BTV NEWS

រាជរដ្ឋាភិបាលចំណាយថវិកា ៣៥ លានដុល្លារ ដល់អគ្គិសនីប្រើធ្យូងថ្មនិងប្រេង ដើម្បីកាត់បន្ថយការប៉ះពាល់សេដ្ឋកិច្ច

ត្រីមាសទី១ ឆ្នាំនេះ កម្ពុជាមានគម្រោងវិនិយោគថ្មី ចុះបញ្ជីដើមទុនលើស ៤,៨០០លានដុល្លារ

កម្ពុជាចាត់ទុកការដកខ្លួនដោយឯកតោភាគីរបស់ប្រទេសថៃចេញពី MOU-2001 គឺជាជំហានមួយងាកចេញពីស្មារតីសហប្រតិបត្តិការ ជាមូលដ្ឋាន ខណៈកម្ពុជានៅតែប្តេជ្ញាចិត្តយ៉ាងមុតមាំចំពោះអនុស្សរណៈនេះ

ក្រសួងអភិវឌ្ឍន៍ជនបទ ស្ថាបនាផ្លូវ ស្ពានបេតុង និងសំណង់សិល្បការ្យ ចំនួន ២គម្រោង តាមបណ្តោយខ្សែព្រំដែន នៅខេត្តមណ្ឌលគិរី និងខេត្តស្ទឹងត្រែង

ព័ត៌មានជាតិ

ក្រសួងបរិស្ថាន រកឃើញក្រុមហ៊ុនមួយនៅខេត្តកំពង់ស្ពឺខ្វះខាតផ្នែកបច្ចេកទេស និងល្មើសច្បាប់បរិស្ថាន

ក្រុមការងារអធិការកិច្ច នៃអគ្គនាយកដ្ឋានគាំពារបរិស្ថាន និងនាយកដ្ឋានវាយតម្លៃហេតុប៉ះពាល់បរិស្ថាន ដឹកនាំដោយលោក ចាប យុធី អនុប្រធាននាយកដ្ឋាន ដោយមានការចូលរួមពីតំណាង បរិស្ថានខេត្តតាកែវ រដ្ឋបាលស្រុកភ្នំស្រួច រដ្ឋបាលឃុំអូរ អាជ្ញាធរភូមិក្រាំងតាតន់ និងអ្នកសារព័ត៌មាន បានចុះត្រួតពិនិត្យនិងរកឃើញក្រុមហ៊ុន Guo Binfen (Cambodia) Food Co., Ltd. ស្ថិតនៅភូមិក្រាំងតាតន់ ឃុំអូរ ស្រុកភ្នំស្រួច ខេត្តកំពង់ស្ពឺ បានបង្កផលប៉ះពាល់ដល់បរិស្ថាន និងការរស់នៅរបស់ប្រជាពលរដ្ឋ។ ក្រុមការងារបានរកឃើញ ការរៀបចំប្រព័ន្ធបង្ហូរសំណល់រាវ ដើម្បីចូលទៅក្នុងអាងប្រព្រឹត្តិកម្ម មានលក្ខណៈប្រាស់ចាក ពីក្នុងរបាយការណ៍ EIA ដំបូង ជាហេតុបង្កឲ្យមានការបញ្ចេញក្លិនស្អុយ (ជូរផ្អូម)។ ជាមួយគ្នាក្រុមហ។ុនបាន ដំណើរប្រតិបត្តិការអាងសម្អាត ពុំអនុលោមតាមគោលកាណ៍បច្ចេកទេស និងម្យ៉ាងទៀត សមត្ថភាពអាងសម្អាត មានលក្ខណៈមិនឆ្លើយតបនឹងបរិមាណសំណល់រាវ ដែលបង្កើតមានជាក់ស្តែង ល្មើសនឹងមាត្រា ២៨៧ នៃក្រមបរិស្ថាន និងគ្មានលិខិតអនុញ្ញាតបញ្ចេញសំណល់ល្មើសនឹងមាត្រា ១៧៣ នៃក្រមបរិស្ថាននិងធនធានធម្មជាតិ។ កន្លងមកនេះក្រុមហ៊ុនបានបញ្ចេញសំណល់រាវលើសស្តង់ដារ ល្មើសនឹងមាត្រា ១៥៦ នៃក្រមបរិស្ថាន និងធនធានធម្មជាតិ។ចំពោះបទល្មើសខាងលើក្រសួងបរិស្ថានបានចាត់វិធានការអនុវត្តបន្ត ចំពោះក្រុមហ៊ុន៖ ១-ត្រូវបញ្ឈប់ការបង្ហូរសំណល់រាវពីផ្នែកផលិតកម្ម ទៅស្តុកក្នុងស្រះដី ដែលស្ថិតនៅក្រៅបរិវេណទីតាំងក្រុមហ៊ុន ចាប់ពីពេលនេះតទៅ ដើម្បីជៀសវាងបង្កប៉ះពាល់ដល់បរិស្ថាន (ប្រភពទឹកក្រោមដី និងក្លិនស្អុយ) និងដីស្រែប្រជាពលរដ្ឋ។២-ត្រូវពិនិត្យ និងរៀបចំកែសម្រួលអាងប្រព្រឹត្តិកម្មសំណល់រាវឡើងវិញ ដើម្បីឲ្យមានសមត្ថភាពគ្រប់គ្រាន់ ក្នុងការសម្អាតសំណល់រាវ ឆ្លើយតបនឹងស្តង់ដារ៣-ត្រូវពិន័យអន្ដរការណ៍ ដោយអនុលោមមាត្រា ៨២៦ នៃក្រមបរិស្ថាននិងធនធានធម្មជាតិ និងប្រកាសអន្តរក្រសួងលេខ ១០៧០ ស្តីពីការពិន័យអន្តរការណ៍ដោយក្រសួងបរិស្ថាន ចំពោះករណីល្មើសនឹងមាត្រា ១៥៦ មាត្រា ១៦១ និងមាត្រា ១៧៣ នៃក្រមបរិស្ថាននិងធនធានធម្មជាតិ។៤-ត្រូវស្នើសុំលិខិតអនុញ្ញាតបញ្ចេញសំណល់ និងរបាយការណ៍បញ្ជាក់គុណភាពខ្យល់ក្នុងអគារ៕

