នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
វៀតណាមគាំទ្រដំណោះស្រាយដោយសន្តិវិធីលើបញ្ហាព្រំដែនកម្ពុជា-ថៃ និងបន្តពង្រឹងកិច្ចសហប្រតិបត្តិការយោធាជាមួយកម្ពុជា
កម្ពុជា-ឡាវ បើកការដឹកជញ្ជូនឆ្លងកាត់សម្រាប់នាំចេញផ្លែទុរេនកម្ពុជាទៅកាន់ប្រទេសចិន
ប្តីប្រពន្ធវ័យក្មេងកម្សត់១គូ (ប្រពន្ធមហារីកគ្រាប់ឈាមធ្ងន់ធ្ងរ) សម្តែងការដឹងគុណសម្តេចកិត្តិ​ព្រឹទ្ធបណ្ឌិត ដែលបាន​ផ្តល់អំណោយមនុស្សធម៌លើកទឹកចិត្ត និងផ្តល់ក្តីសង្ឃឹមសារជាថ្មីក្នុងជីវិត
គណៈបញ្ជាការឯកភាពរដ្ឋបាលរាជធានីភ្នំពេញប្រជុំត្រួតពិនិត្យវឌ្ឍនភាពនៃការងារបង្រ្កាបការឆបោកតាមប្រព័ន្ធបច្ចេកវិទ្យា

ព័ត៌មានជាតិ

សម្ដេចធិបតី សរសើរក្រសួងអប់រំផ្គួចផ្ដើមរៀបចំ «ទិវាអំណាន» ឡើងដើម្បីជំរុញការអានដល់សិស្ស

2025/03/11 02:05:11 pm        128
Facebook Telegram Linkin
ក្នុងឱកាស អញ្ជើញជាអធិបតីក្នុងពិធីចែកសញ្ញាបត្រជូននិស្សិត បញ្ចប់ការសិក្សា នៅវិទ្យាស្ថានវ៉ាន់ដា នៅព្រឹកថ្ងៃទី១១ ខែមីនា ឆ្នាំ២០២៥នេះ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា មានប្រសានស៍ថា កោតសរសើរក្រសួងអប់រំ យុវជន និងកីឡា ដែលបាន ផ្គួចផ្ដើមរៀបចំ «ទិវាអំណាន»ឡើងដើម្បីជំរុញការអានដល់សិស្ស។សម្ដេចធិបតី នាយករដ្ឋមន្រ្ដី បានសង្កេតឃើញថា បច្ចុប្បន្ននេះចលនានៃការអានសៀវភៅ​មានការ​កើនឡើង​ដែលនេះគឺជាសកម្មភាពល្អណាស់ ​ខណៈកាលពីសម័យមុនមិនសូវសម្បូរសៀវភៅ ឬឯកសារអានទេ ​ប៉ុន្ដែឥឡូវនៅតាមសាលារៀននីមួយៗ​មានសៀវភៅសច្រើន​សម្រាប់​ជំនួយការអាន និងរៀនបន្ថែមដល់សិស្ស។ សម្ដេចធិបតី បានថ្លែងអំណរគុណដល់ក្រសួងអប់រំ យុវជន និងកីឡា ដែលបានផ្គួចផ្ដើមទិវាអំណានឡើង ដើម្បីជំរុញការអានដល់សិស្ស ខណៈនៅថ្ងៃទី១១ ខែមីនានេះ ក្រសួងកំពុងប្រារព្ធទិវាជាតិអំណានលើកទី១០ ក្រោមប្រធានបទ «ការអានផ្សារភ្ជាប់អន្តរជំនាន់មនុស្សក្នុងសង្គម» ក្រោមអធិបតីភាពដ៏ខ្ពង់ខ្ពស់ សម្តេចកិត្តិសង្គហបណ្ឌិត ម៉ែន សំអន ឧត្ដមប្រឹក្សាផ្ទាល់ព្រះមហាក្សត្រ និងជាប្រធានសមាគមនារីកម្ពុជាដើម្បីសន្តិភាព និងអភិវឌ្ឍន៍។ឯកឧត្តមបណ្ឌិតសភាចារ្យ ហង់ជួន ណារ៉ុន ឧបនាយករដ្ឋមន្ត្រី រដ្ឋមន្ត្រីក្រសួងអប់រំ យុវជន និងកីឡា ថ្លែងក្នុងពិធីប្រារព្ធទិវាជាតិអំណានលើកទី១០ ១១ មីនា ២០២៥នេះថា ដើម្បីលើកកម្ពស់ការអាន នៅឆ្នាំ២០១៤ ក្រសួងអប់រំ បានដាក់ឱ្យ អនុវត្តឡើងវិញនូវការរៀនតែងសេចក្តី និងការសរសេរតាមអាននៅតាមគ្រឹះស្ថានសិក្សាសាធារណៈ។ ក្រសួងបានពង្រឹងការបង្រៀនអំណាននៅកម្រិតថ្នាក់ដំបូងនៅបឋមសិក្សា ដោយសហការជាមួយអង្គការដៃគូ ព្រមទាំងរៀបចំបានជា «កញ្ចប់សម្ភារៈអំណានថ្នាក់ដំបូង» រួមមាន សៀវភៅណែនាំសម្រាប់គ្រូ សៀវភៅជំនួយសិស្ស បណ្ណអក្សរ-រូបភាព សៀវភៅហ្វឹកហាត់ សរសេរ និងសៀវភៅរឿង ៦០ ចំណងជើង។ ក្រសួងក៏បានបញ្ចូលការអនុវត្តកញ្ចប់សម្ភារៈ អំណានថ្នាក់ដំបូង និងសម្ភារៈគណិតវិទ្យាថ្នាក់ដំបូង ទៅក្នុងកម្មវិធីបណ្តុះបណ្តាលគ្រូបង្រៀន ដែលជាកត្តាចាំបាច់បំផុត សម្រាប់លើកកម្ពស់គុណវុឌ្ឍគ្រូបង្រៀន។ ឯកឧត្តមបានបន្តថា ក្រសួងបាននិងកំពុងបន្ត ធ្វើការអភិវឌ្ឍសមត្ថភាពវិជ្ជាជីវៈជូនលោកគ្រូ អ្នកគ្រូ តាមរយៈការពង្រឹងសមត្ថភាពគ្រូបង្រៀន ថ្នាក់ទី១ ទី២ និងទី៣ ដោយមានកម្មវិធីបំប៉នច្បាស់លាស់ សម្ភារឧបទេសសម្បូរបែប និងគ្រូឧទ្ទេសប្រកបដោយសមត្ថភាព និងបំណិនវិជ្ជាជីវៈខ្ពស់ ដើម្បីធានាថា សិស្សានុសិស្សគ្រប់រូប មានមូលដ្ឋានគ្រឹះរឹងមាំ ក្នុងការឈានទៅសម្រេចបានជោគជ័យការសិក្សានៅថ្នាក់បន្តបន្ទាប់ ទៀត។ឯកឧត្តមបញ្ជាក់ថា ដូចឆ្នាំកន្លងមកដែរ ទិវាជាតិអំណានឆ្នាំនេះ ក្រសួងបានរៀបចំការប្រឡងប្រជែងអានអត្ថបទ ស្មូតកំណាព្យ និងតែងនិពន្ធ នៅថ្នាក់ក្រោមជាតិ និងថ្នាក់ជាតិ ដើម្បីទទួល “ពានរង្វាន់សម្តេចតេជោ ហ៊ុន សែន ដោយជ្រើសរើសសិស្សទៅតាមកម្រិតសិក្សានីមួយៗ អនុលោមទៅតាមវិញ្ញាសា បីសំខាន់ៗសម្រាប់សិស្សានុសិស្សរួមមាន៖ ១-ការប្រឡងប្រជែងអានអត្ថបទ ២-ការប្រឡង ប្រជែងស្ងួតកំណាព្យ និង ៣- ការប្រឡងប្រជែងតែងនិពន្ធ៕អត្ថបទ៖ វ៉ន ដារ៉ា

