នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
កិច្ចប្រជុំពេញអង្គគណៈរដ្ឋមន្ត្រីបានអនុម័តសេចក្តីព្រាងច្បាប់ស្តីពីកាតព្វកិច្ចយោធា និងត្រូវបានប្រកាសជាការប្រញាប់
សម្តេចធិបតី ៖ ការសម្រេចចិត្តរបស់រាជរដ្ឋាភិបាលក្នុងការអនុញ្ញាតឱ្យមានការរៀបចំកម្មវិធីបុណ្យចូលឆ្នាំខ្មែរប្រពៃណីជាតិ គឺពិតជាត្រឹមត្រូវ
សម្តេចធិបតី ដាក់បទបញ្ជាយ៉ាងម៉ឺងម៉ាត់បំផុតឱ្យសមត្ថកិច្ច និងកងកម្លាំងពាក់ព័ន្ធទាំងអស់បន្តការបង្ក្រាបScam Online ដោយគ្មានបង្អង់ដៃឡើយ
បុគ្គលិកសម្អាតអនាម័យ និងប្រជាការពារ ដែលបម្រើការក្នុងព្រឹត្តិការណ៍នគរសង្ក្រាន្ត បានទទួលអំណោយពីថ្នាក់ដឹកនាំ

ព័ត៌មានជាតិ

ក្រសួងអភិវឌ្ឍន៍ជនបទ បានផ្លាស់ប្តូរហេដ្ឋារចនាសម្ព័នផ្លូវជនបទ មានការអភិវឌ្ឍរីកចម្រើនឆាប់រហ័ស

2026/03/11 06:21:45 pm        171
Facebook Telegram Linkin
ក្រសួងអភិវឌ្ឍន៍ជនបទ បាននិងកំពុងជំរុញផ្លាស់ប្តូរហេដ្ឋារចនាសម្ព័នផ្លូវនៅតាមជនបទ មានការអភិវឌ្ឍរីកចម្រើនយ៉ាងឆាប់រហ័ស ពី តំបន់ជនបទដែលគ្មានផ្លូវមកមានផ្លូវ ជាពិសេសការប្រែក្លាយពីផ្លូវល្បាយក្រួសមកជាផ្លូវក្រាលកៅស៊ូ ឬផ្លូវបេតុង ផ្តល់ប្រយោជន៍ដល់សង្គម-សេដ្ឋកិច្ច។ឯកឧត្តម ផូ ផារិទ្ធ រដ្ឋលេខាធិការ តំណាងដ៏ខ្ពង់ខ្ពស់ឯកឧត្តម ឆាយ ឫទ្ធិសែន រដ្ឋមន្ត្រីក្រសួងអភិវឌ្ឍន៍ជនបទ នៅថ្ងៃទី១១ ខែមីនា ឆ្នាំ២០២៦នេះ បានដឹកនាំគណៈកម្មការអន្តរក្រសួងរួមមាន ក្រសួងអភិវឌ្ឍន៍ជនបទ និងក្រសួងសេដ្ឋកិច្ច និងហិរញ្ញវត្ថុ ចុះត្រួត ពិនិត្យ និងវាយតម្លៃបញ្ចប់សុពលភាព លើការងារស្តារឡើងវិញផ្លូវក្រាលកៅស៊ូពីរជាន់ DBST ចំនួន១ខ្សែ ប្រវែង៣ពាន់ម៉ែត្រ ទទឹង ៦ ម៉ែត្រ, សាងសង់លូប្រអប់មុខពីរចំនួន ១កន្លែង, លូមូលមុខបីចំនួន ១កន្លែង និងលូមូលមុខពីរចំនួន ១កន្លែង ស្ថិតនៅភូមិចក ឃុំចក ទៅ ភូមិច្រវ៉ា ឃុំគង់ជ័យ ស្រុកអូររាំងឪ ខេត្តត្បូងឃ្មុំ។ ជុំវិញការចុះពិនិត្យផ្លូវខាងលើនេះ ឯកឧត្តមរដ្ឋលេខាធិការ បានលើកឡើងពីគុណបំណាច់ក្រោមការដឹកនាំប្រកបដោយគតិ បណ្ឌិត របស់សម្តេចអគ្គមហាសេនាបតី តេជោ ហ៊ុន សែន អតីតនាយករដ្ឋមន្ត្រី និងជាប្រធានព្រឹទ្ធសភា,​ សម្តេចបានជំរុញអភិវឌ្ឍសម្រេច នូវសមិទ្ធផលជាច្រើន។ ភាពជោគជ័យដ៏ត្រចះត្រចង់នេះ បានកើតចេញពីកត្តាសុខសន្តិភាព ស្ថិរភាពនយោបាយក្នុងប្រទេស ដែលបាន បង្កលក្ខណៈឱ្យប្រជាជន មានលទ្ធភាព ប្រកបរបរចិញ្ចឹមជីវិត តាមប្រក្រតីភាព ហើយក៏ជាមូលដ្ឋានដ៏សំខាន់ សម្រាប់រាជរដ្ឋាភិបាល បន្តវេន ដែលដឹកនាំដោយសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា។ឯកឧត្តមរដ្ឋលេខាធិការ បន្ថែមថា ជាក់ស្តែងការអភិវឌ្ឍហេដ្ឋារចនាសម្ព័ន្ធ និងផ្លូវនៅតាមជនបទនេះ សម្តេចទាំងពីរបានគិតគូរ យ៉ាងខ្លាំង ដើម្បីកែលម្អលក្ខខណ្ឌនៃការរស់នៅរបស់សហគមន៍ជនបទ តាមរយៈការលើកកម្ពស់ជីវភាព, និងការផ្តល់សេវាសង្គមនានា នៃសេដ្ឋកិច្ច សង្គមកិច្ច និងដើម្បីឆ្លើយតបទៅនឹងតម្រូវ​ការចាំបាច់នៅតាមមូលដ្ឋាន សម្រាប់ការរស់នៅប្រកបដោយភាពថ្លៃថ្នូរ ជាក់ស្តែង ការស្តារឡើងវិញផ្លូវក្រាលកៅស៊ូពីរជាន់ DBST និងថែទាំរហូតបញ្ចប់សុពលភាព របស់បញ្ជាការដ្ឋានវិស្វកម្ម កងទ័ពជើងគោក គឺជាការ ចូលរួមចំណែកយ៉ាងសំខាន់ជាមួយរាជរដ្ឋាភិបាល តាមរយៈការស្ថាបនាផ្លូវដែលមានគុណភាព ធានាដល់ការប្រើប្រាស់យូរអង្វែង សម្រាប់ ជាប្រយោជន៍ដល់ប្រជាជន និងសង្គមជាតិទាំងមូល៕អត្ថបទ៖ សុន រ៉ាឌី