ប្រធានសមាគមភស្តុភារកម្ម៖ សេវាកម្មដឹកជញ្ជូននឹងហក់ឡើងប្រសិនសង្គ្រាមនៅមជ្ឈិមបូព៌ាអូសបន្លាយ

ប្រធានសមាគមភស្តុភារកម្មកម្ពុជា ថ្លែងថា សេវាកម្មដឹកជញ្ជូននៅកម្ពុជា គិតមកដល់ពេលនេះមិនទាន់មានការប៉ះពាល់អ្វីនោះឡើយ ប៉ុន្តែប្រសិនសង្គ្រាមនៅតំបន់មជ្ឈិមបូព៌ានឹងអូសបន្លាយ វាអាចនឹងប៉ះពាល់ដល់ថ្លៃនៃការដឹកជញ្ជូន ខណៈប្រេងឥន្ធនៈត្រូវរំពឹងថា នឹងឡើងថ្លៃផងដែរ។ឧកញ៉ា ហាក់ លាងហ៊ ប្រធានសមាគមភស្តុភារកម្មកម្ពុជា លើកឡើងនៅក្នុងកិច្ចសម្ភាសន៍ជាមួយ BTV ស្តីពីបច្ចុប្បន្នភាពនៃ វិស័យដឹកជញ្ជូន និងផលប៉ះពាល់ដោយសារសង្គ្រាមនៅតំបន់មជ្ឈិមបូព៌ា នេះថា វិស័យដឹកជញ្ជូននៅដើមឆ្នាំ២០២៦នេះ បាននិង កំពុងដោយរលូន ស្របពេលការធ្វើពាណិជ្ជកម្មអន្តរជាតិរបស់កម្ពុជា មានកំណើនកើនឡើង និងការស្រូបយកឱកាសវិនិយោគមក បណ្តាក់ទុនជាបន្តបន្ទាប់ បានគាំទ្រដល់ចលនានៃការដឹកជញ្ជូនមានសកម្មភាពមមាញឹកខ្លាំង។ឧកញ៉ា បន្តថា អ្វីដែលជាការបារម្ភ គឺការផ្ទុះឡើងនៃសង្គ្រាមដែលកំពុងរាលដាលនៅតំបន់មជ្ឈិមបូព៌ា ក្នុងនោះប្រសិនសង្គ្រាម នេះនៅអូសបន្លាយ វានឹងអាចប៉ះពាល់ដល់ការឡើងថ្លៃប្រេងឥន្ធនៈ ខណៈដែលប្រទេសនៅតំបន់ទាំងនោះភាគច្រើនជាអ្នកផលិត និង ផ្គត់ផ្គង់ប្រេងឥន្ធនៈ និងក៏ជាផ្លូវដឹកជញ្ជូនដ៏សំខាន់តាមច្រកសមុទ្រហ័រមូស (Hormuz) ខណៈប្រទេសអ៊ីរ៉ង់បាននិងកំពុងគំរាមកំហែង ព្រមានបាញ់កប៉ាល់ដឹកប្រេងឥន្ធនៈឆ្លងកាត់ក្នុងតំបន់នោះ។ ឧកញ៉ា បន្ថែមថា ប្រសិនប្រេងឥន្ធនៈហក់ឡើងថ្លៃ វិស័យដឹក ជញ្ជូននឹងត្រូវឡើងថ្លៃផងដែរ។ បញ្ហានេះ ឧកញ៉ា អំពាវនាវដល់អ្នកប្រកបអាជីវកម្មដឹកជញ្ជូន ត្រូវប្រើប្រាស់ប្រេងឥន្ធនៈដោយមានការ សន្សំសំចៃ ក្នុងការបន្តអាជីវកម្មរបស់ខ្លួន ទោះបច្ចុប្បន្នតម្លៃប្រេងមិនទាន់មានការប្រែប្រួលក៏ដោយ។ ឯកឧត្តម កែវ រតនៈ រដ្ឋមន្ត្រីក្រសួងរ៉ែ និងថាមពល លើកឡើងថា ជុំវិញប្រេងឥន្ធនៈនេះកម្ពុជាក៏ដូចប្រទេសក្នុងតំបន់ និង ពិភពលោក មានផលប៉ះពាល់ដូចគ្នា ជាពិសេសថ្លៃប្រេង និងឧស្ម័នជាដើម ខណៈបច្ចុប្បន្នថ្លៃប្រេងលើពិភពលោកបានហក់ឡើង ជាង ៣០ ភាគរយរួចហើយ។ ចំណែកចំពោះប្រទេសកម្ពុជា បច្ចុប្បន្ននេះពុំទាន់មានសញ្ញាណណាមួយ បង្ហាញអំពីផលប៉ះពាល់បន្ទាន់ភ្លាមនោះទេ ខណៈការផ្គត់ផ្គង់ប្រេងនៅតែបន្ត ដោយមិនមានការរអាក់រអួលឡើយ។សូមបញ្ជាក់ថា ប្រទេសអឺរ៉ង់ជាប្រទេសផលិតប្រេងលំដាប់ថ្នាក់ទី៣ បន្ទាប់ពីវ៉េណេស៊ុយអេឡា និងអារ៉ាប៊ីសាអូឌីត និងជាតំបន់ដឹក ជញ្ជូនច្រកសមុទ្រហ័រមូស (Strait of Hormuz) ដែលជាផ្លូវទឹកយុទ្ធសាស្ត្រដ៏សំខាន់បំផុតមួយនៅលើពិភពលោក តភ្ជាប់ឈូង សមុទ្រពែក្ស ទៅកាន់ឈូងសមុទ្រអូម៉ង់ និងមហាសមុទ្រឥណ្ឌា៕ អត្ថបទ៖ សុន រ៉ាឌី

