នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
ព្រះអង្គម្ចាស់ នរោត្តម ចក្រាវុធ ជួបពិភាក្សាការងារជាមួយ ឯកឧត្តម Chen Zhou អនុរដ្ឋមន្រ្តី ក្រសួងទំនាក់ទំនងអន្តរជាតិចិន
សេដ្ឋកិច្ចកម្ពុជានៅបន្តរឹងមាំ៖ ២២ខែនៃរាជរដ្ឋាភិបាលអាណតិ្តទី៧របស់សម្តេចធិបតី រោងចក្រសហគ្រាសកើនជាង៥,៣ពាន់ដែលបង្ហាញពីភាពរឹងមាំ និងជំនឿទុកចិត្ត
លោកសាស្រ្តាចារ្យរង លូ លីឃាង អញ្ជើញសម្ពោធបើកជាផ្លូវការគ្លីនិកជំងឺភ្នែកស្ងួត នៃមនី្ទរពេទ្យព្រះអង្គឌួង
ក្រសួងធម្មការ បើកវគ្គបណ្ដុះបណ្ដាលស្ដីពីតួនាទី ភារកិច្ចនិងក្រមសីលធម៌អាចារ្យខ្មែរ (ជំនាន់ទី៥០)

ព័ត៌មានជាតិ

ឯកឧត្តម ហ៊ុន ម៉ានី៖ប្រជាពលរដ្ឋខ្មែរពិតជាបានឃើញទង្វើ និងសកម្មភាពនានា ដែលទាហានឈុតខ្មៅរបស់ថៃបានប៉ុនប៉ងបង្កហេតុនៅតំបន់មានវិវាទ

2025/07/09 06:31:06 pm        110
Facebook Telegram Linkin
ភ្នំពេញ៖ ឯកឧត្តម ហ៊ុន ម៉ានី ឧបកនាយករដ្ឋមន្ត្រី រដ្ឋមន្ត្រីក្រសួងមុខងារសាធារណៈ និងជាប្រធានសហភាពសហព័ន្ធយុវជនកម្ពុជា(ស.ស.យ.ក) នៅថ្ងៃទី៩ កក្កដានេះ បានសរសេរនៅលើបណ្ដាញសង្គមថា ប្រជាពលរដ្ឋខ្មែរពិតជាបានឃើញទង្វើ និងសកម្មភាពនានា ដែលទាហានឈុតខ្មៅរបស់ថៃ បានប៉ុនប៉ងបង្កហេតុដោយយករូបបដិមាព្រះមកតម្កល់នៅតំបន់បន្ទាត់ព្រំដែន ដែលកំពុងតែមានជំលោះ។ ឯកឧត្តមបន្តថា សកម្មភាពនេះ និងទង្វើរដ៏គឃ្លើនផ្សេងៗទៀតនាពេលថ្មីៗនេះ បានរំលឹកបន្ថែមដល់ប្រជាពលរដ្ឋខ្មែរគ្រប់រូប ដែលជាផ្នែកមួយនៃខឿនការពារជាតិប្រជាជនថា គ្រប់កាលៈទេសៈទាំងអស់ ហានិភ័យតែងមានជាប្រចាំ។ ឯកឧត្តម ហ៊ុន ម៉ានី បានបញ្ជាក់ថា ប្រទេសជិតខាងនេះ តែងប្រឹងបង្ហាញពីភាពត្រឹមត្រូវរបស់ខ្លួន ប៉ុន្តែសកម្មភាពជាក់ស្តែង ប្រាសចាកទាំងស្រុងពីការអះអាងរបស់ពួកគេ។កាយវិការ និងទង្វើទាំងនេះ មិនបានបង្ហាញពីចេតនាណាមួយក្នុងការបន្ធូរបន្ថយស្ថានការណ៍នោះទេ ផ្ទុយទៅវិញបែរជាទង្វើបង្កើននូវកម្តៅ ដែលពួកគេចង់ឆ្លៀតឱកាស។ឯកឧត្តម បានបន្តថា ទង្វើ និងសកម្មភាពរបស់គេ ជាការរំលឹកនូវជំហររបស់កម្ពុជាក្នុងការដោះស្រាយបញ្ហាទាំងអស់ដោយសន្តិវិធី ដូចដែលសម្តេចតេជោ និងសម្តេចធិបតី តែងតែបានលើកឡើងជាប្រចាំ និងជាបន្តបន្ទាប់។ ក្នុងនោះ ការបោះបង្គោលព្រំដែនជាមួយភាគីថៃត្រូវប្រើប្រាស់គ្រប់មធ្យោបាយទាំងអស់ឈរលើមូលដ្ឋាននៃអនុស្សរណៈឆ្នាំ២០០០ និងដោយឡែក លើកលែងតែតំបន់ប្រាសាទតាមាន់ធំ តាមាន់តូច ប្រាសាទតាក្របី និងតំបន់មុំបី ដែលត្រូវការចូលរួមដោះស្រាយដោយសន្តិវិធីតាមរយៈភាគីទី៣ ពោលគឺតុលាការយុត្តិធម៌អន្តរជាតិឡាអេ (ICJ)។ បើតាម ឯកឧត្តម ហ៊ុន ម៉ានី កត្តាឈ្លានរបស់ប្រទេសជិតខាងនេះហើយ ឯកឧត្តម ក៏ដូចជាប្រជាពលរដ្ឋខ្មែរគ្រប់ៗរូប និងក្នុងនាមជាខឿនការពារជាតិប្រជាជន ពេលនេះ ម៉ោងនេះ យើងត្រូវចងចាំថាហានិភ័យ ការគំរាមកំហែង ការប្រមាថ ការប៉ុនប៉ងធ្វើសកម្មភាពឈ្លានពាន​ការរំលោភបំពានមកលើបូរណភាពទឹកដី​របស់កម្ពុជា​ពីសំណាក់ប្រទេសជិតខាង តែងតែកើតមានជាប្រចាំ។ពិសេស ស្ថានភាពថ្មីៗចុងក្រោយនាព្រឹកថ្ងៃទី៩ ខែកក្កដា ឆ្នាំ២០២៥នេះ បានបញ្ជាក់ទៀតថា យើងត្រូវតែរួបរួមសាមគ្គីគ្នាដើម្បីការពារកិត្តិយសជាតិ ការពារជាតិ ការពារបូរណភាពទឹកដីរបស់យើង ហើយគាំទ្ររាល់ចំណាត់ការរបស់រាជរដ្ឋាភិបាលក្នុងការស្វែងរកដំណោះស្រាយដោយសន្តិវិធី និងតាមរយៈតុលាការយុត្តិធម៌អន្តរជាតិឡាអេ ដើម្បីធានានិរន្តរភាពបានយូរអង្វែង ក្នុងការដោះស្រាយបញ្ហាបន្ទាត់ព្រំដែនកម្ពុជា-ថៃ៕

កាកបាទក្រហមកម្ពុជា អាជ្ញាធរជាតិប្រយុទ្ធនឹងជំងឺអេដស៍ និងរដ្ឋបាលខេត្តបាត់ដំបង សហការគ្នារៀបចំព្រឹត្តិការណ៍ ម=ម (មិនអាចរាប់មេរោគអេដស៍ក្នុងឈាម ស្មើនឹង មិនអាចចម្លងមេរោគអេដស៍ទៅអ្នកដទៃ) ដោយមានអ្នកចូលរួមប្រមាណ ២០០នាក់ ...!!

