នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
ក្រសួងពាណិជ្ជកម្ម ចុះបញ្ជីជាផ្លូវការផលិតផល “ទុរេនបែកអន្លូង” ជាម៉ាកសមូហភាព (Collective Mark) លើកកម្ពស់អត្តសញ្ញាណផលិតផលខ្មែរ និងពង្រឹងការការពារកម្មសិទ្ធិបញ្ញា
សមត្ថកិច្ចចុះត្រួតពិនិត្យពីរទីតាំងនៅក្រុងប៉ោយប៉ែតរកឃើញជនជាតិឥណ្ឌូនេស៊ីចំនូន៨១នាក់រស់នៅប្រមូលផ្តុំ
សម្ដេចព្រះមហាសង្ឃរាជ បួរ គ្រី យាងបើកកម្មវិធីការពារនិក្ខេបបទ និងប្រឡងបញ្ចប់ថ្នាក់បរិញ្ញាបត្រជាន់ខ្ពស់ នៅពុទ្ធិកសាកលវិទ្យាល័យព្រះសីហមុនីរាជា
សម្តេចកិត្តិសង្គហបណ្ឌិត ម៉ែន សំអន អញ្ជើញប្រគេនទៀនព្រះវស្សា និងទេយ្យវត្ថុដល់ព្រះសង្ឃចំនួន ៥វត្ត នៅខេត្តក្រចេះ

ព័ត៌មានជាតិ

រដ្ឋមន្រ្ដីក្រសួងកសិកម្ម ដឹកនាំកិច្ចប្រជុំពិនិត្យសេចក្តីព្រាង ពិធីសាររវាងអគ្គរដ្ឋបាលគយចិន និងក្រសួងកសិកម្មកម្ពុជា ស្តីពីលក្ខខណ្ឌតម្រូវក្នុងការអធិការកិច្ច ចត្តាឡីស័ក និងអនាម័យសម្រាប់នាំចេញសំបុកត្រចៀកកាំពីកម្ពុជាទៅចិន

2024/11/19 09:56:04 am        241
Facebook Telegram Linkin
ភ្នំពេញ៖ នៅរសៀលថ្ងៃទី១៨ ខែវិច្ឆិកា ឆ្នាំ២០២៤ ឯកឧត្តម ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ បានដឹកនាំកិច្ចប្រជុំពិនិត្យ និងពិភាក្សាសេចក្តីព្រាង "ពិធីសាររវាងអគ្គរដ្ឋបាលគយចិន និងក្រសួងកសិកម្ម រុក្ខាប្រមាញ់ និងនេសាទ ស្តីពីលក្ខខណ្ឌតម្រូវក្នុងការអធិការកិច្ច ចត្តាឡីស័ក និងអនាម័យសម្រាប់នាំចេញសំបុកត្រចៀកកាំពីកម្ពុជាទៅចិន នៅទីស្តីការក្រសួងកសិកម្ម រុក្ខាប្រមាញ់ និងនេសាទ។ក្នុងកិច្ចប្រជុំនេះ ឯកឧត្តមរដ្ឋមន្ត្រី បានផ្តល់អនុសាសន៍ណែនាំដល់ក្រុមការងារនៃរដ្ឋបាលព្រៃឈេី ត្រូវគ្រប់គ្រង និងចុះបញ្ជីអ្នកចិញ្ចឹមត្រចៀកកាំ ដេីម្បីឱ្យអ្នកចិញ្ចឹមបានយល់ដឹងពីច្បាប់បទដ្ឋាននានា កិច្ចសន្យានៃការចិញ្ចឹមដោយមិនរំខានដល់អ្នកដទៃ តាមដានការចិញ្ចឹមឱ្យមានភាពច្បាស់លាស់ និងជំងឺឆ្លងផ្សេងៗ។ទន្ទឹមនឹងនេះ ឯកឧត្តមរដ្ឋមន្ត្រី បានប្រគល់ភារកិច្ចជូនដល់អគ្គនាយកដ្ឋានសុខភាពសត្វ និងផលិតកម្មសត្វ ក្នុងការតាមដានយកចិត្តទុកដាក់ពិនិត្យជំងឺឆ្លងនានា នៃការចិញ្ចឹមត្រចៀកកាំនេះឱ្យបានជាប់លាប់ ដេីម្បីធានាបាននូវសុវត្ថិភាពសុខភាពសាធារណៈ ផ្តល់ផលចំណេញដល់អ្នកចិញ្ចឹម ជាពិសេសជំរុញដល់ការនាំចេញកាន់តែមានប្រសិទ្ធភាព និងសុវត្ថិភាពខ្ពស់។ឆ្លៀតក្នុងឱកាសនេះដែរ ឯកឧត្តមរដ្ឋមន្ត្រី បានណែនាំដល់អគ្គនាយកដ្ឋានសុខភាពសត្វ និងផលិតកម្មសត្វ ត្រូវស្រាវជ្រាវ និងស្វែងយល់ពីនីតិវិធីរៀបចំបណ្តុំនៃអ្នកចិញ្ចឹមត្រចៀកកាំទៅតាមពេលនីមួយៗ (Batch Management) ឱ្យមានភាពច្បាស់លាស់ មានភាពម្ចាស់ការ មានប្រសិទ្ធភាពក្នុងការគ្រប់គ្រង និងមានភាពងាយស្រួលក្នុងការតាមដានតាមប្រព័ន្ធ សម្រាប់បម្រើដល់ការនាំចេញ៕

CDI-IDC ចេញសេចក្ដីថ្លែងការណ៍ក្រុងសៀមរាបស្ដីពីការរួមផ្សំគ្នាផ្នែកនយោបាយ ក្នុងការកសាងសន្តិភាពនៅក្រោមធម្មនុញ្ញសន្តិភាពសកល៖ «សម្រាប់មនុស្សជាតិ និងភពផែនដី»

