នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
ក្រសួងមុខងារសាធារណៈ ពង្រឹងសមត្ថភាពឌីជីថលជូនមន្ត្រីរាជធានី-ខេត្ត ដើម្បីជំរុញកិច្ចការរដ្ឋបាល និងប្រព័ន្ធគ្រប់គ្រងទិន្នន័យមន្ត្រី កាន់តែល្អប្រសើរ
ខេត្តបាត់ដំបងនឹងរៀបចំព្រឹត្តិការណ៍ផ្លែឈើរយៈពេល១០ថ្ងៃ លើកស្ទួយផលិតផលក្នុងស្រុក និងទាក់ទាញទេសចរ
ឯកឧត្តមឧបនាយករដ្ឋមន្ដ្រី ហ៊ុន ម៉ានី ចុះពិនិត្យការធ្វើជំរឿនមន្ដ្រីជាក់ស្ដែង នៅទីស្តីការក្រសួងរៀបចំដែនដី នគរូបនីយកម្ម និងសំណង់
លោកជំទាវបណ្ឌិត ពេជ ចន្ទមុន្នី អញ្ជើញចូលរួមពិធីប្រគល់-ទទួលថវិកាបរិច្ចាគពីគណៈសង្ឃនាយកកម្ពុជាចំនួន ១៦០លានរៀលជូនមូលនិធិគន្ធបុប្ផា

ព័ត៌មានជាតិ

មន្រ្តីជំនាញនៃមន្ទីរបរិស្ថានខេត្តប៉ៃលិន ចាត់ការតាមនីតិវិធីច្បាប់​ចំពោះរោងចក្រ​កែច្នៃ​ដំណាប់ស្វាយមួយកន្លែង ដែលបានបញ្ចេញសំណល់រាវប៉ះពាល់ដល់ប្រភពទឹកសាធារណៈ

2025/03/17 01:42:13 pm        151
Facebook Telegram Linkin
ដោយទទួលបានការរាយការណ៍ពីប្រជាពលរដ្ឋ និងបណ្តាញព័ត៌មាន ក្រុមការងារជំនាញនៃមន្ទីរបរិស្ថានខេត្តប៉ៃលិន ដោយមានការសហការជាមួយរដ្ឋបាលស្រុកសាលាក្រៅ និងប្រជាពលរដ្ឋក្នុងមូលដ្ឋាន នៅថ្ងៃទី១៦ ខែមីនា ឆ្នាំ២០២៥ បានរកឃើញមានករណីត្រីងាប់ ក្នុងអូរនៅចំណុចក្បាលឡាន ស្ថិតនៅភូមិភ្នំស្ពង់ ឃុំសាលាក្រៅ ស្រុកសាលាក្រៅ ខេត្តប៉ៃលិន។ ក្រុមការងារ បានចុះត្រួតពិនិត្យ និងបានរកឃើញថា ទីតាំងក្រុមហ៊ុនកាងស៊ិនឡុងហ្វូត ដែលមានរោងចក្រកែច្នៃដំណាប់ស្វាយស្ថិត នៅភូមិអូររអិល ឃុំស្ទឹងកាច់ ស្រុកសាលាក្រៅបានបញ្ចេញសំណល់រាវមិនត្រឹមត្រូវតាមច្បាប់ ហើយសំណល់រាវរបស់រោងចក្រត្រូវបានរកឃើញមានសភាពល្អក់ មានក្លិនជូ ផ្អូមខ្លាំង ចេញតាមលូរបស់រោងចក្រ ទៅក្នុងប្រភពលូទឹកសាធារណៈ ដែលបង្កឱ្យត្រីក្នុងអូរធម្មជាតិក្បាលឡានមានក្លឹនជូ ផ្អូមខ្លាំង នៅក្បែរនោះងាប់។ ប្រជាពលរដ្ឋទទួលរងផលប៉ះពាល់ផ្ទាល់ខ្វះខាតទឹកប្រើប្រាស់ នៅចំណុចក្បាលឡាន ភូមិភ្នំស្ពង់ ឃុំសាលាក្រៅ មាន ចំនួន ៤៧គ្រួសារ។ ជាមួយគ្នានេះ ក្រុមការងារបានត្រួតពិនិត្យឃើញថាក្រុមហ៊ុន ត្រូវបានបើកដំណើរការផលិតកម្មកែឆ្នៃដំណាប់ស្វាយ បានរយៈពេល១៥ថ្ងៃ ហើយអាងប្រព្រឹត្តិកម្មរបស់រោងចក្រមិនបានដំណើរការនោះឡើយ។សូមបញ្ចាក់ថា ក្រុមការងារជំនាញបរិស្ថាន បានចុះពិនិត្យលើ៤ទីតាំងនៅជុំវិញរោងចក្រនៃទីតាំងក្រុមហ៊ុនកាងស៊ិនឡុងហ្វូត និង១ទីតាំងនៅក្នុងរោងចក្រផ្ទាល់តែម្តង។ដើម្បីឆ្លើយតបចំពោះការប្រព្រឹត្តជាក់ស្តែងរបស់ក្រុមហ៊ុនកាងស៊ិនឡុងហ្វូត ក្រុមការងារបានធ្វើការណែនាំនិងអនុវត្តច្បាប់ដូចខាងក្រោម៖- តម្រូវឱ្យក្រុមហ៊ុនត្រូវបញ្ឈប់ការបញ្ចេញ សំណល់រាវ ចូលទៅប្រភពទឹកសាធារណៈដោយមិនបានឆ្លងកាត់ការធ្វើប្រតិកម្មត្រឹមត្រូវតាមបច្ចេកទេស ទោះក្នុងរូបភាពឬគោលបំណងណាក៏ដោយ។- ត្រូវរៀបចំកែសម្រួលអាងប្រព្រឹត្តិកម្មចំណល់រាវឲ្យបានត្រឹមត្រូវ។- ត្រូវរៀបចំរបាយការណ៍វាយតម្លៃហេត្តប៉ះពាល់បរិស្ថាន និងសង្គម ឲ្យបានត្រឹមត្រូវ។- រាល់ដំណើរការរោងចក្រ ត្រូវអនុវត្តឱ្យបានត្រឹមត្រូវតាមច្បាប់ លិខិតបទដ្ឋាននានា ជៀសវាងបង្កផលប៉ះពាល់ដល់បរិស្ថាន សង្គម ជាពិសេសសុខភាព និងការរស់នៅរបស់ប្រជាពលរដ្ឋ។ សូមបញ្ចាក់ថា ក្រុមការងារបានចុះយកសំណាកទឹក មកពិនិត្យនៅមន្ទីរពិសោធន៍ក្រសួងបរិស្ថាន ដើម្បីចាត់ការនីតិវិធីច្បាប់បន្ត។ ដោយឡែកក្រុមហ៊ុនបានបញ្ចេញសំណល់រាវ ល្មើសនឹងច្បាប់ពាក់ព័ន្ធការគ្រប់គ្រងការបំពុលទឹក ជាពិសេសក្រមបរិស្ថាននិងធនធានធម្មជាតិ ដែលបានអនុម័តឱ្យប្រើប្រាស់នៅឆ្នាំ២០២៣ បានកំណត់នៅក្នុងមាត្រា២៨០ មាត្រា២៨៤ បានកំណត់ការរៀបចំផែនការសកម្មភាពគ្រប់គ្រងការបំពុលទឹកសាធារណៈ ការចាត់វិធានការក្នុងករណីមានការបំពុលទឹកសាធារណៈនិងត្រងចំណុចការត្រួតពិនិត្យការបំពុលទឹកពីប្រភពជាក់លាក់៖ មាត្រា២៨៦ មាត្រា២៨៧ ដែលបានកំណត់អំពីការស្នើសុំលិខិតអនុញ្ញាតបញ្ចេញសំណល់រាវ របស់ប្រភពបំពុលជាក់លាក់ ព្រមទាំងការទទួលខុសត្រូវរបស់ម្ចាស់ប្រភពបំពុលទាំងនោះ៕

