឹកដីរបស់ពួកគេ គឺជាអ្វីមួយដែលប្រទេសហ្វាំងឡង់មានគម្រោងធ្វើបែបហ្នឹងផងដែរ ។ហ្វាំងឡង់ដែលមានព្រំដែនប្រវែង ១.៣៤០គ.មជាមួយរុស្ស៊ី និយាយកាលពីខែមីនាថា ពួកគេនឹងធ្វើវិសោធនកម្មច្បាប់នុយក្លេអ៊ែរសម័យសង្គ្រាមត្រជាក់ ឲ្យស្របតាមប្រទេសជិតខាងនៅអឺរ៉ុបខាងជើង នៅក្នុងចំណាត់ការមួយដែលអាចបើកទ្វារ សម្រាប់ការដាក់ពង្រាយគ្រាប់បែកអាតូមិកលើទឹកដីហ្វាំងឡង់ អំឡុងពេលសង្រ្គាម ។អ្នកនាំពាក្យរបស់វិមានក្រឹមឡាំងលោក Dmitry Peskov និយាយប្រាប់ក្រុមអ្នកសារព័ត៌មានថា ពួកយើងដឹងថា ហ្វាំងឡង់បានសម្រេចចិត្តស្រដៀងគ្នា ហើយលោកប្រាកដណាស់ថា រដ្ឋតំបន់បាល់ទិក បច្ចុប្បន្ននឹងព្យាយាមធ្វើតាម និងធ្វើការសម្រេចចិត្តតែមួយ ។លោកបន្តថា តែផ្ទុយទៅវិញទេ វានឹងមិនធ្វើឲ្យពួកគេមានសុវត្ថិភាពនោះឡើយ វានឹងបង្កើនគ្រោះថ្នាក់សម្រាប់ពួកគេ ពីព្រោះថា ពួកយើងនឹងចាត់វិធានការតបត ប្រឆាំងនឹងពួកគេ ដើម្បីធានាផលប្រយោជន៍របស់ពួកយើង ៕

កងទ័ពអ៊ុយក្រែនបានបោះបង់ចោលអាវុធ គ្រាប់រំសេវដែលផលិតនៅប៉ូឡូញ បារាំង និងអ៊ីតាលី នៅតំបន់Vasilyevka

លោក Mikhail Knyazkin មេបញ្ជាការកងអនុសេនាធំវាយប្រហារនៃកងវរសេនាធំលេខ ២៣៧ របស់កងពលទ័ពអាកាសលេខ ៧៦ ដែលជាផ្នែកមួយនៃមជ្ឈមណ្ឌលក្រុមប្រយុទ្ធ បានប្រាប់សារព័ត៌មាន TASSថា ខណៈពេលកំពុងដកថយចេញពីតំបន់ Vasilyevka ទាហានអ៊ុយក្រែនបានបន្សល់ទុកអាវុធ គ្រាប់រំសេវ និងគ្រឿងផ្ទុះដែលផលិតនៅក្នុងប្រទេសណាតូ នៅទីតាំងឈរជើងរបស់ពួកគេ។ មេបញ្ជាការរូបនេះបាននិយាយថា៖«កងកម្លាំងសត្រូវបានបន្សល់ទុកអាវុធណាតូមួយចំនួនធំ។ មានកាំភ្លើង M-16។ មានគ្រាប់បែកដៃដែលផលិតដោយបារាំង និងអង់គ្លេស។ ពួកគេក៏បានផ្គត់ផ្គង់គ្រាប់រំសេវជាច្រើនផងដែរ។ ទាំងអស់នោះ ត្រូវបានផលិតដោយប្រទេសសមាជិកណាតូ។ ប្រទេសសហភាពអឺរ៉ុបទាំងអស់ រួមទាំងប្រទេសប៉ូឡូញ បារាំង និងអ៊ីតាលី។ ពួកគេបានបន្សល់ទុកនូវអាវុធយ៉ាងច្រើន។ នៅថ្ងៃទី ០៤ ខែកក្កដា ក្រសួងការពារជាតិរុស្ស៊ីបានរាយការណ៍ថា ក្រុមកងទ័ពដែលឈរជើងនៅភាគកណ្តាលបានរំដោះកន្លែងតាំងទីលំនៅ Vasilyevka៕

