នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
ជនប៉ាឡេស្ទីនជម្លៀសខ្លួនស្វាគមន៍កងកម្លាំងអន្តរជាតិនៅហ្កាហ្សា និងអំពាវនាវឲ្យកសាងផ្ទះសម្បែងរបស់ពួកគេឡើងវិញ
ពលរដ្ឋវិលត្រឡប់ទៅកាន់តំបន់ភាគខាងត្បូងលីបង់វិញ ក្រោយការដកទ័ពរបស់អ៊ីស្រាអែល
ប្រធានាធិបតីហ្វីលីពីន លោក Marcos ប្រាប់​ថា ប្រហែលដល់ពេលត្រូវពិនិត្យ​ថាមពលនុយក្លេអ៊ែរ​ឡើង​វិញ​
EU បញ្ចូន​យន្តហោះ និងអ្នកពន្លត់អគ្គិភ័យទៅជួយ​ទប់ទល់​ចំហេះ​ព្រៃ នៅបារាំង និងអេស្ប៉ាញ

ព័ត៌មានអន្តរជាតិ

ប្រធានាធិបតីកូរ៉េខាងត្បូងអំពាវនាវឱ្យមានសហប្រតិបត្តិការកាន់តែ​លឿន នៅឯ​វេទិកាការពារជាតិណាតូ

2026/07/09 12:15:27 am        53
Facebook Telegram Linkin
ប្រធានាធិបតីកូរ៉េខាងត្បូង លោក Lee Jae Myung កាលពីថ្ងៃអង្គារ (ទី៧ ខែកក្កដា ឆ្នាំ២០២៦) បានអំពាវនាវឱ្យមាន «កិច្ចសហប្រតិបត្តិការកាន់តែ​លឿនជាងមុន» នៅឯ​វេទិកាឧស្សាហកម្មការពារជាតិកិច្ចប្រជុំកំពូលរបស់​អង្គការណាតូ (NATO) នៅប្រទេសទួរគី។បើយោងតាមទីភ្នាក់ងារសារព័ត៌មាន Yonhap បានឱ្យដឹងថា នៅក្នុងសុន្ទរកថាគន្លឹះ លោក Lee បានសង្កត់ធ្ងន់លើតម្រូវការក្នុងការពង្រឹងកិច្ចសហប្រតិបត្តិការឧស្សាហកម្មការពារជាតិ រវាងកូរ៉េខាងត្បូង និងអង្គការ​ណាតូ។ លោកបានស្នើឱ្យពង្រីកការស្រាវជ្រាវរួមគ្នា រវាងកូរ៉េខាងត្បូង និងសម្ព័ន្ធភាព​នេះ លើបច្ចេកវិទ្យាទំនើបៗ ដោយកសាងលើកម្មវិធីសហប្រតិបត្តិការគ្រាប់រំសេវ និងអវកាសដែលមានស្រាប់របស់ភាគី​ទាំង​២។នៅក្នុងវគ្គមួយដែលមានចំណងជើងថា «តម្លៃរួមគ្នា​ មូលដ្ឋានឧស្សាហកម្មរឹងមាំជាងមុន» លោក Lee បានលើក​ឡើង​ថា៖ «សមត្ថភាពសន្តិសុខរបស់ភាគីទាំង២ នឹងត្រូវបានពង្រឹងយ៉ាងខ្លាំង នៅពេលដែលចំណេះដឹងរាប់ទសវត្សរ៍របស់អង្គការ​ណាតូ ត្រូវបានផ្សំជាមួយនឹងសមត្ថភាពផលិតដែលអាចទុកចិត្តបាន និងជំនាញបច្ចេកវិទ្យាដែលបានបង្ហាញឱ្យឃើញរបស់សាធារណរដ្ឋកូរ៉េ»។ជាមួយ​គ្នានេះ លោក Lee ក៏បានស្នើឱ្យមានការធ្វើឱ្យប្រសើរឡើងនូវកិច្ចសហប្រតិបត្តិការការពារជាតិទ្វេភាគីទៅជា «ភាពជាដៃគូឧស្សាហកម្មការពារជាតិកូរ៉េ-ណាតូ ២.០» ដោយផ្លាស់ប្តូរពីការផ្តោតបច្ចុប្បន្នលើការលក់អាវុធទៅជាការស្រាវជ្រាវរួមគ្នា ការផលិត និងប្រតិបត្តិការប្រព័ន្ធការពារជាតិ៕

UN៖ ក្រុមមនុស្សធម៌ ចល័តជំនួយសម្រាប់ប្រជាជនរងផលប៉ះពាល់ដោយការប្រយុទ្ធគ្នានៅអាហ្វ្រិកកណ្តាល

