BTV NEWS

អតីតសកម្មជនគណបក្សប្រឆាំងចំនួន ៨៧នាក់ ចូលរួមជីវភាពនយោបាយជាមួយគណបក្សប្រជាជនកម្ពុជា នៅក្នុងស្រុកស្អាង និងស្រុកកោះធំ

រដ្ឋបាលរាជធានីភ្នំពេញ និងស្ថានទូតឥណ្ឌា ប្រារព្ធទិវាយោគៈអន្តរជាតិ ដើម្បីជំរុញសកម្មភាពកីឡា និងទេសចរណ៍

ក្រុមការងារគណបក្សចុះមូលដ្ឋានស្រុកលើកដែកណែនាំយុវជនរក្សាជាកម្លាំងសាមគ្គី

កម្ពុជា មានកម្រិតបរិយាបន្នហិរញ្ញវត្ថុ និងលទ្ធភាពទទួលសេវាហិរញ្ញវត្ថុខ្ពស់

ព័ត៌មានជាតិ

ជំរឿនស្ថិតិ៖ បច្ចុប្បន្នពលរដ្ឋខ្មែរប្រកបរបរកសិកម្មមានជាង ៥៤% ខណៈកាល១០ឆ្នាំ មុនមានជាង ៨០%

រយៈពេល១០ឆ្នាំចាប់ពីឆ្នាំ ២០១៣ រហូតដល់ឆ្នាំ ២០២៣ ការធ្វើកសិកម្មនៅកម្ពុជាមានការប្រែប្រួលជាខ្លាំង។ ភាពប្រែប្រួលគួរឱ្យកត់សម្គាល់មួយនោះគឺចំនួនគ្រួសារប្រកបរបរក គ្រួសារធ្វើកសិកម្ម បានធ្លាក់ចុះពីជាង ៨០ភាគរយនៅឆ្នាំ ២០១៣ មកត្រឹមជាង ៥៤ ភាគរយប៉ុណ្ណោះ នៅឆ្នាំ២០២៣។ នេះបើផ្អែកលើការបញ្ជាក់របស់ ឯកឧត្តម រិន វីរៈ ប្រធានក្រុមប្រឹក្សាភិបាលវិទ្យាស្ថានជាតិស្ថិតិ ក្នុងការប្រកាសផ្សព្វផ្សាយរបាយការណ៍ថ្នាក់ជាតិស្ដីពីលទ្ធផលចុងក្រោយនៃជំរឿនកសិកម្មឆ្នាំ២០២៣ ដែលប្រព្រឹត្តិទៅនៅថ្ងៃនេះ។ក្រសួងផែនការ ក្រោមកិច្ចសហការបច្ចេកទេសពី អង្គការស្បៀងនិង និងកសិកម្មនៃសហប្រជាជាតិ បានសម្រេចកិច្ចការជំរឿនកសិកម្មឆ្នាំ ២០២៣ និងឈានដល់ការប្រកាសលទ្ធផលផ្សព្វផ្សាយជាផ្លូវការនៅថ្ងៃនេះ។ ការប្រកាសលទ្ធផលនេះ ធ្វើឡើងក្រោមវត្តមាន ឯកឧត្តម ឧបនាយករដ្ឋមន្ត្រី សុខ ចិន្តាសោភា តំណាង សម្ដេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា ក៏ដូចជាវត្តមានឯកឧត្តម ប៊ិន ត្រឈៃ រដ្ឋមន្ត្រីក្រសួងផែនការ។ ជំរឿនកសិកម្មឆ្នាំ ២០២៣ ជាការរកឃើញនូវព័ត៌មាន ក៏ដូចជាទិន្នន័យថ្មី ដែលមានភាពប្រែប្រួលផ្សេងគ្នាលើវិស័យកសិកម្មនៅកម្ពុជាក្នុងរយៈពេលគម្លាត១០ឆ្នាំ ចាប់ពីការធ្វើជំរឿនកសិកម្មនៅឆ្នាំ ២០១៣ និងការធ្វើជំរឿនកសិកម្មឆ្នាំ ២០២៣។ឯកឧត្តម រិន វីរៈ បានលើកឡើងថា ជំរឿនកសិកម្មឆ្នាំ២០២៣នេះបង្ហាញឱ្យឃើញថា ចំនួនគ្រួសារធ្វើកសិកម្មបានធ្លាក់ចុះជាច្រើន។ ពោលគឺប្រមាណ ២៨ម៉ឺនគ្រួសារដែលឈប់ប្រកបរបរកសិកម្ម ក្នុងរយៈពេល ១០ឆ្នាំ ចាប់ពីឆ្នាំ ២០១៣ មកដល់ឆ្នាំ ២០២៣។ ឯកឧត្តម បញ្ជាក់ថា ការធ្លាក់ចុះគ្រួសារធ្វើកសិកម្ម គឺដោយសារពួកគេងាកទៅបំពេញការងារលើវិស័យផ្សេងហើយនេះជាភាពវិជ្ជមានបង្ហាញថាកម្ពុជាកាន់តែរីកចម្រើន។ ក្នុងពិធីប្រកាសផ្សព្វផ្សាយនេះដែរ លោកស្រី Rebekah Bell តំណាងអង្គការស្បៀងនិង និងកសិកម្មនៃសហប្រជាជាតិ ប្រចាំកម្ពុជា ដែលជាដៃគូសំខាន់ក្នុងការសម្រេចបានលទ្ធផលជំរឿនកសិកម្មនេះ លើកឡើងថា ទិន្នន័យដែលទទួលបានជាទិន្នន័យសំខាន់សម្រាប់កម្ពុជាទាំងមូល។ លោកស្រីបញ្ជាក់ដែរថា ទោះគ្រួសារធ្វើកសិកម្មមានការធ្លាក់ចុះក្ដី តែចំនួនផលិតកម្ម និងតម្លៃមានការកើនឡើង។ការស្រង់ទិន្នន័យអង្គភាពកសិកម្មនៅព្រះរាជាណាចក្រកម្ពុជា ត្រូវបានធ្វើឡើងដោយផ្អែកតាមនិយមន័យច្បាស់លាស់ស្ដីពី “អង្គភាពកសិកម្ម” ដែលសំដៅដល់អង្គភាពផលិតកម្មកសិកម្មមួយ ដែលមានទីតំាងមួយជាក់លាក់ ឬមានសកម្មភាពផលិតកម្មសំខាន់ដែល បង្កើតតម្លៃបន្ថែមមួយផ្នែកធំ ដែលមានយ៉ាងហោចណាស់ គឺត្រូវមានផ្ទៃដីដាំដុះដំណាំ ០,០៣ហិកតា និង/ឬ មានចិញ្ចឹមបសុសត្វ ប្រភេទ ធំយ៉ាងតិច ២ក្បាល និង/ឬ បសុសត្វប្រភេទតូចយ៉ាងតិច ៣ក្បាល និង/ឬ យ៉ាងហោចណាស់ មានបសុបក្សីចំនួន ២៥ក្បាល)៕ អត្ថបទ៖ គឹម ហុក

ក្រសួងបរិស្ថានគ្រោងចែកកូនឈើចំនួនបីលានដើមនៅឆ្នាំនេះក្នុងយុទ្ធនាការ«ពន្លកបៃតង»