2025/07/09 05:58:52 pm        50
Facebook Telegram Linkin
បាត់ដំបង ៖ នៅព្រឹកថ្ងៃទី៩ ខែកក្កដា ឆ្នាំ២០២៥នេះ លោកជំទាវ ម៉ែន នារីសោភ័គ អគ្គលេខាធិការរងទី១ កាកបាទក្រហមកម្ពុជា និងជាអនុប្រធានអចិន្ត្រៃយ៍ ក្រុមការងារឥស្សរជនឆ្នើមថ្នាក់ជាតិ បានអញ្ជើញជាគណៈអធិបតីក្នុងព្រឹត្តិការណ៍ ម=ម (មិនអាចរាប់មេរោគអេដស៍ក្នុងឈាម ស្មើនឹង មិនអាចចម្លងមេរោគអេដស៍ទៅអ្នកដទៃ) នៅខេត្តបាត់ដំបង ដែលសហការណ៍រៀបចំដោយកាកបាទក្រហមកម្ពុជា, អាជ្ញាធរជាតិប្រយុទ្ធនឹងជំងឺអេដស៍ និងរដ្ឋបាលខេត្តបាត់ដំបង ដោយមានអ្នកចូលរួមប្រមាណ ២០០នាក់ ចូលរួមក្នុងក្បួនជិះកង់ ម៉ូតូ រ៉ឺម៉ក និងរថយន្ត ដោយប្រើគ្រឿងឧគ្ឃោសនស័ព្ទ ដើម្បីផ្សព្វផ្សាយពីសារ របស់(ម=ម ឬ U=U) ចាប់ផ្តើមពីបរិវេណរង្វង់មូលវិមានឯករាជ្យ កាត់តាមផ្សារណាត់ ឆ្លងស្ពានថ្មថ្មី ឆ្ពោះតាមផ្លូវជាតិលេខ៥ ហើយឆ្ពោះទៅកាន់មន្ទីរពេទ្យរកា ឃុំរកា ខេត្តបាត់ដំបង។ព្រឹត្តិការណ៍ដ៏មានសារៈសំខាន់នេះក៏មានវត្តមាន ឯកឧត្តម ទា ផលា អនុប្រធានអាជ្ញាធរជាតិប្រយុទ្ធជំងឺអេដស៍, លោកស្រី កាទ្រីន ក្លាកសុន (Kathryn Clarkson) ប្រធានប្រតិភូសហព័ន្ធអន្តរជាតិ ប្រចាំប្រទេសកម្ពុជា ថៃ ឡាវ និងវៀតណាម, ឯកឧត្តម ពិន ប្រាកដ អភិបាលរងខេត្តបាត់ដំបង និងជាប្រធានគណៈកម្មាធិការប្រយុទ្ធនឹងជំងឺអេដស៍ខេត្តបាត់ដំបង ព្រមទាំងមានតំណាងមកពី សហគមន៍អ្នកផ្ទុកមេរោគអេដស៍ថ្នាក់ឃុំ, មជ្ឈមណ្ឌលជាតិប្រយុទ្ធនឹងជំងឺអេដស៍ សើរស្បែក និងកាមរោគ, រដ្ឋបាលខេត្ត មន្ត្រី និងយុវជនសាខាកាកបាទក្រហមកម្ពុជា ខេត្តបាត់ដំបង និងអង្គការដៃគូពាក់ព័ន្ធ សរុបចំនួន ២០អង្គភាព។ក្នុងនាមកាកបាទក្រហមកម្ពុជា ក្រោមម្លប់គង់ប្រថាប់ដ៏ឧត្តុង្គឧត្តមនៃ សម្តេចព្រះមហាក្សត្រី​ នរោត្តម មុនិនាថ សីហនុ ព្រះវររាជមាតាជាតិខ្មែរ ជាព្រះប្រធានកិត្តិយស និងក្រោមការដឹកនាំរបស់សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ជាប្រធាន និងជាឥស្សរជនឆ្នើមថ្នាក់ជាតិនៃវេទិកាភាពជាអ្នកដឹកនាំតំបន់អាស៊ី-ប៉ាស៊ីហ្វិក ឆ្លើយតបមេរោគអេដស៍ ជំងឺអេដស៍ និងការអភិវឌ្ឍនៅកម្ពុជា, លោកជំទាវ ម៉ែន នារីសោភ័គ បានថ្លែងដោយក្តីសោមនស្សរីករាយដោយបានចូលរួមក្នុងព្រឹត្តិការណ៍ មស្មើម ជាលើកទី២ ក្នុងឆ្នាំ២០២៥នេះ បន្ទាប់ពីបានធ្វើលើកទី១ កាលពីខែឧសភាកន្លងទៅនៅមុខប្រាសាទអង្គរវត្ត។លោកជំទាវ បានគូសបញ្ជាក់ពីគោលបំណងនៃការរៀបចំព្រឹត្តិការណ៍នេះ គឺដើម្បីកាត់បន្ថយការរើសអើង និងមាក់ងាយទៅលើបងប្អូនអ្នករស់នៅជាមួយមេរោគអេដស៍ក្នុងសហគមន៍ ដែលជាសារមួយជួយជំរុញលើកទឹកចិត្ត ក្នុងការមកទទួលសេវាព្យាបាលជាប់លាប់ ដោយឱសថប្រឆាំងមេរោគអេដស៍ ជំរុញការមកធ្វើតេស្តឈាមនិងឆាប់ទទួលបានការព្យាបាល ដោយលើកកម្ពស់សិទ្ធិនិងការយល់ដឹងពីបញ្ហាមេរោគអេដស៍ ដល់ស្រទាប់មហាជន និងក្រុមប្រឈមមុខខ្ពស់។ ក្នុងន័យនេះ បើនិយាយពីការមិនរើសអើង, គឺយើងមានព្រះរាជគំរូវីរភាពរបស់ព្រះករុណា ព្រះមហាក្សត្រ ជាអម្ចាស់ជីវិតលើត្បូង, សម្តេចព្រះវររាជមាតាជាតិខ្មែរ ជាទីគោរពសក្ការៈដ៏ខ្ពង់ខ្ពស់បំផុុត ដែលព្រះអង្គទាំងទ្វេតែងតែមានព្រះរាជកម្មវិធីជួបជាមួយអ្នកផ្ទុកមេរោគអេដស៍ ហើយជាពិសេស សម្តេចកិត្តិព្រឹទ្ធបណ្ឌិត ប៊ុន រ៉ានី​ ហ៊ុនសែន ដែលបន្ទាប់ពីបានទទួលគោរមងារជាឥស្សរជនឆ្នើមថ្នាក់ជាតិ ចាប់តាំងពីឆ្នាំ២០០៦រៀងមក គឺសម្តេចកិត្តិព្រឹទ្ធបណ្ឌិត តែងតែមានសកម្មភាពនៅតាមសហគមន៍ រោងចក្រ សហគ្រាស រួមជាមួយការចលនាឱ្យមានការបង្កើតច្បាប់អេដស៍នៅកន្លែងបំពេញការងារ និងជាគំរូនៃការមិនរើសអើងចំពោះអ្នកផ្ទុកមេរោគអេដស៍ ដែលសកម្មភាពទាំងអស់នេះត្រូវបានទទួលស្គាល់គ្រប់មជ្ឈដ្ឋានជាតិ និងអន្តរជាតិ។ឆ្លៀតក្នុងឱកាសនេះដែល លោកជំទាវ ក៏បានថ្លែងអំណរគុណយ៉ាងជ្រាលជ្រៅ ចំពោះអាជ្ញាធរជាតិប្រយុទ្ធនឹងជំងឺអេដស៍, រដ្ឋបាលខេត្តបាត់ដំបង, អង្គការសង្គមស៊ីវិល, សាខាកាកបាទក្រហមកម្ពុជាខេត្តបាត់ដំបង និងដៃគូនានា ដែលបានសហការគ្នារៀបចំឱ្យមានព្រឹត្តិការណ៍នេះកើតឡើង ជាពិសសក៏សូមអរគុណចំពោះលោកស្រី Kathryn Clarkson ប្រធានប្រតិភូសហព័ន្ធអន្តរជាតិ ប្រចាំកម្ពុជា ឡាវ ថៃ និងវៀតណាម ដែលបានឆ្លៀតឱកាសដ៏មមាញឹកមកចូលរួមនាពេលនេះ។លោកជំទាវ បានគូសបញ្ជាក់ថា «ទោះបីជាមកទល់ពេលនេះ, កម្ពុជាយើងសម្រេចនូវលទ្ធផល ក្នុងការប្រយុទ្ធប្រឆាំងនឹងមេរោគអេដស៍/ជំងឺអេដស៍ ប្រកបទៅដោយភាពជោគជ័យគួរជាទីមោទនៈ ពោលគឺកម្ពុជាត្រូវបានគេទទួលស្គាល់ជាយូរមកហើយថា ជាប្រទេសនាំមុខគេមួយនៅក្នុងតំបន់ ក្នុងការឆ្លើយតបទៅនឹងមេរោគអេដស៍ និងជំងឺអេដស៍ ដោយមានការប្ដេជ្ញាចិត្តខ្ពស់ពីសំណាក់រាជរដ្ឋាភិបាលចាប់ពីអាណត្តិមុនៗរហូតមកដល់អាណត្តិទី៧នេះ និងមានការរួមបញ្ចូលយ៉ាងល្អពីក្រុមអ្នកប្រឈម និងជនរងគ្រោះដោយសារមេរោគអេដស៍ នៅក្នុងការឆ្លើយតប ដែលបានញ៉ាំងឱ្យកម្ពុជាឈានទៅសម្រេចបានគោលដៅ៩៥ទី២និង៩៥ទី៣មុនការកំណត់ (លើកលែងតែគោលដៅ៩៥ទី១ ដែលយើងទើបសម្រេចបាន៩២%) រួមផ្សំនឹងការខិតខំប្រឹងប្រែងរបស់ក្រសួងសុខាភិបាល និងមជ្ឈមណ្ឌលជាតិប្រយុទ្ធនឹងជំងឺអេដស៍ សើស្បែក និងកាមរោគ បានបង្កើតឱ្យមាននូវវិធីសាស្ត្រ និងយន្តការថ្មីៗជាច្រើនទៀត ដូចជាប្រឹបលេប, ប្រឹបចាក់(CAB-PrEP), ធ្វើតេស្ត និងការទទួលការព្យាបាលក្នុងថ្ងៃតែ១ យ៉ាងណាក៏ដោយ ក៏យើងឃើញថា យ៉ាងហោចណាស់នៅមានមនុស្ស៣នាក់ឆ្លងមេរោគអេដស៍ជារៀងរាល់ថ្ងៃ។»ព្រឹត្តិការណ៍នេះ ពិតជាមានអត្ថន័យ និងខ្លឹមសារខ្លាំងណាស់ដែលយើងសម្រេចយកខេត្តបាត់ដំបង ជាទីកន្លែងសម្រាប់ប្រារឰព្រឹត្ដិការណ៍ មស្មើម ហើយជាពិសេសការដង្ហែក្បួនឆ្ពោះទៅកាន់ឃុំរកា ស្រុកសង្កែ ខេត្តបាត់ដំបង ដែលជាទីតាំងធ្លាប់កើតមានសោកនាដកម្មនៃការឆ្លងរាលដាលនៃមេរោគអេដស៍កាលពីឆ្នាំ២០១៤ និងធ្លាប់និយាយថា «ថ្ងៃលិចនៅភូមិរកា»នោះ ជាការបង្ហាញដល់មជ្ឈដ្ឋានជាតិនិងអន្តរជាតិ មើលឃើញនិងកែប្រែឱ្យក្លាយទៅជា «ថ្ងៃរះនៅភូមិរកា» វិញ។ទន្ទឹមនឹងនេះ​ លោកជំទាវក៏បានអំពាវនាវដល់បង-ប្អូនដែលរស់នៅជាមួយមេរោគអេដស៍ សូមបន្តការយកចិត្តទុកដាក់លេបឱសថប្រឆាំងមេរោគអេដស៍ ឱ្យបានត្រឹមត្រូវ ទៀងទាត់ និងជាប់លាប់ និងមកជួបគ្រូពេទ្យតាមការកំណត់ ដើម្បីពិភាក្សាតាមដានសុខភាពឱ្យបានច្បាស់លាស់ ព្រោះភស្តុតាងវិទ្យាសាស្ត្របានបង្ហាញឱ្យឃើញយ៉ាងច្បាស់ថា៖ អ្នករស់នៅជាមួយមេរោគអេដស៍ ដែលលេបថ្នាំបានត្រឹមត្រូវ ទៀងទាត់ និងជាប់លាប់ នឹងសម្រេចបាន (ម ស្មើ ម), នោះគឺ មានន័យថា៖អ្នកមិនអាចចម្លងមេរោគអេដស៍ទៅអ្នកដទៃ!អ្នកអាចមានគ្រួសារ មានកូនដូចមនុស្សធម្មតា!អ្នកមានសុខភាពល្អ អាចប្រឆាំងបានទៅនឹងជំងឺផ្សេងៗ! អ្នកនឹងមានទំនុកចិត្តលើខ្លួនឯង និងកាត់បន្ថយការរើសអើងលើខ្លួនឯង។ជាទីបញ្ចប់ លោកជំទាវ ក៏បានអំពាវនាវដល់បងប្អូនជនរួមជាតិ សូមកុំមានការរើសអើង ឬមាក់ងាយចំពោះអ្នកផ្ទុកមេរោគអេដស៍ ហើយចំពោះយុវជនជំនាន់ក្រោយសូមមានការប្រុងប្រយ័ត្ន ត្រូវបង្ការខ្លួនកុំឱ្យឆ្លងមេរោគអេដស៍ ព្រោះថា «យើងអាចភ្លេចអេដស៍ ប៉ុន្តែអេដស៍មិនភ្លេចយើងទេ!»៕