2026/07/09 12:13:09 am        45
Facebook Telegram Linkin
ក្រុមអង្គការមនុស្សធម៌របស់អង្គការសហប្រជាជាតិ បាននិយាយកាលពីថ្ងៃអង្គារថា ពួកគេកំពុងចល័តជំនួយជាមួយដៃគូរបស់ខ្លួន បន្ទាប់ពីការប្រយុទ្ធគ្នានៅក្នុងទីក្រុង Am-Dafock សាធារណរដ្ឋអាហ្វ្រិកកណ្តាល (CAR) ជិតព្រំដែនជាមួយប្រទេសស៊ូដង់ដែលកំពុងមានជម្លោះ។ការិយាល័យសម្របសម្រួលកិច្ចការមនុស្សធម៌របស់អង្គការសហប្រជាជាតិ (OCHA) បាននិយាយថា «ប្រជាជនដែលបានជម្លៀសខ្លួនដោយការប្រយុទ្ធគ្នានៅទីនោះត្រូវការការគាំទ្រការពារ ការថែទាំសុខភាព និងការទទួលបានទឹកស្អាតជាបន្ទាន់»។ «ស្ថានភាពសន្តិសុខនៅតែមិនស្ថិតស្ថេរ ដោយមណ្ឌលសុខភាពមានតែមួយគត់របស់ទីក្រុងត្រូវបានគេរាយការណ៍ថាត្រូវបានគេចូលលួចសម្ភារៈ»។មនុស្សប្រមាណ១ពាន់នាក់ដែលបានជម្លៀសខ្លួនចេញពីភូមិនានាជុំវិញក្រុង Am-Dafock បានស្វែងរកសុវត្ថិភាពនៅក្រុង Birao ដែលបានដាក់សម្ពាធកាន់តែខ្លាំងលើធនធាន ចាប់តាំងពីទីក្រុងនេះកំពុងទទួលជនភៀសខ្លួនប្រហែល២៥.០០០នាក់មកពីប្រទេសស៊ូដង់។ក្រុមអង្គការមនុស្សធម៌បានដឹកជញ្ជូនក្រណាត់តង់ និងជំនួយសម្រាប់ទីជម្រកផ្សេងៗដល់ក្រុង Am-Dafock ។ រដូវវស្សា បានធ្វើឱ្យផ្លូវធំចូលទៅក្នុងទីក្រុងមិនអាចឆ្លងកាត់បាន ដែលរារាំងដល់កិច្ចខិតខំប្រឹងប្រែងក្នុងការពង្រីកការឆ្លើយតប។ ទំនិញមនុស្សធម៌ប្រហែល២៤តោនកំពុងរង់ចាំការដឹកជញ្ជូន នេះបើយោងតាម អង្គការ OCHA។លោក Stephane Dujarric អ្នកនាំពាក្យរបស់អគ្គលេខាធិការអង្គការសហប្រជាជាតិ លោក Antonio Guterres បាននិយាយថា មានការប៉ះទង្គិចគ្នានៅក្នុងក្រុង Am-Dafock រវាងកងកម្លាំងប្រដាប់អាវុធ សាធារណរដ្ឋអាហ្វ្រិកកណ្តាល (CAR) និងក្រុមប្រដាប់អាវុធ។

លោកស្រី​ Le Pen ប្រាប់​ថា បន្ត​ប្រជែង​តំណែង​​ប្រធានាធិបតីបារាំង​ ក្រោយសេចក្ដី​​សម្រេច​របស់​តុលាការ​ឧទ្ធរណ៍​