អាជ្ញាធរស្រុកបាទី បន្តចុះផ្សព្វផ្សាយផលប៉ះពាល់គ្រឿងញៀន ច្បាប់ចរាចរណ៍ និងអនាម័យបរិស្ថាន នៅតាមវិទ្យាល័យ

2025/03/17 01:38:24 pm        166
Facebook Telegram Linkin
តាកែវ ៖ នៅព្រឹកទី១៧ ខែមីនា ឆ្នាំ២០២៥ លោក ហង្ស វិច្ឆិការាស្សី អភិបាលរងស្រុកបាទី តំណាងលោក ភួន ឈីម អភិបាលស្រុកបាទី និងជាប្រធានគណៈបញ្ជាការឯកភាពរស្រុក បានអញ្ជើញដឹកនាំលោក លោកស្រី នាយករដ្ឋបាលស្រុក កម្លាំងនគរបាលស្រុក កងរាជអាវុធស្រុក ភាគីពាក់ព័ន្ធ និងអាជ្ញាធរមូលដ្ឋាន បន្តចុះផ្សព្វផ្សាយពីផលប៉ះពាល់គ្រឿងញៀន ច្បាប់ចរាចរណ៍ផ្លូវគោក និងបញ្ហាបរិស្ថានបរិស្ថានដល់ក្មួយៗជាសិស្សានុសិស្ស នៅវិទ្យាល័យ ឈើទាលជ្រំ ឃុំក្រាំងលាវ ស្រុកបាទី ខេត្តតាកែវ។លោក ហង្ស វិច្ឆិការាស្សី អភិបាលរងស្រុកបាទី បានផ្តាំផ្ញើ និងជំរុញឱ្យក្មួយៗសិស្សានុសិស្សត្រូវខិតខំប្រឹងប្រែងរៀនសូត្រ ជៀសវាងឱ្យផុតនូវអបាយមុខផ្សេងៗ ហើយឆ្លើយទេគ្រប់កាលៈទេសៈ និងមួយជីវិត ចំពោះគ្រឿងញៀន។ លោកបន្ថែមថា នៅប៉ុន្មានខែខាងមុខទៀត សម័យប្រឡងឆ្នាំសិក្សា ២០២៤~២០២៥ សម្រាប់ក្មួយៗសិស្សានុសិស្សថ្នាក់ទី១២ ដូច្នេះត្រូវស្វ័យសិក្សាបន្ថែមទៀត ដើម្បីឈានយកនិទ្ទេសល្អ គឺនិទ្ទេស A,B,C ដើម្បីជាកិត្តិយសសម្រាប់ខ្លួនឯង ក្រុមគ្រួសារ សាលារៀនក្មួយៗសិស្សានុសិស្ស មិងជាចំណេះសម្រាប់អនាគត៕

ឯកឧត្តម ហ៊ុន ម៉ានី៖ រយៈពេល១៥ខែកន្លងមក ប្រសិនបើគ្មានការមូលមតិគ្នា និងការអនុវត្ត​ការងារ​ដោយ​ភាពទទួលខុសត្រូវខ្ពស់ និងវិជ្ជាជីវៈទេ ការកែទម្រង់មុខងារ​សាធារណៈក៏​មិនអាច​ទៅមុខរួចដែរ

2025/03/17 01:28:11 pm        151
Facebook Telegram Linkin
ឯកឧត្តម ហ៊ុន ម៉ានី ឧបនាយករដ្ឋមន្ត្រី រដ្ឋមន្ត្រីក្រសួងមុខងារសាធារណៈ និងជាប្រធានគណៈកម្មការប្រឡងប្រជែងជ្រើសរើសមន្ត្រីរាជការស៊ីវិល ថ្លែងថា ការងារកែទម្រង់មុខងារសាធារណៈ រយៈពេល១៥ ខែកន្លងមកប្រសិនបើគ្មានការមូលមតិគ្នា និងការអនុវត្តការងារដោយមានភាពទទួលខុសត្រូវខ្ពស់ វិជ្ជាជីវៈទេការកែទម្រង់មុខងារសាធារណៈក៏មិនអាចទៅមុខរួចដែរ។ ឯកឧត្តមឧបនាយករដ្ឋមន្ត្រី ហ៊ុន ម៉ានី បានថ្លែងបែបនេះ ក្នុងឱកាសពិធី វិបស្សនា បូកសរុប និងកែលម្អប្រព័ន្ធប្រឡងប្រជែងជ្រើសរើសមន្រ្ដីរាជការស៊ីវិលឱ្យចូលបម្រើការងារនៅតាមក្រសួងស្ថាប័ន កាលពីថ្ងៃទី១៥ ខែមីនា ឆ្នាំ ២០២៥នេះ នៅខេត្តកំពង់ស្ពឺ។ ក្នុងឱកាសនោះឯកឧត្តមបានថ្លែងថា ការងាររបស់យើងមិនល្អឥតខ្ចោះទេ តែខ្ញុំជឿជាក់ទៅលើឆន្ទៈ ភាពទទួលខុសត្រូវរបស់ថ្នាក់ដឹកនាំនៃក្រសួងមុខងារសាធារណៈ ក្នុងការអនុវត្តការងារប្រកបដោយវិជ្ជាជីវៈ ការទទួលខុសត្រូវ ហើយធានាសុក្រឹតភាពនៃការប្រឡងប្រជែង។"ឯកឧត្តមឧបនាយករដ្ឋមន្ត្រី បានលើកឡើងថា៖«រយៈពេល ១៥ខែ ដែលរាជរដ្ឋាភិបាល នីតិកាលទី៧ នៃរដ្ឋសភា បានដាក់ចេញឱ្យអនុវត្តនូវវិធានការគន្លឹះទាំងបី ក្នុងការកែទម្រង់រដ្ឋបាលសាធារណៈ មកឱ្យក្រសួងមុខងារសាធារណៈដឹកនាំ។ ពិតណាស់ រយៈពេល ១៥ខែកន្លងមក ប្រសិនបើគ្មានការមូលមតិគ្នា និងកៀកកិតនឹងគ្នានោះទេ និងការអនុវត្តការងារដោយមានភាពទទួលខុសត្រូវខ្ពស់ ប្រកបដោយវិជ្ជាជីវៈទេ របស់ថ្នាក់ដឹកនាំ និងមន្ត្រីរាជការនៃក្រសួងមុខងារសាធារណៈ ក៏ការកែទម្រង់មិនអាចទៅមុខរួចដែរ»។ឯកឧត្តមឧបនាយករដ្ឋមន្ត្រី បានបញ្ជាក់ថា និយាមនីតិប្រតិបត្តិ ដែលយើងបានអនុវត្តរយៈពេល ១៥ខែ ពិតណាស់មិនល្អឥតខ្ចោះទេ តែខ្ញុំជឿជាក់ទៅលើឆន្ទៈ ភាពទទួលខុសត្រូវរបស់ឯកឧត្តម លោកជំទាវ និងថ្នាក់ដឹកនាំនៃក្រសួងមុខងារសាធារណៈ ក្នុងការប្រតិបត្តិ អនុវត្តដោយទទួលខុសត្រូវ ចង់ឃើញលទ្ធផល និងការផ្តល់ភាពសុក្រឹតនៃការប្រឡង។ មកដល់ពេលនេះ យើងអនុវត្តបានដោយជោគជ័យ រយៈពេល ១៥ខែ ដោយសារចិត្តមួយថ្លើមមួយ នឹងការទទួលខុសត្រូវរបស់ថ្នាក់ដឹកនាំគ្រប់ជាន់ថ្នាក់ និងគ្រប់ភាគីនៃមុខងារសាធារណៈរបស់យើង។ ពាក់ព័ន្ធនឹងការប្រឡងប្រជែង ឯកឧត្តមឧបនាយករដ្ឋមន្ត្រី បានផ្តាំដល់សមាជិក សមាជិកានៃអង្គវិបស្សនាទាំងអស់ថា ពិតណាស់ ក្រុមការងារបានអនុវត្តកិច្ចការងារបច្ចេកទេសដោយឡែកៗ រៀងៗខ្លួន តែសូមក្តាប់ឱ្យជាប់ពីគោលជំហរ និងបេសកកម្មរួមដ៏ធំ គឺការចូលរួមប្រែក្លាយចក្ខុវិស័យរបស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា ឱ្យក្លាយជាសមិទ្ធកម្មជាក់លាក់ និងការរុញការកែទម្រង់ក្នុងការពង្រឹងរដ្ឋបាលសាធារណៈ ប្រកបដោយប្រសិទ្ធភាព និងប្រសិទ្ធផលរបស់រាជរដ្ឋាភិបាល នីតិកាលទី៧ នៃរដ្ឋសភា ឆ្ពោះទៅឆ្នាំ២០២៨ និងការធ្វើដំណើរជាជំហានៗ ឆ្ពោះទៅកាន់ការធ្វើទំនើបកម្មប្រព័ន្ធរដ្ឋបាលសាធារណៈ ដែលមានសមត្ថភាពខ្ពស់ ខ្លាំង វៃឆ្លាត និងស្អាតស្អំ សម្រាប់ថ្ងៃអនាគត។ទន្ទឹមនេះ ឯកឧត្តមឧបនាយករដ្ឋមន្ត្រី បានបន្តថា ការប្រឡងប្រជែងមន្ត្រីរាជការស៊ីវិល ពិតជាមានសារៈសំខាន់ តែក៏មិនមែនជាកិច្ចការងារតែមួយ របស់ក្រសួងមុខងារសាធារណៈទេ ប្រាកដណាស់ ការប្រឡងប្រជែងនីមួយៗ គឺជាឱកាសឱ្យមន្ត្រីរបស់យើង ចូលរួមក្នុងការអនុវត្តវិធានការគន្លឹះទី១ របស់រាជរដ្ឋាភិបាល ប៉ុន្តែកិច្ចការងារក្រសួងមុខងារសាធារណៈមានច្រើន ដូច្នេះក្រសួងត្រូវបែងចែកធនធាន សម្រាប់គាំទ្រដល់កិច្ចការងារវិភាគមុខងារ និងកិច្ចការងារផ្សេងៗមួយចំនួនបន្ថែមទៀត៕