ប្រធានាធិបតីស៊ីរី ទៅដល់ប្រទេសទួរគីហើយ ដើម្បីពិភាក្សាជាមួយលោក Trump

ប្រធានាធិបតីស៊ីរី លោក Ahmed al-Sharaa បានធ្វើដំណើរទៅដល់ទីក្រុង Ankara ប្រទេសទួរគីហើយ នៅថ្ងៃពុធ (ទី៨ ខែកក្កដា ឆ្នាំ២០២៦) នេះ ជាកន្លែងដែលលោកត្រូវជួបជាមួយប្រធានាធិបតីអាមេរិក លោក Donald Trump នៅក្រៅកិច្ចប្រជុំកំពូលរបស់អង្គការណាតូ (NATO)។កិច្ចប្រជុំកំពូលនៃសម្ព័ន្ធភាពយោធាមួយនេះ ដែលបិទបញ្ចប់នៅថ្ងៃពុធនេះ បាននាំឱ្យមានការជួបជុំគ្នា សម្រាប់ប្រមុខរដ្ឋចំនួន ៣៦រូប ក៏ដូចជាតំណាងជាច្រើនរូបមកពីប្រទេសឈូងសមុទ្រផងដែរ។ លោក Al-Sharaa ត្រូវបានអញ្ជើញដោយប្រធានាធិបតីទួរគី លោក Recep Tayyip Erdogan។លោក Trump ដែលបានបង្ហាញពីភាពស្និទ្ធស្នាលរបស់លោកជាមួយលោក Erdogan បានពិពណ៌នាអំពីសមភាគីស៊ីរីរបស់លោកថា ជាបុគ្គលមាន «ភាពម៉ត់ចត់ណាស់»។ មេដឹកនាំអាមេរិកបានប្រាប់អ្នកសារព័ត៌មានកាលពីថ្ងៃអង្គារថា «ដោយសារតែប្រធានាធិបតី (លោក Erdogan) យើងមានទំនាក់ទំនងល្អណាស់ជាមួយមេដឹកនាំថ្មីរបស់ស៊ីរី»។លោក Trump បានបន្ថែមថា៖ «គាត់ (លោក Al-Sharaa) បានធ្វើការងារដ៏អស្ចារ្យ ក្នុងរយៈពេលមួយឆ្នាំកន្លះ គាត់បានទាញប្រទេសទាំងមូលឱ្យមកនៅជាមួយគ្នា។ ហើយខ្ញុំមានទំនាក់ទំនងល្អណាស់ជាមួយគាត់។ មានមនុស្សនិយាយថា គាត់គឺម៉ត់ចត់ណាស់ ខ្ញុំបានគាំទ្រគាត់ រួមជាមួយលោកប្រធានាធិបតី (Erdogan)។ យើងទាំង ២នាក់ ពិតជាចង់បានគាត់ណាស់។ ហើយគាត់បានធ្វើការងារដ៏អស្ចារ្យមួយ គឺគាត់បាននាំឱ្យប្រទេសរួមរស់ជាមួយគ្នា។ នេះមិនមែនជាការងារងាយស្រួលនោះទេ»។លោក Al-Sharaa បានទៅទស្សនកិច្ចនៅទីក្រុងវ៉ាស៊ីនតោន កាលពីខែវិច្ឆិកាឆ្នាំមុន ដើម្បីស្វែងរកការគាំទ្រផ្នែកហិរញ្ញវត្ថុ សម្រាប់ប្រទេសស៊ីរី។ ប៉ុន្តែកាលពីខែមុន លោកបានបដិសេធការអំពាវនាវពីលោក Trump ឱ្យធ្វើអន្តរាគមន៍យោធា នៅក្នុងប្រទេសជិតខាងលីបង់ ប្រឆាំងនឹងក្រុមហេសបូឡា ជាក្រុមប្រដាប់អាវុធដែលកំពុងមានជម្លោះបើកចំហជាមួយអ៊ីស្រាអែល៕

