BTV NEWS

អភិបាលខេត្តកោះកុង ចាត់ទុកបុណ្យពូនភ្នំទុរេន ជាកម្លាំងសាមគ្គី និងលើកស្ទួយទិន្នផលកសិកម្ម

សភាប្រើភាសាបារាំងជិត ១០០ ប្រទេស ចេញមុខអំពាវនាវឲ្យភាគីថៃគោរពអធិបតេយ្យភាពកម្ពុជា

គណៈចលនាមហាជន រៀបចំបាឋកថាស៊េរី «កេរដំណែលរស់៖ គុណតម្លៃ ៧ មករា» នៅវិមាន ៧ មករា”

ឯកឧត្តម កែប ជុតិមា បង្ហាញពីផលប៉ះពាល់នៃជម្លោះព្រំដែនកម្ពុជា-ថៃ លើវិស័យអប់រំនិងវប្បធម៌ និងវឌ្ឍនភាពភាសាបារាំង ក្នុងមហាសន្និបាត APF នៅកាមេរូន

ព័ត៌មានជាតិ

ក្រសួងវប្បធម៌នឹងបើកមហោស្រពជាតិភាពយន្តខ្នាតខ្លីកម្ពុជាលើកទី៤ នៅចុងខែវិចិ្ឆកានេះ

នាយកដ្ឋានសិល្បៈភាពយន្ត និងផ្សព្វផ្សាយវប្បធម៌ នៃក្រសួងវប្បធម៌ និងវិចិត្រសិល្បៈ គ្រោងបើកមហោស្រពជាតិភាពយន្តខ្នាតខ្លីកម្ពុជាលើកទី៤ ក្រោមប្រធានបទ «ភាពយន្តខ្នាតខ្លី ជាជំហានឆ្ពោះទៅកាន់ភាពយន្តខ្នាតវែង» ដែលគ្រោងនឹងរៀបចំនាថ្ងៃទី២៥ ខែវិច្ឆិកា ឆ្នាំ២០២៤ខាងមុខនេះ។លោក ប៉ុក បូរក្ស ប្រធាននាយកដ្ឋានសិល្បៈភាពយន្ត និងផ្សព្វផ្សាយវប្បធម៌ បានថ្លែងប្រាប់ BTV ព័ត៌មាននាព្រឹកថ្ងៃទី១ ខែវិចិ្ឆកា ឆ្នាំ២០២៤នេះថា តាមរយៈនៃមហោស្រពជាតិភាពយន្តខ្នាតខ្លីនេះគឺជាព្រឹត្តិការណ៍ដ៏មានសារសំខាន់ និងចាំបាច់ក្នុងការជំរុញលើកទឹកចិត្ត ដល់យុវជនដើម្បីបញ្ចេញគំនិតច្នៃប្រឌិត ចែករំលែកនូវព័ត៌មានដែលពួកគេមានតាមរយៈ អេក្រង់ ឬផ្ទាំងសំពត់ស និងជាជំហានដំបូងក្នុងការនាំពួកឲ្យក្លាយជាផលិតករភាពយន្ត។ លោកបន្តថា មហោស្រពនេះធ្វើឡើងដើម្បីប្រកួតប្រជែងវាស់ស្ទង់កម្រិតសមត្ថភាពរបស់យុវផលិតករវ័យក្មេងព្រមទាំងចែករំលែកបទពិសោធន៍ថ្មីៗក្នុងគោលបំណងពង្រឹង និងលើកកម្ពស់ធនធានមនុស្ស រួមចំណែកអភិវឌ្ឍន៍ឧស្សាហកម្មភាពយន្តកម្ពុជា ឲ្យកាន់តែប្រសើរឡើង និងដើម្បីបង្កើននូវបរិយាកាសដ៏សំបូរបែប នៃព្រឹតិ្តការណ៍វប្បធម៌ និងបង្កើននូវផលិតផលវប្បធម៌ថ្មីៗ ដែលមិនត្រឹមតែជួយអភិវឌ្ឍវិស័យភាពយន្តប៉ុណ្ណោះទេ តែថែមទាំងរួមចំណែកយ៉ាងសំខាន់ក្នុងការផ្សព្វផ្សាយពីវប្បធម៌ ប្រពៃណី កិត្យានុភាព និងអត្តសញ្ញាណជាតិ នៅលើឆាកអន្តរជាតិផងដែរ។លោក ប៉ុក បូរក្ស ប្រធាននាយកដ្ឋានសិល្បៈភាពយន្ត និងផ្សព្វផ្សាយវប្បធម៌លើកឡើងថា «ការរៀបចំមហោស្រពនេះ យើងនឹងគ្រោងធ្វើពិធីបើកនាថ្ងៃទី២៥ ខែវិចិ្ឆកា នៅសាលសន្និសីទចតុម្មុខ ហើយយើងរៀបចំពិធីបិទ និងប្រកាសជាផ្លូវការផ្តល់ពានរង្វាន់ នៅថ្ងៃទី៣០ ខែវិចិ្ឆកា ឆ្នាំ២០២៤ មកដល់ថ្ងៃនេះយើងបានបិទបញ្ចប់ការទទួលពាក្យចូលរួមប្រកួតប្រជែងរបស់យុវជនផលិតករ ត្រឹមថ្ងៃទី៣១ ខែតុលា យើងបានបិទបញ្ចប់ការទទួលពាក្យរួចរាល់ហើយ។ តទៅនេះក្នុងដំណើរការរៀបចំ យើងយកស្នាដៃភាពយន្តសម្រាប់ចូលរួមប្រជែងទាំងអស់នេះ យកទៅសម្រាប់គណៈកម្មាធិការមេប្រយោគពិនិត្យវាយតម្លៃ និងធ្វើការជ្រើសរើសភាពយន្ត សម្រាប់ទៅក្នុងវគ្គផ្តាច់ព្រ័ត្រ។ ហើយក្នុងអំឡុងពេលនៃការរៀបចំពិធីចន្លោះពីថ្ងៃទី២៦ រហូតដល់ថ្ងៃទី២៩ ក៏មានការចាក់បញ្ចាំងស្នាដៃភាពយន្តនៅតាមរោងភាពយន្តមួយចំនួនក្នុងរាជធានីភ្នំពេញ ដើម្បីឲ្យទស្សនិកជន មហាជនចូលទស្សនាគាំទ្រស្នាដៃផលិតកររបស់យើង ឬអាចបោះឆ្នោតជ្រើសរើសស្នាដៃភាពយន្តណាដែលខ្លួនពេញចិត្ត ដែល ផ្តល់ជាពិន្ទុ ក្នុងន័យថា ផ្តល់ជារង្វាន់ដែលភាពយន្តនោះមានមហាជនគាំទ្រច្រើន ជាផ្នែកមួយផងដែរ»។សូមរំលឹកថា ចាប់តាំងពីការបង្កើតឡើងនៅឆ្នាំ២០១៦ មហោស្រពជាតិភាពយន្តខ្នាតខ្លីកម្ពុជា បានដើរតួនាទីយ៉ាងសំខាន់ក្នុងការបង្កើតធនធានមនុស្សថ្មីៗ ប្រកបដោយសមត្ថភាពទេពកោសល្យក្នុងវិស័យភាពយន្ត សម្រាប់ពេលបច្ចុប្បន្ន និងអនាគត។ យុវជនទាំងអស់ បានចូលរួមចំណែកយ៉ាងសកម្មក្នុងការបង្កើតស្នាដៃភាពយន្តថ្មីៗ ប្រកបដោយគំនិតច្នៃប្រឌិត ព្រមទាំងបានបង្គប់នូវអត្ថន័យខ្លឹមសារអប់រំ សីលធម៌ គុណធម៌ និងអត្តសញ្ញាណជាតិ ដែលសកម្មភាពទាំងនេះ មិនត្រឹមតែបានជួយអភិវឌ្ឍន៍ឧស្សាហកម្មភាពយន្តកម្ពុជាប៉ុណ្ណោះទេ តែថែមទាំងបានចូលរួមចំណែកយ៉ាងសំខាន់ក្នុងការថែរក្សា ការពារវប្បធម៌ ប្រពៃណីទំនៀមទំលាប់របស់ជាតិយើង៕ អត្ថបទ រដ្ឋា

