នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
កិច្ចប្រជុំពេញអង្គគណៈរដ្ឋមន្ត្រីបានអនុម័តសេចក្តីព្រាងច្បាប់ស្តីពីកាតព្វកិច្ចយោធា និងត្រូវបានប្រកាសជាការប្រញាប់
សម្តេចធិបតី ៖ ការសម្រេចចិត្តរបស់រាជរដ្ឋាភិបាលក្នុងការអនុញ្ញាតឱ្យមានការរៀបចំកម្មវិធីបុណ្យចូលឆ្នាំខ្មែរប្រពៃណីជាតិ គឺពិតជាត្រឹមត្រូវ
សម្តេចធិបតី ដាក់បទបញ្ជាយ៉ាងម៉ឺងម៉ាត់បំផុតឱ្យសមត្ថកិច្ច និងកងកម្លាំងពាក់ព័ន្ធទាំងអស់បន្តការបង្ក្រាបScam Online ដោយគ្មានបង្អង់ដៃឡើយ
បុគ្គលិកសម្អាតអនាម័យ និងប្រជាការពារ ដែលបម្រើការក្នុងព្រឹត្តិការណ៍នគរសង្ក្រាន្ត បានទទួលអំណោយពីថ្នាក់ដឹកនាំ

ព័ត៌មានជាតិ

អគ្គនាយក CMAC និងគណៈប្រតិភូសហរដ្ឋអាមេរិកពិភាក្សាគ្នាពង្រឹងកិច្ចសហប្រតិបត្តិការ និងត្រួតពិនិត្យការអនុវត្តគម្រោងសកម្មភាពបោសសម្អាតគ្រាប់មីន និងសំណល់យុទ្ធភណ្ឌសង្គ្រាមនៅកម្ពុជា

2026/03/12 05:14:19 pm        85
Facebook Telegram Linkin
ភ្នំពេញ៖ នៅព្រឹកថ្ងៃទី១២ ខែកុម្ភៈ ឆ្នាំ២០២៦នេះ ឯកឧត្តម ហេង រតនា ប្រតិភូរាជរដ្ឋាភិបាលទទួលបន្ទុកជាអគ្គនាយក CMAC បានជួបពិភាក្សាគ្នាជាមួយ គណៈប្រតិភូសហរដ្ឋអាមេរិក ដើម្បីពិភាក្សាគ្នា ពង្រឹងកិច្ចសហប្រតិបត្តិការ និងត្រួតពិនិត្យការអនុវត្តគម្រោងសកម្មភាពបោសសម្អាតគ្រាប់មីន និងសំណល់យុទ្ធភណ្ឌសង្គ្រាមនៅកម្ពុជា។គណៈប្រតិភូសហរដ្ឋអាមេរិក ដឹកនាំដោយលោក Mr. Ethan Rinks ប្រធានគម្រោងកម្មវិធីកាត់បន្ថយអាវុធនៃក្រសួងការបរទេសសហរដ្ឋអាមេរិក លោកស្រី Ms. Jill Larson មន្ត្រីទទួលន្ទុកត្រួតពិនិត្យជំនួយនៃក្រសួងការបរទេស និងលោកស្រី Ms. Homa Hassan មន្ត្រីពិនិត្យវាយតម្លៃគម្រោងជំនួយកាត់បន្ថយសព្វាវុធនៃវិមានប្រធានាធិបតី ព្រមទាំងអបដំណើរដោយលោកស្រី Kelly Saltzman មន្ត្រីស្ថានទូតអាមេរិកប្រចាំកម្ពុជា។ឯកឧត្តម ហេង រតនា បានថ្លែងថា ជំនួបពិភាក្សានេះសំដៅពង្រឹងកិច្ចសហប្រតិបត្តិការ និងត្រួតពិនិត្យជាក់ស្តែងនូវវឌ្ឍនភាពកិច្ចប្រតិបត្តិការក្នុងការអនុវត្តគម្រោងជំនួយហិរញ្ញប្បទានឥតសំណងរបស់រដ្ឋាភិបាលសហរដ្ឋអាមេរិក ផ្តល់ជូនរាជរដ្ឋាភិបាលចំនួន៤លានដុល្លារសហរដ្ឋអាមេរិកកាលពីកន្លងទៅថ្មីៗនេះ ដើម្បីគាំទ្រសកម្មភាពបោសសម្អាតគ្រាប់មីននិងសំណល់យុទ្ធភណ្ឌសង្គ្រាមនៅកម្ពុជា។ ឯកឧត្តម បានឱ្យដឹងថា គម្រោងនេះគាំទ្រសកម្មភាពសំខាន់ៗ រួមមាន៖ ១. កម្លាំងបោសសម្អាតគ្រាប់សំណល់សង្គ្រាមនៅបណ្តាខេត្តខាងកើតប្រទេសរួមមានខេត្តត្បូងឃ្មុំ កំពង់ចាម ព្រៃវែង ស្វាយរៀង និងក្រចេះ ២. កម្លាំងចល័តឆ្លើយតបបន្ទាន់ៗ និង៣. កម្លាំងបោសសម្អាតគ្រាប់មីននិងសំណល់យុទ្ធភណ្ឌសង្គ្រាមក្នុងខេត្តឧត្តរមានជ័យ។ ជំនួយសហរដ្ឋអាមេរិកគម្រោងនេះ បានគាំទ្រកម្លាំងជំនាញអង្គភាព CMAC ចំនួនប្រមាណជិត ៤០០នាក់ ឱ្យបំពេញភារកិច្ចមនុស្សធម៌យ៉ាងសកម្ម។ បើតាម ឯកឧត្តម ហេង រតនា ក្នុងពេលជាមួយគ្នានេះដែរ រដ្ឋាភិបាលសហរដ្ឋអាមេរិកតាមរយៈក្រសួងការពារជាតិសហរដ្ឋអាមេរិក ក៏បានផ្តល់ការគាំទ្រលើការហ្វឹកហ្វឺនពង្រឹងសមត្ថភាពធនធានមនុស្ស និងបំពាក់សម្ភារបច្ចេកទេសមួយចំនួនជូនអង្គភាព CMAC ផងដែរ៕

អនុប្រធានទី១ អាជ្ញាធរមីន៖ កម្ពុជាកំណត់គោលដៅច្បាស់លាស់ ក្នុងការដោះស្រាយបញ្ចប់​ផល​ប៉ះពាល់​ដោយសារមីន និងសំណល់ជាតិផ្ទុះពីសង្រ្គាម