មន្រ្តីជាន់ខ្ពស់រដ្ឋាភិបាល៖ កម្ពុជានឹងជួបចរចាជាមួយតំណាងពាណិជ្ជកម្មអាម៉េរិកលើការកំណត់ពន្ធបដិការថ្មី

មន្រ្តីជាន់ខ្ពស់រដ្ឋាភិបាលកម្ពុជា នឹងជួបចរចាជាមួយតំណាងពាណិជ្ជកម្មសហរដ្ឋអាម៉េរិកឆាប់ៗនេះ ដើម្បីពិនិត្យរួមគ្នាអំពីការកំណត់ពន្ធគយ ត្រូវបានប្រធានាធិបតី សហរដ្ឋអាម៉េរិក ដូណាល់ ត្រាំបានដាក់ ១៥% ដោយអនុវត្តន៍ជាសាកលក្នុងរយៈពេល១៥០ថ្ងៃ។ កម្ពុជាសង្ឃឹមថា សហរដ្ឋអាម៉េរិកនឹងដាក់ពន្ធគយមកលើទំនិញកម្ពុជាទាបជាងពេលមុន។ការជួបចរចានេះ ត្រូវបានធ្វើឡើងបន្ទាប់ពីពន្ធគយបដិការដែលអាម៉េរិកកំណត់លើទំនិញកម្ពុជា ក្នុងអត្រា ១៩% ត្រូវបានលុបចោលដោយស្វ័យប្រវត្តិដោយតុលាការកំពូលសហរដ្ឋអាម៉េរិកកាលពីពេលថ្មីៗនេះ។ បច្ចុប្បន្ន ដៃគូពាណិជ្ជកម្មជាមួយសហរដ្ឋអាម៉េរិកទាំងអស់ កំពុងអនុវត្តន៍ពន្ធគយថ្មី ១៥% តាមច្បាប់សហរដ្ឋអាមេរិក នៃ មាត្រា ១២២ ក្នុងរយៈពេល១៥០ថ្ងៃ ត្រូវបានដាក់ដោយប្រធានាធិបតីសហរដ្ឋអាម៉េរិក ដូណាល់ ត្រាំ។ឯកឧត្តម ស៊ុន ចាន់ថុល ឧបនាយករដ្ឋមន្ត្រី និងជាអនុប្រធានទី១ នៃក្រុមប្រឹក្សាអភិវឌ្ឍន៍កម្ពុជា(CDC) និង ជាប្រធានក្រុមការងារចំពោះកិច្ចសម្របសម្រួលទំនាក់ទំនងពាណិជ្ជកម្ម និងវិនិយោគទ្វេភាគីកម្ពុជា-សហរដ្ឋអាមេរិក បានប្រាប់ BTV ថា ឯកឧត្តម នឹងមានជំនួបពិភាក្សាឆាប់ៗនេះ ជាមួយតំណាងពាណិជ្ជកម្មរបស់សហរដ្ឋអាម៉េរិក ដើម្បីពិនិត្យរួមគ្នាទៅលើការកំណត់ពន្ធបដិការថ្មី។ ដើម្បីអាចរក្សាភាពប្រកួតប្រជែងរបស់កម្ពុជា ឯកឧត្តម នឹងខិតខំប្រឹងប្រែងចរចាធ្វើយ៉ាងណាឱ្យពន្ធគយមានកម្រិតទាបជាង១៩% ដែលកម្ពុជាធ្លាប់មានពីពេលមុន។បើតាម ឯកឧត្តម ស៊ុន ចាន់ថុល បច្ចុប្បន្ននេះ សហរដ្ឋអាម៉េរិក កំពុងពិនិត្យមើលមាត្រាពីរទៀតគឺ មាត្រា ២៣២ និង៣០១ ។ មាត្រា ២៣២គឺ សំដៅទៅមុខទំនិញដែលគាត់យល់ថា ប៉ះពាល់ដល់សន្តិសុខហិរញ្ញវត្ថុរបស់សហរដ្ឋអាមេរិក ដូចជា ផលិតផលដែក អាលុយមីញ៉ូម និងរថយន្ត ដែលសហរដ្ឋអាមេរិកនឹងដាក់ពន្ធគយខ្ពស់ ដើម្បីការពាររោងចក្រនៅសហរដ្ឋអាម៉េរិក។ មាត្រា ៣០១ គឺសំដៅទៅលើលារ ការធ្វើពាណិជ្ជកម្មជាមួយសហរដ្ឋអាមេរិកមិនស្មើភាពគ្នា។ ប៉ុន្តែសម្រាប់កម្ពុជាគឺមិនស្ថិតនៅក្នុងមាត្រាទាំងពីរនេះទេ ព្រោះកម្ពុជាចរចាដោយស្មោះត្រង់ជាមួយសហរដ្ឋអាម៉េរិក ហើយកម្ពុជាក៏ពុំទាន់មានការនាំចេញប្រភេទទំនិញទាំងនោះ ទៅកាន់ទីផ្សារសហរដ្ឋអាមេរិក៕ អត្ថបទ៖ ធូ វិរៈ

អាកាសចរណ៍ស៊ីវិល ប្រារព្ធទិវាសិទ្ធិនារីអន្តរជាតិ ៨មីនា ក្រោមប្រធានបទ សន្តិភាព និងសន្តិសុខសម្រាប់ស្ត្រី និងគ្រួសារ