ផ្ទះប្រជាពលរដ្ឋជាង១០០ខ្នងផ្ទះរងផលប៉ះពាល់ដោយសារខ្យល់កន្ត្រាក់ នៅស្រុកចិត្របុរី

2025/03/17 12:14:59 pm        214
Facebook Telegram Linkin
នៅវេលាម៉ោង ៥និង៣០នាទីល្ងាច ថ្ងៃទី១៦ ខែមីនា ឆ្នាំ២០២៥ មាន​ខ្យល់​កន្ត្រាក់​យ៉ាង​ខ្លាំង​លា​យ​ឡំ​ជាមួយទឹកភ្លៀង បានកើតឡើង​ស្ទើរ​គ្រប់​ទីកន្លែង​នៅ​តាម​បណ្តា​ស្រុក​ក្រុង​នៅ​ទូទាំង​ខេត្ត​ក្រចេះ។ ជាក់ស្ដែង ស្រុកចិត្របុរី ក៏ជាស្រុកមួយក្នុងចំណោមស្រុក៦ នៅខេត្តក្រចេះ ដែលជួប​គ្រោះ​ថ្នាក់​ខ្យល់​កន្ត្រាក់ និងបង្កផលប៉ះពាល់ដល់លំនៅដ្ឋានរបស់ប្រជាពលរដ្ឋយ៉ាងធ្ងន់ធ្ងរផងដែរ។ លោក យិន វណ្ណៈ អភិបាលស្រុកចិត្របុរី បានដឹងនៅព្រឹកនេះថា ព័ត៌មាន​បឋម​ដែល​លោក​ទទួល​បាន​នៅក្នុងស្រុកចិត្របុរី គឺមានឃុំចំនួន ៦ឃុំ រួមមាន៖ មានឃុំថ្មី, កន្ទួត, ដារ, ថ្មអណ្តើក, បុស​លាវ, និងឃុំកោះច្រែង សរុបទាំងអស់មានចំនួន ១២៣ខ្នងផ្ទះ ដោយរងគ្រោះប៉ើងដំបូល និងរ​លំ​ផ្ទះ​។ ក្នុងនោះ គឺឃុំបុសលាវ និងឃុំកោះច្រែង រងផលប៉ះពាល់ធ្ងន់ធ្ងរជាងគេ របើកដំបូលចំនួន ៥៩​ខ្នង​ផ្ទះ ដោយឃុំបុសលាវ មានចំនួន ៣២ ខ្នងផ្ទះ និងឃុំកោះច្រែង មានចំនួន ២៧ខ្នងផ្ទះ។ ចំពោះ​ករណី​ខ្យល់​កន្ត្រាក់ខាងលើពុំបណ្តាលអោយគ្រោះថ្នាក់ដល់មនុស្សទេ៕ ដោយ សេង ម័រ

មន្រ្តីជាន់ខ្ពស់ក្រសួងការងារ៖ បច្ចុប្បន្នរោងចក្រកាត់ដេរកំពុងដំណើរការនៅកម្ពុជាមានជាង ១,៦០០ រោងចក្រ