ប្រធានស្តីទីព្រឹទ្ធសភា ចុះចែកកញ្ចប់អាហារស្រាយបួសចំនួន៤០០គ្រួសារ នៅក្រុងកំពង់ចាម និងស្រុកកងមាស

2026/03/11 06:12:16 pm        100
Facebook Telegram Linkin
ឯកឧត្ដម អ៊ុច បូរិទ្ធ ប្រធានស្តីទីព្រឹទ្ធសភា បានដឹកនាំសមាជិកព្រឹទ្ធសភា និងអាជ្ញាធរខេត្តកំពង់ចាម បានអញ្ជើញសំណេះសំណាល និងចែកកញ្ចប់អាហារស្រាយបួសដល់សាសនិកឥស្លាម ៤០០គ្រួសារ នៅក្រុងកំពង់ចាម និងស្រុកកងមាស។  នៅថ្ងៃទី១០ ខែមិនា ឆ្នាំ២០២៦ នេះ ឯកឧត្ដម អ៊ុច បូរិទ្ធ ប្រធានស្តីទីព្រឹទ្ធសភា និងឯកឧត្តម អ៊ុន ចាន់ដា អភិបាលខេត្តកំពង់ចាម រួមជាមួយប្រត្តិភូអមដំណើរជាច្រើនទៀត បានអញ្ជើញសំណេះសំណាល និងចែកអាហារស្រាយបួស ខែរ៉ាម៉ាឌន ជូនសាសនិកឥស្លាម ៤០០គ្រួសារ ដែលក្នុងនោះ ២០០គ្រួសារ នៅវិហាររកាក្រោម សង្កាត់សំបួរមាស ក្រុងកំពង់ចាម នឹង ២០០គ្រួសារ នៅវិហារខ្សាច់សូរ ឃុំពាមជីកង ស្រុកកងមាស ។ អភិបាលខេត្តកំពង់ចាម ឯកឧត្តម អ៊ុន ចាន់ដា បានលើកឡើងថា ពិធីចែកកញ្ចប់អាហារស្រាយបួស ដល់បងប្អូនសិស្សនិកឥស្លាមក្នុងឱកាសនេះ គឺជាការបង្ហាញនូវសាមគ្គីភាព ការជួយគ្នាទៅវិញទៅមក ជាងនេះទៅទៀត អាជ្ញាធរខេត្តក៏បានដោះស្រាយបញ្ហាជូនបងប្អូនយើងជាប្រចាំផងដែរ តាមរយៈតំណាងថ្នាក់ដឹកនាំ ពីថ្នាក់ខេត្ត ដល់ថ្នាក់ក្រុង ស្រុក និងថ្នាក់មូលដ្ឋានតែម្ដង។ ឯកឧត្តមអភិបាលខេត្ត បានបញ្ជាក់ផងដែរថា សម្រាប់ការជួបជុំគ្នានៅថ្ងៃនេះ គឺមានសារៈសំខាន់ណាស់ ដើម្បីបញ្ជាក់អំពីទឹកចិត្ត និងបង្កើននូវស្មារតីសាមគ្គីជាតិ។ ម្យ៉ាងទៀតប្រសិនបើបងប្អូនមានបញ្ហាអ្វីនៅសេសសល់មិនទាន់ដោះស្រាយ សូមរាយការណ៍មកអាជ្ញាធររបស់យើង ដើម្បីធ្វើការដោះស្រាយជូនបងប្អូន បានទាន់ពេលវេលា ។ ក្នុងឱកាសនោះដែរ ឯកឧត្តម អ៊ុច បូរិទ្ធ ប្រធានស្ដីពីព្រឹទ្ធសភា បានមានប្រសាសន៍ថា បើទោះជាបងប្អូនមានជំនឿសាសនាផ្សេងៗគ្នាយ៉ាងណាក៏ដោយ ក៏រដ្ឋាភិបាល ជានិច្ចកាលនៅតែ បានគិតគូរយកចិត្តទុកដាក់ អំពីសុខទុក្ខរបស់បងប្អូនយើង ។ ជាងនេះទៅទៀត សាមគ្គីភាពគឺជាសារៈសំខាន់ ពិសេសគឺវីរៈយុទ្ធជនរបស់យើង ដែលបានឃ្លាតពីឪពុកម្ដាយ ប្រពន្ធកូន នៅប្រចាំការជួរមុខ ប្រឈមជាមួយនឹងការឈ្លានពានរបស់ទ័ពសៀម ដែលឈ្លានពានទឹកដីកម្ពុជាយើង ។ ឯកឧត្តមប្រធានស្ដីទីព្រឹទ្ធសភា បានបញ្ជាក់ផងដែរថា បច្ចុប្បន្ននេះ ថ្នាក់ដឹកនាំពីលើដល់ក្រោម ពោលគឺប្រទេសជាតិយើងទាំងមូល បានឯកភាពសាមគ្គីជាតិវេញជាធ្លុងមួយដើម្បីជួយដល់បងប្អូនយើងនៅជួរមុខ ក៏ដូចជាបងប្អូនភៀសសឹក ដែលជួបការលំបាកដោយសារសង្គ្រាមឈ្លានពាននោះ៕ អត្ថបទ ៖ ថុង សីហា

