នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
ស្ថានទូតឥណ្ឌូនេស៊ី រំពឹងថា ពិធីបុណ្យផ្សាររាត្រី នឹងទាក់ទាញភ្ញៀវទេសចរកាន់តែច្រើន ឱ្យចូលរួមទស្សនាផ្លូវថ្មើរជើងចតុមុខ
សកម្មជនមកពីគណបក្សប្រឆាំងចំនួន៧០នាក់ ស្រុកស្អាង ខេត្តកណ្តាល ចូលរួមជីវភាពនយោបាយជាមួយគណបក្សប្រជាជនកម្ពុជា
ការងារជោគជ័យអាស្រ័យមន្រ្តីមាន «សុខភាពល្អ»
ឯកឧត្តម ហ៊ុន ម៉ានី៖“សុខទុក្ខមន្ត្រី គឺជាស្នូលនៃការអនុវត្តការងារកែទម្រង់រដ្ឋបាលសាធារណៈ ស្របតាមចក្ខុវិស័យរបស់ សម្តេចមហាបវរធិបតីនាយករដ្ឋមន្ត្រី”

ព័ត៌មានជាតិ

លេខាធិការដ្ឋាន IDP ពិនិត្យលើសេចក្តីព្រាងបឋមរបាយការណ៍វាយតម្លៃ នៃការអនុវត្ត IDP ២០១៥–២០២៥

2026/02/27 12:22:17 pm        176
Facebook Telegram Linkin
ប្រធានលេខាធិការដ្ឋាន IDP បានដឹកនាំកិច្ចប្រជុំអន្តរក្រសួងកម្រិតបច្ចេកទេសស្តីពីការពិនិត្យ និងពិភាក្សាលើសេចក្តីព្រាងបឋម នៃរបាយការណ៍វាយតម្លៃចុងអាណត្តិនៃការអនុវត្ត IDP ឆ្នាំ២០១៥–២០២៥ ដើម្បីពិនិត្យផ្ទៀងផ្ទាត់លើទិន្នន័យ មុននឹងរៀបចំតាក់ តែងសេចក្តីព្រាងបឋមរបាយការណ៍។ឯកឧត្តម នុត អ៊ុនវ័ណរ៉ា អគ្គលេខាធិការរងគណៈកម្មាធិការវិនិយោគកម្ពុជា និងជាប្រធានលេខាធិការដ្ឋាន IDP នៅថ្ងៃទី២៦ ខែកុម្ភៈ ឆ្នាំ២០២៦ បានដឹកនាំប្រជុំអន្តរក្រសួងកម្រិតបច្ចេកទេសស្តីពីការពិនិត្យ និងពិភាក្សាលើសេចក្តីព្រាងបឋម នៃរបាយការណ៍ វាយតម្លៃចុងអាណត្តិនៃការអនុវត្ត IDP ឆ្នាំ២០១៥–២០២៥ ដោយមានការអញ្ជើញចូលរួមពីតំណាងក្រសួង ស្ថាប័នពាក់ព័ន្ធ ដែល ទទួលបន្ទុកចូលរួមអនុវត្តគោលនយោបាយ IDP និងសមាជិកលេខាធិការដ្ឋាន IDP គោលបំណងដើម្បីពិនិត្យផ្ទៀងផ្ទាត់លើទិន្នន័យ និងស្នើសុំការពន្យល់បន្ថែមលើចំណុចមួយចំនួនពីតំណាងក្រសួង ស្ថាប័នពាក់ព័ន្ធ មុននឹងលេខាធិការដ្ឋានយកទៅរៀបចំតាក់តែង សេចក្តីព្រាងបឋមរបាយការណ៍។ឯកឧត្តមអគ្គលេខាធិការរង ជម្រាបជូនថា យោងតាមការណែនាំក្នុងកិច្ចប្រជុំរបស់គណៈកម្មាធិការគោលនយោបាយសេដ្ឋ កិច្ច និងហិរញ្ញវត្ថុ កាលពីថ្ងៃទី៨ ខែមករា ឆ្នាំ២០២៥, លេខាធិការដ្ឋាន IDP ត្រូវរៀបចំរបាយការណ៍ ស្តីពីការវាយតម្លៃការអនុវត្ត គោលនយោបាយ IDP ចុងអាណត្តិ ដើម្បីដាក់ជូនរាជរដ្ឋាភិបាលពិនិត្យ និងអនុម័ត មុននឹងបញ្ចប់អាណត្តិនៃការអនុវត្ត។ ឯកឧត្តម ក៏បានជម្រាបជូនអំពីទិសដៅការងារសំខាន់ៗរបស់លេខាធិការដ្ឋាន IDP ដែលត្រូវបំពេញជាបន្តបន្ទាប់ដូចជា ការបញ្ចប់ការរៀបចំ សេចក្ដីព្រាងបឋម របាយការណ៍ស្តីពីការវាយតម្លៃការអនុវត្តគោលនយោបាយ IDP ចុងអាណត្តិ ក្នុងដើមខែមេសា ឆ្នាំ២០២៦, ការ រៀបចំកិច្ចប្រជុំអន្តរក្រសួងក្នុងខែឧសភា ដើម្បីពិនិត្យពិភាក្សាលើខ្លឹមសារ សេចក្តីព្រាងបឋមរបាយការណ៍, ការបញ្ជូនសេចក្ដីព្រាង របាយការណ៍នេះ ទៅគណៈកម្មាធិការគោលនយោបាយសេដ្ឋកិច្ច និងហិរញ្ញវត្ថុ នៅដើមខែមិថុនា ឆ្នាំ២០២៦, និងការស្នើដាក់សេចក្តី ព្រាងរបាយការណ៍ឆ្លងកិច្ចប្រជុំពេញអង្គគណៈរដ្ឋមន្ត្រី ។ បន្ទាប់ពីស្តាប់ការធ្វើបទបង្ហាញ ស្តីពីលទ្ធផលវិភាគបឋម សម្រាប់ការរៀបចំរបាយការណ៍វាយតម្លៃចុងអាណត្តិ នៃការអនុវត្ត គោលនយោបាយ IDP ដោយក្រុមការងារលេខាធិការដ្ឋាន IDP អង្គប្រជុំបានធ្វើការ៖ ១)ពិនិត្យ និងស្រាយបំភ្លឺលើទិន្នន័យ មួយចំនួន នៃសូចនាករសមិទ្ធកម្មគន្លឹះកម្រិតយុទ្ធសាស្ត្រ និងវិស័យ, ២)ពិនិត្យពិភាក្សាលើវិធានការរបស់ក្រសួង ស្ថាប័នមួយចំនួន ដែលបាននិង កំពុងអនុវត្ត និង ៣) ពិនិត្យពិភាក្សាលើលទ្ធផលវិភាគប្រសិទ្ធភាពនៃយន្តការស្ថាប័នរបស់ក្រសួង ស្ថាប័នពាក់ព័ន្ធ ក្នុងការអនុវត្ត គោលនយោបាយ IDP ក្នុងរយៈពេលអនុវត្ត១០ឆ្នាំកន្លងមក៕ អត្ថបទ៖ សុន រ៉ាឌី

ក្រសួងពាណិជ្ជកម្ម និងរដ្ឋបាលខេត្ដសៀមរាបរៀបចំពិព័រណ៍ផលិតផលខ្មែរ និង​បន្លែផ្លែ​ឈើ​លើក​ទី១៩