សមាគមសហព័ន្ធអ្នកវិនិយោគកម្ពុជា ប្រកាសគាំទ្ររាជរដ្ឋាភិបាលចំពោះការដោះស្រាយវិវាទព្រំដែនកម្ពុជា-ថៃ

2025/07/09 05:50:04 pm        69
Facebook Telegram Linkin
ភ្នំពេញ៖ សមាគមសហព័ន្ធអ្នកវិនិយោគកម្ពុជា បានបង្ហាញការគាំទ្រពេញទំហឹង និងឥតងាករេចំពោះគោលនយោបាយរបស់រាជរដ្ឋាភិបាលកម្ពុជា ជាពិសេសក្រោមការដឹកនាំរបស់សម្តេចនាយករដ្ឋមន្រ្តី ហ៊ុន ម៉ាណែត ក្នុងការបញ្ជូនការដោះស្រាយវិវាទព្រំដែន កម្ពុជា-ថៃ ទៅតុលាការយុត្តិធម៌អន្តរជាតិ ICJ និងតាមគ្រប់មធ្យោបាយទាំងយន្តការផ្លូវច្បាប់ ការទូត និងយោធា ដើម្បីការពារបូរណភាពទឹកដីកម្ពុជា។ការលើកឡើងខាងលើនេះ អ្នកឧកញ៉ា លី ឃុនថៃ ប្រធានសមាគមសហព័ន្ធអ្នកវិនិយោគកម្ពុជា បានធ្វើឡើងក្នុងឱកាសដឹកនាំសមាជិក សមាជិកា អញ្ជើញសាកសួរសុខទុក្ខ និងនាំយកគ្រឿងឧបភោគ បរិភោគ សម្ភារៈប្រើប្រាស់ ព្រមទាំងថវិកាមួយចំនួនជូនកងទ័ពដែលកំពុងឈរជើងជួរមុខការពារព្រំដែនកម្ពុជា-ថៃ ទិសទី១ ខេត្តព្រះវិហារ កាលពីថ្ងៃទី៨ ខែកក្កដា ឆ្នាំ២០២៥។អ្នកឧកញ៉ា បានមានប្រសាសន៍ថា ការចុះទៅដល់ទីតាំងព្រំដែនដោយផ្ទាល់នេះ គឺជាសក្ខីភាពនៃការបង្ហាញពីចំណងសាមគ្គីភាព រវាងសមរភូមិមុខ និងសមរភូមិក្រោយ ដោយនាំមកនូវការគោរព ការគាំទ្រ និងការលើកទឹកិត្តដែលចេញពីឆន្ទៈសេ្នហាជាតិ ឈរលើស្មារតីរួចគ្នាជាធ្លុងមួយ សាមគ្គីភាព ឯកភាពជាតិ គោរពជូនចំពោះនាយទាហាន នាយទាហានរង ពលទាហាន និងកងកម្លាំងការពារព្រំដែនទាំងអស់ ដែលបានខិតខំអស់ពីកម្លាំងកាយចិត្ត តស៊ូប្តូរផ្តាច់ និងហ៊ានលះបង់គ្រប់បែបយ៉ាង ដើម្បីបុព្វហេតុការពារបូរណភាពទឹកដី អធិបតេយ្យជាតិ និងសន្តិសុខរបស់ប្រទេសជាតិទាំងមូល ជាពិសេសការពារទឹកដីពីការឈ្លានពានខុសច្បាប់របស់ខ្មាំងសត្រូវ។សូមបញ្ជាក់ថា គ្រឿងឧបភោគ បរិភោគ មានដូចជា៖ មីជាតិ ទឹកសុទ្ធ ទឹកក្រូចនិងភេសជ្ជៈ ទឹកត្រី ទឹកស៊ីវអ៊ីវ ត្រីខ អង្ករ នំបុ័ង ទឹកដោះគោ កន្សែង ស្បែកជើង រទេះរុញសម្រាប់ជនចាស់ជរា.... និងថវិកាមួយចំនួន ដែលគិតជាទឹកប្រាក់សរុបទាំងអស់ចំនួន ៣៧០លានរៀល ប្រគល់ជូន ឯកឧត្ដម នាយឧត្ដមសេនីយ៍ កិត្តិសង្គហបណ្ដិត ហ៊ីង ប៊ុនហៀង អគ្គមេបញ្ជាការរង នៃកងយោធពលខេមរភូមិន្ទ និងជាមេបញ្ជាការបញ្ជាការដ្ឋានអង្គរក្ស និងកងទ័ពជួរមុខការពារព្រំដែនកម្ពុជា-ថៃ ទិសទី១ ខេត្តព្រះវិហារ។ អំណោយទាំងនេះ គឺជាការចូលរួម រវាងសហព័ន្ធ រួមគ្នាជាមួយសប្បុរសជន ក្នុងស្មារតីរួមកម្លាំងសាមគ្គីជាធ្លុងមួយ គាំទ្ររាជរដ្ឋាភិបាល និងលើកទឹកចិត្តដល់វីរៈយុទ្ធជនជួរមុខដ៏អង់អាចរបស់ប្រទេសកម្ពុជា៕