អាជ្ញាធរខេត្តជំរុញម្ចាស់ស្ថានីយប្រេងឥន្ធនៈត្រូវធានាតម្លៃលក់តាមក្រសួងកំណត់

2026/03/11 06:03:03 pm        137
Facebook Telegram Linkin
​កំពង់ចាម ៖ អាជ្ញាធរខេត្តកំពង់ចាម បានជំរុញណែនាំឲ្យមន្ត្រីជំនាញពាក់ព័ន្ធ ត្រូវផ្សព្វផ្សាយ ឲ្យម្ចាស់ស្ថានីយ៍ និងដេប៉ូចែកចាយប្រេងឥន្ទនៈនៅក្នុងភូមិសាស្ត្រខេត្តកំពង់ចាម ត្រូវធានាការផ្គត់ផ្គង់ និងកំណត់តម្លៃលក់តាមក្រសួងពាណិជ្ជកម្ម។​លោក ស្រី សុភ័ក្រ្ត អភិបាលរងខេត្តកំពង់ចាម និងជាអ្នកនាំពាក្យរដ្ឋបាលខេត្ត បានបញ្ជាក់ប្រាប់ថា ដោយសារឥទ្ធិពលពីមជ្ឈឹមបូព៌ា ការផ្ទុះសង្គ្រាមរវាងអាមេរិកនិងអ៊ីស្រាអែល និងអ៊ីរ៉ង់ ជាងមួយសប្តាហ៍កន្លងមកនេះ បានបង្កឱ្យមានផលបញ្ហាប៉ះពាល់កង្វះប្រេងឥន្ទនៈជាសកល ប៉ុន្ដែរាជរដ្ឋាភិបាលកម្ពុជាគិតមកដល់ពេលនេះពុំមានខ្វះប្រេងទេ មកដល់ពេលនេះ ខណៈដែលបច្ចុប្បន្នលំហូរប្រេងនាំចូលនៅបន្តចូលមកជាធម្មតា។លោកអភិបាលរងខេត្តរូបនេះបន្ដទៀតថា ម្ចាស់ស្ថានីយ៍ ឬដេប៉ូចែកចាយប្រេងទាំងអស់ក្នុងខេត្ត ត្រូវលក់តាមប្រកាសដោយធនាឲ្យបានតម្លៃផ្គត់ផ្គង់មិនឡើងថ្លៃ ដោយអនុវត្តន៍តាមសេចក្តីណែនាំរបស់ក្រសួងពាណិជ្ជកម្ម ចៀសវាងប្រព្រឹត្តផ្ទុយដូចជាការតម្លើងថ្លៃ និងមានប្រេងក្នុងស្តុកតែមិនលក់ ដែលនាំឱ្យប្រឈមទៅនឹងការផាកពិន័យនិងទោសទ័ណ្ឌនៃច្បាប់ជាធរមាន។​ ទន្ទឹមនឹងនេះដែរ លោក ស្រី សុភ័ក្រ្ត អភិបាលរងខេត្តកំពង់ចាម និងជាអ្នកនាំពាក្យរដ្ឋបាលខេត្ត ក៍បានអំពាវនាវបន្ថែមដល់អាជ្ញាធរក្រុងស្រុកទាំង១០ត្រូវសហការជាមួយមន្ទីរ-ស្ថាប័នពាក់ព័ន្ធ ត្រូវអនុវត្តឱ្យបានម៉ឹងម៉ាត់ ចុះត្រួតពិនិត្យស្ថានីយ៍ប្រេងឥន្ទនៈនានាលើតម្លៃលក់និងការស្ដុកប្រេងដោយត្រូវដាក់តាំងតម្លៃជាសាធារណៈតាមសេចក្តីជូនដំណឹងរបស់ក្រសួងពាណិជ្ជកម្ម ត្រូវធានាគុណភាព បរិមាណ គ្មានការកេងបន្លំទាំងតម្លៃ បរិមាណនិងគុណភាព៕ អត្ថបទ ​៖ Thong Seyha ​

ប្រធានស្តីទីព្រឹទ្ធសភាកម្ពុជា អនុញ្ញាតឱ្យអគ្គលេខាធិការរដ្ឋសភាហុងគ្រី ចូលជួបសម្តែងការគួរសម

2026/03/11 05:54:15 pm        114
Facebook Telegram Linkin
នៅព្រឹកថ្ងៃទី១១ ខែមីនា ឆ្នាំ២០២៦ ឯកឧត្តម អ៊ុច បូរិទ្ធ ប្រធានស្តីទីព្រឹទ្ធសភា នៃព្រះរាជាណាចក្រកម្ពុជា បានអនុញ្ញាតឱ្យ ឯកឧត្តមបណ្ឌិត György Such អគ្គលេខាធិការរដ្ឋសភាហុងគ្រី ចូលជួបសម្តែងការគួរសម នៅវិមានសាមគ្គីភាពនៃព្រឹទ្ធសភាកម្ពុជា។ ឯកឧត្តមប្រធានស្តីទីព្រឹទ្ធសភា និងឯកឧត្តមអគ្គលេខាធិការរដ្ឋសភាហុងគ្រី បានវាយតម្លៃខ្ពស់ចំពោះទំនាក់ទំនងមិត្តភាពយូរង្វែង និងកិច្ចសហប្រតិបត្តិការលើវិស័យជាច្រើនដែលបានផ្តល់ផលប្រយោជន៍ដល់ប្រទេសទាំងពីរ ព្រមទាំងបានរំលឹកអំពីការរីកចម្រើននៃទំនាក់ទំនងយ៉ាងជិតស្និទ្ធរវាងស្ថាប័ននីតិប្បញ្ញត្តិ ដែលឆ្លុះបញ្ចាំងតាមរយៈការផ្លាស់ប្តូរទស្សនកិច្ចជាន់ខ្ពស់ និងការរក្សាកិច្ចសន្ទនារវាងគ្នាទៅវិញទៅមក។ ភាគីទាំងពីរ ក៏បានពិភាក្សារិះរកមធ្យោបាយជំរុញកិច្ចសហប្រតិបត្តិការឱ្យកាន់តែមានភាពជាក់ស្តែងបន្ថែមទៀត ជាពិសេស ក្នុងបរិបទដែលស្ថានការណ៍អន្តរជាតិបន្តវិវឌ្ឍយ៉ាងឆាប់រហ័ស និងបង្កជាបញ្ហាប្រឈមដែលកំពុងកើនឡើងចំពោះសន្តិភាព សន្តិសុខ និងការអភិវឌ្ឍ។ ភាគីទាំងពីរ ក៏បានផ្លាស់ប្តូរទស្សនៈគ្នាផងដែរ ដោយបានផ្តោតសារៈសំខាន់លើការពង្រីកកិច្ចសហប្រតិបត្តិការលើវិស័យដែលផ្តល់ប្រយោជន៍រួម រួមមាន ការទូត សេដ្ឋកិច្ច ថាមពល អប់រំ ទេសចរណ៍ និងទំនាក់ទំនងរវាងប្រជាជន និងប្រជាជន ក៏ដូចជាលើបញ្ហាតំបន់ដែលជាកង្វល់រួម។ក្រោយជំនួប ឯកឧត្តមប្រធានស្តីទីព្រឹទ្ធសភា បានធ្វើជាអធិបតីក្នុងពិធីចុះហត្ថលេខាលើអនុស្សរណៈនៃការយោគយល់គ្នារវាងអគ្គលេខាធិការដ្ឋានព្រឹទ្ធសភាកម្ពុជា និងអគ្គលេខាធិការដ្ឋានរដ្ឋសភាហុងគ្រី។  គោលបំណងនៃការចុះអនុស្សរណៈខាងលើ គឺដើម្បីជំរុញកិច្ចសហប្រតិបត្តិការស្ថាប័នតាមរយៈការផ្លាស់ប្តូរបទពិសោធន៍ ទស្សនកិច្ចសិក្សា កិច្ចសន្ទនាវិជ្ជាជីវៈ និងសកម្មភាពកសាងសមត្ថភាព ក្នុងគោលដៅបង្កើតផលប្រយោជន៍ជាក់ស្តែងសម្រាប់ស្ថាប័នទាំងពីរ និងរួមចំណែកដល់ការពង្រឹងទំនាក់ទំនងទ្វេភាគីឱ្យកាន់តែទូលំទូលាយ៕