2024/11/19 09:32:15 am        193
Facebook Telegram Linkin
តាមរយៈ «កិច្ចប្រជុំគណៈកម្មាធិការប្រតិបត្តិអង្គការអ្នកប្រជាធិបតេយ្យនិយមកណ្តាលអន្តរជាតិ (IDC-CDI) នៅលើទឹកដីខេត្តសៀមរាប កាលពីថ្ងៃចន្ទ ទី១៨ ខែវិច្ឆិកា ឆ្នាំ ២០២៤ ម្សិលមិញនេះ អង្គការអ្នកប្រជាធិបតេយ្យនិយមកណ្តាលអន្តរជាតិ (CDI-IDC) បានចេញសេចក្តីថ្លែងការណ៍ក្រុងសៀមរាបស្ដីពីការរួមផ្សំគ្នាផ្នែកនយោបាយ ក្នុងការកសាងសន្តិភាពនៅក្រោមធម្មនុញ្ញសន្តិភាពសកល៖ «សម្រាប់មនុស្សជាតិ និងភពផែនដី»។ថ្នាក់ដឹកនាំ និងជាតំណាងគណបក្សសមាជិក CDI មកពីបណ្តាប្រទេសជុំវិញពិភព លោកបានប្រមូលផ្តុំគ្នានៅក្រុងសៀមរាប នៃព្រះរាជាណាចក្រកម្ពុជា សម្រាប់កិច្ចប្រជុំគណៈកម្មាធិការប្រតិបត្តិ អង្គការអ្នកប្រជាធិបតេយ្យនិយមកណ្តាលអន្តរជាតិ (CDI-IDC) រៀបចំដោយគណបក្សប្រជាជនកម្ពុជា នៅថ្ងៃទី ១៨ ខែវិច្ឆិកា ឆ្នាំ២០២៤ ក្រោមប្រធានបទ «ការកសាងសន្តិភាពនៅក្នុងលំដាប់ពិភពលោកថ្មីៗ»។ CDI-IDC បានកោតសរសើរយ៉ាងខ្លាំងចំពោះការចូលរួមយ៉ាងសកម្ម ការរួមចំណែកផ្តល់យោបល់ជាអនេក ក៏ ដូចជា ការចែករំលែកនូវបទពិសោធន៍របស់ថ្នាក់ដឹកនាំ និងអ្នកតំណាង CDI ទាំងអស់ជាទីគោរព នៅក្នុងការ ពិភាក្សានេះ ស្តីអំពីកិច្ចការនយោបាយពិភពលោក ដែលប៉ះពាល់ទៅដល់សន្តិភាព សន្តិសុខ និងទំនាក់ទំនងអន្តរ ជាតិ ដែលជាតម្លៃរបស់អ្នកប្រជាធិបតេយ្យនិយមកណ្តាល និងការចែករំលែកនានាទាក់ទិននឹងសេចក្ដីសាទរពួក គេចំពោះសន្តិភាពពិភពលោក។ CDI-IDC គោរពការប្តេជ្ញាចិត្តយ៉ាងមុតមាំរបស់ថ្នាក់ដឹកនាំ CDI និងក្រុមគ្រួសារសកល CDI ក្នុងការលើក កម្ពស់ តម្លៃនៃសន្តិភាពតាមរយៈការខិតខំប្រឹងប្រែងជាបន្តបន្ទាប់ ស្តីអំពីតម្លៃនៃសន្តិភាព និង ការស្វែងរកសាមគ្គី ភាពនយោបាយអន្តរជាតិកាន់តែខ្លាំង និងស៊ីជម្រៅក្នុងស្មារតីសមូហភាពមួយ ដើម្បីពង្រឹងប្រាជ្ញា កម្លាំង និងភាព ស៊ីសង្វាក់គ្នាបង្កើនសន្តិភាព ក្រោមនិម្មាបនម្មអន្តរជាតិនៃការកសាងសន្តិភាព ដែលបានចែងនៅក្នុងធម្មនុញ្ញសន្តិ ភាពជាសកល ដែលត្រូវបានដាក់ឱ្យអនុម័តនៅ សម័យប្រជុំពេញអង្គរបស់សភាអន្តរជាតិដើម្បីភាពអត់ឱន និង សន្តិភាពលើកទី១១ (IPIP)។ ក្នុងនោះ សម័យប្រជុំនេះស្ថិតនៅក្រោមអធិបតីភាពនៃព្រះរាជាណាចក្រកម្ពុជា ដែលនឹងត្រូវធ្វើជាម្ចាស់ផ្ទះ នៅទីក្រុងភ្នំពេញ ព្រះរាជាណាចក្រកម្ពុជា ចាប់ពីថ្ងៃទី២៣-២៦ ខែវិច្ឆិកា ឆ្នាំ ២០២៤។ CDI-IDC កត់សម្គាល់អំពីភាពបន្ទាន់ ក្នុងការស្តារទំនុកចិត្តអន្តរជាតិឡើងវិញ ដើម្បីរក្សាបាននូវភាពយុត្តិធម៌ រួមប្រកបដោយបរិយាប័ន្ន និង កសាងប្រព័ន្ធអន្តរជាតិមួយដែលមានភាពធន់ ក្រោមធម្មនុញ្ញអង្គការសហប្រជា ជាតិដែលជាស្នូលរបស់ខ្លួន ខណៈមានការចែងអំពីគោលការណ៍របស់ CDI ក្នុងធម្មនុញ្ញរបស់ខ្លួន រួមទាំងការ គោរពគ្នាទៅវិញទៅមកចំពោះបូរណភាពទឹកដី និងអធិបតេយ្យភាព ការមិនឈ្លានពាន ការមិនជ្រៀតជ្រែកក្នុងកិច្ច ការផ្ទៃក្នុងរបស់គ្នាទៅវិញទៅមក ការរក្សាផលប្រយោជន៍រួម និងការរួមរស់ដោយសន្តិភាព។ CDI-IDC គាំទ្រ និងទទួលយកនូវគោលបំណង និងបេសកកម្មនៃធម្មនុញ្ញសន្តិភាពសកល ដែលស្របតាមធម្ម នុញ្ញអង្គការសហប្រជាជាតិ និងសន្ធិសញ្ញាអន្តរជាតិដែលទទួលស្គាល់ជាសកលផ្សេងទៀតរួមមាន៖ សេចក្តី ប្រកាសទីក្រុងបានដុង និងសន្ធិសញ្ញាមិត្តភាព និងកិច្ចសហប្រតិបត្តិការនៅអាស៊ីអាគ្នេយ៍ (TAC)។ ដូច្នេះ យើង ប្តេជ្ញាចិត្តយ៉ាងមុតមាំក្នុងការលើកកម្ពស់ សសរស្តម្ភគន្លឹះនៃធម្មនុញ្ញសន្តិភាពសកលក្រោមរូបភាពដូចជា ១) ការ ទប់ស្កាត់ជម្លោះ ២) ដំណើរការកសាងសន្តិភាព និងកិច្ចសម្របសម្រួលល្អ ៣) យុត្តិធម៌អន្តរកាល ៤) ការកសាង ឡើងវិញក្រោយជម្លោះ និងមនុស្សធម៌ និងការឆ្លើយតបគ្រោះមហន្តរាយ និង ៥) សន្តិសុខស្បៀង និងការអភិវឌ្ឍ ប្រកបដោយចីរភាពក្នុងការឆ្លើយតបទៅនឹងការប្រែប្រួលអាកាសធាតុ។CDI-IDC កត់សម្គាល់ដោយពេញចិត្តយ៉ាងខ្លាំងដែល CDI កំពុងក្លាយជាវេទិកានយោបាយដ៏រឹងមាំ និងជា វេទិកាបើកចំហតែមួយគត់ ដល់គណបក្សនយោបាយទាំងអស់នៅទូទាំងវិសាលភាពមនោគមវិជ្ជា ដើម្បីនាំមកនូវ ការរួបរួមល្អបំផុតនៃពិភពលោក ដែលមានភាពចម្រុះជាមួយនឹងចក្ខុវិស័យមួយគឺ “ការកសាងសហគមន៍ពិភព លោក- នៃសន្តិភាព កិច្ចសហប្រតិបត្តិការ មិត្តភាព ភាពសុខដុមរមនា និងវិបុលភាព។ ក្នុងស្មារតីនេះ យើងបាន រំលឹកពីតម្រូវការក្នុងការពង្រីកចំនួនតួនាទីនៃគណបក្សនយោបាយ ដើម្បីសម្រេចបាននូវចក្ខុវិស័យរបស់យើង។ យើងក៏កត់សម្គាល់ផងដែរថា CDI គឺជាស្ថានតភ្ជាប់ក្រុមនយោបាយនៅអាស៊ី អាមេរិកឡាទីន អាហ្វ្រិក អឺរ៉ុប និងអាមេរិកខាងជើង។ យើងបានបន្តការសន្យារបស់យើងដើម្បីបន្តការខិតខំជំរុញកិច្ចសហប្រតិបត្តិការ ជាមួយគណបក្សនយោបាយក្នុងតំបន់ផ្សេងទៀត ហើយរួមចំណែកក្នុងការនាំយកមកនូវ សន្តិភាព និងស្ថិរភាព នៅកម្រិតពិភពលោក តាមរយៈកិច្ចសន្ទនា និងការផ្លាស់ប្តូរនានា។ ជាចុងក្រោយ យើងយល់ព្រមបង្កើនកិច្ចសហ ប្រតិបត្តិការ ជាមួយដៃគូនយោបាយក្នុងតំបន់របស់យើង ជាមួយនឹងការដាក់បើកដំណើរការនូវបណ្តាញ CDI អាស៊ីប៉ាស៊ីហ្វិក និងការិយាល័យពាក់ព័ន្ធនៃលេខាធិការដ្ឋាន CDI ។ តាមន័យនេះ យើងមានកាតព្វកិច្ចធ្វើការយ៉ាងជិតស្និទ្ធជាមួយរដ្ឋាភិបាល និងសភានៅក្នុងតំបន់ ក៏ដូចជា ការបង្កើនគំនិតផ្តួចផ្តើម និងក្របខ័ណ្ឌកិច្ចសហប្រតិបត្តិការក្នុងតំបន់ និងអនុតំបន់ផ្សេងទៀត ដើម្បីលើកកម្ពស់ សន្តិភាព និងវិបុលភាពសកល។ ស្របតាមឆន្ទៈនេះ យើងសូមប្រកាសដូចតទៅ៖ចំពោះ សន្តិភាព និងស្ថិរភាព CDI-IDC សង្កេតឃើញថា អាស៊ី និងពិភពលោកគឺកំពុងស្ថិតនៅចំណុចប្រសព្វក្នុងប្រវត្តិសាស្ត្ររបស់ពួកគេ។ ពេលនិយាយអំពី «សតវត្សអាស៊ី» គឺមានពពកខ្មៅនៃជម្លោះ ដែលបង្កហានិភ័យយ៉ាងធ្ងន់ធ្ងរដល់សន្តិភាព និងស្ថិរ ភាពក្នុងតំបន់ និងពិភពលោក។ យើងសង្កត់ធ្ងន់លើសារៈសំខាន់នៃការជៀសវាងប្លុកនយោបាយ ហើយសង្កត់ធ្ងន់ និងផ្តោតសំខាន់ឡើងវិញលើកិច្ចសហប្រតិបត្តិការជាជាងការប្រកួតប្រជែង ដោយហេតុថា ការប្រឈមទូទៅតែង ទាមទារឱ្យមានការឆ្លើយតបជាសមូហភាព។ យើងប្តេជ្ញាថានឹងខិតខំប្រឹងប្រែងបន្ថែមទៀត ដើម្បីដោះស្រាយ បញ្ហាប្រឈមនៃសតវត្សទី២១ និងបង្កើតបរិយាកាសអំណោយផលដើម្បីជំរុញសន្តិភាព និងធានាស្ថិរភាព សម្រាប់ប្រជាជន ហើយយើងរក្សាការតាំងចិត្តលើសហត្តិភាព