នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
កិច្ចប្រជុំពេញអង្គគណៈរដ្ឋមន្ត្រីបានអនុម័តសេចក្តីព្រាងច្បាប់ស្តីពីកាតព្វកិច្ចយោធា និងត្រូវបានប្រកាសជាការប្រញាប់
សម្តេចធិបតី ៖ ការសម្រេចចិត្តរបស់រាជរដ្ឋាភិបាលក្នុងការអនុញ្ញាតឱ្យមានការរៀបចំកម្មវិធីបុណ្យចូលឆ្នាំខ្មែរប្រពៃណីជាតិ គឺពិតជាត្រឹមត្រូវ
សម្តេចធិបតី ដាក់បទបញ្ជាយ៉ាងម៉ឺងម៉ាត់បំផុតឱ្យសមត្ថកិច្ច និងកងកម្លាំងពាក់ព័ន្ធទាំងអស់បន្តការបង្ក្រាបScam Online ដោយគ្មានបង្អង់ដៃឡើយ
បុគ្គលិកសម្អាតអនាម័យ និងប្រជាការពារ ដែលបម្រើការក្នុងព្រឹត្តិការណ៍នគរសង្ក្រាន្ត បានទទួលអំណោយពីថ្នាក់ដឹកនាំ

ព័ត៌មានជាតិ

CMAC ទទួលបានម៉ាស៊ីនរាវមីនទំនើបជំនាន់ថ្មីចំនួន ៣០គ្រឿង ពីប្រទេសជប៉ុន គិតជាថវិកាជាង ១,៣ លានដុល្លារ

2026/03/12 11:02:48 am        170
Facebook Telegram Linkin
ភ្នំពេញ៖ ឯកឧត្តម ហេង រតនា អគ្គនាយក មជ្ឈមណ្ឌលសកម្មភាពកំចាត់មីនកម្ពុជា-ស៊ីម៉ាក់ (CMAC) បានឱ្យដឹងនៅថ្ងៃទី១២ ខែមីនា ឆ្នាំ២០២៦នេះថា ស៊ីម៉ាក់ ទើបទទួល​បាន​ម៉ាស៊ីន​រាវមីន​ទំនើបជំនាន់ថ្មីប្រភេទ Advanced Landmine Imaging System (ALIS) ចំនួន​៣០​គ្រឿង​ពីប្រទេសជប៉ុនគិតជាថវិកាជាង ១,៣ លានដុល្លារ។ឯកឧត្តម ហេង រតនា បានថ្លែងថា អង្គភាព ស៊ីម៉ាក់ បានទទួលម៉ាស៊ីនរាវមីនទំនើបជំនាន់ថ្មីប្រភេទ Advanced Landmine Imaging System (ALIS) ចំនួន៣០គ្រឿង ដែលគិតជាថវិកាមានចំនួនប្រមាណជាង១លាន៣សែនដុល្លារអាម៉េរិក ជាជំនួយរបស់រដ្ឋាភិបាលជប៉ុនផ្តល់ជូនរាជរដ្ឋាភិបាលកម្ពុជាដើម្បីគាំទ្រសកម្មភាពអង្គភាព ស៊ីម៉ាក់ ដែលបានអនុម័តតាំងពីដើមឆ្នាំ២០២៥ និងបានដំណើរការដេញថ្លៃទិញដែលសម្ភារៈបច្ចេកទេសខ្លះត្រូវចំណាយពេលវេលាប្រមាណពី១-២ឆ្នាំទើបអាចទទួលបាន។ឯកឧត្តម ហេង រតនា បានបញ្ជាក់ថា ម៉ាស៊ីនរាវមីនប្រភេទ ALIS នេះត្រូវបានស្រាវជ្រាវនិងអភិវឌ្ឍន៍បច្ចេកទេសរួមបញ្ចូលគ្នារវាងប្រព័ន្ធស្រូបសារធាតុដែកនិងប្រពន្ធ័រ៉ាដាកំណត់ចំណុចរូបភាព (a metal detector and Ground Penetrating Radar, GPR) ដោយសហការរវាងអង្គភាព CMAC និងសកលវិទ្យាល័យ TOHOKU ជប៉ុនដឹកនាំដោយលោកសាស្ត្រាចារ្យ Prof. Motoyuki Sato ដែលចាប់ផ្តើមតាំងពីឆ្នាំ២០០៥-០៦ ពោលមានរយៈពេលជាង២០ឆ្នាំ ទើបសម្រាចបានជោគជ័យដ៍ថ្លៃថ្លាមួយនេះ។បើតាមឯកឧត្តម ហេង រតនា ម៉ាស៊ីនរាវមីននេះ ប្រៀបដូចឧបករណ៍ស្គែនមើលរូបភាពក្រោមដី ដែលមានប្រយោជន៍បង្កើនសុវត្ថិភាព និងល្បឿននៃការបោសសម្អាតគ្រាប់មីន និងសំណល់យុទ្ធភណ្ឌសង្គ្រាមកាន់តែមានប្រសិទ្ធភាពថែមទៀត៕

គណៈកម្មការរៀបចំការប្រឡងប្រជែង នឹងរៀបចំការប្រឡងប្រជែងជ្រើសរើស «មន្រ្តីក្របខ័ណ្ឌ» និង «មន្រ្តីផ្អែកលើកិច្ចព្រមព្រៀងការងារ» ឱ្យចូលបម្រើការងារនៅតាមក្រសួង ស្ថាប័នចំនួន៤ នៅក្នុងឆ្នាំ២០២៦ នេះ