ប្រមុខការទូតកម្ពុជា-សិង្ហបុរី ពិភាក្សាយ៉ាងស៊ីជម្រៅលើវឌ្ឍនភាពថ្មីៗនៃស្ថានភាពព្រំដែនកម្ពុជា-ថៃ

2026/03/11 05:10:37 pm        119
Facebook Telegram Linkin
ប្រមុខការទូតកកម្ពុជា ឯកឧត្តមឧបនាយករដ្ឋមន្ត្រី ប្រាក់ សុខុន និងឯកឧត្តមបណ្ឌិត វីវៀន បាឡាគ្រីស្សណាន់ រដ្ឋមន្ត្រីការបរទេសសិង្ហបុរី បានពិភាក្សាយ៉ាងស៊ីជម្រៅលើវឌ្ឍនភាពថ្មីៗនៃស្ថានភាពព្រំដែនកម្ពុជា-ថៃ និងបានផ្លាស់ប្តូរទស្សនៈអំពីបញ្ហាតំបន់ និងអន្តរជាតិដែលជាកង្វល់រួមផងដែរ។ ជំនួបពិភាក្សារវាងប្រមុខការទូតទាំងពីរ បានធ្វើឡើងអំឡុងពេលនៃការបំពេញទស្សនកិច្ចផ្លូវការរបស់ឯកឧត្តមឧបនាយករដ្ឋមន្ត្រី ប្រាក់ សុខុន នៅសាធារណរដ្ឋសិង្ហបុរី នាថ្ងៃទី១១ ខែមីនា ឆ្នាំ២០២៦។ នៅក្នុងឱកាសនោះ ឯកឧត្តមឧបនាយករដ្ឋមន្ត្រី ប្រាក់ សុខុន បានអញ្ជើញជួបពិភាក្សាទ្វេភាគីជាមួយ ឯកឧត្តមបណ្ឌិត វីវៀន បាឡាគ្រីស្សណាន់ រដ្ឋមន្ត្រីការបរទេសសិង្ហបុរី។ ឯកឧត្តមរដ្ឋមន្ត្រីការបរទេសទាំងពីរ បានរក្សាទំនាក់ទំនងជាប្រចាំ តាមការផ្លាស់ប្តូរការសួរសុខទុក្ខ និងនឹករលឹកពីគ្នា។ ភាគីទាំងពីរបានបង្ហាញពីការប្តេជ្ញាចិត្តឥតងាករេ ក្នុងការពង្រឹង និងធ្វើឱ្យកាន់តែស៊ីជម្រៅនូវចំណងមិត្តភាពទ្វេភាគីដ៏យូរអង្វែង ដែលរួមចំណែកដល់សន្តិភាព ស្ថិរភាព និងវិបុលភាពរួមក្នុងតំបន់។ក្រោយជំនួបទ្វេភាគី ឯកឧត្តមរដ្ឋមន្ត្រីការបរទេសសិង្ហបុរី ក៏បានរៀបចំអាហារថ្ងៃត្រង់ស្វាគមន៍ ជូនឯកឧត្តមឧបនាយករដ្ឋមន្ត្រី និងគណៈប្រតិភូ។

អគ្គលេខាធិការសមាគមអតីតយុទ្ធជន អញ្ជើញពិនិត្យវឌ្ឍនភាពសាងសង់ទីស្នាក់ការសមាគមខេត្តព្រះសីហនុ

2026/03/11 05:07:38 pm        94
Facebook Telegram Linkin
នៅថ្ងៃទី១១ ខែមីនា ឆ្នាំ២០២៦ ឯកឧត្តមកិត្តិសង្គហបណ្ឌិត គន់ គីម ទេសរដ្ឋមន្រ្តី អនុប្រធាន និងជាអគ្គលេខាធិការសមាគមអតីតយុទ្ធជន និងនិវត្តជនកម្ពុជា បានអញ្ជើញចុះពិនិត្យវឌ្ឍនភាព សាងសង់ទីស្នាក់ការសមាគមខេត្តព្រះសីហនុដែលបច្ចុប្បន្នសម្រេចបានប្រមាណជាង ៨០ភាគរយ ស្ថិតក្នុង ភូមិ១ សង្កាត់១ ក្រុងព្រះសីហនុ ខេត្តព្រះសីហនុ៕

វិញ្ញាបនបត្រសម្គាល់ម្ចាស់អចលនវត្ថុចំនួន ២០,៦១៥ ប័ណ្ណ​បានប្រគល់​ជូន​ប្រជា​ពលរដ្ឋ​នៅ​ស្រុក​អង្គស្នួល