នៅថ្ងៃទី៦ខែមីនានេះ រដ្ឋលេខាធិការដ្ឋានអាកាសចរណ៍ស៊ីវិល បានប្រារព្ធទិវាសិទ្ធិនារីអន្តរជាតិ៨ មីនា លើកទី១១៥ ក្រោមប្រធានាបទ សន្តិភាព និងសន្តិសុខសម្រាប់ស្ត្រី និងគ្រួសារ ហើយពិធីនេះ ប្រារព្ធឡើងដើម្បីរំលឹកពីការតស៊ូទាមទារសិទ្ធិសេរីភាព និងសមភាពយេនឌ័រ។លោកជំទាវ សួន ស្រី រដ្ឋលេខាធិការ និងជាប្រធានក្រុមការងារយេនឌ័រប្រចាំរដ្ឋលេខាធិការដ្ឋានអាកាសចរណ៍ស៊ីវិល បានលើកឡើងថា ស្ត្រីជាមាតានៃពិភពលោក ហើយស្ត្រីបានចូលរួមគ្រប់សកម្មភាពនៃសង្គមជាតិ ពិសេសស្ត្រី ពិតជាមានសិទ្ធិសេរីភាពស្មើនឹងបុរសគ្រប់កាលៈទេសៈផងដែរ ប៉ុន្តែទោះបែបនេះក្តី រាជរដ្ឋាភិបាល នៅតែបន្តយកចិត្តទុកដាក់ចំពោះស្ត្រីគ្រប់រូប ហើយជាក់ស្តែង នៅរដ្ឋលេខាធិការដ្ឋានអាកាសចរណ៍ស៊ីវិល ក៏មានមន្ត្រីរាជការជាស្ត្រីជាច្រើនផងដែរ ដែលមានគ្រប់តួនាទីចាប់រដ្ឋពីថ្នាក់រដ្ឋលេខាធិការ ចុះក្រោមផងដែរ។ចំណែកឯកឧត្តម គឹម សោភ័ណ រដ្ឋលេខាធិការប្រចាំការ តំណាងឯកឧត្តមបណ្ឌិត ម៉ៅ ហាវណ្ណាល់ រដ្ឋ មន្ត្រីទទួលបន្ទុករដ្ឋលេខាធិការដ្ឋានអាកាសចរណ៍ស៊ីវិល បានលើកឡើងថា បច្ចុប្បន្ននេះស្ត្រីមានបម្រើការងារក្នុង វិស័យអាកាសចរណ៍ មានប្រមាណជិត៣០% នៃមន្ត្រីរាជការជាបុរស ក្នុងនោះមានទំាងអ្នកបើកយន្តហោះក៏មានដែរ មានន័យថា ស្ត្រីពិតជាអាចធ្វើអ្វីៗបានដូចនឹងបុរស ក្នុងនេះឯកឧត្តមស្នើឱ្យគ្រប់អង្គភាព បន្តសហការឱ្យបានជិតស្និតជាមួយក្រុមការងារយេនឌ័រ ដើម្បីចូលរួមសកម្មភាពបញ្រ្ជាប និងលើកកម្ពស់សមភាពយេនឌ័រ ពិសេសការអនុវត្តការងារទំាងឡាយ ដែលជាការឆ្លើយតបនឹងយុទ្ធសាស្ត្របញ្ចកោណដំណាក់កាលទី១របស់រាជរដ្ឋាភិ បាល និងស្នើឱ្យគ្រប់អង្គភាព បន្តលើកទឹកចិត្ត និងជំរុញវត្តមានរបស់ស្ត្រីឱ្យចូលរួមរាល់សកម្មភាពនានាកាន់តែច្រើនថែមទៀត។ សូមបញ្ជាក់ថា ទិវាសិទ្ធិនារីអន្តរជាតិ៨ មីនា ត្រូវបានរៀបចំឡើង ដើម្បីរំលឹកពីការតស៊ូទាមទារសិទ្ធិសេរីភាព សមភាពយេនឌ័រ និងអបអរសាទរសមិទ្ធផលលើគ្រប់វិស័យរបស់ស្ត្រីទូទាំងពិភពលោក ហើយទិវានេះក៏មានគោលបំណងលើកកម្ពស់ភាពអង់អាចដល់ស្ត្រីនិងក្មេងស្រី កាត់បន្ថយអំពើហិង្សា ជំរុញការចូលរួមក្នុងសង្គម និងលុបបំបាត់រាល់ទម្រង់នៃការរើសអើងផងដែរ៕ ផលិត គង់ រ៉េន

រដ្ឋមន្រ្តីក្រសួងរ៉ែនិងថាមពល៖ ការផ្គត់ផ្គង់ និងថ្លៃអគ្គិសនី មិនប៉ះពាល់ឡើយទោះតម្លៃប្រេងហក់ឡើងក៏ដោយ