ក្រសួងបរិស្ថាន គ្រោងចែកកូនឈើចំនួនបីលានដើម ដោយឥតគិតថ្លៃជូនប្រជាពលរដ្ឋក្នុងពិព័រណ៍ និងចែកកូនឈើ ក្រោមមូលបទ «ពន្លកបៃតង» ដែលនឹងរៀបចំធ្វើឡើងនៅអំឡុងខែសីហាខាងមុខនេះ។ឯកឧត្តមបណ្ឌិត អ៊ាង សុផល្លែត រដ្ឋមន្រ្តីក្រសួងបរិស្ថាន បានមានប្រសាសន៍ថា នៅឆ្នាំ២០២៥ នេះ ក្រសួងបរិស្ថាន នឹងរៀបចំពិព័រណ៍ និងចែកកូនឈើ ក្រោមមូលបទ «ពន្លកបៃតង» ដើម្បីចែកជូនកូនឈើដល់ប្រជាពលរដ្ឋដោយឥតគិតថ្លៃ ចំនួន៣លានដើម ក្នុងនោះមានកូនត្នោតចំនួន១លានដើមផង។ឯកឧត្ដម បានឱ្យដឹងយ៉ាងដូច្នេះ នៅព្រឹកថ្ងៃទី១៩ ខែឧសភានេះ ក្នុងពិធីបើកសិក្ខាសាលា ស្តីពី «មាគ៌ាបៃតង៖ ទំនាក់ទំនងរវាងការគ្រប់គ្រងតំបន់ទេសភាពជាមួយនឹងធនធានជីវៈចម្រុះ និងសេវាកម្ម ប្រព័ន្ធអេកូឡូស៊ីសម្រាប់អនាគតប្រកបដោយចីរភាព» ។ឯកឧត្តមរដ្ឋមន្រ្តី បានបន្តថា ការរៀបចំពិព័រណ៍ និងចែកកូនឈើនៅឆ្នាំនេះ នឹងរៀបចំធ្វើឡើង អធិកអធមជាងឆ្នាំមុន ដោយមានការអញ្ជើញជាអធិបតីភាពពីសម្តេចធិបតីបតី ហ៊ុន ម៉ាណែត នាយករដ្ឋមន្រ្តី និងលោកជំទាវបណ្ឌិត ពេជ ចន្ទមុន្នី ហ៊ុន ម៉ាណែត។ កម្មវិធីនេះ នឹងរៀបចំនៅថ្ងៃទី៥ ខែសីហា ឆ្នាំ២០២៥ នៅវិមានឈ្នះ ឈ្នះ។ដើម្បីអនុវត្តយុទ្ធសាស្ត្រកម្ពុជាបៃតង និងសម្រេចគោលដៅជាប្រទេសអព្យាក្រឹតកាបូន នៅ ឆ្នាំ២០៥០ ក្រសួងបរិស្ថាន បានដាក់ចេញយុទ្ធនាការបណ្តុះគំនិត «ពន្លកបៃតង» ដើម្បីជំរុញការបណ្តុះកូនឈើនៅតាមថ្នាលរបស់មន្ទីរបរិស្ថានទូទាំងប្រទេស និងបង្កើតថ្នាលបណ្តុះកូនឈើថ្នាក់តំបន់ចំនួន៥កន្លែងធំៗ នៅខេត្តត្បូងឃ្មុំ ខេត្តសៀមរាប ខេត្តមណ្ឌលគីរី ខេត្តកំពង់ស្ពឺ និងខេត្តកោះកុង ដើម្បីចែកកូនឈើជូនប្រជាពលរដ្ឋយកទៅដាំដោយឥតគិតថ្លៃ។ កូនឈើដែលក្រសួងបរិស្ថានបានបណ្តុះ និងចែកជូនសាធារណជន រួមមានប្រភេទឈើ៣ប្រភេទរួមមាន៖ ប្រភេទឈើប្រណីត ឈើហូបផ្លែ និងដើមត្នោត ៕ អត្ថបទ៖ ទូច សោភ័ណ

ត្រីមាសទី១ឆ្នាំនេះការនាំចេញផលិតផលផ្នែកវិស័យវាយនភ័ណ្ឌកាត់ដេររបស់កម្ពុជាកើនជាង២០%

មន្រ្តីជាន់ខ្ពស់នៃរាជរដ្ឋាភិបាលកម្ពុជា និងអ្នកនាំចេញ បានឲ្យដឹងថា គិតត្រឹមត្រីមាសទី១ ដើមឆ្នាំ២០២៥នេះ ការនាំចេញផលិតផលខាងផ្នែកវិស័យវាយនភ័ណ្ឌកាត់ដេរ មានការកើនឡើងប្រមាណជាង២០% គិតជាទឹកប្រាក់សរុបប្រមាណ ៣,៥ពាន់លានដុល្លារអាម៉េរិក ដោយសារការបញ្ជាទិញងាកមកកាន់កម្ពុជាច្រើន និងកត្តាសំខាន់ៗមួយចំនួនផ្សេងទៀត។ឯកឧត្តម ស៊ុន មេសា អ្នកនាំពាក្យក្រសួងការងារ និងបណ្ដុះបណ្ដាលវិជ្ជាជីវៈ បានមានប្រសាសន៍ប្រាប់ព័ត៌មាន ប៊ីធីវី ឲ្យដឹងនៅព្រឹកថ្ងៃទី១៩ ខែឧសភានេះថា មូលហេតុដែលនាំឱ្យការនាំចេញរបស់កម្ពុជាមានការកើនឡើង មានដូចជា ដោយសារកំណើនការបញ្ជាទិញពីម្ចាស់ម៉ាកល្បីៗជាច្រើន ដែលត្រូវការផលិតផលមានគុណភាព និងការដេរទៀងទាត់ពីកម្ពុជា។ ហើយកិច្ចការនេះ ក៏មិនអាចកាត់ផ្តាច់បានឡើយ ចេញពីកត្តាអនុគ្រោះរបស់កម្ពុជាក្រោមគោលនយោបាយដ៏ត្រឹមត្រូវពីប្រមុខរាជរដ្ឋាភិបាល ដែលបានដាក់ចេញនូវការអនុគ្រោះសព្វបែបយ៉ាងទាំងផ្លូវច្បាប់ និងកត្តាផ្សេងៗទៀតជាដើមដើម្បីសម្រួលដល់រោងចក្រ ទៅដល់អ្នកវិនិយោគ ក៏ដូចជាដើម្បីសម្រួលដល់ការផ្លាស់ទីនៃរោងចក្រធំៗពីក្រៅ មកកាន់កម្ពុជាផងដែរ។ ឯកឧត្តម បានបន្តទៀតថា បន្ថែមពីនេះ ក្រសួងការងារ និងបណ្តុះបណ្តាលវិជ្ជាជីវៈ ដែលជាសេនាធិការរបស់រាជរដ្ឋាភិបាល ក៏បានលុបចោលនូវសេវាមួយចំនួនធំ ដើម្បីសម្រួលដល់អ្នកវិនិយោគក្នុងការបំពេញការងារកាន់តែស្រួល និងអាចជាកត្តាដែលមានប្រៀបឈ្នះក្នុងការប្រកួតប្រជែងកាន់តែខ្លាំងជាមួយប្រទេសដែលមានរបរដូចគ្នា ឬជាមួយដៃគូប្រជែងលើវិស័យកាត់ដេរផងដែរ។ ឧកញ៉ា លឹម តុង ប្រធានសមាគមផលិតផលធ្វើដំណើរ និងស្បែកនៅកម្ពុជា បានមានប្រសាសន៍ថា ពាក់ព័ន្ធក្នុងអនុវិស័យផលិតផលកាបូប និងស្បែកជើងនៅកម្ពុជា គិតក្នុងត្រីមាស ឆ្នាំ២០២៥ ការនាំចេញមានកំណើនប្រមាណជាង ២០%។ ដោយឡែក ការដាក់បញ្ជាទិញនៅកម្ពុជា បើគិតត្រឹមចុងខែមិថុនាខាងមុខនេះ គឺរក្សាស្ថានភាពប្រក្រតីជាធម្មតា ពោលមិនមានការប្រែប្រួលអ្វីនោះទេ។ ឧកញ៉ា បានបន្តថា និយាយចំពោះតែទីផ្សារសហរដ្ឋអាម៉េរិក គិតត្រឹមត្រីមាសទី១ឆ្នាំនេះ មានប្រហែលជា ៤០% នៃការនាំចេញស្បែកជើង។ ប៉ុន្តែដោយឡែក បើងាកមកមើលផលិតផលធ្វើដំណើរ និងកាបូបវិញ ភាគរយខ្ពស់ជាង គឺមានប្រមាណជិត ៨០%។យោងតាមទិន្នន័យពីការនាំចេញផលិតផលសម្លៀកបំពាក់ ស្បែកជើង និងផលិតផលធ្វើដំណើរនិងកាបូបរបស់កម្ពុជា ការសម្រេចបានក្នុងតម្លៃប្រមាណ ៣,៥ពាន់លានដុល្លារនេះ ក្នុងនោះ ការនាំចេញទៅអាម៉េរិក កើនឡើងជាង ២៥% , ទៅប៉ែកអឺរ៉ុប កើនជាង ២០%, ទៅជប៉ុនកើនជិត ២០% , ទៅចក្រភពអង់គ្លេស កើន ៥,៦% និងទៅអាស៊ាន មានការកើនឡើងប្រមាណ ២៤,០% ៕ អត្ថបទ៖ ឈិត បូរ៉ាវី