ឯកឧត្តមរដ្ឋមន្ត្រី ជា វ៉ាន់ដេត ទទួលជំនួបសម្តែងការគួរសមនិងពិភាក្សាការងារ ជាមួយឯកឧត្តម Derek Yip ឯកអគ្គរដ្ឋទូតអូស្ត្រាលី ប្រចាំព្រះរាជាណាចក្រកម្ពុជា

2025/03/11 01:54:57 pm        117
Facebook Telegram Linkin
នៅថ្ងៃទី១០ ខែមីនា ឆ្នាំ២០២៥ ឯកឧត្តម ជា វ៉ាន់ដេត រដ្ឋមន្ត្រីក្រសួងប្រៃសណីយ៍និងទូរគមនាគមន៍ បានអនុញ្ញាតជូនឯកឧត្តម Derek Yip ឯកអគ្គរដ្ឋទូតអូស្ត្រាលី ប្រចាំព្រះរាជាណាចក្រកម្ពុជា និងសហការី ចូលជួបសម្តែងការគួរសមនិងពិភាក្សាការងារ នៅទីស្តីការក្រសួងប្រៃសណីយ៍និងទូរគមនាគមន៍។ ក្នុងជំនួបនេះ ឯកឧត្តមរដ្ឋមន្ត្រីបានជម្រាបជូនអំពីការងារអាទិភាព និងសមិទ្ធផលដែលក្រសួងបានសម្រេចបាន រួមមានការបណ្តុះបណ្តាលមន្ត្រីរាជការលើជំនាញឌីជីថលចំបាច់ ការអភិវឌ្ឍមូលធនមនុស្សលើមុខជំនាញឌីជីថលគ្រប់កម្រិត ការងារបរិវត្តកម្មរដ្ឋាភិបាលឌីជីថល ការដាក់ឱ្យប្រើប្រាស់ថ្នាលនិងកម្មវិធីរដ្ឋាភិបាលឌីជីថល និងវឌ្ឍនភាពនៃមជ្ឈមណ្ឌលបច្ចេកវិទ្យាសហគមន៍។ ជាការឆ្លើយតប ឯកអគ្គរដ្ឋទូតបានកោតសរសើរលើសមិទ្ធផលដែលក្រសួងសម្រេចបាន និងកិច្ចសហប្រតិបត្តិការរវាងអូស្ត្រាលីនិងកម្ពុជា លើវិស័យទូរគមនាគមន៍ វិស័យឌីជីថល បរិវត្តកម្មឌីជីថល និងសន្តិសុខឌីជីថល។ ជាមួយគ្នានេះដែរ ឯកអគ្គរដ្ឋទូត បានគូសបញ្ជាក់អំពីការគាំទ្រលើការអភិវឌ្ឍធនធានមនុស្សឌីជីថល និងបន្តកិច្ចសហប្រតិបត្តិការឱ្យកាន់តែល្អប្រសើរបន្ថែមទៀត។