2026/02/27 12:17:43 pm        181
Facebook Telegram Linkin
ក្រសួងពាណិជ្ជកម្ម សហការជាមួយរដ្ឋបាលខេត្ដសៀមរាប បានរៀបចំពិព័រណ៍ផលិតផលខ្មែរ និង​បន្លែ​ផ្លែ​ឈើលើកទី១៩ រយៈពេល៤ថ្ងៃ ដែលពិធីនេះ ធ្វើឡើងនៅសួនច្បារក្បែព្រះរាជដំណាក់ ក្រុង​សៀមរាប ចាប់ពីថ្ងៃទី២៦ដល់ថ្ងៃទី២៨ ខែកុម្ភៈ ឆ្នាំ២០២៦នេះ។លោក នាក់ ណេរ៉ុន អភិបាលរងខេត្ដសៀមរាប មានប្រសាសន៍ថា ពិព័រណ៌ផលិតផលនេះ ដើម្បី​ចូល​រួម​បំផុស​បំផុល​ដល់​ម្ចាស់កសិដ្ឋាននានាក្នុង និងក្រៅខេត្តយកនូវផលិតផលរបស់​ខ្លួន​មក​ដាក់​តាំង​ពិព័រណ៍​ចែក​ជូនដល់អ្នកខេត្តសៀមរាប និងដល់ភ្ញៀវទេសចរអន្តរជាតិ ដែលចូលមក​ទស្សនា​ខេត្ត​សៀមរាប ដើម្បីឈានដល់ការលប់បំបាត់នូវការនាំចូលបន្លែផ្លែឈើពីបរទេស ពិសេស ប្រទេស​ជិតខាង។ លោកបានបន្ដថា ខេត្តសៀមរាប ក្រៅពីវិស័យវិស័យទេសចរណ៍ ដែលជា​វិស័យ​អាទិភាព នៅមានវិស័យជាច្រើនទៀត ដែលបានដើរតួនាទីយ៉ាងសំខាន់ ក្នុងការ​រួម​ចំណែក​ដល់​កិច្ច​អភិវឌ្ឍន៍សេដ្ឋកិច្ចក្នុងខេត្ត ក្នុងនោះវិស័យកសិកម្ម សេវាកម្ម និងការកែច្នៃផលិតផល សំខាន់​ៗ​ដូចជា ផលិតផលកែច្នៃ មានប្រហុក សាច់ក្រក នំ ព្រមទាំងការ​រក្សា​បាន​នូវ​អត្ត​សញ្ញាណ​របស់​ខ្លួន​ជាដើម។ លោកបានឱ្យដឹងថា ក្រៅពីផលិតផល កសិ-ឧស្សាហកម្ម ក៏មានដំណាំរួមផ្សំដូចជា បន្លែ និង​ផ្លែ​ឈើ ហើយបច្ចុប្បន្ន ផលិតផល ទាំងនេះ កសិករយើងអាចផលិតបានមួយចំនួនធំ ដែល​ប្រកប​ដោយ​គុណភាព សោភ័ណ្ឌភាព សុវត្ថិភាព និងបានធ្វើការផ្គត់ផ្គង់មកកាន់ទីផ្សារ ប៉ុន្តែ​បរិមាណ​តម្រូវ​ការ​ចំពោះបន្លែ និងផ្លែឈើសុវត្ថិភាពនៅមានទំហំធំ និងប្រកបដោយការប្រកួតប្រជែង។ លោកបន្ថែមថា សហគ្រាសធុនតូច និងមធ្យម ក្នុងខេត្តសៀមរាប កំពុងតែ​មានការ​រីក​ចម្រើន​គួរ​ឱ្យ​កត់​សម្គាល់ ​ប៉ុន្ដែការផលិតរបស់យើងនៅមានកម្រិត និងពុំទាន់ធានា បានទៅតាម​តម្រូវ​ការ​ប្រើប្រាស់​នៅឡើ​យ នាំឱ្យមានការហូរចូលនូវផលិតផលពីបរទេសជាច្រើន ដែលរាប់ទាំងទំនិញ បន្លែ​ផ្លែឈើ ត្រី សាច់ គ្រឿងឧបភោគបរិភោគ និងសម្ភារៈប្រើប្រាស់ប្រចាំថ្ងៃ។ ជាមួយនេះ ផលិត​ផល​ក្នុង​ស្រុកក៏មានការជួបប្រទះនូវការលំបាក ក្នុងការប្រកួតប្រជែងផលិតផលរបស់ខ្លួន ជាមួយ​ផលិតផល​នាំចូល។ លោកស្នើឱ្យផលិតករក្នុងស្រុកត្រូវខិតខំពង្រឹងគុណភាព សុវត្ថិភាព ការ​វេច​ខ្ចប់ ​ប្រកបដោយអនាម័យ ការដាក់ស្លាកច្នៃផលិតឱ្យត្រូវតាមបទដ្ឋានបច្ចេកទេស និង តាម​តម្រូវ​ការ​អ្នក​ប្រើប្រាស់ ជាមួយនឹងតម្លៃ ដែលអាចប្រកួតប្រជែងជាមួយផលិតផលនាំចូល។ឯកឧត្ដម សំហេង បូរា រដ្ឋលេខាធិការក្រសួងពាណិជ្ជកម្ម បានថ្លែងថា ព្រឹត្តិការណ៍ពិព័រណ៍នេះ ជា​ព្រឹត្ដិការណ៍ប្រចាំឆ្នាំ ក្នុងគោល​បំណង​ជំរុញ​លើក​កម្ពស់ និង​បង្ហាញ​ពី​សក្ដានុពល​ផលិតផល​ខ្មែរ និង​ផ្គូរផ្គងធុរៈជននៅក្នុងប្រទេស ដែលមានការចូលរួមពីបណ្ដាសហគ្រាសក្រុមហ៊ុនជាច្រើន ដែ​ល​ធ្វើឱ្យមានការទាក់ទាញអ្នកទេសចរជាតិនិងអន្ដរជាតិផងដែរ បង្កើនសកម្មភាពពាណិជ្ជកម្ម ជា​ពិសេស ជំរុញនូវសេដ្ឋកិច្ចជាតិនៅមូលដ្ឋាន។ ពិព័រនេះ ជាវេទិកាសម្រាប់អាជីវករ ពាណិជ្ជករ ប្រតិបត្ដិករណ៍ សេវាករ អ្នកនាំចេញនាំចូលផ្លែឈើ អ្នកដាំដុះបន្លែ​ផ្លែ​ឈើម​ក​ពី​តាម​បណ្ដា​ខេត្ដ និង​នៅ​ក្នុង​ខេត្ដជាដើម។ឯកឧត្ដមបានបន្ដថា ពិព័រណ៌ មានការដាក់តាំងលក់ផលិតផលខ្មែរ ដែល​មានគុណភាព ជាផផលិតផលដោយកូនខ្មែរ។ សូម​បញ្ជាក់ថា ព្រឹត្តិការណ៍ពិព័រណ៍នេះ រៀបចំឡើងដោយក្រសួងពាណិជ្ជកម្ម និងមាន​ការ​ចូលរួម​គាំទ្រ​ពី​រដ្ឋបាលខេត្តសៀមរាប និងស្ថាប័នពាក់ព័ន្ធជុំវិញខេត្ត រួមមាន៖ មន្ទីរ-ស្ថាប័នចំណុះខេត្ត អង្គការ សមាគម សហគមន៍ កសិដ្ឋាន ក្រុមហ៊ុន សហគ្រាស ផលិតករ អាជីវករ និង «ផ្សារចុង​សប្តាហ៍​» ​នៃគម្រោងជំរុញទីផ្សារសម្រាប់កសិកម្មខ្នាតតូច (AIMS)ចំនួនជាង១១០ស្តង់ពិព័រណ៍ នឹង​ដាក់តាំងបង្ហាញ-លក់ទំនិញសម្គាល់ភូមិសាស្រ្ត ផលិតផលកសិកម្ម បន្លែផ្លែឈើស្រស់ ផលិត​ផល​សិប្បកម្ម តម្បាញ សូត្រ វត្ថុអនុស្សាវរីយ៍ ត្បូងមានតម្លៃ គ្រឿងអលង្ការ អាហារនិងភេសជ្ជៈ ផលិត​ផលហាឡាល និងសេវាកម្មធនាគារ ជាដើម៕ អត្ថបទ៖ ឈិត សាវី