កម្ពុជាកំពុងបោះជំហានលើមាគ៌ាបៃតង ឆ្ពោះទៅរកអព្យាក្រឹត្យកាបូន និងការអភិវឌ្ឍប្រកបដោយចីរភាព

ប្រទេសកម្ពុជាកំពុងបោះជំហានយ៉ាងម៉ឺងម៉ាត់លើមាគ៌ាបៃតង ឆ្ពោះទៅរកអព្យាក្រឹត្យកាបូន និងការអភិវឌ្ឍប្រកបដោយចីរភាព។ នេះបើតាមប្រសាសន៍របស់ឯកឧត្តមបណ្ឌិត អ៊ាង សុផល្លែត រដ្ឋមន្រ្តីក្រសួងបរិស្ថាន បានថ្លែងក្នុងសិក្ខាសាលាស្តីពី «មាគ៌ាបៃតង៖ទំនាក់ទំនងរវាងការគ្រប់គ្រងតំបន់ទេសភាពជាមួយនឹងធនធានជីវៈចម្រុះ និងសេវាកម្មប្រព័ន្ធអេកូឡូស៊ីសម្រាប់អនាគតប្រកបដោយចីរភាព» នៅថ្ងៃទី១៩ ខែឧសភា ឆ្នាំ២០២៥ ស្ថិតនៅសណ្ឌាគារហ៊ីម៉ាវ៉ារី រាជធានីភ្នំពេញ។ឯកឧត្តមបណ្ឌិតបានថ្លែងបន្តថា កម្ពុជាបាននិងកំពុងចូលរួមយ៉ាងសកម្ម និងស្មើមុខស្មើមាត់ជាមួយសហគមន៍អន្តរជាតិក្នុងកិច្ចការពារបរិស្ថាន ការអភិរក្សជីវៈចម្រុះ ប្រព័ន្ធអេកូឡូស៊ី និងការឆ្លើយតបទៅនឹងការប្រែប្រួលអាកាសធាតុ។ ការផ្សារភ្ជាប់គោលនយោបាយបរិស្ថានជាតិ និងសកល ជាមួយនឹងការអនុវត្តជាក់ស្តែងនៅតាមមូលដ្ឋាន គឺជាគន្លឹះដ៏សំខាន់ក្នុងការបង្កើនសមត្ថភាព និងជីវភាពរស់នៅរបស់សហគមន៍មូលដ្ឋាន តាមរយៈការអភិវឌ្ឍនៅនឹងកន្លែង។ ឧទាហរណ៍ជាក់ស្តែងរួមមានការអភិវឌ្ឍនៅតំបន់ភ្នំគូលែន គិរីរម្យ និងភ្នំខ្នងផ្សារ ដែលធ្វើឡើងស្របតាមអនុសាសន៍ណែនាំ និងការយកចិត្តទុកដាក់ខ្ពស់ពីសំណាក់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា។ជាមួយគ្នានេះ ក្រុមការងារមូលនិធិបរិស្ថានសកល (GEF) ក៏បានវាយតម្លៃខ្ពស់ចំពោះការអនុវត្តគម្រោងរបស់កម្ពុជា ជាពិសេសក្រសួងបរិស្ថាន។ តាមរយៈវេទិកានេះ និងកិច្ចសហប្រតិបត្តិការនានា កម្ពុជានឹងបន្តចែករំលែកលទ្ធផល បទពិសោធន៍ និងគំនិតថ្មីៗ ដើម្បីលើកកម្ពស់ការគ្រប់គ្រងតំបន់ការពារទេសភាព ការការពារ និងអភិរក្សធនធានធម្មជាតិ ជីវៈចម្រុះ និងប្រព័ន្ធអេកូឡូស៊ី ស្របតាមយុទ្ធសាស្ត្រចក្រាវិស័យបរិស្ថាន និងរួមចំណែកដល់ចក្ខុវិស័យកម្ពុជាជាប្រទេសអព្យាក្រឹត្យកាបូននៅឆ្នាំ២០៥០។ឯកឧត្តមរដ្ឋមន្ត្រីក៏បានថ្លែងអំណរគុណយ៉ាងជ្រាលជ្រៅចំពោះលោកស្រី Allisar Chaker នាយកប្រចាំប្រទេសកម្ពុជារបស់កម្មវិធីអភិវឌ្ឍន៍សហប្រជាជាតិ (UNDP) មូលនិធិបរិស្ថានសកល (GEF) និងដៃគូពាក់ព័ន្ធផ្សេងទៀតដូចជា Wildlife Alliance, WCS, CI ចំពោះការគាំទ្ររបស់ពួកគេក្នុងការជំរុញការផ្លាស់ប្តូរឆ្ពោះទៅរកឯករាជ្យភាព ភាពធន់ដោយខ្លួនឯង និងការចូលរួមចំណែកយ៉ាងសកម្មក្នុងការដោះស្រាយបញ្ហាប្រែប្រួលអាកាសធាតុ។ ទន្ទឹមនឹងការងារអភិរក្សធនធានធម្មជាតិ ក្រសួងបរិស្ថានក៏ផ្តោតលើការអភិវឌ្ឍសហគមន៍ តាមរយៈគំនិតផ្តួចផ្តើមឱ្យមានគម្រោងស្រូវ និងការចិញ្ចឹមសត្វ (គោ ក្របី ជ្រូក មាន់ ត្រី) រួមទាំងការលើកកម្ពស់ការដាំបន្លែ និងផ្សិត ដើម្បីកសាងជីវភាពប្រកបដោយនិរន្តរភាព។ ដែលនេះជាដំណោះស្រាយរួមគ្នាជាមួយវិស័យជាច្រើនដូចជា ឧស្សាហកម្ម ថាមពល កសិកម្ម រុក្ខាប្រមាញ់ សំណល់ និងទឹក ដោយសង្កត់ធ្ងន់លើសារៈសំខាន់នៃកិច្ចសហប្រតិបត្តិការជាមួយអន្តរជាតិ និងសហគមន៍។ លើសពីនេះ កម្ពុជាក៏បានជំរុញគោលនយោបាយអាកាសធាតុ និងជីវៈចម្រុះ: ក្រសួងបានសម្រេចការងារជាច្រើនដូចជា៖ ផែនការយុទ្ធសាស្ត្រឆ្លើយតបនឹងការប្រែប្រួលអាកាសធាតុកម្ពុជា ២០២៤-២០៣៣ (នឹងប្រកាសផ្លូវការថ្ងៃទី២២ ឧសភា)។ របាយការណ៍ជាតិ២ឆ្នាំម្តង (BTR) ជូនលេខាធិការសហប្រជាជាតិស្តីពីការប្រែប្រួលអាកាសធាតុ។ ផែនការបង្ហាញផ្លូវជាតិក្នុងការកាត់បន្ថយឧស្ម័នមេតានកម្ពុជា (Cambodia Methane Road) ជូន UNFCCC។ និងបានកំពុងរៀបចំផែនការជាតិរួមចំណែកការឆ្លើយតបនឹងការប្រែប្រួលអាកាសធាតុ ដំណាក់កាលទី៣ (NDC3.0) និងធ្វើបច្ចុប្បន្នភាពយុទ្ធសាស្ត្រ និងផែនការសកម្មជាតិស្តីពីជីវៈចម្រុះ (NBSAP)។ កម្ពុជានឹងចុះហត្ថលេខាលើកិច្ចព្រមព្រៀងស្តីពីការអភិរក្ស និងការប្រើប្រាស់ជីវៈចម្រុះសមុទ្រប្រកបដោយចីរភាពនៅក្រៅដែនយុត្តាធិការជាតិ (BBNJ)៕ អត្ថបទ៖ទូច សោភ័ណ

