នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
គណៈបញ្ជាការឯកភាពរដ្ឋបាលរាជធានីភ្នំពេញប្រជុំត្រួតពិនិត្យវឌ្ឍនភាពនៃការងារបង្រ្កាបការឆបោកតាមប្រព័ន្ធបច្ចេកវិទ្យា
អនុប្រធានទី១ គណៈកម្មាធិការជាតិគ្រប់គ្រងគ្រោះមហន្តរាយ អញ្ជើញចុះសួរសុខទុក្ខប្រជាពលរដ្ឋភៀសសឹក ក្នុងខេត្តឧត្តរមានជ័យ
កម្ពុជា និងស្ថាប័ន DFC ពិភាក្សាផ្លាស់ប្តូរយោបល់លើយុទ្ធសាស្ត្រសំខាន់ៗ នៃវិស័យអាទិភាព​នៅកម្ពុជា
ផ្ទះទេវតា១ខ្នង មានភ្ជាប់ប្រព័ន្ធទឹកស្អាត និងភ្លើងសូឡា ជាអំណោយដ៏ថ្លៃថ្លារបស់សម្តេចតេជោ និងសម្តេចកិត្តិព្រឹទ្ធបណ្ឌិត, សម្ដេចធិបតី និងលោកជំទាវបណ្ឌិត ត្រូវបានលោកជំទាវ ហ៊ុន ម៉ាណា ប្រគល់ជូនលោកតាចាស់ជរា នៅខេត្តកំពង់ធំ

ព័ត៌មានជាតិ

ក្រសួងកសិកម្ម៖ បច្ចុប្បន្នគ្រាប់ស្វាយចន្ទីសើមមានតម្លៃល្អជាងឆ្នាំកន្លងទៅប្រមាណ ៥ ០០០រៀល ក្នុងមួយគីឡូក្រាម

2025/03/10 03:45:15 pm        430
Facebook Telegram Linkin
ភ្នំពេញ៖ ខណៈមានការបង្ហោះព័ត៌មានមិនគ្រប់ជ្រុងជ្រោយ ធ្វើឲ្យមានការភ័ន្តច្រឡំពីសាធារណជនទូទៅ ក៏ដូចជាប្រជាកសិករអំពីតម្លៃគ្រាប់ស្វាយចន្ទីរ។ មន្រ្តីអ្នកនាំពាក្យនៃក្រសួងកសិកម្ម រុក្ខាប្រមាញ់ និងនេសាទ បានបញ្ជាក់យ៉ាងច្បាស់ថា បច្ចុប្បន្ននេះ ថ្លៃគ្រាប់ស្វាយចន្ទីសើមស្ថិតក្នុងចន្លោះ ៤ ៥០០រៀល ទៅ៥ ០០០រៀល ក្នុងមួយគីឡូក្រាម។ ផេកផ្លូវការរបស់ ឯកឧត្តម ឃឹម ហ្វីណង់ អនុរដ្ឋលេខាធិការ និងជាអ្នកនាំពាក្យក្រសួងកសិកម្ម រុក្ខាប្រមាញ់ និងនេសាទ បានសសេរឲ្យដឹងថា “ខ្ញុំសូមអនុញ្ញាតថតយកប្រតិកម្មរបស់បងប្អូនកសិករយើងផ្ទាល់ ដើម្បីធ្វើជាចម្លើយបំភ្លឺតបទៅដល់ក្រុម អិមអិមអូ (MMO) វិញតែម្តង។ ឯកឧត្តម បានគូសបញ្ជាក់ថា បច្ចុប្បន្ននេះ ថ្លៃគ្រាប់ស្វាយចន្ទីសើមស្ថិតក្នុងចន្លោះ ៤៥០០៛-៥០០០៛/គីឡូក្រាម ដែលជាថ្លៃល្អមួយបើធៀបទៅនឹងឆ្នាំកន្លងទៅ សម្រាប់ស្តង់ដារដូវកាលប្រមូលផលធំខែមីនា និងអាចផ្តល់ផលចំណេញក្នុងរង្វង់ ៣-៤លានរៀល ក្នុងមួយហិកតា អាស្រ័យលើទិន្នផលទាបឬខ្ពស់។”ឯកឧត្តមអនុរដ្ឋលេខាធិការ បានលើកឡើងបន្ថែមថា ចំពោះការងារ សូមផ្សព្វផ្សាយព័ត៌មានដែលត្រឹមត្រូវ និងគ្រប់ជ្រុងជ្រោយ ជៀសវាងបង្កឱ្យមានការភ្ញាក់ផ្អើល និងភ័ន្តច្រលំដល់ប្រជាកសិករ។ ការចង់បាន Likes និង Shares តាមមធ្យោបាយបែបនេះ កំពុងធ្វើបាបដល់កសិករដោយផ្ទាល់ផង និងប្រយោលផងទៅវិញទេ។ ចង់មិនចង់ នឹងធ្វើឱ្យមានការព្រួយបារម្ភដល់កសិករអ្នកដាំស្វាយចន្ទី និងអាចរឹតតែពិបាកដល់ពួកគាត់ក្នុងការចរចាថ្លៃជាមួយអ្នកទិញ៕

NBC និង UPI ការដាក់ឱ្យដំណើរការជាផ្លូវការ នៃការទូទាត់ឆ្លងដែនតាមឃ្យូអរកូត​ដំណាក់កាលទី២

