BTV NEWS

អគ្គលេខាធិការរង សមាគមអតីតយុទ្ធជននាំយកអំណោយជូនអតីតយុទ្ធជន និវត្តជន និងគ្រួសារពលីមរណៈ ៥០គ្រួសារក្នុងខេត្តកណ្ដាល

កម្ពុជា បើកសម្ពោធយុទ្ធនាការ «ផលិតផលស្រ្តី» ដើម្បីលើកកម្ពស់វិស័យសហគ្រិនស្ត្រី

រាជរដ្ឋាភិបាល បាននិងកំពុងបន្តធ្វើការកែទម្រង់រដ្ឋបាលឱ្យកាន់តែស៊ីជម្រៅ ទូលំទូលាយ មានភាពស៊ីចង្វាក់ ប្រទាក់ក្រឡាគ្នា និងគាំទ្រគ្នាលើការដ្ឋានកំណែទម្រង់ស្នូលផ្នែកអភិបាលកិច្ច

សម្តេចធិបតីនឹងអញ្ជើញទៅប្រទេសបារាំងរយៈពេល ៤ថ្ងៃ ដើម្បីចូលរួមកិច្ចប្រជុំកំពូលស្តីពីសុខភាពតែមួយ

ព័ត៌មានជាតិ

អាណិកជនខ្មែរកាន់តែច្រើននាំគា្នមកលេងស្រុកកំណើត ខណៈថ្ងៃបុណ្យចូលឆ្នាំជិតឈានមកដល់

នៅបាំងតែពីពីរសប្តាហ៍ទៀតប៉ុណ្ណោះ ថ្ងៃបុណ្យចូលឆ្នាំថ្មីប្រពៃណីជាតិខ្មែរ នឹងឈានមកដល់ ហើយក្នុងរយៈពេលនេះ គេសង្កេតឃើញថា មានអាណិកជនខ្មែរដែលរស់នៅតាមប្រទេសនានាលើពិភពលោក បាននាំគ្នាមកលេងស្រុកខ្មែរជាស្រុកកំណើតរបស់ខ្លួនជាបណ្ដើរៗហើយ ។អាណិកជនខ្មែរ មកពីតាមបណ្តាប្រទេសនានា បានថ្លែងប្រាប់BTV នៅថ្ងៃទី៣០ ខែមីនា នេះថា ជាក់ស្តែងគ្រប់ពលរដ្ឋខ្មែររស់នៅក្រៅប្រទេស ក្នុងអំឡុងពេលនេះ គឺកំពុងមានភាពមមាញឹកខ្លាំងក្នុងកិច្ចការងាររកចំណូលចិញ្ចឹមជីវភាព តែទោះបីមានភាពរវល់យ៉ាងណាក៏ដោយ ក៏អាណិកជនខ្មែរទាំងអស់គ្នា នៅតែឆ្លៀតឱកាស រៀបចំផែនការមកលេងស្រុកកំណើតរបស់ខ្លួននាឱកាសថ្ងៃបុណ្យចូលឆ្នាំថ្មី ហើយក៏មានបំណងចង់មើលការរីកចម្រើនប្រទេសជាតិ ពិសេសចង់ឃើញអាកាសយានដ្ឋានអន្តរជាតិតេជោ ដែលទើបសាងសង់រួច និងបានបើកដំណើរការបានប្រមាណជាង៧ខែមកនេះ។អាណិកជនខ្មែរនានានោះ ក៏បានថ្លែងដែរថា នៅក្នុងធ្វើដំណើរផ្លូវអាកាសនេះ សង្កេតឃើញមានអ្នកដំណើរជាងជនជាតិខ្មែរលើសពី៥០% នៅតាមយន្តហោះនានា គឺបានធ្វើដំណើរហោះមកកម្ពុជា ក្នុងទឹកមុខសប្បាយរីករាយទាំងអស់គ្នា៕ អត្ថបទ៖ ស៊ុម សុខជា

ក្រុមយុវជនស្ម័គ្រចិត្ត ចាប់ផ្ដើមហ្វឹកហាត់ចូលរួមផ្សព្វផ្សាយវប្បធម៌ នាឱកាសចូលឆ្នាំប្រពៃណីជាតិខ្មែរ

ក្រុមយុវជនស្ម័គ្រចិត្ត ព្រឹត្តិការណ៍នគរសង្ក្រាន្ត បានចាប់ផ្ដើមប្រមូលផ្ដុំគ្នា ហ្វឹកហាត់ទៅតាមផ្នែកទទួលខុសត្រូវរៀងៗខ្លួន។ ពួកគេម្នាក់ៗចូលរួម ដើម្បីគោលបំណងរួម គឺបំពេញតួនាទីជាអ្នកបន្តវេន ជាអ្នកថែរក្សា និងចូលរួមផ្សព្វផ្សាយនូវអ្វីដែលជាវប្បធម៌ប្រពៃណីខ្មែរទៅកាន់ភ្ញៀវទេសចរសម្រាប់ឱកាសចូលឆ្នាំប្រពៃណីជាតិខ្មែរខាងមុខ។ក្រុមយុវជនស្ម័គ្រចិត្តជាធាតុចូលដ៏សំខាន់ ក្នុងការរៀបចំព្រឹត្តិការណ៍នគរសង្ក្រាន្តនាពេលខាងមុខនេះ។ យុវជន ប្រមាណ ៣ ២០០នាក់ មកពីមជ្ឈដ្ឋានផ្សេងៗគ្នា មានទាំងសិស្ស និស្សិត បុគ្គលិកក្រុមហ៊ុន និងអ្នកមានមុខងារផ្សេងៗគ្នាដទៃទៀត បានមកជួបជុំគ្នា ធ្វើការរួមគ្នា ហ្វឹកហាត់រួមគ្នា ក្នុងគោលដៅរួមគឺផ្ដល់ភាពសប្បាយរីករាយ ផ្ដល់ទស្សនីយភាព និងផ្សព្វផ្សាយវប្បធម៌ប្រពៃណីជាតិ។ការចូលរួមការងារនេះ ម្នាក់ៗធ្វើចេញពីបេះដូង។ ជាក់ស្ដែងក្រុមយុវជនស្ម័គ្រចិត្តផ្នែកល្បែងប្រជាប្រិយកាលពីល្ងាចថ្ងៃទី២៩ ខែមីនា បានមកជួបជុំគ្នា ហាត់សមល្បែងប្រជាប្រិយខ្មែរនៅពីមុខព្រះបរមរាជវាំង។ ហាត់សម ដោយសប្បាយចិត្ត ព្រោះពួកគេបានស្វែងយល់កាន់តែច្រើនពីវប្បធម៌ប្រពៃណី និងមានឱកាសក្នុងការចូលរួមធ្វើជាយុវជនស្ម័គ្រចិត្ត បំពេញតួនាទី ថែរក្សា ការពារ និងផ្សព្វផ្សាយវប្បធម៌ប្រពៃណីទាំងនោះ ទៅកាន់ភ្ញៀវទេសជាតិ អន្តរជាតិ នាឱកាសចូលឆ្នាំប្រពៃណីជាតិខាងមុខ។ការលេងល្បែងប្រជាប្រិយនេះ ជាសកម្មភាពសំខាន់មួយក្នុងចំណោមសកម្មភាពសំខាន់ផ្សេងៗទៀត ដែលនឹងមានរៀបចំនាពេលខាងមុខ។ ជាការគ្រោង គឺក្រុមការងារជ្រើសរើសល្បែងប្រជាប្រិយខ្មែរ រហូតដល់ ២២ប្រភេទ ហើយការលេងប្រជាប្រិយខ្មែរនេះ នឹងរៀបចំឡើងនៅតាមគ្រប់ទីតាំងសម្រាប់ព្រឹត្តិការណ៍នគរសង្ក្រាន្ត។ នេះបើតាមការលើកឡើងរបស់លោក នាក់ សើគីរីន ប្រធានក្រុមការងារទទួលបន្ទុកកម្មវិធីល្បែងប្រជាប្រិយ និងទាញព្រ័តមិត្តភាពនគរសង្ក្រាន្ត។ នាឱកាសចូលឆ្នាំប្រពៃណីជាតិខ្មែរខាងមុខនេះ សហភាពសហព័ន្ធយុវជនកម្ពុជា នឹងរៀបចំព្រឹត្តិការណ៍នគរសង្ក្រាន្ត ដើម្បីអបអរសាទរពិធីបុណ្យចូលឆ្នាំប្រពៃណីជាតិខ្មែរ រយៈពេល ៦ថ្ងៃ ចាប់ពីថ្ងៃទី ១៤ ដល់ថ្ងៃទី ១៩ មេសា។ ព្រឹត្តិការណ៍នេះ មានធាតុចូលដ៏សំខាន់ គឺក្រុមយុវជនស្ម័គ្រចិត្តប្រមាណ ៣ ២០០នាក់ ចូលរួម ទទួលខុសត្រូវតាមផ្នែកនីមួយៗ។ ចំពោះទីតាំងរៀបចំ គឺមាននៅតំបន់វត្តភ្នំ លើផ្លូវថ្មើរជើង សួន Vattanac សួនវត្តបទុម បាសាក់លែន និងតំបន់ផ្សារទួលទំពូងជាដើម៕ អត្ថបទ៖ គឹម ហុក

