BTV NEWS

មន្រ្តីជាន់ខ្ពស់ក្រសួងការងារ និងក្រសួងមុខងារសាធារណៈ បើកកិច្ចប្រជុំត្រៀមរៀបចំការធ្វើបច្ចុប្បន្នភាពរចនាសម្ព័ន្ធ និងជំរឿន

អ្នកនាំពាក្យក្រសួងព័ត៌មានណែនាំយុវជនឱ្យប្រើបច្ចេកវិទ្យាឱ្យចំគោលដៅ និងប្រុងប្រយ័ត្នចំពោះព័ត៌មានក្លែងក្លាយ

តំណាងអចិន្ត្រៃយ៍កម្ពុជា ប្រចាំ UN បញ្ជាក់ជាថ្មីពីការប្តេជ្ញាចិត្តរបស់កម្ពុជា ក្នុងការដោះស្រាយវិវាទជាមួយថៃ ដោយសន្តិវិធីតាមរយៈ UNCLOS

កម្ពុជា ជាប់ឆ្នោតក្នុងគណ:កម្មការអន្តររដ្ឋាភិបាល ដើម្បីកិច្ចការពារបេតិកភណ្ឌវប្បធម៌អរូបីសម្រាប់អណត្តិ ២០២៦-២០៣០

ព័ត៌មានជាតិ

ពលរដ្ឋ កំពុងសម្រុកចេញទៅភ្នំពេញតាមរយៈរថយន្តឧបត្ថម្ភដោយរាជរដ្ឋាភិបាល

ពលរដ្ឋខេត្តកោះកុង កំពុងត្រៀមចេញដំណើរត្រឡប់ទៅរាជធានីភ្នំពេញវិញ ក្រោយមកលេងក្រុមគ្រួសារក្នុងពិធីបុណ្យភ្ជុំបិណ្ឌរួចរាល់។តំណាងពលរដ្ឋ លើកឡើងនៅព្រឹកថ្ងៃទី៤ ខែតុលា ឆ្នាំ២០២៤ថា ពួកគាត់ពិតជាសប្បាយរីករាយណាស់ដែលបានជិះរថយន្តឧបត្ថម្ភដោយឥតគិតថ្លៃពីសម្តេចធិបតី ហ៊ុន ម៉ាណែត នាយករដ្ឋមន្រ្តី ត្រឡប់ទៅរាជធានីភ្នំពេញ ដើម្បីបន្តបម្រើកិច្ចការងារ។ពលរដ្ឋក៏សូមថ្លែងអំណអរគុណយ៉ាងជ្រោលជ្រៅជូនសម្តេចធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជា និងរដ្ឋបាលសាលារាជធានីភ្នំពេញ ដែលបានផ្តល់ជារថយន្តជិះធ្វើដំណើរដោយមិនគិតថ្លៃ ក្នុងន័យសម្រួលការចំណាយផ្សេងៗពេលមកស្រុកកំណើត។កាលពីថ្ងៃម្សិលមិញលោកជំទាវ មិថុនា ភូថង អភិបាលខេត្តកោះកុង បានចុះពិនិត្យសួរសុខទុក្ខ និងជូនដំណើរប្រជាពលរដ្ឋឡើងរថយន្តក្រុងសាធារណៈទៅភ្នំពេញ ក្នុងឱកាសក្រោយពិធីបុណ្យភ្ជុំបិណ្ឌបិទបញ្ចប់ផងដែរ។លោកជំទាវ អភិបាលខេត្តកោះកុង បានបញ្ជាក់ថា សម្តេចមហាបវរធិបតី ហ៊ុន ម៉ាណែត បាន សម្រេច បញ្ចេញរថយន្តក្រុងសាធារណៈដឹកប្រជាពលរដ្ឋទៅលេងស្រុកកំណើតដោយមិនគិតថ្លៃ ហើយឆ្នាំនេះ មានរថយន្តចំនួន ៦៥៣គ្រឿង ក្នុងនោះ សម្រាប់ភ្នំពេញ-កោះកុង មានរថយន្តចំនួន ០៥ គ្រឿង សម្រាប់បម្រើសេវាដឹកជញ្ជូនសាធារណៈដែលមាន រយៈពេល ០៥ថ្ងៃ ចាប់ពីថ្ងៃទី៣០ ខែកញ្ញា ដល់ថ្ងៃទី០៤ ខែតុលា ឆ្នាំ២០២៤ ។ លោកជំទាវ បានបន្ថែមទៀតថា ការធ្វើបែបនេះ គឺបានជួយសម្រួលបន្ទុកចំណាយរបស់ប្រជាពលរដ្ឋក្នុងការធ្វើដំណើរទៅលេងស្រុកកំណើត ហើយបាននាំមកនូវក្តីរីករាយ និងសុខសុវត្តិភាព ដល់ប្រជាពលរដ្ឋ៕ អត្តបទៈ ឈឹម មករា

សម្ដេចធិបតី ហ៊ុន ម៉ាណែត ចេញសេចក្តីសម្រេចបង្កើតគណៈកម្មការរៀបចំដង្ហែអង្គកឋិនទាន ទៅកាន់វត្តខ្មែរក្រោម

សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា បានសម្រេច បង្កើតគណៈកម្មការរៀបចំដង្ហែអង្គកឋិនទាន ទៅកាន់វត្តខ្មែរក្រោម ដោយមានសម្តេចកិត្តិសង្គហបណ្ឌិត ម៉ែន សំអន ជាប្រធាន និងមានអនុប្រធាន-សមាជិក ២១រូបផ្សេងទៀត។ នេះបើតាមសេចក្តីសម្រេចដែលទទួលបាននៅថ្ងៃទី៤ ខែតុលា ឆ្នាំ២០២៤នេះ។គណៈកម្មការនេះ មានភារកិច្ច ដឹកនាំ ចាត់តាំង និងរៀបចំអង្គកឋិនទានដង្ហែទៅកាន់វត្តខ្មែរក្រោម ឱ្យប្រព្រឹត្តទៅស្របតាមប្រពៃណី ទំនៀមទម្លាប់ ព្រះពុទ្ធសាសនា, ពិនិត្យ និងលើកសំណើដោះស្រាយបញ្ហានានាទាក់ទងនឹងការរៀបចំអង្គកឋិនទាន ឱ្យប្រព្រឹត្តទៅបានល្អប្រសើរ, ធ្វើលិខិតអញ្ជើញ និងរៀបចំទទួលបដិសណ្ឋារកិច្ចថ្នាក់ដឹកនាំ និងភ្ញៀវដែលអញ្ជើញចូលរួម, លើកគម្រោង និងចាត់ចែងគ្រប់គ្រងចំណូល ចំណាយថវិកាពីប្រភពនានា, អនុវត្តភារកិច្ចផ្សេងទៀតតាមការចាំបាច់សម្រាប់បម្រើឱ្យការរៀបចំអង្គកឋិនទាន៕