អ្នកប្រកបអាជីវកម្មម្ហូបអាហារនៅបាត់ដំបង រីករាយទទួលបាន​ជំនាញថ្មីៗ​ពង្រឹង​គុណភាព​សេវា​កម្ម​

2026/02/27 12:06:48 pm        192
Facebook Telegram Linkin
អ្នកប្រកបអាជីវកម្មម្ហូបអាហារនៅស្រុកបាណន់ បាន​បង្ហាញ​អារម្មណ៍​សប្បាយ​រីករាយ​ដែល​ទទួល​បាន​បទ​ពិសោធន៍ និង​ជំនាញ​ថ្មីៗ​បន្ថែម​ទៀត​តាម​រយៈ​វគ្គ​បណ្ដុះ​បណ្ដាល​ជំនាញ​សេវា​កម្ម​ម្ហូប​អាហារ ​និងភេសជ្ជៈដែលរៀបចំឡើងដោយមន្ទីរទេសចរណ៍ខេត្តបាត់ដំបង។ម្ចាស់អាជីវកម្ម អះអាងថា នឹងយកចំណេះជំនាញដែលទទួលបានទៅអភិវឌ្ឍន៍អាជីវកម្ម និង ពង្រឹង​គុណភាពនៃការផ្ដល់សេវាកម្មឱ្យបានល្អប្រសើរសំដៅបង្កើនការទាក់ទាញភ្ញៀវទេសចរជាតិ និង​​អន្តរជាតិឱ្យមកកាន់ខេត្តបាត់ដំបងកាន់តែច្រើនឡើង។ថ្លែង​ក្នុងពិធីបិទវគ្គបណ្ដុះបណ្ដាលបដិសណ្ឋារកិច្ចកម្ពុជា(ហូកា)លើជំនាញសេវាកម្មម្ហូបអាហារ និង​ភេសជ្ជៈ នៅទីស្នាក់ការស.ស.យ.កស្រុកបាណន់ នាថ្ងៃទី២៦ ខែកុម្ភៈ ឆ្នាំ២០២៦ លោក យឿន ចាន់សុធារិទ្ធ អភិបាលរងស្រុកបាណន់ បាន​ថ្លែង​អំណរ​គុណ​ដល់​មន្ទីរ​ទេសចរ​ណ៍​ខេត្តបា​ត់​ដំបង​​ដែ​ល​បានរៀបចំវគ្គបណ្ដុះបណ្ដាលដ៏មានសារៈសំខាន់នេះឡើង ដើម្បី​បំប៉ន​ជំនាញ​ដល់​អ្នក​ប្រកប​អាជីវកម្ម​ម្ហូបអាហារ​នៅក្នុ​ង​ស្រុក​បាណន់​សំដៅ​ពង្រឹង​គុណភាព​នៃ​ការ​ផ្ដល់​សេវា​កម្ម​ម្ហូប​អាហារ​បង្កើន​ការទាក់ទាញភ្ញៀវទេសចរឱ្យបានកាន់តែច្រើនឡើង ខណៈស្រុក​បាណន់​ជា​ស្រុក​មួយ​ដែល​មានគោលដៅទេសចរណ៍ជាច្រើនកន្លែង។លោក ហម អរុណ អនុប្រធានមន្ទីរទេសចរណ៍ខេត្តបាត់ដំបង ថ្លែងឱ្យដឹងថា វិស័យ​ទេសចរណ៍​បាន​ចូល​រួមផ្ដល់ឱកាសបង្កើតអាជីវកម្ម ឱកាសការងារ និងប្រាក់ចំណូល​ដល់​ប្រជា​ពលរដ្ឋ​ដោយ​ផ្ទាល់ ​និងប្រយោល។លោក ហម អរុណ អំពាវនាវដល់ប្រតិបត្តិករទេសចរណ៍ និងយុវជន សូមចូលរួម​ទប់​ស្កាត់​ព័ត៌មាន​ក្លែង​ក្លាយ ​និងជួយផ្សព្វផ្សាយពីភាពវិជ្ជមានឱ្យបានច្រើន ដើម្បីទាក់ទាញ​ភ្ញៀវ​មក​កាន់​ខេត្ត​បាត់ដំបង​ឱ្យ​បានកាន់តែច្រើនឡើង ខណៈព័ត៌មានក្លែងក្លាយ​ជះឥទ្ធិពល​អវិជ្ជមាន​យ៉ាង​ខ្លាំង​ដល់​វិស័យ​ទេសចរណ៍។សូមរំលឹកថា មន្ទីរទេសចរណ៍​ខេត្តបាត់ដំបង​បាន​សហការ​ជាមួយ​សហភាព​សហព័ន្ធ​យុវជន​កម្ពុជា​ស្រុក​បាណន់​បើក​វគ្គ​បណ្ដុះ​បណ្ដាល​បដិ​សណ្ឋារកិច្ច​កម្ពុជា​(ហូកា)​លើ​ជំនាញ​សេវា​កម្ម​ម្ហូប​អាហារ​ និងភេសជ្ជៈជូនដល់ប្រតិបត្តិករដែលប្រកបរបរពាក់ព័ន្ធភោជនីយដ្ឋាន អាហារដ្ឋាន និង​តូប​អាហារ​នៅ​ក្នុង​ស្រុក​បាណន់។ វគ្គបណ្ដុះបណ្ដាល​នេះ​ធ្វើ​ឡើង​រយៈ​ពេល​បី​ថ្ងៃ​ចាប់​ពី​ថ្ងៃទី​២៤​ដល់​ថ្ងៃទី​២៦ ខែកុម្ភៈឆ្នាំ២០២៦​ដោយមា​ន​ការ​គាំទ្រ​ពី​អង្គការ​ស្វីស​ខន់ថាក់​ក្រោម​គម្រោង​អភិវឌ្ឍន៍​ជំនាញ​(ហូកា)​របស់​ក្រសួង​ទេសចរណ៍​ដោយ​មាន​ការ​ចូល​រួម​ពី​សិក្ខាកាម​ដែល​ជា​ម្ចាស់​អាជីវកម្ម បុគ្គលិក និងយុវជន៕