ឧទ្យានជាតិគិរីរម្យ កំពុងក្លាយជាមជ្ឈមណ្ឌលវប្បធម៌ និងព្រះពុទ្ធសាសនាដ៏ធំនៅកម្ពុជា និងជាកន្លែងទេសចរណ៍ដ៏មានសក្ដានុពល

កំពង់ស្ពឺ៖ អភិបាលខេត្តកំពង់ស្ពឺ ឯកឧត្តមបណ្ឌិត ជាម ច័ន្ទសោភ័ណ បានថ្លែងថា សមិទ្ធផលនានារបស់មជ្ឈមណ្ឌលវប្បធម៌ និងព្រះពុទ្ធសាសនាកម្ពុជា ស្ថិតនៅឧទ្យានជាតិព្រះសុរាម្រិតកុសុមៈគីរីរម្យដែលគ្រប់គ្នាស្គាល់ថាជាឧទ្យានជាតិគិរីរម្យ ក្នុងភូមិថ្មី ឃុំចំបក់ ស្រុកភ្នំស្រួច កំពុងជួយលើកកម្ពស់សាសនា រួមចំណែកដល់ការទាក់ទាញភ្ញៀវទេសចរជាតិ អន្តរជាតិមកលេងកម្សាន្តកាន់តែច្រើន។ ការលើកឡើងដូច្នេះ ធ្វើឡើងក្នុងឱកាសដាក់សម្ពោធឱ្យប្រើប្រាស់ជាផ្លូវការនូវសមិទ្ធផលនានា ក្រោមការផ្តួចផ្តើមសាងសង់ដោយឧបាសិកា ឧកញ៉ា ញ៉ឹក ប៊ុនថា ថ្ងៃទី២៩ ខែមីនា ឆ្នាំ២០២៦។ឯកឧត្តមអភិបាលខេត្ត ជាម ច័ន្ទសោភ័ណ មានប្រសាសន៍ថា វិស័យទេសចរណ៍វត្តអារាមនាពេលបច្ចុប្បន្នកំពុងតែទាក់ទាញភ្ញៀវទេសចរជាតិ អន្តរជាតិយ៉ាងខ្លាំង ខណៈដែលចង់ស្គាល់ និងឈ្វេងយល់បានកាន់តែច្បាស់អំពីព្រះពុទ្ធសាសនាដែលជាសាសនារបស់រដ្ឋ ។ ជាមួយនឹងវិស័យទេសចរណ៍វត្តអារាម មជ្ឈមណ្ឌលវប្បធម៌ និងព្រះពុទ្ធសាសនាដែលបាននិងកំពុងសាងសង់លើផ្ទៃដីប្រមាណជាង ២០០ហិកតា ចំណាយទឹកប្រាក់អស់ប្រមាណជាង ១៤លានដុល្លារ ស្ថិតក្នុងសួនកុសមៈគីរីរម្យក៏បានក្លាយជាគោលដៅ ទេសចរណ៍ សម្រាប់ភ្ញៀវទេសចរបរទេសដែលចង់ឈ្វេងយល់ពីព្រះពុទ្ធសាសនានេះផងដែរ។ មិនតែប៉ុណ្ណោះ មជ្ឈមណ្ឌលនេះក៏នឹងបន្តរួមចំណែកមួយក្នុងការស្រូបទាញភ្ញៀវទេសចរទាំងក្នុងស្រុក និងអន្តរជាតិ ជាពិសេសសម្រាប់អ្នកដែលមានជំនឿមុតមាំ និងអ្នកដែលមានវិបត្តិផ្លូវចិត្ត។ជាមួយនោះឯកឧត្តមបណ្ឌិត ជាម ច័ន្ទសោភ័ណ បានសង្កត់ធ្ងន់ថា ការរៀបចំមជ្ឈមណ្ឌលវប្បធម៌ និងព្រះពុទ្ធសាសនានៅលើខ្នងភ្នំគីរីរម្យដែលជាបម្រើឱ្យវិស័យទេសចរណ៍សាសនា មិនមែនសំដៅតែលើព្រះពុទ្ធសាសនាមួយមុខនោះទេ ប៉ុន្តែត្រូវបើកទូលាយដល់គ្រប់សាសនាទាំងអស់ ដែលមានវត្តមាននៅកម្ពុជា។ឯកឧត្តម បានបញ្ជាក់ថា ដូច្នេះការរំពឹងទុកសម្រាប់ឆ្នាំ២០២៦ និងឆ្នាំបន្តបន្ទាប់ទៅមុខទៀត ភ្ញៀវទេសចរនឹងអាចមានការកើនឡើងច្រើនបន្ថែមទៀត ខណៈនៅឆ្នាំ២០២៥ ខេត្តកំពង់ស្ពឺបានទទួលបានភ្ញៀវទេសចរមកលេងកម្សាន្តនៅតាមបណ្តាគោលដៅទេសចរទាំង២៩កន្លែង បានប្រមាណជិត ២លាននាក់រួចមកហើយ ៕ អត្ថបទ៖ បាន សុខរិទ្ធិ