កិច្ចសហប្រតិបត្តិការឈ្នះ ឈ្នះ និងការតភ្ជាប់សេដ្ឋ កិច្ច និងវប្បធម៌ដែលផ្តោតលើប្រជាជន ជាមួយនឹងវប្បធម៌នៃការសន្ទនា និងការចរចាដោយបើកចំហ បរិយាប័ន្ន និងស្មោះស្ម័គ្រ ដោយផ្អែកលើច្បាប់អន្តរជាតិជាមធ្យោបាយតែមួយគត់ដែលអាចសម្រេចបាន និងចង់បានដើម្បី ដោះស្រាយជម្លោះ។ យើងទទួលស្គាល់ និងបង្ហាញពីការព្រួយបារម្ភយ៉ាងខ្លាំងរបស់យើងចំពោះជម្លោះដែលកំពុងបន្តកើតមាន និងកំពុងផ្ទុះឡើងថ្មីៗនៅទូទាំងតំបន់ និងពិភពលោក និងចំពោះបញ្ជាទឹកដីនាពេលបច្ចុប្បន្ននៅក្នុងតំបន់មួយ ចំនួននៃពិភពលោកដែលបង្កការគំរាមកំហែងយ៉ាងធ្ងន់ធ្ងរដល់សន្តិសុខរួមនៃសមាជិកទាំងអស់ក្នុងសហគមន៍ សកល ដោយសារកំណើននៃការពឹងផ្អែកគ្នា និងការតភ្ជាប់គ្នាទៅវិញទៅមកក្នុងចំណោមប្រទេសនានា។ ក្នុងន័យ នេះ យើងមានការព្រួយបារម្ភយ៉ាងខ្លាំងចំពោះជម្លោះប្រដាប់អាវុធដែលកំពុងបន្តកើតមាន ជាពិសេសមហន្តរាយ មនុស្សធម៌ដ៏ធំសម្បើមនេះ។ យើងបញ្ជាក់យ៉ាងមុតមាំថា យើងប្រឆាំងនឹងអំពើហិង្សាគ្រប់ទម្រង់ ដូច្នេះហើយ យើងយល់ព្រមជំរុញភាគីទាំងអស់ដែលមានជម្លោះនៅក្នុងផ្នែកណាមួយនៃពិភពលោកឱ្យបញ្ឈប់ការប្រយុទ្ធ និង ចរចាដោយស្មោះត្រង់ និងដើម្បីប្រយោជន៍រួមរបស់មនុស្សជាតិ។ ការទូតនយោបាយ និងសភា ដើម្បីសន្តិភាព យើងបញ្ជាក់សារជាថ្មីថា គណបក្សនយោបាយមិនអាចខ្វះលទ្ធិប្រជាធិបតេយ្យបានទេ ដែលនោះគឺជា កម្លាំងចលករដ៏សំខាន់ដើម្បីជំរុញប្រជាធិបតេយ្យ និងតម្លៃអ្នកនិយមកណ្តាល។ វាគឺជាកត្តាបង្រួបបង្រួមដ៏សំខាន់ មួយក្នុងការពង្រឹងទំនាក់ទំនងសង្គម និងការយល់ដឹងរបស់ប្រទេសនីមួយៗ ព្រោះវាតំណាងឱ្យមនុស្សដែលមាន ពណ៌សម្បុរ វណ្ណៈ និង សាវតាផ្សេងៗគ្នានៅលើវេទិការួមមួយ។ ការពង្រឹងគណបក្សនយោបាយ មានន័យថា សង្គមកាន់តែរឹងមាំ និងស្វាហាប់ ដោយបានផ្សាភ្ជាប់គ្នាដោយចក្ខុវិស័យរួមគ្នាដើម្បីថ្ងៃស្អែកឱ្យកាន់តែល្អប្រសើរ។ ក្នុងន័យនេះ យើងសង្កត់ធ្ងន់ថា វាមានសារៈសំខាន់សម្រាប់គណបក្សនយោបាយក្នុងការរក្សាភាពបើកចំហ ងាយ ស្រួលយល់ បរិយាប័ន្ន ប្រសិទ្ធភាព តភ្ជាប់ និងឆ្លើយតបចំពោះមនុស្សដែលខ្លួនតំណាង ហើយមានការប្រុង ប្រយ័ត្នចំពោះអំពើពុករលួយ និងភាពអយុត្តិធម៌នៅក្នុងសង្គមរបស់ខ្លួន។ យើងក៏បានសង្កត់ធ្ងន់ថា គណបក្ស នយោបាយគួរតែធានាបាននូវសិទ្ធិ និងសំឡេងរបស់ប្រជាជនទាំងអស់ ដូចជា សហគមន៍មូលដ្ឋាន ជនជាតិភាគ តិច ជនចំណាកស្រុកស្របច្បាប់ ស្ត្រី និងយុវជន ដែលត្រូវរួមបញ្ចូលក្នុងដំណើរការបង្កើតគោលនយោបាយ។CDI-IDC គាំទ្រយ៉ាងពេញទំហឹងចំពោះការបង្កើតមូលនិធិកសាងសន្តិភាព (PBF) ក្រោមធម្មនុញ្ញសន្តិភាព សកល ដែលអាចពង្រីកសក្តានុពលរបស់យើងឱ្យកាន់តែស៊ីជម្រៅ កាន់តែជិតស្និទ្ធ និងទូលំទូលាយជាមួយរដ្ឋា ភិបាល សភា និងអង្គការសង្គមស៊ីវិល និងអង្គភាពពាក់ព័ន្ធផ្សេងទៀត រួមទាំងស្ថាប័នមុខងារទាំងនោះរបស់អង្គ ការសហប្រជាជាតិ ដូចជាគណៈកម្មការកសាងសន្តិភាពអង្គការសហប្រជាជាតិ គ្រឹះស្ថានឯកជនដទៃទៀត។ លើសពីនេះ យើងក៏បង្ហាញការគាំទ្រយ៉ាងពេញទំហឹងចំពោះសំណើបង្កើតមហាសន្និបាតសភាសកល (UPA) ដែលនឹងពង្រឹងកិច្ចសហប្រតិបត្តិការជាយុទ្ធសាស្ត្ររបស់យើងក្នុងការកសាងទំនាក់ទំនងរវាងការទូតនយោបាយ និងសភាជាមួយនឹងការទូតរដ្ឋ និងលើសពីនេះទៅទៀត ក្នុងការលើកកម្ពស់សន្តិភាព និងសន្តិសុខនៅទូទាំង ពិភពលោក។ ស្ត្រី និងយុវជនក្នុងការកសាងសន្តិភាព យើងសង្កត់ធ្ងន់លើតម្រូវការសម្រាប់ការគាំពារសង្គមបន្ថែមទៀតសម្រាប់ក្រុមខ្សត់ក្រ ក្នុងគ្រាមានវិបត្តិ។ យើងគួរតែធានាថាស្ត្រីចូលរួមប្រកបទៅដោយអត្ថន័យ ហើយថាទស្សនៈរបស់ពួកគេត្រូវបានរួមបញ្ចូលនៅក្នុង ដំណើរការនៃការសម្រេចចិត្ត និងការបង្កើតគោលនយោបាយ។ យើងត្រូវពង្រឹងកិច្ចខិតខំប្រឹងប្រែងរបស់យើង ដើម្បីលុបបំបាត់របាំងរចនាសម្ព័ន្ធដែលរារាំងការចូលរួមដោយស្មើភាពរបស់ស្ត្រី ក្នុងជីវិតសង្គម នយោបាយ និង សេដ្ឋកិច្ចរបស់ពួកគេ។ ក្នុងបរិបទនេះ យើងបានស្នើរដល់ CDI Women Wing និងជំរុញសមាជិករបស់ខ្លួនឱ្យ អនុម័តគោលនយោបាយ និងកម្មវិធី ដើម្បីឱ្យស្ថិរភាពសេដ្ឋកិច្ចរបស់ស្ត្រីត្រូវបានធានាតាមរយៈឱកាសស្មើគ្នាក្នុង ការទទួលបានការអប់រំ ការងារ ជំនួយហិរញ្ញវត្ថុ និងយន្តការគាំពារសង្គម។ យើងក៏កត់សម្គាល់ផងដែរជាមួយនឹង ការព្រួយបារម្ភយ៉ាងខ្លាំងអំពីការលំបាកដ៏ធំធេងលើសុខភាព និងសុវត្ថិភាពដែលស្ត្រី និងកុមារកំពុងប្រឈមមុខ នៅក្នុងតំបន់ដែលមានជម្លោះ ឬនៅក្នុងសង្គ្រាម។ យើងទទួលស្គាល់ពីតម្រូវការក្នុងការពង្រីកការចូលរួមរបស់យុវជនក្នុងការដោះស្រាយបញ្ហាដែលពួកគេ ប្រឈមនៅក្នុងសង្គមរបស់យើង។ យើងសង្កត់ធ្ងន់លើសារៈសំខាន់នៃភាពជាដៃគូជាមួយអ្នកនយោបាយវ័យក្មេង ដែលមានសក្តានុពលច្រើនក្នុងការរួមចំណែកក្នុងការរៀបចំគោលនយោបាយរួម និងមានប្រសិទ្ធភាព ដើម្បីដោះ ស្រាយបញ្ហាប្រឈមដូចជាការរំខានដល់លទ្ធភាពទទួលបានការអប់រំ និងការងាររបស់យុវជន។ វិទ្យាសាស្ត្រ បច្ចេកវិទ្យា និងនវានុវត្តន៍ ដើម្បីសន្តិភាព និងវិបុលភាព យើងយល់ព្រមក្នុងការទាញយក និងប្រើប្រាស់ភាពជឿនលឿន និងភាពអាចរកបាននៃបច្ចេកវិទ្យាដែល ជំរុញដោយការស្រាវជ្រាវវិទ្យាសាស្ត្រ និងការរកឃើញ ការច្នៃប្រឌិត យើងយល់ព្រមក្នុងការភ្ជាប់ចន្លោះនៃបច្ចេក វិទ្យា រួមទាំងការបែងចែកឌីជីថល និងធ្វើឱ្យទំនាក់ទំនងប្រកបដោយផលិតភាពរវាងវិទ្យាសាស្ត្រ បច្ចេកវិទ្យា និងន វានុវត្តន៍ (STT) ជាមួយនឹងអរិយធម៌របស់មនុស្ស ដែលពង្រឹងការរួមរស់ដែលមានប្រយោជន៍របស់ពួកគេនៅទូទាំង វិសាលគមនៃតម្រូវការសង្គម រួមទាំងការទប់ទល់នឹងបញ្ហាប្រឈមនៃការប្រែប្រួលអាកាសធាតុ ទំនាក់ទំនងសន្តិ សុខស្បៀង-ថាមពល ទឹក និងគ្រោះមហន្តរាយដែលបង្កើតឡើងដោយមនុស្សផ្សេងទៀត។CDI-IDC ថ្លែងអំណរគុណយ៉ាងជ្រាលជ្រៅចំពោះប្រជាជន និងរដ្ឋាភិបាលរបស់ប្រទេស កម្ពុជាសម្រាប់បដិសណ្ឋារកិច្ចដ៏កក់ក្ដៅរបស់ពួកគេ។ យើងក៏បានថ្លែងអំណរគុណដល់ម្ចាស់ផ្ទះរបស់យើង គឺ គណបក្សប្រជាជនកម្ពុជា សម្រាប់ការរៀបចំដ៏ល្អប្រពៃរបស់ខ្លួន ដែលនាំឱ្យការរៀបចំគណៈកម្មាធិការប្រតិបត្តិ នេះទទួលបានជោគជ័យ។ សូមថ្លែងអំណរគុណយ៉ាងជ្រាលជ្រៅចំពោះ សម្តេចអគ្គមហាសេនាបតីតេជោ ហ៊ុន សែន ប្រធានគណបក្សប្រជាជនកម្ពុជា ដែលបានផ្តួចផ្តើមគំនិត និងគាំទ្រដល់ការជួបជុំដ៏ជោគជ័យនេះ៕