អាជ្ញាធរខណ្ឌទួលគោកទុករយៈពេល២ថ្ងៃ ដល់ក្រុមអាជីវកលក់ដូរគ្រឿងបន្លាស់រថយន្តត្រូវរក្សាសណ្ដាប់ធ្នាប់ និងរើចេញ ឲ្យបានល្អប្រសើរ

2025/07/09 05:36:48 pm        79
Facebook Telegram Linkin
ភ្នំពេញ៖ ក្រុមអាជីវក តាំងលក់គ្រឿងបន្លាស់រថយន្ត បង្កឲ្យបាត់បង់សណ្ដាប់ធ្នាប់សាធារណៈ បង្កកក់ស្ទះចរាចរណ៍នោះ ត្រូវបានកម្លាំងគណ:បញ្ជាការឯកភាពរដ្ឋបាលខណ្ឌទួលគោក ចុះអប់រំណែនាំនុងធ្វើកិច្ចសន្យាចុងក្រោយ ដោយទុករយះពេល២ថ្ងៃ មិនអនុញ្ញាតឲ្យតាំងលក់លើផ្លូវបន្តទៀតឡើយ។ជាក់ស្ដែងនាថ្ងៃទី០៩ ខែកក្កដា ឆ្នាំ២០២៥ លោក សុឹម សុផង់ អភិបាលរងខណ្ឌទួលគោក បានដឹកនាំកម្លាំងគណ:បញ្ជាការឯកភាពរដ្ឋបាលខណ្ឌសហការជាមួយក្រុមការងារសង្កាត់ផ្សារដេប៉ូទី១ ដេីម្បីចុះត្រួតពិនិត្យ និងធ្វេីកំណត់ហេតុណែនាំដល់អាជីវករលក់ គ្រឿងបន្លាស់រថយន្ត ស្ថិតនៅផ្លូវលេខ១៦២ ដែលកន្លងទៅក្រុមអាជីវករតាំងលក់របស់របរ លើផ្លូវធ្វើឲ្យបាត់បង់សណ្ដាប់ធ្នាប់ និងបង្កការកកស្ទះចរាចរណ៍។ក្នុងការចុះត្រួតពិនិត្យនិងធ្វេីកំណត់ហេតុ ក្រុមការងាររដ្ឋបាលខណ្ឌបានណែនាំ ដោយមិនអនុញ្ញាតអោយដាក់គ្រឿងបន្លាស់រថយន្តគ្រប់ប្រភេទ រឺចតយានយន្តគ្រប់ប្រភេទនៅលេីចិញ្ចេីមផ្លូវ និងទ្រូងផ្លូវសាធារណ:ជាដាច់ខាត។ ត្រូវរេីសម្ភារះដែលដាក់លេីចិញ្ចេីមផ្លូវ និងទ្រូងផ្លូវសាធារណ:ចេញ ដោយទុករយះពេលពីរថ្ងៃ។ ចំណុចចុងក្រោយក្នុងករណីមិនអនុវត្តតាមការណែនាំអាជ្ញាធរនិងចាត់វិធានការរដ្ឋបាលដោយធ្វេីការដកហូតសម្ភារះយកមករក្សាទុកដោយមិនទទួលខុសត្រូវរាល់ការខូចខាតឡេីយ។លោក ស៊ឹម សុផង់ អភិបាលរងខណ្ឌទួលគោកបានបញ្ជាក់ផងដែរថាការចុះអប់រំណែនាំដោយអាជីវករតាំងលក់គ្រឿងបន្លាស់រថយន្តនៅក្នុងមូលដ្ឋានសង្កាត់ផ្សារដេប៉ូទី១នេះមិនមែនជាលើកទីមួយនោះទេបានចុះអប់រំណែនាំជាច្រើនលើកច្រើនសារមកហើយ ប៉ុន្តែក្រុមអាជីវករទាំងនោះហាក់មិនចូរួមជាមួយនឹងអាជ្ញាធរឡើយបង្កឲ្យមានការកកស្ទះនឹងធ្វើឲ្យបាត់បង់សណ្ដាប់ធ្នាប់តាមដងផ្លូវសារធារណៈ៕អត្ថបទ៖ កុម្ភៈ

ក្រុមប្រឹក្សាខេត្តប៉ៃលិន ប្រជុំសាមញ្ញលើកទី១៤ អណត្តិទី៤

2025/07/09 04:46:01 pm        51
Facebook Telegram Linkin
ប៉ៃលិន៖ នាថ្ងៃទី០៩ ខែកក្កដា នេះ ក្រុមប្រឹក្សាខេត្តប៉ៃលិន បានបើកកិច្ចប្រជុំសាមញ្ញលើកទី១៤ អាណត្តិ ទី៤ លើរបៀបវារៈ ១. ពិនិត្យ និងអនុម័តសេចក្តីព្រាងកំណត់ហេតុ នៃកិច្ចប្រជុំសាមញ្ញ លើកទី១៣ របស់ ក្រុមប្រឹក្សាខេត្តប៉ៃលិន អាណត្តិទី៤ ២. ពិនិត្យ និងអនុម័តសេចក្តីព្រាងរបាយ ការណ៍ ស្តីពីការអនុវត្តការ ងារប្រចាំខែមិថុនា ឆ្នាំ២០២៥ និងទិសដៅការងារបន្តរបស់រដ្ឋបាលខេត្តប៉ៃលិន និង៣. បញ្ហាផ្សេងៗ។ ក្រោយពីបានស្តាប់ការលើកឡើងពីរបៀបវារៈ និងបញ្ហាសំខាន់ៗក្នុងកិច្ចប្រជុំរួចមក លោកជំទាវ បណ្ឌិត បាន ស្រីមុំ អភិបាលខេត្តប៉ៃលិន បានមានប្រសាសន៍ក្រើនរំលឹកមន្ទីរជំនាញស្ថាប័នជុំវិញខេត្ត និង អាជ្ញាធរក្រុង/ស្រុក ត្រូវមើលឡើងវិញ នូវរាល់បញ្ហានាពេលកន្លងមក មិនត្រូវទុកចោលនោះទេ គឺត្រូវដោះ ស្រាយជូនពលរដ្ឋឱ្យបានទាន់ពេលវេលា ដោយមិនត្រូវរើសអើងប្រកាន់បក្សពួកនិយម និងគ្រួសារនិយម ជាពិសេសត្រូវខិតខំដុសខាត់ទាំងចំណេះដឹង និងសមត្ថភាព ក្នុងនាមជាតំណាងសាធារណៈស្វ័យភាព របស់មូលដ្ឋាន ដើម្បីអនុវត្តតួនាទី និងភារកិច្ចរបស់ខ្លួនឆ្លើយតបទៅនឹងតម្រូវការចាំបាច់របស់ប្រជាពលរដ្ឋ ប្រកបដោយសមធម៌ បរិយាបន្ន និងមានចីរភាព ឈានឆ្ពោះទៅរួមចំណែកជាមួយរាជរដ្ឋាភិបាលក្នុងការ កាត់បន្ថយភាពក្រីក្រ។ លោកជំទាវ បានមានប្រសាសន៍កោតសរសើរដល់ថ្នាក់ដឹកនាំ មន្ត្រីរាជការ និងកងកម្លាំង ប្រដាប់ អាវុធទាំងបីប្រភេទ ដែលកន្លងមកបានសហការគ្នាធ្វើការងារ តាមតួរនាទី ភារកិច្ច ប្រកបដោយការទទួល ខុសត្រូវខ្ពស់ជាពិសេស បានចូលរួមក្នុងការថែរក្សាសន្តិសុខ សណ្តាប់ធ្នាប់សាធារណៈ ការបម្រើសេវាសា ធារណៈនានាបានល្អប្រសើ និងបានកសាងសមិទ្ធផលនានានៅតាមមូលដ្ឋានឱ្យលេចឡើងជារូបរាង ដែល ជាការរួមចំណែកធ្វើឱ្យខេត្តប៉ៃលិនមានភាពរីកចម្រើន ស្របតាមគោលនយោបាយដ៏ត្រឹមត្រូវរបស់រាជ រដ្ឋាភិបាលកម្ពុជា ដែលមានសម្ដេចមហាបវរធិបតី ហ៊ុន ម៉ាណែត ជានាយករដ្ឋមន្ត្រី ។ឯកឧត្តម ជា ចាន់ឌិន ប្រធានក្រុមប្រឹក្សាខេត្តប៉ៃលិន បានមានប្រសាសន៍កោតសរសើរ និងវាយ តម្លៃខ្ពស់ចំពោះរដ្ឋបាលខេត្តប៉ៃលិន ដែលមានលោកជំទាវបណ្ឌិត បាន ស្រីមុំ ជាអភិបាលខេត្ត បានខិតខំ ប្រឹងប្រែងធ្វើការដោះស្រាយនូវរាល់ បញ្ហានានាជូនដល់ប្រជាពលរដ្ឋ និងការអនុវត្តនូវគោលនយោបាយ ភូមិ/ឃុំមានសុវត្តិភាពប្រកបដោយប្រសិទ្ធភាពខ្ពស់ និងបានធ្វើការអភិវឌ្ឍខេត្តឱ្យមានការរីកចម្រើនជាបន្ត បន្ទាប់គួរជាទី មោទន ។ ឯកឧត្តមប្រធានក្រុមប្រឹក្សា បានមានប្រសាសន៍ផ្តាំផ្ញើដល់ថ្នាក់ដឹកនាំ មន្ត្រីរាជការទាំងអស់ ត្រូវ បន្តខិតខំបន្ថែមទៀតក្នុងន័យបម្រើដល់ផលប្រយោជន៍ និងសេចក្តីត្រូវការរបស់ប្រជាពលរដ្ឋ ដោយត្រូវ យកចិត្តទុកដាក់ខ្ពស់ទៅលើការដោះស្រាយបញ្ហាប្រឈមនានា ក៏ដូចជាបម្រើសេវាសាធារណៈជូនប្រជា ពលរដ្ឋឱ្យបានឆាប់រហ័ស ទាន់សភាពការណ៍ និងមានប្រសិទ្ធភាពខ្ពស់ ស្របទៅនឹងគោលនយោបាយ យុទ្ធសាស្ត្របញ្ចកោណ ដំណាក់កាលទី១ របស់រាជរដ្ឋាភិបាល អាណត្តិទី៧ នេះ៕