ការចាប់ផ្តើមធ្វើតេស្តជំនាញជូនដល់អតីតពលករ នឹងចាប់ផ្តើមជាផ្លូវការនាខែមេសាខាងមុខ

2026/02/27 11:42:49 am        234
Facebook Telegram Linkin
ក្រសួងការងារ និងបណ្តុះបណ្តាលវិជ្ជាជីវៈ នៅខែមេសាខាងមុខនេះ នឹង​រៀបចំ​ការ​វាយ​តម្លៃកា​រ​សិក្សា​ពី​មុន (RPL) ឬហៅថា ការធ្វើតេស្តជំនាញ ដើម្បីផ្ដល់​វិញ្ញាបនបត្រ​ទទួល​ស្គាល់ជំ​នាញ​ជា​ផ្លូវ​ការ​ជូន​ដល់ប្រជាពលរដ្ឋ ជាពិសេសអតីតពលករមកពីប្រទេសថៃ ដែលចាប់​ផ្តើម​ពី​វិស័យ​សំណង់​មុន​គេ បន្ទាប់មកវិស័យកាត់ដេរ។ឯកឧត្តម ហេង សួរ រដ្ឋមន្រ្តីក្រសួងការងារ និងបណ្តុះបណ្តាលវិជ្ជាជីវៈ ក្នុង​ពិធី​បើក​សន្និបាត​បូក​សរុប​លទ្ធ​ផលការងារឆ្នាំ២០២៥ និងលើកទិសដៅការងារឆ្នាំ២០២៦ នៃការអនុវត្ត​ផែន​ការ​យុទ្ធ​សាស្រ្ត​អភិវឌ្ឍន៍វិស័យការងារ សន្តិសុខសង្គម និងបណ្តុះបណ្តាលវិជ្ជាជីវៈ ឆ្នាំ២០២៤-២០២៨ កាល​ពី​ថ្ងៃទី២៦ ខែកុម្ភៈកន្លងទៅ បានមានប្រសាសន៍ឱ្យដឹងថា ការធ្វើតេស្ត​សមត្ថភាព​ជំនាញ​នេះ ​នឹងធ្វើឡើងនៅគ្រឹះស្ថានអប់រំបណ្តុះបណ្តាលជំនាញបច្ចេកទេស និងវិជ្ជាជីវៈ រាជធានីភ្នំពេញ ដែល​នឹងចាប់ផ្តើមនៅសប្តាហ៍ទី១ ខែមេសាខាងមុខ។ ការមកធ្វើតេស្តនៅទីនេះ អាចនឹង​ប្រែ​ក្លាយ​ពី​ចំណេះ​ធ្វើ​ឱ្យទៅជាសញ្ញាបត្រ ប្រែក្លាយពីសញ្ញាឃើញ ឱ្យទៅជាសញ្ញាបត្រ។ ស្រង់ប្រសាសន៍​ដើម​របស់ ឯកឧត្តមរដ្ឋមន្រ្តី បានគូសបញ្ជាក់ថា “ការដែលមានសញ្ញាបត្រ​បញ្ជាក់​ពី​ជំនាញ​នេះ ​គឺសំខាន់ សំខាន់ត្រង់ថា បើយើងទៅធ្វើការ ពីកន្លែងមួយទៅកន្លែងមួយ គេនឹង​សួរ​ថា​យើង​ចេះ​អ្វី? យើងនឹងប្រាប់គេថា ចេះនេះ ចេះនោះ ប៉ុន្តែយើងពិបាកមិន​មាន​លិខិត​ដើម្បី​បញ្ជាក់​ទៅ​គេវិញ ឱ្យគេដឹងថាយើងចេះធ្វើអីពិតប្រាកដ ដូចនេះប្រាក់ឈ្នួល​ក៏​គេ​មិន​ហ៊ាន​សម្រេច​ថា គួ​រឱ្យយើងបានប៉ុន្មានដូចគ្នា។ ប៉ុន្តែបើយើងមានសញ្ញាបត្រមួយនៅនិងដៃ ទោះបីជា​យើង​ចេះ​ធ្វើ​ស្ទាត់​ក៏​ដោយ ប៉ុន្តែក្រៅពីការចេះធ្វើ​ស្ទាត់​យើង​មាន​សញ្ញាបត្រ​មួយ​ទៀត​ដែល​កើត​ចេញ​ពី​ការ​ធ្វើ​តេស្ត​វាយតម្លៃសមត្ថភាពធ្វើជំនាញនេះកាន់តែល្អថែមទៀតក្នុងការបង្ហាញជូនគេ ហើយ​ឱកាស​ចូល​ធ្វើការនឹងមានច្រើនជាងមុន ហើយក៏នឹងអាចមានប្រាក់ឈ្នួលច្រើនជាងមុនដូចគ្នា”។ពាក់ព័ន្ធគម្រោងការធ្វើតេស្តជំនាញនេះ ឯកឧត្តមរដ្ឋមន្រ្តី ហេង សួរ បានបញ្ជាក់បន្ថែមថា បន្ទាប់​ពី​វិស័យសំណង់ ក្រសួងនឹងផ្តោតទៅលើវិស័យកាត់ដេរ ព្រោះមែនទែន​ទៅ​វិស័យ​នេះ​បាន​ចាប់​ផ្តើម​តាំង​ពីឆ្នាំ១៩៩៥ ដែលគិតមកដល់ពេលនេះមានរយៈពេលប្រមាណ ៣០ឆ្នាំ ទន្ទឹមនេះ​ក៏​មាន​បង​ប្អូនជាច្រើននាក់ផងដែរ បានធ្វើការងារក្នុងវិស័យនេះក៏យូរឆ្នាំដែរ អញ្ចឹងក៏គួរ​ដល់​ពេល​វេលា​រៀប​ចំ​ឱ្យមានការធ្វើតេស្តវាយតម្លៃ ថាតើសមត្ថភាពដេររបស់កម្មករនិយោជិតក្នុងវិស័យនេះ ក្នុង​កម្រិតណា។ទាក់ទិនការលើកឡើងខាងលើនេះ ឯកឧត្តមរដ្ឋមន្រ្តី បានអំពាវនាវដល់ប្រជាពលរដ្ឋ និង​អតីត​ពលករ​មក​ពីថៃ ចូលរួមកម្មវិធីនេះឱ្យបានច្រើនកុះករ ដើម្បីជាស្ពានក្នុង​ការ​បង្ហាញ​ពី​គុណ​វុឌ្ឍិ​របស់​ខ្លួន ​ឬជាការបង្ហាញពីសមត្ថភាពរបស់ខ្លួន ក៏ដូចជាដើម្បី​ទាមទារ​សមត្ថភាព​របស់​ខ្លួន​ក្នុង​ការ​ធ្វើ​ការងារ​ដើម្បី​ទទួលបានប្រាក់បៀរវត្សរ៍កាន់តែខ្ពស់ ក៏ដូចជាដើម្បីទទួលបានតំណែងល្អជាដើម។ សូម​ជម្រាបជូនថា ក្រសួងការងារ និងបណ្តុះបណ្តាលវិជ្ជាជីវៈ នឹងចេញ​សេចក្តី​ជូន​ដំណឹង​អំពីកា​រ​ធ្វើ​តេស្ត​ជំនាញផ្លូវការនៅដើមខែមីនា ឆ្នាំ២០២៦ ដើម្បីផ្តល់ព័ត៌មានលម្អិតជូនដល់ប្រជាពលរដ្ឋ ជា​ពិសេសអតីតពលករមកពីថៃផ្នែកសំណង់ មកធ្វើការដាក់ពាក្យដើម្បីប្រឡង៕ អត្ថបទ៖ ឈិត បូរ៉ាវី

ដៃគូយុទ្ធសាស្ត្ររវាងក្រសួងការងារ និងក្រុមហ៊ុនចិន នឹងប្រែក្លាយកម្ពុជាឱ្យទៅជា​មជ្ឈ​មណ្ឌល​ផលិត​រ៉ូបូត​ឆ្លាត​វៃក្នុងតំបន់