2026/07/08 11:59:15 pm        72
Facebook Telegram Linkin
លោកស្រី Marine Le Pen មេដឹកនាំក្រុម​ស្តាំនិយមជ្រុល​របស់​ប្រទេស​បារាំង បាននិយាយកាល​ពី​ថ្ងៃអង្គារ (ទី៧ ខែកក្កដា ឆ្នាំ២០២៦) ថា លោកស្រីនៅតែឈរឈ្មោះប្រជែង​តំណែង​ប្រធានាធិបតី នៅឆ្នាំ២០២៧ បន្ទាប់ពីតុលាការឧទ្ធរណ៍បានសម្រេច​តម្កល់​ទោស ក្នុង​សំណុំរឿង​កិបកេងប្រាក់របស់លោកស្រី ប៉ុន្តែបានបើកផ្លូវឱ្យលោកស្រីអាច​ឈរឈ្មោះដណ្ដើម​តំណែង​សាធារណៈ ដោយ​ការហាមឃាត់រយៈពេលខ្លីជាងមុន។លោកស្រី Le Pen បានលើក​ឡើង​ថា៖ «ល្ងាចនេះ ខ្ញុំគឺ​ជាបេក្ខជនក្នុងការបោះឆ្នោតប្រធានាធិបតី»។ ការ​បញ្ជាក់​នេះ​បាន​បញ្ចប់ភាពមិនប្រាកដប្រជាអំពីថា តើលោកស្រីនឹងឈរឈ្មោះប្រជែង​តំណែងកំពូលរបស់ប្រទេស​​ជាលើកទី៤ ដែរ ឬអត់​ សម្រាប់​ការបោះឆ្នោតដែលត្រូវបានចាត់ទុកថា ជាឱកាសដ៏ល្អបំផុតរបស់គណបក្សលោកស្រី ក្នុងការឈ្នះតំណែងប្រធានាធិបតី។គួរបញ្ជាក់ថា តុលាការឧទ្ធរណ៍ទីក្រុងប៉ារីស កាលពី​ព្រឹក​ថ្ងៃទី៧ ខែកក្កដា បានគាំទ្រសាលក្រមប្រកាស​ទោស សម្រាប់​​បេក្ខជនប្រជែង​តំណែង​ប្រធានាធិបតី ៣សម័យកាល មកពីគណបក្សប្រឆាំងអន្តោប្រវេសន៍ គឺ National Rally (RN) ពីបទ​ក្លែង​បន្លំ​ការងារ​ នៅសភាអឺរ៉ុប ដែលបានប្រើប្រាស់​មិន​ត្រឹមត្រូវ​នូវ​ប្រាក់ជាង ២,៨លានអឺរ៉ូ (ជាង ៣លានដុល្លារ) ពីមូលនិធិសហភាព​អឺរ៉ុប​ (EU)។តុលាការបានហាមឃាត់លោកស្រីមិនឱ្យកាន់តំណែងរយៈពេល ១៥ខែ និងបានកាត់ទោសឱ្យលោកស្រីជាប់ឃុំក្នុងផ្ទះរយៈពេល ១ឆ្នាំ ដោយ​ពាក់​​ខ្សែ​ដៃ​អេឡិចត្រូនិក ដែលធ្វើឱ្យមានការសង្ស័យថា តើលោកស្រីនឹងអាចធ្វើយុទ្ធនាការដោយគ្មានឧបសគ្គ​ដែរ ឬយ៉ាង​ណា។ ប៉ុន្តែអំឡុង​ការ​ផ្សាយ​ព័ត៌មានពេលល្ងាចរបស់ប្រព័ន្ធផ្សព្វផ្សាយ​ អ្នកនយោបាយចាស់វស្សា​វ័យ ៥៧ឆ្នាំរូបនេះ បានប្រាប់​ថា លោកស្រី​នឹងប្តឹងឧទ្ធរណ៍ទៅតុលាការកំពូលរបស់ប្រទេស ដែលនឹងផ្អាកសេចក្ដី​សម្រេចនោះដោយស្វ័យប្រវត្តិ៕

អ៊ីស្រាអែល និងលីបង់ នឹងចាប់ផ្តើមការចរចាជុំបន្ទាប់នៅទីក្រុងរ៉ូម ប្រទេសអ៊ីតាលី

2026/07/08 11:56:36 pm        54
Facebook Telegram Linkin
រដ្ឋមន្ត្រីការបរទេសអ៊ីតាលី លោក Antonio Tajani បានប្រកាសកាលពីថ្ងៃអង្គារថា កិច្ចចរចាជុំបន្ទាប់រវាងអ៊ីស្រាអែល និងលីបង់ ត្រូវបានគេរំពឹងថានឹងធ្វើឡើងនៅទីក្រុងរ៉ូម ប្រទេសអ៊ីតាលី នៅពាក់កណ្តាលខែកក្កដា។ អ្នកនាំពាក្យក្រសួងការបរទេស បាននិយាយថា ឯកអគ្គរដ្ឋទូតអ៊ីស្រាអែល និងលីបង់ នឹងចរចាដោយផ្ទាល់នៅទីក្រុងរ៉ូម នៅថ្ងៃទី១៥ និងទី១៦ ខែកក្កដា។កិច្ចប្រជុំនេះ នឹងកំណត់ការចរចាជុំទី៦រវាងប្រទេសទាំងពីរ បន្ទាប់ពីការចរចាកម្រិតឯកអគ្គរដ្ឋទូតចំនួនប្រាំលើកដែលបានធ្វើឡើងនៅទីក្រុងវ៉ាស៊ីនតោនចាប់តាំងពីខែមេសា។ រដ្ឋមន្ត្រីការបរទេសអ៊ីស្រាអែល លោក Gideon Sa'ar បានបញ្ជាក់កាលពីថ្ងៃអង្គារថា ការចរចានឹងធ្វើឡើងនៅទីក្រុងរ៉ូម នៅសប្តាហ៍ក្រោយ ប៉ុន្តែពុំបានបញ្ជាក់ពីកាលបរិច្ឆេទពិតប្រាកដ នោះទេ។ប្រព័ន្ធផ្សព្វផ្សាយអ៊ីស្រាអែលជាច្រើនបានដកស្រង់សម្តីឯកអគ្គរដ្ឋទូតអ៊ីស្រាអែលប្រចាំសហរដ្ឋអាមេរិក លោក Yechiel Leiter ដែលបាននិយាយថា ការចរចានេះត្រូវបានគេរំពឹងថានឹងចាប់ផ្តើមនៅថ្ងៃអង្គារសប្តាហ៍ក្រោយនៅទីក្រុងរ៉ូម។ថ្លែងនៅក្នុងកិច្ចប្រជុំក្នុងទីក្រុងយេរូសាឡឹម រួមជាមួយសមភាគីអាល្លឺម៉ង់ លោក Johann Wadephul លោក Sa'ar បាននិយាយថា អ៊ីស្រាអែលស្វែងរកសន្តិភាពជាមួយប្រទេសជិតខាងខ្លួន ប៉ុន្តែកិច្ចព្រមព្រៀងណាមួយត្រូវតែផ្អែកលើសន្តិសុខ។