សមភាពយេនឌ័រ និងបរិយាបន្នអភិបាលកិច្ចទឹក គឺជាគន្លឹះនៃការអភិវឌ្ឍន៍ប្រកបដោយចីរភាព

ស្ថាបន័រាជរដ្ឋាភិបាលកម្ពុជា រួមជាមួយ ទីភ្នាក់ងារអង្គការសហប្រជាជាតិ អង្គការសង្គមស៊ីវិល និងដៃគូអភិវឌ្ឍន៍ជាច្រើនផ្សេងទៀត នៅថ្ងៃទី៣០ ខែមីនានេះ បានរៀបចំកម្មវិធីសម្ពោធរបាយការណ៍អង្គការសហប្រជាជាតិ ស្តីពីការអភិវឌ្ឍទឹកពិភពលោកឆ្នាំ២០២៦ បន្ទាប់ពីបានពិភាក្សាគ្នាយ៉ាងលម្អិតក្នុងការពង្រឹងសមភាពយេនឌ័រ និងការធ្វើឱ្យមានបរិយាបន្នលើគោលនយោបាយ និងការអនុវត្តបញ្ហាទឹកស្អាត និងអនាម័យនៅកម្ពុជា។នៅពេលនិយាយអំពីទឹកសមភាពយេនឌ័រ និងបរិយាបន្ននាំទៅរកឱកាសកាន់តែប្រសើរសម្រាប់ទាំងអស់គ្នា។ សមភាពយេនឌ័រ គឺជាដំណើរការដ៏សំខាន់មួយសម្រាប់សិទ្ធិទទួលបាន និងការប្រើប្រាស់ទឹកប្រកបដោយយុត្តិធម៌។ នេះគឺជាសេចក្តីសន្និដ្ឋានដ៏សំខាន់មួយនៃរបាយការណ៍អភិវឌ្ឍន៍ទឹកពិភពលោកឆ្នាំ២០២៦ របស់អង្គការសហប្រជាជាតិ (WWDR) ដែលបោះពុម្ពដោយអង្គការ យូណេស្កូ ក្នុងនាម UN-Water ។នៅក្រោយកម្មវិធីសម្ពោធរបាយការណ៍អង្គការសហប្រជាជាតិនេះ លោកស្រី ភាណ សោភ័ណ នាយិកាអង្គការអុកស្វាម បានឱ្យដឹងថា យោងតាមទិន្នន័យនៃគោលដៅអភិវឌ្ឍន៍ប្រកបដោយចីរភាព ស្តីពីការប្រើប្រាស់ទឹក ប្រជាជនកម្ពុជាជាង ៣៣% បានប្រើប្រាស់សេវាទឹកដែលមានការគ្រប់គ្រងដោយសុវត្ថិភាពក្នុងឆ្នាំ២០២៤។ ប្រទេសកម្ពុជា មានធនធានទឹកច្រើន រួមទាំងទន្លេមេគង្គ និងបឹងទន្លេសាប ប៉ុន្តែតំបន់ជាច្រើនប្រឈមមុខនឹងការខ្វះខាតទឹកធ្ងន់ធ្ងរក្នុងរដូវប្រាំង ដែលប៉ះពាល់ដល់ធនធានទឹក និងសុវត្ថិភាពរបស់សហគមន៍ក្នុងការប្រកបរបរការចិញ្ចឹមជីវិត។នៅក្នុងកម្មវិធីនេះ លោកជំទាវ ងិន លីណា រដ្ឋលេខាធិការ និងជាប្រធានក្រុមការងារយេនឌ័រ នៃក្រសួងបរិស្ថាន បានមានប្រសាសន៍ថា សន្តិសុខទឹកសម្រាប់ទាំងអស់គ្នា គឺជាអាទិភាពគោលនយោបាយរបស់រាជរដ្ឋាភិបាល ហើយវាបាននឹងកំពុងកៀងគរកិច្ចសហការពីវិស័យជាច្រើន និងភាពជាដៃគូសម្រាប់ការអនុវត្តអភិបាលកិច្ចទឹកដែលប្រកបដោយបរិយាបន្នអោយកាន់តែប្រសើរឡើង។ បរិយាកាស និងសកម្មភាពជាច្រើន ត្រូវបានគាំទ្រដែលធ្វើអោយប្រសើរឡើងនូវភាពជាអ្នកដឹកនាំរបស់ស្ត្រី និងការចូលរួមក្នុងការសម្រេចចិត្តការងារអភិបាលកិច្ចទឹក រួមទាំងការពាក់ព័ន្ធនឹងលទ្ធភាពទទួលបានហិរញ្ញវត្ថុដែលមានតម្លៃសមរម្យសម្រាប់សហគ្រិនភាពរបស់ស្ត្រី។ជុំវិញបញ្ហានេះ តំណាងអង្គការយូណេស្កូប្រចាំកម្ពុជា លោក Flavio Bonetti បានលើកឡើងពីការប្តេជ្ញាចិត្តរបស់អង្គការយូណេស្កូ ក្នុងការពង្រឹងទំនាក់ទំនងរវាងអភិបាលកិច្ចទឹក សមភាពយេនឌ័រ និងការអភិវឌ្ឍន៍ប្រកបដោយចីរភាព។ នៅក្នុងអាងទន្លេមេគង្គក្រោម អង្គការយូណេស្កូកំពុងធ្វើការទាក់ទងនិងគម្លាតរវាង ទិន្នន័យនិងសមត្ថភាពក្នុងការគ្រប់គ្រងទឹកក្រោមដីឆ្លងព្រំដែន ព្រមទាំងការងារលើកកម្ពស់ការចូលរួមដោយស្មើភាពរបស់ស្ត្រីតាមរយៈចំណុចបង្គោលយេនឌ័រ និងផែនការសកម្មភាពយេនឌ័រទឹកក្រោមដី៕ អត្ថបទ៖ ឈិត បូរ៉ាវី

រដ្ឋសភាបានអនុម័តសេចក្តីព្រាងច្បាប់ស្តីពី ការប្រឆាំងការឆបោកតាមប្រព័ន្ធបច្ចេកវិទ្យា និងសេចក្តីស្នើច្បាប់ស្តីពីវិសោធនកម្មច្បាប់ ស្តីពីការបោះឆ្នោតជ្រើសតាំងសមាជិកព្រឹទ្ធសភា

ភ្នំពេញ៖ សេចក្តីព្រាងច្បាប់ស្តីពីការប្រឆាំងការឆបោកតាមប្រព័ន្ធបច្ចេកវិទ្យា និងសេចក្តីស្នើច្បាប់ស្តីពីវិសោធនកម្មច្បាប់ស្តីពីការបោះឆ្នោតជ្រើសតាំងសមាជិកព្រឹទ្ធសភា ត្រូវបានរដ្ឋសភាអនុម័ត នៅព្រឹកថ្ងៃទី៣០ ខែមីនា ឆ្នាំ២០២៦។សម្តេចមហារដ្ឋសភាធិការធិបតី ឃួន សុដារី ប្រធានរដ្ឋសភា បានអញ្ជើញបន្តដឹកនាំសម័យប្រជុំរដ្ឋសភាលើកទី៥ នីតិកាលទី៧ ដើម្បីពិភាក្សា និងអនុម័តសេចក្តីព្រាងច្បាប់និងសេចក្តីស្នើច្បាប់ទំាងពីរនេះ។ ១) សេចក្តីព្រាងច្បាប់ស្តីពីការប្រឆាំងការឆបោកតាមប្រព័ន្ធបច្ចេកវិទ្យាសេចក្តីព្រាងច្បាប់នេះ មាន ៥ជំពូក និង ២៤មាត្រា នឹងរួមចំណែកយ៉ាងសំខាន់ក្នុងការដោះស្រាយបញ្ហាប្រឈម តាមរយៈការបង្កើតវិធានព្រហ្មទណ្ឌ ដើម្បីបំពេញចន្លោះខ្វះខាតនៃច្បាប់បច្ចុប្បន្ន ក៏ដូចជាលើកកម្ពស់ប្រសិទ្ធភាពនៃការប្រយុទ្ធប្រឆាំងការឆបោកតាមប្រព័ន្ធបច្ចេកវិទ្យា សំដៅចូលរួមថែរក្សា និងការពារសន្តិសុខ សណ្តាប់ធ្នាប់សាធារណៈ ព្រមទាំងលើកកម្ពស់ប្រសិទ្ធភាពនៃកិច្ចសហប្រតិបត្តិការក្នុងការប្រយុទ្ធប្រឆាំងនឹងឧក្រិដ្ឋកម្មនេះ។អង្គសភាបានអនុម័តយល់ព្រមលើសេចក្តីព្រាងច្បាប់ទាំងមូល ចំនួន ១១២ សំឡេង នៃចំនួនសមាជិក រដ្ឋសភាទាំងអស់។២) សេចក្តីស្នើច្បាប់ស្តីពីវិសោធនកម្មច្បាប់ស្តីពីការបោះឆ្នោតជ្រើសតាំងសមាជិកព្រឹទ្ធសភាដោយហេតុថា ច្បាប់ស្តីពីការបោះឆ្នោតជ្រើសតាំងសមាជិកព្រឹទ្ធសភា ដែលបានប្រកាសឱ្យប្រើប្រាស់ កាលពីឆ្នាំ២០០៥ បានកំណត់មណ្ឌលបោះឆ្នោតជាភូមិភាគ ដែលមានខេត្តច្រើនបញ្ចូលគ្នា មានវិសាលភាពដែនដីធំទូលាយ បង្កើតជាឧបសគ្គសម្រាប់ទំនាក់ទំនងរវាងសមាជិកព្រឹទ្ធសភាជាមួយអង្គបោះឆ្នោត ពោលគឺ គណនេយ្យភាព និងប្រសិទ្ធភាពការងាររបស់សមាជិកព្រឹទ្ធសភា នៅមានកម្រិត។ដោយមើលឃើញនូវបញ្ហាចំពោះមុខ និងគោលបំណងពង្រឹងប្រសិទ្ធភាពនៃការអនុវត្តមុខងារតំណាង បង្កើនគណនេយ្យភាព ព្រមទាំងបង្ខិតសមាជិកព្រឹទ្ធសភាឱ្យកាន់តែជិតស្និទ្ធជាមួយអង្គបោះឆ្នោត និងប្រជាពលរដ្ឋនៅមូលដ្ឋាន។ខ្លឹមសារនៃសេចក្តីស្នើច្បាប់នេះ ត្រូវធ្វើវិសោធនកម្មលើមាត្រា ដូចជា៖ មាត្រា ៨ ថ្មី មាត្រា ៩ មាត្រា ១០ មាត្រា ១៤ មាត្រា ១៧ មាត្រា ១៨ មាត្រា ២៣ និងមាត្រា ២៨ ដើម្បីធានាភាពសមស្រប គណនេយ្យភាព និងប្រសិទ្ធភាពក្នុងការអនុវត្តមុខងារតំណាងរបស់សមាជិកព្រឹទ្ធសភា។អង្គសភាបានអនុម័តយល់ព្រមលើសេចក្ដីស្នើច្បាប់ទាំងមូល ចំនួន ១១២ សំឡេង នៃចំនួនសមាជិក រដ្ឋសភាទាំងអស់។ដោយសម័យប្រជុំរដ្ឋសភាលើកទី៥ នីតិកាលទី៧ បានដំណើរការចាប់ពីថ្ងៃទី២៨ ខែវិច្ឆិកា ឆ្នាំ២០២៥ រហូតដល់ពេលនេះ មានរយៈពេលជាងបីខែ ស្របតាមការកំណត់របស់ច្បាប់ហើយនោះ សម្តេចមហារដ្ឋសភាធិការធិបតី ឃួន សុដារី ប្រធានរដ្ឋសភា បានប្រកាសបិទសម័យប្រជុំរដ្ឋសភាលើកទី៥ នីតិកាលទី៧ ចាប់ពីថ្ងៃទី៣០ ខែមីនា ឆ្នាំ២០២៦ តទៅ ៕