2026/03/12 05:05:52 pm        216
Facebook Telegram Linkin
តាងនាមឱ្យរាជរដ្ឋាភិបាលកម្ពុជា ឯកឧត្តមបណ្ឌិត លី ធុជ ទេសរដ្ឋមន្រ្តី អនុប្រធានទី១ អាជ្ញាធរមីន បានបញ្ជាក់ជូនគណៈប្រតិភូសហរដ្ឋអាមេរិកថា ប្រទេសកម្ពុជា ក្រោមការដឹកនាំរបស់ សម្តេចធិបតី ហ៊ុន ម៉ាណែត នាយករដ្ឋមន្រ្តី បានកំណត់គោលដៅយ៉ាងច្បាស់ក្នុងការដោះស្រាយបញ្ចប់ផលប៉ះពាល់ដោយសារមីន និងសំណល់ជាតិផ្ទុះពីសង្រ្គាមនៅកម្ពុជា។ការបញ្ជាក់បែបនេះ ក្នុងឱកាសដែល ឯកឧត្តមទេសរដ្ឋមន្រ្តី លី ធុជ ទទួលជួបពិភាក្សាការងារជាមួយ លោក Ethan Rinks នាយកកម្មវិធីនៃការិយាល័យកាត់បន្ថយនិងរំសាយសព្វាវុធនៃក្រសួងការបរទេសសហរដ្ឋអាមេរិក និងគណៈប្រតិភូ កាលពីថ្ងៃទី១២ ខែមីនា ឆ្នាំ២០២៦ នៅទីស្នាក់ការអាជ្ញាធរមីន ក្នុងគោលបំណងពង្រឹងភាពជាដៃគូ និងកិច្ចសហប្រតិបត្តិការសកម្មភាពមីនរវាងកម្ពុជានិងសហរដ្ឋអាមេរិក។ទន្ទឹមនឹងនោះ ឯកឧត្តមទេសរដ្ឋមន្រ្តី លី ធុជ ក៏បានសម្តែងនូវការព្រួយបារម្ភចំពោះបញ្ហាប្រឈមបញ្ហាមីននាពេលបច្ចុប្បន្ន នៅតាមបណ្តោយព្រំដែនកម្ពុជា-ថៃ ដែលមានលក្ខណៈស្មុគស្មាញ និងត្រូវការពេលវេលានិងថវិកាយ៉ាងច្រើនក្នុងការដោះស្រាយ ព្រមទាំងបានថ្លែងអំណរគុណជូនចំពោះរដ្ឋាភិបាល និងប្រជាជននៃសហរដ្ឋអាមេរិក ដែលជួយគាំទ្រដល់ការបោសសម្អាតមីនតាមព្រំដែន និងឧបត្ថម្ភគាំទ្រដល់ជនភៀសសឹក ផងដែរ។ ជាមួយគ្នានោះផងដែរ ឯកឧត្តមទេសរដ្ឋមន្រ្តី លី ធុជ បានលើកឡើងអំពីកិច្ចខិតខំប្រឹងប្រែងរបស់រាជរដ្ឋាភិបាលកម្ពុជា រួមជាមួយប្រទេសជាមិត្ត និងដៃគូអភិវឌ្ឍន៍ ក្នុងការដោះស្រាយបញ្ហាមីន និងសំណល់ជាតិផ្ទុះពីសង្រ្គាម និងកិច្ចសង្រ្គោះជនរងគ្រោះដោយសារមីននៅកម្ពុជា ក្នុងនោះសហរដ្ឋអាមេរិក គឺជាប្រទេសម្ចាស់ជំនួយធំជាងគេរហូតដល់ជាង ២០០លានដុល្លារអាមេរិក។ ពាក់ព័ន្ធនឹងបញ្ហានេះ ឯកឧត្តមទេសរដ្ឋមន្រ្តី លី ធុជ បានសម្តែងនូវការអបអរសាទរចំពោះភាពដៃគូយ៉ាងរឹងមាំ និងការគាំទ្ររបស់សហរដ្ឋអាមេរិកចំពោះប្រតិបត្តិការជាតិស៊ីម៉ាក់ ក៏ប្រតិបត្តិករអន្តរជាតិដទៃទៀត ក្នុងកិច្ចការសកម្មភាពមីនមនុស្សធម៌។ក្នុងឱកាសនោះ ឯកឧត្តម លី ធុជ បានវាយតម្លៃខ្ពស់ចំពោះភាពដៃគូ និងកិច្ចសហប្រតិបត្តិការរវាងរាជរដ្ឋាភិបាលកម្ពុជា និងរដ្ឋាភិបាលអាមេរិក ព្រមទាំងបានទទួលស្គាល់ចំពោះការរួមចំណែករបស់សហរដ្ឋអាមេរិក អស់រយៈពេលជាង ៣០ ឆ្នាំ ពិតជាបានជួយសង្រ្គោះអាយុជីវិត និងផ្តល់ដីប្រកបដោយសុវត្ថិភាពជូនដល់ប្រជាជនកម្ពុជាបានយ៉ាងច្រើន តាមរយៈវិស័យសកម្មភាពមនុស្សធម៌នេះ។ ឯកឧត្តម បានចាត់ទុកភាពជាដៃគូ និងការបន្តកិច្ចសហប្រតិបត្តិការរបស់សហរដ្ឋអាមេរិក នឹងមានសារៈសំខាន់ក្នុងការដោះស្រាយបញ្ហាប្រឈមដែលនៅសេសសល់ គាំទ្រសហគមន៍ដែលរងផលប៉ះពាល់ និងសម្រេចបាននូវគោលដៅរួមនៃប្រទេសកម្ពុជាដែលមានសុវត្ថិភាព និងគ្មានមីន៕

សម្តេចប្រធានរដ្ឋសភា៖ ភាពធន់ជាតិ ចាំបាច់ត្រូវមានគ្រឹះសេដ្ឋកិច្ចដ៏រឹងមាំ មានសាមគ្គីភាព និង​ឯកភាព​សង្គមជាធ្លុងមួយ