សម្តេចតេជោ ប្រមុខរដ្ឋស្តីទី អនុញ្ញាតឱ្យឯកអគ្គរដ្ឋទូតសាធារណរដ្ឋប្រជាមានិតប្រជាធិបតេយ្យកូរ៉េ ចូលជួបសម្តែងការគួរសម

នៅព្រឹកថ្ងៃសុក្រ ២ កើត ខែអស្សុជ ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី០៤ ខែតុលា ឆ្នាំ២០២៤ សម្តេចអគ្គមហាសេនាបតីតេជោ ហ៊ុន សែន ប្រមុខរដ្ឋស្តីទីនៃព្រះរាជាណាចក្រកម្ពុជា បានអនុញ្ញាតឱ្យឯកឧត្តម ចាង យ៉ុងហ្គុន ឯកអគ្គរដ្ឋទូតសាធារណរដ្ឋប្រជាមានិតប្រជាធិបតេយ្យកូរ៉េ ចូលជួបសម្តែងការគួរសម នៅវិមានព្រឹទ្ធសភា។ ជាកិច្ចចាប់ផ្តើម សម្តេចតេជោ ប្រមុខរដ្ឋស្តីទី បានសម្តែងនូវការស្វាគមន៍ដល់ឯកឧត្តមអគ្គរដ្ឋទូត ដែលបានអញ្ជើញមកដល់ព្រឹទ្ធសភានៃព្រះរាជាណាចក្រកម្ពុជា បន្ទាប់ពីជំនួបចុងក្រោយរវាងសម្តេច និងឯកឧត្តមអគ្គរដ្ឋទូត គឺធ្វើឡើងតាំងពីឆ្នាំ២០១៦មកម្លេះ ដែលពេលនោះសម្តេច នៅបំពេញតួនាទីជានាយករដ្ឋមន្រ្តីនៅឡើយ។ សម្តេចតេជោ ក៏បានអបអរសាទរខួបអនុស្សាវរីយ៍លើកទី៧១ នៃថ្ងៃបង្កើតសាធារណរដ្ឋប្រជាមានិតប្រជាធិបតេយ្យកូរ៉េ និងខួបលើកទី៦០ នៃថ្ងៃបង្កើតទំនាក់ទំនងការទូតរវាងកម្ពុជា-កូរ៉េខាងជើង (១៩៦៤-២០២៤)។ នាឱកាសនោះ ឯកឧត្តមឯកអគ្គរដ្ឋទូតសាធារណរដ្ឋប្រជាមានិតប្រជាធិបតេយ្យកូរ៉េ បានថ្លែងអំណរគុណចំពោះសម្តេចតេជោប្រមុខរដ្ឋស្តីទី ដែលបានចំណាយពេលវេលាដ៏មានតម្លៃរបស់សម្តេច ផ្តល់កិត្តិយសអនុញ្ញាតឱ្យឯកឧត្តម និងមន្រ្តីស្ថានទូត បានចូលជួបសម្តែងការគួរសម។ ឯកឧត្តមឯកអគ្គរដ្ឋទូត ក៏បានថ្លែងអំណរគុណចំពោះការអបអរសាទរខួបលើកទី៧១ នៃថ្ងៃបង្កើតសាធារណរដ្ឋប្រជាមានិតប្រជាធិបតេយ្យកូរ៉េ កាលពីថ្ងៃទី១ ខែតុលាកន្លងមក និងខួបលើកទី៦០ នៃទំនាក់ទំនងការទូតរវាងប្រទេសយើងទាំង២ផងដែរ។ ឯកឧត្តមឯកអគ្គរដ្ឋទូត បានបន្តទៀតថាទំនាក់ទំនងការទូតរវាងប្រទេសយើងទាំងពីរអស់រយៈពេល ៦០ឆ្នាំមកនេះ គឺជាទំនាក់ទំនងប្រវត្តិសាស្រ្តដែលបានកសាងឡើងដោយអតីតប្រមុខរដ្ឋនៃប្រទេសយើងទាំងពីរគឺ ឯកឧត្តម គីម អ៊ីលស៊ុង និងព្រះករុណាសម្តេចព្រះបរមរតនកោដ្ឋ។ឯកឧត្តមឯកអគ្គរដ្ឋទូត ក៏បានយកឱកាសនេះ គោរពអបអរសាទរសម្តេចអគ្គមហាសេនាបតីតេជោ ដែល បានជាប់ឆ្នោតជ្រើសតាំងជាប្រធានព្រឹទ្ធសភានៃព្រះរាជាណាចក្រកម្ពុជា បន្ទាប់បីបានបំពេញភារកិច្ចជានាយករដ្ឋមន្រ្តីអស់រយៈពេល៣៨ឆ្នាំ និងបានសម្រេចនូវសមិទ្ធផលដ៏មានតម្លៃជាច្រើនដែលមិនអាចកាត់ថ្លៃបាន ជូនប្រជាជន និងប្រទេសកម្ពុជា។ ឯកឧត្តមឯកអគ្គរដ្ឋទូត បានបន្តទៀតថា ការផ្លាស់ប្តូរថ្នាក់ដឹកនាំរាជរដ្ឋាភិបាលថ្មី ដែលមានសម្តេចមហាបវរធិបតី ហ៊ុន ម៉ាណែត ជានាយករដ្ឋមន្រ្តី និងមានគណៈរដ្ឋមន្រ្តីជាយុវជន បានប្រព្រឹត្តទៅយ៉ាងរលូន និងល្អប្រសើរ ដើម្បីឆ្លើយតបទៅនឹងការវិវត្តនៃស្ថានការណ៍ពិភពលោកនាពេលបច្ចុប្បន្ន។ ឯកឧត្តមឯកអគ្គរដ្ឋទូត បានជម្រាបជូនសម្តេចថា អស់រយៈពេល ១ឆ្នាំកន្លងមកនេះ តាមការតាមដានយ៉ាងយកចិត្តទុកដាក់របស់ឯកឧត្តមផ្ទាល់ ឯកឧត្តមសូមវាយតម្លៃខ្ពស់ចំពោះ រាជរដ្ឋាភិបាលនីតិកាលទី ៧ នៃរដ្ឋសភា ដែលដឹកនាំដោយ សម្តេចមហាបវរធិបតី ហ៊ុន ម៉ាណែត បានយកអស់កម្លាំងកាយចិត្ត ដាក់ចេញនូវវិធានការ យុទ្ធសាស្រ្ត គម្រោងអភិវឌ្ឍន៍ និងគោលនយោបាយជាច្រើនដែលទទួលបានលទ្ធផលជាផ្លែផ្កា និងជាពិសេសគឺធានាបាននូវសន្តិភាព សុវត្ថិភាព ស្ថិរភាពសេដ្ឋកិច្ច និងការអភិវឌ្ឍសម្រាប់ប្រទេសកម្ពុជា។ជាការឆ្លើយតប