BREAKING NEWS !! រដ្ឋសភា បើកកិច្ចប្រជុំពិនិត្យសំណើផ្លាស់ប្តូររដ្ឋមន្រ្តីក្រសួងការបរទេស

2024/11/19 09:13:08 am        855
Facebook Telegram Linkin
ភ្នំពេញ៖ នៅព្រឹកថ្ងៃទី១៩ ខែវិច្ឆិកា ឆ្នាំ២០២៤ សម្តេចមហារដ្ឋសភាធិការធិបតី ឃួន សុដារី ប្រធាន​រដ្ឋសភា បានអញ្ជើញដឹកនាំកិច្ចប្រជុំគណៈកម្មាធិការអចិន្រ្តៃយ៍ ដើម្បីពិនិត្យ និងពិភាក្សា​លើ​របៀបវរៈមួយចំនួន។ ក្នុងនោះ មានរបៀបវរៈមួយ គឺសំណើផ្លាស់ប្តូររដ្ឋមន្រ្តីក្រសួងការបរទេស និងសហប្រតិបត្តិការអន្តរជាតិផងដែរ។

ឯកឧត្តម វង្សី វិស្សុត ដឹកនាំកិច្ចប្រជុំត្រួតពិនិត្យចុងក្រោយ ដើម្បីពិនិត្យ និងពិភាក្សាលើសេចក្តី ព្រាងច្បាប់ស្តីពីជលផល

2024/11/19 09:04:13 am        108
Facebook Telegram Linkin
កាលពីថ្ងៃទី១៨ ខែវិច្ឆិកា ឆ្នាំ២០២៤ នៅទីស្តីការគណៈរដ្ឋមន្រ្តី ឯកឧត្តម វង្សី វិស្សុត ឧប​នាយក​រដ្ឋ​មន្រ្តី​ប្រចាំការ រដ្ឋមន្រ្តីទទួលបន្ទុកទីស្តីការគណៈរដ្ឋមន្រ្តី និងជាប្រធានក្រុមប្រឹក្សាអ្នកច្បាប់ បាន​ដឹក​នាំកិច្ចប្រជុំត្រួតពិនិត្យចុងក្រោយ ដើម្បីពិនិត្យ និងពិភាក្សាលើ​សេចក្តី​ព្រាង​ច្បាប់​ស្តីពី​ជល​ផល​។ កិច្ចប្រជុំនេះ មានការអញ្ជើញចូលរួមពីសំណាក់ឯកឧត្តម ឌិត ទីណា រដ្ឋមន្រ្តីក្រសួង​កសិកម្ម រុក្ខាប្រមាញ់ និងនេសាទ និងសហការី និងតំណាងក្រសួងស្ថាប័នពាក់ព័ន្ធ ព្រមទាំង​ថ្នាក់​ដឹកនាំ និងមន្រ្តីជំនាញពាក់ព័ន្ធនៃទីស្តីការគណៈរដ្ឋមន្រ្តី។សេចក្តីព្រាងច្បាប់ស្តីពីជលផលនេះ ត្រូវបានរៀបចំ​ឡើង​ឱ្យស្រ​ប​តាម​សភាព​ការណ៍​វិវត្តន៍​ឈាន​ឡើង​នៃ​សង្គម-សេដ្ឋកិច្ចកម្ពុជា ពិសេសការគ្រប់គ្រង និងអភិវឌ្ឍវិស័យជលផល។ សេចក្តី​ព្រាង​ច្បាប់​នេះ នឹងរួមចំណែកផ្តល់នូវសារៈប្រយោជន៍ដូចជា៖ ១.គ្រប់គ្រង ការពារ អភិរក្ស និង​អភិវឌ្ឍ​ធន​ធាន​ជលផល ឱ្យមាននិរន្តភាព ២.ការពារផលប្រយោជន៍ប្រជានេសាទ សហគមន៍នេសាទ វារី​វប្បករ និងអាជីវករដែលធ្វើអាជីវកម្មផលផលិតផលតជលផល ៣.គាំទ្រ​ដល់ការ​អនុវត្ត​ផែន​ការ​យុទ្ធ​សាស្រ្ត​វិស័យជលផល ស្របតាមគោលនយោបាយរបស់រាជរដ្ឋាភិបាល និង ៤.បំពេញបាន​នូវលក្ខខណ្ឌ​តម្រូវ និងស្តង់ដារឱ្យមានសង្គិតភាពទៅនឹងបទដ្ឋានគតិយុត្តអន្តរជាតិ ដើម្បីឆ្លើយតប​ទៅ​នឹង​បរិប​ទថ្មី ក្នុងការធ្វើសកលភាវូបនីយកម្ម និងសមាហរណកម្មទៅក្នុងតំបន់និងអន្តរជាតិ។សេចក្តី​ព្រាងច្បាប់នេះ កំណត់អំពីការគ្រប់គ្រង ការអភិរក្ស និងការ​អភិវឌ្ឍ​ធន​ធាន​ជល​ផល​ប្រកបដោយ​ប្រសិទ្ធភាព និងនិរន្តរភាព សំដៅលើកកម្ពស់សន្តិសុខស្បៀងនិងសេដ្ឋកិច្ចជាតិ ព្រម​ទាំង​ធានា​ដល់ការការពារសិទ្ធិនិងផលប្រយោជន៍របស់ប្រជានេសាទ សហគមន៍នេសាទ វារីវប្បករ និង​អាជីវករដែលធ្វើអាជីវកម្មផល ផលិតផលជលផល។ អង្គប្រជុំបានធ្វើការពិភាក្សា និងពិនិត្យឡើងវិញនូវរបាយការណ៍ផលប៉ះពាល់គតិយុត្ត (Regulatory Impact Assessment) នៃសេចក្តីព្រាងច្បាប់នេះ មកលើសង្គម និង​សេដ្ឋកិច្ច​កម្ពុជា និងជីវភាពរស់នៅប្រចាំថ្ងៃរបស់ប្រជាពលរដ្ឋ ពិសេសបងប្អូនប្រជានេសាទ។ អង្គប្រជុំ​ក៏​បាន​ពិភាក្សា​ផងដែរ អំពីការផ្ទេរ និងបែងចែកមុខងារនិងការទទួលខុសត្រូវ ពាក់ព័ន្ធការគ្រប់គ្រង ការអភិរក្ស និងការអភិវឌ្ឍជលផលទៅឱ្យរដ្ឋបាលថ្នាក់ក្រោមជាតិ។ ទន្ទឹមនេះ អង្គប្រជុំក៏​បាន​ពិភាក្សា​ផង​ដែរពាក់ព័ន្ធនឹងការជំរុញការធ្វើវារីវប្បកម្ម ពិសេសសម្រាប់ការនាំចេញ និងការកំណត់​ប្រភេទ​ឧបករណ៍នេសាទ ដោយម្ខាងដើម្បី​កុំ​ឱ្យមា​ន​ការ​ប៉ះពាល់​ដល់​ការ​នេសាទ​ជា​ប្រពៃ​ណី​របស់​ប្រជា​នេសាទ​ផង និងម្ខាងទៀតដើម្បីការពារនិងអភិរក្សធនធានជលផលឱ្យមានប្រសិទ្ធភាព និង​និរន្តរភាពផងដែរ។ ក្រៅពីនេះ អង្គប្រជុំក៏បានពិភាក្សាអំពីវិធានពាក់ព័ន្ធនឹងការនាំចូលផល ផលិត​ផល​ជល​ផលជាលក្ខណៈពាណិជ្ជកម្ម។អង្គប្រជុំបាន​ធ្វើការពិនិត្យ និងពិភាក្សាលើសេចក្តីព្រាងច្បាប់នេះ ដែលមាន ១៥ ជំពូក និង ១០៥​មាត្រា ព្រមទាំងឧបសម្ព័ន្ធចំនួន ២ យ៉ាងផុលផុស ដើម្បីត្រៀម​ដាក់ឆ្លង​កិច្ច​ប្រជុំ​ពេញ​អង្គ​គណៈ​រដ្ឋមន្រ្តីនាពេលខាងមុខ៕

ក្រសួងយុត្តិធម៌កម្ពុជា-ចិន បង្ហាញជំហររឹងមាំពង្រឹងកិច្ចសហប្រតិបត្តិការលើវិស័យច្បាប់ និងយុត្តិធម៌របស់ប្រទេសទាំងពីរ