គម្រោងកសាងហេដ្ឋារចនាសម្ព័ន្ធតាមព្រំដែន ចាប់ផ្តើមចល័តគ្រឿងចក្រទៅចូលគោលដៅដើម្បីដំណើរការដ្ឋានសាងសង់ជាផ្លូវការហើយ

នៅព្រឹកថ្ងៃទី១ ខែវិច្ឆិកា ឆ្នាំ២០២៤ ការដ្ឋាន គម្រោងកសាងហេដ្ឋារចនាសម្ព័ន្ធតាមព្រំដែន ដោយផ្តោតលើការកសាងផ្លូវក្រវាត់ព្រំដែន បានចាប់ផ្តើមចល័តគ្រឿងចក្រទៅចូលគោលដៅដើម្បីដំណើរការដ្ឋានសាងសង់ជាផ្លូវការហើយ។គម្រោងកសាងហេដ្ឋារចនាសម្ព័ន្ធ តាមព្រំដែន ដោយផ្តោតលើការ កសាងផ្លូវក្រវាត់ព្រំដែន និងផ្លូវតភ្ជាប់ចូលផ្លូវព្រំដែន មានប្រវែងផ្លូវសរុបប្រមាណ២៥០ គីឡូម៉ែត្រ ( ខេត្តមណ្ឌលគិរី ប្រវែងប្រមាណ១៤៧,៥២ គ.មខេត្តរតនគិរី ប្រវែងប្រមាណ ១០២.៤៨ គ.ម) ដែលការកសាងនេះប្រើរយៈពេលប្រមាណ ៣០ខែ នឹងសម្រេចជាស្ថាពរក្នុងអំឡុង ខែឧសភា ឆ្នាំ២០២៧ ។

ពលរដ្ឋខេត្តកណ្តាលនាំកូនតូចទៅចាក់វ៉ាក់សាំងកញ្ជ្រឹល ស្អូច ជាមួយក្រុមពេទ្យចុះចាក់តាមខ្នងផ្ទះ

អនុវត្តតាមការណែនាំក្រសួងសុខាភិបាល នៅថ្ងៃទី១ ខែវិច្ឆិកានេះ បណ្តាក្រុមគ្រូពេទ្យ និងមន្ត្រីសុខាភិបាលនានានៅទូទាំងខេត្តកណ្តាល ក៏ដូចក្រុមពេទ្យនានានៅទូទាំងប្រទេសបានបើកយុទ្ធនាការចុះផ្តល់វ៉ាក់សំាងបន្ថែមការពារការកើតជំងឺកញ្ជ្រិល ស្អូច នៅតាមសហគម តាមខ្នងផ្ទះពលរដ្ឋ។ នៅក្នុងដំណើរការផ្តល់វ៉ាក់សាំងនេះ ពលរដ្ឋនានាបានស្ទុះស្ទៀរនាំគ្នានាំកូនតូចអាយុចាប់ពី៩ខែដល់៥ឆ្នាំទៅចាក់វ៉ាក់សាំងដើម្បីការពារជំងឺកាចសាវហាវនេះ។ពលរដ្ឋនៅសង្កាត់សិត្បួ និងរកាខ្ពស់ នៅខេត្តកណ្តាល ថ្លែងប្រាប់ BTV នៅថ្ងៃនេះថា បន្ទាប់ពីមានមេភូមិបានផ្សព្វផ្សាយថា មានក្រុមពេទ្យចុះមកដាក់ប៉ុស្តិ ដាក់គោលដៅចាក់វ៉ាក់សាំងការពារជំងឺកញ្ចឹ្រល ស្អូចជូនកូនតូចអាយុ ៩ខែ ដល់៥៩ខែមក នៅថ្ងៃនេះពលរដ្ឋដែលមានកូនចៅតូចៗ បាននាំគ្នានាំកូនចៅមកចាក់វ៉ាក់សំាងនេះ ដោយមិនអាកខាកបាន ដោយសារបទពិសោធន៍ពលរដ្ឋចាស់ៗដែលធ្លាប់ជួបប្រទះកើត ជំងឺ កញ្ជ្រិល ស្អូចនេះ គឺមានភាពកាចសាហាវពិបាកព្យាបាលទៅលើក្មេងតូច និងងាយឲ្យក្មេងតូចស្លាប់បំផុត បើសិនមិនមានវ៉ាក់សាំងបង្ការជំងឺនេះនៅក្នុងខ្លួន។ បើតាមតំណាងក្រុមពេទ្យចាក់វ៉ាក់សាំងនៅសង្កាត់រកាខ្ពស់ថ្លែងថា នៅក្នុងដំណើរការចុះវ៉ាក់សាំងការពារជំងឺកញ្ជ្រិលស្អូចតាមខ្នងផ្ទះពលរដ្ឋនេះ គឺមានការសហការល្អបណ្តាមេភូមិ និងអ្នកស្ម័គ្រចិត្តចុះផ្សព្វផ្សាយ និងបានធ្វើឲ្យពលរដ្ឋមានការស្ទុះស្ទៀរខ្លាំងនាំកូនតូចមកចាក់វ៉ាក់សាំងដោយមិនអាកខានបាន។លោកវេជ្ជបណ្ឌិត គួយ ប៊ុនធឿន ប្រធានមន្ទីរសុខាភិបាលខេត្តកណ្តាល ថ្លែងថា នៅក្នុងដំណើរការអនុវត្តយុទ្ធនាការចុះចាក់វ៉ាក់សាំងបន្ថែមការពារជំងឺកញ្ជ្រិលស្អូច រយៈពេល១៣ថ្ងៃ ចាប់ពីថ្ងៃទី១ រហូតដល់ថ្ងៃទី១៣ ខែវិច្ឆិកានេះ នៅតាមសហគម តាមវត្តអារ៉ាម តាមខ្នងផ្ទះ តាមសាលាឃុំសង្កាត់ និងតាមមណ្ឌលសុខភាព សរុបចំនួន១២៧២កន្លែង នៅជិតផ្ទះរបស់ពលរដ្ឋបំផុត និងបានកំណត់ផែនការចាក់វ៉ាក់សាំងលើក្មេងអាយុ៩ខែដល់៥ឆ្នាំ សរុបមប្រមាណ ១១ម៉ឺន៨៤៧០នាក់ និងមានក្រុមគ្រូពេទ្យចុះចាក់ចំនួន ១៧១ក្រុម ក្នុងមួយក្រុមមានគ្រូពេទ្យ២រូប និងអ្នកស្ម័គ្រចិត្តភូមិ១រូប៕ អត្ថបទ៖ ស៊ុម សុខជា