សម្ដេចធិបតី៖ កម្ពុជាកំពុងរៀបចំឯកសារស្នើសុំចុះបញ្ជីសង្ក្រាន្តឆ្នាំថ្មី ចូលក្នុងបញ្ជីបេតិកភណ្ឌពិភពលោក

2025/03/11 01:44:25 pm        174
Facebook Telegram Linkin
ក្នុងឱកាសអញ្ជើញជាអធិបតីក្នុងពិធីចែកសញ្ញាបត្រជូននិស្សិត បញ្ចប់ការសិក្សានៅវិទ្យាស្ថានវ៉ាន់ដា នៅព្រឹកថ្ងៃទី១១ ខែមីនា ឆ្នាំ២០២៥នេះ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា មានប្រសានស៍បញ្ជាក់ថា កម្ពុជាកំពុងរៀបចំឯកសារ ស្នើសុំចុះបញ្ជីសង្ក្រាន្តឆ្នាំថ្មី ចូលក្នុងបញ្ជីបេតិកភណ្ឌពិភពលោក។ក្នុងឱកាសនោះសម្តេចធិបតី នាយករដ្ឋមន្រ្ដីមានប្រសាសន៍ថា ការរៀបចំព្រឹត្តិការណ៍ អង្គរសង្ក្រាន្តនៅសៀមរាបឆ្នាំនេះ គឺជាការបង្កើតព្រឹត្តិការណ៍ទេសចរណ៍ ដើម្បីទាក់ទាញអ្នកទេសចរ មិនមែនជាការបង្កើតព្រឹត្តិការណ៍មិនឱ្យគេចាប់អារម្មណ៍រឿងសង្គមដូចវិទ្យុបរទេសផ្សព្វផ្សាយប្រឌិតការពិតនោះឡើយ។ សម្ដេចបានបញ្ជាក់ថា បច្ចុប្បន្ននេះ កម្ពុជា កំពុងរៀបចំឯកសារ​ស្នើសុំចុះបញ្ជីសង្ក្រាន្តឆ្នាំថ្មី ចូលក្នុងបញ្ជីបេតិកភណ្ឌពិភពលោកផងដែរ។សូមជម្រាបថា នៅឆ្នាំ២០២៥នេះ គឺជាការរៀបចំព្រឹត្តិការណ៍អង្គរសង្រ្កាន្តឆ្នាំទី១២ហើយ នៅខេត្តសៀមរាប។ ព្រឹត្តិការណ៍ឆ្នាំនេះ នឹងមានកម្មវិធីកម្សាន្តសប្បាយជាច្រើនរហូតដល់ទៅ ៦ ទីតាំង ក្រោមប្រធានបទ «ញញឹមសាទរសង្ក្រាន្តឆ្នាំថ្មី» ដែលជាបំណងប្រាថ្នារបស់ ប្រជាពលរដ្ឋ ជាច្រើនរូប។ ឆ្នាំនេះនឹងមានកម្មវិធីកម្សាន្តសប្បាយជាច្រើន មានដូចជា ការសម្តែង ទស្សនីយភាពចង្វាក់បេះដូងអង្គរ, កម្មវិធីភូមិខ្ញុំ, កម្មវិធីការប្រកួតអុកចត្រង្គ, កម្មវិធីក្បួនដង្ហែអង្គរសង្រ្កាន្ត, កម្មវិធីយុទ្ធគុនចម្រុះបុរាណខ្មែរ, កម្មវិធីរបាំបុរាណ ប្រពៃណី និងប្រជាប្រិយ, កម្មវិធីសួនញញឹមអង្គរ, កម្មវិធីតោះៗលេងទឹក, កម្មវិធីសួនមុនីហឫទ័យ, កម្មវិធីផ្សារស្ទឹងសៀមរាប, កម្មវិធីប្រណាំងរទេះគោ ក្របី និងពិធីស្រង់ព្រះជាដើម។ សូមរម្លឹកថា ព្រឹត្តិការណ៍អង្គរសង្ក្រាន្តឆ្នាំ២០២៥ នឹងត្រូវរៀបចំឡើងក្រោមប្រធានបទ «ញញឹមសាទរសង្ក្រាន្តឆ្នាំថ្មី» ដែលនឹងលើកយកនូវកេរតំណែលអរិយធម៌ វប្បធម៌ ទំនៀមទម្លាប់ និងស្នាដៃរបស់បុព្វបុរសខ្មែរមករំលេចឡើងជាផ្ទាំងទស្សនីយភាពចម្រុះដ៏សម្បូរបែបនៅលើទឹកដីអង្គររយៈពេល៣ ថ្ងៃ គឺថ្ងៃទី១៤ ១៥ និង១៦ ខែមេសា ឆ្នាំ២០២៥៕ អត្ថបទ៖ វ៉ន ដារ៉ា

សម្ដេចធិបតី៖ គ្រឹះស្ថានឧត្តមសិក្សាឯកជនដើរតួនាទីសំខាន់ ចូលរួមចំណែកអភិវឌ្ឍន៍​ធនធាន​មនុស្សកម្ពុជា