2026/03/12 10:39:08 am        236
Facebook Telegram Linkin
នារសៀលថ្ងៃទី១១ ខែមីនា ឆ្នាំ២០២៦ គណៈកម្មការរៀបចំការប្រឡងប្រជែងនៃក្រសួងមុខងារសាធារណៈ បានរៀបចំកិច្ចប្រជុំពិភាក្សាជាមួយតំណាងមកពីក្រសួង ស្ថាប័នពាក់ព័ន្ធចំនួន៥ ដើម្បីពិភាក្សាគ្នាក្នុងការត្រៀមរៀបចំការប្រឡងជ្រើសរើស «មន្រ្តីក្របខ័ណ្ឌ» និង «មន្រ្តីផ្អែកលើកិច្ចព្រមព្រៀងការងារ» ឱ្យចូលបម្រើការងារនៅតាមក្រសួង ស្ថាប័នចំនួន៤ ស្របតាមផែនការដែលបានកំណត់។ កិច្ចប្រជុំនេះ ដឹកនាំដោយ ឯកឧត្តម យក់ ប៊ុនណា រដ្ឋលេខាធិការប្រចាំការក្រសួងមុខងារសាធារណៈ និងជាប្រធានអនុគណៈកម្មការរៀបចំការប្រឡងប្រជែង។ក្រសួង ស្ថាប័នទាំង៤ ដែលនឹងត្រៀមរៀបចំការប្រឡងជ្រើសរើសមន្រ្តីរួមមាន៖ (១)ក្រសួងការបរទេស និងសហប្រតិបត្តិការអន្តរជាតិ (២)រដ្ឋលេខាធិការដ្ឋានកិច្ចការព្រំដែន (៣)ក្រសួងយុត្តិធម៌ និង (៤)ក្រសួងអប់រំ យុវជន និងកីឡា។កិច្ចប្រជុំនារសៀលនេះ ជាការពិនិត្យលើកិច្ចការដែលក្រុមការងារគណៈកម្មការរៀបចំការប្រឡងប្រជែងបានរៀបចំ និងការពិភាក្សាក្នុងការកំណត់ការជ្រើសរើសមន្រ្តីស្របតាមតម្រូវការមុខតំណែង, លក្ខខណ្ឌគុណវុឌ្ឍិ(ជំនាញ, បច្ចេកទេស, និងគាំទ្រ), ចំនួនតម្រូវការ, និងរំហូរនៃដំណើរការរៀបចំការប្រឡងប្រជែងចាប់ពីចេញសេចក្តីជូនដំណឹង រហូតដល់ការប្រកាសលទ្ធផល។

នៅព្រឹកនេះ កម្មករ-កម្មការិនីរោងចក្រ ហេន ៧ ហ្គាម៉ិន បានចូលធ្វើការជាធម្មតាវិញ

2026/03/12 10:34:17 am        228
Facebook Telegram Linkin
ភ្នំពេញ៖ នៅព្រឹកថ្ងៃទី១២ ខែមីនា ឆ្នាំ២០២៦នេះ កម្មករ-កម្មការិនីនៃរោងចក្រ ហេន ៧ ហ្គាម៉ិន ដែលមានទីតាំងស្ថិតនៅតាមបណ្តោយផ្លូវជាតិលេខ៣ ភូមិទឹកថ្លា សង្កាត់ក្រាំងពង្រ ខណ្ឌដង្កោ រាជ​ធានីភ្នំពេញ បានចូលបម្រើការងារជាធម្មតាវិញហើយ បន្ទាប់ពីក្រសួងការងារ និង​បណ្ដុះ​បណ្ដាល​វិជ្ជាជីវៈ បានដោះស្រាយបញ្ចប់ការទាមទាររបស់ពួកគាត់ចប់សព្វគ្រប់ កាលពី​ថ្ងៃ​ម្សិល​មិញ​។ លោក ស៊ុន មេសា អ្នកនាំពាក្យនៃក្រសួងការងារ និងបណ្ដុះបណ្ដាលវិជ្ជាជីវៈ ឱ្យដឹងថា «នៅ​ព្រឹក​ថ្ងៃ​ទី​១២ ខែមីនា ឆ្នាំ២០២៦នេះ បងប្អូនកម្មករ-កម្មការិនី នៃរោងចក្រ ហេន ៧ ហ្គាម៉ិន បាន​ចូល​បម្រើ​ការងារជាធម្មតាវិញហើយ បន្ទាប់ពីមន្ត្រីជាន់ខ្ពស់ក្រសួងការងារ បានដោះ​ស្រាយ​ករណី​ទាមទារ​របស់ពួកគាត់ចប់សព្វគ្រប់ និងយ៉ាងលឿនរហ័ស ក្រោមការយកចិត្តទុកដាក់ខ្ពស់»។ អ្នកនាំពាក្យដដែលរូបនេះ បានអះអាងថា រាល់បញ្ហានានារបស់បងប្អូនកម្មករ-និយោជិត មិន​ថា​តែ​ក្នុងវិ​ស័យកាត់ដេរ ឬវិស័យផ្សេងទៀតនោះទេ គឺក្រសួងការងារ តែងតែយក​ចិ​ត្ត​ទុក​ដាក់​ដោះ​ស្រាយ​ដោយ​លឿនរហ័ស និងប្រកបដោយប្រសិទ្ធភាពដោយមិនព្រងើយកន្តើយនោះឡើយ។ បន្ថែម​ពីនេះ កម្មករនិយោជិតទាំងអស់អាចប្តឹង ឬផ្តល់ដំណឹងមកលេខHotline “១២៨៦” ដើម្បី​ឱ្យ​មន្ត្រី​ជំនាញរបស់ក្រសួង ដោះស្រាយបញ្ហាជូន៕

ខេត្តកំពង់ឆ្នាំង ប្រារព្ធ​ទិវាជាតិទីក្រុងស្អាតលើកទី១៣ ឆ្នាំ២០២៦ ក្រោមប្រធានបទ «សាមគ្គី ដើម្បីទីក្រុងស្អាត»