សម្តេចតេជោ ប្រមុខរដ្ឋស្តីទី បានអរគុណឯកឧត្តមឯកអគ្គរដ្ឋទូត ដែលបានអបអរសាទរសម្តេចក្នុងឱកាសសម្តេចបានជាប់ឆ្នោតជ្រើសតាំងជាប្រធានព្រឹទ្ធសភា នៃព្រះរាជាណាចក្រកម្ពុជា និងបានយកចិត្តទុកដាក់ កោតសរសើររាជរដ្ឋាភិបាលនីតិកាលទី៧ ដែលជារាជរដ្ឋាភិបាលបន្តវេន។ សម្តេចតេជោ បានបន្តថា កន្លងមកតែងមានទស្សនៈយល់ឃើញថា រាជរដ្ឋាភិបាលជាយុវជននេះ នឹងត្រូវការពេលវេលាដើម្បីអាចដឹកនាំបាន ប៉ុន្តែ ការពិត ពួកគេត្រូវការពេលមកដល់ ដើម្បីចេញដំណើរក្នុងការដឹកនាំប្រទេស។ ការដឹកនាំប្រទេស អស់រយៈពេល១ឆ្នាំកន្លងមក នៃរាជរដ្ឋាភិបាលថ្មីនេះ ពិតជាទទួលបានលទ្ធផលលើសការរំពឹងទុក ដោយធានាបាននូវសុខសន្តិភាព ស្ថិរភាពនយោបាយ កំណើនសេដ្ឋកិច្ចមិនថមថយ និងកំណើននៃការនាំចេញបានកើនឡើងដល់២០%។ សម្តេចតេជោ ប្រមុខរដ្ឋស្តីទី បានបន្តទៀតថា អស់រយៈពេល ២០ឆ្នាំមកនេះ ប្រទេសកម្ពុជា មានកំណើនសេដ្ឋកិច្ចល្អ។ ទោះបីជាបានជួបវិបត្តិកូវីដ១៩ក្តី ប៉ុន្តែកម្ពុជាបានប្រែក្លាយពីប្រទេសមានចំណូលទាប មកជាប្រទេសមានចំណូលមធ្យមកម្រិតទាប និងប្រែក្លាយពីប្រទេសដែលពឹងផ្អែកលើការនាំចូល ទៅជាប្រទេសមានការនាំចេញ និងមានកំណើននៃការនាំចេញថែមទៀតផង។ទាក់ទងទៅនឹងទំនាក់ទំនងរវាងប្រទេសទាំងពីរ សម្ដេចតេជោប្រមុខរដ្ឋស្ដីទី បានស្នើសុំឱ្យឯកឧត្តមឯកអគ្គរដ្ឋទូត មានការយោគយល់ចំពោះការដែលកម្ពុជាត្រូវបង្ខំចិត្តអនុវត្តសេចក្តីសម្រេចចិត្តរបស់ ក្រុមប្រឹក្សាសន្តិសុខអង្គការសហប្រជាជាតិ ចំពោះទណ្ឌកម្មលើសាធារណរដ្ឋប្រជាមានិតប្រជាធិបតេយ្យកូរ៉េ ដោយព្រះរាជាណាចក្រកម្ពុជា ជារដ្ឋសមាជិករបស់អង្គការសហប្រជាជាតិ ដូច្នេះកម្ពុជាត្រូវតែបង្ខំចិត្តអនុវត្តសេចក្តីសម្រេចចិត្តនានារបស់ក្រុមប្រឹក្សាសន្តិសុខអង្គការសហប្រជាជាតិ។ សម្ដេចតេជោបានមានប្រសាសន៍ថា ទណ្ឌកម្មនោះមិនត្រឹមតែប៉ះពាល់ដល់សាធារណរដ្ឋប្រជាមានិតប្រជាធិបតេយ្យប៉ុណ្ណោះនោះទេ ប៉ុន្តែប៉ះពាល់ដល់ប្រទេសនានា រួមទាំងកម្ពុជាផងដែរ។ចំពោះទំនាក់ទំនងកូរ៉េខាងជើងជាមួយអាស៊ាន សម្តេចតេជោ បានមានប្រសាសន៍ថា កូរ៉េខាងជើង គប្បីប្រើវេទិកាអាស៊ាន ដើម្បីរក្សាទំនាក់ទំនងជាមួយបណ្តាប្រទេសក្នុងអាស៊ាន និងការផ្សាភ្ជាប់កូរ៉េខាងជើងជាមួយតំបន់អាស៊ាន។ សម្តេចតេជោ បានបន្តថាកម្ពុជា យល់អំពីភាពចាំបាច់នៃការការពារខ្លួនរបស់សាធារណរដ្ឋប្រជាមានិតប្រជាធិបតេយ្យកូរ៉េ ក៏ប៉ុន្តែ សូមកុំដាក់វិធានការដែលដើរហួសពីភាពចាំបាច់ ដែលនាំឱ្យមានការព្រួយបារម្ភ ដល់ប្រទេសក្នុងតំបន់ និងអាស៊ាន៕សម្តេចតេជោ ប្រមុខរដ្ឋស្តីទី មានប្រសាសន៍ថា កម្ពុជាចង់ឃើញ និងចង់បានឱ្យប្រទេសកូរ៉េទាំងពីរ ដែលជាបងប្អូននឹងគ្នា មានទំនាក់ទំនងល្អជាមួយគ្នាវិញ និងចៀសឱ្យផុតពីការផ្ទុះសង្រ្គាមនៅឧបទ្វីបកូរ៉េ។ សម្តេចតេជោ ក៏បានជម្រាបទៅឯកឧត្តមឯកអគ្គរដ្ឋទូតផងដែរថា កម្ពុជាពេញចិត្តក្នុងការចូលរួមស្វែងរកដំណោះស្រាយសន្តិភាពដល់ប្រទេសកូរ៉េទាំងពីរ។ ជាចុងក្រោយ សម្តេចតេជោ ប្រមុខរដ្ឋស្តីទី បានជូនពរឯកឧត្តមឯកអគ្គរដ្ឋទូត នៃសាធារណរដ្ឋប្រជាមានិតប្រជាធិបតេយ្យកូរ៉េ និងមន្រ្តីស្ថានទូតទាំងអស់សូមជួបតែសេចក្តីសុខ និងសេចក្តីចម្រើនក្នុងភារកិច្ចការងារជាបន្តបន្ទាប់ទៀត៕

សម្តេចធិបតីផ្ញើសារអគុណជនរួមជាតិដែលបានចូលរួមកាន់បិណ្ឌ ភ្ជុំបិណ្ឌប្រកបដោយភាពអធិកអធមក្រោមម្លប់សន្តិភាព