2026/03/12 04:58:12 pm        227
Facebook Telegram Linkin
ស្ថាប័ននីតិប្បញ្ញត្តិ (ព្រឹទ្ធសភានិងរដ្ឋសភា) សហការជាមួយក្រសួងស្ថាប័នមួយចំនួន​នៃស្ថាប័ន​នីតិ​ប្រតិបត្តិ បានរៀបចំសិក្ខាសាលាដ៏សំខាន់មួយ ស្តីពី «ការពង្រឹងភាពធន់ជាតិ និង​កាលា​នុវត្តភាព​​នៃយុទ្ធសាស្ត្រអភិបាលកិច្ចវិទ្យាសាស្ត្រ បច្ចេកវិទ្យា នវានុវត្តន៍ ឧស្សាហកម្ម និង​ពាណិជ្ជកម្ម​របស់​កម្ពុជា» នៅវិមានរដ្ឋសភា ព្រឹកថ្ងៃទី១២ ខែមីនា ឆ្នាំ២០២៦។ពិធី​បើក​សិក្ខាសាលានេះ ប្រារព្ធធ្វើឡើងក្រោមអធិបតីភាពដ៏ខ្ពង់ខ្ពស់ សម្តេច​មហារដ្ឋ​សភាធិការ​ធិបតី ឃួន សុដារី ប្រធានរដ្ឋសភា ដោយមានសមាជិក សមាជិកាព្រឹទ្ធសភា រដ្ឋសភា រាជ​រដ្ឋាភិបាល មន្រ្តីរាជការនៃអគ្គលេខាធិការដ្ឋានរដ្ឋសភា ព្រឹទ្ធសភា និងរាជរដ្ឋាភិបាល ជាង៣០០ នាក់ បានចូលរួមផ្ទាល់និងចូលរួមតាមអនឡាញជាច្រើនទៀត។ មានប្រសាសន៍នៅក្នុងឱកាសនោះ សម្តេចប្រធានរដ្ឋសភា បានលើកឡើងថា ភាពធន់ជាតិ គឺ​ជា​សមត្ថភាពដ៏រឹងមាំរបស់ជាតិ ក្នុងការទប់ទល់រាល់វិបត្តិដែលកើតឡើងជាយថាហេតុ ក៏ដូច​ជា​កា​រស្ដា​រ​ឡើងវិញនូវស្ថានភាពជាតិឱ្យមានភាពល្អប្រសើរឡើងឆាប់រហ័ស ហើយ​បន្តអភិវឌ្ឍ​​ខ្លួនឱ្យ​កាន់​តែ​រីកចម្រើនសម្រាប់ថ្ងៃអនាគត។ដើម្បីសម្រេចបាននូវភាពធន់នេះ ចាំបាច់ត្រូវមានគ្រឹះសេដ្ឋកិច្ចដ៏រឹងមាំ មានសាមគ្គីភាព និង​ឯកភាព​សង្គមជាធ្លុងមួយ រួមជាមួយនឹងប្រសិទ្ធភាពនិងសមត្ថភាពនៃស្ថាប័នជាតិ ព្រមទាំង​ទស្សន​វិស័យ​ជាយុទ្ធសាស្ត្រដ៏ច្បាស់លាស់។សម្តេច​រដ្ឋសភាធិបតី មានប្រសាសន៍បន្តថា ការរៀបចំសិក្ខាសាលានេះឡើង គឺជាសក្ខីភាព​ឆ្លុះបញ្ចាំង​ពីការប្ដេជ្ញាចិត្តរួមគ្នាយ៉ាងម៉ឺងម៉ាត់ ក្នុងការជំរុញការអភិវឌ្ឍន៍វិស័យវិទ្យាសាស្ត្រ បច្ចេកវិទ្យា នវានុវត្តន៍ ឧស្សាហកម្ម និងពាណិជ្ជកម្មកម្ពុជា ដើម្បីឈានទៅសម្រេចបានបេសកកម្មដ៏ឧត្តុង្គឧត្តម ក្នុងការប្រែក្លាយកម្ពុជាទៅជាប្រទេសមួយដែលមានរដ្ឋាភិបាលឌីជីថល សង្គមឌីជីថល ហើយមានភាពធន់ និងការអភិវឌ្ឍន៍ប្រកបដោយចីរភាព និងបរិយាបន្ន។សម្តេចប្រធាន មានជំនឿជឿជាក់យ៉ាងមុតមាំថា ក្រៅពីបទអន្តរាគមន៍គន្លឹះ ឯកឧត្តម លោកជំទាវ លោក លោកស្រី ទាំងអស់ នឹងការចូលរួមក្នុងកិច្ចពិភាក្សា និងសួរដេញដោលឱ្យបានផុលផុស ដើម្បីយល់ច្បាស់អំពីសមិទ្ធផលសម្រេចបាន និងកង្វះខាតនានា ហើយត្រូវរួមគ្នាគិតគូរឱ្យបានស៊ីជម្រៅ អំពីដំណោះស្រាយគន្លឹះ ក្នុងការប្រែក្លាយបញ្ហាប្រឈមទាំងនេះទៅជាកាលានុវត្តភាព សម្រាប់ការរៀបចំ និងអនុវត្តគោលនយោបាយ និងយុទ្ធសាស្ត្រនានា ឱ្យមានប្រសិទ្ធភាព និងសម្រេចបានសមិទ្ធផលដ៏ត្រចះត្រចង់បន្ថែមទៀត។សិក្ខាសាលាសភា ស្តីពី «ការពង្រឹងភាពធន់ជាតិ និងកាលានុវត្តភាពនៃយុទ្ធសាស្ត្រអភិបាលកិច្ចវិទ្យាសាស្ត្រ បច្ចេកវិទ្យា នវានុវត្តន៍ ឧស្សាហកម្ម និងពាណិជ្ជកម្មរបស់កម្ពុជា» បានរួមសហការរៀបចំឡើងដោយ គណៈកម្មការសាធារណការ ដឹកជញ្ជូន អាកាសចរណ៍ស៊ីវិល ប្រៃសណីយ៍ ទូរគមនាគមន៍ ឧស្សាហកម្ម វិទ្យាសាស្ត្រ បច្ចេកវិទ្យា នវានុវត្តន៍ រ៉ែ ថាមពល ពាណិជ្ជកម្ម រៀបចំដែនដី នគរូបនីយកម្ម និងសំណង់ (គណៈកម្មការទី៩) នៃរដ្ឋសភា រួមជាមួយគណៈកម្មការទី៩ នៃព្រឹទ្ធសភា សហការជាមួយ ក្រសួងប្រៃសណីយ៍ និងទូរគមនាគមន៍ ក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ និងក្រសួងពាណិជ្ជកម្ម។សិក្ខាសាលានេះរៀបចំឡើង ស្របពេលដែលពិភពលោកកំពុងច្របូកច្របល់ ហ៊ុមព័ទ្ធដោយសង្គ្រាម ដែលបានប៉ះពាល់យ៉ាងធ្ងន់ធ្ងរដល់ខ្សែច្រវាក់ផលិតកម្ម ថាមពល ឧស្សាហកម្ម កសិកម្ម ស្បៀង និងអាកាសចរណ៍ ជាដើម។ លើសពីនេះ កម្ពុជាក៏បាន និងកំពុងប្រឈមនឹងសង្គ្រាមឈ្លានពានប្រដាប់អាវុធធុនធ្ងន់ ឃោរឃៅ ព្រៃផ្សៃ រំលោភច្បាប់អន្តរជាតិ ពីប្រទេសថៃ មកលើអធិបតេយ្យ និងបូរណភាពទឹកដីរបស់កម្ពុជា ដែលបានបង្កផលប៉ះពាល់យ៉ាងធ្ងន់ធ្ងរដល់សន្តិសុខ និងស្ថិរភាពសេដ្ឋកិច្ចរបស់ជាតិ។សម្តេចប្រធានរដ្ឋសភាបានលើកឡើងថា ក្នុងកាលៈទេសៈបែបនេះ ក្នុងនាមតំណាងរាស្ត្រ ដែលតំណាងឱ្យប្រជាពលរដ្ឋទូទាំងប្រទេស ក៏ដូចជាថ្នាក់ដឹកនាំក្រសួង ត្រូវតែមានការយកចិត្តទុកដាក់ខ្ពស់ ហើយគិតគូរឱ្យបានគ្រប់ជ្រុងជ្រោយ ដើម្បីចូលរួមដឹកនាំនាវាកម្ពុជាឆ្លងកាត់ព្យុះភ្លៀង បោះពួយទៅមុខ ដោយមានទំនុកចិត្ត និងភាពប្រាកដប្រជា តាមរយៈចក្ខុវិស័យ និងយុទ្ធសាស្ត្រជាតិច្បាស់លាស់។សម្តេចសង្កត់ធ្ងន់ថា សំណួរគន្លឹះដ៏សំខាន់ សម្រាប់យើងទាំងអស់នៅថ្ងៃនេះ គឺថា«តើយើងត្រូវប្រែក្លាយបញ្ហាប្រឈម និងការលំបាកដែលយើងកំពុងជួបប្រទះនាពេលនេះ ទៅជាកាលានុវត្តភាព និងភាពធន់របស់ជាតិ ដោយរបៀបណា?»នេះជាចំណោទប្រស្នា ដែលសម្ដេចប្រធានរដ្ឋសភាស្នើសុំឱ្យអង្គសិក្ខាសាលាពិភាក្សាឱ្យបានស៊ីជម្រៅ គ្រប់ជ្រុងជ្រោយ ហើយដាក់ចេញជាដំណោះស្រាយ ដែលអាចអនុវត្តបាន និងចេញជាលទ្ធផលផ្លែផ្កា សម្រាប់ជាតិមាតុភូមិជាទីស្រឡាញ់របស់យើង។សូមជម្រាបថា ទោះប្រឈមនឹងផលលំបាកពីការឈ្លានពានរបស់ប្រទេសជិតខាង និងសង្គ្រាម ឬអសន្តិសុខពិភពលោកដែលបានផ្ទុះឡើងជាបន្តបន្ទាប់យ៉ាងណាក្តី ក៏រាជរដ្ឋាភិបាលបាន និងកំពុងបន្តយកចិត្តទុកដាក់ខ្ពស់ លើការរក្សាស្ថិរភាពនយោបាយ សន្តិសុខ និងស្ថិរភាពម៉ាក្រូសេដ្ឋកិច្ច តាមរយៈការពង្រឹងសន្តិសុខសង្គម ការអនុវត្តច្បាប់ ការគ្រប់គ្រងអតិផរណា ការជំរុញការកែទម្រង់ និងការពង្រឹងអភិបាលកិច្ច ដោយផ្តោតលើការធ្វើទំនើបកម្មរដ្ឋបាលសាធារណៈ ការលើកកម្ពស់គុណាធិបតេយ្យក្នុងការគ្រប់គ្រងធនធានមនុស្ស ការកែលម្អបរិយាកាសវិនិយោគ និងធុរកិច្ច ការលើកកម្ពស់គុណភាពអប់រំ និងការអភិវឌ្ឍមូលធនមនុស្ស ការបណ្តុះបណ្តាលជំនាញបច្ចេកទេស និងឌីជីថល ជាដើម។កម្ពុជាកំពុងបន្តពង្រឹងសមត្ថភាពសេដ្ឋកិច្ចជាតិ ដើម្បីត្រៀមចាកចេញពីចំណាត់ថ្នាក់ប្រទេសអភិវឌ្ឍន៍តិចតួច (LDC) នៅក្នុងឆ្នាំ២០២៩ ឆ្ពោះទៅសម្រេចបានចក្ខុវិស័យកម្ពុជាឆ្នាំ២០៣០ ជាប្រទេសមានចំណូលមធ្យមកម្រិតខ្ពស់ និងប្រទេសមានចំណូលខ្ពស់នៅឆ្នាំ២០៥០៕