2025/03/17 12:02:52 pm        216
Facebook Telegram Linkin
មន្រ្តីជាន់ខ្ពស់នៃក្រសួងការងារ និងបណ្តុះបណ្តាលវិជ្ជាជីវៈ បានលើកឡើងឲ្យដឹងថា គិតមកដល់ពេលនេះ ប្រទេសកម្ពុជាមានរោងចក្រផ្នែកវិស័យកាត់ដេរចំនួនប្រមាណជាង ១ ៦០០ រោងចក្រ និងមានកម្មករនិយោជិតចំនួនជាង ៩២ ម៉ឺននាក់។ឯកឧត្តម ងុយ រិទ្ធ រដ្ឋលេខាធិការក្រសួងការងារ និងបណ្តុះបណ្តាលវិជ្ជាជីវៈ បានមានប្រសាសន៍ ក្នុងឱកាសអញ្ជើញជាអធិបតីក្នុងពិធីសម្ពោធរោងចក្រកាត់ដេរមួយ ស្ថិតនៅខណ្ឌពោធក៍សែនជ័យ កាលពីចុងសប្តាហ៍នេះថា គិតក្នុងឆ្នាំ១៩៩៧ រោងចក្រកាត់ដេរ មានចំនួនប្រមាណជា ៦០រោងចក្រ និងកម្មករនិយោជិតបំពេញការងារក្នុងវិស័យនេះប្រមាណ ៨ម៉ឺននាក់ប៉ុណ្ណោះ ប៉ុន្តែគិតរហូតមកដល់ពេលនេះ រោងចក្របានកើនឡើងប្រមាណជាង ១ ៦០០រោងចក្រ ដែលកំពុងផ្តល់ឱកាសការងារដល់កម្មករនិយោជិតឲ្យមានចំណូលទៀងទាត់ប្រមាណជាង ៩២ម៉ឺននាក់។ឯកឧត្តមលើកឡើងបន្តថា ប្រទេសកម្ពុជាបច្ចុប្បន្ន មានការវិនិយោគជាច្រើនពីបរទេស ដោយទាំងរោងចក្រ និងសហគ្រាសនៅភ្នំពេញនិងបណ្តាខេត្តមានការកើនឡើងជាបន្តបន្ទាប់ ដែលបង្ហាញឱ្យឃើញថា កម្ពុជាមានការអភិវឌ្ឍលឿនរហ័ស និងមានសុខសន្តិភាពពេញលេញ ទើបមានអ្នកវិនិយោគមកបណ្ដាក់ទុនជាបន្តបន្ទាប់បែបនេះ។ពាក់ព័ន្ធការកើនឡើងរោងចក្រនេះដែរ ក្រុមកម្មការិនីរោងចក្រ បានសម្តែងការអរគុណជូនចំពោះរាជរដ្ឋាភិបាលកម្ពុជា ដែលខិតខំប្រឹងប្រែងទាក់ទាញអ្នកវិនិយោគកាន់តែច្រើនមកកាន់កម្ពុជា ព្រមទាំងផ្តល់ឱកាសការងារជាច្រើនដល់ប្រជាពលរដ្ឋគ្រប់ទីកន្លែងផងដែរ។ ក្រុមកម្មការិនី បាននិយាយស្រដៀងគ្នាទៀតថា ការងារក្នុងរោងចក្រ ទទួលបាននូវលក្ខខណ្ឌការងារល្អ កន្លែងការងារមានសុវត្តិភាព និងស្រួលធ្វើការជាដើម ដែលអាចធ្វើឱ្យខ្លួនមានផលិតភាពការងារ ទទួលបានប្រាក់ចំណូលសមរម្យ ។ បន្ថែមពីនេះទៀត កម្មករនិយោជិតទាំងអស់ មានប័ណ្ណ ប.ស.ស. ប្រើប្រាស់គ្រប់គ្នា ដែលអាចទៅប្រើប្រាស់សេវាពិនិត្យ និងព្យាបាលជំងឺបាន ដោយឥតគិតថ្លៃ ដែលទាំងនេះគឺជាការចូលរួមចំណែកយ៉ាងសំខាន់លើជីវភាពគ្រួសារ និងកាត់បន្ថយចំណាយទៅលើថ្លៃថែទាំសុខភាពផងដែរ។គិតត្រឹមឆ្នាំ២០២៥នេះ កម្មករនិយោជិតក្នុងវិស័យវាយនភណ្ឌ កាត់ដេរសម្លៀកបំពាក់ ផលិតស្បែកជើង និងកាបូប ទទួលប្រាក់ឈ្នួលអប្បបរមាសរុបចំនួន ២០៨ដុល្លារ បើបូករួមប្រាក់អត្ថប្រយោជន៍ជាកាតព្វកិច្ចផ្សេងៗទៀត កម្មកនិយោជិតទទួលបានប្រាក់ឈ្នួលទាបបផុត ចន្លោះពី ២២៥ដុល្លារអម៉េរិក ដល់ ២៣៦ដុល្លារអាម៉េរិក ក្នុង១ខែ៕ អត្ថបទ៖ ឈិត បូរ៉ាវី

ប្រធានអ្នកនាំពាក្យ និងបក្សនយោបាយ ចាត់ទុកមេដឹកនាំជ្រុលនិយមនៅក្រៅស្រុកជាអ្នក​នយោបាយ​កេញ​ចំណេញពី​ក្រោយព្រឹត្តិការណ៍

2025/03/17 11:52:08 am        175
Facebook Telegram Linkin
ប្រធានអង្គភាពអ្នកនាំពាក្យរាជរដ្ឋាភិបាល និងប្រធានគណបក្សខ្មែរតែមួយ បានគត់សម្គាល់ឃើញថា មេដឹកនាំជ្រុលនិយមនៅក្រៅស្រុក គឺជាអ្នកនយោបាយកេញចំណេញតាមពីក្រោយព្រឹត្តិការណ៍អន្តរជាតិនានា ដើម្បីផលប្រយោជន៍នយោបាយរបស់ខ្លួន។ តាមរយៈកិច្ចសម្ភាសន៍ជាមួយទូរទស្សន៍ BTV ឯកឧត្តម ប៉ែន បូណា ប្រធានអង្គភាពអ្នកនាំពាក្យរាជរដ្ឋាភិបាល បញ្ជាក់ថា ក្រោមម្លប់សន្តិភាព និងការដឹកនាំរបស់សម្តេចធិបតី ហ៊ុន ម៉ាណែត ស្ថានភាពប្រទេសកម្ពុជាកំពុងមានស្ថិរភាពនយោបាយ ចរន្តសេដ្ឋកិច្ចមានសន្ទុះកើនឡើងជាបន្តបន្ទាប់ ទោះបីជាបច្ចុប្បន្ននេះប្រទេសមហាយក្សពិភពលោកកំពុងប្រកួតប្រជែងលើសេដ្ឋកិច្ចក៏ដោយ។ ផ្ទុយពីអ្វីដែលមេដឹកនាំជ្រុលនិយម និងបក្សពួករបស់ពួកគេ ញុះញង់ បំភ្លៃព័ត៌មានមកលើរាជរដ្ឋាភិបាល។ ឯកឧត្តម ប៉ែន បូណា បញ្ជាក់ថា មនោគមវិជ្ជារបស់ក្រុមប្រឆាំងជ្រុលនិយមនៅក្រៅស្រុកមួយក្ដាប់តូចតែងតែញុះញង់ប្រឆាំងនឹងសន្តិភាពរបស់កម្ពុជា និងប៉ុនប៉ង់ធ្វើឱ្យស្ថានភាពសេដ្ឋកិច្ចរបស់កម្ពុជាច្របូកច្របល់ ដែលផ្ទុយគ្នាស្រឡះពីរដ្ឋាភិបាលបានខិតខំកសាងប្រទេសជាតិ និងការពារសុខសន្តិភាពជូនប្រជាជន។ចំណែកលោក គុជ លី ប្រធានគណបក្សខ្មែរតែមួយ កត់សម្គាល់ឃើញថា ស្ថានភាពនយោបាយ និងសេដ្ឋកិច្ចប្រទេសកម្ពុជាកាន់តែប្រសើរឡើង ដែលខុសពីការលើកឡើងរបស់អ្នកនយោបាយជ្រុលនិយម ដែលធ្វើនយោបាយមិនបម្រើផលប្រយោជន៍ប្រទេសជាតិ និងតែងតែយកព្រឹត្តិការណ៍ផ្សេងៗមកផ្សារភ្ជាប់ដើម្បីកេងចំណេញនយោបាយ។បើតាមឯកឧត្តម ប៉ែន បូណា រនៅនីតិកាលទី៧នេះ រាជរដ្ឋាភិបាលបន្តវេន ដឹកនាំដោយសម្តេចធិបតី ហ៊ុន ម៉ាណែត បានដាក់ចេញនូវយុទ្ធសាស្រ្តបញ្ចកោណដែលជាយុទ្ធសាស្រ្តមួយមានការគាំទ្រ និងកោតសរសើរពីបណ្តាថា្នក់ដឹកនាំនានាលើពិភពលោក ជាយុទ្ធសាស្រ្តមួយដែលល្អត្រឹមត្រូវនឹងឆ្លើយតបបានគ្រប់បែបយ៉ាងទៅនឹងសេចក្តីត្រូវការរបស់ប្រជាជនក៏ដូចជាគោលដៅអភិវឌ្ឍន៍នានារបស់អង្គការសហប្រជាជាតិ៕ អត្ថបទ៖ វ៉ន ដារ៉ា

សម្ដេចធិបតី៖ ឆ្នាំ២០២៤ជាឆ្នាំបំបែកកំណត់ត្រារបស់ CDC បានអនុម័តគម្រោង​លើស​ពី​៤០០​គម្រោងក្នុង១ឆ្នាំ