2026/03/12 10:04:34 am        153
Facebook Telegram Linkin
កំពង់ឆ្នាំង៖ រដ្ឋបាលខេត្តកំពង់ឆ្នាំង បានរៀបចំពិធីអបអរសាទរ ទិវាជាតិ ទីក្រុងស្អាត លើកទី១៣ ឆ្នាំ២០២៦ ក្រោមប្រធានបទ «សាមគ្គី ដើម្បីទីក្រុងស្អាត»។​ ពិធីនេះ​បានប្រារព្ធ​ឡើង នា​ព្រឹក​ថ្ងៃ​ទី​១២ ខែមីនា ឆ្នាំ២០២៦ នៅបរិវេណសួនសម្តេចចៅហ្វាវាំង ស្ថិតនៅក្រុងកំពង់ឆ្នាំង ក្រោម​អធិបតី​ភាព​លោក នៃ ចារី អភិបាលរងខេត្តកំពង់ឆ្នាំង ដោយយមានការចូលរួមពីមន្រ្តីរាជការ អាជ្ញាធរ​ក្រុង​-សង្កាត់ កងកម្លាំងទាំងបី លោកគ្រូ អ្នកគ្រូ និងសិស្សានុសិស្សជាច្រើនរូប។ការ​រៀបចំពិធីអបអរសាទរ ទិវាជាតិទីក្រុងស្អាត នាពេល នេះ មានគោលបំណងផ្សព្វផ្សាយ និង​បញ្ជា​បការយល់ដឹងអំពី សារៈសំខាន់នៃទីក្រុងស្អាត ជាពិសេសការបំផុសស្មារតី ដល់ ប្រជា​ពលរដ្ឋ​ឱ្យ​ចូលរួមថែរក្សាអនាម័យ និងសម្អាតបរិស្ថានក្នុង ក្រុងកំពង់ឆ្នាំង និងតាមបណ្តាមូលដ្ឋាន ឱ្យ​កាន់តែមានសោភ័ណភាព ស្រស់បំព្រងនាពេលអនាគត។ពិធីអបអរសាទរ ទិវាជាតិទីក្រុងស្អាត លើកទី១៣ ឆ្នាំ២០២៦ ក៏ ជាឱកាស​មួយ​សម្រាប់​បន្ត​លើក​ទឹក​ចិត្ត​ និងជំរុញឱ្យគ្រប់មជ្ឈដ្ឋាន បន្តចូលរួមថែរក្សាបរិស្ថាន អនាម័យ និងសោភ័ណភាពទីក្រុង ដើម្បី​រក្សាភាពស្អាត និងភាពទាក់ទាញរបស់ខេត្តកំពង់ឆ្នាំង ឱ្យកាន់តែ ប្រសើរឡើងបន្ថែមទៀត។ទិវាជាតិទីក្រុងស្អាតនេះ ក៏បានអនុវត្តនៅតាមរដ្ឋបាល ក្រុង ស្រុក និងសង្កាត់ តាមសាលា រៀន និង​តំបន់ផ្សេងៗ ផងដែរ ដើម្បីពង្រឹងការយល់ដឹង និងលើក ទឹកចិត្ត​ឱ្យ​គ្រប់​មជ្ឈ​ដ្ឋាន​ចូល​រួម​ថែ​រក្សា​បរិស្ថាន និងអនាម័យ សាធារណៈ ឱ្យកាន់តែមានភាពផុលផុសឡើងថែមទៀត៕ កាំង ហុងវាស្នា

មិនត្រឹមតែជារុក្ខជាតិតំណាងឱ្យជាតិខ្មែរ «ផ្ការំដួល» ក៏ជាផ្នែកមួយនៃជីវភាពរបស់ពលរដ្ឋនៅតំបន់ជុំវិញអង្គរពឹងអាស្រ័យផលតាមរដូវកាលដែរ

2026/03/12 10:04:09 am        145
Facebook Telegram Linkin
សៀមរាប៖ «ផ្ការំដួល» បានផ្សារភ្ជាប់អត្ថន័យយ៉ាងជ្រាលជ្រៅទៅនឹងប្រជាជនកម្ពុជា ទាំងប្រពៃណី វប្បធម៌ ទំនៀមទម្លាប់ សិល្បៈ ចម្លាក់ នៅតាមប្រាសាទនានា ដូចជាចម្លាក់អប្សរានៅប្រាសាទអង្គរវត្តជាដើម។ មកដល់អំឡុងខែមីនានេះ ផ្ការំដួលរីកស្គុះស្គាយបង្ហើរក្លិនមិនត្រឹមតាមផ្លូវក្នុងរមណីយដ្ឋានអង្គរប៉ុណ្ណោះទេ នៅតាមទីតាំងសក្ការៈបូជា ព្រះអង្គចេក ព្រះអង្គចម ក៏មានបងប្អូនប្រជាពលរដ្ឋបានយកផ្ការំដួលមកក្រងជាផ្នួងសក់ឬខ្សែដៃ និងជាភួងផ្កាលក់ជូនទេសចរជាតិ និងអន្តរជាតិ។ លោក វាសនា មានអាយុ៤១ឆ្នាំ បានឱ្យដឹងថា របរបេះផ្ការំដួល និងអាស្រ័យផលផ្លែឈើព្រៃ តាមរដូវកាលជាមុខរបរប្រពៃណីតាំងពីដូនតារបស់លោកមក រហូតក្លាយទៅជាអាជីពបន្តដល់កូនចៅ។ លោកថា បើសិនគ្មានជំនាញដើម្បីឡើងតោងដើមឈើធំៗខ្ពស់ៗទេនោះ ពិតជាមិនអាចតស៊ូឡើងបេះផ្ការំដួល ឬផ្លែឈើដទៃទៀតបានឡើយ ខណៈតម្លៃលក់វិញ អាស្រ័យលើរដូវសម្បូរផ្កា ឬរដូវខ្សត់ផ្កា ។ជាអ្នកទេសចរមួយរូបធ្វើដំណើរមកពីស្រុកថ្មគោល ខេត្តបាត់ដំបង អ្នកស្រី ហាង សុភី បង្ហាញអារម្មណ៍រីករាយ នៅពេលបានឃើញ “ផ្ការំដួល” ត្រូវបានគេយកមកច្នៃជាភួងផ្កាថ្វាយព្រះ និងជាគ្រឿងលម្អយ៉ាងស្រស់ស្អាត ជាពិសេសក្លិនផ្ការំដួលក្រអូបឈ្ងុយ និងមិនសូវបានឃើញនៅកន្លែងដទៃទៀត។ អ្នកស្រី បានលើកទឹកចិត្ត ដល់ភ្ញៀវទេសចរដែលបានមកលេងខេត្តសៀមរាប គួរតែមកតំបន់ព្រះអង្គចេកព្រះអង្គចម ជាពិសេសទិញភួងផ្ការំដួល ដើម្បីជួយបង្កើនចំណូលជូនពួកគាត់។បើតាមការឱ្យដឹងពីក្រុមអាជីវករ ដែលលក់ដូរផ្ការំដួលនៅបរិវេណព្រះអង្គចេក ព្រះអង្គចម បានបញ្ជាក់ថា ក្នុងមួយថ្ងៃ ពួកគាត់អាចលក់បានចន្លោះពី ៤០ ទៅ ១០០កម្រង ក្នុងមួយថ្ងៃ អាស្រ័យលើចំនួនភ្ញៀវដែលមកទស្សនានៅទីនោះ ខណៈកម្រងផ្ការំដួល មានតម្លៃចាប់ពី ២០០០រៀល ទៅតាមរដូវកាលសម្បូរផ្កា ឬខ្សត់ផ្កា ហើយផ្ការំដួល ទៀតសោត ក៏ជាផ្កាតំណាងអត្តសញ្ញាណជាតិ ដែលមានក្លិនក្រអូប និងអាចប្រើប្រាស់ជាប្រយោជន៍បានច្រើនទៀត៕រូបមន្ទីរព័ត៌មានខេត្តសៀមរាប