ភ្នំពេញ ÷ សម្តេចធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា នៅល្ងាចថ្ងៃទី៣ ខែតុលា ឆ្នាំ២០២៤នេះ បានផ្ញើ សារថ្លែងអំណរអរគុណចំពោះជនរួមជាតិទាំងអស់ ដែលបានចូលរួមប្រារព្ធពិធីបុណ្យកាន់បិណ្ឌ និងភ្ជុំ បិណ្ឌប្រកបដោយភាពអធិកអធម សប្បាយរីករាយក្រោមម្លប់នៃសុខសន្តិភាព។ តាមរយៈហ្វេសបុក និងតេលេក្រាម សម្តេចធិបតី នាយករដ្ឋមន្រ្តី បានថ្លែងថា«សូមអរគុណចំពោះមន្រ្តីរាជការ អាជ្ញាធរដែនដីគ្រប់លំដាប់ថ្នាក់ កងកម្លាំងគ្រប់ប្រភេទ និងកម្លាំងស្ម័គ្រចិត្តគ្រប់ស្ថាប័ន-អង្គភាពពាក់ព័ន្ធ ព្រមទាំងលោកតាលោកយាយ អ៊ំពូមីង បងប្អូនប្រជាពលរដ្ឋនៅទូទាំងប្រទេស ដែលបានចូលរួមប្រារព្ធពិធីបុណ្យកាន់បិណ្ឌ ភ្ជុំបិណ្ឌ ឱ្យប្រព្រឹត្តទៅប្រកបដោយភាពអធិកអធម សប្បាយរីករាយ សុខសុវត្ថិភាព និងសណ្ដាប់ធ្នាប់សាធារណៈល្អប្រសើរ ព្រមទាំងជាការលើកតម្កើង និងថែរក្សាវប្បធម៌ ប្រពៃណី ទំនៀមទម្លាប់ជាតិខ្មែរយើង ឱ្យបានឋិតថេរគង់វង្សតរៀងទៅ» ៕

សម្តេចធិបតី ហ៊ុន ម៉ាណែត ជូនពរបងប្អូនជនរួមជាតិធ្វើដំណើរត្រឡប់ពីស្រុកកំណើត ប្រកបដោយសុខសុវត្ថិភាព

តាមរយៈបណ្ដាញសង្គមនាល្ងាចថ្ងៃទី៣ ខែតុលា ឆ្នាំ២០២៤នេះ សម្តេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា បានជូនពរ បងប្អូនជនរួមជាតិទាំងអស់សូមធ្វើដំណើរប្រកបដោយសុខសុវត្ថិភាព ពីស្រុកកំណើតទៅកាន់ទីកន្លែងនានាទូទាំងប្រទេស និងសូមទទួលបាននូវសុខភាពល្អបរិបូរណ៍ កម្លាំងមាំមួន និងជោគជ័យគ្រប់ភារកិច្ច ។ជាមួយគ្នានេះ សម្ដេចធិបតីក៏បានថ្លែងអំណរគុណចំពោះរដ្ឋបាលរាជធានីភ្នំពេញ ក្រសួង-ស្ថាប័ន វិស័យឯកជន និងក្រុមការងារពាក់ព័ន្ធទាំងអស់ ដែលបានរៀបចំរថយន្តក្រុងចំនួន ៦៥៣ គ្រឿង សម្រាប់បម្រើសេវាដឹកជញ្ជូនប្រជាពលរដ្ឋយើង ទៅមកពីរាជធានីភ្នំពេញ និងតាមបណ្ដាខេត្តនានាទូទាំងប្រទេស ដើម្បីចូលរួមប្រារព្ធពិធីបុណ្យភ្ជុំបិណ្ឌជាមួយក្រុមគ្រួសារ ដោយមិនមានការបង់ថ្លៃ ។សូមបញ្ជាក់ថា សម្រាប់លោកតាលោកយាយ អ៊ំពូមីង បងប្អូន និងក្មួយៗ ដែលត្រូវធ្វើដំណើរត្រលប់មករាជធានីភ្នំពេញ សូមមើលតារាងកម្មវិធី និងទីតាំង មានភ្ជាប់ជូន ដើម្បីទទួលបានសេវាកម្មរថយន្តក្រុងរៀបចំដោយរដ្ឋបាលរាជធានីភ្នំពេញ ៕

អភិបាលរាជធានីភ្នំពេញថ្លែងអំណរគុណ AIMF ដែលតែងតែផ្តល់ការឧបត្តម្ភគាំទ្រចំពោះភ្នំពេញតាមរយៈគម្រោងនានា

ក្រុងបារីស ៖ នៅក្រុងប៉ារីស ប្រទេសបារាំង កាលពីព្រលប់ថ្ងៃទី០២ ខែតុលា ឆ្នាំ២០២៤ ឯកឧត្ដម ឃួង ស្រេង អភិបាលរាជធានីភ្នំពេញ បានទទួលជួបសម្ដែងការគួរសម និងពិភាក្សាការងារជាមួយលោក Frédéric VALLIER អគ្គប្រតិភូនៃសមាគមអន្តរជាតិអភិបាលក្រុងប្រេីប្រាស់ភាសាបារាំង AIMF ។លោកស្រី ដោ សម្ផស្ស អ្នកនាំពាក្យសាលារាជធានីភ្នំពេញបានឱ្យដឹងថា ក្នុងជំនួបនោះអគ្គប្រតិភូសមាគមអន្តរជាតិបានស្វាគមន៍ការអញ្ជើញមកបំពេញទស្សនកិច្ចនៅទីក្រុងប៉ារីស ប្រទេសបារាំងរបស់គណ:ប្រតិភូរដ្ឋបាលរាជធានីភ្នំពេញ ដឹកនាំដោយឯកឧត្ដម ឃួង ស្រេង អភិបាលរាជធានីភ្នំពេញ។ ជាមួយគ្នានេះដែរ លោកក៏បានលេីកឡេីងអំពីកិច្ចសហប្រតិបត្តិការក្នុងការអនុវត្តគម្រោងនានារបស់ AIMF នៅរាជធានីភ្នំពេញ ហេីយលោកក៏កំពុងពិចារណាពេលវេលាសមស្រប ដេីម្បីធ្វេីទស្សនកិច្ចផ្លូវការនៅរាជធានីភ្នំពេញ និងស្វែងយល់បន្ថែមលេីគម្រោងពីមុនរវាងរដ្ឋបាលរាជធានីភ្នំពេញ និងAIMF។ ភ្ជាប់ជាមួយគ្នានេះដែរលោកអគ្គប្រតិភូ ក៏បានអញ្ជើញ ឯកឧត្ដម អភិបាលរាជធានីភ្នំពេញចូលរួមកិច្ចប្រជុំការិយាល័យអចិន្ត្រៃយ៍លេីកទី១០៣ នៅទីក្រុង វ៉េ សាធារណរដ្ឋសង្គមនិយមវៀតណាម នៅខែមេសា ឆ្នាំ២០២៥ ខាងមុខផងដែរ។ លោកស្រី ដោ សម្ផស្ស អ្នកនាំពាក្យសាលារាជធានីភ្នំពេញបានបញ្ជាក់ថា ជាកិច្ចឆ្លេីយតបជាដំបូង ឯកឧត្តម ឃួង ស្រេង បានសម្តែងការអបអរសាទរចំពោះ លោក Frédéric VALLIER ដែលទទួលបានការតែងតាំងជាអគ្គប្រតិភូ AIMF ដែលជាតួនាទីសំខាន់របស់សមាគម។ ឯកឧត្តម អភិបាលរាជធានីក៏បានថ្លែងអំណរគុណដល់សមាគម AIMF ដែលតែងតែផ្តល់ការឧបត្តម្ភគាំទ្រដល់រាជធានីភ្នំពេញតាមរយៈគម្រោងនានាកន្លងមក ជាពិសេសគឺការផ្តល់ទំនុកចិត្តខ្ពស់ និងបោះឆ្នោតឱ្យរាជធានីភ្នំពេញបន្តជាសមាជិកការិយាល័យ អចិន្ត្រៃយ៍ និងគាំទ្រជាអនុប្រធានអចិន្ត្រៃយ៍សមាគមអន្តរជាតិអភិបាលក្រុងប្រេីប្រាស់ភាសាបារាំង AIMF កាលពីខែឧសភា ឆ្នាំ២០២៤ ថ្មីៗនេះ។អ្នកនាំពាក្យសាលារាជធានីភ្នំពេញបានបញ្ជាក់ទៀតថា ចំពោះកិច្ចប្រជុំនៅទីក្រុង វ៉េ ប្រទេសវៀតណាម ឯកឧត្ដម អភិបាលរាជធានីភ្នំពេញនឹង ពិនិត្យលទ្ធភាពដើម្បីចូលរួមតាមកម្មវិធីជាក់ស្តែង ៕អត្ថបទ ៖ ប្រាក់ វ៉ាន់ដា