2024/11/19 08:40:20 am        143
Facebook Telegram Linkin
នៅថ្ងៃទី១៨ ខែវិច្ឆិកា ឆ្នាំ២០២៤ នេះ ឯកឧត្តម កើត រិទ្ធ ឧបនាយករដ្ឋមន្ត្រី រដ្ឋមន្ត្រី​ក្រសួង​យុត្តិធម៌ អនុញ្ញាតឱ្យ ឯកឧត្តម Wang Zhenjiang អនុរដ្ឋមន្ត្រី​ក្រសួង​យុត្តិធម៌ នៃ​សាធារណរដ្ឋ​ប្រជាមានិត​ចិន និងសហការី ជួបសម្តែងការគួរសម និងពិភាក្សាការងារមួយចំនួន។ ឯកឧត្តមឧបនាយករដ្ឋមន្ត្រី បានសម្តែង​នូវការស្វាគមន៍យ៉ាងកក់ក្តៅចំពោះដំណើរ​ទស្សន​កិច្ច​របស់ ឯកឧត្តម Wang Zhenjiang និងសហការី មកកាន់ប្រទេសកម្ពុជា។ ឯកឧត្តម​ឧប​នាយករដ្ឋ​មន្ត្រី បានគូសរំលេចថា ចំណងមិត្តភាពរបស់កម្ពុជា-ចិន ជាទំនាក់ទំនងប្រវត្តិសាស្រ្ត​ដែល​កើត​ចេញពីការជឿទុកចិត្តគ្នា ការគោរពគ្នា និងការរួមសុខរួមទុក្ខជាមួយគ្នា ក្លាយទៅជាដៃ​គូយុទ្ធ​សាស្ត្រគ្រប់ជ្រុងជ្រោយ ជាទំនាក់ទំនងត្បូងពេជ្រ ជាមិត្តដែកថែប ដើម្បីរួមគ្នាកសាងសហគមន៍ជោគវាសនារួម។ ជាមួយគ្នានេះ ឯកឧត្តមឧបនាយករដ្ឋមន្ត្រី ក៏បានថ្លែងអំណរគុណដល់ក្រសួងយុត្តិធម៌នៃសាធារណរដ្ឋប្រជាមានិតចិន សម្រាប់សមិទ្ធផលនៃកិច្ចសហប្រតិបត្តិការនាពេលកន្លងមក តាមរយៈការផ្លាស់ប្តូរបទពិសោធន៍រវាងមន្ត្រីរបស់ប្រទេសទាំងពីរ ការអភិវឌ្ឍក្របខ័ណ្ឌច្បាប់រវាងស្ថាប័នទាំងពីរ និងការបណ្តុះបណ្តាលសមត្ថភាពរបស់មន្រ្តីរាជការ ដែលទាំងនេះជាការរួមចំណែកដ៏ធំធេងក្នុងការអភិវឌ្ឍជាតិប្រកបដោយចីរភាព។ បន្ថែមពីនេះ ឯកឧត្តមឧបនាយករដ្ឋមន្ត្រី បានលើកឡើងថា ទន្ទឹមនឹងទំនាក់ទំនងដ៏ជិតស្និតក្នុងវិស័យសង្គម-សេដ្ឋកិច្ច និងវប្បធម៌, ការជួបពិភាក្សាក្នុងវិស័យច្បាប់ក៏ជាកិច្ចការសំខាន់មួយផងដែរសម្រាប់ស្វែងយល់ពីប្រព័ន្ធច្បាប់របស់ប្រទេសនីមួយៗឱ្យកាន់តែច្បាស់ សំដៅពង្រឹងទំនាក់ទំនង និងជំនឿទុកចិត្តរវាងប្រទេសទាំងពីរ ជាពិសេស សម្រាប់អ្នកវិនិយោគ និងធុរជន។ ជាមួយគ្នានេះ, ឯកឧត្តមឧបនាយករដ្ឋមន្ត្រី បានគូសបញ្ជាក់ផងដែរថា បច្ចុប្បន្នក្នុងទំនាក់ទំនងនៃកិច្ចសហប្រតិបត្តិការផ្នែកច្បាប់រវាងកម្ពុជា-ចិន មានតែសន្ធិសញ្ញាបត្យាប័នតែមួយគត់ ហើយនាពេលខាងមុខ ឯកឧត្តមឧបនាយករដ្ឋមន្រ្តី សង្ឃឹមថាកម្ពុជា និងចិន គប្បីមានកិច្ចសហប្រតិបត្តិការផ្នែកច្បាប់បន្ថែមទៀត ដូចជា សន្ធិសញ្ញាស្ដីពីការជួយគ្នាទៅវិញទៅមក្នុងវិស័យច្បាប់ និងសន្ធិសញ្ញាស្ដីពីការផ្ទេរទណ្ឌិត ជាដើម ដើម្បីធ្វើឱ្យកិច្ចសហប្រតិបត្តិការរវាងប្រទេសទាំងពីរកាន់តែមានលក្ខណៈគ្រប់ជ្រុងជ្រោយ។ ជាការឆ្លើយតប, ឯកឧត្តម Wang Zhenjiang អនុរដ្ឋមន្ត្រីក្រសួងយុត្តិធម៌ចិន បានសម្តែងនូវសេចក្តីសោមនស្សរីករាយ និងបានថ្លែងអំណរគុណចំពោះការស្វាគមន៍យ៉ាងកក់ក្ដៅនូវដំណើរទស្សកិច្ចរបស់គណៈប្រតិភូចិនមកព្រះរាជាណាចក្រកម្ពុជា ហើយឯកឧត្តម Wang Zhenjiang បានពាំនាំនូវការសួរសុខទុក្ខ និងការថ្លែងអំណរគុណពីសំណាក់លោកជំទាវរដ្ឋមន្រ្តីក្រសួងយុត្តិធម៌នៃសាធារណរដ្ឋប្រជាមានិតចិនគោរពជូនឯកឧត្តមឧបនាយករដ្ឋមន្រ្តី ដែលឯកឧត្តមតែងតែគាំទ្រចំពោះកិច្ចសហប្រតិបត្តិការកន្លងមករវាងក្រសួងយុត្តិធម៌នៃព្រះរាជាណាចក្រកម្ពុជា និងក្រសួងយុត្តិធម៌នៃសាធារណប្រជាមានិតចិន។ ឯកឧត្តម Wang Zhenjiang ក៏បានឯកភាពផងដែរថា ទំនាក់ទំនងមិត្តភាពរបស់កម្ពុជា-ចិន គឺជាទំនាក់ទំនងពិសេស ហើយឯកឧត្តមបានសង្កត់ធ្ងន់ថា កម្ពុជាជាមិត្តពិតប្រាកដ និងស្មោះស្ម័គ្ររបស់ចិនយូរណាស់មកហើយ។ ឯកឧត្តម Wang Zhenjiang បានបន្ថែមថា ទំនាក់ទំនងល្អ និងរឹងមាំរវាងកម្ពុជា-ចិន ធ្វើឱ្យមានការផ្លាស់ប្តូររវាងប្រជាជននៃប្រទេសទាំងពីរ ដែលតម្រូវឱ្យមានកិច្ចសហប្រតិបត្តិការផ្នែកច្បាប់រវាងប្រទេសទាំងពីរ និងការសិក្សាយល់ដឹងពីគ្នាឱ្យបានច្រើន។ ក្នុងន័យនេះ ឯកឧត្តម Wang Zhenjiang បានបង្ហាញនូវគោលជំហរដ៏រឹងមាំរបស់ក្រសួងយុត្តិធម៌ចិនក្នុងការបង្កើតយន្តការសម្រាប់ការផ្លាស់ប្តូរ និងកិច្ចសហប្រតិបត្តិការក្នុងវិស័យច្បាប់ និងយុត្តិធម៌រវាងប្រទេសនៅតំបន់មេគង្គ-ឡានឆាង។ មុននឹងបញ្ចប់, ឯកឧត្តមឧបនាយករដ្ឋមន្ត្រី រំពឹងទុកថា កិច្ចសហប្រតិបត្តិការលើវិស័យច្បាប់ និងយុត្តិធម៌រវាងកម្ពុជា និងចិន កាន់តែស៊ីជម្រៅ ហើយក្រសួងយុត្តិធម៌ត្រៀមលក្ខណៈជានិច្ចក្នុងការផ្តល់កិច្ចសហប្រតិបត្តិការយ៉ាងជិតស្និទ្ធជាមួយសាធារណរដ្ឋប្រជាមានិតចិន ពាក់ព័ន្ធនឹងកិច្ចការងារនេះ។ ចំណែកឯកឧត្តមអនុរដ្ឋមន្ត្រីក្រសួងយុត្តិធម៌ចិន ប្ដេជ្ញាបន្តជំរុញកិច្ចសហប្រតិបត្តិការឱ្យកាន់តែរឹងមាំ និងប្រកបដោយផ្លែផ្កាបន្ថែមទៀត៕