គុយបាប្រមូលការគាំទ្រប្រឆាំងនឹងការបិទខ្ទប់ដ៏ឃោរឃៅរបស់អាមេរិក នៅ UN

រដ្ឋមន្ត្រីការបរទេសគុយបា លោក Bruno Rodriguez បានថ្កោលទោសការដាក់ទណ្ឌកម្មដ៏ឃោរឃៅរបស់សហរដ្ឋអាមេរិក លើប្រទេសកុម្មុយនីស្ត ក្នុងអំឡុងពេលនៃការជជែកពិភាក្សារបស់មហាសន្និបាតអង្គការសហប្រជាជាតិ (UNGA) កាលពីថ្ងៃអង្គារ (ទី៧ ខែកក្កដា ឆ្នាំ២០២៦) ដែលបានកើតឡើងទោះបីជាមានសម្ពាធការទូតពីទីក្រុងវ៉ាស៊ីនតោន ដើម្បីរារាំងដំណើរការដេញដោលនេះក៏ដោយ។លោក Rodriguez បានប្រាប់ស្ថាប័ននេះថា «រដ្ឋាភិបាលសហរដ្ឋអាមេរិកកំពុងធ្វើសង្គ្រាមពហុវិមាត្រ និងមិនមែនធម្មតា ប្រឆាំងនឹងប្រទេសគុយបា ដែលបានអូសបន្លាយអស់រយៈពេលជិត ៧ទសវត្សរ៍មកហើយ ហើយកាន់តែឃោរឃៅ និងគ្មានក្ដីមេត្តាខ្លាំងឡើងៗ ក្នុងរយៈពេល ៧ខែចុងក្រោយនេះ ដោយលោកបានរិះគន់ធ្ងន់ៗ ដល់ «ការដាក់ទណ្ឌកម្មរួម» ដែលនប៉ះពាល់ដល់ប្រជាជនទាំងអស់របស់កោះនេះ។លោកបានបន្ថែមថា៖ «ការយកចិត្តទុកដាក់ចំពោះឧក្រិដ្ឋកម្មដ៏ឃោរឃៅនេះ ក៏ជាការទទួលខុសត្រូវផងដែររបស់អង្គការសហប្រជាជាតិ (UN)»។រដ្ឋមន្ត្រីរូបនេះ បានបញ្ជាក់ថា ការខូចខាតដែលបង្កឡើងដោយទណ្ឌកម្មនេះ អំឡុងខែមីនា ឆ្នាំ២០២៥ ដល់ខែកុម្ភៈ ឆ្នាំ២០២៦ មានកម្រិតខ្ពស់បំផុត ៨ពាន់លានដុល្លារ ដែលជាការកើនឡើង ៧ភាគរយ ធៀបនឹងរយៈពេលដូចគ្នាកាលពីមួយឆ្នាំមុន ដោយបានកត់សម្គាល់ថា តួលេខទាំងនេះមិនរាប់បញ្ចូល «ផលប៉ះពាល់ខ្លាំង» ដោយសារការបិទខ្ទប់ផ្លូវដឹកជញ្ជូនប្រេងឥន្ធនៈដែលសហរដ្ឋអាមេរិកបានដាក់លើគុយបា កាលពីខែកុម្ភៈឡើយ។ប្លុកតំបន់ភាគច្រើន រួមទាំងប្រទេសនៅតំបន់អាហ្វ្រិក និងតំបន់ការរ៉ាអ៊ីពផងដែរ បានបង្ហាញការគាំទ្ររបស់ពួកគេ ចំពោះគុយបា កាលពីថ្ងៃទី៧ ខែកក្កដា និងបានថ្កោលទោសការបិទខ្ទប់ផ្លូវរបស់សហរដ្ឋអាមេរិក។ ជារៀងរាល់ឆ្នាំ ចាប់តាំងពីឆ្នាំ១៩៩២ មក មហាសន្និបាតនេះបានអនុម័តដោយសំឡេងភាគច្រើនលើសលប់នូវសេចក្តីសម្រេចមិនមានចំណងផ្លូវច្បាប់ ដែលអំពាវនាវឱ្យមានការដកការបិទខ្ទប់ដោយសហរដ្ឋអាមេរិក លើប្រទេសគុយបា៕