អ្នកប្រពៃណីជាតិនិយមអំពាវនាវរួមគ្នាស្លៀកសម្លៀកបំពាក់ប្រពៃណីខ្មែរក្នុងរដូវបុណ្យទានឲ្យបានគ្រប់គ្នា

ស្វាយរៀង ÷ អ្នកប្រពៃណីជាតិនិយមបានអំពាវនាវឲ្យរួមគ្នាស្លៀកសម្លៀក បំពាក់ប្រពៃណីខ្មែរ ដូចជាអាវប៉ាក់សំពត់បត់ហូលផាមួងខ្មែរ នៅរាល់ក្នុងឱកាសពិធីបុណ្យទានប្រពៃណីជាតិខ្មែរឱ្យបានផុសផុលគ្រប់គ្នាៗ ព្រោះជាជាការបង្ហាញពីអត្តសញ្ញាណជាតិខ្មែរ និងជាការលើក កម្ពស់តម្លៃវប្បធម៌ជាតិឱ្យបានខ្លំាងក្លា ដែលមានតាំងពីសម័យបុរាណមកនោះបានគង់វង្សយូរអង្វែង ។ បណ្តាស្ត្រីនិងសិល្បករសិល្បការិនីដែលប្រកាន់ខ្ជាប់នូវប្រពៃណីទំនៀបទម្លាប់ខ្មែរក្នុងខណះចូលរួមក្នុងកម្មវិធីសម្លៀកបំពាក់ហូលផាមួងតាមប្រពៃណីខ្មែរនិង.វិចនំជុំញាតិ រួមនិងការប្រគុំតន្រ្តីរាំច្រៀងបង្កបរិយាកាសសប្បាយរីករាយក្នុងឱកាសបុណ្យកាន់បិណ្ឌនិងភ្ជុំ បិណ្ឌនៅក្នុងវត្តលក្ខរាជា ស្ថិតនៅក្នុងភូមិលក្ខរាជា ឃុំកំពង់ចក ស្រុករំដូលខេត្តស្វាយរៀងបាននិយាយដូចគ្នាថា ការស្លៀកបែបប្រពៃណីទៅទីវត្តអារាមនៅក្នុងពិធីបុណ្យទានប្រពៃណីជាតិខ្មែរ ដែលរួមមាន៖ អាវប៉ាក់ សំពត់ហូល ផាមួង ឬសំពត់ក្បាច់ធម្មតា គឺសក្តិសមបំផុតសម្រាប់នារីខ្មែរ មានភាពសមរម្យ ថ្លៃថ្នូរ និងស្រស់ស្អាត ដែលដូនតាបានបន្សល់ទុកតាំងពីយូរលង់ណាស់មកហើយ សម្រាប់បង្ហាញពីវប្បធម៌និងប្រពៃណីរបស់ខ្មែរ ។ បើតាមព្រះតេជគុណ យិន សារិន ព្រះ ចៅអធិការវត្តលក្ខរាជា ស្ថិតនៅភូមិលក្ខរាជា ឃុំ កំពង់ចក ស្រុករំដូល ខេត្ត ស្វាយរៀង បានមានសង្ឃដិការថា ពិធីសម្លៀកបំពាក់ហូលផាមួងតាមប្រពៃណីខ្មែរក្នុងឱកាសនេះជាឆ្នាំទី9ហើយ ក្នុងន័យឲ្យប្រជាពុទ្ធបរិស័ទ្ធទាំងអស់ជាពិសេសយុវវ័យខ្មែរគ្រប់រូប រួមគ្នាថែរក្សាតម្លៃ និងលើកកម្ពស់វប្បធម៌ប្រពៃណីរបស់ខ្មែរ ឱ្យនៅតែល្អផូរផង់តទៅមុខទៀត សម្រាប់កូនចៅជំនាន់ក្រោយ ហើយជៀសវាងការស្លៀកពាក់មិនសមរម្យខុសគន្លងនិងវប្បធម៌ខ្មែរ ។ សូមបញ្ជាក់ថា សម្លៀកបំពាក់ប្រពៃណីខ្មែរ មានទៅតាមសម័យកាលផ្សេងៗគ្នា និងកម្មវិធីខុសៗគ្នា ។ សម្លៀកបំពាក់ខ្មែរមានតាមប្រភេទកម្មវិធី ដូចជា ៖ សម្លៀកបំពាក់ក្នុងពិធីបុណ្យចូលថ្មីឆ្នាំប្រពៃ ណីជាតិខ្មែរ ពិធីអាពាហ៍ពិពាហ៍ ពិធីបុណ្យសព ពិធីបុណ្យភ្ជុំបិណ្ឌ និងពិធីសាសនាផ្សេងៗទៀតផងដែរ ៕អត្ថបទ,ភារម្យ