កម្ពុជា​-​ឥណ្ឌូណេស៊ី​ មានសក្ដានុពលជាច្រេីន​ដែលអាចបំពេញឱ្យគ្នាទៅវិញទៅមក

2024/11/18 10:15:49 pm        121
Facebook Telegram Linkin
ភ្នំពេញ ៖ នារសៀល ថ្ងៃទី១៨ ខែវិច្ឆិកា ឆ្នាំ២០២៤ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា បានអនុញ្ញាតឱ្យ ឯកឧត្តម Muhaimin Iskandar អនុប្រធានអង្គការ IDC-CDI, និងជារដ្ឋមន្ត្រីសម្របសម្រួលនៃការពង្រឹងសហគមន៍នៃប្រទេសឥណ្ឌូណេស៊ី ព្រមទាំងជាប្រធានគណបក្ស PKB របស់ប្រទេសឥណ្ឌូនេស៊ី ចូលជួបសម្ដែងការគួរសម និងពិភាក្សាការងារ ក្នុងឱកាសចូលរួមកិច្ចប្រជុំគណៈកម្មាធិការប្រតិបត្តិអង្គការអ្នកប្រជាធិបតេយ្យនិយមកណ្ដាលអន្តរជាតិ(IDC-CDI Executive Committee) នៅខេត្តសៀមរាប។ ជាកិច្ចចាប់ផ្ដើម ឯកឧត្តមរដ្ឋមន្ត្រីបានអបអរសាទរសម្ដេចបវរធិបតី ដែលត្រូវបានបោះឆ្នោតជ្រើសតាំងជានាយករដ្ឋមន្ត្រីនៃព្រះរាជាណាចក្រកម្ពុជា។ ឯកឧត្តមរដ្ឋមន្ត្រី បានសង្កត់ធ្ងន់ថា​ ឥណ្ឌូណេស៊ី និងកម្ពុជា​ មានទំនាក់ទំនងដ៏យូរអង្វែង​ និងមានកិច្ចសហប្រតិបត្តិការក្នុងវិស័យជាច្រើន ព្រមទាំងកត់សម្គាល់នូវសក្ដានុពលជាច្រេីន​ ដែលប្រទេសទាំងពីរអាចបំពេញឱ្យគ្នាទៅវិញទៅមក។ ឯកឧត្តមរដ្ឋមន្ត្រីក៏បានសង្កេតឃើញថា ប្រទេសកម្ពុជាមានការគោរព ក៏ដូចជាយកចិត្តទុកដាក់ចំពោះសហគមន៍មូស្លីម។ បន្ថែមពីលើទំនាក់ទំនងក្នុងក្របខ័ណ្ឌរដ្ឋនិងរដ្ឋ ឯកឧត្តមរដ្ឋមន្ត្រីក៏បានគោរពស្នើសម្ដេចបវរធិបតីពិនិត្យលទ្ធភាពឱ្យបង្កើនច្រកសម្រាប់ការទំនាក់ទំនងគ្នាបន្ថែមទៀតផងដែរ។ ឯកឧត្តមរដ្ឋមន្ត្រី​ បានវាយតម្លៃខ្ពស់ចំពោះប្រទេសកម្ពុជា​ ដែលបានរៀបចំយ៉ាងប្រសើរនូវកិច្ចប្រជុំគណៈកម្មាធិការប្រតិបត្តិអង្គការអ្នកប្រជាធិបតេយ្យនិយមកណ្ដាលអន្តរជាតិ និងចាត់ទុកថា សម្ព័ន្ធភាព​នៃអរិយធម៌​ គឺជាយន្តការដ៏សំខាន់មួយសម្រាប់ការបង្កើនឥទ្ធិពលនៅក្នុងតំបន់ និងពិភពលោក។ជាការឆ្លើយតប សម្ដេចបវរធិបតីបានអបអរសាទរឯកឧត្តមរដ្ឋមន្ត្រី ដែលបានទទួលការតែងតាំងធ្វើជារដ្ឋមន្ត្រីសម្របសម្រួលនៃការពង្រឹងសហគមន៍នៃប្រទេសឥណ្ឌូណេស៊ី។ សម្ដេចបវរធិបតីបានបង្ហាញនូវសេចក្ដីសោមនស្សរីករាយ ចំពោះការរីកចម្រើននៃទំនាក់ទំនងរវាងកម្ពុជា និងឥណ្ឌូណេស៊ី នៅក្នុងវិស័យជាច្រើន រួមមាន៖ វិស័យកសិកម្ម, វិស័យពាណិជ្ជកម្ម, ការផ្លាស់ប្ដូរប្រជាជន និងប្រជាជន, ព្រមទាំងវិស័យសន្តិសុខនិងការពាជាតិ។ សម្តេច​បវរ​ធិបតី​បានបញ្ជាក់ថា​ កម្ពុជាមានកិត្តិយស​ ដែលបានធ្វេីជាម្ចាស់ផ្ទះរៀបចំកិច្ចប្រជុំគណៈកម្មាធិការប្រតិបត្តិអង្គការអ្នកប្រជាធិបតេយ្យនិយមកណ្ដាលអន្តរជាតិ នាពេលនេះ ដែលផ្តល់ឱកាសនិងច្រកបន្ថែមសម្រាប់បង្កើនទំនាក់ទំនងបន្ថែម ព្រោះថាទំនាក់ទំនងរវាងប្រទេសនិងប្រទេសគឺមិនមែនមានត្រឹមតែច្រករវាងរដ្ឋាភិបាល និងរដ្ឋាភិបាលនោះទេ។ ស្ថិតក្នុងបរិការណ៍នៃព្យុះភូមិសាស្ត្រនយោបាយ សម្ដេចបវរធិបតីបានគូសបញ្ជាក់អំពីសារៈសំខាន់នៃការបង្កើនច្រកនៃទំនាក់ទំនងបន្ថែមទៀតរវាងប្រទេសទាំងពីរ​ និងសង្កត់ធ្ងន់ថា កម្ពុជាបើកទូលាយក្នុងការពិនិត្យស្វែងរកនូវច្រកទំនាក់ទំនងគ្នាបន្ថែមទៀត ដែលមានសារៈសំខាន់សម្រាប់ការកសាងភាពទុកចិត្តរវាងគ្នាទៅវិញទៅមក ក៏ដូចជាបង្កើនកិច្ចសហប្រតិបត្តិការដែលផ្តល់ប្រយោជន៍រួម។ សម្ដេចបវរធិបតីក៏បានថ្លែងបន្ថែមថា នៅក្នុងសប្ដាហ៍នេះ ក្រៅពីកិច្ចប្រជុំរបស់អង្គការ IDC-CDI ប្រទេសកម្ពុជាក៏នឹងធ្វើជាម្ចាស់ផ្ទះរៀបចំកិច្ចប្រជុំចំនួនពីរផ្សេងទៀតគឺ ៖ (១) មហាសន្និបាតសន្និសីទអន្តរជាតិនៃបណ្ដាគណបក្សនយោបាយនៅអាស៊ី (ICAPP) លើកទី១២ និងកិច្ចប្រជុំពាក់ព័ន្ធ, និង (២) សម័យប្រជុំពេញអង្គសភាអន្តរជាតិ ដើម្បីភាពអត់ឱន និងសន្តិភាព (IPTP) លើកទី១១ផងដែរ៕

ប្រធានសភាតំណាងរាស្ត្រហ្វីលីពីន កោតសរសេីរពីភាពរីកចម្រើនរបស់ប្រទេសកម្ពុជា ក្រោមការដឹកនាំរបស់សម្ដេចបវរធិបតី

2024/11/18 09:31:34 pm        122
Facebook Telegram Linkin
ភ្នំពេញ ៖ នារសៀល ថ្ងៃទី១៨ ខែវិច្ឆិកា ឆ្នាំ២០២៤ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា បានអញ្ជើញជួបពិភាក្សាការងារជាមួយឯកឧត្ដម Ferdinand Martin G. Romualdez ប្រធានសភាតំណាងរាស្ត្រហ្វីលីពីន ក្នុងឱកាសអញ្ជើញចូលរួមកិច្ចប្រជុំនៃគណៈកម្មាធិការប្រតិបត្តិអ្នកប្រជាធិបតេយ្យនិយមកណ្តាលអន្តរជាតិ (CDI-IDC Executive Committee) នៅខេត្តសៀមរាប។ ក្នុងឱកាសនៃជំនួប ឯកឧត្តមប្រធានសភាតំណាងរាស្ត្រហ្វីលីពីន បានអបអរសាទរប្រទេសកម្ពុជា ដែលបានរៀបចំកិច្ចប្រជុំគណៈកម្មាធិការប្រតិបត្តិអ្នកប្រជាធិបតេយ្យនិយមកណ្តាលអន្តរជាតិ (CDI-IDC Executive Committee) បានយ៉ាងល្អប្រសើរ និងកោតសរសេីរភាពរីកចម្រើនរបស់កម្ពុជា ក្រោមការដឹកនាំរបស់សម្ដេចបវរធិបតី។ ឯកឧត្តមប្រធានសភា បានបង្ហាញក្តីសោមនស្សរីករាយចំពោះការលូតលាស់នៃទំនាក់ទំនងហ្វីលីពីន-កម្ពុជា និងថ្លែងអំណរគុណដល់រាជរដ្ឋាភិបាលកម្ពុជា ដែលបានស្វាគមន៍ និងយកចិត្តទុកដាក់ចំពោះពលរដ្ឋហ្វីលីពីន ដែលជ្រើសរើសមកធ្វើការ និងមកទស្សនាប្រទេសកម្ពុជា។ ជាការឆ្លើយតប សម្ដេចបវរធិបតីបានសម្ដែងនូវការពេញចិត្តចំពោះការរីកចម្រើនជាលំដាប់នៃទំនាក់ទំនងរវាងប្រទេសទាំងពីរ លើវិស័យជាច្រើន។ សម្ដេចបវរធិបតី បានគូសបញ្ជាក់អំពីសក្តានុពលជាច្រើនទៀត ដែលប្រទេសទាំងពីរអាចធ្វើការជាមួយគ្នា ដើម្បីពង្រឹង និងពង្រីកទំនាក់ទំនងថែមទៀត។ ក្នុងន័យនេះ តបតាមការអញ្ជើញរបស់ឯកឧត្តមប្រធានាធិបតីហ្វីលីពីន Ferdinand Marcos Jr. សម្តេចបវរធិបតីនឹងដឹកនាំគណៈប្រតិភូជាន់ខ្ពស់នៃរាជរដ្ឋាភិបាលកម្ពុជា បំពេញទស្សនកិច្ចផ្លូវការ នៅប្រទេសហ្វីលីពីន នាដើមឆ្នាំ២០២៥ ដើម្បីពង្រឹង និងពង្រីកកិច្ចសហប្រតិបត្តិការរវាងប្រទេសទាំងពីរបន្ថែមទៀត។ សម្ដេចបវរធិបតី និងឯកឧត្តមប្រធានសភា បានពិភាក្សាអំពីការបន្តលើកកម្ពស់កិច្ចសហការក្នុងវិស័យសំខាន់ៗមួយចំនួន មានជាអាទិ៍៖ វិស័យកសិកម្ម និងសន្តិសុខស្បៀង, វិស័យទេសចរណ៍ និងលទ្ធភាពនៃការភ្ជាប់ជើងហោះហើរត្រង់បន្ថែម, ទំនាក់ទំនងរវាងប្រជាជននិងប្រជាជន, វិស័យសុខាភិបាល, វិស័យការពារជាតិ និងសន្តិសុខ។ សម្ដេចបវរធិបតី និងឯកឧត្តមប្រធានសភា ក៏បានផ្លាស់ប្ដូរយោបល់គ្នាលើបញ្ហាតំបន់ និងអន្តរជាតិមួយចំនួន ដែលជាផលប្រយោជន៍រួមសម្រាប់ប្រទេសទាំងពីរផងដែរ៕

ស្តង់ក្រសួងការងារទទួលអ្នកទស្សនា និងចែកខិត្តប័ណ្ណផ្សព្វផ្សាយបានជិត៣ម៉ឺននាក់ក្នុងពិធីបុណ្យអុំទូក