ទីប្រឹក្សាកម្មវិធីនៃក្រសួងការបរទេសអង់គ្លេសថ្លែងអំណរ គុណអាជ្ញាធរមីន ដែលផ្តល់ការគាំទ្រដល់ការអនុវត្តគម្រោងបោសសម្អាតមីនមនុស្សធម៌

2025/07/09 04:41:23 pm        59
Facebook Telegram Linkin
ភ្នំពេញ ៖ លោក Philip O’Hara ទីប្រឹក្សាកម្មវិធីនៃក្រសួងការបរទេសអង់គ្លេស (FCDO) ថ្លែងបែបនេះក្នុងខណៈចូលជួបពិភាក្សាការងារជាមួយ ឯកឧត្តមបណ្ឌិត លី ធុជ ទេសរដ្ឋមន្រ្តី អនុប្រធានទី១ អាជ្ញាធរមីន ស្តីពីភាពជាដៃគូ និងកិច្ចសហប្រតិបត្តិការសកម្មភាពមីន ក្រោមជំនួយគាំទ្ររបស់រាជរដ្ឋាភិបាលចក្រភពអង់គ្លេសនៅវេលាថ្ងៃទី៩ ខែកក្កដា ឆ្នាំ២០២៥នេះ នៅទីស្នាក់ការអាជ្ញាធរមីន។ក្នុងជំនួបនោះ អង្គប្រជុំ បានផ្តោតលើការចុះពិនិត្យ និងវាយតម្លៃលើការអនុវត្តគម្រោងបោសសម្អាតមីនក្រោមការគាំទ្រពីក្រសួងការបរទេសអង់គ្លេស ក្នុងនោះរួមមានទាំងការគាំទ្រដល់អង្គការ APOPO សម្រាប់ការអនុវត្តគម្រោងប្រែក្លាយពីចម្ការមីនទៅជាវាលស្រែ (Minefields to Ricefileds project) ផងដែរ ហើយ របាយការណ៍វាយតម្លៃ នឹងត្រូវរៀបចំដាក់ជូនរាជរដ្ឋាភិបាលអង់គ្លេស ដើម្បីធ្វើការពិនិត្យ និងពិចារណាលើការផ្តល់ជំនួយបន្ត ដែលនឹងត្រូវប្រជុំអនុម័តនៅក្នុង ២០២៧ ខាងមុខ។ លោក Philip O’Hara បានលើកឡើងអំពីវឌ្ឍនភាពនៃការអនុវត្តគម្រោងបោសសម្អាតមីននៅកម្ពុជា ដែលទទួលបានការគាំទ្រពីចក្រភពអង់គ្លេសតាមរយៈក្រសួងការ បរទេសអង់គ្លេស (FCDO) ព្រមទាំងបានថ្លែងអំណរគុណដល់អាជ្ញាធរមីន ដែលផ្តល់ការគាំទ្រដល់ការអនុវត្តគម្រោងបោសសម្អាតមីនមនុស្សធម៌នេះ ក៏ដូចជាបានស្នើសុំឱ្យអាជ្ញាធរមីនផ្តល់កិច្ចសហការក្នុងការចុះពិនិត្យ និងវាយតម្លៃលើការអនុវត្តគម្រោងក្រោមការគាំទ្រពីក្រសួងការបរទេសអង់គ្លេស។ ក្នុងឱកាសនោះ តាងនាមឱ្យរាជរដ្ឋាភិបាល និងប្រជាជនកម្ពុជា ឯកឧត្ដមទេសរដ្ឋមន្រ្តី លី ធុជ បានថ្លែងអំណរគុណដល់រាជរដ្ឋាភិបាល និងប្រជាជននៃចក្រភពអង់គ្លេស ដែលបានផ្តល់ការគាំទ្រ និងរួមចំណែកដល់កិច្ចខិតខំប្រឹងប្រែងរបស់រាជរដ្ឋាភិបាល ធ្វើឱ្យសម្រេចបាននូវសមិទ្ធផលយ៉ាងធំធេងសម្រាប់វិស័យសកម្មភាពមីននៅកម្ពុជារយៈពេលជាង ៣០ឆ្នាំមកនេះ។ ឯកឧត្តមទេសរដ្ឋមន្រ្តី បានចាត់ទុកចក្រភពអង់គ្លេស គឺជាដៃគូមួយយ៉ាងសំខាន់ និងលេចធ្លោ ក្នុងចំណោមប្រទេសជាមិត្ត និងដៃគូអភិវឌ្ឍន៍ដទៃទៀត ដែលបានរួមចំណែកយ៉ាងខ្លាំងក្លាលើសកម្មភាពមនុស្សធម៌នៅកម្ពុជា។  ឯកឧត្តម លី ធុជ បានបន្តលើកឡើងថា ក្នុងចំណោមការគាំទ្ររបស់អង់គ្លេស គម្រោងប្រែក្លាយពីចម្ការមីនទៅជាវាលស្រែ (Minefields to Ricefileds project) ដែលកំពុងអនុវត្តដោយអង្គការAPOPO ពិតជាមានសារៈសំខាន់ មិនត្រឹមតែធ្វើការបោសសម្អាតមីនឱ្យអស់ប៉ុណ្ណោះទេ ថែមទាំងរួមចំណែកក្នុងការលើកកម្ពស់ជីវភាពរបស់ប្រជាពលរដ្ឋឱ្យកាន់តែប្រសើរឡើងផងដែរ៕ អត្ថបទ៖ ភារម្យ

ឯកឧត្តម កែវ រតនៈ បញ្ជាក់ជាថ្មីថាបច្ចុប្បន្នកម្ពុជាពុំបាននាំចូលអគ្គិសនី ប្រេងសាំង និង​ឧស្ម័ន​ពី​ប្រទេស​ថៃ​នោះទេ