ក្រុម AOT បន្តចុះសង្កេតការណ៍ផ្ទាល់អំពីស្ថានភាពព្រំដែននៅខេត្តឧត្តរមានជ័យ និងបន្ទាយមានជ័យ

កាលពីថ្ងៃទី២៨ និង២៩ ខែមីនា ឆ្នាំ២០២៦នេះ ក្រុមអ្នកសង្កេតការណ៍អាស៊ាន (AOT) ចុះសង្កេតការណ៍ ផ្ទៀងផ្ទាត់ និងរាយការណ៍ អំពីស្ថានភាពព្រំដែននៅតំបន់ច្រកអូរស្មាច់ ក្រុងសំរោង ខេត្តឧត្តរមានជ័យ និងស្ថានភាពព្រំដែននៅតំបន់ច្រកបឹងត្រកួន ខេត្តបន្ទាយមានជ័យ លើការគោរព និងអនុវត្តវិធានការទាំងអស់ក្នុងសេចក្តីប្រកាសរួម ក្រោយបទឈប់បាញ់ចូលជាធរមានរវាងកម្ពុជា និងថៃ។ឯកឧត្តម ប៉ែន បូណា អ្នកនាំពាក្យរាជរដ្ឋាភិបាលកម្ពុជា បានបញ្ជាក់ជាថ្មីតាមរយៈសន្និសីទសារព័ត៌មាននៅថ្ងៃទី៣០ ខែមីនា ឆ្នាំ២០២៦នេះថា ការចុះសង្កេតការណ៍លើកនេះ គឺជាបេសកកម្មនៃការចុះសង្កេតការណ៍ប្តូរវេនរវាងប្រធានក្រុមអ្នកសង្កេតការណ៍ចប់អាណត្តិម៉ាឡេស៊ី ដែលនឹងត្រូវផ្ទេរជូនប្រទេសហ្វីលីពីនដឹកនាំបន្ត ក្នុងនាមជាប្រធានអាស៊ានប្តូរវេន និងជាប្រធានដឹកនាំក្រុមអ្នកសង្កេតការណ៍អាស៊ាន (AOT) បន្ត ប្រចាំនៅព្រះរាជាណាចក្រកម្ពុជា។ឯកឧត្តមអ្នកនាំពាក្យថ្លែងថា សកម្មភាពរបស់ក្រុមអ្នកសង្កេតការណ៍អាស៊ាន (AOT) និងវិធានការការទូតសកម្មរបស់រាជរដ្ឋាភិបាលជាបន្តបន្ទាប់នេះ បានបង្ហាញយ៉ាងច្បាស់ពីការយកចិត្តទុកដាក់គ្រប់ជ្រុងជ្រោយរបស់រាជរដ្ឋាភិបាល និងថ្នាក់ដឹកនាំចំពោះការការពារបូរណភាពទឹកដី និងប្រជាពលរដ្ឋ ជាពិសេសការយកចិត្តទុកដាក់ចំពោះវីរកងទ័ពជួរមុខ ប្រជាពលរដ្ឋគ្រប់មជ្ឈដ្ឋាន។ឯកឧត្តមបានថ្លែងថា នៅថ្ងៃអាទិត្យទី២៩ ខែមីនា ឆ្នាំ២០២៦ ក្រុមសម្របសម្រួល (CLG) នៃព្រះរាជាណាចក្រកម្ពុជា បានសម្របសម្រួលដល់ក្រុមអ្នកសង្កេតការណ៍អាស៊ាន (AOT) ចុះសង្កេតការណ៍ ផ្ទៀងផ្ទាត់ និងរាយការណ៍ អំពីស្ថានភាពព្រំដែននៅតំបន់ច្រកអូរស្មាច់ ក្រុងសំរោង ខេត្តឧត្តរមានជ័យ ដោយផ្តោតលើការគោរពនិងអនុវត្តវិធានការទាំងអស់ក្នុងសេចក្តីប្រកាសរួមថ្ងៃទី២៧ ខែធ្នូ ឆ្នាំ ២០២៥ ក្រោយបទឈប់បាញ់ចូលជាធរមាន។ កាលពីថ្ងៃសៅរ៍ ទី២៨ ខែមីនា ឆ្នាំ ២០២៦ ក្រុមអ្នកសង្កេតការណ៍អាស៊ាន (AOT) ក៏បានចុះទៅសង្កេតការណ៍ ផ្ទៀងផ្ទាត់ និងរាយការណ៍ អំពីស្ថានភាពព្រំដែននៅតំបន់ច្រកបឹងត្រកួននិងតំបន់ភូមិព្រៃចាន់ ខេត្តបន្ទាយមានជ័យ។ ដោយឡែក នៅថ្ងៃអាទិត្យទី ២៩ ខែមីនា ឆ្នាំ ២០២៦ដដែល ប្រទេសវៀតណាមបានបញ្ជូននាយទាហានបន្តវេនពីររូបកមចូលរួមជាមួយក្រុមAOTប្រចាំកម្ពុជាក្រោមការដឹកនាំរបស់ហ្វីលីពីនក្នុងនាមជាប្រធានប្តូរវេនអាស៊ានឆ្នាំ ២០២៦។ អ្នកនាំពាក្យរាជរដ្ឋាភិបាលកម្ពុជាបញ្ជាក់ជាថ្មីថា រាជរដ្ឋាភិបាល និងក្រសួងការពារជាតិកម្ពុជានៅតែបញ្ជាក់ពីការប្តេជ្ញាចិត្តយ៉ាងម៉ឺងម៉ាត់ ស្មោះត្រង់ ប្រកបដោយការទទួលខុសត្រូវខ្ពស់ក្នុងការគោរព និងអនុវត្តយ៉ាងពេញលេញ និងខ្ជាប់ខ្ជួនបំផុតនូវសេចក្តីប្រកាសរួមនៃកិច្ចប្រជុំពិសេសលើកទី៣ នៃគណៈកម្មាធិការព្រំដែនទូទៅកម្ពុជា-ថៃ (GBC) ថ្ងៃទី២៧ ខែធ្នូ ឆ្នាំ២០២៥, សេចក្តីថ្លែងការណ៍រួមស្តីពីកិច្ចព្រមព្រៀងសន្តិភាពរវាងកម្ពុជានិងថៃ ថ្ងៃទី២៦ ខែតុលា ឆ្នាំ២០២៥ និងកិច្ចព្រមព្រៀងពាក់ព័ន្ធផ្សេងទៀត ដើម្បីឆ្ពោះទៅការធ្វើឱ្យប្រសើរឡើងវិញឆាប់រហ័ស និងការវិលត្រឡប់ទៅរកប្រក្រតីភាព សន្តិភាព ស្ថិរភាព យូរអង្វែង៕