2025/03/10 03:34:46 pm        443
Facebook Telegram Linkin
ធនាគារជាតិនៃកម្ពុជា NBC និងក្រុមហ៊ុនបណ្ដាញប័ណ្ណទូទាត់អន្តរជាតិ UPI ការដាក់ឱ្យដំណើរការជាផ្លូវការ នៃការទូទាត់ ឆ្លងដែនតាមឃ្យូអរកូតដំណាក់កាលទី២ (បាគងស្កេន UnionPay) ដើម្បីផ្ដល់លទ្ធភាពឱ្យប្រជាជនកម្ពុជាអាចធ្វើការទូទាត់ឆ្លងដែន ដោយស្កេនឃ្យូអរកូតនៅក្នុងប្រទេសចិន និងបណ្ដាប្រទេសផ្សេងទៀត តាមរយៈបណ្ដាញប្រតិបត្តិការ UPI។លោកជំទាវបណ្ឌិត ជា សិរី ទេសាភិបាលធនាគារជាតិនៃកម្ពុជា នៅថ្ងៃទី១០ ខែមីនា ឆ្នាំ២០២៥ នេះ បានអញ្ជើញជាអធិបតី ក្នុងពិធីដាក់ឱ្យដំណើរការជាផ្លូវការ នៃការទូទាត់ឆ្លងដែនតាមឃ្យូអរកូតដំណាក់កាលទី២ ក្នុងក្របខ័ណ្ឌនៃកិច្ចសហការរវាងធនាគារជាតិនៃកម្ពុជា និងក្រុមហ៊ុនបណ្ដាញប័ណ្ណទូទាត់អន្តរជាតិ UnionPay International លើការអភិវឌ្ឍការទូទាត់ឆ្លងដែន ដោយបាន បង្ហាញពីវឌ្ឍនភាពគួរឱ្យកត់សម្គាល់ ចាប់តាំងពីការដាក់ឱ្យដំណើរការការទូទាត់ឆ្លងដែនតាមឃ្យូអរកូតដំណាក់កាលទី១, UnionPay ស្កេន KHQR Codes កាលពីថ្ងៃទី ២២ ខែធ្នូ ឆ្នាំ២០២៣។ ចំណែកការដាក់ឱ្យដំណើរការការទូទាត់ឆ្លងដែនតាម ឃ្យូអរកូតដំណាក់ កាលទី២នេះ, (បាគងស្កេន UnionPay) ជាការធ្វើប្រតិបត្តិការទូទាត់ឆ្លងដែនតាមប្រព័ន្ធបាគង ដែលបានផ្ដល់លទ្ធភាពឱ្យប្រជាជន កម្ពុជា អាចធ្វើការទូទាត់ឆ្លងដែនដោយស្កេនឃ្យូអរកូតនៅក្នុងប្រទេសចិន និងបណ្ដាប្រទេសផ្សេងទៀត តាមរយៈ បណ្ដាញប្រតិបត្តិ- ការរបស់ក្រុមហ៊ុនបណ្ដាញប័ណ្ណទូទាត់អន្តរជាតិ UnionPay International។គំនិតផ្ដួចផ្ដើមក្នុងការអភិវឌ្ឍការទូទាត់ឆ្លងដែននេះ នឹងផ្ដល់នូវកាលានុវត្តភាព ក្នុងការពង្រីកសកម្មភាពពាណិជ្ជកម្ម លើក កម្ពស់វិស័យទេសចរណ៍ និងបង្កើនការទូទាត់ឆ្លងដែន ព្រមទាំងប្រតិបត្តិការផ្ទេរប្រាក់។ ការណ៍នេះ, រួមចំណែកជំរុញការប្រើប្រាស់ រូបិយវត្ថុ ព្រមទាំងលើកកម្ពស់បរិយាបន្នហិរញ្ញវត្ថុ សំដៅរក្សាបាននូវកំណើនសេដ្ឋកិច្ចប្រកបដោយចីរភាព។លោក Larry Wang នាយកប្រតិបត្តិនៃក្រុមហ៊ុនបណ្ដាញប័ណ្ណទូទាត់អន្តរជាតិ UnionPay International លើកឡើងថា ចំពោះកិច្ចសហការរវាងប្រព័ន្ធបាគង និង UnionPay នៅថ្ងៃនេះ បានសបញ្ជាក់ពីការសម្រេចបាននូវជោគជ័យ ក្នុងការធ្វើសមាហរណ កម្មប្រព័ន្ធបាគង សម្រាប់ការទូទាត់ឆ្លងដែន ក្រោយពីដាក់ឱ្យដំណើរការជាផ្លូវការ ការទូទាត់ឆ្លងដែនតាមឃ្យូអរកូតដំណាក់កាលទី១។ ជាមួយគ្នានេះដែរ ការដាក់ឱ្យដំណើរការជាផ្លូវការការទូទាត់ឆ្លងដែនតាមឃ្យូអរកូតដំណាក់កាលទី២នេះ អនុញ្ញាតឱ្យអ្នកប្រើប្រាស់កម្ម វិធីទូទាត់បាគង ឬកម្មវិធីធនាគារចល័តអាចធ្វើប្រតិបត្តិការស្កេនទូទាត់តាមឃ្យូអរកូតនៅក្នុងប្រទេសចិន និងនៅតាមបណ្ដាប្រទេសជា ដៃគូផ្សេងទៀត បានយ៉ាងពិលាស ដែលនឹងបង្កើនលទ្ធភាពក្នុងការប្រើប្រាស់សេវាហិរញ្ញវត្ថុបានកាន់តែសម្បូរបែប ព្រមទាំងរួម ចំណែកក្នុងការជំរុញការអភិវឌ្ឍប្រព័ន្ធទូទាត់ឌីជីថលនៅកម្ពុជាផងដែរ។លោកជំទាវបណ្ឌិត ជា សិរី ទេសាភិបាលធនាគារជាតិនៃកម្ពុជា បានលើកឡើងផងដែរថា ដើម្បីគាំទ្រដល់ខ្លឹមសារនៃសេចក្ដី ប្រកាសព័ត៌មានថា ឆ្នាំ២០២៥ ជា “ឆ្នាំទេសចរណ៍កម្ពុជា-ចិន” ធនាគារជាតិនៃកម្ពុជា បានរៀបចំពិធីដាក់ឱ្យដំណើរការជាផ្លូវការ ការទូទាត់ឆ្លងដែនតាមឃ្យូអរកូតដំណាក់កាលទី២ បាគងស្កេន UnionPay ។ ជាមួយនឹងការរីកចម្រើននេះ ប្រជាជនកម្ពុជាអាចប្រើ ប្រាស់កម្មវិធីទូទាត់បាគង និងកម្មវិធីធនាគារចល័តរបស់ខ្លួន ដើម្បីស្កេនទូទាត់តាមឃ្យូអរកូតរបស់ពាណិជ្ជករដែលទទួលការទូទាត់ UnionPay នៅប្រទេសចិន និងនៅតាមបណ្ដាប្រទេសផ្សេងទៀតដែលជាដៃគូ។ កិច្ចសហការនេះ រួមចំណែកយ៉ាងសំខាន់ ក្នុងការ ពង្រឹងបទពិសោធន៍នៃការទូទាត់របស់ប្រជាជនកម្ពុជាឱ្យកាន់តែងាយស្រួល និងឆាប់រហ័ស នៅពេលធ្វើប្រតិបត្តិការទូទាត់អន្តរជាតិ៕ អត្ថបទ៖ សុន រ៉ាឌី

គណៈប្រតិភូមកពីស្ថានទូតអាល្លឺម៉ង់ និងកាណាដាប្រមាណ៤០រូប ធ្វើ​ទស្សនកិច្ច​ព្រលាន​យន្តហោះអ​ន្តរជាតិតេជោ