2025/03/17 11:23:49 am        263
Facebook Telegram Linkin
សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា មានប្រសាសន៍បញ្ជាក់ថា នៅ​ឆ្នាំ​២០២៤ គឺជាឆ្នាំនៃការបំបែកកំណត់ត្រារបស់ក្រុមប្រឹក្សាអភិវឌ្ឍន៍កម្ពុជា (CDC) ដែលសម្រេច​បាន​នូវ​ការអនុម័តគម្រោងលើសពី ៤០០ គម្រោង ក្នុង១ឆ្នាំ។ សម្ដេធិបតី នាយករដ្ឋមន្រ្ដី មានប្រសាសន៍បែបនេះ ក្នុងឱកាស អញ្ជើញជាអធិបតី បិទ​សន្និបាត​បូក​សរុប​ការងារឆ្នាំ២០២៤ និងលើកទិសដៅការងារឆ្នាំ២០២៥ របស់សមាគមឧកញ៉ាកម្ពុជា កាល​ពីថ្ងៃទី១៤ ខែមីនា ឆ្នាំ២០២៥។ក្នុងឱកាសនោះសម្តេចធិបតីបានថ្លែងថា ការទទួលបាននូវគម្រោងវិនិយោគប្រមាណ ៤១៤ គម្រោង កាលពីឆ្នាំ២០២៤ ក្នុងទំហំទឹកប្រាក់ជាង ៦ ពាន់លានដុល្លារអាមេរិក គឺ​ជា​ផល​កើត​ចេញ​ពី​ការរួមគ្នា រវាងរាជរដ្ឋាភិបាល ជាមួយវិស័យឯកជន ក្នុងការទាក់ទាញវិនិយោគិនពីបរទេស ដើម្បី​ជំរុញការអភិវឌ្ឍន៍សេដ្ឋកិច្ច និងបង្កើតការងារជូនប្រជាពលរដ្ឋ។សម្តេច​គូសបញ្ជាក់ថា តាមរយៈទិន្នន័យនេះ បានបង្ហាញថា ឆ្នាំ២០២៤ ជាឆ្នាំដែល​ក្រុម​ប្រឹក្សា​អភិវឌ្ឍន៍​កម្ពុជា បានអនុម័តគម្រោងច្រើនជាងឆ្នាំណាទាំងអស់ ដែលតាំងពីមុនមក​មិន​មាន​ឆ្នាំ​ណា ដែលក្នុងមួយឆ្នាំបានជាង ៤០០ គម្រោងនោះទេ ពោលគឺបាន​បំបែក​ឯកត្តកម្ម​របស់​ក្រុម​ប្រឹក្សា​អភិវឌ្ឍន៍កម្ពុជា ដែលបានឆ្លុះបញ្ចាំងនូវអ្វីដែលរដ្ឋាភិបាល និងវិស័យឯកជន បានធ្វើរួមគ្នា គឺដំណើរការល្អ។ តាមរយៈទិន្នន័យនេះ បានបង្ហាញថា ពីការចាប់អារម្មណ៍ក៏កើន ការសម្រេចមករកឱកាសវិនិយោគនៅកម្ពុជាក៏កើន។សម្តេចធិបតីសង្ឃឹមថា នៅឆ្នាំ២០២៥នេះ កម្ពុជានឹងទទួលបានគម្រោងវិនិយោគពីបរទេសកាន់តែច្រើនថែមទៀត ខណៈក្នុងរយៈពេលពីរខែដំបូងនៃឆ្នាំនេះ ក្រុមប្រឹក្សាអភិវឌ្ឍន៍កម្ពុជា បានអនុម័តគម្រោងវិនិយោគចំនួន ១១២ គម្រោង ក្នុងទុនវិនិយោគ ប្រមាណ ១ ប៊ីលានដុល្លារអាម៉េរិក ដោយអាចបង្កើតការងារបានចំនួនជាង ៧ម៉ឺនកន្លែង។សម្តេចបានបញ្ជាក់ថា រាជរដ្ឋាភិបាលនៅតែបន្ត និងបញ្ជូនក្រុមការងារទាំងក្រសួង និងវិស័យឯកជនផ្សេងៗ ទៅធ្វើសកម្មភាពទាក់ទាញវិនិយោគនៅក្រៅប្រទេស។ ទន្ទឹមគ្នានេះ រដ្ឋាភិបាលក៏ខិតខំក្នុងសម្រួលគោលការណ៍ និងនិតិវិធីនានា ដូចជានិតិវិធីគយ ពន្ធដារ លក្ខខណ្ឌសម្រួលផ្សេងៗ និងកែសម្រួលនូវអ្វីដែលមានបញ្ហា ដើម្បីទាក់ទាញវិនិយោគបរទេសបន្ថែមទៀត។យោងតាមរបាយការណ៍របស់ CDC បានបញ្ជាក់ថា ក្នុងឆ្នាំ២០២៤ ការអនុម័តគម្រោងវិនិយោគមានការកើនឡើងចំនួន ១៤៦គម្រោង ខណៈទុនវិនិយោគមានការកើនឡើងប្រមាណជិត ២ពាន់លានដុល្លារ ស្មើនឹងប្រមាណជិត ៤០% ធៀបនឹងរយៈពេលដូចគ្នាក្នុង ឆ្នាំ២០២៣ ហើយក្នុងនោះគម្រោងពង្រីកផលិតកម្មបានកើនពី ២១គម្រោង ឡើងមក ២៧គម្រោង។ក្នុងឆ្នាំ ២០២៤ វិស័យឧស្សាហកម្ម នៅតែបន្តជាវិស័យលេចធ្លោជាងគេដោយបានស្រូបទាញគម្រោងវិនិយោគចំនួន ៣៩៤គម្រោង ស្មើនឹងប្រមាណ ៩៥% នៃចំនួនគម្រោងវិនិយោគសរុប ខណៈទុនវិនិយោគ ក្នុងវិស័យនេះ មានប្រមាណ ៤.៨ពាន់លានដុល្លារ ដែលចូលរួមចំណែក ៦៩% នៃទុនវិនិយោគសរុប និងមានកំណើនដល់ទៅប្រមាណ ១១០% ធៀបនឹងឆ្នាំ២០២៣។ទន្ទឹមនេះវិស័យកសិកម្ម និងកសិ- ឧស្សាហកម្មមានចំនួន ៨គម្រោង ក្នុងទុនវិនិយោគសរុបជាង១២១លានដុល្លារ ស្មើនឹង ២%, វិស័យទេសចរណ៍មានចំនួន ៤គម្រោង ក្នុងទុនវិនិយោគសរុបប្រមាណ ៧៣៨លានដុល្លារស្មើនឹង ១១%, វិស័យហេដ្ឋារចនាសម្ព័ន្ធ និងផ្សេងៗ មានគម្រោងវិនិយោគចំនួន ៨គម្រោង ក្នុងទុនវិនិយោគសរុប ប្រមាណជាង ១.៣ពាន់លានដុល្លារស្មើនឹងប្រមាណ ១៨% នៃទុនវិនិយោគសរុប៕

ការងារហ្វឹកហ្វឺន និងបណ្តុះបណ្តាលកងយោធពលខេមរភូមិន្ទសម្រេចតាមផែនបានកំណត់នៅឆ្នាំ២០២៤