បិទបញ្ចប់ការចូលរួមមូលនិធិកសាងផ្លូវក្រវាត់ព្រំដែនទទួលបានថវិកាពីពលរដ្ឋគ្រប់មជ្ឈដ្ឋានជិត ២៧លានដុល្លារ ខណៈមូលនិធិនេះនឹងផ្ដោតលើការកសាងផ្លូវក្រវាត់ព្រំដែន

រាជរដ្ឋាភិបាលនៅថ្ងៃទី៣១ ខែតុលា ឆ្នាំ ២០២៤កន្លងទៅនេះ បានប្រកាសបិទបញ្ចប់ចលនានៃការបរិច្ចាគថវិកាក្នុង «មូលនិធិកសាងហេដ្ឋារចនាសម្ព័ន្ធតាមព្រំដែន ដោយផ្ដោតលើការកសាងផ្លូវក្រវាត់ព្រំដែន» ខណៈមានការចូលរួមយ៉ាងច្រើនកុះករពីសំណាក់ប្រជាពលរដ្ឋខ្មែរគ្រប់មជ្ឈដ្ឋានទាំងក្នុង និងក្រៅប្រទេសចំនួន ៧២០.១០៥ អង្គ/នាក់ ដែលបានចូលរួមបរិច្ចាក និងទទួលបានថវិកាជិត ២៧ លានដុល្លារ (២៦.៩៦៧.៦០៩ដុល្លាអាមេរិក)។តាមរយៈសារនៅលើបណ្ដាញសង្គមកាលពីយប់ថ្ងៃទី៣១ ខែតុលា ឆ្នាំ២០២៤នេះ សម្ដេចមហាបវរធិបតី ហ៊ុន ម៉ាណែត នាយករដ្ឋមន្រ្ដី បានរម្លឹកឡើងថា កាលពីថ្ងៃទី២២ សីហា ២០២៤ កន្លងទៅ សម្ដេចបានប្រកាសបង្កើត «មូលនិធិកសាងហេដ្ឋារចនាសម្ព័ន្ធតាមព្រំដែនដោយផ្តោតលើការកសាងផ្លូវក្រវាត់ព្រំដែន» ហើយចាប់ពីថ្ងៃទី ២៦ សីហា ២០២៤ មក ក្រុមការងារមូលនិធិបានចាប់ផ្តើមទទួលការបរិច្ចាគថវិកាដោយស្ម័គ្រចិត្តពីជនរួមជាតិខ្មែរគ្រប់ទិសទីទាំងក្នុង និងក្រៅប្រទេស។ចលនានៃការបរិច្ចាគថវិកាក្នុង «មូលនិធិកសាងហេដ្ឋារចនាសម្ព័ន្ធតាមព្រំដែន ដោយផ្ដោតលើការកសាងផ្លូវក្រវាត់ព្រំដែន» ត្រូវបិទបញ្ចប់នៅថ្ងៃទី៣១ ខែតុលា ឆ្នាំ២០២៤ នេះ ដោយមានការចូលរួមយ៉ាងច្រើនកុះករពីសំណាក់ប្រជាពលរដ្ឋខ្មែរគ្រប់មជ្ឈដ្ឋានទាំងក្នុង និងក្រៅប្រទេសចំនួន ៧២០.១០៥ អង្គ/នាក់ ដែលបានចូលរួមបរិច្ចាក និង ទទួលបានថវិកាសរុបចំនួន ៣២.៩៥២.៤៤២.០៤៤ រៀល និងប្រាក់ដុល្លាអាមេរិកសរុបចំនួន ១៨.៧២៩.៩៩៨ ដុល្លាអាមេរិក (គិតជាទឹកប្រាក់ដុល្លារអាមេរិកប្រមាណ ២៦.៩៦៧.៦០៩ ដុល្លាអាមេរិក)។សម្ដេចធីបតីនាយករដ្ឋមន្រ្ដីមានប្រសាសន៍បញ្ជាក់ថា វិភាគទានស្ម័គ្រចិត្តដែលទទួលបាននេះនឹងត្រូវយកទៅប្រើប្រាស់ក្នុងការកសាងផ្លូវក្រវាត់ព្រំដែន។ ដើម្បីធានាការគ្រប់គ្រង ប្រើប្រាស់ថវិការបានត្រឹមត្រូវ តម្លាភាព និងចំគោលដៅ សម្ដេចក៏បានសម្រេចបង្កើតក្រុមការងារចំពោះកិច្ច ដើម្បីគ្រប់គ្រងមូលនិធិកសាងហេដ្ឋារចនាសម័្ពន្ធតាមព្រំដែន ដោយផ្ដោតលើការកសាងផ្លូវក្រវាត់ព្រំដែន ដែលដឹកនាំដោយឯកឧត្តម នាយឧត្តមសេនីយ៍ គឹម ប៊ុនថាន រដ្ឋមន្ត្រីប្រតិភូអមនាយករដ្ឋមន្ត្រី និងជានាយករងខុទ្ទកាល័យនាយករដ្ឋមន្ត្រី។ បន្ថែមលើនេះ នៅថ្ងៃសុក្រទី១ ខែវិច្ឆិកា ឆ្នាំ២០២៤នេះ ក្រុមការងារចំពោះកិច្ចក៏កំពុងធ្វើសន្និសិទ្ធកាសែត ដើម្បីបង្ហាញអំពីផែនការលម្អិតនៃការប្រើបា្រស់ថវិកាមូលនិធិក្នុងការកសាងផ្លូវក្រវ៉ាត់ព្រំដែន ដែលទូរទស្សន៍ BTV នឹងបន្តផ្សាយជូនជាបន្តបន្ទាប់ថែមទៀត។ ក្នុងឱកាសនេះ សម្ដេចធិបតី នាយករដ្ឋមន្រ្ដី បញ្ជាក់ថា សម្ដេចពិតជាមានមោទនភាពក្រៃលែង ដែលមូលនិធិមួយនេះបានទទួលការគាំទ្រយ៉ាងផុលផុសពីសំណាក់អង្គព្រះមហាក្សត្រ ព្រះមហាក្សត្រី ឥស្សរជនថ្នាក់ដឹកនាំ ព្រះសង្ឃ មន្ត្រីរាជការ កងកម្លាំងប្រដាប់អាវុធ លោកគ្រូ អ្នកគ្រូ សិស្ស និស្សិត កម្មករ និយោជិត អាជីវករ កសិករ និងពលរដ្ឋខ្មែរគ្រប់មជ្ឈដ្ឋានទាំងក្នុង និងក្រៅប្រទេសក្នុងស្មារតីមហាសាមគ្គីជាតិខ្មែរ។សម្ដេចធិបតីបានថ្លែងអំណរព្រះគុណ និងអរគុណយ៉ាងជ្រាលជ្រៅប្រគេន ថ្វាយ ជូនចំពោះព្រះថេរានុត្ថេរៈគ្រប់ព្រះអង្គ អង្គព្រះមហាក្សត្រ ព្រះមហាក្សត្រី សម្តេច ឯកឧត្តម លោកជំទាវ លោក លោកស្រី លោកយាយ លោកតា អ៊ំ ពូ មីង និងបងប្អូនជនរួមជាតិទាំងអស់ ចំពោះការចូលរួមចំណែកដ៏ឧត្តុង្គឧត្តមថ្លៃថ្លានេះ ដែលនេះគឺជាវិភាគទានដ៏មានតម្លៃបំផុត និងមិនអាចកាត់ថ្លៃបានឡើយ ហើយក៏ជាការឆ្លុះបញ្ចាំងអំពីទឹកចិត្តមនសិការស្នេហាជាតិមាតុភូមិរបស់ជនរួមជាតិខ្មែរយើង ដែលតែងតែត្រៀមខ្លួនជានិច្ចក្នុងការបូជាលះបង់គ្រប់បែបយ៉ាងនៅក្នុងមហាចលនាជាតិដើម្បីបុព្វហេតុកសាង ការពារ និងអភិវឌ្ឍមាតុភូមិកម្ពុជា ដោយឈរលើមូលដ្ឋាន និងស្មារតីនៃខឿនការពារជាតិរបស់ប្រជាជននៅគ្រប់កាលៈទេសៈ៕ អត្ថបទ៖ វ៉ន ដារ៉ា