សម្តេចរដ្ឋសភាធិបតី ឃួន សុដារី ស្វាគមន៍ការវិនិយោគរបស់អូស្រ្តាលីក្នុងវិស័យអប់រំនៅកម្ពុជា

សម្ដេចមហារដ្ឋសភាធិការធិបតី ឃួន សុដារី ប្រធានរដ្ឋសភានៃព្រះរាជាណាចក្រកម្ពុជា បានអនុញ្ញាតជូន លោកជំទាវ ហ្វ្រង់ស៊ី អាដាមសុន (Frances Adamson. AC) អភិបាលនៃរដ្ឋអូស្ត្រាលីខាងត្បូង ក្នុងឱកាសជួបសម្តែងការគួរសម និងពិភាក្សាការងារ នៅវិមានរដ្ឋសភា នាព្រឹកថ្ងៃទី១៩ ខែឧសភា ឆ្នាំ២០២៥ ក្នុងពេលដែលលោកជំទាវ បានដឹកនាំគណៈប្រតិភូមកបំពេញទស្សនកិច្ចនៅកម្ពុជា។សម្តេចប្រធានរដ្ឋសភា បានគូសបញ្ជាក់ថា វត្តមានរបស់ លោកជំទាវ នៅពេលនេះ បានឆ្លុះបញ្ចាំងឱ្យឃើញពី ឆន្ទៈ និងកិច្ចខិតខំប្រឹងប្រែងរបស់លោកជំទាវ ក្នុងការបន្ត ពង្រឹង និងពង្រីកទំនាក់ទំនងទ្វេភាគី កិច្ចសហប្រតិបត្តិការអន្តរជាតិ ជាពិសេសលើវិស័យអប់រំ រវាងប្រទេសយើងទាំងពីរ កម្ពុជា-អូស្ត្រាលី ឱ្យកាន់តែរឹងមាំ ជិតស្និទ្ធ និងស៊ីជម្រៅប្រកបដោយនវានុវត្តន៍បន្ថែមទៀត។ សម្តេចប្រធានរដ្ឋសភាបានគូសបញ្ជាក់ថា កម្ពុជាអូស្រ្តាលី មានទំនាក់ទំនងល្អជាមួយគ្នាតាំងពីឆ្នាំ ១៩៥២ មក។ សម្តេចបានថ្លែងអំណរគុណជូនប្រទេសអូស្រ្តាលី ដែលបានតួនាទីសំខាន់នៅក្នុងការស្វែងរកសុខសន្តិភាពនិងការអភិវឌ្ឍនៅកម្ពុជា។ជាពិសេសបេសកកម្មរបស់ឧត្តមសេនីយ៍ឯក ចន សេនដឺសុន (Jonh Sanderson) ដែលជា មេបញ្ជាការរបស់កងកម្លាំងអន្តរជាតិនៃអាជ្ញាធរបណ្តោះអាសន្នអង្គការសហប្រជាជាតិប្រចាំកម្ពុជា (UNTAC) ។សម្តេចរដ្ឋសភា ឃួន សុដារី បានគូសបញ្ជាក់ថាគិតចាប់ពី១៩៩៤ មកមាននិស្សិតកម្ពុជាប្រមាណ១ពាន់នាក់បានទទួលអាហារូបករណ៍ផ្លូវការរបស់អូស្រ្តាលី និងមាននិស្សិតខ្មែរប្រមាណ១ម៉ឺននាក់ផ្សេងទៀត បានទៅសិក្សានៅអូស្រ្តាលីជាលក្ខណៈឯកជន។ អូស្រ្តាលីជាប្រទេសមួយ ដែលមានប្រព័ន្ធអប់រំឈានមុខ ហើយពលរដ្ឋខ្មែរតែងតែប្រាថ្នាក់ចង់ទៅសិក្សានៅអូស្រា្តលី។ ដូច្នេះប្រសិនបើជាការវិនិយោគនៅវិស័យអប់រំនៅកម្ពុជាពីប្រទេសអូស្រា្តលី សម្តេចស្វាគមន៍ជានិច្ច ដោយ សម្តេចបានគូសបញ្ជាក់ ថាការវិនិយោគនៅកម្ពុជាមិនសំដៅតែលើកម្ពុជាប៉ុណ្ណោះទេ គេគួរសម្លឹងមើល អាស៊ាន និង RCEP (កិច្ចព្រមព្រៀងភាពជាដៃគូសេដ្ឋកិច្ចគ្រប់ជ្រុងជ្រោយ )ផងដែរ។ សម្តេចប្រធានរដ្ឋសភា ក៏បានរំលឹកដែរថា ខ្លួនសម្តេចផ្ទាល់ ក៏ជាអតីតនិស្សិតដែលបានជាប់អាហារូបការណ៍របស់អូស្រ្តាលី ប៉ុន្តែជាអកុសលនៅឆ្នាំ១៩៧៥ ដោយសារពួកប៉ុលពតឡើងគ្រប់គ្រងប្រទេស សម្តេចមិនបានចេញទៅសិក្សានៅប្រទេសអូស្រ្តាលីនោះទេ។ តាមរយៈលោកជំទាវ ប្រធានគណៈប្រតិភូ សម្តេចប្រធានរដ្ឋសភា បានស្នើដល់រដ្ឋាភិបាលអូស្រ្តាលី បន្តផ្តល់អាហារូបករណ៍មកដល់និស្សិតកម្ពុជា ដើម្បីបានបន្ដសិក្សានៅអូស្រ្តាលី ជាពិសេសក្នុងរដ្ឋអូស្រ្ដាលីខាងត្បូងបន្ថែមទៀត។ លោកជំទាវ ហ្វ្រង់ស៊ីស អាដាមសុន បានថ្លែងអំណរគុណយ៉ាងជ្រាលជ្រៅជូនសម្តេចប្រធានរដ្ឋសភា ដែលបានចំណាយពេលវេលាដ៏មានតម្លៃនិងមមាញឹកទទួលជួបពិភាក្សាការងារនាឱកាសនេះ។ លោកជំទាវលើកឡើងថា កម្ពុជានិងអូស្រ្តាលីមានទំនាក់ទំនងយ៉ាងជិតស្និទ្ធ ចាប់ពីថ្នាក់ដឹកនាំរហូតដល់ប្រជាពលរដ្ឋ។ ពលរដ្ឋអូស្រ្តាលី បានស្គាល់ច្បាស់សម្តេចតេជោ ហ៊ុន សែន និងសម្តេចធិបតី ហ៊ុន ម៉ាណែត។ លោកជំទាវ បានរំលឹកថា កាលពីឆ្នាំកន្លងទៅ សម្តេចតេជោ ហ៊ុន សែន បានបំពេញទស្សនកិច្ចនៅប្រទេសអូស្រ្តាលី ដែលដំណើរទស្សនកិច្ចនោះ បានជំរុញទំនាក់ទំនងប្រទេសទំាងពីរកាន់តែរឹងមាំឡើង។ នៅក្នុងឱកាសនោះ លោកជំទាវ ហ្វ្រង់ស៊ីស អាដាមសុន និងសម្តេចប្រធានរដ្ឋសភា បានពិភាក្សាគ្នាយ៉ាងស្និទ្ធស្នាលនិងបើកចំហរអំពីកិច្ចសហប្រតិបត្តិការរវាងប្រទេសទំាងពីរ លើគ្រប់វិស័យទំាងស្ថាប័ននីតិប្បញ្ញត្តិនិងនីតិប្រតិបត្តិ រួមមានការងារទូត វិនិយោគ ពាណិជ្ជកម្ម ទេសចរណ៍ សមភាពយេនឌ័រ ការបណ្ដុះបណ្ដាលវិជ្ជាជីវៈ (TVET ) ជា ពិសេសវិស័យអប់រំនិងបច្ចេកវិទ្យា ជាដើម។ សម្តេចប្រធានរដ្ឋសភា បានលើកឡើងថា ក្នុងស្ថានការណ៍តំបន់ និងសកលលោកនាពេលបច្ចុប្បន្ន មានការវិវត្តន៍ប្រែប្រួល និងផ្លាស់ប្តូរយ៉ាងឆាប់រហ័ស ពោរពេញដោយភាពមិនប្រាកដប្រជា ភាពស្មុគស្មាញ និងផុយស្រួយ ដោយសារតែការប្រកួតប្រជែងភូមិសាស្រ្តនយោបាយមានសភាពកាន់តែធ្ងន់ធ្ងរទៅៗជារៀងរាល់ថ្ងៃនោះ ការភ្ជាប់ទំនាក់ទំនងគ្នាទាំងការងារការទូតរដ្ឋាភិបាល និងរដ្ឋសភា ពិតជាមានសារៈសំខាន់ ក្នុងការរួមចំណែកបន្ធូរបន្ថយភាពតានតឹង និងជម្លោះ ព្រមទាំងការលើកកម្ពស់វិធានការកសាងទំនុកចិត្ត មិត្តភាព ផ្អែកលើការជឿទុកចិត្តគ្នា និងគោរពគ្នាជានិច្ច៕