2025/03/10 03:27:39 pm        505
Facebook Telegram Linkin
នៅព្រឹកថ្ងៃទី១០ ខែមីនា ឆ្នាំ២០២៥ គណៈប្រតិភូមកពីស្ថានទូតអាល្លឺម៉ង់ និង​គណៈ​ប្រតិភូ​ស្ថាន​ទូត​កាណាដា រួមមានមកពីតំណាងហុងកុង ចិន និងប្រទេសផ្សេងៗទៀតចំនួនប្រមាណ ៤០​នាក់​ បាន​អញ្ជើញ​ទស្សន​កិច្ច​ដើ​ម្បីពិ​និត្យ​វឌ្ឍនភាព​នៃ​ដំណើរ​ការ​សាងសង់​ព្រលាន​យន្តហោះ​អន្តរ​ជាតិ​តេជោ ខណៈគ្រោងដាក់ឲ្យដំណើរការនាខែកក្កដាខាងមុខ។នៅក្រោយចប់ដំណើរទស្សនកិច្ចនេះ ឯកឧត្តម Stepan MESSERER ឯកអគ្គរដ្ឋទូតវិសាមញ្ញ និង​ពេញ​សមត្ថភាព នៃសាធារណរដ្ឋសហព័ន្ធអាល្លឺម៉ង់ប្រចាំនៅកម្ពុជា បានមានប្រសាសន៍​ប្រាប់​ក្រុម​អ្នក​សារព័ត៌មានថា នេះគឺជាលើកទី១ ដែលបានធ្វើដំណើរទស្សនកិច្ច​នៅ​ព្រលាន​យន្ត​ហោះ​ថ្មី​នេះ ​និងយល់ឃើញថា ទំនើប និងថ្មី ហើយពិតជាមានភាពអស្ចារ្យណាស់នៅកម្ពុជា។ ឯកឧត្តម បាន​បន្តថា អាគាររបស់ព្រលាននេះ មានលក្ខណៈអស្ចារ្យ ហើយអ្វី​ដែល​ឯកឧត្តម​ចាប់​អារម្មណ៍​ខ្លាំង​បំផុត​នោះ គឺការរួមបញ្ចូលរចនាបថ និងវប្បធម៌របស់ខ្មែរ ដែលគឺជាចំណុចដ៏ល្អមួយ។ បើ​មើល​ពី​ទំហំ​នៃអាកាសយានដ្ឋាននេះ អាចមើលឃើញទៀត ថា នេះគឺជាការ​វិនិយោគ​សម្រាប់​ពេល​អនាគត ជាចំណែកហេដ្ឋារចនាសម្ព័ន្ធមួយដែលនឹងលើកកម្ពស់សេដ្ឋកិច្ច ក៏ដូច​ជា​ស្រូប​ទាញ​ភ្ញៀវទេសចរ​ជាច្រើនមកកាន់ប្រទេសដ៏ស្រស់ស្អាតនេះ។ នេះការ​បញ្ជាក់​របស់​ឯកឧត្តម​ទូត​អាល្លឺម៉ង់​។ឯកឧត្តម ឯកអគ្គរដ្ឋទូតអាល្លឺម៉ង់ បានទទួលស្គាល់ទៀតថា ប្រទេសកម្ពុជា​គឺ​មាន​សក្តានុពល​ច្រើន​ណាស់​។ ក្នុងនាមជាដៃគូដ៏ល្អជាមួយកម្ពុជា ឯកឧត្តម បានបញ្ជាក់ថា ក៏មាន​កាតព្វកិច្ច​ក្នុង​ការ​នាំ​ប្រតិភូ​ធុរកិច្ចមកកាន់កម្ពុជាផងដែរនាពេលខាងមុខ ខណៈឯកឧត្តមក៏ទទួលដំណឹងថា នឹង​មាន​ប្រតិ​ភូធុរកិច្ចចំនួន៤ មកពីប្រទេសអាល្លឺម៉ង់ នឹងមកកាន់ប្រទេសកម្ពុជាក្នុងឆ្នាំនេះដែរ ប៉ុន្តែ​មិន​ទាន់​ដឹង​លម្អិតទេថា មកពីវិស័យអ្វីខ្លះ ដែលអាចធ្វើកិច្ចសហប្រតិបត្តិការជាមួយគ្នាបាន។ ទោះ​ជា​យ៉ាងណា ឯកឧត្តម បានសន្យាថា នឹងខិតខំនិយាយ​ជាមួយ​ក្រុម​ហ៊ុន​អាកាសច​រណ៍​អាល្លឺម៉ង់​មក​វិនិយោគនៅកម្ពុជា ដើម្បីពង្រីកជើងហោះហើរត្រង់។តាមការលើក​ឡើងរបស់ លោកឧកញ៉ា ឆារស៍ វ៉ាន់ នាយកគ្រប់គ្រង នៃក្រុមហ៊ុន ខេមបូឌា អ៊ែរផត អ៊ិនវេសមិន ឯ.ក (CAIC) បានបញ្ជាក់ថា ចំពោះកិច្ចការងារក្នុងវិស័យអាកាសចរណ៍នេះ CAIC នឹងបន្តការងារជាមួយទូតអាល្លីម៉ង់ និងគ្រប់ទូតទាំងអស់នៅកម្ពុជា ដើម្បីពង្រឹង និង​បន្ថែម​ជើង​ហោះ​ហើរ​ឲ្យកាន់តែច្រើនមកកាន់ព្រះរាជាណាចក្រកម្ពុជា ទី១.ប្រទេសដែលមិនទាន់មាន គឺ​ស្នើ​សុំ​ឲ្យ​មានការហោះហើរ ទី២.ចំពោះប្រទេសដែលមានជើងហោះហើរ នឹងស្នើសុំ​បន្ថែម​ទៀត​ក្នុង​ការ​ហោះហើរ និងទី៣.នឹងស្នើសុំឲ្យជួយនាំភ្ញៀវទេសចរណ៍ពីប្រទេសទាំងអស់ ឲ្យមក​កម្ពុជា​កាន់​​​តែ​ច្រើន ហើយកិច្ចការនេះ គឺនឹងធ្វើជាមួយបណ្តាគ្រប់ស្ថានទូតទាំងអស់នៅកម្ពុជា។គិត​មក​ដល់ពេលនេះ អាកាសយានដ្ឋានអន្តរជាតិតេជោ ក្រុងតាខ្មៅ សម្រេចការ​សាង​សង់​ប្រមាណ​ជាង ៩៥% នឹងគ្រោងដាក់ឲ្យដំណើរការជាផ្លូវការនៅខែកក្កដាខាងមុខនេះ ក្រោម​អធិបតី​ភាព​ដ៏ខ្ពង់ខ្ពស់របស់សម្តេចធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា។ ព្រលាន​យន្ត​ហោះ​ថ្មី​នេះ សាងសង់ឡើងលើផ្ទៃដីជាង ២ ៦០០ហិចតា ជាព្រលានយន្តហោះលំដាប់ 4F ដែល​អាចធ្វើ​ឲ្យយន្តខ្នាតធំចុះចតបានដូចជា ប្រភេទ Airbus A380 និងប្រភេទ Boeing 747 និង​អាច​ទទួល​អ្នក​ដំណើរបានរហូតដល់ ១៣លាននាក់ ក្នុង១ឆ្នាំ ក្នុងដំណាក់កាលទី១៕ អត្ថបទ៖ ឈិត បូរ៉ាវី

កម្ពុជាធ្វើពាណិជ្ជកម្មលើទីផ្សារអន្តរជាតិក្នុងរយៈពេល២ខែ មានទំហំទឹកប្រាក់ជាង ៩,៤ ពាន់លានដុល្លារ

2025/03/10 02:49:03 pm        466
Facebook Telegram Linkin
ការធ្វើពាណិជ្ជកម្មលើទីផ្សារអន្តរជាតិរបស់កម្ពុជា ក្នុងរយៈពេល២ខែ ដើមឆ្នាំ ២០២៥ នេះ មានទំហំទឹកប្រាក់សរុបជាង ៩,៤ ពាន់លាន ដុល្លារ ក្នុងនោះការនាំចេញទំនិញរបស់កម្ពុជា មានទឹកប្រាក់ជាង ៤,៤ ពាន់លានដុល្លារ ខណៈការនាំចូលមានចំនួនជិត ៥ ពាន់លានដុល្លារ។អគ្គនាយកដ្ឋានគយ និងរដ្ឋាករកម្ពុជា នៃក្រសួងសេដ្ឋកិច្ច និងហិរញ្ញវត្ថុ បានបង្ហាញស្ថិតិពាណិជ្ជកម្ម នៃការធ្វើពាណិជ្ជកម្មលើ ទីផ្សារអន្តរជាតិរបស់កម្ពុជា ក្នុងនោះសម្រាប់រយៈពេល ២ ខែ ក្នុងដើមឆ្នាំ២០២៥ នេះ ការធ្វើពាណិជ្ជកម្មជាមួយប្រទេសដៃគូរសំខាន់ៗរបស់កម្ពុជា មានចំនួនប្រមាណ ២០ ប្រទេស និងបណ្តាប្រទេសមួយចំនួនផ្សេងទៀត គិតជាទឹកប្រាក់សរុបមានចំនួនជាង ៩,៤ ពាន់លានដុល្លារ កើនឡើងជាង ១៦ ភាគរយ បើធៀបរយៈពេលដូចគ្នាឆ្នំា ២០២៤ ។ចំពោះការនាំចេញទំនិញរបស់កម្ពុជា, ក្នុងរយៈពេល២ខែដើមឆ្នាំនេះ មានទឹកប្រាក់ជាង ៤,៤ ពាន់លានដុល្លារ បានកើនឡើងប្រមាណ ជិត ១២ ភាគរយ បើធៀបរយៈពេលដូចគ្នាឆ្នំា២០២៤ ក្នុងនោះកម្ពុជាបាននាំទៅកាន់ប្រទេសសំខាន់ៗរួមមាន៖ ប្រទេសចិន ជាង ២១៧ លានដុល្លារ, សហរដ្ឋអាមេរិកជាង ១,៦០០ លានដុល្លារ, វៀតណាម ៦៤៨ លានដុល្លារ, ថៃជាង ១៦០ លានដុល្លារ, ជប៉ុនជាង ៣០០ លានដុល្លារ, អាល្លឺម៉ង់ជាង ១៥៣ លានដុល្លារ, អេស្ប៉ាញ ១៩៣ លានដុល្លារ, កាណាដា ១៩៧ លានដុល្លារ, អង់គ្លេស ១៥៧ លានដុល្លារ, និងការនាំចេញទៅកាន់ប្រទេសផ្សេងៗជាច្រើនទៀត។ចំណែកការនាំចូលវិញ នៅក្នុងរយៈពេលនេះដែរ កម្ពុជាបាននាំចូលទំនិញ មានទំហំទឹកប្រាក់សរុបប្រមាណជិត ៥ ពាន់លានដុល្លារ កើនឡើងប្រមាណជាង ២០ ភាគរយ បើធៀបរយៈពេលដូចគ្នាឆ្នំា២០២៤ ក្នុងនោះការនាំចូលពីប្រទេសចិនមានទឹកប្រាក់ជិត ២,៤ ពាន់លាន ដុល្លារ, វៀតណាមជាង ៧១២ លានដុល្លារ, ថៃ ៥៨៧ លានដុល្លារ, សឹង្ហបុរីជាង ១០០ លានដុល្លារ, ឥណ្ឌូនស៊ី ១៨៦ លានដុល្លារ, តៃវ៉ាន់ ១២៦ លានដុល្លារ, កូរ៉េខាងត្បូង ៨៨ លានដុល្លារ, ម៉ាឡេស៊ីជិត ១៥០ លានដុល្លារ, ហុងកុង ៥១ លានដុល្លារ, ក្រៅពីនេះកម្ពុជាក៏បាន នាំចូលទំនិញផ្សេងៗពីប្រទេសជាច្រើនទៀតផងដែរ៕ អត្ថបទ៖ សុន រ៉ាឌី