អភិបាលរាជធានីភ្នំពេញ និងអភិបាលក្រុងប៉ារីសជួបពិភាក្សាពង្រឹង និងពង្រីកកិច្ចសហប្រតិបត្តិការទ្វេភាគី

ភ្នំពេញ ÷ អភិបាលរាជធានីភ្នំពេញ និងអភិបាលក្រុងប៉ារីសជួបពិភាក្សាគ្នា និងប្ដេជ្ញាចិត្តរួមគ្នាក្នុងការពង្រឹង និងពង្រីកកិច្ចសហប្រតិបត្តិការទ្វេភាគីទាំងក្នុងក្របខណ្ឌទីក្រុង និងទាំងក្នុងក្របខណ្ឌសមាគម AIMF ឱ្យកាន់តែប្រសើរឡើងថែមទៀត ។នាព្រឹកថ្ងៃទី០២ ខែតុលា ឆ្នាំ២០២៤ ឯកឧត្តម ឃួង ស្រេង អភិបាលរាជធានីភ្នំពេញ និងជាអនុប្រធានអចិន្ត្រៃយ៍សមាគមអន្តរជាតិអភិបាលក្រុងប្រើប្រាស់ភាសាបារាំង AIMF បានអញ្ជើញជួបសម្ដែងការគួរសម និងពិភាក្សាការងារជាមួយលោកជំទាវ អាន អ៊ីដេហ្គោ អភិបាលក្រុងប៉ារីស និងជាប្រធានសមាគមអន្តរជាតិអភិបាលក្រុងប្រេីប្រាស់ភាសាបារាំងនៅរដ្ឋ ធានីប៉ារីស ប្រទេសបារាំង ។ក្នុងជំនួបនោះលោកជំទាវ អាន អ៊ីដេហ្គោ អភិបាលទីក្រុងប៉ារីស បានសម្តែងការស្វាគមន៍ និងថ្លែងអំណរគុណឯកឧត្តម ឃួង ស្រេង អភិបាលរាជធានីភ្នំពេញ និងគណៈប្រតិភូ ដែលបានអញ្ជើញចូលរួមក្នុងសន្នីសីទ AIMF និងកិច្ចប្រជុំការិយាល័យអចិន្ត្រៃយ៍ AIMF ។លោកស្រី ដោ សម្ផស្ស អ្នកនាំពាក្យសាលារាជធានីភ្នំពេញ បានឱ្យដឹងពីទីក្រុងប៉ារីសនៅព្រឹកថ្ងៃទី០៣ ខែតុលា ឆ្នាំ២០២៤ថា ក្នុងឱកាសនៃជំនួបសម្តែងការគួរសមនោះ ភាគីទាំងពីរក៏បានពិភាក្សាអំពីការអភិវឌ្ឍ និងការរីកចម្រើននៃទីក្រុងរៀងៗខ្លួន ព្រមទាំងបញ្ហាប្រឈមដែលមានលក្ខណៈដូចគ្នាមួយចំនួនរួមមាន បញ្ហាកកស្ទះចរាចរណ៍ និងបញ្ហាបរិស្ថាន។ល។លោកជំទាវ អាន អ៊ីដេហ្គោ អភិបាលទីក្រុងប៉ារីស បានចែករំលែកអំពីបទពិសោធន៍ និងយន្តការមួយចំនួនដែលទីក្រុងប៉ារីសកំពុងដោះស្រាយបញ្ហាប្រឈម រួមមានបញ្ហា ចរាចរណ៍ ទីក្រុងប៉ារីសបានជ្រើសរេីសយកការសាងសង់បន្ថែមនូវរថភ្លេីងលើដី នៅព័ទ្ធជ៉ំវិញទីក្រុងប៉ារីស ក្នុងគោលដៅកាត់បន្ថយការប្រើប្រាស់មធ្យោបាយផ្ទាល់ខ្លួនដែលធ្វើឱ្យកកស្ទះចរាចរណ៍ និងបំពុលបរិស្ថាន។លោកស្រី ដោ សម្ផស្ស បន្តថា ពាក់ព័ន្ធបញ្ហា បរិស្ថានការសម្អាតទន្លេសែន ឱ្យបានស្អាតគឺជាយន្តការចម្បងមួយក្នុងការកាត់បន្ថយការបំពុលបរិស្ថាន និងការកើនឡើងកម្តៅនៅទីក្រុងប៉ារីស។ ជាមួយគ្នានេះ លោកជំទាវ អាន អ៊ីដេហ្គោ អភិបាលទីក្រុងប៉ារីស បានលើកឡើងថា ទីក្រុងប៉ារីសបានកសាងនូវកន្លែងស្តុកទឹកភ្លៀងខ្នាតធំ ដើម្បីចៀសវាងការហូរចូល លាយឡំទឹកភ្លៀង និងទឹកស្អុយ នៅពេលមានធ្លាក់ភ្លៀងខ្លាំង។ក្នុងជំនួបនោះដែរ លោកជំទាវអភិបាលក្រុងប៉ារីសក៏បានអញ្ជេីញឯកឧត្ដម ឃួង ស្រេង និងគណៈប្រតិភូ ទស្សនាផ្ទាល់នៅស្ថានីយរថភ្លេីង ដែលទេីបតែសាងសង់រួចសម្រាប់ទទួលភ្ញៀវអំឡុងពេលព្រឹត្តិការណ៍កីឡាអូឡាំពិចផងដែរ។ ជាមួយគ្នានោះ លោកជំទាវអភិបាលក្រុងប៉ារីសក៏បានបង្ហាញពីគម្រោង"ភូមិ១៥នាទី " នៅសង្កាត់ទី១៥ នៃទីក្រុងប៉ារីស ដែលជាភូមិដែលប្រជាពលរដ្ឋចំណាយពេលវេលាត្រឹមតែ១៥នាទីពីផ្ទះរបស់ខ្លួនទៅសាលារៀន តំបន់ពាណិជ្ជកម្ម មន្ទីរពេទ្យ និងកន្លែងវប្បធម៌ផ្សេងៗ ។លោកស្រីអ្នកនាំពាក្យសាលារាជធានីភ្នំពេញបានបញ្ជាក់ទៀតថា ជាការឆ្លើយតបក្នុងឱកាសនោះឯកឧត្តម ឃួង ស្រេង បានសម្តែងការចាប់អារម្មណ៍ពីសារៈសំខាន់នៃគម្រោងនោះ ហេីយ ឯកឧត្ដម បានស្នេីសុំលោកជំទាវអភិបាលក្រុងប៉ារីស ដេីម្បីយកគំរូនៃគម្រោងមកសាកល្បងអភិវឌ្ឍរាជធានីភ្នំពេញក្នុងការផ្តល់ភាពងាយស្រួលដល់ការរស់នៅ និងអាចមានសេវាគ្រប់គ្រាន់បម្រេីឱ្យជីវភាពរស់នៅប្រចាំរបស់ប្រជាពលរដ្ឋនៅរាជធានីភ្នំពេញកាន់តែប្រសេីរឡេីងថែមទៀត។ ជារួមភាគីទាំងពីរបានបង្ហាញនូវការប្ដេជ្ញាចិត្តរួមគ្នាក្នុងការពង្រឹង និងពង្រីកកិច្ចសហប្រតិបត្តិការទ្វេភាគីទាំងក្នុងក្របខណ្ឌទីក្រុង និងទាំងក្នុងក្របខណ្ឌសមាគម AIMF ឱ្យកាន់តែប្រសើរឡើង៕អត្ថបទ ៖ ប្រាក់ វ៉ាន់ដា