រដ្ឋមន្រ្តីសុខាភិបាលអេស្ប៉ាញប្រតិកម្មនឹងការគំរាមកាត់ផ្តាច់ទំនាក់ទំនងពាណិជ្ជកម្មរបស់អាមេរិក

រដ្ឋមន្រ្តីក្រសួងសុខាភិបាលអេស្ប៉ាញលោកស្រី Monica Garcia នៅថ្ងៃពុធនេះ បានប្រតិកម្មនឹងប្រធានាធិបតីសហរដ្ឋអាមេរិកលោក Donald Trump ក្រោយរូបលោកបានគំរាមកាត់ផ្តាច់ទំនាក់ទំនងពាណិជ្ជកម្មជាមួយអេស្ប៉ាញ និងចាត់ទុកប្រទេសមួយនេះ ថាជា “ដៃគូមិនល្អ”នៅអង្គការណាតូ ។ នៅឯកិច្ចប្រជុំកំពូលអង្គការណាតូ នាថ្ងៃពុធនេះ លោក Trump បានបញ្ជាក់ឲ្យដឹងថា លោកបានបញ្ជាឲ្យរដ្ឋមន្ត្រីក្រសួងរតនាគាសហរដ្ឋអាមេរិកលោក Scott Bessent កាត់ផ្តាច់ពាណិជ្ជកម្មទាំងអស់ជាមួយប្រទេសអេស្ប៉ាញ ដោយចាត់ទុកទីក្រុង Madridថា ជាដៃគូមិនល្អនោះឡើយ នៅក្នុងសម្ព័ន្ធមិត្តមួយនេះ ។ នៅក្នុងសារបង្ហោះលើបណ្តាញព័ត៌មានសង្គម X លោកស្រី Garcia និយាយថា លោក Trump ចាត់ទុកអេស្ប៉ាញថា ជាដៃគូមិនល្អ ដោយសារតែពួកយើងបដិសេធន៍មិនព្រមទទួលយក “ការគំរាមរកប្រយោជន៍ ឬការគំរាមកំហែង” ។ លោកស្រីបន្តថា អ្វីទៅដែលថា មិនល្អនោះ ដោយគ្រាន់តែពុំព្រមទទួលយកវិស័យការទូតបែបសម្លុតនោះ ។ សូមបញ្ជាក់ថា ទំនាក់ទំនងរបស់ទីក្រុងវ៉ាស៊ីនតោន និងទីក្រុង Madrid ស្ថិតក្នុងភាពជាប់គាំង ក្រោយអេស្ប៉ាញបដិសេធន៍ការទាមទាររបស់លោក Trumpឲ្យបណ្តាប្រទេសអឺរ៉ុប បង្កើនភ្លាមៗការចំណាយយោធារបស់ពួកគេ ៕

មន្ត្រី៖ ក្រុមប្រឹក្សាសន្តិភាពរបស់លោក TRUMP កំពុងរៀបចំផែនការសាកល្បង«តំបន់មនុស្សធម៌» នៅភាគខាងត្បូងហ្កាហ្សា