ក្នុងមួយឆ្នាំកម្ពុជាត្រូវការឈាមជាង១៨ម៉ឺនប្លោក ដើម្បីជួយសង្គ្រោះជីវិតមនុស្សដែលត្រូវការឈាមបន្ទាន់

2025/03/10 02:07:52 pm        204
Facebook Telegram Linkin
មជ្ឈមណ្ឌលផ្ដល់ឈាម នៃក្រសួងសុខាភិបាលបានឲ្យដឹងថា តម្រូវការឈាមក្នុងប្រទេស​កម្ពុជា​ គឺមានតម្រូវការក្នុងរង្វង់១ភាគរយ នៃចំនួនប្រជាជន​សរុប​នៅទូទាំងប្រទេស។ ជាក់ស្ដែង​ប្រទេស​កម្ពុជា​មាន​តម្រូវការឈាមក្នុងមួយឆ្នាំប្រមាណជាង១៨ម៉ឺនប្លោក ដើម្បីជួយសង្គ្រោះ​ជីវិតមនុស្ស​ពេលដែលត្រូវការឈាមបន្ទាន់។ នេះជាការលើកឡើងរបស់លោកស្រីវេជ្ជបណ្ឌិត មើក សាមាន អនុប្រធានមជ្ឈមណ្ឌលជាតិផ្ដល់ឈាម នៅក្នុងឱកាសនៃការទទួលឈាមពីអ្នកបរិច្ចាកឈាម នៃបុគ្គលិកក្រុមហ៊ុន ទ្រី ភាព គ្រុប ដែលបានស្ម័គ្រចិត្តបរិច្ចាកឈាមចំនួន ៧០នាក់ នាព្រឹកថ្ងៃទី១០ ខែមីនា ឆ្នាំ២០២៥។ លោកស្រីវេជ្ជបណ្ឌិតបានបញ្ជាក់ថា កម្ពុជាបច្ចុប្បន្ន បើគិតពីចំនួន​ប្រជាជនធៀបជាមួយនឹងតម្រូវការឈាម គឺកម្ពុជាត្រូវការ​ឈាមចំនួន ១៨ម៉ឺនកំប្លោក ក្នុងមួយឆ្នាំ ។ នៅជាមួយគ្នានោះ មជ្ឈមណ្ឌលជាតិផ្តល់ឈាមបានផ្គត់ផ្គង់ឈាមទៅអ្នកជំងឺបានជាង ១៧ម៉ឺនកំប្លោកហើយ ក្នុង១ឆ្នាំ ដែលស្មើនឹង ៩០% នៃតម្រូវការសរុប ។ ហើយចំនួនឈាមដែលមជ្ឈ​មណ្ឌលជាតិ​ទទួលបានទាំងនោះ ត្រូវបានលោកស្រីវេជ្ជបណ្ឌិត មើក សាមាន បញ្ជាក់ថា គឺទទួលបានមកពីអ្នកស្ម័គ្រចិត្តផ្តល់​ឈាមចំនួន ២៣% និងទទួលពីការផ្តល់ឈាមតាមរយៈ​ការប្តូរចំនួន ៧៧%។ លោកស្រីវេជ្ជបណ្ឌិតបានបន្ថែមថា៖ «ជាទូទៅតម្រូវការឈាមក្នុងប្រទេសកម្ពុជា​ផ្ដោត​សំខាន់ និងចម្បងជាងគេគឺទៅលើស្រ្ដីឆ្លងទន្លេប្រកបដោយគ្រោះថ្នាក់ អ្នកគ្រោះថ្នាក់​ចរា​ចរណ៍ អ្នកជំងឺវះកាត់ និងការត្រៀមមុនការវះកាត់តាមបច្ចេកវិទ្យាទំនើប ជាពិសេសតម្រូវការ​ឈាម​បន្ទាន់មុនការវះកាត់ដូចជាជំងឺក្រពះ ពោះវៀន ជំងឺខ្សោយតម្រង់នោម និងជំងឺ​សង្គ្រោះបន្ទាន់ដទៃទៀតដូចជាការវះកាត់ខួរក្បាល និងបេះដូងជាដើម»។​លោកស្រីវេជ្ជបណ្ឌិត មើក សាមាន បានអះអាងដែរថា ការផ្ដល់ឈាមដោយស្ម័គ្រ​ចិត្ដ​នៅ​ក្នុងប្រទេសកម្ពុជាំគឺមានប្រមាណតែ២៣ភាគរយតែប៉ុណ្ណោះ ដូច្នេះហើយទើបតម្រូវឲ្យបងប្អូនប្រជាពលរដ្ឋចូលរួមបរិច្ចាគឈាមឲ្យបានច្រើនបន្ថែមទៀត។ ចំណែកលោក ឃៀង សុជីវ័ន្ត អគ្គនាយករងក្រុមហ៊ុន ទ្រី ភាព គ្រុប និងជានាយកស្នាក់ការកណ្ដាល ដែលបានដឹកនាំក្រុមបុគ្គលិកផ្ដល់ឈាមនៅថ្ងៃនេះបានលើកឡើងថា នេះជាលើកដំបូងដែលបុគ្គលិកក្រុមហ៊ុនបានស្ម័គ្រចិត្តបរិច្ចាគឈាមជូនដល់មជ្ឈមណ្ឌលជាតិផ្ដល់ ហើយលោកសង្ឃឹមថា លោកនឹងធ្វើការអំពាវនាវឲ្យបុគ្គលិកផ្សេងទៀតដើមចូលរួមបរិច្ចាកឈាមលើកទី២ និងលើកបន្តបន្ទាប់ទៀតនាពេលខាងមុខ។ លោកបានបន្តទៀតថា ការរៀបចំកម្មវិធីបរិច្ចាគឈាមនេះគឺ​ក្នុងគោលដៅ​ជួយ​ដល់ប្រជាជនកម្ពុជាដែលមានការខ្វះខាតឈាមដូចជាការជួបនូវគ្រោះថ្នាក់ចរាចរណ៍ ឬការ​វះកាត់​ផ្សេងៗដែលត្រូវការឈាមដើម្បីចូលរួមចំណែកដល់មន្ទីរពេទ្យនានាដែលត្រូវ​ការ​ឈាម សម្រាប់ជួយសង្គ្រោះជីវិតអ្នកជំងឺ ជាពិសេសចង់ជំរុញលើកទឹកចិត្ដដល់អ្នកចូល​រួម​បរិច្ចាគ​ឈាមឱ្យបានច្រើន ដើម្បីយកទៅផ្ដល់ជូនមជ្ឈមណ្ឌលជាតិផ្ដល់ឈាម។យោងតាមអ្នកជំនាញ ការបរិច្ចាគឈាម គឺមិនមានគ្រោះថ្នាក់អ្វី​ទាំងអស់ ហើយមនុស្សគ្រប់រូបដែលមានសុខភាពល្អ និងស្ថិត​នៅ​ចន្លោះអាយុអាចបូបឈាមចេញបាន អាចស្ម័គ្រចិត្តបរិច្ចាក​ឈាមបានមួយឆ្នាំ ៣ដង ចំ ពោះស្រ្តី និង៤ដង ចំពោះបុរស ដែលនឹងធ្វើឲ្យចរន្តឈាមនៅក្នុងខ្លួនមនុស្សអាចសង្គ្រោះបាន និងមានសុវត្ថិភាពបំផុត ថែមទាំងបានជួយសុខភាពខ្លួនឯងផង រួមទាំងជួយជីវិតអ្នកដទៃផង ហើយទាំងនេះ គឺជាមូលហេតុ​ដែល​​នាំ​ឲ្យគេបង្កើតជាពាក្យស្លោកមួយទៀតថា «ខ្ញុំផ្តល់ឈាម​ថ្ងៃនេះ សុវត្ថិភាពឈាមសម្រាប់យើងទាំងអស់គ្នា»៕