កម្ពុជាគ្រោងពង្រីកទីផ្សារនាំចេញស្វាយចន្ទីរឱ្យកើនដល់ចំនួន ៤០០លានដុល្លារនៅពេល​អនាគត

2026/03/12 04:47:01 pm        163
Facebook Telegram Linkin
ក្រសួងពាណិជ្ជកម្មកម្ពុជា បានឱ្យដឹងថា កម្ពុជា នឹងនាំចេញគ្រាប់ស្វាយចន្ទីសំបក (ប្រភេទ M23) ដែលមានតម្លៃប្រមាណ ៣៥ លានដុល្លារអាម៉េរិក ក្នុងដំណាក់កាលដំបូងហើយមានផែន​ការ​ពង្រីក​ការនាំចេញឱ្យឈានដល់ប្រមាណ ៤០០លានដុល្លារអាម៉េរិក នៅពេលអនាគត។យោងតាមផេកផ្លូវការរបស់ក្រសួងពាណិជ្ជកម្ម បានសសេរឱ្យដឹងថា កាលពីថ្ងៃទី១១ ខែមីនា ឆ្នាំ​២០២៦​កន្លង​ទៅ ឯកឧត្តម សំហេង បូរ៉ា រដ្ឋលេខាធិការក្រសួងពាណិជ្ជកម្ម និងជាប្រធានក្រុម​ការងារ​ជំរុញ​ការនាំចេញ (EPTF) បានរៀបចំកិច្ចប្រជុំជាមួយ លោក Jiang Xiaofei នាយកនៃ​គណៈ​កម្មាធិការការងារពង្រីកសហគ្រាសនៅក្រៅប្រទេស នៃវិទ្យាស្ថានចិន​សម្រាប់​យុទ្ធ​សាស្រ្ត​នវា​នុវត្ត​ន៍ និងអភិវឌ្ឍន៍ (China Institute for Innovation and Development Strategy - CIIDS) ដឹកនាំគណៈប្រតិភូក្រុមហ៊ុន China Bonded Port Group Co., Ltd. និង​តំណាង​ក្រុម​ហ៊ុន ​Men Sarun MDR Co., Ltd. ដើម្បីពិភាក្សាការងារពាក់ព័ន្ធវិស័យស្វាយចន្ទីរនៅកម្ពុជា។ប្រភពដដែល បានឱ្យដឹងទៀតថា ជំនួបនេះត្រូវបានរៀបចំឡើងក្នុងគោលបំណងពង្រឹង និង​ពង្រីក​កិច្ច​សហប្រតិបត្តិការសេដ្ឋកិច្ច ពាណិជ្ជកម្ម និងវិនិយោគទ្វេភាគីកម្ពុជា-ចិន ព្រមទាំង​ស្វែង​យល់​ពី​សក្តានុពលក្នុងការជំរុញការនាំចេញកសិផលកម្ពុជា។ ក្នុងឱកាស​នោះ ឯកឧត្តមរដ្ឋលេខាធិការ បានអញ្ជើញជាសាក្សី ក្នុងពិធីចុះហត្ថលេខា​លើ​អនុស្ស​រណៈ​នៃ​ការយោគយល់គ្នា (MoU) ស្តីពី "កិច្ចសន្យាផ្គត់ផ្គង់គ្រាប់ស្វាយចន្ទីកម្ពុជា" រវាងក្រុម​ហ៊ុន​ទាំង​ពីរ​ខាង​លើ។ តាមរយៈកិច្ចព្រមព្រៀងនេះ កម្ពុជានឹងចាប់​ផ្តើម​នាំ​ចេញ​គ្រាប់​ស្វាយ​ចន្ទី​ទាំង​សំបក ​(ប្រភេទ M23) ក្នុងជំហានដំបូងដែលមានទំហំទឹកប្រាក់ប្រមាណ ៣៥លាន​ដុល្លារ​សហ​រដ្ឋ​អាម៉េរិក ដោយភាគីទាំងពីរមានចក្ខុវិស័យយុទ្ធសាស្ត្រក្នុងការជំរុញទំហំនាំចេញបន្ថែមទៀត ដែល​រំពឹងថានឹងអាចកើនឡើងដល់សក្តានុពលទឹកប្រាក់ប្រមាណ ៤០០​លាន​ដុល្លារ​សហរដ្ឋ​អាម៉េរិក​នាពេលអនាគត។បើ​តាមក្រសួងពាណិជ្ជកម្ម សមិទ្ធផលនេះ គឺជាលទ្ធផលនៃកិច្ចខិតខំប្រឹងប្រែងសម្របសម្រួល និង​ផ្គូរ​ផ្គងយ៉ាងសកម្មរបស់ ក្រុមការងារជំរុញការនាំចេញ (EPTF) នៃក្រសួងពាណិជ្ជកម្ម ដែល​តែង​តែ​ដើរ​តួនាទីជាតួអង្គស្នូលក្នុងការផ្សារភ្ជាប់ទំនាក់ទំនងរវាងអ្នកនាំចេញកម្ពុជា ជាមួយ​អ្នក​បញ្ជា​ទិញ​សក្តានុពលអន្តរជាតិ។ ទន្ទឹមនឹងនេះ កិច្ចសហប្រតិបត្តិការដ៏រឹងមាំរវាងក្រុមហ៊ុនទាំងពីរ មិន​ត្រឹម​តែ​ធានា​បាន​នូវ​កំណើន​នៃ​ការ​នាំ​ចេញ​ស្វាយចន្ទី​ទៅ​កាន់ទីផ្សារ​ប្រទេស​ចិន​ជា​បន្ត​បន្ទា​ប់​ប៉ុណ្ណោះទេ​ ប៉ុន្តែថែមទាំងជាសញ្ញាវិជ្ជមានដ៏ធំក្នុងការទាក់ទាញវិនិយោគិនចិន ឱ្យមក​បណ្តាក់​ទុន​នៅ​កម្ពុជា ដើម្បីពង្រីក​វិសាលភាព​នៃ​ការនាំ​ចេញ​កសិផល​ជាតិ​ចូលទៅ​កាន់​ទីផ្សារ​អន្តរជាតិ​ឱ្យ​កាន់​តែ​ទូលំ​ទូលាយ​បន្ថែម​ទៀត៕ អត្ថបទ៖ ឈិត បូរ៉ាវី 

ផ្ទះទេវតា០២ខ្នងជាអំណោយដ៏ថ្លៃថ្លារបស់សម្តេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន,សម្ដេចមហាបវរធិបតី ហ៊ុន ម៉ាណែត និងលោកជំទាវបណ្ឌិត ពេជ ចន្ទមុន្នី ហ៊ុនម៉ាណែត ត្រូវបានលោកជំទាវ ហ៊ុន ម៉ាណា ប្រគល់ជូនលោកយាយចាស់ជរា០២រូបនៅខេត្តកំពង់ធំ