2026/02/27 11:23:38 am        177
Facebook Telegram Linkin
ឯកឧត្ដម ហេង សួរ រដ្ឋមន្ត្រីក្រសួងការងារ និងបណ្ដុះបណ្ដាលវិជ្ជាជីវៈ និងលោក Cui Xiaohui អនុ​ប្រធានជាន់ខ្ពស់នៃក្រុមហ៊ុន JIANGSU HUIBO ROBOTICS TECHNOLOGY CO., LTD. បាន​ចុះ​អនុស្សរណៈនៃការយោគយល់គ្នា (MoU) ស្តីពី “ភាពជា​ដៃគូ​យុទ្ធសាស្ត្រ​ក្នុង​វិស័យ​អប់រំ​បណ្តុះ​បណ្តាល​បច្ចេកទេស និងវិជ្ជាជីវៈ” ក្នុងទិសដៅពង្រឹង​កិច្ច​សហ​ប្រតិបត្តិ​ការ​ក្នុង​ការ​អភិវឌ្ឍ​ជំនាញ ​ការផ្ទេរបច្ចេកវិទ្យា និងកិច្ចសហការលើសិក្សាស្រាវជ្រាវ ស្របតាមគំនិតផ្តួចផ្តើមខ្សែក្រវាត់ និង​ផ្លូវ និងការផ្តល់អាទិភាពជំរុញការអភិវឌ្ឍធនធានមនុស្សនៅកម្ពុជា។យោងតាក្រសួងការងារ និងបណ្ដុះបណ្ដាលវិជ្ជាជីវៈ នៅថ្ងៃទី២៦ ខែកុម្ភៈនេះ បានឱ្យដឹងថា អនុស្សរណៈនៃការយោគយល់គ្នា ដែលមានរយៈពេល ៥ឆ្នាំ (២០២៦-២០៣០) ជា​មួយ​នឹង​ក្រុម​ហ៊ុន​ឈានមុខគេមួយរបស់ប្រទេសចិនលើឯកទេសបច្ចេកវិទ្យា និងឧបករណ៍ឆ្លាតវៃនេះ មាន​គោល​បំណងបង្កើតភាព​ជាដៃគូយុទ្ធសាស្ត្រក្នុ​ង​ការ​ប្រែក្លាយ​កម្ពុ​ជា​ឱ្យ​ទៅ​ជា​មជ្ឈ​មណ្ឌល​ផលិត​ឆ្លាត​វៃ និងការបណ្តុះបណ្តាលផ្នែករ៉ូបូតក្នុងតំបន់, លើកកម្ពស់គុណភាព និងភាព​ពាក់ព័ន្ធ​នៃ​វិស័យ​អប់រំ​បណ្ដុះបណ្ដាលបច្ចេកទេស និងវិជ្ជាជីវៈ (TVET), ជំរុញកម្មវិធី​សិក្សា​ទទួល​បាន​សញ្ញា​បត្រ​ពីរ និងជាការទទួលស្គាល់គុណវុឌ្ឍិទៅវិញទៅមករវាងគ្រឹះស្ថានសិក្សាកម្ពុជា និងចិន។កិច្ច​សហប្រតិបត្តិការនេះគ្របដណ្តប់សកម្មភាពសំខាន់ៗដូចជា៖ ការអភិវឌ្ឍកម្មវិធីសិក្សារួមគ្នា, ការ​បណ្តុះបណ្តាលគ្រូបង្គោល , ការអភិវឌ្ឍហេដ្ឋារចនាសម្ព័ន្ធ, ការជំរុញ​កម្ម​វិធី​សិក្សា​ដែល​ទទួល​បាន​សញ្ញា​បត្រពីរ និងការទទួលស្គាល់គុណវុឌ្ឍិរវាងភាគីទាំងពីរ, ការចុះកម្មសិក្សា និងការងារ, ការ​ស្រាវជ្រាវ និងការប្រកួតប្រជែង, ការផ្លាស់ប្តូរការសិក្សា និងកិច្ច​សហ​ប្រតិបត្តិ​ការ​អន្តរ​ជាតិ​ជា​ដើម​។ នាឱកាសនោះ ឯកឧត្ដមរដ្ឋមន្ត្រី បានវាយតម្លៃ​ខ្ពស់​ចំពោះកិ​ច្ច​សហ​ប្រតិបត្តិការ​បង្កើត​ភាព​ជាដៃ​គូ​យុទ្ធ​សាស្ត្រ​ដ៏មានសារៈសំខាន់នេះ ដែលជាយន្តការ​ថ្មី​មួយ​ទៀត​ក្នុង​ការ​អភិវឌ្ឍ​ធន​ធាន​មនុស្ស​នៅ​កម្ពុជា ​ជាពិសេសលើការអភិវឌ្ឍជំនាញផ្នែកផលិតប្រកបដោយភាពឆ្លាតវៃ និងការ​បណ្តុះ​បណ្តាល​ផ្នែក​រ៉ូបូត ក៏ដូចជាការផ្ទេរបច្ចេកវិទ្យាទំនើបសម្រាប់យុវជនកកម្ពុជា។ តាមរយៈកិច្ច​សហប្រតិបត្តិការជាមួយក្រុមហ៊ុនខាងលើ ដែលត្រូវបានស្គាល់ថា ជាក្រុមហ៊ុនមួយ​ស្ថិត​ក្នុង​ចំណោម “ក្រុមហ៊ុនមនុស្សយន្តកំពូលទាំង១០របស់ប្រទេសចិន” នេះ ឯកឧត្ដមរដ្ឋមន្រ្តី បា​ន​សម្តែងការជឿជាក់យ៉ាងមុតមាំថា កម្ពុជានឹង​អាច​ជំរុញ​ការ​អភិវឌ្ឍ​មូល​ធន​មនុស្ស​ប្រកប​ដោយ​គុណភាពខ្ព​ស់ស្របតាមស្តង់ដាការងារ ដែលអាចឆ្លើយតបតាម​តម្រូ​វ​ការ​ទីផ្សារ​ការ​ងារ​ទាំង​ក្នុង និងក្រៅប្រទេស ក៏ដូចជាការវិវត្តយ៉ាងឆាប់រហ័សនៃបច្ចេកវិទ្យាឌីជីថលសកល៕ អត្ថបទ៖ ឈិត បូរ៉ាវី 

សម្ដេចតេជោ ឱ្យសហព័ន្ធ​កីឡាប្រដាល់​គុនខ្មែរ​លុប​ចោល​សេចក្តី​ជូន​ដំណឹង​ទាក់​ទងការ​​ហាម​ឃាត់​​កីឡាករ​ពីររូបមិនឲ្យប្រកួតរយៈពេល៦ខែ និងបែរមកដោះស្រាយដោយស្មារតីសាមគ្គីភាព