វេទិការាជរដ្ឋាភិបាល-ផ្នែកឯកជន បានដោះស្រាយចំណុចសំខាន់ៗចំនួន៨ ឆ្លើយតបនឹងសំណូមពរផ្នែកឯកជន

2026/03/12 09:51:41 am        168
Facebook Telegram Linkin
វេទិការាជរដ្ឋាភិបាល-ផ្នែកឯកជន បានពិនិត្យ ពិភាក្សាលើបញ្ហាប្រឈម និងសំណូមពរ និងបានដាក់ចេញវិធានការដោះស្រាយសម ស្រប លើរបៀបវារៈសំខាន់ៗចំនួន ៨ ដើម្បីដោះស្រាយ និងឆ្លើយតបទៅនឹងសំណូមពររបស់វិស័យឯកជន ទាំងកម្រិតនយោបាយដឹកនាំ និងកម្រិតបច្ចេកទេស។ឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្ត្រីរដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ និងជាសហប្រធានក្រុម ការងារផ្នែកនីតិកម្ម ពន្ធដារ និងអភិបាលកិច្ច “ក្រុម ឃ” នៃវេទិការាជរដ្ឋាភិបាល-ផ្នែកឯកជនរួម ជាមួយនឹងលោក អានូដ ដាក (Arnaud Darc) សហប្រធាន “ក្រុម ឃ” មកពីខាងផ្នែកឯកជនបានសហការដឹកនាំកិច្ចប្រជុំ “ក្រុម ឃ” រួមជាមួយសមាជិក-សមាជិកាពាក់ព័ន្ធ នៅ ថ្ងៃទី១០ ខែមីនា ឆ្នាំ២០២៦ បានបើកអង្គប្រជុំក្រុមការងារ “ឃ” ផ្នែកនីតិកម្ម ពន្ធដារ និងអភិបាលកិច្ច រវាងរាជរដ្ឋាភិបាលជាមួយវិស័យ ឯកជន ក្នុងគោលបំណងពិនិត្យ ពិភាក្សាលើបញ្ហាប្រឈម និងសំណូមពរ ក៏ដូចជាដើម្បីដាក់ចេញវិធានការដោះស្រាយសមស្រប ជូន វិស័យឯកជននៅក្នុងប្រទេសកម្ពុជា។របៀបវារៈសំខាន់ៗដែលត្រូវលើកយកមកដោះស្រាយរួមមាន៨ចំណុចគឺ៖ ១. ការប្រយុទ្ធប្រឆាំងនឹងពាណិជ្ជកម្មខុសច្បាប់, ២. ការស្នើសុំកម្រៃសេវារបស់ក្រុមហ៊ុនអន្តរការីធានារ៉ាប់រង គឺជាចំណូលមិនជាប់អាករ, ៣. ពន្ធនាំចេញលើការប្រមូលរ៉ែទង់ដែង, ៤. ការលក់ ក្រៅព្រំដែនកម្ពុជា, ៥. ការប្រមូលពន្ធលើផ្ទាំងផ្សព្វផ្សាយ, ៦. នីតិវិធីក្នុងការប្រកាសការបង់អាករលើតម្លៃបន្ថែម, ៧. ការបង្កើតក្របខ័ណ្ឌ សម្រាប់ការប្រកាសផ្សាយនូវបទប្បញ្ញតិ្ត និងលិខិតបទដ្ឋានគតិយុត្ត, និង៨. ការបង្កើតស្ថាប័នជំនាញសម្រាប់ដោះស្រាយបញ្ហាវិវាទ លើបំណុលដែលមានកិច្ចធានា។ឆ្លើយតបនឹងសំណូមពររបស់ផ្នែកឯកជននេះ, ឯកឧត្តមអគ្គបណ្ឌិតសភាចារ្យ ឧបនាយករដ្ឋមន្រ្តី បានបញ្ជាក់ថា កន្លងមករាជរដ្ឋា- ភិបាលបានដាក់ចេញនូវគោលនយោបាយ បទប្បញ្ញត្តិ យន្តការស្ថាប័ននិងវិធានការនានា ដើម្បីដោះស្រាយនិងឆ្លើយតបទៅនឹង សំណូមពរ របស់វិស័យឯកជន ទាំងកម្រិតនយោបាយកម្រិតថ្នាក់ដឹកនាំ និងកម្រិតបច្ចេកទេស។ សំណូមពរ និងអនុសាសន៍របស់វិស័យឯកជន ត្រូវបានទទួលយកមកសិក្សា និងជាធាតុចូលសម្រាប់បន្តពិភាក្សា ស្វែងរកដំណោះស្រាយបន្ថែម ។ ជាលទ្ធផល, អង្គប្រជុំបាន ឆ្លើយបំភ្លឺ និងដោះស្រាយសំណូមពររបស់វិស័យឯកជន ព្រមទាំងប្រគល់ភារកិច្ចជូនក្រសួង-ស្ថាប័ន និងវិស័យឯកជនដែលមានការពាក់ព័ន្ធ អនុវត្ត តាមការសម្រេចរបស់អង្គប្រជុំ ។ លេខាធិការដ្ឋាននៃក្រុមការងារ ត្រូវបន្តតាមដានជាមួយក្រសួង-ស្ថាប័ន ជំរុញការអនុវត្តនូវការសម្រេច របស់អង្គប្រជុំដោយសកម្ម និងការទទួលខុសត្រូវ។ឯកឧត្តមអគ្គបណ្ឌិតសភាចារ្យ បានវាយតម្លៃខ្ពស់ ដល់ក្រុមការងារទាំងខាងរាជរដ្ឋាភិបាល ពិសេសអគ្គនាយកដ្ឋានពន្ធដារ, អគ្គនាយកដ្ឋានគយ និងរដ្ឋាករកម្ពុជា ក៏ដូចជាខាងវិស័យឯកជន ដែលកន្លងមកបានធ្វើកិច្ចសហការល្អ ក្នុងការដោះស្រាយបញ្ហាប្រឈម សំណូមពរ និងក្តីកង្វល់ពាក់ព័ន្ធនឹងការធ្វើធុរកិច្ច ហើយបានអនុញ្ញាតឱ្យមានការពិភាក្សាដោយបើកចំហរ រវាងភាគីវិស័យឯកជន និង រាជរដ្ឋាភិបាល លើរបៀបវារៈទាំង៨ ខាងលើ៕អត្ថបទ៖ សុន រ៉ាឌី