គណបក្សនយោបាយសម្ព័ន្ធភាព បង្ហាញជំហររបស់ខ្លួនក្នុងការចូលរួមដោះស្រាយបញ្ហារួមសម្រាប់ជាតិ

ភ្នំពេញ៖ គណបក្សនយោបាយសម្ព័ន្ធភាព ដែលមានចំនួន ២៩ គណបក្ស បានបង្ហាញជំហររបស់ខ្លួនក្នុងការចូលរួមដោះស្រាយបញ្ហាដែលជាកង្វល់រួមសម្រាប់ជាតិ និងប្រជាជន។ អ្វីដែលសំខាន់ផ្តោតលើការសាមគ្គីភាពដើម្បីរួមគ្នាជួយជាតិ មាតុភូមិ និងរក្សាឲ្យបានសន្តិភាព និងការអភិវឌ្ឍន៍ជាតិ។ ការបង្ហាញជំហរនេះ ក្នុងកិច្ចប្រជុំដើម្បីពិភាក្សាលើវឌ្ឍនភាព នៃសភាពការណ៍កម្ពុជា និងការងារគណបក្សនយោបាយសម្ព័ន្ធភាព នៅវិមាន៧មករា នៅព្រឹកថ្ងៃទី៣០ ខែមីនា ឆ្នាំ២០២៦។ កិច្ចប្រជុំដឹកនាំដោយឯកឧត្តម សោម សឿន ប្រធានក្រុមការងារសម្របសម្រួលនៃគណបក្សនយោបាយសម្ព័ន្ធភាព។ឯកឧត្តម សោម សឿន ប្រធានក្រុមការងារសម្របសម្រួលនៃគណបក្សនយោបាយសម្ព័ន្ធភាពបានមានប្រសាសន៍ថា កិច្ចប្រជុំនយោបាយសម្ព័ន្ធភាព គឺដើម្បីពិនិត្យឡើងវិញអំពីវឌ្ឍនភាពនៃសភាពការណ៍កម្ពុជានៅក្នុងពេលបច្ចុប្បន្នពាក់ព័ន្ធបញ្ហាព្រំដែនកម្ពុជា ថៃ ដែលភាគីថៃរំលោភបំពានមកលើបូរណភាពទឹកដីកម្ពុជា និងការងារគណបក្សនយោបាយសម្ព័ន្ធភាព។ ឯកឧត្តមបានលើកឡើងថា សភាពការណ៍តំបន់ និងពិភពលោកកំពុងប្រែប្រួលយ៉ាងលឿន ស្មុគស្មាញហួសពីការស្មាន។ ហើយវាបានជះឥទ្ធផលដល់សេដ្ឋកិច្ច និងប្រេងឥន្ធនៈដែលរាជរដ្ឋាភិបាលកម្ពុជាបានខិតខំដោះស្រាយបន្ថយពន្ធប្រេងឥន្ធនៈ និងការចំណាយឧបត្ថម្ភបន្ថែមដល់កម្មករ និងបានដាក់ចេញនៅនយោបាយការប្រើប្រាស់ប្រេងឥន្ធនៈស្ថាប័នជាតិ ស្ថាប័នរដ្ឋ ក៏ដូចជារដ្ឋបាលថ្នាក់ក្រោមជាតិ កាត់បន្ថយការប្រើប្រាស់ការធ្វើដំណើរដែលមិនចាំបាច់។ចំណែកលោកជំទាវ ពោធិតី សាវត្ថី ប្រធានគណបក្សធម្មាធិបតេយ្យបានថ្លែងថា កិច្ចប្រជុំគណបក្សនយោបាយសម្ព័ន្ធភាព ទាំង២៩គណបក្ស នៅថ្ងៃនេះស្តីពីសភាពជាក់ស្តែងព្រំដែនកម្ពុជា ថៃ និងការងារគណបក្សនយោបាយសម្ព័ន្ធភាព គឺដើម្បីជួយគ្នាឲ្យនាវាកម្ពុជាឆ្ពោះទៅមុខ ទាំងការគ្រប់គ្រងទឹកដី ទាំងសេដ្ឋកិច្ចក្នុងតំបន់ និងពិភពលោកដែលកំពុងតែមានបញ្ហាដូចជានៅមជ្ឈឹមបូព៌ា។ចំណែកឯកឧត្តម ហ៊ាង គឹមស្រឿន ប្រធានគណបក្សមហាសាមគ្កីជាតិខ្មែរ បានថ្លែងថា ការប្រជុំនេះ គឺផ្លាស់ប្តូរយោបល់រវាងគណបក្សនយោបាយ និងគណបក្សនយោបាយ និងអំពីសកម្មភាពជាប្រចាំរបស់គណបក្សនយោបាយនិមួយៗ រួមទាំងបញ្ហាដែលជាកង្វល់រួមសម្រាប់បម្រើជូនជាតិ និងប្រជាជាតិ។ អ្វីដែលសំខាន់ផ្តោតលើការសាមគ្គីភាពដើម្បីរួមគ្នាជួយជាតិ មាតុភូមិ និងរក្សាឲ្យបានសន្តិភាពនិងការអភិវឌ្ឍន៍ជាតិ។ ជាក់ស្តែងបញ្ហាប្រឈមសង្គ្រាមនៅមជ្ឈឹមបូព៌ា គឺកំពុងតែជួបបញ្ហាវិបត្តិសេដ្ឋកិច្ចពិភពលោកជាសកល ហើយនេះក៏ជាកង្វល់របស់យើងទាំងអស់គ្នា ដោយសម្រាប់កម្ពុជាក៏ជួបបញ្ហាប្រឈមទាំងអស់នេះដែរ។រីឯឯកឧត្តម គង់្គ ប៊ុនធឿន ប្រធានគណបក្សចលនាប្រជាធិបតេយ្យ បានថ្លែងថា កិច្ចប្រជុំនេះ គឺមានសារសំខាន់ណាស់សម្រាប់គណបក្សនយោបាយសម្ព័ន្ធភាព ដោយសភាពការណ៍នយោបាយនៅកម្ពុជា ក៏ដូចជាសភាពការណ៍ទូទៅនៅខាងក្រៅប្រទេស គឺការពង្រឹងនៃសម្ព័ន្ធភាពជាការល្អ និងមានខ្លឹមសារអត្ថន័យជ្រាលជ្រៅចំពោះសម្ព័ន្ធភាពដែលសម្តេចតេជោ ហ៊ុន សែន បានមានអនុសាសន៍ដ៏ល្អខ្ពង់ខ្ពស់។ ហើយមានមោទនភាពដែលមានសម្តេចតេជោដែលជាឥស្សរជនជាអ្នកដឹកនាំនយោបាយជាន់ខ្ពស់ មានបទពិសោធន៍ និងចក្ខុវិស័យវែងឆ្ងាយ។គួរបញ្ជាក់ថា សម្ព័ន្ធភាពរវាងបក្សនយោបាយចំនួន២៨ ជាមួយគណបក្សប្រជាជនកម្ពុជា គឺមានគោលដៅយូរអង្វែង សម្រាប់ប្រទេសកម្ពុជា។ ការចងសម្ព័ន្ធនេះ ជាការឆ្លុះបញ្ចាំងអំពីសាមគ្គីភាព នៃការថែរក្សាសន្តិភាព និងការអភិវឌ្ឍរបស់កម្ពុជា៕ អត្ថបទ៖ វង្ស សុភាព