2026/02/27 10:43:11 am        403
Facebook Telegram Linkin
ភ្នំពេញ៖ សម្ដេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភានៃកម្ពុជា នៅ​ព្រឹក​ថ្ងៃ​ទី​២៧​ ខែកុម្ភៈ ឆ្នាំ២០២៦នេះ បានចេញ​សារផ្ញើណែនាំ​ដល់​សហព័ន្ធ​កីឡា​ប្រដាល់​គុន​ខ្មែរ​លុប​ចោល​សេចក្តី​ជូនដំណឹងទាក់ទងហាមឃាត់កីឡាករពីររូបមិនឲ្យប្រកួតរយៈពេល៦ខែ និង​បែរ​មក​ដោះ​ស្រាយ​ដោយ​ស្មារតី​សាមគ្គីភាព និងការយោគយល់គ្នា។សម្ដេចតេជោ ហ៊ុន សែន បានសរសេរថា ក្រោយ​ការ​ផ្ទុះកា​រ​វែក​ញែក​លើ​រឿង​សហព័ន្ធ​កីឡា​ប្រដាល់​គុន​ខ្មែរហាមឃាត់កីឡាករពីររូបមិនឲ្យប្រកួត រយៈពេល៦ខែក្នុង​ពេលកីឡាករ​ទាំង​ពីរ​រូប​កំពុង​ត្រៀម​ប្រកួតនៅក្រៅប្រទេស។សម្ដេចតេជោថ្លែងថា  «ខ្ញុំ​សូម​សំណូមពរ​ដ៏​ទទូច​ឲ្យ​សហព័ន្ធ​កីឡា​ប្រដាល់​គុន​ខ្មែរ​លុប​ចោល​សេចក្តី​ជូន​ដំណឹង​នេះ​សិន​ព្រោះវាទាក់ទងជាមួយកិត្តិយសជាតិផង និង​វិធី​ដោះ​ស្រាយ​បញ្ហា​របៀប​របប​នៃ​ការងារផ្ទៃក្នុងសហព័ន្ធផង»។សម្ដេចតេជោ ហ៊ុន សែន បានណែនាំឱ្យ ធ្វើការដោះស្រាយផ្សេងទៀតរង់ចាំឲ្យកីឡាករទាំងពីររូប និង​គណៈប្រតិភូ​វិលចូលប្រទេសវិញចាំពិភាក្សាដោះស្រាយជាក្រោយដោយស្មារតីសាមគ្គីភាព និង​ការ​យោគយល់គ្នា៕

សម្ដេចតេជោ ហ៊ុន សែន និងសម្ដេចកិត្តិព្រឹទ្ធបណ្ឌិត អញ្ជើញថ្វាយព្រះរាជដំណើរព្រះមហាក្សត្រ និងសម្ដេចម៉ែ យាងទៅទីក្រុងប៉េកាំង ប្រទេសចិន

2026/02/27 10:11:41 am        197
Facebook Telegram Linkin
សម្ដេចអគ្គមហាសេនាបតីតេជោ ហ៊ុន សែន ប្រធានក្រុមឧត្ដមប្រឹក្សាផ្ទាល់ព្រះមហាក្សត្រ និង​ជា​ប្រធាន​ព្រឹទ្ធសភា នៃព្រះរាជាណាចក្រកម្ពុជា និងសម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន អញ្ជើញ​ថ្វាយ​ព្រះរាជដំណើរព្រះករុណា ព្រះបាទ សម្ដេចព្រះបរមនាថ នរោត្តម សីហមុនី ព្រះមហា​ក្សត្រ នៃព្រះរាជាណាចក្រកម្ពុជា និងសម្ដេចម៉ែ ព្រះមហាក្សត្រី នរោត្តម មុនិនាថ សីហនុ យាងទៅទីក្រុងប៉េកាំង ប្រទេសចិន ដើម្បីពិនិត្យព្រះរាជសុខភាព នាថ្ងៃសុក្រ ១១កើត ខែផល្គុន ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនឹងថ្ងៃទី២៧ ខែកុម្ភៈ ឆ្នាំ២០២៦។​

ព្រះមហាក្សត្រ និងហ្លួងម៉ែ យាងទៅពិនិត្យព្រះរាជសុខភាពនៅរដ្ឋធានីប៉េកាំង

2026/02/27 09:34:05 am        279
Facebook Telegram Linkin
នៅព្រឹកថ្ងៃទី២៧ ខែកុម្ភៈ ឆ្នាំ២០២៦នេះ ព្រះករុណា ព្រះបាទសម្ដេចព្រះបរមនាថ នរោត្ដម សីហមុនី ព្រះមហាក្សត្រ នៃព្រះរាជាណាចក្រកម្ពុជា និងសម្តេចព្រះវររាជមាតាជាតិខ្មែរ ក្នុង​សេរីភាព សេចក្តីថ្លៃថ្នូរ និងសុភមង្គល ជាទីគោរពសក្ការៈដ៏ខ្ពង់ខ្ពស់បំផុត បានសព្វ​ព្រះរាជ​ហឫទ័យ​ស្តេច​យាង​ចាក​ចេញពីព្រះរាជាណាចក្រកម្ពុជាទៅកាន់រដ្ឋធានីប៉េកាំង នៃ​សាធារណ​រដ្ឋ​ប្រជា​មានិតចិន ដើម្បីពិនិត្យព្រះរាជសុខភាព ក្នុងមួយរយៈពេលនៅទីនោះ។  វត្តមានអញ្ជើញថ្វាយព្រះរាជដំណើរព្រះមហាក្សត្រនិងព្រះមហាក្សត្រី ហ្លួងម៉ែដ​ល់អា​កាស​យាន​ដ្ឋាន​អន្តរជាតិ​មរតកតេជោ មានវត្តមានដ៏ខ្ពង់ខ្ពស់សម្តេចអគ្គមហាសេនាបតីតេជោ ហ៊ុន សែន ប្រធាន​ព្រឹទ្ធសភា នៃព្រះរាជា​ណា​ចក្រ​កម្ពុជា និង​ជា​ប្រធាន​ក្រុម​ឧត្តម​ប្រឹក្សា​ផ្ទាល់​ព្រះមហាក្សត្រ និង​សម្តេច​កិត្តិ​ព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា. សម្តេច​មហា​រ​ដ្ឋ​សភាធិ​​ការធិបតី ឃួន សុដារី ប្រធានរដ្ឋសភា នៃព្រះរាជាណាចក្រកម្ពុជា សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា និងលោកជំទាវបណ្ឌិត ពេជ ចន្ទមុន្នី អនុ​ប្រធានអចិន្ត្រៃយ៍កាកបាទក្រហមកម្ពុជា សម្តេចមហាពញាចក្រី ហេង សំរិន ប្រធាន​កិត្តិយស​នៃ​ឧត្តម​ក្រុម​ប្រឹក្សាផ្ទាល់ព្រះមហាក្សត្រ សម្តេចដែលជាឧត្តមប្រឹក្សាផ្ទាល់ព្រះមហាក្សត្រ រាជ​វង្សា​នុវង្ស និង​មន្ត្រីអ្នកមុខអ្នកការសំខាន់ៗជាច្រើនទៀត។ដោយឡែកឯកឧត្តម ឯកអគ្គរដ្ឋទូត នៃ​សាធារណ​រដ្ឋ​ប្រជាមានិតចិនប្រចាំកម្ពុជាក៏មានវត្តមានថ្វាយព្រះរាជដំណើររបស់ព្រះអង្គផងដែរ។ យោងតាម​ព្រះ​រាជ​សាររបស់ព្រះមហាក្សត្រ នៅ​ក្នុងឱកាសអវត្តមានរបស់ ព្រះអង្គ សម្តេច​អគ្គ​មហា​សេនា​បតីតេជោ ហ៊ុន សែន ប្រធាន​ព្រឹទ្ធសភា នឹងទទួលជួយព្រះអង្គក្នុងព្រះបរមនាម ជា​ប្រមុខ​រដ្ឋ​ស្តីទី នៃព្រះរាជាណាចក្រកម្ពុជា ។ គួរបញ្ជាក់ថា នេះជាព្រះរាជដំណើរដ៏ទៀងទាត់របស់ព្រះអង្គទាំងទ្វេដែលក្នុង១ឆ្នាំ ព្រះករុណា​ព្រះមហាក្សត្រ និង​ហ្លួងម៉ែនឹងយាងទៅកាន់រដ្ឋធានីប៉េកាំងនៃសាធារណរដ្ឋប្រជាមានិតចិន រយៈ​ពេល​២ដង ពោលគឺរយៈពេល​៦​ខែម្តង​ដើម្បី​ស្តេច​យាង​ទៅ​ពិនិត្យ​ព្រះរាជ​សុខ​ភាព​តាម​ការ​កំណត់​ដ៏​ទៀង​ទាត់​របស់ក្រុមវេជ្ជបណ្ឌិតល្បីៗ នៃសាធារណរដ្ឋប្រជាមានិតចិន៕ អត្ថបទ៖ មុត សុទ្ធ