2025/03/17 11:07:33 am        198
Facebook Telegram Linkin
នៅឆ្នាំ២០២៤ កន្លងទៅនេះ ការងារហ្វឹកហ្វឺន និងបណ្តុះបណ្តាលកងយោធពលខេមរភូមិន្ទ សម្រេចតាមផែនការដែលបាន ក្នុងការពង្រឹងគុណភាព សមត្ថភាពប្រយុទ្ធរបស់កងទ័ពក្នុងដំណាក់កាលថ្មី នៃកិច្ចការការពារជាតិមាតុភូមិ។ឯកឧត្តម នាយឧត្តមសេនីយ៍ ឥត សារ៉ាត់ អគ្គមេបញ្ជាការរង នាយសេនាធិការចម្រុះ នៃកងយោធពលខេមរភូមិន្ទ នៅព្រឹកថ្ងៃទី១៧ ខែមីនានេះ បានអញ្ជើញជាអធិបតីក្នុងពិធីបិទសិក្ខាសាលាបូកសរុបលទ្ធផលការងារហ្វឹកហ្វឺនប្រចាំឆ្នាំ២០២៤ និងដាក់ចេញទិសដៅឆ្នាំ២០២៥ របស់កងយោធពលខេមរភូមិន្ទ ស្ថិតនៅអគ្គបញ្ជាការដ្ឋាន នៃកងយោធពលខេមរភូមិន្ទ។នៅក្នុងអង្គពិធី នាយឧត្តមសេនីយ៍ ឥត សារ៉ាត់ បានថ្លែងថា នៅឆ្នាំ២០២៤ កន្លងទៅ ការងារហ្វឹកហ្វឺន និងបណ្តុះបណ្តាលកងយោធពលខេមរភូមិន្ទសម្រេចបានជោគជ័យដ៏ធំធេង ក្នុងការឆ្លើយតបតាមសេចក្តីត្រូវការក្នុងការកសាងកងយោធពលខេមរភូមិន្ទ ជាពិសេសពង្រឹងគុណភាព សមត្ថភាពប្រយុទ្ធរបស់កងទ័ពក្នុងដំណាក់កាលថ្មី នៃកិច្ចការការពារជាតិមាតុភូមិ។ នាយឧត្តមសេនីយ៍ បានបន្តថា ការងារហ្វឹកហ្វឺន និងបណ្តុះបណ្តាលវាសំខាន់ណាស់។ យោធិនទាំងអស់មិនបានហ្វឹកហ្វឺន មិនអាចមានសមត្ថភាពគ្រប់គ្រាន់ក្នុងការបំពេញការងារទេ ហើយបើមានការហ្វឹកហ្វឺនមិនបានរៀបចំត្រឹមត្រូវ ក៏ពុំមានគុណភាពដែរ។ ការណ៍នេះ ចាំបាច់ត្រូវស្រុះស្រួលគ្នាទាំងអស់ទើបសម្រេចបានគោលដៅ ដែលបានកំណត់ គឺយោធិនមានសមត្ថភាពពេញលេញ។លើសពីនេះ នាយឧត្តមសេនីយ៍ ក៍បានការកោតសរសើរ និងវាយតម្លៃខ្ពស់ចំពោះសាកលវិទ្យាល័យ វិទ្យាស្ថាន មជ្ឈមណ្ឌល សាលាហ្វឹកហ្វឺន និងអង្គភាពទាំងអស់ដែលបានខិតខំបំពេញភារកិច្ចរបស់ខ្លួនតាមផែនការហ្វឹកហ្វឺនរបស់គណៈកម្មការហ្វឹកហ្វឺន និងបណ្តុះបណ្តាលកងយោធពលខេមរភូមិន្ទ រហូតសម្រេចបានជោគជ័យតាមផែនការនៅឆ្នាំ២០២៤។ សម្រាប់ឆ្នាំ២០២៥នេះ គណៈកម្មការដឹកនាំការងារបណ្តុះបណ្តាល និងហ្វឹកហ្វឺនកងយោធពលខេមរភូមិន្ទ បានដាក់ចេញផែនការសំខាន់ៗដូចជា៖ ជំរុញការងារហ្វឹកហ្វឺនបណ្តុះបណ្តាល និងបំប៉នយោធិនគ្រប់ថ្នាក់ គ្រប់ជំនាញ តាមបណ្តាគ្រឹះស្ថានសិក្សាយោធា អង្គភាព តាមសេចក្តីត្រូវការរបស់កងយោធពលខេមរភូមិន្ទ ដោយយកចិត្តទុកដាក់ពង្រឹងគុណភាពហ្វឹកហ្វឺនឱ្យស្របតាមបច្ចេកវិទ្យាទំនើបកម្មយោធានាពេលបច្ចុប្បន្ន និងគោលការណ៍របស់ប្រមុខរាជរដ្ឋាភិបាលបានដាក់ចេញ គឺទំនើបកម្ម គ្រឹះស្ថានសិក្សាយោធា យោធាចារ្យ ឯកសារ សម្ភារៈសិក្សាឈានទៅកាត់បន្ថយការហ្វឹកហ្វឺននៅក្រៅប្រទេស និងម្ចាស់ការជាបណ្តើរៗ សម្រាប់ការហ្វឹកហ្វឺនក្នុងប្រទេសជាសំខាន់ និងបន្តកែសម្រួលប្រព័ន្ធហ្វឹកហ្វឺនគ្រឹះស្ថានសិក្សាយោធាជាដើម។ អត្ថបទ៖ទូច សោភ័ណ ថត៖សំរិទ្ធ សួស្តី រូបភាព៖ឥត សារ៉ាត់

ជីបម៉ុងលែនបើកការដ្ឋានសាងសង់គម្រោងហ្គ្រេនលែនម៉ាក ២៧១ និងមជ្ឈមណ្ឌលសន្និបាត និងអាពាហ៍ពិពាហ៍