[UPDATE] លោក Trump៖ បទឈប់បាញ់​អាមេរិក-​អ៊ីរ៉ង់ គឺ «ចប់ហើយ» ក្រោយ​មាន​ការ​វាយប្រហារទៅវិញទៅមក ​

2026/07/08 11:53:34 pm        66
Facebook Telegram Linkin
នៅថ្ងៃពុធ (ទី៨ ខែកក្កដា ឆ្នាំ២០២៦) នេះ ប្រធានាធិបតីអាមេរិក លោក Donald Trump បាននិយាយ​ថា អនុស្សរណៈនៃការយោគយល់គ្នា (MOU) ដែលបានចុះហត្ថលេខាជាមួយអ៊ីរ៉ង់ ដើម្បីបញ្ចប់ជម្លោះ គឺ «ចប់ហើយ» ដោយបាន​បន្ថែមថា រូប​លោកមិនចង់មាន​ទំនងទំនង​ជាមួយទីក្រុងតេអេរ៉ង់ទៀត​ទេ។កិច្ចព្រមព្រៀងឈប់បាញ់បណ្ដោះអាសន្ន ដែលមាន​ការ​ចុះហត្ថលេខាដោយ​ទីក្រុងវ៉ាស៊ីនតោន និងតេអេរ៉ង់ ក្រោមការសម្របសម្រួលរបស់ប៉ាគីស្ថាន មានបំណងផ្តល់រយៈ​ពេល ៦០ថ្ងៃ សម្រាប់ដំណើរការចរចា ស្ដីពី​កិច្ចព្រមព្រៀងអចិន្ត្រៃយ៍ ប៉ុន្តែការចរចាដោយប្រយោល នៅប្រទេសកាតា បានបញ្ចប់ដោយគ្មានសញ្ញាពី​ការមាន​វឌ្ឍនភាពឡើយ​ ហើយយោធាអាមេរិកបានបើក​ការ​វាយ​ប្រហារថ្មីលើ​អ៊ីរ៉ង់ កាលពីថ្ងៃអង្គារ។មុនកិច្ចប្រជុំកំពូលរបស់​អង្គការ​ណាតូ នៅទីក្រុង​ Ankara ប្រទេសទួរគី លោក Trump បានបញ្ជាក់ថា៖ «សម្រាប់ខ្ញុំ ខ្ញុំគិតថា វាគឺ​ចប់ហើយ។ ខ្ញុំមិនចង់ដោះស្រាយជាមួយពួកគេទៀត​ទេ»។ អំឡុង​ពេល​និយាយ​ដោយមានអគ្គលេខាធិការអង្គការ​ណាតូ (NATO) ​លោក Mark Rutte អង្គុយក្បែរ​នោះ​ លោកបានបន្ថែមថា៖ «ចំពោះខ្ញុំ វាគ្រាន់តែជាការខ្ជះខ្ជាយពេលវេលាប៉ុណ្ណោះ ក្នុងការដោះស្រាយជាមួយពួកគេ»។កាលពីថ្ងៃអង្គារ សហរដ្ឋអាមេរិកក៏បានដកហូតផងដែរនូវ​អាជ្ញាប័ណ្ណដែលអនុញ្ញាតឱ្យអ៊ីរ៉ង់លក់ប្រេង បន្ទាប់ពីនាវា​ដឹកប្រេងចំនួន ៣គ្រឿង ត្រូវបានវាយប្រហារដោយមីស៊ីល នៅច្រកសមុទ្រ Hormuz។ទីបញ្ជាការកណ្តាលរបស់យោធាសហរដ្ឋអាមេរិក (CENTCOM) បានឱ្យដឹង​ថា កងកម្លាំងអាមេរិកបានបើកការវាយប្រហារ «ដើម្បីផ្ដល់ការ​ខូចខាត​យ៉ាងធ្ងន់ធ្ងរ ដោយសារ​តែ​ការកំណត់គោលដៅ និងការវាយប្រហារ លើនាវាពាណិជ្ជកម្មដែលមានក្រុមជនស៊ីវិលស្លូតត្រង់ធ្វើការនៅក្នុងផ្លូវទឹកអន្តរជាតិ»។នៅព្រឹកថ្ងៃពុធនេះ ទាំងប្រទេសបារ៉ែន ដែលជាទីតាំងរបស់កងនាវាទី៥ របស់កងទ័ពជើងទឹកអាមេរិក និងកូវ៉ែត ដែលជាទីតាំងរបស់កងកម្លាំងកងទ័ពជើងគោកអាមេរិក បានបន្លឺសំឡេងប្រកាសអាសន្ន​ពី​ការ​វាយប្រហារ​ដោយ​មីស៊ីល។ ឆ្មាំការពារជាតិបានចេញសេចក្តីថ្លែងការណ៍ ដោយទទួលស្គាល់ការកំណត់គោលដៅលើ​មូលដ្ឋានយោធាអាមេរិក នៅក្នុងប្រទេសទាំង២៕