សម្ដេចធិបតី៖ គោលនយោបាយជួយឧបត្ថម្ភដល់ស្រ្តីមានផ្ទៃពោះ រហូតដល់កូនមានអាយុ ២ឆ្នាំ គឺជានយោបាយរបស់សម្តេចតេជោ ហើយបន្តរហូតដល់រាជរដ្ឋាភិបាលនីតិកាលទី៧

2025/03/10 02:04:49 pm        130
Facebook Telegram Linkin
ភ្នំពេញ៖ ក្នុងឱកាសសំណេះសំណាលជាមួយកម្មករនយោជិត និងសម្ពោធទារកដ្ឋាន នៅរោងចក្រម៉ាវ៉ល ហ្កាមិន នាព្រឹកថ្ងៃទី១០ ខែមីនា ឆ្នាំ២០២៥, សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា បានមានប្រសាសន៍ថា គោលនយោបាយជួយឧបត្ថម្ភដល់ស្រ្តីមានផ្ទៃពោះ រហូតដល់កូនមានអាយុ ២ឆ្នាំ គឺជានយោបាយរបស់សម្តេចតេជោ ហើយបន្តរហូតដល់រាជរដ្ឋាភិបាល នីតិកាលទី៧ នៃរដ្ឋសភា គឺជានយោបាយដ៏ល្អដើម្បីជួយដល់ស្រ្តី ដោយក្នុងនោះ ស្ត្រីមានផ្ទៃពោះ នៅពេលពិនិត្យសុខភាព នឹងទទួលបានប្រាក់ឧបត្ថម្ភ ៨ម៉ឺនរៀលក្នុង១លើក ហើយត្រូវពិនិត្យផ្ទៃពោះចំនួន៤លើក មុនពេលសម្រាល, ពេលឆ្លងទន្លេ កូន១ ទទួលបានថវិកាឧបត្ថម្ភចំនួន ៨០ម៉ឺន កូនភ្លោះ២ ទទួលបាន ១ លាន ២ សែន រៀល កូនភ្លោះ៣ ទទួលបាន ១ លាន ៦ សែន រៀល និងការឧបត្ថម្ភពីសម្ដេចតេជោ និងសម្ដេចកិត្តិព្រឹទ្ធបណ្ឌិត ចំនួន៥លានរៀល ថែមទៀត។ ក្នុងឱកាសនោះដែរ, សម្ដេចបវរធិបតី បានគូសរំលេចអំពីគោលបំណងដែលសម្ដេចអញ្ជើញមកពិនិត្យដោយផ្ទាល់នៅទារកដ្ឋាននេះ គឺដើម្បីចង់មកមើលឃើញជាក់ស្ដែងនូវការអនុវត្តការងារបង្កើតទារកដ្ឋាននៅតាមរោងចក្រ សហគ្រាស ដែលសម្ដេចបានដាក់ចេញគោលការណ៍នេះ កាលពីពេលដែលសម្ដេចអញ្ជើញសំណេះសំណាលជាមួយកម្មករនិយោជិត នៅរាជធានីភ្នំពេញ កាលពីថ្ងៃទី២៩ ខែសីហា ឆ្នាំ២០២៣ ដោយពេលនោះសម្ដេចបានដាក់ចេញគោលការណ៍ចំនួន ១០ ដើម្បីឱ្យក្រសួងការងារ និងបណ្ដុះបណ្ដាលវិជ្ជាជីវៈ អនុវត្ត ហើយ ការបង្កើតទារកដ្ឋាននៅតាមរោងចក្រ សហគ្រាស គឺជា គោលការណ៍១ ក្នុងចំណោមគោលការណ៍ទាំង១០ ដែលសម្ដេចបានដាក់ចេញនាពេលនោះ ។ ការបង្កើតទារកដ្ឋាននេះ គឺ សម្រាប់ការមើលថែទាំកូនៗ ដែលមានអាយុចាប់ពី ៣ខែ រហូតដល់អាយុ ៣ឆ្នាំ របស់កម្មករនិយោជិត ដែលនឹងជួយសម្រួលដល់បងប្អូនកម្មករនិយោជិតក្នុងរោងចក្រអាចយកកូនៗមកផ្ញើក្នុងទារកដ្ឋាន ដើម្បីកាត់បន្ថយការចំណាយរបស់កម្មករនិយោជិត ហើយក្មេងៗទទួលបានការមើលថែទាំសុខភាព និងទទួលបានអាហារូបត្ថម្ភគ្រប់គ្រាន់ ដែលនឹងក្លាយជាមូលធនមនុស្សកម្ពុជាចាប់ពីតូចទៅតែម្តង ។ ទារកដ្ឋានរោងចក្រម៉ាវ៉ល ហ្កាមិន គឺជាទារកដ្ឋានទី១ នៅប្រទេសកម្ពុជា ប៉ុន្តែទៅថ្ងៃក្រោយ យើងនឹងរៀបចំបង្កើតទារកដ្ឋានឱ្យកាន់តែច្រើនបន្ថែមទៀត ដោយក្នុងនោះ យើងបានកំណត់ជាគោលការណ៍គឺ រោងចក្រ សហគ្រាស ដែលមានកម្មករនិយោជិតលើសពី ១០០នាក់ គឺត្រូវរៀបចំបង្កើតទារកដ្ឋាន នៅក្នុងរោងចក្រ សហគ្រាស នោះ។បន្ថែមពីនេះ, សម្ដេចបវរធិបតី ក៏បានមានប្រសាសន៍ថា គោលនយោបាយរបស់រាជរដ្ឋាភិបាល បាន និងកំពុងជួយដល់ប្រជាពលរដ្ឋជាច្រើន ហើយប្រជាពលរដ្ឋកំពុងទទួលបានផលជាក់ស្ដែងពីគោលនយោបាយរបស់រាជរដ្ឋាភិបាល តួយ៉ាង បណ្ណ ប.ស.ស. បានជួយសម្រាលបន្ទុករបស់ប្រជាពលរដ្ឋយ៉ាងច្រើន ដោយប្រជាពលរដ្ឋអាចប្រើប្រាស់បណ្ណ ប.ស.ស.ដើម្បីទៅពិនិត្យសុខភាព និងព្យាបាលជំងឺ នៅតាមមណ្ឌលសុខភាព មន្ទីរពេទ្យរដ្ឋ និងមន្ទីរពេទ្យឯកជនដែលជាដៃគូ ហើយបន្ថែមពីនេះ បណ្ណ ប.ស.ស. ក៏អាចជួយដល់កម្មករនិយោជិត ពេលមានគ្រោះថ្នាក់ការងារ ហើយបើសិនជាមានគ្រោះថ្នាក់ធ្ងន់ធ្ងររហូតដល់បាត់បង់សមត្ថភាពក្នុងការបំពេញការងារ ក្រសួងការងារ និងបណ្ដុះបណ្ដាលវិជ្ជាជីវៈ នឹងរៀបចំបណ្ដុះបណ្ដាលជំនាញដើម្បីអាចជួយលើកកម្ពស់ជីវភាពផងដែរ ។មុននឹងបញ្ចប់, សម្ដេចបវរធិបតី ក៏បានឱ្យក្រសួងការងារ និងបណ្ដុះបណ្ដាលវិជ្ជាជីវៈ, ក្រសួងសុខាភិបាល និងក្រសួងអប់រំ យុវជន និងកីឡា ព្រមទាំងរោងចក្រ សហគ្រាស រួមសហការគ្នាក្នុងការលើកកម្ពស់សុខភាពទារក និង កុមារ ព្រមទាំងរៀបចំជាការបណ្ដុះបណ្ដាលដល់កុមារនៅតាមទារកដ្ឋាននីមួយៗ ផងដែរ៕