2025/03/17 11:03:36 am        256
Facebook Telegram Linkin
ជីប ម៉ុង លែន នៅដើមឆ្នាំ២០២៥នេះ បានរៀបចំពិធីបញ្ចុះបឋមសិលាបើកការដ្ឋានសាងសង់គម្រោងហ្គ្រេនលែនម៉ាក ២៧១ ដែលជាគម្រោងអភិវឌ្ឍន៍ទំនើបចម្រុះថ្មី ដ៏មានសក្តានុពលបំផុត និងធំជាងគេ និងគម្រោងមជ្ឈមណ្ឌលសន្និបាតនិងអាពាហ៍ពិពាហ៍ ជីប ម៉ុង។អ្នកឧកញ៉ា លាង ហួង (ហេនរី) អគ្គនាយកពហុពាណិជ្ជកម្ម និងសមាជិកក្រុមប្រឹក្សាភិបាលក្រុមហ៊ុន ជីប ម៉ុង លើកឡើង ក្នុងពិធីបញ្ចុះបឋមសិលាបើកការដ្ឋានសាងសង់២ គម្រោងហ្គ្រេនលែនម៉ាក ២៧១ និងមជ្ឈមណ្ឌលសន្និបាតនិងអាពាហ៍ពិពាហ៍ ជីប ម៉ុង នៅថ្ងៃទី១៥ ខែមីនា ឆ្នាំ២០២៥ នេះថា ចំពោះគម្រោងហ្គ្រេនលែនម៉ាក ២៧១ នេះ គឺមានលក្ខណៈពិសេសច្រើនដូចជា មានផ្លូវ ធំៗខ្វាត់ខ្វែងនៅជុំវិញគម្រោង អ្វីដែលពិសេសជានេះគឺ គម្រោងមានមជ្ឈមណ្ឌលសន្និបាតនិងអាពាហ៍ពិពាហ៍ ជីប ម៉ុង និងគម្រោង មជ្ឈមណ្ឌលកីឡាជាដើម ដែលធ្វើឱ្យគម្រោងនេះមានភាពលេចធ្លោជាងគេ លើវិស័យអភិវឌ្ឍន៍គម្រោងអចលនទ្រព្យនៅកម្ពុជា។ចំណែកអ្នកឧកញ៉ា លាង ម៉េង ស្ថាបនិក និងប្រធានក្រុមហ៊ុនអគ្គនាយក ជីប ម៉ុង លើកឡើងផងដែរថា អ្វីដែលជីបម៉ុងបាន ជោគជ័យ គឺកើតឡើងពីការគាំទ្រ និងមានជំនឿជឿទុកចិត្តពីអតិថិជន ដោយក្នុងនោះអតិថិជនពិតជាយល់ច្បាស់អំពីការគិតគូរ បណ្តុះបណ្តាលធនធនមនុស្ស។ អ្នកឧកញ៉ា បន្តថា ប្រសិនយើងមានទីតាំងដ៏ល្អ តែយើងខ្វះធនធានមនុស្ស ក៏យើងមិនអាចទទួល បាន ជោគជ័យបានផងដែរ។គម្រោងហ្គ្រេនលែនម៉ាក២៧១ ដែលមានភាពលេចធ្លោរួមមាន៖ គម្រោងមជ្ឈមណ្ឌលសន្និបាតនិងអាពាហ៍ពិពាហ៍ជីបម៉ុង ដ៏ធំសម្បើម ជាបេះដូងនៃគម្រោងហ្គ្រេនលែនម៉ាក ២៧១ មានកម្ពស់២ជាន់ សម្រាប់ការរៀបចំកម្មវិធីអាពាហ៍ពិពាហ៍ អាចទទួលមនុស្សបាន ១០ ពាន់នាក់។ បន្ថែមលើសពីនេះមជ្ឈមណ្ឌលសន្និបាតមួយនេះមានមុខងារ និងសេវាកម្មជាច្រើនដូចជា ការតាំងពិព័រណ៍រៀបចំប្រជុំ សន្និបាតខ្នាតធំ និងកន្លែងរៀបចំសិក្ខារសាលាផ្សេងៗជាមួយការរចនាស្តង់ដារអន្តរជាតិដំបូងគេមានបំពាក់ផ្ទាំង LED ដ៏ទំនើប និង មានចំណតយានយន្តដ៏ធំទូលាយ និងមានផ្លូវធំៗខ្វាត់ខ្វែង។ អ្វីកាន់តែអសា្ចរ្យទៀតនោះគឺ មជ្ឈមណ្ឌលកីឡាដ៍ទំនើបមួយទៀតរបស់ ជីប ម៉ុង លែន ដែលមានសាលប្រជុំ កន្លែងហាត់ប្រាណ បំពាក់ដោយឧបករណ៍ទំនើបៗ អាងហែលទឹកខ្នាតអន្តរជាតិ និងមុខងារកីឡា ដ៏សម្បូរបែបសម្រាប់មនុស្សគ្រប់វ័យ, មានឧទ្យានហ្រ្គេនលែនម៉ាកតាមមាត់ទឹក និងមានរុក្ខវិថីសួនឧទ្យានជាកន្លែងសម្រាកលំហែ។ មជ្ឈមណ្ឌលធុរកិច្ចចម្រុះ និងមជ្ឈមណ្ឌលច្នៃប្រឌិតបច្ចេកវិទ្យាដំបូងគេ ជាមួយជម្រើសម៉ូតផ្ទះថ្មីប្រណីតៗរួមមាន៖ វីឡាឃីងមែនន័រ ការរស់នៅដោយភាព ស្ញប់ស្ញែង, វីឡាឃីងឧត្តមភាពនៃការរស់នៅបែបអភិជន, វីឡាឃ្វីនហ្គ្រេនជម្រើសនៃភាពទាន់សម័យ, វីឡាឃ្វីន A ហ្គ្រេនសម្រាប់ការ រស់នៅបែបឯកជន, វីឡាឃ្វីន B II ហ្គ្រេនម៉ូតថ្មីយ៉ាងស្រស់ស្អាត និងវីឡាភ្លោះម៉ូតថ្មី Twin SE ទាន់សម័យ និងរស់រវើក, វីឡាភ្លោះSII ,វីឡា កូនកាត់ ASII និងវីឡាកូនកាត់ Link BIII F មានរបងផ្តល់ឯកជនភាព៕ អត្ថបទ៖ សុន រ៉ាឌី

អគ្គនាយករងគយ៖ វិស័យឡូជីស្ទិក និងខ្សែច្រវាក់ផ្គត់ផ្គង់ គឺជាឆ្អឹងខ្នង និងជាឃ្នាស់នៃសេដ្ឋកិច្ច

2025/03/17 10:30:46 am        251
Facebook Telegram Linkin
អគ្គនាយករងនៃអគ្គនាយកដ្ឋានគយ និងរដ្ឋាករកម្ពុជា ចាត់ទុកវិស័យដឹកជញ្ជូន ឡូជីស្ទិក និង​ខ្សែ​ច្រវាក់​ផ្គត់​ផ្គង់ គឺជាឆ្អឹងខ្នង ដ៏សំខាន់ និងជាឃ្នាស់នៃសេដ្ឋកិច្ច តាមរយៈការគាំទ្រ​ដល់​សេវា​ការ​ដឹក​ជញ្ជូន​បម្រើឱ្យ​វិស័យទេសចរណ៍ និងពាណិជ្ជកម្មជាដើម។លោក ផា អេងវ៉េង អគ្គនាយករងនៃអគ្គនាយកដ្ឋានគយ និងរដ្ឋាករកម្ពុជា ក្រសួងសេដ្ឋកិច្ច និង​ហិរញ្ញ​វត្ថុ លើកឡើងនៅក្នុង សន្និបាត និងជំនួបម្ចាស់អាជីវកម្ម ឡូជីស្ទិក នាំចេញ-ចូល និងដឹក​ជញ្ជូន​លើកទី៦ រៀបចំដោយសមាគមពាណិជ្ជករដឹកជញ្ជូននិងខ្សែ ច្រវាក់ផ្គត់ផ្គង់នៅកម្ពុជា នៅ​ចុង​សប្តាហ៍​កន្លងមកថា ជុំវិញវិស័យដឹកជញ្ជូន និងឡូជីស្ទិកនេះ រាជរដ្ឋាភិបាលបានបន្ត និង​អភិវឌ្ឍ ប្រព័ន្ធដឹកជញ្ជូន និងឡូជីស្ទិក បានផ្តោតលើការជំរុញកសាងហេដ្ឋារចនាសម្ព័ន្ធ ឆ្ពោះទៅ​រក​ការ​អភិវឌ្ឍប្រព័ន្ធដឹកជញ្ជូនអន្តរមធ្យោ- បាយ មានភាពប្រទាក់ក្រឡា ទាំងក្នុង​ប្រទេស និង​តំបន់​ ព្រោះឡូជីស្ទិកនិងខ្សែច្រវាក់ផ្គត់ផ្គង់គឺជាឆ្អឹងខ្នង និងជាឃ្នាស់នៃសេដ្ឋកិច្ច។លោក បន្តថា ជុំវិញវឌ្ឍនភាពខាងលើនេះ កម្ពុជាក៏នៅមានបញ្ហាប្រឈមមួយចំនួន ទាំងរដ្ឋ និង​ឯកជន​ អំពីបញ្ហាតម្លៃដែល មានលក្ខណៈខ្ពស់ជាងប្រទេសជិតខាង។ លោក ផា អេងវ៉េង បញ្ជាក់​ថា បញ្ហានេះឃើញថា រារដ្ឋាភិបាលបានខិតខំយ៉ាងខ្លាំង តាមរយៈ ការកសាង​នូវ​ហេដ្ឋា​រចនា​សម្ព័ន្ធ​គាំទ្រ​នានា ដែលបានកាត់បន្ថយចំណាយ និងពេលវេលា ក្នុងនោះអគ្គនាយកដ្ឋានគយ និង​រដ្ឋាករ កម្ពុជា ក៏បានកែទម្រង់លើនីតិវិធីមួយចំនួនធំ ដើម្បីចូលរួមចំណែកឡូជីស្ទិកនេះ, ចំណែក​វិស័យ​ឯកជន ត្រូវតែខិតខំខ្លួនឯងផងដែរ នៅលើការបញ្ជុះតម្លៃដឹកជញ្ជូននេះ។លោក ជា ចាន់ដារ៉ា ប្រធានសមាគមពាណិជ្ជករដឹកជញ្ជូននិងខ្សែច្រវាក់ផ្គត់ផ្គង់នៅកម្ពុជា លើក​ឡើង​ផងដែរថា ចំពោះបញ្ហា សេវាតម្លៃនៃការដឹកជញ្ជូនពិតជាសំខាន់ណាស់ ប្រសិន​យើង​ចង់​ប្រកួត​ប្រជែងជាមួយប្រទេសជិតខាងបាន លុះត្រាណាសេវាដឹក ជញ្ជូនរបស់​យើង​មាន​ភាព​ប្រហាក់​ប្រហែលគ្នា។ បញ្ហានេះលោករំពឹងថា នៅពេលខាងមុខ វិស័យដឹកជញ្ជូននៅ​កម្ពុជា​នឹង​អាច​ស្រុត​ចុះ បន្ថែមទៀត ខណៈបច្ចុប្បន្នរាជរដ្ឋាភិបាលបានបង្កើត និងបន្តកែ​លម្អ​ហេដ្ឋា​រចនា​សម្ព័ន្ធ កំពុងគាំទ្រជាច្រើនដល់វវិស័យដឹកជញ្ជូន, ជាង នេះទៀត ម្ចាស់អាជីវកម្ម​នៅ​ក្នុង​វិស័យ​ដឹក​ជញ្ជូន ក៏ត្រូវបង្កើនការយល់ដឹងនៃប្រព័ន្ធបច្ចកវិទ្យាឌីជីថលឱ្យបានច្រើន ដើម្បីកាត់បន្ថយ ពេល​វេលា និងខ្ទង់ចំណាយផ្សេងៗ។សូមបញ្ជាក់ថា ជុំវិញវិស័យដឹកជញ្ជូន និងឡូជីស្ទិក បើយោង​តាម​ផែនការ​មេ​គ្រប់​ជ្រុង​ជ្រោយ​ស្តីពី​ប្រព័ន្ធ​ដឹក​ជញ្ជូនអន្តរមធ្យោបាយ និង ភស្តុភាកម្មកម្ពុជា ២០២៣-២០៣៣ បានបង្ហាញថា ការ​អភិវឌ្ឍ​ប្រព័ន្ធដឹកជញ្ជូន និងឡូជីស្ទិកនៅកម្ពុជា នៅពុំទាន់អាចឆ្លើយតបបាន ពេញលេញ និង​គ្រប់​គ្រាន់​ទៅតាមតម្រូវការ ព្រមទាំងជាចលនាកររុញច្រានការវិវឌ្ឍផ្នែកសង្គម-សេដ្ឋកិច្ច ជា​ពិសេស​នៅ​ដំណាក់កាល នៃការប្រែក្លាយទៅជាប្រទេសមានចំណូលមធ្យមកម្រិតខ្ពស់ និង​ប្រទេស​ចំណូល​ខ្ពស់។ ក្នុងន័យនេះ ផែនការមេគ្រប់ជ្រុងជ្រោយ ស្តីពី ប្រព័ន្ធដឹកជញ្ជូន​អន្តរ​មធ្យោបាយ និងភស្តុភារកម្មកម្ពុជា បានដាក់ចេញនូវចក្ខុវិស័យដោយ “បន្តកែលម្អ និងអភិវ​ឌ្ឍ​ប្រព័ន្ធ​ដឹក​ជញ្ជូន និងឡូជីស្ទីកដោយផ្តោតលើការជំរុញការកសាងហេដ្ឋារចនាសម្ព័ន្ធរូបវន្ត និង​អរូបវន្តឆ្ពោះទៅរកការអភិវឌ្ឍប្រព័ន្ធដឹកជញ្ជូន អន្តរមធ្យោ បាយ មានការតភ្ជាប់ខ្ពស់ និង​ភាព​ប្រទាក់​ក្រឡា​ទាំងផ្ទៃក្នុងប្រទេស និងជាមួយតំបន់ដែលនឹងបន្តរួមចំណែកជំរុញ និងទ្រទ្រង់​កំណើន សេដ្ឋកិច្ចជាតិ ព្រមទាំងបំពេញសេចក្តីត្រូវការសង្គម-សេដ្ឋកិច្ច ប្រកបដោយចីរភាព និង​ប​រិយាប័ន្ន៕ អត្ថបទ៖ សុន រ៉ាឌី