កីឡាការិនីទូកចែវ «ព្រះពៃស្រពណ៌» ខិតខំហាត់សម ដើម្បីកេរ្តិ៍ឈ្មោះភូមិឃុំស្រុកខេត្ត ទោះក្នុងវ័យចាស់ក៏ដោយ

កីឡាការនីទូកចែវព្រះពៃស្រពណ៌ទាំងអស់ នៅមានចិត្តស្រឡាញ់កីឡានេះ តែអាយុកាន់ច្រើន កម្លាំងកាយថយចុះ អ្វីដែលជាបញ្ហានោះ គឺមិនមានអ្នកបន្តវេន ព្រោះក្មេងឥឡូវសុទ្ធតែអ្នកធ្វើការតាមរោងចក្រ។ ការខិតខំហាត់សមនាពេលនេះ ដើម្បីកេរ្ត៍ឈ្មោះភូមិឃុំស្រុកខេត្ត ប្រជាជន ជាពិសេសគឺទំនៀមទម្លាប់ប្រពៃណីខ្មែរតែម្តង ។ ទូកចែវនារី ព្រះពៃស្រពណ៌ បានត្រៀមខ្លួនជាស្រេចហើយ ក្នុងការចូលរួមប្រណាំងទូកងក្នុងព្រះរាជពិធីបុណ្យអុំទូក បណ្ដែតប្រទីប និងសំពះព្រះខែ អកអំបុក ក្នុងឆ្នាំនេះ ។កីឡាការនី២នាក់បានអោយដឹងថា គាត់បានចូលជាសមាជឹកកីឡាទូកចែវនារី ព្រះពៃស្រពណ៌ នេះតាំងពីអាយុ១៥ឆ្នាំ ខ្លះ១៦ឆ្នាំមកម្លេះ ពេលនេះវ័យចូលជាង៤០អស់ហើយ។ ដោយសារមានចិត្តស្រឡាញ់វិស័យកីឡាប្រណាំងទូកង ទោះជាកម្លាំងរបស់ខ្លួនកាន់តែថយចុះ និងមិនមានអ្នកបន្តវេនពិតមែន ពួកគាត់ក៏នៅតែបន្តចូលរួមប្រណាំងទូករហូតដល់បច្ចុប្បន្ន ដើម្បីកេរ្ត៍ឈ្មោះអ្នកភូមិ ស្រុក ឃុំ ខេត្តរបស់គាត់ ហើយវាជាប្រពៃណីខ្មែរតាំងពីដូនតាផងដែរ។ ពេលប្រណាំងម្តងៗ កីឡាការនីទាំងអស់ បានប្រើកម្លាំងអស់ពីខ្លួនតែម្ដង ព្រោះខ្លាចចាញ់គេ តែក៏មានវិធីសាស្ត្រក្នុងការប្រើកម្លាំង និងបច្ចេកទេសចែវ រួមទាំងអ្នកបញ្ជាទូកផងដែរ។ ប៉ុន្តែពេលឈ្នះហើយ យើងអាចបន្ធូរដៃដកដង្ហើមបានស្រួលវិញ ។ លោក អៃ ឈុន មេឃុំជលសា ស្រុកជលគីរី បានថ្លែងថា៖ កីឡាការនីទូកងទាំងអស់ សុទ្ធតែមានក្ដីស្រឡាញ់កីឡាប្រភេទនេះ ព្រោះវាជាកេរ្តិ៍តំណែលពីដូនតា ជាពិសេសគឺកេរ្តិ៍ឈ្មោះស្រុកភូមិ ដោយមិនប្រាថ្នាប្រាក់រង្វាន់ឡើយ ។ ដោយសារតែគាត់ស្រឡាញ់បុណ្យប្រពៃណីជាតិ ទើបពួកគាត់ចូលរួម ទោះបីបានតិចឬច្រើន ក៏គាត់នៅតែខំខ្នះខ្នែងដដែល ទើបទូកចែវ ព្រះពៃស្រពណ៌នេះ ទទួលបានជ័យជំនះលេខ១ជារៀងរាល់ឆ្នាំ និងគ្មានគូប្រកួតឡើយ ។ មានឈ្មោះជាទូកចែវនារីក៏ពិតមែន ក៏ប៉ុន្តែទូកព្រះពៃស្រពណ៌នេះ ក៏មានបុរសចែវនៅខាងក្បាល និងកន្សៃទូកចំនួន៥នាក់ដែរ គឺខាងមុខ២នាក់ និងកន្សៃ៣នាក់ ព្រោះប្រុសៗ ងាយក្នុងការបញ្ជាទូក និងកាច់ចង្កូតទូក ៕ កាំង ហុងវាស្នា

សិប្បករខ្មែរ ថ្លែងនូវការអរគុណចំពោះក្រុមការងារពិសេសរបស់នាយករដ្ឋមន្ត្រី បានជួយរកកន្លែងលក់ដូរ