​រដ្ឋមន្ត្រីធម្មការកោតសរសើរសន្និបាតក្រសួង ដែលសម្រេចបានសមិទ្ធផលគួរជាទីមោទនៈ

2026/02/26 07:56:52 pm        180
Facebook Telegram Linkin
ភ្នំពេញ៖ នៅរសៀលថ្ងៃទី២៦ ខែកុម្ភៈ ឆ្នាំ២០២៦ ឯកឧត្តមបណ្ឌិត ចាយ បូរិន រដ្ឋមន្ត្រីក្រសួងធម្មការ និងសា សនា តំណាងដ៏ខ្ពង់ខ្ពស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី អញ្ជើញជាអធិបតីក្នុងពិធីបិទសន្និបាតបូកសរុបលទ្ធផលការងារឆ្នាំ២០២៥ និងលើកទិសដៅការងារឆ្នាំ២០២​៦ របស់ក្រសួងធម្មការ និងសា សនា ដែលបានចាប់ផ្តើមកាលពីថ្ងៃទី២៥ ខែកុម្ភៈ និងបិទនៅរសៀលថ្ងៃទី២៦ ខែកុម្ភៈ ឆ្នាំ២០២៦។​ក្នុងពិធីនោះ ឯកឧត្តមបណ្ឌិតរដ្ឋមន្ត្រី បាននាំនូវប្រសាសន៍ផ្តាំផ្ញើសួរសុខទុក្ខពីសម្តេចអគ្គមហាសេនាបតីតេ ជោ ហ៊ុន សែន ប្រធានព្រឹទ្ធសភា, សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន, សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី និងលោកជំទាវបណ្ឌិត ពេជ ចន្ទមុន្នី ហ៊ុនម៉ាណែត ថ្វាយ ប្រគេន និងជូនដល់សម្តេចជាអ ម្ចាស់ សម្តេចព្រះរាជាគណៈ ព្រះថេរានុត្ថេរៈគ្រប់ព្រះអង្គ ឯកឧត្តម លោកជំទាវ លោក លោកស្រី មន្ត្រីរាជការ និងអង្គពិធីទាំងមូល។ក្នុងពិធីនោះដែរ ឯកឧត្តមរដ្ឋមន្ត្រី ក៏បានថ្លែងអំណរគុណ និងកោតសរសើរ ព្រមទាំងវាយតម្លៃខ្ពស់ចំពោះថ្នាក់ដឹកនាំ មន្ត្រីរាជការគ្រប់លំដាប់ថ្នាក់នៃក្រសួងធម្មការ និងសាសនា ដែលបានខិតខំបំពេញភារកិច្ចការងារយ៉ាងសកម្មក្នុងស្មារតីទទួលខុសត្រូវខ្ពស់ ព្រមទាំងសម្រេចបានសមិទ្ធផលសំខាន់ៗគួរជាទីមោទនៈ ជូនក្រ សួង និងរាជរដ្ឋាភិបាលក្នុងឆ្នាំ២០២៥ កន្លងទៅនេះ។ សមិទ្ធផលទាំងនេះឆ្លើយតបបានយ៉ាងមានប្រសិទ្ធភាពទៅនឹងផែនការយុទ្ធសាស្ត្ររបស់ក្រសួងរួមមាន៖ ការលើកកម្ពស់សាសនារបស់រដ្ឋ, ការលើកកម្ពស់សី លធម៌សង្គម, ការរក្សាសុខដុមនីយកម្មសាសនា, ការពង្រឹងគុណភាពវិស័យពុទ្ធិកសិក្សាគ្រប់កម្រិត, ​ការអភិវ ឌ្ឍសមត្ថភាពស្ថាប័ន និងធនធានមនុស្ស រួមទាំងការអភិវឌ្ឍវិស័យធម្មការ និងសាសនា ព្រមទាំងជាការចូលរួមលើកកម្ពស់សីលធម៌ គុណធម៌ និងសុជីវធម៌របស់ពលរដ្ឋ ក្នុងសង្គមដែលមានអារ្យធម៌ខ្ពស់។ក្នុងនាមរាជរដ្ឋាភិបាលកម្ពុជា ឯកឧត្តមបណ្ឌិតរដ្ឋមន្ត្រី បានគាំទ្រដល់ស្មារតីអង្គសន្និបាតរបស់ក្រសួងធម្មការ និងសាសនា ដែលបានកំណត់ដាក់ចេញនូវផែនការយុទ្ធសាស្ត្ររបស់ក្រសួងចំនួន៥គឺ៖ ​ការលើកកម្ពស់សាសនារបស់រដ្ឋ ការលើកកម្ពស់សីលធម៌សង្គម ការរក្សាសុខដុមនីយកម្មសាសនា ការពង្រឹងគុណភាពអប់រំពុទ្ធិកសិក្សាគ្រប់កម្រិត ការអភិវឌ្ឍសមត្ថភាពស្ថាប័ននិងធនធានមនុស្ស ដើម្បីបន្តអនុវត្តឱ្យស្របទៅនឹងយុទ្ធសាស្ត្របញ្ចកោណ ដំណាក់កាលទី១ របស់រាជរដ្ឋាភិបាលនីតិកាលទី៧ នៃរដ្ឋសភា ក្រោមការដឹកនាំប្រកប ដោយភាពប្រាកដនិយមរបស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី និងបានដាក់ចេញនូវទិសដៅការងារសម្រាប់អនុវត្តក្នុងឆ្នាំ២០២៦ ផងដែរ។ ក្រៅពីថ្លែងកោតសរសើរ និងគាំទ្រនោះ ឯកឧត្ដមរដ្ឋមន្ត្រីក៏បានផ្ដល់នូវទស្សនទាន ៩ ចំណុច ដើម្បីសង្គមកម្ពុជា ពោរពេញដោយភាពសុខដុម និងការអភិវឌ្ឍ៕​ដោយ៖ គង់ ឌិន

កម្ពុជា និងប្រេស៊ីលឯកភាពបង្កើតផែនការសកម្មភាពជាក់ស្តែង សំដៅជំរុញកំណើនភ្ញៀវទេសចរ ការវិនិយោគក្នុងវិស័យទេសចរណ៍ប្រទេសទាំងពីរ