បណ្ដាញសង្គម

ព័ត៌មានថ្មីៗ

ក្រសួងមុខងារសាធារណៈ ពង្រឹងសមត្ថភាពឌីជីថលជូនមន្ត្រីរាជធានី-ខេត្ត ដើម្បីជំរុញកិច្ចការរដ្ឋបាល និងប្រព័ន្ធគ្រប់គ្រងទិន្នន័យមន្ត្រី កាន់តែល្អប្រសើរ
06/24/2026 11:06 AM
Facebook Telegram Linkin
ខេត្តបាត់ដំបងនឹងរៀបចំព្រឹត្តិការណ៍ផ្លែឈើរយៈពេល១០ថ្ងៃ លើកស្ទួយផលិតផលក្នុងស្រុក និងទាក់ទាញទេសចរ
06/24/2026 11:06 AM
Facebook Telegram Linkin
ព្រឹទ្ធសភាអាមេរិក ចូលរួមជាមួយសភា ក្នុងការបោះឆ្នោតបញ្ឈប់សង្គ្រាមនៅអ៊ីរ៉ង់ ដោយស្តីបន្ទោសលោក Trump
06/24/2026 11:06 AM
Facebook Telegram Linkin
វឿន វាសនា ទទួលបានតម្លៃពលកម្មជាង ១០ម៉ឺនដុល្លារ ពីការបន្ដកុងត្រារដូវកាលទី៤ ជាមួយក្លិបតៃវ៉ាន់ Win Streak
06/24/2026 11:06 AM
Facebook Telegram Linkin
Cristiano Ronaldo បង្កើតប្រវត្តិសាស្ត្រ! ក្លាយជាកីឡាករដំបូងស៊ុតបញ្ចូលទីនៅ World Cup ៦លើក
06/24/2026 11:06 AM
Facebook Telegram Linkin
ឯកឧត្តមឧបនាយករដ្ឋមន្ដ្រី ហ៊ុន ម៉ានី ចុះពិនិត្យការធ្វើជំរឿនមន្ដ្រីជាក់ស្ដែង នៅទីស្តីការក្រសួងរៀបចំដែនដី នគរូបនីយកម្ម និងសំណង់
06/24/2026 10:06 AM
Facebook Telegram Linkin
លោក Putin៖ រុស្ស៊ីត្រៀមរួចរាល់សម្រាប់ការចរចាជាមួយអ៊ុយក្រែន លុះត្រាផ្អែកលើកិច្ចព្រមព្រៀងទីក្រុងអ៊ីស្តង់ប៊ុលឆ្នាំ២០២២
06/24/2026 10:06 AM
Facebook Telegram Linkin
លោកជំទាវបណ្ឌិត ពេជ ចន្ទមុន្នី អញ្ជើញចូលរួមពិធីប្រគល់-ទទួលថវិកាបរិច្ចាគពីគណៈសង្ឃនាយកកម្ពុជាចំនួន ១៦០លានរៀលជូនមូលនិធិគន្ធបុប្ផា
06/24/2026 10:06 AM
Facebook Telegram Linkin
សមាគមរៀបចំពិធីចាប់ឆ្នោតប្រគល់ផ្ទះជូនអតីតយុទ្ធជនចំនួន ៥១គ្រួសារនៅភូមិប៊ុនរ៉ានីសែនជ័យដំណាក់ទ្រយឹង
06/24/2026 10:06 AM
Facebook Telegram Linkin
សល់តែ៦ថ្ងៃទៀតប៉ុណ្ណោះ សម្រាប់ «យុទ្ធនាការ ១ម៉ឺនរៀល ១ម៉ឺននាក់ ឆ្នាំ២០២៦» របស់មូលនិធិគន្ធបុប្ផាកម្ពុជា, សូមចូលរួមបរិច្ចាគ ដើម្បីមន្ទីរពេទ្យគន្ធបុប្ផា អាចបន្តបេសកកម្មសង្រ្គោះជីវិតទារក និងកុមារនៅកម្ពុជា
06/24/2026 10:06 AM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.