ឯកឧត្តម ហ៊ុន ម៉ានី ជួបសំណេះសំណាលសួរសុខទុក្ខបងប្អូនភៀសសឹកកំពុងស្នាក់នៅមណ្ឌលវត្តជ្រោយនាងងួន

នៅរសៀលថ្ងៃទី២៩ ខែមីនា ឆ្នាំ២០២៦នេះ ឯកឧត្តម ហ៊ុន ម៉ានី ឧបនាយករដ្ឋមន្ត្រី រដ្ឋមន្ត្រីក្រសួងមុខងារសាធារណៈ និងជាប្រធានសហភាពសហព័ន្ធយុវជនកម្ពុជា ឯកឧត្តម ប្រាក់ សោភ័ណ អភិបាលខេត្តសៀមរាប និងប្រតិភូអមដំណើរ បានចុះជួបសំណេះសំណាលសួរសុខទុក្ខ និងបង្កើតឱ្យមានកម្មពិធីជួបជុំអាហារសាមគ្គីឆ្នាំថ្មី ឆ្នាំ២០២៦ ជាមួយបងប្អូនភៀសសឹកកំពុងស្នាក់នៅមណ្ឌលសុវត្ថិភាពវត្តជ្រោយនាងងួន ស្រុកស្រីស្នំ ខេត្តសៀមរាប ក្នុងស្មារតីមហាគ្រួសារខ្មែរ ក្នុងគ្រាលំបាកដោយមិនទុកប្រជាជនខ្មែរណាម្នាក់នៅឯកោនោះឡើយ ។ឯកឧត្តម ហ៊ុន ម៉ានី មានប្រសាសន៍ថា ក្នុងឱកាសនេះ ក្រុមគ្រួសារសហភាពសហព័ន្ធយុវជនកម្ពុជា បានបន្តមកចូលរួមកម្មវិធីជួបជុំជាមួយបងប្អូនជនភៀសសឹក ដែលនេះលើសពីការផ្ដល់នូវភាពសប្បាយរីករាយ និងរំសាយទុក្ខកង្វល់ នេះក៏ជាពេលវេលាដែលពួកយើងនៅជួរក្រោយបានមករួបរួមជាមួយបងប្អូនក្នុងនាមជាមហាគ្រួសារខ្មែរតែមួយផងដែរ។ យើងមិនទៅណាចោលបងប្អូនទាំងអស់គ្នាទេ ហើយយើងនឹងរួបរួមគ្នា ប្រកៀកស្មាគ្នាឆ្លងកាត់គ្រាលំបាកនេះជាមួយគ្នា។ឯកឧត្តម មានប្រសាសន៍បន្តថា ក្នុងកាលៈទេសៈលំបាកនេះ សូមឱ្យប្រជាពលរដ្ឋយើងជឿជាក់លើរាជរដ្ឋាភិបាលកម្ពុជា ក្នុងការស្វែងរកដំណោះស្រាយដោយសន្តិវិធី ដើម្បីផ្ដល់លទ្ធភាពគ្រប់គ្រាន់ដល់បងប្អូនភៀសសឹក អាចត្រឡប់ទៅលំនៅឋានវិញដោយសុវត្ថិភាព ខណៈរាជរដ្ឋាភិបាលកម្ពុជា នឹងឈរនៅជាមួយប្រជាពលរដ្ឋយើងគ្រប់ពេលវេលា លើស្មារតីស្ងាត់តែមិនស្ងៀម។លោក ហ៊ន់ ឫទ្ធិ អភិបាលស្រុកស្រីស្នំ មានប្រសាសន៍ថា ដោយទទួលបានណែនាំពីរដ្ឋបាលខេត្ត រដ្ឋបាលស្រុកបានរៀបចំទីតាំងសុវត្ថិភាពចំនួន៦ទីតាំងផ្សេងពីគ្នា និងមានក្រុមការងារសម្រាប់គ្រប់គ្រង និងសម្របសម្រួលជនភៀសសឹក ដែលស្នាក់នៅតាមមណ្ឌលនីមួយៗ ដោយស្មារតីទទួលខុសត្រូវខ្ពស់ពីសុខទុក្ខរបស់បងប្អូនភៀសសឹកទាំងអស់ ដែលបានគិតគូរទាំងកន្លែងស្នាក់នៅ ស្បៀងអាហារ និង សន្តិសុខសណ្ដាប់ធ្នាប់ សុវត្ថិភាពជាដើម។លោក អភិបាលស្រុកមានប្រសាសន៍បន្តថា ក្នុងឱកាសនៃការចុះជួបសំណេះសំណាល និងសួរសុខទុក្ខ នាពេលនេះ សបញ្ជាក់ពីកាយវិការយកចិត្តទុកដាក់ខ្ពស់ ពីសំណាក់រាជរដ្ឋាភិបាលកម្ពុជា ជាពិសេសគ្រួសារសហភាពសហព័ន្ធយុវជនកម្ពុជា និង អាជ្ញាធរខេត្ត ចំពោះបងប្អូនភៀសសឹក ប្រកបដោយសាមគ្គីភាព និង ភាពកក់ក្ដៅ៕

សហគ្រិនវិស័យឡូជីស្ទីកនៅកម្ពុជា៖ រថយន្តអគ្គិសនីជួយកាត់បន្ថយសម្ពាធតម្លៃប្រេងលើទីផ្សារ