មន្ត្រីក្រុមប្រឹក្សាម្នាក់បានប្រាប់សារព័ត៌មាន AFPថា មន្ត្រីក្រុមប្រឹក្សាសន្តិភាពរបស់លោកប្រធានាធិបតីអាមេរិក លោក ដូណាល់ ត្រាំ ( Donald Trump) កំពុងរៀបចំផែនការសាកល្បង «តំបន់មនុស្សធម៌» នៅភាគខាងត្បូងហ្កាហ្សា ដែលនឹងមានគោលបំណងផ្ទុកជនស៊ីវិលប៉ាឡេស្ទីនរាប់ម៉ឺននាក់ដែលត្រូវបានត្រួតពិនិត្យយ៉ាងហ្មត់ចត់។ មន្ត្រីរូបនេះ បាននិយាយថា តំបន់នេះអាចដើរតួជា «ចំណុចចាប់ផ្តើម» សម្រាប់គណៈកម្មាធិការបច្ចេកទេសប៉ាឡេស្ទីន ដែលមានន័យថា ទទួលខុសត្រូវក្នុងការគ្រប់គ្រងប្រចាំថ្ងៃនៃដំណាក់កាលអន្តរកាលចេញពីសង្គ្រាមនៅតំបន់ហ្កាហ្សា ក្រោមផែនការ ២០ ចំណុចរបស់លោក ត្រាំ។តំបន់សាកល្បង ដែលក្រុមប្រឹក្សាកំពុងសម្លឹងមើលគឺទីក្រុង Rafah នៅភាគខាងត្បូងហ្កាហ្សា នឹងត្រូវបានធានាសុវត្ថិភាពដោយកងទ័ពពហុជាតិពីកងកម្លាំងរក្សាស្ថិរភាពអន្តរជាតិ (ISF) ជាស្ថាប័នថ្មីមួយដែលដំណើរការ ក្រោមក្រុមប្រឹក្សាសន្តិភាពនេះ។គណៈកម្មាធិការជាតិសម្រាប់ការគ្រប់គ្រងតំបន់ហ្កាហ្សា (NCAG) ជាក្រុមអ្នកបច្ចេកទេសប៉ាឡេស្ទីនដែលបង្កើតឡើងដោយក្រុមប្រឹក្សាសន្តិភាព នឹងអនុវត្តការត្រួតពិនិត្យ និងការគ្រប់គ្រងការចេញចូល ដោយមានការគាំទ្រពី ISF៕

ប្រភព៖ លោក Hegseth នឹងជួបជាមួយលោក Netanyahu ជុំវិញលទ្ធភាពលក់យន្តហោះចម្បាំង F-35 ទៅឲ្យទួរគី

ប្រភពមួយដែលដឹងពីបញ្ហានេះបានប្រាប់សារព័ត៌មានរ៉យទ័រថា រដ្ឋមន្ត្រីក្រសួងការពារជាតិសហរដ្ឋអាមេ រិក លោក Pete Hegseth នឹងពិភាក្សាអំពីលទ្ធភាពលក់យន្តហោះចម្បាំង F-35 ទៅឲ្យប្រទេសទួរគី នៅថ្ងៃពុធនេះ ជាមួយនាយករដ្ឋមន្ត្រីអ៊ីស្រាអែល លោក បេនចាមីន ណេតាន់យ៉ាហ៊ូ ដែលជាការលក់ដែលទំនងជាធ្វើឲ្យមន្ត្រីអ៊ីស្រាអែលខឹងសម្បា។ប្រភពដដែល ដែលបាននិយាយក្នុងលក្ខខណ្ឌមិនបញ្ចេញឈ្មោះ ដោយសារតែភាពរសើបនៃបញ្ហានេះ បានបញ្ជាក់ថា លោក Hegseth ក៏ត្រូវបានគ្រោងនឹងជួបជាមួយរដ្ឋមន្ត្រីក្រសួងការពារជាតិអ៊ីស្រាអែល លោក Israel Katz ហើយថា អ៊ីរ៉ង់នឹងចូលរួមក្នុងការពិភាក្សារបស់ពួកគេ។នៅក្នុងបទសម្ភាសន៍ជាមួយទូរទស្សន៍ CNN កាលពីថ្ងៃអង្គារ លោក ណេតាន់យ៉ាហ៊ូ បាននិយាយថា លោកប្រឆាំងនឹងការលក់យន្តហោះចម្បាំង F-35 ទៅឲ្យប្រទេសទួរគី ហើយថា លោកបានបញ្ជាក់យ៉ាងច្បាស់អំពីការប្រឆាំងរបស់លោកទៅកាន់លោក ត្រាំ។លោក ណេតាន់យ៉ាហ៊ូ បានប្រាប់CNN ថា៖«វានឹងបំផ្លាញតុល្យភាពអំណាចនៅមជ្ឈិមបូព៌ា ពីព្រោះប្រទេសទួរគី មានមហិច្ឆតាឈ្លានពាន»។ ប្រទេសទួរគីយ៉េ ដែលជាសមាជិកអង្គការណាតូ បានរិះគន់ប្រតិបត្តិការរបស់អ៊ីស្រាអែលនៅតំបន់ហ្កាហ្សា លីបង់ និងស៊ីរីជាយូរមកហើយ ហើយប្រទេសនេះបានចោទប្រកាន់អ៊ីស្រាអែលម្តងហើយម្តងទៀតថា កំពុងព្យាយាមបំផ្លាញកិច្ចព្រមព្រៀងឈប់បាញ់រវាងសហរដ្ឋអាមេរិក និងអ៊ីរ៉ង់ ដែលសម្របសម្រួលដោយប៉ាគីស្ថាន។ ប្រធានាធិបតី ដូណាល់ ត្រាំ ដែលកំពុងចូលរួមកិច្ចប្រជុំកំពូលណាតូ នៅប្រទេសទួរគី បានប្រកាសកាលពីថ្ងៃអង្គារថា លោកនឹងលុបចោលទណ្ឌកម្មរបស់សហរដ្ឋអាមេរិកដែលដាក់លើទីក្រុងអង់ការ៉ា ជុំវិញការទិញមីស៊ីលការពារដែនអាកាសរបស់រុស្ស៊ីក្នុងឆ្នាំ ២០១៩ ហើយលោកបានបង្ហាញឆន្ទៈក្នុងការលក់យន្តហោះចម្បាំង F-35 ដែលជាសម្ព័ន្ធមិត្តណាតូ ហើយជាការសម្រេចចិត្តមួយដែលទំនងជាប្រឈមមុខនឹងការបដិសេធយ៉ាងដាច់អហង្ការនៅក្នុងសភា ក៏ដូចជានៅអ៊ីស្រាអែលដែរ៕