2024/11/18 09:26:54 pm        88
Facebook Telegram Linkin
ភ្នំពេញ៖ មន្រ្តីអ្នកនាំពាក្យក្រសួងការងារ និងបណ្តុះបណ្តាលវិជ្ជាជីវៈ បានឱ្យដឹងថា ក្នុងរយៈពេល៣ថ្ងៃ នៃព្រះរាជពិធីបុណ្យអុំទូកកន្លងទៅនេះ ស្តង់ទាំង៣របស់ក្រសួងការងារ ទីតាំងរាជធានីភ្នំពេញចំនួន២ស្តង់ និងខេត្តសៀមរាប ១ស្តង់ បានដាក់បង្ហាញអំពីវិស័យបេឡាជាតិសន្តិសុខសង្គម, ទីភ្នាក់ងារជាតិមុខរបរ និងការងារ (NEA), និងវិស័យបណ្តុះបណ្តាលជំនាញវិជ្ជាជីវៈ និងបច្ចេកទេស ( TVET) ទទួលបានអ្នកទស្សនាស្តង់ និងបានចែកខិត្តប័ណ្ណផ្សព្វផ្សាយចំនួនជិត៣ម៉ឺននាក់។ ឯកឧត្តម កត្តា អ៊ន រដ្ឋលេខាធិការ និងជាអ្នកនាំពាក្យក្រសួងការងារ និងបណ្តុះបណ្តាលវិជ្ជាជីវៈ នៅល្ងាចថ្ងៃទី១៨ ខែវិច្ឆិកានេះ បានលើកឡើងក្នុងបណ្តាញសង្គមថា សម្រាប់ទីតាំងរាជធានីភ្នំពេញ បេឡាជាតិសន្តិសុខសង្គម (ប.ស.ស.) មានអ្នកទស្សនាស្តង់ និងបានចែកខិត្តប័ណ្ណផ្សព្វផ្សាយចំនួន ១១,៩០៤នាក់ និងបានទទួលសមាជិកថ្មីតាមរយៈស្តង់ចុះបញ្ជីចល័តចំនួន ២៩៥នាក់ ក្នុងនោះអ្នកក្នុងបន្ទុកសមាជិក ប.ស.ស. មានចំនួន ៤៩នាក់។ឯកឧត្តម បានឲ្យដឹងទៀតថា សម្រាប់ទីភ្នាក់ងារជាតិមុខរបរ និងការងារ (NEA) ទទួលបានអ្នកទស្សនាបញ្ជរស្តង់ចំនួនសរុប ១,១៦៨នាក់។ ចំណែក វិស័យបណ្តុះបណ្តាលជំនាញវិជ្ជាជីវៈ និងបច្ចេកទេស (TVET) ទទួលបានអ្នកទស្សនាបញ្ជរស្តង់ TVET សរុប ១,១៦៨នាក់ និងបានចែកខិតប័ណ្ណសរុបចំនួន ៣,៨៩៧ សន្លឹក ផងដែរ។ ដោយឡែកនៅខេត្តសៀមរាប រយៈពេល៣ថ្ងៃដូចគ្នា ក្នុងព្រះរាជពិធីបុណ្យអុំទូក មានអ្នកទស្សនាស្តង់ និងចែកខិត្តប័ណ្ណផ្សព្វផ្សាយសម្រាប់ ប.ស.ស. ចំនួន ១២,៤២៦ នាក់ និងបានទទួលសមាជិកថ្មីតាមរយៈស្តង់ចុះបញ្ជីចល័តចំនួន ២៨១នាក់ ក្នុងនោះអ្នកក្នុងបន្ទុកសមាជិក ប.ស.ស. មានចំនួន ៤៧នាក់។ ឯកឧត្តម កត្តា អ៊ន បានលើកឡើងថា ក្រៅតែពីការផ្សព្វផ្សាយតាមទីសាធារណៈ ប្រសិនបើសាធារណជនមានសំណួរ ចម្ងល់ទាក់ទងនឹងវិស័យនានារបស់ក្រសួងការងារ សូមទំនាក់ទំនងមកកាន់ប្រព័ន្ធ Hotline របស់ក្រសួងការងារ និងបណ្តុះបណ្តាលវិជ្ជាជីវៈ តាមរយៈលេខ 1297 ឬ 1286 រៀងរាល់២៤ ម៉ោងផងដែរ។ គួរបញ្ជាក់ផងដែរថា ក្រសួងការងារ បានរៀបចំស្តង់ដើម្បីផ្តល់ព័ត៌មានពី បេឡាជាតិសន្តិសុខសង្គម (ប.ស.ស.), ទីភ្នាក់ងារជាតិមុខរបរ និងការងារ (NEA), និងវិស័យបណ្តុះបណ្តាលជំនាញវិជ្ជាជីវៈ និងបច្ចេកទេស ( TVET) សម្រាប់សាធារណជន យុវជន រយៈពេល៣ថ្ងៃនៃព្រះរាជពិធីបុណ្យអុំទូក បណ្ដែតប្រទីប និងសំពះព្រះខែ អកអំបុក ដែលបានប្រព្រឹត្តទៅចាប់ពីថ្ងៃទី១៤-១៥-១៦ ខែវិច្ឆិកា ឆ្នាំ២០២៤។ សម្រាប់ស្តង់នីមួយៗ មន្រ្តីរបស់ក្រសួងការងារ និងបណ្តុះបណ្តាលវិជ្ជាជីវៈបានអនុវត្តនូវតួនាទីយ៉ាងល្អប្រសើតាមរយៈការផ្តល់ព័ត៌មានពីវិស័យធំៗទាំង៣របស់ក្រសួងការងារទៅសាធារណជន បានយ៉ាងទូលំទូលាយ៕

ប្រធានអង្គការ IDC-CDI កោតសរសើរប្រទេសកម្ពុជា ដែលសម្រេចបាននូវសន្តិភាព និងឯកភាពជាតិ

2024/11/18 09:24:28 pm        99
Facebook Telegram Linkin
ភ្នំពេញ ៖ នារសៀល ថ្ងៃទី១៨​ ខែវិច្ឆិកា ឆ្នាំ២០២៤ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា បានអនុញ្ញាតឱ្យ ឯកឧត្តម André Pastrana Arango ប្រធានអង្គការអ្នកប្រជាធិបតេយ្យនិយមកណ្តាលអន្តរជាតិ (IDC-CDI) និងគណៈប្រតិភូថ្នាក់ដឹកនាំជាន់ខ្ពស់ IDC-CDI ចូលជួបសម្ដែងការគួរសម និងពិភាក្សាការងារ​ ក្នុងឱកាសចូលរួមកិច្ចប្រជុំគណៈកម្មាធិការប្រតិបត្តិអង្គការអ្នកប្រជាធិបតេយ្យនិយមកណ្ដាលអន្តរជាតិ(IDC-CDI Executive Committee) នៅខេត្តសៀមរាប។ ក្នុងឱកាសនៃជំនួប ឯកឧត្តមប្រធានអង្គការ IDC-CDI បានអបអរសាទរសម្ដេចបវរធិបតី ដែលត្រូវបានបោះឆ្នោតជ្រើសតាំងជានាយករដ្ឋមន្ត្រីនៃព្រះរាជាណាចក្រកម្ពុជា និងដឹកនាំប្រទេសសម្រេចបានលទ្ធផលជាច្រើន ជាពិសេសការអភិវឌ្ឍសេដ្ឋកិច្ច ព្រមទាំងថ្លែងអំណរគុណប្រទេសកម្ពុជា ដែលបានធ្វើជាម្ចាស់ផ្ទះរៀបចំកិច្ចប្រជុំគណៈកម្មាធិការប្រតិបត្តិអង្គការអ្នកប្រជាធិបតេយ្យនិយមកណ្ដាលអន្តរជាតិ នាពេលនេះ។ ឯកឧត្តមប្រធានអង្គការ IDC-CDI ក៏បានកោតសសើរប្រទេសកម្ពុជាដែលសម្រេចបាននូវសន្តិភាព និងឯកភាពជាតិ​ ព្រមទាំងបាន​ជម្រាបជូនសម្តេចបវរធិបតីបន្ថែមថា គណៈប្រតិភូជាច្រើន ដែលបានចូលរួមនៅក្នុងកិច្ចប្រជុំនាពេលនេះ មានគោលបំណងរួមមួយ គឺការកសាងសន្តិភាព។ គណៈប្រតិភូទាំងអស់សង្ឃឹមថា នឹងទទួលបានបទពិសោធន៍បន្ថែមទៀតពីប្រទេសកម្ពុជា ដែលបានសម្រេចនូវសន្តិភាពដ៏មានសារៈសំខាន់នេះ។ ជាមួយគ្នានេះផងដែរ ឯកឧត្តមប្រធានអង្គការ IDC-CDI និងជាអតីតប្រធានាធិបតីនៃប្រទេសកូឡុំប៊ី ក៏បានថ្លែងអំណរគុណដល់ប្រទេសកម្ពុជា ដែលបានជួយគាំទ្រក្នុងកិច្ចការបោសសម្អាតមីន នៅក្នុងប្រទេសកូឡុំប៊ីផងដែរ។ ជាការឆ្លើយតប សម្ដេចបវរធិបតីបានវាយតម្លៃខ្ពស់ចំពោះអង្គការ IDC-CDI ដែលបានចូលរួមសង្កេតការបោះឆ្នោត នៅកម្ពុជា នាពេលកន្លងមក និងផ្ដល់យុត្តិធម៌ដល់ការបោះឆ្នោតបែបប្រជាធិបតេយ្យ ក្នុងការជ្រើសរើសថ្នាក់ដឹកនាំប្រទេសកម្ពុជា។ សម្ដេចបវរធិបតី បានគូសបញ្ជាក់ថា កិច្ចប្រជុំគណៈកម្មាធិការប្រតិបត្តិអង្គការអ្នកប្រជាធិបតេយ្យនិយមកណ្ដាលអន្តរជាតិ នាពេលនេះ ប្រព្រឹត្តទៅនៅចំពេលដែលពិភពលោកកំពុងប្រឈមនឹងបញ្ហាប្រឈមជាច្រើន ហើយកិច្ចប្រជុំនេះបានក្លាយជាវេទិកាសម្រាប់ទាំងអស់គ្នាក្នុងការកសាងនូវការតភ្ជាប់ ក៏ដូចជាទំនាក់ទំនងគ្នាបន្ថែមទៀត និងផ្ដល់កាលានុវត្តភាព ក្នុងការរួមចំណែកដោះស្រាយបញ្ហាប្រឈមសំខាន់ៗមួយចំនួនផងដែរ។ សម្ដេចបវរធិបតី និងគណៈប្រតិភូអង្គការ IDC-CDI ក៏បានពិភាក្សា និងគូសបញ្ជាក់អំពីតួនាទីដ៏សំខាន់របស់អង្គការ IDC-CDI ផងដែរ៕

ប្រជាពលរដ្ឋនៅស្រុកបរិបូណ៌ ទទួលបានផ្លូវកៅស៊ូជាសមិទ្ធផលថ្មី សម្រួលការធ្វើដំណើរកាន់តែប្រសើរ