រដ្ឋមន្រ្តីក្រសួងរ៉ែ និងថាមពល អះអាងថា ទោះបីតម្លៃប្រេងឥន្ធនៈដែលរំពឹងថានឹងហក់ថ្លៃ គឺមិនប៉ះពាល់ដល់ការផ្គត់ផ្គង់អគ្គិសនី និងថ្លៃអគ្គិសនីនៅកម្ពុជានោះឡើយ ខណៈការផ្គត់ផ្គង់អគ្គិសនីនៅកម្ពុជាបច្ចុប្បន្ន ភាគច្រើនជាថាមពលស្អាត មានប្រភពពីវារីអគ្គិសនី និងការ ថាមពលពន្លឺព្រះអាទិត្យ។ ឯកឧត្តម កែវ រតនៈ រដ្ឋមន្ត្រីក្រសួងរ៉ែ និងថាមពល ឡើងនៅក្នុងកិច្ចសម្ភាសន៍ជាមួយភ្នាក់ងារអ្នកយកព័ត៌មាននៅក្នុងឱកាស ដែលឯកឧត្តមអញ្ជើញចូលរួមក្នុងកិច្ចប្រជុំកំពូលធុរកិច្ចអាស៊ាន-កម្ពុជា នៅថ្ងៃទី៤ ខែមីនា ឆ្នាំ២០២៦ ម្សិលមិញនេះថា ជុំវិញការផ្គត់ផ្គង់អគ្គិសនីនេះ ពីមុនកម្ពុជាមានរោងចក្រប្រើដោយធ្យូងថ្ម និងរោងចក្រប្រើដោយប្រេងឥន្ធនៈ ប៉ុន្តែដោយសារភាពរីកចម្រើនក្នុងរយៈពេលនាប៉ុន្មានឆ្នាំមកនេះ កម្ពុជាបាននិងកំពុងប្រើប្រាស់ថាមពលបៃតង ដែលមានប្រភពពីវារីអគ្គិសនី និងការថាមពលពន្លឺព្រះអាទិត្យជាដើម, ជាក់ស្តែងប្រទេសនៅក្នុងអាស៊ាន កម្ពុជាជាប់លំដាប់ទី២ បន្ទាប់ពីប្រទេសឡាវ ដែលមានកម្រិតថាមពលបៃតងខ្ពស់នៅក្នុងបណ្តាញជាតិ។ឯកឧត្តម បន្តឱ្យដឹងថា ទាក់ទិនថាមពលបៃតងនេះ នៅក្នុងឆ្នាំ២០២៥ កម្ពុជាបានប្រើប្រាស់ថាមពលបៃតងប្រមាណ ៦៣% និង នៅក្នុងឆ្នាំ២០២៦ នេះ ការប្រើប្រាស់ថាមពលបៃតងនៅកម្ពុជា នឹងអាចកើនឡើងដល់ ៦៧% និងមានផែនការឆ្នាំ២០៣០ មានក្នុងរង្វង់ ៧០% ដែលជាអត្រាថាមពលបៃតងមួយខ្ពស់នៅក្នុងពិភពលោក។ ដែលបញ្ហានេះ មិនមែនកើតឡើងដោយចៃដន្យនោះទេ គឺដោយសារការអភិវឌ្ឍរបស់សម្តេចតេជោពីអតីតកាល។ ឯកឧត្តម បន្ថែមថា ចំពោះសភាពការណ៍នៃសង្គ្រាមនៅតំបន់មជ្ឈិមបូព៌ា ដែលនឹងធ្វើឱ្យប៉ះពាល់តម្លៃប្រេងលើទីផ្សារ ក្នុងនោះសម្រាប់ថាមពលអគ្គិសនីនៅកម្ពុជា គឺមិនមានកត្តាណាមួយប៉ះពាល់នោះឡើយ ទាំងការផ្គត់ផ្គង់ និងថ្លៃប្រើប្រាស់អគ្គិសនីជាដើម។ជុំវិញថាមពលនេះ ឯកឧត្តម កែវ រតនៈក៏បានអំពាវនាវដល់ប្រជាពលរដ្ឋ និងវិនិយោគិន ដែលកំពុងធ្វើការវិនិយោគនៅព្រះរាជា ណាចក្រកម្ពុជា សូមកុំមានការបារម្ភអំពីការកង្វះថាមពល និងថ្លៃប្រើប្រាស់អគ្គិសនីជាដើម។ ឯកឧត្តមបន្ថែមថា ទាក់ទងបញ្ហាអគ្គិសនីក្នុងពេលបច្ចុប្បន្ននេះ ក៏ជាការបើកផ្លូវដល់បងប្អូនប្រើប្រាស់រថយន្តអគ្គិសនីផងដែរ ខណៈកម្ពុជាមិនមានរោងចក្រប្រើប្រាស់ប្រេងឡើយ, ស្របពេលនេះដែរ ក្រសួងក៏បានរៀបចំផែនការ ដាក់ពង្រាយស្ថានីយ៍សាករថយន្តអគ្គិសនីទូទាំងប្រទេស នៅក្នុងគម្រោងចំណាយថវិកាបន្ថែម ប្រមាណជាង ១០ លានដុល្លារ ដើម្បីជំរុញបង្កើតស្ថានីយ៍សាកនៅទូទាំងប្រទេស៕ អត្ថបទ៖ សុន រ៉ាឌី

ជប៉ុននឹងបន្តខិតខំជំរុញការអនុវត្តយ៉ាងប្រាកដប្រជា នៃកិច្ចព្រមព្រៀងបទឈប់បាញ់ និងបន្តផ្តល់ជំនួយក្នុងទម្រង់ផ្សេងៗដល់កម្ពុជា

កាលពីថ្ងៃទី៤ដល់ថ្ងៃទី៥ ខែមីនា លោកវរសេនីយ៍ឯក ហារ៉ា តាកាស៊ី ជាទីប្រឹក្សា និងអនុព័ន្ធយោធា បានចូលរួមសកម្មភាពចុះពិនិត្យទីតាំងជាក់ស្តែងទាក់ទងនឹងស្ថានការណ៍ព្រំដែន ដែលរៀបចំដោយក្រសួងការពារជាតិកម្ពុជា ក្នុងឋានៈជាសមាជិកនៃក្រុមអនុព័ន្ធយោធាបរទេសប្រចាំព្រះរាជាណាចក្រកម្ពុជា (MACPP) និងបានចុះពិនិត្យនៅទីតាំងមួយចំនួនរួមទាំងភូមិតាមបណ្តោយព្រំដែនស្ថិតក្នុងខេត្តបន្ទាយមានជ័យ និងប្រាសាទព្រះវិហារ។ នេះបើយោងតាមសេចក្តីប្រកាសព័ត៌មានរបស់ស្ថានទូតជប៉ុនប្រចាំនៅកម្ពុជា នាយប់ថ្ងៃទី០៥ ខែមីនា ឆ្នាំ២០២៦នេះ។សេចក្តីប្រកាសរបស់ស្ថានទូត បានបញ្ជាក់ថា៖ «រាជរដ្ឋាភិបាលជប៉ុននឹងបន្តខិតខំប្រឹងប្រែង ដើម្បីជំរុញការអនុវត្តយ៉ាងប្រាកដប្រជានៃកិច្ចព្រមព្រៀងបទឈប់បាញ់ និងបន្ថយភាពតានតឹង តាមរយៈកិច្ចខិតខំប្រឹងប្រែងលើផ្នែកការទូតដោយសហការជាមួយបណ្តាប្រទេសពាក់ព័ន្ធនានា ហើយនឹងបន្តផ្តល់ជំនួយក្នុងទម្រង់ផ្សេងៗ»៕

ស.ស.យ.ក ខេត្តឧត្តរមានជ័យ ធ្វើសន្និបាតបូកសរុបលទ្ធផលការងារឆ្នាំ២០២៥ និងលើកទិសដៅការងារបន្ត