2026/03/11 04:57:16 pm        230
Facebook Telegram Linkin
ប្រជាពលរដ្ឋរស់នៅក្នុងឃុំទួលព្រេជ ស្រុកអង្គស្នួល ចំនួន២៣ភូមិ ខេត្តកណ្ដាល នាព្រឹក​ថ្ងៃ​ទី​១១ ខែមីនា ឆ្នាំ​២០២៦នេះ ទទួលបានវិញ្ញាបនបត្រសម្គាល់ម្ចាស់អចលនវត្ថុ (ប្លង់រឹង) ចំនួន ២០,៦១៥​ប័ណ្ណ ដើម្បីធានាកម្មសិទ្ធិដីធ្លី ស្របច្បាប់ជូនប្រជាពលរដ្ឋ សំដៅលើកកម្ពស់ជីវភាព សុខុមាលភាព កាត់បន្ថយជម្លោះដីធ្លី និងការកាត់បន្ថយភាពក្រីក្រផងដែរ។ថ្លែងក្នុងពិធីចែកវិញ្ញាបនបត្រសម្គាល់ម្ចាស់អចលនវត្ថុ (ប្លង់រឹង) ចំនួន២០,៦១៥ប័ណ្ណ ជូន​ប្រជា​ពលរដ្ឋផងដែរនោះ ឯកឧត្តម គួច ចំរើន អភិបាលខេត្តកណ្ដាលបានបញ្ជាក់ថា ក្រោម​ការ​ដឹក​នាំ​របស់​រាជ​រដ្ឋាភិបាលនីតិកាលទី៧ នៃរដ្ឋសភា ដែលមានសម្តេចមហាបវធិបតី ហ៊ុន ម៉ាណែត នាយក​រដ្ឋមន្ត្រី បានដាក់ចេញនូវយុទ្ធសាស្ត្របញ្ចុកោណដំណាក់កាលទី១ ដែលនឹង​បន្ត​ដំណើរ​ការ​កែទ​ម្រង់ដីធ្លី ដោយជំរុញការចុះបញ្ជីដីធ្លី និងការដោះស្រាយវិវាទដីធ្លី នៅក្រៅប្រព័ន្ធតុលាការ សំដៅ​គ្រប់គ្រង និងអភិវឌ្ឍន៍វិស័យដីធ្លី ឱ្យបានត្រឹមត្រូវ និងកាន់តែមានប្រសិទ្ធភាព។ ហើយ​ការ​ប្រគល់​វិញ្ញាបនបត្រសម្គាល់ម្ចាស់អចលនវត្ថុ (ប្លង់រឹង) នេះគឺជាការឆ្លុះបញ្ចាំងឲ្យឃើញអំពីការ យក​ចិត្ត​ទុកដាក់ខ្ពស់ របស់រាជរដ្ឋាភិបាល ក្នុងការធានាកម្មសិទ្ធិដីធ្លី ស្របច្បាប់ជូនប្រជាពលរដ្ឋ សំដៅ​លើក​កម្ពស់ជីវភាព សុខុមាលភាព កាត់បន្ថយជម្លោះដីធ្លី និងការកាត់​បន្ថយ​ភាព​ក្រីក្រ​ផង​ដែរ​។ ឯកឧត្តមបានជំរុញដល់មន្ទីរដែនដីនគរូបយកម្ម សំណងនិងសូរិយោដីខេត្ត ត្រូវ​ខិតខំ​បន្ត​ចុះ​បញ្ជី​ដីធ្លី លក្ខណៈជាប្រព័ន្ធ និងចែក​វិញ្ញាបន​បត្រ​សម្គាល់​ម្ចាស់​អចលន​វត្ថុ​ជូន​ដល់​ប្រជា​ពលរដ្ឋ​ឱ្យ​បាន​ឆាប់​រហ័សតាមការគ្រោងទុក ជាពិសេស​រាល់​ការ​ចែក​វិញ្ញា​បនបត្រ​សម្គាល់​ម្ចាស់​អចលន​វត្ថុ​ជូន​ដល់​ប្រជាពលរដ្ឋមិនត្រូវទាលុយពីពួកគាត់ជាដាច់ខាត ហើយអាជ្ញាធរ​ស្រុក​ត្រូវ​ចែក​ជូន​ប្រជា​ពលរដ្ឋ​ដល់​ខ្នងផ្ទះផងដែរ។ឯកឧត្តមអភិបាល បានដាក់បទបញ្ជាយ៉ាងម៉ឺងម៉ាត់ ដល់អាជ្ញាធរស្រុកអង្គស្នួល និង​កង​កម្លាំង​ប្រដាប់​អាវុធ​គ្រប់ថ្នាក់ត្រូវ សហការគ្នាក្នុងការបង្កាបល្បែងស៊ីសងខុសច្បាប់ ពិសេសល្បែង Online និងបទល្មើសគ្រឿងញៀនកុំឱ្យកើតមាននៅមូលដ្ឋាន ត្រូវខិតខំថែរក្សាសន្តិសុខ សុវត្ថិភាព សណ្តាប់ធ្នាប់សាធរណៈជូនប្រជាពលរដ្ឋឱ្យកាន់តែល្អថែមទៀត ដើម្បីបន្តកិច្ចការអភិវឌ្ឍខេត្ត និង សេចក្តីសុខសប្បាយរបស់ប្រជាពលរដ្ឋ ជាពិ​សេស​មន្ត្រី​គ្រប់​លំដាប់​ថ្នាក់​ត្រូវ​បន្ត​ខិត​ខំ​ប្រឹង​ប្រែង​ឱ្យ​សកម្ម​ភាព​ថែម ចំពោះការងារដោះស្រាយបញ្ហា សំណូមពរនានា របស់​ប្រជាពលរដ្ឋ​នៅ​ក្នុង​មូល​ដ្ឋាន​ផង​ដែរ​។ បន្ថែមពីលើនេះ ឯកឧត្តមអភិបាលខេត្ត បានស្នើដល់អាជ្ញាធរក្រុង-ស្រុក​ទាំង​អស់​ត្រូវ​យក​ចិត្ត​ទុក​ដាក់​ចំពោះ​បញ្ហា​ចគ្រោះថ្នាក់រាចរណ៏ ត្រូវបន្តខិតខំដាក់​ចេញនូ​វ​វិធាន​ការ​នានា​សំដៅ​កាត់​បន្ថយ​គ្រោះ​ថ្នាក់​ចរាចរណ៍​ក្នុងមូលដ្ឋានខេត្តកណ្តាលមានការថយចុះជាលំដាប់ ពិសេស​សូម​បង​ប្អូន​ប្រជា​ពលរដ្ឋទាំងអស់គោរពច្បាប់ចរាចរណ៍ និងមានការប្រុងប្រយ័ត្នខ្ពស់ក្នុងការបើកបរ សូម​កុំខ្លាច​តែ​ប៉ូលីសចរាចរណ៍ ត្រូវខ្លាចការ​បាត់​បង់​ជីវិត​វិញ​ទើប​ជា​រឿង​សំខាន់។ ដោយ​ឡែកស​ម្រាប់​យុវ​ជន សូមជៀសឱ្យឆ្ងាយពីគ្រឿងញៀន សូមយុវជនជួយអប់រំណែនាំដល់មិត្តភក្កិ ជៀសឱ្យ​ឆ្ងាយ​ពី​គ្រឿង​ញៀន ករណីចាំបាច់ត្រូវ​រាយការណ៍​មកស​មត្ថកិច្ច​ដើម្បី​ចាត់​វិធាន​ការ​បញ្ជូន​មក​ដាក់​មណ្ឌល​បន្សាប​គ្រឿងញៀន ជាពិសេសសូមរួមគ្នាប្រើប្រាស់ App Nodrug ដើម្បីរាយការណ៍កា​ន់​សមត្ថ​កិច្ច​ដោយរក្សាការសំងាត់ ដើម្បីបង្ក្រាប និងលុបបំបាត់ការប្រើប្រាស់គ្រឿងញៀន៕ អត្ថបទ៖ សៅ យ៉ាម៉ង់

វិញ្ញាបនបត្រសម្គាល់ម្ចាស់អចលនវត្ថុចំនួន ២០,៦១៥ ប័ណ្ណបានប្រគល់ជូនប្រជាពលរដ្ឋនៅស្រុកអង្គស្នួល