សិប្បករខ្មែរ បង្ហាញនូវអារម្មណ៍សប្បាយរីករាយ ចំពោះការគិតគូរ និងជួយជ្រោមជ្រែង នៃក្រុមការងារពិសេសរបស់នាយករដ្ឋមន្ត្រី លើការដាក់លក់សាកល្បងនៅក្នុងទីផ្សារ Sunshine Night Market ដោយពួកគាត់រំពឹងថា ការដាក់លក់នៅក្នុងផ្សារមួយនេះ នឹងអាច មានការគាំទ្រ និងលក់ដាច់បានច្រើន ។សិប្បករ ដែលជាម្ចាស់សិប្បកម្មកែច្នៃ និងវេចខ្ចប់ចំណីអាហារក្នុងស្រុក លើកឡើងក្នុងកិច្ចសម្ភាសន៍ជាមួយភ្នាក់ងារអ្នកយក ព័ត៌មាន BTV ស្តីពីការលក់សាកល្បង នៅផ្សាររាត្រីរាជធានីភ្នំពេញ Sunshine Night Market ចាប់ពីថ្ងៃទី ៣១ ខែ តុលា ម្សិលមិញ នេះថា ពាក់ព័ន្ធការរៀបចំព្រឹត្តិការណ៍ពិព័រណ៍នានា ពួកគាត់តែងតែចូលរួមដើម្បីដាក់បង្ហាញផលិតផល ក៏ដូចជាការផ្សព្វផ្សាយទៅដល់ប្រពលរដ្ឋដូចជា បញ្ហាវេចខ្ចប់ គុណភាព និងអនាម័យជាដើម ដើម្បីឲ្យប្រជាជនយើងជួយគាំទ្រផលិតផលក្នុងស្រុក ក្នុងនោះការ ចូលរួមគាំទ្រពីប្រជាជន ពិតជាមានសារៈសំខាន់ណាស់, ប្រសិនបើខ្សែច្រវាក់ផលិតកម្មក្នុងស្រុកដំណើរកាន់តែខ្លាំង វាជាការចូលរួម ចំណែក ដល់ការលើកកម្ពស់កសិករជាអ្នកដាំដុះ វិស័យការងារ និងការបង្កើតនូវតម្លៃបន្ថែមកាន់តែខ្ពស់។សិប្បករ ទាំងនេះលើកឡើងស្រដៀងគ្នាទៀតថា ជាក់ស្តែងក្នុងបច្ចុប្បន្ននេះ ពួកគាត់បានលក់ដាច់កាក់កបគ្រាន់បើជាងមុន ហើយរំពឹងថា នៅពេលខាងមុខផលិតផលរបស់ពួកគាត់នឹងអាចហូរចូលទីផ្សារកាន់តែច្រើន និងបានថ្លែងអំណរគុណចំពោះគណៈ- កម្មាធិការជាតិជំរុញចលនាភូមិ១ផលិតផល១ និងក្រុមការងារពិសេសរបស់នាយករដ្ឋមន្ត្រី លើកិច្ចការត្រួតពិនិត្យ តាមដាន និងវាយតម្លៃ ការអនុវត្តគោលនយោបាយពាក់ព័ន្ធទៅនឹងសេដ្ឋកិច្ចក្រៅប្រព័ន្ធ សហគ្រាសធុនមីក្រូ តូច និងមធ្យម និងបានស្នើសុំទីតាំង ផ្សាររាត្រីរាជធានាភ្នំពេញ Sunshine Night Market ឱ្យសហគ្រាសផលិតផលិតផលខ្មែរមកលក់សាកល្បងនៅទីនេះ។ជុំវិញការដាក់លក់ផលិតផលនេះ លោក ទិនហ្វៃ អ្នកចាត់ការទូទៅនៃគម្រោង Sunshine Family Park លើកឡើងថាបច្ចុប្បន្ននៅក្នុង គម្រោង Sunshine Family Park មានជីវករ ៦៨ ស្តង់ បានកំពុងដាក់លក់ផលិតផលរបស់ខ្លួន, ដោយឡែកការអនុញ្ញាត្តិឱ្យសិប្បករ ខ្មែរ របស់ចលនាភូមិ១ផលិតផល១ លោកមានគោលបំណងជួយផ្សព្វផ្សាយ និងការជួយដល់ការលក់ដូររបស់សិប្បករខ្មែរ ក្នុងរយៈ ពេលវែង ដើម្បីឱ្យពួកគាត់ស្វែងរកចំណូល សម្រាប់ដោះស្រាយក្នុងជីវភាព និងកិច្ចដំណើរការអាជីវកម្មរបស់ពួកគាត់ឱ្យកាន់តែប្រសើរ និងក៏ជាការចូលរួមចំណែកជាមួយរាជរដ្ឋាភិបាលកម្ពុជាផងដែរ លើការលើកកម្ពស់ដល់សហគមន៍ដាំដុះ និងការបង្កើតការងារជាដើម៕ អត្ថបទ៖ សុន រ៉ាឌី

កម្ពុជា-អាល្លឺម៉ង់ គ្រោងបើកកិច្ចចរចារ ដើម្បីបន្តពង្រឹងកិច្ចសហប្រតិបត្តិការអភិវឌ្ឍន៍ និងភាពជាដៃគូ