2026/03/12 04:01:50 pm        61
Facebook Telegram Linkin
នៅព្រឹកថ្ងៃព្រហស្បតិ៍ ទី១២ ខែមីនា ឆ្នាំ២០២៦ លោកជំទាវ ហ៊ុន ម៉ាណា អគ្គនាយិកាវិទ្យុ-ទូរទស្សន៍បាយ័ន បានអញ្ជើញប្រគល់អំណោយផ្ទះទេវតាចំនួន០២ខ្នងជូនលោកយាយចាស់ជរា មានជីវភាពខ្វះខាតចំនួន០២គ្រួសារ នៅ ស្រុកប្រាសាទបាល័ង្លខេត្តកំពង់ធំ។១-ផ្ទះទី១ ត្រូវបានប្រគល់ជូនលោកយាយ អុឹម យ៉ាវ មានអាយុ៨៥ រស់នៅភូមិព្រៃម៉្រី ឃុំផាន់ញើម ស្រុកប្រាសាទបាល័ង្ល ខេត្តកំពង់ធំ។ លោកយាយជាស្ត្រីមេម៉ាយមានកូន០២នាក់ គឺកូនស្រីអាយុ៦០ឆ្នាំ មានកូនចៅក្រុមគ្រួសាររស់នៅតំបន់ឆ្ងាយ និងកូនប្រុសអាយុ៥៥ឆ្នាំ មិនមានប្រពន្ធកូនទេ នៅមើលថែម្តាយចាស់ជរា និងធ្វើស្រែបានផលតិចតួច។ ក្រៅពីនេះ គាត់ចូលព្រៃដើររកអង្ក្រងយកមកលក់សម្រាប់ដោះស្រាយជីវភាព។ ២-ផ្ទះទី២ ត្រូវបានប្រគល់ជូនលោកយាយ គួយ គឹង មានអាយុ៧៨ឆ្នាំ រស់នៅភូមិគ្រួស ឃុំដូង ស្រុកប្រាសាទបាល័ង្ល ខេត្តកំពង់ធំ។លោកយាយជាស្ត្រីមេម៉ាយមានកូនស្រីចំនួន ៤នាក់ កូនច្បងមានកូនចំនួន ៣នាក់ មានប្តី និងក្រុមគ្រួសាររស់នៅតំបន់ឆ្ងាយ គឺមានតែកូនស្រីពៅជាស្ត្រីមេម៉ាយមានកូនចំនួន៤នាក់ (ស្រី ២នាក់) រស់នៅជាមួយយាយក្រោមដំបូលផ្ទះតែមួយ។ពីមុនជីវភាពក្រុមគ្រួសារយាយអាចមានហូបចុកគ្រប់គ្រាន់ដោយអាស្រ័យលើកូនប្រសារប្រុសមានមុខរបរជាកម្មករសំណង់ អាចរកប្រាក់កម្រៃបន្ថែមពីមុខរបរលោកយាយ និងកូនស្រីប្រកបរបរត្បាញកន្ទេលលក់ តែជាអកុសលកូនប្រសារប្រុសលោកយាយដែលជាជំហរក្នុងគ្រួសារទទួលគ្រោះថ្នាក់ចរាចរណ៍កាលពីឆ្នាំ២០២៤ ដូច្នេះ លោកយាយនិងកូនស្រីបាននឹងកំពុងខិតខំត្បាញកន្ទេលទុកយកទៅលក់ដើម្បីដោះស្រាយជីវភាពប្រចាំថ្ងៃ។ ក្នុងឱកាសនោះ លោកជំទាវ ហ៊ុន ម៉ាណា បានពាំនាំនូវប្រសាសន៍ផ្តាំផ្ញើសាកសួរសុខទុក្ខពីសំណាក់សម្តេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន,សម្តេចធិបតី ហ៊ុន ម៉ាណែត និងលោកជំទាវបណ្ឌិត ពេជ ចន្ទមុន្នី ហ៊ុនម៉ាណែត ដែលជានិច្ចកាលលោកតែងគិតគូរពីសុខទុក្ខដល់ប្រជាពលរដ្ឋគ្រប់ទីកន្លែង និងគ្រប់ពេលវេលា។ បន្ថែមលើអំណោយផ្ទះខាងលើ លោកជំទាវ ក៏បានផ្តល់នូវប្រព័ន្ធទឹកស្អាត និងបំពាក់ភ្លើងសូឡានៅមុខផ្ទះ និងក្នុងផ្ទះជូនដល់លោកយាយទៀតផង។ លោកជំទាវក៏បាននាំយកនូវអំណោយសម្តេចតេជោ និងសម្តេចកិត្តិព្រឹទ្ធបណ្ឌិតបន្ថែមមួយចំនួនទៀតផងដែរ រួមមាន ៖ អង្ករ១០០គីឡូក្រាម, ត្រីខ១កេស, មីចំនួន៥កេស, ទឹកដោះគោខាប់ ១កេស, ពួក១, ប្រេងកូឡូ១ប្រអប់ធំ, ប្រេងខ្យល់១ប្រអប់ធំ ,ចានដែក១, ឆ្នាំងតូច១, ឆ្នាំងធំ១, ខ្ទះឆា១, វែងឆា១, វែងបាយ១, វែងសំឡ១, ស្លាបព្រា និងសម១ឡូ, កំសៀវ១, ចានបាយចំនួន៥, ចានសម្លចំនួន៥, តែ ១ គីឡូក្រាម , ខ្នើយចំនួន២, មុងចំនួន២, ភួយចំនួន២, កន្ទេលចំនួន២, ស្ករសចំនួន៥គីឡូក្រាមទឹកស៊ីអុីវចំនួន៣យួរ, វិទ្យុ FM១គ្រឿង, ថ្មដាក់វិទ្យុចំនួន២ ស្បែកជើងចំនួន២គូរ, ថ្នាំនឹងច្រាសដុសធ្មេញចំនួន៥ឈុត, សាប៊ូដុំចំនួន១២ដុំតូច, ថ្នាំពេទ្យចំនួន៥ប្រអប់តូច, ខោអាវចំនួន២កំប្លេរ និងថវិកាចំនួន ៥០ម៉ឺនរៀល ព្រមទាំងអំណោយរបស់សម្ដេចតេជោ និងសម្ដេចកត្តិព្រឹទ្ធបណ្ឌិត ជាឃីត (កញ្ចប់ៗ) មានជាសម្ភារៈប្រើប្រាស់ សំលៀកបំពាក់ និងថវិកា ចែកជូនលោកយាយ លោកតាដែលបានចូលរួមនាឱកាសនោះ។ ជាមួយគ្នានោះនៅតាមផ្ទះនីមួយៗ លោកជំទាវក៏បាននាំយកនូវអំណោយមានជាកាតាប ដែលមានសម្ភារៈសិក្សាជាច្រើនមុខមកចែកជូនដល់ក្មួយៗសិស្សានុសិស្សប្រមាណ៣៣០នាក់ និងចែកនូវរទេះរុញសម្រាប់ប្រជាពលរដ្ឋមានពិការភាពចំនួន០២ផងដែរ៕

អភិបាលខេត្តត្បូងឃ្មុំ ប្រកាសបង្ក្រាបទីតាំងល្បែងអនឡាញខុសច្បាប់ និងឧក្រិដ្ឋជនឆបោកតាមអនឡាញ

2026/03/12 03:47:11 pm        117
Facebook Telegram Linkin
ឯកឧត្តម ប៉ែន កុសល្យ អភិបាលខេត្តត្បូងឃ្មុំ បានបញ្ជាឱ្យកម្លាំងជំនាញពាក់ព័ន្ធចាត់វិធានការ បង្ក្រាបលើទីតាំងឆបោកតាមប្រព័ន្ធអនឡាញ online scams ឱ្យអស់ពីក្នុងខេត្តត្បូងឃ្មុំ។ បទបញ្ជានេះ បានធ្វើឡើងក្នុងកិច្ចប្រជុំសាមញ្ញ លើកទី២២ អាណត្តិទី៤ របស់ក្រុមប្រឹក្សាខេត្ត នាថ្ងៃទី១១ ខែមីនា ឆ្នាំ២០២៦ ។ឯកឧត្តម ប៉ែន កុសល្យ មានប្រសាសន៍លើកឡើងថា ក្នុងរយៈពីរខែដើមឆ្នាំ២០២៦នេះ គណៈ បញ្ជាការឯកភាព នៃរដ្ឋបាលខេត្តត្បូងឃ្មុំ បានចាត់វិធានការក្តៅគគុក ដើម្បីបង្ក្រាបលើទីតាំងល្បែងអន ឡាញខុសច្បាប់ និងឧក្រិដ្ឋជនឆបោកតាមប្រព័ន្ធអនឡាញ online scam ឱ្យអស់ពីក្នុងខេត្តត្បូងឃ្មុំ យ៉ាងសកម្ម តែយ៉ាងណា អជ្ញាធរពាក់ព័ន្ធទាំងអស់ត្រូវបន្តបង្ក្រាបឱ្យអស់ពីខេត្តត្បូងឃ្មុំ។ ខណៈការចុះ បង្ក្រាបនេះ គឺធ្វើឡើងស្របទៅតាមប្រសាសន៍របស់រាជរដ្ឋាភិបាលកម្ពុជា ដែលធ្វើយ៉ាងណាកម្ចាត់ online scam ឱ្យអស់ពីកម្ពុជា ដើម្បីកុំឱ្យកម្ពុជាក្លាយជាទីតាំងរបស់ឧក្រិដ្ឋជនឆបោកតាមអនឡាញ និងល្បែងអន ឡាញខុសច្បាប់។ ចំពោះការប្តេជ្ញាចិត្តនេះ ឯកឧត្តម ឡុង ធាម ប្រធានក្រុមប្រឹក្សាខេត្ត បានរសាទរ និងថ្លែងអំណរ គុណដល់រដ្ឋបាលខេត្តត្បូងឃ្មុំ ជាពិសេសគណៈបញ្ជាការឯកភាពរដ្ឋបាលខេត្ត ដែលបានបំពេញការងារ យ៉ាងយកចិត្តទុកដាក់ និងស្រស្រាក់ស្រស្រ៊ាំ ក្នុងការងារបម្រើប្រជាពលរដ្ឋ ពិសេសការងាររក្សាសន្តិសុខ សណ្តាប់ធ្នាប់យ៉ាងល្អនាពេលកន្លងមក។ ជាមួយការសាទរនេះ កិច្ចប្រជុំសាមញ្ញលើកទី២២ អាណត្តិទី៤ របស់ក្រុមប្រឹក្សាខេត្តត្បូងឃ្មុំ បានលើកយករបៀបវារៈចំនួន៤មកពីភាក្សាផងដែរ ដើម្បីធ្វើយ៉ាងឱ្យការងារ បម្រើប្រជាពលរដ្ឋកាន់តែប្រសើរថែមទៀត ។ អត្ថបទ៖ សេងឡុង​