2025/07/09 04:07:14 pm        236
Facebook Telegram Linkin
ពោធិ៍សាត់៖ ស្របពេលដែលភាគីថៃ នៅតែបន្តកុហកបោកប្រាស់ប្រជាពលរដ្ឋខ្លួន និង​សាធារណ​ជនថា កម្ពុជា​នៅបន្តនាំចូលភ្លើងពីប្រទេសថៃ ឯកឧត្តម កែវ រតនៈ រដ្ឋមន្ត្រី​ក្រសួងរ៉ែ និងថាមពល បាន​បញ្ជាក់សារជាថ្មីថា បច្ចុប្បន្ននេះប្រទេសកម្ពុជាពុំមានការនាំចូលថាមពលអគ្គសនី ប្រេង​សាំង និង​ឧស្ម័ន​ពីប្រទេស​ថៃនោះទេ ហើយទោះជាបច្ចុប្បន្នកម្ពុជាមានភ្លើងប្រើប្រាស់គ្រប់គ្រានក៏ដោយ ក៏​រាជរដ្ឋាភិបាលកម្ពុជា នៅតែបន្តរៀបចំផែនការ​អភិវឌ្ឍន៍​វិស័យ​ថាមពល​បន្ថែម​ទៀត​ដើម្បី​ត្រៀម​បំពេញ​តម្រូវ​ការដែលនឹងមានការកើនឡើងជាបន្តបន្ទាប់។ឯកឧត្តមរដ្ឋមន្ត្រី កែវ រតនៈ បានបញ្ជាក់សារជាថ្មីដូចនេះ នៅថ្ងៃទី៩ ខែកក្កដា ឆ្នាំ២០២៥ ក្នុង​ឱកា​សអញ្ជើញជួបសំណេះសំណាលលើកទឹកចិត្តសិស្សថ្នាក់ទី១២ ចំនួន៣៥០០​នាក់​នៅទូទាំង​ខេត្តពោធិ៍សាត់​ដែលត្រៀមប្រឡងថ្នាក់ជាតិនៅខែសីហាខាងមុខនេះ។គួរ​ជម្រាបជូនដែរថា ផែនការអភិវឌ្ឍន៍វិស័យថាមពលអគ្គិសនីនៅកម្ពុជា ត្រូវបានុកចិត្តទុកដាក់ ជា​វិស័យ​អាទិភាព​ក្នុង​ការ​សម្រប​ខ្លួន​ទៅ​នឹង​កំណើន​នៃ​ការ​ប្រើ​ប្រាស់​ថាមពល​យ៉ាង​ឆាប់​រហ័ស​នា​ពេល​អនាគត ​ហើយរាជរដ្ឋាភិបាលកម្ពុជា បានដាក់ចេញនូវ​គោល​នយោបាយ​អភិវឌ្ឍន៍​វិស័យ​ថាមពល​អគ្គិសនីនៅខែតុលា ឆ្នាំ១៩៩៤ ដែលមានទិសដៅ៖១-ផ្តល់នូវការផ្គត់ផ្គង់​ថាមពលអគ្គិសនីឲ្យបានគ្រប់គ្រាន់ទូទាំងប្រទេសកម្ពុជា ក្នុងតម្លៃសមរម្យ។២-ធានានូវការផ្គត់ផ្គង់ថាមពលអគ្គិសនីឲ្យមាននិរន្តភាព និងសុវត្ថិភាព ដែល​ធ្វើ​ឲ្យ​មាន​ភាព​ងាយ​ស្រួលដ​ល់ការវិនិយោគក្នុង ប្រទេសកម្ពុជា និងការអភិវឌ្ឍន៍សេដ្ឋកិច្ចជាតិ។៣-ជួយ​ជំរុញនូវរបកគំហើញថ្មីៗ និងការ​អភិវឌ្ឍន៍​នៃ​ប្រភព​ផលិត​ថាមពល​ដែល​មិ​ន​ប៉ះ​ពាល់​ដល់​បរិស្ថាន និងសង្គម ដែលជា តម្រូវការចាំ​បាច់​សម្រាប់​ផ្គត់​ផ្គង់​ថាម​ពល​ដល់​គ្រប់​វិស័យ​ទាំង​អស់​នៃ​សេដ្ឋកិ​ច្ច​ជាតិ។៤-លើកទឹកចិត្តនូវការប្រើប្រាស់ថាមពលអគ្គិសនីឲ្យមានប្រសិទ្ធភាព និងកាត់បន្ថយ​ផល​ប៉ះពាល់​បរិស្ថាន​នូវ​កម្រិតអប្បបរមាពី ប្រភពផ្គត់ផ្គង់ និងការប្រើប្រាស់ ៕

កម្ពុជានឹងរៀបចំលំហាត់សមយុទ្ធឆ្លើយតបគ្រោះអាសន្នមហន្តរាយអាស៊ាន នៅថ្ងៃទី២២កក្កដា​ខាង​មុខ

2025/07/09 03:57:24 pm        174
Facebook Telegram Linkin
ក្នុងនាមកម្ពុជាជាម្ចាស់ផ្ទះ គណៈកម្មាធិការជាតិគ្រប់គ្រងគ្រោះមហន្តរាយ នឹង​រៀប​ចំ​លំហាត់​សម​យុទ្ធ​ឆ្លើយ​តប​គ្រោះ​អាសន្ន​មហន្ត​រាយអាស៊ាន​​នា​ថ្ងៃទី២២កក្កដាខាងមុខ។នៅថ្ងៃទី៩ ខែកក្កដា ឆ្នាំ២០២៥ ឯកឧត្តមកិត្តិសង្គហបណ្ឌិត គន់ គីម ទេសរដ្ឋមន្រ្តី អនុ​ប្រធាន​ទី១ គណៈកម្មាធិការជាតិគ្រប់គ្រងគ្រោះមហន្តរាយ នាព្រឹកថ្ងៃទី៩ ខែកក្កដា ឆ្នាំ២០២៥ បាន​អញ្ជើញ​ដឹកនាំកិច្ចប្រជុំពិនិត្យលើរបៀបវរៈចំនួនពីរ រួមមាន ទី១ ក្នុងនាមជាម្ចាស់​ផ្ទះ​រៀប​ចំ​លំហាត់​សម​យុទ្ធ​ឆ្លើយ​តប​គ្រោះអាសន្នមហន្តរាយអាស៊ានឆ្នាំ២០២៥ និងទី២ កិច្ច​ប្រជុំ​ពិនិត្យ​បូក​សរុប​ការងារ​ឆមាស​ទី១ និងស្តាប់របាយការណ៍សកម្មភាពការងារ។កិច្ចប្រជុំព្រឹកនេះ មានការអញ្ជើញចូលរួមពីឯកឧត្តម អនុប្រធានទី២ គ.ជ.គ.ម, ឯកឧត្តម អនុ​ប្រធាន​ គ.ជ.គ.ម, ឯកឧត្តម អគ្គលេខាធិការ, ឯកឧត្តម អគ្គលេខាធិការរង, លោកប្រធាន-អនុ​ប្រធាន​នាយកដ្ឋាន និងមន្រ្តីពាក់ព័ន្ធ។ឯកឧត្តម ទេសរដ្ឋមន្រ្តី គន់ គីម មានប្រសាសន៍ថា ក្រោម​កិច្ច​សហការ​ជាមួយ​មជ្ឈ​មណ្ឌល​សម្រប​សម្រួល​អាស៊ាន​សម្រាប់ជំនួយមនុស្សធម៌ក្នុងការគ្រប់គ្រងគ្រោះ មហន្តរាយ (AHA-Center) គណៈ​កម្មាធិការជាតិគ្រប់គ្រងគ្រោះមហន្តរាយ នឹងរៀប​ចំ​លំហាត់​សម​យុទ្ធ​ឆ្លើយ​តប​គ្រោះ​អាសន្ន​មហន្ត​រាយ​អាស៊ានសម្រាប់ឆ្នាំ ២០២៥ (ARDEX-25) ចាប់ពីថ្ងៃទី២២ ដល់ថ្ងៃទី២៤ ខែកក្កដា ឆ្នាំ​២០២៥ នៅបញ្ជាការដ្ឋានទ័ពពិសេស ក្នុងរាជធានីភ្នំពេញ។ឯកឧត្តម ទេសរដ្ឋមន្រ្តី មានប្រសាសន៍ទៀតថា លំហាត់​សម​យុទ្ធឆ្លើ​យ​តប​គ្រោះ​អាសន្ន​មហន្ត​រាយ​អាស៊ាន​ ជាលំហាត់សមយុទ្ធពេញលេញ ដែលរៀបចំឡើងរៀងរាល់ពីរឆ្នាំម្ដង ដើម្បី​ធ្វើ​តេស្ត​សាក​ល្បង និងវាយតម្លៃយន្តការត្រៀមបង្ការ និងឆ្លើយតប​សង្គ្រោះ​បន្ទាន់​គ្រោះ​មហន្ត​រាយ​របស់​អាស៊ាន ​ដោយរួមបញ្ចូលដំណើរការត្រៀមរៀបចំការរុករក និងសង្គ្រោះ, ការប៉ាន់​ប្រមាណ​ផល​ប៉ះ​ពាល់ ​និងយុទ្ធសាស្ត្រឆ្លើយតបបន្ទាន់កម្រិតប្រទេស ដែលផ្សារភ្ជាប់នឹងអាស៊ាន ក្នុងគោល​បំណង​សង្គ្រោះ​អាយុ​ជីវិតជនរងគ្រោះដោយគ្រោះមហន្តរាយ តាមរយៈការរុករក និងសង្គ្រោះ, ការផ្តល់​នូវ​សេវា​សុខាភិបាល, ការផ្តល់ជម្រកស្នាក់នៅបណ្ដោះអាសន្ន, ការផ្ដល់ស្បៀងអាហារ និង​អនាម័យ​ទឹក​ស្អាត​ជា​ដើម​។ ជាមួយគ្នានេះ ឯកឧត្តម ទេសរដ្ឋមន្រ្តី ថ្លែងថា លំហាត់​សមយុទ្ធ​នេះ​ក៏​នឹង​រួម​បញ្ចូល​ការ​ធ្វើ​តេស្ត​សាក​ល្បង​នីតិ​វិធីប្រតិបត្តិស្តង់ដាអាស៊ាន សម្រាប់ការត្រៀមរៀបចំ ក្នុងតំបន់ និងលក្ខ​ខណ្ឌ​ការងារ​របស់​អគ្គ​លេខាធិការអាស៊ាន ក្នុងនាមជាអ្នកសម្របសម្រួលជំនួយមនុស្សធម៌អាស៊ានផងដែរ។  សូម​ជម្រាបថា លំហាត់សមយុទ្ធនេះមានការចូលរួមពី ប្រទេសជាសមាជិកអាស៊ាន, ប្រទេស​ទីម័រ​ឡេស្ត​, ដៃ​គូសន្ទនាអាស៊ាន, អគ្គលេខាធិការអាស៊ាន, នាយកប្រតិបត្តិមជ្ឈមណ្ឌល-អាហារ, ឯក​អគ្គ​រាជ​ទូត-ឯកអគ្គរដ្ឋទូត និងអនុព័ន្ធយោធាបរទេសប្រចាំកម្ពុជា ព្រមទាំងក្រសួង-ស្ថាប័ន​ជំនាញ​,​ កងប្រតិបត្តិការរុករក និងសង្គ្រោះរាជធានី-ខេត្ត, ដៃគូអភិវឌ្ឍន៍ ភ្នាក់ងារសហប្រជាជាតិ, អង្គការ​អន្តរជាតិ និងវិស័យឯកជនសរុបប្រមាណ ៤០០នាក់៕