អ៊ីរ៉ង់និយាយថាបានកំណត់គោលដៅទីតាំងយោធាអាមេរិក៨៥កន្លែងនៅប្រទេសបារ៉ែន និងកូវ៉ែត

2026/07/08 11:51:01 pm        67
Facebook Telegram Linkin
កងកម្លាំងឆ្មាំបដិវត្តន៍អ៊ីស្លាមអ៊ីរ៉ង់ (IRGC) បាននិយាយថា កងកម្លាំងកងទ័ពជើងទឹក និងអាកាសរបស់ខ្លួនបានធ្វើប្រតិបត្តិការបាញ់មីស៊ីល និងយានដ្រូនរួមគ្នាដោយកំណត់គោលដៅលើទីតាំងចំនួន ៨៥ កន្លែងនៅមូលដ្ឋានយោធាសំខាន់ៗរបស់សហរដ្ឋអាមេរិក។កងកម្លាំងឆ្មាំបដិវត្តន៍អ៊ីស្លាមអ៊ីរ៉ង់ (IRGC) បាននិយាយថាការវាយប្រហារ បានកំណត់គោលដៅលើមូលដ្ឋានកងនាវាទីប្រាំរបស់សហរដ្ឋអាមេរិកនៅក្នុងប្រទេសបារ៉ែន និងមូលដ្ឋានទ័ពអាកាស Ali Al-Salem នៅក្នុងប្រទេសកូវ៉ែត។កងឆ្មាំបាននិយាយថាប្រតិបត្តិការនេះគឺជា «ការឆ្លើយតបដំបូង» ចំពោះការបំពានរបស់សហរដ្ឋអាមេរិកលើបទឈប់បាញ់ និងកិច្ចព្រមព្រៀងទីក្រុងអ៊ីស្លាម៉ាបាដ បន្ទាប់ពីការវាយប្រហារតាមអាកាសរបស់សហរដ្ឋអាមេរិកលើមូលដ្ឋានឆ្នេរ និងស្ថានីយ៍មិនមែនយោធា នៅខេត្ត Hormozgan និងខេត្ត Mahshahr ។កងឆ្មាំបដិវត្តន៍ ក៏បានភ្ជាប់ការវាយប្រហាររបស់សហរដ្ឋអាមេរិកទៅនឹងពិធីដង្ហែរសពសម្រាប់មេដឹកនាំកំពូលរបស់អ៊ីរ៉ង់ដែលត្រូវបានសម្លាប់ ដោយនិយាយថាទីក្រុងវ៉ាស៊ីនតោនកំពុងព្យាយាមធ្វើឲ្យលុបលើ «ព្រឹត្តិការណ៍ប្រវត្តិសាស្ត្រ»។

លោក Netanyahu បញ្ជាក់​ថា លោក និងលោក Trump ត្រូវ​គ្នា​ ជុំវិញ​រឿង​ធំៗ ស្ដី​ពី​បញ្ហាអ៊ីរ៉ង់

2026/07/08 11:49:02 pm        54
Facebook Telegram Linkin
នៅក្នុងបទសម្ភាសន៍មួយជាមួយប្រព័ន្ធ​ផ្សព្វផ្សាយ​ CNN កាលពីថ្ងៃអង្គារ (ទី៧ ខែកក្កដា ឆ្នាំ២០២៦) នាយករដ្ឋមន្ត្រីអ៊ីស្រាអែល លោក Netanyahu បាននិយាយថា ទោះបីជាមានការមិនចុះសម្រុងគ្នាម្តងម្កាលជាមួយប្រធានាធិបតីអាមេរិកលោក Donald Trump ជុំវិញ​បញ្ហាអ៊ីរ៉ង់ក៏ដោយ ក៏ពួកលោកមើលឃើញ «ស្រប​គ្នា​» លើរឿងធំៗ ទាក់ទងនឹងការដោះស្រាយជាមួយ​ទីក្រុងតេអេរ៉ង់។លោក Netanyahu បាននិយាយថា វាគឺ​ជារឿង​លឿនពេក ដែល​មិន​អាច​និយាយថា តើមានអ្វីកើតឡើងបន្ទាប់ពីទីក្រុងវ៉ាស៊ីនតោន និងតេអេរ៉ង់បានចុះហត្ថលេខាលើកិច្ចព្រមព្រៀងសន្តិភាពបណ្តោះអាសន្ន។ លោកបានប្រាប់ប្រព័ន្ធផ្សព្វផ្សាយ​ CNN ថា «លោក​ប្រធានាធិបតី ជឿថា លោកអាចបញ្ឈប់កម្មវិធីនុយក្លេអ៊ែររបស់អ៊ីរ៉ង់បាន» ប៉ុន្តែបានបន្ថែមថា លោកមិន​ទាន់​ប្រាកដ​ក្នុង​ចិត្ត​ឡើយ​។យ៉ាង​ណាក្ដី លោក Netanyahu បានបញ្ជាក់​ថា៖ «ពាក់​ព័ន្ធ​រឿងធំៗ យើងមើលឃើញស្រប​គ្នា​ បើ​ទោះ​ពេលខ្លះ យើងមិនឃើញត្រូវ​គ្នា​ក៏ដោយ​ ប៉ុន្តែយើងគឺ​ជាសម្ព័ន្ធមិត្តពិតប្រាកដ»។ជាមួយ​គ្នានេះ លោកក៏បានលើក​ឡើង​ផងដែរថា ការលក់យន្តហោះចម្បាំងបំបាំងកាយ F-35 របស់សហរដ្ឋអាមេរិកទៅឱ្យប្រទេសទួរគី នឹង «បំផ្លាញ» តុល្យភាពអំណាច នៅតំបន់​មជ្ឈិមបូព៌ា៕