2024/11/18 09:20:02 pm        124
Facebook Telegram Linkin
កំពង់ឆ្នាំង ៖ ប្រជាពលរដ្ឋនៅឃុំត្រពាំងចាន់ ក្នុងស្រុកបរិបូណ៌ ទទួលបានផ្លូវក្រាលកៅស៊ូពីរជាន់ (DBST) ស្ថិតក្រោមក្របខណ្ឌក្រសួងអភិវឌ្ឍន៍ ជនបទ ដែលនេះជាសមិទ្ធផលថ្មីនៅក្នុងមូលដ្ឋានរបស់ពួកគាត់ សម្រួលដល់ការធ្វើដំណើរកាន់តែប្រសើរ និងក៏ជាការលើកកម្ពស់ដល់ ជីវភាពរស់នៅរបស់ប្រជាពលរដ្ឋតាមមូលដ្ឋាន។ ​ជុំវិញការអភិវឌ្ឍន៍ជនបទនេះ រាជរដ្ឋាភិបាលក្នុងអាណត្តិទី៧, ក្រោមការដឹកនាំប្រកបដោយគតិបណ្ឌិត របស់សម្តេចមហាបវរ ធិបតី ហ៊ុន ម៉ាណែត នាយករដ្ឋមន្រ្តី បានបន្តកែលម្អលក្ខខណ្ឌនៃការរស់នៅរបស់សហគមន៍ជនបទ តាមរយៈការលើកកម្ពស់ ការផ្តល់ សេវាសង្គមនានារួមមាន៖ សេវាអប់រំ, សេវាសុខាភិបាល, សេវាទឹកស្អាត, អនាម័យ, ទូរគមនាគមន៍, និងពង្រឹងកិច្ចសហប្រតិបត្តិការ, ការសម្របសម្រួល និងការកៀរគរធនធាន ដើម្បីពង្រីកវិសាលភាពនៃការផ្តល់សេវាផ្គត់ផ្គង់ទឹកស្អាត និងលើកកម្ពស់អនាម័យ ជនបទឱ្យកាន់តែខ្លាំងក្លា និងមានប្រសិទ្ធភាពថែមទៀត ជាពិសេសការបន្តជំរុញការលើកកម្ពស់ជីវភាពប្រជាជននៅជនបទ តាមរយៈ ការស្តារ, ការស្ថាបនាហេដ្ឋារចនាសម្ព័ន្ធគមនាគមន៍ដឹកជញ្ជូននៅជនបទ និងការលើកកម្រិតផ្លូវជនបទ ពីផ្លូវក្រាលក្រួសក្រហម ទៅជា ផ្លូវក្រាលកៅស៊ូ ឬផ្លូវបេតុង សំដៅធានាបានការប្រើប្រាស់យូរអង្វែង ធន់នឹងការប្រែប្រួលអាកាសធាតុ ដើម្បីជំរុញដំណើរអន្តរកម្ម ផ្នែកសង្គម-សេដ្ឋកិច្ច និងការផ្សារភ្ជាប់សកម្មភាពធុរកិច្ចផ្សេងៗ រវាងតំបន់ជនបទ និងទីប្រជុំជន ។ទាក់ទងបញ្ហាផ្លូវនេះ ឯកឧត្តម សាន វិសាល រដ្ឋលេខាធិការក្រសួងអភិវឌ្ឍន៍ជនបទ នៅថ្ងៃទី ១៨ ខែ វិច្ឆិកា ឆ្នាំ ២០២៤ នេះថា បានដឹកនាំគណៈកម្មការអន្តរក្រសួង ចុះត្រួតពិនិត្យ វាយតម្លៃលើការងារស្ថាបនាផ្លូវក្រាលកៅស៊ូពីរជាន់ (DBST) ចំនួន ១ ខ្សែ ប្រវែង ៣ ៣០០ ម៉ែត្រ មានចំនួន ៣ កំណាត់ ទទឹង ៦ម៉ែត្រ ការសាងសង់លូ និងការដាក់ផ្លាកឈ្មោះផ្លូវផ្សេងៗ នៅឃុំត្រពាំងចាន់ ស្រុកបរិបូណ៌ ខេត្តកំពង់ឆ្នាំង, នៅក្នុងការចុះពិនិត្យនេះ ឯកឧត្តមបានវាយតម្លៃខ្ពស់ ដល់នាយកដ្ឋានផ្លូវលំជនបទ ដែលបានខិតខំប្រឹង ប្រែងអនុវត្តសម្រេចបានតាមផែនការ នេះគឺជាផ្នែកមួយជួយជំរុញការធ្វើពិពិធកម្មសកម្មភាពសេដ្ឋកិច្ចជនបទ ដើម្បីបង្កើនប្រាក់ ចំណូលប្រចាំថ្ងៃ តាមគ្រួសារនីមួយៗ នៅសហគមន៍ជនបទឱ្យមានជីវភាពសមរម្យ ។ជុំវិញការចុះពិនិត្យផ្លូវខាងលើនេះដែរ ឯកឧត្តមរដ្ឋលេខាធិការ និងគណៈកម្មការអន្តរក្រសួង ជួបសំណេះសំណាលជាមួយអាជ្ញាធរ និងប្រជាពលរដ្ឋ, ក្នុងនោះឯកឧត្តមបានពាំនាំនូវប្រសាសន៍ផ្តាំផ្ញើសាកសួរសុខទុក្ខ ពីសម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា និងសម្តេចកត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា និងសម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី និងលោកជំទាវបណ្ឌិត ពេជ ចន្ទមុន្នី និងឯកឧត្តម ឆាយ ឫទ្ធិសែន រដ្ឋមន្ត្រីក្រសួងអភិវឌ្ឍន៍ជនបទ និងលោកជំទាវ, ដែលសម្តេច និងលោកជំទាវបណ្ឌិត ឯកឧត្តម-លោកជំទាវ តែងតែគិតគូរពីសុខទុក្ខ និងការរស់នៅរបស់ប្រជាពល រដ្ឋ។ ក្នុងពិធីសំណេះសំណាលនេះដែរ ឯកឧត្តម ក៏បាននាំយកអំណោយដ៏ថ្លៃថ្លារបស់ឯកឧត្តម ឆាយ ឫទ្ធិសែន ក្រសួងអភិវឌ្ឍន៍ ជនបទ ចែកជូនប្រជាពលរដ្ឋ ដោយម្នាក់ៗទទួលបានក្រម៉ាចំនួន១ ផងដែរ៕អត្ថបទ៖សុនរ៉ាឌី,

បណ្ដាញសង្គម

ព័ត៌មានថ្មីៗ

ក្រសួងពាណិជ្ជកម្ម ចុះបញ្ជីជាផ្លូវការផលិតផល “ទុរេនបែកអន្លូង” ជាម៉ាកសមូហភាព (Collective Mark) លើកកម្ពស់អត្តសញ្ញាណផលិតផលខ្មែរ និងពង្រឹងការការពារកម្មសិទ្ធិបញ្ញា
06/29/2026 07:06 AM
Facebook Telegram Linkin
សមត្ថកិច្ចចុះត្រួតពិនិត្យពីរទីតាំងនៅក្រុងប៉ោយប៉ែតរកឃើញជនជាតិឥណ្ឌូនេស៊ីចំនូន៨១នាក់រស់នៅប្រមូលផ្តុំ
06/28/2026 07:06 PM
Facebook Telegram Linkin
សម្ដេចព្រះមហាសង្ឃរាជ បួរ គ្រី យាងបើកកម្មវិធីការពារនិក្ខេបបទ និងប្រឡងបញ្ចប់ថ្នាក់បរិញ្ញាបត្រជាន់ខ្ពស់ នៅពុទ្ធិកសាកលវិទ្យាល័យព្រះសីហមុនីរាជា
06/28/2026 05:06 PM
Facebook Telegram Linkin
សម្តេចកិត្តិសង្គហបណ្ឌិត ម៉ែន សំអន អញ្ជើញប្រគេនទៀនព្រះវស្សា និងទេយ្យវត្ថុដល់ព្រះសង្ឃចំនួន ៥វត្ត នៅខេត្តក្រចេះ
06/28/2026 04:06 PM
Facebook Telegram Linkin
សម្ដេចធិបតី អញ្ជើញត្រួតពិនិត្យ និងសួរសុខទុក្ខយោធិនក្នុងអង្គភាពបញ្ជាការដ្ឋានជាតិកម្លាំងពិសេសប្រឆាំងភេរវកម្ម
06/28/2026 04:06 PM
Facebook Telegram Linkin
មូលនិធិគន្ធបុប្ផាកម្ពុជា រៀបចំស្ដង់ទទួលថវិកាបរិច្ចាគ ក្នុងយុទ្ធនាការ “១ម៉ឺនរៀល ១ម៉ឺននាក់” ឆ្នាំ២០២៦ នៅផ្លូវថ្មើរជើងចតុមុខ
06/28/2026 03:06 PM
Facebook Telegram Linkin
ឯកឧត្តមបណ្ឌិត អ៊ាង សុផល្លែត អញ្ជើញជាអធិបតីប្រកាសសមាជិកថ្មី របស់គណបក្សប្រជាជនកម្ពុជាប្រចាំខេត្តត្បូងឃ្មុំចំនួនជាង២ពាន់នាក់
06/28/2026 03:06 PM
Facebook Telegram Linkin
ជនជាតិចិន១៧០នាក់ពាក់ ព័ន្ធករណីឆបោកតាមប្រព័ន្ធបច្ចេកវិទ្យាត្រូវបានបណ្ដេញចេញពីកម្ពុជា
06/28/2026 02:06 PM
Facebook Telegram Linkin
អ្នកទេសចរប្រៀបប្រដូច ទឹកដីជីផាត ខេត្តកោះកុង ជាឋានសួគ៌សម្រាប់អ្នកទេសចរ ចូលចិត្តដើរលេងកម្សាន្តមិនចេះរីងស្ងួត
06/28/2026 02:06 PM
Facebook Telegram Linkin
មេបញ្ជាការកងទ័ពជើងទឹក៖ កងទ័ពជើងទឹកបន្តអនុវត្តជាប់ជានិច្ចនូវការងារហ្វឹកហ្វឺន បំប៉នជំនាញដើម្បីលើក កម្ពស់សមត្ថភាពរបស់យោធិន
06/28/2026 01:06 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.