ស.ស.យ.ក ចុះMOUជាមួយ អ.វ.ត.ក បង្កើនកិច្ចសហការ​ផ្សព្វផ្សាយ​ចំណេះដឹ​ង​​ពី​របប​ប្រល័យ​ពូជសាសន៍ ប៉ុល ពត

2025/07/09 03:39:38 pm        145
Facebook Telegram Linkin
សហភាពសហព័ន្ធយុវជនកម្ពុជា (ស.ស.យ.ក.) និងអង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក.) នៅថ្ងៃទី០៩ខែកក្កដានេះ បានចុះអនុស្សារណៈនៃការយោគយល់គ្នា (MOU) ក្រោម​អធិបតីភាពរបស់ឯកឧត្តម សុះ មុះសិន អនុប្រធានសហភាពសហព័ន្ធយុវជនកម្ពុជា និង​ជា​តំណាងដ៏ខ្ពង់ខ្ពស់របស់ ឯកឧត្តម ហ៊ុន ម៉ានី ប្រធានសហភាពសហព័ន្ធយុវជនកម្ពុជា និង ឯកឧត្តម ក្រាញ់ តូនី រដ្ឋលេខាធិការទីស្តីការគណៈរដ្ឋមន្ត្រី និងជាប្រធានរដ្ឋបាលស្តីទី អ.វ.ត.ក.។ ពិធីនេះ រៀបចំធ្វើឡើងនៅមជ្ឈមណ្ឌលធនធាន អ.វ.ត.ក. រាជធានីភ្នំពេញ។នៅ​ក្នុង​ពិធីឯកឧត្តម ក្រាញ់ តូនី បានផ្តល់បទសម្ភាសជាមួយBTVថា អ.វ.ត.ក. មានគោល​ដៅអប់រំ​ឲ្យ​បានទូលំទូលាយបន្ថែមទៀតទៅដល់យុវជន ក្រៅពីបណ្ណាសារ អ.វ.ត.ក. មានរថយន្ត​ចល័ត​ទៅ​តាម ២៥ខេត្តក្រុង ហើយដើម្បីសម្រេចបានគោលដៅមួយនេះ អ.វ.ត.ក. នឹង​សហការ​ជាមួយ ស.ស.យ.ក. ដែលបានចុះMOUក្នុងពេលនេះ។ឯកឧត្តម សុះ មុះសិន អនុប្រធានសហភាពសហព័ន្ធយុវជនកម្ពុជា បានថ្លែងថា ក្រោយពី​បញ្ចប់​ការងារ​កាត់សេចក្តីសាលាក្តីខ្មែរក្រហមមក អ.វ.ត.ក. មានកេរដំណែល​មួយ​ដែល​ត្រូវ​ផ្ទេរ​ដល់​យុវជន​ជំនាន់ក្រោយជាទំពាំងស្នងឬស្សី អាចសិក្សាស្វែងយល់ពីអតីតកាលដ៏ខ្មៅងងឹត ដើម្បី​ឈាន​ដល់​ការអភិវឌ្ឍប្រសើរឡើង។ លើសពីនេះ ឯកឧត្តម សុះ មុះសិន បានថ្លែង​អំណរ​គុណ​ទៅ​ដល់​ អ.វ.ត.ក. ដែលបានអនុញ្ញាតឲ្យ ស.ស.យ.ក. ចូលរួមសហការជាមួយ ដើម្បី​សម្រេច​បាន​គោល​ដៅ​រួម និងសមស្របទៅតាមចក្ខុវិស័យរបស់ ស.ស.យ.ក. ដែលផ្តោត​សំខាន់​ទៅ​លើ​ការ​ប​ណ្តុះ​បណ្តាលទៅដល់យុវជន សិស្សានុសិស្ស ដែលនឹងក្លាយជាបញ្ញវន្ត ឲ្យបានសិក្សា​ស្វែង​យល់​ពី​ផ្លូវ​ច្បាប់ និងប្រវត្តិសាស្រ្តដែលបានកើតឡើង ដើម្បីកុំឲ្យក្លាយជាអ្នកវង្វេងប្រវត្តិសាស្រ្ត។គួរបញ្ជាក់ដែរថា ការចុះ MOU រវាងសហភាពសហព័ន្ធយុវជនកម្ពុជា (ស.ស.យ.ក.) និង​អង្គ​ជំនុំ​ជម្រះ​វិសាមញ្ញក្នុងតុលាការកម្ពុជា (អ.វ.ត.ក.) ធ្វើឡើងក្នុងគោលបំណងចែករំលែកចំណេះដឹង បទ​ពិសោធច្បាប់ និងសច្ចធម៌​ប្រវត្តិសាស្រ្ត​នៃ​របប​កម្ពុជា​ប្រជាធិប​តេយ្យ​ពី​អង្គ​ជំនុំ​ជម្រះ​វិសាមញ្ញ​ក្នុង​តុលាការកម្ពុជា តាមរយៈកម្មវិធីរួមគ្នានៃកម្មវិធីបណ្តុះបណ្តាលនានា មានដូចជា សិក្ខាសាលា ការ​បង្កើតកម្មវិធីរួមគ្នា ការស្រាវជ្រាវ ផ្នែកច្បាប់ និងប្រវត្តិសាស្ត្រ ទស្សនកិច្ចសិក្សា កម្មវិធី​រថយន្ត​ចល័ត​ក្នុង​ការផ្សព្វផ្សាយឯកសារពាក់ព័ន្ធនឹងចំណេះដឹងច្បាប់ និងប្រវត្តិសាស្ត្រ៕ អត្ថបទ៖ទូច សោភ័ណ 