ឧត្តរមានជ័យ៖ នៅព្រឹកថ្ងៃទី៦ ខែមីនា ឆ្នាំ២០២៦ នេះ គណៈកម្មាធិការសហភាពសហព័ន្ធយុវជនកម្ពុជាខេត្ត ឧត្តរមានជ័យ បើកសន្និបាតបូកសរុបទ្ធផលការងារឆ្នាំ២០២៥ និងលើកទិសដៅការងារឆ្នាំ២០២៦ ដែលពិធី នេះបានប្រារព្ធធ្វើឡើងក្រោមអធិបតីភាពឯកឧត្តម មាន ចាន់យ៉ាដា ប្រធានគណៈកម្មាធិការសហភាពសហ ព័ន្ធយុវជនកម្ពុជាខេត្តឧត្តរមានជ័យ និងមានការចូលពីសហភាពសហព័ន្ធយុវជនកម្ពុជាមកពីតាមបណ្តាលក្រុងស្រុកចូលរួមជាច្រើននាក់ផងដែរ។ ក្នុងអង្គសន្និបាត ឯកឧត្តម មាន ចាន់យ៉ាដា បានធ្វើការកោតសរសើរ និងវាយតម្លៃខ្ពស់ចំពោះសកម្ម ភាពការងារទូទៅរបស់ក្រុមការងារ ស.ស.យ.ក ដែលបានខិតខំអស់ពីកម្លាំងកាយចិត្តដោយមិនគិតពីការនឿយ ហត់ក្នុងការជួយសម្របសម្រួលការងារផ្សេងៗក្នងសង្គម ពិសេសពេលនេះ បានធ្វើសកម្មភាពយ៉ាងសកម្មក្នុង ការជួយដល់ប្រជាពលរដ្ឋរស់នៅតាមជំរំភៀសសឹកដោយសារបញ្ហាជម្លោះព្រំដែន៕

ក្មេងទំនើងជិត៤០០នាក់ ត្រូវសមត្ថកិច្ចបង្ក្រាប និងបញ្ជូនទៅតុលាការ ក្នុងខែកុម្ភៈ

ក្នុងរយៈពេល១ខែពេញ គិតចាប់ពីថ្ងៃទី១ រហូតដល់ថ្ងៃទី២៨ ខែកុម្ភៈ ឆ្នាំ២០២៦ កម្លាំងនគរបាលជាតិ នៃអគ្គស្នងការដ្ឋាននគរបាលជាតិក្រសួងមហាផ្ទៃ បានបង្ក្រាបក្មេងទំនើងចំនួន១០៤ករណី និងឃាត់ខ្លួនជនបង្ក៣៧៦នាក់ បញ្ជូនទៅតុលាការ និងបញ្ជូនបន្តទៅពន្ធនាគារ។ នេះបើយោងតាមរបាយការណ៍ក្រសួងមហាផ្ទៃ។ បើតាមរបាយការណ៍ ប្រតិបត្តិការបង្ក្រាបក្មេងទំនើងក្នុងរយៈពេល១ខែកន្លងមកនេះ មាននៅក្នុងភូមិសាស្ត្រជាអាទិ៍ រាជធានីភ្នំពេញ ខេត្តកណ្តាល កំពត កំពង់ស្ពឺ ព្រះសីហនុ កោះកុង ពោធិ៍សាត់ បាត់ដំបង បន្ទាយមានជ័យ សៀមរាប ព្រះវិហារ រតនគិរី កំពង់ចាម ត្បូងឃ្មុំ ក្រចេះ ស្វាយរៀង និងខេត្តតាកែវ។ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បានបញ្ជាអគ្គស្នងការដ្ឋាននគរបាលជាតិ និងស្នងការនគរបាលរាជធានី-ខេត្ត អនុវត្តវិធានការក្ដៅ បង្ក្រាប និងស្រាវជ្រាវឃាត់ខ្លួនក្មេងទំនើងបញ្ជូនទៅតុលាការ ខណៈ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា បានសង្កត់ធ្ងន់ពីភាពចាំបាច់ នៃការអនុវត្តវិធានការបង្ក្រាបយ៉ាងតឹងរឹងបំផុត៕