ក្នុងខែកុម្ភៈ ឆ្នាំ២០២៦ CDC អនុម័តគម្រោងវិនិយោគចំនួន ៤២ មានទុនសរុប ១៦៦ លានដុល្លារ

2026/03/12 09:39:10 am        165
Facebook Telegram Linkin
ក្រុមប្រឹក្សាអភិវឌ្ឍន៍កម្ពុជា នៅក្នុងខែកុម្ភៈ ឆ្នាំ២០២៦នេះ បានអនុម័តគម្រោងវិនិយោគសរុបចំនួន ៤២ គម្រោង មានទុនវិនិយោគ ប្រមាណ ១៦៦ លានដុល្លារអាមេរិក ក្នុងនោះចំនួន ១៨ គម្រោង ចុះបញ្ជីដោយ ក.អ.ក. និងគម្រោងចំនួន ២៤ ត្រូវបានចុះបញ្ជីដោយ អ.គ.វ.រ.ខ.។ ក្រុមប្រឹក្សាអភិវឌ្ឍន៍កម្ពុជា ចេញសេចក្តីប្រកាសព័ត៌មាន ស្តីពីការបានអនុម័តគម្រោងវិនិយោគ ក្នុងខែកុម្ភៈ ឆ្នាំ២០២៦ ក្នុង នោះគម្រោងវិនិយោគសរុប ដែលត្រូវបានចុះបញ្ជីនៅកម្ពុជា ទាំងការចុះបញ្ជីដោយក្រុមប្រឹក្សាអភិវឌ្ឍន៍កម្ពុជា (ក.អ.ក.) និងទាំងការ ចុះបញ្ជីដោយអនុគណៈកម្មាធិការវិនិយោគរាជធានី-ខេត្ត (អ.គ.វ.រ.ខ.) មានចំនួន ៤២ គម្រោង មានទំហំទុនវិនិយោគសរុបប្រមាណ ១៦៦ លានដុល្លារអាម៉េរិក និងអាចបង្កើតការងារសរុបប្រមាណ ២៤ ពាន់កន្លែង។ក្នុងចំណោមគម្រោងវិនិយោគទាំង៤២នេះខាងលើនេះ ក្នុងនោះគម្រោងចំនួន ១៨ ត្រូវបានចុះបញ្ជីដោយ ក.អ.ក. (ក្រៅ តំបន់សេដ្ឋកិច្ចពិសេសចំនួន ៩គម្រោង និងក្នុងតំបន់សេដ្ឋកិច្ចពិសេសចំនួន ៩គម្រោង) និងគម្រោងចំនួន ២៤ ត្រូវបានចុះបញ្ជី ដោយអនុគណៈកម្មាធិការវិនិយោគរាជធានី-ខេត្ត (អ.គ.វ.រ.ខ.)។ ចំពោះគម្រោងដែលទទួលបាន មានការវិនិយោគលើវិស័យផ្សេងៗគ្នាដូចជា គម្រោងវិនិយោគបង្កើតរោងចក្រកាត់ដេរសម្លៀក បំពាក់ ស្បែកជើង និងកាបូប, ផលិតកេសកាតុងនិងផលិតផលពីក្រដាស, ផលិតគ្រឿងសង្ហារិមសម្រាប់ប្រើប្រាស់ក្នុងផ្ទះ, ផលិត សម្ភារៈបោះជំរំ, កែច្នៃសំណប៉ាហាំង, ផលិតក្តារបន្ទះ, ផលិតចំហៀរឈើ, កែច្នៃលោហធាតុ និងផលិតផលពីប្លាស្ទិក, ផលិតសារធាតុ គីមី, ផលិតដើមណូអែល, ផលិតនិងផ្គុំដំឡើងក្បាលរ៉ូប៊ីណេ, ផលិតគ្រឿងបង្ខំបន្ទះសូឡានិងគ្រឿងបង្គុំបវិក្ខារអគ្គិសនីជាដើម៕អត្ថបទ៖ សុន រ៉ាឌី

មន្ត្រីជាន់ខ្ពស់ការពារជាតិ ជំរុញកងទ័ពពង្រឹងសមត្ថភាពការពារជាតិ ខណៈ​ពិភពលោក​ប្រែ​ប្រួល​មិន​ឈប់