2025/03/11 01:23:22 pm        80
Facebook Telegram Linkin
ក្នុងឱកាសអញ្ជើញជាអធិបតីក្នុងពិធីចែកសញ្ញាបត្រជូននិស្សិត បញ្ចប់ការសិក្សានៅវិទ្យាស្ថានវ៉ាន់ដា នៅព្រឹកថ្ងៃទី១១ ​ខែមីនា ឆ្នាំ២០២៥នេះសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី​នៃកម្ពុជា ​មាន​ប្រសានស៍បញ្ជាក់ថា ​គ្រឹះស្ថានឧត្តមសិក្សាឯកជនដើរតួនាទីសំខាន់​ចូលរួមចំណែក​អភិវឌ្ឍន៍​ធនធានមនុស្សកម្ពុជា។ក្នុងឱកាសនោះសម្តេចធិបតីបានកោតសរសើរចំពោះក្រុមប្រឹក្សាភិបាល គណៈនាយក សាស្ត្រាចារ្យ បុគ្គលិក និងដៃគូសហប្រតិបត្តិការទាំងអស់របស់វិទ្យាស្ថានវ៉ាន់ដា ដែលបានចូលរួមចំណែក​ក្នុងការកសាងមូលធនមនុស្ស ប្រកបដោយគុណភាព សមត្ថភាព ចំណេះដឹង ចំណេះធ្វើ សីលធម៌ល្អ ​មនសិការវិជ្ជាជីវៈ និងមានសេចក្តីថ្លៃថ្នូរក្នុងនាមជាកោសិកាសង្គមដ៏សំខាន់ និងជាអ្នកចូលរួមចំណែក រែកពន់ជោគវាសនាអនាគតរបស់កម្ពុជា។សម្តេច បានថ្លែងថា​ ជាមួយកំណើនជារៀងរាល់ឆ្នាំនៃទំហំតម្រូវការរបស់យុវជន ដែលចង់​បន្តការសិក្សា នៅកម្រិតឧត្តមសិក្សា, នៅពេលដែលគ្រឹះស្ថានឧត្តមសិក្សាសាធារណៈ មិនអាច​ឆ្លើយតប បានគ្រប់គ្រាន់, រាជរដ្ឋាភិបាលកម្ពុជាបានដាក់ចេញនូវគោលនយោបាយបើកចំហ ដោយអនុញ្ញាត​ឱ្យមានគ្រឹះស្ថានឧត្តមសិក្សាឯកជន​ ចូលរួមក្នុងការអភិវឌ្ឍធនធានមនុស្ស ប្រកបដោយសមត្ថភាពបច្ចេកទេសខ្ពស់។ក្នុងឱកាសនោះ សម្ដេចធិបតីមានប្រសាសន៍ថា ប្រទេសមួយអាចខ្លាំងបាន ទាល់តែមានមូលធន​មនុស្សខ្លាំង​ ប្រទេសមួយអាចមានអារ្យធម៌រុងរឿងបាន ​ទាល់តែមានមូលធនមនុស្សពូកែ។ សម្ដេច បន្តថា ការកសាងសង្គមជាតិមួយឱ្យរុងរឿង ទាមទារឱ្យមានស្ថិរភាព សង្គតិភាព និងការពូនជ្រំ​សមិទ្ធផល, រក្សាសមិទ្ធផលចាស់ បង្កើនសមិទ្ធផលថ្មី, ប្រមូលផ្តុំកម្លាំង និងចំណេះដឹង ចំណេះធ្វើ ពីមួយជំនាន់ ទៅមួយជំនាន់។សូមជម្រាបថា រាជរដ្ឋាភិបាល តាមរយៈ ក្រសួងអប់រំ យុវជន និង កីឡា បានដាក់ចេញវិធានការកែទម្រង់ស៊ីជម្រៅប្រកបដោយភាពបុរសកម្ម ច្នៃប្រឌិត និងត្រៀមលក្ខណៈយូរអង្វែង សំដៅជំរុញការធានាបានមូលធនមនុស្សប្រកបដោយគុណភាពខ្ពស់ ដើម្បីរួមចំណែកដល់ការកសាងសង្គមកម្ពុជា ដែលមានប្រជាជនប្រកបដោយចំណេះដឹង ទេពកោសល្យ សមត្ថភាពខ្ពស់ និងមានវប្បធម៌ជ្រៅជ្រះ ព្រមទាំងមានផលិតភាពការងារខ្ពស់ សម្រាប់ចូលរួមលើកកម្ពស់ភាពប្រកួតប្រជែងកម្ពុជា៕ អត្ថបទ៖ វ៉ន ដារ៉ា

សម្តេចធិបតី ណែនាំអាជ្ញាធររាជធានីភ្នំពេញ ឱ្យរៀបចំទីតាំងអានសៀវភៅនៅតំបន់ Walk Street មុខព្រះបរមរាជវាំង