មន្រ្តីជំនាញ៖ ប្រជាពលរដ្ឋ ពិសេសយុវជនបានចាប់អារម្មណ៍ការអានសៀវភៅច្រើនជាងមុន

2025/03/10 01:52:12 pm        112
Facebook Telegram Linkin
បច្ចុប្បន្ន ប្រជាពលរដ្ឋ ជាពិសេសយុវជន បានចាប់អារម្មណ៍ការអានសៀវភៅច្រើនជាងមុន ដែល ការអានសៀវភៅនេះ បានផ្តល់ចំណេះដឹងផ្សេងៗជាច្រើនដល់ពួកគេ ។ នេះជាការលើកឡើងរបស់មន្រ្តីជំ នាញ ក្រសួងអប់រំ យុវជន និងកីឡា ។លោកស្រី សេង ពិសិដ្ឋនារី មន្រ្តីនៅនាយកដ្ឋានអភិវឌ្ឍកម្មវិធីសិក្សានៃក្រសួងអប់រំ យុវជន និងកីឡា នៅព្រឹកថ្ងៃទី១០ខែមីនានេះ បានប្រាប់BTVឲ្យដឹងថា ការអានសៀវភៅបានផ្តល់ចំណេះដឹងជាច្រើនពោលដូចជា ចេះគិត ពិចារណា មានប្រាជ្ញា និងស្មារតីរឹងមាំជាដើម។ ម្លោះហើយ ទើបបច្ចុប្បន្ននេះ ប្រជាពលរដ្ឋ និងជាពិសេសយុវជនជាច្រើន បានចាប់អារម្មណ៍ការអានសៀវភៅ។ ការមានប្រសាសន៍នេះ បានធ្វើក្នុងពេលលោកស្រីបានចូលរួមក្នុងពិព័រណ៍សៀវភៅ ដើម្បីអបអរសាទរទិវាអំណានលើកទី១០ ឆ្នាំ២០២៥ ក្រោមប្រធានបទ «ការអានផ្សារភ្ជាប់អន្តរជំនាន់មនុស្សក្នុងសង្គម» ស្ថិតនៅវិទ្យាស្ថានបច្ចេកវិទ្យាកម្ពុជា។លោកស្រីបន្តថា សម្រាប់ពិព័រណ៍សៀវភៅនេះ មានស្តង់តាំងពិព័រណ៍សៀវភៅចំនួនជាងមួយរយស្តង់ ដោយមានការចូលរួមពីវិស័យសាធារណៈ និងឯកជន។ ក្រៅពីនេះ លោកស្រីបានលើកទឹកដល់អាណាព្យាបាល និងភាគីពាក់ព័ន្ធនានាបន្តចូលរួមលើកកម្ពស់អាននៅកម្ពុជា។យុវជនបានលើកឡើងដែរថា ជាទម្លាប់នៅពេលទំនេរ ចូលចិត្តអានសៀវភៅផ្សេងៗ ដើម្បីបង្កើនចំណេះដឹង ក្លាយយុវជនជាល្អ និងមានសមត្ថភាពគ្រប់គ្រាន់ក្នុងចូលរួមចំណែកកសាងប្រទេសជាតិឲ្យមានភាពរីកចម្រើន និងកសាងសុភមង្គលក្នុងគ្រួសារ។ លើសពីនេះ យុវជនបានបង្ហាញអារម្មណ៍រីករាយ ដែលចូលរួមក្នុងពិព័រណ៍សៀវភៅ និងបានទិញសៀវភៅមួយចំនួនយកទៅអាននៅផ្ទះផងដែរ។គួរបញ្ជាក់ដែរថា ពិព័រណ៍សៀវភៅបានប្រព្រឹត្តទៅរយៈពេល៣ថ្ងៃ ដោយចាប់ពីថ្ងៃទី ៨ ដល់ថ្ងៃទី១១ ខែមីនា ឆ្នាំ២០២៥ នៅវិទ្យាស្ថានបច្ចេកវិទ្យាកម្ពុជា ដែលបើកជូនសាធារណជនចូលទស្សនា ដោយសេរី ដើម្បីលើកកម្ពស់វប្បធម៌អាននៅកម្ពុជា។ក្នុងការពិព័រណ៍នេះ នឹងមានការបង្ហាញជូននូវសៀវភៅជាច្រើនប្រភេទស្របតាមតម្រូវការរបស់អ្នកអាន៕ អត្ថបទ៖ ទូច សោភ័ណ

ប្រជាពលរដ្ឋនៅតែបន្តធ្វើដំណើរទៅទស្សនាកម្សាន្តតំបន់ប្រាសាទតាមាន់ធំ ដែលជា​កេរដំណែល​របស់ខ្មែរ