2026/03/12 08:38:30 am        568
Facebook Telegram Linkin
ភ្នំពេញ៖ លោកជំទាវនាយឧត្តមសេនីយ៍ ដាំ ដារីនី រដ្ឋលេខាធិការ ក្រសួងការពារជាតិ បាន​ជំរុញ​ទៅ​ដល់​កង​ទ័ព ដែលមានស្ត្រីផងដែរនោះ បន្តពង្រឹងសមត្ថភាពការពារជាតិបន្ថែម ខណៈ​ពិភព​លោក​មាន​ការប្រែប្រួលពីមួយថ្ងៃទៅមួយថ្ងៃ ជាពិសេសការរីកចម្រើន នៃបច្ចេកវិទ្យាទំនើបៗ។ការ​អំពាវនាវ និងក្រើនរំឭកនេះ ធ្វើឡើងនៅក្នុងពិធីអបអរសាទរ ខួបលើកទី១១៥ ទិវា​អន្តរ​ជាតិ​នារី ​៨មីនា ឆ្នាំ២០២៦ ក្រោមប្រធានបទ “សន្តិភាព និងសន្តិសុខសម្រាប់ស្រ្តី និងគ្រួសារ” និង​ចុះ​ត្រួត​ពិនិត្យវឌ្ឍនភាពការងារ និងស្តាប់របាយការណ៍សកម្មភាពការងារ នៅគ្រឹះសា្ថន​សាធារណ​រដ្ឋបាល នៃវិទ្យាស្ថានវិទ្យាសាស្ត្រសុខាភិបាល កងយោធពលខេមរភូមិន្ទ នៅថ្ងៃទី១១ ខែមីនា ឆ្នាំ​២០២៦។នាឱកាសនោះ លោកជំទាវនាយឧត្តមសេនីយ៍ បានកោតសរសើរ និងវាយតម្លៃខ្ពស់ ចំពោះ​កិច្ច​ខិត​ខំ​ប្រឹងប្រែង របស់ថ្នាក់ដឹកនាំមន្ត្រី និងបុគ្គលិកទាំងអស់ ដែលកន្លងមក​បាន​ចូលរួ​មយ៉ា​ង​សកម្ម ​ក្នុងវិស័យសុខាភិបាលកងយោធពលខេមរភូមិន្ទ ឲ្យមានការរីកចម្រើនជាបន្តបន្ទាប់ ។ ការ​ប​ណ្តុះបណ្តាលបង្ហាត់បង្រៀន ផ្តល់ជំនាញវិជ្ជាជីវៈ បច្ចេកទេសជូនដល់ សិក្ខាកាមយោធិន សិស្ស​និស្សិត​ស៊ីវិល គឺជាមូលដ្ឋានគ្រឹះក្នុងការអភិវឌ្ឍប្រទេស ហើយសូមលើកទឹកចិត្ត ឲ្យបន្ត​ពង្រឹង​សមត្ថ​ភាព​វិជ្ជាជីវៈ ការស្រាវជ្រាវ ផ្នែកវិជ្ជាសាស្ត្រ ជាពិសេស ក្រមសីលធម៌​ឲ្យ​ប្រកប​ដោយ​គុណភាព​ ប្រសិទ្ធភាព។ លោកជំទាវ ក៏បានគូសបញ្ជាក់អំពីតួនាទីសំខាន់របស់ស្ត្រី ក្នុងជួរកងយោធពលខេមរភូមិន្ទ ដែរ​បាន​ចូល​រួមយ៉ាងសកម្ម ក្នុងការអភិវឌ្ឍសង្គម ជាពិសេសក្នុងការការពារជាតិ បូរណភាពទឹកដី និង​មាតុ​ភូមិ ​ក្នុងន័យនេះ លោកជំទាវបានជំរុញឲ្យលោកគ្រូ អ្នកគ្រូ បុគ្គលិកទាំងអស់ បន្ត​ពង្រឹង​សាមគ្គី​​ភាព ការងារ វិន័យ និងការប្តេជ្ញាចិត្ត​ក្នុង​ការ​បំពេញ​ភារ​កិច្ច​ឲ្យ​បាន​កាន់​តែ​ល្អប្រ​សើរ​ថែម​ទៀត​។លោកជំទាវ ដាំ ដារីនី បានគូសបញ្ជាក់ថា ក្នុងដំណាក់កាលនៃការប្រែប្រួល មិនចេះឈប់​ឈររ​ប​ស់​ពិភពលោកនេះ ការពង្រឹងខឿនការពារជាតិឱ្យបានរឹងមាំ ក៏ដូចជាបណ្តុះ​បណ្តាល​ធន​ធាន​មនុស្ស​ឱ្យ​បាន​ខ្លាំង គឺជារឿងចាំបាច់ ដូចនេះសូមកងទ័ពទាំងអស់ បន្តពង្រឹងសម​ត្ថ​ភាព​ការពា​រ​ជាតិ​។ ជាមួយនេះ លោកជំទាវរដ្ឋលេខាធិការ បានថ្លែងអំណរគុណ ដល់ថ្នាក់ដឹកនាំវិទ្យាស្ថាន លោកគ្រូ អ្នកគ្រូ នាយទាហាន នាយទាហានរង ពលទាហាន យោធិននារី សិស្សនិសិត្ស សិក្ខាកាម ព្រម​ទាំង​បុគ្គលិកទាំងអស់ ដែលបានចូលរួមលិខិតសរសើរ ថវិកា និងអំណោយមួយចំនួនផងដែរ ។គួរបញ្ជាក់ថា ចំពោះស្ត្រីក្នុងវិស័យការពារជាតិនេះ ក្នុងអំឡុងនៃការឈ្លានពានរបស់កងទ័ពថៃ មក​លើបូរណភាពទឹកដីកម្ពុជា ពួកគេក៏បានចូលរួមការពារជាតិជាមួយកងទ័ពជាបុរស ដោយ​ទឹក​ចិត្ត​អង់​អាច​ក្លាហាន មិនត្រឹមតែប៉ុណ្ណោះ បច្ចុប្បន្នមានកងទ័ពជាស្ត្រីរបស់កម្ពុជា ក៏កំពុងពង្រឹង​សមត្ថភា​ព​ការពារជាតិបន្ថែម នៅប្រទេសក្រៅ ហើយកងទ័ពមួកខៀវដែលស្ត្រីកម្ពុជា បាន​ទៅ​ចូល​រួម​ថែ​រក្សាសន្តិភាពពិភលោក ក្រោមឆ័ត្ររបស់អង្គការសហប្រជាជាតិផងដែរ ៕ អត្ថបទ បាន សុខរិទ្ធិ 