បណ្ដាញសង្គម

ព័ត៌មានថ្មីៗ

ប្រធានាធិបតីអ៊ុយក្រែន ធ្វើដំណើរទៅដល់អង់គ្លេស សម្រាប់ជំនួបជាមួយលោកនាយករដ្ឋមន្រ្តី Burnham

ទីក្រុងប៉េកាំងជំរុញឱ្យសហរដ្ឋអាមេរិកឈប់គំរាមកំហែងដាក់ទណ្ឌកម្ម លើក្រុមហ៊ុន AI របស់ចិន

កងកម្លាំងអ៊ីស្រាអែល វាយប្រហារទីក្រុងជាច្រើននៅតំបន់វ៉េសប៊ែង ខណៈអំពើហិង្សាកាន់តែអាក្រក់ទៅ

អ្នកស្ម័គ្រចិត្តដំបូងទទួលវ៉ាក់សាំងបង្ការជំងឺអេបូឡា ជាផ្នែកមួយនៃការសាកល្បងរបស់សាកលវិទ្យាល័យ Oxford

សម្តេចរដ្ឋសភាធិបតី ឃួន សុដារី អញ្ជើញបំពេញទស្សនកិច្ចផ្លូវការ និងមិត្តភាពនៅសាធារណរដ្ឋសង្គមនិយមវៀតណាម

នគរបាលទីក្រុងប៊ែរឡាំង បាញ់សម្លាប់ជនសង្ស័យសំខាន់ ក្នុងការវាយប្រហារដ៏សាហាវ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានអន្តរជាតិ

ពលរដ្ឋរស់នៅលើកោះតៃវ៉ាន់ត្រៀមខ្លួនការមកដល់របស់ព្យុះទីហ្វុង Bavi

ប្រធានផ្នែកសមុទ្ររបស់ UN៖ នាវិកចំនួន ៦.០០០នាក់ «នៅតែជាប់» ក្នុងឈូងសមុទ្រ

រដ្ឋមន្ត្រីការបរទេសអារ៉ាប៊ីសាអូឌីត ជួបជាមួយសមភាគីអូម៉ង់ ដើម្បីពិភាក្សាអំពីការវិវត្តក្នុងតំបន់

វិមានក្រឹមឡាំង៖ លីទុយអានី នឹងគ្មានសុវត្ថិភាពនោះទេ បើសិនជាពួកគេដកចេញពំរាមលើការទទួលអាវុធនុយក្លេអ៊ែរ

កងទ័ពអ៊ុយក្រែនបានបោះបង់ចោលអាវុធ គ្រាប់រំសេវដែលផលិតនៅប៉ូឡូញ បារាំង និងអ៊ីតាលី នៅតំបន់Vasilyevka