កម្ពុជា ស្វាគមន៍កំណើតកូនផ្សោតទី២ ក្នុងឆ្នាំ២០២៦ នៅក្នុងខេត្តក្រចេះ

កូនផ្សោតទើបកើតថ្មី ១ក្បាលដែលមានអាយុប្រមាណជា ២ថ្ងៃ ត្រូវបានប្រទះឃើញនៅវេលាម៉ោង ៩:៥០នាទីព្រឹក នាថ្ងៃទី៥ ខែមីនា ឆ្នាំ២០២៦ ដោយក្រុមការងារស្រាវជ្រាវខណ្ឌរដ្ឋបាលជលផលក្រចេះ និងក្រុមការងារអង្គការ WWF ប្រចាំខេត្តក្រចេះ នៅត្រង់ចំណុចអន្លង់ អន្ទង់វៀន ស្ថិតក្នុងអន្លង់ផ្សោតកាំពី ភូមិកាំពី ឃុំសំបុក ស្រុកចិត្របុរី ខេត្តក្រចេះ។បើតាមក្រុមអ្នកស្រាវជ្រាវ កូនផ្សោតនេះមានសុខភាពល្អ និងស្ថិតក្នុងក្រុមផ្សោតធំដែលមានចំនួនប្រាំពីរក្បាលក្នុងនោះនៅជាមួយផ្សោតពេញវ័យ លេខ៨១។ នេះជាកូនផ្សោតកើតថ្មីទី២ហើយ នៅក្នុងឆ្នាំ២០២៦នេះ ខណៈកូនផ្សោតទី១ ត្រូវបានអង្កេត និងថតរូបបានកាលពីពាក់កណ្ដាលខែកុម្ភៈ ឆ្នាំ២០២៦កន្លងទៅ។ តាមរយៈកំណើតកូនផ្សោតថ្មីនេះ ចំនួនសត្វផ្សោតទន្លេមេគង្គនៅកម្ពុជាកើនឡើងដល់ ១១៤ក្បាល។ជាការកត់សម្គាល់ វត្តមាននៃកូនផ្សោតថ្មីនៅអន្លង់កាំពីនេះ កើតឡើងតែប៉ុន្មានថ្ងៃប៉ុណ្ណោះ មុនពេលគណៈកម្មការអភិរក្ស និងអភិវឌ្ឍន៍តំបន់ទេសចរណ៍សត្វផ្សោតទន្លេមេគង្គ បើកកិច្ចប្រជុំរបស់ខ្លួន នៅថ្ងៃទី៩ ខែមីនា ឆ្នាំ២០២៦។ កិច្ចប្រជុំដែលរៀបចំធ្វើនៅក្រុងក្រចេះនេះ នឹងក្លាយជាវេទិកាដ៏សំខាន់សម្រាប់គ្រប់ភាគីពាក់ព័ន្ធ ពិនិត្យឡើងវិញនូវលទ្ធផលនៃការងារដែលសម្រេចបាននាពេលកន្លងមក និងពិគ្រោះយោបល់ ព្រមទាំងដាក់ផែនការសម្រាប់ពេលអនាគត ក្នុងគោលដៅធ្វើយ៉ាងណា គ្រប់គ្រង ការពារ និងអភិរក្ស សត្វផ្សោតទន្លេមេគង្គដែលជារតនសម្បត្តិរបស់កម្ពុជា និងជាដង្ហើមនៃទន្លេមេគង្គ ប្រកបដោយប្រសិទ្ធភាពនិងប្រសិទ្ធផលខ្ពស់៕

ប្រតិភូអនុព័ន្ធយោធាបរទេសបន្តចុះត្រួតពិនិត្យ តំបន់ប្រាសាទព្រះវិហារ និងតំបន់ជុំវិញដែលជាសម្បត្តិបេតិកភណ្ឌពិភពលោកដ៏មានតម្លៃបំផុតរបស់មនុស្សជាតិ ដែលរងការខូចខាតយ៉ាងដំណំ

នៅថ្ងៃព្រហស្បតិ៍ ទី៥ ខែមីនា ឆ្នាំ២០២៦ វេលាម៉ោង ១១:១០នាទីព្រឹក ក្រសួងការពារជាតិ នៃព្រះរាជាណាចក្រកម្ពុជា បានសម្របសម្រួលជូនគណៈប្រតិភូអនុព័ន្ធយោធាបរទេស ប្រចាំព្រះរាជាណាចក្រកម្ពុជា ទាំង១២ប្រទេស អញ្ជើញទៅកាន់តំបន់ប្រាសាទព្រះវិហារ និងតំបន់ជុំវិញ ស្ថិតនៅឃុំស្រអែម ស្រុកជាំក្សាន្ត ខេត្តព្រះវិហារ ព្រះរាជាណាចក្រកម្ពុជា ដែលជាសម្បត្តិបេតិកភណ្ឌពិភពលោកដ៏មានតម្លៃបំផុតរបស់មនុស្សជាតិ ដែលរងការខូចខាតយ៉ាងដំណំ ដោយសារការវាយប្រហារពីសំណាក់យោធាថៃ។សូមគូសបញ្ជាក់ផងដែរថា សកម្មភាពនៃវាយប្រហារទាំងពីរលើកដោយសព្វាវុធធុនធ្ងន់យ៉ាងច្រើនសន្ធឹកសន្ធាប់ ជាពិសេសការទម្លាក់គ្រាប់បែកពីលើអាកាស ចេញពីយន្តហោះគ្មានមនុស្សបើក និងយន្តហោះចម្បាំង ដែលបានបាញ់សំដៅមកលើប្រាសាទព្រះវិហារពីសំណាក់យោធាថៃបានធ្វើឱ្យប៉ះពាល់ និងបំផ្លិចបំផ្លាញយ៉ាងធ្ងន់ធ្ងរបំផុតលើរចនាសម្ព័ន្ធផ្ទាល់របស់បេតិកភណ្ឌពិភពលោក ប្រាសាទព្រះវិហារ និងបរិវេណជុំវិញ ដែលទង្វើនេះបានបង្ហាញពីភាពអសីលធម៌ បង្ហាញពីការប្រមាថមាក់ងាយដល់វប្បធម៌ អរិយធម៌ និងទីសក្ការៈដែលជាមរតកមនុស្សជាតិ ជាពិសេសជាមរតកវប្បធម៌ដែលដូនតាខ្មែរបានកសាងបន្សល់ទុកដ៏មានតម្លៃមិនអាចកាត់ថ្លៃបាន។ បើយោងតាមរយៈការកត់ត្រាចងក្រងពីការខូចខាតរបស់ក្រសួងវប្បធម៌ និងវិចិត្រសិល្បៈឃើញថា ការកត់ត្រាចងក្រងពីការខូចខាត ចាប់ពីថ្ងៃទី៧ ដល់ថ្ងៃទី២៧ ខែធ្នូ ឆ្នាំ២០២៥ បង្ហាញអំពីការខូចខាតធ្ងន់ធ្ងរលើសពីអ្វីដែលបានកត់ត្រាទុកនៅក្នុងខែកក្កដា ឆ្នាំ២០២៥។ យោងតាមភស្តុតាងរូបថត និងវីដេអូដែលប្រមូលបានដោយអាជ្ញាធរជាតិព្រះវិហារ ក្នុងអំឡុងពេលបេសកកម្មចងក្រងឯកសារនាថ្ងៃទី២៨ ខែធ្នូ ឆ្នាំ២០២៥ មាន ៥៦២កន្លែង ដែលប្រាសាទព្រះវិហារបានទទួលរងផលប៉ះពាល់យ៉ាងធ្ងន់ធ្ងរ។ ក្នុងនាមជារដ្ឋដែលគោរពច្បាប់ និងមានការទទួលខុសត្រូវខ្ពស់ កម្ពុជាប្រកាន់ខ្ជាប់នូវការដោះស្រាយជម្លោះដោយសន្តិវិធី ស្របតាមច្បាប់អន្តរជាតិ និងគោលការណ៍ជាមូលដ្ឋានរបស់ធម្មនុញ្ញអង្គការសហប្រជាជាតិ និងធម្មនុញ្ញអាស៊ាន ដោយប្រឆាំងជាដាច់ខាតការគំរាមឬការប្រើប្រាស់កម្លាំង សំដៅសម្រេចឱ្យបាននូវដំណោះស្រាយមួយដែលយុត្តិធម៌ មិនលម្អៀង និងយូរអង្វែង ដែលជាមូលដ្ឋានគ្រឹះសម្រាប់ប្រជាជននៃប្រទេសទាំងពីរអាចរួមរស់ជាមួយគ្នាក្នុងសន្តិភាព ស្ថិរភាព និងការអភិវឌ្ឍ។