ក្រសួងការងារបានដោះស្រាយបញ្ចប់ការទាមទាររបស់បងប្អូនកម្មកររោងចក្រ ហេន ៧ ហ្គាម៉ិន ចប់សព្វគ្រប់ជាមួយការពេញចិត្ត ខណៈកម្មករនឹងចូលធ្វើការវិញនៅព្រឹកស្អែក

2026/03/11 08:09:22 pm        233
Facebook Telegram Linkin
ការទាមទាររបស់បងប្អូនកម្មករកម្មការិនីនៃរោងចក្រ ហេន ៧ ហ្គាម៉ិន ដែលមានទីតាំងស្ថិតនៅតាមបណ្តយផ្លូវជាតិលេខ ៣ ភូមិទឹកថ្លា សង្កាត់ក្រាំងពង្រ ខណ្ឌដង្កោ រាជធានីភ្នំពេញ ត្រូវបានដោះស្រាយចប់សព្វគ្រប់ដោយកម្មករសប្បាយចិត្តជាមួយដំណោះស្រាយរបស់ក្រសួងការងារ នៅរសៀលថ្ងៃទី១១ ខែមីនា ឆ្នាំ២០២៦នេះ ខណៈកម្មករនិយោជិតនឹងចូលធ្វើការធម្មតាវិញនៅព្រឹកថ្ងៃទី១២ ខែមីនា។ នេះបើតាម លោក ស៊ុន មេសា អ្នកនាំពាក្យនៃក្រសួងការងារ និងបណ្ដុះបណ្ដាលវិជ្ជាជីវៈ។ អ្នកនាំពាក្យរូបនេះបានអះអាងថា៖ «ក្រោមការសម្របសម្រួលនិងយកចិត្តទុកដាក់ដោះស្រាយភ្លាមៗ ពីសំណាក់មន្ត្រីជំនាញ កង្វល់របស់បងប្អូនកម្មករត្រូវបានដោះស្រាយចប់សព្វគ្រប់ ហើយកម្មករនឹងវិលចូលបម្រើការងារវិញជាធម្មតានៅថ្ងៃទី១២ ខែមីនា ឆ្នាំ២០២៦នេះ»។លោក ស៊ុនមេសា បានឱ្យដឹងទៀតថា ក្រោយការពិភាក្សា និងសម្របសម្រួលភាគីទាំងពីរបានឯកភាពគ្នាស្រុះស្រួលចំនួន ១០ចំណុចក្នុងនោះមានជាអាទិ៍ ក្រុមហ៊ុននឹងអនុវត្តទៅតាមច្បាប់ស្តីពីការងារ, ក្រុមហ៊ុនយល់ព្រមធ្វើការផ្លាស់ប្ដូរថ្ងៃឈប់សម្រាកបុណ្យដោយមានការស្ម័គ្រចិត្តពីខាងកម្មករនិយោជិត, ក្រុមហ៊ុននឹងធ្វើការពន្យល់ណែនាំដល់ប្រធានផ្នែក ក៏ដូចជាប្រធានក្រុម ឱ្យប្រើពាក្យសម្តីសមរម្យក្នុងការបំពេញការងារ ជាដើម។ គួរបញ្ជាក់ថា ក្រោយពីទទួលបានព័ត៌មាននេះភ្លាម ឯកឧត្តម ទុយ ស៊ីផាន់ រដ្ឋលេខាធិការក្រសួងការងារ និងបណ្តុះបណ្តាលវិជ្ជាជីវៈ រួមជាមួយក្រុមអន្តរាគមន៍ក្រសួង និងមន្ទីរការងារ សហការជាមួយអាជ្ញាធរមូលដ្ឋាន បានចុះទៅសម្របសម្រួលដោះស្រាយករណីនេះដោយមានការចូលរួមពីតំណាងក្រសួងការងារ និងបណ្ដុះបណ្ដាលវិជ្ជាជីវៈ, តំណាងមន្ទីរការងារ និងបណ្ដុះបណ្ដាលវិជ្ជាជីវៈ រាជធានីភ្នំពេញ, តំណាងអាជ្ញាធរមូលដ្ឋាន, តំណាងរោងចក្រ និងតំណាងកម្មករនិយោជិតដើម្បីស្តាប់កង្វល់ និងបញ្ហានានារបស់បងប្អូនកម្មករ។  អ្នកនាំពាក្យក្រសួងការងារ និងបណ្តុះបណ្តាលវិជ្ជាជីវៈ អះអាងថា ការដោះស្រាយដ៏លឿនរហ័សនិងមានប្រសិទ្ធភាពរបស់ក្រសួងការងារ ចំពោះកម្មករកម្មការិនីយ៉ាងដូច្នេះ គឺជាកិច្ចការងារអាទិភាពរបស់ក្រសួងក្នុងការយកចិត្តទុកដាក់ចំពោះបងប្អូនកម្មករនិយោជិត៕

អ្នកនាំពាក្យ៖ កម្ពុជាត្រៀមលក្ខណៈ និងយន្តការគ្រប់គ្រាន់សម្រាប់ជួយអតីតពលករដែលមកពីប្រទេសថៃ និងពលករដែលមានបំណងត្រឡប់មកកម្ពុជាវិញ