2025/03/10 01:44:41 pm        100
Facebook Telegram Linkin
ឧត្តរមានជ័យ៖ នៅព្រឹកថ្ងៃទី៩ មីនាឆ្នាំ២០២៥នេះ បងប្អូនប្រជាពលរដ្ឋជាច្រើន មកពីតាមបណ្តាលមូលដ្ឋានក្រុងស្រុកទាំងប្រាំ នៃខេត្តឧត្តរមានជ័យ នៅតែបន្តនាំគ្នា ធ្វើដំណើរទៅទស្សនាកម្សាន្តលេង និងផ្តិតយករូបភាពល្អៗ​នៅក្នុងតំបន់រមណីដ្ឋានប្រាសាទតាមាន់ធំ ដែលជា​កេរមរតក​របស់​បុព្វបុរស​ខ្មែរ​បាន​បន្សល់ទុកតាំង​ពី​សម័យបុរាណកាលមកនោះ ។ប្រជាពលរដ្ឋដែលធ្វើដំណើរមកពីឃុំកោគមន ​បានបង្ហាញនូវចំណាប់​អារម្មណ៍​ថា សម្រាប់រូបគាត់​ក៏ដូចជា​បងប្អូនប្រជាពលរដ្ឋដទៃទៀត បានមកដល់តំបន់ប្រាសាទតាមាន់ធំនេះ ពិតជាមានក្តីរំភើប និងសប្បាយរីករាយយ៉ាងខ្លាំង ខណៈឃើញមានវត្តមានបងប្អូនកងទ័ព ដែលបានឈរជើងប្រចាំការ នៅក្នុងតំបន់នេះ មានការទទួលរាក់ទាក់​រួសរាយ និងការពារបានយ៉ាងល្អប្រសើរ។ពលរដ្ឋរូបនេះ បានឲ្យដឹងថា សម្រាប់ការ​មកកម្សាន្ត​នៅក្នុងតំបន់​ប្រាសាទតាមាន់ធំ នេះ​គឺពុំមាន​អ្វីគួរឲ្យមាន​ការបារម្មណ៍​ពីសុវត្ថិភាព និងមានការ​ភ័យក្លាច​ដូចការលើកឡើង​មួយចំនួន​របស់​ក្រុមអគតិជ្រុលនិយមអ្វីនោះទេ។ ផ្ទុយទៅវិញ​ កាល​ដែលពួកគាត់ធ្វើដំណើរ​មកកម្សាន្ត​នៅក្នុងតំបន់​ប្រាសាទតាមាន់ធំនេះ គឺធ្វើឲ្យពួកគាត់មានអារម្មណ៍​ស្រស់ស្រាយ រីករាយ និង​បាន​ស្វែងយល់ពី​វប្បធម៌​ អរិយធម៌ របស់ដូនតាខ្មែរ ដែល​បាន​បន្សល់ទុក​ជាកេរដំណែល​​ប្រាសាទ​ដ៏​អស្ចារ្យ​ល្អផូរផង់នៅលើជួរភ្នំដងរ៉ែកនេះផងដែរ។សូមបញ្ជាក់ផងដែរថា ចំពោះស្ថានភាព​ទូទៅ​នៅក្នុងតំបន់ប្រាសាទតាមាន់ធំ គឺ​មានសភាពធម្មតា និងមាន​បងប្អូន​ប្រជាពលរដ្ឋជាច្រើន បានធ្វើដំណើរ​មកលេងកម្សាន្ត ដោយ​មិនមាន​អ្វីបារម្មណ៍​នោះទេ ខុសពីអ្វីដែល​ក្រុម​ពួក​ជ្រុល​និយមមួយចំនួន​បាន​ផ្សព្វផ្សាយ​នោះ៕ 

សម្ដេចធិបតី៖ ឱ្យតាមដានជាប់លាប់ចំពោះការប្រើប្រាស់សេវា ប.ស.ស របស់ពលរដ្ឋ កុំឱ្យមានការរើសអើង

2025/03/10 12:24:44 pm        133
Facebook Telegram Linkin
ក្នុងឱកាសអញ្ជើញសម្ពោធដាក់ឱ្យប្រើប្រាស់ទារកដ្ឋានរោងចក្រកាត់ដេរម៉ាវ៉ល ស្ថិតនៅតំបន់សេដ្ឋកិច្ចពិសេសរ៉ូយ៉ាល់គ្រុបភ្នំពេញ នៅព្រឹកថ្ងៃទី១០ ខែមីនា ឆ្នាំ២០២៥នេះដែរ សម្ដេចមហាបវរធិបតី ហ៊ុន ម៉ាណែត នាយករដ្ឋមន្រ្ដីនៃកម្ពុជា បានណែនាំដល់រដ្ឋមន្រ្ដីក្រសួងការងារ និងបណ្ដុះបណ្ដាលវិជ្ជាជីវៈ និងរដ្ឋមន្រ្ដីក្រសួងសុខាភិបាល ត្រូវតាមដានឱ្យបានជាប់លាប់ចំពោះការប្រើប្រាស់សេវា ប.ស.ស របស់ប្រជាពលរដ្ឋ ដើម្បីធ្វើយ៉ាងណាកុំឱ្យមានការរើសអើងចំពោះប្រជាពលរដ្ឋដែលប្រើប្រាស់សេវានេះ។ ក្នុងឱកាសនោះសម្តេចធិបតី បានថ្លែងថា បណ្ណ ប.ស.ស មានអត្ថប្រយោជន៍ច្រើនដល់បងប្អូនកម្មករ ទាំងពេលមានជំងឺ និងមានគ្រោះថ្នាក់អ្វីក៏ដោយ គឺ ប.ស.ស ជាអ្នករ៉ាប់រងទាំងអស់។សម្តេចធិបតី បន្តថា គោលនយោបាយជួយឧបត្ថម្ភដល់ស្រ្តីមានផ្ទៃពោះ រហូតដល់មានកូន គឺជានយោបាយរបស់សម្តេចតេជោ ហើយបន្តរហូតដល់រាជរដ្ឋាភិបាលថ្មី អាណត្តិទី៧ គឺជានយោបាយដ៏ល្អជួយដល់ស្រ្តីរបស់ ​និងកម្មការិនីមានផ្ទៃពោះ។ ឆ្លើយតបនឹងសំណួររបស់សម្តេចធិបតី ហ៊ុន ម៉ាណែត, កម្មការិនី ដែលបានជួបជុំជាមួយសម្ដេចធិបតីនាព្រឹកនេះ បានថ្លែងថា ការប្រើប្រាស់ បណ្ណ ប.ស.ស គឺមានភាពងាយស្រួល និងការផ្ដល់សេវាសុខាភិបាល ​នៅតាមបណ្តាមណ្ឌលសុខភាព មាន​ភាពល្អប្រសើរ បើទោះបីកាន់ បណ្ណ ប.ស.ស ក៏ដោយគឺគ្រូពេទ្យមានភាពរួសរ៉ាយរាក់ មិនមានការរើសអើងដល់ប្រជាពលរដ្ឋឡើយ។ក្នុងឱកាសនោះដែរសម្ដេចធិបតីនាយករដ្ឋមន្រ្ដី បានមានប្រសាសន៍ថា រាជរដ្ឋាភិបាលអាណត្តិទី៧ បានបន្តគោលនយោបាយអត្ថប្រយោជន៍ដល់ស្រ្តីមានផ្ទៃពោះ ​និងមានកូនរហូតដល់២ឆ្នាំ។ សម្ដេច បានបញ្ជាក់ថា ​បច្ចុប្បន្នកម្មករនិយោជិតបានទទួលប្រាក់ឈ្នួលអប្បបរមា ២០៨ ដុល្លារអាមេរិក, ប្រាក់ឈ្នួលខ្ពស់បំផុត ៧០០ ដុល្លារ, ប្រាក់ឈ្នួលមធ្យម ៤៣០ ដុល្លារ និងប្រាក់ឈ្នួលទាបបំផុត ២៥៤ ដុល្លារ។ បន្ថែមពីលើនេះ កម្មករ និយោជិត​ ក៏ទទួលបានប្រាក់អត្ថប្រយោជន៍ផ្សេងៗ ដូចជា​ប្រាក់រង្វាន់ធ្វើការទៀងទាត់ចំនួន ១៦ដុល្លារ, ប្រាក់សោហ៊ុយធ្វើដំណើរចំនួន ១៩ ដុល្លារ, ប្រាក់រង្វាន់​អតីតភាពការងារពី ២ ដុល្លារ ទៅ ១១ដុល្លារក្នុងមួយខែ, ប្រាក់ឧបត្ថម្ភប្រាក់ចំនួន ៥ ដុល្លារ​ក្នុងមួយខែក្នុងទារកម្នាក់ រហូតដល់អាយុ ៣៦ ខែ (សម្រាប់អ្នកដែលមិនយកកូនមកដាក់​ក្នុងទារកដ្ឋាន) ជាដើម៕ អត្ថបទ៖ វ៉ន ដារ៉ា

ក្រសួងទេសចរណ៍ បើកវគ្គបណ្តុះបណ្តាលអ្នកវាយតម្លៃជំរុញអាជីវកម្មទេសចរណ៍ ផ្តល់សេវា​មានគុណភាព