ប្រធានាធិបតីស៊ីរី ទៅដល់ប្រទេសទួរគីហើយ ដើម្បីពិភាក្សាជាមួយលោក Trump

គុយបាប្រមូលការគាំទ្រប្រឆាំងនឹងការបិទខ្ទប់ដ៏ឃោរឃៅរបស់អាមេរិក នៅ UN

រដ្ឋមន្រ្តីសុខាភិបាលអេស្ប៉ាញប្រតិកម្មនឹងការគំរាមកាត់ផ្តាច់ទំនាក់ទំនងពាណិជ្ជកម្មរបស់អាមេរិក

មន្ត្រី៖ ក្រុមប្រឹក្សាសន្តិភាពរបស់លោក TRUMP កំពុងរៀបចំផែនការសាកល្បង«តំបន់មនុស្សធម៌» នៅភាគខាងត្បូងហ្កាហ្សា

ប្រភព៖ លោក Hegseth នឹងជួបជាមួយលោក Netanyahu ជុំវិញលទ្ធភាពលក់យន្តហោះចម្បាំង F-35 ទៅឲ្យទួរគី

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានអន្តរជាតិ

ពលរដ្ឋរស់នៅលើកោះតៃវ៉ាន់ត្រៀមខ្លួនការមកដល់របស់ព្យុះទីហ្វុង Bavi

ប្រធាន​ផ្នែក​សមុទ្ររបស់ UN៖ នាវិក​ចំនួន ៦.០០០នាក់ «នៅតែជាប់» ក្នុង​ឈូងសមុទ្រ

រដ្ឋមន្ត្រីការបរទេសអារ៉ាប៊ីសាអូឌីត ជួបជាមួយសមភាគីអូម៉ង់ ដើម្បីពិភាក្សាអំពីការវិវត្តក្នុងតំបន់

វិមានក្រឹមឡាំង៖ លីទុយអានី នឹងគ្មានសុវត្ថិភាពនោះទេ បើសិនជាពួកគេដកចេញពំរាមលើការទទួលអាវុធនុយក្លេអ៊ែរ

កងទ័ពអ៊ុយក្រែនបានបោះបង់ចោលអាវុធ គ្រាប់រំសេវដែលផលិតនៅប៉ូឡូញ បារាំង និងអ៊ីតាលី នៅតំបន់Vasilyevka

ប្រធានាធិបតីស៊ីរី ទៅ​ដល់ប្រទេស​ទួរគីហើយ​ ដើម្បីពិភាក្សាជាមួយលោក Trump

គុយបាប្រមូលការគាំទ្រប្រឆាំងនឹងការបិទខ្ទប់​ដ៏ឃោរឃៅរបស់អាមេរិក នៅ UN

រដ្ឋមន្រ្តីសុខាភិបាលអេស្ប៉ាញប្រតិកម្មនឹងការគំរាមកាត់ផ្តាច់ទំនាក់ទំនងពាណិជ្ជកម្មរបស់អាមេរិក

មន្ត្រី៖ ក្រុមប្រឹក្សាសន្តិភាពរបស់លោក TRUMP កំពុងរៀបចំផែនការសាកល្បង«តំបន់មនុស្សធម៌» នៅភាគខាងត្បូងហ្កាហ្សា

ប្រភព៖ លោក Hegseth នឹងជួបជាមួយលោក Netanyahu ជុំវិញលទ្ធភាពលក់យន្តហោះចម្បាំង F-35 ទៅឲ្យទួរគី

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ប្រធានផ្នែកសមុទ្ររបស់ UN៖ នាវិកចំនួន ៦.០០០នាក់ «នៅតែជាប់» ក្នុងឈូងសមុទ្រ

ប្រធានាធិបតីស៊ីរី ទៅដល់ប្រទេសទួរគីហើយ ដើម្បីពិភាក្សាជាមួយលោក Trump

គុយបាប្រមូលការគាំទ្រប្រឆាំងនឹងការបិទខ្ទប់ដ៏ឃោរឃៅរបស់អាមេរិក នៅ UN