ក្បួនដង្ហែសពលោក Khamenei ទាក់ទាញហ្វូងមនុស្សយ៉ាងច្រើននៅទីក្រុង Najaf ប្រទេសអ៊ីរ៉ាក់

2026/07/08 11:33:07 pm        54
Facebook Telegram Linkin
ទីភ្នាក់ងារសារព័ត៌មានពាក់កណ្តាលផ្លូវការ Tasnim បានរាយការណ៍ថា ក្បួនដង្ហែសពរបស់អតីតមេដឹកនាំកំពូលអ៊ីរ៉ង់បានចាប់ផ្តើមនៅក្នុងទីក្រុង Najaf ជាទីក្រុងដ៏ពិសិដ្ឋរបស់ប្រទេសអ៊ីរ៉ាក់។បន្ទាប់ពីពិធីកាន់ទុក្ខជាសាធារណៈទ្រង់ទ្រាយធំជាច្រើនថ្ងៃនៅទូទាំងទីក្រុងតេអេរ៉ង់ និងទីក្រុង Qom សាកសពរបស់លោក Khamenei បានដង្ហែរទៅដល់ប្រទេសអ៊ីរ៉ាក់កាលពីយប់ថ្ងៃពុធ សម្រាប់ពិធីបុណ្យសពក្នុងតំបន់តាមការស្នើសុំរបស់មេដឹកនាំសាសនា និងអ្នកនយោបាយអ៊ីរ៉ាក់។ យោងតាមទីភ្នាក់ងារសារព័ត៌មាន Tasnim បានឲ្យដឹងថា អ្នកកាន់ទុក្ខអ៊ីរ៉ាក់យ៉ាងច្រើន បានចេញមកនៅតាមដងផ្លូវក្នុងទីក្រុង Najaf ដើម្បីចូលរួមក្នុងក្បួនដង្ហែ។វីដេអូដែលបានបង្ហោះតាមអ៊ីនធឺណិត បង្ហាញមនុស្សរាប់ម៉ឺននាក់នៅជុំវិញរថយន្តដែលដឹកមឈូសរបស់មេដឹកនាំ និងសមាជិកគ្រួសាររបស់លោក នៅពេលដែលក្បួនធ្វើដំណើរបានឆ្លងកាត់ទីក្រុងឆ្ពោះទៅកាន់ទីសក្ការៈបូជាដ៏ពិសិដ្ឋ Imam Ali។

លោក Macron គាំទ្រការកសាងប្រទេសស៊ីរីឡើងវិញ ខណៈលោក Sharaa សន្យាចាប់ខ្លួនអ្នកបំផ្ទុះគ្រាប់បែកនៅក្រុងដាម៉ាស