2025/03/11 01:10:46 pm        106
Facebook Telegram Linkin
ក្រោយឃើញចលនារបស់យុវជន យុវនារី ឬក៏សិស្សានុសិស្ស បង្កើនការអាននូវសៀវភៅ​កាន់​តែច្រើននោះសម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃកម្ពុជា បានណែនាំ​ឲ្យ​រដ្ឋបាលរាជធានីភ្នំពេញ​ រៀបចំកន្លែង អានសៀវភៅមួយនៅតំបន់ថ្មើរជើង (Walk Street) មុខព្រះបរមរាជវាំង ដើម្បីលើកកម្ពស់ការអាននេះឲ្យកាន់តែផុស ផុលបន្ថែមទៀត។ក្នុងឱកាសអញ្ជើញជាអធិបតីក្នុងពិធីចែកសញ្ញាបត្រដល់និស្សិតវិទ្យាស្ថានវ៉ាន់ដា នៅព្រឹកថ្ងៃទី១១ ខែមីនា នេះ សម្តេចធិបតី ហ៊ុន ម៉ាណែត នាយករដ្ឋមន្រ្តី បានសម្តែងនូវមោទនភាពចំពោះយុវជន យុវនារី សិស្សានុសិស្ស កម្ពុជា នាពេលបច្ចុប្បន្ន បាននាំគ្នាអានសៀវភៅយ៉ាងច្រើនកុះករ ខណៈព្រឹត្តិការណ៍​នេះ គឺពិតជាមានសារសំខាន់ ​ខ្លាំងណាស់សម្រាប់សង្គមកម្ពុជា ហើយ​សម្តេចសូម​លើកទឹកចិត្តឲ្យមានសកម្មភាពបែបនេះបន្តទៀត ​និងស្នើ ឲ្យអាជ្ញាធររៀបចំនូវកន្លែង​អំណាននេះឲ្យបានច្រើនផងដែរ ។សូមបញ្ជាក់ថា នៅថ្ងៃទី១១ ខែមីនា នេះ គឺជាទិវាជាតិអំណាន ខួបលើកទី១០ ក្រោមប្រធានបទ «ការអាន ​ផ្សារភ្ជាប់អន្តរជំនាន់មនុស្សក្នុងសង្គម»។ ​ការបង្កើតទិវាអំណាននេះ គឺក្នុងគោល​បំណងរំឭកដល់វីរភាព និងគុណូប ការៈដ៏ថ្លៃថ្លារបស់សម្តេចព្រះសង្ឃរាជ ជួន ណាត ដែលបាន​ខិតខំតស៊ូពុះពារការពារមរតកវប្បធម៌ ​អក្សរសាស្ត្រខ្មែរ​ និងក្នុងគោលបំណងបណ្ដុះទម្លាប់អាន ជំរុញវប្បធម៌អាន​ លើកកម្ពស់សមត្ថភាពអាន ការតែងនិពន្ធ និងការស្រាវជ្រាវ សំដៅរួមចំណែក​ការពារ និងលើកកម្ពស់វប្បធម៌ អរិយធម៌ខ្មែរ ព្រមទាំងពង្រីកចំណេះដឹងដល់ពលរដ្ឋកម្ពុជាគ្រប់រូប ជាដើម៕អត្ថបទ៖ បាន ចក់

សម្តេចធិបតី ណែនាំឱ្យរក្សាទុកគ្រូកិច្ចសន្យាដែលមានគុណវុឌ្ឍិ សម្រាប់បំពេញការកង្វះខាតគ្រូបង្រៀន

2025/03/11 12:56:54 pm        249
Facebook Telegram Linkin
សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា បានណែនាំឱ្យរក្សាទុកគ្រូកិច្ចសន្យា ដែល មានគុណវុឌ្ឍិសម្រាប់បំពេញការកង្វះខាតគ្រូបង្រៀន ពិសេសការខ្វះខាតគ្រូនៅតំបន់ជនបទ ។ក្នុងឱកាសអញ្ជើញជាអធិបតីក្នុងពិធីប្រគល់សញ្ញាបត្រដល់និស្សិតជ័យលាភី របស់វិទ្យាស្ថាន វ៉ាន់ដា នា ព្រឹកថ្ងៃទី១១ ខែមីនានេះ សម្ដេចធិបតី ហ៊ុន ម៉ាណែត ​បានថ្លែងលើកឡើងអំពីកំណើនសិស្សនៅ​ទូទាំងប្រទេស ​ក្នុងរយៈពេល១០ឆ្នាំចុងក្រោយនេះ ​ដែលបានធ្វើឱ្យមានកង្វះគ្រូបង្រៀន ហើយ​ដើម្បីដោះស្រាយបញ្ហានេះជា ​បណ្តោះអាសន្ន ​រាជរដ្ឋាភិបាល​ ចាំបាច់ត្រូវតែរក្សាទុក​គ្រូបង្រៀន​កិច្ចសន្យាដែលមានគុណវឌ្ឍិ សម្រាប់តំបន់ដែល ​មិនទាន់មានគ្រូថ្មីបញ្ជូនទៅដល់ ។សម្តេចធិបតី បាន​សុំការយោគយល់ចំពោះកង្វល់​ ​បានលើកឡើងថា ​ការ​រក្សាទុកគ្រូដែល​ចូល​និវត្តន៍ ហើយ ក្នុងនាមជាគ្រូកិច្ចសន្យា ​នាំឱ្យប៉ះពាល់ដល់គ្រូជំនាន់ថ្មីនោះ ​មិនមែនជាទូទៅទេ។សម្តេចធិបតី បានបន្តថា ក្នុងរយៈពេលពីរឆ្នាំមកនេះ ក្រសួងអប់រំ ​យុវជន ​និងកីឡា បានបញ្ជូន​គ្រូរាប់ពាន់ ​នាក់ដោយជ្រើសរើសបានបណ្តុះបណ្តាល ​ប៉ុន្តែការបណ្តុះបណ្តាលគ្រូមានរយៈពេលយូរ ជាពិសេសគ្រូវិទ្យាល័យ ​ដែលត្រូវការគុណវុឌ្ឍិកាន់​តែខ្ពស់ដែលនាំឱ្យមានចន្លោះប្រហោងអន្តរកាល ដែលការនេះ ​បានជាត្រូវការគ្រូជាប់កិច្ចសន្យានៅបន្តបំពេញបន្ថែម ទៅ​តាមការបើកច្រក​ឱ្យមាន​កិច្ចសន្យារយៈពេលខ្លី៕