2026/02/26 07:01:50 pm        162
Facebook Telegram Linkin
នៅថ្ងៃទី២៦ ខែកុម្ភៈ ឆ្នាំ២០២៦នេះ ឯកឧត្តម ហួត ហាក់ រដ្ឋមន្ត្រីក្រសួងទេសចរណ៍ បានអនុញ្ញាតជូនលោកជំទាវ Vivian Loss Sanmartin ឯកអគ្គរដ្ឋទូតវិសាមញ្ញ និងពេញសមត្ថភាពនៃសាធារណសហព័ន្ធប្រេស៊ីលប្រចាំកម្ពុជា និងសហការី ចូលជួបសម្តែងការគួរសម និងពិភាក្សាការងារ លើកិច្ចសហប្រតិបត្តិការក្នុងវិស័យទេសចរណ៍ នៅទីស្តីការក្រសួងទេសចរណ៍។ក្នុងឱកាសនៃជំនួបប្រកបដោយផ្លែផ្កានេះ ឯកឧត្តមរដ្ឋមន្ត្រី បានសម្តែងនូវការស្វាគមន៍ និងអបអរសាទរចំពោះការតែងតាំងលោកជំទាវជាឯកអគ្គរដ្ឋទូតដែលមាននិវេសដ្ឋាននៅកម្ពុជាដំបូងគេ និងការបើកស្ថានទូតនៅកម្ពុជា ដែលជាការឆ្លុះបញ្ចាំងពីការរីកចម្រើនឥតឈប់ឈរនៃចំណងការទូត និងកិច្ចសហប្រតិបត្តិការដ៏ល្អរវាងប្រទេសទាំងពីរដែលមានរយៈពេល៣២ឆ្នាំ គិតចាប់តាំងពីឆ្នាំ១៩៩៤។ទន្ទឹមនឹងនេះដែរ ឯកឧត្តមរដ្ឋមន្រ្តី ក៏បានគូសបញ្ជាក់ពីលទ្ធភាពគួរជាទីមោទនៈលើការបង្កើតកិច្ចសហប្រតិបត្តិការលើវិស័យទេសចរណ៍រវាងកម្ពុជា និងប្រេស៊ីល តាមរយៈការចុះអនុស្សារណៈនៃការយោគយល់គ្នាស្តីពីសហប្រតិបត្តិការទេសចរណ៍កាលពីថ្ងៃទី១០ ខែវិច្ឆិកា ឆ្នាំ២០២៥ រវាងក្រសួងទេសចរណ៍នៃព្រះរាជាណាចក្រកម្ពុជា និងក្រសួងទេសចរណ៍នៃសាធារណរដ្ឋសហព័ន្ធប្រេស៊ីល។ឯកឧត្តមរដ្ឋមន្រ្តី បានស្នើរៀបចំឱ្យមានផែនការសកម្មភាពជាក់ស្តែង និងលម្អិតតាមដំណាក់កាលនីមួយៗ ដើម្បីអនុវត្តអនុស្សរណៈនៃការយោគយល់គ្នាឱ្យមានប្រសិទ្ធភាព និងប្រសិទ្ធផលសំដៅជំរុញកំណើនភ្ញៀវទេសចរ ការវិនិយោគក្នុងវិស័យទេសចរណ៍ និងការផ្លាស់ប្តូរប្រជាជន និងប្រជាជននៃប្រទេសទាំងពីរកាន់តែសកម្ម និងជាប្រយោជន៍ដល់សេដ្ឋកិច្ចនៃប្រទេសទាំងពីរ។ជាកិច្ចឆ្លើយតប លោកជំទាវឯកអគ្គរដ្ឋទូត បានថ្លែងអំណរគុណយ៉ាងជ្រាលជ្រៅចំពោះការជូនពររបស់ឯកឧត្តមរដ្ឋមន្រ្តី និងបានសម្តែងនូវការគាំទ្រចំពោះសំណើខាងលើ ដោយបានប្តេជ្ញាសម្របសម្រួលជាមួយក្រសួងទេសចរណ៍ប្រេស៊ីល ដើម្បីជំរុញឱ្យមានផែនការសកម្មភាពជាក់ស្តែងសម្រាប់អនុវត្តអនុស្សរណៈនៃការយោគយល់ដែលបានចុះកន្លងមក ឱ្យកាន់តែមានប្រសិទ្ធភាព និងផ្តល់ប្រយោជន៍រួមដល់ប្រជាជននៃប្រទេសទាំងពីរ។

បណ្ដាញសង្គម

ព័ត៌មានថ្មីៗ

ស្ថានទូតឥណ្ឌូនេស៊ី រំពឹងថា ពិធីបុណ្យផ្សាររាត្រី នឹងទាក់ទាញភ្ញៀវទេសចរកាន់តែច្រើន ឱ្យចូលរួមទស្សនាផ្លូវថ្មើរជើងចតុមុខ
04/26/2026 05:04 PM
Facebook Telegram Linkin
សកម្មជនមកពីគណបក្សប្រឆាំងចំនួន៧០នាក់ ស្រុកស្អាង ខេត្តកណ្តាល ចូលរួមជីវភាពនយោបាយជាមួយគណបក្សប្រជាជនកម្ពុជា
04/26/2026 04:04 PM
Facebook Telegram Linkin
ការងារជោគជ័យអាស្រ័យមន្រ្តីមាន «សុខភាពល្អ»
04/26/2026 04:04 PM
Facebook Telegram Linkin
ឯកឧត្តម ចាយ បូរិន អញ្ជើញចុះសួរសុខទុក្ខនិងនាំយកអំណោយដ៏ថ្លៃថ្លារបស់ សម្តេចមហាបរធិបតី ហ៊ុន ម៉ាណែត និង លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត ជូនឯកឧត្តម កង ណម នៅគេហដ្ឋាន
04/26/2026 04:04 PM
Facebook Telegram Linkin
ឯកឧត្តម ហ៊ុន ម៉ានី៖“សុខទុក្ខមន្ត្រី គឺជាស្នូលនៃការអនុវត្តការងារកែទម្រង់រដ្ឋបាលសាធារណៈ ស្របតាមចក្ខុវិស័យរបស់ សម្តេចមហាបវរធិបតីនាយករដ្ឋមន្ត្រី”
04/26/2026 04:04 PM
Facebook Telegram Linkin
ការនាំចេញប្រេងឆៅ និងផលិតផលប្រេងរបស់សហរដ្ឋអាមេរិកបានឈានដល់កម្រិតខ្ពស់បំផុតមិនធ្លាប់មាន
04/26/2026 03:04 PM
Facebook Telegram Linkin
អ៊ីរ៉ង់និយាយថាខ្លួន បានត្រៀមរួចរាល់ហើយដើម្បីទប់ទល់នឹងការគំរាមកំហែងគ្រប់បែបយ៉ាង
04/26/2026 03:04 PM
Facebook Telegram Linkin
មនុស្ស១៤ នាក់បានស្លាប់ក្នុងការបំផ្ទុះគ្រាប់បែកនៅភាគនិរតីរបស់ប្រទេសកូឡុំប៊ី
04/26/2026 02:04 PM
Facebook Telegram Linkin
អតីតសកម្មជនបក្សប្រឆាំងជាច្រើននាក់ទៀត នៅស្រុកត្រាំកក់ សម្រេចចូលរួមជីវភាពនយោបាយ ជាមួយគណប្រជាជនកម្ពុជា
04/26/2026 02:04 PM
Facebook Telegram Linkin
អាជ្ញាធរខេត្តប៉ៃលិន បន្តចុះត្រួតពិនិត្យជនបរទេសដែលលួចចូលមករស់នៅខុសច្បាប់ ក្នុងខេត្ត
04/26/2026 02:04 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.