ក្នុងបរិបទដែលតម្លៃប្រេងឥន្ធនៈលើទីផ្សាសកលកំពុងមានការកើនឡើងជាបន្តបន្ទាប់ ការប្រើប្រាស់រថយន្តអគ្គិសនីកំពុងត្រូវបានចាត់ទុកថា ជាជម្រើសសំខាន់មួយ ដើម្បីកាត់បន្ថយការពឹងផ្អែកលើប្រេងឥន្ធនៈ និងជួយបន្ថយសម្ពាធអថិផរណានៅលើទីផ្សារ ខណៈនិន្នាការប្រើប្រាស់យានយន្តអគ្គិសនីនៅកម្ពុជាកំពុងកើនឡើងដល់ជាង ១៤,០០០គ្រឿង គិតត្រឹមខែកុម្ភៈ ឆ្នាំ ២០២៦។ក្នុងកិច្ចសម្ភាសន៍ផ្តាច់មុខជាមួយ BTV អ្នកឧកញ៉ា សួរ វីរៈ អគ្គនាយកក្រុមហ៊ុនវិរៈ ប៊ុនថាំ ដែលជាក្រុមហ៊ុនដឹកអ្នកដំណើរ និងឡូជីស្ទីកឈានមុខគេនៅកម្ពុជា បានលើកឡើងថា ក្រុមហ៊ុនលោកគឺជាក្រុមហ៊ុនដំបូងគេដែលបានប្រើប្រាស់រថយន្តអគ្គិសនីច្រើនបំផុតសម្រាប់ដឹកជញ្ជូនអ្នកដំណើរ និងដឹកជញ្ជូនទំនិញ។ សព្វថ្ងៃ ក្រុមហ៊ុនលោកមានរថយន្តអគ្គិសនីជាង ២០០គ្រឿងកំពុងដំណើរការ ក្នុងនោះ រថយន្តអគ្គិសនីដឹកអ្នកដំណើរមានចំនួនជាង ៥០គ្រឿង។ អ្នកឧកញ៉ា អះអាងថា ក្នុងអំឡុងពេលដែលតម្លៃប្រេងឥន្ធនៈអន្តរជាតិកំពុងកើនឡើង ការប្រើប្រាស់រថយន្តអគ្គិសនីបានរួមចំណែកយ៉ាងសំខាន់ក្នុងការទប់ស្កាត់អថិផរណាប្រេង ហើយជួយឲ្យក្រុមហ៊ុនមិនចាំបាច់បង្កើនថ្លៃសេវាខ្លាំងពេក។ ជាក់ស្តែង តម្លៃបញ្ញើទំនិញបានកើនត្រឹមតែ ៥០០ រៀលក្នុងមួយកញ្ចប់ ខណៈតម្លៃដឹកអ្នកដំណើរឡើងនៅចន្លោះពី ៦,០០០ ដល់ ៨,០០០ រៀលក្នុងមួយសំបុត្រ ដែលអាស្រ័យទៅលើចម្ងាយផ្លូវ។ ទន្ទឹមនឹងនេះ អ្នកឧកញ៉ាបានកោតសរសើរដល់រាជរដ្ឋាភិបាល ដែលបានជួយជ្រោមជ្រែងវិស័យឯកជន តាមរយៈការបញ្ចុះពន្ធគយនាំចូលរថយន្តអគ្គិសនី និងការសម្របសម្រួលលើការវិនិយោគស្ថានីយសាកថ្ម។គិតមកដល់ពេលនេះ ក្រុមហ៊ុនលោកបានបង្កើតស្ថានីយសាករថយន្តអគ្គិសនីស្ទើរតែគ្របដណ្តប់ទាំង ២៥ រាជធានី-ខេត្ត ហើយ ក្នុងខែមីនានេះ ក្រុមហ៊ុនបានបញ្ជាទិញរថយន្តអគ្គិសនីបន្ថែមប្រមាណ ៣០០ គ្រឿងទៀត។ ឯកឧត្តម ផន រឹម អ្នកនាំពាក្យក្រសួងសាធារណការ និងដឹកជញ្ជូន កាលពីថ្មីៗនេះ បានបញ្ជាក់ថា ការប្រើប្រាស់យានយន្តអគ្គិសនីនឹងផ្តល់អត្ថប្រយោជន៍ជាច្រើនក្នុងទិដ្ឋភាពបរិស្ថាន សេដ្ឋកិច្ច សន្តិសុខថាមពល។ គិតត្រឹម ខែកុម្ភៈ ឆ្នាំ២០២៦ មានយានយន្តអគ្គិសនីចុះបញ្ជីសរុប ១៤, ៥៣៤គ្រឿង ក្នុងនោះ ទោចក្រយានយន្ត ៣,៤៤៩ គ្រឿង, ត្រីចក្រយានយន្ត ៧២២គ្រឿង និងរថយន្តចំនួន ១០, ៣៦៣គ្រឿង៕ អត្ថបទ៖ ធូ វិរៈ

អ្នកជំនាញលើកទឹកចិត្តសហគ្រិនចាប់យកនវានុវត្តន៍ក្នុងអាជីវកម្ម ខណៈកម្ពុជាមានសក្តានុពល សំបូរបែប

អ្នកជំនាញកែច្នៃផលិតផលក្នុងស្រុកដ៏ធំមួយ លើកទឹកចិត្តដល់ធុរកិច្ច និងសហគ្រិន ចាប់យកនវានុវត្តន៍បម្រើក្នុងអាជីវកម្ម ជាពិសេសចាប់យកនវានុវត្តន៍ចេញពីវិស័យកសិកម្ម ខណៈដែលវិស័យនេះបានផ្តល់នូវភាពសំបូរបែប គាំទ្រដល់ទីផ្សារ និងការនាំចេញ។ឧកញ៉ាឱសថបណ្ឌិត ហៃ លីអ៊ាង ប្រធានអគ្គនាយកក្រុមហ៊ុនខមហ្វីរេល (Confirel) លើកឡើងក្នុងបទបង្ហាញចែករំលែក ចំណេះដឹង វិទ្យាសាស្ត្រ បច្ចេកវិទ្យា និងនវានុវត្តន៍ ដល់មន្រ្តីរាជការ វិស័យឯកជន និងសិស្សានុសិស្ស ថា ជុំវិញនវានុវត្តន៍នេះ នៅក្នុង ឆ្នាំ១៩៨៥ ផលិតផលទី១ដែលលោកឧកញ៉ាបានរកឃើញ មានឈ្មោះថា តាបាស្តុប (Tabastop) គឺជាប្រភេទថ្នាំធម្មជាតិបំបាត់ការលែងចង់ជក់បារី ក្រៅពីនេះនៅមានផលិតផលជាច្រើនទៀត ដែលបានបង្កើតឡើងនៅឆ្នាំបន្តបន្ទាប់ ក្រោមស្នាដៃរបស់ឧកញ៉ា ឱសថបណ្ឌិតផ្ទាល់។ឧកញ៉ាឱសថបណ្ឌិត បន្តឱ្យដឹងថា ក្រៅពីផលិតផលខាងលើ លោកក៏បានបង្កើតផលិតផលជាច្រើនទៀត ជាពិសេសផលិត- ផលចំណីអាហារ និងគ្រឿងបរិភោគ-ឧបភោគជាដើម ក្នុងនោះចំពោះផលិតផលបម្រើដល់ការហូបចុក បានចាប់ផ្តើមបង្កើតមុនគេរួម មាន៖ ស្រា Champagne ពីទឹកត្នោតជូរ, ទឹកខ្មេះត្នោត, និងស្ករត្នោតដែលមានសន្ទស្សន៍ជាតិស្ករទាប (Low GI) ក្រៅពីនេះផលិត-ផលដែលលេចធ្លោមួយទៀត គឺការកែច្នៃប្រហុកសម្រាប់នាំចេញដែលមានឈ្មោះថា (ម្សៅប្រហុកខ្មែរទំនើប) ដែលមានជាច្រើនរស់ ជាតិ ក្រៅពីនេះនៅមានផលិតផលរាប់រយមុខទៀត ដែលនេះជានវានុវត្តន៍ បានបង្កើតឡើងក្រោមស្នាដៃរបស់ក្រុមហ៊ុនខមហ្វីរេល។ ឧកញ៉ាឱសថបណ្ឌិតបន្ថែមថា ជុំវិញនវានុវត្តន៍នេះ កម្ពុជាគឺជាប្រទេសដែលមានសក្តានុពលច្រើន ជាពិសេសនៅលើវិស័យកសិកម្ម ដោយមានភាពសម្បូរបែប ដែលទាមទារឱ្យអ្នកធ្វើធុរកិច្ច និងសហគ្រិនអាចចាប់យកនូវលាកានុវត្តភាពថ្មីៗ សម្រាប់កិច្ចដំណើរការក្នុង ខ្សែច្រវាក់ផលិតកម្ម ផលិត និងកែច្នៃចេញជាផលិតផលសម្រេចផ្សេងៗ សម្រាប់លក់លើទីផ្សារ និងការនាំចេញជាដើម។ឯកឧត្តម ហែម វណ្ណឌី រដ្ឋមន្ត្រីក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ លើកក្នុងសន្និសីទសារព័ត៌មានក្នុង ថ្ងៃបញ្ចប់ការរៀបចំទិវាជាតិថា កម្ពុជាមិនមែនគ្រាន់តែជាប្រទេសចេះប្រើបច្ចេកវិទ្យាប៉ុណ្ណោះទេ គឺកម្ពុជាបានកំពុងក្លាយជាប្រទេស ដែលបង្កើតបច្ចេកវិទ្យា ក្នុងនោះនវានុវត្តន៍មួយចំនួនបានបង្កើតដោយកូនខ្មែរ និងបាននំាចេញទៅកាន់ទីផ្សារអន្តរជាតិផងដែរ។ បញ្ហានេះឯកឧត្តមរំពឹងថា យុវជនជំនាញថ្មី នឹងចាប់យកវិស័យវិទ្យាសាស្ត្រ បច្ចេកវិទ្យា និងនវានុវត្តន៍ សម្រាប់មូលដ្ឋានបង្កើតអាជីវកម្ម។នៅក្នុងទិវាជាតិនេះដែរ ឯកឧត្តម ហែម វណ្ណឌី បានលើកឡើងពីផលប្រយោជន៍ជាក់ស្តែងនៃនវានុវត្តន៍សម្រាប់ធុរកិច្ច និង ជីវភាពរស់នៅរបស់ប្រជាពលរដ្ឋ ព្រមទាំងរំលេចថា កម្ពុជាត្រូវការប្រព័ន្ធអេកូឡូស៊ីនវានុវត្តន៍មួយរឹងមាំ និងមានការតភ្ជាប់គ្នាយ៉ាងជិត ស្និទ្ធ រវាងតួអង្គសំខាន់ៗដូចជា ស្ថាប័នរដ្ឋ គ្រឹះស្ថានសិក្សាស្រាវជ្រាវ វិស័យឯកជន ធុរកិច្ចថ្មី វិនិយោគិន និងនវានុវត្តន៍ករនៅកម្រិត មូលដ្ឋាន ដើម្បីស្វែងរកដំណោះស្រាយបញ្ហាសង្គម ឬតម្រូវការទីផ្សារជាដើម៕ អត្ថបទ៖ សុន រ៉ាឌី