អណ្តូងទឹកស្អាតចំនួន១២ អំណោយឪពុកម្តាយសម្តេចតេជោ និងសម្តេចកិត្តិព្រឹទ្ធបណ្ឌិតប្រគល់ជូនប្រជាពលរដ្ឋនៅស្រុកវាលវែង ខេត្តពោធិ៍សាត់

នៅព្រឹកថ្ងៃទី១៩ ខែឧសភា ឆ្នាំ២០២៥ នេះ លោកជំទាវ ឌី សុខខីទីឃាយុកោ ហ៊ុន ម៉ានិត ប្រធានមូលនិធិអណ្តូងទឹកស្អាត អ្នកឧកញ៉ាមហាភក្តីសប្បុរិសភោគាធិបតី ហ៊ុន នាង និងឧបាសិកា ឌី បុក បានអញ្ជើញដឹកនាំក្រុមការងារចុះប្រគល់អណ្ដូងទឹកស្អាតចំនួន១២ ដែលជាអំណោយដ៏ថ្លៃថ្លា របស់ឪពុកម្តាយសម្តេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ជូនដល់បងប្អូនប្រជាពលរដ្ឋ នៅឃុំប្រមោយ ស្រុកវាលវែង ខេត្តពោធិសាត់។នៅក្នុងពិធីប្រគល់អណ្ដូងទឹកស្អាតចំនួន១២នេះ នៅតាមទីតាំងអណ្ដូងទឹកនីមួយៗលោកជំទាវ ឌី សុខខីទីឃាយុកោ ប្រធានមូលនិធិ បានមានប្រសាសន៍សំណេះ សំណាលជាមួយបងប្អូនប្រជាពលរដ្ឋ ដែលទទួលអាស្រ័យផលអណ្ដូងទឹកស្អាតទាំងនេះ ព្រមទាំងបានពាំនាំនូវការផ្ដាំផ្ញើសួរសុខទុក្ខពីសំណាក់សម្ដេចតេជោ ហ៊ុន សែន និងសម្ដេចកិត្តព្រឹទ្ធបណ្ឌិត ប៊ុន រ៉ានី ហ៊ុនសែន, សម្តេចធិបតី ហ៊ុន ម៉ាណែត និងលោកជំទាវបណ្ឌិត ពេជ ចន្ទមុន្នី ហ៊ុនម៉ាណែត ដែលលោកទាំងអស់តែងតែយកចិត្តទុកដាក់ ដល់បងប្អូនប្រជាពលរដ្ឋ គ្រប់ពេលវេលា និងគ្រប់ទីកន្លែង។លោកជំទាវបានអោយដឹងថា មូលនិធិអណ្តូងទឹកស្អាត បានបង្កើតឡើងជាង១០ឆ្នាំមកហើយ ក្រោមការដឹកនាំរបស់លោកជំទាវបណ្ឌិត ពេជ ចន្ទមុន្នី ហ៊ុន ម៉ាណែត តែពេលនេះ លោកបានផ្ទេភារកិច្ច មកលោកជំទាវជាអ្នកដឹកនាំបន្ត សម្រាប់ធ្វើអណ្តូងទឹកជូនប្រជាពលរដ្ឋនៅតាមតំបន់ណា ដែលមានការខ្វះទឹកស្អាតប្រើប្រាស់ ដើម្បីរួមចំណែកលើកកម្ពស់សុខប្រជាពលរដ្ឋ នៅតាមទីជនបទ។ជាក់ស្តែងដូចជាតំបន់នេះ ដោយមើលឃើញពីតម្រូវការនៃការខ្វះខាតទឹកប្រើប្រាស់ទើបក្រុមការងារ បានរៀបចំដាក់អណ្ដូងទឹកស្អាតជូនដល់បងប្អូន ប្រជាពលរដ្ឋនៅទីនេះបានប្រើប្រាស់តាមតម្រូវការ ដើម្បីឲ្យការរស់នៅកាន់តែមានភាពងាយស្រួល។ក្រុមប្រជាពលរដ្ឋដែលបានអាស្រ័យ អណ្តូងទឹកស្អាតទាំង សូមគោរពថ្លែងអំណរ គុណ ដល់ម្ចាស់អំណោយ ជាពិសេសសម្តេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ដែលបានធ្វើអណ្តូងជូនពួកគាត់បានប្រើប្រាស់ប្រចាំថ្ងៃ។សូមជម្រាប់ថានាឱកាសនោះដែរ លោកជំទាវ ឌី សុខខីទីឃាយុកោ ហ៊ុន ម៉ានិត ក៏បាននាំយកនូវអំណោយសម្ដេចតេជោ ហ៊ុន សែន និងសម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ដែលមានជាសំភារៈប្រើប្រាស់មួយចំនួន ដូចជាថ្នាំពេទ្យ សារ៉ុង ក្រម៉ា ក្រណាត់ស និងសាប៊ូដុសខ្លួន ជូនដល់បងប្អូនប្រជាពលរដ្ឋដែលបានចូលរួមទាំងអស់,ចែកជូននូវកាតាប ស្ពាយសម្រាប់ដាក់សម្ភារៈសិក្សាទៅសាលា ជូនដល់កុមារាកុមារី សិស្សានុសិស្សតូចៗ និងចែករទេះរុញសម្រាប់ជនមានពិការភាព និងចាស់ជរាផងដែរ៕ អត្ថបទ៖ សំ ងីម

ពលរដ្ឋនៅភ្នំពេញនាំគ្នាចាក់វ៉ាក់សាំងការពារជំងឺកូវីដ-១៩បន្ថែម តាមការអំពាវនាវរបស់ក្រសួងសុខាភិបាល