រដ្ឋបាលខេត្តត្បូងឃ្មុំពង្រឹងយុទ្ធសាស្ត្របង្ក្រាបគ្រឿងញៀនដើម្បីសម្រេចគោលដៅសហគមន៍គ្មានគ្រឿងញៀន

2026/03/12 03:42:05 pm        93
Facebook Telegram Linkin
លោក ណុប ឡងឌី អភិបាលរងខេត្ត និងជាប្រធានលេខាធិការដ្ឋានប្រយុទ្ធប្រឆាំងគ្រឿងញៀនខេត្តត្បូង ឃ្មុំ នៅរសៀលថ្ងៃទី១១ ខែមីនា ឆ្នាំ២០២៦ បានដឹកនាំកិច្ចប្រជុំបូកសរុបលទ្ធផលការងារ និងដាក់ចេញទិស ដៅយុទ្ធសាស្ត្រថ្មីសម្រាប់ឆ្នាំ២០២៦ នោះគឺពង្រឹងយុទ្ធសាស្ត្របង្ក្រាបគ្រឿងញៀនឱ្យកាន់តែសកម្ម ដើម្បី សម្រេចគោលដៅសហគមន៍គ្មានគ្រឿងញៀន។ លោក ណុប ឡងឌី បានវាយតម្លៃខ្ពស់ចំពោះកិច្ចខិតខំប្រឹងប្រែងរបស់ក្រុមការងារលេខាធិការដ្ឋាន និង អាជ្ញាធរមូលដ្ឋាន ដែលបានបំពេញបេសកកម្មយ៉ាងសកម្មនាពេលកន្លងមក តែយ៉ាងណាលេខាធិការដ្ឋាន ត្រូវ បន្តដើរតួនាទីជាសេនាធិការដ៏រឹងមាំក្នុងការរៀបចំផែនការ តាមដាន និងវាយតម្លៃលើវិធានការបង្ការ ទប់ស្កាត់ និងបង្ក្រាបរាល់បទល្មើសគ្រឿងញៀន រួមទាំងការចរាចរណ៍សារធាតុគីមីផ្សំខុសច្បាប់ក្នុងភូមិសាស្ត្រខេត្តត្បូង ឃ្មុំ។លោកថា ក្រុមការងារលេខាធិការដ្ឋាន នៃគណៈកម្មាធិការត្រួតពិនិត្យគ្រឿងញៀនខេត្ត ត្រូវរៀបចំឯក សារពាក់ព័ន្ធការងារបង្ការទប់ស្កាត់ និងបង្ក្រាបគ្រឿងញៀននៅក្នុងខេត្ត ដាក់ជូនរបៀបវារៈ នៃអង្គប្រជុំគណៈ កម្មាធិការត្រួតពិនិត្យគ្រឿងញៀនខេត្ត និងសហការជិតស្និទ្ធជាមួយគណៈបញ្ជាការឯកភាពខេត្ត ក្រុង ស្រុក និងអង្គភាពជំនាញពាក់ព័ន្ធ ក្តាប់សភាពការណ៍បទល្មើសគ្រឿងញៀន រាយការណ៍ជូន គណៈកម្មាធិការត្រួតពិ និត្យគ្រឿងញៀនខេត្ត ប្រចាំថ្ងៃ សប្តាហ៍ ខែ ត្រីមាស ឆមាស និង ឆ្នាំ ដើម្បីមានវិធានការដោះស្រាយឱ្យបានទាន់ ពេលវេលា ។ក្នុងគោលបំណងពង្រឹងប្រសិទ្ធភាពការងារឱ្យកាន់តែសកម្ម និងមុតស្រួច លោក ណុប ឡងឌី ក៏បាន ណែនាំដល់លេខាធិការដ្ឋាននៃគណៈកម្មាធិការត្រួតពិនិត្យគ្រឿងញៀនខេត្ត រដ្ឋបាលក្រុង-ស្រុកទាំង៧ និង មន្ត្រីជំនាញពាក់ព័ន្ធ ត្រូវយកចិត្តទុកដាក់រៀបចំផែនការអប់រំ និងចុះផ្សព្វផ្សាយឱ្យដល់មូលដ្ឋាន ស្របតាមស្មារ តី នៃយុទ្ធនាការប្រយុទ្ធប្រឆាំងគ្រឿងញៀនខុសច្បាប់លើកទី១១ របស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា។ ទន្ទឹមនឹងនេះ ត្រូវជំរុញការផ្សព្វផ្សាយ និងប្រើប្រាស់កម្មវិធីទូរស័ព្ទដៃ NoDrug ឱ្យ បានទូលំទូលាយ ដើម្បីបង្កលក្ខណៈងាយស្រួលដល់ប្រជាពលរដ្ឋក្នុងការរាយការណ៍បទល្មើស និងស្វែងយល់ ពីគ្រោះថ្នាក់នៃគ្រឿងញៀន។ បន្ថែមលើនេះ ត្រូវពង្រឹងកិច្ចសហការស្អិតរមួតរវាងកម្លាំងសមត្ថកិច្ច និងអាជ្ញាធរ មូលដ្ឋាន ក្នុងការស្រាវជ្រាវ និងបង្ក្រាបនៅតាមតំបន់ហានិភ័យខ្ពស់ ព្រមទាំងរាយការណ៍រាល់ស្ថានភាពបទ ល្មើសឱ្យបានឆាប់រហ័ស និងទាន់ពេលវេលា ខណៈការងារប្រយុទ្ធប្រឆាំងគ្រឿងញៀន មិនមែនជាភារកិច្ចរបស់ ស្ថាប័នណាមួយដាច់ដោយឡែកនោះទេ ប៉ុន្តែវាគឺជាកាតព្វកិច្ចរួមរបស់អាជ្ញាធរ យុវជន និងប្រជាពលរដ្ឋគ្រប់រូប ដើម្បីរួមគ្នាកសាងសហគមន៍ឱ្យមានសុវត្ថិភាព សុខសន្តិភាព និងការអភិវឌ្ឍប្រកបដោយចីរភាព៕ អត្ថបទ៖ សេងឡុង

កម្ពុជា-អាល្លឺម៉ង់ បង្ហាញបំណងរួមគ្នាក្នុងការបង្កើនប្រសិទ្ធភាព និងនិរន្តរភាពនៃវិស័យកសិកម្ម