បណ្ដាញសង្គម

ព័ត៌មានថ្មីៗ

ប្រេងឆៅអាមេរិកកើនឡើងជាង ១១% ខណៈភាគហ៊ុនសកលប្រែប្រួល ក្រោយលោកTrumpគំរាមវាយកម្ទេចអ៊ីរ៉ង

កូរ៉េខាងត្បូងនិងបារាំង ដំឡើងកម្រិតទំនាក់ទំនង ខណៈវិបត្តិមជ្ឈិមបូព៌ាជះស្រមោលលើទស្សនកិច្ចលោក Macron

កាកបាទក្រហម៖ តម្រូវការវេជ្ជសាស្រ្តបន្ទាន់នៅអ៊ីរ៉ង់កើនឡើងខ្លាំង ដោយអំពាវនាវឱ្យមានការគាំទ្រ

អ៊ុយក្រែន ស្នើផ្តល់បទពិសោធរបស់ខ្លួនខាងដែនសមុទ្រ ដើម្បីជួយបើកច្រកសមុទ្រហ័រមូស

តម្លៃឧស្ម័នកើនឡើងខ្ពស់ ជំរុញឱ្យកម្មករចំណាកស្រុក ចាកចេញពីទីក្រុងញូវដែលី

បណ្ដាប្រទេសនៅអាស៊ីកំពុងសម្លឹងរកប្រេងឆៅរុស្ស៊ី ខណៈសង្គ្រាមអ៊ីរ៉ង់ធ្វើឱ្យការផ្គត់ផ្គង់ប្រេងថយចុះ

មន្ទីរពេទ្យកុមារនៅទីក្រុងតេអេរ៉ង់ នៅតែមានក្តីសង្ឃឹមនិងស្នាមញញឹម ក្នុងអំឡុងពេលសង្គ្រាម

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានជាតិ

អាណិកជនខ្មែរកាន់តែច្រើននាំគា្នមកលេងស្រុកកំណើត ខណៈថ្ងៃបុណ្យចូលឆ្នាំជិតឈានមកដល់

ក្រុមយុវជនស្ម័គ្រចិត្ត ចាប់ផ្ដើមហ្វឹកហាត់ចូលរួមផ្សព្វផ្សាយវប្បធម៌ នាឱកាសចូលឆ្នាំប្រពៃណីជាតិខ្មែរ

សមភាពយេនឌ័រ និងបរិយាបន្នអភិបាលកិច្ចទឹក គឺជាគន្លឹះនៃការអភិវឌ្ឍន៍ប្រកបដោយចីរភាព

ក្រុម AOT បន្តចុះសង្កេតការណ៍ផ្ទាល់អំពីស្ថានភាពព្រំដែននៅខេត្តឧត្តរមានជ័យ និងបន្ទាយមានជ័យ

គណបក្សនយោបាយសម្ព័ន្ធភាព បង្ហាញជំហររបស់ខ្លួនក្នុងការចូលរួមដោះស្រាយបញ្ហារួមសម្រាប់ជាតិ

ឯកឧត្តម ហ៊ុន ម៉ានី ជួបសំណេះសំណាលសួរសុខទុក្ខបងប្អូនភៀសសឹកកំពុងស្នាក់នៅមណ្ឌលវត្តជ្រោយនាងងួន

សហគ្រិនវិស័យឡូជីស្ទីកនៅកម្ពុជា៖ រថយន្តអគ្គិសនីជួយកាត់បន្ថយសម្ពាធតម្លៃប្រេងលើទីផ្សារ

អ្នកជំនាញលើកទឹកចិត្តសហគ្រិនចាប់យកនវានុវត្តន៍ក្នុងអាជីវកម្ម ខណៈកម្ពុជាមានសក្តានុពល សំបូរបែប

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានជាតិ

អាណិកជនខ្មែរកាន់តែច្រើននាំគា្នមកលេងស្រុកកំណើត ខណៈថ្ងៃ​បុណ្យ​ចូល​ឆ្នាំ​ជិត​ឈាន​មក​ដល់

ក្រុមយុវជនស្ម័គ្រចិត្ត ចាប់ផ្ដើមហ្វឹកហាត់ចូលរួមផ្សព្វផ្សាយវប្បធម៌ នាឱកាស​ចូលឆ្នាំ​ប្រពៃណី​ជាតិ​ខ្មែរ

សមភាពយេនឌ័រ និងបរិយាបន្នអភិបាលកិច្ចទឹក គឺជាគន្លឹះនៃការអភិវឌ្ឍន៍ប្រកបដោយចីរភាព

ក្រុម AOT បន្តចុះសង្កេតការណ៍ផ្ទាល់អំពីស្ថានភាពព្រំដែននៅខេត្តឧត្តរមានជ័យ និង​បន្ទាយមានជ័យ

គណបក្សនយោបាយសម្ព័ន្ធភាព បង្ហាញជំហររបស់ខ្លួនក្នុង​ការចូលរួ​ម​ដោះស្រាយ​បញ្ហារួម​សម្រាប់​ជាតិ

ឯកឧត្តម ហ៊ុន ម៉ានី ជួបសំណេះសំណាលសួរសុខទុក្ខបងប្អូនភៀសសឹកកំពុងស្នាក់នៅមណ្ឌលវត្តជ្រោយនាងងួន

សហគ្រិនវិស័យឡូជីស្ទីកនៅកម្ពុជា៖ រថយន្តអគ្គិសនីជួយកាត់បន្ថយសម្ពាធតម្លៃប្រេងលើទីផ្សារ

អ្នកជំនាញលើកទឹកចិត្តសហគ្រិនចាប់យកនវានុវត្តន៍ក្នុងអាជីវកម្ម ខណៈកម្ពុជាមានសក្តានុពល សំបូរបែប

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

អាណិកជនខ្មែរកាន់តែច្រើននាំគា្នមកលេងស្រុកកំណើត ខណៈថ្ងៃបុណ្យចូលឆ្នាំជិតឈានមកដល់

ក្រុមយុវជនស្ម័គ្រចិត្ត ចាប់ផ្ដើមហ្វឹកហាត់ចូលរួមផ្សព្វផ្សាយវប្បធម៌ នាឱកាសចូលឆ្នាំប្រពៃណីជាតិខ្មែរ

ក្រុម AOT បន្តចុះសង្កេតការណ៍ផ្ទាល់អំពីស្ថានភាពព្រំដែននៅខេត្តឧត្តរមានជ័យ និងបន្ទាយមានជ័យ

គណបក្សនយោបាយសម្ព័ន្ធភាព បង្ហាញជំហររបស់ខ្លួនក្នុងការចូលរួមដោះស្រាយបញ្ហារួមសម្រាប់ជាតិ