បងប្អូនប្រជាពលរដ្ឋ ក្មេង ចាស់ ប្រុស ស្រី រស់នៅក្នុងមូលដ្ឋានរាជធានីភ្នំពេញ បាននាំគ្នាទៅទួលវ៉ាក់សាំងការពារជំងឺកូវីដ-១៩ ដូសជំរុញ និងផ្តល់វ៉ាក់សាំង១១មុខ និងថ្នាំគ្រាប់ជីវជាតិអា (A) និងថ្នាំគ្រាប់ទម្លាក់សត្វល្អិត ជូនដល់កុមារ និងស្រី្ត ពីក្រុមគ្រូពេទ្យមនី្ទរសុខាភិបាល នៃរដ្ឋបាលរាជធានីភ្នំពេញ ស្ថិតក្នុងសង្កាត់ក្រាំងធ្នង់ ខណ្ឌសែនសុខ រាជធានីភ្នំពេញ។ការផ្ដល់ជូនវ៉ាក់សាំង ការពារជំងឺកូវីដ-១៩ ដូសជំរុញ ទី៥ ទី៦ និងទី៧ ព្រមទាំងកុមារ មកទទួលវ៉ាក់សាំងការពារជំងឺ១១មុខ និងថ្នាំគ្រាប់ជីវជាតិអា (A) ថ្នាំគ្រាប់ទម្លាក់សត្វល្អិត និងស្រី្ត ទទួលវ៉ាក់សាំងការពារជំងឺតេតាណូស ដែលមានអាយុចាប់ពី១៥ឆ្នាំ រហូតដល់៤៤ឆ្នាំ បានរៀបចំដោយមនី្ទរសុខាភិបាលនៃរដ្ឋបាលរាជធានីភ្នំពេញ ការិយាល័យសុខាភិបាលស្រុកប្រតិបត្តិសែនសុខ និងក្រុមគ្រូពេទ្យមណ្ឌលសុខភាពក្រាំងធ្នង់។ក្នុងឱកាសទទួលវ៉ាក់សាំងថ្ងៃនេះ មានទាំងមន្រ្ដីមូលដ្ឋាន ប្រជាពលរដ្ឋ ដោយបង្ហាញក្ដីរីករាយដែលក្រុមការងារគ្រូពេទ្យ បើកយុទ្ធនាការចុះចាក់វ៉ាក់សាំងបន្ថែម តាមតំបន់គោលដៅក្នុងសហគមន៍ ពិសេសការចុះផ្តល់វ៉ាក់សាំងនេះបានទាំងពីរមុខតែម្តង សម្រាប់មនុស្សពេញ ចាក់វ៉ាក់សាំងការពារជំងឺកូវីដ-១៩ ដូសជំរុញ និងសម្រាប់កុមារ ចាក់វ៉ាក់សាំងការពារជំងឺ១១ផងដែរ។ បើតាមលោកវេជ្ជបណ្ឌិត អ៊ុក សាន់ដេ ប្រធានកម្មវិធីផ្តល់ថ្នាំបង្ការ នៃការិយាល័យសុខាភិបាលស្រុកប្រតិបតិ្តសែនសុខ (ហៅកាត់ OD សែនសុខ) បានឱ្យដឹងថា មនី្ទរសុខាភិបាលនៃរដ្ឋបាលរាជធានីភ្នំពេញ បានចុះមករៀបចំផ្តល់វ៉ាក់សាំងបន្ថែម ជូនដល់បងប្អូនប្រជាពលរដ្ឋស្ថិតនៅតំបន់ភូមិក្រាំងអង្រ្កង ផ្តោតសំខាន់ទៅលើការផ្តល់វ៉ាក់សាំងបង្ការជំងឺ១១មុខដល់កុមារ អាយុចាប់ពី៦ខែ ដល់ក្រោម១៥ឆ្នាំ និងផ្តល់វ៉ាក់សាំងការពារជំងឺកូវីដ-១៩ ដូសជំរុញ។ក្នុងឱកាសនោះលោកវេជ្ជបណ្ឌិត ប៉ូ រិទី្ធ អនុប្រធានមនី្ទរសុខាភិបាល នៃរដ្ឋបាលរាជធានីភ្នំពេញ បានអំពាវនាវដល់បងប្អូនប្រជាពលរដ្ឋទាំងអស់ ចូលរួមការពារខ្លួនពីការឆ្លងជំងឺកូវីដ-១៩ ដោយពាក់ម៉ាស់នៅគ្រប់ទីកន្លែង ដែលមានមនុស្សច្រើន លាងស្អាតដៃឲ្យបានញឹកញាប់ ក្នុងករណីដឹងថាខ្លួនមានអាការៈក្តៅខ្លួន ផ្តាសាយ សូមពាក់ម៉ាស់ ដើម្បីការពារទប់ស្កាត់កុំឲ្យឆ្លងទៅអ្នកដទៃ ក៏ដូចជាក្នុងក្រុមគ្រួសារ ព្រមទាំងអនុវត្តឲ្យបានខ្ជាប់ខ្ជួន តាមសេចកី្តប្រកាសព័ត៌មានរបស់ក្រសួងសុខាភិបាល ស្តីពីការបង្កើនការពារខ្លួនពីការឆ្លងវីរុសកូវីដ-១៩ផងដែរ៕ អត្ថបទ រដ្ឋា

នាវិកកម្ពុជាហ្វឹកហ្វឺន ត្រៀមធ្វើសមយុទ្ធកងទ័ពជើងទឹកនាគមាស ឆ្នាំ២០២៥ជាមួយភាគីចិន

សកម្មភាពរបស់នាវិកកម្ពុជា ធ្វើការហ្វឹកហ្វឺន ដើម្បីត្រៀមធ្វើសមយុទ្ធកងទ័ពជើងទឹកជាមួយភាគីចិនដែលមានឈ្មោះថា«នាគមាសឆ្នាំ២០២៥» នៅលើផ្ទៃសមុទ្រ ខេត្តព្រះសីហនុ ខណៈសកម្មភាពនេះគឺផ្តោតសំខាន់លើការហ្វឹកហាត់ បង្ក្រាបបទបល្មើសលើសាឡង់ លើផ្ទៃសមុទ្រ និងសង្គ្រោះមនុស្សធម៌, ហ្វឹកហាត់ កងប្រតិបត្តិរុករក និងសង្រ្គោះ៧០៨ បង្ក្រាបភេរវកម្ម និងរំដោះចំណាប់ខ្មាំងជាដើម។សូមបញ្ជាក់ថា កងទ័ពជើងទឹកកម្ពុជា និងចិន បានកំពុងធ្វើសមយុទ្ធរួមគ្នាដោយចាប់ពីថ្ងៃទី១៤ ដល់ថ្ងៃទី២៦ ខែឧសភា ឆ្នាំ២០២៥នេះលើប្រធានបទ«ប្រតិបត្តិការប្រឆាំង ភេរវកម្មរួមគ្នា និងការងារ សង្រ្គោះមនុស្សធម៌» នៅដែនទឹកអធិបតេយ្យភាពរបស់កម្ពុជា ស្ថិតនៅក្នុងចន្លោះកោះរ៉ុង និងកោះតាង ខេត្តព្រះសីហនុ ដោយនាវិកកម្ពុជាប្រើប្រាស់នាវាចំនួន១២គ្រឿង, ឧទ្ធម្ភាគចក្រចំនួន ៤គ្រឿង រួមទាំងសម្ភារៈ និងសព្វាវុធជាច្រើនទៀត ខណៈភាគីចិនប្រើប្រាស់នាវាខ្នាតធំចំនួន ៣គ្រឿង ឧទ្ធម្ភាគចក្រ២គ្រឿង រួមទាំងឧបករណ៍ស៊ើបការណ៍ និងអាវុធធន់ស្រាល និងធ្ងន់ជាច្រើនទៀត។ទាក់ទងនឹងការធ្វើសមយុទ្ធកងទ័ពជើងទឹក«នាគមាសឆ្នាំ២០២៥»នេះដែរ បញ្ជាការដ្ឋានកងទ័ព ជើងទឹក ក៏ដូចជាអគ្គលេខាធិការដ្ឋាន នៃគណៈកម្មាធិការជាតិសន្តិសុខសម្ហសមុទ្រ ក៏បានចេញសេចក្តីជូនដំណឹងដល់បងប្អូនប្រជាពលរដ្ឋ ក៏ដូចជាបងប្អូនប្រជានេសាទ ភ្ញៀវជាតិ និងអន្តរជាតិ កុំឲ្យធ្វើចរាចរណ៍ ឬ ក៏ធ្វើសកម្មភាពនានាជុំវិញតំបន់សមយុទ្ធខាងលើ និងកុំមានការភាន់ច្រឡំពេលឮសំឡេងកាំភ្លើង រួមជា មួយការចល័តកងទ័ព នាវាចម្បាំលើផ្ទៃសមុទ្រ និងយន្តចម្បាំងហោះនៅលើអាកាសតាមពេលវេលាខាង លើ ជាពិសេសថ្ងៃទី២៣ និងថ្ងៃទី២៦ ខែឧសភា ឆ្នាំ២០២៥នេះ ខណៈសកម្មភាពនេះគ្រាន់តែជាសមយុទ្ធ នាគមាស ឆ្នាំ២០២៥ប៉ុណ្ណោះ៕ អត្ថបទ៖ បាន ចក់