កម្ពុជា-អាល្លឺម៉ង់ គ្រោងបើកកិច្ចចរចារ នាពេលខាងមុខនេះ លើកិច្ចសហប្រតិបត្តិការអភិវឌ្ឍន៍រវាងប្រទេសទាំងពីរ, ទស្សនវិស័យ សេដ្ឋកិច្ចកម្ពុជា, ទិសដៅគោលនយោបាយរបស់រដ្ឋាភិបាលកម្ពុជាជាដើម ដើម្បីបន្តពង្រឹងកិច្ចសហប្រតិបត្តិការអភិវឌ្ឍន៍ និងភាពជា ដៃគូនាពេលអនាគត។ ឯកឧត្តម ឈៀង យ៉ាណារ៉ា ទេសរដ្ឋមន្ត្រី ទទួលបន្ទុកបេសកម្មពិសេស និងជាអនុប្រធានទី២ ក្រុមប្រឹក្សាអភិវឌ្ឍកម្ពុជា នៅថ្ងៃទី ៣១ ម្សិលមិញនេះ បានទទួលជំនួបសម្ដែងការគួរសម និងពិភាក្សាការងារជាមួយគណៈប្រតិភូអាល្លឺម៉ង់ ដឹកនាំដោយលោក ជំទាវបណ្ឌិត Bärbel Kofler រដ្ឋលេខាធិការនៃក្រសួងសហព័ន្ធអាល្លឺម៉ង់ សម្រាប់សហប្រតិបត្តិការសេដ្ឋកិច្ច និងការអភិវឌ្ឍ (BMZ) ក្នុងនោះភាគីទាំងពីរ មានគោលបំណងចម្បង ដើម្បីពិភាក្សាអំពីវឌ្ឍនភាព នៃកិច្ចសហប្រតិបត្តិការអភិវឌ្ឍន៍ រវាងកម្ពុជា និងសាធារណរដ្ឋ សហព័ន្ធអាល្លឺម៉ង់ ជាពិសេសកិច្ចចរចារ ស្តីពីកិច្ចសហប្រតិបត្តិការអភិវឌ្ឍន៍ រវាងរាជរដ្ឋាភិបាលប្រទេសទាំងពីរនាពេលខាងមុខ, ទស្សនវិស័យសេដ្ឋកិច្ចកម្ពុជា, ទិសដៅគោលនយោបាយរបស់រដ្ឋាភិបាលកម្ពុជា, អភិបាលកិច្ច និងសិទ្ធិមនុស្ស, ភាពជាដៃគូជាមួយ អង្គការក្រៅរដ្ឋាភិបាល និងអង្គការសង្គមស៊ីវិលក៏ដូចជាផ្លាស់ប្តូរយោបល់ និងបទពិសោធន៍ ដើម្បីបន្តពង្រឹងកិច្ចសហប្រតិបត្តិការ អភិវឌ្ឍន៍ និងភាពជាដៃគូនាពេលអនាគត។ក្នុងជំនួបនេះ, ឯកឧត្ដមទេសរដ្ឋមន្ត្រី បានសម្តែងការស្វាគមន៍យ៉ាងកក់ក្ដៅចំពោះ លោកជំទាវបណ្ឌិត Bärbel Kofler ក្នុងការមកបំពេញទស្សនកិច្ចនៅកម្ពុជា និងបានថ្លែងអំណរគុណយ៉ាងជ្រាលជ្រៅ និងវាយតម្លៃខ្ពស់ ចំពោះសាធារណរដ្ឋសហព័ន្ធ អាល្លឺម៉ង់ ដែលបានបន្តបេ្តជ្ញាផ្តល់ការគាំទ្រដល់កម្ពុជា និងចាត់ទុកកម្ពុជាជាដៃគូសំខាន់ ក្នុងកិច្ចសហប្រតិបត្តិការអភិវឌ្ឍន៍របស់ខ្លួន ជាពិសេសចំពោះសមិទ្ធផលដែលសម្រេចបានក្នុងកិច្ចសហប្រតិបត្តិការទ្វេភាគី ហើយសមិទ្ធផលទាំងនោះ គឺពិតជាបានរួមចំណែកក្នុង ការកាត់បន្ថយផលប៉ះពាល់ដល់សង្គម-សេដ្ឋកិច្ចពីជំងឺកូវីដ-១៩ និងលើកកម្ពស់កំណើនសេដ្ឋកិច្ចនៅកម្ពុជា។ឯកឧត្តម ឈៀង យ៉ាណារ៉ា បានគូសបញ្ជាក់អំពីយុទ្ធសាស្ត្របញ្ចកោណដំណាក់កាលទី១ ក្រោមការដឹកនាំរបស់សម្តេចមហា បវរធិបតី ហ៊ុន ម៉ាណែត ដែលបានបន្ដ និងកំពុងអភិវឌ្ឍសង្គម-សេដ្ឋកិច្ចប្រកបដោយចីរភាព ក្នុងនោះបានផ្តោតលើធនធានមនុស្ស, ពិពិធកម្មសេដ្ឋកិច្ច, កំណើនវិស័យឯកជន, ការអភិវឌ្ឍប្រកបដោយចីរភាព, និងវឌ្ឍនភាពសេដ្ឋកិច្ចឌីជីថល។ បន្ថែមពីនេះ ឯកឧត្ដម ទេសរដ្ឋមន្ដ្រី ក៏បានបញ្ជាក់ជូនភាគីអាល្លឺម៉ង់ និងសង្កត់ធ្ងន់អំពីឆន្ទៈរបស់រាជរដ្ឋាភិបាល ក្នុងការប្តេជ្ញារក្សាការពារសិទ្ធិមនុស្ស និង សណ្តាប់ធ្នាប់សាធារណៈ, ការប្រយុទ្ធប្រឆាំងព័ត៌មានមិនពិត និងការបោកប្រាស់តាមប្រព័ន្ធអ៊ីនធឺណេត, ការបន្ដលើកកម្ពស់ការចូល រួមពីគ្រប់ភាគីពាក់ព័ន្ធ ជាពិសេសជាមួយអង្គការក្រៅរដ្ឋាភិបាល និងអង្គការសង្គមស៊ីវិល ដើម្បីធានាឱ្យមានតម្លាភាព និងកិច្ចសន្ទនាក្នុង ដំណើរការអភិវឌ្ឍន៍ជាតិ និងការប្តេជ្ញាចិត្តរបស់ខ្លួន ក្នុងការបន្តការពារ និងពង្រឹងសន្តិភាពស្ថិរភាពនយោបាយ និងសណ្តាប់ធ្នាប់សង្គម ដែលជាកត្តាមូលដ្ឋាន និងមិនអាចខ្វះ បានសម្រាប់ការបន្តអភិវឌ្ឍសង្គម-សេដ្ឋកិច្ចរបស់កម្ពុជា៕ អត្ថបទ៖ សុន រ៉ាឌី

សម្ដេច ម៉ែន សំអន អញ្ជើញត្រួតពិនិត្យទីតាំងរៀបចំពិធីសូត្រមន្ត របស់អង្គឋិនទានដង្ហែទៅកាន់ វត្តពោធិ៍គិរីវង្សារាម

សម្ដេចកិត្តិសង្គហបណ្ឌិត ម៉ែន សំអន ប្រធានគណៈកម្មការរៀបចំដង្ហែអង្គកឋិនទាន និងមានការ អមដំណើរដោយ ឯកឧត្តម ចាយ បូរិន រដ្ឋមន្រ្តីក្រសួងធម្មការ និងសាសនាបាន អញ្ជើញត្រួតពិនិត្យ ទីតាំងសម្រាប់រៀបចំពិធីសូត្រមន្តរបស់អង្គឋិនទានដង្ហែ ទៅកាន់វត្ត ពោធិ៍គិរីវង្សារាម ដែលប្រារព្ធឡើងនៅ វិមាន៧មករា នាព្រឹកថ្ងៃសុក្រ ១កើត ខែកត្តិក ឆ្នាំរោង ឆស័ក ព.ស.២៥៦៨ ត្រូវនឹង ថ្ងៃទី១ ខែវិច្ឆិកា ឆ្នាំ២០២៤។ អង្គកឋិនទាននេះ ត្រូវបានផ្តួចផ្តើមឡើងដោយ សម្តេចតេជោ ហ៊ុន សែន ប្រធានព្រឹទ្ធសភាកម្ពុជា និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន។ បន្ទាប់ពី សូត្រមន្ត នៅក្នុង ប្រទេសកម្ពុជា នៅថ្ងៃទី ០៣ ខែវិច្ឆិកាហើយនោះ អង្គកឋិនទាននឹងដង្ហែដោយ សម្តេចកិត្តិព្រឹទ្ធបណ្ឌិតទៅកាន់វត្ត ពោធិ៍គិរីវង្សារាម នៅថ្ងៃទី០៤ ខែវិច្ឆិកា ឆ្នាំ២០២៤៕