2026/03/11 04:55:25 pm        96
Facebook Telegram Linkin
ប្រជាពលរដ្ឋរស់នៅក្នុងឃុំទួលព្រេជ ស្រុកអង្គស្នួល  ចំនួន២៣ភូមិ ខេត្តកណ្ដាល នាព្រឹកថ្ងៃទី១១.០៣.២០២៦នេះទទួលបានវិញ្ញាបនបត្រសម្គាល់ម្ចាស់អចលនវត្ថុ (ប្លង់រឹង) ចំនួន ២០,៦១៥ប័ណ្ណ ដើម្បីធានាកម្មសិទ្ធិដីធ្លី ស្របច្បាប់ជូនប្រជាពលរដ្ឋ សំដៅលើកកម្ពស់ជីវភាព សុខុមាលភាព កាត់បន្ថយជម្លោះដីធ្លី និងការកាត់បន្ថយភាពក្រីក្រផងដែរ។ថ្លែងក្នុងពិធីចែកវិញ្ញាបនបត្រសម្គាល់ម្ចាស់អចលនវត្ថុ (ប្លង់រឹង) ចំនួន២០,៦១៥ប័ណ្ណ ជូនប្រជាពលរដ្ឋផងដែរនោះ ឯកឧត្តម គួច ចំរេីន អភិបាលខេត្តកណ្ដាលបានបញ្ជាក់ថា៖ ក្រោមការដឹកនាំរបស់រាជរដ្ឋាភិបាលនីតិកាលទី៧ នៃរដ្ឋសភា ដែលមានសម្តេចមហាបវធិបតី ហ៊ុន ម៉ាណែត នាយករដ្ឋមន្ត្រី បានដាក់ចេញនូវយុទ្ធសាស្ត្របញ្ចុកោណដំណាក់កាលទី១ ដែលនឹងបន្តដំណើរការកែទម្រង់ដីធ្លី ដោយជំរុញការចុះបញ្ជីដីធ្លី និងការដោះស្រាយវិវាទដីធ្លី នៅក្រៅប្រព័ន្ធតុលាការ សំដៅគ្រប់គ្រង និងអភិវឌ្ឍន៍វិស័យដីធ្លី ឱ្យបានត្រឹមត្រូវ និងកាន់តែមានប្រសិទ្ធភាព។ ហេីយការប្រគល់វិញ្ញាបនបត្រសម្គាល់ម្ចាស់អចលនវត្ថុ (ប្លង់រឹង) នេះគឺជាការឆ្លុះបញ្ចាំងឲ្យឃើញអំពីការ យកចិត្តទុកដាក់ខ្ពស់ របស់រាជរដ្ឋាភិបាល ក្នុងការធានាកម្មសិទ្ធិដីធ្លី ស្របច្បាប់ជូនប្រជាពលរដ្ឋ សំដៅលើកកម្ពស់ជីវភាព សុខុមាលភាព កាត់បន្ថយជម្លោះដីធ្លី និងការកាត់បន្ថយភាពក្រីក្រផងដែរ។ ឯកឧត្តមបានជំរុញដល់មន្ទីរដែនដីនគរូបយកម្ម សំណងនិងសូរិយោដីខេត្ត ត្រូវខិតខំបន្តចុះបញ្ជីដីធ្លី លក្ខណៈជាប្រព័ន្ធ និងចែកវិញ្ញាបនបត្រសម្គាល់ម្ចាស់អចលនវត្ថុជូនដល់ប្រជាពលរដ្ឋឱ្យបានឆាប់រហ័សតាមការគ្រោងទុក ជាពិសេសរាល់ការចែកវិញ្ញាបនបត្រសម្គាល់ម្ចាស់អចលនវត្ថុជូនដល់ប្រជាពលរដ្ឋមិនត្រូវទាលុយពីពួកគាត់ជាដាច់ខាត ហើយអាជ្ញាធរស្រុកត្រូវចែកជូនប្រជាពលរដ្ឋដល់ខ្នងផ្ទះផងដែរ។ឯកឧត្តមអភិបាល បានដាក់បទបញ្ជាយ៉ាងម៉ឺងម៉ាត់ ដល់អាជ្ញាធរស្រុកអង្គស្នួល និងកងកម្លាំងប្រដាប់អាវុធគ្រប់ថ្នាក់ត្រូវ សហការគ្នាក្នុងការបង្កាបល្បែងស៊ីសងខុសច្បាប់ ពិសេសល្បែង online និងបទល្មើសគ្រឿងញៀនកុំឱ្យកើតមាននៅមូលដ្ឋាន ត្រូវខិតខំថែរក្សាសន្តិសុខ សុវត្ថិភាព សណ្តាប់ធ្នាប់សាធរណៈជូនប្រជាពលរដ្ឋឱ្យកាន់តែល្អថែមទៀត ដើម្បីបន្តកិច្ចការអភិវឌ្ឍខេត្ត និងសេចក្តីសុខសប្បាយរបស់ប្រជាពលរដ្ឋ ជាពិសេសមន្ត្រីគ្រប់លំដាប់ថ្នាក់ត្រូវបន្តខិតខំប្រឹងប្រែងឱ្យសកម្មភាពថែម ចំពោះការងារដោះស្រាយបញ្ហា សំណូមពរនានា របស់ប្រជាពលរដ្ឋនៅក្នុងមូលដ្ឋានផងដែរ។  បន្ថែមពីលើនេះ ឯកឧត្តមអភិបាលខេត្ត បានស្នើដល់អាជ្ញាធរក្រុង-ស្រុកទាំងអស់ត្រូវយកចិត្តទុកដាក់ចំពោះបញ្ហាចគ្រោះថ្នាក់រាចរណ៏ ត្រូវបន្តខិតខំដាកចេញនូវវិធានការនានាសំដៅកាត់បន្ថយគ្រោះថ្នាក់ចរាចរណ៏ក្នុងមូលដ្ឋានខេត្តកណ្តាលមានការថយចុះជាលំដាប់ ពិសេសសូមបងប្អូនប្រជាពលរដ្ឋទាំងអស់គោរពច្បាប់ចរាចរណ៍ និងមានការប្រុងប្រយ័ត្នខ្ពស់ក្នុងការបើកបរ សូមកុំខ្លាចតែប៉ូលីសចរាចរណ៍ ត្រូវខ្លាចការបាត់បង់ជីវិតវិញទើបជារឿងសំខាន់។ដោយឡែកសម្រាប់យុវជន សូមជៀសឱ្យឆ្ងាយពីគ្រឿងញៀន សូមយុវជនជួយអប់រំណែនាំដល់មិត្តភក្កិ ជៀសឱ្យឆ្ងាយពីគ្រឿងញៀន ករណីចាំបាច់ត្រូវរាយការណ៍មកសមត្ថកិច្ចដើម្បីចាត់វិធានការបញ្ជូនមកដាក់មណ្ឌលបន្សាបគ្រឿងញៀន ជាពិសេសសូមរួមគ្នាប្រើប្រាស់ App Nodrug ដើម្បីរាយការណ៍កាន់សមត្ថកិច្ចដោយរក្សាការសំងាត់ ដើម្បីបង្ក្រាប និងលុបបំបាត់ការប្រើប្រាស់គ្រឿងញៀន។ដោយ៖ សៅ យ៉ាម៉ង់