ឯកឧត្ដមរដ្ឋមន្ត្រី ជា វ៉ាន់ដេត ចូលរួមកិច្ចប្រជុំជាន់ខ្ពស់ឆ្នាំ២០២៥ នៃកិច្ចប្រជុំកំពូល​ពិភពលោក​ស្ដីពីសង្គមព័ត៌មាន នៅប្រទេសស្វ៊ីស

2025/07/09 03:22:50 pm        146
Facebook Telegram Linkin
ហ្សឺណែវ៖ នាថ្ងៃទី៧ ខែកក្កដា ឆ្នាំ២០២៥ ឯកឧត្ដម ជា វ៉ាន់ដេត រដ្ឋមន្ត្រី​ក្រសួងប្រៃសណីយ៍​និង​ទូរ​គមនាគមន៍ (ក.ប.ទ.) បានដឹកនាំគណៈប្រតិភូ ក.ប.ទ. និងនិយ័តករទូរគមនាគមន៍កម្ពុជា បាន​អញ្ជើញ​ចូលរួមកិច្ចប្រជុំជាន់ខ្ពស់ឆ្នាំ២០២៥ នៃកិច្ចប្រជុំកំពូល​ពិភព​លោក​ស្ដីពី​សង្គម​ព័ត៌មាន​ (World Summit on the Information Society-WSIS +20 High-Level Event 2025) នៅក្រុងហ្សឺណែវ ប្រទេសស្វ៊ីស។កិច្ចប្រជុំកំពូលឆ្នាំ២០២៥នេះ ជាការជួបជុំរបស់ដៃគូអន្តរជាតិទាំងអស់ ដើម្បីពិនិត្យ​លទ្ធ​ផល​រយៈ​ពេល​២០​ក្រោយការបង្កើតនាកិច្ចប្រជុំ WSIS នៅទុយនីសកាលពីឆ្នាំ២០០៥ ដោយ​មាន​ការ​ចូល​រួម​ពី​ប្រមុខរដ្ឋ ប្រមុខរដ្ឋាភិបាល រដ្ឋមន្ត្រី និងអនុរដ្ឋមន្ត្រីប្រមាណ៦០រូប អគ្គលេខាធិការ​សហភាព​ទូរ​គមនាគមន៍អន្តរជាតិ តំណាងជាន់ខ្ពស់អង្គការយូណេស្កូ កម្មវិធីអភិវឌ្ឍន៍​អង្គកា​រ​សហ​ប្រជាជាតិ​ (UNDP) និងសន្និសីទអង្គការសហប្រជាជាតិស្ដីពីពាណិជ្ជកម្មនិងការអភិវឌ្ឍ (UNCTAD) តំណាងនិយ័តករប្រមាណ៤០រូប តំណាង​ទីភ្នាក់​ងារ​ជំនាញ​អង្គការ​សហ​ប្រជា​ជាតិ​ប្រមាណ​៥០ រួមទាំងអ្នកចូលរួមជាច្រើនប្រទេសប្រមាណ៤០០០នាក់។កិច្ចប្រជុំ​ជាន់ខ្ពស់ឆ្នាំ២០២៥នេះ ក៏មានកម្មវិធីអមមួយចំនួនរួមមាន “កិច្ចប្រជុំ​កំពូល​ពិភព​លោក​ស្ដីពី​បញ្ញាសិប្បនិម្មិតដើម្បីមនុស្សជាតិ ឆ្នាំ២០២៥” (AI for Good Global Summit 2025) “វេទិកា​ហ្វ្រង់កូហ្វូនីស្ដីពីអភិបាលកិច្ចឌីជីថលនិងបញ្ញាសិប្បនិម្មិត” (Forum Francophone sur la gouvernance du numérique et de l’IA) និង “វេទិកាការតភ្ជាប់ហ្ស៊ីហ្កា ឆ្នាំ2025” (GIGA Connectivity Forum 2025) ដែលនឹងប្រព្រឹត្តទៅពីថ្ងៃទី៧ ដល់ថ្ងៃទី១១ ខែកក្កដា ឆ្នាំ២០២៥ នៅ​ក្រុងហ្សឺណែវ ប្រទេសស្វ៊ីស។គួររំលឹកផងដែរថា កិច្ចប្រជុំកំពូលពិភពលោកស្ដីពីសង្គមព័ត៌មាន (WSIS) បាន​ចាប់​ផ្ដើម​កាល​ពី​ពីរ​ទស្សវត្សរ៍មុននៅពេលប្រព័ន្ធអ៊ីនធឺណិតនិងវេបចាប់ផ្ដើមរីកសាយបន្តិចម្ដងជុំវិញពិភពលោក។ កិច្ច​ប្រជុំកំពូលលើកទី១នៅហ្សឺណែវ ប្រទេសស៊្វីស ឆ្នាំ២០០៣ និងកិច្ច​ប្រជុំ​កំពូល​នៅ​ក្រុង​ទុយ​នីស ប្រទេសទុយនេស៊ី ឆ្នាំ២០០៥ បានកំណត់ចក្ខុវិស័យនៃ “សង្គមព័ត៌មាន” តភ្ជាប់​ដោយ​អ៊ីនធឺ​ណិត​ដែលលើកតម្កើងមនុស្សជាតិ ប្រកបដោយបរិយាបន្ន និងគាំទ្រដំណើរការអភិវឌ្ឍ៕

បណ្ដាញសង្គម

ព័ត៌មានថ្មីៗ

ការពិនិត្យឡើងវិញ៖ ភាពយន្តឯកសារពីតំបន់ហ្កហ្សារបស់ BBC បំពានគោលការណ៍ណែនាំអំពីភាពត្រឹមត្រូវ
07/14/2025 08:07 PM
Facebook Telegram Linkin
មនុស្សជាច្រើននាក់ស្លាប់ក្នុងអគ្គិភ័យនៅមជ្ឈមណ្ឌលសង្គ្រោះ ក្នុងរដ្ឋ Massachusetts
07/14/2025 08:07 PM
Facebook Telegram Linkin
ជំនួយការរបស់លោក Netanyahu ប្រឈមនឹងការចោទប្រកាន់ផ្លូវការ ជុំវិញការបែកធ្លាយព័ត៌មានយោធា
07/14/2025 08:07 PM
Facebook Telegram Linkin
រដ្ឋមន្ត្រីការបរទេសអ៊ីស្រាអែល និងប៉ាឡេស្ទីន នឹងចូលរួមកិច្ចប្រជុំរបស់ EU
07/14/2025 08:07 PM
Facebook Telegram Linkin
អ៊ីរ៉ង់៖ ការដាក់ទណ្ឌកម្មជាថ្មីរបស់ UN នឹងជួបជាមួយការឆ្លើយតបយ៉ាងសមស្រប
07/14/2025 07:07 PM
Facebook Telegram Linkin
វិមានក្រឹមឡាំង៖ ការបញ្ជូនអាវុធ និងគ្រាប់រំសេវទៅអ៊ុយក្រែនពីអាមេរិក កំពុងបន្តមានធម្មតា
07/14/2025 07:07 PM
Facebook Telegram Linkin
នគរបាលឃាត់ខ្លួនមនុស្ស ៨នាក់ ក្រោយមានការប៉ះទង្គិចរបស់ក្រុមប្រឆាំងជនអន្តោប្រវេសន៍ ក្នុងទីក្រុងនៅអេស្ប៉ាញ
07/14/2025 07:07 PM
Facebook Telegram Linkin
ព្រះអង្គម្ចាស់ នរោត្តម ចក្រាវុធ ជួបពិភាក្សាការងារជាមួយ ឯកឧត្តម Chen Zhou អនុរដ្ឋមន្រ្តី ក្រសួងទំនាក់ទំនងអន្តរជាតិចិន
07/14/2025 07:07 PM
Facebook Telegram Linkin
EU នឹងត្រៀមបញ្ជីពន្ធ ២៤,៥២ពាន់លានដុល្លារ សម្រាប់ទំនិញរបស់អាមេរិក
07/14/2025 06:07 PM
Facebook Telegram Linkin
សេដ្ឋកិច្ចកម្ពុជានៅបន្តរឹងមាំ៖ ២២ខែនៃរាជរដ្ឋាភិបាលអាណតិ្តទី៧របស់សម្តេចធិបតី រោងចក្រសហគ្រាសកើនជាង៥,៣ពាន់ដែលបង្ហាញពីភាពរឹងមាំ និងជំនឿទុកចិត្ត
07/14/2025 06:07 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.