2026/03/12 03:38:15 pm        173
Facebook Telegram Linkin
ឯកឧត្តម ឌិត ទីណា រដ្ឋមន្រ្តីក្រសួងកសិកម្ម រុក្ខាប្រមាញ់ និងនេសាទ បានអញ្ជើញជួបជាមួយ ឯកឧត្តម Stefan Messerer ឯកអគ្គរដ្ឋទូតវិសាមញ្ញ និង​ពេញ​សមត្ថភាព​នៃ​សាធារណ​រដ្ឋ​សហព័ន្ធ​អាល្លឺម៉ង់ និងប្រតិភូក្រុមហ៊ុនអាល្លឺម៉ង់ Fuchs Gruppe ដើម្បីជួបពិភាក្សា​ការងារ​មួយ​ចំនួ​ន​ពាក់ព័ន្ធវិស័យកសិកម្ម។យោងតាមក្រសួងកសិកម្ម រុក្ខាប្រមាញ់ និងនេសាទ ក្រោយចប់កិច្ចប្រជុំកាលពីព្រឹកថ្ងៃទី១២ មីនា ឆ្នាំ​២០២៦នេះ បានឱ្យដឹងថា នាឱកាសនៃជំនួបនេះ ឯកឧត្តមរដ្ឋមន្រ្តី បាន​កត់​សម្គាល់​អំពី​កិច្ច​សហ​ប្រតិបត្តិការល្អរវាងកម្ពុជា និងអាល្លឺម៉ង់លើវិស័យកសិកម្ម ជាពិសេសភាពជាដៃគូល្អ​ក្នុង​ការ​បណ្ដុះ​បណ្ដាល​ការអនុវត្តកសិកម្មល្អ (GAP) ដែលបានជួយលើក​ស្ទួយ​គុណ​ភាព​កសិផល​កម្ពុជា​សម្រាប់​នាំ​ចេញ​ទៅទីផ្សារអន្តរជាតិ។ឯកឧត្តមរដ្ឋមន្ត្រី ក៏បានស្វាគមន៍ផែនការរបស់ក្រុមហ៊ុនអាល្លឺម៉ង់ ក្នុងការ​វិនិយោគ​លើ​ការ​កែ​ច្នៃ​ម្រេច​កម្ពុជា សំដៅផ្ដល់តម្លៃបន្ថែមខ្ពស់ក្នុងខ្សែច្រវាក់តម្លៃកសិកម្មកម្ពុជា និង​ជំរុញ​ការ​នាំ​ចេញ​កសិផល​កម្ពុជាទៅកាន់ទីផ្សារអន្តរជាតិ។ក្រសួងកសិកម្ម បានបញ្ជាក់បន្ថែមថា នៅមុនបញ្ចប់ជំនួបនេះ ភាគីកម្ពុជា-អាល្លឺម៉ង់ បានបង្ហាញ​សុទិដ្ឋិ​និយម​ចំពោះកិច្ចសហប្រតិបត្តិការរយៈពេលវែងដើម្បីជំរុញកសិ-ពាណិជ្ជកម្ម និង​ការ​បង្កើន​ប្រសិទ្ធ​ភាព និងនិរន្តរភាពនៃវិស័យកសិកម្ម៕ អត្ថបទ៖ ឈិត បូរ៉ាវី 

កាកបាទក្រហមកម្ពុជាខេត្តពោធិ៍សាត់ផ្តល់អំណោយមនុស្សធម៌ជូនដល់ពលរដ្ឋមានជីវភាពខ្វះខាត

2026/03/12 03:36:25 pm        68
Facebook Telegram Linkin
លោក ហៀម ឃួន អនុប្រធានអចិន្ត្រៃយ៍គណៈកម្មាធិការ តំណាងឯកឧត្តម ខូយ រីដា ប្រធានគណៈ កម្មាធិការសាខាកាកបាទក្រហមកម្ពុជា ខេត្ត ព្រមទាំងសមាជិក សមាជិការ និងមន្ត្រីប្រតិបត្តិសាខា បានចុះជួបសំណេះសំណាលសួរសុខទុក្ខ និងនាំយកអំណោយរបស់អនុសាខាកាកបាទក្រហមកម្ពុជាខេត្ត ផ្តល់ជូនដល់ប្រជាពលរដ្ឋ ចំនួន១០០គ្រួសារ ដែលមានជីវភាពខ្វះខាត ក្នុងមូលដ្ឋានភូមិរលាប និងភូមិអូរ ត្រាវ សង្កាត់រលាប ក្រុងពោធិ៍សាត់ ខេត្តពោធិ៍សាត់។លោក ហៀម ឃួន បានពាំនាំនូវការផ្តាំផ្ញើសាកសួរសុខទុក្ខពីសម្តេចកិត្តិព្រឹទ្ធបណ្ដិតប៊ុន រ៉ានី ប្រធានកាកបាទក្រហមកម្ពុជា ឯកឧត្តម កែវ រតនៈ ប្រធានកិត្តិយសសាខានិងឯកឧត្តម ខូយ រីដា ប្រធាន គណៈកម្មាធិការសាខាកាកបាទក្រហមកម្ពុជាខេត្ត ជូនដល់គ្រួសារទាំងអស់ ព្រមទាំងបានគូសបញ្ជាក់ថា ទីណាមានការលំបាក ទីនោះមានកាកបាទក្រហមកម្ពុជា។ឯកឧត្តម មានប្រសាសន៍ថា រយៈពេលប៉ុន្មានឆ្នាំចុងក្រោយនេះ សាខាកាកបាទក្រហមកម្ពុជាខេត្ត ពោធិ៍សាត់មិនរៀបចំធ្វើទិវានោះទេ គឺធ្វើតាមរយៈលិខិតអំពាវនាវ ដើម្បីជួយទ្រទ្រង់ដល់សកម្មភាពមនុស្ស ធម៌ គឺធ្វើឡើងតាមកម្លាំងសទ្ធាក្នុងការជួយដល់ប្រជាពលរដ្ឋដែលជួបការលំបាក ដោយគ្រោះធម្មជាតិ និង គ្រោះមហន្តរាយផ្សេងៗដែលកើតមានកន្លងមក។ឯកឧត្តម បានបញ្ជាក់ទៀតថា ប្រជាពលរដ្ឋខ្វះខាតក្នុងមូលដ្ឋានមិនមែនមានតែ១០០គ្រួសារនោះ ទេ គឺមានច្រើន ដូច្នេះនឹងជួបសំណេះសំណាលជាបន្តបន្ទាប់ទៀតជាមួយបងប្អូនប្រជាពលរដ្ឋ។ ជាក់ស្តែង ដូចជាពេលនេះ គឺការជួយរបស់កាកបាទក្រហមកម្ពុជាខេត្ត ដោយមិនប្រកាន់ពីនិន្នាការនយោបាយ ជាតិ សាសន៍ សាសនា វណ្ណៈ ពណ៌សម្បុរអ្វី ទាំងអស់ ហើយក៏បានផ្ដាំផ្ញើដល់លោកយាយលោកតាបងប្អូនទាំង អស់ឱ្យរក្សានូវអនាម័យល្អ ផឹកស្អាត ហូបស្អាត រស់នៅស្អាត នឹងខិតខំបង្កបង្កើនផល ឬប្រកបមុខរបរ ផ្សេងៗ ដើម្បីទ្រទ្រង់គ្រួសារឲ្យល្អប្រសើរឡើង។ តាមរយៈនេះដែក៏បានធ្វើការអំពាវនាវ ដល់ប្រជាពលរដ្ឋ បន្តការយកចិត្តទុកដាក់អំពីសោភណ្ឌភាព អនាម័យ បរិស្ថានឱ្យបានគ្រប់ទីកន្លែង ដែលកន្លងមកឯកឧត្តម អភិបាលនៃគណៈអភិបាលខេត្តបានខិតខំប្រឹងប្រែងដោយបានប្តេជ្ញាចិត្តថាឆ្នាំ២០២៦ខេត្តពោធិ៍សាត់គ្មានសំរាម ទាំងនេះទាមទាឱ្យមានការចូលរួមគ្រប់តួរអង្គជាពិសេសប្រជាពលរដ្ឋយើងព្រោះថា ភាពស្អាត ផ្តើមចេញពីយើងទាំងអស់គ្នា ព្រមទាំង បានផ្តល់អំណោយជាស្បៀងអាហារ ចំនួន១០០គ្រួសារ ដោយក្នុង មួយគ្រួសារៗ ទទួលបាន អង្ករ២០គីឡូក្រាម  ទឹកត្រី ទឹកស៊ីអ៊ីវនិងភេសជ្ជៈ ដើម្បីសម្រាប់ជាការបន្តផ្គត់ផ្គត់ជីវភាពមួយរយះពេល៕ អត្ថបទ៖ ពៅ ភិរុណ