រដ្ឋបាលខេត្តកំពង់ឆ្នាំងកំពុងអភិវឌ្ឍ ទាញវិនិយោគលើវិស័យឧស្សាហកម្ម កាត់ដេរ និងមានសក្តានុពលសម្រាប់វិស័យទេសចរណ៍

កំពង់ឆ្នាំង៖ កំពង់ឆ្នាំង នាពេលបច្ចុប្បន្ន ក្រោមការដឹកនាំរបស់ឯកឧត្តម ស៊ុន សុវណ្ណារិទ្ធិ អភិបាលខេត្ត គឺជាខេត្តមួយកំពុងអភិវឌ្ឍ សម្រាប់ទាក់ទាញអ្នកវិនិយោគលើវិស័យឧស្សាហកម្ម កាត់ដេរ និងមានសក្តានុពលលើវិស័យទេសរណ៍ ដែលជាកត្តារុញខេត្តមួយនេះ មានការរីកចម្រើនលើគ្រប់វិស័យ នាពេលបច្ចុប្បន្នក៏ដូចជាទៅថ្ងៃអនាគត។ឯកឧត្តម ស៊ុន សុវណ្ណារិទ្ធិ អភិបាលខេត្តបានថ្លែងទៀតថា៖ ខេត្តកំពង់ឆ្នាំង ជាខេត្តមួយនៅក្បែររាជធានីភ្នំពេញ ធ្វើដំណើរតែជាង១ម៉ោងមកដល់។ រដ្ឋបាលេត្តកំពង់ឆ្នាំង កំពុងអភិវឌ្ឍជាបន្តបន្ទាប់ឥតឈប់ឈរ នាំអោយខេត្តកំពង់ឆ្នាំង មានផ្លូវកៅស៊ូAC, ផ្លូវកៅស៊ូDBST, ផ្លូវបេតុង, ផ្លូវគ្រួសក្រហម និងដីស មានទឹកស្អាត និងប្រព័ន្ធភ្លើងទៅដល់គ្រប់ទីជនបទ ធ្វើអោយប្រជាពលរដ្ឋរស់នៅតាមជនបទ នៅកៀកកិតជាមួយទីក្រុងផងដែរ។ វិស័យឧស្សាហកម្ម និងកាត់ដេរនៅខេត្តកំពង់ឆ្នាំង ក៏កំពុងអភិវឌ្ឍផងដែរ ដោយនៅក្នុងខេត្តមានកម្មករកម្មការនីនៅតាមរោងចក្រ ប្រមាណជិត៨ម៉ឺននាក់ រោងចក្រសហគ្រាសមានចំនួន៤៨៩កន្លែង និងប្រាក់ខែសរុប១៦លានដុល្លាអាមេរិក បានហូរចូលក្នុងខេត្តកំពង់ឆ្នាំង និងខេត្តជិតខាង។ ដោយឡែកវិស័យទេសចរណ៍វិញ ខេត្តកំពង់ឆ្នាំង មានរមណីយដ្ឋានវប្បធម៌ និងធម្មជាតិចំនួន២៤កន្លែង។ រមណីយដ្ឋានវប្បធម៌ធម្មជាតិ មានចំនួន១៤កន្លែង រមណីយដ្ឋានទេសចរណ៍វប្បធម៌ប្រវត្តិសាស្រ្ត មានចំនួន ១០កន្លែង និងតំបន់ទេសចរណ៍គោលដៅចំនួន ៣កន្លែង។ រដ្ឋបាលខេត្តកំពង់ឆ្នាំង បានរៀបចំគោលដៅទេសចរណ៍មួយចំនួនសម្រាប់ភ្ញៀវទេសចរទៅកម្សាន្ត គឺតំបន់ភ្នំព្រះ តំបន់ទឹកធ្លាក់ថ្មក្រាល តំបន់ទឹកធ្លាក់ស្រែអំពិល ទំបន់ទ្វារទឹកគង្គារ និងតំបន់ទេសចរណ៍ប្រវត្តិសាស្រ្តមួយចំនួនផងដែរ ។ លើសពីនេះ ខេត្តកំពង់ឆ្នាំង ក៏ទទួលបានទេសចរពីតំបន់ទេសចរណ៍វប្បធម៌ប្រវត្តិសាស្រ្តផងដែរ ក្នុងនោះរួមមាន ប្រាសាទភ្នំដារ, ប្រាសាទប្រុស-ស្រី, ប្រាសាទកំពង់ព្រះ, វត្តត្រឡែងកែង, ប្រាសាទស្លុតី, ភ្នំតារាជ, ស្ថានីយ៍បុរេប្រវត្តិសំរោងសែន, ប្រាសាទពណ្ណរាយជាដើម។ ខេត្តកំពង់ឆ្នាំងបច្ចុប្បន្ន ក៏មានសណ្ឋាគារ ផ្ទះសំណាក់ និងភោជានីយដ្ឋានជាង២០០កន្លែងផងដែរ សំរាប់ទទួលភ្ញៀវទេសចរជាតិ អន្តរជាតិ៕ កាំង ហុងវាស្នា

រយៈពេល៤ខែ ដើមឆ្នាំ២០២៥ អាវុធហត្ថរាជធានីភ្នំពេញ បានសម្របសម្រួល និងដោះស្រាយជូនប្រជាពលរដ្ឋ តាមរយៈលេខ១២៩១ សរុប ៦៣០ករណី

រយៈពេល៤ខែ ដើមឆ្នាំ២០២៥ កម្លាំងកងរាជអាវុធហត្ថរាជធានីភ្នំពេញ បានសម្របសម្រួល និងដោះស្រាយជូនប្រជាពលរដ្ឋ នៅក្នុងរាជធានីភ្នំពេញ តាមរយៈលេខ១២៩១ សរុប ៦៣០ករណី ។អាវុធហត្ថរាជធានីភ្នំពេញ ប្រាប់ឲ្យដឹងថា ១២៩១ គឺជាលេខទូរស័ព្ទបន្ទាន់ របស់កងរាជអាវុធហត្ថរាជធានីភ្នំពេញ ដែលផ្តួចផ្តើមបំពាក់ឡើងដោយលោក ឧត្តមសេនីយ៍ឯក រ័ត្ន ស្រ៊ាង មេបញ្ជាការរង កងរាជអាវុធហត្ថលើផ្ទៃប្រទេស មេបញ្ជាការ កងរាជអាវុធហត្ថរាជធានីភ្នំពេញ ក្នុងគោលបំណងបម្រើជូនប្រជាពលរដ្ឋក្នុងភូមិសាស្រ្តរាជធានីភ្នំពេញ ធ្វើការទំនាក់ទំនងផ្តល់ព័ត៌មានអំពីហេតុការណ៍បន្ទាន់ ឬបទល្មើសគ្រប់ប្រភេទ ជាពិសេសសម្រាប់ប្រជាពលរដ្ឋធ្វើការប្តឹងបន្ទាន់ចំពោះបញ្ហាដែលពួកគាត់ជួបប្រទះក្នុងជីវភាពប្រចាំថ្ងៃ។ក្នុងរយៈកាលកន្លងមក ពេលបានទទួលសេចក្តីរាយការណ៍ និងបណ្តឹងប្រចាំថ្ងៃ តាមរយៈលេខទូរស័ព្ទបន្ទាន់១២៩១ ហើយកម្លាំងអាវុធហត្ថរាជធានីភ្នំពេញ ក៏បានចុះជួយដោះស្រាយជូនប្រជាពលរដ្ឋភ្លាមៗ ទាន់សភាពការណ៍ប្រកបដោយភាពកក់ក្តៅបំផុត។ ជាក់ស្តែង ហេតុការណ៍បន្ទាន់ដែល អាវុធហត្ថរាជធានីភ្នំពេញ បានជួយសម្របសម្រួល និងដោះស្រាយជូនពលរដ្ឋតាមរយៈ សេចក្តីរាយការណ៍ និងបណ្តឹងតាមលេខទូរស័ព្ទបន្ទាន់១២៩១ រយៈពេល ០៤ខែ ដើមឆ្នាំ២០២៥នេះ សរុបបានចំនួន ៦៣០ករណី ក្នុងនោះមានដូចជា៖ ករណីហិង្សា, ករណីបែកថ្នាំអុកឡុកគ្រួសារ, ករណីដេញកាប់ប្លន់យកម៉ូតូ, ករណីក្មេងទំនើង, ករណីគ្រោះថ្នាក់ចរាចរណ៍, ករណីអគ្គិភ័យ, ករណីចាក់ធុងបាសរំខានអ្នកជិតខាងនាពេលអាធ្រាត, ករណីលួច, ករណីទំនាស់អ្នកជិតខាង, ករណីចែកចាយនិងប្រើប្រាស់គ្រឿងញៀន និងមានករណីផ្សេងៗទៀតជាច្រើន ដែលជាកង្វល់របស់ប្រជាពលរដ្ឋ ត្រូវការជំនួយជាចាំបាច់។បើសិនជាបងប្អូនប្រជាពលរដ្ឋ នៅក្នុងរាជធានីភ្នំពេញ បានជួបហេតុការណ៍ត្រូវការអន្តរាគមន៍បន្ទាន់ ពីកងរាជអាវុធហត្ថរាជធានីភ្នំពេញ សូមបងប្អូនហៅទូរស័ព្ទទៅកាន់លេខ១២៩១ ឬ អាចទាក់ទងតាមបណ្តាញ Telegram, WhatsApp, CoolApp របស់កងរាជអាវុធហត្ថរាជធានីភ្នំពេញ ដែលមានលេខ 031 5555 669 ឬអាចឆាតទៅកាន់ផេកហ្វេសប៊ុករបស់កងរាជអាវុធហត្ថរាជធានីភ្នំពេញ ដែលមានឈ្មោះថា Phnom Penh Gendarmerie។ អាវុធហត្ថរាជធានីភ្នំពេញ ក៏សូមអភ័យទោសផងដែរ ប្រសិនបើបងប្អូនពុំមានការចាំបាច់ជាក់ស្តែងអ្វីទេ សូមមេត្តាកុំហៅទូរស័ព្ទទៅរំខានក្រុមការងារ ដើម្បីទុកពេលវេលាឲ្យក្រុមការងារ បម្រើពលរដ្ឋផ្សេងទៀតដែលត្រូវការជំនួយបន្ទាន់ពិតប្រាកដ៕ តារាវុទ្ធី