2025/03/10 11:58:46 am        128
Facebook Telegram Linkin
នៅថ្ងៃទី១០ ខែមីនានេះ ក្រសួងទេសចរណ៍ និងអង្គការ Swiss Contact បានសហការបើកវគ្គ​បណ្តុះ​បណ្តាលអ្នកវាយតម្លៃជំនាញបដិសណ្ឋារកិច្ចកម្ពុជាហូកា លើផ្នែកការិយាល័យជួរមុខ គេហកិច្ច សេវាកម្មម្ហូបអាហារ និងភេសជ្ជៈ រយៈពេល ១ សប្តាហ៍នៅរាជធានីភ្នំពេញ។ វគ្គបណ្តុះបណ្តាលនេះធ្វើឡើងដើម្បីជំរុញមូលដ្ឋានអាជីវកម្មទេសចរណ៍តាមខេត្តរាជធានីគោលដៅ ផ្តល់សេវាជូនភ្ញៀវប្រកបដោយគុណភាព កក់ក្តៅ និងភាពទាកទាញ។លោក ជួប រតនា ប្រធាននាយករដ្ឋានផែនការអភិវឌ្ឍន៍ទេសចរណ៍ និងប្រធានលេខាធិការដ្ឋាន គណៈកម្មការគ្រប់គ្រងគម្រោងហូកានៃក្រសួងទេសចរណ៍ ថ្លែងថា នៅថ្ងៃនេះ ក្រសួងទេសចរណ៍ បានសហការចាប់ផ្តើមបើកវគ្គបណ្តុះបណ្តាលអ្នកវាយតម្លៃជំនាញបដិសណ្ឋារកិច្ចកម្ពុជា ហូកា ដែលមានសិក្ខាកាមភាគច្រើនជាមន្ត្រីមន្ទីរទេសចរណ៍ និងតំណាងប្រតិបត្តិករទេសចរណ៍ តាមមូលដ្ឋានអាជីវកម្មទេសចរណ៍ មកពីតាមបណ្តារាជធានីខេត្តគោលគម្រោងហូកាចំនួន៧ ហើយតាមរយៈវគ្គបណ្តុះបណ្តាលនេះនឹងជំរុញបង្កើនធនធានមនុស្សជំរុញការអភិវឌ្ឍមូលដ្ឋានអាជីវកម្មទេសចរណ៍ផ្តល់សេវាកម្មឲ្យមានគុណភាព សុវត្ថិភាព និងភាពកក់ក្តៅ។បណ្តាសិក្ខាកាម និងប្រតិបត្តិករទេសចរណ៍មកពីតាមរាជធានីខេត្ត ថ្លែងថា វគ្គបណ្តុះបណ្តាលជំនាញវាយតម្លៃនេះ គឺពិតជាមានសារសំខាន់ សម្រាប់ជំរុញការអភិវឌ្ឍ ការផ្តល់សេវាកម្មក្នុងមូលដ្ឋានអាជីវកម្មទេសចរណ៍ឲ្យស្របតាមស្តង់ដាគុណវុឌ្ឍជាតិ និងបង្កើនភាពទាក់ទាញភ្ញៀវចូលមកទទួលសេវាកម្មម្តងហើយ ចូលមកទទួលសេវាម្តងទៀត។លោក Subus Subedi ប្រធានកម្មវិធីអភិវឌ្ឍន៍ជំនាញ SDP នៃអង្គការSwiss Contact ថ្លែងថា វគ្គបណ្តុះបណ្តាលអ្នកវាយតម្លៃជំនាញបដិសណ្ឋារកិច្ច ហូកានេះ ស្ថិតក្នុងកម្មវិធីអភិវឌ្ឍន៍ជំនាញSDP ដំណាក់កាលទី៣ ឆ្នាំ២០២៤ ឆ្នាំ២០២៨ ហើយមានគោលដៅផ្តល់ការបណ្តុះបណ្តាលជំនាញវិជ្ជាជីវៈទេសចរណ៍ជូនយុវជន ឲ្យបាន១២៥៤០នាក់ និងបណ្តុះបណ្តាលគ្រូបង្គោល និងអ្នកវាយតម្លៃឲ្យបាន៨៩០នាក់ នៅតាមខេត្តគោលដៅចំនួន១២ រួមមាន៖ ខេត្តក្រចេះ ស្ទឹងត្រែង ព្រះវិហារ មណ្ឌលគិរី រតនៈគិរី ពោធិសាត់ បាត់ដំបង បន្ទាយមានជ័យ ឧត្តរមានជ័យ ប៉ៃលិន កំពង់ឆ្នាំង និងខេត្តកោះកុង៕អត្ថបទ ស៊ុម សុខជា

បណ្ដាញសង្គម

ព័ត៌មានថ្មីៗ

[UPDATE] លោក Keir Starmer ប្រកាសលាលែងពីតំណែងនាយករដ្ឋមន្ត្រី និងជាមេដឹកនាំគណបក្សការងារ​របស់អង់គ្លេស​​​
06/22/2026 04:06 PM
Facebook Telegram Linkin
គណៈបញ្ជាការឯកភាពរដ្ឋបាលរាជធានីភ្នំពេញប្រជុំត្រួតពិនិត្យវឌ្ឍនភាពនៃការងារបង្រ្កាបការឆបោកតាមប្រព័ន្ធបច្ចេកវិទ្យា
06/22/2026 04:06 PM
Facebook Telegram Linkin
រុស្ស៊ី រាយការណ៍ពីការវាយប្រហារលើមូលដ្ឋានអាកាសអ៊ុយក្រែន ខណៈអ៊ុយក្រែនអះអាងថាបានវាយប្រហាររោងចក្រប្រេងរុស្ស៊ី
06/22/2026 04:06 PM
Facebook Telegram Linkin
អនុប្រធានទី១ គណៈកម្មាធិការជាតិគ្រប់គ្រងគ្រោះមហន្តរាយ អញ្ជើញចុះសួរសុខទុក្ខប្រជាពលរដ្ឋភៀសសឹក ក្នុងខេត្តឧត្តរមានជ័យ
06/22/2026 04:06 PM
Facebook Telegram Linkin
ប្រធានកងកម្លាំង Quds របស់ឆ្មាំបដិវត្តន៍អ៊ីស្លាម ព្រមានអ៊ីស្រាអែលឱ្យចាកចេញពីភាគខាងត្បូងលីបង់
06/22/2026 04:06 PM
Facebook Telegram Linkin
មេធាវីស្តាំនិយមជ្រុល De La Espriella ឈ្នះការបោះឆ្នោតជ្រើសរើសប្រធានាធិបតីកូឡុំប៊ី
06/22/2026 04:06 PM
Facebook Telegram Linkin
កម្ពុជា និងស្ថាប័ន DFC ពិភាក្សាផ្លាស់ប្តូរយោបល់លើយុទ្ធសាស្ត្រសំខាន់ៗ នៃវិស័យអាទិភាព​នៅកម្ពុជា
06/22/2026 04:06 PM
Facebook Telegram Linkin
BREAKING NEWS! លោក Keir Starmer ប្រកាសលាលែងពីតំណែងជានាយករដ្ឋមន្ត្រី និងជាមេដឹកនាំគណបក្សការងារ​
06/22/2026 03:06 PM
Facebook Telegram Linkin
ផ្ទះទេវតា១ខ្នង មានភ្ជាប់ប្រព័ន្ធទឹកស្អាត និងភ្លើងសូឡា ជាអំណោយដ៏ថ្លៃថ្លារបស់សម្តេចតេជោ និងសម្តេចកិត្តិព្រឹទ្ធបណ្ឌិត, សម្ដេចធិបតី និងលោកជំទាវបណ្ឌិត ត្រូវបានលោកជំទាវ ហ៊ុន ម៉ាណា ប្រគល់ជូនលោកតាចាស់ជរា នៅខេត្តកំពង់ធំ
06/22/2026 03:06 PM
Facebook Telegram Linkin
គោលជំហរអនុស្សរណៈយោគយល់របស់មេដឹកនាំកំពូលអ៊ីរ៉ង់ បង្កឲ្យមានការជជែកដេញដោល
06/22/2026 03:06 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.