ការពង្រឹងសមត្ថភាព មានសារៈសំខាន់សម្រាប់មន្ត្រីអនុវត្តច្បាប់បំពេញភារកិច្ចឱ្យមានប្រសិទ្ធភាព

2026/03/12 03:31:06 pm        111
Facebook Telegram Linkin
ដើម្បីផ្តល់នូវចំណេះដឹង និងជំនាញបន្ថែម ក្នុងការពង្រឹងសមត្ថភាពដល់មន្ត្រីអនុវត្តច្បាប់ អគ្គលេខាធិការ ដា្ឋន នៃគណៈកម្មាធិការជាតិសន្តិសុខលម្ហសមុទ្រ និងទីបញ្ជាការជួរមុខ រៀបចំពិធីបើកវគ្គបញ្ជ្រាបច្បាប់ ស្ដីពី ដែនយុត្តាធិការតាមអនុសញ្ញាអង្គការសហប្រជាជាតិ ស្ដីពីនីតិសមុទ្រ ច្បាប់ស្ដីពីទេសចរណ៍ ច្បាប់ស្ដីពីការគ្រប់ គ្រងតំបន់ការពារធម្មជាតិ និងច្បាប់ ស្តីពីជលផល នៅទីបញ្ជាការជួរមុខ (កោះព្រាប) ក្រុងព្រះសីហនុ ថ្ងៃទី១១ ខែមីនា ឆ្នាំ២០២៦។យើងមិនដែលភ្លេចនូវកិច្ចការបណ្ដុះបណ្តាលធនធានមនុស្សនិងជំនាញផ្សេងៗ ជាក់ស្ដែងនៅថ្ងៃនេះ យើងបានរៀបចំវគ្គបញ្ជ្រាបច្បាប់នាពេលនេះឡើង ដើម្បីផ្តល់នូវចំណេះដឹង និងជំនាញបន្ថែម ច្បាប់ស្តីពីដែន យុត្តាធិការតាមអនុសញ្ញាអង្គការសហប្រជាជាតិ ស្តីពីនីតិសមុទ្រ ច្បាប់ស្ដីពីទេសចរណ៍ ច្បាប់ស្តីពីការគ្រប់គ្រង តំបន់ការពារធម្មជាតិ និងច្បាប់ស្តីពីជលផលជូនដល់សិក្ខាកាម ដើម្បីជាមូលដ្ឋានគ្រឹះសម្រាប់មន្ត្រីអនុវត្តច្បាប់ ក្នុងការបំពេញភារកិច្ចឱ្យបានត្រឹមត្រូវ ស្របតាមច្បាប់ និងមានប្រសិទ្ធភាពខ្ពស់។ ដូចនេះ ទាំងយោធាចារ្យ និង សិក្ខាកាមត្រូវខិតខំបង្រៀន និងរៀនសូត្រនូវច្បាប់ទាំងនេះ ដែលជាចំណេះជំនាញសម្រាប់ប្រសិទ្ធភាពការងារ។ នេះ គឺជាការលើកឡើងរបស់ឯកឧត្តមមេបញ្ជាការកងទ័ពជើងទឹក អនុប្រធានប្រចាំការ និងជាអគ្គលេខាធិការ នៃគណៈកម្មាធិការជាតិសន្តិសុខលម្ហសមុទ្រ។ការយកចិត្តទុកដាក់របស់ថ្នាក់ដឹកនាំដែលតែងតែយកចិត្តទុកដាក់ខ្ពស់ចំពោះបញ្ហាសន្តិសុខ និងសុវត្ថិ ភាពលើផ្ទៃសមុទ្រ ដែលបានចូលរួមយ៉ាងសំខាន់ក្នុងការធានាសុវត្ថិភាពចរាចរណ៍នាវា ការការពារផលប្រ យោជន៍សេដ្ឋកិច្ចជាតិ ធនធានធម្មជាតិ និងបរិស្ថានសមុទ្រ ព្រមទាំងការជួយសង្គ្រោះគ្រោះមហន្តរាយ និងទប់ ស្កាត់បទល្មើសផ្សេងៗ ដូចជាការឆ្លងដែនខុសច្បាប់ ការនេសាទខុសច្បាប់ ការរត់ពន្ធ ការជួញដូរគ្រឿងញៀន ការជួញដូរអាវុធ ការជួញដូរមនុស្ស ចោរសមុទ្រ អំពើភេរវកម្ម និងបទល្មើសផ្សេងៗទៀត ដែលអាចកើតមានលើ ផ្ទៃសមុទ្រ និងកិច្ចការរុករក និងជួយសង្គ្រោះ។ នេះ គឺជាការលើកឡើងបន្ថែមពីមេបញ្ជាការទីបញ្ជាការជួរមុខអត្ថបទ៖ គង់ ប៊ុនថា

បណ្ដាញសង្គម

ព័ត៌មានថ្មីៗ

ការវាយប្រហារយានដ្រូនរុស្ស៊ីសម្លាប់មនុស្ស ៣នាក់ នៅទីក្រុង Dnipro របស់អ៊ុយក្រែន
04/23/2026 09:04 PM
Facebook Telegram Linkin
មេបញ្ជាការកងទ័ពប៉ាគីស្ថានលោក Munir ជួបពិភាក្សាការងារជាមួយប្រធានាធិបតីអ៊ីរ៉ង់លោក Pezeshkian
04/23/2026 09:04 PM
Facebook Telegram Linkin
មនុស្ស ១១នាក់ស្លាប់ ក្នុងគ្រោះថ្នាក់រថយន្តបុកគ្នានៅភាគខាងជើងប្រទេសឥណ្ឌា
04/23/2026 09:04 PM
Facebook Telegram Linkin
កង្វះខាតប្រេងបណ្តាលឲ្យអ្នកបើកបររង់ចាំអស់រយៈពេលរាប់ម៉ោង ដើម្បីចាក់ប្រេងនៅបូលីវី
04/23/2026 09:04 PM
Facebook Telegram Linkin
ពលរដ្ឋអ៊ីរ៉ង់រស់នៅទីក្រុងតេអេរ៉ង់មិនទុកចិត្តការបន្តបទឈប់បាញ់របស់អាមេរិក
04/23/2026 09:04 PM
Facebook Telegram Linkin
ព្រះសង្ឃចាប់ផ្តើមនិមន្ត ដើម្បីសន្តិភាពរយៈពេល ១សប្តាហ៍នៅប្រទេសស្រីលង្កា
04/23/2026 08:04 PM
Facebook Telegram Linkin
ប៉ាគីស្ថានរឹតបន្តឹងសន្តិសុខនៅទីក្រុងអ៊ីស្លាម៉ាបាដ ខណៈភាពពុំច្បាស់ចំពោះកិច្ចប្រជុំសន្តិភាពអាមេរិក-អ៊ីរ៉ង់
04/23/2026 08:04 PM
Facebook Telegram Linkin
ការវាយប្រហាររបស់អ៊ីស្រាអែលសម្លាប់មនុស្ស ៥នាក់ នៅតំបន់ហ្កាហ្សា
04/23/2026 08:04 PM
Facebook Telegram Linkin
សង្រ្គាមអ៊ីរ៉ង់ជំរុញឲ្យមានតម្រូវការកើនឡើងសម្រាប់ថាមពលពន្លឺព្រះអាទិត្យនៅអឺរ៉ុប
04/23/2026 08:04 PM
Facebook Telegram Linkin
កងទ័ពជើងទឹកអាល្លឺម៉ង់ត្រៀមខ្លួនសម្រាប់លទ្ធភាពនៃបេសកកម្មបោសសម្អាតមីននៅច្រកសមុទ្រ Hormuz
04/23/2026 08:04 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.