ប្រជាពលរដ្ឋ ចាប់ផ្តើមជិះរថយន្តក្រុងរាជធានីភ្នំពេញ ត្រឡប់មកពីស្រុក ចូលភ្នំពេញ ដោយភាពសប្បាយរីករាយ

ភ្នំពេញ ៖ ប្រជាពលរដ្ឋ ដែលបានអញ្ជើញទៅលេងស្រុកកំណើត ក៏ដូចជាទៅលេងតាមតំបន់រមណីយដ្ឋាននានាទូទំាងប្រទេស ចាប់ផ្តើមជិះរថយន្តក្រុងរាជធានីភ្នំពេញ ត្រឡប់ចូលភ្នំពេញវិញហើយ ដោយសង្កេតឃើញពួកគាត់ប្រកបដោយភាពសប្បាយរីករាយ។បញ្ជាក់ប្រាប់ BTV នៅចំណតរថយន្តក្រុងវាលស្បូវ បងប្អូនប្រជាពលរដ្ឋ ដែលបានអញ្ជើញមកពីខេត្ត កណ្តាល ខេត្តព្រៃវែង និងខេត្តស្វាយរៀង បានប្រាប់ថា ពួកគាត់ពិតជាសប្បាយរីករាយណាស់ ដែលបានធ្វើដំណើរ ទៅលេងស្រុកកំណើត និងពីស្រុកកំណើត មករាជធានីភ្នំពេញវិញ ដោយបានជិះរថយន្តក្រុង ដែលមិនចំណាយថវិកាទេ ថែមទំាងបានទឹកផឹកទៀតផង។ ពួកគាត់បន្តថា បើពួកគាត់ធ្វើដំណើរតាមរថយន្តឈ្នួល ពួកគាត់នឹងចំណាយថវិកាច្រើន ផ្ទុយមកវិញបានធ្វើដំណើរតាមរថយន្តក្រុងបែបនេះ ធ្វើឱ្យពួកគាត់ បានសល់ថវិកាមួយចំនួន ទុកជូនឪពុកម្តាយ បងប្អូន និងទុកធ្វើបុណ្យទានផងដែរ ពិតជាអរគុណដល់រាជរដ្ឋាភិបាលខ្លាំងណាស់ ក្នុងនេះពួកគាត់ បានគោរពជូនពររាជរដ្ឋាភិបាល សូមឱ្យរាជរដ្ឋាភិបាល និងថ្នាក់ដឹកនាំទំាងអស់ មានសុខភាពល្អ ដើម្បីបន្តដឹកនាំប្រទេសជាតិឱ្យរីកចម្រើន និងមានសុខសន្តិភាពចំណែកអ្នកបើកបររថយន្តក្រុង២រូប បានប្រាប់ដែរថា ពួកគាត់ក៏សប្បាយរីករាយដែរ នៅពេលបានដឹកបងប្អូនប្រជាពលរដ្ឋទៅលេងស្រុកកំណើត និងត្រឡប់មកភ្នំពេញវិញ ប្រកបដោយទឹកមុខសប្បាយរីករាយ ក្នុងនេះពួកគាត់ បានស្តាប់ពលរដ្ឋ ជជែកគ្នាលើរថយន្ត ដោយសរសើរចំពោះការដឹកនាំ និងការគិតគូររបស់រាជរដ្ឋាភិបាល ក្នុងនេះពួកគាត់ បាននាំគ្នាអរគុណដល់រាជរដ្ឋាភិបាល ដែលបានផ្តល់រថយន្តក្រុងឱ្យពួកគាត់ធ្វើដំណើរដោយមិនចំណាយថវិកាផងដែរ ហើយពួកគាត់ពេញចិត្តចំពោះការងារមួយនេគួរបញ្ជាក់ថា រាជរដ្ឋាភិបាល តាមរយៈសាលារាជធានីភ្នំពេញ បានដឹកជញ្ជូនប្រជាពលរដ្ឋ ដោយមិនយកថវិកា មានរយៈពេល៦ឆ្នាំ ដោយចាប់តំាងពីថ្ងៃទី២៩ខែកញ្ញា ដល់ថ្ងៃទី៤តុលា ដូចនេះបងប្អូនប្រជាពលរដ្ឋ នៅមានឱកាសជិះរថយន្តក្រុង ត្រឡប់មករាជធានីភ្នំពេញ នៅថ្ងៃទី៤តុលា ស្អែកមួយថ្ងៃទៀត ហើយការជិះរថយន្តក្រុងនេះ បងប្អូនប្រជាពលរដ្ឋ មិនមានការចំណាយក្នុងការធ្វើដំណើរទេ ហើយក៏មានទឹកសុទ្ធសម្រាប់ទទួលទានផងដែរ៕ផលិត គង់ រ៉េន

រយៈពេលពីរថ្ងៃ អ្នកទេសចរទៅទស្សនាប្រាសាទអង្គរ ក្នុងពិធីបុណ្យភ្ជុំពីរថ្ងៃភ្ញៀវទស្សនារមណីដ្ឋានអង្គរ ជាង៩ម៉ឺននាក់