អាជ្ញាធរក្រុងកំពង់ឆ្នាំង ប្រើកម្លាំងជាង១០០នាក់រៀបចំសណ្តាប់ធ្នាប់ក្រោយម្ចាស់ផ្ទះ និងអាជីវករយកផ្លូវសាធារណៈលក់ដូរយ៉ាងអាណាធិបតេយ្យជាច្រើនឆ្នាំ

2026/03/11 04:50:22 pm        101
Facebook Telegram Linkin
កំពង់ឆ្នាំង៖ ក្រោយពីអនុញាតិអោយរៀបចំសណ្តាប់ធ្នាប់ សោភ័ណភាព អនាម័យបរិស្ថានពីសំណាក់ឯកឧត្តម ស៊ុន សុវណ្ណារិទ្ធិ អភិបាលខេត្តកំពង់ឆ្នាំងរួចមក នៅម៉ោង៤ភ្លឺថ្ងៃទី១១ ខែមីនា ឆ្នាំ២០២៦នេះ លោក ទូច លីហួត អភិបាលរងក្រុងកំពង់ឆ្នាំង តំណាងលោក ហ៊ីងភ័ព្វមីនា អភិបាលក្រុងកំពង់ឆ្នាំង បានដឹកនាំកម្លាំងសមត្ថកិច្ចចំរុះជាង១០០នាក់ ចុះរៀបចំសណ្តាប់ធ្នាប់នៅតាមផ្លូវសាធារណៈចំនួន២ខ្សែ ខាងក្រោយផ្សារលើ ស្ថិតក្នុងភូមិត្រពាំងបី សង្កាត់ផ្សារឆ្នាំង ក្រុងកំពង់ឆ្នាំង។លោក ទូច លីហួត បានបញ្ជាក់ថា៖ ជាច្រើនឆ្នាំមកនេះ អាជ្ញាធរក្រុងខេត្តតែងណែនាំអាជីវករ និងម្ចាស់ផ្ទះកុំអោយយកចំណីផ្លូវ និងផ្លូវសាធារណៈមកលក់ដូរ នាំអោយកកស្ទះចរាចរណ៍ បាត់បង់សណ្តាប់ធ្នាប់ មិនមានអនាម័យ ក៏ដូចជាប៉ះពាល់ដល់សោភ័ណភាពទៀតផង តែអាជីវករទាំងនោះមិនបានស្តាប់នោះឡើយ និងរឹតតែនាំគ្នាចេញពីខាងក្នុងផ្សារលើ មកលក់ដូរយ៉ាងអាណាធិបតេយ្យ។ ដោយមានការអនុញាតិពីឯកឧត្តម ស៊ុន សុវណ្ណារិទ្ធិ អភិបាលខេត្ត និងលោក ហ៊ីង ភ័ព្វមីនា អភិបាលក្រុងកំពង់ឆ្នាំង នៅម៉ោង៤ទៀបភ្លឺ ថ្ងៃទី១១ ខែមីនា ឆ្នាំ២០២៦នេះ លោកបានដឹកនាំកម្លាំងសមត្ថកិច្ចចំរុះ ចុះរៀបចំផ្លូវសាធារណៈទាំង២ខ្សែ និងហាមមិនអោយអាជីវករលក់ដូរទីនោះបន្តទៀតឡើយ ដោយតំរូវអោយពួកគាត់ចូលទៅលក់ក្នុងផ្សារលើវិញទាំងអស់។ អាជីវករជាច្រើននាក់ បានទទួលស្គាល់ការលក់ដូរបែបអាណាធិបតេយ្យលើដងផ្លូវនេះមានគ្រោះថ្នាក់ និងបានបិតលំហូរចរាចរណ៍ទៅមករបស់ប្រជាពលរដ្ឋ សិស្សានុសិស្សទៅមកសាលារៀន ធ្វើអោយផ្លូវទាំងមូលក្លាយជាទីកន្លែងចោលសំរាម កន្លែងចាក់ទឹកកខ្វក់ជាដើម។ ពួកគាត់បានសាទរផងដែរពេលបានចូលទៅលក់ដូរក្នុងផ្សារលើវិញ និងមានទីតាំងតូបលក់ដូរពិតប្រាកដ មិនលំបាកជួលដីមុខផ្ទះគេដូចមុនទៀត។កន្លងមកឯកឧត្តម ស៊ុន សុវណ្ណារិទ្ធិ តែងណែនាំអោយអាជ្ញាធរឃុំសង្កាត់ ក្រុងស្រុកទាំងអស់យកចិត្តទុកដាក់រៀបចំសណ្តាប់ធ្នាប់ ហើយពេលខ្លះក៏ត្រូវបង្ខំចិត្តអនុវត្តវិធានការរដ្ឋបាល ដើម្បីអោយអាជីវករដែលលក់ដូរគ្មានសណ្តាប់ធ្នាប់តាមដងផ្លូវ នៅមុខផ្សារ ចូលទៅលក់ដូរអោយមានរបៀបរៀបរយខាងក្នុងផ្សារវិញ។ ឯកឧត្តមបានអរគុណដល់អាជីវករទាំងអស់ដែលបានអនុវត្តតាមការណែនាំ និងហាមមិនអោយមកលក់នៅតាមផ្លូវសាធារណៈទៀតឡើយ៕ ដោយ ៖ កាំង ហុងវាស្នា 

សម្ដេចតេជោ ហ៊ុន សែន៖ «អ្វី​ដែលក្មួយស្រីកន្និដ្ឋាលើក​ឡើង​មានចរិតជាការគំរាមកំហែងមក​លើ​​ពលរដ្ឋ​​នៃរដ្ឋអធិបតេយ្យមួយ, អ្វីដែលគួរ​ឲ្យខ្លាចជាងសង្គ្រាមអាវុធ គឺសង្គ្រាម​សាសនា»