បណ្ដាញសង្គម

ព័ត៌មានថ្មីៗ

រ៉ូម៉ានី នឹងដាក់បញ្ចូលប្រព័ន្ធប្រឆាំងយានដ្រូនរបស់សហរដ្ឋអាមេរិក Merops ក្នុងវិស័យការពារជាតិ

រុស្ស៊ី សន្យាសងសឹកប្រឆាំងនឹងទណ្ឌកម្មថ្មីរបស់សហភាពអឺរ៉ុប

របាយការណ៍៖ ប្រជាជនជាង២៦០លាននាក់ រងផលប៉ះពាល់ដោយកង្វះស្បៀងធ្ងន់ធ្ងរ

តុលាការអាមេរិក ច្រានចោលបម្រាមលើអ្នកស្វែងរកសិទ្ធិជ្រកកោនរបស់លោកTrump ដោយជំរុញឱ្យមានការប្តឹងឧទ្ធរណ៍

អ៊ីស្រាអែល បន្តវាយប្រហារលើប្រទេសលីបង់ ទោះបីជាមានការបន្ថែមពេលបទឈប់បាញ់ក៏ដោយ

ប្រមុខមន្ទីរបញ្ចកោណ លោក Hegseth និយាយថា អ៊ីរ៉ង់មានឱកាសបង្កើត «កិច្ចព្រមព្រៀងដ៏ល្អ»

សហរដ្ឋអាមេរិក បន្ថែមពេលការលើកលែងការដឹកជញ្ជូនដើម្បីជួយដល់ការផ្គត់ផ្គង់ថាមពល

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានជាតិ

ក្រសួងបរិស្ថាន រកឃើញក្រុមហ៊ុនមួយនៅខេត្តកំពង់ស្ពឺខ្វះខាតផ្នែកបច្ចេកទេស និងល្មើសច្បាប់បរិស្ថាន

ប្រធានសមាគមភស្តុភារកម្ម៖ សេវាកម្មដឹកជញ្ជូននឹងហក់ឡើងប្រសិនសង្គ្រាមនៅមជ្ឈិមបូព៌ាអូសបន្លាយ

មន្រ្តីជាន់ខ្ពស់រដ្ឋាភិបាល៖ កម្ពុជានឹងជួបចរចាជាមួយតំណាងពាណិជ្ជកម្មអាម៉េរិកលើការកំណត់ពន្ធបដិការថ្មី

រដ្ឋមន្រ្តីក្រសួងរ៉ែនិងថាមពល៖ ការផ្គត់ផ្គង់ និងថ្លៃអគ្គិសនី មិនប៉ះពាល់ឡើយទោះតម្លៃប្រេងហក់ឡើងក៏ដោយ

ស.ស.យ.ក ខេត្តឧត្តរមានជ័យ ធ្វើសន្និបាតបូកសរុបលទ្ធផលការងារឆ្នាំ២០២៥ និងលើកទិសដៅការងារបន្ត

ក្មេងទំនើងជិត៤០០នាក់ ត្រូវសមត្ថកិច្ចបង្ក្រាប និងបញ្ជូនទៅតុលាការ ក្នុងខែកុម្ភៈ

កម្ពុជា ស្វាគមន៍កំណើតកូនផ្សោតទី២ ក្នុងឆ្នាំ២០២៦ នៅក្នុងខេត្តក្រចេះ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានជាតិ

ក្រសួងបរិស្ថាន រកឃើញក្រុមហ៊ុនមួយនៅខេត្តកំពង់ស្ពឺខ្វះខាតផ្នែកបច្ចេកទេស និង​ល្មើស​ច្បាប់​បរិស្ថាន

ប្រធានសមាគមភស្តុភារកម្ម៖ សេវាកម្មដឹកជញ្ជូន​នឹងហក់ឡើង​ប្រសិន​សង្គ្រាម​នៅ​មជ្ឈិម​បូព៌ា​អូសប​ន្លាយ

ស.ស.យ.ក ខេត្តឧត្តរមានជ័យ ធ្វើសន្និបាតបូកសរុបលទ្ធផលការងារឆ្នាំ២០២៥ និងលើកទិសដៅការងារបន្ត

ក្មេងទំនើងជិត៤០០នាក់ ត្រូវសមត្ថកិច្ចបង្ក្រាប និងបញ្ជូនទៅតុលាការ ក្នុងខែកុម្ភៈ

កម្ពុជា ស្វាគមន៍កំណើតកូនផ្សោតទី២ ក្នុងឆ្នាំ២០២៦ នៅក្នុងខេត្តក្រចេះ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ក្រសួងបរិស្ថាន រកឃើញក្រុមហ៊ុនមួយនៅខេត្តកំពង់ស្ពឺខ្វះខាតផ្នែកបច្ចេកទេស និងល្មើសច្បាប់បរិស្ថាន

ប្រធានសមាគមភស្តុភារកម្ម៖ សេវាកម្មដឹកជញ្ជូននឹងហក់ឡើងប្រសិនសង្គ្រាមនៅមជ្ឈិមបូព៌ាអូសបន្លាយ