រដ្ឋសភាបានអនុម័តប្រគល់សេចក្តីព្រាងច្បាប់ស្តីពី ការលុបចោលកិច្ចព្រមព្រៀង CLV ឲ្យគណៈកម្មការជំនាញពិនិត្យ

ភ្នំពេញ៖ គណៈកម្មាធិការអចិន្ត្រៃយ៍រដ្ឋសភាជាតិ បានធ្វើការប្រជុំអនុម័ត ប្រគល់សេចក្តីព្រាងច្បាប់ ស្តីពីការអនុម័តលុបចោលកិច្ចព្រមព្រៀង ស្តីពីការជំរុញ និងសម្រួលពាណិជ្ជកម្មតំបន់ត្រីកោណអភិវឌ្ឍន៍ កម្ពុជា-ឡាវ-វៀតណាម (CLV-DTA) ជូនទៅគណៈកម្មការជំនាញ ដើម្បីពិនិត្យសិក្សា ។យោងតាមសេចក្តីប្រកាសព័ត៌មានស្តីពី លទ្ធផលកិច្ចប្រជុំគណៈកម្មាធិការអចិន្ត្រៃយ៍រដ្ឋសភា ដឹកនាំប្រជុំដោយសម្ដេចរដ្ឋសភាធិបតី ឃួន សុដារី ប្រធានរដ្ឋសភា នៅព្រឹកថ្ងៃទី១ ខែវិច្ឆិកា ឆ្នាំ២០២៤ បានឲ្យដឹងថា គណៈកម្មាធិការអចិន្ត្រៃយ៍រដ្ឋសភា បានប្រជុំធ្វើការពិភាក្សា និងអនុម័តរបៀបវារៈចំនួន២ ក្នុងនោះរបៀបវារៈទី១. អង្គប្រជុំបានអនុម័តលើសំណើសុំប្រកាសទទួលស្គាល់ លោកជំទាវ យស ថានារី ជាតំណាងរាស្ត្រមណ្ឌលកំពង់ធំ ជំនួនឯកឧត្តម ជា ចាន់តូ ដែលបានទទួលមរណភាព ដើម្បីសម្រេចអំពីសុពលភាព នៃអាណត្តិជាសមាជិករដ្ឋសភា នីតិកាលទី៧ នៅក្នុងសម័យប្រជុំនាពេលខាងមុខ ។សេចក្តីប្រកាសបានបន្តថា របៀបវារៈទី២. អង្គប្រជុំបានអនុម័ត ប្រគល់សេចក្តីព្រាងច្បាប់ ស្តីពីការអនុម័តលុបចោលកិច្ចព្រមព្រៀង ស្តីពីការជំរុញ និងសម្រួលពាណិជ្ជកម្មតំបន់ត្រីកោណអភិវឌ្ឍន៍ កម្ពុជា-ឡាវ-វៀតណាម ជូនគណៈកម្មការកិច្ចការបរទេស សហប្រតិបត្តិការអន្តរជាតិ និងព័ត៌មាន ដោយសហការជាមួយគណៈកម្មការនីតិកម្ម និងយុត្តិធម៌ និងគណៈកម្មការសាធារណការ ដឹកជញ្ជូន អាកាសចរណ៍ស៊ីវិល ប្រៃសណីយ៍ ទូរគមនាគមន៍ ឧស្សាហកម្ម វិទ្យាសាស្ត្រ បច្ចេកវិទ្យា នវានុវត្តន៍ រ៉ែ ថាមពល ពាណិជ្ជកម្ម រៀបចំដែនដី នគរូបនីយកម្ម និងសំណង់នៃរដ្ឋសភាពិនិត្យសិក្សា ហើយធ្វើរបាយការណ៍ជូនគណៈកម្មាធិការអចិន្ត្រៃយ៍រដ្ឋសភាវិញ។គួរបញ្ជាក់ថា កិច្ចព្រមព្រៀងស្ដីពីការជំរុញ និងសម្រួលពាណិជ្ជកម្ម នៃតំបន់ត្រីកោណអភិវឌ្ឍន៍ កម្ពុជា-ឡាវ-វៀតណាម (CLV-DTA) មានរយៈពេលប្រមាណ២៥ឆ្នាំ ហើយរាជរដ្ឋាភិបាលកម្ពុជា បានសម្រេចដកខ្លួនចេញពីកិច្ចសហប្រតិបត្តិការនេះ ដោយសម្ដេចធិបតី ហ៊ុន ម៉ាណែត បានឲ្យក្រសួងការបរទេស និងសហប្រតិបត្តិអន្តរជាតិកម្ពុជា ធ្វើលិខិតជូនទៅភាគីឡាវ និងវៀតណាម ពាក់ព័ន្ធនឹងការសម្រេចនេះផងដែរ៕ អត្ថបទ៖ បាន សុខរិទ្ធិ

កម្ពុជាបង្ហាញតម្រូវការវិនិយោគក្នុងវិស័យកសិកម្មទៅកាន់ភាគីអ៊ុយក្រែន

ភ្នំពេញ៖ ឯកឧត្តម ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ និងថ្នាក់ដឹកនាំ បានទទួលជួបសម្តែងការគួរសម និងពិភាក្សាការងារជាមួយ ឯកឧត្តម TARAS KACHKA អនុរដ្ឋមន្ត្រីក្រសួងអភិវឌ្ឍន៍សេដ្ឋកិច្ច ពាណិជ្ជកម្ម និងកសិកម្មនៃប្រទេសអ៊ុយក្រែន នៅទីស្តីការក្រសួង។ ក្នុងជំនួបការងារ កាលពីថ្ងៃទី៣១ ខែតុលា ឆ្នាំ២០២៤កន្លងទៅឯកឧត្តមរដ្ឋមន្ត្រី បានសម្តែងនូវការស្វាគមន៍ និងក្តីរីករាយចំពោះទំនាក់ទំនង និងកិច្ចសហប្រតិបត្តិការនៃប្រទេសទាំងពីរ កម្ពុជា-អ៊ុយក្រែន។ ជាមួយគ្នានេះ ឯកឧត្តម បានគូសបញ្ជាក់ថា កម្ពុជាត្រូវការ និងស្វាគមន៍ដៃគូវិនិយោគលើវិស័យកសិកម្ម ដែលអាចនាំចេញកសិផលទៅកាន់ទីផ្សារអន្តរជាតិ និងជំរុញឱ្យវិស័យឯកជនអាចមានលទ្ធភាពធ្វើកសិ-ពាណិជ្ជកម្មជាមួយគ្នា ព្រមទាំងទទួលបានផលចំនេញទាំងអស់គ្នា។សម្រាប់ការងារអភិវឌ្ឍ ឯកឧត្តមរដ្ឋមន្ត្រី បានបញ្ជាក់ថា ក្រសួងស្វាគមន៍ចំពោះការវិនិយោគលើឃ្លាំងស្តុកសម្រាប់ការធ្វើកសិ-ពាណិជ្ជកម្ម ដែលការងារនេះអាចសហការជាមួយវិស័យឯកជន ដើម្បីកែច្នៃផលិតផលកសិកម្មកម្ពុជា ឈានពង្រីកទីផ្សារនាំចេញរវាងប្រទេសទាំងពីរ។ពាក់ព័ន្ធនឹងការងារវិនិយោគធាតុចូលកសិកម្ម ឯកឧត្តមរដ្ឋមន្ត្រី បានបញ្ជាក់បន្ថែមថា វិស័យឯកជននៃប្រទេសអ៊ុយក្រែនអាចពិនិត្យលទ្ធភាពក្នុងការបង្កើតស្លាកយីហោ ជី-ថ្នាំកសិកម្ម វ៉ាក់សាំងសត្វ និងគ្រាប់ពូជដំណាំផ្ទាល់ខ្លួន ដោយកម្ពុជាមានច្បាប់ដែលមានលក្ខណៈបើកូលាយ និងលេីកទឹកចិត្តអ្នកវិនិយោគ។ យ៉ាងណាក៏ដោយ ឯកឧត្តម សង្កត់ធ្ងន់ថា អ្នកវិនិយោគត្រូវគោរពតាមគោលការណ៍ច្បាប់បទដ្ឋានត្រឹមត្រូវ ខណៈផលិតផលទាមទារឱ្យមានការពិនិត្យច្បាស់លាស់ពីអ្នកជំនាញ មានគុណភាពល្អ មានតម្លៃសមរម្យ និងមានបច្ចេកទេសពិតប្រាកដ៕ អត្ថបទ៖ ឈិត បូរ៉ាវី