2026/03/11 04:03:23 pm        322
Facebook Telegram Linkin
សម្ដេចអគ្គមហាសេនាបតីតេជោ ហ៊ុន សែន ប្រមុខ​រដ្ឋ​ស្ដីទី និងជាប្រធាន​ព្រឹទ្ធសភា​នៃ​ព្រះរា​ជា​ណា​ចក្រកម្ពុជាមានប្រសាសន៍ថា​ ​មាន​ការ​ជជែកលើរឿង​ក្មួយ​ស្រីកន្និដ្ឋាដែលបញ្ចេញ​មតិ​លើ​រឿង​ដែលថា អាមេរិកអាចមក​ចាប់​បង​ប្អូន​ខ្មែរ​ឥស្លាម​ដែល​កាន់​សាសនា​បែប​អ៊ីរ៉ង់​នៅ​កម្ពុជា​។ សម្ដេច​តេជោ​បញ្ជាក់​ថា អ្វី​ដែល​​កន្និដ្ឋា​លើក​​ឡើងវាមានចរិតជាការគំរាមកំហែងមក​លើ​ពលរដ្ឋ​នៃរដ្ឋ​អធិប​តេយ្យ​មួ​យ​ ដែល​សូម្បី​រដ្ឋាភិបាល​​អាមេរិក​​ក៏​ប្រហែល​មិន​ហ៊ាន​និយាយ​ពាក្យ​នេះ​ផង។តាមរយៈបណ្ដាញសង្គម​នៅរសៀលថ្ងៃទី១១ ខែមីនា ឆ្នាំ២០២៦នេះ សម្ដេចតេជោ ហ៊ុន សែន​ សរសេរយ៉ាងដូច្នេះថា «ប៉ុន្មានថ្ងៃនេះមានការជជែកលើរឿង​ក្មួយស្រីកន្និដ្ឋា ដែល​ចេញ​មក​បញ្ចេញ​មតិលើរឿង ដែលថាអាមេរិកអាចមកចាប់បងប្អូនខ្មែរឥស្លាម ដែលកាន់​សាសនា​បែប​អ៊ីរ៉ង់​នៅ​​កម្ពុជា​។» សម្ដេចតេជោបានបញ្ជាក់ថា «ខ្ញុំ​​មិនគួរចូលពាក់ព័ន្ធជាមួយរឿងនេះទេ ប៉ុន្តែបើ​ខ្ញុំ​​មិន​ទប់​ស្កាត់​ទេ​រឿង​​នេះ​​វារីក​កាន់​តែ​ធំ​ ព្រោះអ្វី​​ដែលកន្និដ្ឋាលើក​ឡើងវាមានចរិតជាការគំរាមកំហែងមក​លើ​ពលរដ្ឋ​នៃ​​រដ្ឋ​អធិបតេយ្យមួយ​ដែលសូម្បីរដ្ឋាភិបាលអាមេរិកក៏ប្រហែលជាមិនហ៊ាននិយាយពាក្យនេះផង​។​»សម្ដេចតេជោ ហ៊ុន សែន បានបន្តទៀតថា ​​អ្វីដែលគ្រោះថ្នាក់ជាងនេះទៀតគឺបង្ក​គ្រោះថ្នាក់ នៃ​ការ​បែង​ចែក​និកាយ​សាសនា​ក្នុង​សាសនា​ឥស្លាមផង និង​ការបែងចែកសាសនាផ្សេងគ្នា​នៅ​កម្ពុជា​ផង​។ «អ្វីដែលគួរ​ឲ្យខ្លាច គឺសង្គ្រាមអាវុធ តែអ្វី​ដែលគួរឲ្យខ្លាចជាងទៀត គឺសង្គ្រាម​សាសនានេះឯង។»សម្ដេចតេជោបានមានប្រសាសន៍បន្ថែមថា ​ជាង៤៧ឆ្នាំ នៃការចូលរួមកាន់អំណាចនៅកម្ពុជា សម្ដេច​ខិត​ខំធ្វើសុខដុមនីយកម្មជាតិសាសន៍ និងសាសនា ដែលធ្វើឲ្យ​គ្មានជម្លោះជាតិសាសន៍​ និង​សាសនា​នៅកម្ពុជានោះឡើយ៕

បណ្ដាញសង្គម

ព័ត៌មានថ្មីៗ

ការវាយប្រហារយានដ្រូនរុស្ស៊ីសម្លាប់មនុស្ស ៣នាក់ នៅទីក្រុង Dnipro របស់អ៊ុយក្រែន
04/23/2026 09:04 PM
Facebook Telegram Linkin
មេបញ្ជាការកងទ័ពប៉ាគីស្ថានលោក Munir ជួបពិភាក្សាការងារជាមួយប្រធានាធិបតីអ៊ីរ៉ង់លោក Pezeshkian
04/23/2026 09:04 PM
Facebook Telegram Linkin
មនុស្ស ១១នាក់ស្លាប់ ក្នុងគ្រោះថ្នាក់រថយន្តបុកគ្នានៅភាគខាងជើងប្រទេសឥណ្ឌា
04/23/2026 09:04 PM
Facebook Telegram Linkin
កង្វះខាតប្រេងបណ្តាលឲ្យអ្នកបើកបររង់ចាំអស់រយៈពេលរាប់ម៉ោង ដើម្បីចាក់ប្រេងនៅបូលីវី
04/23/2026 09:04 PM
Facebook Telegram Linkin
ពលរដ្ឋអ៊ីរ៉ង់រស់នៅទីក្រុងតេអេរ៉ង់មិនទុកចិត្តការបន្តបទឈប់បាញ់របស់អាមេរិក
04/23/2026 09:04 PM
Facebook Telegram Linkin
ព្រះសង្ឃចាប់ផ្តើមនិមន្ត ដើម្បីសន្តិភាពរយៈពេល ១សប្តាហ៍នៅប្រទេសស្រីលង្កា
04/23/2026 08:04 PM
Facebook Telegram Linkin
ប៉ាគីស្ថានរឹតបន្តឹងសន្តិសុខនៅទីក្រុងអ៊ីស្លាម៉ាបាដ ខណៈភាពពុំច្បាស់ចំពោះកិច្ចប្រជុំសន្តិភាពអាមេរិក-អ៊ីរ៉ង់
04/23/2026 08:04 PM
Facebook Telegram Linkin
ការវាយប្រហាររបស់អ៊ីស្រាអែលសម្លាប់មនុស្ស ៥នាក់ នៅតំបន់ហ្កាហ្សា
04/23/2026 08:04 PM
Facebook Telegram Linkin
សង្រ្គាមអ៊ីរ៉ង់ជំរុញឲ្យមានតម្រូវការកើនឡើងសម្រាប់ថាមពលពន្លឺព្រះអាទិត្យនៅអឺរ៉ុប
04/23/2026 08:04 PM
Facebook Telegram Linkin
កងទ័ពជើងទឹកអាល្លឺម៉ង់ត្រៀមខ្លួនសម្រាប់លទ្ធភាពនៃបេសកកម្មបោសសម្អាតមីននៅច្រកសមុទ្រ Hormuz
04/23/2026 08:04 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.