2026/07/08 11:20:45 pm        48
Facebook Telegram Linkin
ប្រធានាធិបតីស៊ីរី លោក Ahmed al-Sharaa បាននិយាយកាលពីថ្ងៃអង្គារ ទី៧ ខែកក្កដា ថា អ្នកដែលទទួលខុសត្រូវចំពោះការបំផ្ទុះគ្រាប់បែកនៅទីក្រុងដាម៉ាស នឹងត្រូវចាប់ខ្លួនឱ្យបានឆាប់តាមដែលអាចធ្វើទៅបាន។ ថ្លែងរួមគ្នាជាមួយប្រធានាធិបតីបារាំង លោក Emmanuel Macron នៅក្នុងសន្និសីទសារព័ត៌មាន លោកSharaa និយាយថា អ្នកប្រព្រឹត្តកំពុងស្វែងរក «ការបំផ្លិចបំផ្លាញប្រទេស និងមាតុភូមិ»។គ្រាប់បែកពីរគ្រាប់បានផ្ទុះកាលពីថ្ងៃអង្គារនៅជិតសណ្ឋាគារមួយកន្លែងក្នុងទីក្រុងដាម៉ាស ជាកន្លែងដែលលោក Macron ត្រូវស្នាក់នៅមួយយប់ដែលបានបណ្តាលឲ្យមនុស្ស១៨នាក់រងរបួស និងបានជះស្រមោលលុបលើដំណើរទស្សនកិច្ចលើកដំបូងទៅកាន់ប្រទេសស៊ីរីដោយប្រមុខរដ្ឋសហភាពអឺរ៉ុបចាប់តាំងពីលោក Bashar al-Assad ត្រូវបានផ្តួលរំលំ។លោក Macron បានគាំទ្រការកសាងឡើងវិញប្រទេសស៊ីរី ដោយនិយាយថា ប្រទេសបារាំង «ជឿជាក់លើអនាគត» របស់ប្រទេសនេះ។ ប្រធានាធិបតីបារាំង លោក Emmanuel Macron បាននិយាយកាលពីថ្ងៃអង្គារ ទី៧ ខែកក្កដា ថា ប្រទេសបារាំងកំពុងធ្វើការដើម្បីកំណត់ឡើងវិញនូវកិច្ចសហប្រតិបត្តិការសន្តិសុខ និងយោធារបស់ខ្លួនជាមួយប្រទេសស៊ីរី បន្ទាប់ពីការវាយប្រហារដោយគ្រាប់បែកនៅទីក្រុងដាម៉ាស ដែលបានបណ្តាលឱ្យមនុស្ស ១៨នាក់រងរបួសនៅជិតសណ្ឋាគាររបស់លោកស្នាក់នៅ។ថ្លែងនៅក្នុងសន្និសីទសារព័ត៌មានរួមគ្នាជាមួយប្រធានាធិបតីស៊ីរី លោក Macron បាននិយាយថា លោកកំពុងគិតអំពីអ្នករងរបួស និងបានបញ្ជាក់ពីការប្តេជ្ញាចិត្តជាបន្តបន្ទាប់របស់ប្រទេសបារាំងក្នុងការប្រយុទ្ធប្រឆាំងអំពើភេរវកម្មនៅក្នុងតំបន់។ លោក Macron និយាយថា «ប្រទេសបារាំងនៅតែប្តេជ្ញាចិត្តក្នុងការប្រយុទ្ធប្រឆាំងអំពើភេរវកម្មនៅក្នុងតំបន់»។

អ៊ីរ៉ង់កំណត់គោលដៅទីតាំងនានា នៅបារ៉ែន និង​កូវ៉ែត ក្រោយ​មាន​ការវាយប្រហារបន្ត​បន្ទាប់​របស់អាមេរិក

2026/07/08 11:15:12 pm        78
Facebook Telegram Linkin
កងកម្លាំងឆ្មាំបដិវត្តន៍អ៊ីរ៉ង់ បានឱ្យដឹង​ថា ទីតាំងយោធាអាមេរិក នៅក្នុងប្រទេសបារ៉ែន និងកូវ៉ែត ត្រូវបាន​កំណត់គោល​ដៅ នៅ​ថ្ងៃពុធ (ទី​៨ ខែកក្កដា ឆ្នាំ២០២៦) នេះ​ បន្ទាប់ពីសហរដ្ឋអាមេរិកបានបើកការវាយប្រហារយោធាជាបន្តបន្ទាប់ លើអ៊ីរ៉ង់ ដើម្បីឆ្លើយតបទៅនឹងការវាយប្រហារលើនាវាដឹកប្រេង នៅច្រកសមុទ្រ Hormuz។ជា​ការ​ប៉ះពាល់​ដ៏ធំ​ចុងក្រោយ ចំពោះកិច្ចព្រមព្រៀងបទ​ឈប់បាញ់ដ៏ផុយស្រួយ កងកម្លាំងឆ្មាំបដិវត្តន៍ឥស្លាម (IRGC) បានបញ្ជាក់​ថា ខ្លួនបានធ្វើប្រតិបត្តិការមីស៊ីល និងយានដ្រូន​រួមគ្នា ប្រឆាំងនឹងទីតាំងយោធាសំខាន់ៗរបស់សហរដ្ឋអាមេរិក នៅទីក្រុង​ Bandar Salman តំបន់​កងទ័ពជើងទឹកទី៥ របស់បារ៉ែន និងមូលដ្ឋានទ័ពអាកាស Ali Al Salem Air Base នៅគុយវ៉ែត ហើយបានបាញ់ទម្លាក់យានដ្រូន​ប្រភេទ​ MQ-9 របស់សហរដ្ឋអាមេរិក ដែលព្យាយាមចូល​រំខាន​ប្រតិបត្តិការនេះ។សំឡេងស៊ីរ៉ែនព្រមាន​ពី​ការ​វាយប្រហារពី​លើ​អាកាស បានបន្លឺឡើងនៅក្នុងប្រទេសបារ៉ែន និងគូវ៉ែត ហើយកងទ័ពគូវ៉ែត បានប្រាប់​ថា ប្រព័ន្ធ​ការពារដែនអាកាស កំពុងទប់​ទល់​ការវាយប្រហារដោយមីស៊ីល និងយាន​ដ្រូន​ «អរិភាព»។ មិនមានការអត្ថាធិប្បាយភ្លាមៗឡើយ ជុំវិ​ការវាយប្រហារនេះ​ពីយោធាអាមេរិក។គួរបញ្ជាក់ថា ការ​វាយ​ប្រហារនេះ បាន​កើត​ឡើង​ បន្ទាប់​ពី​នៅមុន​នេះ សហរដ្ឋអាមេរិកបានចាប់​ផ្ដើម​ប្រតិបត្តិការ​យោធាថ្មីៗ និងដកហូតអាជ្ញាប័ណ្ណដែលអនុញ្ញាតឱ្យអ៊ីរ៉ង់លក់ប្រេង ដើម្បីឆ្លើយតបទៅនឹងការវាយប្រហារលើនាវាដឹកប្រេងចំនួន ៣គ្រឿង នៅច្រកសមុទ្រHormuz។បញ្ជាការកណ្តាលសហរដ្ឋអាមេរិក (CENTCOM) បានឱ្យដឹង​នៅក្នុងសេចក្តីថ្លែងការណ៍ថា៖ «ការឈ្លានពានដោយមិនសមហេតុផលដោយកងកម្លាំងអ៊ីរ៉ង់ គឺជាការរំលោភយ៉ាងច្បាស់ក្រឡែត និងគ្រោះថ្នាក់ លើបទឈប់បាញ់ និងធ្វើឱ្យប៉ះពាល់ដល់សេរីភាពនៃការធ្វើនាវាចរណ៍»៕