បណ្ដាញសង្គម

ព័ត៌មានថ្មីៗ

ការវាយប្រហាររបស់អ៊ីស្រាអែលបានសម្លាប់មនុស្ស ៦នាក់នៅហ្កាហ្សា រួមទាំងអ្នកថតរូបរបស់ Al Jazeera ផងដែរ

សាកសពជនអន្តោប្រវេសន៍ ១៥ នាក់ ត្រូវបានអណ្តែតទើលើច្រាំងសមុទ្រនៅភាគខាងកើតប្រទេសលីប៊ី

លោក TRUMP គំរាមយកថ្លៃសេវាឆ្លងកាត់ច្រកសមុទ្រ HORMUZ បើកិច្ចព្រមព្រៀងចុងក្រោយជាមួយអ៊ីរ៉ង់បរាជ័យក្នុងពេល៦០ថ្ងៃ

អឺរ៉ុបកំពុងរងការគំរាមកំហែងពីរលកកម្ដៅខ្ពស់ ខណៈបារាំង រឹតត្បិតការប្រើប្រាស់គ្រឿងស្រវឹង

ក្រសួងព័ត៌មានជំរុញការផលិតមាតិកាទំនើប ដើម្បីប្រសិទ្ធភាពផ្សព្វផ្សាយក្នុងសម័យឌីជីថល

ក្រុមការងារចុះមូលដ្ឋានស្រុកជលគីរី ជំរុញអាជ្ញាធរឃុំបង្កើនគុណភាពសេវាសាធារណៈ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានជាតិ

ជំរឿនស្ថិតិ៖ បច្ចុប្បន្នពលរដ្ឋខ្មែរប្រកបរបរកសិកម្មមានជាង ៥៤% ខណៈកាល១០ឆ្នាំ មុនមានជាង ៨០%

ក្រសួងបរិស្ថានគ្រោងចែកកូនឈើចំនួនបីលានដើមនៅឆ្នាំនេះក្នុងយុទ្ធនាការ«ពន្លកបៃតង»

ត្រីមាសទី១ឆ្នាំនេះការនាំចេញផលិតផលផ្នែកវិស័យវាយនភ័ណ្ឌកាត់ដេររបស់កម្ពុជាកើនជាង២០%

កម្ពុជាកំពុងបោះជំហានលើមាគ៌ាបៃតង ឆ្ពោះទៅរកអព្យាក្រឹត្យកាបូន និងការអភិវឌ្ឍប្រកបដោយចីរភាព

សម្តេចរដ្ឋសភាធិបតី ឃួន សុដារី ស្វាគមន៍ការវិនិយោគរបស់អូស្រ្តាលីក្នុងវិស័យអប់រំនៅកម្ពុជា

ពលរដ្ឋនៅភ្នំពេញនាំគ្នាចាក់វ៉ាក់សាំងការពារជំងឺកូវីដ-១៩បន្ថែម តាមការអំពាវនាវរបស់ក្រសួងសុខាភិបាល

នាវិកកម្ពុជាហ្វឹកហ្វឺន ត្រៀមធ្វើសមយុទ្ធកងទ័ពជើងទឹកនាគមាស ឆ្នាំ២០២៥ជាមួយភាគីចិន

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានជាតិ

ជំរឿនស្ថិតិ៖ បច្ចុប្បន្នពលរដ្ឋខ្មែរប្រកបរបរកសិកម្មមានជាង ៥៤% ខណៈកាល១០ឆ្នាំ មុនមាន​ជាង ៨០%

ក្រសួងបរិស្ថានគ្រោងចែកកូនឈើចំនួនបីលានដើមនៅឆ្នាំនេះក្នុងយុទ្ធនាការ«ពន្លកបៃតង»

ត្រីមាសទី១ឆ្នាំនេះការនាំចេញផលិតផលផ្នែកវិស័យវាយនភ័ណ្ឌកាត់ដេររបស់កម្ពុជាកើនជាង២០%

កម្ពុជាកំពុងបោះជំហានលើមាគ៌ាបៃតង ឆ្ពោះទៅរកអព្យាក្រឹត្យកាបូន និងការ​អភិវឌ្ឍ​ប្រកប​ដោយ​ចីរភាព

សម្តេចរដ្ឋសភាធិបតី ឃួន សុដារី ស្វាគមន៍ការវិនិយោគរបស់អូស្រ្តាលីក្នុងវិស័យអប់រំនៅកម្ពុជា

ពលរដ្ឋនៅភ្នំពេញនាំគ្នាចាក់វ៉ាក់សាំងការពារជំងឺកូវីដ-១៩បន្ថែម តាមការអំពាវនាវ​របស់​ក្រសួង​សុខាភិបាល

នាវិកកម្ពុជាហ្វឹកហ្វឺន ត្រៀមធ្វើសមយុទ្ធកងទ័ពជើងទឹកនាគមាស ឆ្នាំ២០២៥ជាមួយភាគីចិន

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ជំរឿនស្ថិតិ៖ បច្ចុប្បន្នពលរដ្ឋខ្មែរប្រកបរបរកសិកម្មមានជាង ៥៤% ខណៈកាល១០ឆ្នាំ មុនមានជាង ៨០%

កម្ពុជាកំពុងបោះជំហានលើមាគ៌ាបៃតង ឆ្ពោះទៅរកអព្យាក្រឹត្យកាបូន និងការអភិវឌ្ឍប្រកបដោយចីរភាព

ពលរដ្ឋនៅភ្នំពេញនាំគ្នាចាក់វ៉ាក់សាំងការពារជំងឺកូវីដ-១៩បន្ថែម តាមការអំពាវនាវរបស់ក្រសួងសុខាភិបាល