2026/03/11 08:07:53 pm        104
Facebook Telegram Linkin
នៅថ្ងៃទី១១ ខែមីនា ឆ្នាំ២០២៦នេះ ឆ្លើយតបទៅនឹងសំណួររបស់អ្នកសារព័ត៌មានជុំវិញវិធានការរបស់ក្រសួងស្តីពីការជួយបងប្អូនអតីតពលករ និងពលករដែលមានបំណងត្រឡប់ពីប្រទេសថៃ លោក ស៊ុន មេសា អ្នកនាំពាក្យ ក្រសួងការងារ និងបណ្តុះបណ្តាលវិជ្ជាជីវៈ បានឱ្យដឹងថា «កម្ពុជាត្រៀមលក្ខណៈ និងយន្តការគ្រប់គ្រាន់សម្រាប់ជួយអតីតពលករដែលមកពីប្រទេសថៃ និងពលករដែលមានបំណងត្រឡប់មកកម្ពុជាវិញ»។អ្នកនាំពាក្យដដែលរូបនេះ លើកឡើងថា បច្ចុប្បន្ននេះកម្ពុជាសម្បូរទៅដោយរោងចក្រសហគ្រាស ដែលកំពុងតែស្រូបយកកម្លាំងពលកម្មនៅក្នុងស្រុករាប់ម៉ឺននាក់ ដើម្បីយកមកបំពេញតម្រូវការងាររកខ្លួន។លោក ស៊ុន មេសា គូសបញ្ជាក់ថា៖ «នៅកម្ពុជាមានការងារធ្វើច្រើន ក្នុងនោះពលរដ្ឋ និងពលករខ្មែរដែលត្រឡប់មកពីប្រទេសថៃដែលទទួលបានឱកាសការងារមានចំនួនប្រមាណជាង ៨០ម៉ឺននាក់ហើយ បន្ថែមពីនេះ កម្ពុជានៅសល់ឱកាសការងារសម្បូរបែបជាច្រើនម៉ឺនកន្លែងទៀតដែលកំពុងរងចាំបងប្អូន»។ លោកបានសង្កត់ធ្ងន់ថា ក្រសួងការងារដែលជាសេនាធិការជូនរាជរដ្ឋាភិបាលបានត្រៀមខ្លួនរួចជាស្រេចក្នុងការរកការងារធ្វើជូនពលរដ្ឋខ្មែរ អតីតពលករដែលបានត្រឡប់មកពីប្រទេសថៃ និងបងប្អូនពលករដែលមានបំណងត្រឡប់មកកម្ពុជាវិញ។គួរបញ្ជាក់ថា គិតមកត្រឹមពេលនេះ មានបងប្អូនអតីតពលករខ្មែរដែលត្រឡប់មកពីប្រទេសថៃ ប្រមាណជាង ៩៥ម៉ឺននាក់ ដោយក្នុងនោះមានបងប្អូនអតីតពលករខ្មែរដែលទទួលបានឱកាសការងារធ្វើចំនួនជាង ៦៣ម៉ឺននាក់តាមរយៈយន្តការក្រសួង និងវិស័យឯកជន នៅតាមរោងចក្រសហគ្រាសទាំងក្នុង និងក្រៅប្រព័ន្ធ។ជាមួយគ្នានេះ លោក ស៊ុន មេសា អ្នកនាំពាក្យក្រសួងការងារ និងបណ្ដុះបណ្ដាលវិជ្ជាជីវៈ បានអំពាវនាវសាជាថ្មីទៅដល់ប្រជាពលរដ្ឋនៅមូលដ្ឋាន ជាពិសេសបងប្អូនអតីតពលករដែលមកពីប្រទេសថៃ និងមានបំណងត្រឡប់មកពីប្រទេសថៃ ពិចារណារកឱកាសការងារក្នុងស្រុកដែលមានប្រាក់ឈ្នួលប្រហាក់ប្រហែលគ្នា អត្ថប្រយោជន៍សង្គមច្រើនជាង សុវត្ថិភាព និងចូលរួមក្នុងការអភិវឌ្ឍសេដ្ឋកិច្ចជាតិរបស់ខ្លួន៕

បណ្ដាញសង្គម

ព័ត៌មានថ្មីៗ

ការវាយប្រហារយានដ្រូនរុស្ស៊ីសម្លាប់មនុស្ស ៣នាក់ នៅទីក្រុង Dnipro របស់អ៊ុយក្រែន
04/23/2026 09:04 PM
Facebook Telegram Linkin
មេបញ្ជាការកងទ័ពប៉ាគីស្ថានលោក Munir ជួបពិភាក្សាការងារជាមួយប្រធានាធិបតីអ៊ីរ៉ង់លោក Pezeshkian
04/23/2026 09:04 PM
Facebook Telegram Linkin
មនុស្ស ១១នាក់ស្លាប់ ក្នុងគ្រោះថ្នាក់រថយន្តបុកគ្នានៅភាគខាងជើងប្រទេសឥណ្ឌា
04/23/2026 09:04 PM
Facebook Telegram Linkin
កង្វះខាតប្រេងបណ្តាលឲ្យអ្នកបើកបររង់ចាំអស់រយៈពេលរាប់ម៉ោង ដើម្បីចាក់ប្រេងនៅបូលីវី
04/23/2026 09:04 PM
Facebook Telegram Linkin
ពលរដ្ឋអ៊ីរ៉ង់រស់នៅទីក្រុងតេអេរ៉ង់មិនទុកចិត្តការបន្តបទឈប់បាញ់របស់អាមេរិក
04/23/2026 09:04 PM
Facebook Telegram Linkin
ព្រះសង្ឃចាប់ផ្តើមនិមន្ត ដើម្បីសន្តិភាពរយៈពេល ១សប្តាហ៍នៅប្រទេសស្រីលង្កា
04/23/2026 08:04 PM
Facebook Telegram Linkin
ប៉ាគីស្ថានរឹតបន្តឹងសន្តិសុខនៅទីក្រុងអ៊ីស្លាម៉ាបាដ ខណៈភាពពុំច្បាស់ចំពោះកិច្ចប្រជុំសន្តិភាពអាមេរិក-អ៊ីរ៉ង់
04/23/2026 08:04 PM
Facebook Telegram Linkin
ការវាយប្រហាររបស់អ៊ីស្រាអែលសម្លាប់មនុស្ស ៥នាក់ នៅតំបន់ហ្កាហ្សា
04/23/2026 08:04 PM
Facebook Telegram Linkin
សង្រ្គាមអ៊ីរ៉ង់ជំរុញឲ្យមានតម្រូវការកើនឡើងសម្រាប់ថាមពលពន្លឺព្រះអាទិត្យនៅអឺរ៉ុប
04/23/2026 08:04 PM
Facebook Telegram Linkin
កងទ័ពជើងទឹកអាល្លឺម៉ង់ត្រៀមខ្លួនសម្រាប់លទ្ធភាពនៃបេសកកម្មបោសសម្អាតមីននៅច្រកសមុទ្រ Hormuz
04/23/2026 08:04 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.