សម្ដេចប្រមុខរដ្ឋស្ដីទី អនុញ្ញាតឲ្យឯកអគ្គរដ្ឋទូតសិង្ហបុរីប្រចាំកម្ពុជា ចូលជួបសម្តែងការគួរសម

2025/03/11 12:09:25 pm        136
Facebook Telegram Linkin
នៅព្រឹកថ្ងៃទី១១ ខែមីនា ឆ្នាំ២០២៥នេះដែរ សម្តេចអគ្គមហាសេនាបតីតេជោ ហ៊ុន សែន ប្រមុខរដ្ឋស្តីទីនៃព្រះរាជាណាចក្រកម្ពុជា បានអនុញ្ញាតឲ្យលោកជំទាវ Teo Lay Cheng ឯកអគ្គរដ្ឋទូតនៃសាធារណរដ្ឋសឹង្ហបុរី ប្រចាំព្រះរាជាណាចក្រកម្ពុជា ចូលជួបសម្តែងការគួរសម នៅវិមានព្រឹទ្ធសភា រាជធានីភ្នំពេញ។ សូមជម្រាបថា ទំនាក់ទំនងមិត្តភាពរបស់ កម្ពុជា-សិង្ហបុរី គឺបានបន្តពង្រឹង និងពង្រីកកិច្ចសហប្រតិបត្តិការលើវិស័យជាច្រើន ក្នុងនោះមានដូចជា នយោបាយ ពាណិជ្ជកម្ម សេដ្ឋកិច្ច ការពារជាតិ និងសន្ដិសុខ សន្ដិសុខថាមពល និងទេសចរណ៍។ ទាក់ទងនឹងកិច្ចសហប្រតិបត្តិការលើវិស័យទេសចរណ៍ នៅក្នុងអាណត្តិទី៧នេះ កម្ពុជា បានដាក់ចេញនូវ កម្មវិធី ទស្សនាខេត្តសៀមរាប, ការដាក់ឱ្យដំណើរការអាកាសយានដ្ឋានអន្តរជាតិសៀមរាបអង្គរ និងការរៀបចំនូវយន្តការនៃការជំរុញវិស័យទេសចរណ៍នៅកម្ពុជា ដោយមានការចូលរួមពីវិស័យឯកជន។ ជាមួយគ្នានេះប្រទេសទាំងពីរបានបង្កើននូវកិច្ចសហប្រតិបត្តិការជាមួយគ្នាបន្ថែមទៀត តាមរយៈកាបង្កើតផលិតផលទេសចរណ៍ឱ្យកាន់តែមានភាពសម្បូរបែប និងទាក់ទាញ បង្កនូវភាពងាយស្រួល និងពង្រីកជើងហោះហើរត្រង់ រវាងប្រទេសទាំងពីរ និងលើកកម្ពស់នូវទំនាក់ទំនងរវាងវិស័យឯកជននៃប្រទេសទាំងពីរ ដើម្បីស្វែងរកសក្តានុពលថ្មីៗនៃវិស័យទេសចរណ៍ ប្រទេសទាំងពីរ៕

សម្ដេចប្រមុខរដ្ឋស្ដីទី អនុញ្ញាតឲ្យឯកអគ្គរាជទូតថៃប្រចាំកម្ពុជា ចូលជួបនិងប្រគល់សារតាំង

2025/03/11 12:02:36 pm        166
Facebook Telegram Linkin
សម្តេចអគ្គមហាសេនាបតីតេជោ ហ៊ុន សែន ប្រមុខរដ្ឋស្តីទីនៃព្រះរាជាណាចក្រកម្ពុជា អនុញ្ញាតឲ្យ ឯកឧត្តម Tull Traisorat ឯកអគ្គរាជទូតវិសាមញ្ញ និងពេញសមត្ថភាពនៃព្រះរាជាណាចក្រថៃ ប្រចាំនៅព្រះរាជាណាចក្រកម្ពុជា ចូលជួប និងប្រគល់សារតាំង នៅវិមានព្រឹទ្ធសភា រាជធានីភ្នំពេញ។ សូមជម្រាបថា ទំនាក់ទំនងកម្ពុជា-ថៃ នាពេលបច្ចុប្បន្ននេះស្ថិតក្នុងស្ថានភាពល្អប្រសើរដែលភាគីទាំងពីរកម្ពុជា និងថៃ បានមូលមតិគ្នាតែដំឡើងកម្រិតនៃទំនាក់ទំនងទ្វេភាគី ទៅជាភាពជាដៃគូរឹងមាំ ដើម្បីសន្តិភាព និងវិបុលភាព ឱ្យទៅជាដៃគូយុទ្ធសាស្ត្រ។ក្រៅពីនេះកម្ពុជា-ថៃ បានឯកភាពគ្នាពង្រឹងទំនាក់ទំនងលើការរក្សាសន្តិសុខថាមពល កិច្ចសហប្រតិបត្តិការរុករកប្រភពថាមពលថ្មីៗជាបន្តទៀត។ កម្ពុជានិងថៃ បានឯកភាពគ្នា សម្រួលដំណើរទៅវិញទៅមករបស់ពលករក្នុងអំឡុងពិធីបុណ្យចូលឆ្នាំថ្មី ប្រពៃណីជាតិកាលពីខែមេសាឆ្នាំមុន តាមរយៈការសម្រួលថ្លៃទិដ្ឋាការគ្នាទៅវិញទៅមក។ កម្ពុជា និងថៃ ក៏បានប្តេជ្ញាចិត្តខ្ពស់ ក្នុងការពង្រឹងកិច្ចសហប្រតិបត្តិការក្នុងវិស័យទេសចរណ៍ ស្របតាមទិសស្លោក គឺព្រះរាជាណាចក្រពីរ គោលដៅទេសចរណ៍តែមួយផងដែរ។ តាមរយៈការដឹកនាំរបស់សម្ដេចប្រមុខរដ្ឋស្ដីទី និងជាប្រធានព្រឹទ្ធសភាពនៃកម្ពុជា នៅក្នុងអាណត្តិទី៥ នៃព្រឹទ្ធសភានេះ សម្តេចបានផ្ដោតអាទិភាពសំខាន់ទៅលើកិច្ចការងារបរទេស។ សម្ដេចបានដាក់ចេញការពង្រឹងទំនាក់ទំនងការទូតសភារបស់កម្ពុជាជាមួយបណ្ដាប្រទេសជាមិត្តបន្ថែមទៀតផងដែរ៕