បណ្ដាញសង្គម

ព័ត៌មានថ្មីៗ

អារ៉ាប់រួមអះអាងថា ប្រព័ន្ធការពារដែនអាកាសរបស់ខ្លួនឆ្លើយតបនឹងការគំរាមកំហែងមីស៊ីល

កងទ័ពជើងទឹកកងឆ្មាំបដិវត្តន៍អ៊ីរ៉ង់៖ ច្រកសមុទ្រ Hormuz បានបិទរហូតដល់មានការជូនដំណឹងបន្ថែមទៀត

កងឆ្មាំបដិវត្តន៍អ៊ីរ៉ង់និយាយថា នាវាទី ២ រងការវាយប្រហារនៅច្រកសមុទ្រ Hormuz

មេដឹកនាំកំពូលអ៊ីរ៉ង់ សន្យាសងសឹកជូនលោកឪពុករបស់ខ្លួនដែលត្រូវបានគេសម្លាប់

ចំនួនមនុស្សស្លាប់ដោយសារការរញ្ជួយដីនៅវេណេស៊ុយអេឡា កើនឡើងដល់ ៤.៣៣៣នាក់

ព្យុះទីហ្វុងទី២ ក្នុងរយៈពេល ១សប្តាហ៍ បានបោកបក់ដល់ដីគោកនៅប្រទេសចិន

សហរដ្ឋអាមេរិកបើកការវាយប្រហារជាថ្មី ខណៈពេលដែលអ៊ីរ៉ង់បិទច្រកសមុទ្រ Hormuz

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានជាតិ

ក្រសួងវប្បធម៌នឹងបើកមហោស្រពជាតិភាពយន្តខ្នាតខ្លីកម្ពុជាលើកទី៤ នៅចុងខែវិចិ្ឆកានេះ

ពលរដ្ឋខេត្តកណ្តាលនាំកូនតូចទៅចាក់វ៉ាក់សាំងកញ្ជ្រឹល ស្អូច ជាមួយក្រុមពេទ្យចុះចាក់តាមខ្នងផ្ទះ

កីឡាការិនីទូកចែវ «ព្រះពៃស្រពណ៌» ខិតខំហាត់សម ដើម្បីកេរ្តិ៍ឈ្មោះភូមិឃុំស្រុកខេត្ត ទោះក្នុងវ័យចាស់ក៏ដោយ

សិប្បករខ្មែរ ថ្លែងនូវការអរគុណចំពោះក្រុមការងារពិសេសរបស់នាយករដ្ឋមន្ត្រី បានជួយរកកន្លែងលក់ដូរ

កម្ពុជា-អាល្លឺម៉ង់ គ្រោងបើកកិច្ចចរចារ ដើម្បីបន្តពង្រឹងកិច្ចសហប្រតិបត្តិការអភិវឌ្ឍន៍ និងភាពជាដៃគូ

រដ្ឋសភាបានអនុម័តប្រគល់សេចក្តីព្រាងច្បាប់ស្តីពី ការលុបចោលកិច្ចព្រមព្រៀង CLV ឲ្យគណៈកម្មការជំនាញពិនិត្យ

កម្ពុជាបង្ហាញតម្រូវការវិនិយោគក្នុងវិស័យកសិកម្មទៅកាន់ភាគីអ៊ុយក្រែន

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានជាតិ

ក្រសួងវប្បធម៌នឹងបើកមហោស្រពជាតិភាពយន្តខ្នាតខ្លីកម្ពុជាលើកទី៤ នៅចុងខែវិចិ្ឆកានេះ

ពលរដ្ឋខេត្តកណ្តាលនាំកូនតូចទៅចាក់វ៉ាក់សាំងកញ្ជ្រឹល ស្អូច ជាមួយក្រុមពេទ្យចុះចាក់​តាមខ្នងផ្ទះ

កីឡាការិនីទូកចែវ «ព្រះពៃស្រពណ៌» ខិតខំហាត់សម ដើម្បីកេរ្តិ៍ឈ្មោះភូមិឃុំស្រុកខេត្ត ទោះក្នុងវ័យចាស់ក៏ដោយ

សិប្បករខ្មែរ ថ្លែងនូវការអរគុណចំពោះក្រុមការងារពិសេសរបស់នាយករដ្ឋមន្ត្រី បានជួយរកកន្លែងលក់ដូរ

កម្ពុជា-អាល្លឺម៉ង់ គ្រោងបើកកិច្ចចរចារ ដើម្បីបន្តពង្រឹងកិច្ចសហប្រតិបត្តិការអភិវឌ្ឍន៍ និងភាពជាដៃគូ

រដ្ឋសភាបានអនុម័តប្រគល់សេចក្តីព្រាងច្បាប់ស្តីពី ការលុបចោលកិច្ចព្រមព្រៀង CLV ឲ្យគណៈកម្មការជំនាញពិនិត្យ

កម្ពុជាបង្ហាញតម្រូវការវិនិយោគក្នុងវិស័យកសិកម្មទៅកាន់ភាគីអ៊ុយក្រែន

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ពលរដ្ឋខេត្តកណ្តាលនាំកូនតូចទៅចាក់វ៉ាក់សាំងកញ្ជ្រឹល ស្អូច ជាមួយក្រុមពេទ្យចុះចាក់តាមខ្នងផ្ទះ