បណ្ដាញសង្គម

ព័ត៌មានថ្មីៗ

ជនប៉ាឡេស្ទីនជម្លៀសខ្លួនស្វាគមន៍កងកម្លាំងអន្តរជាតិនៅហ្កាហ្សា និងអំពាវនាវឲ្យកសាងផ្ទះសម្បែងរបស់ពួកគេឡើងវិញ
07/27/2026 09:07 PM
Facebook Telegram Linkin
ពលរដ្ឋវិលត្រឡប់ទៅកាន់តំបន់ភាគខាងត្បូងលីបង់វិញ ក្រោយការដកទ័ពរបស់អ៊ីស្រាអែល
07/27/2026 08:07 PM
Facebook Telegram Linkin
ប្រធានាធិបតីហ្វីលីពីន លោក Marcos ប្រាប់​ថា ប្រហែលដល់ពេលត្រូវពិនិត្យ​ថាមពលនុយក្លេអ៊ែរ​ឡើង​វិញ​
07/27/2026 08:07 PM
Facebook Telegram Linkin
EU បញ្ចូន​យន្តហោះ និងអ្នកពន្លត់អគ្គិភ័យទៅជួយ​ទប់ទល់​ចំហេះ​ព្រៃ នៅបារាំង និងអេស្ប៉ាញ
07/27/2026 08:07 PM
Facebook Telegram Linkin
ប្រធានាធិបតីអ៊ុយក្រែន ធ្វើដំណើរទៅដល់អង់គ្លេស សម្រាប់ជំនួបជាមួយលោកនាយករដ្ឋមន្រ្តី Burnham
07/27/2026 08:07 PM
Facebook Telegram Linkin
ទីក្រុង​ប៉េកាំង​ជំរុញឱ្យសហរដ្ឋអាមេរិកឈប់​គំរាមកំហែងដាក់ទណ្ឌកម្ម លើ​ក្រុមហ៊ុន AI របស់ចិន
07/27/2026 08:07 PM
Facebook Telegram Linkin
កងកម្លាំងអ៊ីស្រាអែល វាយប្រហារទីក្រុងជាច្រើននៅតំបន់វ៉េសប៊ែង ខណៈអំពើហិង្សាកាន់តែអាក្រក់ទៅ
07/27/2026 08:07 PM
Facebook Telegram Linkin
អ្នកស្ម័គ្រចិត្តដំបូងទទួលវ៉ាក់សាំងបង្ការជំងឺអេបូឡា ជាផ្នែកមួយនៃការសាកល្បងរបស់សាកលវិទ្យាល័យ Oxford
07/27/2026 08:07 PM
Facebook Telegram Linkin
សម្តេចរដ្ឋសភាធិបតី ឃួន សុដារី អញ្ជើញបំពេញទស្សនកិច្ចផ្លូវការ និងមិត្តភាពនៅសាធារណរដ្ឋសង្គមនិយមវៀតណាម
07/27/2026 07:07 PM
Facebook Telegram Linkin
នគរបាល​ទីក្រុងប៊ែរឡាំង បាញ់សម្លាប់ជនសង្ស័យសំខាន់ ក្នុងការវាយប្រហារដ៏សាហាវ
07/27/2026 07:07 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.