ឧត្តមនាវីឯក ទៀ សុខា បន្តយកអំណោយសម្តេចធិបតី និងលោកជំទាវបណ្ឌិត ចែកជូនដល់នាវិកការពារកោះរ៉ុងសន្លឹម

2025/03/11 11:06:06 am        141
Facebook Telegram Linkin
ឧត្តមនាវីឯក ទៀ សុខា មេបញ្ជាការកងទ័ពជើងទឹក និងជាអគ្គលេខាធិការស្តីទី នៃគណៈកម្មាធិការជាតិសន្តិសុខលម្ហសមុទ្រនៅថ្ងៃទី១១ ខែមីនា ឆ្នាំ២០២៥នេះ បានអញ្ជើញចុះសំណេះសំណាល សួរសុខទុក្ខ និងនាំយកអំណោយ របស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា និងលោកជំទាវបណ្ឌិត ពេជ ចន្ទមុន្នី ហ៊ុន ម៉ាណែត ចែកជូននាយនាវី នាយនាវីរង និងពលនាវិក កងការពារកោះរ៉ុងសន្លឹមលេខ៣បញ្ជាការដ្ឋានការពារកោះឆ្នេរ កងទ័ពជើងទឹក ក្នុងឱកាសពិធីបុណ្យចូលឆ្នាំថ្មី ប្រពៃណីជាតិខ្មែរ នាពេលខាងមុខនេះ។

ប្រទេសដៃគូធំរបស់កម្ពុជាធ្វើការផ្លាស់ប្ដូរលើកិច្ចសហប្រតិបត្តិការ និងជំរុញរំហូរវិនិយោគចិនមកកម្ពុជា