សៀមរាប ÷ យោងតាមរបាយការណ៍ របស់នាយកដ្ឋានអភិវឌ្ឍន៍ទេសចរណ៍ និងវប្បធម៌ នៃអាជ្ញាធរជាតិអប្សរា បានបង្ហាញថា ក្នុងរយៈពេលពីរថ្ងៃនាភ្ជុំបិណ្យ ដោយចាប់ពីថ្ងៃទី០១ដល់ថ្ងៃទី០២ខែតុលាឆ្នាំ២០២៤នេះ មានភ្ញៀវទេសចរជាតិ និងអន្ដរជាតិ ជាង៩ម៉ឺន៣ពាន់ បានទៅទស្សនាក្នុងពិធីបុណ្យភ្ជុំ ក្នុងនោះអ្នកទេសចរអន្ដរជាតិជាង២ម៉ឺន៥ពាន់នាក់។ រយបាយការណ៍បានបន្ថែមថា នៅថ្ងៃទី០១ខែតុលាឆ្នាំ២០២៤ មានអ្នកទេសចរសរុបចំនួន៣៧ ១១២នាក់ ក្នុងនោះ មានភ្ញៀវទេសចរជាតិចំនួន ២៥ ០៥៤ នាក់និងភ្ងៀវទេសចរបរទេស១២ ០៥៨នាក់។ដោយឡែកនៅថ្ងៃទី០២ត្រូវនឹងថ្ងៃបុណ្យភ្ជុំមានអ្នកទេសចរទៅទស្សនាប្រាសាទអង្គរមានចំនួន៥៦ ៣២២ នាក់ ក្នុងនោះអ្នកទេសចរជាតិ មានចំនួន៤៣ ០២៣ នាក់ភ្ញៀវទេសចរអន្ដរជាតិមានចំនួន១៣ ២៩៤នាក់។

បណ្ដាញសង្គម

ព័ត៌មានថ្មីៗ

ប្រធានាធិបតីអាមេរិក និងអ៊ីរ៉ង់ ចុះហត្ថលេខាលើកិច្ចព្រមព្រៀងឈប់បាញ់ ប៉ុន្តែលោក Trump ថា នៅតែអាចបន្តការវាយប្រហារបាន

សង្រ្គាមបានលួចពហុកីឡដ្ឋានតំបន់ហ្កាហ្សា ប៉ុន្តែមិនអាចលួចក្តីស្រលាញ់ការប្រកួតបាល់ទាត់បានទេ

ក្រុមមេដឹកនាំ G7ជួបជុំគ្នានៅថ្ងៃចុងក្រោយកិច្ចប្រជុំកំពូលក្នុងប្រទេសបារាំង

មេដឹកនាំ G7ពិភាក្សាលើការគ្រប់គ្រងប្រព័ន្ធ AI ជាមួយប្រធានបច្ចេកវិទ្យា ក្នុងកិច្ចប្រជុំកំពូលនៅបារាំង

លោកប្រធានាធិបតី Aoun និយាយថា លីបង់មាន «ផ្លូវឯករាជ្យ» ក្នុងការចរចាជាមួយអ៊ីស្រាអែល

មេដឹកនាំអាស៊ានធ្វើដំណើរទៅដល់ទីក្រុង Kazan ដើម្បីចូលរួមកិច្ចប្រជុំកំពូលរុស្ស៊ី-អាស៊ាន

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានជាតិ

ពលរដ្ឋ កំពុងសម្រុកចេញទៅភ្នំពេញតាមរយៈរថយន្តឧបត្ថម្ភដោយរាជរដ្ឋាភិបាល

សម្ដេចធិបតី ហ៊ុន ម៉ាណែត ចេញសេចក្តីសម្រេចបង្កើតគណៈកម្មការរៀបចំដង្ហែអង្គកឋិនទាន ទៅកាន់វត្តខ្មែរក្រោម

សម្តេចធិបតីផ្ញើសារអគុណជនរួមជាតិដែលបានចូលរួមកាន់បិណ្ឌ ភ្ជុំបិណ្ឌប្រកបដោយភាពអធិកអធមក្រោមម្លប់សន្តិភាព

សម្តេចធិបតី ហ៊ុន ម៉ាណែត ជូនពរបងប្អូនជនរួមជាតិធ្វើដំណើរត្រឡប់ពីស្រុកកំណើត ប្រកបដោយសុខសុវត្ថិភាព

អភិបាលរាជធានីភ្នំពេញថ្លែងអំណរគុណ AIMF ដែលតែងតែផ្តល់ការឧបត្តម្ភគាំទ្រចំពោះភ្នំពេញតាមរយៈគម្រោងនានា

អ្នកប្រពៃណីជាតិនិយមអំពាវនាវរួមគ្នាស្លៀកសម្លៀកបំពាក់ប្រពៃណីខ្មែរក្នុងរដូវបុណ្យទានឲ្យបានគ្រប់គ្នា

អភិបាលរាជធានីភ្នំពេញ និងអភិបាលក្រុងប៉ារីសជួបពិភាក្សាពង្រឹង និងពង្រីកកិច្ចសហប្រតិបត្តិការទ្វេភាគី

ប្រជាពលរដ្ឋ ចាប់ផ្តើមជិះរថយន្តក្រុងរាជធានីភ្នំពេញ ត្រឡប់មកពីស្រុក ចូលភ្នំពេញ ដោយភាពសប្បាយរីករាយ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានជាតិ

ពលរដ្ឋ កំពុងសម្រុកចេញទៅភ្នំពេញតាមរយៈរថយន្តឧបត្ថម្ភដោយរាជរដ្ឋាភិបាល

សម្ដេចធិបតី ហ៊ុន ម៉ាណែត ចេញសេចក្តីសម្រេចបង្កើតគណៈកម្មការរៀបចំដង្ហែអង្គកឋិនទាន ទៅកាន់វត្តខ្មែរក្រោម

សម្តេចធិបតីផ្ញើសារអគុណជនរួមជាតិដែលបានចូលរួមកាន់បិណ្ឌ ភ្ជុំបិណ្ឌប្រកបដោយភាពអធិកអធមក្រោមម្លប់សន្តិភាព

សម្តេចធិបតី ហ៊ុន ម៉ាណែត ជូនពរបងប្អូនជនរួមជាតិធ្វើដំណើរត្រឡប់ពីស្រុកកំណើត ប្រកបដោយសុខសុវត្ថិភាព

អភិបាលរាជធានី​ភ្នំពេញថ្លែងអំណរគុណ AIMF ដែលតែងតែផ្តល់ការឧបត្តម្ភគាំទ្រ​ចំពោះភ្នំពេញ​តាមរយៈគម្រោងនានា

អ្នកប្រពៃណីជាតិនិយមអំពាវនាវរួមគ្នាស្លៀកសម្លៀកបំពាក់ប្រពៃណីខ្មែរក្នុងរដូវបុណ្យទានឲ្យបានគ្រប់គ្នា

អភិបាលរាជធានីភ្នំពេញ និងអភិបាលក្រុងប៉ារីសជួបពិភាក្សាពង្រឹង និងពង្រីកកិច្ចសហប្រតិបត្តិការទ្វេភាគី

ប្រជាពលរដ្ឋ ចាប់ផ្តើមជិះរថយន្តក្រុងរាជធានីភ្នំពេញ ត្រឡប់មកពីស្រុក ចូលភ្នំពេញ ដោយភាពសប្បាយរីករាយ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

អភិបាលរាជធានីភ្នំពេញថ្លែងអំណរគុណ AIMF ដែលតែងតែផ្តល់ការឧបត្តម្ភគាំទ្រចំពោះភ្នំពេញតាមរយៈគម្រោងនានា