2025/03/11 10:51:16 am        131
Facebook Telegram Linkin
ប្រទេសដែលជាដៃគូធំរបស់កម្ពុជា បានធ្វើការផ្លាស់ប្ដូរទស្សនស្ដីពីកិច្ចសហការវិនិយោគ និងការអភិវឌ្ឍតំបន់សេដ្ឋកិច្ចពិសេស កម្ពុជា-ចិន និងកិច្ចសហប្រតិបត្តិការពង្រឹង និងជំរុញរំហូរវិនិយោគចិនមកកម្ពុជា នៅក្នុងតំបន់សេដ្ឋកិច្ចពិសេសខេត្តព្រះសីហនុ និងការវិនិយោគទ្វេទិសរវាងប្រទេសទាំងពីរ។ ឯកឧត្តម សួន សុផល អគ្គលេខាធិការរងគណៈកម្មាធិការវិនិយោគកម្ពុជា នៅថ្ងៃទី ១០ ខែ មីនា ម្សិលមិញនេះ បានដឹកនាំ ក្រុមការងារទទួលជួបពិភាក្សាការងារជាមួយ លោក Li Yongjun អគ្គនាយកនៃអគ្គនាយកដ្ឋានកិច្ចសហប្រតិបត្តិការ សេដ្ឋកិច្ច និងវិនិយោគក្រៅប្រទេសរបស់ក្រសួងពាណិជ្ជកម្មនៃសាធារណរដ្ឋប្រជាមានិតចិន ក្នុងគោលបំណងផ្លាស់ប្ដូរទស្សន ស្ដីពីកិច្ចសហការ វិនិយោគ និងការអភិវឌ្ឍតំបន់សេដ្ឋកិច្ចពិសេសកម្ពុជា-ចិន។ក្នុងឱកាសនោះ ឯកឧត្តម បានលើកឡើងថា ក្រោមការជួយជ្រោមជ្រែងពីភាគីមិត្ត តំបន់សេដ្ឋកិច្ចពិសេសខេត្តព្រះសីហនុ បានក្លាយទៅ ជាមជ្ឈមណ្ឌលទាក់ទាញវិនិយោគដ៏មានសក្ដានុពល និងបានបង្កើនទំហំពាណិជ្ជកម្ម និងជំរុញរំហូរវិនិយោគនៅកម្ពុជា តាមរយៈការ ស្រូបទាញនូវគម្រោងវិនិយោគ និងបង្កើតកន្លែងការងារបានជាអតិបរមា។ បន្ថែមពីនេះ តំបន់សេដ្ឋកិច្ចពិសេសខេត្តព្រះសីហនុ បានរួម ចំណែកដល់ការពង្រឹងកិច្ចសហប្រតិបត្តិការរវាងភាគីទាំងពីរ តាមរយៈគំនិតផ្ដួចផ្ដើមខ្សែក្រវាត់និងផ្លូវ ដោយឯកឧត្តម ស៊ី ជីនពីង ប្រធានាធិបតីនៃសាធារណរដ្ឋប្រជាមានិតចិន។ ស្របគ្នានេះភាគីទាំងពីរ បានពិភាក្សាយ៉ាងផុលផុសប្រកបដោយផ្លែផ្កា ក្នុងការជំរុញកិច្ចសហប្រតិបត្តិការវិនិយោគ តាមរយៈ យន្ដការការងារដែលបានចុះអនុស្សរណៈនៃការយោគយល់គ្នា សំដៅអនុវត្តនូវគម្រោងកិច្ចសហប្រតិបត្តិការ វិនិយោគទ្វេភាគីក្នុងវិស័យ សេដ្ឋកិច្ចបៃតង និងឌីជីថល សំដៅធ្វើឱ្យហេដ្ឋារចនាសម្ព័ន្ធឧស្សាហកម្មនៅកម្ពុជា មានភាពទាក់ទាញដល់ការវិនិយោគ ដែលផ្ដល់តម្លៃ បន្ថែមខ្ពស់ ដល់ការអភិវឌ្ឍសេដ្ឋកិច្ច-សង្គម និងការធ្វើឱ្យប្រសើរឡើងនូវទំនាក់ទំនងសេដ្ឋកិច្ច និងពាណិជ្ជកម្មទ្វេភាគីប្រកបដោយ គុណភាពខ្ពស់៕ អត្ថបទ៖ សុន រ៉ាឌី

បណ្ដាញសង្គម

ព័ត៌មានថ្មីៗ

វៀតណាមគាំទ្រដំណោះស្រាយដោយសន្តិវិធីលើបញ្ហាព្រំដែនកម្ពុជា-ថៃ និងបន្តពង្រឹងកិច្ចសហប្រតិបត្តិការយោធាជាមួយកម្ពុជា
06/22/2026 06:06 PM
Facebook Telegram Linkin
ចិនបញ្ជាក់​ថា នាវាផ្ទុកយន្តហោះ Liaoning បញ្ចប់សមយុទ្ធជាង ៤០ថ្ងៃ
06/22/2026 06:06 PM
Facebook Telegram Linkin
លោក Zelensky៖ អ៊ុយក្រែននឹងសម្រេចថា តើអ្នកណាតំណាងឲ្យ​អឺរ៉ុប នៅក្នុងកិច្ចចរចាជាមួយរុស្ស៊ី
06/22/2026 06:06 PM
Facebook Telegram Linkin
អ៊ីរ៉ង់ បញ្ជាក់​ថា បានធ្វើ «ការពិភាក្សាខ្លីៗ» ជាមួយសហរដ្ឋអាមេរិក ជុំវិញ​បញ្ហានុយក្លេអ៊ែរ
06/22/2026 06:06 PM
Facebook Telegram Linkin
ចក្រភពអង់គ្លេសនឹងមើលឃើញនាយករដ្ឋមន្រ្តីទី ៧ ក្នុងរយៈពេល ១០ឆ្នាំ
06/22/2026 06:06 PM
Facebook Telegram Linkin
កូកាអ៊ីនច្រើនបំផុតមិនធ្លាប់មាន ត្រូវរឹបអូសនៅអូស្រ្តាលី ក្រោយនគរបាលវាយឆ្មក់លេណដ្ឋានក្រោមដី
06/22/2026 06:06 PM
Facebook Telegram Linkin
រូបិយវត្ថុធ្លាក់ថ្លៃ និងការបង្រ្កាបទិដ្ឋាការ បង្ខំឲ្យនិស្សិតឥណ្ឌាគិតឡើងវិញពីការសិក្សានៅក្រៅប្រទេស
06/22/2026 06:06 PM
Facebook Telegram Linkin
ជនសង្ស័យ ២នាក់ ត្រូវបានចាប់ខ្លួន ក្រោយមនុស្ស ៣នាក់ បានស្លាប់ក្នុងហេតុការណ៍បាញ់ប្រហារនៅសាលាហ្វីលីពីន
06/22/2026 06:06 PM
Facebook Telegram Linkin
ចិនជំរុញឲ្យ​សហរដ្ឋអាមេរិក និងអ៊ីរ៉ង់ ធ្វើការក្នុង «ទិសដៅដូចគ្នា ដើម្បី​ទទួលបាន​លទ្ធផលវិជ្ជមាន»
06/22/2026 06:06 PM
Facebook Telegram Linkin
ម៉ាឡេស៊ីបញ្ចុះតម្លៃប្រេងម៉ាស៊ូតនៅទូទាំងប្រទេសចាប់ពីខែកក្កដាតទៅ
06/22/2026 06:06 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.